كثر ماأشتقت .. {لكـ}
صباحكم رائع بروعة أحاسيسكم ومشاعركم .. كم إشتقت لتواجدي هنا .. إنشغلت عن مكان لطالما قضيت فيه أجمل أوقاتي .. إشتقت للشعر ولرواد هذا القسم .. أحببت أن أشارككم في شعر قرأته في أحد المنتديات وراق لي .. وأتمنى أن يروق لكم :flowers2: *** كثر ما أشتقت لك . , والا كثر ما كنت [ أفكر فيك ] ! كثر ما طالت دروبي معاك .. وتعبت آقدامي , على ويش آحرجك ؟ وأنت الغلا منك , وبين يديك ! لاوالله جفّت أوراق الكلام .. ورفعت آقلامي , ( على راحتك ) , شوف اللي تبيه , وشوف وش يرضيك ! لو أنك تقطع حبال الوصال وتقتل آحلامي , لكن : تكفى وتكفى طالبك , ( يا جعلني ما أبكيك ) ! [ لا تترك فرصه لـ غيرك , يداوي : جرحي الدامي , لا تترك لـ السهر , ماطآ قدم , في عين من يغليك ! وأنا عزالله آحتاج لـ دفاك .. فـ بارد أيامي , أنا : لاهبت هبوب الغرام , وجتني بـ طاريك !! آفلّ لها شراع ٍ ما طويته .. وآرفع آعلامي , آجل وشلون ؟ ( لا استحليت مرّك ) في رجاء : حاليك , بـ عذري : لا نسيت الكون كله .. وأنت قدامي , تبي تبقى : ( مراسي ) عهدي الاول , على شاطيك , ما هزّتها العواصف , والبحور وموجها الطامي , آحبك , وأن وقف فيني طريقك / ماني بـ ناسيك ! يابهجة خاطري , وآحساس روحي , وآكذب آوهامي ! هذا يكفيك ؟ والا ياعديل الروح مايكفيك ! عزاي : أنك ما تجهل منزلتك .. وقدرك السامي..!! ..........................................مشعان البراق |
لكن :
تكفى وتكفى طالبك , ( يا جعلني ما أبكيك ) ! [ لا تترك فرصه لـ غيرك , يداوي : جرحي الدامي , فيدووو القسم توله عليج.. لا تقطعين تسلمين فديتج |
يسلم ذوقك
حفيده ربي يسعد ايامك برعاية الكريم |
آحبك , وأن وقف فيني طريقك / ماني بـ ناسيك ! يابهجة خاطري , وآحساس روحي , وآكذب آوهامي ! هذا يكفيك ؟ والا ياعديل الروح مايكفيك ! عزاي : أنك ما تجهل منزلتك .. وقدرك السامي..!! راق لي ماراق لك ياالغلا سلمت اناملك ربي يسعدك مووودتي :flowers2: |
اقتباس:
وأنا بعد تولهت عليه وااااايد .. بإذن الله أطل عليكم :friends: وربي يسلمك .. فيدتك .. شاكرة لك مرورك كل الود:flowers2: |
اقتباس:
الله يسلمك أخووي شاكرة لك مرورك حفظك الله |
اقتباس:
ربي يسلمك يالغلا .. شاكرة لك مرورك أنرتِ متصفحي .. ودي:flowers2: |
اقتباس:
وعليكم السلام ورحمة الله وبركاته .. شاكرة لك مرورك .. ودي ,’ |
الساعة الآن 05:17 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية