شكوى لأم تعبت من الدكاتره
 

ارجوكم يا جماعه حد يفهمنى حاله ابنى ....أنا ابنى عنده اسهال من حوالى يومين كده هو خفيف يعنى حوالى 3 مرات فى اليوم وبيكون لونه أخضر ومعاه دم بسيط ولا يوجد مخاط ....هو تقريبا كان قبل كده بيجى له اسهال اصفر شديد ومعاه دم ومخاط .دوزنتارريا يعنى لكن المره دى مفيش مخاط ...دم بس ولما روحت للدكتور قالى أنه اسهال عادى وكتب له سالفاالولد ما اتحسن خالص ..بصراحه روحت لدكتورتانى قالى ان التشخيص كان غلط من الاول وان الولد عنده اسهال من البكتريا وكتب له امبسيلين وكتب له مضادات للترجيع ...لكن مر يوم والولد ما اتحسن وكنت قرات الروشطه بتاعت الامبسلين اللى فى علبه الدوا وجدت انه من أثاره الجانبيه اسهال ..استغربت ازاى بيعمل اسهال والدكتور يكتبه علاج للاسهال ..روحت أسأل الصيدلى ...قالى انه غلط جدا وقالى ازاى ولد عنده اسهال والدكتور مايكتب له مضاد للأسهال ؟؟؟ واعطانى دوا اسمه لوموتيل وقالى اوقف الامبسلين لأنه أصلا بيعمل اسهال واعطانى حاجه قالى انها صالفات وبعدها الولد اتحسن جدا وكمان جاله امساك بدل الاسهال لكن اليوم صباحا نزل معاه دم وامساك شديد .....

انا عندى شويه أسئله محدده أرجوكم جاوبونى
1 هو مين صح ..الدكتور الاول او التانى ولا الصيدلى
2- ازاى دكتور يكتب لولد عنده اسهال دوا بيعمل اسهال
3- انا تعبت وعاوزهاعرف هى حاله أبنى بالظبط أسمها ايه ؟؟
4- ايه علاج الامساك دلوقت ونقط الدم اللى بتنزل معاااااااااااه

والله تعبت من الدكاتره ومن الادويه ..حد يجاوبنى أرجوكم ...
علما ابنى ليس له حساسيه او امراض وراثيه ووزنه مظبوط ....الخ

اول شىء تشخيص حاله ابنك هو انه مصاب أسهال بسبب بكتريا أسمها كامبيلوباكتر

والعلاج الصحيح هو يكون
اول شىء تقليل الدهون واعطاء السوائل الدافئه بالتدريج
مضاد حيوى أسمه سيبروفلوكساسين او ازيسرومايسين
ومضادات الاسهال هى مضره وليست مفيده وهى سبب المشكله الاخيره (الامساك والدم )

بالنسبه لكلام الصيدلى هو خطا لان الامبسيلين لا يمتص فيسبب اسهال وهذا فى حاله السليم اما فى حاله أبنك فهو علاج للاسهال ويجب العلاج يكون دواء لايمتص حتى يقدر يقتل البكتريا

أرجو مراجعه طبيب اطفال له ثقه



شكرا لكى والف سلامه