أه ياعصر اجدادي
 

(كان ياماكان في قديم
الزمان)
جمله نبدا فيها في كل
قصه من قصص قبل النوم
منتدى ليلاس الثقافي

واناببدا فيها في موضوعي
اليوم
من زمااااااااااااااااان
كان اذا فيه احد سكن بيت
جديد كل جيرانه اللي حوله
يجونه ويسلمون ويعزمونه
في بيوتهم ويقومون بواجبه
يذبحون له وتصيربينهم زيارات
ويصيرون مثل الاخوان
كل واحد مايدخل بيته شي
الا ذاكر جاره ومعطيه
الحريم زي الخوات مابينهم
رسميات
وعيالهم اخوان
¥¥مــــــشــــــهـــــــــد¥¥
الساعه 8الصبح

تسمع طرقات ع الباب
ام سعيد:ريم ياريم شوفي الباب
ريم:ابشري يمه
ريم تسأل من ورا الباب:من
ع الباب
ام محمد:افتحي يمتس انا
ام محمد
ريم تفتح الباب :مرحبابتس
يمه وش ذا الصباح المبارك
اللي صبحت به في وجهتس
ام محمد:صباحتس ابرك يمتس
وشلونتس عساتس طيبه
ريم:بخير الله يسلمتس
قلطي يامرحبا تونا حاطين
قهوتنا
وهم يمشون رايحين لام سعيد
ام سعيدوهي توقف:ياالله حيها
ام محمد:الله يبقيتس
ويتسالمون ويقعدن يتقهون
ويسولفون وافطرن مع بعض
(ام محمد عندها4عيال بس)
(ام سعيد عندها3بنات وولدين)
الساعه 11الظهر
ام محمد:يله اترخص انابروح
اركب غداي ومحمد عنده
عشا اليوم ويبي تشكيله ولا
ادري وش اسوي له
ريم :ولايهمتس يمه اناوالبنات
بنسوي التشكيله انتي ماعليتس
الا الذبيحه
منتدى ليلاس الثقافي

ام محمد :جعلني ماذوق حزنكن وش بتسوين فديتس
ريم :بسوي سلطه وورق عنب
وحلى ومكرونه
ام محمد:لاتكثرين فديتس
ام سعيد:ماعليتس اهم شي
بياض الوجه ياام محمد
ام محمد:اكتبي الاغراض اللي
تبينها في ورقه
راحت ريم تكتب الاغراض
وجات وعطتها ام محمد
وطلعت ام محمد منهم
وراحت ريم تسوي الغدا
وامهاتكمل خياطها

منتدى ليلاس الثقافي
¥¥العصر¥¥
الباب يطق
سعيد :اقلط
محمد وهوداخل وفي يده
اكياس :السلام عليكم
سعيد يواجهه ويرد السلام
ويعطيه محمد الاغراض و
يستئذن
سعيد:بدري يارجال تقهوى
محمد:لا لامستعجل وتراكم
معزومين ع العشا
سعيد :لمن عشاك
محمد:لولدخالي
وطلع
ودى سعيد الاغراض لخواته
ومن اذن العشا الا ام سعيد
وبناتهاعند ام محمد وكملوا
الشغل وماراحوا الامرتبين
المطبخ ومكفينها الشغل

والييييووووووووم
الواحد اذا سكن بيت جديد
محد جاه من جيرانه اللي
حواليه وكل واحد مايقوم
بواجب جاره ولايعرف اسمه
حتى

منتدى ليلاس الثقافي
¥¥مشهد¥¥
الساعه 4العصر
ام سعيد ارسلت الخدامه
بقهوه وفواله لجارتهم
الجديده
الجاره تسأل :انتي من بيت مين
الخدامه:بيت ام سعيد ماما
يقول هيا يجي الهين انتا موجود
داكل بيت
الجاره:خيرخير احد يجي هالوقت وين عايشه هاذي
لالالا قولي لها انابروح بيت بابا
هزت راسها الخدامه وراحت
الجاره نادت خدامتها :ماري
تعالي اخذي هالشي ووديه
ودخلت وهي تتحلطم وش
هالجيران الحوش احد يسير
هالوقت الناس يسيرون من
بعد8وهي تجيني وقت غدا

منتدى ليلاس الثقافي



سعيد وهوطالع من البيت الا
يشوف جارهم الجديد طالع
من بيته ويروح يسلم عليه
ويعزمه ع القهوه
الجار الجديد :لا لا خلنامن
هالعادات المتخلفه لاتقهوى
عندي ولا اتقهوى عندك
وكلن في حاله جيرتنا
ماتعدا السلام وبس
سعيد:افا افا ع العموم على
راحتك يااللحية الغانمه



تغيرت نفوس الناس على
مرور السنين
اتباع السنه وان الرسول وصى
بسابع جار
والعادات والتقاليد صارت عندهم اشياء متخلفه
الجار يستثقل جاره
الناس قلوبهم تباعدت
آه يازمان اول
آه ياعصراجدادي

تسلمين غنوج << فيس يبوسج

للاسف هالزمن ولى.. يوم اليار يحاتي ياره.. وجان ما جافه في المسيد وقت الصلاة ايروح بيته يطمن عليه

وعيال الفريج كلهم اخوان اهل.. الله يذكر هالايام بالخير<< فيس يتمنى لو هالايام ترد

تسلمين حبيبتي<< الفيس راعي الورود


http://www.liillas.com/up3//uploads/...29afe633ce.gif