رأيك يهمني
 

سلخيرررررررررر

كيفكم حلوين فيه موضوع مهم وحابه اعرف آرائكم فيه

وهو هل المهر يمثل قيمه البنت ؟؟

بمعنى سمعت بنت فلان اهلها طلبو مهر لها 200000 ريال

وبنت علان اهلها زوجوها ب 10000

وش بتفكر ان البنت الاولى اهلها عازينها وأنها تستأهل هالمهر و العريس شاري نسبهم ودفع مبلغ كبير المهر

والثانيه ان اهلها مرخصينها وانهم يبون الفكه منها وأنها بتكون رخيصه بعين العريس

كلام تناقشت فيه مع بنات قرايبي وكل ناس خذو موقف

الاول ان الرجال لازم يحس بقيمه البنت عشان كذا لازم مهرها يكون غالي والا الي يجي برخيص يروح برخيص


الثاني وانا معه ان عمر المهر ما كان يمثل قيمه البنت سوا قليل او كثير


تهمني آرائكم ياليت تشاركونا بالنقاش

وهنا أنبه أني ما اناقش ارتفاع المهور لا

أناقش هل المهر يمثل قيمه البنت

انا بعتبر ان المهر يمثل قيمة الرجل وامكانياته لاقيمة الفتاه لانها جاتها علي البارد مش خسرانه فيها شئ

وعليكم السلام اخت خفووق ..
بصراحه تفاوت المهر ..راجع لمستوياات العوائل وكل عائله واللي متعوده عليه
اما انه يدفع 10000 والا مئتين الف ..؟؟>>فيس يقول ..خير الامور الوسط

وسواء كانت اقل او اكثر ..ماأظن انه شي يعبر عن قيمة المرأه ..؟؟
لان اغلب العوائل لما تحدد قيمه بسيطه للمهر هذا مو معنااه انها رخيصه بالعكس ..هذا دليل ان الرجاال غالي ..وعلى قولتهم احناا نشتري رجاال ..ولولا غلا بنتهم ماأرخصوا الدنيا فيهاا

اما اللي يطلبون مهور غاليه ..اما انهم متعودين على هالشي ويبغون يسااوون كل البنات مع بعض او لانهم نااس همهاا الماال ..وهالشي اتوقع يدل على رخص بنتهم لانهم يسااومون عليهاا
ولو فكروا عرفوا ان حتى مال قاارون مايجي قيمه لهاا ..

اتمنى اكون وصلت للفكره ..
مشكووره اخت خفوق ..موضوع ماعمره خطر ببالي رغم ان المهور اغلبها 40 الف اللي اسمع عنه وهذا الشي متعارف عليه ..بس فيه نااس مقتدره بزيااده فيزيد العريس من عنده ويمكن توصل للميه او اكثر ..يعني اللي اعرفه ان العريس هو اللي يقدر المهر ..>>على قولتهم احناا نشتري رجاال ..

ومشكووره على روعه الطرح ..
دمتي بحفظ الله ..

خيتو استقاله قلب

حنا طبعنا اهل الزوجه يحددون

فا اهل الزوجه هم المتحكمين بهالنقطه

يسلمو على مشاركتنا برايك

هلا با اختي شبيه القمر

الي طرا السالفه ان رجال وقت الخطبه حلف على زوج بنته ما يجيب غير 20000 الف مهر

والكل جلس يقول انه راميها ما صدق على الله احد يخطب عنده وانت البنت ما تنخطب عشان كذا فرح وحلف ان المهر قليل

لان عايلتنا مهورهم 70000 وصار لنا اكثر من 20 سنه وهذي المهور

فكانت حركه والد البنت هي سبب تفكيري البنت ممتازه ولو ولدي بسن زواج ما افكر غير فيها

بس الكل ترك شخصيه البنت وركزو على سالفه المهر وكانه هو قيمتها الحقيقيه

لاهنتي على ردك