خايف عليها 00
الشاعر الحميدي الشمري نسج خيوط هذه القصيدة بشعور وإحساس عالي ومرهف
وجدت هذه القصيدة فأحببت أن تشاركوني مشاعرها.. القصيدة ... خايف عليها من الثّرى غطاها... والا الحصى حافي..أخاف أذّاها... أكرم عليها بالكفن يامطوّع... بالبيت ظلّ فراشها وغطاها... أكرم عليها بالكفن هذي امي... وإشهد عليها بما عطت يمناها... هذي الضّحى والليل يتحرونه... هذي السّماء ونجومها تنعاها... هذي السوالف مثلنا تبكيها... والأرض تنشد عن أثر لخطاها... هذي الكبيرة كبر هذي الدنيا... هذي العظيمه جلّ من سواها... أبكي عليها مو نهار وليله...! ولا سنه تمشي وأعد قضاها... أبكي عليها كثر ماشالتني... وكثر الحنين اللي إختلط بغناها... وكثر الأسامي..وكثر من سمّوها... وكثر النجوم..وكثر من يرعاها... ابكي عليها من القهر يادنيا... من لي انا؟ من لي عقب فرقاها ؟ من فتحت عيني.. ولا خلّتني... شوفوا ولدها بالقبر خلاها !! هلّ التراب بوجهها.. ماقصّر... شفتوا ولدها كيف هو جازاها ؟ لو إنها مكاني ماسوّتها... لكن أعزّ عيالها سواها... يالدود شفها ذابله .. جنّبها... أنا ولدها .. وحاضر .. وأفداها... قطّعني هاك اللي تبي من جسمي... بس الكريمه لا تجي بحذاها... وأوصيك أمانه قل لها تعذرني... وتكفى تروح تحب لي ماطاها... أبيها تغفر لي مثل ماكانت... كل خمله مني بطيبها .. ترفاها... يالله عساها بالنعيم الخالد... وعساها في جنة عدن سكناها... يافضو هذا الكون .. ياهو خالي... ياضيق هذي الدنيا .. يا مقساها... يامر طعم فراقها.. يامرّه... ماني مصدق أرجع وما ألقاها؟! وشلون أجي غرفتها ماهي فيها؟ وش عذري لسبحتها .. ومصلّاها؟ شـ أقول أنا لدولابها , لشنطتها؟ واذا سئلني مشطها , وحنّاها؟ وعباتها , ومي زمزم , ومصحفها؟ والمبخره ,ورشوشها, وإدواها؟ الكل في غرفتها متفقدها ... حتى الجدار .. مفطّر ويرجاها... الكل يبكيها .. ماهو ناسيها... يالله صبّرني شلون أنساها... ياليتها ماراحت وخلتني... أو وسعت لي بالقبر وياها... وفي الأخير أجمل تحيه مني لكم وأتمنى أن تحوز هذه القصيدة على إستحسانكم.. برعاية الله |
الام اكبر من كل الكلمات والحروف والابيات لانستطيع ايفاءها لو جزء مماقدمته لنا الله يرحم من مات منهم ويحفظ لنا امهاتنا ويطول باعمارهن بالطاعات قد سمعت قبل فترة ابيات عن الام مؤثرة بجد وهي يمه من اللي باقي من بعدكم حي يمه من إيسوي لنا ماتسوين يمه بدت ترجف من أسكاتك إيدي يمه ياليتك لو بكلمه تردين يمه خطير الحال ماينفع الكي يمه من يجفف دموع المساكين يمه ترى الدنيا بدونك ولاشي يمه فديتك بالعمر .. لاتموتين يمه كفيف العين ماحس بالضي ماشوف أحد غيرك ولوهم قريبين للشاعر نايف بن عروين الله يعطيك العافية سلمت على هالابيات بحفظ الله ورعايته |
خايف عليها من الثّرى غطاها...
والا الحصى حافي..أخاف أذّاها... أكرم عليها بالكفن يامطوّع... بالبيت ظلّ فراشها وغطاها... أكرم عليها بالكفن هذي امي... وإشهد عليها بما عطت يمناها... هذي الضّحى والليل يتحرونه... هذي السّماء ونجومها تنعاها... هذي السوالف مثلنا تبكيها... والأرض تنشد عن أثر لخطاها... هالابيات يت عاليرح<< فيس يصيح الله يخلي امهات المسلمين تسلم اخويه |
اقتباس:
مشكووره على ها الابيات المعبره ربي يحفظك ويرعاك |
اقتباس:
الله يسلمك هههههههه بلاش يصيح الدعاء افضل ربي يسعد ايامك ويحفظك برعاية الله |
السلام عليكم الام كل اسحاس عالي كل قطرة مطر روت وردة كل سحابة غطت عنا حرارة الشمس كل نخلة اعطتنا من تمارها الذها واطيبها كل شيء يدفئنا كل شيء يتجلى فيها امي الغالية انتي امي دائما وابدا احبك احبك احبك يا منبع عمري الذي مضى وحياتي الباقية مشكور يا المجنون اعجبني ما اخترته لنا اختيار موفق تسلم |
اقتباس:
مشكوووره جدا على الاضافه الجميله ربي يحفظ امهاتنا ويرزقهم الجنه ربي يسعد ايامك ويحفظك برعاية الكريم |
يالله عساها بالنعيم الخالد...
وعساها في جنة عدن سكناها يعطيك العافيه والرضا كله استغفرك ربي واتوب اليك استغفرك ربي ولا حول ولا قوة الابالله.. استغفر الله الذي لا اله الا هو الحي القيوم واتوب اليه..... |
اقتباس:
الله يجزاكي خير كلك ذوق ربي يحفظك |
صح لسانك يالحميدي الشمري
قصيده مؤلمة جدا الله يرحمها ويغفر لموتى المسلمين اجمعين / المجنون انتقاء متميز لآ تحرمينا روائعك مودتي |
هذي الكبيرة كبر هذي الدنيا...
هذي العظيمه جلّ من سواها... أبياات مؤلمه ..حد الوجع .. كان لنا بابان من الجنه هناا ..!!فرحل الاول ..!! وندعو الله ان يبقي لنا الثاني .. أمي ..باب الجنه ..دعوت الله ان يطل عمرك بطااعته وان يبقيك لنا .. سلمت لنا ذائقتك الشعريه .. دمت بخير .. |
اقتباس:
الله يحفظك صدق ويرحم والديك ويرفع قدرك كلك ذوووق برعاية الله |
اقتباس:
ربي يحفظك انتي ومن تحبين كلك ذوووق ربي يسعد ايامك برعاية الله |
أبيات مؤثرة حقاً من يقرأ هالأبيات ولا تدمع عيناه؟!! الله يحفظ لنا أمهاتنا ويخليهم لنا يارب المجنون الله يعطيك العافية ربي حفظك |
اقتباس:
الله يحفظك حفيده ويحفظ امك يكفي انها جابت لنا حفيده ام قلب كبيييير :lol: كلك ذووق حفيده برعاية الله |
اقتباس:
مشكوووووره ربي يسعد ايامك برعاية الله |
الساعة الآن 08:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية