|
وانقلبت الموازين
الجزء الاول
في المستشفى وبالتحديد في قسم الطوارئ الجوري:عمي محمد انته كله تصيح العم محمد(وفي خاطره):اه يا بنيتي لو تدرين بالحمل الي حملتني اياه امج سمعت الجوري حشره وصراخ بالغرفه الي على يمين غرفه امها..واشتغلت اللقافه عندها وراحت الغرفه الي يم غرفه امها وشافت ولد ريله اليمين مجبسينها وحاشر الغرفه راحت عنده ومن غير احم ولا دستور قامت تصارخ عليه :انته ليه تسوي فوضى.صوتك واصل لغرفه ماماتي ..واهي مريضه بقق ناصر عيونه ويبي يقوم ويكفخها لولا انه ابوه يوده وجوري ولا على بالها ..بس اول ما لفت راسها صوب اليمين شافت واحد معصب ويسوي حركات غريبه بيده ..اخترعت المسكينه وركض بره الغرفه ..وعلى طول انخشت ورى العم محمد..والعم محمد ولا بالدنيا قاعد يدور حل للي هو فيه. لفت جوري راسها لصوب اليسار وشافت ولد فرحان وابوه حاضنه ويقوله :امك يابت بنيه مثل القمر راحت ركض صوبهم وطبعا من غير احم ولا دستور..قالت للريال:عمي ودني داخل ابي اشوف النونو الصغيره الريال استغرب منو هاي ومن وين يت ..كان يبى يرد بس ولده قال:روحي قولي للدكتور يعطيكم واحد ..ولف راسه صوب الولد الي واقف حذاه وخذي وياج سعود..لانه حتى هو ما عنده نونو صغير لفت راسها صوب سعود..شافته سافهم قاله ابوه :الله يهداك يا سالم شو يعطيها الدكتور ..ولف راسه صوب البنيه وقالها:وين ماماتج حبيبتي الا يسمعون صرخه قويه من الغرفه الي بالوسط ..وتركض جوري ..وتشوف عمها محمد يصرخ ويقول:لا حول ولا قوة الا بالله ..ان لله وان اليه راجعون جوري لمن شافت الموقف قامت تصرخ بصوت عالي وتثقول للدكتور هات امي ابي اكلمها..هي قالتلي انا ما بخليج .بكون وياج دوم ..واللحين راحت مثل باباتي ام ناصر وبو ناصر كانوا طالعين مع عيالهم رايحين البيت ..لمن شافوا البنيه الي يت عندهم تصيح وتقول ابي امي .يبولي امي.. ركضت لها ام ناصر وقامت تحضنها وتهديها وسمعوا العم محمد يقول:يا رب انا مب قد هذه الامانه يارب انا بروحي مب قادر اصرف على عمري ..فاشلون اصرف على هل الصغيره..يارب وين اوديها ..يارب سترك ابو ناصر اول ما سمع كلامه راح لعنده وقاله:ياريال اذكر ربك وقول لا حول ولا قوه الا بالله العم ناصر:لا حول و قوة الا بالله..يا الله يا امينه وين اوديها اللحين..وهي مالها حد بالهدنيا ..وانا ريال عايش بالغرفه الي بالمسيد :اشلون اخليها وياي قامت ام ناصر وقالت:انا باخذها وياي ناصر قال :اشلون في هذا الممر تجمع الحزن والفرح معا.اناس فرحون بقدوم فردا جديد..واناس يبكون لمغادره شخص عزيز..هي الدنيا الجوري:9 سنين ناصر:12 سنه سالم 12 سنه زياد:11 سنه ________________________________________ الجزء الثاني ناصر(وفي خاطره) اكيد امي مب مستوعبه الي قاعده تقوله ..عيل احنا بناخذ هذه ام كشه ويانا ..اكيد بيتنا بيدمر هذه ملسونه راحت ام ناصر لعند بو ناصر وقالتله:طلبتك يا بوناصر ناخذها ويانا .تراها يتيمه ..والرسول عليه الصلاه والسلام قال:انا وكافل اليتيم بالجنه ابو ناصر هز راسه بالموافقه هو وايد يثق براي زوجته ..راح بو ناصر عند العم محمد وقاله:يا عم محمد اذا ما عليك امر بمرك باجر باخذ اوراقها الثبوتيه..بس يا عم اهي ما عندها اهل رد عليه العم محمد:والله يا ولدي ابوها كان وحيد امه وابوه وتوفى من شهرين ..وامها هنديه يعني مالها احد اهني بوناصر ما استغرب انه تكون امها هنديه لانه ملامحها يبين انها خليط وفي الزاويه الثانيه من الممر كان بو سالم يسمع الي يقولونه..وراح لعندهم وقال لبو ناصر..الله يجزاك الجنه ..الله الله باليتيمه تراها امانه وقاله ..هذاك ولد اخوي سعود توفوا اهله في حادث من سنتين واهو عايش ويانا قاله ابو ناصر :اصيل يا بو سالم سعود كان يسمع كلامهم ..وكان يبتسم ابنسامه استهزاء ويقول في خاطره:الله يا عمي لو تعرف مرتك شنو قاعده تسوي فيني .كان تمنيت انك عقيتني بدار الايتام اما جوري ضلت حاضنه ام ناصر وتقولها..ابي امي قالتلها ام ناصر .يا حبيبتي راح تعيشين ويانا وراح اكون مثل امج قالت جوري:اشلون اعيش وياكم قالتلها ام ناصر :يعني ما تبيني اكون امج اليديده..امج اللحين بالسما وقاعده تطالع عليج وتباج تدعيلها بكل صلاه قالتلها جوري:ليه راحت عني .انا وايد احبها قالت ام ناصر:واهي بعد وايد تحبج...حبيبتي ماما كانت وايد تعبانه.. اهي اللحين ارتاحت وصارت مب مريضه قالتلها جوري:اها..انتي وايد حلوه..يعني ما بنرد بيتنا الاولي .والي بالحاره ما بينادوني بنت الهنديه قالت ام ناصر:والله ما الحلوه الا انتي ..شوفي شعرك اشلون طويل ..ما شاء الله...عيل لمن تكبرين وين راح يوصل وطبعا الاخ ناصر قاط اذنه عندهم ولمن راح عند اخوه قاله :بالله عليك هذه وين حلوه..انت بس طالع الكشه ولا الملابس الوصخه..وامي تقولها انتي حلوه ..والله سالفه اما اخوه زياد قاله :خل نمشي البيت ..تعبان قاله ناصر:هذا الي قدرت عليه جوري لمن شافت زياد اشلون يحرك ادينه في ويه اخوه خافت ..وخبت راسها بحضن ام ناصر قام ابو ناصر وقال: مشينا يا عيال وافترقوا الجماعه بعد ما اخذ بوناصر رقم بو سالم جوري طبعا كانت تمشي يم ام ناصر واول ما وصلوا لعند السياره فرحت جوري وقالت :الله سيارتكم عوده ضحكوا عليها زياد وناصر واول ما وصلوا البيت ..وكان بيتهم متكون من طابقين .وكان اثاثه مره راقي ام ناصر نادت على عيالها الباقين تبى تعرفهم بالضيفه اليديده قالت ام ناصر لجوري:جوري حبيبتي هذه ميعاد اكبر عنج بسنتين .واما هذه جمان دلوعه العايله جوري لمن شافت نظرات ميعاد خافت منها وايد..ميعاد كانت تتطالع عليها بنظرات حقد وغيره اما لمن شافت جمان تخبلت عليها ..كانت وايد صغيره خافت تشيلها ام ناصر قالت للخدامه روحي رتبي الغرفه الي يم غرفه ناصر طبعا ناصر شوط وقال :اشلون ميعاد:10 سنين(طبعا تستغربون اشلون واهي اكبر عن جوري بسنتين..لانه ام ناصر اهي قدرت عمر جوري وما كانت تعرف عمرها الحقيقي) الى لقاء قريب..باذن الله ________________________________________ [/SIZE][/COLOR][/SIZE][/COLOR][/SIZE][/COLOR][/SIZE][/COLOR][/SIZE] |
________________________________________ الجزء الثالث الجوري: قاعده جدام المرايه وتكلم نفسها..والي يشوفها يقول هذه هموم الدنيا فوق راسها..يا الله منو يصدق انه صارلي اللحين 14 سنه وانا في هذا البيت ..الله يرحمكم يا بو ناصر ويا ام ناصر ..ويغمد روحكم الجنه اللهم ارحمهما رحمه واسعه وتغمدهم برحمتك , اللهم أرحمها فوق الأرض وتحت الأرض ويوم العرض , اللهم قهما عذابك يوم تبعث عبادك , اللهم أنزل نورا من نورك عليهما , اللهم نور لهما قبرهما ووسع مدخلهما وأنس وحشتهما , اللهم وأرحم غربتهما وشيبتهما , اللهم أجعل قبرهما روضه من رياض الجنه ... سمعت حد يصرخ ..طالعت ساعتها وشافتها 11 وعرفت منو الي يصرخ ..وضحكت وقالت :الله يعينك على ما بلاك يا ناصر ..نصحتك بس انت ما ادري شو مشكلتك معاي .لازم تعاندني حتى في قراراتك المصيريه لازم تسويها عكس ما اقولك.. طنشت ناصر وقعدت تدعي بسرها انه الله يعينها على القرار المناسب ...وقالت وينك يا الي كنت تنصحني وكنت كاتك اسراري ...سافرت وخليتني زوحه على ورق... ناصر... بابا يله نطلع نمشي تراني ملان من الصبح واطالع التلفزيون.... ياربي منج يا سوير يننتيني يبتيلي المرض ...جم مره قالتلها ودري عنج الهياته ..تراج مره متزوجه وعندج ولد لكن شو نقول هذا الي ياخذ اختيار ميعاد الله يسامحج يا ميعاد بس.. اكيد تسالون ليه انا محتشر ..انا من خذيت ساره وانا كاره عمري ..انا من قالي ما اخذ شور جوري لمن قالتلي ترى ساره ما تناسبك..عاد انا اول ما سمعت هذه الجمله على طول قلت لميعاد ...انا موافق على ساره وبعد الملجه يوم الخميس....بس جذي احب اعاندها يا ناس ما حد فاهمني .... بابا خل نمشي قبل ما يسكرون المجمع..يا ربي صاير بيبي ستر على اخر عمري..والله يا ساره لولا يمان جان انا من زمان موصلنج لبيت اهلج..افف بس شو نسوي ما كو غير نسكت هذا الصياح ميعاد.. الله واكبر منج يا سوير ..خلاص يا ناس مب قادره احس بريولي ..صارلنا ساعتين واحنا نمشي والاخت ولا على بالها...اشحتها خل نشرب شي وهي الا وراسها الف سيف الا وتخف وزنها..من متنها حد يسمع ساره :وي ناصر متصل ..لحقي علي ميعاد ...شو يسكر فم اخوج اللحين ميعاد:ليه انتي مب قالتله انك بتطلعين اليوم ساره:حلفي انتي بس ..منو الي قام الصبح وقال نفسيتي تعبانه ..خل نغير جو ميعاد:اقول سيري بيعي دانجو سالم: انا ما ادري ليه ناصر متزوج كله فوق راسي يله نطلع نمشي يمان ...جني انا بعد ابوه ناصر:ساعه لحد ما ترد سالم:يا اخي ناس يا دوبها صاحيه من الرقاد.. ناصر:اي وش عليك انت ..مب المدام والعيال بايتين بيت الاهل .. سالم:احسدني ..لالا احسدني ناصر:وشو الفرق بين الاثنين سالم: انت وايد متفيق..شو تبى اللحين ...قول ناصر:يله سير بدل بسرعه ...سايرين نهيت .. سالم:انا ابي افهم ابوي ليه باع بيتنا الاولي ويابنا نسكن عندكم ناصر:اقول ..قم بس سعود: شفت سالم طالع ..هذا اكيد ناصر يباه يطلع معاه...والله ناس فاضيه ..لا شغله ولا مشغله طبعا سمعت الاخت ريم محتشره على الشغاله..وهذه كله معصبه وتتضارب ... ريم:نعم اخ سعود ..اي مشكله سعود:... ريم:الحمد لله على نعمه العقل بس وانا طبعا اخذت نفسي وطلعت ..هذا الناقص ارد عليج ..احسن شي اسويه اسير شغلي ريم:ما ادري ليه انت على السايلنت دايما جهان: يا ربي تاخرت جوري كل هذا تغسل ويها..احسن اسير واشوفها..وطبعا مثل ما توقعت قاعده تبجي ..من توفى ابوي وهي كله تصيح ..وااايد احبها..احسها امي .. جمان:جوري قومي تريقي وياي جوري:وي فديت الويه يا ربي ..على الله يعطيني العمر واشوفج عروس يا جمان جمان:جوري شو هذه الدعاوي ..قولي تشوفيني وانا متخرجه ...تو الناس عن الزواج ومشاكله ..بسنا ناصر وسوير.. جوري:ضحكت على جمله جمان..شكله كل الي بالبيت تعقد من الزواج بسبه ناصر وساره الا سمعنا صوت حد يقول لحقوا علينا.. ركضنا انا وجمان بره الغرفه نشوف شو صاير..الا ناصر ماسك رجل ولده ويصرخ .. قلتله:ناصر شو فيه يمان ناصر:.... وي ويش فيه هذا اكلمه ولا يرد جمان قالتله على طول ويش فيك كذا تتطالع البنت..طبعا هي قالت الجمله هنا ..وانا ركض للغرفه ..اكتشفت اني مب لابسه شيله..استغفر الله يارب..هذه اول مره اطلع جذي جدامه.. ناصر.. ما حد يكلمني ..انا من بعد ما شفت جوري ضاعت علومي..استغفر الله..استغفر الله ..عاد مب عيون يا اوادم عليها.. الله يغربل ابليسك يا يمان خبلتبي..اقوله لا تركض ..والاخ ولا على باله طالع على امه .كله يسفهني..الا واشوفه طاح..بيني وبينكم ...دواه عيل ليه ما يسمع كلامي ..جني اخوه الصغير جمان:قوم خل نوديه المستشفى ..شكله متعور جوري:خل نوقف النزيف اول ...طالعت على ناصر وقالت :سيري يبي كركم ناصر:هذه متى يت ..بس اول ما سمعت شو قالت ناصر:اشلون |
السلاام عليكم..
للحين ماقريت الاجزاء اللي نزلت بس حبيت ارحب فيتس معنا هنااا.. ومن شفت القصه امارااتيه قلت مايحتاج اكيد انها بتكون رووعه..مرحباا فيتس اختي بمنتدانا وبكوكبة كاتباتنا المبدعات..وباذن الله بتلقين التشجيع اللي بتستانسين فيه.. لي عوده باذن الله بعد قرايه الاجزاء.. بالتوفيق قلبي.. |
السلام عليكم ورحمة الله وبركاته
اهلا وسهلا بك عزيزتي كاتب يسعدنا انضمامها لكوكبة كتاب ليلاس المميزين ولي رجاء خاص لكي اتمنى ان ارى حماس حتى نهاية القصة ولا اجد القصة يوما في رفوف القصص المهملة التي امتلأت تماما واتمنى أن اراها في رفوف المكتملة تنتظر عشاق السطور الراقية لاعلق على احداث القصة جوري حلوةفكرة القصة كافل اليتيم واجره عند ربه والجوري ورائها سر ولا زالت الاحداث حولها مبهمة اكثر شيء اعجبني هو القفزة الزمنية لانك اختصرتي الكثير من الحورات والنزاعات الطفولية التي تملأ القصة بالحوارات التي لافائدة ترجى فيه وها انتي اخذتينة الى عمق احداث القصة وتشابكات الاحداث يعني القصة بدأت من القمة زواج فاشل لناصر بسبب العناد جوري وزواج على ورق بيت ابو سالم الذي اصبح جار بيت ابو ناصر واكيد هناك ارتباط قوي بين العائلتين هذا فضلا عن وضع جوري في بيت ابو ناصر الى اين وصل كل هذه المور ننتظر انكشافها بالتوفيق غاليتي |
[QUOTE=زارا;2266108]السلاام عليكم..
للحين ماقريت الاجزاء اللي نزلت بس حبيت ارحب فيتس معنا هنااا.. ومن شفت القصه امارااتيه قلت مايحتاج اكيد انها بتكون رووعه..مرحباا فيتس اختي بمنتدانا وبكوكبة كاتباتنا المبدعات..وباذن الله بتلقين التشجيع اللي بتستانسين فيه.. لي عوده باذن الله بعد قرايه الاجزاء.. بالتوفيق قلبي. يكفيني طلتج على قصتي ..وان شاء انها تعيبج |
اقتباس:
القصه الموست مكتمله عندي بس يبالها شويه تعديلات كوني بالقرب |
الجزء الرابع..
ناصر:حلفي انتي بس..حد قالج انه ولدي فأر تجارب..صح هو قزم بس ..كركم مره وحده جوري:امزح يا اخي ..ليه معصب ناصر:اقول جمان ..تراني بذبحها ربيعتج اليوم..عنبو منكم يا جنس حواء مكرهيني بعيشتي..وينك يا زياد بس... اول ما سمعت اسم زياد..تجمعت الدموع بعيونها....وتذكرت طلب ابو ناصر لها قبل ما يموت جمان:قوم خل نودي الولد المستشفى ..الله يعينكم انتو الاثنين على بعض ..ما ادري متى راح تكبروا جوري:فديتك يا يمان ..يعورك حبيبي يمان:خاله جوري..يعورني كثير جوري:فديت روحك يا يمان...عله فيني ناصر :جان زين جمان :عافانا الله .. طلعوا الثلاثه وراحوا المستشفى...طبعا طول الدرب ناصر وجوري يناقروا بعض..لحد ما صرخت فيهم جمان وقالت بسكم اما عند ساره وميعاد..رجعوا البيت وخبرتهم الشغاله بسالفه يمان ساره :يا ويل حالي ..ولدي متعور ..اكيد يباني اللحين ميعاد:كثري منها هذه..ولا داري عن هوا دارج ساره :قومي نروح عندهم ميعاد:والله حاله ...استبلينا في المستشفى .. طبعا خلصوا العلاج وطمنهم الدكتور وقالهم جت سليمه وهم طالعين شافوا ميعاد وساره... وطبعا ساره ركض لولدها ...وقامت تبوسه وتحضنه وناصر يقول بخاطره..صدق انه كيدكن عظيم..توج بس تحسي بولدج...والقهر الاخ يتشكى عند امه ويقولها كله من ابوي ...يركض وراي اما عند ريم: قاعده تفكر بعمران..صارله يومين ما دق علي ..اكيد في مصيبه صايره عندهم..ولا اكيد كالعاده امه متضاربه وي زوجه ابوهم..والله حاله بس..وفي نفس الوقت يرن تلفونها.. ريم:يا هلا وغلا والله..توك كنت على بالي حياتي عمران: حياتج تعبان ريم:سلامتك من التعب حبيبي..شو متعبنك عمران:شو غير امي وزوحه ابوي..حياتي شو رايك نقدم موعد زواجنا ريم:طنشهم فديتك..لو تقعد عليهم ..بتعجز..لا عمري شو نقدم موعد الزواج...انا حتى ما بديت اتزهب وطبعا ضلوا يتكلمون حوالي الساعتين ..وعمران يحاول يقنع ريم انها تقدم موعد الزواج في بيت بو ناصر..الشعب كلهم وصلوا البيت ..وشافوا الشغاله مجهزه الريوق ..قعدوا يتريقون..جمان كانت قاعده يم جوري ..وناصر كان مجابلهم..ناصر يطالع عليهم ويشوفهم اشلون يضحكون ويساسرون..وقال في خاطره....ما حد مستانس كثرج بوجود جوري ..بس معذوره...رجع ذاكرته للماضي....وتذكر اشلون جوري كانت تمسكها وتسبحها وتاكلها وتنومها عندها..اصلا لحد اللحين جمان تنام عندها ..من هي عمر اشهر..اتذكر امي اشلون كانت تحاتي ودوب تسال جوري انتي اشلون تعرفين تمسكينها..فكانت ترد وتقول...لمن كنا بيبينتا كانت جارتنا مدرسه وكانت تييب ولدها الصغير عند امي ..وكانت تعطي امي فلوس..وانا كنت اساعد امي ..لانه امي كانت مريضه ما تقدر عليه...قطع عليه حبل افكاره..تلفونه الي يرن.. وشاف اسم سالم مكتوب..ضحك من خاطره.. جوري:الحمد لله والشكر..مره سرحان ومره يضحك ناصر:لالالالا حرام كل هذه الاكتشافات تروح جذي ..ارجوج تعالي وسط الطاوله ووقفي ..وعيدي كلامج جوري:سخيف ميعاد:بدينا ناصر خذ تلفونه وراح وانسدح على الصوفا..ورد على سالم... سالم:احلف انت بس احلف....لولا اني بعيد جان ييتك وخنقتك ناصر :خيبه خيبه..ليه جذي معصب..افا بس ..مب بينا سالم:يلي ما تستحي..صارلي ساعه ادق عليك وانت ولا بالدنيا ناصر:اسكت لو تعرف اني كنت بالمستشفى..ما كنت بتصرخ جذي سالم:سلامات ..سلامات ناصر:خبره بالسالفه وقص عليه وقاله انه هو الي تعور..وسالم وحليله ينقص عليه بسرعه قعدت جوري تشرح لجمان اشياء مب فاهمتها ..وكانت جمان حاطه راسها على ريول جوري ميعاد كانت تصعد الدرج ..لمن شافتهم...يا ليتني كنت قريبه منكم جذي..الله يا جوري ما ادري اشلون استحملتي كله الي ياج مننا.. وردت ذاكرتها للماضي ..وتتذكر اشلون اول ما شافت جوري ..وشافت امها حاضنتها ..اشتعلت الغيره عندها...وكرهتها حتى من غير سبب وبالليل راحت ودقت حج يدها ..وكانت هي دلوعه يدها..وخبرته بالسالفه..وتتذكر اشلون نقزت بالصبح على صوت صراخ..وراحت تشوف شو السالفه..وشافت يدها معصب ..وهو يصرخ على ابوها ويقوله ..اشلون تييب بنت الهنديه عندك ..وابوي يحاول يفهمه..بس يدي راكب راسه ..وقاله قبل ما يطلع..هذه البنت ما اباها تدخل بيتي طول ما انا حي..واتذكر اشلون كانت تقعد بروحها مع الشغاله بالبيت لمن نروح بيت يدي.لانه كل العايله تجتمع بيت يدي يوم الخميس...واتذكر امي اشلون كانت تحشرنا كل يوم خميس ..وما تبى تروح بيت يدي...امي كانت تموت على جوري...ودوم تقولنا ..تراها يتيمه..الله يا يمه خليتينا كلنا نغار منها ...بطلت القضيه الي عندها ..وانغمست فيه وطنشت الماضي ناصر كان طالع راح يدور اهو وي سالم..وبالحوش شاف جمان قاعده تكلم ريم وشكلها معصبه ... ناصر :حيا الله ريم..اشحالج ريم :الله يحيك...تمام ناصر :ليه مزعله دلوعه بيتنا ريم:اباها تحس باخوي ..شويه ويسحب شعرها ويوديها المحكمه ويتزوجها ناصر بقق عيونه وقال:اشلون الجزء الخامس: ناصر:عيدي ...اشوف عيدي الي قلتيه ريم:ما قلت شي..انت كله تتوهم ناصر:على بالي بعد...يله انا ماشي..بعدين تعالوا انتوا الاثنين ما يحلالكم السوالف الى بالحوش..صج ويهكم ويه فقر ريم:عدال ..عدال يا يالمليونير اشر عليهم ناصر بيدهم ..باي ردت ريم تتطالع جمان..وشافتها شوي وتذبحها ريم :بالله عليج ...انا جذبت..والله انه اخوي يموت عليج جمان:وانا قتلج ..انا ما اباه...يا ناس دبدوب..شو ابا فيه ريم:حرام عليج تقولين جذي عن اخوي..صح هو دبدوب بس والله ماكو من طيبته... جمان :سيري لاه..غيري الموضوع ريم:وين ماماتج جوري..على قولتج جمان:فديت الطاري يا ناس..سارت تريح ..تدرين توها راده من الشغل ريم:عشتوا..حد يسمع يقول مناك الشغل جمان :حرام عليج ..هي هايسه بشغلها..ولا تغارين انها مهندسه اتصالات..اصلا انتي خبله اليوم خميس..ماكو دوامات.. ريم:عدال...عدال اما عند جوري ...فما ياها رقاد ..وقعدت تفكر بسالفة الماستر..ولازم تمشي للندن..هي كانت تبى تحضره ببلدها وسط اهلها..لولا ابو ناصر الي طلب منها تروح لندن عند زوجها...قالت جوري الله والزوج الي ما سال عني من ذاك اليوم الي تم فيه الملجه..وقعدت تتذكر الي صار..واشلون كان ويه زياد لمن رجع البيت..كانت هي بذالك الوقت لسه بالاعداديه...وزياد مفروض يدش السنه اليايه ثانوي..كانت قاعده هي وام ناصر وهي كانت تاكل جمان..اشلون دش زياد وقام يصرخ بصوت عالي ..ويهه اصفر ..ويتنفس بسرعه..اخترعت عليه ام ناصر وقامت تحضنه وتقول شو فيك يا حبيبي..وشافت علي وقالت:زياد يتكلم يا جوري سمعتيه اشرت لها براسي ..ايوا وفجاه طاح زياد واغمى عليه..وصرخت ام ناصر صرخه هزت البيت..وشفت ناصر وميعاد يايين ركض ..وشافوا زياد مغمى عليه..ناصر على طول شاله ..وركبه سيارة ابوه وقاله يمه يبي السويج اتذكر ام ناصر اشلون اغمى عليها لمن قال الدكتور ..انه ياله انهيار عصبي...من صدمه قويه تعرض لها...عاد انا لمن شفت ام ناصر طاحت ..صرخت واشوي وانين..بس ناصر عطاني نضره قويه وقالي..قصري حسج ...تصدقون انه احنا كلنا لحد اللحين ما نعرف شو الصدمه الي تعرض لها زياد ..وخلاه ينطق وبعده باسبوعين زياد طلع من المستشفى...وما رضى يقول لحد شو صارله...واتذكر اشلون اتوسل حج ابوه ..انه يبى يسافر وما يريد يقعد اهني ...وبالفعل عمي بعد ما شاف حالته اشلون صايره قرر يسفره بره ...طلب منه طلب اذا هو وافق عليه بعدين بيسفره بره عند خاله ويقعد معاه...تدرون شو كان الطلب ...طلب منه يملك علي...طبعا زياد على طول وافق حتى من غير ما يفكر كله يبى يسافر ولا يقعد دقيقه اهني...وبالفعل الملكه تمت بنفس ليله سفره..حتى ما شفته...ولا شفته بعدين لحد اللحين..واتذكر اشلون ناصر قلب علينا الدنيا ...وقال حج ابوه انه زياد لسه صغير...بس ابوه قاله انا عندي اسبابي..ومن ذاك اليوم وناصر ماخذ بخاطره من ابوه..وانا لحد اليوم ما ادري ليه..انا ما كانت فارقه معي اصلا ما كنت فاهمه شي كل حياتي كانت دراسه...وابو ناصر لو طالب عيني كنت بعطيه على طبق من ذهب سمعت جوري حد يطق باب غرفتها ..راحت تبطل الباب وشافت ميعاد واقفه...قالتلها تفضلي ..بس ميعاد ردت عليها بوقاحه ... ميعاد:قصوري ادش غرفتج جوري:بغيتي شي ميعاد:مو انا الي اباج هذه ام سالم يايه تبى تشوفج..ما ادري شو وراكم انتوا جوري:طبعا سفهتها وسكرت الباب جدامها ميعاد:مب منج من الي يعطيج ويه وي فوق ويناديج..لا وبعد تدلع بشعرها..ليتنا ذاك اليوم قصيناه ..جان تادبتي اللحين جوري:يا ذا الشعر الي هالكينه معاه..لو بيدي من زمان قاصته بس ..امي دوم كانت توصيني ما اقصه ضحكت جوري وهي تتذكر اشلون ام ناصر نازعت الثنائي المرعب(ميعاد وناصر)لمن شافتهم ماسكين المقص ويبون يقصون شعري..وانا وحليلي كنت اصرخ عليهم واتوسللهم وشوي وابوس ريولهم ما يقصونه كله ولا شعري هذه وصيه امي قبل ما نمشي للمستشفى وتموت تصدقون طول الفتره الي كان فيها زياد ويانا كنت احسبه مسيجين ..وانه ماله دخل بسوالف الي قاعدين يسونها ناصر وميعاد..لمن مره من المرات شفت دفتره محطوط بالصاله ..وفتحت اخر صفحه..اصطدمت بالي شفته..انا متاكده انه خط زياد وكان كاتب ..قصوا شعرها..يعني زياد اهو الي كان الراس المدبر ...والاثنين كانوا عليهم التنفيذ نزلت تحت اشوف ام سالم شو يايبينها عندنا...وقامت تتخبرني عن شو سويت بسالفه جمان ومنذر...استحيت منها صراحه ..اشلون اخبرها انه جمان رافضه والسبب سخيف ...الله يسامحج يا جمان جان خليتيني في ذا المموقف السخيف...قعدت ادور اسباب ...الريال ميت عليها والاخت ولا على بالها...حاولت اقنعها انه جمان لسه صغيره يا دوبها متخرجه من المدرسه يصير خير لمن تخلص الجامعه ... ميعاد شافت ناصر وراحت لعنده وهي معصبه وقالتله...انت اشلون تصرخ على ساره ...انت ما تدري هي وايد حساسه ناصر:اشلون |
معقوله 179 شخص قرا الروايه..ولا واحد عيبه الروايه..ترى مب مشكله اذا مب حلوه قولوا مع انها لسه في البدايه والاحداث لسه ما بدت...مب بينا اذا مب حلوه نسكرها
|
يسلمو علي البارت والقصه القصه مميزة اختي
فعلا قمة التشويق ماهو السبب الذي لزم تزيج ولد ابو 16 سنه من بنت اقل منه عمرا التوقع الوحيد ان الاب خاف من الله ان البنت تجلي في بيت مافيه لها محرم فلزم وجود محرم وفي نفس الوقت ما يبي يزوجها حقيقيا وورطها وهي صغيرة القصه حلوة وربما هنالك ظروف تمنع الردود مشكلات النت ومشكلات المتصفح |
اقتباس:
شووفي قلبي الحين حنا باجاازه قصدي السعوديه وغير ان الاتصالات مجننتناا يعني ان لقينا وقت ندخل انصدمنا بالاتصال.. المهم قلبووو ترى القصه باولهاواللي ماشافها الحين بيشوفها بعد اسبووع والا بعد شهر بس بتلقين عليها اقبال حلوو.. اهم شي الالتزااااااااااام والاهتماااااااااام متى ماشفنا حنا يالقراااء هالاشياااء عندتس صدقيني بتلقين القصه بنشاط كبييييييير بس انتي اصبري يااقلبي و وبلقين كل اللي يسر خاطرتس بس الصبر يااقلبي.. والله يوفقتس يااارب. |
اقتباس:
|
اقتباس:
ضحكت من قلب ليمن شفت التعليق شفتي عاد اعرف اهدد..كبرت وتشمخت... صدقتي يمكن بسبه الاجازه او الاتصالات..ما حطيتي ببالي هذا السبب لانه كلش ما نعاني من هذه المشكله وعسى خير |
الجزء السادس
ناصر:زوجتي وانا حر معاها..انتي ويش لج ميعاد:ربيعتي ويت وشكتلي ..لازم اوقف معاها ناصر :انتي متى تبطلين هذه العاده ما تقدرين تكتمين سر..ما كفاج الي ياج..يوزي عن هذه العاده يا بنت الناس... ميعاد:اول ما قال جي..تيمعت الدموع بعيوني ..تذكرت فطوم ربيعتي ..فديتج فطوم ما ادري شو صارلج بعد ما عرستي..سامحيني يا غناتي...والله ما كان قصدي ما حد راح يفهمني... ناصر:سيري خبريها ربيعتج ..مره ثانيه خليها تحترم راي.. ميعاد:تراها ما سوت جرم..الا قصت شعرها..كانت تبى تسويلك نيو لوك ناصر:نيو لوك بعينج...انا ميت مره محذرنها انها ما تقص شعرها..انا ريال ما احب الشعر القصير..حر انا ميعاد:ناصر مب علي تراني فاهمتك عدل..انا مب ساره الي مب داريه عن هوا دارها..بس صدقني ما بسمحلك تجرحها..ترى هذه ساره..مب خلني ساكته احسن لك ناصر:حلفي انتي بس..والله جان ما قمتي من ويهي اللحين ..لييج ذاك الطراق ..شكلك حنيتي للطراق ميعاد:بس خلا ص حرام عليك..انا ما صدقت اني نسيت السالفه ... ناصر:سيري ولي لاه جوري سمعت ناصر يصرخ على ميعاد..هذا ما ادري متى ييوز عن هذه العاده كله يصرخ جوري:انت كله تصرخ..يا خي خل عندك اسلوب ناصر:جوري ..وخري ترى شياطين الدنيا فوق راسي جوري:وينهم ما اشوفهم ناصر:شو المفروض اني اضحك يعني جوري:سخيف ناصر:اقول انتي من حارق رزج..صدق انج ملقوفه وملسونه..ما تقدرين تيودين لسانج..من عرفتج وانتي ملقوفه جوري:حشى لله ..انا مب ملقوفه ناصر:الله بالستر..ما تذكرين بالمستشفى اشلون دخلتي علينا وتميتي تصرخين..عافاني الله مب لسان عليج جوري:شو ذا المنكر بعد...متى صار هذا الشي ناصر:حلفي جوري:قصوري بس احلف على شي ما يسوى سمعوا حد يغني ..لفوا راسهم صوب مصدر الصوت..الا والاخت جمان تغني ..فقدتك يا اعز الناس للجسمي ناصر:وانا اقول ليه بيتنا مغبر جمان:ويش قصدك ناصر:يا بابا هذه الاغنيه عاد اندثرت وانتي بعدج عليها..صج ما اول جمان: اقول جوري ..حد يتكلم..انا جني اسمع شي ناصر:صج جليلة ادب..انا اخوج العود ..يا الخبله جمان:هذا انت يا ناصر...سامحني ما شفتك ناصر.. لفيت راسي صوب جوري شفتها منبطه ضحك ..وتسوي حركات لجمان..نفسي افهم هذوله الاثنين اي نوع من البشر..وحده ما تحس..والثانيه خبله نروح بيت ابو سالم.. سالم قاعد يتناقش وي ريم ...ويخبرها عن اتصال عمران ..وانه يريد يقدم موعد العرس...دخل عيهم سعود... سعود: السلام عليكم سالم و ريم:وعليكم السلام وطبعا سعود رقع لداره....يوميا نفس الموال .. ريم:هذا ولد عمك ..ما عنده ذوق موليه سالم:شو تبين فيه..خلي الريال في حاله ريم:قصوري بعد ادخل في اموره..بس نفسي اعرف اشلون صار مدير لشركه بسرعه سالم:ولد عمج كان هايس بشغله لدرجه انه احيانا كان يبات بالمكتب...واحيانا بالاسابيع ما نشوفه...حتى ابوي كان دوب يحن على راسه ويقوله ارحم عمرك..بعدج ما تبينه يصير مدير ريم:انا ابى افهم هذا موليه مسفه بالاوادم..اشلون يمشي الشغل..الله يعين الي يشتغلون معاه سالم:اصلا كل الي بالشغل يحترموه ...وهو صح قليل الكلام..بس مره ممشي امور الشركه ريم:بتخبرك هو شو مشكلته بالحياه سالم:كلنا ندري الي مر عليه مب سهل..مب سهل انك تحس نفسك عاله في بيت احد وعلى الطالعه والنازله الوالده متامره ومتمننه عليه...من غير الضرب الي كان ييه والوالد بره...اصلا يكفيه الحرق الي بيده... ريم:يشكر ربه اني امي خلته يعيش ببيتها... سالم:قصدج بيت عمه ريم:الي هو سالم:تدرين لو عليه هو من زمان مودر البيت وعايش بشقه..لولا انه ابوي حالف عليه اذا طلع من البيت ..ينسى انه عنده عم في نفس الوقت رن تلفون سالم ..ولمن شاف المتصل ..قال لا حول ولا قوة الا بالله سالم:تصدق زوجتي الي هي زوجتي ما تتصل بي شرواك ....غثيتني ناصر:اقول كل تبن سالم:وانت سير بيع دانجو ناصر :والله ..تعال ساعدني انا ابيع وانت سولف معاي سالم:حتى في هذه تباني اكون معاك..حشى بنيه ناصر:تسكت والا اجيك سالم:احلف ناصر :هذا الناقص احلف علشانك سالم:نويصر شو تبى ناصر:نويصر طل بعينك...اقول سلوم معزوم على العشاء..سرينا سالم :سلوم ..بعينك بعدين انا ما حد عازمني..ليش ارز ويهي ناصر:يا ذا العلم..انا عازمك تعال سالم :سيري لاه ناصر :تقوم والا ا اجي اخذك من كشتك سالم:الله يسامحك يا ابوي يوم انك خلتنا نكون جيران ناصر ناصر:كثر منها سالم :مب ياي ناصر :اشلون الجزء السابع سالم:يا خي تعبان ..وبعدين اريد اروح بيت اهل زوجتي ..اشتقت لعيالي ناصر:اشتقت لعيالي...بدري صراحه ..توك بس اشتقتلهم سالم:ناصر فيك شي ناصر:ضايق شوي .. سالم:جوري ناصر :يا ليت..هذه ميعاد الخبله عكرت مزاجي سالم:سير تعشى وي ربعك...وبعدين مرني نمشي صوب البحر ناصر:تمام...علنا ما ننحرم منك يا سالم سالم: امين يا الوالده جوري راحت تشوف ساره...واول ما دقت الباب..شافت ساره حاضنه ميعاد..وميعاد قاعده تبكي بحضنها...سكرت الباب وطلعت هي تعرف انه اكره شي عند ميعاد حد يشوفها تصيح جمان كانت تقرا مجله ...لمن ياها مسج على جوالها..واول ما بطلته شافته رقم غريب..لمن قرت المسج عرفت من عند منو...قالت موت حره ماني موافقه عليك جوري راحت لغرفتها ...كانت تبى ترقد..حاسه بالخنقه ..هي مب مستوعبه لسه انها راح تروح للندن ...يا ربي بدل ما هو يركض وراي انا الي يالسه اركض وراه...وحاولت تتذكر ملامح زياد ...ما شاء الله عليه كان وسيم وجميل ماخذ جمال ابوه...واتذكرت ابو ناصر ..وكيف كان جميل ..حتى لمن كان يوصلني للجامعه البنات كانوا يتخبلوا عليه...يا ترى صرت احلى اللحين ..ونفس تربيه ابو ناصر ..ولا غيرتك الغربه.. ... قررت تغير من روتينها ....وقالت خلني انام من وقت علشان اصحى بدري... اسوي الفطور بنفسي وتذكرت كيف كانت تسوي الفطور لبو ناصر لمن توفت ام ناصر...اه يا يمه وايد مشتاقتلك..تذكرين يمه لمن كنا نصحى من وقت علشان نسوي الفطور للابوي لانه ما كان يرضى ياكل من يد الشغالات ...ودايما تاخذين بخاطرج لمن اقوم من وقت واي اساعدج..وتقولي يا بنيتي سيري رقدي ..وكنت ارد عليج ...يمه ابى اساعدج ويلست تدعي لام ناصر وبو ناصر اما عند ريم ...الاخت محتشره تبى تسري عند جمان..وامها مب راضيه..تقولها هل البنت ما منها فايده..عيل حد يرفض ولدي انا... ريم (وفي خاطرها):يا الله متى نرتاح من هذه السالفه يمه فديت روحج بس خمس دقايق اخبرها اني وافقت العرس يكون بالشهر الياي ام سالم:وليش ما تدقي عليها.. ريم:لالالا يمه انتي مب فاهمه..لازم اشوف تاثير القرار عليها ام سالم:والعثره....صايرين تمثلوا على اخر عمركم ريم:يمه الله هداج اي تمثيل واي خرابيط..فديتج يمه ..خليني اسري..ترى ما راح يجيني الرقاد ام سالم:سيري بوي..لا تموتين علينا وريم ما صدقت خبر ..على طول ركض لبيت جمان..وجمان حشرت الدنيا ..وعلت على صوت المسجل ..وحشرن الدنيا بالرقص اما عند ساره وميعاد... ساره:بس حبيبتي ليه تسوين جي بعمرك..كل هذا علشان ناصر صرخ علي ميعاد:اقول ساره ..قلبي ويهج ساره:خخخ..انزين خبريني شو الي مزعلج ميعاد:ما نسوا السالفه..كلهم بعدهم يتذكروا سالفه فاطمه...ما حد راضي يفهمني ساره:فديتج يا ميعاد..ليش تعذبي نفسج جي ميعاد:ساره والله اني كنت مراهقه..هي جت لعندي وقالت انه ولد ريل امها يتحرش بها..وكانت تصيح بصوت عالي..رحمتها..عطيتها كل الحلول وما رضت ..كله تقول اخاف ما حد يصدقني..خفت عليها..ويلست طول الليل افكر فيها ..لحد ما وصلت لحل اني اخبر اخوها ..هو كان اكبر عنا بسنه..وكنت دايما اشوفه لمن اروح بيتهم..بس طلع هو مسافر من يومين ..يدرس بره.. فما كان يدامي غير اني اخبر امها..ويا ليتني ما خبرتها..قلبت الدنيا على راسي ...وانتي تبي تخربين بيتنا ..ويالسه تتبلين على بنتي..وطردتني من بيتهم..واليوم الثاني ..اتصلت بفطوم..اتخبر عنها..بس ما كانت ترد علي...وانقلب كل شي على راسي..كلهم لاموني ..والله ما كنت ادري انه ولد ريلها كان يسمع الي اقوله..راح خبر ابوه ..انه فطوم تتعرض له...والمسكينه فطوم زوجوها بواحد عيوز...على قولتهم يبون يتسترون عليها...صدقيني انه قصدي كان شريف..يمكن سويت هذه الحركه علشان الفت انتباه امي لي ..هي ما قصرت معانا..بس كنت وايد اغار من جوري..وبعد تعرفي مراهقه ومحصله تكون بطله وتنقذ وحده...بس والله فطوم كانت اكثر من اخت لي ...اول ما شفتي دموعها ..قلت لازم اسوي شي ساره:فديتج ميعاد..صلي على النبي..هذا كان نصيبها..وكلهم عازرينج ميعاد:عليه الصلاة والسلام..المشكله يا ساره انه فطوم صدقتهم ...رسلت مسج تقول فيه..اني كنت مستقصده واني وحده ما يأتمن لها..حاولت افهمها ..بس بعد شو بعد ما راحت وي ريلها لمنطقه بعيده ساره:الي راح راح يا ميعاد..وانتي قصدك كان شريف...واذا عن ناصر تعرفيه لمن يعصب ما يثمن رمسته..اصلا انتي ادرى بغلاج عند ناصر ميعاد:انا بسير غرفتي اريح ..احس راسي بينفجر ساره:سيري توضي وصلي وان شاء الله بترتاحي ميعاد:ان شاء الله طلعت ميعاد من الغرفه على دخله ناصر.. ناصر:خيبه ...كل هذا صياح ساره:مب زين عليك الي سويته فيها ناصر :اشلون |
السلام عليكم ورحمة الله وبركاته
يامساء الورد شوفي عيوني انتي ليش محبطة هشكل روايتج كلش حلوة وبيه تشويق عالي جدا وللهجتكم اهل الامارات اجنن وقصة جوري قصة تدفعنا للتفكير وترديد كلمات ليش اتزوجت زياد وليش مو ناصر وليش انحس انو ناصر يملك مشاعر خاص اتجاه جوري بس عناده وكبرياءه منعه من الارتباط بها او ربما زواجها من زياد اخرسه واصبح يتخبط وكانت النتيجة زواج شبه فاشل ميعاد وحب مغلف بكره اتجاه جوري ياترا لما مشاعر الطفولة وغيرت الاطفال بقت مسيطرة حتى لآن لدى ميعاد ويمعودة هاي اشبيهة جمان يعني واذا الرجال سمين اشوي خل تشرط عليه انو يخفف وزنه احسن تاخذ واحد اخلاقه عالية بس سمين ويقدر يخفف وزنه احسن من واحد رشيق واخلاقه تعبانة وميقدر يغير اخلاقه اتمنى جوري تغير من وجهة نظر جمانة وكله كوم وزياد وزواجة من جوري وقبوله دون اعتراض لهذا الزواج هذا فضلا عن سبب انقلاب مزاجه وفضول يدفعنا لمعرفة هل هو فعلا الرأس المدبر لكل مغامرات الاطفال التي كانت تحاك ضد جوري ختما انا كلي شوقي لسطورك فلاتبخلي علي بها الا نستحق نحن متابعيك ان تكتبي من اجلنا حتى وان كنا قلائل بالتوفيق غاليتي |
.. السلام علييكم ورحمة الله..
الله حيووو..خيتا ..وبداية موفقة.. وانا تو اشوف روايتس وقرأتها... ..واصبري ..وان شاء الله تلاقين اقبال... ...جوري.. وانا برضو كان تفكيري مثل خيتا ارادة الحياة.. حسيت انو ناصر يحمل مشاعر خاصه لجوري..وممكن هو مايظهر غير الخناقات والهواش مابينهم..بس زواج زياد لجوري...لغز محير وبرضو طيحته..ولما اغمى علية..ياترى شنو كان السبب...؟! وهل الغربة غيرته او لا ...اتوقع لما بتروح هناك جوري بتنصدم ممكن زياد عايش حياته الان... ...وبكون من متابعينك بإذن الله |
اقتباس:
|
[QUOTE=البنت العنقليزية;2268446][FONT=Tahoma][SIZE=2][COLOR=Black][FONT=tahoma][SIZE=2][COLOR=black][FONT=tahoma][SIZE=2][COLOR=black][FONT=decotype naskh variants][COLOR=navy][SIZE=6][B].. السلام علييكم ورحمة الله..
الله حيووو..خيتا ..وبداية موفقة.. وانا تو اشوف روايتس وقرأتها... ..واصبري ..وان شاء الله تلاقين اقبال... ...جوري.. وانا برضو كان تفكيري مثل خيتا ارادة الحياة.. حسيت انو ناصر يحمل مشاعر خاصه لجوري..وممكن هو مايظهر غير الخناقات والهواش مابينهم..بس زواج زياد لجوري...لغز محير وبرضو طيحته..ولما اغمى علية..ياترى شنو كان السبب...؟! وهل الغربة غيرته او لا ...اتوقع لما بتروح هناك جوري بتنصدم ممكن زياد عايش حياته الان... ...وبكون من متابعينك بإذن الله يا هلا وغلا حبيبتي..نورتي بوجودك كل هل الاشياء راح تتوضح مع اللاجزاء القادمه...خليج ويانا |
الجزء الثامن: ساره:ليه زعلتها..تراها صاحت لحد ما قالت بس ناصر:هي الي طلعتني من طوري ساره:وليه تذكرها بسالفة فاطمه ناصر:اباها تتعلم من اخطاءها..الي صار مب كان هين مسكينه فاطمه سيرتها صارت على كل لسان..لدرجة انه اخوها ما رضى يرجع للبلاد ...انا متاكد انه قصدها كان تساعد فاطمه ...مستحيل اشك فيها..هذه تربيه بو ناصر..بس الناس لها بالظاهر...وبعدين تعالي...قصورج تشتكين عند ميعاد ساره:من القهر الي فيني..عنبو دارك..هست ساعتين بالصالون علشانك..وفي النهايه تقول ..كم مره اخبرج ما احب الشعر القصير ناصر:وانا الصاج..ساره القضيه مب قضية شعر..اباج تتعلمين انك تمشين على شور ريلج..ترى ما يصير الي تسوينه..مطنشه ولدج وبلعناه ..وكل يوم والثاني هايته وي ميعاد..تراج مره متزوجه..صدقيني يا ساره انا لحد اللحين ماسك اعصابي..فبسج هياته وجابلي ولدج طلع سالم من عندها وسار العزومه... اما ساره يلست تفكر ..وتقول بخاطرها..انا من قالي اعرس ..انا وين والمسؤوليات وين..انا وحيدة امي وابوي ومدلعيني على الاخر ...اصلا حياتي كلها كانت هياته وموضه ..انا اصلا لمن اروح بيت امي ..ما تخليني المس يمان ..كله هي تهتم فيه...يبالي اروح المكتبه واتشرالي كتب عن تحمل المسؤوليه اما عند جوري..فهي حست بانفاس حد ومن غير ما تبطل عيونها عرفتها...بس سوت نفسها راقده..لحد ما طلعت من الغرفه يلست تفكر وتقول يا ربي جمان متى بتبطل هذه العاده عندها وسواس وخوف من الموت..على بالها اني مب داريه عنها..اعرف انها كل ليله تيي غرفتي وتتاكد اني لسه اتنفس ..خايفه اني اتركها مثل ابوها وامها..ياربي اشلون اخبرها اني راح اسافر..اخاف تسوي بنفسها شي..وانا مب باقي على سفري الا كم يوم..اي تصدقون ما خبرت حد بخليهم جدام الامر الواقع ..ما فيني على الصراخ والصياح..اصلا مقرره اخبرهم نفس ليلة سفري..الله يعيني بس نرجع لعند ناصر..بعد ما خلص من العزومه اتصل بسالم واتفق وياه انه يحصله عند الشاطي ناصر يالس يفكر وهموم الدنيا فوق راسه ..يفكر كيف يقول لجوري عن زياد..سمع خطوات سالم بس ما لف سالم:الي تسويه غلط ..تراها متزوجه..وزوجها اخوك ناصر :والغم هنا..ماخذه اخوي الي ولا داري عنها..تصدق جم مره ملمح لي انه يبى يطلقها سالم:انساها يا ناصر ..انت عندك عايله..لا تضيع حياتك ناصر:حاولت يا سالم..بس والله مب بيدي..ما ادري ابوي ليه زوجها لزياد..والله اني كنت بنفس الليله كنت اريد افاتحه بموضوع الزواج..على الاقل انا كنت مخلص الثانويه.. سالم:خلاص يا ناصر ..شو تستفيد من التفكير ..خلاص انت متزوج وهي متزوجه ناصر:لاني متاكد انها ما راح ترتاح مع زياد سالم :ليه تقول جي ناصر:لانه الاخ المصون متصل علي امس وخبرني انه يبى يتقدم لبنت خالي سالم:شو ناصر:تصدق...عيل هذا الهرم يستاهل جوري سالم:لا تقول جي...يمكن لمن يشوفها راح يغير رايه..بعد هو معذور ..تخيل واحد متزوج بوحده من 8 سنوات ولا شافها طول هذه الفتره ناصر:كل ما اذكره بسالفة زواجه احسه يتهرب مني ..يقولي انا مشغول ولا يقول عندي محاضره اللحين والطلبه ينتظروني..اخاف يجرحها ويبهدلها معاه..ما حد يعرف زياد كثري....تخيل انه كان معجب ببنت خالتي من هي سنه اولى جامعه ..واللحين هي معيده معاه بنفس القسم..هو اصلا ميت عليها ..بس على قولته ينتظر الفرصه المناسبه ويتقدم لها سالم:خليها على ربك..انت ما تدري وين الخيره ناصر:الله كريم سالم:ناصر حاول تنساها...كل ما يت في بالك ..امحي صورتها وحط صورة ساره بدالها..ترى ساره والله طيبه وعلى نياتها.. ناصر:بحاول... اخبارك انت سالم.. سالم:ما شي يديد..ننتظر المولود اليديد...تدري ناصر وايد خايف عليها..صح انه البيبي الثاني بس عندي احساس غريب ..ودايما احاول ابعده ناصر:تعوذ من ابليس..وانت دايما تقول انه كل شي تمام من بعد ما تردوا من المراجعات سالم:والله ما ادري يا سالم..بس انا احساسي ما يخيب ناصر:تعوذ من ابليس...وان شاء الله خير سالم:عسى خير...تعال شكلي عطيتك ويه زايد عن اللزوم...سرينا ورانا رقاد ناصر:ضحك عليه ناصر..ومشوا رادين للبيت على الصباح...جوري قامت من وقت وزهبت الريوق وراحت ترتاح..على الساعه 10 الكل اجتمع على طاولة الافطار ...ولمن شافوا الاكل خمنوا انه جوري اهي الي مسوته جمان:شوي وتصيح..جوري ذكرتيني بابوي ميعاد :الله يرحمه ساره:الله يرحمك يا بو ناصر..جوري تدرين نفسج مره حلو بالطبخ جوري:اخجلتم تواضعنا ميعاد بصوت واطئ لازم امها هنديه..ما حد سمعها الا ساره..قرصتها ساره بريولها اما ناصر يلس يتذكر لمن توفت امه ...3 ايام ابوه ما كان ياكل شي الا نادرا ..لانه ما كان يحب ياكل من يد الشغاله..وميعاد وجمان ما كانوا فالحين بالطباخ..وجوري كانت بحالة صدمه...اهي اصلا ضلت بغرفتها ما كان حد يشوفها الا جمان ..كانت توديلها الاكل ويا ليتها كانت تاكل بعد..وفي اليوم الرابع كلنا استغربنا لمن شفنا الريوق وعرفنا انه جوري اهي الي سوته ناصر :الله والريوق حد يسمع جوري:اصلا من وين تحصل حد يسويلكم الريوق شرواي ناصر:الله يخلي المطاعم بالبلاد جمان وميعاد وساره قالوا بنفس الوقت:بسكم وبما ان اليوم اليمعه ..ساره وناصر قاموا يتزهبون بيسرون صوب اهل ساره..وطبعا يمان كان حاشرهم يبى ييلس ويلعب مع جمان اما ميعاد راحت غرفتها تدرس القضيه الي عندها وراها مرافعه باجر اما جوري ..طبعا جمان ما خلتها بحالها ..حشرتها بالدراسه..مع انها توها مخلصه المدرسه بس الاخت دحاحه ..على قولتها تبى تستعد للجامعه قوم هم ناصر كانوا نازلين وشافوهم.. ساره:جمان رحمي عمرج امي جمان:يا ناس عن الحسد ساره:متفيجه احسدج انا..وايد ماخذه على عمرج مقلب ناصر:اقول سرينا يمان:ماما هذه عمو جمان مب امج ناصر:اشلون |
السلام عليكم ورحمة الله وبركاته
مساءالورد تطور الاحداث وتسلسلها جدا رائع في قصتك لابدأ بالتعليق سارة تدرين هاي الشخصية بالذات اعرف وحدة تشبهها بس سارة هواي احسن منها الي اعرفها من كثر ماهي غير متحملة للمسؤولية لاتحشم زوجها في غيابه وعادي تتلفظ عليه بالالفاظ وهو ياغافلين الم الله وعندما تسأل ليش ازوجتي تقول كنت اعتقد الزواج مكياج ولبس فقط لنرجع الى سارة اعجبتني طيبة قلبها وربما هي غير قاصدة ما تفعل ولكنها تعودت على هذه الحياة وقد يكون تنبيه ناصر سوف يدفعها نحو الافضل خاصة مع سعيها لتعلم كيف تتحمل المسؤولية ننتظر ناصر بصراحة الله يعينة حتى اذا قلنا حاول تنساها النسيان ليس سلعة تباع او شيء يمكن الحصول عليه بسهولة هي لو كانت زوجة اخيه بالفعل كان ممكن ينسايها بسهولة ولكن مع كل مايعرف عن هذا الزواج وما يعرف عن اخيه من امور كلها تدفعه للتفكير بها هنا الخطأ خطأ سارة التي لم تشغل افكار زوجها لتكون بديلة عن حبيبته ربما هناك من يقول كيف لسارة ان تعرف اقول لكم لو كانت سارة زوجة مهتمة بزوجها وتنتبه له ل لاحظت ان هناك اهتمام غير طبيعي من قبل زوجها لجوري وهذا الاهتمام مغلف بعناد ومناوشات ننتظر لمعرفة المزيد جوري وزياد هل تعرفين ربطت حالة زياد مع قصة فاطمة وزواجها من رجل اكبر منها وفضيحته بين اهلها >>مجرد ربط المهم زياد هنا غير قاصد اذية جوري فهو يرى فيها فتاة مسكينة ليس لها احد ان طلقها اين تذهب ومن سوف يأخذ ابنة الهندية التي ليس لها سند وفوقها مطلقة لذا هو يريد اكمال حياته مع منح جوري اسمه فقط لانه يعتقد انه يحميها بهذا الاسم >>وجهة نظر ربما اذا سافرت جوري وخاصة وهي تعد مفاجئة للجميع بهذا السفر قد تختلف نظرته لها قد يرى فيها انسانة قوية تستطيع مواجهة الحياة ويطلقها ليكمل هو حياته وتكمل هي حياتها او يرى فيها انثى تستحق ان تكون شريكة حياته ننتظر لنعرف ميعاد تدرين ميعاد في اعماقها تحب جوري ولكن قشرة الطفولة لا زالت محيطة بتفكيرها ربما يحصل موقف معين نرى فيه ميعاد مساندة لجوري خاصة واغلب المواقف بينهم عبارة عن مواقف عادية جدا >>وجهة نظر تملكين موهبة لاتدثريها بالاحباط كوني ملتزمة معنا تجدينا حولك ان شاء الله بالتوفيق غاليتي |
... السلام عليكم
يسلموو ع البارت وعساتس ع القوه ...ماشاء الله عليتس ابله اراده تحليلك وتفصيلك جدا" رائع واستمتعب بيه هوايه هوايه وانا اقرأه<<<وتعجبني لهجة اهل العراق لبى قلبهم ... جوري ماتدري ايش اللي ينتظرها وانو زياد ناوي يتزوج..ويلمح لطلاقها..بس يارتى لو شافها بعد 8سنوات بغير رايه وبيتمسك فيها ولا..لا وناصر وساره ياحليلها سارة طلعت طيبه وع نياتها... وناصر موب بيوم وليله بيمحي حب جوري من قلبه وبما انو اخوه محسوب عليها زوج وهو ولاهو داري عن هوا دارها... نحتري التكملة دمتي |
اقتباس:
شوفي بالنسبه لساره ...مشكلتها انها ما تعودت على تحمل المسؤليه ..والاهم انها مب مستقصده هذه الحركه...اكيد يبالها شي يصحيها من حياة الامبالاه الي اهي عايشتنها... اما بالنسبه لبقية الشخصيات ..احداث غريبه راح تحدث ..وراح تشوفي اشلون تنقلب موازين كل شي ..بمعنى احرى احداث لم تكن بالبال ولا بالحسبان وحياج |
اقتباس:
بالفعل ساره وايد طيبه وعلى نياتها..بس يبالها شي يقومها من الي اهي فيه...وراح نشوف شو بيكون هل الشي خليج بالقرب..علشان تشوفيني اسلون الموازين راح تنقلب وحياج |
لحقتكم<< فيس ما يروم يتنصخ من كثر ما ربع وراكم
زين اللي لحقتكم.. تسلمين فديتج عالقصة الغاوية<< الفيس راعي الورود وفيس ثاني مسوي حفلة لابله اراده لانها حصلت قصة امراتيه<< فيس مستانس بدايه موفقه واحداث تحمل في طياتها شي من الغموض.. دائرة الغموض متركزة على زياد وجوري.. وامهيه علاقتهم<< فيس يعبر نترياج فديتج<<الفيس راعي الورود http://www.liillas.com/up3//uploads/...29afe633ce.gif |
اقتباس:
هناك غموض بعلاقة جوري بزياد...ولكن برايك هل دائرة الغموض متركزه هنا فقط..كوني بالقرب |
الجزء التاسع: ومضى باقي اليوم عادي على الشعب...وطبعا الاخت ريم كانت محتشره تكتب الاغراض المفروض تشتريهم للعرسعلى يوم السبت.... طبعا ناصر راح لشغله ..وهو كان يشتغل دكتور جوري..قامت من وقت وراحت تشوف سالفة السفر وتخلص بقية اوراقها نيي لميعاد...بعد ما خلصت المرافعه ..وهي كانت طالعه شافت ..ريال واقف لابس بالطو المحاماه ...كانت تكلم نفسها وتقول ..يا ربي انا هذا الريال مب غريب علي انا شايفتنه في مكان..اول ما اقترب منها الريال عرفته هذا سيف اخو فاطمه...طبعا هي من الصدمه الاوراق طاحوا من يدها وراسها كان يدور ...ومب قادره تيود عمرها تحس نفسها خلاص بيغمى عليها من الصدمه سيف :سلمتي ميعاد وبصوت مخنوق:مشكور اخوي سيف:اخبارك ميعاد ميعاد:الحمد لله اخباركم انتوا سيف :الحمد لله ميعاد..من الصدمه ما قدرت تتكلم سلمت عليه ومشت..وفي مكتبها يلست تصيح...يلست تتذكر فطوم ربيعتها ..واتصلت بساره ...الي حاولت تهديها وطلبت من عندها ترجع البيت ميعاد على طول لمت اغراضها وسارت البيت ..ما قدرت تتحمل ...وكانت خايفه تسال سيف عن فاطمه.. حمدت ربها انها ما شافت جمان بالصاله ..عاد من بيود فمها ..ملقوفه شرى ربيعتها..وعلى طول قفلت باب غرفتها وحتى من غير ما تفسخ عبايتها ...قامت وفتحت البوم الصور ويلست تشوف صورها هي وفطوم ..وكملت صياحها ساره ردت من دوامها من وقت وتقول بخاطرها...انا متاكده بيطردوني من كثر ما اشرد وسارت صوب ميعاد ..وتقول خبلتبي هل البنت ....كل يوم سالفه ويلست ساره تسمع لميعاد وحاولت تهديها ..ونصحتها تسال سيف عن فطوم..علشان يرتاح ضميرها اما عند ريم ...ظهرن هي وجمان وخالتها وساروا صوب المولات يتشرن اغراض عرسها ولمن خلصوا ريم اتصلت باخوها حمد يمر عليهم...طبعا جمان حشرت الدنيا بس ما حد عطها ويه وفي السياره الوضع كان هادئ الا من صوت المسجل ..كلهم تعبانين من تمشاية المول..الا الاخ الهايم طول الوقت وهو يناظر بجمان..وطبعا جمان ولا على بالها واول ما نزلت جمان من السياره .. حمد:جمان ممكن دقيقه جمان:اختصر حمد:ليه جي اسلوبج معاي جمان:السموحه الشيخ ... حمد:جمان ممكن اعرف سبب رفضك لي جمان:انت ادرى بالسبب حمد:يعني بسبب الوزن..بوعدج اني بنزل وزني..بس انتي عطيني الامل انك توافقي عقب جمان:يصير خير...طبعا الاخت ولا على بالها طنشت السالفه وسارت صوب غرفتها اما عند حمد..رد البيت وهو متضايق ..سعود كان نازل اول ما شاف حمد راح لعنده..علاقة سعود وي حمد مره قويه..سعود يعزه كثير سعود:حمد ...اشقايل ما تسلم علي حمد..والله ما شفتك سعود:شو فيك حمد:ما شي... متضايق شوي سعود:شو الي مضايقك ..وانا موجود بالهدنيا حمد:الله يحفظك يا رب...سعود ابى اخف وزني ..واباك تساعدني سعود:شوف اذا انت تبى تنزل وزنك راح اساعدك ..بس صدقني اذا تبى تنزله علشان جمان..تراها ما تستاهل... وحده مثل هذه منظورها غلط للحياه..الواحد يشوف للاخلاق مب للشكل..وانا احس انها ما تبادلك نفس الشعور حمد:بخليها تغير نظرتها للحياه عقب ما نتزوج...سعود اباك تحس فيني ..وحده كانت معاك طول طفولتك ..حبها نمى بقلبك من وانت صغير ..صعب اني انساها سعود:انا بساعدك ومن باجر نسوي نظام غذائي يديد ..ونروح مع بعض الجم..جم حمد عندنا بالدنيا حمد:طبعا واحد ..اللي هو انا سعود..ضحك عليه حمد:سعود مشكور سعود:مب بينا انت اخوي قبل ما تكون ولد عمي...عيل انا بسري صوب الجم ...انت الحقني عقب حمد:خلاص تقدمني وانا بييك طلع سعود من الغرفه ..وحمد يلس يفكر به ..ويقول ما ادري ليه امي وريم ما يدانوك مع انه والله ماشي اطيب منك..اه يا جمان متى يحن قلبج صوبي..ادري انج تعامليني شرى اخوج...بس صدقيني راح اخليج تموتين علي ..بس خلينا نعرس قبل نزل حمد للطابق الارضي ..وشاف ريم فارشه اغراضها ام سالم اول ما شافت حمد..طنشت ريم وقامت ترحب وتهلل بحمد ريم:يى دلوع امه حمد: الي يغار يدق راسه باقرب طوفه ريم:عدال ..عدال ..الله يحفظ لي عمراني ام سالم:شو ذا المنكر بعد..عمراني..مضيعه السنع ريم:يمه ..تراني ما غلطت ..هذا زوجي حمد:صدق ..انه ذي البنت مضيعه السنع ريم:طلعت لسانها لحمد..وسوتله بيدها..سير لاه حمد ضرب راس ريم على الخفيف ..وراح قعد حذا امه ريم:سخيف ام سالم:مسودة الويه...اشقايل تقولين لاخوج جي ريم:عيوزنا جنه الا دسنالج على طرف ام سالم:ذلفي من ويهي ...وسيري زقري الشغاله لا بارك الله بعدوينج ريم سارت تزقر الشغاله..اما ام سالم يلست تسولف وي حمد ام سالم:حمد ما تبانا نخطب لك يا ولدي حمد:افا يمه تبين الفكه مني ام سالم:يا ولدي ابى اشوفك معرس..واشوف عيالك حمد:قريب يا يمه ام سالم:يعني تبانا ندورلك على عروس حمد:العروس موجوده ام سالم:لا تكون تقصد جمانوا حمد:وما باخذ غيرها ام سالم:تراك مسود الويه..اشقيال تركض وراها ..وهي بايعتنك برخيص حمد:القلب وما يهوى ام سالم:شو ذا المنكر بعد...يا ولدي الي باعك بيعه...وخلني اخطلبك شيختها حمد:ما ابى شيختها اباها هي... ام سالم:اقول حمد...قوم من ويهي ..قوم..لا بارك الله في عدوينك حمد:افا والله وزعلت عيوزنا..وهذه بوسه فوق الراس ام سالم:الله يهداك يا ولدي ...انا بزعل من الدنيا كلها وما بزعل منك...بس يا ولدي انا ابى مصلحتك..اخاف الى نهايتك بيكون بيدها ... حمد:الله يخلينا لج يا عيوزنا ...انا بترخص بسير عند سعود ام سالم:عافانا الله من الطاري حمد:لا تعليق ام سالم:سير توكل...ما اعرف ربي متى يريحنا من ذا الطاري حمد(وفي خاطره):احسن نسكت ...ولا بتزفنا العيوز وفي نفس الوقن يت ريم..وشافت حمد ساير صوب الباب....وقالت:وابونا ..والقهوه وطبعا حمد ولا عطاها ويه حمد شاف سالم وناصر داقين سوالف عند الباب حمد:انتوا ما تملون من كثر ما تقابلون ويوه بعض ناصر:اقول حمد...كل تبن سالم:قوية صراحة حمد:افا بس افا يا سالم...بدل ما تدافع عن اخوك تدافع عن هذا الهرم ناصر :شو |
تسلمين فديتج عالبارت<< الفيس راعي الورود
ميعاد بسم اله شو استوى بج.. ندري بج متروعه من سالفه فطوم بس خلاص هالسالفه جديمة.. الحينه انتي شقايل اتدافعين عن حقوق الناس وانتي متروعه وما عندج القوة اللي تسلاين بها سيف عن اخته ها<< فيس ذكي.. بعدين هالسيف شكلنا بجوفه وااايد<< فيس يحرك حياته جوري بتسافربن<< فيس مستغرب.. شقايل بتسافرين وانتي حتى شكله ما تعرفينه.. لا السالفه يبلها يلسه عدلة وتخطيط<< فيس مستهم جمان بلاج عالريال ها.. هذا كله لانه حليله يحبج<< فيس يحرك راسه.. سالفه المتن ما دشت مخيه.. يلا اعترفي<< فيس حاط عينه في عينها سعوود شكلك ريال طيب<< فيس يعرف الناس.. بس اكيد معاملتك للباقين تنعكس على معاملتهم حقك.. يعني اللي يحبك ويراعيك تحبه والباقين مسوي لهم طاف<< فيس محلل نفسي حمد احلف بس اونك بتسوي رجيم.. قول والله بس.. انته اشعنه عاق عمرك عليها ها.. المثل يقول اللي ما يبيك لا تصيح تباه.. بس دامها ما تبيك اشعنه كل يوم راز الفيس وامروح جداهم تخطبها<< فيس يقنعه نترياج حبيبتي<< الفيس راعي الورود http://www.liillas.com/up3//uploads/...29afe633ce.gif |
السلام عليكم ورحمة الله وبركاته
مساء الورد اشلونج عيوني اليوم الجزء قصير بأحداث قليلة يمكن اهم حدث هو مقابلة ميعاد لاخو فاطمة ياترى شنو تفكير اخو فاطمة اتجاه ميعاد يكرهها لانها كانت سبب في فضيحة اخته لو هو من النوع العقلاني الي يوزن الامور ويعرف كيف يتهور المراهق عندما يرغب بأخذ دور المصلح المنقذ ننتظر لنعرف حمد تدرين اني مع سعود وام سالم في رفضهم لزواج حمد من جمان لان البنت رافضته لشكله او هذا الامر الضاهر بس بالحقيقية هي لاتملك له اية مشاعر وهذا ما لمسنها من خلال المشهد الي ربطهم يعني حمد يبني احلامه دون اساس قوي اما مسألة انقاص الوزن للانسان البدين >>مجربة اذا لم تكن رغبة انقاص الوزن نابعة من اعماقه والهدف الاساسي فيها صحته وحبه لنفسه فأن العملية سوف تفشل بمجرد تعرضه لابسط احباط في حياته >>وجهة نظر بكل الشوق انتظرك بجزء اطول من سابقه >>طماعين همسة بنت انقليزية مشكورة عيوني على الاطراء بوح قلم لن استغنى عن قصة من قلمك كلما زادت القصص الاماراتي كان افضل بالنسبة لي>>>فيس يسمع موسيقى وينتظر قصة |
اقتباس:
وايد عيبني تحليلج للشخصيات... بالنسبه لحمد..صج ياخي دامها ما تبيك اشعنه راكض وراها..شو نسوي الحب وعمايله بقى جوري:جي الدنيا سايبه تسافرين جي من غير لا احم ولا دستور...خخخخ سعود:تحليلج منطقي ميعاد: عادة لمن الموضوع يتعلق بغيرج تحس انه عندك قوة علشان تساعدهم..بس لمن شي يتعلق بج خاصة لمن يكون نفسي .من الصعب تتحكمين بنفسج.وجهة نظر حياج |
اقتباس:
بالنسبة لسيف..راح تنبان نيته بالاجزاء اليايه شوفي بالنسبة لحمد ..من وجهة نظري لمن الواحد يكون عنده اصرار قوي يقدر يوصل للشي الي يباه بمعنى حمد عنده اصرار انه يوصل لجمان ..بس يا ترى بيوصل لغايته ولا راح يبان كل شي بالاحداث اليايه افا بس ما طلبتي تبين جزء طويل .امري جم اردة الحياة عندنا حياج |
الجزء العاشر :وفي اليوم الثاني.... ميعاد لمن نشت من الرقاد ..قررت تشوف سيف..قالت بخاطرها انا لازم اطمن على فطوم..علشان ارتاح من تأنيب الضمير كانت متاكده انها راح تحصله بالمحكمه..علشان جي ما راحت لمكتبها مع انه ما كان عندها مرافعه..ولمن وصلت سالت عنه ..خبروها انه عنده مرافعه..وضلت تنتظره وتضرب اخماس باسداس ..يا رب شو صار على فاطمه..جم عندها اللحين... وفجأه انفتح الباب وظهر سيف سيف اول ما شاف ميعاد عطاها ذيك الابتسامه الي تدوخ...وهو كان عارف اصلا انه ميعاد كانت معجبه بيه من ايام الثانويه ميعاد..اول ما شافت ابتسامته ضاعت علومها..ما رامت تكون جمله وحده على بعضها حاولت تسال عن فطوم بس وايد كانت خايفه ..وفي النهايه سالت سيف: ميعاد:احم ..سيف حبيت اسال عن فطوم سيف:اول ما سالته عن فطوم تغير ملامح وجهه وقال:شو رايج ناجل هذا الموضوع لبعدين لكن ميعاد حنت على راسه..الا وتعرف اخبار فطوم سيف:شو رايج اخبرك بمكان ثاني ..ترى وقفتنا غلط ميعاد:ارجوك سيف..انا مب قادره من تانيب الضمير سيف:فطوم... فطوم توفت ميعاد مب مستوعبه هو شو قال.. ميعاد:شو انت اكيد تمزح ...انت شو تقول..فطوم ماتت..يعني خلاص ما راح اشوفها..يعني ما راح تسمع لي..ما راح تسمع لمبرراتي وكانت تصارخ جنها مينونه..حتى الناس الي بالممر كانوا يطالعونها..ومن غير سابق انذار ..اغمى عليها.. سيف ما عرف شو يسوي ..وشاف بنات بالممر وطلب منهم يساعدوه يودونها السياره..ولمن وصلوا الطوارئ..دخلوها على طول الغرفه وقام الدكتور يجيك عليها..سيف كان واقف بالممر .. شاف ناصر وعرفه على طول ..ناصر لمن شافه شبه عليه ناصر:سيف سيف من الخبصه ما رد عليه وعلى طول خبره عن ميعاد ...طبعا ناصر ركض راح لغرفة اخته يطمن عليها..الدكتور الي كان مناوب بالطوارئ طمنه ..وقاله انه شكلها متعرضه لصدمه ناصر راح لعند سيف يساله شو صار ناصر:شو استوابها... سيف:سالتني عن فطوم ..ونزل راسه وقال خبرتها انها توفت ناصر:لا حول ولا قوة الا بالله...الله يرحمها ناصر: بس انت اشقايل تخبرها كذا الله هداك انت تعرف كيف كانت تعز فطوم سيف:هذا الي صار ناصر:لا حول ولا قوة الا بالله...مشكور سيف ما قصرت ..سير يابوي ارتاح سيف:خير ان شاء ..عيل انا بسير الله يقومها بالسلامه ناصر:امين ناصر اتصل على ساره وجوري وخبرهم عن ميعاد..طبعا ساره حشرته ..شو فيها ..وليش استوابها ...ناصر يله يله قدر يسكتها وبعد ربع ساعه..جوري وساره وجمان ..كانوا بالمستشفى ..وساره حاشرتنهم بصياحها ناصر:ساره فضحتينا الله هداج..قلنالج يا بنت الناس ما فيها شي ساره:اشقايل ما فيها شي ..وهي ولا تحس بنا ناصر:لا حول ولا قوة الا بالله جوري:شو الي صار يا ناصر..شو الي وصلها لهنا ناصر:سيف يابها جوري وجمان:من سيف ناصر :سيف يكون اخو فاطمه..جوري شهقت بصوت عالي جمان:منو فاطمه(طبعا جمان ما تدري عن السالفه اصلا) جوري:فاطمه ..فاطمه ناصر:وهو خبرها انها توفت هذه المره ساره هي الي شهقت وقالت توفت ...الله يعينج ويصبرك يا ميعاد...امس كله تقولي انها مشتاقه لها ..وانها بتروح تستسمح منها ولو طردتها جوري:انا لله وانا اليه راجعون...الله يصبرك يا ميعاد جمان:مثل الاطرش في الزفه...فهموني ...منو فاطمه محد عطاها فيس..كلهم يفكروا بميعاد ناصر:يله انتوا سيروا البيت ..انا بيلس معاها ساره:مستحيل اسري واخليها ناصر:ساره..لا تعاندي هي اصلا ما راح تحس بج..سيري يمان تو بيرد من الروضه ساره:مب سايره..جمان وجوري بيشوفون عليه ناصر:براييج جوري وجمان ساروا البيت ..وجمان كلت راس جوري ما خلتها تركز بالسياقه..لحد ما خبرتها سالفة فطوم جمان اول ما وصلت البيت ..سيده ركض لبيت ريم....راحت تخبرها عن ميعاد..ما تقدر تيود نفسها ويلست تصيح عندها لمن هدتها ريم جوري بعد ما بدلت نزلت تشوف جمان..يلست تناديها بس ما حصلتها الا بنفس الوقت ينفتح باب الصاله ..وشافت جمان وعيونها محمره ..جوري بطلت ايدينها وهي على طول ركضت لحضنها ويلست تصيح وجوري تقرا عليها..وصلتها لغرفتها وضلت عندها لحد ما رقدت اما عند ريم..بعد ما طلعت جمان من عندها ...سمعت دق على بابها قامت تبطل الباب شافت حمد وحالته حاله وباين عليه الضيقه والخوف ريم:حمود بلاك ابوي..شو مستوي فديتك..ليه متضايق حمد:شفت جمان طالعه من عندج وعيونها حمر..شو بلاها ريم:اها قول من الاول انك شفت جمان...ما حد يعفس حالك غيرها..ويا ليتها تحس حمد:انا وين وانتي وين..اقولج بلاها ريم:ميعاد بالمستشفى حمد:بسم الله عليها ..شو ياها ريم:سالفة طويله عريضه حمد:شو سالفته بعد..قولي مب وراي شي ريم:حتى لو وراك شي ..انا متاكده راح تلغي كل مواعيدك اذا السالفه تخص جمان حمد:سيري لاه... بروح اسال جمان بنفسها ريم:تسويها والله حمودي ..ما منك امان حمد:حمودي بعينج اصغر عيالج انا ريم:افا ولا تزعل ..يا الشيخ طبعا ريم ضلت تخبر حمد عن سالفة ميعاد..واتفقوا يروحوا يزورونها بالعصريه اما بالمستشفى..بعد ما مرت 3 ساعات وميعاد بعدها ما نشت..ناصر طلب من عند ساره ترد البيت وطبعا بعد الحاح من ناصر وافقت ترد..وقبل ما تطلع من الغرفه شافت ناصر يبوس ميعاد على يبهتها ..ابتسمت وبخاطرها ربي ما يحرمنا منك يا ناصر ساره:ناصر ناصر:لف صوبها ..واشرلها براسه شو ساره:احبك...وربي ما يحرمنا منك ناصر:وربي ما يحرمني منكم بعد..ساره خلي بالج على يمان انا بيلس عند ميعاد ساره:يا ذا العلم توصيني على ولدي...انت بس دير بالك على ميعاد قريب المغرب ... قوم هم ريم راحوا يزورون ميعاد...وعند بوابة المستشفى تلاقوا مع جمان وجوري..وطبعا حمد ما نزل عيونه من عليها ...كان يبى يطمن عليها دخلوا كلهم الغرفة وحصلوا ناصر عندها ريم قالت لحمد:عنبو دارك..كليتها بعيونك..يابوك احشم اخوها حمد:ريم طالعيها اشلون متضايقه ..وعيونها حمر..سيري يلسي حذاها ريم:اقول روميو الله يعينك على ما بلاك وبعد فترة قامت ام سالم .. ام سالم:يله عيل احنا بنترخص جوري:جمان سيري مع قوم هم ريم..انا بيلس مع ميعاد وطبعا بعد نقاش طويل عريض وافقت جمان وساروا كلهم بالبيت ..وريم طول الدرب تحاول تهدي جمان اما بالمستشفى... جوري:ناصر ناصر بعد ما سمع نبرة صوتها الي يتخلله الحنان ..الاخ فج حلجه ويلس يطالع عليها..ويقول بخاطره...شكلج تبين تجليطين اليوم جوري:اخيج..سد حلجك يا السخيف ناصر:اقول جوري ..شو رايج تسري البيت جوري:قصوري اسري البيت..اصلا انا ببات عندها اليوم ناصر:شو ..سيري امي توكلي..انا الي بيلس عندها جوري:وليه يا الاخو ليكون على راسك ريشه ناصر:انا من زمان على راسي ريشه مب من اللحينه جوري:وايد واثق ناصر:طبعا جوري:سير تغدا ...سير ضحك ناصر وشل غداه وسار ياكل..وحليله ما كان ماكل من الصبح كله يحاتي ميعاد على الساعه 8 ناصر طلب من عند جوري ترد البيت ..وطبعا الاخت بعد طلوع الروح وافقت تروح اما ناصر ضل طول الليل يحاتي اهله الي بالبيت حريم بروحهم بالبيت ...واتصل بسالم وطلب من عنده يجيك عليهم ...وقال بخاطره..الله يسامحك يا زياد محسوب علينا زيادة عدد وفجأه قامت ميعاد..واول ما شافت ناصر ميعاد:راحت يا ناصر..راحت من غير ما تسمع لي ..اباها يا ناصر ..ابا اشوفها ولو مره وحده..بس استسمح منها واخبرها اني كنت ابى احميها من ولد ريل امها ...راحت يا ناصر ناصر اول ما شافها تصارخ ..راح لحد عندها وحضنها وقام يهديها ..مسك يدها ناصر:ميعاد..شوفي علي وضغط على زر الممرضه يناديها من غير ما تحس ميعاد ناصر:قولي وراي..لا حول ولا قوة الا بالله..خذي نفس طويل ميعاد:لا حول ولا قوة الا بالله ناصر:يارب اجرني بمصيبتي واخلف لي خير منها ميعاد:يا رب اجرني بمصيبتي واخلف لي خير منها ناصر:يا رب ..وخذي نفس عميق ميعاد:يارب ناصر ضل يهديها لحد ما رقدت ويت الممرضه تبى تعطيها مهدئ بس ناصر قالها ما يحتاي راح تهدئ بروحها... وناصر ضل يقرا عليها ..وهو يحاتي اهله الي بالبيت ...يا الله يا زياد ايش كثر محتايين لك طول الليل ناصر تلفونه ما وقف رن...جوري وجمان وساره يدقوا عليه يطمنوا على ميعاد وفي اليوم الثاني ..ميعاد نشت من الرقاد وشافت ناصر راقد على الكرسي ..وقالت:الله يريح قلبك يا ناصر ويعطيك على قد نيتك ربي يحفظك ولا يحرمنا منك ناصر سمع حس حد فوق راسه..واول ما بطل عينه شاف ميعاد.. ناصر:صباح الخير دلوعتنا ...الي وقفت قلبنا عليها ميعاد:ضحكت ضحكه باهته .. وقالت:الحمد لله احسن ميعاد:ناصر بغيت اطلع من المستشفى تعرفني اكره شي عندي بالدنيا المستشفيات تييب الاكتئاب ناصر:الله اكبر اكتئاب مره وحده..بروح اشوف الدكتور المسؤول عن حالتج طلع ناصر وراح شاف الدكتور المسؤل عنها..وخبره انها تقدر تطلع ..ناصر يعرف اخته ..ما تحب تبين ضعفها لحد علشان جي ما تبى تيلس بالمستشفى اما بالنسبه لسالم ...سمع صراخ زوجته ...وراح ركض لها .. سعاد:سالم لحق علي ..شكلي بربي خلاص سالم:شو تربي ..بعدج بالسابع سالم راح ركض يخبر امه علشان تروح معاهم... اما بالبيت عند قوم هم جوري..ما حد رضى يفطر كلهم نفسيتهم منسده ..سمعوا حد يدق الباب ..وتبطل الباب ودخلوا ميعاد وناصر..طبعا كلهم راحوا يحضنوها..حتى جوري قامت تحضنها وتبوسها..وميعاد كانت تحضنها بقوة لدرجة انهم كلهم استغربوا منها .جوري بنفسها استغربت منها ناصر:كل هذا لميعاد..تراها الا بعدت عنكم يوم جمان:لج وحشه يا ميعاد ناصر:وانا ولد البطه السوده...ما حد سال عني جوري:ناصر انت هنا...تصدق ما شفناك جمان:خخخخ ناصر:شو وبما انه الجزء الياي يعتبر بداية الاحداث الحقيقية للرواية...شو رايكن تخمنوا من هو البطل /البطله الحقيقي للروايه بالرغم كل الي بالروايه يعتبروا ابطال الروايه بس طبعا لازم يكون هناك بطل/بطله للرواية...وشو تتوقعون راح يصير؟ |
السلام عليكم ورحمة الله وبركاته
يامساء الورد تدرين الجزء قصير >>مصرة بس بما انو مقدمة القصة والتعريف بالشخصيات انتهى راضين عليج >>مصدقة روحها وننتظر اجزاء اطول ان شاء الله شوفي عيوني بالنسبة لحمد انا معاج الي عنده هدف وهدف حلو بعد يقدر بالارادة يوصل بس الانسان المفروض يحب نفسه اولا حتى يعرف يحب الناس اشوف حمد المفروض يسوي رجيم لخاطر نفسه قبل لا يكون لخاطر جمان >>وجهة نظر هسة نجي على جزء اليوم ناصر تدرين ناصر شخصية حلوة جدا وهسة اتكأدت انو يستحيل يكسر بخاطر احد حتى ولو على حساب نفسه واعتقد بمرور الوقت راح يجبر نفسه ينسة جوري لانه لن يكسر بخاطر سارة وسارة شخصية رائعة ايضا واشوفهمم اثنينهم مكملين لبعضهم بالطيبة حتى اذا سارة غير مبالية اعتيقد طيبتها وطيبة ناصر راح تغيرها >>وجهة نظر ميعاد وسيف موقف جدا قاسي على ميعاد وسيف كان قاسي بتوصيل الخبر ربما جهلا منه عن نوع المشاعر التي تنبع من داخل ميعاد هولا يدرك ان ميعاد قضت سنين من عمرها تنتظر لحظة لقاء مع فاطمة حتى تبين لها ما كانت تقصد اعتقد ميعاد سوف تجد في سيف عوون لها وسوف تستعيض به عن فاطمة وتوضح له كل ما حصل السؤال لا زال مستمر هل سيف انسان متفهم لما جرى ؟؟؟؟؟؟؟؟ ننتظر زياد لحد هذه اللحظة لم يتضح سبب الهروب بس تدرين بعد مشهد جوري وميعاد اتأكدت انو ميعاد انسان تكن مشاعر حب لجوري ولا زلت اعتقد ان هناك موضوع اقوى سوف يجمعهم ربما عمل ميعاد بسلك المحاماة بالذات الذي سوف تحتاجه جوري يوما ما >>توقع فققط نجي على سؤالك عن أبطال لرواية اني اشوف الرواية كلها ابطال بس الاهتمام حاليا مركز على الغائب حتى يعود يعني زياد والبطلة اكيد جوري بس البطل الحقيقي من وجهة نظري هو ناصر لاحتوائه لظروف عائلته وتوفيره الحنان لهم وحمل هموم نفسه واخيه في غربته ومدارات مشاعر الجميع >>وجهة نظر بالتوفيق عزيزتي |
. السلام عليكم والرحمة
الله حيووو.. خيتا تسلمين على البارت ماادري وينـــــــي فيه يوم انك تنزلين الجزء التاسع والعاشر صدق اخر من يعلم خخخخخخخخ ..غريبة ماشفتس وانتٍ تنزلين البارت وانا مزروعة ولاتزحزحت الا وقت النوم<<تقولين كأني مسمار جحا خخخخخخخخخ ...الله يسلمك ابله ارادة ..واحب اقرأ ردك وتعليقاتك<<عشان اغش من تعليقاتك بتحليلي هههههههههه<<برا من جد تحليلك جدا" رائع وسلسل..واحس تكفين وتوفين...<<فيس كسلان مايحب يفكر ويجمع افكاره هههههههههههه ...وبالنسبة للبطل والبطلة توقعت انا بالبداية ناصر&&جوري بس اكيد البطلة هي جوري بلامنازع هههههههه والبطل الان...احتمال زياد.....او ((سعود)),, صدق سعود ماله دور لحد الان....بس ممكن يكون بطل الرواية هههههههههه (حمد&جمان<<ممكن يطلعون هم الابطال والاحتمال وراد يكون حمد البطل ههههههه عوافي |
اقتباس:
تحليل رائع ...خليج قريب ونشوف شو راح يصير اما بالنسبة للبطل/البطله راح نتعرف عليه/عليها مع الاجزاء اليايه.... بس الكومنت الي كتبتيه عن ناصر كثير عيبني حياج |
اقتباس:
شكله يبالج نظاره ..يالسه على الكمبيوتر طول اليوم وما شفتي البارت ....خخخ احلى شي الكسل وما تبين تعلقين ..خخخ وبعدين تعالي ..بقى حد ما شكيتي بيكون البطل ولا البطله..هههه حياج غناتي...نورتينا بوجودك |
السلام عليكم
هلا والله وغلا ياحي الله بنت زايد ويني عن هالقصه الروعه توني انتبه لها صدق ماعندي سالفه والا الخط وش كبره ماشاء الله بس شكلي بركب مثل نظارات العنقليزيه عسى بس نظري يزين واتبه للقصصه الحلوه مثل وانقلبت الموازين صراحه بدايه قويه ذكرتني بجو قصص معاني (جو مو اسلوب)(يعني فيه اختلاف لوحد فكر اني اقارن ) جو سلب لبي وعيشني بوناسه الجوري اعتقد انها البطله الاولى واتوقع زواجها من زياد منتهي وراح توصلها اخباره قبل السفر ممكن عن طريق ناصر او ممكن عن طريق زياد نفسه البطل اللي راح يرتبط بجوري واحد من اثنين ياسعود وهذا ارجحه اكثر ياهو سالم اللي اتوقع ان زوجته تموت وهي تولد ساره شخصيه ملكت جميع المتناقضات عندي مهمله بيتها وولدها وزوجه حبوبه واخت زوج راقيه بتعاملها مع خوات رجلها بس الغريب دايما يقولون ان الزوجه تحس لو فيه مراءه اخرى في قلب زوجها وهي المراءه الاخره عايشه معهم بنفس البيت ولاهي حاسه سعود ليه ربطه بجوري لان ضروفهم جد متشابهه يتم وعيشه عاله على الاخر ام حمد بصراحه كرهتها جدا مهما كانت ام حنون لاكن معاملته مع سعود تتسم بالوحشيه يعني مو غصب تحبه لاكن تؤذيه اشوفها منتهى الظلم ضحوكه فديتك على هالابداع اللي لامس قلبي ببساطه كلماته سجليني متابعه جديده وبقوه ه ه http://www.liillas.com/up3//uploads/...db51c9a830.gif |
تسلمين فديتج عالبارت<< الفيس راعي الورود
ناصر حليلك يا ناصر والله انك طيب<< فيس حبه اليوم خلاص.. تعرف عاد خواتك ومالهم غيرك<< فيس حرمه عيوزة توصيه على خواته ميعاد الاحساس بالذنب.. مشكله بتواجهينا في حياة خصوصا عقب انعدام الامل في عودة فطوم<< فيس يحرك راسه.. سلامتج فديتج.. اطلبي لها الرحمه ما اييوز اللي تسوينه بعمرج<< فيس يهديها ويا ناصر حمد كسرت خاطري يا ريال.. هالكثر تحبها.. خلاص لك عليه اليوم اربطها ايبها بيتكم تملج عليها وترتاح<< فيس متهور سيف انته شو سويت زين ما جتلتها.. الله يهديك جنك الا بتبشرها بشي.. شاق الحلق وتبتسم ولا تقول لها توفت<< فيس خاطره يصكه على راسه.. عاد عقب هالسالفه الظاهر ان بيكون لك مستقبل باهر في القصة<< فيس يلمح نتوقع.. ونحن في اخر الاسبوع<< فيس راسه مفتر..ما فينيه اتوقع موليه نترياج فديتج<< الفيس راعي الورود http://www.liillas.com/up3//uploads/...29afe633ce.gif |
اقتباس:
هلا حياج يا الغلا.. شفتي اشلون كبر الخط وهم ما انتبهتي للقصه..شكلي بكبر الخط زياده..خخخ خلاص شكلي بوزع نظارات بالمنتدى ...اشتري وحده والثانيه فري..خخخ فديت الطاري...معاني ماكو منها ثنتين بالنسبة لسارة ... اشلون ما تحس انه ريلها يحب غيرها..خلج بالقرب علشان تعرفين السبب اما بالنسبه لتخمينك...راح نشوف مع الاجزاء اليايه منز راح يكون البطل والبطله حياج |
[QUOTE=بوح قلم;2273276]تسلمين فديتج عالبارت<< الفيس راعي الورود
ناصر حليلك يا ناصر والله انك طيب<< فيس حبه اليوم خلاص.. تعرف عاد خواتك ومالهم غيرك<< فيس حرمه عيوزة توصيه على خواته ميعاد الاحساس بالذنب.. مشكله بتواجهينا في حياة خصوصا عقب انعدام الامل في عودة فطوم<< فيس يحرك راسه.. سلامتج فديتج.. اطلبي لها الرحمه ما اييوز اللي تسوينه بعمرج<< فيس يهديها ويا ناصر حمد كسرت خاطري يا ريال.. هالكثر تحبها.. خلاص لك عليه اليوم اربطها ايبها بيتكم تملج عليها وترتاح<< فيس متهور سيف انته شو سويت زين ما جتلتها.. الله يهديك جنك الا بتبشرها بشي.. شاق الحلق وتبتسم ولا تقول لها توفت<< فيس خاطره يصكه على راسه.. عاد عقب هالسالفه الظاهر ان بيكون لك مستقبل باهر في القصة<< فيس يلمح نتوقع.. ونحن في اخر الاسبوع<< فيس راسه مفتر..ما فينيه اتوقع موليه نترياج فديتج<< الفيس راعي الورود هلا وغلا.. خلاص تم يبي الملاج وانا بحجز القاعه ...هههه خلج جريبه.(وين اروح يعني) ..علشان تعرفين شو راح يكون دور سيف بالروايه حياج غناتي |
فديت ضحكتي
الصراحه روايتك حلوة وان شاء الله تكمليها بالخير ناصر طيب سارة اشجعها على التغير لاجل بيتها ولدها يمكن هي ما لقيت التوجيه معياد احساسها بالندم بيقتلها لكنها بتتخطاه وتعيش حياتها اتوقع انها تتزوج سيف جمان تعلقها بجوري كبير لانها من قام بمساعدة على تربيتها جوري الله يعينك على اللي بتواجهينه زياد راس المدبر والمحرك لي لاخويه للمؤامرات البطل الاساسي زياد البطله الاساسيه جوري |
اقتباس:
نورتينا بطلتج... خلج بالقرب ..وراح نعرف منو البطل /البطله للرواية |
الجزء الحادي عشر...
سالم سار يزقر امه علشان تساعد سعاد ...ام سالم اول ما دخلت الغرفة على طول سارت لعندها ام سالم:بسم الله عليج يا بنيتي ..شو ياج..توج يا امي الا بالشهر السابع... سعاد:خالتي احس عمري بموت ...بسرعه يا سالم..الله يخليك مب قادره استحمل سالم على طول خذ سويج السياره وسار صوب المستشفى...كان يسوق بسرعه جنونيه .. وسعاد طول الدرب تصرخ وتنادي امها ام سالم:يا بنيتي قولي يا رب..بدل ما تقولين يا يمه سالم كان زاخ يدها ويقرا اية الكرسي عليها واول ما نزلوا من السيارة سالم سار ييب كرسي لسعاد...وعلى طول ودوها غرفة الولادة اما ام سالم وسالم ضلوا ينتظرون بالممر ام سالم :يا ولدي شو بلاك هدي سالم: مب مرتاح ..حاس في شي بيصير ..احساسي ما يخيب ام سالم:صل على النبي يا ولدي....ان شاء الله تقوم بالسلامه سالم:امين...يا رب ام سالم:اتصل على اختك ...خلها تمر على سلطان وتيبه من الروضه سالم كان واصل حده صارلهم اللحين 4 ساعات داخل الغرفه وهو يجوف اكثر من دكتوره داخله وطالعه سالم طرش مسج لريم....واول ما حط تلفونه بجيبه انفتح باب الغرفه ..وهو على طول راح لعند الدكتوره سالم:ها دكتوره بشري ... الدكتوره:والله ما ادري شو اقولك....الي صار انه الحبل السري كان ملتف على البيبي وفي وقت الولاده انشد اكثر عليه انا اسفه ...البيبي مات سالم: يا الله ..لا حول ولا قوة الا بالله...لا حول ولا قوة الا بالله ..الحمد لله على كل حال ...اللهم لك ما اعطيت ولك ما اخذت ام سالم:شو مات ..وانتن شو فايدتكن داخل ..ما رمتن تسون شي الدكتوره كانت تبى ترد عليها بس سالم قاطعها سالم:دكتورة ..حرمتي كيفها الدكتورة:حرمتك يبالها عملية ..نحتاج توقيعك ام سالم:وشو عمليته بعد..ما كفاكن ذبحتن الطفل الدكتورة: هذا نصيبها بالدنيا ...بس احنا لازم نسوي العمليه علشان ننقذ الام سالم سار معاها وهو لا حاس بالدنيا يحس عمره شرا الربوت يتحرك من غير احساس ووقع على ورقة العمليه ..اهم شي عنده اللحين حرمته ما يستوى بها شي ميعاد كانت يالسه بغرفتها ...دشت عليها سارة ساره:ميعاد اشحالج اللحينه غناتي ميعاد:الحمد لله احسن...ويلست تصيح ساره:ميعاد ما اعرفج ضعيفة ...ولا مب مؤمنه بقضاء الله ترى هذا نصيبها بالدنيا ميعاد:سارة ..القضيه مب قضية ضعف ...انا كنت طول الفترة الماضيه كنت امني نفسي اني بجوفها وبستسمح منها ..حتى كنت اقنع نفسي كل ليلة قبل ما ارقد ان بنرد شرا قبل..تصدقين لمن اكون يالسه بروحي اقول بخاطري يا ترى شو يالسه تسوي فطوم اللحين...وسكتت سارة ما تكلمت ..حبت تعطيها مجال انها تعبر عن الي بداخلها ... وبعد فترة ميعاد قالت: احم ...سارة ما ادري اشلون اطالع ويه سيف ساره:اشقايل اشلون تطالعينه..شرا ما الاوادم يطالعون بعض ميعاد:تدرين سوير ...حد قالج قبل انج سخيفه ساره:هذه ميعاد الي اعرفها...سيري ارتاحي وراج دوام باجر.. ميعاد:ان شاء الله جوري كانت بغرفتها ...يالسه تفكر وتقول بخاطرها يا الله انا المفروض اسافر بعد يومين ...يا رب ساعدني والهمني القوة علشان اخبرهم...والله ما ادري الي يالسه اسويه صح ولا غلط ...اشلون اروح لواحد انا حتى ما اتذكر ويه ...حتى صوته ما يالي سمعته الا اليوم الي يانا وهو يرتجف وبعدين اغمى عليه...وطول الاسبوعين الي كان بالمستشفى ما رضى يتكلم الا وي ابو سالم...ويلست تضحك وتتذكر شو سوت في اليوم الثاني من وصولها لبيت ام سالم...نشت من الرقاد ونزلت تحت ..وجافت ام سالم تسوي الريوق..راحت يلست حذاها وتساعدها ..وفجاه دخل عليهم زياد...ويلس يسوي حركات بيده جوري سارت عنده ويلست تصرخ عليه ... جوري:انت كله معصب ..وبعد تبى تضرب امي عايشة..اذا ييت قريب منها انا بضربك ..اذا تبى تتضارب سير تضارب وي اولاد اليران طبعا زياد فاج حلجه ويقول بخاطره ..شو ها الخبله الي يايبينها ..سوالها طاف وسار بره بعدين يلست ام سالم تخبرها عن زياد وانه ما يتكلم صارله 8 سنين وهم ما يعرفون السبب ومن ذاك اليوم هي وزياد صاروا وي بعض وكانت دوم تقوله عن مضايقات ناصر وميعاد لها ...وكنت اقول بخاطري ليش تضحك لمن اخبرك وتعطيني نظرات شيطانيه...ثريك كنت فرد من العصابه.... ويلست تتذكر كيف كانت تحب مدرستها اليديده ..وكيف كانت شاطره ...لحد ما وصلت الاعداديه جافت وحده كانت معاها بمدرستها الجديمه...وقالت للصف كامل انه امها هنديه ..ردت البيت وهي كانت وايد تصيح...تتذكر اشلون كلهم التفوا صوبها وقاموا يهدونها حتى ميعاد وناصر كانوا يحاولوا يضحكونها ..بس هي حجزت عمرها بالغرفة وما رضت تروح المدرسه ...وبعد 4 ايام جافت ورقة عند باب غرفتها ولمن فجتها حصلت مكتوب فيها...احنا كلنا بندرس وبنكبر ونشتغل وبنكون ناس مهمين بالدولة الا انتي بتكونين جاهله ما تعرفين شي ...وكان مكتوب بنهاية الورقة.. ناصر ..بيكون دكتور ميعاد ...بتكون دكتورة زياد..بيكون دكتور حتى جمان..بتكون دكتورة يابت قلم وكتبت تحت الجمله الاخيره جوري...بتكون دكتورة ولحد اليوم ما تعرف منو الي كاتب الرسالة... نرجع للمستشفى... بعد مرور 5 ساعات ..سالم خلاص ما قدر يصبر اكثر وسار صوب باب غرفة العمليات ...اول ما مد يده يبى يدق الباب ...طلعت الدكتورة سالم: بشري يا دكتورة ..اشحالها حرمتي الدكتورة:انا اسفه بس احنا فقدنا المريضه سالم:ها الدكتورة:اخوي ...هذا كان اجلها ...ادعولها بالرحمة سالم:ما قدر يرد عليها ...بس دموعه كانوا ينزلون وما قدر يوقف على ريوله يلس على الارض ..رفع راسه يطالع داخل الغرفة وجاف دكتورة داخل تصيح وكلهم ملتمين حوالينها ..استغرب بس الي فيه كان كافيه ومب كان قادر يقوم ويسالهم ام سالم كانت يايه من المصلى لمن شافت سالم يالس على الارض والدكتورة وافقه تكلمه ام سالم:بسم الله عليك يا ولدي شو ياك...شو استوى يا دكتوره الدكتورة:يت بترد ...بس سالم قال سالم:راحت ..كان عندي احساس انها بتروح ام سالم: حرام عليكن ذبحتوا المره وولدها...الله يعينج يا اختي ..اشقايل اخبرك انه بنيتج راحت سالم:لا حول والا قوة الا بالله ...ان لله وان اليه راجعون سالم حاول يتصل بحمد يباه يوصل امه البيت لحد ما يخلص اجراءات استلام الجثة...بس حمد ما كان يرد..وحاول يدق على سعود ونفس الشي ما يرد سعود وحمد كان عندهم موعد عند اخصائي تغذيه .. سالم اتصل على ناصر.... ناصر:حيا الله بسلوم ..لك وحشه والله سالم:ناصر انت مشغول ناصر اول ما سمع صوت سالم عرف انه فيه شي ناصر:سالم فيك شي..مستوي شي سالم: اباك توصل الوالدة للبيت ناصر:سالم ..شو مستوي ....شو فيه صوتك سالم :ناصر...سعاد توفت ناصر:شو...سالم انت باي مستشفى ناصر كان يالس بالصاله لمن ياه الاتصال...وسارة كانت يالسه تسولف معاه ولمن سمعت ناصر يقول بأي مستشفى خافت... سارة:ناصر ...شو مستوي ناصر:لا حول ولا قوة الا بالله...ام سلطان توفت سارة:منو ام سلطان ناصر:سعاد..حرمة سالم سارة :انا لله وان اليه راجعون... ناصر طلع من البيت ...وسارة تقول بخاطرها ..لا بالله شكلي بتعقد من طاري الموت ...وبصير جمان رقم 2 سارت سارة تخبر ميعاد وجمان علشان يروحوا العزا اما عند ناصر كان يسوق سيارته ويقول بخاطره ..يا الله يا سالم كنت حاس ..الله يصبرك ناصر اول ما شاف سالم..دمعت عينه عليه..اول مره يشوف سالم بهذه الحاله وهو منهار ..وعيونه حمر ..حتى مب قادر يسند طوله..راح لعنده وحضنه وحاول يهديه... وهم كانوا طالعين من المستشفى ..سالم جاف نفس الدكتورة وهي تصيح وحالتها حالة وكلهم يحاولوا يهدونها كان يبى يعرف شو مستوي وليش هي تصيح جي من وهي داخل غرفة الولادة ...بس مب كان قادر يسند طوله عزا الحريم كان ببيت اخت ام سالم ...وعزا الريايل كان بالمسيد الى جريب من بيت قوم سالم اليوم كان اليوم الثالث للعزا ..وطول ايام العزا سالم ما كان يرد البيت الا متاخر كل وقته بالمسيد يقرا قران ...سعود وناصر كانوا ما يخلونه بحاله ...كانوا يحاولوا يخففون عنه ناصر:سالم يا اخوي ..ما يصير الي يالس تسويه كله حابس نفسك بالمسيد..ما اشتقت لولدك كله يتخبر عنك مب زين عليك محرمنه منك ..بسه انحرم من امه بعد تبى تحرمه منك سالم:كان منزل راسه ..ويقرا ادعيه ناصر:سالم...سير ريح شوي سالم ما قدر يرفض لانه ما فيه حيل اصلا من كثر التعب ناصر سار وخبر سعود ..وقاله انه بيروح يوصل سالم البيت علشان يرتاح شوي اما بعزا الحريم .... جوري وساره وميعاد يالسات حيذا بعض...وسمعوا حريم يتكلمون عن جوري ويقولوا:هذه هي بنت الهنديه الي ربتها ام سالم وعطتها ولدها خلصن البنات علشان تعطيه بنت الهندية وحده من الحريم قالتلهن. ..خافن الله انتن بعزى وبسكن حش ردت عليها وحدة ثانيه :ثرنا شو قلن...تراها بنت الهنديه ..ولا كلمة الحق تزعل ميعاد وسارة لفوا يطالعون جوري...جوري طنشتهم اصلا هي متعودة من وهي صغيره يقولون عنها جي ..بس اول مره تسمعهم يتكلمون بسالفة زواجها...وقالت بخاطرها..الله والزوج حد يسمع ..ولا داري عن هوا داري اما عند ريم وجمان.... جمان:ريم فديتج بسج صياح .. ما راح يفيدها دموعج ريم: وي منو اقعد اسوف اللحين ..منو راح يسمع لي وينصحني .. صح انها كانت قليلة الكلام..وكله بحالها عمري ما سمعتها تحش عن حد...بس كانت مونستيني بالبيت ...ويلست تصيح بصوت عالي ريم: امس سلطان يسلس يتخبرني عن امه .. ويقول ..عمو يعني انا ما عندي ام اللحين..لا ويقول يصير ازقرج اللحين امي بدل عمو ..وقام يسال عن ابوه ما عرفت شو ارد عليه انا اصلا ما جفت سالم من 3 ايام جمان:الله يرحمها ..ادعيلها يا ريم..هي محتاجه لدعواتج اللحين....فديته سلطان شو دراه يعني شو ماتت...ريم لازم تكونين قويه اخوج محتاينكم اللحين اما عند سالم وناصر... ناصر حاول يطلع سالم من حالة الهدوء الي هو فيه ....بس سالم كان يرد عليه بتحريك راسه من غير ما ينطق بولا كلمه ناصر:سالم شو رايك احجز لك تروح العمرة سالم:متى ناصر ابتسم على الاقل رد عليه... ناصر:بروح باجر المطار وبحجز لك....سامحني سالم ما اقدر ارافجك تعرف البيت ما فيه ريال غيري سالم: ما تقصر يا ناصر ...يكفي وقفتك معاي وعلى المغرب جوري وسارة وميعاد ردوا البيت ...وجمان ظلت عند ريم وطلبت من عندهم يقولوا لناصر يمر عليها بعد صلاة العشاء ميعاد راحت لغرفتها ...اما سارة وجوري يلسوا بالصالة يتسولفون سارة: فديتج جوري لا تتضايقين ولا تاخذين على خاطرج من الكلام الي سمعتيه جوري: تصدقين تعودت من كثر ما اسمعهم يقولوا بنت الهندية....بس تطوروا اللحينه حصلوا شي يديد يتكلموا عنه ..شلكهم ملوا من سالفة بنت الهندية ..قالوا خلونا نغير الموجه صاروا يقولوا ما تستاهل زياد سارة: جوري غناتي ...طنشيهم يختي ناس ما عندها سالفه الا تحش بالاوادم...اصلا زياد يبوس يده انه ماخذنج هو اصلا لمن يشوفج بيتخبل...ما شاء الله عليج جميلة...خليه بس يشوف شعرج ابصملج بتضيع علومه جوري: فديتج سارة اعرفج يالسه ترفعين من معنوياتي...وانا عمري ما شفت وحده رقيقة وطيبه شراج ... الله يسعدج يا ساره ويسهلج امورج ويحفظلج يماني وتشوفينه معرس سمعوا صوت ناصر يتكلم بموبايله...جوري غمزت لساره جوري:تصدقين يا سارة....انا لو بمكان ناصر اشكر ربي بكل صلاة انه عطاني حرمه شرا سارة ..جمال واخلاق وطيبه وتنحط على الجرح يبرى ناصر سمعهم وراح عندهم .. ناصر: اصلا مافي شرا سارة اثنين وغمزلها جوري: وانا اشهد..لو درت الدنيا كلها ما راح تحصل شرواها...ولفت صوب ساره وقالت جوري: خيبه ساروه ..طاعي خدودج غاديات حمر ...ساروه اول مره اعرف انج تستحين ناصر: جوري رجاءا ابتعدي عن حرمتيه بتخربينها جوري: عيد...لالالا عيد الي قلته اشوف ناصر: خيبه ..خيبه..صايره مال ضرابه جوري طلعت لسانها لناصر وسارت غرفتها...اما ناصر يلس مع سارة يسولفون سارة: حياتي شو رايك تروحوا انت وسالم للعمره...وحليله يمكن شوي تتعدل نفسيته ناصر: ما رد عليها ظل يطالع عليها ويضحك سارة: احيدني ما قلت نكته ناصر: صدقت جوري لمن قالت انج اطيب وارق حرمه بالدنيا... سارة نزلت راسها مستحية ناصر:انا شاء الله باجر بمر المطار بحجز له ..وما يصير اروح معاه واودركن بروحكن ...سارونه حبيبي بروح امر على جمان..تامري على شي ساره: سلامتك حبيبي ناصر باس راسها وطلع رايح بيت هم سالم...وطول الدرب يفكر بجوري وسارة وكل ما يت صورة جوري بباله حاول يبدل صورتها بصورة سارة ...بس طبعا الموضوع مب سهل هذا مب حب يوم وليلة ....بس ناصر كان يردد بخاطره انا اقدر احط سارة مكانها لازم اقتنع انها شرا اختي ..سارة ما تستاهل اخونها..بس والله مب بيدي وضرب صدره صوب اليسار بيده اما عند ميعاد..كانت تقرا قران لمن ياها مسج ...واول ما بطلت المسج شهقت وقالت سيف سيف كان مطرش مسج وكاتب فيه... اهلين ميعاد ...عساج احسن اللحين بغيت اوصلج امانه من عند فاطمه ..يهون عليج فراقها....سيف ناصر لمن وصل بيت هم سالم ..ضل يدق الجرس بس ما حد يرد اتصل بسالم بس ما كان يرد ...اتصل بسعود قاله انه بالشغل ناصر:انا مستغرب ...ما يالي مره سالت سالم عن سعود الا وقال انه بالشغل..شكله بيشيب من كثر ما يشتغل قرر يتصل بحمد...حمد قاله انه وصل جمان البيت وهو اللحين يوصل ريم اللحين ناصر:اشقايل توصل اختي البيت ..وانا متعني وضارب خط على الفاضي حمد:يا ابني في اختراع اسمه موبايل...ما وصل صوب بيتكم ناصر: بس قول انت وين ...جان ما ييتك وخليتك تسحب الي قلته حمد: تسويها ..عندك ملف اسود في الضرابه ناصر:اقول ..اقلب ويهك حمد:على اي صفحه ناصر : ضحكتني وانا مش عاوز اضحك حمد:اقول ناصر....سير بيتكم ناصر:شو |
.. يسلمو ع البارت
خيتا ..الان شفت البارت كويس خخخخخخخخ والله يرحمها...كان متوقع سالم... ...الله يرزقه المرأة الصالحة ماادري ليه جاء ببالي انوممكن زياد يطلق جوري ...وسالم هو اللي بيتزوجها<<روحي انتي وتفكيرك حححححح تحرم يدك من النار ع البارت |
السلام عليكم
يعطيك العافيه ضحوكه على هالبارت الحلوووووو زوجت سالم توفت مثل ما كان حاس بجد حسيت بقهره وحزنه بس حرام اللي يسويه في ولده ويهمله حتى لو كان منتهى الحزن قطع قلبي سلطان وهو يسال عمته اذا ممكن يناديها ماما مازلت اتوقع ان سالم له حكايه مع جوري الرساله اللي وصلت لجوري من تحت الباب يمكن يكون زياد اللي كاتبها او ممكن ميعاد عشانها تحس تجاه جوري بحب مغلف بغيره وكمان لو ناصر عشانه يحبها بس يضل توقع بعيد ساره وجوري بقلب ناصر ناصر شخص رائع ومقتنع انه ساره ماتستاهل الجرح ومصيره بيحبها خصوص ان جوري مو حاسه فيه وهو مابين لها اي شئ وهذا زاد احترامي له ********** الناس الفاضيه اللي تحش في جوري جوري نصيحه دخلي حكيهم من اذن وطلعيه من الثانيه ضحوكه انتظر القادم بشوووووووووووووووق |
اقتباس:
خلج وياي ومع الاجزاء اليايه ...ونشوف وي بعض شو راح يصير حياج |
مساء الورد
اشلونج عيوني اليوم الجزء عاصف بأحداث مأساوية وهذه هي الحياة تحمل بين طياتها الفرح والحزن ولابد من تجاوز الحزن حتى نستطيع الوصول الى الفرح ولكن هذه امور تعتمد على قوة ايمان الشخص واعتقد سالم يملك هذه القدرة وسوف يتجاوز الحزن بس السؤال من هي الدكتورة الباكية ؟؟؟؟؟؟؟؟؟؟؟؟ظ ناصر تدرين اليوم ناصر خطى خطوة ايجابية نحو نسيان جوري بمجرد ان يعقد مقارنة بينهما معناه انه وضع لسارة مساحة منافسة معينة مع جوري وسارة سوف تفوز بالنهاية ننتظر جوري والسفر تدرين احس السفر مجازفة كبيرة هي لو كانت تسافر من اجل اكمال دراستها فقط معها حق اما ان تسافر من اجل زياد انا لا اتفق معها هذا فضلا عن كونها سلبية جدا في هذا المجال ليش متسأل عن طريق اخواته على الاقل من باب معرفة شنو مصيرهة الى متى تبقى معلقة على هذا الوضع اعتقد ليلية السفر سوف تكون ليلة مكاشفة ومصارحة واما ان تكون دافع قوي يدفع جوري ان تكمل دراستها وتلغي فكرة لقاء زياد اما ان تحبطها وتبقيها حيث هي واعتقد الجوري انسانة قوية تستطيع تجاوز الالم >>وجهة نظر هسة احب اتكلم عن نهاية كل جزء >>اسمحي لي بصراحة اقولج نهاية الجزء يجب ان تكون نهاية فيها نوع من التشويق والفت النظر وبث روح الحماس لمتابعة الجزء القادم نهاية اجزائك تفتقد للحماس اتمنى ان لا اكون ازعجتك برأي وصدقيني هدفي مصلحة القصة بالتوفيق غاليتي |
جوووري ...
الله يعينك على كلام النااس ...لان الناااس دايماا دووور على عيووب النااس وماااتشوف عيوبهااااا نااااصر.... انت خلاص تزوجت ...اترك عنك جووري ...وفكر دايماا بساااره ولدك ...وشوي شوي ساااره راااح تملك قلبك سااالم ... الله يسااااعد ويرحم حرمتك ...بس التفت لووولد ...حرااام فقد امه لاتخليه يفقد ابوووه وانت عاااايش .... ميعاااد ... شي صعب انك تنتظرين غفرااان ومساامحه شخص ...وتكتشفين انه ماات وهوماسامحك بالنسبه لتوقع البطل والبطله ...اعتقد ان البطله طبعاا هي الجوري ...والبطل هووسعوووود.... منتظرينك.... |
اقتباس:
هلا غناتي... بالنسبة للناصر...بالفعل عقد المقارنة تعتبر بداية فتح المجال لحب سارة ان يطغي على حب جوري..بس يا ترى بيكون الموضوع سهل ولا تصير اشياء تكون خارجه عن ارادة الشخص... بالنسبة لجوري...خليج بالقرب وراح نشوف شو راح يصير بالنسبة للكومينت الي كتبتيه...مب بينا الازعاج وفي النهاية الهدف الاساسي ان القصة تطلع بصورة كاملة .. ANY HOW I'll think about it حياج |
اقتباس:
نورتينا بوجودك وبتعليقح |
تسلمين فديتج البارت<< الفيس راعي الورود
سعاد وسالم فيس يصيح.. الله يرحمج يا سعاد.. سالم عظم الله اجرك ..يا ريال اذكر الله واطلب لها الرحمة.. اللي تسويه بعمرك ما ييوز<< فيس ينصحه.. الحينه روح العمره وان شاء الله ربك بيهونها<< فيس حزين ناصر قلت لك انك جي<< فيس مسوي اوكيك.. زين تسوي اوقف وياه هو محتاينك الحينه<< فيس يوصيه على سالم جوري ما عليج منهم.. الناس دومهم جي ينقدون على غيرهم حتى لو ما فيه عيوب<< فيس يحرك راسه سارة انتي جي<< فيس يشبه الفيس اللي صوب ناصر.. خلاص من اليوم حبيتج<< فيس بسرعه يرضى عالناس نترياج فديتج<< الفيس راعي الورود http://www.liillas.com/up3//uploads/...29afe633ce.gif |
الجزء الثاني عشر:
ميعاد تزهبت ونزلت الطابق الارضي وسارت تفطر ... ميعاد: يا الخونة ليش ما تنتظروني سارة :الكسالة اخر ناس يشتكون ميعاد: طاعوا من الي يتكلم سارة: قامت تحرك جذلتها يمين ويسار ..تحرها ميعاد :عشتوا ... جمان :احنا نفتك من ناصر وجوري...تبدوا انتوا سارة :على طاري جوري ..وينها ناصر: غريبة اول مرة تتاخر بالرقاد ميعاد عطته نظرة قوية ..يعني سارة هنا..وطبعا سارة ولا بالدنيا جمان :ليكون صايرلها شي ..وعلى طول ركض لغرفتها ناصر:خبله ذي البنت..ما اعرف متى تكبر يمان: بابا تاخرنا ميعاد :خيبه طالع دحاح على ابوه سارة:ميعادوا صلي على النبي ..عيونج تصيب.. بعدين شو قصدج طالع على ابوه ميعاد : يا ماما انا عيوني باردة ..جان زين لو تصيب ..وقالت بصوت واطئ كنت بصيب شعر جوري ...وبعدين يا حلوه خليها مستورة لاطلع فضايحج ايام الجامعه سارة:حلفي انتي بس ناصر:اقول يمان ..سرينا قبل ما تستوي ضرابه وتشديد شعر جمان كانت نازله من الدرج :قوية صراحة ..هذا تنزيل من مستواكم (تقصد سارة وميعاد) ميعاد: لو سمحتي لا تتدخلين بسوالف الكبار ..وبعدين وينها امج جمان :جفتها راقده سارة :جمان متى راح تبدين جامعه جمان : الاسبوع الياي سارة :اقولج اللحين ريم ليش جي مستعيله على العرس.. ميعاد: دومها مستعيله ..حتى على المدرسه كانت مستعيله..لدرجة انها دخلت الصف الاول وي جمان جمان: تقول انها تقدر توفق ما بين الدراسه والزواج سارة: يختي صعب جي ميعاد: تراوالج الناس كلهم محدودين القدرات شراج سارة: ميعادوه ..كلي تبن ..بعدين يا ماما الوحده احسنلها تعيش حياتها ..وبعدين لاحقه على المسؤليه جمان: طاعوا منو يتكلم عن المسؤوليه ..الا ما تقر موليه بالبيت ناصر رجع ياخذ بوكه كان ناسيه ..وجافهم بعدهم يسولفوا ناصر:بسكم انفرقعوا يله جمان: عاشوا راعي انفرقعوا..لا ما نروم صراحة ناصر:احم احم..اخجلتم تواضعنا جمان:وابوي ..احسنلي اشرد ..شكلكم تبون تمرضوني اليوم وبعد الافطار ..الكل راح لشغله وجمان قررت تروح هند ريم اول ما وصلت مكتبي ...جفت على الطاولة بوكيه ورد ...كلمة روعة قليلة عليها...وينب البوكيه كان في صندوق مغطاي بقماش مخمل ماروني ومزين باكسسسوارت ذهبية...استغربت ما احيد اليوم عيد ميلادي قلت بخاطري شو مستوي منو الي ييت بخاطره اليوم..يلست على الكرسي وشميت الباقة يا الله شو حلو ريحة الورود ..تريح النفس والبال ..حصلت بطاقة على الصندوق فجيتها وشفت مكتوب فيها... الحمد لله على السلامة ...ان شاء الله اخر الطيحات ...هذه امانة لج من عند فاطمة...ديري بالج على روحج تراج غالية علينا.....سيف لحضة ..لحضة في جمله يبالها وقفه ..شو يعني غاليه علينا رديت اقرا البطاقة مرة ثانية وثالثة.. معقولة سيف يحبني... يعني على الاقل هو يكن لي مشاعر هذا اضعف استنتاج اقدر اوصله ..شميت البطاقة وبوستها ويلست ابطل الصندوق بايدين ترتجف ...حصلت دفتر ومكتوب عليه..الى غاليتي ميعاد ها خط فطوم ..مستحيل اتوه عن خطها ...يلست افر بالصفحات ابى اعرف شو داخل الدفتر..شكله يومياتها ...فتحت اول صفحة وقبل ما اقرا اي شي وصلني مسج طنشت تلفوني وبديت اقرا بس ما مداني اقرا اول جمله الا وحد يدق باب المكتب ...رفعت راسي واجوف منو الي ياي ..شهقت ..سيف وهو ولا على بالله يى ويلس بالكرسي الي جدامي وفسخ نظارته الطبيه...لالالا ارجوك رجع النظارة مكانها ما فيني على عيونك طبعا قلته بخاطري سيف:عيبج البوكيه ميعاد :احم ..وايد حلوه سيف:طبعا ذوقي... ميعاد:لا رد سيف:ميعاد بغيتج بسالفه تراني مليت من هذا المدير هلكنا كل يوم والثاني ميتنج وياليت يقول شي مفيد ..لا بالله شكلي بغير قسمي جفت سامي (معاي بنفس المكتب ): بسج تتحلطمين ترى بسيتويبه شي الريال ..ردت عليه شيخه(معانا بنفس المكتب): جان زين بنفتك منه سامي : عافانا الله منكم من حريم .انا قايل المفروض ما يوظفن حريم.. قلتله: طاعوا ها..الله يعين حرمتك ..انت احسن تضل عزابي . قطع كلامنا صوت مسج من تلفوني ..واول ما بطلت تلفوني جفت مسج من عند جوري ... صباح محمل بريحة العطور ...الى ارق القلوب...ربي لا يحرمني منكم يوم... ممكن نجتمع اليوم كلنا على الساعه 5 ...في موضوع اريد ابلغكم اياه..ضروري صراحة خفت..قلت بخاطري بسم الله شو مستوي ..لا حول ولا قوة الا بالله شكله ها الشهر ما راح ينتهي على خير..حاولت اتصل بجوري خوفتني صراحة بس تلفونها مسكر ...اتصلت بميعاد اسميني بوداي وهي بوادي ..انا اكلمها عن المسج وهي تكلمني عن سيف..متفيجه هاي اتصلت بجمان وسالتها قالتي انه وصلها نفس المسج وهي اللحين عند ريم ...واول ما توصل البيت بتتصل وتطمني... كنت يالس اكلم حمد اتاكد اذا جهز اغراضه لانه بنسافر باجر الصبح رايحين العمرة ..وحمد يقول ليش مستعيل بجهزهم بنص ساعه...سمعنا تلفوني يرن ..جفته رقم غريب واول ما رديت عليه ...طلع واحد من المستشفى وقال انه من لجنة الاخطاء الطبية ويباني اروح عندهم ضروري ...وقال انه صارله 3 ايام يتصل فيني بس انا ما ارد ..استاذنت من عند حمد ورحت المستشفى وانا اقول بخاطري شو يبى فيني اول ما دخلت مكتب الريال الي اتصل فيني ..جفت نفس الدكتورة الي كانت تصيح بذاك اليوم ..تصدقون بعدها يالسه تصيح حشى ما يخلصوا دموعها هاي...لحضة ..لحضة اخطاء طبية ..مستحيل الي افكر فيه يطلع صح كل هذا وانا واقف اطالع الدكتورة ..استحيت على ويهي ويلست وانا بعدني مبهوت ... طبعا الريال بدء يعرفني بنفسه وقالي انه من لجنة الاخطاء الطبية ...وعرفني بالدكتورة وقال انها استشارية نساء وولادة وانها هي الي سوت عملية حرمتي ويلس يفهمني انها قطعت الشريان بالغلط وقت الولادة وهو الى سوى نزيف وسبب في وفاة المريضه ... انا كنت بعالم ثاني وهو يتكلم ..يعني سعاد توفت بخطأ طبي قطع علي سرحاني الدكتورة ما اعتقد انها كانت تتكلم كانت تشاهق وتصيح اكثر من هي تتكلم ..تصدقون رحمتها هاي اشقايل تعيش وهي حاسه بالذنب الريال يلس يفهمني انه في قضية راح تترفع على الدكتورة بسبب الخطا الطبي ...يلست افكر شو الفايدة سعاد راحت مب يايه القضية ترجعها اما عن الدكتورة ..احساسها بالذنب اكبر عقاب لها ...قلتله اني متنازل عن القضيه والمسامح كريم بس قلتله اني اخر مره ادش مستشفاكم وانا طالع سمعت حد ينادي باسمي لفيت الا واجوف نفس الدكتورة...ويلست تستسمح مني وتعتذر وتقول انها مب قادره ترقد من 3 ايام سالم: يا دكتورة انا مسامحج ومتنازل عن القضيه بس حبيت اخبرج كل ما تبي تسوين عملية تذكري انج يتمتي طفل سرت عنها وسمعتها تشاهق ...ما كان قصدي اجرحها ولا اني ازيد عليها احساسها بالذنب بس لازم تعرف انه الي صار مب كان هين وانه ارواح الناس امانه ولا تعيد الي صار مع حرمتي مع وحدة ثانية .... خيبه شو مستوي بشباب هل الايام ما ادري شو مشكلتهم مع السرعه ...يا حبهم يسوقوا السيارة بسرعه جنونيه ما يفكروا بعواقب السرعه ولا يفكروا باهلهم ...لا حول ولا قوة الا بالله ..يا دوبي داخل مكتبي ابى اريح ريولي شوي صارلي 4 ساعات ما يالس ..اول ما دخلت المستشفى الا واجوف الحشرة في الطوارئ وعلى طول عرفت حادث ..وبالفعل طلع توقعي صح مجموعة من الشباب كانوا يتسابقوا بالسيارت وشاحت سيارة واحد منهم ...الله بهدبهم بس ما ادري متى يعقلوا ....جيكت على تلفوني حصلت مس كول من عند سارة ومسج...فتحت المسج وجفته من عند جوري ..اول ما قريت السطر الاول استغربت جوري مب متعوده ترسل شرا ذي المسجات بس لمن كملت السطر الثاني ..قلت بخاطري شو مستوي...اتصلت عليها بس تلفونها مسكر ..اتصلت بسارة اتخبرها عن المسج بس هي بروحها كانت مستهمه ...اتصلت بالبيت ردت علي البشكارة سالتها عن جوري قالت توها ركبت غرفتها ...رديت اتصل عليها قلت يمكن فتحت تلفونها بس حصلته مسكر ...ما مداني اضغط على زر الاتصال كنت ناوي اتصل بميعاد بس سمعتهم ينادوني ويقولوا حالة طارئه وعلى طول ودرت التلفون وطلعت من المكتب... احس بالصداع...يمكن لاني ما رقدت الا ساعتين يلست معضم الليل ارتب اغراض السفر...يا الله البيت هادي كلهم رايحين لدواماتهم وجمان عند ريم...كنت متردده افتح تلفوني ولا ما فيني اكلم حد اصلا احس عمري مخنوقه امس طول الليل افكر الي يالسه اسويه صح ولا ..ما عندي مجال اتردد او حتى اتراجع ...هذه وصيه ميت ولازم انفذها.. بس مب انا الي ارمي نفسي على ريال.. سمعت صوت جمان من ورا الباب تسالني اذا راقده ولا ....يصعب علي فراقج يا جمان انا اصلا ما احاتي احد كثر ما احاتيج ..اخاف يستوا بج شي لمن اخبرج ...فتحتلها الباب عاد ما اخبركم ويها اشلون غادي من الخوف جوري: هلا جمان بغيتي شي غناتي جمان:جوري فيج شي ...مستوي شي ..يعورج شي ..اكيد مريضه وتبي تخبرينا انج راح تموتين...وقامت تصيح صياح يقطع القلب جوري بخاطرها:جي انا بعدني ما خبرتها اني بسافر..رحت احضنها ..جمان غناتي شو مريضه مب مريضه واموت وما ادري شو ....فديتج ما فيني شي لا تستهمي جمان:عيل شو سالفة المسج جوري:وليش مستعيله ..راح اخبرج على الساعه 5 ...جمان اشلون استعداداتج للجامعه جمان:على قدم وساق... جوري:اباج توعديني انج راح تطلعين الاولى على دفعتج..وما راح تخلين اي شي ياثر على دراستج ..اباج تكونين قوية ما تنكسرين بسهولة وما تخلين الضروف تاثر عليج ...خلي العقبات تدفعج للامام ..دايما خلي ايمانج بربج قوي جمان: اوعدج..بس ليش تقولين جي جوري:ليش صايره حساسه..اختي وحبيبتي اريد اطمن عليها فيها شي جوري:جمان..احيانا الضروف تفرض علينا نسوي اشياء احنا مب مقتنعين فيها واحيانا نسويها علشان الحياة تمضي واحيانا نسويها لانه يكون دين برقبتنا ونبي نسدده...واحيانا نسويها لانه قدرنا ونصيبنا بالدنيا ..وفي النهايه عسى ان تكرهوا شي وهو خير لكم... جمان: جوري شو تهذين انتي ..ما فهمت عليج شو الي تبينه اللحين جوري: ابى اقولج اني وايد احبج واعزج وربي يشهد علي جمان: جوري انتي مسخنه..انتي مريضه صح يالسه تودعيني جوري:جمان فديتج والله مب مريضه ... تبين غصب تمرضيني جمان:بسم الله عليج من المرض جوري: سيري صلي غناتي جمان:طرده محترمه هاي جوري:شطورة فهمتيها وهي طايره جمان حضنتني وطلعت...يلست اصيح اخاف جمان يستوابها شي من بعد ما اخبرها يلست اجوف الورقة الي عطاني اياها ابوي محمد ..سامحني يا ابوي بس ما اقدر اركض وراه ..صدقني بخليه هو الي يركض وراي تجمعنا كلنا على الغدا ...واستغربنا انه جوري مب موجوده مب من عوايدها سمعت سارة تكلم جمان وتسالها عن جوري .سمعتهم يتكلمون عن مسج شو السالفه شو مستوي وانا اخر من يعلم.. ميعاد :شو مستوي..عن اي مسج تتكلمون سارة :سلامات يا الاخت ..انتي وين عايشه امي ميعاد:عن السخافه ..شو في جمان:يعني انتي ما وصلج مسج من عند جوري ميعاد:ما جيكت على تلفوني سارة:رفعت حواجبها ...الي ماخذ عقلج ميعاد: سيري لاه ميعاد:ناصر ...اي مسج ناصر:جوري مطرشه مسج تبانا كلنا على الساعه 5 ميعاد:جوري مب طبيعيه اليوم بعدين الكل سار يريح..... على الساعه 5 كنت نازله من الدرج ناصر وسارة كانوا وراي ...نزلنا الصالة جفنا جمان وجوري يالسات ينتظرونا صدقوني في شي غير طبيعي ...يلسنا ننتظر جوري تتكلم سارة :خير جوري في شي ..خوفتينا جوري :خير ان شاء الله ..ممكن تيلسوا انا كنت يالسه حذا جوري...سالم وساره كانوا مجابليني ..وجمان يالسه الصوب الثاني من جوري جوري :احم ...طبعا كلكم تعرفوا اني المفروض راح ابدا الماستر الاسبوع الياي ناصر :المفروض جوري : المفروض ...بس في ضروف حتمت علي اني ما اكمله هنا سارة:كيف يعني هنا جمان :شو ها الالغاز جوري :يعني راح اكمله بلندن جمان صرخت: يعني راح تسافرين...اشقايل تسافرين وتخليني بروحي ..حرام عليج تروحين وتخليني ..اصلا انتي وعدتيني انج ما تخليني مب كافي امي وابوي راحوا ميعاد :جمان اهدي خلي البنية تتكلم سارة :ومتى السفر جوري : الليلة جوري من اهني قالت الليلة ..وجمان من اهني شهقت... خلوني اوصفلكم الوضع الي يالس يصير ...سارة مبققه عيونها على جمان الي تصارخ وتحاول تبعدها عن جوري... جمان يالسه تصارخ وتقول انتي انانية ما تفكرين الا بنفسج شكلها تخبلت ذي البنت..وما معطيه مجال لجوري انها تفهمها لدرجة انها كانت تهزها اما انا كنت متوقعه انه جوري بتسافر لاني سمعت ابوي يوصيها قبل ما يتوفى ..بس ما توقعت الليلة... نروح للعاشق الصامت اكيد تستغربون اشلون اعرف بسالفة ناصر وحبه لجوري ...اكتشفت كل شي باليوم الي توفى فيه ابوي تصرفات ناصر كانت مب طبيعيه كان اول ما يدخل البيت يسال عن جوري ..وكان يتصل فيني اكثر من مرة يتاكد اذا اكلت ولا...وطبعا تاكدت بعد سالفة الشعر الطويل والخبله سارة مب بالدنيا طيبتها مخرب عليها ..تصدقون انها طيبه لدرجة انه حتى الياهل الصغير يقدر يقص عليها يبالها شي يصحيها من الي هي فيه....ناصر كان منزل راسه ..ومكور يده يعني كان شرا الاسد الثائر الي يبى ينقض على فريسته وبالفعل انقض على فريسته ...ناصر صفع جمان اصلا لو هو ما صافعنها جان انا صفعتها مصختها صراحة اشلون تتجرأ وتقول انتي راميه نفسج على الريال جمان ركضت لغرفتها ...ناصر طلب مننا كلنا نيلس قبل ما يقول اي شي الشغالة زقرت سارة ...على قولتها مدام يمان يصيح ناصر : وزياد يعرف جوري : لا اهني انا الي تكلمت :شو...عيل عند منو تيلسين جوري : بكون بشقق الطلبه ناصر :شكلج مضبطه امورج...وتبينا بس نوصلج المطار جوري : ليش تقول جي... ناصر:شو تبينا نقول ...شوفي تسافرين تروحين عند ريلج انتي حره ...بس انج تسافرين وتسكنين بروحج وريلج مب داري هذا الشي مستحيل يصير جوري :اسمحلي يا ناصر ..ما اعتقد ترضاها لي اني اتصل بزياد واقوله انا يايه عندك تعال واستقبلني بالمطار ...انا مب رخيصه لهذه الدرجه ..صح يتيمه بس ما ارمي نفسي على ريال ما سال عني طول عمري ميعاد :شو ها الكلام يا جوري...القضية مب قضية رخيصه ولا مب رخيصه القضيه انج ما تعرفين حد اهناك اشقايل تتصرفين بروحج جوري: ميعاد انا مب اول وحده تسافر بروحها تراني رايحه ادرس ومؤقتا راح اسكن بشقق الجامعه ...ولمن استقر بدورلي شقه منفصله ... ناصر : جوري هذه اخر مره اسمعج تقولين ها الكلام ...مب انا خواتي الي يحسوا نفسهم رخيصات ولا عاقات نفسهم على حد..اذا تبين انا الي اتصل بزياد وغصب عن عيونه يستقبلج ويحطج فوق راسه جوري: نزلت راسها وما ردت عليه ناصر:عندج رقم خالي جوري : عندي رقمه وحتى عندي رقم زياد ..ابوي عطاني اياهم ارجوك ناصر ما ابى لا زياد ولا خالي يعرفوا ...انت ما تثق فيني ما تثق اني اقدر اعتمد على نفسي واقدر اتصرف ناصر: اكيد واثق فيج ..بس اباج توعدينا اذا احتجتي لاي شي ولا ما قدرتي تستحملي الوضع تردي جوري :اوعدك ناصر...سكت وما قال شي وبعد فترة ناصر :اغراضج جاهزه ..ناقصج شي جوري : مشكور ..مب ناقصني شي طلع ناصر ...وضلينا انا وجوري ودخلت علينا سارة سارة :جوري لا تاخذي بخاطرج من كلام جمان ..صدقيني ما كان قصدها جوري : ادري ما كانت تقصد ..وما توقعت ردت فعلها يكون جي ميعاد :تدريبها وايد متعلقه بج ...ان شاء الله اللحين تهدئ جوري :ميعاد سيري شوفيها اخاف تسوي شي بعمرها شليت عمري وسرت صوب جمان...تصدقون اني مب متضايقه بس اكيد مب فرحانه ...صح اني اغار منها بس ما اكرهها ...ليش ما يخلوها تسافر وتشوف حياتها بسها صايرلها متزوجه على ورق من 8 سنوات وعمرها ما شكت انا واثقه انها تقدر تدبر عمرها ومستحيل ترمي نفسها على زياد... حتى لمن انطق اسمه احسه شي غريب ويديد علي بطلت باب غرفة جمان ...شو ها هذه اكيد تخبلت وبضمير حي بعد... ميعاد :جمان شو يالسه تسوين..تخبلتي سمعنا صوت ميعاد تصارخ على جمان ..ركضنا انا وسارة نجوف شو مستوي واول ما دخلنا الغرفة جفنا جمان يالسه ترمي ملابسها سارة :بسم الله عليج جمان...شو يالسه تسوين جمان : بسافر مع جوري...بكمل دراستي بالندن ميعاد :شو ... طلبت من ميعاد وسارة يطلعون برة الغرفة...يلست على الكرسي اراقب جمان وهي ترمي ملابسها بالجنطه جوري: جمان شو يالسه تسوين جمان : لا رد يا الله هاي اشقايل افهمها... جوري :جمان انا مسافره بعد 5 ساعات ....جفتها هدت ورمت اللبسه الي كانت بيدها رحت وسحبتها من يدها ويلستها حذاي ...جمان غناتي اباج تحطين ببالج اني مسافره بطلب من ابوي محمد مب برغبه مني وانتي اكثر وحده تعرفين شو كان ابوي محمد بالنسبه لي لو كان طالب عيوني كنت بعطيهم اياه فما على بالج ودمعته كانت بعينه لمن طلب من عندي اسافر...جمان انا بييكم بالاجازات وانتي تقدري تزوريني كل ما حنيتي ... غناتي لا تخليني اسافر وانا احاتيج والله لو كان بيدي لهونت اسافر بس ما اجوف دمعتج جمان :توعديني تزورينا بالاجازات...وتتصلي كل يوم جوري :اوعدج بزوركم بالاجازات ...اما اتصل كل يوم قوية هذه صراحة جمان : ما استاهل يعني جوري :اذا جمونتي ما تستاهل عيل منو الي تستاهل ويلست احضنها ...ربي يحفظج يا جمان ويحنن قلبج على حمد يالس اسوق السيارة من نص ساعه ومب عارف وين اسير... ليش احس الدنيا ضلام وان الشوارع مضلمه..ليش احس عمري تايه بالضلام..ليش احس داخلي ضلام ...ليش احس الدنيا ضلام وان الشوارع مضلمه ...ليش احس الكون ضايق علي ..ليش.. يا الله ما ادري اشلون يودت اعصابي وما تهورت كنت شوي واقول لجوري لا تسافرين لا تبتعدين ... سمعت تلفوني يرن ... تمنيته يكون سالم لانه اكثر شخص محتاينه اللحين ما حد راح يفهمني غيره وما حد راح ينصحني غيره ...شفته رقم دولي استغربت ناصر :الو ...السلام عليكم :وعليكم السلام ...اشحالك ناصر ناصر : الحمد لله...منو معاي :مسود الويه ...اشقايل ما تخبرني انه جوري يايه لندن ناصر :شو... [/B][/SIZE][/COLOR][/B][/COLOR][/SIZE][/B][/SIZE][/COLOR] |
.. السلام عليكم والرحمة
تسلمين غناتي ..ع البارت الرائع وتحرم يدك من النار يارب.. ...وبارت اليوم اطلق بارت واستمتعت بقرأته وووو عساتس ع القوة يارب ..تصدقين لما كانت تصيح هالدكتورة قلت اكيد في سبب ورى هالدمووع ..ممكن راح عن بالي خطأ طبي وسعاد..الله يرحمها ..واعجبني حكمة سالم...وانه عفوه وتسامح للدكتورة....تصدقين جاء ببالي انو ممكن يتزوجها هعهعهعهع<<مهبوله بجد انا خخخخخخ وجوري...ياحياتي وتعجبني قوتها وثباته ورايحة لندن لآجل وصية المرحوم ..بس تسافر من غير محرم جدا" صعبة ...واتوقع الاتصال اللي جاء لناصر من زياد ومعصب ليه جوري جات لندن ..تمنيت انو يشوف جوري ويموت ع زولها ويحبها وثمن ينصدم بالواقع المر انها هي جوري زوجته من 8 سنوات ويشوفها شحلاتها وشزينها... ..متحمسين للتكملة واقول لك ياجوري فايتنغ<<متأثرة بالكوريين ههههههه |
ضحوكه تسلمين عالبارت حبيبتي<< الفيس راعي الورود
جوري انتي جي<< فيس مسوي اوكيك.. لا تعطينه مجال يحس انج عاقه عمرج عليه<< فيس واقف وياها..المفروض هو اللي يلحقج هب انتي تربعين وراه وتسافرين له<< فيس وياها للابد ميعاد لا انتي هب في حاسيتج.. الحينه هالورود فرت لج راسج<< فيس يحرك راسه..بعدين هالسيف هب مطمنه له يمكن يبي ينقم منج عالفضيحة اللي سويتها حقهم<< فيس يدقق في الاحداث سارة لا انتي تبطين الجبد.. يا بنت الحلال هاي هب طيبة.. هالشي اسمه سذاجة بلاج مقصه اي حد قال لج شي صدقتيه ها<< فيس ينبها جمان بسم الله.. شو ياج عفستي الدنيا.. ممكن اعرف هالحشرة هاي كله ليش<< فيس مدرسة.. البنت بتسافر تدرس ما اظم ان السالفه محتايه هالزوبعة الي سويتيها<< فيس معصب ناصر لا انته حالتك حاله.. الحب بيسافر<< فيس نذل يحرك حياته.. اخير لك عالاقل تكون عندك فرصة تجوف سارة وتبتعد عن جوري.. يمكن تنساها<< فيس يدور له حل سالم تنازلك عن القضية شي جيد من الناحية الانسانية.. بس في نفس الوقت اكبر خطا ارتكبته.. الاهمال كان سبب وفاة حرمتك.. والاهمال وعدم الانتباه بيكون سبب وفاة غيرها.. لازم تحصل عقاب رادع.. صح هي حاس بالذنب والرمسة وقعها اكبر من وقع اي عقاب ثاني بس بعد ارواح الناس هب لعبه<< فيس متعقد من الاخطاء الطبيه الطرف الثاني عالتلفون اكيد زياد.. ولا خالهم.. واللي خبره سالم.. مع ان اختفاء سارة بعد يثير الشك<< فيس يدور في الادله نترياج فيدتج<< الفيس راعي الورود http://www.liillas.com/up3//uploads/...29afe633ce.gif |
اقتباس:
فايتنج مره وحده..داخله حرب حياج |
اقتباس:
خلج جريبه ونجوف منو المتصل... حياج |
بارت اغلبه يدور حول سفر جوري
قضيه الاخطاء الطبيه منتشرة كثير بس مافيه توجه لانهائها وهم يزيده العقوبه بس بدون تطوير للطبيب نفسه زي ماتوقعت راح تصير علاقه بين معياد وسيف المتصل هو زياد اماان جوري ماودها يعرف زياد انها مسافرة له ممكن تكون صح وغلط في نفس الوقت صح لانه تحس جوري انها راميه نفسها عليه غلط لو صار عليها شي بينصدم زياد بوجودها تقبلي مروري |
اقتباس:
نورتينا بوجودج وبتعليقج ..خلج بالقرب حياج |
الجزء الثالث عشر:
ناصر :خالي فيصل الخال فيصل : مسود الويه ..اشقايل ما تخبرني انه جوري يايه لندن ناصر: خالي منو قالك انها بتي الخال فيصل:ابوك الله يرحمه ...على اخر زيارة يى لعندي وخبرني ..ووصان عليها ناصر: خالي انا بروحي اليوم عرفت ...توها مخبرتنا انها بتسافر الليلة الخال فيصل:شو الليلة ناصر: شو ما عندك خبر الخال فيصل:عندي خبر انها بتي لندن بس ما كنت اعرف الليلة ناصر:خالي ...هي طلبت من عندي ما اخبرك ولا اخبر زياد الخال فيصل:اشقايل ما تخبرنا ...شو الدنيا سايبه ناصر:خالي خلها على راحتها ...هي بتسكن بسكن الطلبه وعندها رقمك بتتصل فيك لمن تحتايك .. وانا راح اتصل بزياد واجوفه الخال فيصل: شو على هواها هي..اسمع انا الي راح استقبلها بالمطار عطني رقم الرحله ولا شو ابى برقم الرحله بروح اجيكه اون لاين واجوف متى توصل ..اما على زياد هب ياي اخبره ...بس تاكد من رقمي عندها ناصر: الي تجوفه ..حايه اماره خالي فيصل :ما تقصر دير بالك على حالك وعلى خواتك ناصر : على خير ان شاء الله الله يرحمك يا ابوي ...حتى وانت متوفي مرتب لها حياتها ...يا ليتك خليتها شرا غيرها من البنات تختار حياتها بروحها..يالله الواحد ما يعرف الخيره وين يمكن لمن تبتعد اقدر انساها ..سبحان الله وعسى ان تكرهوا شئ وهو خير لكم تخبلت من كثر ما يسالني عمران نفس السؤال ..يعني عرسنا تاجل خلاص ..في النهايه قلتله اسال امي الي هي تشور عليه انا موافقه ..تصدقون في شي مب طبيعي في بيتنا اول شي اجتماعات حمد وسعود السريه والطويله ما تبشر بالخير ..وسالم من ياي من بره وهو سرحان مب بالدنيا موليه ...زين بعد حصلت شي يشغلني خلني ابدا اطفر بحمد وسعود مع اني ما اداني سعود احسه دوبه معصب ومتعقد وعايش في عالم غير عن عالمنا بس احسن فاكنه من ويه سرت غرفة حمد ولمن بطلت الباب سكتوا ريم :ليش سكتوا ..كملوا عادي ولا كاني موجوده حمد :ومنو الي قال انج موجوده اصلا ريم :عن الغلط...خذوا راحتكم في الكلام حمد :طاعوا هاي ..يا ماما كلام الكبار ما يدخل فيه الصغار ريم : اقول حمد جنك الى ضعفان حمد :طبعا ..احنا مش قاعدين نلعب ريم :لينشق حلجك من الفرحه بس حمد :بتخبرك شو بغيتي انتي رازه ويهج ريم :احم ...ما احب يكون في اسرار في البيت وانا ما اعرفها حمد :ايوا قولي جي ...اشتغلت اللقافه سعود :حمد انا بروح ..عندي شغل بخلصهم واحصلك ريم : خيبه ..نسيت انه موجود حمد :ريم لا تبدين ريم :ما علينا ...اقول وين سايرين انت وسعود حمد : ريم سكري الباب وراج ريم :قويه تطردني من غرفتك...مصيري بعرف ما حد فاهمني . ..كلهم على بالهم اني ناوي انزل وزني علشان جمان ...ما انكر انه جمان تعتبر سبب من ها الاسباب ..بس السبب الاساسي ما حد يعرفه الا سعود كنت من فتره شاك انه عندي اعراض السكري ولمن سويت الفحص طلع شكي بمحله ..ما خبرت حد الا سعود مافيني على الحشره وعلى موال الوزن وبالفعل اخترت الشخص المناسب ...سعود عنده قدره غريبه على ضبط اعصابه ..اخذ الموضوع بهداوه سرينا انا وهو المستشفى وسوينا الفحوصات وطلع عندي سكري بس هب كان مرتفع بس كان لازم يرقدوني عندهم علشان يكملوا باقي الفحوصات ويراقبون السكري ...وسعود قال لسالم اني برقد بشقته وطبعا الدكتور لازم علي انزل وزني ضروري واسوي رياضه ...في البدايه سعود على باله اني ابى اخف علشان جمان فسجلنا بالجم انا وهو بس بعدين لمن عرف بسالفة السكري سوالي موعد مع اخصائي تغذيه علشان امشي على نظام غذاني معين ...والحمد لله لحد اخر مره جيكت على السكري كان اوكي والدكتور طلب من عندي اوقف الحبوب ومع الرياضه والنظام الغذائي بدا وزني ينزل شوي...ولي ساعدني اكثر شي هو اصراري اني ابين لجمان هب انا الي ينرفض...انتظري بس يا جمان لخليج تركضين وراي وتتمني نظره وحده مني واعطيج درس ما تنسينه طول حياتج حتى لو تتطلب اني ادوس على قلبي... انه المظهر عمره ما كان المقياس الصح علشان نحكم على الناس صارلنا نص ساعه واحنا مرتزين بالصاله ننتظر الاخ ناصر يوصل...واخيرا تشرف يبالنا نزفه اللحين.. والله حاله ميعاد :جان تاخرت زياده ناصر: سوري تاخرت عليكم ما انتبهت للوقت جوري: حصل خير . ركبنا السيارة ...سارة يلست جدام . .انا وجمان وجوري يلسنا ورا ...جمان طول الدرب وهي ميوده يد جوري وحاطه راسها على كتفها وتصيح خيبه ما يخلصون دموعها هاي..سندت راسي على السيت ويلست افكر بطلب سيف تصدقون يبى يخطبني رسمي ما تصدقون وقع الكلمه اشلون كانت علي فجيت حلجي وقلتله ها اسميني فضيحه اكيد الريال يقول بخاطره هاي ما صدقت على الله وانخطبت...يلس يخبرني انه كان معجب فيني من ايام ما كنت اسير عند فطوم .. وطلب من عندي رقم ناصر علشان يكلمه وجت لحضه الوداع ...يا الله احس بالكتمه والضيقه سلمت على ميعاد الي حضنتني وطلبت مني اطمنها لمن اوصل ...سلمت على سارونه فديت روحها يا ناس والله انها تنحط على الجرح يبرى يلست توصيني على نفسي وعلى دراستي ...اما جمان طبعا فتحتها مناحه حتى الناس يلسوا يطالعوا علينا فضحتنا وما رضت تسكت لحد ما ناصر قام يهديها ...اما ناصر طلب مني اتصل عليه اول ما اوصل واطمنه وطلب مني افكر بسالفة زياد بجديه وقالي انه خالي هو الي بيستقبلني بالمطار جي انا موصيتنه ما يخبرهم بس هو قالي انه خالي اصلا كان يعرف بروحتي للندن وانه ابوي محمد قايله بيني وبينكم احسن ما فيني على التكاسي ...خليتهم وراي ورحت لصالة المغادرون انتظر لمن يعلنوا عن اقلاع الطيارة حطيت ببالي ركوبي للطيارة راح تعتبر نقطة تحول بحياتي ..نقطة تحدي لذاتي نقطة اثبت فيها لزياد الي ما سال عني ولا مرة اني قويه واني هب جوري الاوليه الضعيفه الي تتاثر بكلام الناس ...تصدقون اقل تخمين كنت حاطته ببالي انه زياد اهو الي بييني ما يا ابدا ببالي اني انا الي اروح لعنده بس حلو شعور التحدي حلو لمن تحط ببالك شي ويكون عندك اصرار غريب انك توصل لهذا الشي ...يتبدد عندك اي شعور بالخوف ويبقى فقط شعور المغامره شعور رد الاعتبار ..اصعب شعور للواحد لمن يحس نفسه انه انفرض على حد ..انه مجرد وسيله يتمسك بها الطرف الثاني علشان يوصل للي يباه ...انك تكون في هامش الشخص الي المفروض تكون انت اساس تفكيره ..ان وجودك كان ظرف زمني وانتهى.....صح اني ما اعرف زياد ولا اعرف تفكيره ..بس الي متاكده منه اني فرضت عليه واني كنت بمثابة طوق النجاة الي تمسك بها علشان يهرب من الواقع الاليم الي كان عايشه...تصدقون انا اعذره بس بنفس الوقت اعاتبه..اعذره لاني لو كنت بضروفه وابى اشرد من مجهول مسبب لي رعب اسوي المستحيل علشان ابتعد ..فما على بالك اذا هذا المجهول رد لي صوتي فمن الطبيعي اني ازيل اي عائق يوقف جدام هروبي من هذا المجهول وانا كنت العائق وعلشان يزيل هذا العائق لازم يوافق عليه ... بس اعاتبه لانه اكيد قدر يتخلص من هذا المجهول اصلا المده الي عاشها هناك كانت كفيله انها تنسيه المجهول ...معقوله ما ييت بباله...معقوله ما فكر فيني طول ال 8 سنوات ...معقوله ما فكر انه في وحده اسمها مرتبط باسمه ...معقوله ما فكر انه تارك وراه وحده متزوجه 8 سنوات على ورق ... واخيرا رقد سلطان ...من ساعه احاول ارقده وهو يبى قصة وضل يسالني عن امه ..هب انت بس الي فاقدنها يا سلطان حتى انا صح انها كانت انطوائيه ونادرا ما كانت تتكلم او حتى يصير حوار من بينا بس وجودها وابتسامتها كانوا يكفوا.. الله يرحمج يا سعاد...تذكرت ريم اسميني الله يعين عمران عليها وعلى حشرتها صدعتني لحد ما خبرتها بسالفة الدكتورة والخطا الطبي احتشرت وقالت من باجر تسير وترفع عليها قضيه شو على بالها ارواح الناس لعبه اصلا يبالها تسنيع وانت اشقايل ترخص بحياة حرمتك جي ويلست تهدد اذا ما رفعت عليها قضيه باخذ امي وبنسري المحكمه ..وبعد تعرف تهدد.. بالله عليكم لو رفعت قضيه وتعاقبت الدكتورة بترجع سعاد ...اما بالنسبه للدكتورة صدقوني يكفيها الي هي فيه ويكفيها الكلام الي راح ينقال عنها ونظره الدكاتره والناس لها ...يبالي اتصل بناصر واودعه بالمره ...اتصلت فيه بس مايرد ..وعلى الاتصال الثاني رد علي بس صوته مب كان طبيعي سكرت من عنده على اساس نتلاقى عند البحر..وبعد نص ساعه وصلت وجفته يالس يطالع الناس الي رايحه والي راده سالم:متى تودر هاي العاده ناصر:ليش شكتلك سالم:ضريف صراحة ناصر:كيف الاستعداد للسفره سالم:الحمد لله كل شي تمام ...ناصر مستوي شي ناصر:جوري بتسافر الليلة ..سايره لندن سالم :شو..متى استوا ذا الشي ناصر:هي خبرتنا اليوم سالم :احسنلها ...خلها تجوف حياتها..وانت تجوف حياتك ناصر:حياتي مستقرة والحمد لله .. سالم :لا تكون بعدك تفكر فيها ناصر: من اللحضه الي خبرتنا انها بتسافر لندن...في نفس اللحضه قررت اعاملها كاخت فقط...انا هب نذل افكر في حرمة اخوي...كنت غلطان لمن عطيت قلبي وعقلي المجال انهم يتعدوا على املاك غيري ...وربي يشهد اني طول الفترة الماضيه ما تعديت حدودي معاها ...هي لزياد كان المفروض اني دايما اذكر نفسي بها الشي واحطه ببالي ...من ها اللحضه قلبي راح يكون ملك لسارة ..وسارة تستاهلهم ..بس يحتاي اقومها من الي هي فيه سالم :والي يقولك عنده الطريقه الي يقومها من الي هي فيه ناصر :غرد ... سيف : شو طير ...المهم اسمع سمعت حس حد يزقرني فتحت عيوني وجفتها المضيفه تطلب مني اربط الحزام لانه وصلنا..اخيرا ما بغينا صراحة.. شكلي بستقر هنا ما فيني على السيره والييه بعد ما اخذت اغراضي يلست ادور على خالي فيصل انا متعوده اناديه خالي من وانا صغيره المهم حصلت حد يناديني لفيت وجفته خالي ما شاء الله عليه خالي بعده شباب ما تغير عن اخر مره يى وزارنا..ركبنا السياره وطول الدرب وهو يعاتبني لاني ما بغيت اخبره وقال انه بيدورلي على شقه مع انه كان مصر اني اسكن معاهم بس انا رفضت وبشده مستحيل اروح لزياد بنفسي... اول ما نزلت من السياره لفحني اللهوا البارد وانكمشت على نفسي تصدقون شويه واصيح ابى ارد بلادنا اشتقت لاهلي خلاص ما ابى اكمل الماستر هنا المكان موحش بكمل ببلادنا..بس تذكرت ابوي محمد ويت صورته ببالي وهو يوصيني قويت قلبي ودخلت وخالي اصر انه يي معاي بس انا قلتله ما يحتاي بتصرف بروحي ..ويا ليتني ما طلبت منه يروح سويت نفسي هيرو على الفاضي ما عرفت وين اروح خيبه وايد شقق و بنايات هنا جفت وحده وسالتها عن رقم غرفتي وصفتلي المكان زين بعد مب بعيد ميوده دفتر فطوم ويالسه اقراه ...يا الله طول الفتره الماضيه كنت اظن انه فطوم ماخذه على خاطرها مني بس بعد ما قريت دفترها اكتشفت العكس ...النذل ولد ريل امها الي ما يخاف ربه قالها انه هو الي خبر ابوه انك تتحرشي فيني وقالها هذا يزاتج عيل تبين تقلبين السالفه علي وانطرد من البيت ...وحليلها فطوم وايد انظلمت وهاست بدنياها.. وصلني مسج اكيد من عند سيف يتخبر عن تجهيزاتي للملجه ...فتحت المسج وكان مكتوب فيه ...غناتي باقي اسبوع وتكونين حلالي شو رايج نخليه عرس بالمره ..ضحكت عليه من بعد ما تقدم لي رسمي وهو يحن على راسي نملج ونعرس بنفس الليله بس انا ابى ملجه ابى اتعرف عليه اكثر ...تصدقون ما توقعت سيف يطلع جي طيب وعلى نياته حتى ناصر وايد يمدحه توني راده من بيت ابوي ..ويمان فديته رقد في السياره من التعب ..يلست اطالع عليه وتجمعوا الدموع بعيوني تذكرت الفتره الي مرض فيها ورقدوه بالمستشفى ..صابه فيروس الاسهال والترجيع اتذكر لمن رحت اجيك عليه بالليل جفته مب طبيعي وباين انه فيه جفاف اتصلت بناصر 5 مرات بس ما كان يرد كان عنده مناوبه بنفس الليله ...شليناه المستشفى انا وميعاد وانا طول الدرب اصيح وادعي ربي انه يحفظه اول ما دخلنا الطوارئ وجافوه نادوا على دكتور الاطفال المناوب وعطوه مغذي على طول ولمن خلص المغذي يمان حشر الدنيا بالصياح وضل يصرخ ما يبى ابرة المغذي الدكتور ما كان شايلنها مجرد انه سكر عليها علشان يعطونه مغذي ثاني لمن يحولونه للجناح بس يمان ضل يصيح يباهم يشيلون عنه الابره فالدكتور اضطر انه يشيلها ..وبعد نص ساعه من الفحص يت الممرضه تركب المغذي بس العروق(الوريد) مب كانت واضحه ويلست تحاول مره ثانيه بعدين قالت بروح انادي الدكتور ويى وجرب وما نفع ونادي دكتور غيره كل هذا وانا اصيح واشاهق ويمان يصرخ ويقول ماما يعور وانا كنت احس قلبي يتقطع عليه كنت شويه وابوس يدهم واقولهم بسكم.. بس هم ضلوا يدوروا على عرق في ايدينه وريوله بس ما حصلوا صرخت عليهم وميعاد كانت تهديني وفي النهايه قرروا يدخلون انبوب من فمه علشان يعطونه سوائل وبعدين يشيلوه ويكون العروق بانوا شويه ..اول ما دخلوا الانبوب صرخت عيلهم ميعاد طلعتني بره الغرفه وانا اسمع صياح يمان كنت يالسه على الارض واللممرضه تهديني وبعد ربع ساعه ظهروا الدكاتره وقالوا بعد ساعتين بنشيله.لحد اللحين صورته مب راضيه تروح من بالي والانبوب بفمه ..ويمان ضل طول الساعتين يصيح يباهم يشيلوا الانبوب من فمه وبعد ما شالوا الانبوب ركبوا المغذي .. في نفس الوقت اتصل ناصر ما قدرت اكلمه ميعاد ردت عليه وخبرته بالسالفه وبعد 10 دقايق بالضبط يانا واول ما جاف يمان راح لعنده وقام يحضنه ويبوسه وفجاه طلع وسمعنا صراخ وحشره بره الغرفه رحنا نجوف شو مستوي الا ونجوف ناصر ماسك اوراق ويصرخ على الممرضه والدكاتره ويقولهم من سمحلكم تضلوا تحاولون تدخلون المغذي اكثر من 10مرات خافوا ربكم المفروض تنادوا واحد من التخدير واهو الي يدخل المغذي هم الي عندهم خبره في هذه الاشياء ...ما قدرت استحمل الوضع ودرتهم وسرت صوب يمان يلست احضنه واقرا عليه ومن بعد ذاك اليوم تغيرت نظرتي للحياة ...كل ما فكرت انه ولدي كان بيروح من يدي اقول الدنيا ما تستاهل الواحد يركض وراها ...و ما طلعت مكان الى ويمان معاي اصلا نادرا ما كنت اطلع خلاص كفايه السنوات الماضيه كنت بعيده عنه اسوم جدامج 10 دقايق جان ما نزلتي بروح...يا ربي من اسماء ما ادري متى تودر هذه العاده لازم نتاخر يوميا عن محاضرتنا بسبتها...دخلت سيارتي وصبحت على امي عايشه وابوي محمد وبوستهم ..حاطه صورتهم على مخده لونها بنك..ومعلقه صورتهم بالمرايه الاماميه ...بنفس اللحضه وصلت اسماء اسماء: يا بنتي عيب هذه الحركات تسوينها بالشارع جوري:ما سويت شي ...صبحت على امي وابوي اسوم : جوري دوسي بنتاخر على المحاضره جوري طالعت عليها بنص عين مب جنه هي الي ماخرتنا ..وصلنا لمحاضرتنا بسلام الحمد لله انه الدكتور ما كان واصل يلسنا انا واسماء حذا بعض كالعاده...سرحت افكر بوضعي وبخالي فيصل الي مب قصر معاي بشي من ييت للندن حتى الشقه يابها لي بعد اسبوع من وصولي ..ودوبه يتصل علي ويباني ازورهم واتعرف على عايلته وانا ارد عليه واقوله جريب ان شاء الله ..اتذكر اول ما بديت دراستي ضليت اسبوعين ما اعرف حد من المحاضره للشقه ومن الشقه للمحاضره لحد ما تعرفت على اسماء هي ساكنه بنفس بنايتي ومعاي بنفس المحاضرات يعني نفس تخصصي لمن تعرفون سالفتها ترحمونها ..تصدقون انا لحد اللحين ما جفت زياد مع انه معاي بنفس اليامعه بس هو بقسم البزنس ..اسماء تحن على راسي كل يوم وتقولي روحي جوفيه مستحيل اسويها واروح عنده بخليها للايام وهي كفيله انها تيمعنا ما حد بينزل مستواي الدراسي غير ريم تعرس هي واضيع انا ...لازم كل يوم بالعصر اطلع معاها تتشرالها اغراض عرسها مب باقي على عرسها الا اسبوع حد يسمع يقول عرسي رديت عليها واتفقت معاها تمر علي بعد نص ساعه...طالعت على صورة جوري الي حاطتنها خلفيه للاب توبي اليوم كملت شهر من سافرت واحسه سنه احس بالوحده من غيرها افتقد لنصايحها لسوالفها معاي صح انها تتصل كل يومين واكلمها بالمسن كل يوم ..بس هم افتقدها تصدقون حياتي طول ها الشهر كانت بين جامعه وريم ..يتني رنه من عند ريم يعني اترياج تحت...ركبت معها ولمن مرينا صوب بيتهم جفتها تسوي باي طالعت صوب ما هي تسوي باي جفت شخصين يسلموا على بعض بس ملامحهم مب كانت واضحه لي لاني كنت لابسه نظارتي الشمسيه ... جمان :منو هذول ..اول مره اجوفهم عندكم ريم :شو... اشقايل اول مره تجوفينهم |
يسلموو على البارت ضحووووكة ابدعتي.. ..كلنا راح فكرنا للمتصل انو يكون زياد خخخخخ اصلا" المفروض اطرد هالتوقع لآن ناصر شاف رقم غريب...وهو يكلم زياد بين فترة وفترة..يعني اكيد رقم زياد معه<<بس دلخة راحت من بالي ههههههههه ...... وجوري وزياد بنفس الجامعه والمكان يالله الزمان هو الكفيل بالجمع بينهم ويبقى السؤال لو شاف زياد جوري...اكيد هوب عارف انو هذي جوري 8 سنوات كفيلة تغير الشخص.. ..وبما انهم ماكان بالسابق برضو علاقة تجمعهم سواء كويسة ولا شينه ...... متحمسة ليوم اللقاء المنتظر ..... ناصر..شي طيب انك فكرت كذا وتحاول تطرد التفكير بجوري...وتسعى ورى هالشي ومااستسلمت وقلت..انها حبك الاول والاخير ماترووم تودره ..... وجمان هههههههههه اكيد ماعرفت حمد بعد التغير وشكله صار فنان بعد الرياضة والرجيم اتوقع صدق بتتخبل جمان مع الوقت بحمد وحمد بيدوس ع قلبه ويعطيها درس ^_^... وسيف وميعاد مبرووك الخطبه عقبال ماافر بعرسكم... ..والخال فيصل..وقفته مع جوري طيبه..كطيب اخلاقه... واحس لو بتلبي الدعوة والعزيمة ممكن الخال يرتب لقاء بين جوري وزياد خخخخخخ مع انو مااتوقع يسوي كذا بجوي مجرد توقع طرى ببالي .......... عوافي ياحلوة وماقصرتي وعساتس ع القوة يارب تشومل كوماوو |
تسلمين فديتج عالبارت<< الفيس راعي الورود
ناصر وسارة زين انكم رديتوا لحاسيتكم.. ناصر وانتباهه لوجود سارة في حياته.. ومحاولته التقرب منها اكثر ونسيان جوري.. وسارة ما بيغيتي تودرين الاسواق<< فيس متعقد من الاسواق.. يمان<< فيس يصيح.. حشى قطعوك الله يقطع العدو<< فيس متاثر حمد هي دام السالفه فيها سكري.. انزل بدال الكيلو 10 ما بنقول لك شي<< فيس يبي مصلحته ميعاد وسيف بعد احس ان هالسيف وراه شي<< فيس شاك فيه.. الله يتمم لكم على خير بس ما قلتو متى الملجة<< فيس بيفصل له فستان جوري الاقدام على المجهول.. وتحدي انسان اصبح خصمك الاول بدلا من ان يكون اقرب الناس لك<< حالتج صعبه.. عاد ما ندري عن الاكشن اللي بيستوي جان جفتيه<< فيس بد يخطط الخال فيصل انته جي<< فيس مسوي اوكيك.. وفيس ثاني حبه.. زين انك موجود يا ريال جان صدق بيتضيع الاخت تتحرى عمرها مروحه من امارة للثانيه<< فيس يجوفها بطرف عينه تناولت اخطاء الاطباء باتقان.. وهذا يدل على شيئين فقط.. اما ان تكوني من اصحاب هذا المجال.. وبالتالي تظهر لك الاخطاء جليه.. او انك قد عشت بطريقة مباشرة او غير مباشرة هذه الاخطاء.. اليعض ينسى انسانيه المهنه ليتحول لجزار يفعل ما يرده دون رحمه.. ليصل لهدف واحد فقط.. هو تطبيق ما تعلمه.. تاركا ورائه اثارا تعجز السنين عن مسحها نترياج فديتج http://www.liillas.com/up3//uploads/...29afe633ce.gif |
اقتباس:
خلج بالقرب ونجوف توقعاتج اذا تصيب ولا حياج |
اقتباس:
حلوه من اماره لثانيه...خخخ تقدري تقولي عشت بطريقه غير مباشره هذه الاخطاء حياج يا الغلا |
هلا وغلا حبايبي...قبل ما انزل البارت عندي عتاب بسيط ...لحد اللحين احنا واصلين بالبارت الرابع عشر ..ومب
ملاقيه ردود على الروايه ..الا من اشخاص معينين وعلشان خاطرهم يالسه اكمل تنزيل اللاجزاء ... فما ادري يا ان الروايه مب ملاقيه استحسان ..او ان الي يالسين يقرونها ما عندهم وقت يردون ...فياليت احصل تعقيب على الروايه علشان يكون عندي دافع اني اكملها ... الجزء الياي بيكون يوم الثلاثاء ...ان شاء الله الجزء الرابع عشر: ريم : اشقايل ما عرفتيهم...واحد منهم يوسف والثاني الخقاق سعود جمان: خيبه ما عرفته يوسف متغير عن اخر مره جوفته...بس تصدقين اول مره اجوف سعود ولا جنه يران ريم: خلي عنج هل الخقاق اذا احنا ساكنين معاه ما نجوفه ..بس احسن مريحنا من ويه جمان :ثريج ضالمه الريال ...كنت اتوقعه لا يرى بالعين المجرده ريم :لا تبدين ترى بفرج بره السياره جمان:عافانا الله متوحشه...تصدقين سمر معذوره يوم جافت سعود وتخبلت ريم: جي وانتي لابسه نظاره شمسيه ...بعدين هو عادي مافيه شي مميز غير عيونه الرماديه جمان: بعد عيونه رماديه ريم : بتسكرين سالفته ولا افرج فديتها ميعاد ...طالعه تخبل بفستانها الذهبي بس هي وايد مرتبكه ..ما اجوف شي يخوف جي بعدها تعرفه وتحبه ...عيل لو ما كانت تعرفه شو كانت بتسوي فينا ...تصدقون رحمتها سارونه ورحمت يدها الي زاختنها ميعاد ..ضاغطه على يدها من ساعه ومب راضيه تودرها جنها وصيفتها...فاتكم تجوفون ويها لمن قالوا المعرس بيدش ...انا وريم انبطنا ضحك عليها وانا اقول لريم دورج ياي الاسبوع الياي لا تضحكين ...ودخل سيف طالع رزه صراحة وهم مره لايقين على بعض ...وحليله سيف كنت ضالمته بس طلع وايد طيب واهم شي انه يحب ميعاد ...اتذكر ذاك اليوم الي مرضت فيه ميعاد وكانت تشتكي من بطنها ولمن ودينها المستشفى قالوا عندها الزايده اتصلت بناصر علشان يحصلنا بالمستشفى ولمن يى كان سيف معاه شكلهم كانوا متواعدين واتذكر نظره الخوف الي بعيونه ..لكن ميعاد كانت تحفه ذاك اليوم فضحتنا يلست تصيح عند غرفة العمليات تراوالنا انها خايفه من العمليه بس طلعت الاخت تصيح لانه جسمها بيتشوه ..على قولتها ريلي بيشرد لمن يجوف بطني ...اعتقد ذاك اليوم سيف خلص كل باقات الورود الي بالمحلات لدرجة انه ما كان في مكان بالغرفه تحطين فيه ريولج اخيج منها ربيعة اسوم تيب الجلطه للواحد ...ما ادري اشقايل اسوم مستحملتنها ما تنبلع خير شر ...تصدقون صايرلها نص ساعه تتمدح بدكتورها من كثر ماتمدحه حسيته هيرو زمانه دست على ريول اسوم يعني صرفيها ربيعتيج قبل ما انتحر...واسوم يلست تلمحلها انها مشغوله وتبي تدرس بس الاخت ولا بالدنيا يالسه تكمل مدح بالدكتور ...حشى لوح ما تحس تصدقون شويه واروح اقول للدكتور ارحمها وتعال واخطبها ... اسوم :بالله عليج مريوم انتي متاكده هذا بني ادم ولا ملاك مريم:تراج ما جفتيه ولا تعاملتي معاه...ما ادري متى يحس فيني جوري:خيبه ...مضيعه الحيا هذه البنت(طبعا قلته بخاطري) اسوم :مريم فجيني ما حيدني جفت دكتور بمواصفاته بقسمنا ...شكلج تجوفين فارس احلامج بالاوادم مريم:يا الخبله وحد قالج انه بقسمنا اسوم:ليش هو باي قسم مريم :بالبزنس يا ماما ...نسيتي اني اخذ ماده ايليكتف بقسم البزنس اول ما قالت قسم البزنس بلعت ريجي ...وكنت يايه اسالها شو اسمه بس اسوم سبقتني اسوم:شو اسمه وياليتها ما سالت لاني ما جفت جدامي من كثر الدموع الي تيمعوا بعيوني ...اسوم على طول مسكت يدي وقومتني وقالت لمريوم بنروح عندنا محاضره...مستحيل الي سمعته زياد ..من ساعه وهي تتمدح بزياد وانا ولا بالدنيا ...تتمدح بريلي وتتغزل فيه وانا اشاركها ..اه يا حرقه قلبي ابى اصرخ بصوت عالي واقول حرام عليك يا زياد ليش تسوي فيني جي انا ما سويتلك شي انا حتى ما اعرفك ليش تحطني بها المواقف ..ليش تحرمني اني اكون شرا غيري من البنات افتخر واقول هذا ريلي ...مالج حق تمدحينه ..مالج حق تتغزلين فيه...حتى ها الشي حرمتني منه ...اكرهك...اكرهك يا زياد ..بنفس اللحضه اتصلت فيني اسوم شكلها بعدها تحاتيني ...فديتها لو لفيت الدنيا كلها ما راح احصل شراتها...الله يسامح اختها الي دمرت عايلتها علشان واحد ...خلني اخبركم سالفتها ..اختها كانت تحب واحد معاها بالدوام ...وعلى كلام اسوم انه ريال ما ينعاب وكان يموت على اختها ولمن يى يخطبها ابوها قاله ان البنت محيره لولد عمها ...طبعا اختها احتشرت عليهم وقالتلهم انها ما بتاخذ ولد عمها ولو كان اخر ريال بالدنيا...واختها ضلت سنه تحاول تقنع ابوها وامها انهم يوافقوا بس ابوها كان مصر على رايه لا وقالها ملجتك راح تكون بالشهر الياي ...وفي اليوم الثاني اختهم تاخرت بالدوام ..اخوها وابوها راحوا يدورون عليها بس ما لقوها ... بس حصلوا رساله في غرفتها كانت كاتبه فيه انها تزوجت عن طريق المحكمه من الريال الي معاها بالدوام...ابوها ياه جلطه على طول ومات ...وعمها حشر الدنيا على راسهم وما بقى حد ما عرف بالسالفه ...امها ماتت بعد اسبوع من وفاة ابوها وصارت سالفة اختها على كل لسان ...وما بقى حد ما عايرهم وعلى الطالعه والنازله كانوا يعقون عليهم رمسه لدرجة انهم ما كانوا ينادونها باسمها كانوا يزقروها اخت الشارده...في النهايه اخوها قرر انه يسافر وياخذها معاه ...واللحين صايرلهم بالندن حوالي 12 سنه...واخوها متزوج وحده اجنبيه ولاهي بحياته ما يسال عنها بس يي من فتره لثانيه يجوفها اذا ناقصنها شي ..حرمته وايد قويه ومسيطره عليه ومعودتنه على الشرب والسهر ...وفي يوم واحد من اللي يسهروا مع اخوها حاول يعتدي عليها واخوها كان سكران ولا بالدنيا ...علشان جي هي ساكنه بروحها ...نصحتها ترد البلاد وتعيش مع عمها وتستحمل كلامهم ولا تستحمل الغربه بروحها سعود من ساعه يالس يقنعني اروح معاه اجوف جم نزلت ..لاني ما رضيت طول ها الشهر اجيك وزني مع انه سعود يقول وايد ضعفان بس انا كنت ابى لمن اوقف على الميزان اجوف تغير جذري تغير يعطيني الثقه باني سويت شي جبير...تصدقون طول ها الشهر ما جفت جمان او خلني اقول اني كنت مستقصد ما اجوفها ... سعود :حمد ..تراك ذليتني حمد:شو تعطيني جان سرت وياك سعود:وايد ماخذ على عمرك مقلب... حمد:صراحة رحمتك ...يله نمشي سعود:اونك رحمتني ...امشي جدامي بس اول ما وقفت على الميزان وجفت وزني ...صرخت بصوت عالي يس يس ... سعود :الحمد لله والشكر ..استخفيت حمد :سعود ...تعرف جم كيلو نزلت سعود: وانا اشقايل اعرف وانت موقفني عند الباب حمد :نزلت 15 كيلو..انجاز صراحة ..باقي بس 5 كيلو واوصل للوزن المناسب سعود :بسك جسمك مناسب جي حمد: لالالالا..لازم اوصل للوزن المناسب وابد المعركه سعود :اي معركه فاتكم ويه سعود وانا اقوله معركه صاير مسبه ...قلته هذا سر وطبعا سعود ما سال ..هذا احلى شي في سعود انه ما يدخل في امور احد ...انتظري يا جمان بس اسبوعين زياده وراح تبدا معركتنا كنت يالس العب مع يمان مب راضي يرقد على قولته سلطان ما يرقد من وقت ..محد مخرب ولدي غير سلطان وابوه ..خلني بس اجوفك يا سالم لاطلع حرة السهر فيك...جفت ساره ميوده تلفوني وتقول من ساعه يرن جيكت عليه وجفت مس كولين من المستشفى استغربت انا ما عندي مناوبه اليوم ...اتصلت عليهم وبسرعه بدلت وسرت المستشفى يايبيلهم حالة طوارئ وعندهم نقص بالدكاتره ...يى على بالي صورة ساره وهي راده من ملجة ميعاد كانت لابسه فستان احمر قصير فديتها من بعد ما تغيرت ..وانا صاير مب بس احبها الا اموت عليها ...صح اني احيانا افكر بجوري بس كل ما ييت افكر فيها اذكر نفسي انها حرمة زياد وان شاء الله راح اعاملها شرا اختي وبس...على طاريها ما ادري ليش لحد اللحين ما قالت لزياد انها بلندن حتى لمن كلمت خالي فيصل طلب مني ما ادخل ولا اقول لزياد ...على قولتله اكيد جوري عندها اسبابها... رن تلفوني ويلست اكلم سارونتي لمن جفت سيارتين يتسابقوا جيكت على ساعتي وجفتها ساعه 12 هذوله ما وراهم دوامات باجر...كانوا وايد مسرعين انا متاكد انهم يسوقون فوق 140 وكانوا وراي بالضبط الا واشوف واحد منهم شاحت سيارته وما قدر يسيطر عليها وعلشان يتجنب انه يصطدم بالسياره الثانيه لف صوبي ...ومن بعده ما حسيت ولا جفت شي طفرني يمان من متى احاول ارقده وهو ولا بالدنيا يبى يلعب الاخ ...لا وناصر يبى بيبي ثاني مستحيل انا اصلا مب متهيئه نفسيا ومن غير انا لحد اللحين ما نسيت الولاده وهياستها ...فديته ناصر تصدقون اشتقتله اتصلت فيه ويلست اسولف معاه وفجاه سمعته يصرخ ويقول استغفر الله وبعدين سمعت صوت اصطدام سيارة ...طاح التلفون من يدي ...وصرخت بصوت عالي ناصر ...الا ناصر ما اقدر اعيش من غيره يادوبني سكرت تلفوني واول ما حطيت راسي على الوساده ...الا واسمع صوت ساره تصرخ وتقول ناصر ..نقزت من مكاني وركض لجناحهم دقيت باب جناحهم وانا اسمع صوت صياح سارة ..يلست اصرخ عليها سارة شو مستوي بطلي الباب بطلت الباب وهي لابسه عبايتها وعيونها حمر وتشاهق .. ميعاد:بسم الله ...سارة شو ياج سارة:انا متاكده سوى حادث ..والله ...والله سمعت صوت اصطدام ميعاد:ساره اهدي فهميني ..شو صوت ..وشو اصطدام سارة: اكيد نقلوه المستشفى اللحين .. ميعاد :شو مستشفى..ومنو بالمستشفى سارة فهميني..وكيف تسوقين السيارة وانتي جي حالتج سارة : ناصر ميعاد :شو ناصر ...استغفر الله يارب استر ..يا رب استر سارة :لا تمشين انتظريني بروح اييب عبايتي ركضت غرفتي ..وانا ما اجوف الدرب جدامي ابى اوصل المستشفى ..فديتك ناصر لا تخلينا بروحنا ...طول الدرب وانا استغفر وادعي ان ناصر بخير ...بس سارة وترتني من كثر ما تصيح بصوت عالي ...شوي واسوي حادث لولا انه الله ستر ...دخلنا الطوارئ وسالنا الرسبشن عن الحادث ...يا الله سارة يالسه تصارخ تبى تدخل غرفة العمليات والممرضه تقولها اختي ممنوع تدخلين وسارة تصارخ وتقولها ما علي منكم ..غرفة العمليات ولا غيرها ابى اجوف ناصر واطمن عليه ..حاولت اهديها بس شكلها سارة هب بوعيها ...ما عرفت شو اسوي بروحي احاتي ناصر يا رب قومه بالسلامه مالنا غيره بالهدنيا... اتصلت بسيف ما قدرت اقول جمله مفيده على بعضها بسبة صراخ سارة .. وبعد ربع ساعه وصل سيف ...ضلينا ننتظر عند غرفة العمليات مرت ساعه وهم بعدهم ما طلعوا سيف طلب مني اهدي ساره يقول ليستوابها شي من كثر الصياح ...واول ما طلع الدكتور سارة سارت ركض عنده ويلست تساله عن ناصر اصلا هي ما عطته مجال انه يتكلم..سيف طلب منها تسكت شوي علشان نفهم شو يقول الدكتور ...الحمد لله الدكتور طمنا عليه وقال ماله داعي وجودنا لانه تحت تاثير المخدر وما راح يصحى الا باجر الصبح...طبعا سارة رفضت ترد البيت وباتت عنده..سيف وصلني البيت وقالي انه بيمر علي باجر الصبح نروح نجوف ناصر. توني طالعه من محاضرتي وجفت مس كول من عندي خالي ...اتصلت فيه اجوفه شو يبى ...قالي انه يبى يجوفني بالكوفي شوب ...استغربت شو وراه خالي مب من عوايده...يا دوبني سرت الشقه وبدلت حتى ما كليت شي خفت لاتاخر على خالي ..وصلت الكوفي وجفت خالي يالس ينتظرني تسولفنا انا هو عن دراستي بعدين سالته... جوري :خالي انت مواعد حد الخال فيصل : شخص مهم بالنسبه لج جوري: اشقايل مهم بالنسبه لي .لحضه خالي لتكون تقصد زياد الخال فيصل: يلسي ...ما عندنا حريم يهيتوا بالبلاد من غير ريايلهم That’s all for today…….any questions جفتهم كلهم ساكتين ..اشك اذا فاهمين شي كل واحد سارح بدنياه ما علي منهم الي علي اشرح وخلاص ..يلست الم اوراقي وبعد ماخلصت …..رفعت راسي والا :تاخرت علي ...قلت انا اييك :جوان ...شو تسوين هنا جوان:خطيبي ويايه اطمن عليه ..فيها شي |
لاحول ولاقوه الا بالله .....يعني زياااااد ينقع جوري سنييين وهو ملك عليهاااااا ....وبعدين يخطب غيرهاااا ...هي مهي ميته عليك يااااخي طلقهاااااااااا .........وخليهااا تشووووف حيااااتهاا
ناااااصر .....الله يقومك بسلاااامه ويصبر قلب السوووري حمد ...الااان على قولتك ابدته المعركه وياااارب تنتصر |
السلام عليكم
بارتات رائعه ضحكه احداث مترابطه من خبر سفرت جوري واحاسيس من حولها بداء بناصر ثم ميعاد نهايه بصريخ جمان الاتصال الغريب في البارت القبا ل السابق توقعت انه الخال اكيد بس ربك ماكتب لي ارد ناصر ومشاعره الجديده تجاه زوجته ساره اثبت لي انه شخصيه جدا رئعه الحادث وخوف ساره عليه ما ادري وش مناسبته للاحداث ضحكه بس اضن انه ممكن يفقد الذاكره والا ممكن ينشل والا ممكن انه انحط فقط عشان يعرف ناصر غلاته عند ساره جوري والغربه زياد شخصيه غامضه للان ودكتور جذاب لتلامذتته كما كانت تحكي عنه مريم وجون الخطيبه الغريبه سؤال اطرحه هنا هل مشروع زواجه منها بينلغي بسبب زواجه بجوري لان عندهم ممنوع التعدد والا بيكون قدام خيارين احدهم يمكن يفكر يطلق جوري وبعدين وين بنت الخال اللي قال ناصر عنها لتكون ذا الجون وذا اسم دلع فيس جاه شك في الموضوع اتوقع الخال يدري بسالفه جون وحب يحط زياد قدام الامر الواقع عشان يترك ذا الاجنبيه سؤال ضحكه بنت الخال المذكوره سابقا هي بنت الخال فيصل والا بنت احد ثاني همسه شوفي ضحكه بالنسبه للردود القصه لها متابعين وجد مميزه لاكن فيه مشكله بسيطه اللي هي بارتاتها قصار والفترات متقاربه وهذ نهج لك الحريه فيه لاكن كوني ما ارد على كل بارت مو معناه عدم متابعه ولكن الظروف والانشغال بمشاغل الدنيا اغلبنا يا امهات وراهم بيت وعيال والا طالبات وراهم اختبارات يعني كوني ارد على قصه مرتين بالاسبوع والله ذا دليل اعجابي الشديد فيها لان اغلبنا متابع لاكثر من قصه قد تصل لثمان قصص ونستمتع مع كل حرف فيها ونحس ان الكاتبه لها حق الرد لاكن كل رد ممكن ياخذ من وقتنا وجهدنا الكثير فاماك حل من اثنين ياتجمعين البارتات وتنزلينهم في بارت طويل نرد رد يرضينا ويرضيك ولايزعلك علينا ياتثقين بمتابعيك انهم حتى لو تاخرو على كذا بارت انهم جد متابعين ومتحمسين ومصيرهم يردون اكيد اعذريني يالغلا على همستي الطويله لاكنه رئي خاص وحبيت اقولك اياه انتظر القادم بشووووق |
ما اعرف ليش مش وقت لقاء زياد وجوري
زياد متوقعة انه بيخطب لان جوري مش منضمن مخططاته هي مجرد جواز عبور فقط ناصر الله يسلمه بس اتوقع فيه شي حمد مبروك ع خسارة الوزن بس اعتقد ان جنان فكرها راح لسعود منتظرين القادم |
هلا فديت ضحكتي..كيفك؟!!وش أخبارك؟!! من أول مانزلتِ قصتك وأنا متابعة بس ما قدرت أرد أظنك منزلتها بأسبوع اجازتنا عاد الاجازة ومشاغلها ماتخلي الواحد يفكر يرد أما الاسبوع اللي راح ماقريت ولا نتفة جزء من أي قصة تو قارية 3 أجزاء جميع..<<عشان ماتقولين وينك ممن أول هع هع بداية قصتك تجنن وأسلوبك كمان خطير إن كانت هذ أول قصة لك فأنتِ مبدعة<<عموما أنتِ مبدعة سواء ذي أول قصة وإلا عاشر قصة القصد إنه لكانت هذ أول قصة لك وش بيصيرين الباقيات^_^ الصراحة قريت رد نوفه وجاني رعب إن جوان تكون بنت الخال فيصل مصيبة الصراحة كأنه بنته وشلون بيوقف بصف بنته وإلا بصف الجوري الله يعينك يالجوري.. بعدين لو كانت جوان هي بنت الخال فيصل وشلون هو مايدري إن زياد خاطبه وإلا جوان تقول هيك من رأسه بما إنه متفكه مع زياد على الزواج أقصد مافيه خطبة رسمية.. ناصر هالادمي ماشاء الله عليه رجال ونشمي بعد يجوز لي إنه مخفي حبه لجوري وعقبال ماينساه..وحشتيني هو وحادثه بس الحمدلله إنه بخير.. سارة تعجبن طيبته وبعد حلو تعديلاتها على نفسها الله يتمم.. سالم والله أنا معه إنه مايشتكي على الطبيبة لإنه ندمانه لو أنه غير مباليه تستاهل تحاكم بس خلاص سعاد مهيب راجعه والطبيبة ضميره يكفيه.. ريم الله يوفقه مع إن أوجس خيفة من زواجه..هي كل على بعضه خطيرة بس لو تترك سعود بحاله.. جمان ما أحسه سطحيه لدرجة إنه ترفض حمد لنه سمين أتوقع السمنة كعذر يعني هي رفضته لشخصه مو شرط لشيء فيه بس تحس إنه مايناسبه.. حمد عالبركة النحف أولا والله يشفيك عاد ورنا وش بتسوي مع جمان.. سعاد و سيف الله يوفقهم..وزن إنه كتشفت إن فاطمة مسامحته حتى ترتاح.. |
..الله حيوووو
ضحوووووووكه تسلمين ع البارت لاعدمناك وبارت اليوم احداث مترابطه وسلس وناصر...بداية جيدة وحلوة انك كل مامر طيف جوري تحاول تطرده من بالك... وممكن حادث ناصر يكون نقله كبيره احتمال يوصي زياد على جوري ولايتسرع ويطلقها... الله يستر من الجاي او ممكن يكون حادث عابر ويقوي العلاقة بينه وبين ساروووهـ جوان...زياد...جوري ...فيصل ياترى جوان تعرف بزواج زياد من قبل ولا ايش بتكون ردة فعلها لو عرفت وشافت جوري هل بتتنافس وبتحاول تكسب المعركه اتوقع انها مابتتنازل بسهولة عن زياد وممكن تقول له طلق جوري او ياانا ياهي .... اريغاتوكوسايمس. |
اقتباس:
جفتي اشلون تصبر وفي النهايه طالع خاطب الريال ولا على باله ..خلج ويانا ونجوف شو بيستوي حياج |
اقتباس:
بالنسبه لحادث ناصر ...اكيد لي غايه منه ..خلج وياي وبنعرف بالنسبه لبنت الخال فيصل وسالفة الزواج الثاني ..راح يتوضح كل شي بالاجزاء اليايه فديتج ...انا لمن كنت انزل اكثر من جزء بالاسبوع لاني كنت حاطه ببالي اني بنشغل لاني خلصت الدراسه وراده البلاد عاد تعرفي هياسة لم الاغراض اما بالنسبه اني ادمج بارتين مع بعض...صعبه غناتي لاني مسلسله الاحداث حسب الاجزاء ...وبيني وبينج انتي تجوفين الاجزاء قصيره...ونورتينا يا الغلا على الكومينت والملاحضه حياج |
اقتباس:
خلج وياي حبيبتي وبنجوف اذا حانت ساعة اللقاء ولا حياج |
اقتباس:
فديتج عاذرتنك ..والواحد ما يصدق يحصل اجاوه ويونس شوي (قصورج بس ما تعذرينها) هاي اول قصه لي وظنتي راح تكون الاخيره.. خلج بالقرب يا الغلا ونجوف شو راح يستوي حياج |
اقتباس:
كنت انتظر ردج ...جفتي اشلون صايره مهمه بالنسبه لي خلج غناتي ويانا وبنجوف شو بيستوي بعدين تعالي ترجمه اخر كلمه تكتبينها تعرفين عاد ثقافتنا حدودها انجليزيه وسويديه حياج |
فديت ضحكتي
صباحك جوري لي تعليق بسيط لزياد حينما يكون المرء غير راغب بزواج من شخص ما لا يكمن يتقبله لو اوقد له اصابعه العشر شمع لان القلب وما يهوى ممكن يرى حسنه وجميله بعد ان يجرب غيره في حال زياد بعد ان تتركه جوان راح يعرف قدر جوري لكن جوري راح تتركه لما يريد الزواج اقلشي انه يطلقها تشوف نصيبها تحول ايجابي في سارة نحو عائلتها وان شاء الله تهتم فيها اكثر اتوقع انه ناصر انه ينشل او يعيش باعاقه وراح تكون سارة خير معين جمان راح تقع في حب سعود وتتزوجه اراها قد اعجبت فيه ميعاد وسيف اتمنى لهم حياه سعيدة انا لا احسن ان اكتب تعليق لكن اكتب مايجول في نفسي اتنمى ان تقبليها لدي استفسار عن كيفيه تنزيل الاجزاء ومواعيدها |
تسلمين فديتج عالبارت<< الفيس راعي الورود
سارة وناصر الحمد لله على سلامتك.. ما تجوف شر<< فيس مروح جدا المستشفى بيزوره.. الله يهديهم هالشباب.. يتحرون الشوارع ساحه سباق.. ما عندهم غير انهم يترايسون في هالشوراع.. لا يفكرون باعمارهم ولا بغيرهم<< فيس يحرك راسه.. هدي اعصابج يا بنت الحلال ما فيه الا العافيه<< فيس يهديها.. اذكري ربج وان شاء الله بينش وبيرد شرات قبل واخير بعد<< الفيس اللي قبل شوي جوري صعب الاحساس اللي تحسين به.. انج تكونين عنصر مهم في حياة شخص وشريكته بعد.. والكل يضرب بمشاعرج عرض الحائط.. وما يعيرها اي اهتمام.. واول صاحب الشأن<< فيس تعب وهو يحرك راسه ميعاد وسيف فيس متعدل مروح الملجة..حليلكم ما مداكم تستانسون واستوى حادث ناصر<< فيس حزين.. يلا الله يوفقكم جمان بس يلا صخي.. بلاج تتعزلين في الريال ما تستحي على ويهج.. الحينه ودرتي حمد المزيون وتتطالعين سعود<< فيس يبي يلفت نظرها له زياد وجوان خطيبته.. اهين ينطرح سؤال اخر.. هل هي خطيبته رسميا ولا مجرد مخطط مستقبلي.. الاخ شكله مضيع وما يدري ان ما عندهم تعدد<< فيس قرر يضربه على راسه يمكن ترد له حاسيته تعالي فديتج بقول لج شي<< فيس يلسج حذاله ويرمسج.. اهم شي وجود تفاعل ويا القصة.. وزيادة عدد الزوار للقصة.. شي ناس يخطفون عالقصة بس ما يتركون ردهم.. وهالشي ما يقلل من جمال قصتج فديتج نترياج حبيبتي<<الفيس راعي الورود http://www.liillas.com/up3//uploads/...29afe633ce.gif |
اقتباس:
عيبني تحليلج للاحداث وتوقعاتج ..خلج بالقرب وانجوف شو يستوي حياج غناتي بالنسبه للاجزاء كنت انزل كل يومين بس قررت احط جزئين بالاسبوع يعني يوم الثلاثاء واليمعه..وفي حالة اني غيرت الموعد بكتب في نهاية نهاية الجزء حياج |
[QUOTE=بوح قلم;2286596]تسلمين فديتج عالبارت<< الفيس راعي الورود
سارة وناصر الحمد لله على سلامتك.. ما تجوف شر<< فيس مروح جدا المستشفى بيزوره.. الله يهديهم هالشباب.. يتحرون الشوارع ساحه سباق.. ما عندهم غير انهم يترايسون في هالشوراع.. لا يفكرون باعمارهم ولا بغيرهم<< فيس يحرك راسه.. هدي اعصابج يا بنت الحلال ما فيه الا العافيه<< فيس يهديها.. اذكري ربج وان شاء الله بينش وبيرد شرات قبل واخير بعد<< الفيس اللي قبل شوي جوري صعب الاحساس اللي تحسين به.. انج تكونين عنصر مهم في حياة شخص وشريكته بعد.. والكل يضرب بمشاعرج عرض الحائط.. وما يعيرها اي اهتمام.. واول صاحب الشأن<< فيس تعب وهو يحرك راسه ميعاد وسيف فيس متعدل مروح الملجة..حليلكم ما مداكم تستانسون واستوى حادث ناصر<< فيس حزين.. يلا الله يوفقكم جمان بس يلا صخي.. بلاج تتعزلين في الريال ما تستحي على ويهج.. الحينه ودرتي حمد المزيون وتتطالعين سعود<< فيس يبي يلفت نظرها له زياد وجوان خطيبته.. اهين ينطرح سؤال اخر.. هل هي خطيبته رسميا ولا مجرد مخطط مستقبلي.. الاخ شكله مضيع وما يدري ان ما عندهم تعدد<< فيس قرر يضربه على راسه يمكن ترد له حاسيته تعالي فديتج بقول لج شي<< فيس يلسج حذاله ويرمسج.. اهم شي وجود تفاعل ويا القصة.. وزيادة عدد الزوار للقصة.. شي ناس يخطفون عالقصة بس ما يتركون ردهم.. وهالشي ما يقلل من جمال قصتج فديتج نترياج حبيبتي<<الفيس راعي الورود http://www.liillas.com/up3//uploads/...29afe633ce.gif[/QUOT هلا غناتيه..جنج الا تاخرتي ذي المره خلج بالقرب وبنجوف شو سالفة زياد حياج |
الجزء الخامس عشر:
مستحيل اصدق الي يالس يقوله خالي ...انا ما ييت لندن علشان يستوي جي ولا كنت مخططه لها الشي ...مستحيل انا الي انتظره ..كلمة انتظره بروحها قويه...ليش يا خالي .. ليش مب راضي تفهم اني ما ابى افرض نفسي عليه ما اباه يحس في يوم من الايام اني نا الي ركضت وراه ...المشكله صارلي ربع ساعه افهمه بس هب راضي يفهمني يقولي عطيتج وقت كفايه ولحد اللحين ما تصرفتي..والله يا خالي صعبه ..صعبه انزل من كرامتي واركض وراه ...وهو يقولي ما بين الريال وحرمته كرامه هذا لو كان وضعنا شرا وضع الازواج العاديين ..لكن فمنو يالسه اقنع خالي راكب راسه ويقول بتقابلينه يعني بتقابلينه ما ادري ليش عندي احساس انه خالي وراه شي من ها الي يالس يسويه...انا لازم اتصرف ما اباه يجوفله راس علي ويقول يايه لندن علشان تجوفني...ليش احس بالحر ليش احس اديني يرتجفوا ..انا لازم اكون قويه ..ما ابى اكون ضعيفه جدامه ..لازم اهدي نفسي شوي ..وخالي شكله مصر ..على الاقل يا خالي قول من قبل كنت بستعد نفسيا ...لحضه جوري شكله لا مفر من المواجهه ..فلازم اتكيف مع الوضع واتصرف بحكمه واقلب الموضوع لصالحي.رفعت راسي وجفت خالي يبتسم ..والله حاله انا اضرب اخماس باسداس وخالي يبتسم والله قهر الخال فيصل:خلاص هديتي..نقدر نتفاهم جوري :خالي ...ليش يالس تبتسم الخال فيصل:جوري فاتج تجوفين ويهج اشقايل يتغير من العصبيه للهدوء..عجيبه انتي صراحة المفروض اصورج واطرش الصور لزياد بققت عيوني على خالي ادري عنه رايق بس ما توقعت جي ...لا بالله كديتي خير يا جوري الحمد لله.. توني سكرت من عند سارة وطمنتني على ناصر وتقول هم قدرو يوقفوا النزيف ..واذا على الكسور ان شاء الله بينجبروا ..اهم شي انه عايش ونجوفه ..كل ما اتذكر الحرمه الي كانت تصيح وتقول تيتموا عيالي ..تيني الصيحه ..شكلها حرمة الريال الي شاحت سيارته ..الله يرحمه ..شو استفاد اللحينه خسر حياته ويتم عياله ..لا حول ولا قوة الا بالله .. يا الله حسن الخاتمه بس ...سمعت تلفوني يرن عرفته على طول سيفاني..رديت عليه وقالي انه يتريانا تحت ..نزلنا انا وجمان سايرين المستشفى وطول الدرب وسيف زاخ يدي ...اول ما نزلنا من السياره جمانو عقت رمستها وسارت قالت عيب راعوا في عوانس معاكم..خيبه ما تستحي دخلنا الغرفه ..وجفنا دكتوره يالسه تجيك على ناصر ...جمان على طول سارت وحضنته ويلست تصيح ..حشى ها البنيه دموعها ما يخلصوا ...سرت اسلم على سارة ..بس ويها ما يبشر بالخير شكلها ناويه تتضارب مع حد ..خخخ مستويه شرانيه مؤخرا ميعاد:ساروه لاينطق لج عرج ...شو بلاج معصبه (قلته بيني وبينها ) سارة :زولي عني ...يا بطلع حرتها عليج ميعاد:خيبه تخيب العدو ..غاديه شرات اليهالوا ..احسنلي اشرد عنها .. سرت صوب ناصر وبست يبهته ...سلامتك يا الغالي ..ربي يحفضك ويقومك بالسلامه الدكتورة :رجاءا لا تطولون عنده ..هو بعده تحت تاثير المخدر....وطلعت سارة قالت بصوت واطى ..فلعينا بالنعال بالمره ...وابونا استخفت سارة ..شو بينها وبين الدكتوره ..ما احيدني ساروه راعيه مشاكل ..شكله مستوي من بينهم شي..سيف استاذن وسار صوب الدكتوره يجوف وضع ناصر ...كنت ابى اسال ساروه شو مستوي بينها وبين الدكتورة بس بروح اطمن على ناصر وعقب بسالها الجامعه صايره ممله من غير ريم ..متى بيمروا الاسبوعين وترد من شهر العسل ...اخاف بس تغير رايها وتأجل السمستر ..اعرفها ريم ما منها امان...جفت ساعتي شكله بياذن بعد شوي ...بروح اصلي وايلس ادعي لناصر ان الله يقومه بالسلامه ...اسميني كنت شويه واستخف لمن قالتلي ميعاد انه ناصر مسوي حادث...ميعاد يلست تقولي اني لازم كون اقوى عن جي ...وان الواحد ما يدري شو مكتوب له بالدنيا ... فلازم الواحد يرضى بالقضاء والقدر ويشكر ربه على كل شي وان الرسول عليه السلام قال (انما الصبر عند الصدمه الاولى)...ان شاء لله بحاول اكون اقوى عن جي واحط ببالي انه كله شي مكتوب ...يا الله عندي محاضره بعد ساعه ..حياتي صارت روتينيه من البيت للجامعه ومن الجامعه للبيت ...هب متعوده على هاي الشي حتى وانا بالمدرسه ما خليت جماعه ما اشتركت فيها بس علشان اتسلى وانمي مواهبي ... جفت اعلان لجماعة التصور الضوئي وتذكرت ايام ما كنا نخيم بالبر ...كنت دايما اتضارب مع حمد لانه ما يرضى يعطيني الكاميرا ... وكنت انتظره يرقد واروح واخذ كامرته ..وايلس اصور شروق الشمس ...شكلي باخذ بشور جوري قالتلي حاولي تعيشي حياتج بالجامعه لا تحكرين عمرج بالدراسه..درسي ونمي مواهبج بنفس الوقت ...شكلي بسجل بجماعه التصوير الضوئي هايس من الصبح ...لازم نشد حيلنا الشهر الياي هو الشهر المنتظر راح يعلنون عن اكثر الجماعات نشاطا والجماعه الي تفوز راح يرسلونهم كورس بالخارج وبما اني رئيس جماعه التصوير احس كل المسؤليه فوق راسي صج الي معاي هب مقصرين بس انا ها الشهر عندي شهر تنفيذ المستحيلات ...المستحيل الاول حققته ونزلت وزني ..والمستحيل الثاني راح وصله ان شاء الله وبنفوز بالمرتبه الاولى ... اما المستحيل الثالث والاهم جمان بس هب اللحينه ..خلني بس اخلص سالفة المسابقه وبنفضالج يا جمان ...بالرغم من كثر الشغل الي بالجماعه بس عمري ما تعبت ولا مليت لاني اعشق التصوير من وانا صغير كل ما كنا نخيم بالبر لازم اخذ الكاميرا معاي وايلس اصور الطبيع ...يلست اضحك ..تذكرت جمانو كانت ملعوزتني من وهي صغيره كنت متعود اني احط الكاميرا حذاي لمن ارقد بس لمن انش ما احصل كامرتي ..ومن غير حتى ما افكر اعرف ها حركات جمان ...صدقيني انتي لي يا جمان وما راح تكونين لغيري .. بس بعد ما اعطيج درس قوي عن الحياه بذبحها ...صدقوني بذبحها ...في ناس جي بالدنيا ..فاصخه الحيا على الاخر ... اقصد الدكتورة اول ما قرت الملف الي على السرير صرخت وقالت ناصر ..والله اني تروعت صج انهم طمنوني اليوم الصبح وقالوا انهم قدروا يوقفوا النزيف بس هي خوفتني بصرختها ...وراحت لعنده وقالت وانا اقول اني جايف ها الويه بمكان ..ويلست تفحصه والله شوي وتحضنه ...وانا فاجه حلجي واطالع عليها ...شو فيها هاي ..لفت صوبي وقالت اسفه ما انتبهت لج..حلفي انتي بس شو لوح جدامج ..قالتلي انتي اخته ولمن قلتها انا حرمته ..ويها تغير ..لالالالالا.. السالفه فيها ان سالتها انتي تعرفيه ..قالتلي انهم كانوا من نفس الدفعه... اللحين قطعت الشك باليقين تصرفاتها هب طبيعيه بس هي تشبه حد ولا انا جايفتنها بمكان...لحضه هي تشبه شيخه الي معاي بنفس المكتب ما كذبوا لمن قالوا انه الطيور على اشكالها تقع... طلعت اختها ... توني راد من عند ناصر ...الا ويتصلوا من الروضه يبوني ضروري ...ما ادري شو مسوي سلطان ها المره صاير عدواني ...وتصرفاته غريبه ..اللحين ها رابع شكوى ييني بسبته ما اعرف اشقايل اتصرف معاه ...المشكله بعد اسبوعين من وفاة امه وهو متغير ..اول كان يرمس معانا بس اللحينه صاير هادئ بالبيت وما يسولف مع حد ....وملاحظ عليه تصرفات غريبه دايما يتغطى بفراشه حتى وهو يالس معانا ... ومن غير صاير عنده عادة التبول اللاارادي ..ودايما يسال نفس السؤال متى ترد امي ..شكلي كل الكلام الي اقوله فوق تصوره يبالي لمن افهمه انزل لمستواه الفكري ..جم مره قايله انه امك ماتت يعني ما راح تشوفها مره ثانيه ...راحت عند الله ..وهو يرد ويسالني ..يعني متى ترد ...دخلت غرفة الاخصائيه ويلست تشرحلي وضع سلطان واشقايل متغير وصاير عدواني ..اصطدمت لمن يلست تقول انه يتكلم مع الالعاب ويقولهم انه امه راح ترد وانه واعدنها ما راح يسوي فوضى وراح يسمع الكلام...وانه دايما يتضارب مع الاطفال ويقولهم انه امه مسافره وراح ترد ...لا الوضع ما ينسكت عليه انا لازم اتصرف...المشكله عندي سفره الاسبوع الياي ما ادري خالي شو يبى ..من امس وهو يقولي لا تنسى موعدنا ...لا واللحينه متصل يقول وينك تاخرت ...لا يكون خالي رفض طلبي ويبى يقولي اياها بطريقه مبسطه علشان ما اخذ بخاطري ...وصلت الباركنجبس اول ما نزلت من السياره جفت سياره لونها مميز...لونها طي وانا احب ها اللون ..ييت امشي بس شدني شي بالسياره القلاده المعلقه لونها وتشكيلتها جد راقيه ...اول ما اقتربت جفت شي صدمني .. صوره امي وابوي ..اقتربت من السياره ابى اتاكد من الصوره ...سيارة منو هذه ..رحت ركض لداخل الكافيه كله حاط ببالي حد من خواتي ولا ناصر يايين ويبون يسونها مفاجاه ..يا الله اني مشتاقلهم حدي...جفت معضم الي بالكافيه لفوا صوبي بس ما اهتميت لاني كنت اركض ..بس جفت خالي فيصل ومعاه وحده كانت واقفه بس هيئتها مب هيئه حد من خواتي...سمعت خالي يقول الخال فيصل :زياد ..واخيرا تشرفت لفت صوبي راعيه الشيله التركوازيه ...يا ماشاء الله عليها عيون تذبح بس شو هاي نظره التحدي الي بعيونها الخال فيصل :زياد ...بتضل واقف زياد :خالي سيارة منو عند المواقف الخال فيصل :اي سيارة زياد :السيارة الي فيها صورة امي وابوي الخال فيصل:اشر عليها ...وقال :جوري زياد: جو..جوري هب كافي اني انتظره وبعد يتاخر ...قلت لخالي انا سايره والي يباني ييني ...طبعا خالي طنشني ..واول ما ييت اخذ نظارتي سمعت خالي يقول :زياد ..واخيرا تشرفت ..تصلبت بمكاني وبلعت ريجي ..اكيد خالي يقص علي يباني ايلس وانتظر زياد بس انا اسمع انفاس حد واقف قريب مني بلعت ريجي مره ثانيه ...معقوله بها السرعه يت لحضة المواجهه ...اول ما قال خالي سيارة جوري عرفت انه ساعه المواجه حانت وانه وقت الضعف انتهى ...وانه الكرة اللحين بملعبي على الاقل انا اعرف انه ياي بس هو هب حاط بباله اني موجوده هني..يعني انا الحلقه الاقوى هنا وراح ابدا اول خطوات رد الاعتبار ...بس يا ليتني ما لفيت لاني الي جفته هب زياد الي جفته ابوي محمد ..نفس الشكل نفس الطول نفس الملامح حتى نفس النظره ...ما قدرت استحمل كان لازم اهرب قبل ما اهدم كل شئ...وعلى طول قلت جوري:خالي ..انا بسري وراي امتحان باجر ومن غير ما انتظر رده... طلعت.. بس طلعت وانا رافعه راسي طلعت بكل ثقه وبكل نظره تحدي طلعت عكس الي بداخلي تماما ...اول ما ركبت سيارتي يلست اضحك بصوت عالي لمده خمس دقايق اضحكعلى ويه زياد المصدوم ..وبعدين بديت اصيح ..غصب عني اصيح .. اصيح لانه كوبي من ابوي محمد اصيح لاني اشتقت لابوي اباه يكون معاي اللحينه ابى شخص استمد منه القوى علشات اواجه غصمي ...حسيت بغصه وانا اقول كلمه غصمي ..اه غصمي الي المفروض يكون سندي بالدنيا المفروض يكون سبب سعادتي سبب ضحكتي ..صاير سبب حزني ..سبب دموعي ..يلست اصرخ ليش تشبه ابوي ليش ...ليش صعبت علي الوضع اكثر من ما هو صعب... مستحيل ... شو مستحيل ..ها من سابع المستحيلات حتى ..جوري هنا بلندن ..ها الشي حتى ما يى باحلامي ..فشقايل بالواقع ...ابى اوكسجين احس بالاختناق والكتمه احس الدنيا ضيقه وما فيها غيري ... واحس السقف يالس يطبق علي ...ابى اتاكد الي يالس يصير حقيقه ... الخال فيصل: زياد ...زياد تسمعني زياد : ليش ما قلتلي يا خالي ..ليش الخال فيصل :زياد اهدى ..قوم خل نرد البيت ونتفاهم..ويهك مخطوف ..ويالس ترتجف زياد:ما بتحرك من مكاني لحد ما تفهمني..من متى هي هنا الخال فيصل :على الاقل اشرب ماي ..وبفهمك كل شي ..بس ارجوك اهدى شربت ماي يمكن اوقف الرعشه الي فيني ...يا الله اخر شي كنت اتوقعه يصير..جوري هنا بلندن الخال فيصل:صايرلها هنا اكثر من شهر زياد:شو ..اكثر من شهر ..وانا اخر من يعلم الخال فيصل :ليش انت مفتكرنها ..علشان تكون اخرمن يعلم زياد:خالي ارجوك ...لا تزيدها علي الخال فيصل :زياد اسمع ..لحد هنا مهمتي انتهت ..انت لي عليك تقرر وتحط النقاط على الحروف ..بس صدقني ما بسمحلك تضلمها او حتى تضلم الجوهرة ...هي بنتي شرا ما الجوهرة بنتي : افشتكم ...شو يالسين تسوا هنا لفينا انا وخالي صوب الصوت ... زياد:جوان الخال فيصل :الجوهرة ما صدقت اني وصلت ..وركض لشقتي ميوده نفسيبالغصب ما ابى حد يجوفني ولا ابى اجوف حد لاني باقل من كلمه راح انهار ...يلست ادور على اي شي يهدي الصداع الي فيني احس راسي بينفجر من كثر الصياح ..ما مداني ايلس الا واسمع صوت الجرس منو الي ياي انا بروحي هب طايقه نفسي اشقايل اجابل حد ...سرت اجوف من فتحة الباب منو الي ياي وشهقت ....... موعدنا يوم الجمعه ...باذن الله |
.......السلام عليكم والرحمة...
.. الله حيووو..ضحوكة وتسلمين ع البارت ميير مييييييير والان بيبدء الاكشن من بارت يوم الجمعه ياسلام...متحمسة حدي للبارت الجديد... ..وبيكون بداية نقله جديدة لزياد وجوري~ وان شاء الله جوري تكسب الجوله وتسدد الكرة اللي بملعبها خخخخخ<<عشت جو كرة القدم..يابوزعم متابعة للكرة ينقال لها خ خ خ اوووخص الان زياد شاف جوري~ الاصدق بسألك جوان<<جوهرة نسيت اذا سألتك من قبل او لا هي بنت ابو فيصل خخخخ واكيد صاحبة المشهد الاخير هي جوري راحت لشقتها بس مين اللي عند الباب اخاف اقول زياد وماتصيب ههههه بس يللا مابه ببالي شخص غيرة خخخ....... ................ ايون اريغاتو كوسايمس<<شكرا" جزيلا" بالياباني فديتس |
تسلمين فديتج عالبارت<< الفيس راعي الورود
جوري لا تصيحين فديتج.. اهم شي انج بينتي له انج هب في حايته<< فيس يواسيها.. ادري فديتج.. صعب انج تحسين ان الشخص اللي المفروض يكون احن الناس عليج ..يكون عدوج الاوحد<< فيس حاس فيها زياد ما ييوز نحكم عليك من هالموقف.. وجود جوري فلندن اثارك.. خصوصا بعد تجاهل الكل لك.. يعين تحس انك مخدوع<< فيس دكتور نفسي ناصر الحمد لله عالسلامة<< فيس منالبارت اللي طاف يتحمد له عالسلامه سارة تغارين<< فيس يجوفها بنظرة خبيثه.. هي ياختيه لا تخلينها تاخذ راختها.. هذا وانتي واقفة شوي وبتلوي عليه لو انه اروحه شو بتسوي<< فيس يحرضها حمد وجمان تصوير<< فيس يحس اللي البارت الياي فيه اكشن.. هلا ستكون المواجهه الاولى<< الفيس اللي فوق سلطان فقد الام.. منبع الحنان يدمي قلب الكبير.. فماذا لو كان الفاقد طفل صغير.. يحلم بحضن ام يحتويه.. المراحل اللي يمر فيها منطقية والعدوانيه هي الطريقة اللي يستخدمها للدفاع عن نفس في ظل غياب امه<< فيس استهم على حالته نترياج فديتج<< الفيس راعي الورود http://www.liillas.com/up3//uploads/...29afe633ce.gif |
مساء الورد
اتمنى ان تعذريني على تأخري واجهني ضيق بالوقت واليوم قلت في نفسي يجب ان ارد على اهل الامارات حتى لايزعلون علينا لادخل اجواء القصة وابدأ بـ فيصل اعجبني تفكيره ومعالجته للامور اجبر جوري وزياد على المواجهة من اجل ان يبري ذمته اتجاه جوري في حال تم زواج ابنته وزياد وفي نفس الوقت يوفر لابنته اجواء زواج سعيد خالي من المشاكل فهو يرغب بحل اشكال زياد وجوري خاصة بعد لقاءه بجوري اكيد اكتشف فيها اشياء تستطيع من خلالها الحصول على فرصة اخرى للزواج ان فشل زواج جوري وزياد للنقاش الموضوع من وجهة نظر اخرى الخال فيصل جمع جوري وزياد لانه واثق ان زواجهم فاشل و واثق من رغبة زياد بالزواج بأبنته ماذا يحصل ان حصل العكس اقصد تمسك زياد بجوري مع بقاء رغبته بلارتباط بأبنة خاله هل يبقى فيصل ذلك الحكيم ام نرى وجها اخر له ننتظر زياد وارتباطه بأبنة خاله شوفي فديت ضحكتي لاطلاعي على مايفكر المغتربين اقول لكي زياد ليس بعاشق لابنة خاله ولكنها فرصة جيدة للزواج منحت له في غربته ابنة خاله ويعرفها ومتأقلمة مع اجواء الغربة افضل من أية فتاة تكون مواصفاتها احسن ولكنها لم تعتد على الغربة ويبدأ معها من الصفر وقد لا تتأقلم اقصد في حال اراد الزواج بفتاة تعيش بالامارات وهذه الوضع يشمل جوري يعني هو الغا فكرة اكمال زواجه بجوري لانه فكر بصعوبة تأقلمها وصعوبة اعتيادها على الاجواء هذا فضلا عن جهله بمستوى جوري الثقافي هنا سوف يتشتت تفكير زياد ويعقد المقارنات ويصبح بالقصة اكشن قوي ومعك نحن بكل الشوق ننتظر سارة والدكتورة تدرين والله رحمتها وما الومها لو كل شي اسوي لان هاي الدكتورة قبيحة جدا يعني حتى اذا اخته انتي منو حتى اتبين مشاعرج امامها على الاقل احترمي نفسج مركزج >>وجهة نظر غاضبة حمد وجمان حلوة فكرة جمعية التصوير الضوئي ربط جدا جميل لحمد وجمان منها يعرفنا على هذا النوع من التصوير ومنها نرى كيف سوف تكون ردت فعل جمان وهي ترى حمد رئيس هذه المجموعة واكيد حوله العديد من الزميلات والزملاء وركزي على الزميلات والحاجة الي عندي من اشوفها بأيد غيري تحله بعيني سلطان تدرين احدى معارفي مرت بتجربة مشابهة المتوفى كان الاب وابنه الصغير متعلق به جدا كان ينهض منتصف الليل ويأشر على الشباك ويقول بابا بالحديقة افتحوا الباب أله ويصرخ ويبكي الى ان يحل الصباح عمره وقتها 2سنة ونصف بالقرأن والادعية تم شفاءه من هذه الحالة طبعا مع الكلام معه عن الحياة والموت وكلنا نموت طبعا بطريقة يدركها عقله الصغير الله يحفظ كل الاباء والامهات بكل الشوق انتظرك جزء اليوم مرضي جدا جدا بالتوفيق غاليتي |
اقتباس:
خخخ شكلج من مشجعين كرة القدم.. خلج معاي وبنجوف اللقاء المنتظر حياج |
اقتباس:
خلج بالقرب وبنجوف الاكشن الي بيستوي حياج |
اقتباس:
الله يحفظ كل الاباء والامهات..خلج بالقرب وبنجوف شو بيستوي حياج |
الجزء السادس عشر : شو السالفه ..شكله اليوم هو اليوم العالمي للمصايب والصدمات...بروحي هب مستحمل نفسي وتظهر جوان... الخال فيصل: الجوهرة شو تسوين هني الجوهرة :بابا جم مره اقولك ازقرني جوان شو الجوهرة الخال فيصل :انتي ما تعرفين شو معنى اسمج ولا ما قلتي ازقرني جوان ..هاي نهايه دلع امج الجوهرة :فديت الطاري..لا تهرب من الجواب ...منو راعية الشيله التركوازيه ..ترى بخبر عليك امي الخال فيصل : خفت تصدقين ...خل زياد يفهمج انا ساير وراي اشغال طالعت على خالي اترجاه ياخذ جوان معاه ..شكله فهم علي .. الجوهرة:زياد ليش ساكت ..وليش ويهك غادي اصفر زياد:ما فيني شي لا تحاتي ..شويه ارهاق الخال فيصل :قوم زياد اوصلك بدربي زياد:ما يحتاي خالي ..بروح بسيارتي قرب مني خالي وقال بصوت واطئ...زياد قوم لتشك الجوهرة ..سير ارتاح ورتب افكارك ...ولكل حادث حديث سلمنا على جوان وطلعنا انا وخالي ..ييت اركب سيارتي بس تذكرت اني ما اعرف جوري وين ساكنه ولا عندي رقم موبايلها..خذيت رقمها من عند خالي ....الله يستر حانت لحظة المواجهه ... جفت من فتحة الباب ..وشهقت سامي ..اكيد شارب ومضيع الشقة ..بالله عليكم ها اخو ..الله يعينج بس يا اسوم ...اتصلت عليها وقلتلها لحقي اخوج مضيع يدق جرس شقتي ..تعالي خذيه بيفضحني بالبنايه ولا تتاخري انتظرج...سمعت جرس الباب هذه اكيد اسوم ..يلست ربع ساعه وهي تستسمح مني .. جوري:اسوم ..فديتج ما استوى شي ..وانتي مالج ذنب اسوم وهي تصيح:ها اخو بالله عليكم ..وجوده مثل عدمه ..بالعكس بعد عدمه ارحم لويت عليها :اسوم غناتي ...شو رايج لمن نخلص الماستر نرد انا وانتي للبلاد ..وش لج بالغربه حبيبتي اسوم :ومنو لي بالبلاد ...على الاقل هنا اخوي جوري :الله والاخو ...ها خليه يكون بالدنيا اول بعدين يكون اخو اسوم :يصير خير لمن نخلص ..جدامنا سنه منو يدري شو بيستوي جوري :اسوم انا جفت زياد اليوم اسوم قامت تناقز وترقص ..الحمد لله والشكر ..استخفت اسوم ..قامت تحرك حواجبها وتقول :شو سويتوا جوري:جليله الادب ...ما سوينا شي اسوم:عيني بعينج...انزين شو قالج جوري :ما قالي شي ...بس جفته وعلى طول استاذنت ...يلست اصيح واقولها انه يشبه ابوي محمد اسوم:جوري غناتي ..اهدي ليش تصيحين ما استوى شي لحد اللحين ...بعدين يمكن خيره انه يشبه ابوج علشان تسامحيه وتتقبليه بسهوله جوري:اسامحه ..اسامحه على شو ولا على شو اسوم:جوري انتي بعدج ما سمعتيه ولا عرفتي اسبابه جوري :ما ابى اجوفه ..اخاف اضعف ..اخاف ... اسوم :وليش ما تقوليها ..تخافي تحبينه..جوري ما فيها شي اذا حبيتيه تراه ريلج ..وبعدين على كلام مريوم ..صراحة ما حد يستاهله غيرج..بس سمعي مبرراته جوري :يصير خير جفت مكتوب على باب الغرفه ..جماعه التصوير الضوئي دقيت الباب ودخلت جفتهم كلهم هايسين ...تحمحمت يمكن يجوفوني ...لفت علي وحده وقلتلها ابى اسجل بالجماعه البنيه :يبالج تروحين عند رئيس الجماعه وتسجلين...سوري حبيبتي ...ما انتبهنالج تعرفين الاسبوع الياي اسبوع التصوير الضوئي جمان:ما عليه حبيبتي الله يعينكم ..بس منو رئيس الجماعه البنيه :انا ما جفته اليوم ...بس تجوفين ذيج الي لابسه شيله حمره هاي النائبه هي تقدر تسجل اسمج سرت عندها ...طول ما هي تتكلم وانا اجوف عليها ما شاء الله عليها جميله بمعنى كلمة جميله ...سجلت اسمي بس قالتلي انه ما بيكون عندي شغل مستقل اللحين راح اكون مع وحده بسكشنها واساعدها لحد ما ينتهي اسبوع التصوير ..شو لحد ما ينتهي اسبوع التصوير الضوئي ...عاد انا منو ييود لساني ...يلست اقولها اشقايل ما يكون عندي سكشن بروحي شكلها خذتني على قد عقلي وقالتلي بكلم رئيس الجماعه وبرد عليج .وانه عندهم اجتماع ساعه 4...ويش علينا بنكلم رئيس الجماعه اكره يوم الاحد ....عندي 3 محاضرات متواصله ...هانت ذهب الكثير وا بقى الا القليل ...وافتك من الدراسه وسنين الدراسه ...بروح اجوف الجماعه قبل ما تبدا المحاضره .... كل شي تمام ..باقي بس سالفة الامسيه يبالها يلسه معتبره ..سرت عند اميره اسالها عن ترتيب القاعه ..جروب البنات قرروا هم بروحهم ينظموا القاعه ...قالتلي عن وحده كانت يايه تبى تنظم للجماعه ..بس تقول انها تبى يكون عندها سكشن بروحها تعرض فيه اعمالها...شو صاحيه ها البنت ..قلتلها اني بروحي بكلمها ناقص انا ...ما عليه عندنا اجتماع بنهاية اليوم وبجوف شو وراها ... توني يايه من المكتب سرت قدمت اجازه ..طبعا بعد طلوع الروح وافق المدير ...لا وقال بس اسبوع ..شو ها الانسان ما يفتهم اقوله ريلي مسوي حادث ابى اكون معاه ..يقولي انتي تعرف انه احنا بنهاية السنه وعندنا مراجعه وما ادري شو ...شو ارد عليه بس ..قلتله بخاطري سير ولي لاه..ناقصتك انت ..ما كافتني الدكتورة العله الي بالمستشفى تيي انت وتزيد علي ..سمعت حد يزقرني لفيت راسي وجفت شيخه ..يا حبيبي اكتملت.. شيخه:هلا والله سارة ...سلامات ..سمعت ريلج مسوي حادث ساره :الله يسلمج ...انتي ما يتخبى عليج شي شيخه :افا وانا شيخه..ها تقليل من قيمتي...بس بعديها لج..ترى اختي قالتلي ساره : واختج مالها سالفه غيري شيخه : طبعا ..طالعه علي ما يتخبى عليها شي ..ساره معقوله ناصر ما قالج شو كان من بينهم ايام الجامعه طبعا انا عطيتها ابتسامه ...وهي اغتاظت ومشت ...ما يقولون الحقران يقطع المصران..اما انت يا ناصر بس قوم بالسلامه وبتجوف شو بسوي فيك ... لبست غترتي ونزلت تحت ...وكالمعتاد سلطان يالس بروحه ومتلحف بفراشه والوالده يالسه تطالع التلفزيون....سرت عنده وبسته ويلست اسولف معاه بس هو بعالم غير عني .. سالم:سلطان تبى تروح بيت يمان ...تلعب معاه انا بروح المستشفى اجوف ابوه وايي اخذك هز راسه ...الوحيد الي ما يتضارب ولا يصير عدواني معاه هو يمان .. طول الدرب وهو ساكت ويطالع بره السياره ....دقيت الجرس وبطلته الشغاله قلتلها تودي سلطان عند يمان ...متعود اخذه العصر عندهم او يمان ييي عندنا ويلعبوا مع بعض ...خلني امشي لناصر اطمن عليه .. تاخرت ام ساره المفروض واصله من نص ساعه ...خلني انتظرها بالصاله نزلت تحت وجفت يمان يلعب مع سلطان ...قصدي يمان يتامر على سلطان احسن شي اطفر بيمان لحد ما تيي ام سارة ..وبالمره اطبق الي درسته بعلم النفس على يمانوا احب اطفربه لانه يعصب وتبان غمازاته ... ميعاد: سلطان حبيبي اشحالك سلطان:بخير ميعاد:فديت الي يستحي يمان:وانا ليش ما تساليني ميعاد (بدينا اول خطوات تطفير يمان):تراني ما جفتك..انت ليش جي قصير يمان بوز ورد عليها:اصلا انا مب قصير ...جوفي انا اطول عن سلطان ميعاد:لازم تكون اطول عنه تراه اصغر عنك...بس هو باقيله شويه ويوصل طولك يمان:اصلا هو ما يقدر يوصل طولي ..انا اشرب كل يوم حليب ..لكن سلطان ما يشرب ..سلطان قول لعمو ميعاد انك اقصر ترى ما بلعب معاك ميعاد :ظهر عرق النذاله عنده ما ادري على منو ظاهر ها الولد..عادي لا تلعب معاه انا وسلطان بنلعب مع بعض .. يمان وهو يقاوم الصياح:بخبر عليج ابوي خليه يضربج ..انتي اصلا مب حلوه واحنا كلنا ما نحبج..سلطان قول لعمو ميعاد انها مب حلوه ميعاد :طاعوا يبى يخرب الولد علي ...رحمته صراحة شويه ويصيح ..رحت وحضنته اهم شي جفت غمازاته يمان:عمو ميعاد..بابا متى بيي البيت ميعاد:جريب ان شاء الله اشتقتله يمان: وايد اشتقتله ..وبعد اشتقت لماما ...حتى سلطان اشتاق لماماته هي سافرت علشان سلطان يتضارب ويسوي فوضى ميعاد:ومنو قالك انه ماماته سافرت علشان هو يتضارب يمان:هو كله يقول جي لفيت صوب سلطان وجفته يصيح ...فديته اكيد مفتقد امه ...رحت صوبه ولويت عليه يمان:سلطان ..تبى عمو ميعاد تكون امك اليديده بطلت عيوني على الاخر الله واكبر عليك يا يمان ..ما ادري من وين لك ذي الافكار ..جفت سلطان يهز راسه ويقوله ايوا ... ميعاد:فديتك خلاص ازقرني ماما ميعاد خذيتهم للحديقه الي بالحوش يلستهم ويبت ورده ذبلانه وثانيه متفتحه ويلست اشرحلهم معنى الموت ومثلته بالورده الذبلانه ...احسن طريقه علشان اوصلهم مفهوم الموت امثله بالحيوانات اعرفهم يحبوا الحيوانات تفاعل سلطان معناته انه بدى يفهم ..الحمد لله سمعت صوت الجرس ..وصلت ام ساره ...ويمان احتشر يبى ياخذ سلطان معاه يا الله بالستر عاد ما صوت عليه طالع على عمته جمان ..عافانا الله وصلت سلطان لبيتهم وسرت صوب المستشفى... جفت سالم وساره وجمان وحتى سيف كلهم بالغرفه .صرخت لمن جفت ناصر مبطل عيونه ..صج باين عليه التعب ..بس اهم شي مبطل عيونه... ميعاد:فديتك ناصر ... الحمد لله على السلامه يا الغالي ناصر:الله يسلمج ... سيف :لا تتفدين غيري ... قالها بصوت عالي ..اسميني احترق ويهي ناصر:شوي شوي على اختنا ..غدت شرا الطماط سمعنا حد يدق الباب ..ودخلت نفس الدكتورة ..وي اول ما جافت ناصر مبطل عيونه ...الابتسامه شقت ويها شق ...شوي شوي على عمرج امي الدكتورة:الحمد لله على السلامه دكتور ناصر ...ان شاء الله اخر الطيحات ناصر : الله يسلمج يا دكتوره ... الدكتورة :شكلك ما عرفتني ..انا ناديه كنا مع بعض بنفس الدفعه جفت ناصر ملامحه تغيرت ..شكله كان من بينهم شي .. الدكتورة :رجاءا لا تخلونه يرمس وايد ...ولا تطولون عنده ..والحمد لله عللى سلامتك مره ثانيه طاعوا هاي مضيعه السنع ...سيري توكلي امي ...الله يعينج يا ساره عليها ..شكلها قوية عين ... جمان استاذنت قالت عندها اجتماع لجماعة التصوير ...كنا ناويين نطلع انا وسيف بس وقفنا سالم ... سالم :احم ...ميعاد ..سيف قالي انج دارسه علم نفس الاطفال ...وصراحة من فتره احس تصرفات سلطان مب طبيعيه ..فاذا ما عليج امر بغيت اعرف اشقايل اتعامل معاه ... ميعاد:توني موصلتنه البيت ...هو يباله ها الفتره تعامل خاص يبالك تتعامل بطريقه يخليه يعبر عن الي بداخله ...شو رايك تخليه يبات عندي الليله... سالم: العيوز بتبهدلنا بس بقنعها ... بس مب وراج دوام باجر ميعاد: هههه...اما عن الدوام لا تحاتي ..ما عندي شي باجر يا الله تاخرت على المحاضره..الله يسامج يا جوري ها بدايتها من كثر ما افكر بسالفتج صحيت متاخر ...وصلت الجامعه وطالعت صوب كلية جوري بينا لقاء اليوم يا جوري ..سرت مكتبي خيبه تخيب العدوا ...انا منو الي قالي اقترح على اسوم انا بنروح الجامعه مع بعض ...ابى ارد الشقه وراي ريبورت لازم اسلمه ...اخيرا تشرفت جوري:حلفي انتي بس ...جان ما يتي اسوم :هدي يا امي اهدي ...ليصيبج شي ..بيذبحنا زياد بطلت عيوني عليها ...صايره سخيفه مؤخرا ..ركضت وراها وين تروحين مني اليوم ...سمعت تلفوني يرن بس جفته رقم غريب وطنشته ..قلت لاسوم بسج ركبي السياره ورانا سوق بعد... يا الله اني ما احس بريولي من كثر ما فرينا بالسوق ... اسوم:جوري بحط اغراضي بالشقه وبييج جوري:سيري امي ..جدامج الرحمن اسوم:ان شاء الله ماما حطيت الاغراض بالغرفه ....سمعت الجرس ..فاضيه اسوم بعدها تدق الجرس ما فيني البس شيلتي ...بطلت الباب وعلى طول عطيت الباب ظهري من غير ما اجوف منو كله حاطه ببالي انها اسوم.... زياد: وايد طول شعرج عن اخر مره جفته يتني رعشه ..شو رعشه ...مسك كهربائي بكبره ..تصلبت بمكاني ما عرفت شو اسوي زياد: شو بضل واقف عندالباب جوري :احم ..تفضل ادخل ما مداني اسكر الباب الا واجوف اسوم طالعه من باب شقتها ..اشرت عليها بيدي يعني عندي حد ...بغيت البس شيلتي بس قويه اذا لبستها اللحينه زياد:جوري ..ممكن تيلسين اباج برمسه احس عمري ربورت ...ويلست بكرسي بعيد عن كرسيه ..رفعت راسي اجوف عليه ..جفته ميود صورة العايله زياد:تصدقين وايد مشتاق لهم ... جوري:وليش ما تروح وتزورهم زياد:والجامعه ...بعدين احس بالغربه لمن اروح البلاد جوري:اول مره اسمع حد يحس بالغربه ببلاده زياد:انا ...لي اسبابي يا جوري ..وانا هنا علشان اوضحلج كل شي... وسكت ...وبعد فتره زياد:جوري ...شو تدرسين جوري:هندسة اتصالات زياد:تخصص حلو ...ومطلوب كثير ومره ثانيه سكتنا ... زياد: تصدقي ..صدمت لمن جفتك ..صورتك ببالي ..ذيج البنيه الصغيره الي دوبها تشتكي من ميعاد وناصر الي يؤذونها... جوري:وطلعت فرد من العصابه يلس يضحك بصوت عالي ..شكله استخف زياد:ليش تجوفين علي جي ...اشلون عرفتي اني فرد من العصابه على قولتج جوري:جفت دفترك على الطاوله زياد:ما كان عندي الجرئيه اني اخبرج ..او ما كنت ابى اخيب ظنج فيني وبنفس الوقت ما كنت ابى ميعاد تاخذ بخاطرها ..تعرفيها كانت وايد تغار منج تقول انتي خذيت حنان امي كله رفع راسه ويلس يطالع علي ....اول ما يت عيني بعينه ..جفت عليه بنظره قويه زياد:كل ها بقلبج صوبي..لدرجه انه الكره باين بعيونج اول ما قال جي ..طلعت من طوري ...جني قنبله وانفجرت..جنه قلبي الي تعود على تحمل المصايب ما عاد فيه مساحه انه يتحمل زياده... شو تتوقع يعني ..احبك مثلا ..ولا مشتاقتلك ... وعلى شو احبك ..على ترك لي كل السنوات الي الطافت ....على اني كنت بهامش حياتك ...على كلام الناس الي يقولوا حتى ريلها ما يبيها وماخذنها علشان يرضى ابوه على عمري الي راح وانا انتظرك ..على شو بالضبط... تعرف لمن كنت ايلس وي ربيعاتي وكل وحده تقول ريلي سوا جي وريلي قال جي ..ولمن ييي دوري ويسالوني..اتمنى الارض تنشق وتبلعني ولا اني احس بالنقص والحرمان ...اصلا انت واحد اناني ....واحد ما يحب الا نفسه ... زياد:جوري ..جوري اهدي جوري:ما ابى اهدى ...اطلع من حياتي ..ليش ياي ..شو تبى فيني اطلع حرام عليك ..حرام عليك الي سويته فيني ... من بعد اتصالي بجوري ..قررت اروح اجوفها ...بما انها هنا ..فهي تحت مسؤليتي ..مستحيل اخليها تسكن بروحها ...بعد المغرب ركبت سيارتي وسرت صوب شقتها ...جفتها نازله هي ووحده شكلهم كانوا بالسوق ..حشى شاريين السوق بكبره...دقيت جرس الباب ..بطلت الباب ..وجفتها معطتني ظهرها ..شكلها على بالها اني ربيعتها ...اصطدمت لمن جفت شعرها ..صج انه كان طويل من وهي صغيره بس اللحين طولان زياده واصل لاخر ظهرها وكثيف بشكل غير طبيعي ..شكلها ورثته من امها ...ما عرفت شو اقول ولا اصلا كيف اشرحلها سبب غيبتي كل ها السنين ...يلست ادور اي موضوع معاها اباها تتفاعل معاي ...بس ما كانت ترد علي الا بكلمات بسيطه ...بس اول ما يت عينها بعيني ..تصدقون خفت من نظرة عيونها ..عليها عيون حاده ووسيعه ....بس نظرة الكره الي فيها تخلي الواحد يحسب حساب للكلمه الي ينطقها...هي جمله قلتها الا اجوفها شرا القنبله اللي انفجرت ....كانت تصارخ وتصيح ومن غير انها كانت تضرب صدري بقوة حاولت اهديها ..بس هي شكلها مب بوعيها ...حضنتها بقوة ...وبعد فتره جفتها هدت ..وشكلها استوعبت هي وين لانها يلست تحاول تقوم وتبتعد عني ... زياد:جوري ...ممكن نتفاهم ..جفت ماي محطوط على الطاوله عطيتها تشرب شويه زياد:ما اتذكر بالضبط جم كان عمري ...يمكن 4 او 5سنوات اوحتى اقل ما اذكر ..كان عندي صديق وايد قريب مني ..كان يبات ببيتنا ..و كنا دايما نلعب مع بعض .. ...حتى كنا بنفس الكلاس بالروضه ...وانا كنت متعود ابوي يردني البيت ..وهو كان اخوه يمر عليه ...وفي يوم تاخر ابوي وما بقى حد بالروضه الا انا ووحده من المدرسات ... يلسنا انا وهي ننتظره ..حسيت بالعطش فقلت للمدرسه اني بسير اشرب ماي وبيي ..هي قالتلي تباني اي معاك ..طبعا انا عملت فيها ريال واني جبير واقدر اسير بروحي ...سمعت اصوات داخل الروضه ...وطبعا بفضول طفل سرت اجوف شو السالفه...جفت اربعة شباب مكتفين ربيعي ويالسين يضربونه وجفتهم ماسكين سجاجين يهددونه...انا تخبيت خفت منهم بس صديقي جافني لحد اللحين مب قادر انسى نظرته وهو يطلب مني اساعده .. بس ما قدرت خفت كنت ابى اسير وانادي المدرسه بس ..سبق السيف العدل مثل ما يقولوا ...كل واحد من الاربعه طعنه بسجينه ..بكل مكان بجسمه ...وقبل ما يطعنونه سمعتهم يقولوا ..خل اخوك يتادب ويعرف انه بنات الناس مب لعبه بيده...ومن الصدمه ما قدرت اتكلم ...تصدقين انا لحد اللحين احلم بنظرة ربيعي وهو يطلب مني اساعده ...انا اول مره اقول لحد ها السالفه حتى خالي ما يدري .. .. ما ادري شوا استوى فيني كل الي اتذكره اني كنت اصرخ واصيح..وفجاه حصلت نفسي بحضنه ..احترق ويهي حاولت ابتعد بس هو شدني لحضنه اكثر بدى يقولي قصته ..يا الله في ناس جي محذوف الرحمه من قلوبهم ...تبون تنتقمون من اخوه هو شو ذنبه ...والله اني رحمت زياد تخيلوا ياهل صغير ويجوف ربيعه ينذبح جدامه ويا ليت بعد طعنه وحده اربع طعنات ...رفعت راسي وجفته حاط ايدينه فوق راسه ...رفعت ايدينه وشبكتهم من بين ايديني ..ما ادري من وين يتني الجرئه بس وضعه مب طبيعي شكله يالس يتخيل المشهد جدامه... المشهد كان ينعاد جدامي ...ضغطت على ايدينها بقوة حسيت عمري بعدني ياهل ابى احتمي بحد ابى المشهد يروح من بالي ..ضغطت على ايدينها اكثر سمعتها تتاوه قومت ايديني من على ايديها ... زياد: تذكرين اليوم الي يتكم فيه وانا اصرخ وارتجف ....هو اليوم الي جفتهم هم الاربعه ...كانوا طالعين من السوبر ماركت ..واحد منهم لمن جافني قال لربعه ..ها الي يالسين ندور عليه ...شكلهم جافوني ذاك اليوم وانا ما كنت اعرف ...كانوا يركضون وراي ..ويقولوا بنسوي فيك شرا ما سوينا بربيعك ...كنت اركض ما ادري اشقايل وصلت البيت ..بس الي اعرفه اني كنت يالس اصرخ ابى اهرب منهم وكل شي يالس ينعاد جدامي وفجاه اغمى علي ...لمن صحيت كنت احس عمري رديت ياهل ابى اهرب من الاربعه كنت لمن اسكر عيوني اجوفهم... نسيت اني كبير واني اقدر ابلغ عنهم واني اقدر اخذ حق ربيعي ..بس ما قدرت ولا عرفت شو السبب كنت بس ابى اهرب من كل شي اهرب من البلاد بكبره ... سمعنا جرس الباب ...استغربت منو الياي ...انا طرشت مسج لاسوم قلتلها انه زياد عندي ..فنمو الي ياي زياد:تنتظرين حد.. هزيت راسي بمعنى لا ...بس لمن سمعت صوت الي يصرخ قلت رحتي فيها يا جوري ... موعدنا يوم الثلاثاء.... باذن الله |
.... يسلموووو على البارت
ضحوووووووكة اخبارتس عساتس بخير ياوجه الخير وبارت اليوووم اروع من الرائع لاخلا ولاعدم ............ اممممم اخيرا" عرفنا قصة زياد...بس برضوو عذره مهوب مقبوول ايش دخل جوري~ بهالسالفة كلها ايش اللي منعه يتصل عليها ويسأل عن اخبارها.... ... توقعت بيكون شاف الاربعة اغتصبو صاحبة بس الجريمة شنيعة قتل مرة وحدة ....طيب ماتم القبض على هالعصابة الاربعة طول هالوقت.؟!! واتوقع اللي دق الجرس اخو اسووم وجاي سكران واكيد زياد لما بيشوف هالمنظر .... حميته وحس المسؤليه مابيسمح له يخلي~ جوري بهالمكان الخطر لوحدها من دون رجال وبيصر ياخذها وبكذا بتنحط النقط على الحرووف وجواهر بتعرف بالموضوع وهينا بنعرف هل بتتخلا عن زياد ولا بتتمسك فيه وانا ماحبيتها واضح انها سطحيه وتفكيرها محدود ومدلعه .... وكل هذا بيتضح ببارت الثلاثاء عوافي |
سلمتي على الجزء
بانت عقدة زياد صعب على احدانه يسمع صديقه مات فمابالك لوقتل وراى مقتله لكن ماذا لم يتصل بجوري لانها ضد رغبته او خوفه من العودة الى بلاده اللي يدق الباب اخو اسماء ودمت بود |
زياد عمل ع قوله القايل(سكت دهرا ونطق دهرا) عندك حق تهرب من البلاد لكن ايش ذنب الجوري ياويلي ع اخو اسوم عند الباب لحقو بتصير ضاربه منتظرنش |
السلام عليكم ورحمة الله وبركاته
هلا بيج عيوني فديت ضحكتي جزء اليوم صدمة حقيقية لان سر صمت زياد وسر صراخه وضح لنا وصدمنا حقيقي انذهلت واعطيت لزيادة الحق في اصراره على غربته وخوفه من احضان الوطن ولكن لم اعطه الحق بتركه لجوري معلقة خلفه اول الامر معذور لانه كان صغير ولكن بعد ان كبر ونضج كان من الواجب عليه التفكير بجوري وايجاد حل لمشكلته معها مو البحث عن حياة جديدة وترك انسانة مهمشة الحياة لاتستطيع ان تعيش حياتها معه ولا مع غيره المهم ما خلف الباب سوف يحمل الكثير لجوري وزياد ورب ضارة نافعة اعجبني تطرقك لمشاكل الاطفال النفسية طرح موفق بكل الشوق ننتظرك وفقك الله غاليتي |
مرحبا ضحكه
ياي وبدت الاكشن ومين وراء الباب مو واحد بالميه الا مليون بالالف اخو اسماء السكران وطبعا الجنتل مان زياد كيف يخلي جوري اكيد بيحلف عليها يمين ودين ان تشل شلايلها وقدامه على بيتهم وهنا عاد شوفي شغلك ضحكه وورينا الاكشن والعناد ************** زياد وسر صمته ثم سر كلامه لا اله الا الله حسبي الله ونعم الوكيل طيب اوكي الاخ الاكبر غلط يقومون يقتلون اخوه الطفل بالروضه هذي ابد مو رجوله انصدمت بصراحه انه في ناس كذا ليه هالرجوله ما طلعوها باللي منتهك حرمتهم صدق همج زياد مسكين موقف زي ذا اكيد بيكون له اثر قوي عليه لاكن هالانسانه اللي يسمونها مرته مطنشها بالبلاد ويخطط لحياه جديده بس ما اعرف احس مشاعره مع جوان مجرد تعود وحتى ابوها يعرف هالشي وعلى طاري ترى حصلت على نجمه لان انا اول متوقعه ان جوان هي الجوهره بس سؤال امها اجنبيه والا عربيه انتظر القادم بشووووووق |
هلا الضحكة كيفك؟!!
واو لايكون سامي؟كان ورطة من قلب<<وهو سكران بعد كملت>> الله يعين جوري بس إن شاء الله يكون من صالحه.. زياد بعذره هرب من الدره الصراحة هالشباب متوحشين ماألومه يوم فقد النطق عاد الصغير يكون الأمر عنده كبير لو هو صغير عاد وشلون والأمر عظيم.. جمان وحمد صدمتهم بتكون عظيمه.. ميعاد زين اللي تنبهت لسلطان وإن شاء الله مع نومه معها يتحسن.. |
اقتباس:
حالي تمام دامج تمام... خلج جريب وبنجوف شو هي مبررات زياد... حياج |
اقتباس:
شو رايج تكوني بالقرب وبنجوف ...مبررات زياد حياج |
اقتباس:
ههههههه... حلوه..سالفة بتصير ضرابه حياج |
اقتباس:
خلج بالقرب ..وبنجوف مبررات زياد... العفو غناتي ...من وجهة نظري الطفل مخلوق ضعيف وحساس وينكسر بسهوله..فمن الجميل ان تكون الام على درايه بنفسية الاطفال وحياج |
اقتباس:
ما طلبتب بس تبين اكشن....هههه كلوووووووووووولش ...حصلتي نجمه ..منو يقدرلج اللحينه راح تعرفين بالاجزاء اليايه ...اذا هي عربيه ولا اجنبيه..خلج بالقرب وحياج |
اقتباس:
بالفعل الصغير يكون الامر عنده جبير لو هو صغير خلج بالقرب حياج |
السلاام عليكم.
طربق طربق طربق طربق... واخيــــــــــــراااااا وصلت لكم..>>فيس يرتاح شوووي من الركض ورااكم.. من متى وانا حافظتها عندي بالجوال ومن قبل امس اقرأ فيها لين خلااص قلت بنت ياازارا استحي على وجهتس وخلصي مااصاارت 16 جزء وللحين ماخلصتيهم وانا من ركبت السيااره رايحه للجامعه واناا اقر؟ا فيها وبين المحاضرات اقرأ فيها ورديت للبيت وانا اقرأ فيها ..لين انتهيت كل الاجزااء>>فيس يصفق اعجاب بنفسه..هع اعجبني جوو القصه ولوو ان فيه اشيااء يعني شووي مو مستوعبتها. بس القصه بشكل عام حلوه.. واكثر شي اعجبني فيها جوري وانها صاامده للحين.. رحمتها مرره وهي عاايشه في بيت غريب حتى لو كانوا ابو ناصر وام ناصر حبوبين معها بس عيالهم محسسينها بانها ثقيييله وهالاحساااس صعب على وحده بعمر الجوووري وغير كذا يعايرونها بامها.. جوري : اعجبني فيتس انتس تحديتي الصعاااب .. استمري وكسري رااس هالزياد.. واناا وااثقه انتس بتسووين هالشي.. زياد : تعال بسألك الحين انت بعد هالسنين كلها بلغت عن هالاربعه والا للحين شاارد منهم؟؟؟ تدري من كل قلبي اتمنى ان جووري تلوووعك وتخليك ماتعرف تنام الليل.. قااهرني وحارق قلبي ولاا كأنك مسووي شي جاي بكل وقاحه لها وتتكلم بهدوء وتشرح الموضوع وكأن لك سنين معها؟؟ وينك فيه كل هالسنين اللي فاتت والا كان لاازم تجي هي لندن عشان حظرتك تتذكر ان فيه وحده على ذمتك اسمها الجوووري.. خليك الحين بتمووت الف مره وانت تبي منها ريق حلوو وهي بتووريك الويل وتحرق قلبك بقووه.. وخل جوان تنفعك.. ومن كل قلبي اتمنى انه ساامي اللي عند البااب ومافيه مانع لو بث حبه لجوري وقال انها تعجبه عشان تدري ان مو الكل يشووفها بنفس نظرتك.. ناصر وساره: الله يوفقكم وانت نصوور الله يعافيك ويتمم عليك بالعافيه ويكملك بعقلك.. تدري عاد احس انك انسب لجووري من زياد.. بس يله حتى السووري طيبه مره ..اللهي وفقكم واعجبني قراارك بانك تكون لسااره ويمان وبس.. حمد وجمان: شووفي انتي ماراح تعرفين حمد وهو يمكن يتفجأ بان البنت اللي تبي تشتغل بروحها هي انتي.. فعشان كذااا اقوولتس من هنااااااااا بتتغير معاملتس له.. وهو بيووريتس الويل..وتبين الصدق تسااهلين كل مابيسوويه لتس.. اسووم : اهم شي انتس تعرفتي على وحده من بلدتس وبتردين معها واتووقع راح يكون بينتس وبين سعود نصيب.. الضحكه اتمنى انتس تستتمرين بتنزيل الاجزااااء بانتظام لان اللي يتاابعون يستحقون هالاهتمام منتس مثل ما هم مهتمين بالقصه ولاقيه اهتماام منهم.. بانتظار الجزء القاادم اذا الله احيانا بكل شووق فلا تتأخرين علينا. |
تسلمين عالبارت فديتج<< الفيس راعي الورود
لا شو هالبارت القنبله<< فيس سياسي زياد وجوري خلاص لا تكمل.. حسيت فيك.. ان ترى رفيق دربك.. من شاركته هموم الدنيا وفرحها.. حلوها ومرها.. يرمقك بنظرة استعطاف وتوسل.. وتكون الشاهد الوحيد.. على فراقه الحياة.. فراقا لا عودة بعده.. وتقف عاجزا عن مد يد العون له.. هنا تحس انك قتلت نفسك عند اراقة اول قطرة من دمه امامك<< فيس كئيب.. خلاص قررت اوقف وياك هالبارت اللي عقبه.. جوري انتي جي<< فيس مسوي اوكيك.. الحينه لازم تحاولين توقفين وياه لين يتجاوز هالصدمة وخلاف حلوا مشاكلكم.. في الوضع اللي هو فيه بتوصلون لحلقه مفرغة فالافضل التاجيل<< فيس يقترح.. منو هذا اللي عند الباب لا تقولين سلوم<< فيس قرر يسجنه ويفتك ناصر وسارة نصور امف عليك ها شو سالفة هالدكتورة المفلعه بعد<< فيس معصبة.. اجوفها كل يوم يايه ورازه الويه<< فيس قرر عطيها شفتات تهد الحيل.. وانتي ما اوصيج الصقي في ريلج واستوي شرات ظلته لا تخلينه يغيب عن عينج<< فيس ينصحها حمد وجمان خخخخاااي<< ضحكة شريرة.. اجتماع.. وتصوير.. لا الظاهر ان الروابط بينكم بدت تزيد.. ما تم الا هالخديه جمان تلين راسها وتوافق<< فيس يحن عليها يبيها توافق.. خلاص لا تعطيها سكشن الا يوم توافق عليك<< فيس استغلالي ميعاد هي يا بنت الحلال.. طلعي هالمحاضرات اللي ما منها فايده على هالولد وحلي مشكلته<< فيس شكله بيتكفخ اسوم لا على هالحالة مستحيل اتمين اهناك اروحج.ز اخوج هذا ما منه فايدة وما لج الا تردين البلاد<< فيس قرر يروح اييبها نترياج فديتج<< الفيس راعي الورود http://www.liillas.com/up3//uploads/...29afe633ce.gif |
اقتباس:
الحمد لله على السلامه..يا ربي شكله الدرب كان وايد بعيد خلج بالقرب ..وبنجوف شو يستوي |
اقتباس:
خلج بالقرب وبنجوف شو بيستوي بابطال القصه حياح |
هلا وغلا...بكل الي يتابعون قصتي ...بما اني راده البلاد يوم الثلاثاء ان شاء الله ...وطول النهار بكون بالطيارة وبالليل اكون مع اهلي ..عاد تعرفون صارلي 6 اشهر مب جايفتنهم يعني ولهانه عليهم ...فقلت احسن انزل بارت يوم الثلاثاء اليوم ولا اني اتاخر عليكم ...فاقدم ولا ااخر
موعدنا القادم سيكون يوم الجمعه .... كما اعتدنا ...وباذن الله الجزء السابع عشر: جيكت على ساعتي ...الساعه اللحين 4 ..باقي نص ساعه وراح يبدا الاجتماع ...ما ادري اذا يمداني ازور ناصر وارد ..احسن شي اتصل على سالم واجوفه ...سالم قالي بيرخصونه باجر ..عيل ما يحتاي اسير له المستشفى ..بالمره باجر اروح بيتهم...خلني اشرب لي كوفي واتيت راسي شوي ... توني واصله البيت ..دخلت الصاله بس تذكرت سلطان ...طبعا خالتي ام سالم سوتلي سالفه طويله عريضه واشقايل تاخذين الولد وما ادري شو ..شكله سالم قص علي وما خبر امه ...نبح صوتي من كثر ما اقنعها وفي النهايه قلتلها خذي كلمي ولدج سالم وتفاهمي معاه ..الله يعينها الي بتاخذ حمد ..يبالها يكون عندها صبر ايوب ..ولا بتشيب ...واخيرا اقتنعت ام سالم بس قالتلي رديه البيت على العشاء ..عيل انا ليش اتصلت على سالم ..قلتلها ان شاء الله ...يلست اسولف مع سلطان ...فديته وايد صاير هادي ..على ايام سعاد الله يرحمها ...كان وايد يحب يسولف ويسال ...ان شاء الله اقدر ارجع البسمه لويهك ..واكسب فيك اجر ...خذيته لغرفتي وقلتله تبى ايبلك شبريه ولا بترقد بشبريتي..قالي ابى ارقد معاج...عطيته ورقه وقلم وقلتله ارسم لحد ما ابدل وننزل نتعشى مع بعض ...بعد ما بدلت يلست امشط شعري وانا اطالع على انعكاس صورة سلطان بالمرايه ..جفته وايد منغمس بالرسم شكله يعبر عن الي بداخله بالرسم..سرت عنده اجوفه شو يرسم وهو يبتسم ...سالته شو رسمت ..وراني الصورة وقالي ..ها باباتي ميود يدي ..والي بعيده ماماتي ..يالسه تودعنا وتقولنا بييكم باجر...فديتك يا سلطان شكله وايد مشتاق لامه ..لويت عليه ..وقلتله انا شو قلتلك امس ماما خلاص راحت الينه ..اللحين انا ماماتك اليديده ...جفته ضحك ولوى علي بقوة ...يودت يده ونزلنا تحت نتعشى ..جفت يمان يناقز ويقول باباتي بيرخصونه باجر ...ضحكت على خباله ..قلتله تعال نتعشى واخبركم قصة ... دقيت باب الغرفه ودخلت ...لا حول ولا قوة الا بالله ..ها الدكتورة ما عندها مرضى غير ناصر ...يا رب الهمني الصبر بس...متى بيي باجر ..ونسير بيتنا ..اخاف يستوابي شي منها...اول ما دخلت سكتوا هم الاثنينه ...ما علينا يا ناصر دواك عندي ...سمعتها تقول ..بينا اتصال ..شو بعد بينكم اتصال ..طالعت على ناصر بنظرة شك.. ناصر :سارونه ..شو ها النظره اليديده سارة :شو ذا المنكر بعد ..بيننا اتصال ناصر :هاي غاويه تييب مشاكل من بينا ..خلها تولي سارة :ناصر منو هاي ناصر:هاي الله يسلمج..كانت معاي بنفس الدفعه ...ويالسه تقول سالفتها انها مطلقه ..وانه ريلها كان يشرب خمر وكان يضربها سارة :وهي يالسه تفضفض لك..على منو تقص انت ناصر:سوير ...شو يعني يالس اجذب عليج...الشرهه مب عليج ..على الي يالس يرمسج حاولت اقنع زياد اني انا الي بفتح الباب ...بس هو يقول ما تسمعين صوت ريال اشقايل انتي الي تبطلينه ...يا ويل حالي شكلي بروح فيها اليوم ..الله يخس ابليسك يا سامي ..جان انك باليني بدنياي ... شو ها الصراخ ومنو الريال الي يالس يصارخ جي ..سرت ابطل الباب ..ما ادري شو فيها جوري ..تبى بروحها تبطل الباب ..ها الناقص بعد...صج قبل كانت بروحها بس اللحينه خلاص ...فتحت الباب وجفت نفس البنيه الي كانت مع جوري من ساعه يالسه تزخ ريال وشكله سكران ...سالتها منو الي دق الجرس ..بس رد علي الريال السكران ...وقال انت شو تسوي بشقة اختي ....اي شقة اختي ..الحمد لله على نعمة العقل زياد:يعني انت الي دقيت الجرس سامي :ايوا انا ... طاعوا شين وقوي عين .... مسكته من جيب قميصه ورصيته على اليدار ... زياد:انت واحد ما تستحي ..ما تتخيل على ويهك ...خلني اجوفك بس جريب من باب ها الشقه لادفنك هني سامع...لفيت صوب البنيه وقلتلها ..الله يعينج على ما بلاج...شفت جوري عند باب الشقه تتطالع علينا ...عطيتها نظره يعني دخلي داخل ليي واذبحج انتي بعد احلى خبر سمعته اليوم ...ريم بترد بعد 3 ايام ...تقول انهم قدموا رحلتهم ..وانها اشتاقت لاهلها ..والله انها مب صاحيه ..عيل حد يمل من شهر العسل ...لا والمشكله من متى انصحها واقولها ليش تسكنين مع اهل عمران ..سكنوا بشقه بروحكم ويش لج بعوار الراس ...الله يعينها على ضرابة خالتها وحرمة عمها...وي شكلي تاخرت على الاجتماع ..هذه بدايتها ...دخلت قاعه الاجتماعات وما حصلت حد شكله خلص الاجتماع وانا توني يايه ...جفت اميرة ومعاها بنيه يالسات يتناقشوا عن ترتيب القاعه ..جافت علي اميرة بنص عين وقالت هاي بدايتها جمان ...استحيت منها صراحة ..بس طنشت وسالتها عن سالفتي ...وقبل ما تتكلم دخل علينا حد انا كنت معطيه الباب ظهري ... اميرة:وهذا رئيس الجماعه وشرف ..كلميه بروحج قلت بخاطري ..بكلمه ..يعني شو اخاف منه مثلا ...لفيت راسي علشان اكلمه ..يا ربي ها الريال وايد يشبه حمد ...بس على اضعف ...تصدقون حتى صوته جريب من صوت حمد حمد: جمان بسم الله شو في ها جنه الا جايف يني .... جمان :نعم اخوي ..انا جمان حمد:شو تسوين هني لحضه ...لحضه ..مستحيل ..ها حمد....شو استوى فيه ..تقلص على الاخر ..يا وطالع وسيم ...صاير طبق الاصل من ريم .. جمان:حمد ..شو استوى بك ..تقلصت اميرة:شكلكم تعرفون بعض حمد:وعز المعرفة بعد... اميرة: عيل هي الي قلتلك عنها تبى يكون عندها سكشن بروحها حمد: جمان ..اشقايل يكون عندك سكشن ...وانتي الا اليوم انضميت للجماعة جمان:وشو فيها اذا بس اليوم انضميت للجماعه...انت احكم على اعمالي وبعدين قرر حمد: جوفي ..احنا عندنا لمن تنضمي للجماعه ..يعطونج كورس ..ومن ضمن الكورس حصص عملي ..وبعدين يكون عندج كامرتج الخاصه ..ويكون في رحلات وتصوير ...وبعدين احنا اسبوع التصوير نجهزله من شهرين حتى الصور المشاركه اخترناها من ضمن مجموعه صور ...حتى مب كل اعضاء الجماعه لهم سكشن خاص ...وهم منظمين من سنوات ..فاشقايل انتي اليديده يكون عندج سكشن خاص جمان:وانا ويش لي بالاعضاء الجدامه ...وبعدين اذا على الكورس باخذه بعدين ...اهم شي اني ابى اشارك باسبوع التصوير حمد:جمان عن العناد...انا رئيس الجماعه وانا الي اقرر اذا يكون عندج سكشن خاص او لا ..وانا اقولج انج بتكوني مع اميره بسكشنها ..واذا على اعمالج التصويريه يبيهم باجر وبجوفهم تجمعوا الدموع بعيوني ..الزم ما فيني حد يفرض رايه علي ..وبعدين المفروض يجوف اعمالي وبعدين يقرر ...بس هو ما عطاني مجال اتكلم سار وقال عنده امتحان باجر... ما صدقت خلص الاجتماع ..مصدع حدي ...وصلت عند السيارة واكتشفت اني ناسي المفتاح بالقاعة ..بروحي مب رايم امشي ...لا حول ولا قوة الا بالله ...برجع شو اسوي ...دخلت القاعه من غير ادق الباب على بالي كلهم روحوا ..سمعت اميره تقول وهذا رئيس الجماعه ...لفت صوبي الي كانت يالسه تكلمها شكلي من كثر ما افكر بجمان صاير اتخيلها جدامي ...بس والله كوبي بيست منها ..بعدين قلبي مستحيل يضيع جمان ...انا متاكد انها هي ...زقرتها علشان اتاكد ...يتي بريولج لعندي يا جمان ...سهلتي علي المهمة كثير ...كل التعب الي فيني راح اول ما تاكدت انها جمان ...لازم اسيطر على عواطفي علشان اقدر العبها صح ...يا حلوج يا جمان بالشيله الورديه ....توني اقول بسيطر على عواطفي.... شو ها على باله بخاف منه ...دام اني واثقه من نفسي ..فبقدر اواجهه...لمن جفت عيونه والشرر الي يطاير منهم ...كل الكلام الي قلته بخاطري تبخر ...بسم الله الرحمن الرحيم ها يخوف وهو معصب ... زياد:جوري لمي قشارج ... جوري :اشلون يعني لمي قشارج زياد:اعتقد اني اتكلم عربي...لمي اغراضج ..بنروح شقتي جوري:شو...شقتك...انا ما بظهر من شقتي زياد:جوري ..مالج يلسه بهاي الشقه....بروحج شفتي الي صار جوري:ما صار شي ..انا بقفل باب شقتي واهو ما يقدر يدخل زياد:حلفي انتي بس...من غير عناد..لاني ما بتحرك من هاي الشقه من غيرج...فلا تكبرينها وهي صغيره جوري:لتكون تبى تمارس دور الريال الي يخاف على حرمته زياد:وانا ريلج ..غصبنا عليج..وبتظهرين معاي وراسج فوق رقبتج جوري:ريلي على ورق... زياد:ما طلبتي تبين اوريج اشلون اكون ريلج فعليلا... بطلت عيوني على الاخر ..صج انه ما يستحي...بس ما بتحرك من شقتي ..ها الناقص اسكن معاه زياد:حشى مب عيون وساع عليج..وبعدج تفتحينهم زياده..رحميهم...ويله نمشي جوري:مب متحركه من شقتي زياد:شكلج تبين استخدم معج القوه....سمعي لا يروح تفكيرج لبعيد ..بتكونين بروج بغرفه وانا بغرفه لالالالالالا استخف ها..انا الي تفكيري يروح بعيد..شو ما يحس ها الانسان..ياي من بعد 8 سنوات ويباني اعيش معاه بنفس الشقه... زياد: جوري اعرف بشو يالسه تفكرين ...وانا ما خلصت كلامي ....واعرف مهما قلت انتي مب يايه تقبلين اعذاري لاني بنفسي مب لاقي عذر لنفسي ...فخل نمشي شقتي وبنكمل كلامنا اهناك جوري: وبما انك تعرف انك مهما يبت اعذار مب يايه اسامحك على الي سويته فيني فما له داعي نروح شقتك...واذا تبى تتكلم محد ميودنك تكلم ...ولا شقتي مب قد مقامك زياد:جوري بروحي مصدع مب راقد طول الليل ...فلا تجبريني استخدم القوة معاج ... جوري:شو يعني ها تهديد زياد:تبين تجوفين شو هو التهديد... ابى افهم خالي اشقايل مخلي جوري تسكن بشقه بروحها ...ويارها واحد سكار منو يأمنه ها ...لا والاخت تقول بسكر الباب وما يقدر يدخل...من ساعه احاول اقنعها نمشي لشقتي وهي معانده وراكبه راسها بروحي مصدع ..شكلها يبالها استخدم معاها القوة...اقتربت منها جفتها غطت ويها بيدها شو قالولها عني همجي ..استخدم الضرب يعني ...بوستها بقوة على خدها لدرجة انه علم ...اما هي بطلت عيونها على الاخر ..بتخبلبي هاي بعيونها ...قلتلها تبين استخدم القوة مرة ثانيه ولا تمشي بالطيب...اسميني لمن جفتها تركض الغرفه وتلبس شيلتها يتني الضحكه ...خوافه طول الدرب وهي ساكته ...سالتها اذا تعشيتي بس ما ردت علي ..مريت صوب المطعم وشريت عشاء ...قبل ما تنزل من السيارة قالت ..هذه اخر مرة اسمحلك تلمسني ...ضحكت عليها ..انا لو ابى اسوي فيج شي ما انتظر انك تسمحين لي ...مشت وراي لحد ما وصلنا عند الشقه ...جفتها تبى تركب فوق ..يلست على الصوفا وقلتلها... زياد:جوري ...انا مب كنت ناوي استخدم القوه علشان تيين معاي ...وبنفس الوقت مب كنت قاصد شي لمن ...سكت كنت ابى اتاكد انها تسمعني لفيت راسي جفتها واقفه بنص الدري.. زياد:انتي تعرفي اني لمن ييت لندن كنت المفروض ابدى المرحله الثانويه ...بس انا تاخرت سنه ..ضليت اعالج عند طبيب نفسي ...انا ما كنت اجوف فيه فايده ..بس خالي فيصل اصر اني اكمل جلسات العلاج على قولتله مع الوقت ..راح تتجاوز المحنه..بالرغم انه خالي ما يعرف شو كان فيني اصلا هو لحد اللحين ما يعر ف..اصلا ما حد يعرف غيرج ...بالسنه الي بعدها بديت دراسه ...وكنت حاط ببالي اني اشغل نفسي بالدراسة وامحي صورة ربيعي من بالي ...وبالفعل هست بالدراسه لدرجه اني ما كنت اجوف خالي وعايلته بالرغم اني كنت معاهم بنفس البيت..حتى الاجازات كنت ادرس فيهم منهج السنة الي بعدها ..اهم شي ما احصل وقت ايلس فيه بروحي ...وكان ها حالي لحد ما تخرجت ودخلت الجامعه ..بنفس السنه ابوي اقترح علي انه ييبج هنا لندن تكملين دراستج وهو الي يوفر كل شي لنا ..بس انا رفضت لسببين ..السبب الاول انا وراي دراسه والثاني ابى اعتمد على نفسي وما ابى حد يصرف علي ...وبعد الدراسه انشغلت بالماستر ادري انه كل ها مب عذر واني مستحيل ما حصلت وقت اتصل عليج...جم مره يودت التلفون وكنت على وشك اني اتصل عليج بس ما ادري شو يستوي واسكر التلفون ....لفيت صوبها جفتها يالسه على الدري ومنزله راسها ... زياد:جوري ...انا اسف على كل الي صار انا لحد اللحينه مصدومه من حركة زياد..توقعته يضربني ولا ييرني من يدي..بس ابدا ما يي ببالي انه يسويها ويبوسني ...لميت اغراضي وسرت معاه ..طول الدرب وانا افكر اشلون بتكون حياتي معاه...شقته كانت عباره عن طابقين الطابق الارضي كان عبارة عن مطبخ وصالة ..اما الغرف فكانت كلها فوق ...وقفت لمن سمعته يقول انه مب كان قاصد للحركة الي سواها ...كنت يايه اطنشه وسير فوق بس ...لمن يلس يقولي سالفته ...غصبا عني يلست اسمع ..كنت ابى اعرف السبب الي خلاه ما يسال عني كل المدة الي طافت ...صج اني رحمته بس ابدا ما عذرته...اول ما قال كلمة اسف ..ما ادري يتني رعشه قويه ..ما ادري يمكن لاني ما توقعته ينطقها ..ولا لاني كنت حاطه ببالي انه صعب على الريال يقولها بسهولة ...كنت ابى انفرد بنفسي وافكر بوضعي مع زياد... وصلت البيت وانا مفوله على الاخر ..كنت بس انتظر حد يرمسني علشان اطلع الي فيني عليه ....جفت ميعاد ميلسه سلطان ويمان حوالينها ويالسه تقولهم قصة وهي تمسح على شعر سلطان..ها ليش مب ببيتهم الساعة اللحين 9 مب من عوايد سالم يخليه لحد ها الوقت عندنا ...ييت اسال ميعاد بس سمعت جرس الباب ...كنت بعدني مب مسكره باب الصاله ...سمعت البشكاره تزقر ميعاد وتقلها مستر حمد عند الباب ...قلتلها سيري توكلي ..انا الي بروح اكلمه...جفت الاخ يكلم بالتلفون وشكله يكلم وحده ...وتاكدت لمن قال اكلمج بعدين اميرة ...مسود الويه ما يستحي يكلمها بالتلفون حتى ولو كان الموضوع يخص الجماعه لاني سمعته يتكلم عن القاعه ..ما استوت هذه قاعه الي حتى بالليل يتناقشوا عنها ..وانا ليش محتره وحارقه اعصابي ..يولي يكلم الي يكلمها ... جمان:نعم ...بغيت شي حمد:حشى..يسلموا الاوادم اول ..بعدين اعتقد اني قلت للبشكاره تزقر ميعاد...ولا ليكون بدلتوا اساميكم جمان:المفروض اضحك اللحين يعني .. حمد:اقول سيري زقري ميعاد جمان:ميعاد مشغوله ...شو تبى فيها حمد:ابى ولد اخوي ...سيري يبيه جمان:وحد قالك اني بشكارة بيتكم ...جفت ميعاد يايه ..قلت لحمد قبل ما اسير ...هذه ميعاد تفاهم معاها ..وبعدين عيب تكلم بنات الناس بالليل ..اول ما انتبهت للي قلته ...اسميني خبله اللحين شو يفهم اني مهتمه فيه واغار عليه ...خلي يولي لاه يفهم الي يفهمه شكله اليوم يوم سعدي ...اجوف جمان مرتين ..صارلي اكثر من شهر مب جايفنها ولمن اجوفها ...اجوفها مرتين باليوم ...شكلها معصبه هههه شوي وتفلعني بنعالها ...بعدج ما جفتي شي يا جمان ...لحضه ..لحضه ...هي قالت عيب تكلم بنات الناس بالليل ولا يخيل الي ...بس ارتباكها معناته ما يتخيل الي ....معقوله جمان تغار علي ....اذا تغارين يا جمان ..عيل بعدج ما جفتي شي بس غريبه ميعاد تقول انها متفقه مع سالم انه سلطان يرقد عندها ...مب من عوايده سالم ..هو اصلا ما يرقد من غير سلطان ...بتصل فيه واجوف شو السالفه كنت بسابع نومه لمن سمعت تلفوني يرن ...جفت على الساعه..ونقزت من مكاني ..يا الله الساعه 10 ..يعني راحت محاظرتي ...سمعت صوت زياد وهو يقول جوري بسج رقاد ..بتنفجرين ...ضحكت عليه نزلت تحت وجفت الريوق جاهز وهو يالس يترياني نفطر مع بعض ..كشرت وقلتله .. جوري:شكلك ناش من وقت زياد:لا والله توني الا ناش من الرقاد جوري:راحت علي محاظرتي زياد:حتى انا ...شكلنا ما بنفلح ... جوري:تكلم عن عمرك ..انا طالبه مجتهده زياد:صدقتج ...جوري خالي فيصل عازمنا على الغداء ..قلتله بجوف جوري اذا ما عندها محاظرات جوري: ما عندي اليوم محاظرات بعد الظهر زياد:عيل لحد وقت الغدا شو رايج نطلع ندور بلندن جوري:فكره مش بطاله ...ترياني اتزهب ونمشي زياد:نترياج شو ورانا ..بس لا تتاخرين نشيت من الرقاد ..وجفت سلطان بعده راقد ..سمعت صوت جمان وهي تكلم حد بالتلفون وشكلها مفوله على الاخر ..ما ادري شو سالفتها من امس وهي مب طبيعيه ...يبالي ايلس معاها يلسه معتبره لاني من زمان ما رمست معاها ..صحيت سلطان من الرقاد ..اول ما فتح عيونه على طول قال ...نروح الملاهي اليوم ...ضحكت عليه مب رايم يفتح عيونه ويقول نروح الملاهي ....واعدتنه اوديهم الملاهي هو ويمان شكلي غلطت يوم سجلت بجماعة التصوير ..اللحين اميرة باي لغه افهمها ...من الصبح اقولها بكون بنفس سكشنك بس انا بعد بعرض اعمالي التصويريه ..وهي تقولي بس احنا ما اتفقنا على جي مع حمد....قلتلها وانتكل كلمة والثانية حمد ..مدخلتنه في كل رمسه...اف منك يا حمد شكلك بتيب لي الجلطه ....خلصت محاظرتي وسرت صوب الجماعه ..جفت الاخ مرتز بالكرسي ويكلم اميره...يا ذي القاعه الي مب راضيه تترتب... جمان:صباح الخير ردت علي اميره ..وجنه حد جابرنها ترد علي شوي وتكفخني حمد:صباح النور والسرور...جمان شو مشكلتج بالحياة جمان:انت مشكلتي بالحياة...مب راضي تفهم اني ابى اشارك باسبوع التصوير حمد: ومنو الي قال اني ما اباج تشاركين باسبوع التصوير جمان:اميرة تقول ما يصير اعرض اعمالي بسكشنها حمد:واشقايل تعرضين اعمالج بسكشنها..شو الاوادم يجوفون على اعمالها ولا على اعمالج... جمان:انت ليش تبى تعقد السالفه ..وهي بسيطه...يا اخي ابى سكشن ..واذا على اعمالي ..هذوله اعمالي التصويريه جوفهم واحكم عليهم حمد:اولا انا مب اخوج...وثانيا ييبي اعمالج نجوفهم ...هلكتينا من كثر ما تقولي اعمالي واعمالي ... تصدقون كنت ابا اطلع لساني شرا اليهالوا بس يودت روحي على اخر لحضه ...وشكله فهم علي لانه قال حمد:عيب ..غديتي حرمه وانتي بعدج تبين تطلعين لسانج خيبه اشقايل عرف ...لانه حتى اميرة استغربت وسالته اميره: اي لسان..ما جفتها سوت شي ضحكنا عليها انا وحمد..وحليلها شكلها شرا الاطرش بالزفه وصلنا بيت خالي فيصل ...استقبلتنا حرمته هي انجليزيه ...كانت مره انيقه ولا جنها صاكه الابعين ...وبعد تتكلم عربي ...وكانت تجوف علي بنص عين..شو السالفه ما احيدها تعرفني ...ما علي منها ..يلسنا نسولف ...دخلت علينا وحده شكلها بنت خالي فيصل لانها تشبه امها كثير ...يعني شقره وعلى عيون خضره..تقولي انجليزيه بيور ...شكلها استغربت لمن جافتني ...لانها سالت زياد عني ..شو خالي ما قايلنهم اني يايه مع زياد ...في شي غريب يالس يستوي ..اول ما قالها خالي اني حرمة زياد...جفت الدموع تيمعوا بعيونها وركضت بره الغرفه كنت يالسه اسولف مع ناصر ...سمعنا صوت مسج ...جيكت على تلفوني ..بطلت عيوني على الاخر وقلت ...ها الناقص بعد موعدنا ..يوم الجمعه باذن الله |
الجوري وزيااااد
الحين طايحلي حب في بنت خااالك ....وكنت تبغى اطلق الجوري ....ليش ماااقلتهاااا ...ولاا لماااا شفتهااا علووومك ضاااعت ....وبعدين انت قلتلهااا على كل اسبااابك واعذاارك ...مع انهااااا مثل وجهك ....ليش ماا خبرتهاا بعد عن حبك لبنت خااالك ....اكثر شي اكره في الرجاال الكذب وانه مااقد كلمته ....وقولهاا عن جوان واذاا طلبت الطلااااق هذاا اقل حقوقهاا ....وخلهاا تشوف نفسهاا مع وااحد يحبهاا ويقدرهاا حمد وجماان والله البنت قاامت تغييير ....وهي لسه مااشاافته بشكل الجديد الا يوووم وااحد ...الظاااهر انهاا ماارااح اطول رااح اطيح على طووووووول ... نااصر وسااااره شكله بيكوون اكشن بينهم وجااامدبعد ... شكرااا على الباارت الرائع ...ومنتظرينك على خير ... |
السلااااااام عليكم.
مرحباا الضحكه والله يوصلتس بالسلاامه ياارب لعند اهلتس واحباابتس ياارب.. نجي الحين للجزء اللي نزل ..>>فيس يحب المفاجأت اللي من هالنوع.. تدرين عاد الضحكه اني ميته حره من جووري اكثر من زيااااد..يااربي منها مدري شلون تسمع كلامه بالشكل هذاا؟؟ خاايف عليتس يجلس عندتس مب انتي اللي تروحين معه..لو انتي اصريتي كان النتيجه بتكون غير ..كان بيكون هو بملعبتس مب انتي بملعبه.. زياد : يااخي انت وش مخلوق منه..هه وبعدين اعتذرت اعذار مثل وجهك بايخه وسخيفه وبعدين يعني تطلب الغفران والسماح وانها تنسى كل اللي سوويته تعيشين معك ولا كأنك جفيتها 8 سنوات وماكان فيه أي نوع من انواع التعاامل بينكم..جاي بكل برووح تبيها تسامح وتصفح وتبدأ معك صفحه جديده؟؟ طيب وجوان؟؟ وينها الحين من حياتك؟؟؟ يعني شفت جوري وركنت جوان وسالفتها على الرف؟؟ والا للحين باقي في جعبتك علووم خايسه وبتنفذها.؟؟؟ وبعدين ما ادري جوان هذي تعرف عن زواجك والا ماتعرف؟؟؟؟ جوري: تعال وش هالخوف منه. وخير ياطير يعني وش بيقدر يسوووي هالزياد اللي مااقدر يكلمتس وهو السماعه بيده وانتي بعيد عن الالف الكيلو مترات بيقدر بسووي شي لتس وانتم وجها لوجه.. مااااش ياا جووري شكلتس انتي اللي بتلحقينه وتحفين وراه مب هو؟؟؟؟ والحين طلعت لنا جوان بعد وعرفت بالوضع جهزي نفستس لحرب بارده مع جوان اللي بتبط كبدتس بتصرفاتها وبتعاونها امها بعد.. ساره وناصر: السووري شكلتس بتوورينا الوجه الاخر للذئب ياذيبه.. هالدكتووره يبي لها تأديب وانتي المؤدب عليتس فيها وريها الويل قليلة الادب واتووقع ان الرساله منها بس وش تبي ما ادري يمكن تبي تشووفه بروحه.. او بتووقله كلام ثاني وتشكي له حياتها المأساويه عساهاا تزيد اسى ياارب.. حمد وجمان : جمان تعالي اشووف حطي عينتس بعينس وقوولي انتس مب غيراانه من اميره؟؟؟ شفتي ماتقدرين تحطينها بعيني لانتس بتمةةتين من الغيره.. اكيد الحين انتي تعتبرين حق مكتسب لتس وكل ماشفتيه بالصاله مع البنات بتموووتين من الحره والغيره لانتس تعتبرينه من املاكتس حتى لو مااا كنتي تبينه بس الحين عاد بيغلى بعيونتس لما تشووفين كيف هو غالي عند غيرتس... حمد وش باقي بتسوووي يااشيخ.. حلال عليك اللي بتسوويه فيها.. اسووم: الرد اللي فات زوجتس من سعود واليوم اقوول ياا سعود يااسالم..>>فيس خطابه..هع الضحكه مشكووره على هالبارت وتردين للبلاد بالسلامه ياارب طمنينا عليتس اذا وصلتي.. وبانتظار البارت الجاي اذاا الله احيانا بكل شووق.. |
... السلام عليكم والرحمة
....ترجعين بالسلامه ان شاء الله وتقر عين اهلتس بشوفتس يارب.... ..لاتنسين الهدايا هعهعهع طبعا" بتكون الهدية بارت معتبر هعهعهع ...وبالنسبة للتوقع قرأت توقع وتحليل ماماتي~ وانا أأيده قلبا" وقالبا" عوافي |
السلام عليكم ورحمه الله وبركاته
مرحبا ضحكه الله يعطيك العافيه على تنزيل البارت دون تاخير وما قصرتي وتوصلين لبلادك واهلك بالسلامه يارب طبعا صاب توقع الاغلب وانه اخو اسماء اللي وراء الباب وكان تصرف زياد منطقي جدا انه ما رضى على وحده من محارمه تضل في مكان مثل هذا وتتعرض لجار مثله بس اللي مايعرفه انه اصلا مو جارهم جوان وعلاقتها بزياد ما اعرف بس احساسي ان زياد مايكن لها مشاعر خاصه لامن تفكيره سابقا فيها كان عشان هي تهتم فيه ومتعوده على حياه الغربه والا ما عرضها للموقف انها تشوف جوري في بيتها جمان وحمد جمتن واضح حبها لحمد بس هي تغالط نفسها من البدايه وكانت مستمتعه بحبه وتغليها بس يوم حست بالغيره اكيد السالفه بتاخذ منحى اخر ضحكه ننتظرك على المةعد فلا تتاخرين علينا مع فائق حبي http://www.liillas.com/up3//uploads/...394c878184.gif |
تسلميت ضحكة على البارتين انا مادريت انك منزله الي قبل
زياد شكلك طحت وماحد سما عليك والجوري بدت تشغل قلبك وبالك وتقدم لها اعتذارت واتوقع انها بتسامحك يوم عرفت عذرك وحالتك النفسية وتعيشون احلى زوجين بس الي بتنغص عليكم الجوهره هي مخطوبه لك ولا ايش القصه مافهمت او مانتبهت مادري عني جمان يناس تجنن هالبنت وشكلها بدا حمد يجذبها وبقوة بعد يالله شدي حيلك بس اثقلي شوي ساره الله الله في ناصر وانتبهي له من هالدكتورة تراهم بعضهم لاحيا ولا شيمة ويقولون اصدقاء عمل وهم الله يستر منهم سلطان مره حزني وابوه لازم يدور له وحده تكون شرات امه وتعوضه بالحنان شاكره لك ياقلبي على الانتظام والله يسهل دروبك وترجعين بالسلامه |
هلا فديتج
توصلين بالسلامة حبيبتي<< فيس قرر يستقبلها وتسلمين عالبارت<< الفيس راعي الورود سارة وناصر ما عليج منها ها.. تقولك لك بينا اتصال.. ومجابلتنك 24 ساعه وتبيها تودرها.. شو سالفه هالدكتورة ها<< فيس بدا يشك فيه.. سارة.. يا دور تبديل الادوار والتخلص من الطيبة والذاجة اللي تخلي الكل يستغلج ويلعب عليج.. لازم يجوف الويه الاخر.. ويعرف عدل انج مستحيل ترضين على هالمضحرة اللي استوت في المستشفى<< فيس يحرضها جمان وحمد تغارين من اميرة<< فيس يحرك حياته.. الحينه الريال حفا عندك بايكم من كثر ما خطبج وتوه حلى في عينج.. ولا اونج هب مهتمه.. احلفي بس<< فيس كاشفنها.. الظاهر ان الايام اليايه بيزيد فيها الاكشن.. خصوصا عقب سالفه السكشن..زين تسوي لازم تستغل هالشي لصالحك.. وتخليها توافق عليك وهي مغمضة<< فيس واقف وياه من البدايه زياد وجوري معصب احلف بس.. مودرنها 8 سنين وياي الحينه تفرد عضلاتك عليها.. وكل شوي تعيد لنا قصة حياتك.. خل عنك هالرمسة يا ريال.. انته غلطان واللي تسويه ما يشفع لك.. ولا اللي يقهر زيادة انك تقول لها اسف.. جنه الا غلطان في الرقم وتعتذر بتسكر<< فيس مقهور من بروده.. انتي اشحقه اتروحين وياه شقته ها.. وين الي ما بتروح وما بتعطيه مجال وما ادري الشو.. وين روحت هالرمسه.. اجوفج ضعفتي من اول جوله وشليت سامانج وسيده على شقته<< فيس يحرضها نترياج فديتج<< الفيس راعي الورود http://www.liillas.com/up3//uploads/...29afe633ce.gif |
تسلمين ضحكة على البارتين انا مادريت انك منزله الي قبل زياد شكلك طحت وماحد سما عليك والجوري بدت تشغل قلبك وبالك وتقدم لها اعتذارت واتوقع انها بتسامحك يوم عرفت عذرك وحالتك النفسية وتعيشون احلى زوجين بس الي بتنغص عليكم الجوهره هي مخطوبه لك ولا ايش القصه مافهمت او مانتبهت مادري عني جمان يناس تجنن هالبنت وشكلها بدا حمد يجذبها وبقوة بعد يالله شدي حيلك بس اثقلي شوي ساره الله الله في ناصر وانتبهي له من هالدكتورة تراهم بعضهم لاحيا ولا شيمة ويقولون اصدقاء عمل وهم الله يستر منهم سلطان مره حزني وابوه لازم يدور له وحده تكوت شرات امه وتعوضه بالحنان شاكره لك ياقلبي على الانتظام والله يسهل دروبك وترجعين بالسلامه |
زيوووووووووووود بدينا تقمص دور الزوج
وجوان ايش بتسوي معها ييييييييييييييييياي منتظره الجمعة ع نار |
السلام عليكم
تسلمين على الجزئين زياد بدا يمارس دوره كزوج واتوقع راح يترك جوان ويكمل حياته مع جوري اتوقع جمان راح ترضى عن حمد ولو رجع خطبها راح توافق لانه بدات غيرتها تتحرك سلطان ولد سالم كان لابد تفهيمه وفاة والدته موانها مسافرة لانه كما يحدث الان ينتظر عودتها ناصر وسارة راح تصير حياتهم الى الاحسن بسبب غيرت سارة ولك جزيل الشكر |
اقتباس:
تصدقين ضحكت لمن قريت تعليقج..شكلج معصبه عليه من قلب يعني لو هو جدامج ..جانك ادبتيه..ههه خلج بالقرب ... |
اقتباس:
خلج بالقرب ..وبنجوف شو بيستوي مع ابطالنا ... يمكن نطلبج تخطبين لحد من ابطالنا ...خخخ |
اقتباس:
فديتج ..شكلج وايد قنوعه بس تبين هديه بارت طويل..تراوالي تبين شي كبير...خخخ حياج |
اقتباس:
الحمد لله وصلت اليوم ...بس فيني صداع من صراخ اليهالوا ...خخخ خلج بالقرب ..وبنجوف شو بيستوي حياج.. |
اقتباس:
فديتج ..حللتي القصة وحتى النهاية يبتيها..ههه شو رايج نجوف اذا يصيب توقعج ولا... حياج |
اقتباس:
خلج بالقرب...وبنجوف شو بيستوي بالابطال حياج |
اقتباس:
الحمد الله على السلامه.. و سلامة الاسفاار ان رحتي او جيتي ... |
اقتباس:
خلج بالقرب وبنجوف شو بيسوي زيود...ههه حياج |
اقتباس:
خلج بالقرب وبنجوف شو بيستوي ... حياج |
السلام عليكم ورحمة الله وبركاته
هلا فديت ضحكتي جاتني دعوه اني اقرأروايتك قرأت الجزأ الاول وكان رائع وان شاء الله راح اقرأ الباقي والله يعيني ادورهم بين الصفحات وانا من محبين الروايات الاماراتيه مره ثانيه مشكوره ياقلبي على الروايه ودمتي في حفظ الله |
مساؤك نقاء
غاليتي كنت حزينه بعد نور وانتهاءها وها نحن نبحر مره اخرى على شاطئ الامارات مع مبدعه جديده اهلن ومرحبا بكي هنا في ليلاس الكرم بدايه رائعه جدا دمتي بكل الحب |
اقتباس:
منورتنا بطلتج...وان شاء الله القصه تنال على اعجابك حياج |
اقتباس:
منورتنا بوجودك...وان شاء الله تنال القصه على رضاج.. حياج |
جوفوا يا حلوين ...يا متابعين للقصه ..سواء الي يردوا علي او الي خلف الكواليس...بما اني قدمت بارت يوم الثلاثاء ...شو رايكم بالمره اقدم بارت اليمعه....وعلى الاسبوع الياي بنزل البارتات مثل قبل يعني يوم الثلاثاء واليمعه...اهم شي اني كاتبه شو رايكم ..وفي النهايه نزلت البارت من غير انتظر رايكم... الجزء الثامن عشر... لا بالله ..هاي يبالها حد يسنعها ...اشقايل بتي وتزور ناصر بالبيت...ما تستحي تراج امس كنتي مرتزه عنده...ناس مضيعه السنع...لا والغم بتي هي واختها شيخه ..وانا ما صدقت افتك منها بتي عندي البيت ...شكلهم يبون يبولي الجلطه ...ويبون يخربون بيتي ...بس انا لكم يالله بالستر ...كنت مرتاح من ويع الراس والحنه والونه ...بس بعد ما ظهرت نادية ...وسارة هالكتنا من كثر ما تسال شو الي بيني وبين الدكتورة ناديه ...والغم تقول انك صاير دكتور فضفضه على اخر عمرك...اللحين سارة اشقايل اقنعها ..مب راضيه تقتنع ..جي بعدني ما نفذت خطه سالم ..اسميني كنت بييب الشقى لنفسي ...من وصلها المسج وهي تدور في الغرفة جنها تبى تنفجر ...رحت فيها يا ناصر ... ناصر:سارونتي ...شو ياج ...وشو المسج الي قلب حالج جي سارة :احلف انك ما تعرف منو الي مطرش المسج ناصر:ساروه تراج مصختيها من امس وانتي مجاوزه حدودج معاي ..تكلمي بادب ..واحترميني سارة :ناصر انت تعرف اني احبك اكثر من روحي ...بس والله تصرفاتها مب طبيعيه ..اللحين قول اشقايل تي هي واختها بعد المغرب ويزوروك..تراها كانت معتكفه عندك وما كان عندها مرضى غيرك ناصر:خل عنج ها الغيرة...انا مستحيل اجوف غيرج بالهدنيا ...اما اذا على الدكتورة خليها تيي وترتز بالميلس ...وتمشي ..مب ياي ادخل واسلم عليها سارة :انا مستغربه ..في ناس جي مضيعه السنع ...عنبو دارها تركض ورا ريال متزوج وعنده ولد ناصر:سارونتي فضيها سيره...تراني مليت من كثر ما اسمع اسمها ...تراج بتدخلينها براسي ..وبفكر فيها غصبنا عني سارة : شو ...فكر فيها ..جان ما ذبحتك وذبحتها بنفس اليوم ناصر:مستويه شرانيه ومجرمه ...سارونه شو الي غيرج ما احيدج كنتي جي سارة :اشقايل ما كنت جي ...قصدك ما كنت اغير عليك ... ناصر :تراج قلتيها بروحج سارة : هذه اول مرة اجوف وحده تتغزل وتركض وراك جدامي ...بعدين تعال ليكون كنت تلعب بذيلك وانا ما كنت ادري ناصر: سوير ...شكلج غاويه تمرضين نفسج ..وتيبين مشاكل من بينا سارة : اف..تراك مب حاس بالنار الي والعه بيوفي ...بسبتها ناصر:ردينا لسالفة الدكتورة ..اقول سارة..قلبي ويهج تعبوني سلطان ويمان ما خلو لعبه ما لعبوها..اسميني انه الاطفال فيهم نشاط غير طبيعي ...يلست اشربلي كوفي ..وانا اجوف على سيف يالس يلعبهم ...شكله وايد يحب اليهال ...سمعت تلفوني وكانت سوسو ..وشكلها معصبه من الدكتورة نادية ...صج ناس مضيعه السنع ...الله يعينج يا سارة ..بس افا عليج بنادبها الليلة ..وبنخليها تلزم حدودها . وايد اشتقت لسلطان..هاي اول واخر مره اخليه يرقد بعيد عني ...نزلت تحت وجفت حمد حاط راسه على ريول عيوزنا.... سالم:ها عيوزنا ...اجوفج بس ادلعين حمد..جنه بس هو ولدج حمد:بدينا بالغيره ...روح دورلك حنان بمكان ثاني ام سالم:منو حنان مسود الويه..وانا من متى احن واون على راسك تاخذ ميرة اخت سعاد الله يرحمها ساسرت حمد:دواك عندي..اللحين منو ييود لسان عيوزنا ... يا عيوزنا اي حنان واي ميره...انا ريال مرتاح جي ..عندي ولد واخذت نصيبي من الدنيا .. ام سالم:اذا انت مرتاح .. ولدك مب مرتاح ..بعدين مسود الويه اشقايل مخلي ولدك يرقد عند الغرب سالم:خليه يغير جو ويلعب مع يمان ...يمكن يرد شرا قبل حمد:اقول عيوزي ...ترى بيت بو ناصر مب غرب..منا وفينا سالم:لازم يكونوا منا وفينا..مب القلب هناك ام سالم:قوم ..لا بارك الله في عدوينك ... بعدك تركض ورا البنيه حمد:افا وانا ولدج ..لخليها هي الي تركض وراي اللحين حد يقولي ..هاي شو مشكلتها بالحياة ..من يينا وهي تعق علي نغزات ...جني ماكله حلالها ..يا امي انا حتى ما اعرفج ...وخالي طول الوقت يعطيها نظرات ...وبعدين شو قصدها بين سالفه وثانيه تعيد نفس الرمسه ...بنات ها الايام هم الي يركضون ورا الريايل ....وبعدين بنتها وين سارت .......شو مستوي بذا البيت ما حد يحشم حد ...ما صدقت لما قال زياد ..احنا نستاذن ..كنت ابى اقول اخيرا ما بغيت ...طول الدرب وزياد ساكت ..سالته عن الجوهرة حتى الاسم مب ياي عليها ...قالي انه هم الاثنين بنفس القسم ...وانهم درسوا مع بعض ...ليكون الاخت معجبه بزياد وانا ضيعت عليها ...سالت زياد اذا عائله خالي كانوا يعرفون اني حرمتك من 8 سنوات ...قالي كلهم يعرفون ..عيل شو بلاهم....وصلنا الشقه بس زياد ما نزل ..قال انه وراه اشغال يخلصهم وبيي كنت ابى اسير صوب شقتي وبالمرة اجوف اسوم ..اكيد اللحينه تلوم نفسها ... ركبت سيارتي ..وانا اتحلطم...ما ارضى كلهم مب سايرين دواماتهم ..ليش انا الوحيده الي اروح الجامعه ...لفيت صوب بيت قوم ريم...جفت حمد راكب سيارته وسالم يالس يتوعدله بيده...سويتلهم هرن ...وكملت دربي ...كنت بالتخرين ويايه ادخل بالشارع العام ..وجفت شاحنه يايه بس كله حطيت ببالي انه راعي الشاحنه بيعطيني طريج ...دست على البترول بقوة ...بس اول ما دخلت الشارع الا اسمع صوت ارتطام سيارة ..واسمع صوت بريك قوي وصوت زجاج يتكسر ..صرخت بقوة ...وضربت بريك ...رفعت راسي للمرايه الاماميه ..جفت الشاحنه داعمه سيارة ...بس كيف جي...اصلا السيارة الي كانت وراي بعيده ...يعني المفروض الضربه تي على سيارتي ...ما قدرت احرك ريولي من على البريك من الرعب الي فيني اصلا انا تيني حاله لمن اخاف ..اتصلب وما اقدر احرك ريولي ...السيارات الي وراي كانوا يضربون هرنات ...سكرت سيارتي ويلست اهدي نفسي ..وبعد فترة بسيطه رجعت لطبيعتي ..بس ابى افهم الي صار ..رفعت راسي مرة ثانية للمرايه الاماميه ..بس انصدمت لمن جفت حمد وكندورته عليها دم وهويالس يكلم راعي الشاحنه ...زغت وعلى طول نزلت اجوف شو استوا بحمد...بس لمن جافني ..اشر علي بيده ردي سيارتج....لانه الشارع كله كان شباب وشرطه وربشه...يلست اجوف عليه والشرطي يساله ..شكله يبى يتاكد انه ما صابه شي ...شو الي ياب سيارة حمد وراي... ربيعي خليفه متصل فيني ويبانا نذاكر مع بعض..لانه عندنا تيست باجر ...بس سالم زاخ كندورتي لا ويقول تطلعني من المصيبه الي دخلتني فيها ..لانه عيوزنا صدقت انه سالم يرمس وحده اسمها حنان ..عاد سالم ويرمس وحده ...ما تركب صراحة ..سمعنا صوت هرن لفينا راسنا انا وسالم ..جفت جمان شكلها سايره الجامعه ...وايد تسوق بسرعه ..جم مرة مهددنها بس ما ينفع معاها الكلام ...سويت باي لسالم وكملت دربي ..كنت وراها بمسافه ..المفروض انها من بعد التخزين تاخذ يسار الدوار ...وانا اخذ يمين الدوار ...جفت شاحنه يايه مسرعه ...يعني مستحيل السيارة الي بالتخزين تدخل عليها ..بس جفت جمان تحرك سيارتها ...صرخت هاي مينونه تبى تتنتحر..سويتلها هرن وبشكل متواصل ..بس هي ولا بالدنيا ..ومن غير حتى ما افكر ..دست على البترول علشان ادخل قبلها ..يعني الشاحنه تضرب سيارتي ...ولا انها تضرب سيارتها ...كله ولا جمان ...مستحيل اعيش من غيرها ...مستحيل اتخيل الدنيا من غيرها ...حبي لها مب من يوم او يومين ..من وانا صغير وانا احبها ...ما يهمني اذا ما تحبني...ما يهمني شي ..الي يهمني اني اجوفها جدامي ..ولا اني انحرم من جوفتها طول عمري ...الضربة يت قوية ..السيارة راحت فيها ..بس الحمد لله ما صابني شي مجرد رضوض ...طلعت من السيارة من الباب الثاني ...يلست اتفاهم مع راعي الشاحنه والشرطة لانه الغلطه غلطتي ...جفتها يايه ..مب صاحيه ما تجوف الشارع مليان شباب وشرطه ...اشرت عليها ردي دواج عندي ...جان ما سحبت الليسن من يدج ... سلطان ويمان رقدوا بالسيارة ...من كثر اللعب ...سيف وصل سلطان بيتهم ..قلبي مب مطاوعني اوصله بيتهم ..تعودت عليه من يوم ..شكلي بتوله عليه ...جيكت على ساعتي باجي نص ساعه ويوصلوا ضيوف سارة ...دخلت البيت وجفت جمان حاطه راسها على ريل ناصر وتصيح ..بسم الله شو مستوي ..رحت ركض لعندها ولويت عليها ...يا الله جمان صايره وايد حساسه من بعد ما سافرت جوري ..كلنا مب عارفين اشقايل نتعامل معاها ..لازم نحاسب على الكلمه قبل ما ننطقها ...وما تبى حد يعارضها ...اشرت على ناصر شو فيها ...اما هي ركبت فوق ..وقالت محد يصحيني ابى ارقد... ميعاد:شو فيها جمان سارة :جافت حادث ..يعني جافته بث مباشر ناصر :حمد هو الي مسوي الحادث..بس الحمد لله ما صابه شي مجرد رضوض ميعاد:لا حول ولا قوة الا بالله ...عاد جمان ناقصه عقد سمعنا صوت الجرس...شكله وصلوا ضيوفي ...بدت المعركه ..يبالي اشمر عن ساعدي ..سمعت ناصر يقول ..راحوا فيها الاوادم ..عطيته نظرة بمعنى شرا ما اتفقنا .. فتحت الباب وجفت شيخه وناديه ومعاهم وحده اول مره اجوفها ..منو هذه بعد بعد السلام ...الاخت نادية عرفتني على الي معاها ..او ما قالت هذه امي ..شويه وعيوني يطلعون من مكانهم..شو تسوي امها اهني ..يعني مب من قوة العلاقة بين العايلتين ..احنا اصلا ما نعرفكم ...لا شكلها الاخت راسمه على شي كبير..حتى امها باين عليها مب هينه....جفت على ميعاد الي كانت تطالعهم بنظرات ريبه ...وبعد القهوة ..امهم قالت انها تبى تسلم على ناصر..اول ما قالت جي انا شرقت بالجاي..حد يفهمني شو يخططون له هذول ...يلست تبرر ..انه شرا ولدها وتبى تطمن عليه ..جي منا والدرب صار شرا ولدج ...ميعاد استاذنت واشرتلي بيدها يعني تعالي وراي ..استاذنت منهم وطلعت .. سارة :ميعاد شو اسوي ...شكلهم ناوين على نية ميعاد:سارة انا بروحي مب مطمنه ...الله يستر بس سارة:شوري علي شو اسوي ..اسير ازقره ...ولا اقولهم راقد ميعاد: سيري زقريه ..احسن يكون اللقاء جدامنا ولا من ورانا سارة:شو قصدج ..يعني ناصر يروح يلسم عليهم من وراي ميعاد:ما يحتاي ناصر يروح..امهم شكلها مب هينه ...تقدر تروحله بدوامه..فاحسن زقريه ومن كلامها مع ناصر ..بينبان نيتها سارة:قلبي ناقزني ...بس شو اسوي على قولتج ..على الاقل بنجوف اسلوبها معاه سمعت حد يدق باب غرفتي ..فتحت الباب وكانت ميعاد تقول انه حمد بميلس الريايل يباك...سرت صوب الميلس وبعد جهد جهيد وصلت ...بسبة الكسر الي بريولي ... ناصر:سلامات ..سلامات ..ها من كثر ما ضحكت علي وقلت اني ما اعرف اسوق..ترى يقولولك العيبه عند الباب حمد:الله يسلمك...وبعدين متى ضحكت عليك ناصر: ما علينا ..قول شو استوى ..تدخل على شاحنه مرة وحده..قويه ذي يا حمد..يبالنا نسحب منك الليسن وتعيد التراي حمد:اسحب ليسن اختك احسن ناصر:منو اختي ..وليش اسحب ليسنها حمد:منو اختك ...في غير جمان ..الي شكلها بتموتني قبل اواني ناصر:استغفر ربك ما حد يموت قبل اوانه..وبعدين شو دخل جمان بالسالفه حمد:بخبرك بالسالفه ..بس استحلفك بالله انه ما حد يدرى بالسالفه غيرك.. ناصر:شو السالفه حمد... حمد:لا تستهم..بس اباك تسحب ليسن جمان...وتخلي ميعاد توصلها وتيبها الجامعه ناصر:وليش كل ها حمد:لانه جمان هي الي كانت تبى تدخل جدام الشاحنه ...وانا ناصر:وانت شو ...بعدين جمان ما ادري متى تعقل وتسوق شرا اللاوادم جم مره قايلها ركدي شويه وانتي تسوقين..الا تعلي على صوت الاغاني وتدوس بالسيارة جنه محد غيرها بالشارع..تقول ريال يسوق مب حرمه حمد:ناصر ...ارجوك اسحب الليسن من عندها ...ها المره يت سليمه ...بس المره اليايه محد يعرف شو يصير ناصر:بس انت اشقايل تدخل جدام الشاحنه بدالها ..بايع روحك انت حمد:انا ولا هي يا ناصر...انا ولا هي ..ما اقدر اعيش بالدنيا وهي مب موجوده ناصر:بعدك تحبها يا حمد حمد:شو احبها بعد انت ..شو هاي الكلمه الصغيره ...انا اموت عليها ..انا اتنفس هواها يا ناصر..لو تعرف شو داخل ها القلب ..كنت بتفهم الي سويته كان تصرف طبيعي ناصر:كل ها الحب لجمان..ويا ليتها تحس ..بس صدقني هي لك ..ومب راح اعطيها لغيرك...هي لو لفت الدنيا بكبرها ما راح تحصل حد يحبها شراك حمد:كنت اباها برضاها ..بس اللحين باخذها غصبا عنها ناصر:فالك طيب يا النسيب ...بس تخرج وبتكون لك كنت يالسه اجوف التلفزيون ...لمن سمعت تلفوني يرن كانت اسوم ..كنت متاكده انها بتتصل ...يلست نص ساعه وهي تستسمح مني ...وتقولي مسحيه بويهي .وانتي تعرفين اخوي مب داري بالدنيا ...ويلست تصيح ..وتقول انه اخوها قالها انه بيسافر باجر امريكا محصل شغل اهناك ...وقايلها بعد ما تخلصي دراستج حصلينا هناك...وبعد نص ساعه اتصلت عليها حرمته ..ويلست تهددها وتقولها اذا تبين تهدمين حياة اخوج تعالي امريكا ...قلتلها اسوم مالج يلسه اهني بعد ما تخلصين الماستر ...كانت منهارة وهي تكلمني ..يا الله بالزور هدت ....الله يخس ابليسك يا سامي ..جانك مبهدل اختك ..ومحسسنها انها مالها سند بهاي الدنيا ...سمعت صوت الباب ..لفيت راسي جفت زياد ..وهو مبطل ازرار قميصه الاوليه وشكله مب طبيعي ...ويتخبط بمشيته ومسكر عيونه .. زياد:جوري سكري التلفزيون...وطفي الاضاءة ...بسرعه استغربت شو فيه زياد...وبسرعه طفيت التلفزيون ..وسكرت كل الاضاءه الي بالشقه ...لحضه ليكون فيه صداع نصفي ..ولمن سمعته يرجع ..تاكدت ...سرت عنده وسندته وخليته ييلس على الكرسي ... زياد:جوري ... لو سمحتي في الثلاجه تحصلين حبوبي ...يبيهم يبتله حبوبه ...وقالي انه مب قادر يجوف صوبه اليسار ...وانه لازم يرتاح لمده نص ساعه علشان الصداع يخف...سندته وركبنا الدرج ..وصلته لغرفته ...يلست اقرا عليه وامسح على راسه كنت يايه اساله شو سوا فيه جي ووين كان ..بس تذكرت انه الي عندهم صداع نصفي ما يتحملوا يسمعوا اي صوت ..جفته حط الوساده فوق راسه ويلس يضغط عليها ...ويقولي سكري الليت ...ونا اصلا كنت مسكره كل اليتات ..بس شكله مفعول الحبوب بعده ما بدى ..لانه بعده يالس يجوف وميض او اضاءه بالرغم من انه الليت مسكر ...الحمد لله على نعمة الصحة...يلست اقرا عليه بسري ...لحد ما ضلمت الدنيا جدامي ورحت بسابع نومه ... من الصبح وانا هايسه بهاي القضايا الي جدامي ...حتى مب محصله وقت اشرب كوفي...يت السكرتيرة وقالتي في ريال يقول انه ياي لاستشاره قانونيه ...انفتح الباب ..وجفت اخر شخص ابى اجوفه بالدنيا...يوسف ميعاد:نعم اخوي ...في شو اقدر اساعدك يوسف:اخوي ..بدينا بالرسميات... ميعاد:في شو اقدر اساعدك... يوسف:ما عليه ...شو ورانا ..تبينها رسمي ..نخليها رسمي ميعاد:في شو اقدر اساعدك يوسف:ياي ارفع قضيه على وحده ...سرقت النوم من عيوني ..ياما ليالي سهرت افكر فيها ..اتخيلها لي ...قدمتلها قلبي على طبق من ذهب ..بس هي رفسته..وباعته برخيص...كنت في سنه تخرج وهي كانت باقلها سنة وتتخرج ...كنت ساير صوب عمادة القبول والتسجيل ...جفتها يايه وهي تضحك مع ربيعتها ..تراوالي في البدايه اني احلم ..لدرجة اني اصطدمت بالباب وطحت..بس ما اهتميت ..كنت ابى اتاكد انها كانت حلم ولا حقيقة...جفت ربيعتها تضحك على الموقف ..بس هي مشت وهي منزله راسها...عيبني تصرفها حطيتها ببالي ...يبت كل المعلومات عنها بطريقتي الخاصه..ولمن عرفت انه باقلها سنه تتخرج...اجلت سالفة تخرجي ..علشان اقدر اجوفها كل يوم...ومرة جفتها بالصدفه ببيتنا وطلعت ربيعة اختي ...حاولت اكلمها ..اتعرف عليها ..بس كانت تصدني ...وفي يوم من الايام ..يت اختي لعندي وطلبت مني اخليج بحالج..وما اتعرضلك...وعرفت انك انتي الي طلبتي ها الطلب...كنت مقرر اكلمج في اليوم الثاني ..بس بنفس اليوم سويت حادث ...ما قدرت اكمل فيه السمستر ...اما هي تخرجت ...واشتغلت...وفي السنه الي بعدها تخرجت ..وكنت مقرر اني اول ما اتخرج اتقدملها ...بعد ما تخرجت ..انشغلت بظروف خاصة ..ولمن قررت اخطبها اصطدمت انها تزوجت.. ميعاد:يوسف...شو تبى اللحين يوسف:اباج ميعاد:شو ...لو سمحت انا وحدة متزوجة...وهذا مكان شغل ...فاذا عندك شي يخص الشغل تفضل والا ..واشرت على الباب يوسف:تطرديني يا ميعاد... ومن غير حتى ما استوعب ..سحب يدي ورمى الدبله... وقال:الاسم المكتوب بالدبله ما يناسب يدج اول ما استوعبت الحركه الي سواها ...عيني يت على جلاس الماي الي جدامي ..ومن غير تفكير ..رشيت الماي فوقه ميعاد:انت واحد ما تستحي ما تتخيل ...والله ان ما طلعت اللحين ليكون لي تصرف ثاني معاك يوسف.انتي قد الحركة الي سويتيها ...والله لخليج تندمين يا ميعاد ..وتعرفين منو يوسف.. ميعاد:الي ما تطوله بيدك...طوله بريلك....اطلع ..اطلع يلست على الكرسي وانا ارتجف...ما حد يعرف يوسف كثري ولمن يحط شي بباله بيسويه ..واحد تربى على الدلع ...تربى انه كل الي يباه يصير ..حتى من غير ما يتكلم...هو كان الريال الوحيد وسط خمس بنات ..امه وابوه كانوا مخلينه على راحته يسوي الي يباه من غير حسيب ولا رقيب...كان وايد مستقوي على خواته ...تعبت من كثر ما كنت اقول لسعاد..قولي لاخوج ما ينجبر قلب على قلب ...ما ابيه ..ما احب شخصيته ...ريال ما عنده راي بحياته ...مغازلجي رقم واحد ...ولمن رفضته حطني بباله ..توقعت نساني خلاص..بس شكلي نسيت انه هذا يوسف ...الله يستر .. . توني ظاهرة من المحاضرة ..ويالسه انتظر اسوم تخلص محاضرتها...ماخذه مادة اختياري غير عن الي اخترتها..جفتها يايه ..وجنه هموم الدنيا فوق راسها ...بعد السلام..ما سولفنا ابدا لحد ما وصلنا شقتي ... جوري:اسوم فديتج ليش ساكته ..رمسي علشان ترتاحي ..مب زين عليج تحطين كل شي بخاطرج.. اسوم:شو اقول يا جوري ..اقولج اخوي سندي عزوتي بالدنيا ...اخوي الي تركت بلادي علشان اكون معاه..اخوي الي عارضت عمي اني اسكن معاهم ...اخوي الي بعت الدنيا وما فيها علشان اكون معاه... بيسافر ويخليني بروحي بهالبلاد ...الله يسامحج يا ايمان جانك دمرتينا كلنا علشان تاخذين حبيب القلب ...شردتينا وحرمتينا نكون عايله شرا غيرنا من الناس...حرمتيني من امي وابوي ...حرمتينا من اهلنا ..دمرتي اخوي وخليتيه يسوي اي شي علشان ينسى ماضيج ...حتى انتي ما سلمتي من اذاه..حتى انتي يا جوري جوري:فديتج اسوم اهدي حبيبتي ...اهدي ورددي وراي هذا الحديث.. صدقيني تحسين براحه غريبه بعد ما تقولينه ...تحسين مهما كثرت همومج ..ومهما اسودت الدنيا جدامج ..ومها تسكروا الابواب بويهج ..تحسين كل ها ما يسوا جدام رضى رب العالمين عليج...قوليه بتمعن ..وانت تستحضرين معنى كل كلمه تنطقيها ..ووقفي عند كل جمله ..واهم شي تذكري كيف كان وضع الرسول عليه السلام وهو يقول هذا الحديث ...وبتحسين بالفعل انه الدنيا ما تسوى شي ... " اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى الى من تكلنى؟ الى بعيد يتجهمنى ؟ ام الى عدو ملكته امرى؟! ان لم يكن بك على غضب فلا ابالى اعوذ بنور وجهك الذى اضاءت له الظلمات و صلح عليه امر الدنيا و الاخرة من ان تنزل بى غضبك او يحل على سخطك لك العتبى حتى ترضى و لا حول ولا قوة الا بك) ..وبعدين انا ما راح اخليج بروحج ...فديتج انسي كل شي وركزي على دراستج..وبعد الدراسه نرد البلاد كلنا ...صدقيني ظلم عمج ولا ظلم الغربه اسوم: ربي ما يحرمني منج يا جوري ... جوري: بروح اسويلج جاي كرك ..لكن جاي انما ايه ...تمصي اصابعك وراه اسوم :حلوة تمصي اصابعك وراه... وصلني مسج من حرمة خالي ..تقول انها تباني ضروري ...وكنت توني ساير صوب الجامعه..غيرت وجهتي وسرت صوب بيتهم..شو مستوي مب من عوايدها حرمة خالي ترسل مسجات...اول ما وصلت عند باب الصالة سمعت صراخ ..بسرعه دخلت وجفت جوان يالسه تصارخ ...سالتها شو ياج...بس هي ضلت تصارخ وتقول كلام غير مفهوم ...قلتها هدي علشان نتفاهم ..بس هي عصبت زياده ويلست تكمل كلامها ...صح انه كلامها مب مفهوم بس الكلمات الي تنطقها قويه ..كنت مكور يدي ومنزل راسي تحت يالس استغفر مابى اتهور ...بس خلاص لحد ها الكلمة وكفايه ...قمت من مكاني بس سمعت صوت...............طراخ اسوم: جوري ..انتي مقتنعه بوجودك بشقة زياد... جوري:جوفي اسوم..الموضوع تعدى الاقناع ..انا وحده يتيمه ومب بس يتيمه حتى اهل ما عندي ...عايشه مع ناس ما يمدولي بصله لا من قريب ولا من بعيد..عايشه وسطهم عى اساس اني زوجه اخوهم ...فلو اني تطلقت ..قوليلي وين اسير ..عند منو اعيش ...مستحيل ارد اعيش معاهم ...منو الي يسكت حلوج الناس ..وحتى وان قلت اني ما بهتم بكلامهم ...انا بنفسي ما راح احس بالراحه ..احس اني غريبه عنهم ..احس انه وجودي غلط وسطهم ...من بعد ما توفوا امي عايشه وابوي محمد وانا احس نفسي غلط بس كنت دايما اقول بخاطري اني حرمة اخوهم ...ما اقولج اني سامحت زياد...ولا انه وجودي معاه بنفس الشقه معناته اني نسيت 8 سنوات الي راحوا ..بس زياد قدري ..نصيبي... سواء شئت ام ابيت ...سواء اعترضت ..او صرخت ...هذا واقعي ..ولازم اتقبله ...لو كان وضعي شرا غيري ..لو كان عندي اهل ..جان يمكن افكر اني ابتعد ...بس بخلي الايام هي الي تصفي القلوب..وما حد داري شو بيصير اسوم:فديتج جوري...قلبي يعورني عليج جوري:وليش يعورج علي...بالعكس وضعي احسن عن وضع غيري..صح ربي خذ مني امي وابوي ..بس عوضني بأم وأب ...عمرهم ما قصروا معاي ..عمرهم ما حسسوني اني مب وحده منهم...عمري ما حسيت باليتم وانا بينهم...عمري ما حسيت بالوحده وانا معاهم ...حتى لمن حسوا انهم بيفارقوا الدنيا..امنوا لي مستقبلي على الاقل بوجهة نظرهم ...زوجوني ولدهم علشان ما اضيع من بعدهم ...علشان ما حد يقول اني وجودي غلط من بينهم ...شو ابى اكثر عن جي بالدنيا ...صدقيني ..ياما نا س عايشين وسط اهاليهم ووسط اخوانهم واخواتهم..بس بداخلهم حاسين بالوحده ..حاسين انهم غرباء ...وياما ازواج عايشين مع بعض وبوسط عيالهم...ويحسوا بالوحده ... اسوم: جوري سوري على المقاطعه بس تلفونج يرن من ساعه ...اول ما ردت على التلفون ...تغير ويها يت اسالها بس هي اشرت علي اسكت وحطت التلفون على السبيكر ...وكان ها الاتصال ..القشه الي قسمت ظهر البعير موعدنا يوم الثلاثاء ....باذن الواحد الاحد |
تشكرات ع البارت
ترى انت كريمة وانا نستاهل بس الثلاثاء وااااااااااااااااااااااااااااااااااااااااااااااااااااااااااا ااااااااااااااااااااااااااااااااااجد بعيد نجي للبارت شكلها هذي اللي اسمها نادية ناوية ع خارب الديار بس ما عليها معها سارة بتنتفها تنتيف يا عمري ع حمد يبضحي بنفسه علشان ينقذه جمان < هاكذا الحب ولا فلا ميعاد موعوده بالاذية من يوسف اتوقع ان زواجها من سيف بيصر فيه شي اتوقع ان الجوهرة متهمة زياد انها حامل منه منتظرين |
يا علني فداج والله.. عاد نحن البارتات اللي تنزل قبل وقتها<< فيس يبوسج
ناصر وساره لا الظاهر ما بتخلص سالفه هالدكتورة<< فيس قرر يجتلها..بلاك هاد عليها يحق لها الحرمة فجاة اتيي هالمفلعه وبتاخذك عنها<<فيس واقف وياها.. سارونه.. زين تسوين ما اوصيج.. استمري<< الفيس اللي فوق ميعاد من وين ظهر لج هذا.. جوفي قبل لا يبدا تهديده خبري ريلج.. عادي في اي وقت يشل عمره ويقول هاي ربيعتيه<< فيس يعرف حركات الشباب يوسف لا يا يوسف.. احلف بس الحينه الحرمه عرسه وانته يايه تقول لها اححبج وباخذج.. الاخ محشش<< فيس يجوفه بنظرة.. شكلك ناوي عالشر<< فيس يحرك راسه جمان وحمد انتي خديه ولا خديه.. منو هذا اللي عطاج الليسن ها<< فيس معصب.. وانته جان هي خديه.. انتي تتخادى وياها.. خلاص شل موترها هديه حقك<< فيس يكافاه على اللي سواه.. هي صح الحمد لله عالسلامه..وبعدين تحبها وما تقول لي<< فيس نصاب.. خلاص فالك طيب ما ايي البارت اليديد والا وانتوا مالجين<< فيس قرر خلاص نادية وشيخة وامهن ريه وسكينه يقربن لكن.. حشى عصابه هب ناس.. ما تخيلن.. مضيعات المذهب.. الحينه شي ام عاقلة توافق بنات على هالخبال<< فيس يحرك راسه جوري وزياد علاقتكم الحينه تبادل منفعه.. اثنينكم محتايين بعض..فالافضل انكم تحاولون تتفاهمون من الحينه.. زياد سلامات يا ريال ما تجوف شر.. جوري.. تلفون.. يمكن حرمة خالكم اتصلت وتبيج تعرفين بسالفه بنتها<< الفيس راعي مشاكل اسوووم فيس حزين.. لاتصيحين فديتج.. واحسن خيار تسوينه ان تردين البلاد عند هلج<< فيس يصيح نترياج فديتج<< الفيس راعي الورود http://www.liillas.com/up3//uploads/...29afe633ce.gif |
..
يسلمووو ع البارت انا فاتحة على الصفحة منذ مبطي بس ماقرأت البارت لآن كنت معزومه على عرس تو ر اجعه وقرأته وراسي مصدع مافيني اتوقع هههه مشكوره على البارت |
السلام عليكم ورحمة الله وبركاته
السلام عليكم فديت ضحكتي الف الحمد الله على سلامة الوصول اتمنى لكي اوقات سعيدة مع عائلتك والف الف شكر لاهتمامك بالقصة وقرأها التزام وحرص يعتبر عملة نادرة وينعدون على الاصابع من هم على شاكلتك وفقك الله غاليتي لندخل احداث القصة حمد الا يقال من الحب ماقتل بس احسن قرار اتخذه هو مصراحة ناصر بالموضوع حتى يضعه بالصورة ولكي يمنع جمان من السياقة فهي متهورة ووجودها بالشارع خطر عليها وعلى من يسير بالشارع ناصر والزيارة العائلية تدرين فديت ضحكتي وجدت الام متواطئة مع البنات وما اعرف ليش حسيت الوضع اشبه بالخطبة والام لديها استعداد تخطب ناصر لابنتها وتخيلوا الوضع احسن قرار كان ترك ناصر يواجههم لمعرفة مايحصل امام العيون وليس خلفها يوسف شخصية جديدة الشاب اللعوب الذي تمنعت عليه فتاة واحدة واصبح يطاردها قصة مطروحة وننتظرك لنعرف كيف سوف تعاليجيها فديت ضحكتي شنو رئيج اتزوجين سالم واسوم ما اعرف ليشح حسيتهم يناسبون بعض واعتقد هناك نوع من القاربة بينهم >>مجرد توقع جوري وزياد عجبتني نظرة جوري الواقعية ولم تعجبني سلبيتها عليها ان تكون زوجة حقيقية وهي تملك كل المواصفات والطريق امامها واضحة ما عليها سوى التخطيط البسيط وابعاد ابنة الخال وشوشرة والدتها ويجي ان تتحلى بالدبلوماسية فديت ضحكتي بكل الشوق ننتظرك |
اقتباس:
حلوه هاي...هكذا الحب فلا...تعليق جميل قويه حامل منه..جي حنا وين عايشين... خلج بالقرب وبنجوف شو بيستوي |
اقتباس:
صراحة تعليقاتج طرررررررر خلج بالقرب ونجوف شو بيستوي |
اقتباس:
شو تتوقعين ...اهم شي العرس ..كيف كان..خخخ نورتينا |
اقتباس:
العفو حبيبتي ..انتوا تستاهلون .. بالفعل ومن الحب ما قتل ..بس ربج ستر عليه ام ام زواج سالم باسوم...خليج بالقرب وبنجوف اذا يستوي ولا حياج |
خلصت الجزء وقلت انزله...
الجزء التاسع عشر.... جيكت على ساعتي ....لالالا المحاضرة راحت علي ...شكلي مب يايه افلح نزلت ركض من على الدري ...جفت شلة الانس يالسين يفطروا على سوالف وضحك ..وانا المسكينه متاخره... جمان:صباح الخير على الناس الرايقه...ردوا علي بصوت واحد...صباح النور والسرور على الحساد...اشرتلهم بيدي باي ..وسرت صوب الباب ...بس سمعت ناصر يزقرني ناصر:جمان...شو رايج تخلين ميعاد توصلج جمان:وليش ها كله ناصر :بفهمج لمن تردي جمان:انا متاخره متاخره...وهاي ويلسه..يله قول شو السالفه سارة:خيبه ..خيبه...كل ها لقافه طلعت لساني ....وقلت:بترفع عن الرد عليج..ورفعت راسي وقلت ...احم احم سارة:عدال ...عدال ..ليطيح نصج بس ناصر: عنبو داركن ...حشموني شويه نزلت راسي ..اوني استحيت ...سمعت ضحكة ميعاد..ادريبها كاشفتني ..رفعت راسي ..وجفت ناصر يضحك ناصر:جي انتي مستحيه يعني..والابتسامه شاقه الحلج جمان:ابتسمت ابتسامه هبله.. ميعاد:الحمد لله على نعمة العقل بس جمان:جني الا عطيتكن ويه ...سايره محاضرتي ابرك لي ناصر:انتظري ميعاد بتوصلج جمان:حتى نسيتوني السالفه..وليش ميعاد توصلني ناصر:لانج معاقبه وبنفس الوقت تحت المراقبه لمدة اسبوع جمان:والعثره..كل ها الكلام لي ناصر:عيل لمنو ...جمان خلج سيريس شويه...انا مب عايبني سياقتج وجم مره منبهنج ما تسوقين بسرعه ومن غير صوت الاغاني الي تصدح سيارتي تقولي كزينو مب سيارة ...وبما اني طيب ..براقبج اسبوع ان اصطلبتي بالسياقه عطيناج السيارة والليسن ..ولا دونما ذلك ميعاد ولا سارة يوصلونج جمان:ارجوك كله ولا حرمتك ..اسميني جنها سلحفاه لمن تسوق ..والغم تمسك السيد اليسار ..عاد تعالوا سمعوا الهرنات سارة:على الاقل لحد اللحينه ما سويت حادث ...الباجي على غيري ناصر:حو انتو الاثنيه الواحد ما يعطيكن ويه ...سيروا توكلوا على دواماتكم جمان:ان شاء الله سيدي..سلام تعظيم ميعاد:الله يعينه الي ياخذج ...يقول ما خذ ياهل مب حرمه جمان:يبوس يده وش وافاه..اني وافقت عليه ناصر:مضيعات المذهب ..استحن على ويهكن..الحشيمه زينه اول ما ظهرن ميعاد وجمان قلت لناصر سارة:بسالك ناصر...اشقايل ام ربيعتك ما تراعي سنها ناصر:منو ام ربيعتي..اصلا منو ربيعتي ..ما احيدني راعي ربيعات سارة:منو غيرها مضيعه المذهب ..ناديه... ناصر:ردينا طاري يلي سارة :معلوم نرد لسالفتها...بالله عليك..اشقايل تمد يدها وتسلم عليك...لا وتقول تراك شرا ولديه الي ما يبته...هي تفضفض من صوب وامها من صوب ناصر:ساره ..شو ياج ..تراها ما سوت شي ..سلمت علي وسارت بدربها سارة:احلف انت بس...ومنو الي يلست تقول..يا ولدي احنا حريم بروحنا ببيتنا ...ربي ما رزقني بولد ...وانت تعرف ها الزمان الواحد اذا ما وراه ريال يضيع وانا امك...انا اعتبرك شرا ولديه...فيا ولدي لا تقطعنا ...شويه وتقولك تعال اخطب بنتي ناصر:اي خطبه واي خرابيط...مب زين سؤء الظن ...بعدين لو سيرت عليهم ..من كسب الثواب بس ساره:ناصر تبى تموتني ...صج انكم الريايل ينقص عليكم بسهوله...شو ما عندها اهل ..شرا ما اهم مدبرين حالهم من زمان يدبروها اللحينه ناصر:اول كان ريل ناديه عندهم..بس اللحينه هي تطلقت ساره:يا ويل حالي...يعني هي مطلقه ...وطبعا يالسه تلف وتدور علشان تاخذك...ضعتي يا سارة ناصر:شو رايج بالمره ..تولولي وتشقي ملابسج...يا سوسو يا حبيبتي ...يا نظر عيني ...يا حياتي..يعني كل وحده مطلقه ..على قولتج تلف وتدور على شباب علشات تعرس سارة:مب قصدي جي..بس هي جي..الكتاب باين من عنوانه ناصر:سارة..شو تبين اللحينه سارة:ما اباك تسري عندهم ... ناصر:شو جليل اصل ..الحرمه يت لعندي ...وبعدين تراني مب ياي اسري صوبهم ..مجرد اتصال اسال ام ناديه..اذا ناقصهم شي يبون حايه اماره..فيها شي هذه بعد سارة:بالمره ما فيها شي ..شكلك تبى تطفربي...الله يعيني على الايام اليايه مستحيل الي يالسه اسمعه...يعني زياد كان يقص علي...زياد ما قالي كل شي ...ما قالي اي شي عن علاقته بالجوهرة....جفت على تلفوني وكان اتصال من زياد...اول ما رديت سمعت صوت وحده تصارخ...استغربت منو هذه ..وبعدين سمعت صوت زياد...شكله متصل فيني بالغلط ...بس الكلام الي سمعته خرسني...حطيت التلفون على الاسبيكر ..لاني مب قادره اسمع الكلام بروحي... زياد:جوان اهدي ..خلينا نتفاهم جوان:مستحيل ...نتفاهم...كيف ما تقولي انه حرمتك هنا زياد:ما كان عندي خبر انها هني ..انا عرفت من يومين بس جوان:وليش ما خبرتني...ليش تخليني بها الموقف السخيف..يعني كل شي من بينا انتهى خلاص زياد:جوان الي فيني كافيني ..لا تزوديها علي جوان:اشقايل ما ازودها عليك...الموضوع كله بيدك...لا يكون تحبها يا زياد..وكنت تقص عليه زياد:الي بيني وبين جوري ..وصية ميت ...قدر..واقع...اي شي ثاني بس مب حب...بعدين انا متى جفتها ولا عرفتها علشان احبها...صح اني احبج ..واني ما اقدر استغنى عنج .. ولا اقدر اعيش من غيرج..بس ما اقدر اتخلى عن جوري...ما اقدر اظلمها ...وضعها شرا وضعي...هي ما اختارتني بارادتها ..انا كنت قدرها ..يعني الي بيني وبينها وصيه ولازم تتنفذ...تعرفي شو طلب مني ابويه لمن يى اخر مره..قال ما اوصيك على جوري يا زياد..خلها بعيونك تراها يتيمه الجوهرة:يعني علشان وصيه ..وعلشان هي يتيمه...نضيع الي بينا ...تباني انسى الشخص الوحيد الي حبيته...تذكر كيف امايه كانت تعصب لمن اروح معاك للدكتور النفسي ..تذكر لمن كانت تبى تدخلك بمدرسه خاصه ...تذكر شو قلتلها ..اذا سار لمدرسه داخليه بسير معاه...كنا نذاكر مع بعض...تذكر ايام الامتحانات..كنت اسهر معاك بالليل بالرغم من اني مخلصه الي علي ...بس ما كان يهون علي اخليك تذاكر وتسهر بروحك... تذكر لمن كنت تقولي ليش ما عندج صديقات شرا غيرج من البنات..تذكر شو قلتلك...قلتلك انك معوضني عنهم ..صح ابويه كان ما يخلينا وحدنا وملزم على امايه تكون معانا حتى وقت مذاكرتنا ...بس انا ما كنت اجوف غيرك بالغرفه ....تذكر لمن قررت انك تسكن بروحك...حشرت الدنيا عليكم ..بس انت علمتني طريقة ...ارواحنا تكون جريبه بالرغم من بعد اجسادنا...كنا كل يوم على الساعه 10 بالليل ..كل واحد يقول للثاني تصبح على خير..كل واحد يقول الي بخاطره صوب الثاني ..بالرغم انه ما كنا نسمع بعض ..بس انت كنت تقول ..التقاء الروح اعظم من التقاء الجسد...كيف تباني انسى رسايلك الي تحطهم بمكتبي كل يوم صباح..كيف تنسى رسايلي الي احطهم لك بنفس وقت رسايلك ...كيف تباني انسى انه شرينا نفس الصندوق علشان نحتفظ فيه رسايلنا ..لدرجة انه اتفقنا نحطه بنفس المكان ..كل واحد يحطه بالصوب اليمين من السرير ...وتقول في النهايه قدر..وصيه...اذا انت استرخصت الي بينا فانا مستحيل ارخصه..اذا كنت تحبها كنت انا الي بظهر من حياتك ..لانه الي يحب مستحيل يجرح..بس انت ما تحبها ..ما تحبها...وانا ما راح اسمحلها تاخذك مني...سامع ..ما راح اسمحلها..اصلا هي وحده ما عندها كرامة كيف ترمي نفسها على شخص ما تحبه ..كيف هي الي تركض وراه...بس الي سوته مب غريب ..لانه وحده عاقه نفسها على ناس وعايشه معاهم من غير ما يقربولها...يتوقع منها اي شي ....وحده ما فيها حياء ..بس شو تترجى من وحده امها هنديه كانت تخدم ببيوت الناس رميت موبايلي ..ويلست اصرخ شرا المينونه...شو الي يالس يستوي بي ...حد يقولي منو الي قالي ايي لندن ..كنت مرتاحه ..مرتاحه اني ما اعرف شي ..مرتاحه اني ما كنت اعرفه هو...بس اللحينه احس عمريه شرا الغبيه ..شرا المخدوعه...كنت اتامل في يوم من الايام انه بنعيش شرا غيرنا من الازواج ..كنت اتامل انه الحب بيي بينا في يوم من الايام ..بس بما انه شعوره تجاهي وصيه وينفذها ...يعني مستحيل يكون في امل ..والي دمر الامل كامل ..انه اصلا يحب وحده ..يحب وحده ..والله يا الجوهرة انا عندي كرامة ...والله اني استحي ..والله اني مب فاصخه الحياء ...بس الضروف هي الي حدتني يا الجوهرة ..هي الي حدتني ..حرام عليج تقولي عني جي ..حرام عليج تقولي جي عن امايه ...شو سوتلكم ..ذنبها انها كانت هنديه ..ولا ذنبها انها كانت فقيره..خدمت بيوت الناس علشان انا اعيش ..اسوم ما كان قصدي ادمر الي كان بينها وبين زياد..اصلا ما كنت اعرف..والله ما كنت اعرف اسوم:جوري حرام عليج اهدي..لا تسوي جي بنفسج... جوري:الصندوق...لازم اجوفه اسوم:جوري شو تبين بالصندوق جوري:هو الي اقدر اواجه فيه زياد..واقدر اطالبه بالي يالسه افكر فيه اسوم:وشو الي يالسه تفكري فيه جوري:بخبرج بعدين..وين سويج سيارتي اسوم:شو تبين تسوقين السيارة وانتي حالتج جي... جوري:ارجوج اسوم ..والله مب قادره...خليني بحالي...خليني بحالي ..ويلست اصيح بصوت عالي اسوم:اهدي غناتيه ..اهدي ..قومي صلي ركعتين ...وان شاء الله تهدي..وانا بروحي بوصلج شقة زياد الحمد لله احس عمريه هديت شويه من بعد ما صليت..بس الي براسي بسويه بسويه...جفت اسوم واقفه وهي تبتسملي اسوم:نمشي هزيت راسي بمعني هيه... توني واصل الدوام ...دخلت مكتبي..السكرتير دخل بعدي وقال الاجتماع بيبدا بعد شويه...اخذت اوراقي ودخلت قاعة الاجتماعات...جفت ربيعي سعيد وهو مدير قسم الماليه بالشركه ..الاجتماع استمر لمدة ساعتين ..لانه خلاص نهاية السنه فلازم نراجع كل شي... سعيد: ما بغينا نخلص سالم:جي وانت مدير وتتحلطم..شو بقيت للموظفين سعيد:ما علي من حد ...ابى انزل اجازه...تعبت من اجواء البيت سالم:شو مستوي بعد..بيتكم وحده حاره سعيد:صدقت...امس عيوزنا يت تزورنا سالم:ولا تقول ابوك كالعاده راغها بره البيت ... سعيد :تصدق في اب يروغ امه ...جم مره نصحته ... تراها جنتك..بس يقولي هي الي دلعت بنت عمك وجوف شو كانت النتيجه..شردت مع حبيبها.. سالم:وهي شو ذنبها..جان هي شردت مع حبيبها ..امه شو ذنبها..وبعدين ابوك الله يهديه...مب ياي ينسى ذي السالفه سعيد:يقول هي وايد كانت مدلعتنها وكانت ما ترضى حد يرفض لها طلب...وابويه مستحيل ينسى السالفه..والدليل الحكره الي مسوينها على خواتي..اخاف بس من كثر الكبت بينفجروا غلط...بروحي مستهم على اختيه الي بالحامعه..مب عايبني تصرفاتها .. سالم:لا حول ولا قوة الا بالله...الله يعينك صراحة.. سعيد:تصدق وصلتها بيت عمتيه ...هي عصبت ويلست تقول ليدتيه ..جم مرة اقولج لا تسيري بيته ...جان يباج ييج ...ويدتيه يلست تقول..ولديه ومشتاقتله ..صايرلي 6 اشهر ما جايفتنه يا بنيتيه ..اخوج قلبه جاسي با بنيتيه...جاسي..يلست اهديها وابوس يدها ...الله يسامحك يا ابويه ..متى قلبك يحن وتعرف انه الي تسويه فيها بيي عليك..تعبت من كثر ما انصحه ..يالس اخطط اتزوج بس علشان اسكنها عنديه...بس الوالده حالفه انه اي حد يزورها ولا يسكنها عنده انها ما راح ترضى عليه ليوم الدين..شو ها الوهقه يا ربي..بين الوالدين ويدتيه..ما ادري شو اسوي سالم:الله يعينك ..الوضع صعب ..بس معقوله اللحينه ابوك يروغ امه بس لانها كانت مدلعه بنت عمك سعيد:على كلامه ..ويقول انها هي الي حيرتها لاخوي عبدالله الي من بعد ما سمع سالفه شردتها حلف على ابويه انه ولد عمي سامي ما ياخذ ختيه نورة...ولا اني اخذ اسماء بنت عمي سالم:وهم شو ذنبهم سعيد:شو تقول بس..خليها على الله توني ظاهره من الكوفي ..خلصت محاضرتي وسرت اشرب كوفي اتيت راسي شويه ...لمن وصلت جريب من باب القاعه..سمعت ربشه بالداخل ...شو اليوم ...دقيت الباب ودخلت ...جفت بنات الجماعه كلهم ملتمات وسوالف وضحك..وانا اقول محد يسوي فوضى غيرهن ..بس لفت انتباهي الورود الي على الطاولة..يا اوادم ..شو اليوم..شي مناسبه وانا ما عندي خبر...شكلها اميرة فهمت علي لانها قالت ها الورود كلها لحمد...ما دريتي انه مسوي حادث امس...حشى ما يتخبى عليهن شي ..شكله حمد محبوب الجماهير وانا ما عندي خبر... جمان:منو الي خبركم انه مسوي حادث اميرة: خليفه..لانه حمد كان ساير صوبه لمن سوا الحادث والعثرة ..الشباب صايرين شرا البنات ..ما يروموا ييودوا شي بداخلهم..خيبه لفيت راسي اجوف بوكيهات الورود..اسميني احسدك يا حمد ..كل ها لك...سمعت اميرة تقول للبنت الي يالسه حذالها.. اميرة:جفتي بوكيه الورد الي يبته ..بالله عليج ..مب احلى بوكيه خيبه...بنات مضيعات المذهب ..بعدها مفتخره..جنها الا مسويه انجاز..على شو فرحانه امي ..على سواد ويهج البنيه:صراحة..ذوقج لا يعلى عليه.. مرة ذوقها لا يعلى عليه...ما اجوف شي مميز بالبوكيه...سمعنا صوت الباب ..ومن بعده دخلوا الشباب ..وكلهم ملتمين على حمد..خيبه من متى ها الحب لحمد...ما علي منهم ..كنت ناويه اطلع ورايه محاضرة...بس سمعت اميرة تقول لربيعتها .. اميرة:تراهني ..انه على نهاية السمستر بكون مخطوبه لحمد... صراحة رديت ريوس ...ويلست على الكرسي...شو مخطوبه لحمد...لا وبعدها تراهن..يا ماما مب زين تراهنين ... البنية:بس اميرة مب حلوة تعقين عمرج على الريال اميرة:ومنو الي قالج اني اعق عمريه على الريال..هو الي بيخطبني وباقناع منه بعد...ساميه ..ما ابى مصيري يكون شرا مصير اختيه صاكه السبعه والثلاثين وبعدها ما عرست..يعني عانس..كله لانها كانت محيره لولد عمي..وبعد ما شردوا من البلاد .. ما يى حد يخطبها .. البنيه :بس ها نصيبها يا اميرة..وانتي ما تعرفي شو مكتوبلج.... اميرة: لو تعرفي كيف وضعنا بالبيت ..جان رحمتينا..الكبت والضيق الي عايشينه لا طلعات ولا زيارات ..كله بسبب بنت عمي ..الله لا يبيحها ..وبعدين انا مب يايه اسوي شي غلط...ما رحت عنده وقلتله تعال اخطبني ..ولا يايه اعق عمريه عليه ..ولا يايه اكلمه بالتلفون..بس احسه معجب فيني ... ثريك مب هين يا حمد..مطيح قلوب العذارى...وحليلها اميرة ماخذه بعمرها مقلب..عيل حمد معجب فيج...خلوني اجوفه وينه روميو زمانه ...خيبه شكله سمع رمسة اميرة..لانه كان يالس على الكمبيوتر الي حذا اميره...لا والاخ كشخته متر...معقوله حمد معجب باميرة...عيل ليش يى وخطبني ...اصلا مستحيل يكون معجب فيها كارهه عمري ...من بعد جوفتي ليوسف وانا احس انه في اي لحضه في مصيبه راح تستوي ..وصلت المكتب..جفت بوكيه ورد وينبه صندوق ...نفس البوكيه ونفس الصندوق الي طرشهم سيف لي بالمره الماضيه..طبعا ما اقولكم كشختي ..من بداية فمي لنهايته...اهم شي عندي البوكيه ..ولا الصندوق ما هامني ...بعد ما شميت البوكيه...يودت الصندوق وبديت افتحه...حصلت داخله ورقه...استغربت ..بعد ما قريت الورقه ...جنه حد كب علي ماي بارد..شو بارد..ثلج مره وحده..والله قلبي كان حاس ..انه يوسف ما راح يخلينيه بحالي ...وبعدين شو قصده بها الرساله....احس عمريه مسويه ذنب ويالسه اتعاقب بيوسف...لا ها الشي ما ينسكت عليه...لازم اقول لناصر ولا لسيف..ها اليوم مطرش رساله ...الله العالم باجر شو بيطرش...بتصل بسارة واخذ رايها..بس تلفونها مسكر..شو قصده بعد... بنفس تاريخ اليوم وبعد 10 او 9 اشهر ولا تبين بالضبط..راح تندمين على حركتج السخيفه..شو ها الالغاز .تلفوني يرن ..التلفون طاح من يدي ..بعد الكلام الي قاله سيف..مستحيل نفس التاريخ .... سمعت صوت ....طراخ...رفعت راسي وجفت خالي فيصل ...عطى جوان صفعه ..اصطدمت ..خالي عمره ما مد يده على جوان..هاي دلوعته...سمعته يصارخ عليها ويقول الخال فيصل : كله ولا انك تنزلين من مستوى الناس...كله ولا تحكمين على الناس من مستواهم..كله والالفاظ الدنيئه...هاي مب تربيتي ..انا ما ربيتج انج تقللين من قيمة الناس ...ويله فوق ..ما ابى اجوفج جدامي اللحينه خالي يلس على الكرسي وهو يمسح على ويه...ويلس يستغفر.. خالي:اول مره بحياتي اندم اني ما راقبتكم بنفسي..واني خليتكم تتمادوا بمشاعركم...المفروض لمن يت تخطبها كنت احط النقاط على الحروف ..كنت ارفض على طول..وما اعطيها امل..ما هان علي نظرة الرجاء الي بعيونها ...والنتيجه..انها تباك لنفسها سواء بالطيب او بالغصب زياد: سامحني يا خالي...خليتك بها الموقف... انا الغلطان... انا المفروض كنت امنع مشاعري من التمادي..انا المفروض ما كنت اسمح لقلبي يحبها....ما ادري نسيت ولا تناسيت اني متزوج...كان المفروض اسمع الكلام وارد البلاد من زمان...بس يا خالي ها مب بيدنا (اشرت على قلبي) ..ما نقدر نتحكم عليه ...متوهق يا خالي ..شور علي ..انا بين حبي لجوان ..وبين اني ما ابى اظلم جوري ..فلو اخترت جوري...معناته اني بتخلى عن جوان..يعني بتخلى عن قلبي ..عن قطعه مني ..لانه قلبي ملك لجوان ...هي الي متربعه العرش فيه ...كيف اتخلى عن الهوا الي اتنفسه...عن الي خلتني احب الحياة واستمر فيها...عن الي خلتني اوصل للي انا فيه اللحينه ....صدقني يا خالي ما بضمن عمري اني راح احبها في يوم من الايام... وطول عمري بحس اني اخونها ...واذا تركتها بحس اني خنت الامانه ..خنت وصية ميت ..ما اقدر اخليها تحس عمرها وحيده وهي اصلا وحيده ....بحس طول عمري اني ظلمتها وخليتها تواجه ها الدنيا الصعبه بروحها..وتواجه كلام الناس الجارح وحدها ..بتركها جسد بلا روح... سكت لمن سمعت تلفون خالي يرن ...سمعته يقول ...جوري ربع ساعه وبكون عندج...شو تبى جوري من خالي...شو قالت ..خلى ويه خالي يستوي جي ... موعدنا يوم الجمعه..باذن الواحد الاحد |
...
السلام عليكم والرحمة الله حيووو..ضحووكة وبارت اليووم ابداااااااااااااااااع بجد الله يصبرني ليوم الجمعه بموووت ابغى اعرف ايش بتقول جوري للخال فيصل... ماادري اتوقع بتطلب الانفصال من زياد وممكن تبين انها عرفة العلاقة اللي بين جوان وزياد وهي مابترمي عميرها على زياد اكثر من كذا ....واتوقع زياد لو اعطى عمره فرصة..بيحب جوري وبفترة زمنية قصيرة لآن هو من كلامه طول مشوارة بالغربة ماكان جنبة غير جوان..وانا اتوقع بيطلع مهوب حب حقيقي ممكن سالفة انوو تعود عليها يحس ناحيتها بالجميل والعرفان.... <<ياشيني لاتكلمت هع ... وناصر,,وسارة وام ناديه واضح وضووح الشمس انها تخطط على ناصر ياخوفي لما تمون على ناصر بتطلبه بالصريح او بتسوي لها موقف مفبرك انهم من دون رجال وسند وتخليه يعرس عللى بنتها<<ان كيدهن عظيم الله يستر من الجاي الباب اللي يجيك منه الريح سده واستريح اشوف يخليها تولي افضل لاتتلصق فيه.... ...... موقف الخال فيصل مع بنته اعجبني انو صارم وماكان بصف جوان وضد جوري بالعكس ان دل دل على طيب اصله ومعدنه متششششششششكرة خالص على البارت ياقمييييييييل |
ضحوكه تسلمين فديتج عالبارت<< الفيس راعي الورود
ناصر وسارة جوفي فديتج.. لا تتخادين وتطرين له سالفه العرس كل يوم.ز عاد باجر اييب لج هالمفلعه ناديه.. وهو مبتسم<< فيس يحذرها.. وانته شقايل بتروح تزور حريم ارواحهن في البيت ها.. لازم تودي حرمتك وياك<< فيس يحميه من مخططاتهن ميعاد لا السالفه ما ينسكت عنها.. ما قلت لج قبل رمسي اي حد.. خبري سيف ولا ناصر.. لازم تجوفين لج حل قبل لا يورطج<< فيس يحذرها جمان وحمد لا يا حمد.. طلعت محبوب وسارق قلوب العذارى.. الا هالخديه جمان ما ادري متى بتعقل.. بس ما عليك الظاهر ان حاسيتها ردت لها<< فيس يطمنه.. وانتي اشعنه مهتمه ها.. دامه ما يهمج خلاص ما لد داعي تشغلين بالج في عرسه<< فيس يضغط عليها الخال فيصل وجمان بس صخي شو هالرمسه المفلعه.. هو اللي يابها عنده.. ولا البنت حليلها يلست اروحها ولا خبرت حد<< فيس واقف ويا جوري.. تسلمايدك<< فيس يشجعه.. هاي هب تربيتك ندري.. بس شو نقول عن شباب هالايام<< فيس ما يبيه يتضايج جوري وزياد هدي اعصابج فديتج.. انتي ما عقيتي عمرج عليه.. هو اللي يا ووداج شقته.. ما عليج من هالرمسه المخبقه اللي سمعتيها<< فيس يهديها.. وانته احلف بس عقلك في مكان وقلبك في مكان.. ولا تعرف تتبع منوه.. انته الغلطان انته مرتبط من فترة والمفروض تتحكم في قلبك<< فيس هاد عليه نترياج فديتج<< الفيس راعي الورود http://www.liillas.com/up3//uploads/...29afe633ce.gif |
السلام عليكم
يعطيك العافيه ضحوكه من جد تطورات رهيبه في الاحداث جوري وزياد وجوان صراحه هنا احسن حل لجوري الانسحاب وزياد خليه يشبع بست الحسن والجمال وجوري اتوقع بيكون لها قصه مع سالم زياد انسان اناني بكل معنى الكلمه اذا زوجته وحتى حبيبته الجوهره وش كان ضره من البدايه حل اموره وطلق جوري وهي بالبلاد كان ريح وارتاح ساره وناصر بجد ساره في موقف لاتحسد عليه بس اطمنك ياساره اذا ناصر خلى حب عمره عشان لايكسر بخاطرك احس صعب يكسره عشان وحده زي ناديه الا لو جابوه بالحيله حمد وجمان جمان عيني بعينك كذا واعترفي انه مايهمك والله وبدت الغيره وحميدان ما يدري دزتين بس قدام بتلاقيها ياحمد هي لللي تخطبك (فيس ينكت خخخخخخخخ ضحكه انتظرك بشوق يوم الجمعه بعون الله |
اقتباس:
العفو حبيبتي... البارت الياي ..[/COLORانا مسمتنه بارت الصدمات...خلج بالقرب وبنجوف شوي بينتظركم من الصدمات... حياج |
اقتباس:
خلج بالقرب ..لانه الياي ..فيه صدمات لم تكن بالبال ولا بالحسبان حياج |
اقتباس:
خلج بالقرب ..وبنجوف شو بيستوي من تطورات حياج |
الجزء العشرون:
يالسه جدام المرايه وامشط شعريه...يبالي اقصه مليت منه ...بس ياليتني اقدر ..امايه موصتني ما المسه على قولتها انه الشعر يخاف من المقص فاذا قصيته ما راح يطول مرة ثانية ...عاد ما خرافات ...يا الله منو الي يصدق انه مر على ييتي للندن سنتين...مرت علي ايام ما كنت اتخيل اني بقدر اكمل الحياة من بعدها...لولا خالي فيصل واسوم ..ولا انا حتى الماستر مب كنت ناويه اكمله ...سمعت اسوم تصارخ .. اسوم:جوري..جان ما ييتي تاخذي حور ببيعها جوري:بيعيها جان ما بعتج قبلها اسوم:جوري ما غيرتي رايج..عطيني اياها..يا ناس فديتها جوري:تشطري وعرسي ويبي مثلها اسوم:على حطه ايدك يختي ايوا ..الي في بالكم صج..حواري..بنتي...دنيتي... حياتي....علشانها كملت الماستر.. صح بالبدايه زعلت ويلست اصيح اخر شي كنت اتوقعه اني اطلع حامل .اتذكر لمن رحت العياده ..واول ما قالت الدكتورة حامل..يلست اصيح ..يلست الدكتورة تهديني وتقول لا تصيحين شكلج مب متزوجه وقالت مب مشكله بسويلج عملية اجهاض ..ولا جنه شي صار..بققت عيوني عليها..الحمد لله والشكر على نعمة الاسلام بس..ضليت اسبوعين بغرفتي ما طلعت منها ابدا..واسوم كانت تحاول تتطلعني من الي كنت فيه..يلست تقولي ..ربج رازقج بنعمة غيرج يتمناها ..يدفعوا الي وراهم والي جدامهم علشان يكون عندهم بيبي...وبعدين انتي دوم تقولين انج وحيده ربج عطاج بيبي يكون هو كل اهلج..صدقيني ما راح تعرفين قيمتها الا لما تجوفينها جدامج ...هي الي تخليج تحبين الحياة ...تسوين المستحيل علشان تجوفينها تبتسم...تعرفين يعني شو الواحد يكون عنده هدف ..غايه..يحس الحياه حلوة..يحس انه وقت التشاؤم راح وولى...وانه لازم يعيش بالدنيا علشان سعادة احبابه...وبالفعل حواري هي الي كنت اباها ..هي الي خلتني احب الحياة ...هي الي خلتني اجوف الدنيا بمنظور ثاني....بمنظور يديد..منظور الام..الي مستعده تسوي ..اي شي..اي شي..علشان ظناها يحس بالسعادة... سمعت تلفوني يرن ..عرفته خالي فيصل ..مسوتله رنه خاصه..ربي يحفظك ويطولنا بعمرك..لازم يوميا يتصل ويطمن علينا...ويحن علي ارد ..بس انا مستحيل ارد لندن ..ما اريد ادمر حياة زياد والجوهرة...اتذكر في اليوم الثاني من كلامي مع خالي اتصلت فيني الجوهرة وطلبت تجوفني ...يلست تقولي عن حبها لزياد وعن حب زياد لها..ويلست تترجاني اني اطلع من حياتهم...لا مب ضعف مني ..اني انسحبت من حياته..بس هو كان الحل الصحيح..هو الوضع الصحيح ..وجودي في حياة زياد من البداية كان غلط... انا اصلا ما جفت زياد بعد اخر مرة يى عندي الشقه وطلبت منه يطلقني ..هو ضل مصر انه ما يطلق..وانا ضليت مصره اني ما ارجع له ..وخالي كان المتورط وسطنا ..اتذكر محاولاته انه نرد لبعض..كل ما كنت اجوف على ويه اعرف انه دايس على قلبه ..ما يبى يظلمني ولو على حساب سعادة بنته....وبعد اسبوع قررت اني اسافر لمنطقه غير عن لندن اكمل فيه الماستر ...الحمد لله انه الدراسه كانت باديه من شهر ..سرنا انا واسوم لانها حلفت انها بتكون معاي باي مكان اروح..رحنا بالجامعه بالمنطقه الثانية وكلمنا المسؤول عن الماستر ..والحمد لله كان في مكانين شاغرين ....سبحان الله ربي لمن يسكره من صوب يفتحه من صوب ...طبعا زياد لما عرف بقراري ..حشر الدنيا ..وقالي مستحيل اطلقج ومستحيل اخليج تسافرين لمنطقه ثانية من غيري..بس انا رحت لخالي لاني اعرف تاثيره على زياد ...ترجيته انه يطلب من زياد يطلقني ..كان اصلا من المستحيلات اني استمر معاه من بعد المكالمه ومن بعد ييت الجوهرة لي...زياد حاول جم مره ييني الشقه بس انا ما كنت افتحله الباب ..وجم مره ياني الكليه بس انا كنت اتهرب منه ..ما ابى اجوفه..ما ادري اذا هو ظلمني ولا انا الي ظلمته ..قلبت حياته فوق تحت....بس الي اعرفه اني من البداية ما كنت لزياد..وهو ما كان لي...فتركت الجمل بما حمل على قولتهم...اتذكر اليوم الي يى خالي لعندي وقالي انه زياد يقولي سافري يمكن نفسيتج تتعدل ويمكن تعيدين حساباتج وتعقلين ...قلتله خالي استحلفك بالله اطلب من زياد يتركني بحالي ..قوله اذا على وصية ابوي محمد فانا اعفيه ...ولو ابوي محمد كان مويود..جان مستحيل يخليني على ذمته وانا ما اباه ...بس هو رفض يطلقني ..وجم مره يى لعندي بالمنطقه الثانية بس نفس الشي ما سمحتله يجوفني ولا يكلمني...مب لاني ما اقدر اواجه او حتى اني اضعف وارد له..لا زياد ما كان له تاثير قوي علي..احنا اصلا ما مدانا يكون للواحد تاثير على الثاني ..كل الي عشته مع زياد يومين...بس انا وايد ممتنه له لانه عطاني شي عوضني عن كل سنين الحرمان الي عشتها عن اهلي الي انحرمت منهم ..عطاني حواري...يا فديت روحها ..تصدقون انها مب ماخذه مني غير عيوني ..ولا هي كوبي بسيت من ابوها ...يبتها بالشهر السابع ...اسوم تقولي اكيد طلاقج من زياد هو السبب ..لانه اليوم الي ربيت فيه هو اليوم الي طرشلي زياد ورقة طلاقي ...بس انا كنت متوقعه اني بربي بالسابع لانه الكتورة الي كانت مشرفه عن حالتي قايلتي قبل انه لازم اسوي عملية ربط ...طبعا حور ضلت بالمستشفى ...وانا رديت البيت بعد يومين...وكنت طول اليوم اروح ايلس عندها ...وبعد ما استقرت حالتها ..يعني بعد جي شهر رخصوها ...خالي ضل اسبوعين معانا وما رضي يخلينا بروحنا ..حتى انه الاسبوع الي بعده ياب حرمته معاه...ضلت معاي اسبوعين ..لاني ما كنت اعرف اتعامل مع بيبي صغير ... الله يهديج يا سارة ...ناويه تدمرين بيتج بايدج...توه ناصر ظاهر من عندي..والله اني راحمه اخوي..حالته حاله من بعد ما سارة سارت بيت اهلها وخذت يمان معاها ..خسفه ناويه تضيع كل شي من بينهم..جم مره افهمها انه ناديه وشيخه يبونها من الله ..فلا تعطيهم الفرصة بس اكلموا منو سارة...كله تقول اكيد ناصر يحب نادويه ..وناوي يخطبها ...وتقول هي بروحها جافت اكثر من مرة ناصر واقف عدال بيتهم ..يكلم امهم...لا وتقول انه شيخه جم مره مورتنها فيديوا ناصر يكلم ناديه...وعلى قولتها انها اخر مرة جافت ظرف على مكتبها ..فيه صور ناديه وناصر وام ناديه...يالسين بميلس بيتهم..وهو ميود يد ناديه..طلبت من عندها تيب الصور واجوفهم اكيد تركيب... تقول انها ما حصلت الظرف بجنطتها...مستحيل ناصر يسوي جي... ..قلتلها ها شغل شيخه ما يبالها ذكاء ...بس شيخه ضلت تحوم وتذن على راسها ..لحد ما قررت في يوم من الايام انها تروح بيت اهلها ..يمكن تتعدل نفسيتها ...جم مره كنت ناويه اقولها انه ناصر اذا تخلى عن حب حياته علشانج ..فايشقايل يخطب ناديه..بس ايود لساني باخر لحظه ...اتصلت عليها ..وقلتلها ابى اجوفج بالكوفي شوب ...وينها هذه لازم تتاخر بروحي مب طايقه نفسي الي فيني مكفيني ...القاها من وين ولا من وين بس...هذه وصلت .. ميعاد:واخيرا تشرفتي ..اخت سارة سارة:شو اسوي ..يمان خبلبي ميعاد: فديت الطاري..يا اني متوله عليه حدي...حرام عليج الي تسويه يا سارة ..مب زين تحرمين ولد من ابوه...والله لو تجوفين اشقايل ناصر ضعفان ونفسيته تعبانه ..بترحميه سارة: انتي اكثر وحده تعرفي شو ناصر بالنسبه لي...والله اني مشتاقه له...مشتاقه لصوته...مشتاقه لطيبته ...بس يا ميعاد احس نفسيتي تعبانه ..لازم ابعد ..اخاف اجرحه يا ميعاد... ميعاد:اذا مشتاقه له..ليش ما تردين ..وبعدين معقوله تشكين بناصر..معقوله بعد كل ها السنوات ما تعرفين ريلج..ما تعرفين مقدار حبه لج سارة:انا متاكده بحبه لي..مثل ما انا متاكده بحبي له...بس انا تعبانه يا ميعاد..احس نفسيتي واصله للحضيض... ميعاد:جوفي ...امس طول الليل وانا افكر بوضعكم...ويا ببالي خطه نسويها ..صدقيني من بعدها ما راح تجوفين ناديه ولا شيخه مرة ثانيه سارة:ريحي قلبي..الله يريح قلبج وبالج يا ميعاد..ويبعد يوسف من دربج ميعاد: لا تذكريني يا سارة...انا لحد اللحين حاسه في شي راح يستوي الشهر الياي سارة:ترى في شي حلو راح يستوي ..راح تعرسين ميعا:سارة عن السخافه...انا لحد اللحين الموضوع مب داخل براسي..انا بعد ما قلت لسيف عن رسالة يوسف...اليوم الثاني يى ويه كله جروح ولمن سالته قال انه تضارب مع يوسف...بس كلام يوسف غريب..يقول الشهر الياي ..راح تنصدمين صدمة عمرك..وراح تبوسين يدي علشان اخذج.... سارة:خليه عنج يوسف..تدريبه من ايام الجامعه وهو خريش...وكلامه كله شرا ويه ميعاد:الله يستر يا سارة اف تعبت منها احسها ياهل ..الي تباه لازم اسويه ..واذا ما سويته معناته تزعل شهر ..ومن غير تفكيري يمين وهي تفكيرها يسار..ماشي توافق من بينا ...كله تبى تفرض رايها ..احسها بس تبى تعرس باي شكل من الاشكال علشان تهرب من سجن ابوها...وما عندها سالفة غير ..اختي تغار مني ..لاني انخطبت وهي الجبيرة ..ما ادري اشقايل تقول جي عن اختها...كل ها ببلعه بس سالفة يدتها ...هذه قويه..تقول انها ما جافت يدتها من سنه ..وانها كل ما تي بيتهم يروغوها..شو ها العايله الغريبه ...في ناس جي بالهدنيا ..الله يعيني عليج يا اميرة...توني داش البيت ..يا دوبني مسكر باب الحوي..الا واسمع الجرس..اف ما فيني ارد وافتحه...اول ما بطلت الباب ...تتوقعون منو الي كان عند الباب ..ايوا ..جمان...الله يا جمان مهما قلت الكلمات ما راح توفي شوقي لج...مهما قلت لج وبكل لغات العالم ..اني احبج ..بعده ما راح يوفوا بالي بداخلي لج ....ياما حاولت انساج ..ياما حاولت احذف كل اوراق الشعر الي كتبتهم عنج ...بس ارد اكتب لج مرة ثانية ..ليش سويتي جي جمان...لحد اللحين مب راضي اصدق ..المشكله اني جفت الدليل بعيني... اتصلت على ناصر ..وبلغته برفضي ..ما ابى اعرس ..الي ياني من حمد ....ومن ربيعه كرهني بالريايل ..اكرهم كلهم..اذا حمد الي متربيه معاه من وانا صغيره ..يشك فيني ..اشقايل اثق بغيره من الريايل...ليش جي نياتهم خايسه...ليش ما يصدقوا يسمعوا شي عن البنيه يصدقونه ...وليش الكلام الفاضي والي يمس السمعه حتى وان كان غلط ينتشر بسرعة البرق....في شي اسمه بالدنيا ستر...الله يسامحك يا حمد ..ما همني حد ..ولا همني الي قاله ربيعك خليفه عني..ولا الي تبلاه عني..الي قاهرني انك صدقته...انت يا حمد اخر شخص بالويود كنت اتوقع تصدق الي انقال عني...اي اكتشفت اني احبه ..مب بس احبه الا اموت عليه..بس خلاص شو الفايده...كل ما اتذكره..الدموع تتيمع بعيوني ..مشتاقتله ..ما جايفتنه من بعد الي صار ..ومن بعد ما ودرت الجماعه...اتصلت علي خالتي ام سالم تبانيه اسري صوبهم تقول ريم تباني..علني فداج يا ريم ..هي الوحيده من ربيعاتي الي ما تخلوا عني ..بالرغم من طلب حمد لها انها تتركني ..بس هي قالتله اذا انت صدقت الي سمعته ..انا مستحيل اصدق شي شرا جي عن جمان...يا ربي اشفيها ..يا رب ردلها صحتها..يا رب..هي بعد 5 اشهر من عرسها مرضت كثير ... عمران وسالم وسعود ما بقوا مستشفى ما ودوها..صح اني تفاجات بردة فعل سعود ما توقعته بيهتم فيها..لانه ريم وايد كانت تجرحه..بس الي اصله طيب ينبان وقت الشدايد..وهو بان معدنه ...ما ادري ليش عندي احساس انه عمتها مسوتلها عمل...جم مرة نصحتها طلعي من بيت خالتج مالج فيه حايه سكني بروحج بشقه..بس ما خذت بنصيحتي...الاسبوع الماضي سارت العمرة ...ومن بعد ما ردت مرضت زياده..خالتيه ام سالم تقول انها كانت تدعي في العمره اذا فيها عمل يظهر ...وصلت صوب بيتهم ...بس اول ما جفت الي عند الباب ...حسيت ان الزمن توقف ...حسيت ما حد بالدنيا غيرنا ...حسيت عمريه كنت مريضه واللحينه بس شفيت...حسيت عمريه كنت مضيعه روحي واللحين لقيته....ييت اتكلم بس حتى الكلام ضاع ...صوتي راح..وحسيت ويهي يالس يتبلل بس ما ادري من وين يالسه تي المايه ...رفعت اديني الي يالسه ترتجف امسح فيهم عيوني...سمعت صوت خالتيه تهلل وترحب فيه..قلت جمله وحده لحمد وظهرت بصعوبه بعد..حسافه يا حمد حسافه...وطوفته الله يعينا على الي احنا فيه ..نزلت الصاله وجفت سعود يالس يقرا على ريم ...يا سبحان الله منو الي كان يتوقع كل ها يطلع من سعود...ما نعرف شو ياها ..ما كان فيها شي ..بس فجاه تعبت علينا ...لمن ودينها المستشفى ومن بعد الفحص قالوا انه عندها القولون ..وانه بسبب نفسي ..هي صابها حالة اكتئاب شديده من شهر ..بس هي مب راضيه تتكلم..حتى عمران ما تكلمه....يلست حذاها ...سالت سعود عنها ..قال شرا ما هي...جفت امايه يايه...جافت على سعود بنظرة يعني قوم من عند بنتيه...ما ادري سعود اشقايل مستحمل عيوزنا لو انا بمكانه..مستحيل استحمل او اي بيتنا....نفسي اعرف سبب كره عيوزنا له...سعود ما قال اي شي ..طلع من البيت ... سالم:ليش جي ام سالم:شو بعد ليش جي سالم:ليش تكرهينه ام سالم:وليش احبه...اقول قوم توكل ..جمان يايه سالم:ان شاء ...بسير صوب بيت خالتيه ...متصله تبى تجوف سلطان ام سالم:تراك مسود الويه..مب زين عليك..متى اخر مره سيرت صوبهم سالم:شو اسوي...كل ما سرت صوبهم ..وهي ما عندها رمسة غير ميرة سوت جي ..وسلطان يحب ميرة وما ادري شو ام سالم: وانا اشهد انه ميرة شيخه البنات... سالم:ما قلنا شي..بس انا ريال مرتاح جي....حايه اماره ام سالم ... ام سالم:هي ..وافق على ميرة سالم:يا ذا الطاري الي مب راضي ينتهي...اقول عيوزنا ..انا بسري صوب بين قوم ناصر..اكيد سلطان عند امه ميعاد ام سالم:شو ذا المنكر بعد..انت اشقايل ساكت عليه..علمه عيب يزقرها ماما سالم:خليه على راحته..ما صدقنا تغير..ورد شرا اول سمعت اسوم تصارخ بصوت عالي ...قبلونا ..قبلونا ...يخس ابليسج يا اسوم...بتصحين حور ما صدقت انها رقدت... جوري:مسودة الويه ..خفي صوتج ما صدقت حور رقدت اسوم:خلها تنش..اشتقتلها جوري:مداج اسوم:يختي حرام ..ام واشتاقت لبنتها ..فيها شي جوري:وانا اشهد انج امها...المهم شو في اسوم :قبلونا بالشركه..يعني بنرد بلادنا ابتداء من الاسبوع الياي راح انزل جزء واحد وراح يكون بيوم الاربعاء...بسبب ظروف خاصه ..موعدونا يوم الاربعاء باذن الله |
السلام عليكم
اشلونج عيوني والله يعدي الظروف على خير وانشوفك دائما احذي راحتج ما قصرتي نجي على الجزء القفزة الزمنية مدتها سنتين يعني حمد تخرج ميعاد ليش لحد هذا الوقت غير متزوجة وضع ناصر مع نادية وسارة ليش بقى على ما هو عليه اتمنى هاي الامور توضح بالجزء القادم هسة نجي على قضية عايشت مثلها بالواقع وهي قضية ريم وحدة تربطني بها صداقة عائلية قديمة تزوجت ابنتها الوسطى والدة زوجها حسب ماسمعت من العائلة اسقتها شيئا في يوم زواجها ولم ترى بعدها طعم للصحة ولا احد يعرف ما بها فروا بها كل الاطباء واجروا كل التحليل دون فائدة واخيرا توفت بعد سنة من زواجها قضتها مريضة من غير سبب هناك من يقول ان غرض ام زوجها هو زرع المحبة في قلبها اتجاه افراد العالئلة وحتى لا تفكر بأن تطلب بيت لحالها اي كان السبب هناك جهل قاتل بموضوع السحر الناس لاتعي ان السحر هو اشراك بالله سبحانه وتعالى الله يهدي الجميع والقضية الثانية سمعة البنت للاسف الشديد البنت احياننا تكون ضحية في مجتمعنا لان كلمة بسيطة تطلع عليها تؤدي الى ضياع سمعتها وفقط العقلاء هم الذين يوزنون الامور يعني فتاة مثل جمانة من عائلة كريمة وتصرفاتها طبيعية من المفروض ان نتوقف لنفكر لما هذه السمعة التي انتشرت عليها قبل ان نتكلم ولكن للاسف الشديد الاخبار السيئة تنتشر بسرعة غريبة عجيبة اعرف وحدة لاتتمتع بجمال وتعيش بفقر معدم وهناك من يتكلم عليها مرة ناقشت الموضوع ليش هذا الكلام يعني لو كانت كما يدعون لبان عليها ولما بقت في فقر او لهتم بنفسها وما ارتدت ملابس قاتمة حتى تمنع اعين الناس عنها ومهما ناقشت لكن لاحياة لم تنادي الله يستر علينة اعجبني طرحك لهذين الموضوع انتظر الجزء القادم بشوق كبير |
تسلمين عالبارت فديتج<< الفيس راعي الورود
نقله كبيرة لاحداث القصه..لو خليتينا نعيشها ويا الابطال بيكون اخير بس هالشي يقلل من جمال البارت ميعاد وسيف ويوسف تهديد يوسف.. شو الشي اللي يخلي ميعاد تربع وراه وتترجاه ياخذها.. وهل التهديد بيتعلق بسيف<< فيس يتوقع كل شي.. اخير شي سويتيه انج خبرتيه قبل لا تنجلب السالفه ضدج.. بس موقف سيف ما عيبنيه.. الحينه بدال لا يحاول يحل الموضوع بيرويه.. ياي ميروج.. يعني تواقع وياه شرات اليهال الي في الفريج<< فيس يحرك راسه سارة وناصر وين الرمسه اللي قلتها البارت اللي طاف.. الحينه بدال لا تمين لازقه فيس شرات ظلتها.. تروحين بيت ابوج<< فيس هاد عليها..وانته شو مشكلتك في الحياه.. لين الحينه ما عرفت انهن راعيات سوالف ويبن يخربن بيتك<< فيس يحرك راسه جمان وحمد اول مرة اوقف وياج.. زين سويتي ما خذتيه..افا وين راح هالحب كله..وقف ضدج وصدقهم<< فيس مصدوم.. وانته ما تستحي على ويهك ما تخيل ها.. شقايل توقف ضدها.. ما عندك حاسيه ولا مخك افتر<< فيس معصب زياد وجوري زواج غير متكافئ حكمته الضروف.. والطلاق افضل حل للطرفين<< فيس مقتنع نترياج حبيبتي<< الفيس راعي الورود http://www.liillas.com/up3//uploads/...29afe633ce.gif |
اقتباس:
كل ها الامور راح تتوضح..انا اعتبر ها الجزء مجرد نبذه او مقدمه للاجزاء اليايه...مجرد لمحه للي صار بالسنتين..والغموض الي مصاحب الاحداث والشخصيات هم راح تتوضح مع الاجزاء اليايه .. بالفعل كثير من الناس يجهلون العقاب المترتب على الي يسوي سحر او حتى يروح لساحر ... اما بالنسبه لسمعة البنت..زبالفعل جنه الناس ينتظرون فقط الشي السي وينشرونه بسرعه البرق ... حياج غناتي..وخلج بالقرب |
اقتباس:
القفزه الزمنيه..لغايه في نفسي ..وراح تنبان وي الاجزاء اليايه.. لانه ها الجزء كان نبذه او استفتاحيه لبقية الاجزاء اليايه..يعني نقدر نقول مقدمه.. تري وكل بطل بيقول شو صار عليه يعني جنج عشتي السنتين وياهم حياج |
لسلاااااام عليكم ...كيفك فديت ضحكتي ...
حقيقه مثل ما سميت البااارت .....باارت الصدمااات ... زياااااد وجووووري .... اناا متوقعت انهم عاااشو مع بعض مثل الازواااج .....يعني ظنيت ان الجوررري ...كانت عاايشه في غرفه وهو في غرفه ...الين تتوضح الاموووور بينهم ....بس صرااااحه بعد المكااالمه اللي سمعتهااا الجوري ....الطلااااق هو الحل الصح ....مستحيل اسمع زوجي يقول انه يحب وحده غيري ....وانا بس شفقه وصيه ميت ...واتم على ذمته ...بعني اسوي مثل الجوري ...اقووم الدنيااا وقعدهااااا حتى اطلق منه ....وخلااااص ابدي حيااه جديده ...وانشاء الله تلقين اللي يستاااهلك ....يااارب يكوون سعووود من نصيبك ....ماااادري احب شخصيته كثيييير .....ويارب اهتمااامه في ريم يكون ناابع من الاخوووه موحب ....وانهخاافيه طووول المده اللي رااحت .... نااااصر وساااره ... يرفعووون ضغطي الرجااااال اللي زي كذااا ....الحين علااقتك بناااديه وهلهااا مسويه مشكله عندك في البيت ...مييييين اهم ياااااحماااااار ...زوجتك ولااا وحده ثاااانيه ...خلااااص الباااب اللي يجيب لك المشااكل سده .....ومثل ماا دبرووا نفسهم قبل لاا يشوووفوونك يدبروون نفسهم بعيد عنك ....ياااربي بعض الرياااجيييل في هم غبااااء .... جمااااان وحمد ... لا لا لا لا ...وين رااح الحب ياحمد ....وهذاا انت عااارف جمااان من يوم كااانت صغيييره ....انت حتى تعرف حركااته مثل لمااا قلتله لااا طلعين لسااانك ....يعني حااافضهاا وخاابزهااا ...اناا عندي احساااس ان اميره لهااا دخل في المووووضوووع ....والظااااهر عرفت عن حب حمد لجماان ....وحبت تخرب هذاا الحب ...بس انشاء الله يكتشفهاا قبل الزواااج .... ميعااد وسيف ويووسف .... احس انه راااح يصيير شى يخرب زوااج ميعااد وسيف ...بسب يوسف ....ويتزوجهاااا سالم ابوسلطااان .... فديت ....منتظرييينك على خيييير .... |
.. السلام والرحمة
الله يعدي ظرووفك على خير ان شاء الله ونشوووفك دوووم ^_^ الله حيووو..ضحووكة توقعت البارت بتنزلينه اليوم مو كأن قلتي يوم الجمعه يللا الجمعه او الخميس كلووو يجي خخخخخخ .... واعججبتني القفزة الزمنية برضوووو والان جوري عنده بنت من زياد طيب ماعرفنا شعور زياد ببنته حور وجوري هل مازال مايحمل مشاعر لجوري الاصدق كيف طلقها بسسرعة وبعد ولادتها هل برضوو ماكان يبغى اطفال من جوري واخبار الجوهرة ماادري ممكن تطلع الجوهرة عقيم خخخخ ... جمان ايش قصتها واكيد احد ملفق لها تهمة بالزور ممكن الطالبة اللي بتخلي حمد يخطبها اتوقع اسمها اميرة شي كذا ممكن حست انو جمان هي العثرة بطريقها .... عوافي ياقمررررررر... |
اقتباس:
منورتنا... قويه..حمار بحق ناصر..بس تصدقين يستاهل..خخخ شو رايج تكونين بالقرب وبنجوف شو بيصير حياج |
اقتباس:
وانا اقول وينها البنيه..اثريني انا الي منزله البارت قبل وقته..حقج علي..بس لو تعرفين شو استوى بتضحكي علي لاب توبي ..اتكل على الله..صراحه كان وايد طيب ..وخدمني سنتين ومن غير كلل ولا ملل...دسته بسيارتي ..بنت اختيه الصغيره نزلت من السيارة بس ما نزلت بروحها نزلت لاب توبي معاها يعني طيحته...وانا طبعا رديت ريوس ودسته..وحليلي شو دراني انا...قولي زين امس بالصدفه ها بالصدفه بس ..كتبت الجزء بلاب توب اختي..واختي سفرتها الليله ..يعني لازم انزل الجزء قبل ماا تسافر..لحد ما اروح واشتري لاب توب يديد..وان شاء الله اذا كتبت شي بنزله يوم الاثنين ...بحاول..تعبت وايد كتبت وخلج بالقرب وكل شي راح يتوضح..وحياج |
تسلمين على الروايه الرائعة
رواية بسيطة سهله مفهومه واحداث رائعة مصيوغة بطريقة مسلية ومحببه لنفس زياد وجوري ما اعجبتني جوري انسحبت بسهوله من حياة زوجها زياد يعرف ان عنده بنت اسماء وفضيحة الاخت والعار المورث الي الابد مشكلة الانانيه من بعض المراهقين والنتيجه تفكيك اسره كاملة ساره تقهر اكثر من جوري ليش تعطين غيرك فرصه يخرب بيتك جمان الي باعك بيعيه خيرته بيعرف الحقيقة والحسايف عليه ميعاد الله يستر عليها من يوسف مبدعة ننتظر القادم بشوق واتمنى ان المشاهدات تكون لك حافز اكثر الردود |
سلام كيفك يفداش الاب توب يا هو مرو سنتين وجوري معاها بنت وزياد وين ؟؟؟ حتى لو ما تريده علشان بنتها تقابله ما اعتقد بانها بتقدر تلغيه من حياتها بصراحة صدمني حمد يصدق ف جنان ما اعرف اتوقع انها خدعة من اميره ومتفقة مع خليفة او ان خليفة يريد يكره حمد فيها لهدفه ف نفسه ساره انا عندي قناعة ان ع الزوجة ان تحارب بكل اسلحتها لضمان واستقرار بيتها واقف صفا مع ميكافللي حين قال الغاية تبرر الوسيلة , وع الزوجة ان تخطط وتتكت عندما تحس ان امانها سوف يعكره شي |
اقتباس:
خلج بالقرب...وعيبني تحليلج.. بيني وبينج..يتني ايام حسيت فيها بالاحباط..اقول يا ربي اللحينه كل هذول الي يالسين يقرون الروايه مب رايمين يردوا..بس فدى عيون الي يردوا علي ...تخليت عن الاحباظ..وان شاء الله تعيبكم الروايه للنهايه حياج |
اقتباس:
جفتي اشلون مروا سنتين..جان زين الزمن يركض جي... بالفعل انا معاج ..انه المراه مفروض تعمل المستحيل علشان تنقذ بيتها ..خاصة اذا ريلها يستحق ها التضحيه.. وخلج بالقرب ..وبنجوف شو بيستوي حياج غناتي.. |
هلا والله..كيفك؟!!
اشتقتِ لي>>برا نتنا خربان له أسبوع<<ياظالم اهئ اهئ الله الله وش هالتطورات.. حمد وجمان وجوري وزياد..مير جوري وزياد متوقع وأزين لجوري بس جمان وحمد أشك إن أميرة ورى السالفة أما بيت عم أسوم بلاوي الله يستر لرجعت لهم اسوم شكلهم بيورونها الويل وعم أسوم اللي كذا يعامل أمه الله يستر لايذبح أسماء لاشافها جوري مبروك البنيه ولايضيق صدرك زياد هو الخسران و بنت خاله..<<مع إنهم موب شريرين بس كيفي هع هع يوسف بعذره سعاد تخاف منه الله يستر وش بيسوي؟!!كريه ينفع لنادية وأختها نفس الطاقه سعاد عليك بنادية وشيخه فكينا منهن غثاتن..وسارة ماهنا دبره مفروض ماتركت بيته.. |
رواية راائعه حبيبتي يعطيك العافيه أعتقد حور هي اللي راح ترجع العلاقه بين أمها وأبوها حمد جمانه خلاص غرقانه بحبك توكل على الله وأخطبها مره ثانيه ساره غلطانه بتصرفها وراح تخلي ناصر يفكر بزميلته من كثر مشاكلها معاه منتظرين الباااارت الجاي بفارغ الصبر |
ضحوك اجزاء رائعه
قفزة كبيرة في الروايه بمرور سنتين جوري المفروض ان زياد يطلقها حتى بوجود حور على الاقل تشوف حياتها عودة جوري واسماء الى البلاد تكون حدث كبير سارة وناصر نحاولات من ناديه لاخذ ناصر لكن ماتدع سارة لناديه الجمل بما حمل وتدافع عن حقها المشروع ميعاد ناذا فعل بها يوسف جمان سمعتها ضاعت بسبب تافه من شخص تافه لكن ان يتم التصديق من اناس هم من تربوه معها هم من يصدقون صعب جدا اتفق مع ريماس انه تتزوج جوري من سعود احسهم مناسبين لبعض وحتى ظروفهم متشابه يعني لاقين لبعض تقبلي مروري وثرثرتي |
اقتباس:
انتي اول وحده تناقشتي وضع اسوم..ما اقولج اذا تخمينج صح ولا ...بنجوف مع بعض خلج بالقرب..وحياج |
اقتباس:
شورج..حور بتردهم لبعض.... يباله يخطبها مره ثانيه...شو رايج نجوف اذا يصير ولا خلاص اميره تكفي وتوفي... خلج بالقرب وبنجوف حياج |
اقتباس:
بالنسبه لجوري وزياد..هو اصلا مطلقنها ..مذكور بالجزء لما طرشلها الورقه... شوركم ازوج جوري ..بسعود..خلج بالقرب وبنجوف اذا هذا احتمال وارد او لا.. حياج..ثرثرتج ..زي العسل على قلبي |
ماشااء الله عليك
رووعه القصه اتوقع رجووع جوري للبلاد بتصيير عاه احداث كثيره وخاصه معها اسوووم اسوم قريبه اميره الله يعينها شلون بيستقبلوونها وناصر اذا شاف جوري معقوله بيحن لحبه لهاا يعطيك الف عافيه وبنتظااارك |
اقتباس:
خلج بالقرب وبنجوف شو بيستوي..بابطال قصتنا... نورتينا بطلتج... حياج |
مرحبا الساع...............يتكم بعد طول غياب..وأول ما خلصت البارت قلت انزله ما هان علي اخليكم تنتظروا اكثر...
الجزء (21): توني راده البيت...على الله تنفع الخطه...ويردوا سارة وناصر شرا قبل..ما يهونوا علي اجوفهم جي..اغلى اثنيه على قلبي...سارة ربيعتي الروح بالروح..مستحيل انسى مواقفها معاي ايام الجامعه...وناصر مب بس اخويه..هو الي تحمل مسؤليتنا من بعد وفاة ابويه ...سمعت صوت مسج..بطلته ..وجفته رقم دولي عرفته على طول سيف..ياني متولها عليه ...هانت يا ميعاد هانت باقي كمن يوم ويرد....ما ادري شو الي حادنه يسافر لامريكا ...شو يبى بالخبره وما ادري شو..تراك تقدر تكسب الخبره هنا في بلادنا....بس شو نقول..على قولته ..اي معاي شهادة خبرة من امريكا ..غير انه يكون عندي شهادة خبرة من بلادنا..شخصيا ما اجوف فيها فرق...لا من ناحية الدراسه..ولا من ناحية الشغل....ولا من ناحية الخبرة...يعني شو الفرق ترى الخبرة تي مع الممارسه ....في النهايه هي قناعات والواحد ما يقدر يغير قناعات غيره..بس في النهايه ..الاختلاف بالراي لا يفقد من الود قضيه..بس وايد طول هو قال انه بيلس هناك سنه وبيرد..بس اللحينه مر اكثر من سنه...ولما سالته يقول..انه وايد مستفيد من القاضيا الي يعطونه اياه...وانه يالس يكتسب خبرة..ويقول انتي ليش جي مستعيله على العرس..ولمن قال جي احترق ويهي..اصلا انا متى قلتله رد علشان نعرس..شو مضيعه المذهب انا...من بعد كلامه سكت ..ما فيني يرد يقول اني مستعيله على العرس..بس صراحة سنتين ملجه وايد..انا ما ادري جوري اشقايل استحملت كلام الناس..انا بس امس سمعت ام سالم تقول لجمان ...جنه اختج الا عايبنها سالفة الملجه..وتضايقت..اسميني الاوادم مب مخليني الناس في حال سبيلها..يختي وانتي ويش عليج.... شكلي بقطع اجازتي وبرد اداوم...البيت من غير سارة ويمان...جنه مسكون ..جنه ظلام...جنه نوره ضايع...يا الله يا سارة لو تدرين بمقدار حبي لج جان ما سرتي ببيت اهلج...جفت ميعاد يالسه تشرب جاي..ميعاد وحدها سالفتها سالفه...عيل حد ملجته يستمر سنتين..وكل ما اسالها تقول لمن يرد سيف بنعرس..ودامه الاخ عارف انه بيطول جي بالبلاد ..ليش ما عرس وخذاج..بس شو نقول ..بعد ما اقدر اعق اختيه عليه...بديت اشك فيه ها الريال...كل ما اتصل عليه اجوف تلفونه بيزي...يقول انه بالشغل..شو ها الشغل الي على مدار اليوم...شو نقول بس ..يله صبرنا سنتين ..بنصبر الشهر الياي...صدق ما كذبوا لمن قالوا البنات امانه لحد ما يعرسوا... ناصر:يا الزطيه ..شو فيها يعني لو يبتي جاي لخوج ميعاد:بسم الله ..تحمحم..قول شي ..حشى على طول..تبى جاي ناصر:جفتج سرحانه..قلت اخرب عليج..رحمي ذا العقل شويه هلكتيه من كثر التفكير ميعاد:اذا انت ريحت عقلك من التفكير...بعدين بريح عقلي ناصر:وانا عقلي ما بيرتاح لحد ما سارة ويمان يردوا البيت ميعاد:ان شاء الله جريب..ازمه وتعدي ناصر: اللحين شو الغلط الي سويته ....الي خلى ربيعتج ..تهج من البيت ميعاد:ناصر اي حد لو بمكانها جان سوت الي سوته ناصر:ميعاد خلج عاجل...بالله عليج حد يسوي سواتها...ايميلي تجيكه مرتين باليوم...حتى ماسنجري ما راحمتنه..تسجل دخول باسمي علشان تعرف وي منو ارمس...موبايلي على مدار اليوم عندها..اذا وصلني مسج لو كانت هي بالمطبخ..تجوفينها يايه ركض..تقولي مصيبه مستويه..بس علشان تعرف المسج عند منو...ومن غير جم مره يايه المستشفى على اساس انها مريضه..وانا فاهم عليها..بس مطوفنه بمزاجي مكبر راسي وماخذنها على قد عقلها...والسيارة تفتشها ...شو ها الوسواس الي فيها ...بس توصل انها تشك باخلاقي لا والف لا ...عيل في وحده عاجل تقول لريلها جفت صورتك وانت ميود يد ناديه بميلس بيتهم...شو قالولها عني مضيع المذهب...ادش بيوت ما فيها ريايل...وين العقل اللحينه... ميعاد:يا ناصر...انا ما اقول انها مب غلطانه..بس عذرها انها تحبك ...بس انت بعد يا ناصر الله هداك..ليش وايد تسير صوبهم ناصر: اي واحد لو كان بمكاني راح يتصرف نفس تصرفي...حرمه جبيره بالعمر مستنجده فيني ..اطنشها ..وين الشهامه ..بعدين انا من عند الباب اكلمهم عمريه ما دشيت داخل بيتهم.. ميعاد:قلت بصوت واطى..والله انكم مقصه يا ريايل...بسهوله ينقص عليكم..قلتله بصوت عالي:بسالك شي حرامي يدش بيوت الاوادم من غير ما يكسر الباب ..شي ما يدش العقل ناصر:يا ربيه من ذي السالفه الي مب يايه تنتهي..جم مره تقولكم الحرمه..انهم مب متعودين يقفلوا باب المدخل ميعاد :بالله عليك اللحينه ها كلام منطقي ..جي حنا وين عايشين...زمن العريش والفانوس...وبعدين هي ليش اصرت انك انت الي تعالجها ..لما ارتفع عليها السكر ... سمعنا صوت الباب ..وجفنا جمان يايه..عاد هاي مب بس قصه ..هاي روايه بكبرها... جوري:يله اسوم تاخرنا..شكلها الطايره بتروح علينا...ما ادري هاي البنت متى تترك هاي العاده... جفت حور تحبي ...وتقول ماما للاسوم جوري:شو تبين اكثر عن جي..صرتي ام من غير تعب اسوم:حلفي من غير تعب..ومنو الي كانت تسهر اليالي ..وانتي عندج امتحانات جوري:علني فداج يا اسوم...والله انج اكثر من اختي..اكيد ربي يحبني..لمن عطاني اخت شراج اسوم:احم ..احم..اخجلتم تواظعنا جوري:عن تنتفخين بس... سمعنا حور ..تقول ..حواوا جوري:زين جي مخربه البنيه... اسوم:خليها تعيش حياتها... جوري:المهم خلصي خالي ينتظرنا بالسيارة... نزلنا تحت ..وجفنا خالي وحرمته يالسين ينتظرونا .وطبعا حور اول ما جافت خالي ...يلست تناقز ..تبى خالي يحملها...وخالي فيصل على طول شالها ويلس يبوسها... الخال فيصل:جوري شو رايج تتوكلي..وتخليني حور عندنا جوري:مستحيل اقدر اعيش من غيرها...هي عيوني الي اجوف الدنيا بيها وصلنا المطار ..وطبعا حور ما بقت ريال بالمطار ..الا وناقزت جدامه تباهم يشيلوها..على قولة اسوم ..مفتقده حنان الابو...اول ما خلصنا الاجراءات ..ويت اسلم على خالي فيصل ..جفت زياد وجوان..وحور طبعا اول ما جافت ابوها..يلست تصارخ بصوت عالي ..مب جنها كانت عنده قبل اسبوع....سرت صوبهم... الخال فيصل:ما غيرتي رايج... جوري:فديتك خالي... لا تصعبها اكثر من هي صعبه... زياد:جوري ممكن ...اباج بكلمة راس زياد: هاي اول مره اجوفج من بعد انفصلنا..او حتى قبل ما ننفصل..مب ياي اسالج ليش طلبتي الطلاق مع اني لحد اللحين ابى اعرف السبب .بس النبش بالماضي ..ما راح يعيده...بالعكس بيزيدنا مواجع ... انا اسف على كل الي صار...اسف لاني خليتج كل ها السنين معلقه...وفي النهايه تركتج...صدقيني مب كنت ناوي اتركج..مب كنت ناوي اخليج تواجهين ها الدنيا بروحج...حاولت اني افهمج ..مب لازم نحب بعض ..الاحترام يكفي علشان اي حياة تستمر..بس انتي كنت تتهربين مني...ما رضيتي تسمعين لي..اهم شي اللحين حور ...ما ابى احرمج منها ...بس بنفس الوقت ما اباها تكون بعيده عني...يالس افكر ارد البلاد...تعبت من الهروب ..ابى استقر ...وسكت... ها اخر نداء للطايرتكم...بينا اتصال..ان شاء الله..اول ما انزل البلاد... جوري:زياد عندي امانه لك...كنت ناويه اعطيه لخالي ..يوصلك اياه ...اول ما تفتحه راح تعرف سبب طلبي للانفصال... كنت ناويه اقوله عن اتصال الجوهرة ...لانها اتصلت علي بعد عرسهم باربعة اشهر ..تبشرني بحملها...ويلست تعيد نفس الكلام الي سمعته اول مره...قلتلها انا لما طلبت الانفصال..طلبته وانا مقتنعه فيه...مب يايه ارد لزياد مره ثانيه..والله يهنيكم ببعض...بس غيرت راي ...يعني شو الي راح يتغير لو قلتله..بالعكس بيب مشاكل من بينهم....شو ذنب الطفل الياي ..يعيش بوسط مشاكل.. تعبت من الدراسه ابى اتخرج...ابى اشتغل ..مليت من مجتمع الجامعه ومن نظرة الناس لي...تقولي جنهم جايفين شي نيس....جفت ميعاد وناصر يالسين بالصاله...اشتهيت جاي .يمكن يتيت ذا الراس جمان:ابى جاي ميعاد:شو ها..الاخت شرا اخوها..لا سلام ولا شي..ابى جاي ناصر:يا علني فدا ذا الويه ...صبيلها جاي.حيى الله جمونتي الدلوعه.. جمان:هاك اول جمونتي الدلوعه ناصر:جمان ..ما تجوفين انه الوقت المناسب علشان تقوليلنا شو استوى من بينكم جمان:ارجوك ناصر..وغلاي عندك..ما ابى اتكلم بهاي السالفه...تعبت منها ابى انساها ناصر:الي يريحج..بس اذا بغيتي حد يسمعج فانا حاضر رميت نفسي بحضنه ..ناصر انا تعبانه ..مب قادره استحمل....ضايقه علي الدنيا بما وسعت ..مب قادره امثل زياده...ابى امايه ..ابى حضنها...امايه وينج..تعالي جوفي شو صار ببنيتج...امايه مب راميه استحمل نظره الناس لي ..امايه الدنيا وايد سارت جاسيه من بعدج....الناس سايرين جاسين...كانهم بس يدورون الزله للواحد...صايرين علشان يلهون نفسهم وينسون مشاكلهم يراقبون الناس ويدورولهم الخطيئه..وما هامنهم اذا كان صح ولا غلط ..اهم شي لمن يجتمعوا شي سالفه تشغلهم ويناقشوها..نسوا انه من ستر مسلم ستره الله يوم القيامه..صايره اعراض الناس لعبه بيدهم..نسوا انه كما تدين تدان..وانه العيبه عند الباب...شبابهم صايرين شرا حريمهم...ما عندهم قضيه..كل مشاكل الدنيا حلوها..خلاص فلسطين تحررت...والاسلام انتشر ... ميعاد:فديتج جمان..بس حبيبتي ..ماحد يستاهل دموعج..مسحيهم ناصر:خليها تصيح..خليها تظهر الي بداخلها...كل ها مخبيتنه عن اخوج... جمان:ههه.. ما فيني شي..بس كنت متضايجه شويه...وشكلي تفلسفت عليكم ميعاد:كل ها وما فيج شي...عيل لو فيج شي شو تسوين ناصر:جمان ...ما ابى اجبرج على الكلام..بس حطب ببالج..ما حد يقدر يسكت حلوج الناس...حتى لو الوحده كانت محافظه على نفسها..وسمعتها الطيبه تسبقها..وعايشه معاهم بالسنين...اذا بس سمعوا عنها شي ...ومن غير حتى ما يتاكدوا منه ... يجوفوا عليها بنظره انها وحده نيسه. ..وحده عايشه حياتها من غير حسيب ولا نسيب...فيا حبيبة اخوها ..لا تهتمي لكلام الناس...وامشي وسطهم وانتي واثقه ..ورافعه راسج فوق..انتي مب اي وحده انتي اخت ناصر...احم احم ميعاد:احلف انت بس..احلف..وانا شو بنت البطه السوده..كل ها لجمان...وبعدين شو ذا المنكر..انتي مب اي وحده انتي اخت ناصر...ماخذ على عمرك مقلب جمان:اخويه بيترفع عن الرد عليج..انا الي برد...الي فيه حره ..يطلع بره...وطلعت لساني ميعاد:مسودة الويه ..تطرديني...وبعدين متى تودرين هاي العاده..يا ماما خلاص راحت عليج..كبرتي طلعتلها لساني مره ثانيه..وسرت فوق ..اريح ما بغت خالتيه تودرني...يبالي ادور عريس لميرة..يمكن برتاح ...ما استوت حاله هذه...كل ما سيرت صوبهم ميرة..وكل ما يلست مع عيوزنا ..ماشي سالفه غيرها...وصلت مكتبي ...اكتملت المكتئب هنا.. سالم:يا اخي نفسي مره ادش مكتبك واجوفك مبتسم...يا اخي ابتسم في وجه اخيك صدقه سعيد:ويش عليك مرتاح... سالم:احسدني..لالا..احسدني ..بالمره سعيد: خيبه...مستوى شرا الحريم... سالم:شو اسوي..من كثر حنتهم فوق راسي..ما علينا..شو يديدك سعيد:اسكت يا سالم..عيوزنا محتشره علي...تبى بنت عميه..تقول ابى اجوفها قبل ما اروح عن الدنيا..توني ياي من عندها...تقولي لا تي تزورني من غيرها...اللحينه هاي من وين ايبها..حتى ما اعرف هي باي دولة..اشقايل ايبها سالم:لا حول ولا قوة الا بالله...والله هاي البلشه انا لحد اللحين مستغرب من سعود ..حياته كلها شغل...حياته مبهمه وجامده..احس حياته فيها سر ...ومخبينه علينا...شرا شقته ..جامده...رسميه..ينقصها حس انثى...احس عمري تعبان مب تعب جسدي كثر ما هو تعب نفسي...توني ياي من صوب الجامعه ...واخيرا تعدلت ميزانيتهم ...المفروض انهم يطرشون اكثر الجماعات نشاطا وتميزا ...لكورس بره الدوله ..طبعا حسب تخصص كل جماعه..وها الكلام المفروض قبل سنتين..بس على كلامهم انه شي استوى واثر على ميزانيتهم ..وبما انه جماعتنا هي الي فازت بالمركز الاول ...فهم ناوين يطرشون اعضاء جماعتنا...سمعت صوت الباب ...ودش سعود وعلى طول تسدح على الصوفا..شكله تعبان ... حمد:سعود..شكلك مريض سعود:مب مريض ..بس مب راقد من يومين حمد:وليش جي سعود:هايس بالشغل حمد:جوف اذا انت بايع روحك...فاحنا نباك سعود:لا رد حمد: يا خي نفسي في يوم ن الايام اجوفك تضحك من قلبك... سعود:وانا نفسي اجوفك حمد الاولي..حمد قبل سنتين..حمد الي الضحكه ما تفارق ويه... حمد: اه يا سعود..يبتها على الوتر الحساس...ضربتني بالصميم ...اشقايل اضحك...والي كانت سبب ضحكتي راحت... تصدق ..اسعد لحضه بعمري ..هي اللحضه الي اكتشفت فيه انه جمان تحبني..حسيت حلم حياتي تحقق..حسيت اني اسعد واحد بالدنيا...حسيت اني ملكت الدنيا ... لحد اللحينه اجوف صورتها جدامي وهي معصبه على اميرة...حتى كلهم الي كانوا بالقاعه لفوا صوبها...وهي احترق ويها ..بس تعرفها طول عمرها عندها قدره غريبه على التحكم على الوضع و التحكم على مشاعرها...ولما سالتها شو مستوي ..صرفتني وقالت سوالف بنات ...وسمعتها تقول للاميرة..رحمي عيونج ..من الصبح وانتي تطالعين على حمد... بس يا فرحة ما تمت على قولتهم ... بنفس الاسبوع ضاع كل شي....لحد اللحين مب مصدق الي جفته ...ومستحيل اسمح لحد يتكلم عنها بشي ...بس شو الي ياب جمان لخليفه..تعبت من كثر التفكير..تعبت وانا احاول اربط الموضوع....تصدق لحد اللحين الي هنا واشرت على قلبي..مب راضي يصدق الي جفته...وانا تايه بين الي جفته وبين قلبي...بس يا سعود انا جفت ثلاثه ادله...كان اخر يوم لاسبوع التصوير...كان عندنا امسيه ..والامسيه خلصت ساعه 7 ..كلهم الي بالقاعه ساروا بيوتهم ..وانا كنت اخر واحد طالع ..سرت صوب غرفة الجماعه...حتى ما اتذكر شو الي وداني هناك...وجفتهم ويا ليتني ما جفتهم...كانوا واقفين بالممر ..خليفه كان ميود يدها...كانت لابسه نفس الشيله ما ادري اللحاف ..الي شريته هديه لها على اساس انها هديه من عند ريماني...واتذكر اشقايل ريم احتشرت لمن قلت لريم انا شريته لجمان..لانه الشيله سالفتها سالفه..تعرفها ريم ...ما تحب حد يكون عنده شرا اغراضها..اتذكر راعيه المحل العيوز ..شرهت علينا وبطلوع الروح عطتتها الشيله..لانه على قولتها ها ياي شرا حزام مب لحاف.. بس ريم وراسها الف سيف تاخذ الشيله من غير الفستان..والعيوز تقول ها مب لحاف ها حزام...تصدق اني دفعت دبل السعر...بس لانه ريم قالت ...جمان بتموت على ها الالوان وبذلها...كانت لابسه نفس الشيله وهي واقفه مع خليفه...ولمن رفعت يدها ...مستحيل اتوه عن الساعه الي كانت بيدها شرا ساعه ريم انا كنت معاهم لما شروها... ولما جفت الخاتم ..حسيت الاكسجين خلص...حسيت نفسي كنت بسابع سما ونزلت لسابع ارض ...كنت عايش بدنيا ما فيها غيري وغيرها وفجاه انهار كل شي ...الخاتم انا الي مسوي ديزاينه ...على اساس انه حرفها بس هي ما انتبهت ..كان حرفي انا وسويت لريم حرفها ..بمناسبة تخرجهم من الثانويه ..لانه بين حرفي وحرفها نقطه.. ولما زقرتها باسمها..ركضت وكنت ناوي الحقها ..بس خليفه زخ يدي..عطيته بكس ..وقلتله ..انت شو يالس تسوي معاها ..وشو الي موقفكم هني وحدكم..وليش كنت زاخ يدها..كنت اصرخ عليه..وكورت يدي مره ثانيه علشان عطيه بكس..بس هو قال ..احنا نحب بعض ومن زمان...مستحيل ..اصلا جمان ما تعرفه ..فاشقايل تحبه..مسكته من كندورته ورصيته على اليدار..وقلته انت جذاب ..انا شو سويتلك علشان تسوي كل ها ...كنت ناوي اذبحه ..اصلا ما كنت اجوف ويه كل الي كنت اجوف صورتهم وهم واقفين حذا بعض ...تصدق كان بيموت بين ايديني لولا صوت الحارس الي قال هده ...وطبعا بالاداره انا وهو تكتمنا على الموضوع ...وعطونا تعهد اذا ها الشي صار بيصير طرد وما ادري شو...مب رايم اصدق يا سعود الي جفته..جم مره سالتها ..بس هي انكرت ويلست تحلف انه مستحيل تكون هي ...وفي اليوم الثاني ما بقى حد ما عرف بالسالفه...ولحد اللحينه مستغرب ..اشقايل انتشرت السالفه جي ...في البدايه كنت كل ما اسمع حد يطري سالفتهم ايلس اصرخ عليهم ..بس بعدين تعبت... جم مره رسلت ريم تسالها ..لانها اجلت السمستر بكبره ...وما كانت تظهر من البيت..بس ما كانت تقول شي لريم..شو اسوي يا سعود..تعبان يا اخوي ...تعبان...قلبي مب راضي يصدق... سعود: تبى شوري...اطلب من ريم تكلمها ..وتحط التلفون على الاسبيكر...وواجها...وراح يتوضح كل شي..واتبع قلبك..لانه قلب المحب دليله حمد:شكلي بسوي جي...بس تعال من متى وانت تقول شعر...افا مخبي علي مواهبك..يا ريال ما راح نحسدك سعود:اقول حمد..اقلب ويهك واخيرا نامت حور..فضحتنا بالطايرة..اشحلاهم عيال الانجليز مالهم حس ...صراحه المفروض يسون غرفة العاب لليهالوا بالطايرة...جفت اسوم حاطه يدها على خدها وتفكر ... جوري:في شو تفكرين اسوم:افكر بوضعنا..وين بنسكن..انتي حتى هلج ما قلتيلهم جوري:بنسكن ببيت امايه...ابويه محمد كان ماجرينه ..وقبل ما اسافر المستاجرين ظهروا من البيت..بس بنسكن فيه لحد ما نحصل شقه...واذا عن اهلي فهم اصلا ما يعرفوا بسالفة انفصالنا انا وزياد...الشي الوحيد الي يعرفوه انه عندنا بنت اسمها حور..طلبت منه ما يقولهم لحد ما اخلص الماستر...ما بغيت اشغلهم بمشاكلي يكفي اني كنت مثجله عليهم من وانا صغيره...وبعدين اصلا باي حق اروح اسكن عندهم..قبل كنت حرمه اخوهم..بس اللحينه هم غرب بالنسبه لي ..تخيلي الي كانوا في يوم من الايام هلي صاروا غرب ...جفتي الدنيا اشلون مستويه غريبه..مالها امان اول ما وصلنا ..اجرنا سيارة...ولما وصلنا بيت امايه..تيمعوا الدموع بعيوني....حسيت شريط حياتي يالس يمر جدامي...حسيت بيد اسوم يالسه تضغط على يدي...الحمد لله انها ويايه...مب بروحي بها الدنيا ..والله كريم..طبعا البيت غبار ...يلسنا ننظف وحور تلعب بالحوي...يا حبها للتراب ... اسوم:اول مرة بحياتيه اشتغل جي..من باجر نيب بشكاره جوري:يبالنا صراحة...ان شاء الله باجر بنسري صوب المكاتب وبنختار بشكاره ...وبنطلع سيارة..وايد شغل ورانا...لازم نخلصهم قبل ما نبدا الدوام... اسوم:جوري ..قومي بدلي بنسري صوب السوبر ماركت...نتشرى راشن ..البيت فاضي جوري:غايته عيل خيبه ...فضحتنا حور ..من ساعه وهي تناقز وتصارخ ..تبى الريال الي يمشي جدامنا يشلها...لا وتزقره بابا وافضيحتاه...واسوم السخيفه ..سارت بعيد عنا تقول انا ما اعرفكم...اول ما جفت ويه الريال..يا ربيه شكله مب غريب علي...يالي جايفتنه بمكان...مد يده وقال ممكن..وشل حور...وحور تضحك ..وتصارخ بابا ...اول ما قال لحور اسمه....تبلمت بمكاني..بعدني مب مستعده للمواجهه... موعدنا يوم السبت ..باذن الواحد الاحد |
السلام عليكم ورحمة الله وبركاته
ابدعتي وتطورتي بشكل كبير جدا جدا لم تخيبي ظن متابعيك مطلقا بداية القصة بسيطة فمتوسطة الى ان ارتفع مستواها كثيرا الآن وفقتي غاليتي لندخل مجريات الجزء الاكثر من رائع جوري بصراحة انا معها عندما قررت الانفصال انا مع ان تحارب المرأة من اجل حياتها مع زوجها ان كان الزوج محب اما ان يكون الزوج عاشق لامرأة اخرى بصراحة انصحها ان تعيش حياتها بعيدا عنه خاصة اذا كانت تملك قدرة على ان تبني نفسها بنفسها ولديها شخصية قوية مثل جوري >>وجهة نظر حور تدرين ذكرتني بأبن اختي النسوان ابدا ميعبرهن بس من يشوف رجال علق برجله يريد يشيلة الظاهر هذه ضاهرة بدأت تنتشر يلة احسن على الاقل يحسون بمعاناتنة اسوم اقتربت من بيت عمها كثيرا وننتظر المواجهة وانشوف منو ياخذها سالم لو سعيد ؟؟؟؟؟؟؟؟ جمان والمؤامرة من االبداية احس الموضوع بيه تأمر على جمان بس تدرين فديت ضحكتي اني من جمان ما اقبل ارجع لحمد وابدي حياتي من جديد لان حمدالمفروض يكون اخر واحد يصدق كلمة على جمان لانه ليس بعاشق فقط بل جمان ربيبة عائلته ولو شك بها فمعناها انه يشك في اخته وانا مع التزام جمان بالصمت لانها ان بررت الموقف سوف تشعر بأهانة كبيرة لها تبرر لاهلها انها فتاة لم تفعل مايسئ لهم بصراحة موقف مهين جدا خاصة اذا كان الشخص بريء >>وجهة نظر سيف وميعاد زواج لن يكتمل لان سيف خلفه حكاية والحكاية بدايتها يوسف لا ادري لما اشعر ان هناك علاقة ليوسف بسفر سيف ومدة غيابه ننتظر لنعرف ناصر وسارة مجنونة هذه السارة وغيرتها سوف تدفع زوجها للبحث عن اخرى واكيد نادية تسعى لهذا الشيء سارة عليها التعقل ناصر عليه ضغط كبير من ام نادية فعلى سارة ان تكون مرفئ راحة وليس ميناء عواصف لانها سوف تدفعه خارج حياتها بما تفعل حتى وان كان لا يرغب بالنهاية سوف يبحث عن حياة هادئة >>وجهة نظر ننتظر لتعرف جوري واللقاء الغير متوقع تدرين فديت ضحكتي دائما ارى جوري مع سعود واعتقد من رأته هو سعود تدرين ليش لان سعود اكثر واحد راح يحتوي غربة جوري لانه عاش غربة مشابه لها وجوري اكثر وحدة تعرف تحتوي حزن سعود لانها عاشت حزن مشابه بنسبة اقل >>وجهة نظر ننتظر لنعرف وجهة نظرك انتي وفقك الله غاليتي |
تسلمين يالغلا
اتوقع الللي شال حوور سعووود وش بيكون موقف جووري اذا درووو ميعاد وناصر وجمان برجوعها وطلااقها من زياد الله يعينها احس بتتعقد الامووور ميعاد اتوقع زواجها مايكمل لان شكل سيف يتهررب جمان اكيد بتنحل مشكلتها مع حمد واتوقع اميره ورى هالشئ بانتظاااارك يالغلا |
[QUOTE=ارادة الحياة;2320867]السلام عليكم ورحمة الله وبركاته
ابدعتي وتطورتي بشكل كبير جدا جدا لم تخيبي ظن متابعيك مطلقا بداية القصة بسيطة فمتوسطة الى ان ارتفع مستواها كثيرا الآن وفقتي غاليتي صراحة ..رفعتي من معنوياتي... لندخل مجريات الجزء الاكثر من رائع جوري بصراحة انا معها عندما قررت الانفصال انا مع ان تحارب المرأة من اجل حياتها مع زوجها ان كان الزوج محب اما ان يكون الزوج عاشق لامرأة اخرى بصراحة انصحها ان تعيش حياتها بعيدا عنه خاصة اذا كانت تملك قدرة على ان تبني نفسها بنفسها ولديها شخصية قوية مثل جوري >>وجهة نظر حور تدرين ذكرتني بأبن اختي النسوان ابدا ميعبرهن بس من يشوف رجال علق برجله يريد يشيلة الظاهر هذه ضاهرة بدأت تنتشر يلة احسن على الاقل يحسون بمعاناتنة خليهم..يريحون الامهات شويه اسوم اقتربت من بيت عمها كثيرا وننتظر المواجهة وانشوف منو ياخذها سالم لو سعيد ؟؟؟؟؟؟؟؟ لنرى كيف يكون لقائها بعائله عمها جمان والمؤامرة من االبداية احس الموضوع بيه تأمر على جمان بس تدرين فديت ضحكتي اني من جمان ما اقبل ارجع لحمد وابدي حياتي من جديد لان حمدالمفروض يكون اخر واحد يصدق كلمة على جمان لانه ليس بعاشق فقط بل جمان ربيبة عائلته ولو شك بها فمعناها انه يشك في اخته وانا مع التزام جمان بالصمت لانها ان بررت الموقف سوف تشعر بأهانة كبيرة لها تبرر لاهلها انها فتاة لم تفعل مايسئ لهم بصراحة موقف مهين جدا خاصة اذا كان الشخص بريء >>وجهة نظر وانا ايدك ..انا ارى ان الصمت ..يعتبر نوع من انواع العقاب سيف وميعاد زواج لن يكتمل لان سيف خلفه حكاية والحكاية بدايتها يوسف لا ادري لما اشعر ان هناك علاقة ليوسف بسفر سيف ومدة غيابه ننتظر لنعرف كوني بالقرب..وبنجوف شو الي ورى سيف ناصر وسارة مجنونة هذه السارة وغيرتها سوف تدفع زوجها للبحث عن اخرى واكيد نادية تسعى لهذا الشيء سارة عليها التعقل ناصر عليه ضغط كبير من ام نادية فعلى سارة ان تكون مرفئ راحة وليس ميناء عواصف لانها سوف تدفعه خارج حياتها بما تفعل حتى وان كان لا يرغب بالنهاية سوف يبحث عن حياة هادئة >>وجهة نظر ننتظر لتعرف جوري واللقاء الغير متوقع تدرين فديت ضحكتي دائما ارى جوري مع سعود واعتقد من رأته هو سعود تدرين ليش لان سعود اكثر واحد راح يحتوي غربة جوري لانه عاش غربة مشابه لها وجوري اكثر وحدة تعرف تحتوي حزن سعود لانها عاشت حزن مشابه بنسبة اقل >>وجهة نظر وجهة نظر ..قد تصيب ..وقد لا ننتظر لنعرف وجهة نظرك انتي وفقك الله غاليتي[/ كوني بالقرب...ومشكورة على الاطراء..شجعتيني.. وحياجQUOTE] |
اقتباس:
خلج بالقرب ..وبنجوف شو بيستوي .. حياج |
مرحبا ضحكه بارت اكثر من رائع كل يوم يحلى ويحلى وتطور الاحداث رهيب
من جد الله يعطيك الف الف عافيه والله لايحرمنا روعة ماتخطه يداك جوري واسوم وعوده الى البلاد صراحه خطوه جريئه واحسها عين الصواب زياد وجوان وحياه مستقله بصراحه على قد ماكرهه هالزياد على قد ما كبر في عيني ان طفله من جوان مانساه حور بنت جوري منهو الشخص اللي تعلقت فيه جوري اتوقع سالم شوفي ضحكه مع اني احس سعود تحسن واحد يناسب جوري الا اني اتوقع انها من نصيب سالم وسعود احس الريم بتترك زوجها بعد مرضها واضح انه ماله اهتمام فيها وسعود بيكون طبيب قلبها المجروح اتوقع يتزوجها بعد طلاقهم (ياخوفي تكون قصه جديده مخترعها في قصتك ******** ميعاد ويوسف وتاجيل الزواج اتوقع مدري شسمه اللي يهددها هو بعد ما سافر وياه جره لرفقاء السوء والشرب ويمكن مخدرات موقلت شكلي بالف قصه جديده ********** حمد وجمان بصراحه واضح ن اميره هي اللي حبكت القصه ورتبتها بس خليفه مو ربيع حمد اجل كيف خانه وهل صداقتهم كانت سطحيه وومكن يبيعه عشان اي شئ **********د ضحكه انتظر جديدك بشوق |
اقتباس:
حياج..يا غناتي |
,السلام والرحمة
الله حيوو...ضحووووكه اخبارتس عساتس بخيييييييييييييير ... اسستمتعت بقراءة البارت اوي اوي ..... الان زياد طلق جوري حتى من دون مايعرف السبب لو صدق مايبغى يطلق ليه ماتمسك فيها ورفض طلبها كاهي كانت معلقه كم سنه....؟؟؟ طيب الان هي ماحبت تخبره انو جوهرة خبرتها انها حامل...طيب حتى جوري كانت ذاك الوقت اكيد حامل<<يعني خربت على جوري ايضا" جوان ...خاطري اعرف شو كتبت اتوقع كتبت المكالمة اللي سمعتها...اللي كانت بينه وبين خاله فيصل... الان ماسمعنا عن طفل زياد الثاني...يعني ولدة جوهرة ولا لسى؟؟؟ ............... حمد..جمان اتوقع مهوب جمان اللي شافها..ممكن وحده نفس الهيئة... واكيد انو جمان مظلوومه ........... وسعيد..اسوم اكيييد بنت العم المقصودة اسووم<<والان هي قريــبه من صوبه وقريبا" ساعة اللقاء ..........ز اتوقع اللي حور تنادية بابا عمها ناصر...!! عوافي |
تسلمين على البارت الرائع
ساره وناصر ما عجبني اسلوب ساره بسهوله تتخلى عن زوجه وبيتها هي عارفه ان ناديه واهلها يخططون على زوجها ليش تتركه لهم على لبارد المستريح اذا انهدم بيتها لاتلوم الا نفسها جوري وزيادالمفروض من جوري من البدايه تعرف ان وضعها مع زياد غلط ومع ان وضعهم من البدايه غلط الا انه كان في مصلحة جوري لقت لها اهل تجلس عندهم بصوره شرعية وقدرت تكمل تعليمها انا اعتبر حور من مساوئ ها الزواج اكيد جوري بتوقف حياتها على بنتها وتخاف تبدى حياه زوجيه جديده من خوفها عليها لكن صار الي صار وجات البنت انا يوم قريت البارت توقعت الي شال حور سعود لكن البنات قبلي توقعوه سعود انا بقول سعيد ولد عم اسوم ومن هنا بتكون جوري وحور حلقة وصل بين اسوم وولد عمها انا اشوف ان انسب واحد لحور سعود لأنهم كلهم عاشو ايتام بختلاف الظروف جمان وحمد والي صار لجمان اللعبة معروفة اميره تبي تورط جمان والا الخبر ما انتشر بسرعه يعني لو كانت جمان وخليفة وخليفة صدق يحبها ما فضحها لكن الحركه المقصود منها فضيحة جمان ميعاد وسيف ميعاد مخدوعه فيه واكيد وراه مصيبه اتوقع انسب واحد لميعاد سالم مشكوره البارت الرائع والاحداث المشوقة |
ضحوكة تسلمين عالبارت فديتج<< الفيس راعي الورود
طمنتينا الله يطمنج.. زين بنعرف كل شي<< فيس ما يبي شي يطوفه زياد وجوري تمسك زياد بجوري كان تأدية واجب بس.. عسب جي طلقها..تعال اهني.. حاس بالذنب.. توك الا تحس.. ولا لانها بترد البلاد وبنتك وياها<< فيس يبيه يحس بالذنب اكثر.. الحمد لله عالسلامة.. ان شاء اله ما تعبتي<< فيس يستقبلها في المطار.. الا تعهالي بتخبرج.. اشحقه عطيتيه الامانه هالوقت بالذات .. كنتي متروعه يردج.. ولا ما تبينه يطلق جوهرة<< فيس يحلل الاحداث ناصر وساره مخطط نادية امها ماشي على اكمل وجه.. الابتعاد ما راح يحل المشكله.. بالعكس يمكن يسبب نوع من الفتور.. وتزيد الفجوة بينكم<< فيس يحرك راسه ميعادويوسف وسيف الدلائل كلها تشير لان اختفاء وابتعاد سيف سببه يوسف<< فيس كونان.. وهالشي هو اللي مخلي يوسف يرمس بكل ثقه.. كزملاء عمل.. يعرفون الثغرات القانونيه وطريقة استغلالها.. ويوسف عرف من اين تؤكل الكتف<< فيس متاكد انه هو ورا السالفه جمان وحمد اللي استوى مكيده مدبرة.. البنت اللي كانت ويا خليفة.. احتمال تكون اميرة ولا وحده من ربيعاتها.. بحكم كونكم في جروب واحد.. فاكيد بتعرف شو اللبس اللي تحبه ودوم تلبسه.. حمد في هلانقطة ساذج.. المفروض يتاكد وما يسمح لطيف جافه يكون سبب في تدمير علاقتهم قبل وصلها للمهد<< فيس يحرك راسه بنات عنديه سؤال وجيه..اشحقه كلكم تبون جوري تاخذ سالم.. انا اقول نخلي اسوم تاخذه ويستوون.. اسوم وسلوم<< الفيس السطحي نترياج فديتج<< الفيس راعي الورود http://www.liillas.com/up3//uploads/...29afe633ce.gif |
اقتباس:
|
اقتباس:
عيبني التفاتج لسالفه..سرعة انتشار سالفة جمان..وخلج بالقرب وبنجوف شو سالفة خليفه حيا..ومنورتنا |
اقتباس:
خلج بالقرب وبنعرف...ليش جوري اختارت ها الوقت لتسليم الامانه...وشو بيستوي بسالفة ميعاد...وشو بيستوي بباقي الابطال هههه..شورج اسوم وسلوم...الف والف يعني...شو دراج يمكن تصيبي.. حياج |
جزء رائع فديت
اتوقع اللي شال حور انه ناصر لكن شكله متغير بسبب الحادث كذا جاء في بال اول ماقريت البارت اما انه يكون سعيد او سعود مااعتقد تصرف سارة خطا المفروض تحارب علشان بيتها هم ارسلوا لها الصور وهم اخذوها بسريه تامه ميعاد وسيف بعد سيف زي ماقالت بوح انه بسبب يوسف الفضيحه اللي صارت لجمان كانت من تخطيط اميرة لانها حست بحب حمد لجمان والعكس وكانت حجر عثرة في طريقها وشالتها وماكانت جمان مع خليفه حتى لو كانت جمان اوغيرها ماتطلع الفضيحه بها الشكل لانه صارت في الجامعه وهي مخطط لها احس ناصر بدا يميل لناديه بسبب غيرة سارة جوري زي ماقالت طيف انه غلطه صارت بينها وبين زياد وكانت حور ولكن المفروض ماتتركه لجوهرة لانها احق فيه منها وان كان يكرها وكانت جوهرة عارفه انه متزوج المفروض تبعد عنه وكذلك زياد لكن صار اللي صار متابعه معك الى النهايه |
اقتباس:
خلج بالقرب.. وكل شي بيتوضح مع الاجزاء اليايه ...وبنجوف اذا توقعاتج تصيب..ولا لا حياج .. |
هلا..ادري اني المفروض انزل الجزء باجر..بس صراحة الظروف حدتني اني انزله اليوم...ونفس الظروف ال حدتني ما احدد يوم معين انزل فيه البارت الاسبوع الياي..ما ابى اوعدكم وما اوفي بوعدي...وان شاء الله اول ما يجهز البارت بنزله بس ما اعتقد قبل يوم الخميس...
الجزء (22): اول ما سمعته ..يقول لحور...قولي عمي سعود...تبلمت بمكاني...منو الي قالي اي السوبر ماركت...وطبعا حور ...ما عطته ويه يلست تزقره باب..شو ها الفضايح..ما جذبت اسوم يوم قالت ..هاي البنيه محرومه حنان الابو... جوري:حور عيب حبيبتي ...تعالي عند ماما سعود:ما شاء الله عليها..ربي يحميها. جوري:امين... سعود:ويهج مب غريب علي..مب انتي جوري جوري:يا ويل حالي ..ياك الموت يا تارك الصلاة...احم...اي انا جوري.. سعود:وهاي بنتج... جوري:اي بنتيه... سعود:يعني هي بنت زياد..وانا اقول ملامحها مب غريبه علي...عيل زياد رد البلاد..محد قالي..ولا يالي جفته شو هاي النظره الغريبه وشو ذي النبرة الغريبه ..لما نطق اسم زياد...و لما عرف انها بنت زياد..شو السالفه... جوري:اي هي بنت زياد...وزياد بالندن..ودرته وسرت صوب اسوم استغفر الله ..شكله والله اعلم موت شيخه بيكون على يدي...اليوم اول يوم اداوم من بعد اسبوعين اجازه ...طبعا اول ما وصلت مكتبي ..شيخه انصدمت...شكلها ما توقعت اني بقدم استقالتي...يلست تسولف عن اختها ..وشو سوت ..وناصر شو سوى..كنت ناويه اصرخ عليها ..واقولها بسج..بس تذكرت خطة ميعاد..نزلت نفسي لمستواها الفكري..واضطريت اجذب عليها..وقلتلها اني بعدني ببيت اهلي...والمشاكل الي بيني وبين ناصر يالسه تزيد...وعاد يبت سوالف ..تشيب الراس ...شو اسوي ..لزوم تنفيذ الخطه...تصدقون وانا اقولها السالفه...كانت تبتسم ..وفرحانه..ما عليه انا الي بادبكم...بطلت الباب ..وجفت البيت هادي ..جي وينهم الشعب...ليكونوا راقدين...يالله يا يمان.....انكسر ظهري وانا احملك...وصلت جناحنا...جفته هادي ..رقدت يمان بغرفته..وسرت صوب غرفتنا...يتني الصيحه..ما ادري ..كيف تجرات وتركت بيتي ...كنت ناويه ادمره بايدي...كنت ناويه اضيع ناصر مني...كنت غبيه...وصدقت كلام شيخه..ابتسامتها وضحكتها ...دليل انها تبى تدمر حياتي..مع اني ما سويتلهم شي...بالعكس وايد كنت اساعدها اول ما بدت تداوم...ما عليه يا شيخه ييج يوم وتندمي انتي واختج ...زقرت البشكارة تي تساعدني..بغير ترتيب الغرفه...قبل ما يي ناصر..بسويله مفاجاه.. شو ها الحر...الواحد مب رايم ينزل من السيارة...شكلي بسوي بيات شتوي ..ما ابى اداوم...نزلت من سيارتي ..وقبل ما اوصل لمكتبي...جفت يوسف..استغفر الله يا ربي..ها شو صاير شرا البودي جارد ...خلاص وصلت حدي منه...صدق لمن قالوا ...ان لم تستحي فافعل ما شئت... ميعاد:انت شو ما تستحي...جم مرة اقولك ما ابى اجوفك...باي لغه تباني افهمك..انا وحده معرسه...شو تبى الناس يتكلموا علي يوسف:لا تاحتين باقي جمن يوم ..وتكونين لي ميعاد:شو..انت شو يالس تخرف..احترم نفسك..لاناديلك السكيورتي... يوسف:خفت صراحة..ما عليه يا ميعاد...كله بحسابه..مردج بتندمي ميعاد:سير ولاي لاه... ودرته وسرت صوب مكتبي..يا ربي ذا الريال مهلكني بدنياي...وبعدين شو قصده بكون له...لا ويتكلم بثقه...الله يستر اليوم اول يوم لنا دوام...وانا بالي كله عند حور..وايد صاحت لما تركتها بالحضانه..قلبي يعورني عليها...بس ما باليد حيله...عند منو اخليها....مالي اهل...بس ان شاء الله بتتعود..انا بربي مسكت الصيحه..بس اسوم سوتها مناحه..ردتنا جم مره عند الحضانه تبى تتاكد انه حور ما تصيح...ان شاء الله ..الله يرزقها بولد الحلال الي يصونها ويعرف قيمتها...لفيت راسي اطالع عليها..انا وهي بنفس المكتب ...ها احلى شي صراحة...الي ويانا بنفس المكتب..كله تتحلطم عن مدير الشركه..تقول واحد جامد..ما عنده مشاعر..وايد استريك..ما عنده يمين ويسار...خخخ شكله مسنعنهم...وتقول اذا عندك برسنتيشن جدامه ..يشرشحك لحد ما يقول بس...وتقول انه ما يحب الحريم..وما يعطيهن ويه...وانه ربي راحمنا لانه بطابق غير عن طابقنا ...حشى ها مب مدير..مسببلهم جي رعب...يبالنا نجوفه...بعد الظهر بنسري صوب قسم الماليه انا واسوم..علشان نخلص باجي الاجراءات يا ربي شو ها المحاضرة الممله...متى اتخرج بس..حتى ما عندي ربيعه تونسني...الوحيده ريم ..بس هي ماجله السمستر ..بسبب مرضها...من زمان ما سرت صوبها يعني من يومين..بس احسهم دهر..صح انها ما تسولف وايد...بس على الاقل في حد يسمعني...جيكت على ايميلي...وجفت ايميل من الاداره..يبلغونا عن رحلتنا الي تاجلت بسبة الظروف الماليه على قولتهم...ما اعتقد ناصر بيسمحلي اسافر بروحي...بساله اليوم..وبجوف شو رايه..مع انه نفسي اروح لانه الدفعه الماضيه وايد شجعونا ..ويقولوا وايد بتستفيدوا...سكرت لاب توبي ...وركبت سيارتي..بمر صوب ريم ...متولها عليها... شو ها الريال الي ما يستحي ..من ساعه وهو يالس يطالع على اسوم...وهي شويه وتقوم وتصفعه...وشكله طفح عندها الكيل ..لانها قالت للريال.. اسوم:خير يا اخوي..مضيع شي بويهي والله انج قويه يا اسوم..سفهي ويش لج فيه... الريال:اسف ..بس مشبه عليج..ولما قريت اسمج..تاكدت اسوم:وشو اكتشفت...ترى الذرة مكتشفينها من زمان..ما يحتاي تتعب نفسك.. والعثره..اسوم شكلها باديه تخرف.. الريال:انتي تكونين بنت عم مدير الماليه هو قال جملته من هنا ..واسوم انقلب ويها من الصوب الثاني..وتبلمت بمكانها ... جوري:وشو اسمه مديرك الريال:سعيد ال.. جوري:اها..اخوي ممكن تخلص اجراءاتنا...مستعيلين الريال:ان شاء الله بعد ما ظهرنا من عند الريال ..واسوم ساكته ...لحد ما وصلنا مكتبنا ... اسوم: شو ها من بد كل الشركات..اشتغلنا بنفس الشركه الي يشتغل فيها ولد عمي جوري:جفتي الدنيا اشقايل صغيره... ...وبعدين مصيرهم يدرون انج رديتي البلاد... اسوم:بعدني مب مستعده اجوفهم...يبالي وقت اتاقلم على وضعي هنا جوري:ما تدرين الخيره وين..يمكن ربج يريدلج انج تعيشين معاهم..خليها للايام ..ولا تستعيلي الاحداث.. اسوم:الله يستر من امس وانا يالس افكر بسلطان...طاري على راسه سالفه يديه..يقول ابى يكون عندي ام شرا يمان..وربايعي الي بالروضه... كان عندهم حفله بالروضه بمناسبة عيد الام...وكان من ضمن الفقرات .. فقره انه كل طفل يقول كلمه لامه ويعطيها هديه هو بروحه مسوينها ..ولما ركب السيارة ...يلس يصيح... ويقول انا ما عندي ام...كلهم عندهم...حتى امايه ميعاد ...ما تي تنام بيتنا...تقول ما يصير تنام عندنا...وتباني انا انام عندها...ليش ما تيبها تسكن عندنا..بيتنا احلى من بيتهم ...انا وايد احبها...اكثر من يمان....وقفت السيارة ..وسرت احضه ..واهديه..وانا اقول بخاطري..ما توقعت انه محتاي لهاي الدرجه لام..اللحينه كيف بفهمه انه ميعاد معرسه ما يصير تسكن عندنا...قطع علي تفكيري..صوت الباب الي تبطل بقوة...وجفت سعيد يصارخ ويقول... سعيد:لقيتها..لقيتها...جفت الدنيا اشقايل صغيره... سالم:بسم الله الرحمن الرحيم..واسكنهم بمساكنهم...شو مستوي ..ومنو الي لقيتها سعيد:بنت العم المصون ..عيوزنا اليوم بتفرح ..بضمير حي بعد سالم:ومن وين لقيتها سعيد:طلعت تشتغل عندنا بالشركه ..وحنا بخبر كان سالم:شو الي يابها البلاد... سعيد:تقول انها حصلت شغل ...وتبى تستقر سالم:عيل سير بشر يدتك...فرح قلبها من متى وهي تحن على راسك اسوم مب طبيعيه ..ما ادري شو فيها..من يين من الدوام وهي مقفله على روحها الباب ...والدموع متيمعه بعيونها..وحتى العشا ما رضت تتعشى...ما ابى اضايقها ..بس بنفس الوقت احاتيها...احسن شي اسير عندها واطمن عليها...اول ما بطلتلي الباب وجفت ويها..خفت عليها..جنه ميت عليها حد جوري:بسم الله....اسوم شو فيج...ليش ويهج جي اسوم:جفته اليوم... جوري:منو الي جفتيه اليوم اسوم:سعيد..ولد عمي جوري:سعيد...ومتى جفتيه اسوم:تذكرين الاتصال من قسم الماليه...كان هو الي يبى يقابلني جوري:وشو كان يبى اسوم:اول ما جافني ...قال وايد تشبهين يدوه...ويلس يسالني..من متى وانا هني..وسالني عن سامي..ووين ساكنين ...واول ما قلته انه سامي بامريكا...وانا بروحي هنا...جنه ركبه يني..يلس يصارخ ..ويقول يعني انتي وين ساكنه ..واشقال مخلينج بروحج هنا..وليش ما يتي عندنا...ويلس يقول شو هي سايبه ..ولا سايبه..كنت يايه اقوله الثانيه صراحة..بس احترمت نفسي..لانه كان معصب بضمير ...ولما طلب مني عنوان سكني...استغربت ..فقلته لتكون ناوي تزورني...تعرفي شو رد علي..قالي وحد قالج اني معجب فيج...عاد حد ويغلط علي..تعرفي ربيعتج ما حد يروم ييود لسانها...قلتله وحد قالك اني منتظرتنك تنعجب فيني...طبعا سفهني ..وقال اليوم تلمي قشارج وبوصلج بيت عمتيه...طبعا عصبت عليه ..قصوره يتحكم بحياتيه..بس هو قالي..ترى اذا ما يتي برضاج..بطرشلج عمج...وعاد تعالي وتفاهمي معاه..صراحة لما قال جي بلعت ريجي..لانه يى على بالي صورة عمي..لما درى بسالفة شردت اختيه...كانوا عيونه حمر..وكان يسب ويصارخ بصوت عالي...اول مره اجوف شخص عصبي ومرعب شراه...جوري..ما ادري شو اسوي..انا ما اتذكرها عمتيه..وبعد ما اقدر اتركج بروحج.. جوري:اسوم لا تفكرين فيني ..اقدر ادبر روحي..ولا تيبي مشاكل لروحج..عمج من لا شي كارهنكم..فلا تعطيه فرصه انه يطلع حرة اختج عليج..احسن لج تسكنين بيت عمتج..ولا انج تروحين بيت عمج..بعدين يدتج اهناك..يعني لا تحاتين اسوم:وانتي يا جوري...اشقايل اتركج بروحج... جوري:خلينا نكون منطقيين..انا صج اباج تكونين ويايه...ثنتين ولا وحده بالبيت..بس لا عمج ولا ولد عمج يايين يخلوج تسكنين عندي..خاصة بعد سالفة اختج...وانا الله معاي...ربج ما ينسى حد...وبتمضي الايام..وبعدين لا تكوني ناويه تنسيني ..وما تيين تزوريني ..انا بسير ارقد حور ..وابى اساعدج تلمي اغراضج... يلست ارقد حور..وانا الدمعه بعيني...ما كنت ابى اكون ضعيفه جدام اسوم...كفايه الي سوته لي كل الفتره الماضيه..ما ابى ايبلها مشاكل...بس اشقايل اعيش بروحيه...اذا صابني شي..اذا طحت..اذا اغمى علي ..واذا مت..منو بيدري..وحور بتيلس تصيح ولا حد داري عنها...سمعت صوت الجرس ..استغربت..حنا ما نعرف حد هني..لا يكون سعيد ياي ..حشى مداه ..انتظر لحد باجر..طنشت الوضع..او يمكن حاولت اهرب من الوضع..ما ابى اعيش هاي اللحضه...سمعت صوت اسوم وهي تزقرني...طلعت..وجفتها تفرك ايدينها..يعني في مصيبه تنتظرني..اعرف عادتها .. جوري:بسج تحكين يدج...ادري سعيد عند الباب ..ويباج تسيرين معاه...والله عادي اسوم ..لا تحاتيني..فكري بروحج ..رايتج بيضه ...وبعدين انا وانتي بنفس المكتب ..يعني كل يوم بشوفج ...شو تبين اكثر عن جي.. اسوم:خلصتي ...ما احيدج تحبين الكلام..حتى ما عطيتيني مجال اقولج منو عند الباب... جوري:ليش مب سعيد الي عند الباب اسوم:لا يا حلوه..ها واحد يقول انه يباج.. جوري:يباني انا..ما عرفتيه اسوم:اول مره اجوفه..وبعدين خلصي ...الريال ناقع بره جوري:تعالي ويايه... طلعنا انا واسوم بالحوي ..نجوف منو الي عند الباب..ما احيدني حد يعرف اني بالبلاد...اول ما فتحت الباب..جفت ريال ساند ظهره على اليدار ومرفع ريل وحده ..ومنزل راسه الارض.. جوري:نعم اخوي ..بغيت شي اول ما جاف علي..شهقت جوري:ناصر ناصر:اي ناصر يا جوري... اخوج ناصر..الي تربيتي معاه من وانتي صغيرة...اخوج الي كان كل هدفه بالدنيا انه يشوفوكم فرحانين ..ومب محتايين لحد...اخوج الي ياما ضحك معاج..الي ياما نصحج..الي ياما وصلج للجامعه...الي ياما ساعدج بالدراسه...اخوج الي تحمل مسؤليتكم ومن غير ما يشتكي ..اخوج الي الغريب ياي يقوله انه اختك بالبلاد واحنا اخر من نعرف..هاي نهاية العشره يا جوري..هاي نهاية تربية امايه لج..ها الي تعلمتيه من الغربه..انج تنكرين اهلج..انج اول ما اعتمدتي على نفسج..نسيتيهم ...وتكبرتي عليهم...ها يزاء الاحسان...هانت عليج جمان..الي من سافرتي وهي لحد اللحينه تيود صورتج وتقولها كل شي يستويبها ...الي بكل صفحة بكتابها كاتبه عليه اسمج...الي بكل صلاة تدعي ربها انه يحميج..ويردج بالسلامة...ولا هانت عليج ميعاد...ولا هانت عليج سارة...افا يا جوري ...هذا وانت دايما تقولين ..كله ولا جرح الجريب..لانه صعب ينسى..ولا جرح الغريب طز فيه...وبعدين وينه زياد..ومنو هاي الي بطلت الباب..شو يالس يستوي..شو ها اللخبطه بحياتج.. جوري:بس..حرام عليك...ليش تقول عني جي...انا عمري مب كنت ناكره الجميل ..ولا هاي كانت من اخلاقي...انت ما تعرف شو الي صار..وما تعرف شو الي حدني اني اسكن بروحي..ولا ايي عندكم..ما تتصور اشقايل مشتاقتلكم...تراوالك سهل علي انكم قراب مني ومب رايمه اوصلكم ...انتوا مب معرفة يوم او يومين..انتوا اهلي ..اقرب الناس لي...اقرب من روحي...عمريه ما عرفت اهل غيركم..عمري ما حسيت بالامان والحنان الا معاكم... ما حسيت بالغربه الا وانا بعيده عنكم....عمري ما حسيت بالضيم وانا بينكم ..عمري ما حسيت بان الدنيا ضايقه علي وانتوا حوالي..عمري ما حسيت بالخوف من باجر وانا بينكم... انا لو سويت شو ما سويت ...مستحيل ارد ولو شي بسيط من الي قدمتوه لي...فايشقايل تقول انكم هنتوا علي..واني تكبرت عليكم...ليتني ما سافرت ولا درست...ولا تركتكم..بس ها قدري وها نصيبي واللهم لا اعتراض... ناصر:انتي شو يالسه تقولين...وشو ليتك ما سافرتي ...وشو سالفة نصيبي وما ادري شو..جوري انا بالغصب ماسك اعصابي..فهميني جوري:انا وزياد انفصلنا... ناصر:شو...ليش..وكيف..ومتى..وليش ما خبرتونا كنت يايه ارد عليه..لانه شكله شويه وبينفجر ..واخاف يذبحني...بس جفنا سيارة يايه صوب البيت...اشر علي ناصر ادش داخل..سكرت الباب وراي وجفت اسوم واقفه ..لويت عليها ..يا الله الهمني الصبر..الي ينتظرني اعظم ...سمعنا صوت ريال ..يقول انه سعيد وياي ياخذ بنت عمه...ناصر طلب منه ينتظر ...شكله يبى يتاكد من السالفه ..لانه زقرني... بعد ما سارت اسوم..ناصر طلب مني الم اغراضي ..وقالي مالج يلسه اهني...حاولت ارفض..بس هو ما عطاني مجال..طول الدرب بالسيارة وهو ساكت..شكله بعده مصدوم ...ومب مستوعب سالفة انفصالنا انا وزياد...وكان يحاول يتصل بحد ..بس ما يردوا عليه ..وهو واصل حده من العصبيه...سمعته يقول...الجبان مسكر تلفونه... وبعد اسبوع............ يله يا جمان تاخرنا...شو هاي ساعه تجهز..جي حنا وين سايرين عرس...احيدنا سايرين المستشفى...شلت حور الي يالسه تناقز تبى يمان يشيلها..ذي البنيه ماشي امل منها..مضيعه السنع ..من متى اعلمها عيب تركضين ورا الاولاد..خليهم هم الي يركضون وراج بس ما منها فايده ..ما تصدق تجوف ريال ..واللحين حتى لو جافت ولد صغير ...تضيع علومها..ما ادري على منو ظاهره..ما ظنتي على امها ..ما حد غير ابوها..يبالي اسال ناصر عن ابوها ..خبركم الاخ ما تربى معانا...بوستها بقوة على خدها..يا ناس ..عسل ..عسل ..بس هي يلست تصيح..ويى هيرو زمانه ..يدافع عنها..لا بالله ضاع يمان.بسبة بنت جوري...على طاري جوري...تصدقون راحمتنها..ما تستاهل ..صغيره وحامله لقب مطلقه ..وبعد عندها بنوته...اتذكر اول ما دشوا علينا هي وناصر..شخصيا انصدمت صدمة عمري...بس ردة فعل جمان كانت غير متوقعه...توقعتها تروح تحضنها...تبوسها...لانها وايد كانت متولها عليها..بس هي يلست تلومها..وتقولها شبعتي من لندن ..ومن زياد..ويايه تغيرين جو عندنا...ولا ضميرج اللحين صحى ..وقالج لي اهل اروح اجوفهم...وركضت غرفتها...لحد اللحين مب راضيه تكلمها...مع انه جوري جم مره حاولت تكلمها..بس هي ما كانت تعطيها مجال ..والله هاي جمان وحدها سالفة..جنه جوري ناقصه الي فيها مكفيها...الي جافته ..حتى العدو يرحمها ...مصيرها جمان بترضى...اخيرا وصلت ست الحسن والدلال.. ظهرنا من الغرفه ..لانه ناصر قال اهله بره يريدوا يدشوا داخل ويجوفوا ريم...اغمى عليها من يومين..وبعد الفحوصات قالوا ما فيها شي..يمكن مجرد تعب..ورقدوها عندهم علشان يراقبون وضعها..لانها ابدا مب طبيعيه حتى الكلام الي تقوله مب طبيعي... ...عيوزنا يلست تساسرني ..وتقول ..مسود الويه نزل عيونك ..كليت البنيه...احشم اخوها ...والعثره...جي انا مفضوح...زين يوم بس عيوزنا لاحظت ...وقفي يا جمان اذا ما ادبتج ما بكون حمد..عيل تسكرين التلفون بويهي...يلست اتذكر ذاك اليوم ..الي يت بيتنا تزور ريم..اتصلت على ريم وطلبت منها تحط التلفون على الاسبيكر ...هي يلست تترجاني ما اسويلها مشاكل مع جمان..جي باكلها انا...بس هي رفضت تكلمني..وطلبت من ريم تسكر التلفون..كنت اكلمهم وانا اسوق السيارة..مطنش الدرب..وتركيزي كله على المكالمه...يلست استحلفها تقول مب هي الي كانت واقفه مع خليفه...ما كانت ترد علي..وريم كانت تترجاني اسكر الخط...طلبت من ريم تصخ..علشان اعرف اتفاهم مع جمان..وشكله من كثر انفعالي ما انتبهت انه السيارة الي جدامي ضربت بريك...وكنت اسوق بسرعه ..ضربت بريك قوي ...علشان ما اصدم السيارة...والحمد لله ما صدمتها..سمعت صراخ بس مب كان صوت ريم..ها صوت جمان..يالسه تصارخ وتقول حمد انا مب زعلانه منك والله بكلمك..بس لا تروح ..لا تموت...قلت بخاطري ..جان زين من زمان سويت حادث ..دامه النتيجه اني سمعت صوتج...وانج بعدج تحبيني...وبعد ما طمنتهم ..سالتها نفس السؤال ..بس هي سكرت التلفون بويهي...قطع علي حبل افكاري كلام عيوزنا... ام سالم:حمد..منو ها الريال ..الي يالس يسولف مع ناصر حمد:ها الله يسلمج...ها سعيد ربيع سالم..يايب بنت عمته تزور ريم..كانت مع جوري بالندن ام سالم:الا اقول ناصر...جوري قررت تسكن معاكم ناصر:اي نعم ...تراها اختنا ..وطول عمرها ساكنه معانا..يعني ما تغير الوضع.. ام سالم:اشقايل ما تغير الوضع...تراها اللحينه مب على ذمة اخوك... ناصر:وان كان..هي عندها بنت..وانا المسؤل عنها ..لحد ما ييها نصيبها ام سالم:اذا على النصيب..عيل بتعمر عندكم..ما ضنتي حد بيهها :وانا اباها...وبملج عليها باجر |
يااااااااسلااااام بداء الاكشن ...هذااااا اكيد سعوود ولا سااالم ابو سلطااان ...اكييد يبغى يتزووج جماااان عشااااان ولده سلطاان ....الله يخليييك فديتني ....نبغى سعووووود يتزوجهااااا....موكفااايه زيااااد غدر فيهاااا .....وخلي سااالم يااخذ ميعاااد .....ولده كثير متعلق فيهاااا ...خصوصااا ان سيف وراااه مصيبه ورااح تتفركش ملكتهم ....وشكله والله اعلم ان سعووود هوو صاااحب الشركه اللي تشتغل فيهاااا الجووووري ....الللللللله لوو توقعاااتي تصييييب ....ويااا سلااام بعد لو الجوهره منكده حياااه زياااد وموريته الوييييييل >>>>>>> فيس نذلللل ....بس يستاااهل اللي جاااه ....لوو كاان قاايل لجوري من الاول عن كل شى صاااير معه ومخليهااا في الصوووره ...ماا كانصاار اللي صاار ....بس هو اختااار انه يمحيهااا من حياااته ولا كان في انسانه مرتبط اسمهاا في اسمه >>>>> اكررررررههههههه جدا جدا جدا ...
شكراا ياااعسل على الباااارت الراائع ومنتظريين البااارت الجااي عل نااااار ..... |
سعوووووووووووووووود
هو اللي يبي يملك على جوري مافيها كلام *********** ضحكه مشكوووووووره يالغلا على البارت الروعه واول شئ شدني ناصر طلع شئ وترك خرابيط حبه لجوري وعاملها مثل اخته بصراحه كبر بعيني مووووووووووت حمد وجمان ياربي من ذا الاثنين كتمه هو بس يبي اعتراف ةهي ولا على بالها بس موكنه يبي لهم حادث ثالث وتزين امورهم ********** اسوم وسعيد صراحه اتوقع صفحه الاحزان ان شاء الله بتروح من دفتر حياتك يا اسوم ولقى الجده بيكون اول خيوط السعاده وسعيد بيكون له حياه مع اسوم بس يبي له تطبخ على نار هاديه ************* ساره وموقفها مع شيخه عين العقل لان شيخه شكلهاسايره بخطه عشان تحطم حياة ساره بس وش السبب اتوقع غيره من سويره في مجال عملهم ********** ميعاد وسالم اتوقع وج ميعاد يطلقها لانه معرس باجنبيه ويوسف يحاول يتزوجها لاكن هي بترفض وممكن سالم يتزوجها وتربي ولده ********** ضحكه انتظر القادم بشوووق الله يسهل ظروفك يارب ومشكوره على التزامك بالتنزيل تحياتي |
.. السلام والرحمة يسلمووو ع البارت
والله انووو القفله عذاااااااااااااااااااااااااب وابو العذاااب مين اللي يبفى يملك على جوري اتوقع(سالم)) عشان ولدة سلطان محتاج لآم وياترى ناصر لازال يحب جوري ويكن لها مشاعر حب ولا ماصار يحبها ممكن يحس انو هاي فرصته يتزوجها بما انها اصبحت طليقة اخوه بس هي جوري بتتزوج سالم<<>> الله يوفقها .............. والله يكون يعونك وحنا بنحتريك متى مانزلتي البارت بنتلاقينا ^_^ |
مساء الورد والجورررررررررررررري
سالم بيتزوج جوووووووووووووووووري وريم بتطلق وتتزوج سعود وميعاد ....... وجمان وحمد |
حتى انا اتوووقع انه سعوود
وربي راسي يلف ساعه تقول سالم وساعه سعود وينط ناصر براسي حلوو ان اسوم رجعت لاهلها يسلموو يالغلاا |
تسلمين على البارت الرائع
جوري وسعود انسب اثنين لبعض ضروفهم ويتمهم الكل فيه فاقد اهله وحور ماراح احد يحن عليها مثل سعود حتى لو قلنا سالم عنده ولد والأنسب له ميعاد لأن سيف يوسف قاعد يجمع له مصايب بتفرق بينه وبين ميعاد علشان يفضى له الطريق لكن مصائب قوم عند قوم فوائد ميعاد عرفت انها ماهي سبب الي صار لفاطمه واكيد ان وقت الخطبه الي قعدت مربوطه لسيف خلاص ريح ضميرها حتى لو فكرت بفاطمه وسالم هو المستفيد ناصر اعجبني في غيرته على بنت اخوه وعلى جوري ما نسى محبة اهله لها حمد رب ضارة نا فعة خلتك تكشف ان جمان تحبك سعيد واسوم وعم اسوم وش بيكون موقفة من اسماء بعد ما جات للبلاد ولا عطتهم خبر ما ضي اختها بيطاردها والجده بتدافع عنها والا بياخذون اسما بذنب مالها يد فيه مبدعةفديت ضكتي ننتظر القادم بشوق |
السلام عليكم
هلاااااااا والله فديت ضحكتي دائما تخجليني بكرمك معنا الف شكر عيوني نجي على البارت سارة عين العقل ما فعلت كان المفروض من البداية بس يلة الواحد يتعلم من اخطاءه تدرين فديت ضحكتي نحن النساء نتحمل مسؤولية لفت نظر ازواجنا لصديقة او زميلة عمل لاننا من ثقتنا الزائدة نتطرق لمواضيع تخص الصديقة او الزميلة ونعمل على لفت نظر الرجل في حين اهمال الموضوع وعدم تناوله في الاحاديث اليومية تكون االنتيجة نساينه لذا على سارة تجنب ذكر نادية وتضغط على نفسها وتتحمل قليلا الى ان ينتهي الموضوع >>وجهة نظر جوري وما يحصل لها من طلب الزواج؟ اكيد سعود واحتمال بعيد سالم واعتقد من الافضل لها الموافقة شوفي فديت ضحكتي لو كان سعود انسان سيئ كنت اقول لها تبقة تربي ابنتها وحدها وتحت نظر اعمام البنت افضل من ان ترتبط بشخص سيء ولكن سعود لايعيبه شيء وكلاهما يستحق حياة افضل ننتظر ماذا يحصل وماهي ردة فعل زياد هل سوف يتصرف بأنانية ام يتصرف بموضوعية ننتظر ناصر ولقاء جوري كم كان كلامه مؤثر وكم ابدعتي في هذا المقطع حسيت بهذا المقطع بناصر متغير تماما وهو فعلا يشعر بأحوة حقيقية اتجاه جوري يعني شبح الحب الذي مضى اختفى هذا المقطع اعجبني كثيرا جمان وحمد شنو اقول غير الحب اعمى البنت من حست بخطر نست الاول والتالي وذكرت حمد وحمد فقط بس اتمنى تشلع قلبه ياله ترضة عليه >>فيس شرير ميعاد ومخطط ضدها الله اليستر من يوسف ما ادري ليش رجعت افكر بفاطمة وحسيت انو سيف سوف يطلق ميعاد بعد سنتين ملكة واكيد الفضيحة سوف تكون قوية واعتقد هي اتفاقية بين يوسف وسيف سيف ينتقم من ميعاد بفضيحة كما فعلت بأخته حسب اعتقاده ويوسف يستغل الوضع ويتقدم لخطبة ميعاد التي فضحت بعد ان تركها خطيبها ولكن الا يوجد منقذ للوضع ان حصل هذه وجهة نظر فقط وانتظر ما يجود قلمك وفقك الله غاليتي |
ضحوكه<< فيس يبوسج
تسلمين فديتج عالبارت اللي قبل وقته<< الفيس راعي الورود اسوم جميل طعم العودة لكنف الوطن.. والاجمل ان ترى ان ترى هناك من تنتمي له بصلة الدم.. حتى وان زاد الخلاف.. يبقى ذلك الدم وسيطا لدفع الضيم عنا<< فيس متاثر من الموقف.. صح انج متضايجة بس وجود هلج في المكان وطلبهم منج العيش وياهم.. تبقى بادرة خير.. حتى وان زادت المشاكل بينكم<< فيس يتفلسف سارة وناصر احسن شي سويتيه ان رديتي بيتج.. الحينه عاد العبي باعصاب هالخديه نادية.. وقولي انج خلاص بتنفصلين وبتجوفين الجذب على اصوله<< فيس كاشفنهن ميعاد ويوسف وسيف سبق وقلت خطوبه ميعاد وسيف انتقام لفاطمة.. انتظارها هالسنتين بدايه الانتقام.. وحصول ميعاد على لقب "مطلقه" وهي لم تدخل قفص الزوجيه انتقام جيد<< فيس يحرك راسه.. جوري و ........ سعود اقرب شخص للارتباط بجوري.. من البدايه يوم كانو في المستشفى هو جوري يوم امها توفت حسيت ان بيكون له دور في حياتها.. هدوء وعلاقته المتذبذبه بهله ومحاولته تربيه طفله شبه يتيمه اكبر وازع يجعله يقرر الزواج منها<< فيس يتوقع جمان وحمد عندما تحس ان عزيز سيرحل.. يتجلى الحب باروع صوره راميا خلفه كل الخلافات.. بس بعد جمان ما خذت حقها لين الحينه<< فيس شيطان نترياج فديتج<< الفيس راعي الورود http://www.liillas.com/up3//uploads/...29afe633ce.gif |
بااارت روووعه مشكوره حبيبتي على التزامك اللي زادنا حبا بالروايه فعدم الإلتزام يفقد الروايه حلاوتها وينسينا الأحداث وبالتالي رغبة القارىء بالمتابعه أعتقد إن سعود هو اللي قال يبغى جوري ووميعاد راح تترك سيف والسبب يوسف اللي وراه شيء وواثق إنه راح يتركون بعضهم ومتأمل إنه يتزوجها لكن سالم راح يخرب خطته لما يعرف ويتقدم لميعاد لأن ولده يحبها ومحتاج لأم وهي تحبه ساره أخيرا رجعت لعقلها وفكرت صح ناصر والنعم فيك وبيض الله وجهك ماقصرت مع جوري جمانه بلاش المكابر وطمني قلب حمد وش بيضرك لوريحتيه عزيزتي منتظرين جديدك المميز يعطيك العافيه |
مرحبا الساع.............Long time no see....جوفي انا بين اني ارد على تعليقاتكم ومن بين اني انزل الجزء اليديد...بس تصدقون اني مشغوله لدرجه مب محصله وقت احك راسي ..ولو تعرفون اني سويت المستحيل وهست هياسة عمري..وانا اكتب ها الجزء كله علشان عيونكم..وان شاء الله انه ينال رضاكم...وبصراحة ما عندي وقت اني ادش النت باجر ..فقلت انزل البارت وارتاح ...bkd وعدتكم اني بنزل بارت ها الاسبوع...بس بالنسبه للاسبوع الياي ...ما ادري اذا اقدر انزل بارت ...ان شاء الله بحاول قدر المستطاع...اني اكتب شي وانزله...دعواتكم
الجزء (23) يالسه اطالع على اسوم...فيها شي متغير..صايره اهدى عن قبل..يمكن بسبب الظروف الي تمر عليها ...ولما سالتها عن معاملة عمتها لها..تقول ياليتها لو كانت جاسيه ..كنت بتحمل ..بس تقول انها ابدا ما تكلمها..يعني مسوتلها تطنيش قوي...ولا كانها موجوده بينهم..وتقول حتى بناتها ما يكلموها ابدا...بس يدتها...ومن كلامها عن يدتها شكلها وايد تحبها وتعزها..دايما تقولها انتي ريحه ولدي المتوفي..وريحة عايلته الي انحرمت منهم...ودايما تحضنها ...وهي ترقد معاها ..وتقول حتى وهي راقده تي تقرا عليها المعوذات وتحصنها وتسير ترقد...وعمها لحد اللحينه ما يعرف بوجودها لانه ما يى يزورها...سالتها عن سعيد...قالت انها تحس انه معجب ببنت عمتها سما...وشكلها هي بعد معجبه فيه..نظراتهم لبعض تقول جي...جفت صوب ميعاد..عرسها عقب باجر..بس شكلها مستهمه..بس ما ادري على شو ...جنها تنتظر مصيبه مب عرس ...لفيت راسي صوب جمان...الله يا جمان ...ما توقعتج جاسيه جي..ويطلع منج كلام يقطع القلب...معقوله سنتين يغيروا الواحد جي...نفسي ايلس معاها..نفسي اسالها شو فيها ..عيونها مليانين حزن وهم...نفسي اخفف عنها بالرغم اني ما اعرف شو فيها ..بس هاي بنتي انا ربيتها ...انا الي سهرت عليها...كنت ادرسها ..وكنت العبها ...ليته الزمن يرد ..وارد ياهل ..همي العابي وما اعرف شي عن هموم الدنيا احس راسي بينفجر من كثر ما افكر بخواتي ...احس كل وحده عايشه بعالمها..وبمصيبتها الي تحاول تداريه عن الثانيه..ولا على بالهم اني حاس فيهم...ليتني بس اعرف شو الي صار بجمان..وخلاها تكبر عشر سنوات جدام..حتى اسلوب كلامها والكلمات الي تعقهم...جنها وحده الدنيا مورتنها الويل...جم مره سالت حمد عن الي صار من بينهم ..ولا واحد منهم راضي يتكلم ..وفوق ها يقول لا تنسى الوعد الي عطيتني اياه...قلتله وخطيبتك...قال اصبر علي وبفهمك كل شي..بس عطني وقت...وانا شو بيدي غير الصبر..وبنجوف نهايته معاكم ...وميعاد دايما شارده وتفكر..كل ها علشان عرسها جريب..حتى ما اجوفها فرحانه...عاد المصيبه الكبرى جوري...ما انسى ذاك اليوم لما سعود سالني عن حور وعن جوري...كنت طالع من البيت ساير صوب سالم..جفته طالع ومن بعد السلام ..سالني عنهم..استغربت شو استغربت..قولوا انصدمت ...قولوا السقف طاح فوق راسي...سالته انت متاكد انهم هنا..وهو اكدلي السالفه...بس سالته عن زياد...قال انه بعده بالندن..شو هاي اللخبطه...انا متاكد نهايتي على يد زياد...مب كافي انه بعيد ولا يسال ولا يقول يي ويزورنا...حسابك معاي عسير يا زياد ..خلني بس اجوفك...خلني بس اجوف هاي وين ساكنه...خمنت انها ببيت امها ..لانه هي مالها مكان ثاني تسيرله...طول الدرب لحد بيتهم وانا اضرب اخماس باسداس...احاول اتوقع اسوأ الاحتمالات ..واسوأ شي يي ببالي انهم متزاعلين...بس ما حطيت ببالي طلاق..طلاق مره وحده...ربي رحمك يا زياد...لانك لو كنت جدامي كنت ذبحتك...انا قايل من البدايه زياد ما يستاهلها..كل تصرفاته كانت تدل على جي...بس انا موصلني حدي ..انهم منفصلين اكثر من سنه..واحنا ما عندنا خبر..اسميني غسلت شراعها جوري وطلعت حرة زياد عليها..اشقايل تسكت طول الفترة الماضيه وما تقولنا..والمصيبة كانت ناويه تسكن بروحها...والغم تقول علشان كلام الناس..وحنا من متى نهتم بكلام الناس....بالرغم من كل ها كنت مرعوب اني لما اجوفها ترد مشاعري الاوليه صوبها...استغربت من نفسي ومن قلبي..كنت اجوفها شرا اختي وبس..ما ادري اشقايل تغيرت ولا الزمن هو الي غير مشاعري صوبها...يمكن حب سارة وتعاملها معاي من بعد ما تغيرت ...ما ادري..المهم انها شرات اختي ..وها الصح...انا اخوهم الجبير...وبس...بس تصدقون كل العصبيه وكل الضيقة الي كانت فيني اختفوا اول ما دخلت جناحي وجفت التغير المستوي ..وجفت سارة...ما صدقت انها جدامي ..تراوالي يالس اتخيلها..بس هي يت صوبي..وقالت انا اسفه على كل الي صار...مب بيدي..قلبي هو الي كان يحركني..وكنت مصيفه عقلي شويه...رديت عليها وقلتلها بس مصيفتنه....شكلج كنت معطيتنه اجازة مطوله..بس هي برطمت ...يا حلاتها وهي تتبرطم ..جنها ياهل...حضنتها بقوة ..بمقدار الايام الي بعدت فيهم عني..بمقدار الحزن الي بقلبي على خواتي...بمقدار الضيقه الي فيني من صوب زياد...حضنتها وانا متاكد انها هي الوحيده الي بتحس فيني..وبتقدر تخفف عني ...سرت اجوف يمان..يا اني مشتاق له ..صج لما قالوا الضنا غير..وحبه غير..بسته ولما يت اقوم جفت سارونتي واقفه عدال الباب..اشرت عليها شو فيج..يلست حذاي وقامت تمسح على شعر يمان..وبيدها الثانيه ماسكه فيه يدي..ويلست تقول عن خطتها هي وجمان...وطلبت مني اذا سالت ناديه عنها قول لها انها بعدها زعلانه وببيت اهلها ..ما فهمت ليش كل ها..وليش يالسه تجذب هاي الجذبه..بس نظرتها الي ضيعت علومي..خلتني غصبا عني اوافق على كلامها...قطع علي حبل افكاري ..سؤال خالتيه ام سالم...لا حول ولا قوة الا بالله ..تدرون هاي ثانيه مره تسال نفس السؤال ...ما ادري شو الحكمه من ها السؤال ..بس مضطر اجاريها وارد عليها...بس الي ضايقني انه مب وقت ها السؤال ...لانه كلنا شباب ومن غير سعيد وعمران ما يعرفونا ولا مداخلين معاهم كثير.. لحضه..لحضه...شو قال سعود ..يبى يعرس ..اكيد سمعت غلط..شكلي تخبلت على نهاية عمري ..من كثر هوسي بجمان ..حتى سمعي ضاع ...بس ردة فعل ناصر ...وانفعاله..اكدلي انه الي سمعته صح...سعود...سعود يقول هاالكلام..سعود يبى يخطب..ما ادري افرح ولا انصدم...شخصيا اجوف جوري هي انسب وحده لسعود...ما حد يعرف سعود كثري..هو يموت في شي اسمه يهال...بس هو من وين يعرف جوري....ليكون بس يبى يعاند امايه ....الي جافه من امايه ..مب شويه.. على الطالعه والنازله تعايره بامه ..ومن غير الضرب الي كان ييه ...ومن غير النغزات الي تعق عليه ..احس في سر من بينهم ما يعرفه غيرهم ...وشي يخص زياد..لاني مرة سمعتها ..تقول شي عم زياد...بس ما فهمت وهي لما جافتني صخت.... رفعت راسي اجوف على جوري...جفتها تكلم ربيعتها اسماء...قلبي عورني عليها..وايد ضعفانه جنها يايه من مجاعة صومال..ومن غير الهالات السوداء الي تحت عيونها..وويها شاحب...اكيد من كثر التفكير...ما هاين علي اقرب اثنيه على قلبي اجوفهم بها الوضع...انا مستحيل ازعل منها ..او اخذ بخاطري عليها..بس يالسه اتغلى ...ادري مب شويه الي ياها..كنت اظن انها مستانسه بحياتها ..وانها ناستنا ...سنتين ما فكرت ولا مرة تينا ..واحنا كل ما كنا نبي نزورهم..زياد كان يطلعلنا اسباب من تحت الارض علشان ما نسير صوبهم..مرة دراسة جوري..ومرة مرض حور..ومرة ما ادري شو..كنا نستغرب..بس ناصر كان يقولنا خلوهم على راحتهم..اهم شي يكونوا مرتاحين ...واللحين بس عرفت ليش كل الاسباب السخيفه الي كان زياد يقولها..كانوا منفصلين وما يبون نعرف..ذكاء صراحة ترى مصيرنا بنعرف..وما حد كان ياي يمنع جوري من انها تكمل الماستر..اصلا انا مب مقتنعه من ها السبب ..اكيد في شي ثاني جوري مخبتنه علينا...ان شاء اليوم بروح اراضيها...وبعدين ميعاد مصختها..مخليه حور تتعلق بها كثير..المفروض تتعلق بي انا اكثر ..انا اكثر وحده احب امها..وبعدين هي ماماتي شرا ما هي ماماتها ...جفت صوب ريم...يتني الصيحه..الي يجوف ريم وايد يرحمها..موليه مب طبيعيه...اكيد فيها شي غير طبيعي..كلامها غريب ..تصرفاتها غريبه...مستحيل انسى ذاك اليوم..سرنا انا وجوري وميعاد عندها على الساعه 11 الصبح..وفجاه قالتلنا..ليش ظلمت بسرعه ..انصدمنا كلنا لانه الدنيا صبح فاي ظلام تقصد..خفت تراوالي انها فقدت نظرها..بس هي قالت ليش الشمس غربت بسرعه...كنا مصدومين ..كل وحده تطالع الثانيه..وجوري سارت تزقر خالتيه ام سالم تي تجوفها...اما ريم يلست تسالنا انتو منو ..وشو تبون فيني ...انا كنت اصيح ربيعة عمري ما تعرفني ...وما ادري شو صابها..ويلست تصرخ وتقول طلعوا بره...وبعدين اغمى عليها..يلست خالتيه ام سالم تقرا عليها وهي تصيح...احنا طلعنا ..وكل وحده على راسها الطير...وفي اليوم الثاني سرت اطمن عليها بس البشكارة قالتلي انها على السطح...سرت فوق ..ولما سالتها شو تسوين هنا ..قالتلي انتي منو ..وشوتبين بغرفتي..ها غرفتي ..شو غرفتي..ويلست تقول اشياء غريبه عن طفولتها..وتعيد بنفس السالفه ...وتعيد نفس الجمله ثلاث مرات...صراحة خفت ..لانه عيونها زايغه ..جنها تجوف شي مب اجوفه...سرت ركض صوب خالتيه ازقرها..ولما يت ..نفس الشي سالتها انتي منو..وشو تبين...ولما طبلت مني خالتيه ام سالم اتصل على عمران...هي يلست تصارخ وتشد شعرها وترتجف...وتقول كلام غريب عن عمران...كلام مستحيل يدش العقل...حتى عمران الي كانت تموت على الارض الي يمشي عليها...صارت تكرهه..وما تبى تجوفه..واذا جافته..تيلس تقوله كلام يعور القلب..وهو صابر..لولا انه سالم طالب منه ما يى يزورها ..ولا هو كان مرتز وبايت عند باب بيتهم ... اول ما سمعت الكلام الي قاله سعود..تصلبت بمكاني...شو ها موضوع ينضحك فيه...لانه عطى خالتيه ام سالم ابتسامه..جنها ابتسامة نصر...شو على بالهم خواتي.مرميات بالشارع ..جي يتكلمون عنهl جدام الغرب ...سرت صوبه ..ويلست اصرخ عليه..طلعني من طوري ...كنت شرا القنبلة الي انفجرت..شكلي طلعت الي فيني عليه ..بس يستاهل محد قاله ما يحشم سالم:ناصر اهدى... ناصر:اشقايل تباني اهدى وولد عمك ما يحشم حد سعود:ومنو الي قالك اني مب حاشمنك..انا اتكلم بجد ..اباها على سنة الله ورسوله ناصر:والي يبى وحده على سنة الله ورسوله..جي يخطبها سالم ساسرني :اهدى يا ناصر...خلنا نتفاهم..فضحتنا يا ريال مليت منها..من الصبح وهي تطرش مسجات ..وتقول متاكد انك مب ناسي شو اليوم...حد يفهمني شو اليوم...خلوني اتذكر.. اليوم الاربعاء..واحلى يوم بحياتي..جفت جمان...ركز يا حمد .. شو دخل جمان باميره...احصر تفكيرك باميرة ...عصرت راسي وما وصلت لنتيجه...سمعت تلفوني يرن..اميرة..حد يذكرني شو اليوم..شو المناسبه...رديت عليها..ول ول ..كلتني بقشاري...ماشي احترام...كله علشان اليوم عيد ميلادها ..وانا ناسي...شو اسوى راح عن بالي...بس شو هاي مضيعه السنع...ما تستحي..تقول جي فيس تو فيس..وين هديتي..لا وتبى ساعه شرا ساعة جمان..وخاتم شرا جمان الي عبارة عن حرف الحاء والي مكتوب عليه اسمي .....قلتلها شو رايج ..ما تبين جمان نفسها...لحضه ..لحضه..اميرة شو دراها انه الخاتم عبارة عن حرفي..ومكتوب عليه اسمي ..اذا جمان نفسها ما اكتشفت ها الشي..لانه اسمي مكتوب بخط جد صغير وبطريقة صعبه انك تكتشفها ...حتى ريم نفسها ما تعرف ......معناته انها ركزت على الخاتم ولبستها ...وانا اصلا طالب من ريم تستحلف جمان انه ها الخاتم ما حد يلبسه غيرها ...وجمان اذا حلفت معناته مستحيل تسوي الشي... ومواعدين بعض انهم ما يلبسون الخاتم الا مع بعض ..بيوم عرس وحده منهم ...وبعدين الاشاعات الي انتشرت كانت عبارة عن كلام....عن اثنيه كانوا ميودين ايدين بعض ...والبهارات الي زودها حضن وما ادري شو ....يعني ..ما حد يعرف عن الخاتم غير ريم وجمان...في شي غير طبيعي ...انا لازم اسير صوب بيتها ..واواجها فيس تو فيس..ومن ملامح ويها اعرف اذا تقول الصج ...ولا تتهرب ما ادري شو فيه ناصر..وايد هادي وكله حاط يده فوق راسه..ويفكر.. سارة:حبيبي ناصر...بشو يالس تفكر ناصر:سارونتي..يلسي ابى اخذ رايج بموضوع سارة:امر ...تدلل..يا بعدهم كلهم ناصر:ربي ما يحرمني منج يا سارونتي...احم الموضوع يخص جوري سارة:شو فيها جوري ناصر:سعود يباها سارة:ها ناصر:شو ها بعد..اقولج سعود ...ولد عم سالم يباها سارة:وانت شو رايك ناصر:انا ما تعاملت مع سعود بشكل مباشر...فما اعرف اخلاقه..بس سالم يمدحه..ما اى اظلمها ....بسها الي ياها سارة:تبى شوري...انا اجوف سعود انسب واحد لجوري..هم الاثنين عاشوا اليتم...هم الاثنين محتايين لبعض وكل واحد منهم يكمل الثاني ...هم تقريبا مروا بنفس الظروف..سعود عانى طول عمره من ظلم خالتي ام سالم ومن بعد الاهل ...وجوري الي مرت فيه مب هين...يعني كل واحد منهم يقدر يحوي الثاني بسهولة...وبعدين حور محتايه حد يداريها محتايه حنان الابو...وشوري سعود هو انسب واحد يكون ابو لها لانه عاش من غير ابو..فيعرف اشقايل يعوضها عن ابوها البعيد..ويقدر يعوضها عن كل ها...انت قولها ..والشور الاول والاخير بيدها رايحه ورداه من الغرفه..ويالسه اتنفس بقوة..توني مسكره من عند اسوم...وهي محتشره صياح..عمها اليوم يى بيت عمتها...ويدتها قالتله بسالفتها...وهو احتشر عليها...وما بقى كلمة تجرح ما قالها...ومن غير الضرب الي يايها..وحليلها هي شو ذنبها...في حره على اختها ..سير دورها وطلع حرتك عليها...وفوق كل ها خلها تلم اغراضها وتسير معاه بيتهم ..على قولته ما امنك ..لازم تكوني تحت عيوني...ابى اسير عندها ..وايد كانت تصيح وهي تكلمني..بس الوقت متاخر وما اعتقد عمها بيسمحلها تجوفني...شو اسوي..سمعت صوت الباب...لبست لحافي..وكان ناصر .. ناصر:لتكوني راقده ..وازعجتك جوري:لا مب راقده... ناصر:جوري اباج بموضوع..ممكن تنزلين للصاله علشان نتكلم جوري:في شي ناصر...خوفتني ناصر:لا تخافين..كل خير ان شاء الله..ووينها دلوعة عمها سمعنا صوت حور وهي تصارخ وتناقز تبى ناصر جوري:ما يحتاي تسال عنها..بروحها منتزقه وبتييك ناصر:علني فدى ها الريحه والبسمه ..انا بشل حور معاي ..انتي حصلينا تحت شو السالفه...مب ناقصه بلاوي..شو هاي السنه اللي مب راضيه تنتهي على خير..الله يستر..نزلت الصالة..وجفت ناصر حاط حور على ريوله ويالس يلعبها ..وسارة يالسه حذاه.. جوري:مساء الخير..هلا سوسو اخبارج غناتي سارة:مساء النور والسرور جوري:اوه اوه ..سارة شو ها المزاج الرايق سارة:احم احم...طول عمرنا طول عمرنا بس انت مش واخذ بالك مننا ناصر:خيبه سارة...شو ياج امي سارة:وايد فرحانه..من فرح حبايبي جوري:فرحينا وياج سارة:مب انا الي بخبرج..اخوج هو الي بيقولج ناصر:جوفي جوري...ادري التجربة الي مريتها مع زياد مب كانت سهلة..وادري انج انظلمتي كثير معاه صبرتي سنين عليه..صبرتي على اهماله لج..صبرتي على عدم سؤاله عنج..ومن بعد ما خلاج سنين معلقه ..طلقج بمنتهى السهوله ...مهما كانت المشاكل من بينكم ...ومهما وصل سوء التفاهم..اكيد كان في حل لكل ها ..بس مستحيل كان يوصل للطلاق..لو كان يباج..كان تمسك بج...والي سواه ما راح امرره على خير..وادري اشقايل اخذ حقج منه...بس اباج تحطين ببالج ..انه هو الخسران..ولا واحد ييه جوهرة شراتج..ويرفضها..يكون يرفس النعمه بريوله...ما ابى افتح دفاتر مسكره..ومب ياي افتح الجراح..لانه الي ياج مب كان سهل...الشي الوحيد الي يغفر لزياد انه عطاج حور... طول ما ناصر يتكلم ..وانا منزله راسي..ودموعي متيمعه بعيوني...المفروض خلاص تعودت على ها الموضوع...الفترة الي مرت المفروض تكون كفايه انه جرحي الي ياني من صوب زياد اندمل..صج انا الي تنازلت وانا الي هربت وانا الي تركت كل شي للجوهرة...كنت اقدر اواجها واتمسك بزياد..وابعدها من حياتي..بس شو الفايده اعيش مع واحد قلبه مب لي...مب يايه انتظر وقت اطول لحد ما يحبني..كفايه السنوات الي صبرت وانا انتظره ...بس شكله الي صار معاي ...شرا لم نصطدم سيارة ..سواء كان الاصطدام قوي او حتى بسيط...بس طول ما نجوف دم طالع من جسمنا..نقول خلاص ما صابني شي....ما تعورت ...يمكن من هول الصدمه اني سويت حادث..او يمكن انه الاصطدام مر على خير ...بس لما يمر وقت بسيط من الحادث ..يمكن ساعات او حتى نص يوم...راح نبدا نحس بالالم....نحس كل جزء من جسمنا يالمنا...شرا لما نمشي لمسافات طويله وبالساعات ..ما راح نحس بالم ريولنا..بس اول ما يمر وقت من مشينا او اول ما نرتاح نبدا نحس بالم ريولنا ...ما يقولوا ما راح تحس بالالم الي لما يبرد..يعني يمر وقت من حدوثه ..او يمكن لاني كنت كابته كل الالم بداخلي ما شاركته مع حد ...شرا لما يتوفى شخص عزيز عليج..سواء منج وفيج او حتى شخص لج مشاعر خاصه صوبه..بس من هول الصدمه تحاولين تتهرين من التعبير عن مشاعرج...تحاولي تكونين طبيعية...بس داخلج رغبه بالصراخ ...رغبه بالصياح بصوت عالي...بس كله تحطينه بداخلج ..ما تبين حد يعطف عليج..حد يرحمج...ولما تكونين بروحج تتهربين من مواجهة نفسج...واول ما حد يفتح معاج الموضوع..وتجوفين نظرة الالم الي بعينه..نظرة العطف ...تحسين نفسج منكسرة...كل المشاعر الي داخلج ينفجروا ..وتجوفين نفسك تصيحين من قلب ...ها الي صار معي اللحين..فجاه ومن غير سابق انذار انفجرت بالصياح ...لدرجة انه حور يلست تصيح معاي...سارة لوت علي وحاولت تهديني...جمان نزلت على صوت صياحي..ويت ركض ولوت علي..يلست تقولي كلام المفروض انه يهديني..لا تهتمي هو الخسران هو الي ما عرف قيمتح...وانا والله مب زعلانه عليج..سامحيني جان عصبت عليج..وصرخت بويهج ..وقلت كلام زعلج...بس لا تصيحين جي...بس بدل ما اهدى صحت اكثر..كلامها يى بالصميم ..يى من شي كنت اتهرب منه ..بس نظرة الخوف بعيونها ..مب بس هي كلهم ..ناصر ..سارة..وحتى ميعاد ..خلاني اهدى..على الاقل عندي ناس يحبوني...ناس يحسون فيني..يدارون علي... جوري:اسفه...ما اعرف شو الي صارلي ...مب قصدي ازعجكم سارة:لا تتاسفين ...ما صار شي ...كيفج اللحينه جوري:ما فيني شي...س شكلي حبيت ادلع واجوف غلاتي عندكم جفتهم كلهم يطالعون علي بنص عين...وميعاد كانت شايله حور...وبعدها تصيح..اشرت عليها تيبها...يلست احضنها واهديها.. ناصر:كل ها بقلبج..وساكته وتتظاهرين انه ما فيج شي وانه الي صار كان شي عادي عندج..ليش كل وحده فيكم تداري الي بقلبها عن الثانيه..ليش ما تتكلمون وتعبرون عن الي بداخلكم ..عن الي يضايقكم..بدل ما تكبتنونه..وتنفجروا مره وحده..ولا ييكم امراض نفسيه...شو تستحون من بعض..ولا ما تعتبرون بعض خوات...من بعد اليوم ما ابى اجوف وحده منكم شايله جروحها بروحها..سامعين ...وبعدين جوري انا بعدني ما قلتلج عن الموضوع الاساسي..الى اباج فيه... جمان:غرد يا ابيه ... ناصر:ابيه بعينج طل...بعدين ولش لج انتي بالسالفه سارة:هذه ماخذه لقافة العالم..ما عندك خبر ناصر:سعود..ولد عم سالم..ياي يخطبج..ويبى يملج باجر جمان:والله...مبروك ..مبروك..صبرتي ونلتي..سعود ما فيه منه اثنين طالعنا عليها كلنا بنص عين سارة:لتكون الاخت متربيه معاه جمان:ها...لا يعني ..ريم كانت تمدحه..وبعدين يكفي وقفته مع ريم ميعاد:انتي مالج دخل بالسالفه...الشور الاول والاخير لجوري..بس هو ليش جي مستعيل.. ناصر:يقول انه يبى يستقر..وانه ماله داعي للتاخير..جوري خذي راحتج بالتفكير ولما تقرري عطيني خبر..بس قبل ما تاخذي اي قرار ..فكري بالموضوع من يميع النواحي ..وفكري بحور نشيت من الرقاد..على صوت تلفوني المزعج...جيكت على ساعتي..جفتها 5 الصبح..بسم الله منو الي متصل فيني بها الوقت..الرقم غريب...اول ما رديت على التلفون ..وسمعت حس واحد وتنهيدته جنه هموم الدنيا فوق راسه...وقال :تتزوجيني طاح التلفون من يدي |
هلا فديت ضحكتي..كيفج؟!!
يمكن حمد هو اللي مكلم جمان بعد مااعترفت أميرة.. وإلا سعود مكلم جوري وإن كنت أتوقع إنه حمد.. جوري حلو طلعت الي بقلبك.. أسوم الله يعينه عى العم أوف ماأقلقه ياخي وش دخل أسوم روح دور أخته وطلع عضلاتك عليه..والعمة وبناته وشوله مايكلمنه؟ عايلة نفسيات الصراحة.. سارة عالبركة الرجعة وعقبال مانخلص من شيخة وأخته.. |
يسعدلي مسائك ,,,فديت ضحكتي او بالأصح فديت ضحكتك
بالبدايه اشكر اختي ارادة ماتقصر داايم تحب لغيرها ماتحب لنفسها وتدلنا على الروايات اللي تستحق القراءه ,,,,,,شكرآ اختي ============================ لفت انتباهي اسمك ,,,,طبعآ يدل على التفاءل والمرح ,,,اهنيك عليه ;) والحمدلله قريت ولحقت معاكم ,, فكرة الروايه جدآ عجبتني ,,,,,,اختيارك لحبكة يتم جوري منطقيه والأحلى فكرة يتم سعود,,,,انه يتيم الوالدين لكن ظل مع بيت عمه يعني في قصتين لليتيم لكن مختلفتين ,,,,, استخدمتي بوسط القصه احداث بسيطه وغير واضحه لكن بالمستقبل كانت هالاحداث اساس عشان ترتكز عليها انقلاب الموازين ,,,,,تعجبني الكاتبه اللي تكتب الاحداث بربط خفي ================================= حبيت كثير طريقة اختصارك للزمن وبنفس الوقت نعرف شلون مر من خلال ذاكرة الشخصيات ,,,,يعني ابتعدتي عن المطمطه بالاحداث اللي غالبآ تخلي القراء يملون ========================= الشخصيات كلها حبيتها ,,,طبعآ ماعدا ام سالم وشياطين الانس شيخه وناديه وامهم بصراحه حيرتيني لان مافي شر صرف ولا خير صرف بالشخصيات بالبدايه انقهرت من ساره وميعاد وزياد ,,,تجمعهم الانانيه لكن بعد فتره سلطي على الجانب الايجابي ,,,,ناصر توقعت انه بتكون علاقته مع جوري مركبه لكن بعد هو قلبتي الاحداث معه ,,,,,,,,,بصراحه كل الشخصيات بالفعل انقلب موازينهم وانقلبت حياتهم ,,, الشي الوحيد اللي كنت اشوفه وصار بالفعل ,,,سعود وجوري توقعت بيكون بينهم رابط ,,,,لان بالعاده اذا الشخص عنده مشاكل وهموم بحياته دايم يبحث عن شخص عنده نفس السبب الرئيسي للمشاكل ويربط حياته فيه حتى لو بطريقه خفيه ومن غير مايلاحظ . طبعآ واضح ان طلب سعود مربوط بشي بالماضي يخص زياد , وام سالم كان عندها علم وتصدت له ,,,يمكن سعود علم عمه انه يبيه يخطب له جوري وام سالم كان لها تدخل سلبي , لان نظرة الانتصار بعيون سعود لـ ام سالم تدل على هالتوقع. ================================== ناديه وشيخه وناصر شخصيات موجوده ودايم اسميهم طفيليات ,,,,همهم ان يكون لهم هالزوج ولا يهتمون اذا حياته اختربت او بيته انهدم او اسرته تشردت او عياله تشتت ولايهمهم اذا هم اصلآ مرغوب فيهم او لا ! اللي بمخهم هدف واحد فقط ,,,اني احصل على هالزوج وغالبآ يدورون فريستهم من خلال زوجته ,,,,اللي تمدح بزوجها وتثني عليه وعلى صفاته او من خلال سيرته بين الناس,,,,,,, وهنا كمان نحمل الزوجه جزء من العتاب المفروض ماتظهر حياتها قدام الكل وكمان ,,,تكون فطينه ,,,,يعني لو ساره استمرت على غبائها كان بالفعل انهدمت هالعايله,,,,لكن ممتاز انها رجعت . ==================================== ميعاد رغم خطوبتها ورغم وجود عدو متخفي لكن اشوف حياتها بتكون مع سالم ,,,,,هل خطيبها بتكون عنده الثقه الكامله فيها لو تصرف يوسف تصرف خبيث؟؟ اتوقع اذا انسان ناظر للحياة الزوجيه والاستقرار انه يجي بالمرتبه الثانيه مااتوقع بتكون عنده بالمرتبه الأولى ثقته بهالزوجه اصلآ. ================================= اعتذر للأطاله وواضح ان اوقاتك مشغوله هالفتره الله يسهلها عليك وانتظرك بأذن الله. |
السلام عليكم ورحمة الله وبركاته
مساء الورد عيوني تدريت اقلقتني عليكي ان شاء الله تكوني بخير واتمنى ان مايشغلك عنا هو ظرف سعيد وفقك الله عيوني ومن خلال متصفحك اقول للاخت نايفة على الرحب والسعة ادليلي عيوني نجي على الجزء الي بيه صراع قوي بين الابطال وانفسهم وبينهم وبين بعضهم نبدأ بالاخ الاكبر ناصر تدرين فديت ضحكتي لو كل اخ اكبر شعر بالمسؤولية مثل ناصر صدقيني كان اغلب مشاكلنة العائلية حلت ولكن المصيبة الاخ الاكبر احياننا يهرب من المسؤولية ويدعها على عاتق من يستطيع تحملها المهم ناصر اثبت انه الاخ الاكبر وبجدارة واستحق ان ان يمنح راحة البال التي منحت له فهو لكي يجد حل للمشاكل التي حوله عليه ان يشعر براحة في بيته >>وجهة نظر اكثر شيء اثر بي هو هذا الكلام اقتباس:
وفقتي عزيزتي هسة نجي على سعود اثرتي فضولي شنو السر الي بين سعود وام سالم معقولة الموضوع متعلق بأم سعود وكلام يدور عنها يعني ام سالم تنتقص بسعود بأمه مثلما الناس ينتقصون من جوري بأمها لذا كانت علامة الانتصار تغزو وجهه عندما طرح موضوع خطبة جوري ننتظر ولنعرف جوري والقرار الصعب لا ادري لما اجد الموضوع صعب خاصة اذا تدخل زياد بالموضوع ولكن الشيء المطمأن انو ناصر لن يسكت له وميعاد لن تتخلى عن جوري كلهم سوف ينصفون جوري لانها تستحق حياة افضل عندها سوف ينكشف سر الانفصال بين جوري وزياد وما تخفيه جوري حول هذا الموضوع واعتقد زياد سوف يأتي الى ارض الوطن من اجل زواج جوري وبحجة انه لايريد لابنته ان تربى في بيت غريب >>توقع ميعاد يبدو ان الخطة كبيرة يعني سيف لن يحظر الزواج وعندها سوف تكون الفضيحة مضاعفة ننتظر لنعرف حمد واميرة حمد خطب اميرة >>فيس مستنكر الوضع شنو اقول غير الله يسلط عليه جمان واطلع من عيونه هاي الخطوبة التعبانة ولا وبكل قواة عين يذكر ناصر بوعده روح يمعود شوف نفسك شنو مسوي وبعدين تعال دور وعود >>>كلش عصبية على حمد سعيد واسما والعم الي افتهمتة انو اميرة اخت سعيد يعني ابو سعيد يخاف بنت اخوه لتفضحه راح تطلع بنته هي الي فاضحته من زمان لأن خليفة عندما تلاعب معها من اجل ان يزيحوا جمان عن طريق حمد لابد ان هناك ثمن فليتحمل ابو سعيد ما يحصل ومسكينة اسما صعب تعيش بين اهلك منبوذ ننتظر لنعرف المزيد غاليتي بكل الشوق انتظرك وما قصرتي ابدا وفقك الله |
ما ابي رديه انحذف<< فيس حزين
تخيلي انج تكتبين رد اطول عن هالرد اللي تحت وينحذف في ثانيه<< فيس منهار ضحوكة تسلمين فديتج عالبارت<< الفيس راعي الورود ولا تستهمين كفايه انج هب مقصرة ويانا في البارتات<< فيس يبوسج ناصر وسارة زين اللي ربيه هداج ورديت بيتج.. هي الحينه غديتي حرمه عاقلة هب قبل<< فيس رضى عليها خلاص.. ناصر<< اكبر فيس اوكيك في العالم..الاخ السند.. العضيد.. الاب.. جسدت الادوار واتقنتها<< فيس اعجب فيه ميعاد والزواج المرتقب السالفه كلها لعبه.. اكيد هاليوسف لعبها ويا سيف<< فيس حطهم في البلاك لست.. ويبونج هلج يزفون لج خبر طلاقج.. بدال ما يزفونج ليبت هلج<< فيس شاك فيهم جمان وحمد و اميرة ما حصلت غير هالاميرة تخطبها<< فيس معصب.. بدت حبال الخطه تبين.. وتلميح اميرة عن الخاتم يدل على ان لها دور في الاشاعه اللي ظهرت على جمان<< فيس كونان جوري وسعود ثنائي مثالي.. الاثنين عاشوا اليتم وبجي بيرومون يعوضون بعض<< فسي قرر خلاص.. جوري تعالي اهني<< فيس بيقعنها.. لا تفكرين ولا شياته ما بتحصلين حد اخير منه لبنتج<< فيس موافق ويقنعها.. اختيار سعود للزواج قد يكون تعاطف ويا جوري وفي نفس الوقت انتقام من ام سالم.. هل طلبت منه ام سالم انه يرتبط بريم ولا لمحت لهالشي.. عقب ما تطلق ريم<< فيس يتوقع توقع غبي نترياج فديتج<< الفيس راعي الورود http://www.liillas.com/up3//uploads/...29afe633ce.gif |
<<فيس يبكي
البارت هذا مره يحزن كله مشاااعر حسيت نفسي الجوري كل المشاعر كابتتها بنفسها ولابينت لاحد حتى لنفسهاا انها متضايقه ناصر كبر بعيني زياااده ربي رزق الجوري اخووووو تنسند عليه يارب توافق الجوري على سعود احسه مناسب لها اقتباس:
ياترى من اللي تكلم معقوله اسمااء او جوري اذا كانت اسماء اتووقع سعيد اللي كلمها واذا كانت جوري معقوله يكون سعوود |
اقتباس:
شو رايج ززتكوني بالقرب وبنجوف شو بيستوي ... حياج |
اقتباس:
ارادة الحياة ما تقصر...راعية ذوق اهم شي انه القصة نالت على اعجابك حلو تحليلج للقصة...كوني بالقرب وبنجوف شو بيستوي حياج |
اقتباس:
مشكوره على محاتاتج لي...الي منعني عنكم حدث سعيد بالعايله.. بالفعل الاخ الكبير...له دور غير طبيعي بالعايله..هو يي بعد الاب بالمسؤليه خلج بالقرب وبنجوف السر المتخبي بين ام سالم وسعود حياج |
اقتباس:
الحمد لله..وان شاء الله ما اتاخر عليكم ابدا... خلج بالقرب...وبنجوف شو بيستوي حياج |
اقتباس:
خلج بالقرب ...وبنجوف شو بيستوي ... حياج |
اشتقنااااااااااااااااااااااااااااااااااااااااااااااااااااااا ااااااااااااااا لجوووووووووووووووووووري
ننتظرشبكل شوق |
اقتباس:
ثواني والجزء بينزل |
هلا وغلا...مشتاقتلكم ..كثر ما تحمل الكلمة من معنى...
كثر ما يقولها العشاق... كثر ما في السما من طير... كثر ما في البحر من موج... الجزء (24) هايسه من الصبح وراي برسنتيشن الاسبوع الياي...جدام المدراء كلهم....الله يعين..اسوم برسينتيشنها ها الاسبوع ...شكلها وايد مستهمه...اكيد جافت الويل من عمها امس ..ابى اسالها بس ما اقدر اسالها جدام الي معانا بالمكتب...يله باجي شوي على بريك الغدا...حشى ما بغى يي البريك...سرينا انا واسوم صوب المطاعم نتغدا.. جوري:يعني كل ها الحزن..علشان مستهمه من البرسنتيشن اسوم:ولا داريه عن هوا داره.. جوري:عيل شو فيج... اسوم:عمي ...امس شرشحني لحد ما قال بس...ما بقى حد من عايلتي ما غسل شراعه..شكله صبر السنوات الماضيه طلعهم علي امس.. جوري:وانتي شو رديتي عليه اسوم:منو انا...الله يسلمج كنت صم بكم عمي...مب كنت يايه ارد عليه ...عمي ولزوم احترمه ... جوري:يعني هو يدري انج يايه الدوام اللحينه اسوم:ما اعتقد ...وانتي شو يديدج جوري:سعود ..ولد يرانا خطبني...ويبى الملجه اليوم اسوم:شو ..يملج اليوم..وليش جي مستعيل..وانتي وشو رايج..لا تقولين ما بوافق ..بضل طول عمري اربي حور..وما ادري شو..يعني كلام افلام جوري:حشى بالعه راديو...بقولج كل شي..تذكرين اليوم الي جفنا فيه سعود بالمحل ...من ذاك اليوم وصورته مب راضيه تروح من بالي...انا كنت معجبه فيه من وانا صغيرة..يعني مب وايد صغيرة بالاعداديه..قبل ما زياد يملج علي...كنت كل ليلة افكر فيه..اتخيله فارس احلامي ...تدرين عاد مفعول المراهقة...دايما كنت اجوفه مثلي ...انه اكثر واحد حاس فيني....نظرته لما كان يطالعني وانا انتظر الباص ....انا وهو عشنا من غير اهل...على الاقل انا كنت عايشه وسط بيئه يحبوني ..ام واب يحبوني..بس هو وضعه كان وايد صعب..خالتيه ام سالم وايد كانت جاسيه معاه...بالاول كان على بالي بسبب امه...على كلام ريم...امه مب من اهلهم...وابوه لما خذاها ...وايد استوت مشاكل ...بس بعدين ردوا شرا قبل ...بس بالسنه الي سافر فيها زياد للندن..بنفس السنه ..خالتيه ام سالم ..جست عليه اكثر...ما كانت ترحمه..جم مره طردته من البيت ....جم مرة قللت من جيمته جدامنا...كنت وايد ارحمه..كنت احسه محتاي للحنان..صعب انك تحس نفسك محتاي لحد...تبين الصراحة..انا وايد خايفه..خايفه اوافق ويطلع شرا زياد يحب وحده ثانية...وخايفة ارفض..واحرم حور من انها تعيش شرا غيرها من الاطفال ..بين ام واب... اسوم:جوري...محد يدري ربه شو كاتبله...هاي اشياء بعلم الغيب..تفائلي بالخير جوري:الله كريم... في شي مب طبيعي...هاي ثانية مرة اجوف شيخة واقفه مع خليفه..الي يعتبر علم فوق راسه نار من صياعته ولواته..ما مبقي بنيه بالبلاد ما غازلها....بس نظراتهم هم الاثنينه..صوب مكتبي..,هم ما عندهم خبر اني يالسه اراقبهم...يبالي اتجرب واسمع خططهم...شكلهم ناوين على مصيبه...شو الي يالسه اسمعه...مستحيل تكون شيخة وصلت لهاي الدنائه..سمعتها تقول لخليفة..بطلب منها نطلع انا وهي ..ومنها بوصلها لشقتك على اساس انها شقة ربيعتيه... انا متاكده انها تقصدني...نظراتهم صوب مكتبي...يا ربي اشقايل اتصرف اللحينه ...ناصر ..ماشي حل غيره...اتصلت عليه ..مرة ومرتين ..بس ما يرد...وعلى المرة الثالثة رد علي...بس شكله من ربكتي ...ما فهم شي...صالعت على ساعتي...رحت فيها ..راح يبدا الميتنج بعد خمس دقايق... مستحيل ...الي قالته اميره..شي مستحيل..ما يدش العقل..معقوله...في ناس جي..تفكيرها جي..حنا وين عايشين...حسيت عمري بفلم..سرت صوب بيتهم...يلست اترياها بالميلس ...انا وسعيد...طلبت منه يزقر اخته ..بالزور اقتنع ..قلتله موضوع مصيري ..لازم اسمعه منها فيس تو فيس...واول ما واجهتها انكرت..ظلت تلف وتدور..وما رضت تعترف..بس كنت متاكد انها يالسه تجذب ..عيونها زايغه...وتبلع ريجها بين كل جمله...يبت المصحف...حلفتها بالمصحف ..تقول انها مب ورى سالفة جمان...يا ليت ما حلفتها..ليش ييت...ليتني كنت عايش على عماي...ولا سمعت الي قالته...مسكت راسي..لاني احس الدنيا تدور..حسيت الاكسجين خلص..حسيت السقف طاح فوق راسي...كل ها يطلع منج يا اميرة..ليش ...مهما كنت تكرهينها ..ما توصل تسوين الي تسويه....تصدقون كنت ناوي اصفعها...اذبحها بمكانها...بس سعيد سبقني ..وعطاها صفعه...طلعت ركض لغرفتها...ويابلي ماي ..علشان اهدي..لاني كنت ارتجف..حتى نص الماي انجب على الارض...يعني انا ظلمت جمان...يعني طول الفترة الماضيه كانت بريئه... احس الغرفه تدور علي..شكلي يالسه احلم...ولا بسبب السهر الي سهرته امس وي جوري...يتراوالي سمعت حس حمد بالتلفون...رديت ارقد..بس تلفوني رد يرن ..مرة ثانية ...يودته ..وضغطت على زر الرد... جمان:ح...حمد حمد:يا عيون حمد...يا كل حمد...يا روحه جمان:من وين يبت رقمي ...انت وين..وصوتك ليش جي حمد:رقمج عندي من خمس سنوات ...جمان...انا تعبان..ظلمتج...سامحيني يا جمان... جمان:واللحينه بس اكتشفت انك ظلمتني....وان شاء اشقايل عرفت حمد:واجهت اميرة وهي اعترفت بكل شي جمان:اميرة..شو دخل اميرة بالسالفة حمد:ربيعتها هي الي كانت مع خليفة ذيج الليلة..وهي الي خذت اغراضج من السيارة جمان:ربيعتها...ومنو الي ياب اغراضي بالسيارة... حمد:تقول انكم ظهرتوا قبل الامسية وسرتوا المطعم تتغدوا ...وهي جافت الاغراض بسيارتج..وعرفت انهم اغراضج..وتقول انها سمعتكم انتي وريم تتكلموا عن الخاتم... جمان:بس انا جيكت سيارتي قبل ما اسوقها ما جفت شي..ولما رديت البيت من بعد الامسية..الاغراض كانوا بغرفتي... حمد:يا يهمني شي اللحينه..الي يهمني انج تسامحيني جمان:بعد شو يا حمد ...بعد شو حمد:جمان... كنت يايه اقوله..يا حياة جمان..بس تداركت عمري...اسمع صوت البحر ..شكله مب راقد طول الليل حمان:حمد رد البيت ...شكلك وايد تعبان حمد:ما ابى ارقد..ابى بس اسمع كلمة انج مسامحتني... جمان:ما اقدر يا حمد...انت كسرت شي جبير بداخلي..دمرتني..ضيعت ثقتي بالناس..خليتني اشك بكل الناس...تصدق كل الكلام الي انقال عني ..وكل الناس الي بعدوا عني ...ونظرة الناس لي...ابدا ما اثروا علي ..كثر ما اثر علي كلامك..شكك فيني...دمرني...اذا انت الي تربيت معاك ..شكيت فيني ..فاشقايل اللوم الغرب...صعب اسامحك يا حمد..صعب حمد:جمان ..انا اسف...سوي اي شي ..عاقبيني باي طريقه..بس لا تبعدي عني...انتي الهواء الي اتنفسه..انتي روحي...القوة الي استمد عليها طول عمري..كل شي سويته ..علشانج...علشان اوصلج...لا تبعدي ...اترجاج يا جمان... جمان:ما اقدر يا حمد...ما اقدر .. سكرت التلفون ...ويلست اصيح بصوت عالي ...والله احبك..واموت عليك...بس ما اقدر اعيش معاك ..شكيت فيني مرة ..معناته بتشك فيني مرة ثانية...مب قادره اسامحك..بنفس الوقت متاكده اني ما اقدر اعيش من غيرك...ومن غير ما اجوفك بالدنيا ...اه يا حمد...لا تروح عني... شو ها الازعاج..ومنو ها المزعج..الي يجوفني ما ارد عليه ..وبعده يالس يحاول يتصل...جيكت على تلفوني ..وجفتها سارة ...والله ما فهمت ولاكلمة منها...شو اختطافه...وشو شقته..الي فهمته..انها تباني ضروري اسير صوبها...بس المريض الي عندي..ولي حالته حرجه...سرت صوب مكتب الدكتور المناوب معاي اليوم..وطلبت منه اذا يقدر يغطي على مرضاي لحد ما ارد...وقلتله مب متاخر ان شاء الله...شو ها الزحمه ...بتاخر عليها ...سمعت صوت مسج من تلفوني..هاي جوري...الحمد لله انها وافقت من نفسها...والله يوفقها ويعوضها عن الي جافته مع زياد...نفسي اعرف سعود ليش مستعيل جي...طرشت مسج لجوري ..وبلغتها عن طلب سعود...واخيرا وصلت ...جيكت على ساعتي ..حشى مر نص ساعة وانا عالق بالزحمه...بركنت سيارتي ...اتصلت على سارة بس ما ترد ..هذه وينها ..لا وتقول تباني ضروري...بنفس اللحضه وصلني مسج منها...تقول سير صوب الكافتريا وانا بيك....شو ها المصخرة الي يالسه تصير..هاد شغلي ..على بالي مستوي فيها شي ..وهي تباني اسير صوب الكافتريا..شوطت ..بس ما باليد حيله..دام وصلت بكمل..حصلتها يالسه على الكرسي ..شكلها تترياني..اول ما جافتني يت ركض صوبي ويودت يدي بقوة ...ولولا الناس كنت متاكد بتحضني ...وعيونها متروسه دموع....اول ما يلسنا على الكرسي..طلعت موبايلها ...منو ها الاثنينه ..لحضه هاي شيخه اخت نادية...بس منو ها الريال...الي فهمته من كلامهم انه شيخه تطلب من وحده ترافجها بمكان ...ومنها توديها لشقة الريال الي يالسه تكلمه...بس منو هاي الوحدة...صراحة مصدوم ..ما توقعت يطلع كل ها منها ..في ناس بها الدنائه...والخسه...في ناس من بره منتهى الطيبه ..ومن داخل ..منتهى النياسه...جفت على سارة ...نظرتها توحي لشي ..مستحيل اصدقه ..بس هي هزت راسها...شو ..مستحيل ..قمت من على الطاولة بقوة ..لدرجة ان الكرسي طاح من وراي...كنت ياي اسالها وين مكاتبهم هم الاثنينة..بس جفتهم بويهي...ومن غير تفكير حتى..يلست اضربه بوكسات ...جفت السكيورتي ياين...فكونا من بعض...قلتله قبل من ايود يد سارة ونمشي..تفلت عليهم هم الاثنين ..وقلتلهم ...بجوفكم بالمخفر باجر .. شو ملجه وانتقل مرة وحدة...ها شو فيه جي مستعيل... جوري:اسوم ..لحقي ناصر مطرش مسج يقول انه سعود يبى الملجه وبالمرة انتقل لبيته اسوم:شكله الريال رايح فيها...رحميه امي وسير بيته جوري:عن السخافة..قولي شو اسوي اسوم:خل نظهر من الدوام ..ونسري صوب المول ..ونتشرى اغراض..وباجر نكمل الباقي..اهم شي الاشياء الاساسيه.. جوري:ما فيني صراحة...بقول لناصر ..بس ملجه ..وبعدين عاد انتقل... اسوم:وليش كل ها المماطله...اذ الريال جاهز سمعنا صوت الباب ...ودش سعيد..وطلب من اسماء تلم اغراضها ...استغربت ..حتى ويه ما يتفسر ..اكيد مستوي شي ببيتهم...اكيد عمها درى بسالفة شغلها... اسوم :سوري جوري ...جان نفسي اكون معاج ..بس شكله عمي درى بسالفة شغلي..الله يستر جوري:فديتج اسوم ..ادري ما تقصرين...الله يستر من عمج ...طمنيني عليج..ولد عمج ويه ما يبشر بالخير اسوم:ان شاء الله خير..بينا اتصال..اذا طلعت منها سليمه جوري:لا تقولي جي ...لا تخليني احاتيج ... اسوم:بينا اتصال يا ربي من ها العم ...عدم ويوده احسن..بدل ما يكون لها سند..مبهدلنها..وماخذنها بذنب غيرها...وحليلها اسوم...هي وين وسوالف اختها الاوليه وين...هي اذا واحد من الشباب رقمها..تيلس تصيح طول اليوم...سمعت تلفوني يرن...جيكت عليه ..وجفتها سارة ...تقول انها تنتظرني بالباركنج ..شو ...استاذنت من مديري..شكله موده رايق اليوم...وصلت صوب السيارة...شو ها الي بويه ناصر جوري:بسم الله..شو مستوي ..شو فيه ويهك غادي جي ناصر:مب شي مهم ..بس تصفية حسابات جوري:شو تصفية حسابات..سرت المستشفى سارة:اخوج عنيد...من ساعه احن على راسه ..ويقول انا دكتور وبعالج روحي ناصر:سكروا الموضوع...سيروا صوب المولات وتشروا اغراض جوري... اول مرة اجوف اثنيه متناسبين لبعض ..شرا ها الاثنينه الي بالكوشه...اقصد جوري وسعود...الي يجوفهم يقول..انهم انخلقوا لبعض...ربي يهنيهم..ويعوضهم عن الي جافوه بالدنيا...احس كل واحد منهم يكمل الثاني...يلست اتخيل نفسي على الكوشه ..وسيف يالس حذاي...يا ترى بنطلع شرا سعود وجوري نناسب بعض..وجنا مخلوقين لبعض...ماادري ليش احس انه في مصيبه بتصير الاسبوع الياي...تاجيل يوسف للعرس اسبوع ..مخوفني..رد من السفر امس...ويقول انه حجز القاعه اتلغى لانه ما اكدلهم الحجز ولا دفع العربون...وانه حصل حجز الاسبوع الياي...ربي ستر اني مب قايله لحد عن عرسي ..محد يعرف غير اهلي...والبطاقات ما وزعناهم...بس الموضوع مب مريح...قلبي قابضني ...الله يستر يا ربي ..احس عمري بطيح من الربكه..حد يجوفني يقول هاي اول مره تعرس...مب جنه ثاني مره...بس هاي المره احس غير ..احس عمري فرحانه ..ومرتبكه ...وارتجف..يمكن لاني خايفه انه التجربه الاولى تنعاد...طول الدرب وسعود يلعب حور ..ناصر حاول يقنعه انه حور ترقد عندهم الليلة..بس سعود رفض.. الحمد لله هاي بداية خير...اول ما وصلنا البيت ...حور كانت راقده...سعود حملها ووصلها لغرفة ...وقال هاي غرفة حور...كانت غرفة بنوتيه ...كل شي فيها بنك... سعود:جوري..ممكن تيلسي..اباج في موضوع يتني رعشه...عندي احساس انه ها الموضوع يخصنا انا وهو سعود:جوري...هاي غرفتج ..وهاي غرفتيه...حياتنا ما راح تكون شرا غيرنا من الازواج..على الاقل بهاي الفترة...بس في شي اهم من ها كله...انا ما احب حد يدش غرفتيه...لانه كل اوراق شغلي بالمكتب الي بغرفة نومي...فرجاءا خلوكم بعيد عن غرفتي..وباقي البيت كله تحت امرج...تصبحي على خير... لا تسالوا عني...احس عمري طحت من سابع سماء....شو غرفتي وغرفته..شو يعني ما اباج تدشين غرفتيه...يعني كل الي كنت اتامله منه راح...انه يعوضني عن الي جفته مع زياد ...ان بنحوي بعض ..كل واحد يحاول يعوض الثاني عن الي جافه بدنياه...ليش يعاملني جي ...بس تعامله مع حور غير...نظرة الحنان الي بعينه لما يجوف عليها...ليش انا حظي جي بالدنيا...كل ما اقول فرجت ..ضاقت موعدنا يوم السبت ..باذن الواحد الاحد |
..
السلام والرحمة الله حيووو..ضحووكه منوره من هنااا الى (هان قوك)>><<كوريا والبارت روووعه واحداث وتطورات اهم شي حمد عرف انو جمان مسكينه ومظلوومه وقريب اكيد بتسامحه وبتغفر له ...انو شك فيهاا.... ووو ايواا بصراحه سعود هذا غريب عجزت افسر سبب تصرفه وحركته اجل ورى كان مستعجل على هالزواجه معقوله طلبه للزواج من جوري بس عشان حور ولآنه عاش اليتم والحرمان ونوى يعوض حور.... ونسى او تناسى ام حور برضوو هي فاقده حنان<<فاقد الشي لايعطيه ههههه برضوو حتى سعود..مسكين وينرحم ليكون عنده بس مشاكل صحية خخخخخخخ< .... ونحتريك يوم السبت ع خير موفقه قلبووو |
| الساعة الآن 12:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية