|
لا تجرحيني
لاتجرحيني جرحك العام ماطاب
داوي جروح العام ثم اجرحيني ياغايتي ومناي انا منك منصاب ماتكسبين الأجر وتعالجيني عسى اللذي اغواك ياسيد الاحباب يقضي حياته بين هم وونيني زولك على بالي من العام ماغاب وليتك تكرم في منامي تجيني ويانور عيني كل شي له اسباب بانت لي اسباب الجفا ياضنيني عوّد على قلب من مفارقك تاب لاتسمع العذّال والحاسديني شيبت بي يازين وانا بعد شاب وين العهود ووين هاك السنيني نسيت عشرتنا على شان كذاب ونسيت ايام مضت ياضنيني كلمات قديمه لا نعرف صاحبها اما القصيده التاليه فهي للأمير (( بدر بن عبدالمحسن)) لا تجرحيني .. جرحك العام ما طاب داوي بحنانك ما مضى .. واجرحيني ياللي حنانك نظرة بين الأهداب ردي علي بعض العزا .. ناظريني خافي على قلبٍ يحبك إلى ذاب ذاب الهوى في خفقته .. والحنيني لولاك ما زار القمر ليل الأحباب ولا لوحت شمس المحبه جبيني ولولاك .. ما يلفي على الدّار غياب ولا تبكي اللي فارق الدار عيني في غيبتك كل الملا عندي اغراب ما أحدٍ أبي قربه .. ولا أحدٍ يبيني لا ياغلا كل القرايب والأصحاب ضاع العدل في الناس لو تظلميني اتمنى ان تنال اعجابكم جميعا برعاية الله |
لولاك ما زار القمر ليل الأحباب
ولا لوحت شمس المحبه جبيني تسلم ايدينك يالمجنون نقل موفق اخووي القصيدتين حلووين كثيير بس عجبتني القصيده الثانية للامير بدر اكثر . الف شكر لك اخووي وننتظر المزيد من ذائقتك الشعرية. تحيااااتي وجه الصباح /اللبؤة |
في غيبتك كل الملا عندي اغراب
ما أحدٍ أبي قربه .. ولا أحدٍ يبيني لا ياغلا كل القرايب والأصحاب ضاع العدل في الناس لو تظلميني مبدع كالعادة اخويه تسلم |
جميل أخي الكريم .. أعجبتني الأبيات جداً .. سلمت يمينك .. |
في غيبتك كل الملا عندي اغراب ما أحدٍ أبي قربه .. ولا أحدٍ يبيني لا ياغلا كل القرايب والأصحاب ضاع العدل في الناس لو تظلميني ابيات البدر اجمل سلمت يمينك على هذا الابداع بحفظ الله ورعايته |
| الساعة الآن 03:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية