|
إذا المراجل لبسة شماغ وعقال
إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم |
السلام عليكم ورحمة الله وبركاته
أقل ما يقال..رائــــعة صح لسانك أخي.. كل الود والتحية |
المرجله يا خوي هي طولة البال
هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم تسلم يمناك اخويه |
أبيات خطيييييرة جد رآآآآئعة فيها قليلة الله يعطيك العافية أخووي بحفظ الله |
اقتباس:
وعليكم السلام ورحمة الله وبركاته يا هلا فيك اخوي بارك الله فيك وجزاك الله خير كلك ذوق بحفظ الله ورعايته |
اقتباس:
الله يسعد ايامك بحفظ الكريم |
اقتباس:
الرائع تواجدك واطلالتك المميزه الله يسعدك دنيا واخره ويحفظك انتي ومن تحبين برعاية الله |
المرجله عقلٍ وزن وزنه جبال ودون العقل وش فرقنا والبهايم المرجله يا خوي هي طولة البال هي العزم هي الصبر فالظلايم حتى صلاتك مع جماعات ورجال في خيرها يا خوي نعم الغنايم وخلك شريف القصد يا طيب الفال سوء المقاصد فالبيوت الهدايم النفس خيل لك إذا كنت خيّال ومن لا قوى نفسه قوته الهزايم ابيات جميلة ربي يسعدك بحفظ الله ورعايته |
الله يجمل حياتك بالايمان وطاعة الرحمن
اسعدك الله ابد الدهر انتي ومن تحبين كلك ذوق يمل العافيه بحفظ الله ورعايته |
أحسنت.. , أعجبني ما أخترت , شكرا لك..
|
ولا صرت ما تدري لو يش أنت رجال
والله خسارة فيك ذبح التمايم ....................... هههههههههه اي والله انها خسااره .. قصيده راقت لي ..>>ليت الكميخ اللي عندنا يسمعونها ؟؟ مشكوور يا ...المجنون ..على هالجنون ..!! |
اقتباس:
هذا من ذوقك الله يحفظك بارك الله فيك |
اقتباس:
هذا من ذوقك الله يحفظك ربي يسعد ايامك انتي ومن تحبين رعاك الله |
|
| الساعة الآن 12:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية