الـــطـــــــــــــــــــــلاق
السلام عليكم ورحمة الله وبركاته
لو سمحت ابيك بكلمه اهي ماهي كلمه بصراحه اهو قرار كل شي بيني وبينك انتهى.. .. باختصار انتيهنا.. .. لحظه لحظه من عطاك الحق تنساني وتروح !! .. وتنهي احلامي معاك وكل عمري والي عشته من سنين.. وحده وحده حتى استوعب كلامك والجروح.. .. انته فاهم شنهو يعني انتهينا بكلمتين!!! كثيرا ما حلمنا بعالم جميل واسرة تربطها التآلف والتفاهم يسودها الحب والعطف والحنان حلمناااااا ,,, وحلمنااااااا لكــن... استيقظنااا في واقع كريه .. واقع مؤلم .. واقع ابى ان يجمعنا.. واقع ابى ان اكون انا وانت سعيدين.. واقع اصر على ان ينهي احلامنا بكابوس في بدايتها قد تكون مطلب ولكن في النهايه وبعد تفكير عميق هي الم وحسره شبح يلاحق كل انثى وذكر ولكن الخاسر الاول والاخير هو انا وانتي (الاسرة والمجتمع ) شتات فراق الم وهم تجربه فاشله وليست اي تجربه تجربة عمر وخسارة حياة ابعده الله عناوعنكم والمؤمنين اجمعين لا بد وانكم ادركتم ما ارمي اليه انه (الـطـلاق ) http://www10.0zz0.com/2010/02/28/22/541748358.jpg احببت ان اتحاور معكم لما فيه مصلحة مجتمع بل امة بأكملها لعل الله ان يفتح على قلوبنا وبصائرنا وان نستوعب وندرك اهم مسبباته واحكامه وفوائده ومضاره ونظرة المجتمع و.. وان نعتبر ونأخذ الدروس والعبر وان نستفيد من تجارب الاخرين ونطرح القصص والمشاكل المترتبه على الطلاق يعني باختصار ان ندخل الى هذه المشكله من اوسع ابوابها وفي البدايه راح ابين لكم حكمة ومشروعية الطلاق في الاسلام وراح ابين لكم بعض الاحصائيات الرهيبه التي وبكل اسف موجوده في مجتمعاتنا العربيه. حكمة مشروعية الطلاق بما ان الله سبحانه قد شرع النكاح لعموم منفعته وشمول مصلحته التي أهمها بقاء النوع الانساني لما يترتب عليه من عمار الكون فكذلك شرع فسخ هذا النكاح عند وجود ما يقتضيه من وقوع الشقاق وعدم الوفاق او شدة كراهية الزوج لزوجته او كراهيتها له ، يقول الله : ( فأمسكوهن بمعروف او سرحوهن بمعروف ولا تمسكوهن ضراراً لتعتدوا ) . والطلاق بغيض الى الله لما روى ابن عمر ان النبي صلى الله عليه وسلم قال : ( ابغض الحلال الى الله الطلاق ) رواه ابو داوود وابن ماجه وصححه الحاكم . وانما كان بغيضاً إلى الله من اجل أنه يسبب العداوة والبغضاء بين الاصهار ولما يعقبه من تشتت الشمل وانقطاع النسل بين الزوجين لكنه بمثابة الدواء الكريه المر يعالج به ما لا بد منه . لانه متى ساءت الطباع وفسدت الاوضاع بين الزوج والزوجة واستمر بينهما الشقاق وأعيت الحيل في الوفاق فما احسن الفراق اذا لم تلاءم الاخلاق فانه لا عيش ولا انس ولا سعادة مع شدة كراهية احد الزوجين لصاحبه وهذا يعد من محاسن الاسلام الذي جعل الله فيه للمؤمن من كل ضيق فرجاً ومخرجاً ولم يجعل الزوجة الكريهة في نفسه حرجاً وغلا في عنقه لا تنفك عنه حتى يموت احدهما كزوجة النصارى ولهذا رجع النصارى مضطرين الى العمل بشريعة الاسلام في الطلاق ، ومن أجل منع القانون لوقوعه بدون سبب صار أحدهم يفضل العزوبة على تحمل مؤنة الزوجة ونفقتها ونفقة عياله منها ولا يزال الناس يرجعون بداعي الضرورة الى العمل بشريعة الاسلام لانها شريعة الله للناس أجمعين ورحمة للعالمين . وهذه بعض الاحصائيات في بعض الدول العربيه عن حالات الطلاق احتلت السعودية المرتبة الخامسة خليجيا من حيث نسب الطلاق، إذ سجلت نسبة حالات الطلاق في المملكة 21 في المائة، بحسب آخر إحصائية خليجية، في حين جاءت الإمارات الأولى بنسبة 40 في المائة، تليها قطر بـ 38 في المائة من حالات الطلاق، بينما جاءت الكويت في المرتبة الثالثة بنسبة 35 في المائة والبحرين رابعا بـ 34 في المائة. وقال الدكتور عثمان العصفور, متخصص اجتماعي الذي استعرض إحصائية الطلاق في الخليج، إن المملكة تشهد 60 حالة طلاق يوميا وهو مؤشر على تفاقم المشكلات الأسرية ودليل على جهل أغلب المتزوجين بمهارات التعامل مع الأزمات الحياتية. كشفت إحصاء صادر عن الجهاز المركزي للتعبئة العامة والإحصاء في مصر، عن وقوع حالة طلاق كل 6 دقائق، وأن هناك 88 ألف حالة طلاق تحدث كل عام. ورصدت الإحصاءات240 حكماً بالطلاق، تصدر كل يوم في محاكم الأحوال الشخصية. أشارت دراسات إحصائية مؤخراً إلى ارتفاع عدد حالات الطلاق في الأردن التي وصلت إلى 9719 حالة عام 2005، كما أظهرت الدراسات أن نسب الطلاق على الرغم من ارتفاعها إلا أنها ما تزال من النسب المعقولة مقارنة بدول عربية أخرى. سجلت المحاكم الشرعية في المحافظات السورية 17055 حالة طلاق حتى نهاية 2008 بزيادة ملحوظة عن عام 2007 الذي سجل 15916 حالة طلاق بينما كان عدد حالات الطلاق عام 2003 لا يتجاوز 13394 حالة،وقالت صحيفة الوطن إن دمشق احتلت المرتبة الأولى . الجزائر، التي تسجل المحاكم فيها سنوياً نحو 14 ألف حالة طلاق . أكدت إحصائيات وزارة العدل المغربية أن هناك ارتفاع كبير لأحكام الطلاق المسجلة السنة الماضية والتي انتقلت من 14ألف و 791سنة 2006إلى 21ألف و 328سنة 2007، مع ارتفاع يقارب الضعف للطلاق للشقاق والذي بلغ 18ألفا و 562سنة 2007مقابل 10آلاف و 313سنة 2006.. والان وبعد ان قرأتم هذه الاحصائيات الرهيبه السؤال الي بيطرح نفسه بداية ماهي برأيكم الاسباب الرئيسيه للطلاق سواء كانت شخصية اوسلوكيةا واجتماعية ؟ واتمنى ان لا تبخلوا علينا بمداخلاتكم وبأرائكم واستفساراتكم شكرا لكم جميعا برعاية الله وحفظه |
ياساتر يالمجنون (طلاق ) مرة وحده
اعوذ بالله .هذا الموضوع كبير متفرع ومتشعب بس هل انت تقصد الطلاق بشموله كله يعني حتى اللي يصير بين االمخطوبين وملكوا وتطلقوا او بس طلاق المتزوجين اللي عاشوا مع بعض وبينهم عشرة وتطلقوا . لي عووده للهذرة الزايده لانه هالموضوع يبقي له مخ مصحصح . الف شكر لك اخووي المجنون والله يعطيك العافيه والله يبعد الطلاق عن كل المتزوجين لانه صار موضة العصر تحياااتي وجه الصباح /اللبؤة |
اقتباس:
طبعا الطلاق بشموله ماراح نخلي ولا نبقي كل شيء راح نحكي فيه الله يبعده عن الجميع الله يسعد ها الوجه وكل من تحبين برعاية الله وحفظه |
ماهي برأيكم الاسباب الرئيسيه للطلاق سواء كانت شخصية اوسلوكيةا واجتماعية ؟>>فيس مفهي يقول مافهمت السؤال ياإستااذ ؟؟
مادري ليش تخيلت نفسي قداام استااذه التعبير ...!!!! معليش يالمجنون ..بس احس انك ماركزت على نقطه معينه علشاان تكون مركز الحوار .. يعني كأنك تقول يالله ياطلاب اليوم موضوعنا عن الطلاق ..ابي كل واحد منكم يسبح في بحر افكااره ويطلع لنا المحاار واللؤلؤ اللي فيه ...؟؟؟>>فيس يقول عاداك المجنون بالجنوون موقصدي بس لو تتطرق لنقطه معينه يكون افضل ..مثلا .. من وراء الطلاق المرأه ام الرجل ؟؟ام المجتمع ؟؟؟ هل الطلاق له اجابيات كما له سلبياات ؟؟؟ من يدفع الثمن ..الرجل ام المرأه ..>>باستثناء الابناء لانهم الضحيه دوما .. احس كل نقطه من هالنقااط بحااجه لموضوع مستقل ..>>او انا غلطاانه ..!!! عموما اخي الكريم نحن مقدرين وشااكرين لك اتحاافنا بمواضيع هاامه وتخدم الجميع فكريا وثقافيا .. بانتظاار باقي الردود .. دمت بحيااه لاتشوبها المشاكل .. |
اقتباس:
ههههههههه هلا قمر السؤال واضح جدا وراح افسره لك بحيث تركزي اكثر ماهي برأيكم الاسباب الرئيسيه للطلاق سواء كانت شخصية اوسلوكيةا واجتماعية ؟ افسرها لك اذا كانت شخصيه هو ما يهتم بالجسد والمتعه مثال عدم ميول الرجل إلى زوجته او العكس بالكلية لعدم وجود المتعة في معاشرتها ونحو ذلك العجز الجنسي او عدم الانجاب عدم النضج العاطفي واكيد فيه اسباب ممكن الشكل اللبس ... الخ اذا كانت سلوكيه مثال عدم صلاح الزوجة في دينها أو في خلقها أو هما معا نشوز الزوجة، وتعاليها على زوجها الادمان وطبعا فيه اشياء كثيره في هذا الباب اذا كانت اجتماعيه عجز الزوج عن القيام بحقوق الزوجة كالنفقة ونحوها المال او الفروق الاجتماعيه او مستوى التعليم.... الخ طيب يا قمرانتي برايك الشخصي ايش هي اهم واكثر الاشياء الي تؤدي للطلاق من خلال سماعك او قربك من اشخاص تعرفيهم ليش تطلقوا وش السبب يعني انا اعرف واحد طلق زوجته لانها غير موظفه ويتحجج بأنها ما تعرف تكتب طلبات البيت وهو متزوجها على اساس بيحبها وبنت خالته وبعد سنتين اتزوج معلمه مطلقه على الرغم انهم عرضوا عليه اختها كمان معلمه اصغر من الاولى وهي بنت رفضها واخذ الكبيره لانه راتبها اكثر معناته الطلاق والزواج تم بسبب الماده والعياذ بالله وهذي حاله يمكن فيه حالات مشابهه كثير مشكووووره ع الاطراء ربي يحفظك |
مسا الزهر الملون والابيض عليكم جميعا السبب الرئيسي من وجهة نظري::: تلاشي أهمية وقدسية الزواج المشاكل موجودة في كل العصور لكتها صمدت أمام هذه القدسية أما اليوم فكل تغييرات المجتمع وضغوطاته أصبحت أكثر أهمية من مسمى الزواج وقدسيته |
اولا شكرا لهذا الموضوع الشديد الاهمية
الطلاق طبعا شبح يهدد كل اسرة وخاصة الابناء واسبابه كتير منها البيئة المحيطة بالاسرة نفسها وحسب سلوك الطرفين يعنى بعض الزوجات تخاف انها تحمل لقب مطلقة علشان نظرة المجتمع وفى مابيفرق معاها المهم انها تعيش حرة ومن ضمن الاسباب ايضا عدم محاولة الزوجين التفاهم مع بعض بسكل هادئ وودى وتفاقم المشاكل بينهم وبالتالى بداية الكراهية اللى هى دمار لحياتهم وزواجهم وللاسف بيبدأوا يفكروا بحكمة وهدوء بعد الطلاق اما بالنسبة للى بيطلقوا عشان شكل او لبس فدا غلط وفساد لان فترة الخطوبة بتوضح كل دا وبيبان |
اقتباس:
اهلا فيكي انا معك انه ثقافة المجتمع اتغيرت كان في الاول الزوج او الزوجه ليها احترام وتقدير والزواج شيء مقدس وشراكه مهمه والكل بيبحث عن راحة الاخر اليوم هناك مقاييس ينظر اليها واهمها المال والجمال وبس تنتفي هذه الاشياء يصبح الزواج فاشل والحل هو الطلاق اشكرك على الاضافه القيمه ربي يحفظك برعاية الله |
اقتباس:
اكيد من اهم اسباب الطلاق عدم حل المشاكل الي بيناتهم عن طريق التفاهم وبهدوء تلاقي كل واحد منهم بيشد مع الاخر ويعتبر نفسه هو الصح وفي الاخر تكون النتيجه لا تحمد عقباها وفي الاخر يحسوا بالندم لذلك شرع الله سبحانه وتعالى العوده مرة اخرى واعطاء فرصه جديده ربي يسعد ايامك انتي ومن تحبين برعاية الله |
موضوع ومهم ومتشعب فيه اسباب من قبل الزواج تكون مؤشر للطلاق بعد الزواج مثل اجبار البنت على شخص هي ترفضه ولاتتقبله كزوج ولكن الاهل يجبرونها ولكن بعد الزواج لاتستطيع تقبله وتعود مطلقة ولكن ليس وحدها ربما معها طفل او حامل به او ايضا ان يضغط الاب على ابنه ان يتزوج من ابنة احد اصدقائه ويتزوج وبعد فترة يطلق اعرف نفس الحالتين الاب اجبر ابنته وابنه من الزواج وكانت النهاية الطلاق ولكن هناك ضحايا هم الابناء فكان من الممكن تجنب الطلاق من البداية وهناك اسباب اخرى مثل عدم التوافق الفكري ابدا الام متعلمة والاب ليس لديه اي شهادة او العكس او تدخل الاهل فيما بين الزوجين فيحدث الطلاق اوطريقة تعامل الزوجين مع بعضهما عند المشاكل يتعاملان مع بعضهما كأنهم ندين وليس زوجين ومحاولة فرد العضلات ومن الاقوى فالحياة تستمر كلها مشاكل فيملان من هذه الحياة ويحدث الطلاق لااحد يفكر بمن سيتاثر بهذا الطلاق ونتائجه على الابناء الذين لهم الاولوية في العيش مع اباءهم وامهاتهم بحب واحترام الله يعطيك العافية بحفظ الله ورعايته |
موضوع مهم جداً أتيت لأحجز لي مقعد هنا ولي عودة بإذن الله |
رجعت لكم مرة ثانية
الطلاق ابغض الحلال عند الله بس احيانا الانسان يلجأ له اذا تسكرت كل الابواب والحلول للمشاكل ويمكن يكون احسن حل واريح لكلا الطرفين الذكر والانثى مع ان له ااثاار نفسية للطرفين وللاولاد لو كان فيه اولاد ياترى شنهي اسباب الطلاق وليش انتشر في مجتمعاتنا بكثرة اذا ماصار الطلاق صار الخلع الى هذي الدرجه وصلنا للعجز عن حل مشاكلنا بشكل ودي وبشكل سلس الى هذي الدرجه النفوس اتغيرت وعدم القدرة على ايجاد الحب الحقيقي هل اهوا السبب الرئيسي مادري اسباب الطلاق كثيرة وتختلف من شخص الى ااخر . راح اعدد بعض الاسباب المنتشرة واللي نعرفها :اول سبب اهوا الزواج التقليدي لما يكون الزواج من اختيار الاهل يعني الام اعجبت في بنت وفي شكل البنت وراحت اخطبتها لولدها والولد واثق في اختيار امه وماكانت فترة الخطوبة كافيه للتعارف فيتزوجون ويكتشفون الاثنين بعدين ان كل واحد مختلف عن الثاني سواء في التفكير في الميول لان جمال الشكل ماهو كل شي فتحدث مشاكل ويمكن اسرع حل يفكرن فيه اهوا الطلاق .ثاني شي تدخل الاهل بين الطرفين لحل المشاكل فكل واحد من الاهل راح ينحاز لولده وتكبر المشكلة فما فيه حل الا الطلاق .ثالث شي من اسباب الطلاق اهوا اكتشاف العيوب من كلا الطرفين وانصدام كل واحد بعيوب الثاني يعني ايام الخطوبة الرجال يظهر احسن صفاته والمراة تبين احسن صفاتها بس متى تظهر هذي العيوب بعد الزواج كل واحد يكتشف عيوب الثاني وينصدم فيها ومايقدرون يتحملون وتصير مشاكل ويختارون الانفصال بدل الاتفاق وحل المشاكل.رابع شي اهمال الزوجه لزوجها وبيتها وعيالها واهمال الزوج لبيته وعياله . تشوف الام كله برى حفلات تجمعات مع صديقاتها روحات وردات كله في الاسواق وماتخللي عرس ماتحضره بس وين الزوج وش محله من الاعراب ماتدري عنه .اكل والا شرب والا نام والا راح والا جى مريض صاحي يمكن الخدامه تعرف عنه اكثر منها . وبعد لما الزوج يكون اهوا اللي يهمل بيته ياإما في العمل والا نايم والا مع ربعه واصدقائه وطلعات وسفرات بس وين الزوجه شنو اهتمامه فيها عنده يكفي انه مو مقصر في المصروف عليها وعلى البيت بس وجوده وعدمه واحد.خامس شي من الاسباب ان الرجال يكون سيء الخلق يمكن يشرب خمر والعياذ بالله يمكن مدمن مخدرات وصايع ساعتها زوجته ماراح تستحمل وتطلب الطلاق ويمكن بعد تكون المرأة سيئة الخلق ماراح اشرح كيف لانها واضحه للكل فزوجها ينصدم فيها ويطلقها .وبعد من اسباب الطلاق اهوا النفور بين الطرفين وعدم تقبل كل واحد للثاني حتى مع العشرة ماقدروا يحبون بعض في هذي الحاله الرجال راح يفكر يتزوج ثانيه ويمكن المراة تطلب الطلاق .ومن الاسباب بعد الخيانة خيانة الزوج لزوجته مع نساء غيرها وياكثر القصص اللي سمعنا خيانة الزوج لزوجته حتى مع الخدامة في هالحالة اقرب حل للزوجه تفكر فيه اهوا الطلاق .ومن الاسباب ايضا اختلاف المستوى بين الطرفين سواء اقتصادي او تعليمي يمكن يتزوج رجال عنده ماجستير او دكتوراه وزوجته ماعندها غير متوسط مثلا فيكون فيه اختلاف في التفكير ومافيه تفاهم ويمكن العكس الزوجه عندها شهادات كبيرة والزوج شهادته متوسط او ثانويه فيكون فيه نوع من التحسس من الناحيه التعليميه. اما بالنسبه للناحيه الاقتصاديه يمكن يتزوج رجل بسيط على قد حاله من زوجه غنية جدااا متعوده على الاسراف والتبذير وان طلباتها كلها مجابه فما يقدر الرجال على طلباتها الكثيرة فما فيه حل غير ....... بعد من الاسباب اهوا عمل المرأة خارج البيت احيانا وظيفتها تسبب لها مشاكل مع زوجها . الزوج يبقي يجي من العمل يللقى زوجته تستقبله تهتم فيه مو يجي اهوا من العمل قبلها وتجي اهيا من العمل تعبانه ومالها خلق حتى للكلام يعني ماراح تقدر توفق بين وظيفتها وبيتها فتصير مشاكل ويمكن تؤدي هالمشاكل الى ........ طبعا مانعممم ونقول كل الحريم اللي يشتغلون كذا عشان ماحد يزعل منا احنا نقول البعض .وبعد من الاسباب انعدام الحب الحقيقي بين الرجل والمرأة يعتقدون انهم ايام الخطوبة وبعد الزواج بيعيشون في جنه ويفكرون ان حبهم حقيقي بس بعد مايتزوجون ويتملكون الجسد يكتشفون ان اللي بينهم حب جسد ماهو حب روح ماهو حب حقيقي . حب سريع وخطوبه سريعه وزواج سريع ومشاكل اسرع فطلاق اسرع واسرع ومن الاسباب مرض احد الزوجين احيانا يكون الزوج عقيم مايقدر يجيب عيال فيقوم يطلق زوجته عشان تشوف حياتها والعكس يمكن الزوجه اهيا المريضه وماتجيب عيال.ومن الاسباب بعد عدم تأقلم الزوجه مع اهل زوجها وعدم رغبتها في السكن في نفس بيت اهل الزوج وتصير مشاكل كثيرة وكبيرة وهوشات مع ام الزوج ويحتار الزوج مايعرف مع مين يوقف . وهناك اسباب واسباب كثيره لاتعد ولاتحصى هالحين هذرت كثيير لين اتذكر بعد وارجع اكتب مشكوور اخووي المجنون وعذرا على الهذرة :lol: تحيااااتي وجه الصباح /اللبؤة |
اقتباس:
كلك ذوق ربي يحفظك ويرعاك |
اقتباس:
ربي يسعد ايامك ويحفظك انتي ومن تحبين برعاية الكريم |
اقتباس:
ههههه لا ابد كثري من الهذره وهو احنا جالسين ليش خخخخ:lol: الكثير والكثير من الي انتي طرحتيه كله واقع ومن اسباب الطلاق الرئيسيه وكل سبب مقنع للانفصال طبعا راح نفصل كل سبب على حده بس خلونا بالاول نجمع اكبر عدد من الاسباب للانفصال . مشكووووووره قليله بحقك وجه الصباح بل كل الشكر والتقدير لشخصكم الكريم برعاية الله وحفظه |
عدنا :) أولاً بسم الله الرحمن الرحيم والصلاة والسلام على أشرف الأنبياء وسيد المرسلين سيدنا محمد وعلى آله وصحبه وسلم تسليماً كثيرا .. ثانيا: موضوع مهم جداً جداً جداً حيث أن الطلاق وللأسف إنتشر بكثره في مجتمعاتنا كلمة طالق أصبحت مستهلكة كثيراً الرجل يرمي بتلك القنبلة ولا يحسب لها أي حساب ولا يفكر فيما سيحدث بعد تلك القنبلة التي نطق بها .. << طبعاً راح يستغرب البعض من وصف كلمة طالق بالقنبله أنا أصفها كذلك لأن كلمة طالق مفعولها مثل مفعول القنبله فالقنبله تسبب في هدم البيوت وكذلك كلمة طالق تسبب في هدم وتخريب وتفكيك البيوت .. نأتي لأسباب الطلاق وهي كثيرة .. من أسباب الطلاق إجبار الرجل والمرأة على بعضهما مثل ولد العم مايتزوج إلا بنت عمه وهذا خطأ كبير على الأب أن يدع الخيار لأبنه أو لبنته ولايجبرهما على شيء لايريدانه .. من أسباب الطلاق أيضاً المستوى التعليمي مثال: قد تكون المرأة على درجة عالية من التعليم والرجل يمكن يكون عنده شهادة متوسط طبعاً راح يكون كل واحد تفكيره غير عن الآخر وربما المرأة تستفز الرجل بإنه لايملك سوى شهادة متوسطة وتحدث مشاكل ومن ثم الطلاق .. من أسباب الطلاق أيضاً عدم إنجاب المرأة الأطفال .. وأيضاً تدخل أهل الزوج والزوجه في كل صغيرة وكبيرة في حياتهما .. أيضاً صغر سن الزوج والزوجه قد يكون من عوامل الطلاق فهما ليس مؤهلين لحمل مسؤولية في سن صغيرة فقد يكون كل تفكيرهما في اللهو واللعب لا لبناء بيت وتكون أسرة .. وهناك أسباب يقع فيها الطلاق لكنها وللأسف أسباب تافهه وأذكر قصه حين طلب زوج من زوجته أن تطفىء النور وهي رفضت فطلقها !! هذا كل مالدي .. ومشكووور أخووي على الموضوع المهم .. الله يعطيك العافية .. |
اقتباس:
ماأتوقع ان الهدف هو جمع اكبر عدد من الاسباب.. بقدر ماهو ايجااد حلووول مقنعه لأيقااف الاعدااد المتزاايده من النازحين من شبح الطلاق ..>>وانتي ليش عجله نجيب السبب وبعدين الحل ..!! <<فيس يقول مااتتركين طبعك ..خخخخ..:lol: ماشاء الله تباارك الرحمن أختي اللبؤه ماقصرت وفت وكفت .. اماا اناا فاشوف ان اغلب سبب في هالزمن هو ان مافيه ( رجاال )>>المعذره للجميع بس هذا رأيي .. وماكذب الشاعر يوم قاال .. أبيّ رجـَآل له { مبَدأ } .. له أفكآر ٍ تلخبَطنيْ .. وضلعيّ آلمنعوجْ لآ مآآل ..! يَعرف شلوٍن يضبَطنِي .. آبي لآشفته ..: تِذكرت آلعظيّم آلله .؛ وذكرٍت آلنآر وآلجنـه .. ! أبيْ ليّ شآعرٍ عذريّ ......................... بِـ أحآسيّسه يغرقنّي .. ‘ وهمْ بَه يأرقني ، شعُور آلشخصَ فيّ عينه ..ْ ماهو شاطئ ؛ ولاهُو رمَال ؛ ولا بزنس ؛ ولا هُو ريالْ .. ! ولكنه ! همُومَ \ أمَـة .؛ وكيف نفوز بالقمة ! وكيَف تربيّ الأجيال ! نخليّ بنتنا أنثىْ ـآ ونِخلق فيّ الولد رجَـال } تبيّ .. \ [ دانه ] ! وأنا مثلك أبي " رجالْ " .. يشد حبال ..‘ ظهريْ إلليَ البخت خانه .. كثيَرة بِ دنيتي الأزوال ..‘ قليّل بينهم [ رجال ] ! قليّل بينهم [ رجال ] ! .................. لي عــــــــــــــــــوده ..>>بعد ماأشوف وش السبب اللي حد اخوي يطلق زوجته ..وولد جيراناا يلحقه ..؟؟؟؟؟؟؟؟؟ |
اقتباس:
ههههههه حلوه سالفة النور بجد فيه تراكمات من الاول اكيد الزوجه من النوع العنيد الي بيحب يفرض شخصيته على الزوج بالقوه يا جماعه والله فيه شغلات ما تتصدق من تفاهتها بس موجوده مشكوره حفيده خليكي قريبه ههههه الموضوع في بداياته :lol: في امان الله وحفظه |
اقتباس:
موسوعه قليله :lol: اممممم خلينا نشوف الاسباب وبعدين ندخل على الحلول ولو اني اشوف ما معكم حلول خخخخخخخخ:lol: اكيد بمزح لا بدينا من اولها ما فيه رجال طيييييييب <<<< لغة تهديد يعني بدك تقولي ان المشاكل والطلاقات سببها احنا وانتم ما شاء الله ملائكه تمشي على الارض ؟ خليكي قريبه كل شويه طلي علينا نترياك برعاية الله وحفظه |
السلام عليكم ..عدنـــــــــــــــــــــــــــــــــــــا
يعني لو نجلس لبكره ماراح نحصر الاسبااب ..لان شبابنا ماقصروا كل يوم والثااني طالعين لنا بسبب ...!!! خذ هذي مثلا..(اخو محدثتكم) الله يصلحه له يمكن اكثر من خمس سنواات وهو يدور على وحده >>تتشرف بالزواج منه >>هذا كلامه .. لانه في نظرنفسه انه ملك جماال وماال >>الحمدلله والشكر .. والجميل لازم ياخذ جميله >>تفكير اعوج ؟؟؟>>طبعا البركه في اصدقاءه اللي زرعوا الفكره براسه ..صحيح انه جميل بس الجمال جمال الروح وهذا الشي غفل عنه .. وفي كل مره نخطب له يقول هذي نحيفه هذي مولايقه بي ..هذي عااديه ..هذي مو من القبيله اللي اتشرف فيها ..هذي كبيره ..وهلم جرااااا واخر مره عزمنا على اقنااعه وانه يترك عنه هالكلام الفاضي ..وان الزواج مسؤليه مو لعب عياال ..تم كل شي خطبه وملكه ..وبعد فتره طلقها ..؟؟؟؟؟؟؟؟؟؟ ومثل ماقلت ..لكم رغباات الشبااب بحوريه منزله من السماء هي المشكله ..شرووط ماراح يلاقوها الا بالجنه .. ولد الجيران ..شاب الله ستر علينا وعليه ..زوجوه اهله على امل انه يعقل ؟؟؟؟ويبطل سهر وسفر ..؟؟>>عذر اقبح من ذنب !! بس بعد فتره طلقهاا ؟؟؟ وبعد الحااح الاهل رجعهاا ..>>تقول كوره بين ايديهم !!! مرت سنتين وفي اخر السنه طلقها للمره الثانيه ؟؟ بس هالمره كانت اثنين ..>>فيس يقول مبروك المدام حاامل .. بس للاسف رفض يرجعهاا .. والان من السبب ..في شتاات الولد اللي له اسبوعين على وجه الارض ماشاف ابوه ..!! ومن السبب وراء ضيااع الزوجه اللي خسرت دراستها بسبب همجيه زوجهاا ..وطلبااته اللي ماتخلص ..علشاان في الاخير يساافر ويسهر على هوى باله وكأن ماعنده اي مسؤوليه على عااتقه ... برأيك هذولا (رجاال ) ينشد بهم الظهر ...!!! عدم تحمل شبابنا للمسؤوليه من اكبر الاسباب وراء انفلات كلمه طاالق من افواههم وكأنها حبل على رقبتهم من يقولوها تنفك العقده من حولهم ويرجعون للحيااه .. لو نسوي مقاارنه بين شباب اليوم ..وشباب الامس ..>>اللي هم ابائهم راح تشوف الفرق ..!! بالامس كان الرجل يعي ويتفهم رغم انه (أمي ..لايعرف القراءه) احتياجاات المرأه ومدى انجرافها وراء عوااطفهاا ..وتمسكه بهاا رغم المشااكل بينها وبين اهله "حتى لو لم يكن بينهم حب" هناك شيئ انغرس بداخله كونه رجل ..وعليه مسؤوليه يجب ان يكون قدهاا..وان تستمر الحيااه برئاسته .. قصص كثييره نسمعها عن ابائنا واجدادناا تزرع بداخلنا هيبه الرجل ..وقوته ..وحناانه .. بعكس ابنااء هالزمن ..>>لا تعليق .. شهاادات ..وعلم ..وثقاافه ..وبالاخير ..شماغ وعقاال على الفاضي ..!!! اختلاف الرأي لايفسد للاخوه قضيه ..>>خربيها وقولي مايفسد خخخ دمتم برعاايه الله .. يمكن ارجع اذا لقيت سبب انتم سببه ..ههههه |
اقتباس:
ههههههههه هلا قمر ليش انتي تعتقدي انه انا راح اكون ضدك خخخخ بالعكس انا معك بكل شيء ولكن انك تخلى اللوم كله على الرجال نونونو لا يمكن ترا لكم نصيب تعرفي انا ماراح الوم اي واحد من الاطراف لانه كل شخص عنده اسبابه ويمكن الاسباب مقنعه مانحكم على غائب :lol: طيب انتي خليتي ان ما فيه رجال او قلوا لانه ما تحملوا زوجاتهم وماهم قد المسؤليه يا ترا ليش اصبح الشباب هيك هل العيب في التربيه ولا في المجتمع ؟ انتي قلتي رجال اول غير وانا معك بس كمان النساء اول غير مش زي بنات الايام هذي الامور متساويه الغريبه انه حتى في روسيا ههههههه بيقولوا البنات هيك انه الشاب الروسي غير موثوق فيه لانه لا يحمل اي مسؤليه وهم الشباب هناك فقط السهر وشرب الخمور والعياذ بالله ممممم اوك نراكي قريبا باذن الله برعاية الكريم |
ماهي نظرة المجتمع بالنسبه للمرأة المطلقه بنظركم ؟
http://www11.0zz0.com/2010/03/07/18/417172355.jpg هل هذه الصوره تعبر عن الواقع ام لكم رأي اخر ؟ |
المطلقة إمراة مسكينة في مجتمعنا
ينظر لها المجتمع بنظرة سوداوية قاسيه كأنها مجرمة كأنها الوحيده المدانة والمسؤلة عن الطلاق يعدون عليها حتى النفس اللي تتنفسه وكل شي ممنوع تسويه والسبب انها مطلقة. شنو المطلقة مو انسانة لها مشاعر واحاسيس لها كيان ووجود ليش نعاقبها وندينها كانها مجرمة بدل مانوقف معها ونشجعها ونخليها انسانة لها دوور في المجتمع . وآآسفي على هذا المجتمع ونظرته اللي ماراح تتغير مهما تطورنا. مشكووور اخوي المجنون وتسلم وجه الصباح /اللبؤة |
اقتباس:
صباح الخيــــر .. عدت من جديد .. نظرة المجتمع للمرأة المطلقه نظرة غريبه نظرة فيها تساؤلات كثيرة ياترى لماذا طلقها زوجها؟! مالذي فعلته حتى يطلقها؟! أكيد إرتكبت جرم!! وأكيد فيها وفيها!! بشوف إن المجتمع يحط اللوم كله على المرأة المطلقة طيب ماذنبها هي؟!! أنا لا أنكر أن البعض قد تكون هي السبب في الإنفصال لكن لانرمي كل اللوم والعتب عليها فهي ليست الوحيدة في سبب طلاقها بل الرجل يشترك معها في ذلك كما قلت سابقاً إن كلمة طالق أصبحت مستهلكة حتى لغير المتزوجين !!!! أخيراً أقول الله يكون في عون المطلقة بجد أحزن عليها من نظرة المجتمع لها .. مشكوور أخي المجنون .. ومتابعين معك :lol: |
نسيت أن أقول أن الصورة تعبر عن نظرة المجتع فعلاً وأقول أن المرأة ليست ملاك وكذلك الرجل ليس ملاك فالكل يخطىء والكل عليه تحمل نتيجه هذا الخطأ لكن من المؤسف أن يقع نتيجه هذا الخطأ على الأطفال الأبرياء الذين لاذنب لهم للأسف مايروح فيها غير الأطفال ..! |
طلاق مرة وحده<< فيس مصدوم
برد لكم بس عقب ما اخطف عالردود كلها تسلم اخويه |
اقتباس:
والله كلامك صح ويسلم السانك ويدك فعلا عندنا نظره سوداويه بالنسبة للمرأه المطلقه وكأنه محكوم عليها ان تعيش حياة البؤس والحرمان . انا بدي اسالك ليش مجتمعنا بالذات عنده هذي النظره هل هو الجهل ؟ ام ماذا ؟ رحم الله والديك واسكنهم جنانه برعاية الله |
اقتباس:
اقتباس:
هلا حفيده اسعد الله جميع اوقاتك وحياك الله بدون شك ان الطلاق يشترك فيه الكل سواء الزوج او الزوجه لو فرضنا ان الزوج هو السبب في الطلاق وش ذنب البنيه لمن تروح بلقب مطلقه وفيه حالات كثيره يعني زود على حضها الردي كمان ما تسلم من كلام الناس وكأنها عامله جريمه . فيه بعض النسوه يمكن تصبر على الضيم والقهر من اجل ما يقال عنهامطلقه وتسلم من حديث المجالس خاصه بين اصحابها واقربائها . ربي يحفظك حفيده ويسلمك من كل اذى برعاية الله |
اقتباس:
هههه شفتي اشلون مشاكل الاسر والبيوت الطموح للزواج وتكوين اسره مطلب لكل شاب وفتاة ولكن احيانا ينصدم الواحد بالواقع الي بيعيشه مع شريك او شريكة حياته فيصبح الاستمرار صعب والانفصال هو الحل . طبعا تجربه لا تؤثر على الرجل قد ما تؤثر على المرأه نفسيا واجتماعيا وقد تكون الاسباب تافهه اشكرك بوح نحن في انتظارك ربي يحفظك ويرعاك |
اقتباس:
لان احنا مجتمع تحكمه عادات وتقاليد سواء كانت هالتقاليد صحيحه او خاطئه . وهالتقاليد والعادات احكمت على البنت بهذ النظرة من زمن الجاهلية وزمن وأد البنات وحتى بعد ماجاء الاسلام واعطى للمرأة حقوقها لازال بعض الناس نظرتهم للبنت انها مصدر للغلط والخطأ حتى لو كانت مظلومة هذا مجتمعنا مستحيل يتغير مهما تطورنا وتعلمنا بيظل على نفس العادات والتقاليد سواء كانت صح او غلط وسلامتك والعذر على كثرة الهذرة الزايده تحياااتي وجه الصباح /اللبؤة |
اقتباس:
اجد متعه في تعليقااتك بلا حدود ... واصلي ..واحناا معاك .. |
اقتباس:
الله يسلمك ويسامحك هههه بالعكس لا هذره ولا شيء كلك ذوق الله يحفظك كلام موزون وفي الصميم العادات والتقاليد الخاطئه لازم انه احنا نعرفها ونحاول ان نتجنبها ولا ننظر لغيرنا من الاشخاص الي نظرتهم عند رجولهم او بالاحرى رجعيين في افكارهم تقولي مستحيل يتغير وانا اقول ما فيه شيء مستحيل فيه اشياء كثيره كنا نتوقع انها ما تتغير وانها من العادات الاصيله ولكن متى ما عرف الخطأ وتدخل الدين ونقضها بالدليل تنتفي تدريجيا وخاصه لما يكون مجتمع واعي . اسعدك الرحمن برعاية الله وحفظه |
السلام عليكم
امممم راح اقف قليلا عند نظرت المجتمع للمرأة المطلقه انا بدي اعرف ايش هم بيفكروا فيه خلونا نقع على السلبيات راح اذكر بعض الامور الي انا اعرفها والباقي عليكم ان وجد طيب انا راح ابين لكم ايش يدور برؤس الناس او بعض الاهل كمان عندما تأتيهم البنت مطلقه واذا كلامي فيه خطأ نوروني واذا فيه اشياء ثانيه اذكروها اول شيء :هم بيخافوا من كلام الناس ياترى هي اتطلقت ليش ؟ وتبدأ القصص والحكايات ؟ الامر الثاني: ترجع تكبر مسؤلية الوالدين والاخوان وخاصه لما ترجع بطفل والا اثنين من ناحية السكن والمصاريف وخاصه لما تكون اسره قدحالها يعني ميسورة الحال . الامر الثالث : من شدة الغيره والخوف تلاقيهم بيحاصروا البنت داخل البيت يعني طلعات زي زمان ما فيه000 روحات وجيات مافيه000 تختصر كل ها الاشياء... وذلك لعدم وجود الثقة بالبنت او الخوف من كلام الناس وانتم ادرى باللي يصير من حكي واعتقد هذي اخطر نقطه . ايش رأيكم ؟ |
الطلاق موضوع كبير ومتشعب.. الديلي اني كل مرة ايي برد اجوفكم خذتوا مجال ثاني وخلصتوا من الجديم اللي ترمسون عنه..
انا بقول اللي عندي مع انه بيكون مكرر بسم الله الرحمن الرحيم اول شي اذا رمسنا عن الطلاق واسبابه.. فاسبابه عديدة.. ما نروم نحطها على الزوج او الزوجة.. او حتى الاهل.. في مجتمعنا الخليجي العادات هي من تحكمنا.. والزواج غالبا ما يعتمد عليها.. وبجي بنبدا اول سبب من اسباب الطلاق.. اللي هي الرفض او عدم التقبل.. قد تكون من طرف واحد.. او من الطرفين.. شرات زواج الاقارب الي تكون فيه بنت العم لولد العم.. بغض النظر عن اذا كان يبيها او هي تبيه ولا لا.. شي ثاني واللي هو اهم شي التمسك بالجانب الديني.. في عصرنا هذا الناس بدوا يركزون عالبيزات.. والمناصب والجمال اكثر من تركيزهم على الجانب الديني.. وخلاف عقب العرس يكتشفون ان الزوج او الزوجة مبتعدين عن ربهم.. حتى الصلاة ما يصلونها.. مشاكل الاهل.. اعرف حالات كثيرة الزوجين كانوا فيها عايشين حياتهم ولا مستهمين بس تدخل اهلهم بين دمر لهم حياتهم.. المفروض ان المشاكل اللي تستوي بين اهل الزوجه او الزوج.. ما يكون لها اي اثر على حياتهم الخاصة.. صح انهم لازم يساهمون في حلها بس ما يخلونها اتاثر عليهم.. الاهمال.. اهمال الزوجة لبيته وحرمته وعياله.. والعكس صحيح اهمال الزوجة لبيتها.. قد يكون من اهم الاسباب.. يعني تكون/يكون عايش لنفسه.. وينسى ان عنده بيت وعيال.. والحرمة بعد تهتم بالمناسبات والحفلات والاعراس.. وتودر بيتها فهالشي له دور هب بس في الطلاق.. في انحراف الابناء بعد وجود الابناء والخلافات الماليه.. شي ناس يقررون قبل لا يعرسون انهم ما اييبون عيال<< انا من اكثر المنتقدين لهم.. بالعكس الهدف من الزواج السكينه واستمرار المجتمع البشري.. المهم.. فبمجرد ما تحمل الحرمة تبدا الخلافات بينهم.. يعين احيانا توصل في بعض الاباء والامهات انهم يغارون من عيالهم.. ويقارنون معاملة الطرف الثاني لولده بمعاملته لهم.. والخلافات الماليه..هب شرط انهم يكونون هب مقتدرين.. احيانا شي حريم يتبطرن على يايلهن جان اشتغلن.. ونفس الوقت شي رياييل يذلون حرميهم عالبيزات اللي يعطونهم.. مع انهم ملزومين بالنفقه ضياعهم اخلاقيا.. يعني يكون الريال راعي سوالف.. زلا لابينه هب زينه<< الله يستر علينا وعلى بناتنا.. فهلهم يفكرون اييوزونهم عسب يعقلون.. اونهم بيعقلون وبيحسون بالمسؤلية.. طبعا اللي هب زين بيتم على طبعه الا ما رحم الله.. وبجي نحن بدال ما نعقلهم.. نساهم في تدمير حياة عيالهم.. العيوب الخلقية.. العيوب الخلقية قد تختلف.. وتبدا من عدم القدرة على الانجاب.. الي العيوب الخلقيه الاخرى.. كالاعاقة مثلا.. او وجود تشوه جسدي.. صح ان هالشي نروم نلاحظه من ايام الملجة والخطوبه.. بس بعد احيانا العيوب ما تكون ظاهرة للعيان.. وينصدم احد الزوجين بهالشي عقب العرس وشي سبب ثاني ان الحرمه او الريال ما يكون فيهم خير.. فبمجرد ما يتعرض حد منهم لمصيبه مرض او حادث مثلا تشوف الحرمة شلاه قشها وعيالها وامروحه يبت ابوها.. ولا الريال يطلقها ويدور له غيرها تعدد الزوجات..ما شي حرمة على سطح الكرة الارضية ترضى بالتعدد حتى لو كانت هي اللي امروحه تخطب لريلها.. فاكثر الحريم جان جافوا رياييلهم امعرسين يطلبون الطلاق على طول.. مع اني ما ايدهم في هالفكرة.. المفروض تدافع عن حقها وما تتنازل بهالسهوله نظرة المجتمع للمطلقه.. الاعتداء بالضرب.. عاد هاي ينفرد فيهاالريال لان الحرمه لو فكرة مجرد تفكير ترفع ايدها على ريلها بيدفنها.. اعتداء الازواج على زوجاتهم بالضرب بحجة تاديبهم ويقولون ان القران يقول "اضربوهن" طبعا شي فئه ما يكلفون على اعمارهم انهم يتخذون الوسائل لالي ذكرت قبل الضرب.. كالنصيحة والهجر.. وطريقة الضرب.. عاد قلنا اضربوهن هب ايشل عقاله ويسويلها شوارع وجسور ودواوير على جسمها.. الصورةاللي عطيتها اخويه كفت ووفت مجتمعنا يكون هاله للمطلقه ومكتوب عليها ممنوع الاقتراب.. بغض النظر عن سبب الطلاق.. فشرات ما يقولون الريال ما يعيبه شي.ز العيب في الحرمة.. غير جي هم عندهم ان الحرمة لازم تصبر على ريلها حتى لو يذبحها ويكسر راسها ويلومونها جان طلبت الطلاق ادري اني طولت عليكم.. السموحة عالقصور ويعطيكم العافية |
اقتباس:
|
اقتباس:
وعليكم السلام ورحمة الله وبركاته .. مرحبا .. كلامك مضبوط بس بعلق على نقطتين الأمر الثاني وهو أن مسؤولية الأهل تكبر من مصاريف والخ بشوفها أرحم تكبر ويخلوا الأطفال عندهم لكن للأسف في البعض من أهل المطلقة ترمي أطفال بنتهم وممنوع تجيبيهم وياك عطيهم أبوهم إحنا مش ناقصين يكفي إنتِ !!! يعني شوو ذنب الأطفال وخصوصاً لو كانوا صغاراً في السن .. أنا وقفت على إحدى القصص حينما عرف أب البنت أنها ستطلق قريباً فهدد قائلاً لو تطلق بنتي راح أرمي لك الأطفال مستحيل أخليهم يعيشوا عندي وهذا وهو يعتبر جدهم!! النقطه الثالثه أخالفك في مسألة الغيرة مابظن يحاصروها عشان الغيرة بالعكس عشان الخوف من كلام الناس مثل ماقلت أو عشان تتزوج أي حدا يتقدم للزواج منها حتى لو ماتبيه .. مداخله بسيطه .. مشكور أخي .. |
اقتباس:
والله فيه من الي بترمي اطفالها وتسيبهم عند الزوج وفيه حالات انا اعرفها يمكن بعظهم ما تجاوز عمره سنتين بجد شيء محزن ما ادري ايش اسميها ام لالالالا ما اعتقد وفيه العكس بتستميت على انها تحصل على حضانة جميع الاولاد وفي النهايه المتضرر هو الطفل الي راح يفقد حنان ورعاية الاب والام بالنسبه للغيره انا بقصد غيرتهم على سمعتهم ان المطلقه عيب تروح هنا وهناك لانهم بيخافوا من كلام الناس كمان مثل ما ذكرتي تقريبا بدهم يزهقوها من عيشتها من اجل ان ترضى بأي شخص يتقدم في المستقبل حتى لو لم تقتنع فيه . اسعدك الرحمن حفيده الله يرفع قدرك برعاية الله وحفظه |
السلاام عليكم ورحمة الله وبركااته
الطلاااق ظااهرهـ كثرت في الأونه الأخيرهـ والسبب في وجهه نظري او بمعنى أدق أحد الأسباب ان الجيل هذا غير قاادر على الصبر((إلا من رحم ربي)) يعني تلقى الوااحد يقول من اول مشكله يمر فيها:البنات على قفى من يشيل اتعب عمري معاها ليه خل تروح عند اهلها أحسن والبنت تقول:وش لي بعواار الراس أرجع لبيت ابوي معززة مكرمه أحسن لي ويتم الطلاااق..طيب وين الصبر؟؟؟ هنا السؤال.. وطبعا بعد مايتم الطلاااق كل طرف فيهم يندم ويقول ياليت وياليت ... طبعا الطلااق اللي يصير وبين الزوجين ابنااء هذا ضحيته الأبناء بكل تأكيد حتى ولو كاان الأب والأم على اتفاق وتم طلااقهم بود يبقى بعد الأب والأم عاائق للأطفال.. والبعض يدخل في حاله نفسيه من وضعه فما بالك بطفل ابوهـ وامه مقطعين بعض في المحاااكم ... المجتمع ينظر للمطلقه كـ وبااء المفروض يحجر عليها في البيت لاتطلع لاتخرج لا..لا..لا وهذا لأنها تمردت على العادات والتقااليد وقررت تشتري رااحه نفسها.. بينما المطلق محد ينظر له بنفس النظرهـ والتبرير الوحيد انه رجّال..والغلط منها ليه ماصبرت عليه.. طبعا هذا كلااام خاطئ.. وتلقى أغلب الناس اللي تتكلم لو عاشت نفس الحيااة مارح ترضى بغير الطلاااق.. ومهما حاولنا وتكلمنا وقلنا عشان نغير نظرهـ المجتمع للمطلقه.. ونقول انها قبل كل شي انسااااااااااااانه ومن حقها تعيش نلقى العاادات تستفحل من جديد ولو امعنا النظر لوجدنا حتى الجيل الجديد يحمل نفس كلااام الأولين.. ولا ننسى ان الطلاااق ابااحه الله حتى ولو كان ابغض الحلااال فـ كيف احنا نحرمه لمجرد((المجتمع راافض هـ الشي)) وفي الأخير لاننسى ان كل شي قمسه ونصيب وماالنا حكم على القضاء والقدر .. اعتذر عن إطاالتي ولكن في خلجااتي الكلاام الكثير عن هذا الموضوع لكن أكتفي بهذا القدر... مشكوور أخوي على طرح الموضوع الهاااام بالتوفيق الدائم ان شاء الله |
اقتباس:
noode-179 تشرفنا باطلالتك المميزه واضافتك القيمه لي عوده للنقاش معك ربي يسعد ايامك ويرفع قدرك برعاية الله وحفظه |
السلام عليكم
هلا بالجميع وبكل المنظماات لحوارناا الجااد .. اخوي المجنون ماتأخرت خوف من الموضوع .. بس حبيت افسح مكاان لك عابره مرت من هناا .. وعموما مهما تكلمناا ..يظل الطلاق سلاح ذو حدين .. له ايجابيات كما له سلبياات .. قال سيد البشريه عليه الصلاة والسلام .. "عجباً لأمر المؤمن إن أمره كله له خير إن أصابته سراء شكر فكان خيراً له، وإن أصابته ضراء صبر فكان خيراً له" متابعه من خلف الكواليس ..!!>>فيس يقول ياجباانه خخخ |
ليست الحياه بلا معني في وجود الاولاد فالطلاق ليس هو الحل الخاسر هو الطفل هو الابن هو الام التي ستفتقد لابنها هو الاب الذي يفتقد لاولاده ليس الطلاق حل لكل المشاكل ولكن يحل عقده بسيطه قبل ان تستكمل ياقي التعقيدات التي لا تحل مره اخري بانكسار اسره |
اقتباس:
اكيد ان نظرة المجتمع للمطلقه نظره سلبيه يا هلا وحياك الله ابد لا اطلتي ولا شيء ومن حقك التعبير بما ترينه مناسب ربي يسعد ايامك ابد الدهر ويحفظك ويرعاك |
اقتباس:
الحمد لله على كل حال واكيد ما شرع الطلاق الا لحكمة عظيمه ربي يسعد ايامك انتي ومن تحبين وفيس مبتسم ههههه ويقول لا تطولي علينا ترا احنا بحاجتك :lol: برعاية الله وحفظه |
السلام عليكم اولا واخيرا بالنسبة لي الطلاق اسبابه عدم التوافق والترفع في التفاهم وعدم استقبال الرأي الاخر بتفهم وهدوء ان كل منهما يحاول فرض السيطرة وحب الحرية في بعض الاشياء التي تكون منافية للحياة الزوجية او عدم الثقة والوسواس والعصبية والدماء الحامية دائما لايوجد طاولة تفاوض ان لزم الامر حيث يتم عرض المشاكل الموجودة وحلها بطريقة سلمية لكن ما يحصل ان الواحد يطرح المشكل في الغرب الاخر يحله في الشرق ويتقاذف الغضب يمينا وشمالا زد على ذلك سوء الفهم الذي يطرء وكأنهم في ساحة حرب كما يقال عندما يبدأ الواحد منهم في طرح مشكلة يشعر الاخر وكانه يشهر في وجهه سيفا حادا وكأنه ينوي قتله اما بالنسبة لنظرة المجتمع للمرأة المطلقة فلا اخفييييييييييييييييك هذه اكبر الكوارث يراها المرأ بعد الطلاق وكأنها انسانة مخلة بالاخلاق يعني لما يتكلمون على المطلقة يضربون اخلاقها ودينها وسلوكياتها عرض الحائط ليقوم الرأي فقط على انها ولابد انسانة اخدت تجربة وانها ولابد تفعل اشياء خارجة عن الدين الاسلامي وبالخصوص ان رأوها تخرج وتدخل فكما لو انها اذا ما طلقت يحذر عليها الخروج او الظهور امام الناس حتى لاتفقد ما تبقى من صمعتها يبدو وكانها لم تتزوج اصلا وكانها اصبحت مثل اللواتي يعني فقدن طهارتهن في اطار غير الزواج اقول نظرة المجتمع لها نظرة تستفزني حتى ماء العظام واكره التعصب بشكل عام اوووووووووووف ههههههه مواضيعك دائما حساسة شكرا لك لانك تفتح امامنا ساحة نعبر فيها عن آراءنا وانتقاداتنا دمة بود |
اقتباس:
بدون شك ان الاسره والمجتمع سيخسر وان الاطفال هم الضحيه الاولى مشكوووره ع الاضافه برعاية الله |
اقتباس:
وكانها هي السبب في هذه التجربه الفاشله هههههههههه اكيد حساسه ومؤلمه كلك ذووووووق جوهره الله يحفظك ويرفع قدرك وينير دربك برعاية الله |
اقتباس:
عاد الحينه بكمل.. عودة المطلقه لبيت اهلها بحد ذاتها تثير احزانها.. فهي كانت صاحبه المنزل.. ومديرته.. تامر وتنهي.. صح هب الكل بس الاغلبيه.. فعودتها لنقطة تحد من سلطتها اللي اعتادت عليها تثيرها.. وتخليها تفكر في الهرب منها وهي عن طريق الطلعات والزيارات.. طبعا اهني يبدا دور الاهل.. اللي يبدون يشددون من الضغط عليها طبعا السبب الاهم عندهم الحد من كلام الناس.. مع ان هالسبب موليه هب منطقي.. اللي بيرمس بيرمس.. حتى لو ردت البنت لبيت اهلها ارملة بعد بيرمسون<< فيس متعقد من رمسه الناس.. شي ثاني شي جانب من حياة الوالدين محد اتطرق له.. وهو احساس بعودة بنتهم اللي زفوها وهم بقمه السعادة.. وترد لهم وهي تشيع تلك السعادة.. احساس اليم ان الانسان يجوف فشل عيالهم جدامه.. والمعامله اليديدة يمكن تكون شفقه اكثر من انها غضب.. اما عودتها وهي وراها طابور عيال فهالشي.. يشكل ضغط زياده على اهلها.. هب شرط يكون من الناحية الماليه لان الابو ملزوم بالنفقه<< مع انه هب كل الاباء يلتزمون بها.. الضغط بيكون بانظمام افراد جدد للبيت محتايين حد يراعيهم.. يربيهم.. يعلمهم وطبعا الام بروحها شو ما سوت ما بتروم تعوضهم عن فقد الابوو.. وسلامتكم http://www.liillas.com/up3//uploads/...29afe633ce.gif |
السلام عليكم ورحمة الله وبركاته
طبعا بعد ما بحثت هنا وهناك حلوه هنا وهناك خخخ:lol: وجدت ان اغلب الطلاقات تتم في الغالب بالسنتين الاولى من عمر الزواج السؤال الي بيطرح نفسه لماذا تحديدا السنتين الاولى من الزواج ؟ يا ترى هل العمر ليه دور بنجاح او فشل الزواج ؟ وهل هناك سن معين للزواج الناجح ؟ اذكره ان وجد؟ وايهما تفضل الزواج المبكر ام الانتظار لما بعد الجامعه ؟ ربي يسعد ايامكم وينور قلوبكم وعقولكم برعاية الله وحفظه |
اقتباس:
فمان الكريم |
اقتباس:
مواقف ضعف تمر فيها المرأه مع ابناءها تتطلب وجود مواقف حازمه الف شكر بوح على الاضافه القيمه ربي يحفظك و يرعاك |
اقتباس:
وينور دربك برعاية الله |
اقتباس:
يعطيك العافية http://www.liillas.com/up3//uploads/...29afe633ce.gif |
اقتباس:
كلك ذووق برعاية الله |
اقتباس:
هههههه :toot: |
اقتباس:
الله يعطيك العافية أخي .. بحفظ الكريم .. |
اقتباس:
اقتباس:
ويرفع قدرك كلك ذوق برعاية الله وحفظه |
اقتباس:
<<وتنفعك برساالتك هههههه >>كذبت كذبه وصدقتهاا الله يوفقك يارب .. |
اقتباس:
وتسلم ترى رحمتك شوي من هذرتي اختصرت الاجابات تحيااااتي وجه الصباح /اللبؤة |
اقتباس:
اكيدمفيده ان شاء الله تنفع الجميع ربي يسعد ايامك ويرحم والديك برعاية الكريم |
اقتباس:
حياك الله يا هلا والله ببنت الاجواد والله ونعم بك وجه الصباح لالا باينه الاختصارات :lol: الله يسعدك ويرفع قدرك برعاية الله وحفظه |
فضح جوال سيدة كالت السباب لزوجها في غيابه، ظنا منها أنه لم يسمعها، لتجد نفسها أمام قاضي المحكمة الذي حسم تطليقها بالثلاث.
وكانت السيدة من سكان مدينة الاحساء بالسعودية في زيارة صديقتها، عندما اتصلت بزوجها هاتفيا للحضور وإعادتها إلى المنزل، إلا أنه تأخر لنحو نصف ساعة، فعاودت الاتصال به ليعتذر عن التأخير واعدا بسرعة الحضور. وما ان انتهت من حديثها معه، وظنت أنه أغلق الخط، حتى بدأت تكيل السباب له أمام صديقتها، وتصفه بأنه ضعيف الشخصية ونعتته بوصف (الحمار) الذي تسيره كيفما تشاء. وما كان من الزوج الذي استمع لكامل الحوار إلا أن أغلق الخط، وأرسل إليها رسالة تفيد بعدم حضوره، وعليها الحضور إلى المحكمة صباح اليوم التالي لحسم طلاقها. وأقرت الزوجة بفعلتها أمام القاضي، لتسمع طلاقها بأذنها صادرا من قاضي محكمة الإحساء. |
السلام عليكم ورحمة الله وبركاته اطلعت على بعض الردود ********** بس ارجع للسؤال المطروح بأول المشاركة ماهي برأيكم الاسباب الرئيسيه للطلاق سواء كانت شخصية اوسلوكية واجتماعية ؟ ***************** برأيي الشخصي السبب الرئيسي الي بيتفرع منه كل الاسباب (تحديد الهدف من الزواج) في بعض النساء او الرجال كحد سواء يضعون هدف للزواج غير منطقي ،،مثلاً البنت بتقول لنفسها سني وصل كذا كذا إذا ما تزوجت بصير عانس ،،(طبعًا بحكي عن مفهومها للعنوسة) او مثلاً (ابقى احس بشخص يحبني 24 ساعة) والرجال بيوضع بباله مثلاً (ابقى اتزوج عشان افرق شهوتي الخ الخ) اهداف كثيرة يضعها الرجال والمرى بعنق الزواج وإذا هالهدف ما تحقق ،،يستوعبون ان زواجهم وصل للنهاية ومصيرة الطلاق يعني ما يسعون لتصفية الحسابات وطرح الاهداف قبل الزواج ،، يعني شنو بيصير للزوجة لو قالت لزوجها انا نفسي نكون عيلة متماسكة وتقوله شنو بخاطرها وهوا يقولها شنو بخاطره ،،،عشان اهدافه واهدافها يصيرون هدف واحد ،،متى ما توحد الهدف بلغت الغاية **************** ودائمًا الامور فيها حلول وسطية وهذا الي ما يفهمه الجميع ،،الرجال بده المرى على نهجه بكل شيء والمرى كذلك ،،،وما ينظرون ان الهدف فيه حلول وسطية يقدرون يخلقون جو خاص فيهم عبر الحل الوسطي ****************** بدليل ان الزيجات جميعها اول 5 سنوات زواج يكون هناك خناقات بين الزوجين الغرض منها كل واحد يبقى الي بصالحه بإصدار القرارات بغض النظر عما توجهت وشرحته مسبقًا عن الامور الوسطية *************** مختصر الحديث إذا نجا الزواج ضمن 5 السنوات الاولى من الارتباط نقدر نقول ان احتمالية نجاحة 80% *************** وفي اسباب خارجة عن ارادت الاثنين ،،بمعنى يطلب الطلاق بحال معاقرة الرجال الخمر ومافي منه فايدة او متابعته لسلوكيات غير صحية اخرى او ممارسة العنف الزوجي الي بيقتل كل ذرة حب وتفاهم يعني في امور من المسلمات الي لازم يكون هناك طلاق فيها وفي امور من التفاهات ،،وهي الي زادت اعداد الطلاق بالاونة الاخيرة لأن مش قادرين نستوعب الحلول الوسطية وتوحيد الاهداف من الزواج |
السلام عليكم ورحمة الله ادري اني متأخرة في الرد على الموضوع ..لكن أن تأتي متأخرا خير من ألا تأتي أبدا ... حياك الله تاتي في اي وقت نتشرف بقدومك بصراحة الموضوع خطير ومتشعب من كل النواحي ..ما نقدر نحط اصبعنا على مسألة ونقول هذا هو السبب في انتشار مشكلة الطلاق اكيد ان الموضوع كبير ومتشعب ولكن مجرد طرحه والنقاش فيه يعتبر فائده كذلك نحن نبحث بالاسباب واكيد فيه اسباب مهمه ورئيسيه وفيه الاقل اهميه لذلك نحن نريد ان نصل الى اهم الاسباب الي يشوفها كل شخص الإحصائيات اللي ذكرتها اخوي المجنون مخيفة جدا جدا ..وصحيح ان نسبتها قلييلة في المملكة بالنسبة للدول الأخرى لكنها وحسب رأيي في تزايد ... علشان نعرف الأسباب الرئيسية للطلاق لازم نرجع للوراء شوي ونتعرف على المفهوم الصحيح للزواج ... بالنسبة لي الزواج له حدود أو أفضل اني أقول إطار لما يتزوج الشخص لازم يعرف انه بما أنه أقدم على هذي الخطوة لازم يكون على قدر المسؤولية ...الزواج يعني ان تختفي الانا ويصبح بدلا منها مفهوم (نحن) كيف يعني ؟ يعني اني بما إني تزوجت يجب ان أكون مسؤول عن الشريك الآخر ..يجب أن أتفاهم معه على جميع الأشياء التي تزعجني ,أناقشه ,أحاوره ..بدون صراخ بدون استخفاف بالرأي الآخر ...إذا فهمت شخصية الشريك راح يكون فيه ود ورحمة واحترام ...الاحترام واجب جدا بين الزوجين ...إذا قدرت إني أحقق كل هذي الأشياء ..إن شاء الله بيكون عندي زواج ناجح ... كلام صحيح ومنطقي انه يكون فيه حوار و تفاهم واحترام متبادل لكن المشكلة الآن وفي هذا العصر غياب الحوار بين الزوجين ..والنقاش مفهومه عندنا في المجتمعات العربية من احسن واحد في رفع صوته على الثاني !!!! إذا أبدى أحدالطرفين وجهة نظر يأخذها الطرف الثاني باستخفاف .. كل هذا يعود إلى عدم النضج ...النضج العقلي .. جميل جدا المشكلة في الطلاق ان الناس أخذوه بصورة منفرة ..أي شخص وخصوصا المراة إذا تطلقت ينظرون لها نظرة انها منبوذة وكانها مصابة بمرض معدي ...مع انها في بعض الاحيان تكون مظلومة ...واختارت الطلاق لانه أهون عليها من العيش في حياة مليئة بالمرارة ... والله بيصير لانه في كلا الحالتين متساويه لذلك تفضل الطلاق يمكن بيكون اريح لنفسيتها بما أني متأخرة في الموضوع راح أرد على آخر الأسئلة اللي نزلتها أخوي المجنون ... الله يحييك السؤال الي بيطرح نفسه لماذا تحديدا السنتين الاولى من الزواج ؟ أحس ان السنتين الأولى هي المفصل ...إذا قدرت انك تحدد انه بإمكانك إنك تعيش مع هذا الشخص أولا ...لأن في السنتين الأولى راح تتعرف على شخصية الشريك الآخر ..عيوبه ومميزاته .. يا ترى هل العمر ليه دور بنجاح او فشل الزواج ؟ أعتقد ان العمر له دور يمكن بنسبة 30 % ..في نجاح او فشل الزواج ..لكن أعرف بعض الأشخاص اللي تزوجوا في عمر مبكر وزواجهم مستمر إلى الآن ولله الحمد وهل هناك سن معين للزواج الناجح ؟ اذكره ان وجد؟ ما فيه سن معين للزواج الناجح ..كله يعتمد على النضوج العقلي للزوجين ...وإمكانية تحمل المسؤولية .. وايهما تفضل الزواج المبكر ام الانتظار لما بعد الجامعه ؟ بالنسبة لي الانتظار بعد الجامعة افضل ..مع ان فيه بنات معي في الجامعة تزوجوا بعد الثانوية ومرتاحات ماشاء الله عليهم .. جميل جدا الله يهني الجميع وان شاء الله يعيشوا حياة هادئه وسعيده في النهاية أعتقد ان الطلاق مسألة متشعبة وتختلف من شخص لآخر ومن مجتمع إلى مجتمع آخر ... ألف شكر على الموضوع الجميل أخوي المجنون الشكر لله ربي يسعدايامك وينور دربك ويرفع قدرك لا تنسي تطلي علينا نحن بانتظرك برعاية الكريم |
اقتباس:
أشهد انه كفو والله ..هذي صراحة تستاهل ... وهذا يبين لك عقلية بعض النسوان السخيفة ..تبغى تبين لصديقاتها ان زوجها خاتم في إصبعها وأنها شديدة معه ..خذي يا ستي جزاء الحركات البايخة .. |
اقتباس:
هذي مثل الدبوور اللي زن على خرااب عشة . تسب زوجها من وراه هذا يدل على عدم تربيتها وسلاطة لسانها مافيه رجاال يرضى بالاهانه وهذي مسميته حماار مرة وحده اللهم لاشماتة .وش استفادت من لسانها هذي اهيا تطلقت وصارت مطلقة عشنا ويااما حنشووف . مشكووور اخووي المجنون وتسلم:congrats: تحيااااتي وجه الصباح /اللبؤة |
اقتباس:
ربي يحفظك ويرعاك |
سامحينا ديو
هههههه عملت رد على مشاركتك الاصليه جل من لا يسهو السلام عليكم ورحمة الله وعليكم السلام ورحمة الله وبركاته ادري اني متأخرة في الرد على الموضوع ..لكن أن تأتي متأخرا خير من ألا تأتي أبدا ... حياك الله تاتي في اي وقت نتشرف بقدومك بصراحة الموضوع خطير ومتشعب من كل النواحي ..ما نقدر نحط اصبعنا على مسألة ونقول هذا هو السبب في انتشار مشكلة الطلاق اكيد ان الموضوع كبير ومتشعب ولكن مجرد طرحه والنقاش فيه يعتبر فائده كذلك نحن نبحث بالاسباب واكيد فيه اسباب مهمه ورئيسيه وفيه الاقل اهميه لذلك نحن نريد ان نصل الى اهم الاسباب الي يشوفها كل شخص الإحصائيات اللي ذكرتها اخوي المجنون مخيفة جدا جدا ..وصحيح ان نسبتها قلييلة في المملكة بالنسبة للدول الأخرى لكنها وحسب رأيي في تزايد ... علشان نعرف الأسباب الرئيسية للطلاق لازم نرجع للوراء شوي ونتعرف على المفهوم الصحيح للزواج ... بالنسبة لي الزواج له حدود أو أفضل اني أقول إطار لما يتزوج الشخص لازم يعرف انه بما أنه أقدم على هذي الخطوة لازم يكون على قدر المسؤولية ...الزواج يعني ان تختفي الانا ويصبح بدلا منها مفهوم (نحن) كيف يعني ؟ يعني اني بما إني تزوجت يجب ان أكون مسؤول عن الشريك الآخر ..يجب أن أتفاهم معه على جميع الأشياء التي تزعجني ,أناقشه ,أحاوره ..بدون صراخ بدون استخفاف بالرأي الآخر ...إذا فهمت شخصية الشريك راح يكون فيه ود ورحمة واحترام ...الاحترام واجب جدا بين الزوجين ...إذا قدرت إني أحقق كل هذي الأشياء ..إن شاء الله بيكون عندي زواج ناجح ... كلام صحيح ومنطقي انه يكون فيه حوار و تفاهم واحترام متبادل لكن المشكلة الآن وفي هذا العصر غياب الحوار بين الزوجين ..والنقاش مفهومه عندنا في المجتمعات العربية من احسن واحد في رفع صوته على الثاني !!!! إذا أبدى أحدالطرفين وجهة نظر يأخذها الطرف الثاني باستخفاف .. كل هذا يعود إلى عدم النضج ...النضج العقلي .. جميل جدا المشكلة في الطلاق ان الناس أخذوه بصورة منفرة ..أي شخص وخصوصا المراة إذا تطلقت ينظرون لها نظرة انها منبوذة وكانها مصابة بمرض معدي ...مع انها في بعض الاحيان تكون مظلومة ...واختارت الطلاق لانه أهون عليها من العيش في حياة مليئة بالمرارة ... والله بيصير لانه في كلا الحالتين متساويه لذلك تفضل الطلاق يمكن بيكون اريح لنفسيتها بما أني متأخرة في الموضوع راح أرد على آخر الأسئلة اللي نزلتها أخوي المجنون ... الله يحييك السؤال الي بيطرح نفسه لماذا تحديدا السنتين الاولى من الزواج ؟ أحس ان السنتين الأولى هي المفصل ...إذا قدرت انك تحدد انه بإمكانك إنك تعيش مع هذا الشخص أولا ...لأن في السنتين الأولى راح تتعرف على شخصية الشريك الآخر ..عيوبه ومميزاته .. يا ترى هل العمر ليه دور بنجاح او فشل الزواج ؟ أعتقد ان العمر له دور يمكن بنسبة 30 % ..في نجاح او فشل الزواج ..لكن أعرف بعض الأشخاص اللي تزوجوا في عمر مبكر وزواجهم مستمر إلى الآن ولله الحمد وهل هناك سن معين للزواج الناجح ؟ اذكره ان وجد؟ ما فيه سن معين للزواج الناجح ..كله يعتمد على النضوج العقلي للزوجين ...وإمكانية تحمل المسؤولية .. وايهما تفضل الزواج المبكر ام الانتظار لما بعد الجامعه ؟ بالنسبة لي الانتظار بعد الجامعة افضل ..مع ان فيه بنات معي في الجامعة تزوجوا بعد الثانوية ومرتاحات ماشاء الله عليهم .. جميل جدا الله يهني الجميع وان شاء الله يعيشوا حياة هادئه وسعيده في النهاية أعتقد ان الطلاق مسألة متشعبة وتختلف من شخص لآخر ومن مجتمع إلى مجتمع آخر ... ألف شكر على الموضوع الجميل أخوي المجنون الشكر لله ربي يسعدايامك وينور دربك ويرفع قدرك لا تنسي تطلي علينا نحن بانتظارك برعاية الكريم |
اقتباس:
شر البلية ما يضحك بجد انها سخيفه وتستاهل ما جرى لها تعرفين ديو ان اهم شيء بالحياة الزوجيه احترام الزوج وتقديره حتى لو كانت شخصيته ضعيفه لا زم الست انها تحسس زوجها باهميته وانه شخص مهم في حياتها وانها ما تقدر تعيش بدونه وترفع من معنوياته لكن فيه بعظهم تستغل طيبته وتعتبرها ضعف وتبدا تضغط عليه وتزهقه من عيشته وتتفاخر امام زميلاتها او صديقاتها انها هي حاطته زي الخاتم بيدها وفي النهايه احتمال يحصل لها نفس الي حصل في القصه وهذي حاصله في مجتمعنا حب السيطره على الاخر ربي يسعد ايامك ويرحم والديك جعلك الله ممن قال فيهم ( وجوة يومئذ مسفره ضاحكة مستبشره ) برعاية الكريم |
اقتباس:
بجد سليطة اللسان مشكله الرجال صعب انه يتحملها فيه نسوان لما يصير بينها وبين زوجها مشكله وخلاف ويصير فيه نقاش تلا قيها تسب وتشتم وتحكي كلام ماله داعي وتوسع هوت الخلاف حتى يصبح الرجال غير قادر على اسكاتها او التفاهم معها ويلاقي اسهل طريقه للحفاظ على ماء وجهه واثناء انفعاله هو انه يرمي عليها الطلاق وانا اعتقد ان هذا الامر يقع كثيرا في مجتمعنا . اسعدك الرحمن بباب لا يصد ودعوة لا ترد برعاية الله وحفظه ... |
الله يعطيك العافيه
|
اقتباس:
وان شاء الله ما تكون الاخيره نتشرف بقدومك وحياك الله عندنا بين اخوانك واخواتك ربي يسعد ايامك والله يعطيك العافيه برعاية الكريم |
عدنا.. عاد انا جفت البارحة سالفه خلت الشيطان يناقزون على راسيه ورديت الحينه عشانها<< فيس معصب
سالفه هاي اللي تسب ريلها.. بغض النظر عن كونه ريلها.. ولا حتى يقرب لها.. الغلط غلط.. يعني لو كان غريب منقود تسبه وتقول عنه هالرمسه.. فما بالك لو كان ريلها.. وحقه عليها.. الصراحة تستاهل اللي ياها.. بعدين دامها اونها تجوف شخصيته ضعيفة.. مع اني ما اجزم بهالشي.. اشعنه ما رمسته.. هب ريلها ولازم تقول له عيوبه عسب يصلحها.. وبس بردت فوادي تسلمون كلكم ما قصرتوا والشكر موصول لصاحب الموضوع |
اقتباس:
ما نبيهم لا يناقزون ولا يتمشون تعوذي من ابليس بوح هههههههههه اكيد الغلط غلط حتى ولو على طفل او اجير الانسان لازم يتحلى بالصفات الجميله وحسن الخلق ويرتقي بكلماته وذوقه ولنا في رسول الله صلى الله عليه وسلم اسوة حسنه حيث كان خلقه القرأن وقال صلى الله عليه وسلم ( انما بعثت لاتمم مكارم الاخلاق ) بارك الله فيكي بوح وحفظك من كل اذى برعاية الله وحفظه |
جزء من حديثي ودائمًا الامور فيها حلول وسطية وهذا الي ما يفهمه الجميع ،،الرجال بده المرى على نهجه بكل شيء والمرى كذلك ،،،وما ينظرون ان الهدف فيه حلول وسطية يقدرون يخلقون جو خاص فيهم عبر الحل الوسطي اقتباس:
مرحبا استاذ مجنون الحلول الوسطية في التعامل اليومي بين الزوجين وفي الاهداف ،،و كل الامور الي انقول عنها روتينية ،،يجب وضعها تحت عامل الوسطية بحيث اي قرار نعمله يكون حل وسطي بين الطرفين ومو شرط يكون الامر خلاف ،،ليش نوصل لمرحلة ان يصير فيها خلاف عشان نعمل الحلول الوسطية ،،المريحة للأثنين (: لا نوصل ،،خلنا نتعود من البداية(بداية الزواج) على الوسطية في التعامل والحلول بعدين في مقولة تقول اولادك على ما تربيهم وزوجك على ما تعوديه نصيحة لكل نون نسوة ،،عودي زوجك على ما تحبينه بدون تهميش قراراته بالعكس خذي بأي طلب او قرار واعمليه بين قرارك وقراره ،،،بدون تهميش الرجل او كسر كلمته ،،بالنهاية الرجال عليه حقوق الطاعة على المرأة |
اقتباس:
هلا ديو حياك الله السلام عليكم كلام جميل اكيد ان التفاهم مطلب والوسطيه حل ممتاز يرضي الطرفين والاقصاء سبب ومدعاة للخلافات والزوجه الذكيه هي التي تعرف كيف تتعامل مع زوجها بحنكه وسياسه بحيث تجعل من المفترس اليف ان صح التعبير دائما الكلام اللطيف الطيب يخجل الزوج وانتقاء الالفاظ لها دور كبير في اسعاده والتنازل عن بعض حقوقه . اسعدك الرحمن بباب لا يصد ودعوة لا ترد ربي يوفقك ويحفظك برعاية الله |
اقتباس:
في وقتنا الحاضر ..قليلون هم الاذكياء من يجيدون فن التعامل مع الطرف الاخر .. وقليلون هم من يعطون لأنفسهم فرصه ليتعلموا هذا الفن .. الحياة بنظري فرصه اما ان تجيد استغلالهاا ..او فستكابد العمر كله من اجل الحصول على فرص تعويضيه ..وربما لاتجد ..!! المرأه والرجل بمجتمعناا ..نقيضاان ..متلازماان .. تبدأ مشاكلهم بشراره ..والذكي منهم من يستطيع اخمادهاا قبل ان تحرق البيوت المجاوره .. ولكن الاغلب من يكابر على حسااب سعاادته لينتصر لكبريااءه .. شاكره لك اطلالتك البهيه ..هناا ..>>مشرفه بالنياابه ..خخخخ |
اقتباس:
هلا بمشرفتنا قمر امممم انا اشوف ان الزوجه العاقله الذكيه هي الي تكسب زوجها بأدبها واحترامهاله طبعا فيه نسوان تقول وشلون سهله جدا اهم شيء الابتسامه والكلمه الطيبه الامر الثاني تتنازل عن كل شيء اسمه كبرياء امام الزوج وكل ما ضحت اكثر كل ما كبرت بعينه حتى ولو لم يصرح بذلك صدقوني راح تكبر بعينه ويحس انها انثى تستحق التقدير . بس اضن سهله مشكوره مشرفتنا قمر الله يرفع قدرك وييسر امرك كلك ذووق ربي يحفظك ويرعاك في امان الله |
زين صح ان الموضوع عن الطلاق.. ونحن ناقش الطلاق وما خلينا شي فيه ما رمسنا عنه الا جانب واحد<< فيس يحس بويع في فواده من هالموضوع
نحن رمسنا عن الطلاق كقضية بين طرفين .. لمحنا للطرف الثالث فيها بس من بعيد الحينه.. الحضانه وتربيه العيال.. صح ان المحككمه تحل هالسالفه بس شو رايكم باللي تتنازل عن عيالها عسب تتطق من ريلها.. ولا اللي يطلق حرمته ويقول لها شلي عيالج وياج<< فيس يفكر يفتح موضوع يديد عن ابناء الطلاق.. الى اين اتريا رايكم .. ولا بتجاوبون على السؤال في الموضوع اليديد |
اقتباس:
مشكووره بوح على ادراج هالنقطه المهمه ..لان الضحيه الاولى والاخيره في مسأله الطلاق هم الاولاد ..مهما حاول الزوجين انهم يوفرون لهم حياه كريمه ويعوضونهم يضل حاجز الانفصال يعيش ويكبر بداخلهم .. الافتقاار للحياة الاسريه ..وللاماان في ضل اب حاني وام رؤوم شي مستحيل احد ممكن يعوضهم عنه .. ودائما الزوجين تأخذهم العزة بالاثم ..كل واحد يحاول ينتقم من الاخر في حرمانه من العيال ..او فرض العيال عليه كنوع من التنكيد على الاخر .. ويضل الاولاد كالكره بين قدمي الزوجين كلا منهما يحاول ان يسدد هدف صائب في مرمى الاخر ... والضحيه هم الاولاد .. يعطيك العافيه بوح ..نقطه واااااااايد مهمه ..لي عوده .. |
اقتباس:
وهاي هي ما يفكرون باعيالهم.. ولا بالنتايج السلبيه اللي راح تسوي لهم.. وغير سالفه حرمة الابو ولا ريل الام اللي ما نضمن تقبلهم لوجود عيال غيرهم عندهم.. يعني يا انهم يرحمونهم.. ولا يراونهم الويل<< فيس يقول وجهة نظره شفتي عاد هالنقطة هاي عصرت مخي وظهرتها لكم<< فيس يبي يحسسهم انه فكر في الموضوع حياج الله فديتج<< فيس يحس ان الموضوع موضوعه http://www.liillas.com/up3//uploads/...29afe633ce.gif |
مشكوره قمر مشكوره بوح
بجد اتحفتونا واثريتم الموضوع ربي يسعد ايامكم ويحفظكم كلكم ذوووق |
:8_4_134:
حالتا طلاق تحدثان تقريبا كل يوم في المنطقة الشرقية، و نصف النساء المطلقات كل عام من ربات المنازل. أخر إحصائية أن عدد المطلقات في المملكة بصفة عامة أكثر من مليون مطلقة ، الأمر الذي أثار قلقا كبيرا لدى المتخصصين بشأن مستقبل التماسك الأسري في السعوديةأما الأسباب التي ذكرت من اهمها اتدخلات أهل أحد الطرفين أو كليهما بعد ما عرفنا الكثير عن اسباب الطلاق وش رايكم ندخل بعمق في كل مشكله على حده وندور على حل مناسب لها راح ابدأ بمشكلة تدخلات أهل الزوجين |
اقتباس:
....... |
حلوو
تدخلات اهل الزوجين من اكثر الاسباب اللي تؤدي الى الانفصال سواء كان التدخل في حياة الزوجين او في خلافاتهم.. نحن من فترة قصيرة كنا نرمس عن هالسلافه في المقلط<< قمورة وينج عنا فاتتج مواضيع وايده ما خلينا موضوع ما رمسنا عنه المهم.. تدخل الام وغيرها في حياة بنتها او ولدها.. يسبب للزوجين مشاكل كثيرة.. يعني مثلا لما يكون الولد ولد امه<< فيس مقهور من هالنوعيه.. تلقاه ما يرد لامه شور حتى لو كانت غلطانه ويوق وياها ضد حرمته.. حتى لو حرمته بتموت يوقل لها لحظة بسال امايه عادي تموتين<< فيس يحرك راسه.. والبنت نفس الشي انها تمشي ورا شور امها ولا اي حد من اهلها على حساب ريلها اجرد طريقة لحل هالاشكال.. وضع حد للحياة الزوجيه.. يعني المشاكل والخلافات وحتى القرارات يتخذونها الزوجين ارواحهم ومتى ما حسو ان قرارهم ناقص يرومون يستعينون بالاكبر عنهم.. واخذ شورهم.. وبجي نتخلص من تدخل الاهل<< فيس واايد رمس بانتظار ارائكم<< نفس الفيس اللي يحس الموضوع موضوعه فيس يحس ان ريجه نشف اخويه.. طلبتك حط موضوع يفرح في قسمك حتى موضوع العرس اللي قلنا بنفرح به.. فر لنا راسنا..ما اروم احدره من كثر المصايب اللي فيه<< فيس بينجلط خلاص |
اقتباس:
اجل اكتئبتوا مو ..ههه يقول المثل بيكحلها عمااهاا ..وهذا احناا نبي نفرحكم ..غثينااكم خخخ بس ماعليه هذي وحده من ألف ..يعني باقي فيه امور كثيييره راح تشوفينهاا بالمرااسيم .. وخااصه لما يجيك النجدي مشمر عن ذرعاانه >>فديته ..ههه بالنسبه لسالفه التدخلات احسهاا ظلم للزوجين يعني احيانا تلاقي احد الزوجين يتغلى على الثاني ويقالك زعلان ..وبس مجرد كلمه ترجع المياه لمجاريهاا ..لكن من يشم احد من اهلهاا سالفه زعل حتى ينط بينهم كنه شيطاان والعياذ بالله ..وتكبر الفجوه ..مع ان كل واحد فيهم يموت بالثاني ..بس الشيطاان شاطر ..وهذي من اكثر الامور اللي الشيطاان ينجح فيها ..100% مشكووره بوح ..زين تعالي ليش ماتفتحين انتي موضوع يفرحناا شوي بدال مواضيعناا اللي تغث ..>>خخخخ |
السلام عليكم ..
طبعا اول مرة اشوف الموضوع وتقريبا اول مرة ازور قسم الحوار الجاد واتصفحه مثل اليوم والبركة طبعا في الحضرمية اللي تبي تجلطني << نفس الفيس المنهار الطلاق موضوعكم مو << فيس يقول مو مو مو << فهمتم شيء هههههههه اي تدخل الاهل وحشرتهم في النص << فيس يكره هالموضوع من وجهة نظري هالموضوع على حسب شخصية الانسان يعني ممكن الاهل صحيح يعطون ارائهم في كل صغيرة وكبيره في حياة ابنهم او بنتهم بس اذا ما لقوا تجاوب او احد يسمع لرأيهم راح يوقوف هالشيء في يوم من الايام اما لو كان والله هالابن او البنت مثل المسجل يضغطون عليه ويسجلون الكلام وهو يردد وراهم اكيد انهم بيكونون خراب وكبير بعد << فيس ضاغط زر التسجيل خخخ وعلى كلا هذا يعتمد اولا واخيرا على شخصية الزوجين يعني ممكن المرأة دخلت اهلها في مشكلة من المشاكل اللي ما تحتاج تدخلهم لو سكت عنها الزوج ما راح تتواني مرة ثانية انها ترجع تكرر نفس الاسلوب لكن لو لقيت من يوقف في وجها ويعاقبها على هالتصرف ما اضن انها بترجع تتبعه مرة ثانية الا اذا المشكلة فاقت حدود احتمالها وأضطرت اخيرا انها تشركهم معاها << في حالة وجود احترام بين الزوجين ما نبي نقول حب القليل منه فقط ... كلمة رأس للمجنون :: انا بوقف مع بوح واقول نبي موضوع يزرع الابتسامة داخلنا لما نشوفه في هالقسم بالذات بعد موضوع مراسم الزواج اللي خلاني أطق من قهري .. ومشكور على الطرح الجيد خلاص الحين عرفت العنوان بتلاقوني على طول معاكم << فيس يحب الحشرة هههههه http://www.liillas.com/up3//uploads/...da62a56cd4.gif |
الطلاق........والله فعلا متل ماقالت الاخت اللي قبلي فهو يعتمد
اولا واخير على شخصية الانسان...فااذا هو من النوع اللي مايقدر يمسك بزمام الامور وحل مشاكله الالما يكون فيه احد من برا العائله يساعدو في حلها....فهذا النوع من الناس غير قادر على انو يواجه اي مشكله في حياته الزوجيه.... وسبحان الله احيانا المشكله حتى لو بسيطه بمجرد انها طلعت من بين الزوجين فخلاص راح تكبر وفي النهايه ممكن تكون عواقبها كبيره .....والله يستر على بنات المسلمين..... |
الله يعطيك العافيه اخوي.......
مافيه ايقونة تعديل للمشاركه؟؟؟؟؟؟؟؟ |
اقتباس:
هلا قمر حاضر يا مشرفتنا انا اشوف ان التدخلات ماليها داعي نهائي الا في الاصلاح بينهم اذا اشتد الخلاف وطبعا وصلت لطريق مسدود بين الطرفين هنا يمكن التدخل للاصلاح فقط اما انه على الطالعه والنازله تلفونات للماما وتلفونات للبابا هههههههه ممنوع حبايبي حلوا مشاكلكم بهدوء وازعلوا وارضوا ولا تخلوا احد يدري باللي بيناتكم ترا الناس ما تعطي خير وراح تاجج الموقف وانتم اغنياء عن هيك امور قمر ولا يهونون الي معانا انا اعرف حالتين طلاق بسبب تدخل الام بصف بنتها وتشجيعهم على عصيان الزوج وعدم العوده للبيت فيه زميل لي قبل كم سنه كان يحكي ليه عن مشاكله مع زوجته وان السبب الرئيسي مامتها يقول انا وزوجتي ما احلانا متفاهمين وعايشين حياتنا وعندهم طفل كمان بس للاسف لما تروح عند اهلها يوم الخميس يقول احس انها متغيره علي وكانها ماخذه جرعه زائده ضدي المهم يوم عن يوم اشتد الامر بيني وبينها راحت عند اهلها ومارجعت لانه يقول ارسلت لها ورقت الطلاق وقلت لها برساله سلمي على الماما يا جماعه فيه بنات عقولهم صغيره مع احترامي للجميع يعني تخرب بيتها بنفسها والسبب انه تسمع كل كبيره وصغيره ولا ترمي من كلام امها شيء لو تلاحضون انه انا ركزت على الام لانه بصراااحه فيه نسبه من الطلاقات بسبب تدخل الام طبعا غير عن الاخوات والصديقات والزميلات بالعمل وخاصه المعلمات تلاقيهم يجتمعوا وتعال انا عملت بزوجي وانا وانا وهي بتكذب بس بدها تبين حالها انها سوبر ومن وفيه من الضعيفات من تصدق وفي الاخر يطيح الفاس بالراس عاد وما على الرسول الا البلاغ خلوكم عاقلين وتصرفوا بحكمه ولا تسمحوا لاحد انه يتدخل بخصوصياتكم كائن من كان وبس :lol: تعبت وانا اكتب هههههه سامحوني ع الاطاله وخاصه مشرفتنا بالوكاله:toot: طاانكيوو لكم وربي يحفظكم :lol: |
اقتباس:
اولا مشكوووره بوح ع الاضافه القيمه ماننحرم منك ومن الفيس الي كل شويه طالع شكل :lol: ثانيا ابشري ولا يهمك قريبا بس خلينا نخلص من موضوع قمر والحفلات الي كلها عجب هههههه فيس ينتظر الف شكر بوح ربي يحفظك برعاية الله |
اقتباس:
على الاضافه القيمه ربي يحفظك ويرعاك طاانكيوو الك |
اقتباس:
حياك وان شاء الله نشوف موضوع حلو مرتب يليق بمقامكم السامي نترياك كل يوم وننتظر اراءك ربي يسعد ايامك ويحفظك برعاية الله |
اقتباس:
اقتباس:
حياك الله اشكرك على الاضافه القيمه ربي يسعد ايامك كلك ذووق ربي يحفظك برعاية الله |
السلام عليكم ورحمة الله وبركاته
:8_4_134: من اسباب الطلاق كما ذكرتم سابقا الي هو الزواج التقليدي تعالوا نحكي فيه ونضع حل لهذه المشكله الي صراحه موجوده بمجتمعنا ولو انها اصبحت قليله ها اليومين وان شاء الله تنقرض . تروح الام وتشوف البنيه وتقول يا خالد البنت حلوه وجميله ومؤدبه لا وبعد مثقفه وشهادتها امتياز مع مرتبة الشرف وخشمها سلة سيف وجسمها رويان لا قصيره ولا طويله بيضاء وخدودها ورديه عيونها وساع وشعرها اشقر سبحان الي خالقها زين اذا وافقت تاخذك ام خالد اهم شيء انها تشوف ولدها متزوج وتبي تفرح فيه وتشوف عياله هههههههههه :lol: ويمكن البنيه تقربلهايعني خالتهاولا من صديقاتها طبعا خالد جالس يتخيل شكلها ويضع لها رسم بخياله ويقول هذي الي انا بحلم فيها طول عمري ويرووح يخطبها مع الاهل وليلة الدخله يتفاجأ بشريكة العمر ان ما فيها شيء من الي كان يحلم فيه ويكون هناك تحطيم نفسي وهبوط معنويات لا تضحكون والله فيه من ها الحكي هههههههه بس عاد انا ابالغ شوي :lol: المعنى انه لا شافها ولا شافته ويقولون اهلها لما تتزوجها اشبع بشوفتها وحنا ما عندنا بنات تنكشف على اجناب والفيس تبعه مكشر :toot: راح تقولوا بو الخلد خيالي بها الموضوع بس فيه ناس هيك متحجرين وزواجاتهم تتم بهيك طريقه اكيد مصير هيك زواج للفشل الا من رحم ربي ربي يحفظكم |
لا خيالي ولا شياته عقب موضوع قمورة وسوالف نودي انا اتوقع كل شي فالدنيا<< فيس هب رايم ينسى هالموضوع
الزواج التقليدي.. محور مهم في اسباب الطلاق.. طبعا الام بتجوف الصفات الزينه اللي تعيبها في البنت بدون ما تاخذ رايه ولدها.. والريال وحليله يتخيل عمره بياخذ ملاك<< فيس يحرك راسه.. طبعا انا ما اقل من شان البنت بس بعد.. ولهالسبب شرعت النظرة الشرعيه<< فيس حكيم يعني قبل لا ينصعق ليله عرسه بالحرمة اللي جدامه يكون جايفنها قبل.. وجان ما يازت له.. خلاص.. ادري ان شي مجتمعات ما عندهم هالسوالف<< فيس ناقش هالسالفه قبل.. بس انا اجوفها ضروريه بعدين هب شرط الريال اللي ينصدم.. يمكن البنت وحليلها تتحرى انها بتاخذ واحد من المزايين وتنصدم ليله عرسها باللي مجابلنها<< فيس يقول هذا جان ما شردت ولا انهارت يعني دام النظرة حلال شراعا.. ما له داعي نستغنى عنها.. لان الاهل يجوفن البنت ولا الشاب من ناحيه مخالفه للناحية اللي بيجوفها الزوج ولا بتجوفها الزوجه<< فيس يقول ويستمر الطلاق تسلم اخويه نتريا المحور الياي في الطلاق فيس رضى بالامر الواقع وقال اكيد هالقسم ما فيه الا ويع القلب<< فيس مؤمن بقضاء الله وقدره http://www.liillas.com/up3//uploads/...29afe633ce.gif |
واوووو صارت تطورات كبيرة من وراي
حلووة كثيير ارائكم الله يعطيكم العافيه واصلوا مجهوداتكم انا بس بدخل اقرأ واشوف الاراء لاني هذي الايام مو مشتهية اتكلم واهذر واصل مجهودك في الموضوع اخوي المجنون سيير واحنا نسيرمن وراااك . تحياااتي وجه الصباح /اللبؤة |
اقتباس:
بس مادري اذا هي عندكم او ..لا ..يعني مافيه مثل اول الام تختار بدون شور ولدهاا ..>>فيس مصدوم من الفكره واذا جازت له على بركه الله .. بس اذا على قولتج فيه مجتمعااات عندهم هالشي فانا اظنهم بيكونون عاادي يعني مثل الحضاارمه >>والله وصارت قصتهم قصه .. لانهم نشئوا على شي ..فتعودوا عليه ..يعني مايفرق عندهم شافوا او لا .. شوفي بدووره راح نعرض الفكره على نودي بالمراسيم ونشوف اذا الزواج التقليدي من اسباب الطلاق او لا ..لانهم المجتمع اللي نفذوا الزواج التقليدي بحذافيره ..>>يالله مشيناا على المراسيم ..خخخ:lol: |
لحجز مقعد خخخ << لي عودة للرد عليك أخي المجنون |
اقتباس:
خليناا نشوفك كل صبااح .. دمتي بخير يالغاليه .. |
اقتباس:
الله يسلمج فديتج<< فيس بيوسج بتسالين نوودي.. نصيحة لويه الله لا تعبين عمرج وتسالينها والا 21 رصاصه بتفرغهن في راسنا<< فيس غاسل ايديه منهن |
اقتباس:
شووف أخوي بالنسبه للزواج التقليدي ترااهـ للحين مااشي ووجهة نظري انه انجح الزواجااات لكن المشكله قصدك في عدم النظره الشرعيه مو في الزوااج التقليدي النظره الشرعيه أنا معااك اشوفها في غاايه الأهميه لأنها حق لكلا الطرفين والرسول صلى الله عليه وسلم أبااحها لكن المشكله في عقول الناس ان بنتنا تنكشف ومدري إيش رح تقولوا لاتفتحي فمك واللي عندكم إيش رح اقولكم اللي في حضرموت كذا اما اللي في السعوديه لااازم نظرة شرعيه ولو هو ماطلب هم يقولون له ان النظرة اليوم الفلااني لأني بصرااحه من مؤيدات النظره الشرعيه عشاان لو جا يوم ويقول مدري وين الحلاا فيك بقول والله مو ذنبي يومك اعمى وماتشوف هههه>>فيس نااوي على مضااربه واللي يقهر ان الرجاال يجلس طوول السنين الله يساامحك يا أمي على البلوة اللي بليتيني فيها والله محد انبلى غير بنت النااس اعتذر عن الإطااله لكن احب اقول ان لي عودة ان شاء الله بس خل اروق وارجع عشاان اعلق على السبب الأول اللي رااح علي>>فيس للحين مقهور بالتوفيق الداائم |
اقتباس:
هلا بك بوح بجد قلمك عجيب :liilas: اممم انا واعوذ بالله من ها الكلمه الاربعاء ليلة الخميس الي راحوا كان فيه ملكة شابين عندنا اخوان على خوات وكنت معزوم ههههه بس مارحت كنت مرتبط مع شخص ثاني ببين حالي انو انا مهم :lol: المهم ثاني يوم كنت بالسهره مع اصحابي الا والد البنات جالس وتعمدت افتح موضوع الزواج خبركم راعي هذره واحب افهم الي بعقول البشر دار الحديث وفي الاخر اكتشف ان والد البنات ما سمح للشباب يشوفوا البنات قلت طيب ليش قال بالحرف الواحد احنا تزوجنا كذا وبناتنا لازم يتزوجون مثلنا .:EWx04511: انا صراحه انصدمت لانه زمان اول غير والوضع اتغير والشرع فين راح وابو البنات يعني مو كبير يمكن عمره خمسين يعني دارس ومتعلم ولكن لا تزال العقليه القديمه متأصله في كثير من الناس فلا تستغربوا اسعدك الرحمن بباب لا يصد ودعوه لا ترد برعاية الله |
اقتباس:
هههههههه حياك الله خلاص نجلس ننتظرك لين يتعدل المزاج وتردين :LgN05096: اكيد انا قصدت النظره بالدرجه الاولى اكيد قريتي القصه بالمشاركه السابقه من ضمن كلامه بيقول الي هو ابو البنات ليش اخلي كل شوي داخل واحد يتفرج على بناتي وطالع ويقول ارد لك انا مو عارضهم بسوبرماركت طبعا انا ما تركته واستطعت اني اغير فيه شيء واقنعه انه مو اي شخص يجي ويتفرج الا الشخص الي تحس انه صادق وفعلا مقدم على الزواج وبعد الموافقه المبدئيه من طرفكم انت والاهل والبنت وحقه وحق البنت النظره الشرعيه قال طيب اذا ماا عجبته قلت له احسن من انه بعد الزواج ما تعجبه وتجيك البيت مطلقه من اولها احسن ويا دار ما دخلك شر وكل واحد يلقى نصيبه ربي يسعد ايامك وينور دربك كلك ذووق برعاية الله |
اقتباس:
والله ما نستغني عن ارأئك ومداخلاتك على العموم ماراح نسيبك انتي بس تعالي اهذري وخانقينا وفشي خلقك فينا ترا مسامحينك مقدما ههههههه :8_4_134: الله يحفظك ويشرح صدرك ويرفع قدرك برعاية الله |
اقتباس:
وعليكم السلام ورحمة الله وبركاته .. صح أخوي كان من فتره ليست بالبعيدة ممنوع الولد يشوف البنت (النظرة الشرعية) وكان عندنا ممنوع منعاً باتاً هالشيء بس الآن الحمد لله تفتحت عقول الناس وصارت النظرة الشرعية أمر لابد منه ومع ذلك فيه ناس بينظروا نظرة شرعية وبعدها يتطلقوا :lol: طيب لو قلت لك في رجال نقول لهم يالله نظرة شرعية ومايبوا بحجة إنهم يستحوا؟!! << مبالغة مو :mo2: بس جد تصير :lol: |
اقتباس:
والله ممكن هههههه ليش لا كل شيء جايز:lol: ولكن الي اعرفه ان البنت هي الي بتخجل اما الشاب لازم يكون جريء وهو صاحب المبادره يلا عشنا وشفنا :lol: الف شكر حفيده ربي يحفظك ويرعاك |
اقتباس:
هلا أخوي أنا ماتكلمت إلا من واقع شفته :lol: فعلاً عشنا وشفنا :toot: |
اقتباس:
شووف اخوي انا اشوف وجهة نظر الأب صحيحه وخااصه على تفكير الابااء الكباار يعني وشلون يخلي بنااته كل شوي يدخل عليهم لكن انا كماان معااك في موضوع انه مايشوفهم غير الشخص المناسب لكن سؤااال هل رح تعرف ان هذا فعلاا الشخص المناسب؟؟ يعني عندك كثير يتطلقوا(سواء بعد الزواج او فترة الملكه) ويوم تسأل وين عقولكم يوم زوجتوهـ؟؟!! رح يقولون لك ماتركنا أحد إلا وسألناهـ عن الرجال والكل يقول فيه الخير والبركه وفي النهاايه يطلع مافيه الزين يعني ألحين هل رح تعرف ان الشخص ذا اللي تقدم مناسب؟؟؟ انا رح اتكلم على جماعتي هنا مايدخلون البنت على الشاب إلا والقبول عندهم يعني مستحيييل يرفض وبصراحه ماقد سمعت ان واحد شاف وحدهـ وردها يمكن تصير لكن انا ماسمعت وفي نهاايه الأمر كل شي مقدر ومكتوب وربي يعين الكل بالتوفيق الدائم |
اقتباس:
تصدق العام او قبله اربع حالات طلاق عند جماعه صديقتي والسبب تدخلاات أهل الزوج والولد ورااهم قالوا سو كذا قال سويت قالوا كذا قال تامرون امر ولااااهو مهتم في رأي البنت يعني يخرجها..وين بتوديها؟؟؟ اشترت اغرااض..وش هـ الإسراف؟؟ بتروح لأهلها..انتبه لايقلبونها عليك؟؟؟ مرضت وبيوديها المستشفى..اتركك منها كله دلع نسوان؟؟ يعني في كل صغيرهـ وكبيرهـ يتم التدخل وخااصه الأم ويوم تقولها خل ولدك يعيش حياته تقول/حلوه ذي انا أربي واتعب وفي النهايه يروح لبنت الناس ياااسلاااام وينك يوم تبيه يتزوج مافكرتي انه رح يروح مع بنت الناااس؟؟؟ عاااد تدخلااات أهل الزوجه شي ثااني لكن بصرااحه مااقدر اتكلم عنها كثير لأني ماسمعت ومو موجودهـ عندنا بكثرهـ قد تدخلاات اهل الزوج فما أحب افتي في شي ماعندي علم فيه^_^ آآسفه على الإطااله لي عودهـ بإذن الله كل شوي بالتوفيق الدائم |
اقتباس:
لكن كلاااامك سليم من اوله لأخرهـ لكن في النهايه احسك حطيت الحق كله على عقليه البنت ابتداااء من هنا ((يا جماعه فيه بنات عقولهم صغيره مع احترامي للجميع يعني تخرب بيتها بنفسها والسبب انه تسمع كل كبيره وصغيره ولا ترمي من كلام امها شيء....إلخ)) طيب في شباب على نفس هـ الحاله وفي امور كثيرهـ تصدق بعضهم حتى في المواضيع الخاصه يدخل امه في الموضوع طيب انت رجال وشوله تدخل امك في الموضوع قول البنت رح نقول انها عاطفيه صحيح مو عذر لكن نقول كذا طيب انتم اصحااب العقول النيرهـ على قولكم ليه الأم تدخل في الموضوع حتى في الأكل بعض الشبااب يتصل على امه ويقول وش نتغدا اليوم؟؟ زين ماقال لأمه متى ادخل الحمام ^^وانتو بكراامه^^ وترى مثل ما البنت عندها ام اخت صديقه معلمه انتم بعد عندكم ام اخت صديق معلم ودليل وجود التحريض من زملااء العمل انك ذكرت العلمه وانت معلم يعني أكيد تشوف عيناات كذا والغلط في نهاايه الأمر على الطرفين لأنهم سمحوا لأشخاص من الخاارج يسيرون حيااتهم مع العلم انهم مو فحاجه تسيير حيااة وعندنا البنت اول ماتتزوج الكلمه اللي تنقالها ((بيتك مثل قبرك محد يدري وش يصير فيه)) وفعلااا البيت اسراارهـ ماتطلع منه والقبر كذلك اسرارهـ ماتطلع منه وربي يعين الجميع على ماعندهـ اعتذر عن الإطااله واندفاعي في الكلاام ^_^ ولي عودهـ ان شاء الله بالتوفيق الدائم |
اقتباس:
صحيح فيه كثير من الشباب يتحاملوا على بعض بالكلام ويضغطوا عليهم ويقولوا ليهم خلوكم رجال اعملوا كذا ولا تعملوا كذا ويبين حاله انه فاهم بالحياة الزوجيه وان الحرمه لا زم تشوف العين الحمراء ههههه :lol: ولا زم تحس انها عند رجال قوي ملي هدومه خخخخ :lol: ايضا ارجع واقول ان الزوج بيتحمل مسؤليه كبيره تجاة اسرته واذا كل كلمه بيسمعها راح يطبقها فعلا الدنيا السلام حياك الله الف شكر على الاضافه القيمه ربي يسعد ايامك برعاية الله وحفظه |
اقتباس:
نودي فديتج.. تراها هب حلاوة اي واحد يبي يجوف البنت يجوفها.. اكيد الموافقه تكون ضروريه<< فيس انقهر من هالسالفه بعدين اشحقه يكون الرفض مستحيل.. فديتج.. يمكن البنت ما عيبته ولا هو ما عيبها.. يعني ياخذها وخلاف يطلقون ولا يكسر عالسالفه من الحينه دامهم عالبر<< فيس منطقي بعدين حبيبتي ما يبيها بالطقاق.. اكيد نصيبها بيي<< فيس متحيز للبنات وبس حاليا هذا اللي في خاطريه بخلص الردود ويمكن احصل شي زيادة واعللق عليه يعطيكم العافية الا اقول ما مليتو من الطلاق<< فيس تعب من هالطاري |
اقتباس:
العين الحمرة.. حشى داشه ساحة قتال هب عرس<< فيس معصب وهاي هي اخويه.. شي رياييل ينفشون ريشهم اول يومين عسب يبينون لحريمهم انهم قوايه ولا حتى السوبر مان<< فيس مقهور منهم وما يجوفون الهدف السامي من الزواج واللي يدعو اللي الالفة والمحبه<< فيس فاهم طبعا هالبدايه تكون غلط والغلط يولد اخطاء جديده تسلم اخويه |
اقتباس:
مشكوووره بوحه على روعة التشبيه..>>خخخخخ |
اقتباس:
|
اقتباس:
طبعا فيه توصيات حتى عندكم بلاش نضحك على بعض تلاقي الام تقول لبنتها اتغدي فيه قبل لا يتعشى فيكي خليكي قويه وافرضي رأيك من اول ليله وخليه زي الخاتم بصباعك يا جماعه ترا هذا الي حاصل وفي النهايه تدب الخلافات وتتفكك الاسر والا انا غلطان بوح ؟ ايش رأيك قمر ؟ فيه من ها الكلام ومن ها التوصيات ؟ :lol: ربي يحفظك ويرعاك |
اقتباس:
بس لاحق ينقال.. اكثر الامهات الله يحفظهن يوصن بناتهن بس ما يطرقن لهالمجال<< فيس يقول حشى داشه حرب.. بعدين لو كانت البنت تبي تمسك دفة القيادة ما يبيلها.. اشويه تفكير توصل للي في خاطرها<< فيس يقول" ان كيدهن عظيم" بس هالشي ما يعطي الزوج مجال انه يستقوى عالمسكينه من اول يوم<< فيس يقول بروحها حالتها حاله وتبي لها حد يخفف عنها وبس |
اقتباس:
معناته ان الطلاق مسؤلية الطرفين افضل شيء التفاهم وعدم تدخل الاهل في اي خلاف ينشب بين الطرفين مشكوووووووووره بوح ربي يسعد ايامك برعاية الله |
من الاسباب الي ذكرتوها الي هي
اجبار البنت على شخص هي ترفضه ولاتتقبله كزوج ولكن الاهل يجبرونها ولكن بعد الزواج لاتستطيع تقبله وتعود مطلقة ممكن نقول ان الاب يجبر البنت على الزواج من ابن العم او قريب او صديق هي في قرارة نفسها لا ترغب به او تعتبره مثل الاخ اكيد فيه قصص كثره تجسد هذا الامر السؤال هل البنت لما يجبرها ولي امرها بالزواج من شخص لا ترغب فيه عليها ان تسكت وتطيع ولي الامر ام ان هناك وسائل تبحث عنها لاقناع ولي امرها بالعدول عن قراره ؟ وهل يعتبر عيبا ان البنت تتكلم في حياتها الخاصه وان تبدي رأيها ؟ |
اقتباس:
بعض الحالات اللي بعرف اجبرت على الزواج ماابدت اي محاولة لاقناع الوالد فقط رفضت في البداية والوالد فرض رايه وكانت النتيجة الطلاق خلال اشهر من الزواج ولايعتبر عيبا ان تتحدث البنت عن حياتها وان تبدي رايها لان هذه الحياة حياتها هي وهي عشرة عمر مو يوم ولا يومين عشان ماتبدي رايها فالقرار الاول والاخير للبنت بشرط ان يكون الرجل كفؤ اما اذا كان لديه عيوب فللوالد ان يفرض رايه |
اقتباس:
لا هالمرة السؤال جي<< فيس مسوي اوكيه.. طبعا البنت اهني تبدا ترسم قلوب وما ادري الشو.. وتتخيل ولد العم هذا انسان من كوكب ثاني << فيس يحرك راسه.. طبعا هذا من كثر ابوها ما يمدح فيه<< فيس يحس انسان يديد اول مرة يعرف.. وطبعا ما تكتشف حقيقة الانسان اللي اختارته الا عقب فوات الاوان< فسي قلبه معورنه شي ثاني اجبار البنيه.. شي وايد اباء يجبرون بناتهم عالعرس.. اونهم ادرى بمصلحتهم.. وكثر ما تحاول البنت تقنع فيهم ما يعطونها ويه<< فيس متاثر جوف اخويه مهما حاولت البنت دام السالفه يايزة لابوها بيرد يفتحها وياها لين تمل وتوافق بحجة انهم ادرى بمصلحتها<< فيس كئيب وبس |
اقتباس:
صحيح وانا اشوف ان الزوج و الزوجه ما يدخلون احد في حياااتهم ويكون كل شي بينهم بعيد عن دخوول اطرااف غيرهم لأن ممكن أحد ينصح بحسن نيه ويقوم الثاني ينفذها وهي اصلااا ماتنفع مع الشريك الأخر يعني كل وااحد ووحدهـ عارفين نفسياات بعض فماله دااعي تدخلااات الأخرين على الفاضي والمليان وبالنسبه لموضوع اللي يقول لأمه كل شي والله ياخوي ان فيه أكثر من كذا حتى موضوع الإنجااب يقول بشااور أمي اول بجد بجد شي يرفع الضغط وأحسن شي الواحد يقول((الحمد لله الذي عافانا مما ابتلاهم به وفضلنا على كثير من خلقه)) اقتباس:
بالعكس ماملينا لأنه موضوع يحاااكي ظااهرهـ في المجتمعات بشكل عااام وحلو لمن تعطي هـ الظاهرهـ اهتمااام وااسع بالتوفيق الدائم |
اقتباس:
الله يحفظك الحان عندي صديق كان ساكن مع والده وعمه في بيت واحد بيحكي ليه ويقول نتغدا ونتعشى على صحن واحد مع اولاد وبنات عمي منذ الطفوله لما كبرناوخلصنا الثانويه قال له والده بدي ازوجك بنت عمك طبعا هو انصدم والبنت كذلك ما توقعت انهم بيتزوجون وهم مثل الاخوان بياكلوا من صحن واحد كل يوم وياخذها المدرسه مع خواته . المهم كان يجي يحكي ليه ويفضفض ويشاورني يقول انا مستحيل اتزوجها لانه اعتبرها مثل اختي وفي نفس الوقت بيحترم والده ولا يريد يكسر كلامه خاصه ان البنت بنت عمه المهم انا شجعته ان يقول رأيه بصراحه لوالده ولعمه ويرفض هذا الزواج مهما حصل وتبرعت ان اذهب لوالده واخبره بالوضع رفض في البدايه ولكن بعد اصرار مني وافق انه هو من يتحدث مع والده وفعلا اخبر والده ان لا رغبة له في بنت عمه طبعا في البدايه غضب والده وزعل عليه وكانت صدمه له واصر على زواجه ولكن بعد فتره يمكن شهر ونص قلت ارسل له من اصدقاءه المقربين وخبرة بجدية موقفك وانك لا يمكن ان تتزوج بها مهما حدث وفعلا تم ذلك بعد اقناع الوالد انه يعتبرها مثل اخته . اقتنع وبعدها بكم شهر املك على وحده ثانيه وتزوجها والبنت كمان تزوجت وعايشين بسبات ونبات وخلفوا صبيان وبنات وهذي قصه انا عايشتها الفائده من ها القصه انه لازم كل شخص انه يبديء رأيه في شريك حياته لان هذي مسألةعمر وحياة خاصه لازم انك تشارك سواء بالقبول او الرفض مشكووووووره الحان على الاضافه ربي يسعد ايامك وينور دربك برعاية الله |
اقتباس:
السموحه على اللقافه صحيح قلت بوح وقمر لكن اللقافه ومااتعمل^_^ بصرااحه انا اغلب اللي اعرفهم معرفه قويه تجلس الأم توصي بنتها على الزوج تقول الرجال ولدها مو اللي قدامها بنتها يعني طول الوقت يابنتي انتبهي على زوجك يابنتي اسمعي كلاام زوجك يابنتي حافظي على زوجك يابنتي كوني العون لزوجك ومن هذا الكلاام وبالنسبه للتوصيات لخارج محيطي صديقتي لمن تزوجت جلست وحدهـ من البنات معانا كمان متزوجه تعطيها قااائمه من التوصيات وبصرااحه كلها في ضد مصلحه البنت يعني الله الله بتصفيه الجيب اول بأول ((طيب الأسعار بتصفيه تجين تتكلمين ليه)) لاتسمعين كلاامه من اول مرهـ كوني عنيدهـ ومن هـ الكلاام عااد اختك في الله ماسكتت قاامت عليهم الثنتين لأن وحدهـ توصي والثانيه تحرك راسها وماعلى لسانها غير صادقه وصاادقه من جد العقل زينه يارب لاتبلاانا ومازلت مصرهـ ان هـ الشي حتى عندكم يالشباب ^_^ بالتوفيق الداائم |
اقتباس:
هههههههههه هلا بوح ابدا الاب متى ما وجد الاصرار من البنت على انها ما تحب الارتباط بها الشخص وقالت هذي حياتي . اكيد راح يكون ليها تاثير معين وراح تفرض رأيها على الجميع كون الاب او الام يصرون والبنت ساكته او خجلانه تحكي فأكيد راح يمشون كلامهم خاصه انهم بيقولوا احنا ادرى بمصلحتك طبعا انا ما اشجع البنت انها ترفض الزوج بدون سبب مقنع ولكن لازم يكون ليها رأي . برعاية الله وحفظه |
هههههههههه
ابدا الموضوع موضوعك ولكن كانوا موجودين ونتناقش معاهم حياااااااااااك الله noode اقتباس:
ربي يسعد ايامك ويرفع قدرك كلك ذووووق برعاية الله وحفظه |
اقتباس:
خلينا نشوف رأيك ههههههه برعاية الله |
اقتباس:
لكن كـ مجتمعاات محاافظة يعتبر هذا عيب لأن التفكير كله رح يروح لموااضيع ربي يجيرنا منها يعني رح يقولوا مافتحت فمها بالموضوع ذا إلا وفي نفسها حاجه طيب انت كشااب سعودي ناخذ رايك جاات اختك وانت جاالس تصحح دفااتر العياال وجلست قدامك وقالت ياخوي ابي اقولك شي انت تركت الدفاتر وناظرت فيها((مكشر طبعا لأن توك طالع من معركه تصحيح))نعم >>رد اخوي داايما تقولك العريس اللي ابوي يبيني اتزوجه مالي خاطر فيه تقولها طيب ليه تقولك مدري بس مابيه تقولها والله انه زين والنعم فيه وماعليه كلاام تقولك ادري بس...وسكتت ناظرت فيها وقلت بس إيش بعد محاولاات قالت لك ان خاطرها في ولد عمها>>أشيل قشي صح ؟؟؟ انت كشااب في مجتمع محااافظ جدا وله عادات وتقااليد وش رح يكون موقفك ساااعتها؟؟؟ نبي إجاابه صريحه وواقعيه ((طبعا انا مو قصدي اي شي في ذكر اختك لكن كتقريب للسؤال المرااد طرحه )) اعتذر عن إطاالتي والسموحه على السؤال الأخير عاااد انت طلبت رأيي>>فيس مسوي شخصيه بالتوفيق الداائم للجميع |
اقتباس:
السلام عليكم .. رجعت لكم من جديد فاتني موضوع واحد فقط ومدام تناقشتوا فيه بكتفي بنقاشاتكم اللي شفتها وهذا الموضوع الثاني بصراحة انا تهت في الصفحات فياريت الموضوع الرئيسي اللي تتناقشون فيهيا تحددون له لون محدد ينكتب فيه يا تميزونه بشيء << فيس يقول لا تشرهون العتب على العمر خخخخخ << فيس عجوز تتكى على عصايتها السؤال هل البنت لما يجبرها ولي امرها بالزواج من شخص لا ترغب فيه عليها ان تسكت وتطيع ولي الامر ام ان هناك وسائل تبحث عنها لاقناع ولي امرها بالعدول عن قراره ؟ شوف اخوي هالموضوع نحن لازم نكون واقعين جداا .. الاب لما يقدم واحد لبنته ما راح يجيه من الباب ويقول لها هذا الرجال جاء ولازم تتزوجينه هو راح يسأل عنه اول شيء اذا كان رجال في خير ودين وصلاح بيقربه لبنته وبيسألها تبيه او لا وهالمهمة تكون للام طبعا ..<< اتكلم عن مجتمعي البنت عاد قالت لهم يا جماعة انتظروا علي كم يوم وارد لكم خبر فكرت وفكرت واخيرا جاء ردها بالرفض ليش ان شاء الله ما تبينه << سؤال مهم والله يا يبى ما ابيه وبس .. طيب عندك سبب مقنع .. عاد هي تسكت وتجاوب من طرف لسانها لا الحين مو بس يجبرها الا يجبر ابوها معها يعني رجال وطيب اش تبين بعد الا اذا انتي عندك واحد في عقلك << صراحة ما لها تفسير غير كذا مدامها ما قالت اسباب مقنعه .. وعموما صدقني في مجتمعاتنا البنت ما يكون لها رأي كبير في زواجها الا اذا هي صغيرة وتبي تكمل دراستها او ان المتقدم كبير عليها مرة او انه مو مناسب لتفكيرها وطبعا هالكلام ما يمشيء مع الاهل يعني معقولة لو البنت قالت هذا انسان مو مثقف وما ابيه وكان الاب متحيز له بشدة بيسمع لكلامها والله يا انها تنجبر وتأخده غصب عن اللي ما يبي .. ونرجع نقول اولا واخيرا على حسب تكيف الانسان وهل هو يبي يكمل حياته او لا .. ترى الحياة احنا اللي نمشيها مو هي اللي تسيرنا على كيفها .. والا كان شفتم ناس كثير واقفة مثل ما هي ويمكن تتحنط من كثر الوقفة .. يعني لو البنت رضيت بهالرجال الطيب << عاد مو كلهم طيبين بس برضوا ما راح يقبلون اهلها الا وفيه خير المهم اذا قبلت فيه وأقلمت نفسها معه بتمشيء المركب وما راح توقف في مشاكل ما في بيت ما يخلى من المشاكل هذي ملح الحياة احنا اللي ممكن نكبرها واحنا اللي ممكن نصغرها ونخليها بسيطة .. اما اذا ركبها العناد واخدته وهي في راسها شيء واحد من البداية انها ما تبيه وما غيرت هالفكرة فأكيد انها مستحيل راح تقدر تكمل حتى لو هو ملاك بتشوفه شيطان وبتقول لاااااااا مستحيل اكمل مع هالانسان وطبعا لو رجعت بيت ابوها بتقول السبب انتم انا من البداية قلت ما ابيه << فيس يقول وهي اللي كانت ضعيفة وما قدرت تدخل نفسها في حياة ما كنت متخيلتها .. هذا بعتبار ان الشخص المتقدم ما فيه شيء طيب اذا عرفت هي من شخص قريب منها ان هالولد فيه عيب وما تقدر تكمل معه .. شوف انا برأي صعب شوي تتكلم مع الاب عن هالموضوع الحساس فأحسن شيء تختار لها وسيط يا الام يا اخ وعاد لو كان الاخ بيكون احسن شيء ليش << فيس تعجبه الاسئلة عشان هذا الاخو راح يتأكد من الموضوع ويشوف هل الكلام هذا صح او لا وهو عاد في هذاك الوقت يتفاهم مع الاب ويحاول يحل الاشكال معه والله يعينها الوحدة اذا كان ابوها رجل متعصب للرجال اللي من جنسه ويهملون رأي المرأة في هذا ما لها الا انها تحاول تعيش حياتها وتشوف اش في هالرجال زين وتحاول بقصار جهدها تعدل اللي ممكن يتعدل << حريم احنا خخخ وهل يعتبر عيبا ان البنت تتكلم في حياتها الخاصه وان تبدي رأيها ؟ شوف المجتمع مو واحد يعني ممكن نكون عايشين في نفس المكان بس في ناس عندها الموضوع عادي وفي ناس عندها من كبائر المحرمات بس تقريبا البنت لو تبي تتكلم بحياتها الخاصة ما تروح للراس الكبيرة على طول في ام ممكن توصلها رأيها في اخ يكون قريب منها ممكن تفضفض معه وتقول كل شيء بصراحة ويكون هالاخ متفهم مو من هالناس اللي عقليتهم زفت وكل الكلام يفهمون غلط << ربي يخلي لي اخواني ومو عيب ان الوحدة تقول رأيها اذا كانت على حق وفي موضع القوة لان اذا سكتت بتقعد في قلبها وبتقول انا ما كنت ابي كذا وكنت ابي وابي وابي << فيس الانهاية انتم اش تشوفون << فيس تعب من الكلام واصلا قاعد يتكلم وهو مصدع يعني لو في كلمة خارج النص اعذروني << والاخطاء الاملائية استروا ما واجهتم يا اخوات ويا اخونا << ما في غيرك يا المجنون تناقشنا الله يعينك على الصداع سلااااااااااااااام http://www.liillas.com/up3//uploads/...58beb37165.gif |
اقتباس:
شي اباء يجبرون بناتهم.. حتى لو كانت البنت هب راضية.. وتاخذ الريال غصبن عنها.. انا ما اقول الكل بس بعد شي اباء جي.. ومن الناحية الثانيه.. رفض البنت لاي شخص يتقدم لها.. يخلي المجتمع ينظر لها بنظرة ثانيه.. يعني ما يقولون ان مالها نصيب ولا يمكن ما ارتاحت للي خطبها.. بالعكس يظهرون عليها رمسة من ادري من وين يابوها<< فيس يحرك راسه يمين ويسار عسب جي فرصة البنت في الرفض تعتمد على وضعها.. يعني لو ابوها طاع في المرة الاولى والثانيه في المرة الثالثه بيقول لها اشعنه ما تبين تعرسين<< فيس منطقي |
اقتباس:
نسيتي انيه مناصرة بنات قلبيتكم<< فيس قرر يتحول ويسكن عندهم ويغير عاداتهم<< فيس متهور هو من ناحيه انه حلو فهو حلو ما نختلف عليها<< فيس مستانس عالموضوع بس بعد يعور القلب |
الفيس اللي داش عرض
اقتباس:
|
اقتباس:
يااكثرها انتي افتحي أخباار الساعه 9 وقلبك يتعور من غير شي ^_^ |
اقتباس:
آآميـــن خلاااص فديتك افتحي الباب دقايق واوصل >>فيس شرد من بلااادهـ |
اقتباس:
صادقه في كل كلمه تقوليها بغض النظر لو في شي يوافق كلاامي او لأ لكن كلاامك حلو وسليم^_^ |
اقتباس:
ههههههه ابدا انتي عامله اختصارات ورؤوس اقلام :lol: برعاية الله وحفظه |
اقتباس:
الله يعين الجميع لا ابد عادي انا مستعد اناقش الجميع اهم شيء يكون فيه فائده والحمد لله الزوار كثار معناته فيه فائده ان شاء الله ونحتسبه عند رب العالمين عاجز عن الشكر للمجهود الي قمتي به وهذه الاضافه فعلا قيمه اثرت الموضوع واضافت له الشيء الكثير ربي يسعد ايامك ويرفع قدرك ربي يحفظك ويرعاك لا تبعدين خليكي حوالينا :lol: |
اقتباس:
هلا بوح كلام منطقي بس لو ننظر لكلام الناس ماراح نخلص وحياة الشخص اهم من كلام الناس ربي يحفظك ويرعاك في امان الله |
اقتباس:
المشكلة ان الاهل بيفكروا ان الولد لما يتزوج بنت عمه بتقوى العلاقة اكثر ومافكروا انه لما بتصير مشكلة بين الزوجين راح تتضرر العلاقات بين الكل فالزواج توافق بين الزوجين وقبول بينهم مو بين العائلتين |
لا اكيد قصدك شيء اعترفي لا نجيب هيئة التحقيق تبع ليلاس
ههههههههه :lol: لاا يااارجاال استهد بالله هيئه مررهـ وحدهـ >>فيس شل قشه وطلع من المنتدى^__^ بالنسبه ليه راح ابحث عن سبب مقنع طبعا هي ما عندها الا انها تريد ولد عمها في الحاله هذي راح اسألها اذا كان ولد عمها له رغبه فيها او انها فقط تحلم اذا كانت فعلا تحبه وتريده صدقيني راح اسعى انها تتزوجه وراح البي رغبتها اذا قدرت وكان له رغبه فيها وراح اكون صريح معاه واذا هو رفض الارتباط فيها راح اخبرها وبها الطريقه ماراح يكون لها عذر واذا كان ولد عمها دااااااج ههههه يعني ما عنده سالفه اكيد ماراح افكر اني احكي معه من البدايه ولا راح اوافقها على موقفها بس >>فيس حاط يديه على فمه ومارح يتكلم الله يوفق اختك ويوفقنا وجميع المسلمين >>فيس طلع بسرعه عشاان لا يتكلم بالتوفيق الدائم |
صباح الورد موضوع شيق ومهم جدا ويحتاج لحلول لانو للاسف في ناس الله يهديهم للأن عند اول مشكله تصير بحياتها تقول طلقني ؟؟على بالها الطلاق شي سهل وعلى الطالعه والنازله هاذي الكلمه على لسانها الين ماتجيها من جد هالكلمه وتهدها بقوه لحظتها يبدئون يتحسرون ويندمون لكن بعد ايه لافات الفوت ماينفع الصوت .. امممم انا حبيت بس ابدي القليل فقط من رأي في هاذه القضيه واتوقع هاذا المفروض اسمها لانها عن جد قضيه كبيره ودايم ضحيتها الابناء وي فديتهم هالمساكين والله مابيروح فيها غيرهم وش ذنبهم يتحملون اغلاط الي اكبر منهم واصحاب الغلط تلاقيهم ولا هامهم كل واحد يروح يعيش حياتو ولا كان صار شي ؟؟ حتى الرجال احيانا مايثمر فيهم ومسألت الزواج والطلاق عندو عادي يتزوج ويطلق ويروح يتزوج ثانيه ولما تسأل عن السبب تلاقيه عذر اقيح من ذنب واصلا ماعندو هرجه .. انا عارفه اني ماذكرت الاسباب يعني ماجاوبت على سؤالك مجنون مره سوري بس ودي ارتب افكاري شوي ولي رجعه ان شاء الله .. واشكرك على طرحك الرائع وه شوبك اخ مجنون مركز على الطلاق الله لا يجيبه في حياةاحد ان شاء الله تكونون دوم مستانسين ومبسوطين بحياتكم من جد نتحتاج نبحث عن الاسباب ونحلها وان شاء الله نطلع بنتيجه ونقلل من نسبة الاحصائيه وي والله شي مو طبيعي ماتدخل العقل .. الله يستر بس |
السلام عليكم ...
عدنا من جديد << فيس يشتغل في سبيستون ردا على سؤالك اخوي المجنون .. هو هذا الي حاصل اكيد ولاكن احيانا العامل النفسي بيلعب دور تكون ما ارتاحت لخلقته من اول ماشافته بجد انا والله اشوف هذا الامر مهم ما ادري ايش رأيك ؟ امممم << فيس يفكر .. شوف اخوي بصراحة احنا عندنا البنت ما تشوف زوجها او اللي راح يكون زوجها الا وهي مدبسة فيه يعني بالله اذا ما يقرب لها ولا تعرفه فين راح تشوفه ولا كمان ترتاح لخلقته على قولك او لا .. واذا قلت لي في نظرة شرعية برجع واقول هالنظرة مو لعبة من هب ودب نقوله تعال شوف بنتنا تناسب او لا .. وحتى لو تمت النظرة انا من وجهة نظري هالنظرة للرجل فقط اما البنت يا قلبي عليها من الحيا راسها في الارض وعيونا شوي وتتقفل .. واذا جت وحدة قوية عين وناظرت فيه وركزت انت يا الرجال قولي اش تقول عنها بكتفي بردك ؟؟ طيب ما ارتاحت له على قولك وقالت لاهلها ووقفوا معاها ونفذوا لها طلبها هي هل تدري هالانسان انه ممكن يكون احسن من غيره بعشرين مرة ويكون في خير عن اللي بتأخده او لا .. طبعا ما تدري وممكن تضيع من يدها فرصة ما تتعوض هي تدري بيجيها نصيب بعده او لا ترى الرجال صاروا يتعدون على الاصابع والبنات غلبوا شعر الرأس .. وبعدين في كثير ناس نقابلها ومن اول نظرة نكش منها لكن لما نتعرف على الواحد نحب شخصيته ويصير اقرب الاشخاص لنا وبعدين الناس مخابر ومو مناظر الوحدة هالايام تقول يا رب الستر خلها ترضى بنصيبها مدامه جاها واذا في توفيق من ربنا بتكمل حياتها خلها تصلي استخارة ارتاحت كان بها ما ارتاحت الله يوفقها في حياتها وان شاء الله اذا ربي اراد بيرزقها بغيره لا تقول منظره وما منظره الرجال افعال مو مناظر .. وبعدين كلمة كذا لاخواتي الحبوبات نودي وبوح وقمر لا تختارون واحد حلو او وسيم بالمرة هالزمن ينخاف على الرجال بنات الحرام ما بقوا شيء الا واخدوه حتى لو هو اخلاقه قمة يكوشون عليه هههههههههههههه << فيس يقول وحتى لو كان حلو قولوا للناس تراه يشبه حنظل في المسلسل الكويتي القديم تذكرونه ههههههههههه << فيس يغمز لهم http://www.liillas.com/up3//uploads/...76f7642522.gif |
اقتباس:
كلامك واقعي كثير من ابناء العم او الاقرباء حصل بينهم خلافات عميقه والسبب انه طلق اختهم او بنتهم الله يحفظك الحان كلك ذوق برعاية الله |
اقتباس:
لانه يهمنا رأيك كلك ذوق ربي يسعد ايامك ويحفظك برعاية الله |
:lol:
اقتباس:
برعاية الله وحفظه خليكي قريبه لا تبعدين :lol: |
وين وصلتوا << نفس الفيس الغايب
يلا ما عندكم سبب يديد اناقشه<< فيس روح يقرا الاسباب زين انا عنديه موضوع نتناقش فيه الزواج من وحده ولا واحد هب من مجتمعك ولا من بلادك .. هل يكون سبب مقنع للطلاق<< فيس توه قاري بارت ودوم يعني شرات اللي ياخذون من الجاليات الثانيه.. وعقب كم سنه تشل عيالها وترد بلادها<< فيس يحس انه روح بعيد وفتح موضوع ثاني<< فيس يقول يكن مفعول الحمى شي ثاني .. الزواج من وحدة امها هب عربيه هل يكون سبب مقنعه للطلاق<< فيس يتذكر نور<< فيس تاثر بالبارت وايد يلا اتريا تفاعلكم<< فيس المجنون |
اقتباس:
تكفين لاتطرين بارت ودوومه حق اليوم بغت تجلطني ..على كثر كرهي لزايد رحمته بالاخير >>فيس يقول اسكتوا انتم ببيت المجنون مو بيت القصص ..>>فيس ثاني يستسمح من اخوناا بالنسبه لسالفه الزواج من غير البلد ..انا اشوف ان اغلب هالزواجاات يكون مصيرهاا الطلاق ..قولي ليش.؟؟ اولا العاداات والتقاليد غيييييييييييير .. طريقه الحيااه مختلفه تماما .. المجتمع بأسره غييييييير وغالبا المجتمع ينبذ من يأتي بدخيله عليهم ..لانهم بنظرهم ان بناتهم ناقصاات ..وهالشي يضاايقهم اما ان امهاا الاجنبيه ..او مو من البلد ..ماأتوقع انه بيكون سبب ..لأن البنت تنسب لأبوهاا مو أمهاا ..وانا عني ماأشوف فيها شي ..مثلا اذا جدتي تركيه >>فديتهاا يانااس بيرفضني لان فيني عرق مو عربي ماأتوقع ..خخخخخخخخخخ الا قولي ماراح احصل له ههههه وبعدين تراني تجيني حسااسيه من هالموضوع ..امهاا اجنبيه ..امهاا مو مناا ..خير ياطير وحده تذكرت سالفه نور ..وجتهاا الصيحه ... بوح مشكووره على تواصلك معانا بالموضوع .. وياليت تجيبين سبب ثااني ..>>وحده تصرف هههه |
اقتباس:
يلا نتناقش ونعتبره ع هامش الموضوع هههههه :lol: انا ما اعتقد انه سبب مقنع للطلاق لانه ما تزوجها الا انهم متفقين وفيه امثله كثيره على زواجات ناجحه من اجنبيات لا يتحدثن العربيه وفيه منهم من اسلمت ولبست العباة والغطوه فما بالك باللتي امها عربيه او هي عربيه برعاية الله وحفظه |
|
اقتباس:
وعليكم السلام ورحمة الله وبركاته اهلا بيكي وحياك الله كلام جميل وفعلا كما ذكرتي ان فيه من النساء من تحاصر الزوج لدرجة الملل والشك في كل تصرفاته مما يجعل الزوج يمل هذه الحياة وفيه من الازواج من تحب ان تعرف ادق التفاصيل وين رحت وفين جيت ومع من حكيت والا ايش حكيتوا بالسهره و..الخ طبعا هذا الامر مرفوض وانتي ذكرتي انه مرض وانا اايد رأيك كذلك الزوج مثل ما ذكرتي قد يقلب حياته مع زوجته الى جحيم عن طريق الشك في كل حركاتهاو تصرفاتها طبعا الشك يولد عدم الثقه وهذا الامر يعجل بالانفصال لانه لا يمكن العيش مع شخص لا يثق بك كشريك واكيد انها حاله مرضيه عافانا الله واياكم الف شكر على الاضافه القيمه ربي يسعد ايامك ويرفع قدرك برعاية الله وحفظه |
:8_4_134:
صباح الخير للجميع اقتباس:
اقتباس:
بين الزوجين الاهم بنظري هو اختلاف التوافق الفكري والتوجهات لكل منهما السؤال الي بدنا نجاوب عليه كيف يمكن لنا تجاوز هذه المشكله بنظركم ؟ انا ارى من ضمن الحلول ايجاد قاعده مشتركه يتفق عليها الطرفان وتكون منطلق للحوار بيتهم كمان محاولة تقريب وجهات النظر في المسائل الي يدور حولها الخلاف بالاضافه الى عدم التعصب للرأي ومحاولة فهم الاخر وعدم اقحام التوجهات الفكريه في الحياة الزوجيه واعتبارها اختلاف رأي طبعا انا اتكلم عن التوجهات الفكريه للطرفين بالنسبه لموضوع الشهاده يفضل ان يكون مستواهم التعليمي متقارب لبعض قدر الامكان منعا للتعالي من احد الطرفين |
اقتباس:
وجهة نظري ان الزواج من غير البلد يكون أحد اسباب الطلاق لأن الشاب او الشابه كل واحد فيهم من مجتمع ثااني له عادات وتقاليد خااصه فيه ممكن أحد الأطراف يقبل فيه ويمكن لأ..يعني الزوج يقول لزوجته((الشي هذا احنا مو عندنا)) تجي تقول((والله احنا عندنا عاادي)) ومن هنا تبدأ نقطه الإختلاف اللي كل واحد يشوف ان اللي عليه صح وتكبر المشكله وبؤدي في اغلب الأحيان للطلاق..حتى لو كل الطرفين عارفين كل شي عن بعض وعن عاداتهم مع العشره كل واحد رح يرفض الشي اللي هو مو متعود عليه.. وغير كذا العيال رح يكونوا متضررين لأن الأم تغذي عيالها بعاداتها وتقاليدها ويجي الأب يغذي عيالها بعداته وتقاليده في الحاله هذي العيال معاد يعرفون وين يمشون هل مع الأم او مع الأب وساعتها رح يتوهو وهذا له مؤثر كبير على حاضرهم ومستقبلهم.. اما بالنسبه للي يتزوج وحده امها غير عربيه بصرااحه على حسب الوضع يعني ممكن البنت تكون متأثره بعادات والدتها والزوج مو مناسبته هذي العادات في الحال ممكن يصير الطلاق لكن عشان امها مو عربيه وينك يابو الشباب يوم جيت تخطب يعني ماكنت عارف ان امها مو عربيه وغير كذا ((ادعوهم لأبائهم)) مو لأمهااتهم يعني طلاقه لأجل هذا السبب لحاله ماله دااعي.. ولا تقولون ان العادات مو شي يأثر بالعكس له تأثيـــر كبيــــر وغاالبا مايكون سبب في الطلاق.. وفي الأول والأخير كل شي نصيب وربي يوفق الجميع ان شاء الله لما يحب ويرضى |
اقتباس:
تجاااوز لهذي المشكله صعب شوي لأن حتى بين الأخوان مارح نلاقي توافق فكري بين الأب وابنائه مانلاقي توافق فكري فـمِن الطبيعي ما نلاقي توافق بين الزوجين والسبب اختلاااف تربياتهم ومجتمعاتهم وافكارهم الخاصه وغير كذا تركيبة الرجل تختلف عن المرأة يعني المرأة غالبا تفكر وتعطي رأيها بعاطفتها وكل شي رح تشوفه عااادي لآن عاطفتها تملي عليها هذا الشي بينما الرجل رح ينظر لجميع المواضيع من جهة العقل ورح يعطي رأيه من هذا المنطلق فمن هنا يبدأ الإختلاف كل واحد يبغى رأيه هو الصح وتبدأ العصبيه وما إلى ذلك ولا ننسى تفكير الزوج على انه الرجال وهو اللي كلمته تمشي ومايحق للزوجه غير السمع والطاعه تجي تفهمه ياابن الناس هذي زوجتك لها حق تعطي رأيها وتتناقش معاااك وهو اذن من طين واذن من عجين والسبب غالبا ان ابوهـ ربااه على هذا الشي ان الزوجه هي الخادمه المطيعه لزوجها بعض الرجال يلقى الزوجه الخاضعه والبعض الآخر يلقى وحده ماترضى بالشي هذا وهنا كمان يكون الإختلاف.. لمن نجي لناحيه التفكير رح نلاااقي نقااط كثيره صعب جدا اننا نوفّق بينها وخااصه لو كل واحد من الطرفين تعصّب لرأيه وشااف انه هو الصح انا معااك اننا نشوف نقطه اتفاق ومن هنا يبدأ الحوار لكن هل تعتقد ان الحوار رح ينتهي بدون أي تعصب للأراء اللي رح تظهر بوسط الحواار ؟؟؟ في هذي النقطه رح تلاقينا نمشي في داائرة مفرغه واللي رح نبدأ فيه ننتهي فيه لأن مافي أحد رح يرضى يترك تفكيره وتوجهااته من أجل إرضاء الطرف الآخر إلا في حال لو احد فيهم هااود الثاني عشاان المركب تكمل طريقها.. انا جااوبت على حسب فهمي للسؤال وطول ما انا اجاوب اقول خوفي اجاوب شي والسؤال يقصد شي ثااني عااد لو كاان كذا عديييها يعني بلاااش احراجات^__^ اعتذر عن ثرثرتي بالتوفيق الدائم |
اقتباس:
فيس استولى عالقسم خلاص |
اقتباس:
هلا بك زوود اخويه صح اخويه بس بعد هب شرط.. شي ناس يستعرون منها حتى لو كانت امها عريبه يعني الحينه لو كنت يالس تصلح دفاتر وكراساتك.. ويت امك الله يحفظها وقالت لك .. جوف يا ولديه انا كبرت وخاطريه اجوف عيالك.. طبعا في هالوقت بتكون مزهبه لسته طويله وعريضة تبدا من ييرانكم وتنتهي باخر البلاد..<< فيس يتخيل الوضع المهم.. وحده من بينهم يازت لك.. بنت غاوية ومزيونه وربك وفقكم.. وعرستو<< فيس متزهب بيروح العرس زين.. وعقب فترة عايرك حد من هلك فيها يعني مثلا قال لك ولا حرمتك هاي بنت ال.......<< فيس يفكر في اسم البلاد يمكن يكون الوضع عندك عادي.. بس شي ناس تهتم المظاهر<< فيس تذكر زيود<< فيس متاثر بالبارت لين الحينه يلا اخويه اتريا رايك<< فيس يشبهك |
اقتباس:
وانا اقول اشعنه احبج<< فيس يبوسج عليج نور هذا قصديه<< فيس مستانس حياج الله فديتج |
اقتباس:
نروح للشهادة والتعليم.. التقارب العلمي شي مطلوب للطرفين.. طبعا هالتقارب مطلوب بين الطرفين منعا من ايصال حوار بينهما للهاويه.. يعني مثلا لو وحده هب متعلمه وخذت رائد فضاء<< فيس خياله واسع.. وتوه راد من الرحلة وحايط عالمشتري وطبعا عقب هالانجاز بيدش وابتسامته شاقه الحلق.. وتوه يخبرها بالسالفه تصدمه وتقول له شو مشتري.. اشعنه ما قلت لي بتروح السوق<< فيس متحطم.. طبعا لو انا بداله بشلها وبعقها من الطابق المليون وبسوي لها باي بعد<< فيس يبرد فواده غير جي.. محد يروم يخق عالثاني ويجوف عمره عليه.. يعني مثلا واحد خذا الاعداديه وراح الجيش وحرمته دكتورة ولا مهندسه.. عاد شي حريم لا يستون اخير من ريايلهن بشي.. يذلونهم<< فيس يحرك راسه وفي الختام لا يسعني الا ان اتقدم بجزيل الشكر لكل اللي ردوا قبليه<< فيس يحسس عمره انه ما بيحدر الموضوع مرة ثانيه تسلم اخويه |
اقتباس:
حبتك العافيه ياقلبي>>فيس يستقبل بوسه اخته >>فيس مستانس ويّا اخته الله يحييك ويبقيك ان شاء الله بالتوفيق الدائم |
اقتباس:
لا ابد حول الموضوع خخخخخ ما رحتي بعيد :lol: الله يوفق الجميع مشكووووره ع التفاعل ربي يسعد ايامك برعاية الله وحفظه |
اقتباس:
ما فيه شيء من هذا وفيه الكثير متزوجين من عربيات واجنبيات وما عندهم اي مشاكل هي تعتمد على ثقافة وادراك البنت وعلى قيمها واخلاقها اما العادات فشيء سهل يمكن اكتسابه اذا كانت عاده حسنه والي تهمه المظاهر يعتبر انسان سطحي في التفكير اهم شيء الجوهر الله يحفظك بوح برعاية الله |
اقتباس:
اياني وياك تفكري هذا التفكير ترا مضر بالصحه ننتظرك :lol: في امان الله |
:8_4_134:
اقتباس:
اقتباس:
هنا ياتي موضوع قدسية الزواج كما ذكرتها لنا الياذه والحفاظ على الاسره عن طريق الصبر ومعرفة كل شخص بالثاني وكيفية التعامل معه واحتواءه من هنا نقدر نقول انه وبعد اكتشاف العيوب لدى الطرفين يجب ان نصلح هذه العيوب البسيطه ولا نيأس ويجب ان نكافح من اجل الاخر ومن اجل اسره مستقره بصراحه ما فيه احد ما عنده مشاكل او عيوب والا اصبحنا ملائكه ليش ما اتحمل واصبر واحاول التغيير برضه لما اكتشف عيب في نفسي احاول اصلحه ما انتظر من احد انه ينتقدني حتى لو كانت زوجتي او العكس لي عوده برعاية الله بدي رأيكم باللي سبق وهل ممكن حل العيوب واحترام قدسية الزواج ؟ |
صباح/مساء..الخير
أنا جيــــــــت ^_^>>>أحلفي &((بدي رأيكم باللي سبق وهل ممكن حل العيوب واحترام قدسية الزواج ؟))& اممم طبعا صعب جدا تغير صفه من صفاتنا بعد العمر هذا كله يعني ممكن في 15سنه من عمر الواحد يقدر يغير الكثير من عيوبه لكن بعدها وخاصه على سن العشرين يبدأ التغيير يصير صعب جدا والسبب اننا عشنا مده طويله بعيوبنا والمشكله تكمن لو من البدايه محد لقى موجه للعيوب هذي فـ يكبر الشخص على انه هو الصح ومهما انقاله خطأ.. القصد من الكلام اللي فوق اننا عشنا سنين بالعيوب هذي ومارح نغيرها في يوم وليله وبعضها مستحيل تتغير وخاصه لو أحد الطرفين ينظر ان اللي عليه صح.. هنا يجي دور الحيله في التغيير يعني مايجي أحد الطرفين ويقول للثاني((انت فيك..تحمد ربك اني للحين صابره..إلخ))هنا غلط لأننا رح ندخل مرحله العناد فـ نحتاج وسائل المحايله يعني لو وحده متضايقه من صفه معينه في زوجها تجي وتقول((الله يعينها فلانه زوجها في كذا مدري كيف متحملته&تناظر زوجها& الحمد لله انك مو مثله)) هنا توصل للزوج معلومه ان زوجته مو عاجبته هـ الصفه ممكن تقول انه حل مو مفيد لكن صدقني انه الأمور رح تمشي((عن تجربه قريبه لي)) وهو كذلك يجي ويقول ((صاحبي طلق زوجته عشان فيها كذا..بصراحه معاه حق لو انا مكانه سويت مثله)) هنا توصل معلومه للزوجه ان زوجها مو عاجبته الصفه هذي وتحاول تغيرها..اما بالهواش ماينفع لآن مثل ماقلت الكل رح يركب راسه وكأننا في معركه قتال.. وبعدين كل انسان فيه من العيوب قد شعر الراس فـ على الطرفين الصبر والتغاضي عن العيوب اللي ممكن الواحد يتغاضى عنها لأن الكمال لله واحنا عباد لله مستحيل نكون كاملين وبعدين الحياة تمشي بالشد واللين يعني المشكله ذي الزوجه تلين والمشكله اللي بعدها الزوج يلين ولا ننسى ان سبب بعض المشاكل الشد والعناد ادري رح تقول طيب ويــن الحل يابنت الحلال؟؟ رح اقولك في بعض العيوب مانلاقي لها حل سوا الصبر والرضى بقضاء الله وقدرهـ وان كل واحد فيهم يحترم شخص الثاني مهما كاانت عيوبه..والمحايله مثل ماقلت.. وفي النهايه اللي كاتبه ربنا رح يصير بالتوفيق الدائم للجميع |
اقتباس:
تسم اخويه عالتعقيب.. وانا وياك في انهم المفروض يصبرون على عويب بعض ويحاولون يحلونها.. بس شي عيوب ما ينفع وياها التعديل<<فيس يقول وجه نظره حياك الله |
اقتباس:
تسلمين عالرد فديتج<< فيس مشرف القسم |
عدنا
اسف على التاخير في الردود يا جماعه احيانا المزاج يلعب دور وخاصه لما يكون الفكر مشغول سامحونا وتابعونا هههه ربي يحفظكم |
اقتباس:
هلا بك noode فعلا كثر الشد والعصبيه ماليها داعي وماراح تجيب نتيجه الافضل دائما الحلول باللين والعقل اليوم على احدى القنوات العربيه في برنامج حواري استمعت لقصة سيده خليجيه شابه متزوجه حديثا تغير عليها زوجها فجأة ساءة الاخلاق وبدا بعصبيه زائده وتغيرة احواله البنت ذكيه تقربت منه واخذت تناقشه وتحاوره مره بعد مره وبعد متابعه وكفاح منها وجهد عظيم اعترف لها انه يتعاطى مخدر الحشيش طبعا هي لا زعلت ولا كسرت الدنيا ولا خبرت اهلها واهله ولا شيء من هذا القبيل بذكاءها استطاعت ان تقنعه انه يخفف من التعاطي يعني بدل ما يسهر مع اصحاب السوء كل ليله بدأت تبعده عنهم شيئا فشيئا ايضا اقنعته بالذهاب للمستشفى للعلاج من الادمان وزيارة الطبيب النفسي الحقيقه انها تعبت معاة لين استطاعت انها تبعده عن هذا الوباء وهذا المرض الخطير الحقيقه انه تقرير راائع لزوجه مخلصه لبيتها اوعندها قدسيه للاسره طبعا هذا عيب وانحل بارادة واصرار من الزوجه وعون من الله والله ما احوجنا لمثل هذة الزوجه المثاليه وخاصه هذة الايام ربي يسعد ايامك ويرفع قدرك برعاية الله وحفظه |
اقتباس:
المشكله انه كثير من الازواج او الزوجات يقولوا لا الموضوع منتهي ولا يمكن يتغير وانا اقول ان امر الله بين الكاف والنون وما فيه شيء يبقى على حاله ويجب العمل للتغيير وبذل الجهد ما امكن والصبر من الحلول انك تصبر وتحاول تغير ربي يسعد ايامك بوح كلك ذوق ربي يحفظك ويرعاك |
المشكله ياخوي ان الزمن هذا كل طرف يبغى يحافظ
على مملكتهم الزوجيه بدون أي مبادرة يعني البنت تبغى زوجها يعطيها لكن هي ماتبادله العطا يعني لاتطبخ له ولا تدل للسنع طريق ولو اشتكى وتجي تتفاهم معاها تقولها ليه كذا تقول هذا من واجبه ؟؟؟؟؟؟؟؟؟؟؟؟؟؟؟؟؟؟؟؟؟ ويجي كمان الشاب زوجته تعطيه وتعطيه لكن هو مايبادلها العطا يعني حرمة سنعه ومافي منها لكن هو مايقدر هـ الشي ولمن تسأله يقولك هذا واجبها ؟؟؟؟؟؟؟؟؟؟؟؟؟؟؟؟؟؟؟؟ لا ولو واحد من الطرفين قرر يتمرد ويقصر قامت الدنيا ولاقعدت طيب انتم اللي وصلتوا الحاله كذا وصلتوها لحاله التمرد هذا وين الصبر وين تبادل العطاء وين الحقوق اللي ضاعت بسبب ان هذا واجبك وهذا واجبي وبدون تنفيذ الحياة مستحيل تستمر داام مافي صبر من الطرفين ومافي تبادل((مثل ما أخذ لازم اعطي)) صدقني اخوي الجيل هذا((إلا من رحم ربي)) يبي الحياة تستمر بدون لا يساهم في استمرارها وهذا شي مستحيـــــل ربي يعينهم ويعين الجميع اعتذر عن الإطاله بس القصة اللي ذكرتها هذا دليل ان الزوجه لقت من زوجها العطاء فـ لمن وقع في الطريق هذا هي وقفت جنبه وهذا شي رائع في استمرار الحياة الزوجيه بالتوفيق الدائم |
اقتباس:
على الاضافه القيمه والتي اثرت الموضوع ربي يسعد ايامك انتي ومن تحبين برعاية الله وحفظه |
:8_4_134:
اهلا بكم من جديد هذا اقتباس لـ المبدعه وجه الصباح مشكوره و الله يوفقها الي صراحه ما قصرت معانا واعطتنا من وقتها الثمين الشيء الكثير . اقتباس:
اول شيء بعد الزوج عن الاسره وعن بيته يسبب الفوضى وخاصه اذا كان هناك اولاد في سن المراهقه بصراحه الاب لازم يكون ليه دور في تربية الاولاد ناهيك عن حاجات الاسره والزوجه خاصه بصرااحه لازم انها تحس انها عند رجال مو عايشه لوحدها وكانه فندق للاكل والمبيت فقط الامر الثاني الزوجه المهمله الي ما همها غير الطلعات والروحات والجيات وهمها الاول والاخير الحفلات والمناسبات والاسواق اكيد بينتج اهمال للاسره والزوج خاصه وما فيه شك انه من الاسباب الرئيسيه للطلاق لانه ينتابه شعور ان زوجته عايشه على هامش الحياة وان تفكيرهاونظرتها للحياة سطحيه . واكيد الرجال بدهم حرمه تعتني بالتفاصيل وتكون قريبه منه اكثر حتى من اولادها . شفتوا اشلون الحياة الزوجيه بدها احاسيس كمان مو والله بس اسم متزوجين طبعا الحلول بتكون بيديكم وخاصه لما تعرفوا الاخطاء السؤال كيف بامكاننا تجاوز هذه المشكله بنظركم ؟ |
صبااح/مساااء..الخيراات
أنااا جيـــت ^_^ السؤال كيفبامكاننا تجاوز هذه المشكله بنظركم؟ شوف اخوي إذا الشخص نفسه ماقرر يتغير مارح نقدر نلاقي حلول.. لازم الزوج او الزوجه المهملين يؤمنوا بأنهم غلطانين وان الحياة اللي ماشيين عليها غلطXغلط ولاّ مستحيل يحصل تغيير. وثاني شي نشوف السبب اللي مخلي الزوج او الزوجه يهملون البيت والعيال والطرف الأخر للدرجه هذي ممكن نلاقي الزوجه اهملت زوجها وبيتها وعيالها لسبب تجاهل من أحد الأطراف يعني ممكن الزوج لمن يجي من العمل يجلس بس يتكلم عن عمله وعن اصحابه وأوامر ونواهي لكن مايعطي زوجته الإهتمام في حديثه ولو واحد بالميه فتحس نفسها على هامش حياة زوجها او عيالها يعتبروها مجرد مكينه لتنفيذ طلباتهم يعني((يمى أبغى أكل_يمى ذاكريلي_يمى شوفي فلان ضربني _يمى يمى يمي))وعلى الأم تسعى لتنفيذ هذي الطلبات وفوق كل هذا لو قصرت بحق الزوج قاام عليها ولو قصرت مع احد من العيال قام يتنافخ وكنها مو أمه فـ تلاقيها تدور على الراحه والتقدير خارج بيتها ويمكن ماتلاقيه إلا في الجمعات والخرجاات يعني سبب المشكله اهمال مشاعر الزوجه فحلها بالإلتفات لمشاعر الزوجه والأم حتى ماتقصر في تواجدها بالبيت وممكن بعد نلاقي الزوج أهمل زوجته وبيته وعياله لسبب تجاهل من أحد الأطراف يعني من يوم يدخل تبدا زوجته بتذرمها منه يعني ((انت توك داخل ماكان جيت احسن_تعال شوف عيالك اصلا مافيهم خير طالعين لأبوهم..ألخ)) طيب حابه تشتكي من عيالها تنتظر لين يرتاح وتشتكي بأسلوب ارق من كذا..وطبعا مارح يتحمل وحدهـ تصارخ طول اليوم فـ ياخذ اغراضه ويطلع من البيت..لأنه يلاقي وناسته وراحته عند اصدقائه ولو مو من النوع الإجتماعي رح يحط حررهـ في العمل بس لمجرد انه مايشوفها او يجوك العيال((يابوي نبغى فلوس_يابوي طلعنا احنا طفشانين...ألخ)) فـ يحس الأب بالتذمر يعني زوجه شكايه وابناء مزعجين وين رح يلاقي راحته مع هذا كله وأمر طبيعي رح يدور على الراحه خارج البيت يعني سبب المشكله تذمر الزوجه وازعاج الأبناء فحلها التخفيف من التذمر واختيار اسلوب افضل وتحذير ابنائهم من الإزعاج المستمر طبعا فيه اسباب أخرى لإهمال الزوجين البيت لكن أنا حبيت اعطي مثال لشرح قصدي وفي النهايه فيه نظريه اخذناها في الكليه ((معرفه الأسباب لحل المشكلات)) نظريه صحيحه يعني الواحد مايقدر يحل أي مشكله إلا لو شاف أسبابها في حال معرفه الأسباب رح نوصل للحلول بكل سهوله وفي الأول والأخير اللي كاتبه ربنا رح يصير اعتذر عن الإطاله ^_^ بالتوفيق الدائم للجميع |
السلاااام علييكم
مشاكل واسباب الطلااااق كثيره؛ نسأل الله العفو والعافيه. ومافيه احد يدري وش اللي يحصل بين المرأه وزوجها إلا الله سبحانه وتعالى.. وفي اعتقاادي الشخصي من اهم مسببات الطلاق هي: ضعف الوازع الديني. تأثير المسلسلات والافلام والقصص. الكذب والمراوغه و انعدام الصراحه بين الزوجين فنلاحظ كل واحد يرمي بالمسؤليه على الثاااني،يعني مستحيل يعترف بخطأه ويعتذر بالعكس راااح نلاقيه يبرر لنفسه الخطأ ويكااابر ويستمر فيه.. |
اقتباس:
تسلم اخويه.. زين رجعت الموضوع اتولهنا عليه<< فيس مبتسم نعود لمحور حديثنا<< فيس مذيع المهم.. وجود الاب والام.. له دور اساسي.. فهما اللبنتين الاساسيتين في بناء الاسره<< فيس حكيم نبدا بالابو.. وجوده مهم في البيت خصوصا اذا عنده عيال في سن المراهقه.. عاد هالسن الشباب يتفرعنون<< فيس صريح.. وتحرون اعمارهم كبار.. وهم حليلهم شنبهم توه بادي يخط<< فيس يضحك عليهم.. الام في هالمرحلة ما تروم تتحكم بهم شرات قبل.. يتجلى اهني دور الابو ولازم يكون ربيعهم هب ابوهم عسب يروم يوصل لهم<< فيس يتفلسف ووجود الام يبعث الاحساس بالامان.. والحنان في البيت.. دوم الام تعكس وجودها على اللي وياها<< فيس يبوس راس امه وابوه ولحل مشكله عدم تواجدهم.. لازم نعرف الاسباب قبل<< فيس يبحث شغل الابو والام سبب من اسباب ابيتعادهم.. طبعا الاثنين يملكون القدرة على ترتيب اوقاتهم.. وتخصيص وقت للبيت.. ولجسله عائلية ياخذون فيها اخبار بعض.. الالتزامات والمواعيد.. يعني الريال يظهر من الدوام ويروح يزور ربعه.. والحرمه ما عندها شغل لابسه عبايتها من بيت لبيت.. وينسون ان عندهم بيت وما يردون البيت الا اخر اليوم.. جنهم الا ساكنين في فندق<< فيس ينقد عليهم وغيرها من الاسباب.. لحل هذه المشكله يجب على الزوجين ان يجلسا جلسه مصارحة.. يذكر فيها كلن منهما رايه ويتوصلون فيها لحل مرضي للطرفين<< فيس يحب جلسات المصارحة تسلم اخويه |
السؤال
كيف بامكاننا تجاوز هذه المشكله بنظركم ؟ الحل اهوا ان كل واحد يعرف واجباته ومسؤلياته ويسويها مو بس يفكروون في انفسهم لازم يعرفون انهم مسؤلين عن اولاد. رب العالمين اعطاهم هذيلا الاولاد امانة راح ينسألون عنها يوم القيامة. لكن بعض الاباء والامهات مايفكروون غير في وناستهم والترفيه عن انفسهم وبس وتاركين مسؤلية اولادهم عند الخدم واذا صار انحراف في الاولاد وطاح الفاس في الراس جاء الاب والام يندبوون حظهم وليش اولادنا صار فيهم كذا . طيب شوفوا انفسكم اول وين كنتوا مشغولين فيه وينكم عنهم ليش هالانانية وحب النفس . الاب راح يللقى باللوم على الام ويقوول لها انتي المسؤلة لانك كله مشغوله بالطلعات والروحات والمسؤلية كلها على الخدامة والام بتللقي بالمسؤلية على الأب وبتقوله انت المسؤؤل لانك مشغوول في شغلك وطلعاتك ومع ربعك . ليش ماتجلسوون وتحللون مشاكلكم ومشاكل اولادكم . لازم كل واحد يغير نفسه وإلا الحياة راح تتحوول الى جحيم لايطااق والنهاية بتكوون الطلاق وضياع الاولاد. هذرت كثيير وهذرتي فيها عصبية وحدة شووي بسبب هالام والاب الانانيين .اعذروني. الف شكر لك اخووي المجنون صدقني اي احد راح يقرأ موضوعك ويستفيد منه لك ااجر وثواب من رب العالمين .تحيااااااااااااتي وجه الصباح /اللبؤة |
اقتباس:
الله يحييك كلامك صحييح وواقعي ويا كثر الي يشوف راحته برا البيت بينما يفترض العكس . اشكركnoode على الاضافه القيمه ربي يسعد ايامك برعاية الله وحفظه |
اقتباس:
هلا بك حنين كل اللي ذكرتيه واقع ومن الاسباب فعلا للطلاق وراح نتطرق لهذه الاسباب بالتفصيل ان شاء الله مشكوره ع الاضافه القيمه ربي يسعد ايامك انتي ومن تحبين برعاية الله وحفظه |
اقتباس:
الله يسلمك بوح كلك ذوق <<< فيس متشقق وناسه خخخ ربي يسعد ايامك ويحفظك برعاية الله |
اقتباس:
ههههه ان وجدت وفعلا يجب ان تقسم المهام والواجبات على الازواج وكل شخص يعرف الي له والي عليه وخاصه في التربيه ومراعاة الاولاد (كلكم راع وكل مسؤل عن رعيته ) ان شاء الله تعم الفائده على الجميع وصدقوني انا كمان استفدت منكم واكيد الثواب راح يعم الجميع ان شاء الله لكي مني اجمل تحيه ربي يحفظك ويرعاك |
نودي ..كلام عين العقل ..بس ماتشوفين معي ان الزوجه تتحمل ثلاث اربااع المسؤوليه ..
يعني الزوجه بأول سنه مو زي بعد سبع او عشر سنواات مثلا لانهاا بتكون مشغوله بالاولاد والزوج والبيت والمجتمع من حولهاا ..ومع هذا هي مطاالبه انها تكون متفرغه لشهريار في كل وقت ..؟؟؟؟ انا استغرب ان كثيير من الازوااج رغم مرور سنواات الا انه مايشوف الا نفسه ..والكم الهائل من المسؤلياات اللي على عاتق شهرزااد مايشوفها ..؟؟؟؟؟؟؟؟؟؟؟ همسه .. تدرون بناات حسيت ان المرأه تتحمل اكثر من الرجل في كثير من الامور .. واتوقع لو الشرع ماأوجب المحرم ..كان نترحم على حاال الرجااال خخخخ |
حسيت اني مغبره من دخلت هالقسم ..خخخ
سقى الله اياام المراسيم .. عسى ربي يعوضناا بغيرهاا ..>>فيس يلمح .. |
اقتباس:
هلا بك قمر انا معك ان الزوجه على عاتقها مسؤليات كثيره وربك ادرى بعباده ههههههههه عندي لك سؤال قمر ايهم تشيل مسؤليه اكثر المرأه الخليجيه والاالمرأة العربيه في نظرك ؟ |
اقتباس:
ههههههههههه ابشري ان شاء الله قريبا بس خلينا نركز شوي ربي يحفظك ويرعاك |
ايهم تشيل مسؤليه اكثر المرأه الخليجيه والاالمرأة العربيه في
نظرك ؟ جوابي هو سؤال .. وما الفرق ؟؟ هل ترى ان اختلاف الجنسياات له دور في تكوين المرأه او قدرتهاا على التحمل ..؟؟؟ المجنون اعترف من اي بلد نااوي ..؟؟؟؟ |
اقتباس:
المرأة تتحمل المسؤولية ايا كانت جنسيتها.. والجنسيه لا تعتبر مقياس لقياس درجة الاهميه تحمل المسؤالية عادت ما يصقل بالتجارب التي تمر على الفرد في حياته.. وتربيته ايضا لها دور مهم في تنميه تحمل المسؤوليه فيه ومن هذا المنطلق لا يمكننا تحديد ما اذا كانت الجنسيه تمثل دور في تحمل الجنسيه<< فيس يتفلسف |
الطلاق العاطفي !
السلام عليكم ورحمة االله وبركاتة
الطلاق العاطفي ! دورة واحداث رائعة - للدكتور عبدالله الفوزان كم يعجبني هذا الدكتور كثيرآ دائمن يتكلم بمصداقيه ..يتكلم عن واقعناا بعيدٍ عن المجاملات .. وحبيت انقل لكم محاضره له وان شاءالله راح تعجبكم .. . . . . بسم الله الرحمن الرحيم صكوك الطلاق في السعودية تتزايد بشكل مخيف ! الزواج عند شبابنا عادة وليس عبادة ! الأسرة السعودية هي قضيتي في الحياة ! المودة المذكورة في القرآن هي العاطفة ! الصغيرة سوف تفشل في الزواج ! لايوجد زوجة مفصّلة تماماً على الزوج ! المهر المرتفع وعدم موافقة الزوجة من أهم أسباب الطلاق العاطفي ! لم تكن ندوة البارحة للدكتور عبدالله الفوزان مع الإعلامي جاسم العثمان بعنوان ( الطلاق العاطفي ) ، بأقل إثارة وتشويقاً وفائدةً من سابقتها للدكتور طارق الحبيب .. http://ealjouf.jeeran.com/gaswrdh.jpg http://ealjouf.jeeran.com/gas4.jpg في الندوة أحداث كثيرة مثيرة : - جاسم العثمان يهدي الفوزان وردة حمراء ! - والفوزان يحتضن جاسم على المسرح ! والجميع قد خرجوا من القاعة وهم على قناعةٍ بأنهم كانوا في دورةٍ رائعة عن فن الحياة الزوجية .. الندوة بلا مجاملة لا للمحاور المخضرم الأستاذ جاسم العثمان ! ولا للضيف المتميز الدكتور عبدالله الفوزان ! كانت بحق قمةً في المتعة ، لذلك استمرت لمدة ( 3 ) ساعات متواصلة دون انقطاع دقيقة واحدة ، وانتهت والناس يشعرون بأن للحديث بقيّة ! http://ealjouf.jeeran.com/gas1.jpg جاسم العثمان بدأ الندوة بمقدمته ذات الطابع الخاص والمميز ، ثم فتح المجال للدكتور الفوزان الذي أشعل النار منذ البداية : http://ealjouf.jeeran.com/gas2.jpg يقول : " يحقُّ لي أن أقلق على الأسرة السعودية إذا علمت أن مقابل كل ( 3 ) صكوك زواج في العام ، ( صك طلاق ) ! وأن مقابل كل ( 60000 صك زواج ) في العام ، ( 20000 صك طلاق ) ! " وهذا – بحسب الدكتور عبدالله – مؤشر خطير لخللٍ كبير في المجتمع السعودي ، ودليل قاطع على أن الزواج في حياتنا أصبح عادةً ولم يعد في أذهان الشباب عبادة ! وهذا ماغرسناه نحن في قلوبهم ونشّأناهم عليه خلال السنوات الماضية من حياتهم .. ويعتبر الفوزان أن قضية الزواج والحياة الأسرية قضية دينية في الأساس وليست اجتماعية ، وأن الاستهتار بالحياة الزوجية إنما هو استهتار بالدين لأن الله تعالى قد أورد الزواج في كتابه الحكيم .. ثم يحذّر المجتمع من مغبّة ضياع الأسرة وتفككها ، مؤكداً بأن الأسرة إن تفككت فإنها ساهمت في انتشار الكوارث : مخدرات ، انهيار أخلاقي ، فقر ، أمراض نفسية ، جريمة ... ! ومن هنا ، جعل الدكتور عبدالله الفوزان من ( الأسرة السعودية ) قضيته في الحياة ، وبدأ دراساته ونشاطه في مجال إصلاحها وتقويم أحوالها .. وفي أثناء حديثه المؤثر جداً عن الأسرة وهمومها ، يشير إلى أنه لايوجد في مناهجنا ولا في حياتنا مايعلمنا الطرق الصحيحة للحياة الزوجية التي يعتمد عليها المجتمع ، ولهذا يدخل الشباب إلى عشّ الزوجية مثلهم مثل الذي يقود السيارة لأول مرّة ، فتراه يتخبط هنا وهناك ، إلى أن تنتهي الأمور إلى ( طلاق عاطفي ) وبعدها إلى ( طلاق نهائي ) ! وعن مفهوم الكثير من الشباب للزواج ، يقول الفوزان : الحياة الزوجية ليست كما يتصوره الشباب أنها حياة رومانسية كما تُصورها المسلسلات والأفلام ، لكنها خليطٌ جميل بين السعادة والمشكلات التي تحتاج إلى مهارة في التعامل معها .. والرسول عليه الصلاة والسلام وحياته مع زوجاته خير دليل على هذا الكلام .. والخلاف بالنسبة للعاقل ، هي مؤشرات إيجابية بأن هناك أخطاء تحتاج إلى إصلاح ، فوجود الخلافات يعني أهميةً قصوةً لوجود الحوار بين الزوجين ! كما أثار نقطةً هامة جداً ، مفادها أن الشاب مختلفٌ بيولوجياً عن الفتاة ، ولايمكن أن يتطابق الاثنان في كل شيء ، وأن مايحلم به الشباب من زوجات مفصّلاتٍ عليهم تماماً ، إنما هو حلمٌ صعب المنال في الحقيقة .. وعليه فإن على الشاب والفتاة أن يدركا أهمية التحوّل من حياتهم السابقة إلى الحياة الزوجية ذات المسؤوليات المتعددة والحريّات المقنّنة .. وعلى كل منهما أن يتحاشى سؤال الآخر : ( لماذا أنت لستَ مثل فلان أو فلانة ؟! ) بحيث لاتسأل الزوجة زوجها ولاتقارن بينه وبين أبوها أو أحد أشقّائها .. والعكس من الشاب مرفوض أيضاً .. يقول الفوزان : " الزواج عبادة والعبادة تحتاج إلى صبر ! " .. " الزواج لابد أن يكون بدافع الرغبة والقناعة ، وليس تحت ضغوط أسريّة من أجل إقناعه لرؤية أولاده والفرحة بزواجه " .. " الدين أعطانا وصفات علاجية وحين نتمسك بتعليمات الوصفة سوف ينجح العلاج وتتحقق فائدته .. " " من أهم أسباب الطلاق العاطفي عدم رؤية الزوجين لبعضهما قبل الزواج .. " " ومن أهم أسباب الطلاق العاطفي ارتفاع المهر وكثرة الدَّين على الزوج ! .. " " عدم استشارة الفتاة قبل تزويجها وأخذ موافقتها من أهم أسباب الطلاق العاطفي .. " " تأجيج الصراع من قِبَل الزوجين سبب رئيس في الطلاق ولابد من الهدوء عند النقاش على أي أمر .. " ثم يُشبّه الزواج بأنه دراجة ، وكلا الزوجين دراجة توازن السير بسعادة ، وإن كان في أحدهما خلل فالسير سوف يتوقف ! من جانب آخر أثار الفوزان أهميّة التلامس الجسماني بين الزوجين وأنه من أهم عوامل الشعور بالأمان والطمأنينة بينهما ، وهذا ماتفتقده الفتاة في مجتمعنا حيث تظل تنتظر فارس الأحلام الرومانسي الرائع لكنها تتفاجأ بزوجِ بعيدٍ كل البعد عن هذه الأجواء .. ومن هنا تبدأ الفتاة في البحث عن العاطفة والحنان من مصادر أخرى .. يقول : " الوردة لايمكنها العيش بلا ماء ، والمشاعر هي ماء الحياة الزوجية ، وبدونها سوف تموت العاطفة ويحدث الطلاق العاطفي ".. ثم يتساءل : " كيف يكون الرجل رائعاً مرِحاً لطيفاً مع الناس خارج المنزل ، وحين يعود إلى البيت يتحول إلى زوجٍ عنيفٍ لايعرف الحنان ؟! ".. وعن تأثر الأولاد بحياة والديهم ، يؤكد الدكتور عبدالله أن كلاهما يجب أن يكون قدوةً للأطفال ، فحين يلاحظ الأطفال اتفاق والديهما ووجود العاطفة بينهما فسوف يكون التأثير إيجابياً ، وأمام الجفاف العاطفي بين الوالدين سيكون سلبياً بلا شك .. ثم يدعونا للتأمل والتعجّب الشديد عندما يتساءل كيف نقرر زواج الفتاة من شخص معين وهي صغيرة ؟ بل وكثيراً مايقول أحدهم ( البنت التي ببطن زوجتي لك ! ) وكأنه قد حكم على ابنته بالنهاية قبل البداية ! تخيلوا : فتاة في عمر ( 18 ) سنة وتتزوج رجلاً في عمر ( 83 ) سنة ! ما الذي يحدث لو أن العكس حصل ؟ أي أن شاباً في سن ( 18 ) يقبل امرأةً في سن ( 83 ) ؟! ولعل الفارق العمري الكبير يدعو الفتاة للانحراف والهروب وأحيانا الانتحار إذا تواصلت عليها الضغوط بالبقاء معه .. ويواصل الفوزان الحديث عن الحب بين الزوجين على أنه لايقتصر على كلمات يرددها الزوجين فقط ، ولكنها بالتفاهم والانسجام والتنازلات والقدرة على إدارة الوقت .. مؤكداً بأن الزوجة هي أعرف الناس بزوجها والعكس .. ولهذا فإن عليهما قراءة رغبة بعضهما وذوقه وآرائه ومن ثم يتحمل كل واحدٍ منهما مسؤولية الآخر بلا تهاون ولا اتكالية .. وتُختتم الندوة بفلاشات هامة أطلقها الدكتور ومنها : " الرجل مثل الطفل ويحتاج فقط أن تفهمه المرأة وتعرف مفاتيحه " " لايمكن لأي مختصٍ اجتماعي ولانفسي أن يعرف الزوج أو الزوجة أكثر من بعضهما " " المكابرة والعناد والتمسك بالرأي مصيبة ، والتلذذ بتعذيب المرأة من صفات الساديين " " المرأة المتدينة معرّضة مثل غيرها للخطأ والفشل في الحياة الزوجية ، ومعرضة لأي مرضٍ نفسي لاسمح الله " " صغيرة السن ، لايمكنها أن تتحمل مسؤولية الزواج وستظل عاجزة عن تكاليف الحياة الزوجية ، لذلك حين نزوجها فإننا نكتب صك طلاقها وفشلها قبل أن تتزوج " .. أيها الأحبة .. لو واصلت سرد ماذُكر في الندوة من معلومات وتوجيهات واستشارات ومداخلات من الرجال والنساء ، سأحتاج المزيد من الصفحات هنا ، ولكنني أعتذر منكم .. سوف أتوقف عند هذا الحد .. وأختتم مؤكداً لكم بأن الندوة كانت غير عادية ، أبدع فيها كل المشاركين : الإعلامي المبدع والمخضرم جاسم العثمان .. الاستشاري الاجتماعي الدكتور عبدالله الفوزان .. السيدات الحاضرات في القاعة النسائية .. الأخوة الحضور في القاعة الرجالية .. وفي ختام هذه الليلة الجميلة ، تم تكريم الجميع من قبل مدير عام التربية والتعليم بالجوف المعلم / عبدالحكيم بن عبدالله الصالح .. http://ealjouf.jeeran.com/gas0.jpg ملاحظة : الوردة الحمراء كانت للتعبير عن أن الهدية والمشاعر الراقية هي السبيل لحياة زوجية سعيدة .. . . منقول للفائدة.. |
صباااح/مساااء..الخيرات
قمـــووورهـ تسلمين يالغلاا على النقل الرائع والمفيد بصراحه الدكتور الفوزان اسلوبه في الكلام رائع ماشاء الله ومقنع يعني يوصل الفكرهـ بطريقه تدخل العقل والقلب بسرعه..ماشاء الله.. * * طبعا دام الموضوع في قسم الحوار الجاد أكيد انه للحوار فـ حابه اعلق على نقطه ولو لقيت نقطه ثانيه بنط بإذن الله ^__^ عاد الله يعينك * * * وعن تأثر الأولاد بحياة والديهم ، يؤكد الدكتور عبدالله أن كلاهما يجب أن يكون قدوةً للأطفال ، فحين يلاحظ الأطفال اتفاق والديهما ووجود العاطفة بينهما فسوف يكون التأثير إيجابياً ، وأمام الجفاف العاطفي بين الوالدين سيكون سلبياً بلا شك .. * * * فعلا حياة الوالدين لهم أثر كبير على الأبناء سواء بوجود عاطفه او وجود جفاف يعني الأبناء بعد مايكبرو ويبنوا لهم مملكتهم الخاصه رح يطبقوا اللي شافوهـ من والديهم على حياتهم الجديدهـ يعني لو الأب حنون مع الأم رح يكون الولد حنون مع زوجته ومع ابنائه والعكس طبعا أنا ما أعمم لكن غالبا حياة الأبناء تتأثر بحياة الوالدين وكل ماكانت حياة الوالدين بعيدهـ عن النفور وقريبه من الألفه والتقارب كانت حياة الأبناء أفضل وانجح مشكورة لك يالغلاا مررهـ ثانيه وبإذن الله لي عودة لو انتبهت لشي او جا في بالي تعليق^_^>>مافي مفر بالتوفيق الدائم |
هلا بك نودي شرفتيناا بطلتك ..ياعسل ..
وفعلا مثل ماقلتي حيااه الوالدين تأثر تأثير جذري على حيااة الابناء .. والوالدين داائما يكونون قدوه امام ابنائهم .. سواء بالتصرفاات او بالعاداات ..مع ان فيه ابناء اذا بدر من الوالدين تصرف غير متقبل في نظرهم ..او الابناء يشوفون انه عيب بالشخصيه ..كالضعف مثلا تلاقيه يحاول يثبت العكس في شخصيته ..ويحاول يتمرد على اللي حوله ..كنوع من رفضه لصفه بشخصية ابوه ..او امه .. نودي حيااك ربي بكل وقت ..وياهلا .. |
اقتباس:
هلا قمر لا مو على اختلاف الجنسيات قصدت من السؤال ان المرأه الخليجيه بيقولوا مرفهه خادمه وقصر وسواق بينما المرأه العربيه في اغلب الاحيان تكون مشغوله بامور الحياة وخاصه لما تكون عايشه في الارياف الي قصدته هل انشغال المرأه عن بيتها واسرتها يؤثر سلبا على تربية الاولاد اذا كان نعم معناته ان الطفل الخليجي لازم يكون من افضل اطفال العالم واكثرهم ثقافه وعلم ولكن الواقع يقول غير كذا نقص في كل شيء ( اطباء ومهندسين ... الخ ) اين الخلل بنظرك من المسؤل الام الاب المجتمع طريقة التربيه . بس انوي راح اخبرك ههههههه برعاية الله |
اقتباس:
ايييه عادي تفلسفي خذي راااحتك لا لا انا قصدت التربيه يعني هل الرفاهيه تلعب دور في التربيه ؟ اسعدك الرحمن برعاية الله |
اقتباس:
|
اقتباس:
شوفي يالغلاا لو جينا للحق ان المسؤوليات مقسومه بين الإثنين بالعدل لكن الزوج او الزوجه هم اللي غيرو في القسمه هذي يعني الزوجه مسؤوله عن بيتها وعن زوجها وعن عيالها الزوج مسؤول عن بيته وعن زوجته وعن عياله الزوجه شغلها داخل البيت الزوج شغله خارج البيت الزوجه تعف نفسها وتحفظ غيبه زوجها الزوج كذلك لوجيتي تلاحظي ان كلا الطرفين له نفس اللي عليه لكن المشكله فينا يالبشر حبينا نغير هذا كله وهاتك يالفلحنه اللي ماسببت غير المشاكل بمعنى ان الزوجه طول يومها مع العيال لازم اول مايجي الزوج من عمله تتفرغ له يعني تنظم وقتها ان وقت حضور زوجها للبيت يعتبر ملكيه خاصه له ولها وكذلك الزوج اول مايدخل البيت يتفرغ لزوجته يعني ينظم وقته ان امور العمل في العمل فقط ولكن في حضورهـ للمنزل يعتبر ملكيه للطرفين لكن البشر ماعجبتهم الفطرهـ هذي وحبو يغيروها وفي النهايه صار الطرفين يناظرون لعيوب بعض وبدت المشاكل لسبب انهم غيروا شي ربي محكمه من سابع سماء وشي طبيعي الزوجه او حتى الزوج بأول سنه مو مثل اللي بعدها مو مثل اللي بعدها قمورهـ الوحدهـ او الواحد من يوم يتزوجوا المسؤوليات تكثر اعباء الحياة تكثر يعني يالله يقدر والواحد يحك شعر راسه فمستحيل نطلب تخفيف المسؤوليات عن الزوج او الزوجه لأن الله سبحانه وتعالى قال:((خلق الإنسان في كبد)) يعني امر طبيعي اللي احنا فيه لكن اللي موطبيعي لمن الواحد هو اللي يعنّي نفسه ويطلب شي فوق طاقه الطرف الآخر انا ما اقصد ان الرجل مظلوم والمرأة ظالمه ولا ان المرأة مظلومه والرجل ظالم لكن نحتاج هنا لتوازن من الطرفين والتوازن هذا مايجي إلا بالإلتفاته من كلا الطرفين على حياتهم وينظموها صح عشان تستمر صح اعتذر عن الإطاله ولو كلامي منفصل عن بعض اقروا وعدوها هههه كل مايجي في بالي ينكتب و.. اقول خل اسكت لأن بديت اخربط الله يستر علينا وعلى الجميع بالتوفيق الدائم ^_^ |
اقتباس:
ماراح نتوسع اكثر لانه فعلا راح نشطح حبتين ولكن ارى ان الفرصه الان متاحه وبشكل جيد خاصه ان التعليم ميسر وان الوسائل متاحه واتمنى ان كل ربة بيت انها تضاعف الجهد مع ابنائها لانه اليوم فيه فرص يمكن غدا ما تكون موجوده وما عندهم عذر ابدا مشكوره قمرع الاضافه ربي يسعد ايامك برعاية الله |
اقتباس:
هلا بك نودي هههههه لا كثرالحكي يصير الواحد ما يجمع خخخخ ولكن الامور ماشيه معك للان :lol: اوك مشكوووره نودي ع الاضافه القيمه ربي يسعد ايامك ويحفظك برعاية الله |
رجعنا للطلاق قمر
هههههههه اوك موضوع قيم وخاصه انه انتي الي جايبته خخخخخخخ بجد الدكتور الفوزان متمكن وعنده اسلوب قوي في العرض والاقناع راح اعلق على النقطه الي بتقول وعلى كل منهما أن يتحاشى سؤال الآخر : ( لماذا أنت لستَ مثل فلان أو فلانة ؟! ) بحيث لاتسأل الزوجة زوجها ولاتقارن بينه وبين أبوها أو أحد أشقّائها .. والعكس من الشاب مرفوض أيضاً .. بجد هذي النقطه انا استوقفتني لانه المقارنه تولد الشك والغيره وتدفع للانتقام وخاصه اذا تمت المقارنه بين اناس من العائله او من الاصدقاء ايضا المخدرات ودورها في افشال الحياة الزوجيه واكيد لا يخفى على الجميع المشاكل المترتبه عليها مما يؤدي بالنتيجه الحتميه لتدهور العلاقة بين الزوجين . اسعدك الرحمن قمر كلك ذوق برعاية الله وحفظه |
:8_4_134:
السلام عليكم ورحمة الله وبركاته اليوم جايب لكم سبب رئيسي للطلاق وتعاني منه الكثير من الاسر وخاصه هذه الايام الي هي انتشار ظاهره المخدرات بين الشباب حمانا الله واياكم انا متأكد ان كل شخص يقرأالموضوع الا يتبادر لذهنه شخص معين قريب او بعيد واقع في هذا الداء ضعف بالدين اختلال في التفكير الشك بالشريك ... الخ وفي النهايه الحياة تصبح صعبه ومره نكد ومآسي قد تعاني الزوجه ضغوط نفسيه وقد تصل الى الضرب المبرح ...الخ هل باعتقادكم ان اللادمان على المخدرات سبب للطلاق ؟ وهل الادمان يؤدي الى العنف الاسري ؟ برعاية الله |
أشكرك أخي الكريم على هذا الموضوع المهم..والحمدلله..أن الله سبحانه أحل الطلاق..ويكون في بعض الأحيان رحمه للزوجين والأبناء......تقبل مروري
|
الطلاق لهأسباب كثيرة..ممكن كما تفضلت يكون من أسبابه..العنف.. الإدمان..الخيانات الزوجية..وغيرها الكثير..وممكن يكون الطلاق هو الحل..وممكن يكون..سبب للمشاكل ..أشكرك مرة أخرى على هذا الموضوع
|
اقتباس:
|
صباح/مساء..الخيرات
بصراااحه سبب مهم وخطيــر لكن لي عودهـ للتعليق بعد ماأروّق بإذن الله بالتوفيق الدائم |
الساعة الآن 03:44 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية