|
يوم مليء بالمغامرات
السلام عليكم ورحمة الله وبركاته .. مسآءكم خير .. أخباركم ياأغلى ناس؟! إن شاء الله بخير وصحة .. اليوووووم يووووم غير << مثل جده غير :toot: يوم مليء بالمغامرات اليوم كان عندي محاضرتين شرح طبعاً الأولى أوكلنا المهمة لأحد أفراد مجموعتنا :lol: << من أولها كسل ههههههه طبعاً كانت محاضرة رائعة كلها ضحك ههههههه كان الأغلب خايف من الشرح .. طبعاً من كل مجموعة قامت وحده تشرح وإذا صار خطأ أو غلطت بيصير تفاعل وضحك :mo2: المحاضرة الثانية طبعاً بعتبرها فاصل في حياتي هذه المحاضرة تعتبر نقلة كبيرة بالفعل طبعاً شرحت في هذه المحاضرة وكانت هذه ثاني مرة أشرح فيها كان فرق بين أول محاضرة شرحت فيها وكنت خايفة وأرجف وباين الخوف في صوتي وفي حركاتي لكن هذه المحاضرة غير بعتبرها نقلة كبيرة في حياتي << خلاص صدعتينا بالنقلة ههههههههه:lol: طبعاً وقفت وشرحت والحمد لله ماكان فيه خوف وحركاتي كانت متزنة وكل شيء كان تمام أنا أستغربت من نفسي هههههههههه أجل فيدوو توقف أمام أستاذة وعدد كبير من الطالبات وعم تشرح ولا تخاف .. شيء غريب :toot: بس الحمد لله تخطيت خجلي وخوفي من الوقوف أمام عدد من الأشخاص وإلقاء شرح بجد فرحانة من هالشيء :dancingmonkeyff8: وأخيراً عند عودتي للبيت وفي أثناء الطريق شاهدت عدد كبير من المدرعات الحربية هذه المدرعات كانت في وجهتها للحد الجنوبي بجد منظر رهيب تتقشعر منه الأبدان ففي داخل هذه المدرعات أشخاص ذاهبين للدفاع عن وطنهم أشخاص ودعوا أهليهم وأقاربهم وجيرانهم وهم لا يدرون هل سيعودون إلى أهلهم أم سيموتون دفاعاً عن هذا الوطن رأيت جموعاً من الشباب منهم من يصور والآخر يقف وقفة خوف ورهبة من هذا المنظر والآخر يقف وقد إكتست معالم وجهه الحزن .. وددت لو صورت هذه المدرعات لكن بقيت متفرجة وأحسست بالحزن وفي الوقت نفسه لهجت بالدعاء بأن الله يحمي الحد الجنوبي ويحمي جميع بلاد المسلمين .. فعلاً يوم مليء بالمغامرات .. |
السلام عليكم مساك الله بالخير حفودة مغامرات وتحديات صعبة ماشاء الله ههههه واخيرا تغلبت عن خوفك امام الطلاب تهانينا من الاعماق وشكرا لمشاركتنا بمغامرتك واخيرا الله يكون في عون شبابكم المناضل الله يسترها عليهم دنيا وآخرة وينصرهم كمان وكمان يارب مشكوووووورة فيدوا على مشاركتنا احداثك ههههه تقبلي مروري |
السلام عليكم
فيدووووووووو الله يوفقك تصدقي موقف تحدثك امام جمع غفير اشوفه انجازكبير تدرين احنا ساعات نعمل شئ في موقف نستغرب ردت فعلنا وممكن لما ينتهي الموقف نشغلها صيحه من الصدمه راح احكيلكم على موقف صار لصديقتي الحساسه بقوه تقول كانو يوم مجتمعين هما والعائله في بيت الوالد المهم ولد اخوها عمره تقريبا سنتين ومشاكس درجه اولى وكثير الحركه المهم يركض الولد وراء الكره ويصقع في عابر الباب وتشتغل الاشاره الحمراء (الدم )من الفلعه اللي في راسه امه عماته الكل يصارخ ويبكي الجده كانت بعيد تقوم صديقتي اللي تخاف من طاري الدم وتشيل الولد وتغسل الوجه توقف النزيف تكلم ابو الولد اللي كان في مجلس الرجال يشيلون الولد يودوه المستشفى ويخيطو جرحه وينتهي الموضوع عند الكل الا عند صديقتي اللي تنفجر في بكاء مر استمر يجي ساعتين وبدال ماكانت تطبب جراح صار البيت مكبتلشين كيف يسكتوها ********* منظر الدبابات بصراحه انا ماعمره مر على في الطبيعه غير في tvالله ينصرهم يارب وجد يعور قلبي منظرهم في التي في بشكل رهيب وعل فكره في قريب لي مشارك هناك الله ينصرهم يارب تحياتي واسمحي لي على الاطاله |
ههههههههههههه
ما شاء الله حفيده الف مبرووووك يبغالك تسيلي دم وتعزمي مجموعة ليلاس وبلاش بخل تقولي ما معي ترا انسلفك خخخخخخخ:lol: ذكرتيني ايام التخرج من الكليه كنا نروح نطبق عملي بالمدارس المهم انا ولله الحمد محضر كويس وشرحت منيح ومررت الدرس وكل شيء تمام جاء دور واحد من الزملاء عند الصف الرابع وكان درسه جغرافيا عن المملكه العربيه المهم انه دخل واحنا جلسنا باخر الصف مع الدكتور هههههههههههههههه فتح الكتاب مباشره وقعد يهذري ويقرا وكان معاه وسيله عباره عن خريطة للملكه وكان ملون البحر بالازرق الغامق هههههههه طبعا غلط المهم اتا جلست ااشر له بدياه يفهم بس هو منحاس اصلا ما ادري كيف عدى يومه طلع الدكتور من الصف وقال الاجتماع بغرفة المدرسين خخخخخخخخخخخ قال ليه انت ليش تأشر انا ما فهمت ؟ قلت السبوره يا فالح نظيفه مره هم ليش حاطينها ؟ ليش ما فيه يوم ولا تاريخ ولا موضوع الدرس والخريطه ليش كذا ياجاهل ليش انت ما تعرف لون البحر المهم قعدت احطم فيه لين دوخته هههههه:Welcome Pills4: قلت على شان مره ثانيه تعرف تحضر صح ولما اجتمعنا بغرفة المعلمين اكل كم تهزيئه من الدكتور ههههه :toot: هذا كان موقف ما انساه بعدين اتعدل الولدومشي حاله :mo2: كل ما اشوفه اذكره بيومه الاسود ونقعد نضحك صار تاريخ وذكرى جميله ربي يسعد ايامك حفيده ياريت تدينا نبذه عن الدرس الاول وش صار معك خخخخخخخخخخخخخخ:lol: ربي ينصر من به عز ونصر للاسلام والمسلمين ويجنبنا شر الفتن الف شكر لكي حفيده ربي يحفظك ونشوفك استاذه قد الدنيا برعاية الله |
هههههه فكرتينى بالذى مضى .... فى الدراسات العليا من سنتين كان اللى بيعمل بحث يناقشه كأنه مناقشة رساله ماجستير بس انا الحمد لله قدمت البحث آخر العامهههههه علشان بس لا اجلس بجوار الدكتور وفى ايدى المايك والدفعه بتناقش معايا هههههههه ـ ـ ـ ـ ـ ـ ـ ـ ـ ـ ربنا ينصر جنود المسلمين فى كل مكان وزمان ويرجعهم سالمين او ينولوا شرف الشهاده |
| الساعة الآن 02:14 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية