|
السلااام عليكم..
مرحبااا غنووجه>>مثل العاده فيس مشتهي بااباا غنوج..هخهخهخه اقوول حلوو الجزء اللي نزل ..تدرين وش احلى شي فيه ؟؟انتس على طوووول دخلتي بالعقده وهي سالفه بداح والريم.. اتووقع مثل ناقوالوا البنات ان سبب الحال اللي فيها ريم ياعين ياا سحر الله يحفظنا ياارب .. بس من المتسبب هل هو شخص يبي الريم والا وحده تبي بداح؟؟؟ شكل بداااح يمووت فيها ومستحيل يتخلى عنها بسهووله.. والعنواااااااان خاااااااص ببداح لان الريم تصده بس هوو مصر عليها.. تدرين حتى لو مابغيت اقرأ القصه عنواانها يجبرني اقراها.. اعشق هالقصيده واموووووووت فيها بصوت راعيها ابن فطيس.. اتمنى تكوون القصه بمنتهى العذووبه والجمال مثل اللي مسينمه عليها واتمنى انتس يااا غنووجه تلاامسين مشااعرنا بهالقصه مثل ماا راعي القصيده يلامس مشااعرنا بعذوووبة قصيده.. الريم .. شكل الكل يحبها لها علااقة قوويه بشيخه .. وشيخه شكلها بنت اخوها فالح موو؟؟ يعني فهد مو متزوج وعشان كذاا بزوجه للجازي..هخهخهخهخه اتوقع ان فهد يبي يكلم الريم بسالفتها مع بداح يعين ماصاارت اسبووعين وللحين قاعده عند اهلهاا واتوقع ان الكل راافض انها تنفصل عن بداح..ويمكن خطتها هذي بتضر بفهد والجازي لو كانت مسميه له.. اما قموز هذي عجزت صراحه انطق اسمها يااغنوجه..هو اسم والا ودلع؟؟؟ يعني وضحيه اكثر وكيف ننطقه هو بتشديد الميم والا ينادونها اقموز. ؟؟ يعني اقترح حدنا على البر يتم تغيير اسمها عشان اللي مثلي وشروااي يقدرون ينطقونه..>>فيس يتشرط.هخهخهخهخه لاا عاد يااقلبي بس احب انتس تووضحين لي الصووره الصحيحه لنطقه و وش معناة. ؟؟ لايكون بعد معناه الغزال والا الظبي؟؟؟؟؟؟>>فيس مل من هالسيره كل اسم لصقوا معناة بالريم والمها والغزال والوضيحي.... غنووجه>>فيس رجع برضووه يشتهي بابا غنوج..هخهخهخه الجزء ترى قصير ايه خلينا نكون واضحين.. الجزء قصير وتحسين ان مافيه احداث تذكر.. لاتزعلين بس لازم تتعوودين على هالنقد.. مو امتي من رواده واللي يحبون يقولون لكل كاتبه تقرأ لها الجزء قصير والا انا غلطانه؟؟هخهخهخهخهخه اقوول غنووجه ياليت يااقلبي لوو يكون فيه وصف ادق للتفاصيل ما اقووول وصف دقيقي جدااا بس يكون فيه وصف يبين لنا مكان الحدث.. شعور الشخصيه.. يعني هالاشيااء الصغيره بس اللي تأثر بالقصه تاثير ايجابي.. مشكوره قلبي وبانتظااار الجزء القاادم بكل شووووق. اذا الله احيانا. فلا تتركين انتظارنا يطووووووووووول.. |
السلام عليكم
الف مبروك غنوجه على روايتك الجديده اتمنى انك تتوفقين وتكملين من البدايه لنهايه احداث الروايه العنوان رائع ينبئ عن احداث قويه بين الابطال الحمدلله ان الكاتبات بدن يكتبن عن الواقع بصدق مشاكل تصاف الاسر البسيطه اكثر الروايات وصف للقصور والسيارات والماركات الي تلبسها البطلات ويبعدن عن الجوهر ريم ومشكلتها مع بداح وسبب الفراق الي بينهم ننتظر ونشوف |
(قموز)اسم دلع الاسم (قمزه)بضم القاف وضح نطقه والا اغيره البارت الثاني(2) في قسم محمد نوره وهي جالسه ع طرف السرير تسأل رجلها:محمد بداح ماكلمك عن موضوعه هو والريم محمدوهوقدام المرايه:لاياعيون محمد نوره:طيب الريم تبي الطلاق محمد يلف عليها بسرعه: ويش ذا الحكي نوره بخوف من عصبيته: مدري هذا اللي تقوله محمد طلع من غيرلايكلمها @@@@@@@@@@@@@ ...:مرحبايابوك وشلونك عساك طيب سالم:والبقا بخيرجعلك بخير فالح:متاك بتاتي جدتك مشتحنتن عليك سالم:قريب نفداك اخرالشهر بجيكم فالح:هامنيب قايلهم سوها مفاجأه سالم:ههه ماظني اني بسكت @@@@@@@@@@@@@ دخلت البيت وهي طربانه وتغني حبك قتلني محمد ياعيوني ياحمودي لا اكل ولااشرب ودموعي فوق خدودي استاا وقفت ماقدرت تكمل يوم شافت شباب ثنين جالسين في الصاله واحد داق الحمدانيه وكان يتبسم والثاني لابس كاب وميييت من كثرمايضحك عليهاوهي تسوي حركات يقال لي متأثره الاالريم طالعه من المطبخ وتشوفها:سويره وجدري تغطي ساره لفت طالعت عمتها وبعدين طالعت العيال ونزلت دموعه وركضت لعمتها وحضنتها وبكت الريم:السوري وش فيس احد قايلس شي ساره وهي تبعد من حضن عمتها ماكانوا مبينين على اللي في الصاله:خفت شفت عيال في الصاله ماعرفهم وشكيت في نفسي انا داخله بيت غلط وضحى وهي نازله على الدرج :وش فيس يالدلوعه الريم:مافيهاشي دخلت وشافت عيال منيره في الصاله ولاعرفتهم وتروعت وضحى:يااااامتي منس الاروعتيهم ماصدقتي على الله شفتي الشباب الحلوين في البيت ساره:ايه خبرس في بيتنافقر شباب مافيه غيرذا البزران وبعد ابوحمدانيه شكله ثقل الثاني ابوكاب فللللللله الريم وهي تشوف ساره وتقرص عيونها:سويره ماحلاس متروعه الاقدس قازتهم ساره:عموه العب عليس دموعي كانت دموع فرح يوم شفت ذا المزايين وضحى وهي تقرصهافي يدها بمزح:اعقبي يمال اللسنه ساره رقت مع الدرج وهي تضحك @@@@@@@@@@@@@ عند الشباب في الصاله سعود:اسكت فضحتنا تركي وهويمسح دموعه :والله انهانكته سويره سعود:وش دراك انهاسويره تركي:يعجبني ذكائك ياسعيدان هي اكبربنات خوالي الباقيات صغار وضحى وهي داخله عليهم تضحك :روعتكم طويره تركي:عادها خبل ماتغيرت الاليش ماسلمت سعود يخزه:حلاتك ساكت البنت اكيد تستحي وضحى:اماسويره تستحي تركي:قوليله ياوضوح خابرها انا كل ماكلمت جدوه الاصوتها يلعلع @@@@@@@@@@@@@ في الليل كان في بيت ابوفالح عشا لعيال بنته منيره (منيره متوفيه من 7سنين بمرض السرطان) في غرفة وضحى قاعدين البنات ساره والجازي وقمزه ووضحى كانت تسولف عليهم بسوالف تركي وسعود قمزه:تكفين ياوضوح من هي سيارته الرنج الاسود اللي في الحوش الجازي:لاا بعد ولوحته فز قلبي يوم شفتها وضوح :صدا منكن وش بلاكن ذي سيارة سعود قموزتنط على وضحى:فديتس ياوضوح زوجينيه انامن شفت السياره فز قلبي ساره وهي تصارخ: قصدس راشد بن زايد آه ياراعي الرنج وضحى وتمثل انها تبكي:لا لا ليش حظي كذا راعي الرنج ولد اختي توني انتبه قموز:عندي كنه عندس زوجيه صديقتس يرضيس اني اعنس عمري 21سنه للحين مااعرست ساره:ياسلام عليس اناخاقتن عليه قبلس وبعدين عموه منيره موصيه اني اخذ راعي الرنج الجازي:لاخلنه لي ماحبيت قطر الا منه وضحى بنظرات تبي تنقدهن على انفسهم:صراحه طحتن من عيني اول مره ادري بتشفاحكن على العرس وبعدين ترى تركي احلى وهي تغمز لساره @@@@@@@@@@@@@ عند الشبـاب فهد :يالله حي الشباب سعود:الله يبقيك فهد:وشلون ابوانك سعود:طيبين وبخيرومودعينا بالسلام عليكم فهد:الله يسلمهم تركي:اقول يالخال وش علوم سلوم ادق عليه مقفل فهد:طيب وبخير توني مسكر منه قبل ساعه تركي:اناداق تلفونه مقفل فهد:يوووه غير رقمه هاك اخذه ويحذف عليه التلفون @@@@@@@@@@@@@ في الليل في غرفة الريم وضحى:وش عنده فهيدان بارز بس ساره:اوه في برزه مادريت بها وش محتواها الريم:محتواها مالس خص فيه انتي وياها ساره:معليه معليه ياخبربفلوس بكره ببلاش وضحى:صادقه سويره ساره:لالالا يرحم ابوس لاتقولين سويره احسس تسبيني وضحى وهي تغمزلها:أأأأ ترى ترروكي يسميس سويرره ساره وهي تقلب عيونها وتطلع من الغرفه وهي تقول:الله يعطيس العقل الريم ووضحى ضحكوا عليها @@@@@@@@@@@@@ في بيت ابوبداح ابوبداح:حاكيتي الريم ام بداح:لاوالله ماقدرت القابله بنتعشى عندهم وبحاكيها ابوبداح:والله انه مغبني حالهم ام بداح:هقوتي مافيهم الانفس ابوبداح من بعد فتره وهوسارح بهوجاسه:والله لايكون مزعلها ان اسود عيشته هويحمد ربه ان بنت سالم حليلتن له @@@@@@@@@@@@@ الريم وهي منسدحه على سريرها ورايحه لعالم ثاني ((ام فالح:ترى ابوس سعد خطبس لبداح ولده الريم ردت بعبره:يمه لا مابي ام فالح:وليه وش قومه ولدعمس واتعرفينه بيقدرس ويحترمس الريم:طيب واذا انا ماابيه ام فالح:الله لايبيس تردين عمس الريم:بس انا ام فالح:لابس ولاشي مالس الابداح)) |
مرحبا غنوج
اهلا بك بين كوكبة كتاب ليلاس بصراح مابعد قراءت شئ بس لفتني غرابه اسماء ابطالك يارب تكون روايتك متميزه مثل تميز اسمائك لي عوده بعد لقراءه لك كل الود |
السلام عليكم و رحمة الله اهلااا غنوجه شكرا على البارت بس خلص بسرعه <<< طماعه تعرفنا شويه على البنات و الشباب موقف ساره محرررج و الشباب ما قصروا هههه :uJl04657: انا كمان عجبتنى السياره الريم و بداح ... لسه ما وضح سبب الخلاف يا دوب الريم بدأت تتذكر إلا و خلص البارت بإنتظارك مع بارت طويل و ان شاء الله اقرأه اول واحده <<< لانى قاعده فى الصف الامامى ههههه دمت بكل حب :flowers2: |
| الساعة الآن 04:51 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية