|
ازاي تعرف انك بتتفرج علي فيلم عربي
ازيكم يا بني ادمين انا اسلام ياريت متكونوش نيستوني النهاردة هنتكلم عن الافلام العربي القديمة يلا بينا ازاي تعرف انك بتتفرج علي فيلم عربي لما يكون البطل مريض وبيموت وتديله البطلة حبة الدوا مع كوباية مية وبعد ما يبلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن كده بالسهولة دي.. هو واخد حبة البركة ولا ايه؟ لما يوصل البوليس لموقع الجريمةمن غير ما حد يبلغه تقريبا المخرج هو اللي بلغ علشان يصور.. أمّال هيصور ايه لما يصاحب مشهد التغرير بالبطلة لقطات الامطار الغزيرة والبرق والرعد والشباك الي بينغتح بعنف علي مصراعيه وتلاقي البطلة في الفيلم مصيّفه لما تقول البطلة للبطل انها حامل فيرد البطل على طول.. اللي في بطنك ده لازم ينزل غالبا بيكون يوسف شعبان لما تفاجئ باغنية مالهاش أي لزمه في نص الفيلم مش عارف ايه العلاقة بين الاغنية والفيلم لما يكون من المستحيل انك تلاقي التليفون مشغول والطرف التاني يرد من قبل ما النمرة تجمع ولا تدي جرس حتى العبارة الساذجة الشهيرة اللي بتكون مع مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي عندما يسكر البطل فتلاقيه يصب كوب ممتلئ علي اخره بيسكر بعصير قصب لما يخرج الطبيب من غرفة العمليات يرد جملة من ثلاث جمل اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوها دلوقتي لما يقعد البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا يخلص المشهد من غير ما حد يشرب حاجة تقريبا علشان هيتصور بالمشاريب دى فيلم تاني لما يصاب البطل بطلق ناري في قلبه وتنزف الدماء من بطنه زي صلصلة الكشري ويفضل يتكلم بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين لما تاكل الابنة الفطار وهيا واقفة وبتاخد لقم سريعة فتقولهاامها ما تفطري يابنتي كويس تقولها: لا علشان الحق المحاضرة وتبوسها وتمشي وتبص الام لل اب ويقعدوا يدعولها لما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه لما تلاقي مقر العصابة ملئ بالقش والبراميل الخشبية لما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو ويارب يعجبكم الموضوع وسلااااااااااااااااااااااااااااااااااااااااااااااااااااااام |
يا اهلا يا اهلا باسلام الغائب
ايه يا بني انت كنت مهاجر و لا ايه؟؟؟ انا لما شفت العنوان مصدقتش دخلت الموضوع و اتاكدت و ازاي ترجع بهدوء كده؟؟؟؟؟ ده انت كنت بتوقف المنتدي علي رجل و ساعات كنا بنرقص علي واحدة نص سيبك انت المنتدي كان مضلم من غيرك يلا اهلا بيك مرة تانية و عيب اوي تقول مش فاكرينك بس انت طولت الغيبة و الموضوع عسل عارف اكتر حاجة عجبتني ايه؟؟؟؟ البوليس اللي بيجي من غير ماحد يكلمه و البنت اللي بتاخد معونة احضان اميركية بعد كده يدعوا عليها احم احم اصلي مجرباها شكراااااااااااااا اسلام علي الموضوع الجميل و منورنا |
اقتباس:
اهلا بيكي انت يا ريري والله مكنتش مهاجر بس كنت مشغووووووووووووووووووووووووووووووووووووول كان عندي 86214حاجة لازم اعملها كان الكمبيوتر بايظ ومش فاضي اصلحه والنت مقطوع ومش فاضي ادفع الاشتراكده غير الصيبة الكبيرةالمية كانت قاطعة واديني رجعت تاني وواضح جدا ان اناواحشكم بدليل ان انتي بس اللي رديتي عليا عموما ....ماشي يا بني ادمين انا رجعتلكم وهجننكم ويارب تعجبكم مواضيعي الجديدة وسلااااااااااااااااااااااااااااااااااااااااااااام وشكراااااااااااااااا ياريري علي ردك الجمييييييييييييييييل جدا |
اهاااااااه
عارفاها مشاكل المية اللي بتقطع دي بس انا كنت مشغولة في الامتحانات بتاعت الترم و الدراسة الترم التاني رخم اووووووووووووووووووووووووووووووووووووووووووووي و الفيزياء مطلعة عيني يلا ارجع بالمواضيع بتاعتك دي الي بتجبلي الضغط و السكر |
اقتباس:
طب ماشي اصبري ده انا هشلك طب خدمة رفيعة اي حد يدوس علي الرابط ده هيساعدني كتير BiteFight Server 2 - |
| الساعة الآن 06:10 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية