منتديات ليلاس - شابت وهي توها بنت

دكتور تكفى وقف الدرس لاهنت...
وشلون ابفهم حط نفسك مكاني ؟؟

لا صار خلي هو حبيبك وأنا انت..
وتشوف خلك رايح لشخص ثاني ؟؟

دكتور امنتك امانه وآمنت..
منهو وفا فينا ومنهو اناني ؟؟

امشي بدربه ولا انا ما تعينت ..
الا وجرحه عن دروبه حداني ؟؟

تمكن بجرحي وانا ماتمكنت ..
تمكن بغدري بعد ماعماني؟؟

احسنت في ظني ولاظني احسنت ..
احسنت في ظني وظني عصاني ؟؟

دكتور دوني اذا ماتدونت ..
عبره لغيري دام ربي بلاني ؟؟

السالفه شابت وهي توها بنت ..
ماتت اماني بس تبقى اماني ؟؟

دكتور تدري كمل الدرس هونت..
خلاص ابفهم دام خلي نساني؟؟