ألم شديد فى الدوره الشهريه
 

السلام عليكم

شكرا ليكم بجد وربنا يجزيكم خير

انا عمرى تقريبا 22 سنه ووزنى وطولى مظبوطين عادى ومفيش امراض وراثيه ولا زيارات للطبيب ولا كحول ولا أى شىء

أنا شكوتى انى أيام الدوره بيكون عندى الم شديد جدا ..هى منتظمه كل 28 يوم وبتفضل 4 أيام تقريبا لكن المشكله ان بيكون عندى الم فظيع جدا جدا طول الأربع ايام ..طبعا انا عارفه أن الالم شىء طبيعى فى الفتره دى بس انا مش بتكلم عن ألم عادى الالم بيكون فى منطقه الحوض وبيوصل حتى الفخذين بالكامل لدرجه انه بيشلنى عن الحركه تماما..

كنت عاوزه كمان أقول شىء مهم وهو أنى لى اختين اكبر منى والاتنين مجوزين وللأسف مبيخلفوش هل انا عقيمه مثلهم والالم هذا هو الدليل او علامه على مرض عندناكلنا ؟؟

اه نسيت كمان فى نص الشهر بحس بالم شديد فى منطقه البطن تحت كده شويه كانشكه دبوس أو نغسه سكين ..

أرجوكم فهمونى وايه العلاج ولا حالتى ليس لها علاج انا لم اذهب لطبيب ووالدتى متوفيه ومعى فى البيت والدى فقط وطبعا اتحرجاقوله الشكوى ومش عارفه اعمل ايه ياريت تساعدونى وشكرا لكم