|
لو كنت مكانها ماهي ردت فعلك ؟
السلام عليكم
مرحبا اعزائي الغالين اعضاء ليلاس اليوم جايه وجايبه معاي تجربه شقيقتي الجامعيه مع دكتورتها للاسف تحمل الجنسيه المصريه (اللي اربى باخوني المصريين الاشقاء ان يكونو على شاكلتها وجايبتها لكم من المنتدى الاصلي اللي بتكتب فيه اختي اتمنى الاقي حل السلامـ عليكمـ ورحمة الله وبركـاتـهـ هذي سالفهـ حرمت عيني النومـ السالفه الي ابغى اخبركم عنها وآخذ أراءكمـ فيها بكل أمانهـ..ومصداقيه اسمعوا// دكتورتنا الله يخس ابليسها..طلبت مننا بحث أو ترجمهـ مقابل 20 درجهـ يعنني حياهـ أو موت عاد احنا تحممممممممممممسنا وسوينا بحث وزاحمنا والشارع فاضي..وإذ فجــأةً قالت /بوصّوا يابنات انا مش عاوزا بحس أنا عوزا ترقمـهـ وجينا حنا بكل دلاخـه وأخذنا الاوراق ورحنـا للمكتبه بنترجم عند شخص ((دلتنا عليه)) <ركـزوا ع دلتنا عليهـ قال انه تحتاج المبلغ الفلاني..وقمنا حسّبنا..حسّبنا..وصارت القطّيه بيننا 30 ريال سأودي<<كشته ذي حلووووووو _لا مو حـــــــــــــــلو لأن الست المصونهـ شكل المبلغ ماعجبها..أو أنها تهاوشت مع راعي المكتبه شريكها في النصبه فقالت/خلص يابنات ..كوول وحدا تقيب ((خمسين رياااااااال)) وانا هأترقمــهالكوو بمعرفتي..!!!!!!! كيف يعني نعطيها خمسين..وتعطينا عشرين درجــهـ يعني الدرجــهـ بريالين ونص وين عااااااااااااااايشين..!! ماكأن في شي مو مريــــــــــــــح في السالفـه طيب الحين أنا وش اسوي..!! شوركــــــــــــــمـ ..يا أكارمـ |
السلام عليكم
مرحبا بنوف واختها والله يعينكم على ما ابتلاكم بس شي مو جديد الزمن هذا صار زمن المصالح لو انتوا اتكلمتو و رحتوا اشتكيتوا عليها امكن السالفه تتطول وتأخد ايام وشهور وفي الاخير العشرين درجه طايره طايره لا محاله والاكيد انك بتسقطي في الماده ولو اتجاوبتوا معاها اكيد راح تجون اخر السنه وانتوا رافعين روؤسكم انا عن نفسي كنت راح اعطيها لان عارفه اني لو ما اعطيتها انا كانت اخدت من غيري ونجحوا الي اعطوا وانا قعدت عندها بس بأدعي ليلي ونهاري انها ما تتهنى في قرش واحد وهذا كله راح يرجع لعيالها واحبتها ربي راح يوريها فيهم.. وبعدين يا نوف هالشيء مو بس في الجامعات ومدارس البنات لا الاغلب عند الاولاد انا اخوي بثاني متوسط الاستاد ما اعطاه درجة المشاركه الا لما اخد عشرين ريال فلما سألته ليه تعطيه قال عادي اصلا انا ما اشارك معاه ليه اتعب نفسي واشارك وواحد ثني نايم طول الحصه ويجي اخر السنه ويعطيه العشرين ويأخد الدرجه الكاملة وانا اسوي زيه يعني هم السبب في تدني المستوى الدراسي .. وكمان واحد من جماعتنا ولده كان راسب في الصف السادس الابتدائي في مادة من المواد استاذه كلم ابوه وقله انجحه لك بألف ريال وفعلا اخد الالف ونجحه لاكن روحي شوفي الحين امه كيف متعذبه معاه مو فاهم شي مدرسين وجابو وهم بنفسهم شرحوا ما يفيد معاه شي كيف بيفهم والاساس مو صح .. يس حابه اقول لهم كلمة حاسبوا نفسكم قبل ان تحاسبوا و حسبي الله ونعم الوكيل .. الزائـــــــــــــــــــره ×× زوزو ×× |
اقتباس:
بس ياشيخه رشووووووووووووووه ولعن الله الراشئ والمرتشئ والرائش يعني اشوف درجات الاخره اهمميه مره من درجات الدنيا والا اش رئيك |
يالله وش هالزمن اللي الدرجات فيه صارت بفلوس
قمنا نصرف على التدريس والمدرسين والمدرسات من جيوبنا هذا اسم ان الدراسة مجانا عندنا اجل لو بفلوس وش بنسوي بنروح نشحت عشان الجيل الجديد يتعلم. المفروض اختك وصديقاتها مايسكتوون واضح ان الموضوع فيه مؤامرة واتفاق الله يعينهم واذا مادفعوا راح ترسبهم واضحه السالفه . نوف الله يعين اختك وتسلمين على طرح الموضوع والله يعافيج تحيااااااااااتي وجه الصباح/اللبؤة |
السلام عليكم... صباح الخير اختي نوف.. شر البلية مايضحك..!!! والحركات ذي مو مقتصره او محتكره على جنسيه معينه.. ولا على وظيفه او منصب محدد.. وللأسف تعاملنا السلبي هو الي يشجع مثل هالاشكال..ويقويهم علينا وآكيد هالدكتوره مآتجرأت وطلبت هالمبلغ الا وهي عارفه ومتأكده انها بتحصل الي تبيه..واكيد بعد انها مو اول مره ويمكن لو سكتو لها ..رح تعيد هالحركه سنه بعد سنه.. ورح يزيد المبلغ طبعا مستغربه!! كيف هالدكتوره ..والي على شاكلتها..عايشين..؟؟ وكيف احنا عطيناهم فرص لاستغلالنا..؟؟ والغريبه ..اغلب الاجانب ..ماخذين صوره عنا( يالسعودين )..انآ قاعدين على بنك..وانآ مستعدين ندفع اي مبلغ مقابل منصب او وظيفه آو..آو..!! وحياتنا اليوميه تعج بالامثله... لو انا بمكان أختك...ماسكت عن هالدكتوره..وعن الأخطاء الي ترتكبها ولا اتركها تستغل حاجتي للعلامات ..وتلوي ذراعي.. والله يكون بعون ها الطالبات الي ربي ابتلاهم بـ( دكتوره) اكبر همها..(المكاسب الماديه) ود لاينضب |
| الساعة الآن 11:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية