حاله محيره
 

السلام عليكم

اولا شكرا ليكم على ردكم على الشكاوى بتاعتى اللى فاتت وربنا يكرمكم بس هو كان فى شكوى لواحده صديقتى وكنا عاوزين نعرف رأى الدكتور خالد فيها يا ريت

هى وزنها 80 وطولها 165 ومفيش امراض ولا حساسيه ولا شىء ولا أمراض وراثيه وعملت عمليه قبل كده هى ولاده قيصريه

هى عندها ولدين وبنت ومش عاوزه تخلف خلاص بس هى راحت تركب شريط علشان منع الحمل والدكتور وهو بيركبه قالها ان فى مشاكل ولازم تعمل أشعه تليفزيونيه ولما عملتها راحت لدكتور جراح وقالها ان هى عندها ورم ليفى ..ولازم عمليه علشان يشيل الورم ده وبعدين راحت لدكتور جراح تانى وقالها ان فعلا هى عندها الورم وان هو ممكن يعمل ليها عمليه يشيل الورم وبس من غير ازاله الرحم بالكامل بغرض ان هو يحافظ ليها على الرحم وهى طبعا مش عاوزه تحمل تانى بس علشان يحافظ ليها على الصفات الانثويه لان هى عمرها 40 ومش عاوزه تحمل لكن طبعا لسه بدرى على انها تشيل رحمها وكده ...
بعدين نصحها البعض تروح لدكتور نسا وتوليد ولما راحت كشفت طلب انها تعيد الأشعه وقالها ان ده مش ورم ليفى لكن ده تليف فى الرحم وان هو بيعرف يعمل نفس العمليه اللى الجارح قال عليها وان هو ممكن يشيل ليها التليف وان هى معندهاش أى اورام وان برده هيحافظ على الرحم

هى دلوقتى فى حيره هل اللى عندها ده تليف ولا ورم ليفى وهو ايه الفرق بينهم ولو ينفع احط ليكم صوره الاشعه والدكتور خالد يقولنا هو تليف ولا ورم ليفى ؟

تانى حاجه هو لازم نعمل العمليه دى وهى ايه مدى خطورتها وهل فى طرق علاج تانيه ؟

واخر حاجه هو الورم ده لو ترك فتره ممكن ينتشر وكده هو الموضوع من 6 شهور تقريبا ؟ وهلى مرعوبه بسبب الموضوع ده

شكرا ليكم وربنا يجزيكم كل خير

شكرا لكم على مجهودك الكبير

بجد ربنا يكرمكم ويجعله فى موازين حسناتكم ..

لى أستفسار لو ممكن حضرتك ترشح لنا أسم طبيب ثقه فى أمراض النساء نجرى عنده العمليه لأننا أحترنا مع الدكاتره ولو ممكن يكون فى رساله خاصه وشكرا جزيلا لكم

خلاص ختيه ان شاء الله بعطي الدكتور خبر لان حاليا مشغول وما يحدر شرات قبل

شكرا على مجهودهكم الكبير

ربنا يوفقك ويعلى الخير اللى بتعملوه ده اكتر واكتر

فى أنتظار راى الدكتور