|
اقتباس:
أخخخخخخخ قلبتى السؤال عليا ؟ ههههههههههههههه بصى انا لو جوزى واحده بصبصتله هعاقبها عقاب واحد وهو القتل ههههههههههههه لا من غير هزار هقولك لما يكون زوجك شخص معرض لاشياء مثل هذه بحكم عمله ده بيتوقف على ذكاء المراه هى اللى تقدر تخلى زوجها ميطلعش بره ولا يبص لاى واحده تانيه لأن أكيد الطبيب هيكون عنده كل يوم حاجه مضايقاه ومليون مشكله علشان كده لازم البيت يكون هو الجنه اللى فى استقباله ديما لتفريغ كل شحناته وكل تعب اليوم ولو البيت كان كده فعلا هيكون عاوز يجيله ديما لكن لو رجع البيت لقى واحده كل همها كلمت مين واتأخرت ليه والكلام ده هيطفش وفى الحاله دى هيلاقى مليون مكان تانى صح ؟ |
صح يا ستي وصح الصح كمان اموت ياناس في اللهجة المصرية بلاقي نفسي فيها أقولك فعلا انت عندك حق في بعض الاحيان يلعب الشيطان برأس المراة وبتنصاع لشكوكها حتى انها في بعض الاحيان بتظلم جوزها لكن لو كل زوجة تحكمت في عواطفها وحكمت عقلها وجعلت من البيت ياناس مش جنة جعليتوا عش دافي ميرضاش يخرج منوا غير بالضرب الخفيف يعني هههههه فعندها بتكون هي فائزة الفائزات يا نسمة والله بس هو فينوا الزوج ده طب ما يجي الاول وانا حفرشلوا البيت ورود حتى يتصاب بالحساسية ههههههههه أقولك موضوع طريف كئيب بيبكي وبيضحك وانا بتصفح احدى الجرائد على النت وهذا اصبح هوايتي الاطلاع على العالم بلاقي تحت كل مقال بيطلع تعليقات كثيرة الموضوع بيتكلم عن رجل كهل ضرير متزوج وكشف خيانت زوجتوا بكميرا خفية بواسطة صديق له المهم ما علينا تكلمت المرة اللي فاتت عن العرب وعدم تفاهمهم يا اختي لو تقري تلك التعليقات ستشعرين بالخزي فعلا المهم قام واحد بيقول لاحول ولاقوة الا بالله والثاني قال الخيانة اصبحت شائعة في وقتنا الحالي والرابع قال """ايران هي السبب """هههههههه بس شوفي الرد ده هل فيه اي علاقة مع المقال لأه وبذلك بدأت حرب من الشتائم مستغلين ان الصحيفة ده مش زي المنتديات اكتبي وعلقي وامشي مفيش عضوية يعني وهنا بيتضح ان فيه عقليات متخلفة وهذا اللي بيخلينا مش بنستفيد من عقاب الله مثلا لكن بنقضي الوقت في شتم بعضينا الحقيقة دخلت في موضوع غريب عجيب بس والله من قهري وفضلت اضحك من كثر الهم ههههههه |
على فكره لازم تعرفوا ان موضوع المشاكل اللى بتحصل من الزواج من طبيب سببها ^ ^ ^ ^ ^ ^ ^ ^ ^ ^ ^ ايران طبعا ههههههههههههه انا الحمد لله اتخطبت اخيييييييييرا ههههههههه والحمد لله ربنا وفقنى فى دكتور بس مش دكتور بشرى ولا نفسى (هههههه) ولكن دكتور فى المشاعر والذوق والاحساس بس انتى زى ما قلتى يا نسومتى الواحده بأيدها تخلى جوزها مستنى لحظة رجوع بيته بفارغ الصبر او الخروج منه بفارغ الصبر وكمان ميمنعش ان تكون فيه غيره وكمان عنيفه(زى حالى) بس تقدر تخبيها وبأسلوب لبق تعرف عمل ايه فى يومه كأنه بيفضفضلها تهتم بنفسها وبأناقتها وببيتها تكون كل يوم بشكل بالمعنى البلدى تملى عينه وتكون فى باله فى كل مكان << شكلى بعدت عن الموضوع ههههههه المهم زوجة الطبيب دى سيده تستحق كل التقدير لصبرها وتحملها وانا مؤيداكى يا نسمه فى رأيك انها تكون متفهمه وواعيه بطبيعة شغله وكمان الدكتور نفسه مش هيطلع فى الفجر وعز التلج ويصحى من احلى نومه علشان خاطر هو فرحان بكده لكن ده انسان بأيده بعد ربنا سبحانه وتعالى يقدم الشفاء وينقذ روح وما اعظمه من عمل |
جوهره : خلاص يارب يجى بسرعه وهو يطول ههههههههههههههه اكيد هيكون محظوظ خلاص نشوفلك دكتور هههههههههههههههههه علشان تحرمى ههههههههههههه بس نختاره يكون معندوش حساسيه من الورد لما نشوف كلامك كلام اللى على البر ولا هيكون فى ورد بجد تسلمى حبيبتى
صفصف : الله يكون فى عونه ههههههههههههههههه اكيد هتغديه بعلقه وتعشيه بعلقه هههههههههههههههههه واكيد هيخلى المشرط فى جيبه ديما علشان يحمى نفسه بصراحه يا جماعه امام صافى لازم نقول وبس لا للارهاب |
ايه يا جماعه ؟؟؟!!!!!!
براحه شويه على الدكاتره دول غلابا جدا والله حرام ..... نسمه خفيه : ايه اللى حصل ..هجوم وعلى كل التخصصات ..حرام عليكى .... ايوه الطبيب وقته مش ملكه يعنى يمكن يكون بيحتاج لمعامله خاصه من ملكه حياته ..ولازم تضحى شويه بس برده الطبيب انسان وله مشاعر ويقدر ينظم وقته .....كده هتنشروا فكره فى المجتمع تخلوا اى واحده ترفض الدكتور اللى يتقدم لها ههههههههههه ربنا يستر بالنسبه لنقطه الغيره : اولا الطبيب بيقسم قسم طبى والمراه اللى بتيجى عند دكتور بتكون امانه ربنا هيسأله عنها وبجد يا جماعه اى حاله بنكشف عليها مش بناخد بالنا اصلا اذا كانت حلوه او وحشه لأن دى بتكون حاله مرضيه هو يعنى الدكتور هيبص لمريضه !!!! هحكيلك موقف اثبتلك بيه كلامى لى صديق وهو متخصص فى موضوع النساء هذا ...وكنا فى قسم الجراحه وجات فتاه بتشتكى من انتفاخ فى رقبتها وبعدين اختلفنا فى الرأى بين الغده الدرقيه وشىء اخر وفضلنا اودام الفتاه دى ما يزيد عن نصف ساعه ....وبعدين بعد ها بيوم كنت ماشى معاه نفسه فى المستشفى وفى فتاه مرت فقالى البنت دى ماشاء الله جميله هههههههههههههه قولتله طبعا غض بصرك (بجد مش بقول كده علشان بتشوفوا كلامى ) هههههههههههه المهم لما طلعنا القسم تانى اكتشفت انها نفس الفتاه بتاعت تضخم الرقبه ..يعنى لما كشف عليها بالامس مكانش بينظر فى وجهها خالص مع انه متخصص ..شوفتوا بقى ازاى انتوا ظالمين الدكاتره ؟!!!!!!!!ههههههههههههههه [QUOTE][وكمان الدكتور نفسه مش هيطلع فى الفجر وعز التلج ويصحى من احلى نومه علشان خاطر هو فرحان بكده لكن ده انسان بأيده بعد ربنا سبحانه وتعالى يقدم الشفاء وينقذ روح وما اعظمه من عمل/QUOTE] ايوه كده شكرا لاختى صاحبه هذا الكلام الله يكرم اصلك نصفتينا ههههههههههههههههه اقتباس:
لى عوده دفاعا عن ابناء جلدتى |
| الساعة الآن 08:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية