|
دجــــاجة أمــي ...؟؟؟
السلام عليكم ..
دائما نتعجب من تلك النار المتأججه بين النساء وخااصه بين (الضرتين ) والتي لم تسلم منها حتى الصحاابياات رضوان الله عليهم .. اليوم موضوعي يدعوا للغرابه لحد التعجب ..والذهول ..!!! ودائما نقول للغيره بين البشر حكااياات غريبه ..؟؟ وانا اقول لدجااجه امي حكاايه أغرب....!! فهي ليست من وحي الخياال بل حقيقه رأيتها بعيني .. ......... لدى امي مزرعه صغيره بمنزلنا..ولحبها للطيور والحيوانات احضرت دجاجه وديك .. لتستمتع برؤيتهم ولترقب بيضها كل يوم .. تقول امي بعد ان مضت سنواات على بقاائهم عندي...تغير حال الدجااجه اصبحت تهرب من الديك كلما اقترب منها او تقوم بطرده ..فتوقفت عن انتاج البيض ..فضننت انها قد كبرت ..!! ازداد حجم الدجااجه مقاربا لحجم الديك ..واصبحت تصعد فوق الشجره وتقوم بتقليد الديك في الاذاان !!!! تعجبنا منها كثيرا لأول مره ارى دجااجه تنقلب ديكا ..!!!! لم تنتهي الحكايه ..فهنااك العجب ..!!! تقول أمي ..بعد ان يأست من ان تبيض هذه الدجااجه ..احضرت دجااجه اخرى لأرى البيض مرة اخرى ..كل يوم .. ولكن مارأيته أذهلني .. دجاجتي الاولى انقلب حالها ..اصبحت تلاحق الديك اينما يذهب ..وتغير صوتها بعد ان كانت تأذن كالديك...!!! اصبح صوتها كالدجاج ..والادهى من هذا انها اصبحت تبيض كما كانت سابقا ..؟؟؟ لله درك من دجااجه ..؟؟كل هذا بسبب (الجااره )؟؟؟؟؟ سبحاان الله .. هل الغيره تفعل المستحيل ..؟؟؟ هل لهذه الطيور احسااس ؟؟؟ حياتهم فيها العجب ؟؟؟ ولو قاله لي احد اخر لما صدقته ولكني رأيته بأم عيني .. فقصة هذا الدجاجه تدعوني دوما للتأمل في حال البشر ..؟؟ لماذا يريدون منا ان نتقبل الاخرى بصدر رحب وهذه الدجااجه لم تملك نفسها ..؟؟؟ ولنا في حيااه الانعااام العبر ..!! والان مارأيكم بقصتي هل ترون معي ان الغيره تمشي بدم كل أنثى مهما كان نوعها ..؟؟ ومن المستحيل ان ترضى بشريكه اخرى ..مهما قالوا ..؟؟ لكل انساان وجهة نظر ..ولكل انثى غيره بشكل اخر ..!! |
ههه قصة جميلة جدا
الغيرة موجودة في قلب كل انثي و لكنها كالملح اذا زادت عن الحد اصبحت مكروهة شكرااااااااا علي الموضوع الجميل |
سبحان الله قصة غريبة بس اكيد ان الغيرة غريزة اساسية لدى البشر عموما وبشكل خاص لدى المراة وقد كانت ام المؤمنين عائشة رضي الله عنها تغار من ام المؤمنين خديجة وعن عائشة رضي الله عنها قالت : ما غرت على امرأة للنبي صلى الله عليه وسلم ما غرت على خديجة هلكت قبل أن يتزوجني لما كنت أسمعه يذكرها وأمره الله أن يبشرها ببيت من قصب وإن كان ليذبح الشاة فيهدي في خلائلها منها ما يسعهن فاكيد ان المراة لن ترضى بوجود شريكة لكن عندما يكون لديها شريكة فسوف تحاول العيش فذلك شرع الله ولن تعترض عليه بحفظ الله ورعايته موووودتــــــــــــــــــــــي |
اقتباس:
أكيد الغيره مخلوقه مع كل انثى ..وزياادتها عن الحد المطلوب تكون كاارثه ..!! |
اقتباس:
راح تكون المملكه مقسومه نصين ..وهذا بحد ذااته راح يكسرها .. ويمكن في مواطن قليله راح يسنعها ..اذا كانت مقصره .. يعني تقدرين تقولين انه سلاح ذو حدين ..>>عسااه مايدخل عليناا وللمره الالف أقول احنا مانعترض على الشرع .. بس الغيره عند بداايه الصدمه تكون قاااتله ..>>والله غصب مو بيدينا شاكره لك تعقيبك ..يالغاليه .. ودي لك .. |
قصه جميله جدا ومن المؤكد ان بها عبره والأناث على اصنافهن لا بد وان تملك شيئا من الغيره وليس من الضروري ان تكون على الزوج فقط فالأنثى مياله بطبعها إلى نوع من حب التملك المباح اي لا تقبل الشريك في ما هو حق لها وان كان التملك عند بعض النساء مما يدعو للسخريه لصغر عقولهن ومحدودية تفكيرهن
|
السلااام عليكم..
يااعيني ياا النووري على هالموووضووع الحلوو.. تدرين عاد انا احمل امتس الله يخليها لكم المسوؤليه.>>فيس يقول لاتستغربين. انتم ماتعرفون المثل اللي يقول من عاشر القووم اربعين يوم صاار منهم. وهذي لها سنين مع هالديك . هذي بعد فاائده ثاانيه ناخذها من هالقصه.. وين تصير انثى وهالدجاجه ماشافت من سنين الا هالديك.؟؟. اكيد قامت تسووي مثله تلقين امتس جاابتها وهي بزر وماعرفت في هالحياة من الدواجن الا هالديك.. ولما جابت امتس دجااجه ثاانيه تذكرت الاولى اصلها وبدت ترجع له هههههههههههه>> فيس يقوول هااه لاا تضربين..هخهخهخه شفتي كيف ماما زارا ذكيه وقدت تستنبط قصه ثانيه من هالقصه>> فيس يقوول ليتس مااجيتي ولاقربتي هالموقع حستيه بخبالتس وهو للطرح الجاد..هخهخهخهحخه النووري قلبي لاتزعلين من ماما زاراا بس وقسم بالله من قريت اقتباس:
ياحليها هالدجاجه شكلها محششه..ههههه احم احم.. معليش النوووري اعذري خيالي الخصب والضحل بنفس الوقت..>>فيس يقول اخيراا عرفتي..هخهخهخه شووفي ياا النوري الغيره موجوده صح بس اتوقع عند الانساان اكثر منها عند الحيوان.. واتووقع بعد انها موجوده عند الحيوانات..وخصووصااا الحيوانات المفترسه... موجووده عندهم ومرات اشووفها ببرامج التي في.. يعني هي موجوده بس يمكن تكون مؤقته مو مثل الاوادم تسري فيهم مثل ماتسري النار بالهشيم.. وخصووصاا عند الحريم.. غيورات من كل شي حتى لو على شي مايسوى؟؟ بس عاد اذا بتغار على زوجهااا معها كل الحق..لكن اهم شي ماتكون هالغيره مرضيه وتووصلها لانه يأذبها فعلا بالزوجه الثانيه>>> فيس يقوول طيب هو من يأدبه..؟؟هع النووري والله اني استاانست وانا اقرأ هالقصه ممتعه صرااحه.. وقوولي لامتس ان كان عندها غنم يكونوون اكثر من شكل.. بعد ماندري بكره الا العنز تحسب روحهاتيس ؟؟>> فيس يقول وش هالخيال المعفن..>> وفيس ثاني يقوول للفيس الاول صدقت.. والله رووعه ياا النووري القصه وممتعه ولوولاا اني عارفه انتس تموتين على سوالف ماما زارا مااخذت رااحتي كذا.>>فيس يرسل لتس بووساات من هنااا الـــــى بيتكم.>> وفيس ثاني يتبعه بقلوووووووووب.. مشكووره النوووري على هالموضوع الحلو.. |
وعليكم السلام ..
هههههههههه ماماتي ..مشكووره على الرد ..شكلي بقوله لأمي على مسمع من الدجااجه .. هههههه انا معاك ان الغيره في الحيواان مثل ماهي في الانساان .. بس ان حاالتها تنقلب مثل حاال هالدجااجه ابد ماتخيلته !!!! تدرين عااد ان هالدجااجه اعقل بكثير من حريمناا ..يعني من شاافت الديك جاايب لها جااره قاامت تتميلح عنده..وتحااول تكسبه ..بحركااته وصوتها اللي تغير ..!!! بعكس هالحريم اللي من تشوف الجااره تقوم الحرب العالميه الرابعه ..ومن تشوف زوجها تصك الباب بوجهه ..>>هالحريم عليهم عجب...!!!!!>>وأنا منهم ههههه جعلنا مانشوفهاا ياارب .. الزوري مشكووره غنااتي على الرد اللي يوسع الصدر .. ولو ماكان هذا ردك قلت انتي مو ماماتي ..خخخخ دعواتي الصادقه لروحك الطيبه .. |
ههههههههههه
القصه حلوه قمر بس والله ما فيه احد مستانس غير ها الديك فديته:lol: الله يديم عليه السعاده الابديه عليه كان مثل اليتيم وها الحين صار مثل الملوك ههههههههه الله يجزاك خييييير قمر يا ريت تتعضن بها الدجاجه وترضن ازواجكن قبل لا يطيح الفاس بالراس ربي يحفظك برعاية الله |
شـكــ وبارك الله فيك ـــرا لك ... لك مني أجمل تحية .
|
جميلة جدا شكرا لك
|
صراحة قصة غريبة
وسبحااااااان الله الغيرة شيء طبيعي في قلب كل انثى واذا احبت شخصا غارت عليه فالغيرة قد تكون جميلة تشعر الزوج بالاهتمام والحب والغيرة تختلف عن الشك فالشك هو اساس دمار البيوت لانه عاده مايكون في غير محله وعادة مايكون سبب لمعيشة سيئة والفاظ اسوأ بين الزوجين تقبلي مروري اعجبني ما طرحته لنا هنا |
السلام عليكم
اولا يعطيك العافيه يالنوري على ذا القصه العجيبه الغريبه بس والله ماقهرني الا ذا الديك العله يامن يقضبني رقبته واعلمه زين يجيب لم بيضه جاره قليل الحيا اما الدجاجه والله يادجاجه خاله ام النوري ان حالتك صعبه مووووت اجل تقلدينه وتنافسينه وتسلقين بذا الشجر وتبين تاذنين احسه دواك ليش تهملين ديكك ويوم جات الجاره عورك قلبك وتسنعتي النوري والله قصه عجيبه وغريبه وموثره جدا الله يبعد عنا وعنك وكلمن نحب الجاره ويحفظ لنا ازواجنا ومايشوفون غيرنا |
اقتباس:
معنى هذا ان الغيره في الحيوااان قد تكون اعظم ..>>ليش لا شاكره لك تعقيبك .. |
اقتباس:
شاكره لك اطلالتك ..في قسم الحوااار الجااااااااااااااااد .. |
اقتباس:
شاكره لك اطلالتك .. |
اقتباس:
صحيح الغيره قد تكون سلاح ذو حدين ..اما حرب ضرووس تنهك كلا الطرفين .. او طريق آمن يشعر الطرف الاخر بالاهتماام ..والحب .. شاكره لك أنفاسك العطره هناا .. |
اقتباس:
شاكره لك يالغاليه اطلالتك البهيه ..ياليت تشرفيناا على الدواام .. |
اعتقد ان الغيره مو بس في قلوب النساء فقط بل توجد لدى الذكورايضا واكيد كل مراءه تكره الجاره ووجود اخرى تشاركها زوجها |
اقتباس:
لكن تتوقعين ايهم اشد غيرة الرجل ام غيرة المرأه ..؟؟؟؟ شاكره لك اطلالتك .. دمتي بود .. |
السلاام عليكم ورحمة الله وبركااته
قمــورهـ اخبارك يالغلا؟؟ تسلمين حبيبتي قصه رائعه الغيرة غريزة في كل كائن حي سواء رجل او مرأة انسان او حيوان حتى بين النباتات فيها غيرهـ سبحان الله وانا اشوف مثل ما المرأة تغاار بعد الرجّال يغار ويمكن غيرهـ الرجل أكثر من المرأة وصدقيني أصعب شعور بالنسبه للمرأة لمن تكون ملكه في عرش مملكتها وبعدين تجي وحدهـ وتشاركها هذا الملك بصراحه شي قوي والرجل كمان يكون عند حرمته مثل الملك ومع اول طفل تبدأ اهتماماتها تروح للطفل هذا ونلاقي كثير رجال يغارون من عيالهم وخاصه لمن يشوف ان الإهتمام اللي كان له كاامل صار في حد يتقااسمه معااهـ يعني سبحان الله شي فطري محد يقدر يتخلى عنه بغض النظر عن سبب الغيرهـ لكن الغيرهـ موجودهـ الله يعطيك العافيه حبيبتي بالتوفيق الدائم |
| الساعة الآن 09:09 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية