منتديات ليلاس

منتديات ليلاس (https://www.liilas.com/vb3/)
-   القصص المكتمله (https://www.liilas.com/vb3/f717/)
-   -   قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالم (https://www.liilas.com/vb3/t137686.html)

ضاقت ولا ادري 11-03-10 07:58 PM

قصة الألم والبكاء وبقاء الأحزان في قلوب عاشت أنواع الظلم فقط لأجل العيش في دنيا ظالم
 
السلام عليكم
اخباركم يالغلا
يشرفني انا انزل لكم اول روايه لي
واتمنى تلاقي استحسانكم
طبعاً انا منزلتها بغير منتدى
بس قلت ليه التعب وليلاس الغلا موجود
وهذا اول بارت واذا عجبكم كملت
منتدى ليلاس الثقافي


/قصة الألم والبكاء وبقاء الأحزان في قلوب عاشت
انواع الظلم فقط لأجل العيش في دنيا ظالمه
البداية : (العائله اللي راح اكتب عنها من راسي ولا ادري اذا هي موجوده او لا واذا كانت مع انه احتمال بعيد فهم مالهم علاقه باالقصه لا من بعيد ولا من قريب )
*************************
]>>الأميري عائله معروفه بأخلاقها ونسبها العالي والكل يعرفهم في منطقتهم واللي حواليها اشتهرو كثير بالشجاعه والكرم والطيب والأخلاق واشتهرو بعد بكثرة التوائم بعايلتهم وعندهم واحد من اعرافهم اللي يشتهرون فيها انهم ما ياخذون الا من اقاربهم حفاضاً على اصل العائله من الأختلاط بالعائلات الثانيه وعندهم عرف ثاني ان أولادهم أعمارهم متقاربه من بعض لأجل ما تكون فجوه بينهم من ناحية التفكير والمبادئ مع انها موجوده لو سوو ما سوو ......وشئ لازم ان كل واحد ياخذ من اهله مو من برى <<,
حمد بن محــــــــمد الأميـــــــــــري رجال شديد ومعروف بكل الديره متوفي من 15 سنه
زوجته سمر طيبه لكنها انظلمت بزواجها من حمد متوفيه من 20 سنه عندهم 3أولاد وبنت وحيده
ترتيبهم مع أولادهم
الولد الكبير من أولاد حمد (محــــــــــمد )42 سنه شديد مثل أبوه وقاسي شوي خصوصاًعلى بناته
زوجته ناديه 40 سنه امرأه تعطي الأوامر ولازم تتنفذ تحب بناتها بس لازم تشد عليم بأمر من زوجها
ابنائه 6 ...3أولاد الكبير تركــــي 26سنه اليد اليمين لأبوه عصبي حده ما يحب احد يعارضه يحب يفرض شخصيته على الكل وخصوصاً خواته البنات ولما يعارضه احد ما يتفاهم معاه الا بالضرب يشتغل مع ابوه بشركتهم
الثاني من أولاده سلطــــــــان 21سنه طيب وحبوب لكن بدون ما يبين هالشئ لأحد دايم بحاله وما يدخل في شئ ألا لشديد القوي طالب جامعي قسم هندسه
الثالث من أولاده ميــــــــثم 17 سنه ثاني ثانوي \علمي أخر العنقود لعاب من الدرجه الأولى ويحب الفله والوناسه ماحي فكرة انه لازم يكون مثل أخوانه وأبوه وشخصيته جديه من قاموسه طول الوقت فاصل عن الجد دايم يمزح ماعدى لما يكون مع أبوه وأخوانه
البنات 3 الكبيره منهم الريم (ريم)22سنه حلوه وما عليها بيضاء على أمها (وهي صفه تميز أهل أمها قصدي أولاد خالها )عيونها عسلي وشعرها بني غامق شخصيتها قويه تعبر اليد اليمين لأمها بالجامعه قسم التصميم الداخلي
التوأم غــزلان ودلال 18 سنه ثالث ثانوي \علمي بنات فله وشياطين يحبون الضحك دايم مع بعض نفس التفكير نفس الطريقه خوفهم الكبير تركي وأبوهم الشئ الوحيد اللي يفرقهم ان دلال عندها شامه صغيره عند اذنها ماتبين كثير طولهم حلو عيونهم عسلي على رمادي بشرتهم بيضاء وشعرهم بني فاتح
الولد الثانــــــــــــــــــــــــــــي من أولاد حمد (جابـــــــــــــــــــــر 41 سنه قاسي أقسى أخوانه وشديد وجدي ما يأثر فيه شي أبد ما يحب أحد يتصرف الا لما يبلغه قبل
زوجته مزنه 40 سنه وحده طيبه حيل تخاف من جابر واخوانه تحاول تتفادى المشاكل بأي طريقه ودها
لو جابر يحن عليها وعلى عيالها ويبطل الظلم اللي هو طبع من أطباعه المتأصله فيه
أبناء جابر 6
3أولاد الكبير سعــــــــود 25 سنه دكتور بالطب النفسي بمشفى تابع للحكومه دايم مع الحق حبوب بس شديد أخلاقه تمام وتقريباً هو وبندر وسلطان نفس الأخلاق اهم شي ما يزعل ابوه يحاول يغيره بس بدون فائده
الثاني خالد 20 سنه دايم بالشارع يجي البيت للأكل والنوم ما يعرف شي اسمه عيب او حرام ما يدل طريق المسجد الا يوم الجمعه لصلاة الجمعه مع ابوه واخوانه وما يصليها الا لأجل يسكت ابوه عنده سر كبير ما يعرفه غير سعود
الثالث زياد 17 ثاني ثانوي علمي شاب عادي مافيه أي ميزه غير ادبه في التعامل واللي أخذه من سعود
3بنات الكبيره رنيم 21سنه بالجامعه قسم حاسب الي بنت عاقله ودايم تخليكم تحسون انها تعرف كل شي وكل الناس عندها ما يفهمون وسخيفين(يعني مغروره شوي
التوأم\غزل وبنين 15 سنه مثل دلال وغزلان بس انهم شلة شر بكل معنى الكلمه خوفهم ابوهم مستحيل يتكلمون عنده وأكثر شخص يكرهون أخوهم خالد وولد عمتهم حمد
الولد الثالث من ابناء حمد (عبــــــــدالله ) متوفي من14 سنه لما مات عمره 27 سنه طيب ومبين من وجهه ما يحب شي اسمه ظلم ولد أخوه (محمد) سلطان يشبه له
زوجته حصه توفت من 4 سنوات لما ماتت عمرها 37 اهم ما عندها عيالها تحميهم ولو بروحها اهم شي يظلون عندها وتحت عينها
منتدى ليلاس الثقافي



أولاد عبدالله الكبير بندر 23 سنه طالب بكلية الحقوق(ما أدري اذا هذا الكليه موجوده عندنا لأن معلوماتي مو شي فمشوها لي )ادب واخلاق عاليه عنده مبادئ متمسك فيها من الطفوله ابوه رباه بطريقه غير عن تربية عمامه لأولادهم خواته مهمين بالنسبه له يموت ولا يجيهم شي لأنهم و صاة امه له يخدم الكل بنفس طيبه قانع بعيشته اللي عايشها يشتغل بعد الجامعه بشركه خاصه تابعه لواحد من أصدقائه
3بنات الكبيره ياسمين 21سنه بالجامعه قسم لغات طيبه مثل أخوها ماتعرف لشر طريق حبوبه تهتم بخواتها مثل امهم واكثر بيضا ء وعيونها أسود وشعرها طويل ونااااااااعم
الثانيه بسمه 18 سنه ثالث ثانوي علمي صديقة دلال وغزلان من الطفوله بنت تحب تتذمر اذا ما صار اللي تبيه هي والشله دايم لعب وناسه بس يغلب عليهم الجد في بعض الأوقات بما انهم علمي
الثالثه والأخيره وريف 15 سنه ملسونه ولسانها ما تمسكه ابد زاحف عقلها مثل كثيرمن عيال عمها تموت في شي اسمه بندر في الدراسه مو بالحيل بس ذكيه كثير في مجالات ثانيه
الأخير من أولاد حمــــــــــــــــــــــــد الأميري العـــــــــــــــــــــــــــنـــــــــــــــــــ ــــــــــــود أرمله من 3 سنوات عمرها 38 سنه طيبه صديقه لبناته وبنات أخوانها تموت في شي اسمه أخوي عبدالله (بعدين بنعرف ليه )
أولادها الكبير حــــــــــمد 22سنه حقير بمعنى الكلمه ما يعرف لاأم ولاأخوات ولاغيرها اللهم نفسي نفسي تصرفاته وأخلاقه منحطه مثله دايم يحتقر امه وخواته ويعاملهم مثل الحشرات من يدخل البيت عصب كل
شي ولا وحده من خواته تجي وتطلبه يكرهم وكل هذا بسبب عمامه وبنعرف ليه هو صار كذا
التوأم سمر وديما 20 سنه بالكليه قسم تمريض بنات مؤدبات ما يكلمون احد دايم بحالهم يكرهون حمد لأنه مثل الكابوس عارض دراستهم وبقوه لكن امه حاولت معه الى ان وافق
ندى 18 سنه 3 ثانوي علمي من شلة غزلان ودلال وهي اخر عضو بالشله حبوبه وظريفه عندها غمازات تهبل الواحد واللي يشوفها يقول قمة البراءه(( والعكس صحيح *_^
آمال 15 سنه مع غزل وبنين شله بنت روعه حساسه كثير بس ما تبين تحاول تخفي رقتها تحت قناع الامبالاه لكنه تهتم وبقوه ماتحب أي احد يهينها حتى لو حمد بس ما تقدر تتكلم لأن امها مانعتها ترد عليه
التوأم رهف وأمجد 7سنوات أصغر أفراد العائله حلوين وشوي مزعجين ))))))))
*************************

بداية الروايه سنة 1426 ه \ 2005 م هذه الأحداث من بقايا الماضي في هذه العائله
الجزء الأول
الخميـــــــــــــــــــــــــس الساعه 8 مساءً بيت محمد بن حمـــــــــد الأميري
البنات وامهم جالسين بالصاله الوسطيه ما عدا ريم
ناديه \يلا بنات قوم ونامو
غزلان \شوي مامي
دلال \بس يخلص الفيلم
ناديه بحده\ انا قلت قومو يعني قومو الساعه 8 وقت نومكم
ريم جات من المطبخ \خير مامي ليه تصاخين
ناديه \خواتك مو راضيين يقومون ينامون
ريم\خلاص مامي انتي روحي نامي وانا اتفاهم معاهم
ناديه\وعد مو اروح انام وتخليهم يسهرون
ريم \وعد يا ماما
ناديه راحت تنام وخلت ريم تتفاهم معاهم
ريم بلهجه امره\يلا قومو
غزلان ودلال أنواع التطنيش
ريم بتهديد \طـــــــــــــــــيب .....وراحت لمطبخ ورجعت ومعاها عصا \يلا قدامي بسرعه
غزلان بستخفاف \يعني بتخوفينا ؟؟
دلال\قصدك بتسوي شخصيه علينا
ريم مو انا اللي أخوفكم واحد بيخليكم تتمنون لو انها انا وعلى فكره تراه جالس مو نايم غزلان ودلال مثل الللي انلسعو وركض لغرفهم اما الريــــــــــــــــــــــــــــم فطست عليهم ضحك وعلى أشكالهم التحفه
************************8
نفس الليله 8ونصف في بيت جابر بن حمـــــد الأميري العائله مجتمعه عدا خالد
جابر\أقول يامزنه
مزنه \سم يا بوسعود
جابر \وين خالد ما اشوفه ؟؟
مزنه\ رايح مع ربعه
جابر \وليه ما جى يستأذن مني
سعود ينقذ الموقف اللي شكله راح يتأزم \هو قالي يبه وانا تأكدت من ربعه اللي طلع معهم
جابر هدى شوي \زين اذا انت متأكد منهم خلاص بس مره ثانيه يستأذن مني فاهمين
مزنه تحاول تهديه \فاهمين فاهمين وخلاص اصلاً ماراح نخليه يطلع مره ثانيه
الجهه الثانيه من الصاله البنات جالسين
غزل وهي تتكلم بهمس \أقول بوبو (دلع بنين عند غزل ) وش السالفه وش فيهم معصبين
بنين بنفس الهمس \ من خلود فيه غيره يعني
غزل اتمنى لو ابوي يلبه بالعصا
بنين بطنز\ العصا انتي اولى بها
غزل بصوت عالي \يا حماره!!!!!!!
بنين بقصتها \اشش فضحتينا
جابر عصب بناته يرفعون اصواتهم بوجوده\بنات وش عندكم اصواتكم طالعه
غزل وبنين اختبصو مو عارفين وش يقولون
رنيم رفعت راسها من الكتاب\ولا شي يبا يتخانقون كالعاده
جابر بغضب \اذا الأولاد ما ماتخانقو هم يتخانقون لا وقدامي ماي حشيمه ولا احترام عندكم
رنيم بصوت واطي (أي مبين ما يتخانقون ) رفعت صوتها\محشوم يبه بس انت تعرفهم مراهقات
سعود\خلاص يبه هدي ما يستدعي تعصب
جابر\اقوم انام ابرك لي وقام وكلهم وقفو احترام له ولحقته مزنه
سعود جا عند البنات وهو متنرفز\خير انتي وياها وش عندكم
غزل وبنين ورنيم \هههههههههههههه
زياد ما عندهم ألا كوبة وجهم
سعود لف عليه\انت انطم ولا اسمع حسك
زياد بطاعه\تامر يا اخوي
سعود\ وانتم على غرفكم
البنات\حاضر ........وكل وحده راحت لغرفتها
سعود\وانت دق على هالتبن خويلد خله يجي
زياد\حاضر
سعود اذا جا قلي انا بغرفتي
زياد بتأفف \زين زين
سعود راح لغرفته وزياد دق على خالد
***************************
الساعه 9 مساءً بالمقهى بندر بن عبدالله الأميري مع صاحبه
بندر بحماس\اقولك عاد وامسكه وبكس على وجهه لأجل مره ثانيه مايتعدى حدوده
سعد \يستاهل خله يتربى
بندر سكت وسكت معاه سعد مرت دقائق
سعد\ خير بندر ليه ساكت
بندر\آآآآآآآآآآآآآآآآآآه (طلعت من قلب )والله ما أدري وش أقولك يا أخوي
سعد\ قول وما يردك الا لسانك
بندر \مقهور مقهور يأخوي
سعد\ما عاش من يقهرك (علمني وش فيك وش قاهرك
بندر بمصارحه\تعبت با أخوي تعبت خواتي خايف عليهم ما أدري وش بيسوون من بعدي أحسهم صغار توهم ما يتحملون الحزن والهم هذا وعمامي ما أحد يدري عن هوى دارنا وانا تعبت و ودي استريح واتهنى بشبابي حالي حال باقي الشباب لكن الواجب ..... الواجب مانعني انا مو رافض الفكره بس اتمنى لو عمامي يحسون شوي لكن هيهات ...وش أقول وش أخلي ...خلني ساكت بس
سعد عارف معاناة صاحبه وما رد لأن بندر أصلاً مايبيه يرد يبيه يسمعه وبس ........دقائق من الصمت قطعها صوت الجوال واللتي كانت متوقعه منذ ساعه رد بهدوء أغلقه ثم سلم على صاحبه وغادر والهم يعتريه لكن هيــــــــــهات يتمكن منه
*************************
منتدى ليلاس الثقافي

نعود قبلها بساعه
الساعه 8 مساءًبيت العنود بنت حمد الأميري
ندى\ماما وربي طفشت خلينا نطلع خلاص بموت شوي وانفجر
ديما وهي تلعب بالجوال \انفجري اشوف خل نتفرج
سمر وهي تطالع التلفزيون \وبعدين مو لازم نطلع عادي تعودنا على الحبسه
أمآل وهي تقرى مجله \تقولين قرود بقفص
البنات\هههههههههههههههه
رهف جات من المطبخ هي وأمجد وشكلهم تحــــــــفه (الشوكلاته ماليه ملابسهم و وجيهم وشعرهم وكل واحد ملعقه وياكل منها )
البنات تسدحو من الضحك
رهف ببراءه \ليه تضحكون
أمجد\ايو ليه
دخل حمد وهو معصب الكل سكت البنات انحاشو لغرفهم ورهف وامجد رجعو المطبخ
العنود\ليه يا أمك تأخرت
حمد من غير نفس \مالك شغل
العنود\عيب عليك يا حمد انا أمك
حمد\أدري وهذا اللي عالني
العنود بقهر \الله يسامحك يا ولدي ......... وقامت المطبخ لعيالها
صباحاً جديد ويوماً جديد
بيت جابر بن حمد الأميري
خالد صحى على صوت ضرب للباب وبقوه ..عرفه ما يحتاج ..قام بسرعه بدل وغسل وجههه وراح يفتحه
خالد \خير وش عندك
سعود\أظنك عارف وما يحتاج أقول
خالد \أدري عندك غيره
سعود\لا بس أسمع وقسم بأيات الله اذا ما مشيت وياي عدل لاتلوم ألا نفسك
خالد مقفله معه\ ومن اللي مات وخلاك وصي علي
سعود عصب \انت الللي بتموت اذا ما سمعت الكلام
خالد\ أوف منك ....شوف سعود انا محترمك لأنك أخوي الكبير مو معناها تتحكم بحياتي
سعود\انت تدري اني ما أتحكم بحياتك انت اللي مخربطها ولازم تصلحها
خالد عصب \طيب أوامر ثانيه
سعود حب ينهي الموضوع\لا ....قم لصلاه ما بقى عليها شي
صباح السبت
بيت بندر بن عبدالله الأميري
ياسمين تنتظر على الفطور ولا أحد جا ثواني وجات وريف
وريف\صباح الفل والياسمين على أحلى ياسمين
ياسمين\أي صباح الله يهديك ......متى بتوصلون اذا الى الحين ما خلصتو
وريف \أسألي أختك العله
صوت من وراها\عيب عليك وريف هي أختك اللي أكبر منك كم مره أقول
وقفت ياسمين ووريف لأخوهم الكبير اللي يحبونه ويموتون فيه
بندر بأبتسامه تذوب \صباح الخير .....انا كم مره أقول لا أحد يوقف
ياسمين و وريف \صباح النور
ياسمين \شوف أخوي المسأله مسألة تعود حنا تعودنا نوقف للمدرسلت وانت مثل المدرس لنا فلازم نوقف لك
وريف\ وبعدين انت احلى اخو بالدنيا فشلون ما تبينا نوقف لك ونحترمك لا ونحبك على راسك (قالتها وهي تحبه على راسه )
بندر بنفس الأبتسامه \والله انتم اللي تنحبون على الراس على هالكلام الحلو من الصبح .المهم اللحين وين أختكم روحو نادوها خلصو علي خل نمشي
ياسمين \انا بروح ......وراحت تناديها
بندر بنبره خاصه \أقول وروفه
وريف\امر تدلل وش تبي انا حاضره
بندر \كل هذا لأجلي
وريف \أجل كيف
بندر \وش أخبار الدراسه
وريف أختبصت وما تبي تكذب عليه ولا تبيه يعرف شي فسكتت احسن
بندر يدري انها شوي زاحفه بالدراسه يعني عندها انواع الأستهبال وفي الدراسه ولاشي
بندر\ها وروفه أدري أنك زاحفه بس ما قلتي لي اذا محتاجه مساعده ما عليك الا انك تطلبين
وريف هزت راسها بدون ولاكلمه حاسه وبقهرر من نفسها كيف ان اخوها يسوي لها أي شي تبيه وبيذبح عمره لأجلهم وهي حتى بالدراسه مو فالحه
جات ياسمين مفوله على بسمه وهي تسحبها
بسمه جلست\السلام
الكل \وعليكم السلام
بندر شافها مكشره \ليه الحلو زعلان
بسمه\ اختك اللي اسمها اختي الكبيره مقومتني من النوم بأساليب تعذيبيه
الكل \هههههه
بندر\طيب وانتي ليه ما جلستي مبكر
بسمه وهي منزله راسها وتلعب بشعرها الطويل\لأن يا أخوي ياحبيبي البارحه ما نمت مبكر
بندر يدري انها تماطل \وليــــــــــــــــــه؟؟؟؟؟؟
بسمه بتردد\آآآآآآآآ بصراحه
بندر\أي .
بسمه \كنت اتابع فيلم
بندر \ ومن اللي دلك عليه ةخلاك تسهرين
بسمه\ما احد بس انا سمعت غزلان ودلال بنات عمي محمد يتكلمون عنه فقلت لاوم أطالعه تدري اني احب الأفلام موت
بندر\خلاص بس مره ثانيه ما تسهرين وتتأخرسن عن المدرسه ..أهم شي المدرسه واضح
بسمه\أكيد ما يحتاج نقول
بندر\يلا قومو .......قامو البنات وصل البنات لمدارسهم وياسمين لجامعتها وهو راح لجامعته
****************************

[/center]

dali2000 12-03-10 09:41 PM

الله يعطيكي العافية

هل الرواية بقلمك؟؟او راح تنقليه
ا

ضاقت ولا ادري 15-03-10 06:43 PM

السلام عليكم ورحمة الله وبركاته
الروايه بقلمي لكني انزلها بكذا منتدى


الجزء الثاني
نفس اليوم الساعه 10 صباحاً
محاولة هرب من المدرسه
4 أولاد 3على السور و واحد تحت
ميثم بن محمد \يلا شباب نزلو عاد
غيث وهو جالس على السور\\مستحيل ظل لحالك انت اللي تبي
ميثم\وانتم اللي وافقتو
نايف\لأنك أذيتنا وصكيت ايمانا الا نروح معك
راشد وهو يغمز لميثم\انا بنزل ..باي يا حلوين ..ونزل
ميثم\حيا الله الأخو
نايف وغيث فكو فمهم من متى ميثم يرحب بأحد
نايف نزل بسرعه\هي انت يالمخفه وش عندك وش تحس فيه
نزل غيث وراه\خير من متى ها الأخلاق ؟؟؟
راشد وميثم فطسو من الضحك ..........نايف وغيث ممستغربين
ميثم وهو يضحك وأشر على مكان وقفتهم
نايف طالع بالأرض\للللللللللللللللللللللللا ...الله ياخذكم ليه ما قلتو
غيث بقهر\قسم انكم كلاب ليه كذا
راشد و ميثم لا جواب أنواع الضحك <<<كانو واقفين بمكان مجمع فيه ماي ورمل صاير مطينه <<<اللي مايعرف المعنى يدور عليه >>وكل واحد ثوبه صاير تحفه
ميثم يصرف\فكونا يلا خل نمشي
مشو وهم أنواع الأستهبال حتى على أنفسهم
***************************
ذات اليوم الساعه 1والنصف ظهراً
بيت العنود بنت حمد
نزل حمد معصب وهو توه صاحي \انتي يا اللي أسمك أمي وينك فيه
العنود طلعت من المطبخ\خير وش فيك تصارخ
حمد معصب\من وين بيجي الخير وهذا وجهك ..
العنود\عيب ياحمد أنا أمك أمش وياي عدل وإلا ما يردك إلا خوالك
حمد بنرفزه\ إمحق خوال يخسون ما بقى إلا هم
العنود\أحترم خوالك أحسن لك هم اللي ربوك بعد أبوك
حمد\الله والتربيه ....المهم ليه ما صحتيني ؟؟؟
العنود بغيظ\صحيتك بس انت لا حياة لمن تنادي
حمد\أوووف .....وراح وخلاها
العنود \الله يهديك ويصلحك يا ولدي
طلعت رهف من المطبخ\ماما شفيك
العنود\ولا شي يا قلب ماما
*********************
ذات اليوم الساعه الخامسه والنصف
منزل محمد بن حمد الأميري
تركي عند التلفزيون هو و سلطان......... بعدها بدقائق
غزلان ودلال نازلين يضحكون بصوت عالي سلطان صعد مستعجل بيغير ويطلع
اما هم لازال الضحك لرب السما تركي أنزعج منهم
تركي بصوت عالي\يا زفته أنتي وياها بس سكتو
الأثنتان تسمرو بمكانهم ما كانو يدرون أنه تحت يعنى مكان وقفتهم يبين مكان جلسة سلطان بس هم طيران رجعو لفوق
ريم شافتهم مخترعين\خير وش فيكم وش صاير
غزلان\أخوك من متى هنا
ريم بأستغراب\أي أخو
دلال بقهر\يعني أي أخو غير تروك العله
صوت غاضب من بداية الدرج \تروك العله بيعلمكم الأدب
الأثنتان أحتمو ورى ريم
جالهم\تعالي انتي وياها بسرعه
ريم تهدي فيه\تركي خلاص وش فيك هدي
تركي\ريم رجاءً لا تتدخلين
ريم\خلاص ياتركي وش فيك عليهم
تركي عصب من الريم مسكها من يدها بقوه وبعدها
ريم\آآآآآآآآي وجع انشاالله
غزلان دارت من الجهه الثانيه وطيران لتحت أما دلال تسمرت مكانها عقلها أنشل تركي ما أمهلها
كــــــــــــــــــــــــف قوي طيحها بالأرض ولحق غزلان يبرد قلبه
غزلان وهي تنزل بسرعه
تركي وراها معصب وحركتها زيدت عصبيته \غزيل يا الك#### يا الح##### تعالي أحسن لك
غزلان عند باب المدخل \تتتتكككفى ترككككي سسسامحني والللله ما أعيدها
تركي نزل ولا كأنه يسمعها جالها وهي طلعت بره بسرعه تركي يلحقها هالخبله طلعت من غير غطا
تركي شافها وصلت الشارع هي أساساً من الخوف ما تدري كيف وصلت تركي بالنسبه لهم شي مخيف ومرعب وصلت لنص الشارع
تركي صرخ برعب وبقوه غــــــــــــــــــــــــــــــــــــــــــــــزلا ن
غزلان ما أمداها توقف وتلف عليه ألأ................
************************
بالدور الثاني عند دلال وريم
دلال تصيح وهي بحضن ريم تعودت على هالحال مع تركي لكن فجأه صرخت \غزلان
ريم أخترعت \وش فيك
دلال تصيح وتشاهق يقوه دخلت في نوبة بكاء هستيريه \غزلان ...غزلان ....
ريم خاقت وبسرعه قامت لتحت هي تعرف تركي ما راح يتركها إلا لين يضربها بس الظاهر أنه تمادى نزلت تحت وما لقت أحد أستغربت ..رجعت بتصعد مره ثانيه شافت دلال لابسه عباتها وبيدها عباة غزلان
ريم \وين رايحه
دلال بخوف\ بروح لأختي أحساسي يقول لي فيها شي
ريم\أنتظريني بجي معك
دلال بقلة صبر\ما أقدر ...ما أقدر ...بموت
ريم وهي تصعد\ ثواني بس
دلال \بســــــــــــرعـــــــــــة
ريم راحت ركض لغرفتها وأخذت عباتها وجوالها ونزلت وطلعو
***************************
بالشارع حيث المأساه
غزلان ما أمداها توقف وتلف عليه إلا.......... سياره تصدمها وتفقدها الوعي
تركي كان منهار مو عارف وش يسوي قرب منها بخوف \....غزلان ......غــــزلان .....قومي والله ما أضربك أصلاً خلاص سامحتك ....قومي تكفين .....غـــــــــزلان ....دموعه غرقت عيونه مو عارف شي مو حاس بشي
وصلت الأسعاف مع طلعت الريم ودلال
دلال بسرعه راحت تشوف وش صاير وريم وراها
دلال قلبها كان يقودها وريم يقودها خوفها بقوه أخترقو التجمع
دلال شافت غزلان بالأرض وراحت لها بسرعه جلست عندها ...غطتها بالعباه وهي بحالة صدمه يسيرها احساس الشخص اللي ما يفهم شي لكن
*
لحـــــــــــظــــــــــــــــــات
*
*
ثــــــــوانـــــــــــــــــــــــــــــــي
*
*
*
صرخت صرخه سمعها كل من بالشارع بكل ما أوتيت من قوه \غــــــــــــــــــــــــــــــــــــــــــــــــ ـــــــزلان
*
*
لتسقط مغمياً عليها بجانب أختها
أما تركي مو فاهم شي الى الان مو مستوعب اللي صار
ريم وهي تبكي \تركي وش صار تركي كلمني
تركي ولا كأن أحد يكلمه الأسعاف شالو غزلان ودلال ومشو ريم تهز تركي اللي لازال جالس بوسط الشارع وهو مثل الغايب عن الوعي تركته ودخلت البيت سلطان ..سلطان هناك
دخلت البيت وصرخت بصوت هز البيت هز \سلــــــــطان ...سلـــــــــطـــان ........ســـــــــــلـــطـــــــــان
سلطان مثل البرق نزل مفزوع خايف وش اللي صاير أول مره يسمع صراخ بهالقوه شافها وهي منتهيه وجهها أحمر وعيونها أ؛مر\خير ريم وش فيك ؟؟؟
ريم وتبكي\ مو أنا غزلان غزلان
سلطان ارتعب\وش فيها علميني
ريم \خذوها للمستشفىتعال ودني لها تركي مو راضي يتحرك ...جالس هناك ومو مهتم بأحد
مسكته وطلعو ركبت ريم بالسياره هو شاف تركي لازال مثل ما هو عليه خاف يكون صارله شي مسكه وركبه معه بالسياره وهو ولا أدنى حركه تدل على وجوده ...سلطان بسرعه جنونيه وصل للمستشفى ونزل مع ريم وتركي
***********************
نفس اليوم
الساعه السابعه والنصف مساءً
مكتب سعود بالمستشفى
وصل له ملف حاله يعالجها أنصدم بل صعق حين رأى من صاحبتها ترك اللي بيده ورطض لغرفتها لقى الكل مجتمع
******************
قبلها بساعتين سلما ن وصاحبه عدنان بالساره والسرعه عاليه ذاهبين لبيت صاحبهم ياخذونه معهم فجأه طلعت عليهم بنت ما أمداه يمسك بريك إلاوهي طايحه قدام السياره مغمي عليها نزل بسرعه هو وعدنان أنصدم لما شاف من صدم دق على الأسعاف وفضل انه مايقرب وضل يسأل تركي هو يعرفه من زمان بس تركي ما يرد أما عدنان فلازال مصدوم وصلت الشرطه وخذتهم بعد ما أخذت سيارة الأسعاف البنت وأختها هو ما يعرف من هم بس أكيد هم التوأم اللي يتكلم عنهم سلطان دائماً
**************************
في المستشفى قبل ساعه
الساعه السادسه والنصف مساءً
ريم منهاره في حضن سلطان وتبكي
تركي أستعاد رباطة جأشه اللي فقدها وقت الصدمهوقاك يتصرف في الأ/ور بسرعه...دق على أبو هوبلغه ...راح للدكتور ....خلص إجراءات الدخول ....أخته لازالت بالعملبات
بعدها بساعه هدى وجلس
سلطان لف عليه بحزن\وش صار يا تركي
تركي يطالع الا شي\ما أدري ...كانت قدامي ...وبلحظه فقدتها ...كنت أبيها تنتبه لسياره اللي جايه ...هي ما سمعت ...وبسرعه صار كل شي ...ما أدري كيف أو....سكت فجأه وكأنه تذكر شي دلال دلال لحالها قام بسرعه بيروح لها مسكه سلطان \هدي يا أخوي ريم عندها أحين هي بخير نايمه...والله ما أتخيل نفسي أقولها غزلان بالعمليات
تركي بحزن\الله يعين
********************
قبل نصف ساعه
الساعه السابعه مساءً
في المستشفى
طلع الدكتور من غرفة العمليات نط سلطان وتركي اللي توه يصحى من اللي هو فيه
سلطان\خير دكتور بشر
الدكتور\انت أخوها؟؟
سلطان\اي وش فيها ؟؟
الدكتور\لازم أتكلم معاك بصراحه
سلطان بنفاذ صبر\تفضل قول ...
الدكتور\لازم نسوي لها عملية تقويم للعمود الفقري لأنه عندها انحناء بسبب الصدمه لأنها كانت واقفه على حنب وقتها
سلطان\طيب دكتور وش نسبة نجاح العمليه
الدكتور\40%
سلطان \وفيه مضاعفات
الدكتور\يمكن...يمكن انها ما تمشي مره ثانيه
تركي بصدمه\كيف ؟؟؟أنت تقول انحناء كيف ما راح تمشي
الدكتور \شوف أخوي اذا هي كانت قويه راح ترجع تمشي لكن اذا أستسلمت ما أدري يمكن
سلطان\طيب والحل
الدكتور\ما في حل غير العمليه لأ، اذا ما سويناها راح يتضرر جشمها كثير حتى النطق والحواس الثانيه
تركي \أجل توكل على الله ....وانشاءالله بتكون بخير
ريم كانت واقفه تسمع و أول ما راح الدكتور أ،هارت وصارت تتكلم بدون وعي
ريم\ليه كل هذا ...ليه يصير لأختي ..ليه ثواني وأغمى عليها مسكها سلطان وضمها بقهر
الدكتور ارسل ملف غزلان للمعالج النفسي اللي بالمستشفى لأنها راح تتأثر كثير بحالتها وراح تحتاج المساعده لأجل تتقبل حالتها
********************
صباحاًحزين ليوم حزين وفتاة حزينه تحتاج نصفها الأخر وشاب قتله تأنيب الضمير وشاب أفتتن لحد الوجع لجمال أنهار أمامه فجأه في لحظة أنكساره وضعفه وفتاة فقدت أحساسا بملمس الحياه
********************
دلال عرفت باللي صار لأختها وصارت تروح وتجي عند غرفة العنايه المركزه
أمها تبكي وتدعي لها
عمامها وأخوانها موجودين من الصبح
تركي ما فارقها لحظه
وسلطا ن يحاول في دلال تجلس لكن هي ما تسمع بس واقفه وتطالعها من النافذه الصغيره اللي بالباب
وتبكي أما الريم فهي بغرفة الملاحظه
*******************

ضاقت ولا ادري 15-03-10 06:45 PM

غلاي للأني تأخرت عليكم لظروف قاهره
بنزل لكم بارتين
منتدى ليلاس الثقافي



الجزء الثالث
بيت العنود بنت حمد
التاسعه صباحاً
العنود\يلا ياحمد
حمد\أوف قلت لك طيب ثواني بس ما ماتت بهالثواني
العنود بعتب\\حرام عليك بدل ما تدعي لها
حمد\فكينا زين وأمشي
العنود يأست منه \أستغفر الله ..أستغفر الله
حمد \وبناتك؟؟؟
العنود\راح يجون العصر انا قلت لهم انها بالعنايه بس انا لازم أروح
حمد\أخلصي طيب
ركبو السباره و وصلو للمستشفى ونزلت العنود وحمد مشى بسرعه
العنود ركض عند أخوها تواسيه بس هو مو مبين انه متأثر وراحت لناديه واواستها لفت على دلال لقتها واقفه قبل الغرفه ودموعها تنزل بلا هواده قربت منها ولمتها بكت دلال كانت محتاجه لأحد لكن كل واحد همه نفسه شوي وفكتها ورجعت عند باب الغرفه والعنود رجعت عند أخوها وزوجته
****************
الأحد
الساعه الواحده ظهراً
الريم في غرفة الملاحظه هي نايمه وسعود عندها من لما طاحت جالس يتأملها <<حلوه...بريئه...ومبين عليها قوة الشخصيه لكنها ضعيفهاللي تعرضت له مو قليل >>شافها عقدت حواجبها ودموعها بدت تنزل هي صحت لكنها لازالت مسكره عيونها كأنها تدري انها راح تواجهه سمعت صوت الباب بسرعه فتحت عيونها لقت الباب تسكر<<من كان عندي ...آآآآآآآآه ....ليه ...ليه يا ربي ليه ...حرام اللي يصير مسكينه أنحرمت من كل شي تحبه ....خلاص ياريم ...خلاص.....البكى ما عاد ينفع ...هذا أمر ربي ...ابتلاء لصبرنا ....لازم أكون قويه لأجلها ....خلاص ...كافي >> دقت على زر الأستدعاء وجات لها الممرضه وقالت لها شوي ويخلوها تقوم ...غمضت عيونها وفكره توديها وفكره تجيبها ............سعود بره الغرفه ....مو قادر يتحمل وده يدخل ويشوفها هو شافها تبكي بصمت عرف انها صحت طلع بسرعه لأجل ما يحرجها ويحرج نفسه بوقفته اللي مالها داعي
*****************
في الجانب الأخر
نفس الوقت
سلمان بالحجز محتاس مو عارف وش صار أما عدنان ساكت ما يدري كيف يخفف عن صاحبه
أما تركي فأرسل بندر لأجل يتفاهم مع الظابط ويخرجون سلمان وعدنان
بندر\حنا متنازلين خلهم يطلعون وخلاص
الضابط\يا أخي لازم نتأكد من حالة البنت واذا هي متنازله عن حقها
بندر\بس هي ما بعد تصحى ...ومعنى كلامك راح يظلون بالحبس...انت طلعهم على مسؤليتي وانا أكفلهم
الضابط\ما أقدر السالفه فيها مسائله قانونيه وانا ما أقدر أتحملها
بندر باستسلام\يعني وش الحل الحين
الضابط\ ما في حل الا ان البنت تصحى وتتنازل عن حقها
بندر بأمل\انشاءالله تصحى انشاءالله........وطلع يشوفهم
*********************
<<ليه يا قلبي انكتب عليك العذاب ....ليتني مكانك ليه يا ربي ما خليتني مكانها ...ما اتحمل أشوفها تتعذب كذا حرام اللي يصير فيها ....كانت تتمنى تكون ناجحه بحياتها ...اللحين كيف راح تعيش آه عليك يا أختي ليته فيني ولا فيك ...ليتني مكانك ولاتتعذبين كذا ...>>ونزلت دموعها اللي وقفت من ثواني بس ..مسحتها بقوه كأنها تطلع حرتها فيها قربت منها العنود اللي تعتبرها مثل أختها الكبيره لأنها تفهمها بسهوله وحضنتها\أدعي لها يا بنتي لاتصيحين
هي سمعت كلامها وقامت تصيح بزياده وتشهق بقوه \ما أقدر ...ما أقدر أشوفها كذا وانا ما أسوي شي واقفه أطالعها وبس
العنود\هذا شي ربي كاتبه علينا ويختبرنا فيه ..أصبري وانشاءالله بتكون بخير
دلال\انشاالله
*************************
بسمه\من اللي بيودينا
ياسمين\ما أدري بندر ما أتصل
بسمه بقلق\لازم اروح الحين دلال محتاجه أحد معاها ويساندها
وريف ساكته ما تحب الأحزان تحس انها تقتل برائتها وطفولتها مثل قبل مثل لما عاشت بدون ابو مثل لما ماتت أمها ...ولما ..,لما
ياسمين\أدري بس ما أتوقع بندر فاضي ...خليني أدق أحسن
بسمه بنفاذ صبر\دقي بسرعه خلصيني
ياسمين اتصلت مره ...مرتين ...عطاها مشغول مع انها مو من عادته بس هي مقدره ظروفه وما تقدر تطلب أكثر من كذا كافي انه حارق نفسه لأجلهم
***********************
قبلها بوقت بالتحديد الليله السابقه
الساعه الثامنه مساءً
حين وصل سعود لأبناء عمه
سعود\خير وش فيها غزلان؟؟؟
سلطان \دعمتها سياره
سعود\وش أخبارها اللحين
تركي\ علمي علمك ما بعد طلع الدكتور من عندها
سعود\انشاالله خير ....... لاحظ البنت اللي تبكي و تشاهق و وجهها احمر من البكي و عيونها منتفخه
طلع الدكتور كلهم ركض عنده
تركي\بشر دكتور
منتدى ليلاس الثقافي


الدكتور \والله حنا سوينا اللي علينا هي الحين حالتها مستقره بس ما ندري اذا تأذت او لا...لازم تصحى لاجل نتأكد
سلطان\ ومتى راح تصحى
الدكتور\ على حسب قوتها اذا ما صحت خلال 48 ساعه يمكن واقول يمكن تدخل بغيبوبه
تركي\ وشو
ريم سمعت و على طول اغمى عليها ما قدرت تتحمل سعود كان اقرب واحد لها مسكها و جلسها .. سلطان انتبه و جا لهم بسرعه .. سعود فحصها و طلب من النيرس توديها غرفة ترتاح وراح يتأكد من حالتها .. صدمه جمالها لما كشفوا وجهها ظل عندها مو عارف ليه
******************
الساعه 11 نفس الليله
التحقيق في بدايته مع سلمان وعدنان
عدنان ما عليه شىء لانه راكب لكنه بعد لازم يظل عندهم اما سلمان لو صار للبنت شي بير وح فيها
بندر كان معاهم وجاب لهم محامي يعرفه حاول قد مايقدر يطلعهم لكن بدون فائده .....طلع راح البيت يطمن على خواته بلغهم باللي صار و طلع يرتاح
*********************
نفس الليله السابقه و الحزينه
الساعه التاسعه با المستشفى
طلعوا غزلان من غرفة العمليات ودخلوها العنايه المركزه
نفس الحظه دلال صحت و توجهت لمكان وقفتهم وشافتهم يدخلون سريرها الغرفة بسرعه راحت وراها
من غير شعور وهي تبكي و تهزها بخفيف <<غزوله ...تكفين قومي ...خلاص عاد ....يلا قومي
>>اسحبوها الممرضات برى وهي مو قادره تتحرك وتركي وسلطان مو عارفين كيف يخبرونها
****************************
من صفحات الذاكره ((من ذكريات الماضي
قبل الاحداث بـ 10 سنوات
غزلان \بصير دكتوره
دلال\وانا بعد بصير دكتوره لاجل اذا صار حق احد شي
غزلان\ حنا نعالجه
دلال\و نصير الدكاتره التوأم
غزلان \ واذا صار لي شي انت مكاني
دلال \صح هههههه
غزلان\هههههه
***********
قبلها بسنتين
دلال\أي قسم بتدخلين
غزلان \اللي انت بتدخلين بدخل
دلال\علمي لأجل نصير دكتورات
غزلان\أجل وقعي
دلال \لا انتي وقعي
غزلان بمزح\أوف منك
دلال \ومنك
**************** ا
اليوم
بعد صلاة العصر
بالمستشفى
دلال عند غزلان دخلوها بعد ألحاح منها جالسه عندها وتكلمها وماسكه يدها <<تذكرين يوم حفل التخرج بمتوسط لما جلسنا نصيح لأجل أستاذه حنان ...وتذكرين لما صار فينا مقلب من خلود وروان بنات الجيران ......وتذكرين أنك وعدتيني ما تموتين ألا وياي <<هذا كان وعد منهم لبعض بوقت مزح وما ينحسب بس هي من الحزن ما تدري وش تقول والا الأعمار بيد الله >>غزلان كأنها تسمع صوت ولما دلال سحبت يدها هي شدت عليها
غزلان بصوت مبحوح \ومن قال اني بموت وبخليك تتهنين بالدنيا بدوني
دلال من الفرحه قامت تصارخ \ يا الدبه يا البطه مره ثانيه لاتخوفيني كذا
دخل سلطان و تركي و ابوها بسرعه من سمعوها تصرخ ودخلوا الدكاتره انصدموا لما شافوها تصيح الكل أتجه تفكيره انها ماتت ...لكن الصدمه انها جالسه وتصيح معاها تخيلو مقدار الفوحه والشكر لله في قلب كل شخص
***********************
اليوم الساعه الثامنه والنصف
بالمستشفى حيث لازالت الأحزان
الحزن مسيطر على الكل بعد ان انتشر خبر أصابة غزلان اللتي لم تعلم عنه بعد
البنات عندها واولهم صاحباتها ندى هي ودلال وبسمه ويطالعونمها كأنهم يبون يحفظون شكلها
بالجانب الثاني من الغرفه
ديما بهمس واطي \سمور ...سمور
سمر \خير
ديما \شوفي شوفي بسمه وندى كيف يطالعون غزلان كأنهم أول مره يشوفونها
سمر\صراحه يا أختي هي كأنها أنولدت من جديد
ديما بحسره\انولدت ناقصه
ياسمين بعتب\ قولو ربي يشفييها بدل هالكلام وبعدين اسكتو اللحين تسمعكم وهي ما بعد درت عن حالتها ما قالو لها لأجل ما تنتكس
ديما وسمر\حاضر
******************
منتدى ليلاس الثقافي


خارج أسوار الحزن بالقرب من سور المستشفى لكن بالداخل
شلة الشر <<غزل وبنين آمال و وريف >>يتتمشون بره والسوالف والضحك الكل يسمعها و مسويين أزعاج مر منهم شخص \لو سمحتو هذا مستشفى مو مدينه ترفيهيه
البنات تفشلو وسكتو صحيح انهم شر لكن عمرهم ما تعدو حدود الأدب و الأخلاق
حمد توه داخل بسيارته للمواقف
آمال شافته\بنات خل نرجع بسرعه
غزل\ليه مستمتعين بالجو الحلو
بنين\وبعدين وش لك بجو المرض اللي داخل
آمال بخوف\حمد جا تكفون تعالو
وريف حست فيها\انا اروح معاك تعالي ومشو مع بعض
بنين وغزل حسو موقفهم خصوصاً انهم يعرفون حمد زين لحقوهم ودخلو
****************
من ذكريات الماضي ((من صفحات الذاكره
في البيت الكبير قبل وفاة عبدالله
الساعه الثامنه والربع
الموقف متأزم
جابر\انت مالك دخل ولاتتكلم
عبدالله\بس يا أخوي هذا ظلم ما يصير
جابر \ظلم مو ظلم ما يهمتي اهم شي مصلحتي
عبدالله\يعني تاكل حقوق غيرك لأجل وسخ دنيا وين بتروح من عقاب ربك يا طالم
جابر بغضب\عبدالله أقصر الهرج واسكت سبق وقلت لك مالك دخل واذا مو عاجبك الباب يفوت جبل
عبدالله \يعني هذا أخر كلام عندك
جابر بعناد متأصل \اي واعلى ما بخيلك أركبه
عبدالله\وانت يا محمد ليه ساكت عاجبك الكلام
محمد\انت عارف رأي بالموضوع وماله داعي تسالني وانا أقول أترك عنك المثاليات هالدنيا ما يعيش فيها الاالقوي
عبدالله\اجل خلاص تحملو ما يجيكم ...وطلع بدون ما يسمع ردهم
جابر\متى أخوك هذا بيعقل ويترك طبعه
محمد\متى ما انت تركت طبعك هو بيتركه
جابر\محمد لو سمحت مالي خلقك انت بعد يكفي أخوك
محمد\اللي هو اخوك
جابر بخبث وشر\أنا اوريه
محمدانتبه لنظرته\جابر لاتنسى انه أخوك
جابر \مو ناسي لاتخاف
*******************
عوده للأحداث
الجمعه 11صباحاً
وقت خروج غزلان من المستشفى عرفت بحالتها فاجئت الكل بتقبلها للموضوع بطريقه غريبه حتى الان لم ترى تركي ولا مره ولم تسأل عنه لأنها لم تهتم فلطالما كرهته ودلال كانت معها طول الوقت رفضت التحرك من عندها ولو لثانيه الكل يعود لمنزله هذه الأزمه وكلاً في قلبه أحاسيس مختلفه عن الأخر
*****************************
قبل خروجهم بلحظات سعود في غرفة غزلان مع دلال اللتي رفضت الخروج رغم أصرار سعود على ذلك
سعود \خلاص يا غزالة البيت ما تعبين نفسك أوكي
غزلان \أوكي بس ...سعود عندي سؤال
سعود\أسألي اللي بخاطرك وقولي لي كل شي
غزلان بتردد\يعني ..ما راح أمشي مره ثانيه
دلال\لاتقولين كذا راح تمشين أصلاً حنا ارسلنا تقاريرك للخارج
سعود\هذي فتره مؤقته تعتمد عليك من الدرجه الأولى طيب ......وما تنسين موعدنا ..خلاص
غزلان \ما راح انسى ...بس ابي اطلع مليت
سعود وقف \خلاص شوي وتطلعين ...يلا عن اذنكم
********************

فراشة الوادي 16-03-10 03:27 PM

السلام عليكم ورحمة الله وبركاته

حياك الله كاتبة بين كوكبة كتاب ليلاس
أتمنى أن تجدي هنا كل الدعم والتشجيع والنقد البناء الذي يدفعك للتقدم


كل التوفيق لك هنا


الساعة الآن 05:10 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية