منتديات ليلاس

منتديات ليلاس (https://www.liilas.com/vb3/)
-   القصص المكتمله (https://www.liilas.com/vb3/f717/)
-   -   ثقيلة مزحة الدنيـا / للكاتبة : عاد أنا اللي أحبك .. (https://www.liilas.com/vb3/t139574.html)

♫ معزوفة حنين ♫ 13-04-10 12:09 AM

ثقيلة مزحة الدنيـا / للكاتبة : عاد أنا اللي أحبك ..
 



السلآم عليكم ..

روآية آعجبتني جــدآ .. وحبيت آنقلهـآ هنـآ ..

آمممممممم سويت بحث ومآ لقيتهـآ آتمنى محد نزلهآ قبلي ..

آترككم مع مقدمة الكآتبة ..



♫ معزوفة حنين ♫ 13-04-10 12:13 AM



ثقيلة
مزحة الدنيَاا .. غثيثة .. مزحة الأيّام
..!..

تقول إنطر علىَ بابك ترىَ’’ الغالي// علىَ جيّه ..
وأروُحْ لِـ بَابي بـِ خطوه تِسبق الأقدااامـ ..
بـِ شوق يحمِله قلبِي .. وعين تحتضن ضَيّه .. !
رجِعت وخَاطِري .. ضَايق // أنَاا ماشفته يجي أعوااامـ ..
تجين الحين يَا .. دنيَاا تصحّين الحِزن فيّه !!!
كذبتي ليه !! ؟ يَاأيامي علىَ قلب // مِسَى منظآم
وأصبَحْ بـِ الأمل لأنّه ...صدّقك بـِ حِسن نيّه ..!!




♫ معزوفة حنين ♫ 13-04-10 12:14 AM

المشــهدرقـم [1]



"فــرحـــہ لاتگـتـمل! "



قـام عن كرسيـه فـ مكتبه الوثير..طالع في أخوه بنظرآت مدهووشه ومب مصدق..





-انت تقولهاصادق؟





وقف بـ شموخوكأنه واثق من اللي جالس يقوله..تكلم بـ كل ثقه:أيه نعم صـآدق..أسمعني يا عبدالرحمن..مسـألة اني خالفت الوالد بـ كم شغله مب معنـآها اني مب من هـالعايله

عبدالرحمن:بـ كمشغله؟؟..انت اصلاً اول سبب فـ وفـآة الوالد..بعدين انت ماتخاف ربك؟؟..تطالب بـالورث وتراب قبر ابوك ماجف؟







أخذ نفس..ورجع يتكلم بـ هدوء لايفقد اعصابه:انا مب سبب فـ موت الوالد..هذااول شي..بعدين انا ورآي سفـره لـ الخارج..وأبي حقـي الحين ..قبل لاأخذه غصب

عبدالرحمن طالع فـأخوه الكبير..ورفع حاجب بـ تحدي: اعلـى مابخليك اركبـه .. واصـلاً ابوي كتب كل شيبـ أسمي انا وخوله .. وانت اظن مالك نصيب..فـ الاحسن انك تتوكل.."وبـ سخريه"..قبللاتفوتك طيارتك







شد علىقبضــة يده..:زين ياعبدالرحمن..ان ماأخذت حـلالي ماأصير عبدالله ..ريـال ينطحريـال!!!





وطلــع





جلس علىمكتبــه .. هذا هو تـوه ابو 22 سنـه ماسك أدآرة شركـه كامله ..صحيح معاه عمآنه الموثوق فيهم.. بس ابوه موصيه .. وخصـوصـاً ان مافي شي من الحلال يطيح بـ يد اخوهالكبيـر.."العــآق"..بـ نظر ابوه..





طلع من الشــركه وراح البيت اول مادخل كان الوضعمرتبــش..شاف اخته خوله تطلع من غرفه..وتدخل المطبخ..لحقها وهو يسمع صــرآخ زوجته وبنت عمــه

عبدالرحمن:وش الســالفه ياخوله؟؟


خوله : مضــآوي تولد







ماأستوعب..مضــآوي؟..تولد؟..ماقدر يعبـر الا بـ ابتساامه تايهه

ومدهووشه..يصير أبـو؟؟.. شاف اخته تطلع من المطبخ وتدخل الغرفه :طيب وشجابت؟


خوله:اقولك تولد يابن الحلال







جلس على الكرســي..وهو مبسووط وينتــظر













المشــهدرقـم [2]


"أنــتقــآم"



" مسكـه قبل لايقطع الشـآرع"- عبدالله انت بتســأفر باتسـر..وش هالحكي

عبدالله :انا بعلم عبدالرحمن .. الحـلال مب كله له


طالعه بـ عيون حايره:..يمكن هو صادق..يسويهـا ابوك والله


عبدالله:وش أســوي .. عمر قل لي وش اسوي؟


عمـر:اسمعني!..انت لازم تتأكد اول من الاوراق عند محامي ابوك


عبدالله:تأكدت والاوراق صحيحه ورسميــه وكل كـلآم عبدالرحمن صحيح..


ع مر مسـوي متفاعل:الله يحرق قلبه زي ماحرق قلبك


عبدالله:وش اسوي الحين أنا؟؟..مايكفي انه آخذ بنت عمي اللي ابيها..يجي ياخذ حقي من الورث


عمر: لازم تعلمه شلون تاخذ شي هـو حقـه


عبدالله : صح عليك..ابحرق قلبه قبل لا رجلي تتـآطا


المطــآر


عمــر:وش نـاوي تسـوي


عبدالله طالع فـ عمر و على عينه نـظره خاليه من أي نوع من الرحمه :مضـآوي بنت عمي


ع مر:حبيبـة القلب؟؟..وش فيها؟


عبدالله مبتسـم:حـآمل..وهي الحين فـ شهرهــا


عمر:احس اني فهمت ..بس ماعليه فهمنـي


عبدالله يطـآلعه بـتفحص:بس!...توعدني انك تسـآعدي


عمر يضرب على صدره:أفـــأ عليك ..قدها وانا عمر


عبدالله:كفــووو!!!!














المشـــهدرقم[3]



" روح رهـن الاع ‘ـتــقـأل"




- مبروك يامـضآوي..

حضنت مضاوي ولدها:وش نسميـه ياعبدالرحمن؟


عبدالرحمن:على آسم الوالد الله يرحمـه..محمد!


مضـآوي مبتسمـه بـ حزن:يستـاهل عمي والله .. خلااص بـ نسميه محمد


ع بدالرحمن بـنظره حنونه لـ ولده:وش رآيك بـ محمد ؟؟..حلو؟


عفـس محمد الصغير وجهه..وحرك يدينه الصغـار..


ضحكت مضـآوي وبعدها قالت بـ حزن:مدري ليه احس ولدي بـ يشوف الظيم فـ حياته..قلبي ناغزني..مدري ليه احس فرحتـي مب مكتمله


أبتسم عبدالرحمن :لا ان شالله ولدي محد بيقرب له ..ولا يمس منه شعـره .. طول مارآسي يشم الهـوآ..بعدين هذي وسـآوس.. يمكن ضايق صدرك على الوالد


مضـآوي :الله يرحمــه!







- مضاوي ماتبين تروحين المستشفـى؟

إبتسمت مضاوي:لا خوله..ومشكوره..


خوله:ووولوو انتي اخت لي


مضاوي:احس اني روعتك..وربـي مب قصدي


خوله:هههههههه انا يوم ولادتي بـ بندر سويت اللي هو أعظم..لاتضيقين صدرك بس..


مضاوي:ههههههههه


قربت خوله وشالت محمد:هاه وش ناوين تسمونه؟


عبدالرحمن يقوم :محـمد ..على الوالد


خوله:آآلله محمد .. حلوو...أحسه يشبه لك ياعبدالرحمن


عبدالرحمن طالعه مره ثاانيه:صدق؟


مضـآوي بـ إبتسامه ذبلانه من التعب:اجل بيطلع مزيووون


عبدالرحمن:هههههه دام انتي أمـه


خوله تهزه لايصيح:الله يخليه لكم


عبدالرحمن: اقول خوله انتبـهي ترضعينه


خوله رفعت حاجب:ليش ان شالله ؟؟..وش فيه حليبـي؟


عبدالرحمن:مافيه شي يابنت النـآس..بس عشان لاجتك بنت..تصير له


مضـآوي:ههه بدينـا يـ بنت العم لـ ولد العم


خـوله:ايه عيووني احنـا أهل ومانطلع بـرا عايلتنـا


عبدالرحمن:بس فيه احد سواها..


خوله:الله يهديه عبدالله .."تذكرت".. ماقلت له ان مضاوي جابت ولد


عبدالرحمن:انا بقــوله..





♫ معزوفة حنين ♫ 13-04-10 12:17 AM


المشــهد
رقـم [4]



"قســــوـــہ"




- وين عبدالرحمن؟


خـوله:طالع مع مرته لـا لمستشـفى


عبدالله: كان ودي اوقف عليه ..اجل وين محمد؟


خـوله ابتست وطالعت الغرفه:هنـاك مع الشغـاله..كبر ياعبدالله..ياحبي له .. صار عمره .."وتــأشر بـ يدها"...أسبوعين


عبدالله:أيييه..الا على وين اشوفك لابسه عباتك؟


خوله:ابد البيت..بطل على بندر ولدي وارجع


عبدالله:أيـه..خلااص اجل انا بروح المطـآر


خوله:منت تارك السفــر..عبدالله خـلآص خل عنك هالسـفر


عبدالله بـ حقد وقهـر:دام اخوك بـ السعوديه انا ماني جالس فيها


خوله:اووه ياعبدالله !...لين متى يعني هالكره؟؟..


عبدالله:انا من أول كارهه وسـآكت!..اما الحين ابحرق قلـبه زي ماحـرق قلبـي


خوله:وش قصدك؟؟


عبدالرحمن:ماأقصد شي..انا بروح


إتجــه لـ الباب وركب السياره..اول ماتطمن ان خولـه طلعت .. راح لـ البيت


/


قـآل وهو يشيــل محمد:إسمح لي ياولد اخوي..ادري مالك ذنب..بس لاتـخآف..بـ أحطك بين يدين أمينــه









وطلـــــــــــع









المشــهدرقـم [5]





"نهـــآية بدآيــــہ"



- من هـذا؟...ومن انت أصـلاً؟


عبدالله طالع فـ عمر اللي قـأل:اسمع يابو سطام!..هذا ولد لقيـط مسكين..


أبوسطـام:وش علي منه؟


عمر:مو إنت تبي ولد؟؟..تقدر تنسبـه لـ نفسك..دام ماعندك عيـال..


عبدالله: انا سمعت إن مرتك ماتجيب عيـال ...انا مستعد اعطيك فلـوس تعالجها..عشان تنجب لك..بس تاخذ هالولد عندك..


عمـر:هاه وشقلت؟


أبو سطام يناظر فـ محمد ومتنـآسي إن إلي يسـويه اكبر غلط فـ حق هـ الطفـل..وفـ حق نفسـه ودينه :واللهعرض مايتفوت..


قـآم عبدالله وحط محمد على الكنبـه..ومعاه الشنطه حقـته..:أجل انا بكتب لك شيك بـ قيمة نص مليوون..بس تكتم ع الموضوع


أبو سطام طارت عيـونه:نص مليوووووون؟؟؟


عمر ابتسم:وبنزيدك خير..بس هاه


أبوسطام:ماله أهل؟


عبدالله:لا ماله..المهم.."شق الشيك ومـده"...وزي ماقلت لك..تراني وراك وراك ان علمت أحد









سكت أبو سطام..رجل مستـور..فقير يحتاج الريال الواحد.. ماقدر يرفض عرض مثل هذا لانه لو بيرفض يمكن يخسـر حياته او راحة بـاله..لانه يعـآمل ناس..مستحيل يقدر عليهم









المشهــدرقـم [6]



"ســآعـــہ و حدـــہ بس"



- شلون يعنـي ماتدرين؟؟


عبدالرحمن:مضـآوي هدي نفسك..هو مع عبدالله ان شاء لله انه بخير


مضاوي:انت تعلب علي ولا على نفسك؟؟..دامه مع عبدالله عز الله مارجع لي الولد


عبدالرحمن :وش تقولين انتي؟؟


×


×


- وش تســوي ياعبدالله ؟؟..بــطئ شوي


عبدالله وهو مسرررع بـ سيارته:ابي الحق على طيارتي


عمـر:طيب مب طـأيـ.......









ماتت الكلمــآت..ودخلت سيارة عبدالله فـ تريلا..









المشهدرقم [7]


" مات مع مـوت آلآمـل فـا لرجوع"


- لو سمحت ..عبدالله محمد الـ"......"


- غرفه رقم (..) الدور الثـآني










راح لـ المكـآن ركض..وصل لـ الغرفه لقـى جثــة أخوه ممدده ..راح



عبدالله وهو يشـد على مفـرش المستشفـى الابيض.. :آآآآآآآآآآه..هاتوا لي عبدالرحمن


وصـل عبدالرحمن لـ أخوه ومسك يده:عبدالله ..عبدالله وش اللي سـوآ بك كذا؟


عبدالله بـ حقد وكـره:انت!..انت اللي سويت فينـي كذا من يوم أخذت مضـآوي..وانت تدري اني احبها اكثر من نفسي


عبدالرحمن ماسك نفســه:وين ولدي؟


عبدالله ضحك:هههههههه..ماراح اقولك وين..بس لاتخاف انا....انا عـ..."بدت انفاسه تتسـآرع"..انا عم رحـ..رحوم.. خليته بين يـ...يدين امينـه يتربى.."بدا يكح"..وعمـر مات ولا راح يقولك


عبدالرحمن:عبدالله ترا وربي ان ماعلمتنـي لـ أن تمووت وانا ماحللتك


عبدالله:هههه..كـ..كثر منها تكـفى..من مفروض يحلل الثـأني وانت اخذت مـ..مني كل شي..اصلا انت من صرت تمثل دور المثـآلي وانا صرت كـ..كخـه عند الوالد..بس لاتخاف أنا بخليك شلون تجرب الحرمــآن..بحرمك من ولدك اللي مابعد حــتى شميت ريحته..بـ .. بحـ...عبـ..عبدالرحـ..من!!!


وســط دهشــته .. رمش كل من مــره وهو يتخيل انه ماراح يشــوفولده..


ركض لـ الدكتــور ..


/


/


- شلوووونمات؟؟؟..ومن غيره يعرف مكان محمد؟


عبدالرحمن:في صديقه يعرف وين..كان معاه بـ السيارهبس


مضـاوي تهز زوجها:بس إيييييييييييييش؟...


سكـر عبدالرحمن عيــونه بـ قل حيله ..يمنـع دمعته من التســلل لـ الخـآرج .. حــس بـ مضاوي تهـزه:تكلم تكفــى!!!!!!!!!!..وين محمد .. وش فيه صديقه


عبدالرحمن:هو في غيبـوبه وأحتمـال مايقوم منها ابد ..أبد


مضـاوي جلست ع الارض ..طالعت فـ الـ"لاشي"..فجـــــأه !..بدت تصيح بـهستيريــآ.. :لالا..لاياعبدالرحمن..تكفففففى دور لي ولدي..الله يخليك !!!!!!!!!!!!!


عبدالرحمن:هدي نفسك يامضـآوي..ان شالله بنلقـآه انا بحط إعلان بـالجرايد..وإن شاء الله نلقــآه








نهـــآية المقدمه ..]

♫ معزوفة حنين ♫ 13-04-10 12:19 AM




هـذي المقدمة ..

وكل يوم بـ آنزل بآرتين بإذن الله ..

قرآءه ممتعـة =) ..




الساعة الآن 05:15 PM.

Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية