الجزء الــ خ ــامس عشــر..



••.•°¯`•.•• لحظـــة وصـــال ••.•°¯`•.••



صادفتها صدفة بمستوعب القمة

بالعين راعيتها لحظة وترعاني

شميت انا عطرها ويابخت من شمه..

يذوب ويسكر ولو ماهو بشرباني..



كلهن فجن اعيونــاتهن واذووونهـــن ..عسب يشوفن ويسمعن زين ما زيـــن ..وشو بيقول عبودي..

عبودي:عرس حموود..قال انه يبا هاذي..

خخخخخخخخخ..وأشر على شموس..لووووووول..

تناقعن غبوش وشجون ضحك مع انهن منصدمــات..بس حركة عبدالله ضحكتهن..بالنسبه لشموووس صخت..وعجز لسانها انها اتظهر كلمــه وحده بس..حست بشعور غريب يحتوي قلبها لأول مرة..حست بفرح وبحزن..حست بألم وأمل..حست بدمعه وبسمه..حست باحاسييس متضاربه..وكلهن عكس بعض..

امــا الرووض..طيييرااااان تحـــت..تبغي الأخبـار بالضبـــط..وبالتفصيل الممل..والأخت حاطه شيلتها ع جتفها..لوول..والكشه الله لا يرويــكم..شي منها مرتب وشي منها ملعون خيره..هيهيهيييييييهيهيهيييييييي..

الموووهيم

ويوم نزلــت ..كــانت بتطيح ع الدري.بس زين يودت عمرهــا..ولقــت امها ويدوتهــا وابوهــا وعمها بوخليفه"ابو حمد"..سلمت عليهم ويلست تتخبرهم شو السالفه بالضبط..وطبعاً امها العوده ما قصرت خبرتها كل شي..

وبعد مرور نص ساعه..نزلن كلهن تحت وشموس وياهن..وقالها عمها راشد السالفه جداام الكــل ..وهي مفتشله وويهها محترق..لووول..

وخلاف ظهروا الرياااييل..اما غبوش وشجون وشموس سارن صوب سلامي..ورواضي راحت وكشخت وخلاف نزلت وسارت للمطبــخ وهي حاطه في بالها اتسير لموزاني اروووحهــا..تحس شي في قلبها ولازم ترمس عنه..اللي هو سهيل..لأنها كل ما قالت لفطامي شي عن سهيل صارخت فطامي في ويهها واتم اتسب سهيل..واخر مرة اتنازعن وبندن عن بعض وهن معصباات ..



× في المطبــخ عند رواضي ×



وقفت روضه وبحركــه سريعه شلت حبة بيتزا وهمممم..

روضه:الله كشخه طعمها..اقوول "للبشكارة"حطيلي حطيلي في صحن بسير صوب موزاني..

البشكارة:اوكيك..

وما حست روضه الا بقلااص مااااااي بااااارد ينجب عليها..

روضه:امااااااااااااااااااااااااااااااااااااااااااا ااااااااييييييييييييييه..

"خخخخخخ..انا جيه يوم اخاف اقول امااااااااااايه"

وصدت ورى تبغي اتشوف منو اللي سوى هالجريمه الشنيعه وخرب كشختها وخييس شيلتا وكندورتهــا..منو اللي تجرأ وسوى هالشي كله؟؟عاد الروض كله ولا كشختها تخترب...لووول..خقاقه هالبنيه..لحد ايحبها..يعني تستاهل باللي يسويلها اياه سهيييييييلوه العقرب..خخخخخ..

ويوم صــــــدت ورى..جان اتشوف عمها ذياااب ومستانس وشااق الحلج بعـد..

روضه :عمي ذياااااااب...؟؟؟!!

ذياب:انتي جيه اكشخ عن البيتزا اللي كلتيها من شوي..نيااهاهاهاهاهاهاهاهاها..

روضه:اهىء اهىء اهىء اهىء..والله بصيييييح..قسم بالله اردها لك..

ذياب:هع هع هع ..اقول سيري طالعي ويهج شقاايل وخلاف تعالي رمسي..انزين؟؟

ويودرها بس هي اتنط جدام ويهها..

ذياب:حشى ارنب سريييع..؟؟

روضه:هع هع ..لا وحياتك غززززززاااال..

ذياب:شو تبين..؟؟

روضه:الأسلوووب عدم عندك..

ذياب:كيفي عيناووي..

روضه:عيييش اشكر فنـــك والله..خشمك خشمك..

ويوايها..

ذياب:بس هاي المرة الأخيرة اللي اوايهج فااهمه..

روضه"معصبه":لييش ان شاااالله؟؟

ذياب:لأنج استويتي سخيفه..؟؟؟!!

روضه"دخان يظهر من راسها":لاازين والله..اوكيك عمي العزيز مشكووور وايي منك الأكثر.تحياتي..

وتضرب له تحية ..جنها عسكري..وتعطيه ظهرها..بس هو يود شيلتها وظهر نص شعرها..

روضه:لااااا شعريه ظهـــر..

ذياب"يضحك ":ههههههه..محد محد الطباخ سفرنــاه..

روضه:لا والله ..ربك حد من عيال اخوانك المفلع يحدرون ..؟؟

ذياب:عاادي بطردهم على طول..يلسي يلسي..بنسولف فيــاج..

روضه:لا توك اتقول اني سخيفه..شو تبى بالسوالف ويا وحده سخيفه..

ذياب"ييلسها ع الكرسي":خخخخخخخخخخ..والله والله خاطريه اغلس على حد..وشفتــج جدام ويهي وطحت فيج..

روضه:مشكور بس مرة ثانيه اغلس على حد غيري..

ذياب:انزين خلاص اخر مرة..

روضه:............................"مععععصصصببببه"..

ذياب:انزين وشو علوومـــج ؟؟ وشو اخبااارج..؟؟

روضه:............................................. ..........

ذياب"ايصارخ":رمسي..؟؟

روضه:مابرمس..ما عندي لا اخبار ولا علووم..؟؟؟-

ذياب:انزين عندج تاريخ ولا جغرافيا..

روضه"عيبتها السالفه":هههههههههههههههههههههههههههههااااي..حلووو ووووة...عندي عربي وحيااااتك..

ذياب:قسم بالله انــج سوالف..انزين وينهي موزاني..

روضه:اللحينه بسيرلها..اعديبه بيتهم من زماااان..

ذياب:هيه والله زين..روضه..

روضه:تبغي تتخبر عن مريووووم..

ذياب:هيييها فديت اللي يفهمون بسسرعه..

روضه:خخخخخ..تفدوني..جان استحي..

ذياب:ودري الخبال يا غبيه..

روضه:انزين انزين يا الذكي شو تبغي تعرف..

ذياب:خبرتج عن الموقف اللي استوى يوم كنتن عند قوم منصور..>>اخو سهيله..

روضه:لااا..أي موقف..

ذياب:خخخخخخخخ..خليها هي بتقولــج..

روضه:لا انته قولي...

ذياب"يستهبل":لا استحي..

روضه:خخخخخخههههههههههههههههاااااااااااااااااااهههه هههههاااااااااا...

حلوووووووة..

حمدان"يحدر عليهم":منو هي الحلوة..؟؟

ذياب:حبيبتي ..

حمدان:والله وعندك حبااايــب..

ذياب:هيه اتطورنــا ويا هالراااس..

حمدان:يا عمي شو بلاك ميلس عند هااي القطوة..

ذياب:قطوة ولا صخله..خخخخخخخخ..

حمدان:ولا تزعــل عمي الغالي سباااااااااااالــه..

ذياب:سبــاله وكااشخه بعد..

حمدان:خخخخخخخ..طااع ويهها انته بس..

ذياب:شوف اعيونهــا..ليتات نيسان..

حمدان:هعهعهعهعهعهع..استيشن وحيااتك..

صاارخــت روضه عسب اتوقفهــم عند حدهــم..

روضه:شوو عيبتكم الساااالفه..لا تيلسون تتمصخروووووون..

شوي الا يسمعون صوت حمد يهود..

روضه:اووووهووو كملت الساالفع بوجود العرس..اهداا اهدااا محد غريب..

حمد"بابتسامه على خقه":احم احم..سلااامــن عليييهم..

روضه:مررححححبببببببـــا ملااااااااااييييييييييييين ولا يسدن افذمتيه..حيييييهم الشيووووووووووووووووووخ..

وتسير اتسلم عليه..

روضه:امبرووووووووووووك امبرووووووووووووك ..

حمد:بقولــج الله يبارك فيج بس للحينه ما استوى شي..

حمدان:يمكن البنيه ما تبغيه..

روضه:اشو ما تبغيه..البنيه بتمووت عليه..

وحطت يدها ع ثمها يوم حست بعمرها قالت شي غلط جدام الشباب..

ذياب"ناقع ضحك":هههههههههههههههههههاااااااااااااااااااي..ماظن ي اتردك دام جيه السالفه..

حمد:ههههه..

حمدان:طااااااع كيف مستااانس..؟؟

حمد:يااخي احبها اموووت فيها ماارووم اعيش بدوونها..

حمدان:حتى انته ظهرت تحب ما قبل الزواج..عيل انا يااحليلي ما كانت عندي هالسوالف من بعد ما عرست استويت امووت في ريسوووه..

روضه:اووه ذكرتووونــي ليش ما اسير صوب ريسوه بسلم عليييهــا..

حمد:انا بوديكـــن..

روضه:انا وموزاني بنسير..هاييلاك منقعــات عند سلامي..السموحه اخويه شموس هب ويانا..

حمد:مااااالت وانا يالس اعرض خدمــاتي..

حمدان:ههههه..بلشت عمرك..ولا موزاني بعد اللع يعينك الصراحه..

ذياب:عيل ودهــن وخلاف تعال لنا فالمول..

حمد:غايته..

ظهروا حمدان وذياب فالوقــت الي يلس حمد ياكل بيتزا..

حمد:اووف بشاكير فنانات فالطبخ..والله وتعلمن من بعد اسمااعيلوووه..

روضه:تعال تعال يا مسود الويه وقولي شو السالفه؟؟اترك البشاكير ارووحهن..

حمد:وهيدي أعده..>>>وهاذي قعده الأخ صار يرمس سوري..

روضه:شوو السالفه؟؟

حمد:انوو؟؟>>>وااااااككككككك...اي وحده..

روضه:ليش في سوالف غير هالسالفه..

حمد:كتييير تأبري ألبي..

روضه:اووووه وليش ما تخبرنــا..

حمد:انسينا..

روضه:شوو هالحكي..؟؟

حمد:ماعم بمزح..

روضه:ولاااك تضرررب انت وسوالفيــك..اننننققققلع مسووود الويه؟؟

حمد:بلاااج نقعتي فالرمســـه؟؟يلا يلا هبابكن اتخلصن وراايــه شغل..

روضه انزين انزيييييييييييييييييييييين..

ونشــت الروض فالوقت اللي سار حمد يشغل موتره ويقول لموزاني تتزهــب عسب يسيرون صوب ريسه اللي من يابت بنوتتها يالسه عند اهلهــا..

إن رماني رمش عينك يالحبيب جرحك علاجي وانا ادوّر سبب

إسأل مجرّب ولا تسأل طبيب العَرَب ما تفـــــــــــخر الاّ بالعَرب



سويحـــــان..

الســاعه عشر ونص..

الصـــاله..



خلودي عند ربيعتهـــا..وام سيف تتحوط فالفريــج..وسيف ظهر ويا سهيل..وفطـامي ارووحهــا يالسه فالصــاله وتقرى قصايد توهن طبعتهن..

كانت قاعده ع المسن..ومحد اووون..ربايعها اللي سارت البر والثانيه راحت بني ياس والثالثه راحت السوق..واللي راحت واللي رااحــت..ويوم دقت لمهرووه بنت ييرانهم سارت دبي صوب قوم عمهـا..وشوي الا دق تيلفون البيت..

فطــامي:مرحباً معكم شركة الإتصالات الجديدة..

مهره:شحــــــــــــاااااالج فطاااااااااامي..

فطامي:من هذه فطـــامي؟؟

مهره:يالناااقوووه بلا استهباااال..شو علومــج؟؟

فطامي:ملل ضيجه ارف تعب قهر..كل شي كل شي..

مهره:جيه وينهن بنات سويحـــان؟؟

فطامي:سكتي محد يلست افبيتها كلهن شردن من سويحــان كأنه فيها انتشر وبــاء معدي..

مهره:هههههههه..عنلاااااتــج..

فطامي:وينــج اللحينه؟؟

مهره:والله في مول الإمارات اقووولــج ونااااااسه من الخاطر..

فطامي:هيه مستــانسه..شو عليـــج؟؟

مهره:هيه يلا حسديني اللحينه..بنركب السيارة وبيستوي لنا حاادث..

فطامي:خخخخخخخخخخخخخخخ..مب ساحره ويا راااســج..

مهره:انزين انزين بخليج يزقروني..باااي..

فطامي:بااي..

بندت فطامي عن مهره..وهي تتريــا باااجر..لأن بااجر الكل بيسير بر محظه ..وبيقعدون يوم كــامل وع الساعه 12 ونص ولا 1 بيردون لبيوتهـــم..مع انهــم كانوا بيقعدون اسبوعين ..بس غيروا راايهـم والسبب بتعرفونه بعدين..؟؟!!!

ظهرت للحوي..وشافت الخدامه ووصتها اتييب لها Hot CHoclet...ويلســت في الحديقــه السريــة ع قولــت روضه..

كــانت اتفكر في الســالفه..اتحس عمرها عندها الشجــاعه الكافيــه انها بترمــس رواضي عن اللي في خاطرهــا..وبتكشف اوراق سهيل..وبتخلي لعبة سهيل تنتهي قبل لا تجرح الروض اكثر وأكثر..

في قرارة نفسهــا..تعـرف ان رواضي بتتعذب..وتعرف انها بتصيــح..وتعرف انها بتندم ..ويمكن ايخاويها الحزن طوول عمرهــا..بس ..؟؟؟!!..بس لازم اتخبرهــا..معقوله اتخلي اختها على عمــاها..؟؟!!وتعيش المحبــه ويا واااحــد ما يستــاهل..

سكتت..لحظه اتفكــر باللي يصير لروضه وسيف..حسيت في همزة وصل بينهــم..سيف..عااش المحبــه ويا شيخــاني..وكانت مذوبتنه في دباديب الغرااام..كان يمسي ويصبح ع صوتهــا..ويحس ان في شي ناقصنه اذا ابتعد عنها يوم وااحــد..

ونفس الشي ويا روضــه..اتمووت في شي اسمــه سهيل..ومن زوود حبها الجنونــي..استوت تتخيل سهيل في كل مكاااان..؟؟!!!

الشي اللي يجمع روضه وسيف..ان شيخاني ما تحب سيف..وسهيل ما يحب روضه..؟؟!!

انزين..ليش النااس جيه..؟؟!!ليش يحبون يلعبون بالمشاااعر..ويخلون الواحد يتعلق فيهــم..ويتعود عليــهم..وهو في الأسااس ما يهمهم..ووجوده مثل عدمه..؟؟!!يعني شو اللي يستفيده من اللي يسويه..راحه؟؟!!أي راحه وغيرك يعاني منك..ونااسه..؟؟أي وناسه وغيرك الحزن منه وفيه والسبه انت..؟؟!!

لهالدرجه في ناس ما تهمهم مشاعر غيرهــم..وما يحسون..كل واحد يحط نفسه في مكــان روضه..أو في مكان سيف..هم ما خدعوك..خدعوا قلبك اللي عطاهم الوفا والحنان والحب والشوق ..وكل المشاعر الصادقه ..

الإنسان شو يبى غير راحة قلبه..وراحة باله..شو يبى غير إنه يحس بالأمان ..؟؟

وانه يشوف الإبتسامه في ويوه اللي حوالييــه..ويشوف الفرحه حلت ع المكان اللي هو فيه..

ذيــج الساعه بيحس بالسعاده..السعاده عمرها ما بتحل في قلب واحد يلعب ويبين مهاراته على ناس يحبونه..؟؟!!

أفكاري اللي كتبتهــا من اشوي..هي نفسهــا الأفكار اللي كانت اتدور في راس فطامي..في خاطرها بس تعرف شي واحد..شو اللي يستفيدونه سهيل وشيخه يوم انهم يسون هالسوايا..>>>>>اللي يعرف يخبرني..؟؟!!

نشت فطامي من مكانها ويابت تيلفون امها وتمت تتسمــع إمارات FM..

أجيك يا ناعس الأهداب وانته ادرى..

لا والمسافه كبيرة بيني وبينك..

اجرح عسى كل جرح منك ما يبرى..

وتشيطن الله يحفظ لي شياطينــك..



بيت بوسهيــل..

الساعه 11 فليل..

الصــاله..



صدت سلامي صوب شموس..

سلامي:اقول شموس وينهن رواضي وموزاني..

شجون:هيه والله من ظهرنا من بيتنا رواضي ما شفناها..

شموس:مادري والله وين ساارن؟؟

سلامي:نشــن عيــل بنسير صوبهــن ..

الكل:يلا..

ونشن شجون وغبوش وشموس وسلامي عســب يسيرن صوب رواضي وموانــي..من حدروا البيت..شافوا موقف راائــع جداً..هع هع هع ..حمد وموزاني كل واحد منهم ميود قرشتين ماي مسافي ويصبونها على رواضي..اللي كانت متسبحــه من الخاااطر..خخخخخ..

روضه:بـــــــــــــــــس عنلااااااتتتتتتتتكـــــــم..

موزاني:خلييج عسب مرة ثانيه ما تسبين حموودي ..

حمد:هيه وعسب مرة ثانيه ما تتمصخرين علينا انا وشموس..

شموس من سمعت اسمها قفط شكلهــا..

غبوش:ههههههههههههههههههههههههههااااي..

حموود احشم عااااااده شموس ويييييييييييييااااااااانا..

وقف حمد عن الحركـه..وتم يطالع قوم غبوش..من لمح شموس وطى راسه.."من المستحى"..وعق قرشة الماي اللي عنده..وشل سفرته"غترته" اللي حاطها ع رقبته وحرك شعره على ورى وحاط سفرته وتسفر بطريقه سريعه..

الكل التزم الصمت..ويراقبون نظرات حمد..وشوي الا روضه تضحك..

روضه:ههههههههههههههههههههههههههههههههههه..بللللللل للااااااااكم..؟؟؟؟؟؟؟؟؟

شموس احترق ويهها جان تحدر البيت..أما روضه شلت قرشة الماي اللي عقها حمد وربعت المطبــخ ومزرتها ماي من يديد وراحت صوب حمد وسبحته من الخااطر..اشوي الا الكل ينضم معهم..وياهم خلوف وسعيد..سعيد مستلم موزاني..ماخلاها تتحرك من كثر ما يرشها بالماي..أما خلووف يدافع عن سلامي وما يخلي حد يمسها..حمد و روضه استووا فريق..ومستلمين شجون وغبوش..ومرت ربع ساعه وهم على هالحاله..الا والحرمات يحدرن الحوي ويقعدن على طــرف..ويشوفن الحرب المائيــه..

وبعد عشر دقايق وصلوا حمدان وذياب..وزااااد اللعب من الخاطر..والبنات اتحمسن الا يهزمون الشباب..يعني روضه وحمد تفرقوا وما استووا فريق وااحـد..

روضه:سلامي ييبي لنا قرشة مااي عووده..

سلامي:انزين خاطريه اسبح خلووفي كان يساعدني بس اللحينه لا..

غبوش:ربعي يلا..عمي ذياب لعن خيري..

ذياب:انا السوبرمااان ذياااب لا احد يستيطع ان يسبحني..

هل تسمعيني يا امي.؟؟>>ويصد صوب امه..

ام راشد:هيه اسمعك يالخبله..

سعيد:خخخخخخخ..سبووووووك..

حمد:عادي اللي يسبك يحبك..

روضه"اترش حمد":واللي يرشك..

خلوف"ايرش سلامي":ايمووت في حبــك..

قفط شكل سلامي بعد ما ضحكوا علييهــم..اشوي الا غبوش اتيي ومعها دفعه يديده من السلاح"الماي"..خخخ..وتوزعها على شجون وسلامي..اما موزاني ورواضي هن اللي يرشن الشباب بمساعدة غبوش..

بس ذياب وخلوف خاانوا سعيد وحمد..وساروا يابولهم مــاي ورشوا سعيد وحمد..بس سعيد وحمد عصبوا..وتموا يلحقونهم..خلوف اندس له في مكان..اما ذياب تم يربع فالحوي ..وروضه وحمد وسعيد وموزاني وراااه..وكل واحد فيه غيض من اذياب اكثر عن الثـاني..

وبحركة سريعه وقف جدااام أمه..يعني يدتهم..خخخ..ويوم رشوه هو تحرك خطوه وحده ع اليمين ويأ الماااااااااااي كللللله على يدتهـــم..

روضه:ووووووووووووووووووووووووووووووووووااا..الله يعينا..

حمد:الششششششرده نص المريييييييييله..

سعيد:العيوز يودت عيرتهــا..

موزاني:انسسسسسسسسسحاااااااااااااب..

وشردوا كلهم وتمت العيوز تتحرطم علييييهم..خخخخ.وذياب يهديها..اونه ويا رااسه..أخر شي قامت وضربت ذياب ع ظهره بالعيرة..ذيج الساعه شرد وراهم..خخخخخخخخ..



. . . . . . . . . .



منابع دموع المحبين عينــــــــي .. تبكي على نفسي وتبكي على الغير

وعن الغلا يا ســـاريه خبريـــني .. هل عاد له في قلوب الاحباب تأثير

قلب الفراق اللي غدى له حنيني .. ظمـــيان والقصه ما هي جمة البير

لكنها شوق يدفه ضنـــــــــــينـي .. يا الله عــــساها ما تطول المشاوير

نوارتي .. تجمعي واجــــــمعيني .. وتغطــــــرسي على جميع النواوير

مالي عذر حتى أقول اعذرينــــي .. بس احفظـــي تركيبة البيت الاخير

أشرف مثل مقاصده تحتويـــــني .. قل الـــــــــعطا .. ولا كبار المعاذير

خلي علامات الشقا في جبيـــني .. عطر وبساتين وورود وعصــــافير

أبي أشـــــوف العيد في مقلتيني .. وآركب لقلــــــــــبي جناحين واطير

وابي أعيش العمر ما عاد فيـني .. أصـــــــــــــــادم الأيام والا المقادير

يا مشغلة خط الغرام اشغلــــيني .. تراي جوالن بلـــــــــــــــــــيا فواتير

تمردي على النظر في وسط عيني .. وتــــــعددي على وجيه الجماهير

لأن المنام اللي بغيه يـــــــــــجيني .. عيا يجــــــيني لين مسيت بالخير



بيــت بو محمد..

الســاعه 8 ونــص..

الصــاله..



من زوود وناستها صبّحــت على صوت ميحد حمد..وعلى هالغنيه بالذات..و الــ MP3..ما خلــت غنيه وما حطتها فيه..وما ننســى كيمرتهــا الفيديو اللي معلقتنها عسب ما يفووتها شي..

روضه..اللي معلقــه آمال وآمال انها اتشوف سهيل اليوم..واللي قلبها ينبض بمحبـة سهيل..كــانت تتوقــع ان اليوم بيكون أحلــى يوم في حياتهــا..لأنها مرت فترة طوووويييله وما شافت سهيل ولا سمعت كلمه منه..ما تعرف كيف اتفسر حركاته ..اللي مالها سبب..؟؟؟ ولا تعرف كيف اتفسر شعور الفرحه اللي محتل قلبهـا..

هل البيت كلهم محتشرين..اللي يزهب العده..واللي سار العزبه اييب الذبايــح..واللي تعدل الصحون..والي اتطرش البشكاره لبيتهم اتييب الطحين..أما شجون وغبوش بعدهن راقدات للحينه..وسلامي للحينه راقده عند شجون..اما موزاني وشموس وروضه من صباح الله خير ناشات..شموس اتظهر النس كافيه..وموزاني اتظهر قلاصاتهن المتعودات يشربن بها..وروضه بس عليها تتسمــع وتصور الناس المحترشن..كرككرككركر..

وبعد نص ساعه بالضبط توجهت 12 سيارة صوب بر محظـــة..والكل متشوق لهالمنطقه..لأنها منطقة(أأككشششن)..

.

الجزء الــ س ـــادس عشــر..



••.•°¯`•.•• الغلا ذاابحنـــي ••.•°¯`•.••



وين أنت ياللي كل ما قلت وين انت؟؟!

حتى السؤال ايقول وين الإجابه؟..

عــامين ضاايق وانته لليوم ما بنت..

هي حــالتي بين الحزن والكآبة..

لو شنت بعيون المخاليق ما شنت..

في عين من حبك سرابه سرابه..

لولا الغلا يا صاحبي ما تمكنت..

صدرن من الهجران صاير خرااابــــه..



روضه:وأكببببببببببببببر خرااااااااابـــه..

سلامه:هع هع هع ..عيل بنستدعيـــج اتغنين ويا ميييييحد..

شموس:هههههه..هيه والله تنفــع..

شجون:اووف بطني اتعورني ..

فطامي:اكييد يالغلا هب من شي..من اللي كلتييه انتي وموزاني..

روضه:وووووااااااااااااااكركركركركر...يااااااااخي كششخه الجوووو..

موزاني:لو شي مطــر..

روضه:اه اه..اه..اه..بدووخ بدوووخ..ليش طريتي المطر..تبيني امووت اللحينه..

غبوش:البنيه طرت المطر لو طرت سهيل شو بتسوين؟؟

روضه:شو بسوي؟؟خليها على الله وانا أختج ..بليا فظااايــح..

الكل:"ماغير فطامي":ههههههههههههههههههههههه..

روضه:ياخي بقولكــم سالفه قالي اياها حموود خويه من قبل اشويه..

في بنيه دخلت الجامعه..وتكون أول سنه لها..سارت بلس المدرسه وااحليلها..خخخخ..وتسير صوب البنات اونه متى يدق جرس الفسحه..؟؟!!خخخخخخخخخخخخخخخخخخخخخخهههههههههااااااا اااهاااااااااااااا

هههااااااااااااااااااااااااااااااهاااااااااا..

البنات كلهن يلسن يضحكـــن..ويعرفــن ان السالفه جذب..ومن تأليف الأخ حمد..بس سون طاف وتخيلن الموقف..وعلى هالسوالف..كل وحده تظهرلهن بسالفه..لين ما نشت موزاني وسحب يد رواضي وسارن يتمشن..بعيد عن العرب..

موزاني:ليش شكلــج متغير اليوم..

روضه"اتصور الأرض اللي جدامها وترمس":طبيعي..لأني بشوف سهيل اليوم..

موزاني:غريبه سهيل موجود وهو للحينه ما يأ من العين..

روضه:فديييت قلبه واللـي تولهت عليه..

موزاني"اترقص حياتها":ياااويل حـالي انا ع اللي يتفدوون..

روضه:موزاني في خاطريه رمسه واايده..

موزاني"باهتمام":عن شو؟؟

روضه:امممم..عن سهيل وفطامي ..وعن سعيد..

موزاني:ههههههه..لا ناقص امايه العوده..شو السالفه؟؟

روضه"متردده":مادري بلاها فطامي كل ما اييب لها طاري سهيل اتم معصبه واتم اتسبه..

موزاني:اها وشو بعد؟؟

روضه:بس يعني ابغي منج الحل داااامــج ام الحلول..؟؟

موزاني:الحل واااضح..لا تطرين سهيل جدامها..وبس..الحياة حلوة..

روضه:يعني انا اخبرها اذا في سي استوى ويوم اسوفه ويوم ايي صوبي ويسلم وجيه..بس هي اتعصب ومادري سو يحل عليها جنه الا لبسها يني..

موزاني:احن ما نعرف شو الأسبااب..بس انتي رواضي لا تزودينها..يمكن هي تتضايج..ومثل ما قلت هي عندها اسباااب..بس انتي بتلاحظين مع الأيام بتخبرج باللي في خاطرها ولو مرت سنين..لأن فطاامي ماشي شراتها وتحب الخير للكل..

رواضي:بس هي دوم اتقولي الرووض انا في خاطريه رمسه و..ومن اقولها رمسي..تسكت وتقول لي خلاف خلاف..كمن مرة عادتها هالحركــه..

موزاني:صبري واكيد بتخبرج..يمكن شي هب زين وما تبغي تخبرج..

روضه"منصدمه":واايه التراااب سو هب زين..بعقلـج انتي؟؟فطاامي مستحيل اتخلي سي يضرني..

موزاني:عيل تريي..وشوفي بعدين..؟؟!!انزين وشو بلاه سهيل..

روضه:كله مطنشني..

موزاني:انزين انتي بعد طنشيه..مب تربعين وراه كأنج عنز وهو رااعيــج..

روضه:خخخخخخخخخ..عنز في عينج يالعنز..

موزاني:لا صج الصرااحه يعني..قلنا اتحبينه وتغلينه وتموت فيه..بس انتي عاده لا تزودينها..امبونهم الريااييل ما ينفع وياهم الا قوية العين والعنيده واللي راسها قوي..وانتي في كل مجلات الحياة عنيده وراسج قوي ..الا في محبة سهيل..ثجلي عاااده..

روضه:صح والله..ماا عليه بطنشه اليوم ولا بسويله سااالفــه..إذا هو يطنشني مرة..انا بطنشه 212 مرة..

موزاني:هيه وشي ثاني..لا اتمين تتخبرينه وينك انته ومادري شووو..سويييييلللله اكبر طااااف وما عليج منه يزعل يرضى كيفه..ريااييل ما ايون الا بالعين الحمرا..

روضه:خخخخخ..قسم بالله انج..اللي يسمع ايقول عندج خبره سابقه...

موزاني:هع هع هع ..الله يخلي النت قولي آآآمييييين..

روضه:آآميين للي شرواتــج..

موزاني:انزين وشو بلاه سعيد..بو عسكور المغروور..

روضه:لاا عاد ادخيييلج هاذا برووحــه سالفه..

موزاني:شو بلاه ويا رااسه المكعب..

روضه:خخخخخخخخخخخخخخخخخ..كففففـــج..

ويضربن كف بكف..

روضه:اقول يعني انتي ما تلاحظيــن انه يهتــم فيج..

موزاني:شو يابلي يعني ملابس؟؟

روضه:ههههههاااااااااااهااااااااااااااااااااااااااا اااي..حلوة بس لاتعيدينها..

موزاني:لا صج يعني شو يهتم فيني عاده..؟؟

روضه:يوم كنا داخلين الحرب المائيــة..هو كان ويــانا وكله مهتم بـج..

موزاني:واايه التراااب..امحق اهتمااام في ذمتيه..هيه واضح اهتمامه سبحني بالماي خاني اصبّح اليوم الثاني والزجام عايابي.."عايابي:لعوزني"..

روضه:خخخخخخ..عاد اهتمام بوعسكور المغرور سي ثاني..

موزة:الله لا اييب لنا اهتمام بوعسكور..انزين سبالوه وشو في خاطرج بعد؟؟

روضه:بس..

موزة:ويالسه اتقوليلي رمسه واايده..والله ع بالي عندج سالفه..

روضه:جب جب دبووه لا اقوم اترقص البرتقاله فوق بطنــج..

موزة:حشى بتاكليني محد يرمســج انتي..

روضه:لا محد يرمسني يهاابوني..

موزة:اقول ليش ما نسرق لنا سيارة..

روضه:النيساان طولي بعمرج..قسم بالله انه طر شعقيييين..

موزاني:لا وحيااتج ما فينا ع نظرات بن المر..بياكله انسان..

روضه:هعهعهعهعهع..طالعي طالعي خلودي شاده حيلها وترمس سلطون..

موزاني:صح ليش ما يوا؟؟

روضه:ابوهم تعبان..

موزاني:بيني وبينــج احسن..مانريد انشوف شيفة العنز شيخووه..

روضه:هيه والله..

موزاني:الحمدالله من زمان ما واقعتها ولا ابغي اواقعها..صارلي فترة مبتعده عنها..

روضه:سو تبغين بها هالأسكال..يلا بنسرق..

موزاني:هيه والله من زمان ما سرقنا..؟؟!!!

روضه:انزين انطيح في نيسان حمد ولا كروزر بويه..

موزاني:لا لا النيسان احسن عسب يكفينا..هالمرة لزوومن علينا انركب شموس ويانا..سيااارة حموود..

روضه:اوكيه عيل سيري سرقي سويج الموتر وييبه صوووبي..بتلاقينا عند خلودي..

موزاني:اوكيك سبالوووه..

روضه"تضربها ع راسها":عييب محد يسب امه..>>>تستهبل..

موزاني:انتي اللحينه امي..عز الله صرت خربااانه من الخاطر..

روضه:جب جب لا اشغل الدبكه وادبك فووقــج..

موزاني:منو علمج؟؟

روضه:سر المهنه..

موزاني:امححححححق سر..مع السلامه وهيا الى السرقه..

سارت موزاني صوب الرياييل تسرق سويج موتر حمد..فاللحظه اللي سارت روضه صوب خلودي..

روضه:هوود هوود شيختكم يت..رحبووووبها..

خلودي:شو يااابج؟؟

روضه:اريوولي..وانتي؟؟

خلودي:ييت ويا سيافي..

روضه:هع هع سيف ولا رمــح..هههههههههه..

خلودي:لو يسمعــج بيصفعــج.."وترمس سلطان"..هاذي أكبر خبلة في العايلة روضه معشوقة الجماهير........هههههههه..بقولها اللحينه..

روضه:سو سو يقول هالغبي اللي يرمســج..

خلودي:سوو؟؟!!

روضه:يعني ششششششووووووو؟؟

خلودي:اها اللحينه فهمت..طولي بعمرج سلطان ايقولــج الله يعين سهيل بيبتلي فيـج..

كل شي يتعلق بروضه..الكل يربطه بسهيل..بأتفه السوالف وأسخف الأشياااء..ييبون طااري سهيل..الكل يعلق..وكأنه خلاااص تعتبر روضه حرم سهيل ..هب كأني سرقت كلمة حرم من عند أم كاايد..لووول..بتييني أم كايد وبتصفعني الله يعين بس..



..:::المووهـــ..ــيم نكمـ...ــل:::..



روضه:وشو ياااب طااري سهيل اللحينه؟؟!!سلطان اسكت احسن لك لا اخلي خلودي دودي دودي اتبند افويهــك..

"خلودي دوودي دوودي هاذا لقب خلودي توها روضه ظهرته يعني New...."

خلودي:شو بعد دودي دودي شفتيني دوده جدااامــج..

روضه:اصلاً هاذا اللقب كان في خاطريه من زمــان بس كنــت أدرس الموضوع..وبما أنج انتي خلودي العنز اللي ما تفهــم..أنا أقصد بكملة دودي دودي اللي تحشر نفسها في كل شي وما تخلي شي الا وتعرفه.. تمووت عسب يوصلها حرف من جملة أخباااار..وبما انيه روضه بنت راسد بن سهيل الــ......ــي..مستواي وبرستيــجي يتعذر اني ايلس عند خلودي دودي دودي..خخخخخخ.صح انا شو ميلسني عندج انتي ياللي ما تقدرين المواهب اللي تنمو بشكل جيد عسب انظهر القاب اكثر وأكثر..الموووهيم..باااي..

كانت روضه ترمس بسسسرعه وكانه حد يربع وراها..وزخت خلودي بنظرة وهي محولة اعيونها..وحده من عيوناتها فوق والثانيه تحت..اقوولكــم هالبنيه خببله وغبيه..وسارت صوب الحرمـات عسب اتكمل خبالها عندهن..

روضه:سلااااااامن عليييكن يا حرّيم..وشحااالكن ربكن الا بخير وما تشكن باااس..

وتسير صوب يدتها..وادق الخشم..وع قولتها..الخسم..><..

ام رااشد:مرحبااااا مليوون وزوودهن مليوون ولا يسدن..

روضه:ياا ويل حاللليه ع اللي يرحبوون...

أم سيف:ييها الروض بدت في رمستها واللي تنعاد كل يلسه..

روضه:له له له يا ام سييف ورمــح..دنا بزعل كده..

"اللحينه يأ دور السيافي..خلته سيف ورمح"

أم محمد:واايه التراااب شو بلاج اتحيسين علينا بلســانج..

روضه:ماما بلييز دونت تجرحين انا..

أم سهيل:واايه وشو الدونت مادري النوت هاذا؟؟

روضه:الله يسلمــج يا مرت عمي العزيزة دونت معناها حلوة..

"يالسه تخربط ع العيااييز وااحليلهن"..

عليا:شوو؟؟

روضه:اووه نسيت ان عليا يالسه اهنه والحرمه متعلمة..أقول يدوووه..

أم اشد:هاه شو تبغين يالقذا..

روضه:العيوز برقعج طر ميييجا كسرتيم سلفيني اياه..

أم راشد:عيزن ركبـج مسودة الويه..شو تبغين ببرقعيه..

روضه:هيه نسيت انج تحت شعار حقوق البراقع محفوظة..خخخخخخ..انزين العيوووز..

أم راشد:عيز حيلج مضيعة المذهب..

روضه:مشالله على كل كلمة ما يناسبها من السبااات..المووهيم..اقول في عيوز اعرفها فالمنتدى اتقول مضيعه برقعها..شو الحل وياها..وهي ما تبغي الا برقعها اللي ضاع..ومنقود الحرمه اتم بليا رقع..شو بغيتيها اتسوي..شو من حل عندج..؟؟

أم راشد:واايه علني فدااها المحشوومــة..خليها اتيي وبعطيها برقع..

"هاه\عيوز مضيعه برقعها\ بتسيرين صوب أم راشد؟؟"

روضه:انزين عاده بيضي الويه وعطيها برقع مطرز..

أم راشد:امممرة واللي تبغيه حااضرين للطيبين..

روضه:أقول العيوز..

أم راشد:انتي العيوز ما غيرج..شو تبغين بعد؟؟

روضه:بخبرج سالفة وحده من المعلمات..اتدرسنا وااحليلها..معلمة طيوبه ارحيمه اتيينن..المهم هالمعلمة عرست..وخذت واحد مينون..جان اتين وياه..

أم راشد:واايه التراب شو تبغيبه..؟؟

روضه:يماايه اتحبه وتغرم عليه..

أم راشد:اها وخلاف شو استوى؟؟!!

روضه:بتيج السالفه فوق مووتر اكس فايف ولا يالسه اتقحص..خخخ....لووول..المهم سمعي شو اللي استوى..وهااك اليوم جان اتيينا صفنا وميودة الكتاب مال المادة عسب اتدرسنــا..وكانت الحرمه طبيعيه..

أم راشد:شقاايل طبيعية..يعني ينت؟؟

روضه:طبيعية يعني ما فيها شي..ع حالتها العاديه..

أم راشد:هيه يا حليها وخلاف شو استوى..

مسكيينه العيوز مندمجه فالسالفه ما تعرف انه روضه اتولع عليها واحد من صواريخها القويه..

روضه:انزين أمايه جان تدخل المس وتيلس ع الكرسي ونظراتها عليه..

أم محمد:ويديه.. شو يعني المس؟؟!!!!

"صج عيااييزنا ما يعرفن شو يعني المس..عسب جيه رواضي كانت في بداية الجذبه اتقول معلمه بعدين ردت ع طبيعتها"..

روضه:فديت قلبج مس يعني معلمه..

أم راشد:هيه وهالرمسه من وين ظهرتوها..

صدت روضه صوب عليا وعليا تضحك عليها..

روضه"تبغي اتغير الموضوع":اووف الجو طر..خبااااااااااال؟؟

أم راشد:هيه هيه..يلا يلا قولي سالفة ..شو الكلمة اللي قالتها من شويه؟؟

أم محمد:مس..

"عااده يوم نطقتها ام محمد شي ثااني".

أم راشد:هيه قولي سالفة مسّج..

"يعني معلمتج"..خخخخخخخ..

روضه:هع هع ..بليييييييت عمريه..انزين..جان تحدر المعلمه وميودة كتابها ويلست ع الكرسي وعيونها علي..عاده انا زغت..وقلت في خاطريه شو بلاها هالمعلمه جيه اتطالعني..انا ما سويت لها شي ..جان اطنش السالفه..وجان اتسلم المعلمه..السلااام عليكم..ردينا عليها وعليكم السلام ورحمة الله وبركــاته..

"نطقتها روضه شرات الأطفال..عني انا وبنات صفيه..يوم تحدر المس وتسلم نغلس عليها ونرد السلام واحن مطولين كل كلمه..

طبعاً هاه كله عسب الحصه اتضيييع..حركككات بنات المدااارس.."

..:::انرد لسالفة روضه أم الصواريخ:::..

روضه:جان نرد السلام ونيلس ونظهر كتبنا ونصد صوبها..جان تزقرني.."وتقلد المس"الرووض تعالي ابغيج..وسرت صوبها ع بالي بطرشني صوب معلمه ثانيه ولا تبغيني اييب شي من مكتبها ولا شي ولا شي ولا شي..جــان اتقولي تعالي بصاصرج ابغي اقولج شي وما ابغي البنات يسمعونه..

أم راشد:وشو قالت لج..

روضه:جان احتاار في أمري"الأخت تعلمت من شيفون ذهبي تنقع فاللغه العربيه"..هالمس..اووه اقصد هالمعلمه ايقولون لابسنها يني..شو اللي يحدني واخليها تصاصرني..لالالا..بس خاطريه اعرف شو تبغي وشو تبغي اتقولي..يلا بسمعها واللي فيها فيها.."وترمس بحذر عسب اللي وياها يعيشون الجو..كركركر"ويوم قربت منها تدرن شو قالت ليه؟؟

العياااييز+ عليا:شوو؟؟

روضه:لالالالا..ماروووم ماروووم..ماروم ارمس جيه..بسير عند كل وحده وبقولها في اذونها عسب محد يسمع..نبتدي بالشيخه حصه..

وسارت صوب يدوتها وقربت من صوبها..

روضه:يدوووه وين اذونــج..؟؟!!

أم راشد:اشو عميه ما تشوفين؟؟

روضه"تستخف دمها":لا فقدت البصر..خخخ..

ويوم قربت من اذن يدوتها وتبغي اتقولها شو قالت لها المس..

روضه"تصارخ بصوت شبه عالي عسب الرياييل ما يسمعون":بوووووووووو..

زاااغت العيووز وونقزت من مكانها..

روضه:هههههههههههههههههههههههههههههههههههههه..

ام راشد:عنلاااتــج مسودة الويه مضيعة المذهب..ياللي ما تحشمين ولا تخيلين..العيره ناولني اياها بمردغبها ينب هالسباله رووضه..وين عيرتيه..

ومن يودت العيوز عيرتها"عصتها"..نشت روضه تربع من مكانها..وهي تضحك على يدتها..وشافت موزاني وهي سايرة صوب النيسان الأبيض مال حمد..اللي مزودنه وما خلا لا هدرز ولا غاز ولا توربو الا وحطه في نيسانه..

روضه:مووزاني..موزااني..

موزة:هــلا روضه خشمج خشمج..

ويتواايهن..

موزاني:أبشرج تمت السرقه..يلا زقرييهــن..

روضه"وهي تفكر بخبث":لا انا بشغل الموتر وانتي زقريهن..

موزاني:اوكيك..هااج يودي السويج..

استاانست روضه من طاح السويج في يدها..وربعت صوب النيسان وفجت الباب وركبت وبندته..وكانت حاطه في بالها خطه شنيعه جداً..خخ..وخاطرها تغايض بهن اشويه..خاصتن موزاني وشموس وفطامي اللي ودهن يركبن الموتر وروضه اتسوق..

شغلت المسيل على اغاني ميحد..خخخ..ومن لمحت موزاني وشموس وفطامي يايات..حركت السيارة صوبهن..

روضه:بنات استعيلن اشويه يلا..

فطامي:اووف خاطريه والله بسره قويه..

شموس:يااويلنا..

موزاني:لا ما عليج انا وياج..

روضه:واييييد خااقه بعمرج..يلا يلا ركبن خلصنا..

ومن قربن البنات من روضه حركت السيارة وطنشتهن وستلهن اكبر طااف..

فطامي:حوووه السباله وقفي..

روضه"اتظهر لسانها":مااااااريييييييييييد..دومكن ويايه..خاطريه انعم بسرقه ارووحي..

موزاني:وقفي روووووووووضه وقفي انا اانا بس..

روضه:ولا وحده..

وتزيد من سرعتها.

روضه:لا تخبرن حد..نياهاهاهاهاها؟..

وسارت بموتر حمد وخلتهن والغبار ع ويههن..

موزاني:والله ارويهــا..وسارت تربع صوب الريااييل..

ومحد انذل من روضه الا موزاني..

موزاني:حمد يا حمد..

حمد:ابشري بحمد..!!

موزاني:رواضي سرقت السويج مني ودبرت بموترك.."دبرت:راحت"

أبو خليفه:يييها يا هالبنيه ما تتوب..

أبو محمد:الله بلاني بها..

حمد:قم قم السيف بنلحقها ..قسم بالله أأدبهــا..

سيف:هههههه..الله يعينا بس..

ونشواا سيف وحمد وركبوا نيسان سيف..



× عند رواضي×



في ضحايا محضه..والجو الرهيب..والهبوب الخفيفه..الأخت روضه يالسه تتحوط في هالمنطقه..ومشالله عليها ادل الدرب..يعني ما تضيع فيها..من كثر ما يسيرون صوب محضه حفظتها..وهاي ما كانت اول مرة تسرق سيارة في هالمنطقه..

روضه كانت مرتبشه ويا ميحد..وتغني..وتقحص بالسيارة مرة يمين ومرة يسار..لووول..

روضه"تغني ويا ميحد":هيمان يالمحبوب هيمــان..

وما مداها اتكمل الأغنيه..الا اتشوف بنيه يالسه عندها..

روضه:أويييها انتي شو ياابــج؟؟!!

شوكلاته:انا شوكلااته..ييت من السعودية..

روضه:اونه خشمج خشمج..

شوكلاته:هههههه..شيفون ذهبي وييينج؟؟!!

"عاده السموحه منكن يالسعوديات ما اعرف ارمس سعودي"

شيفون ذهبي:انا اهنه..خشمج الرووض ..

ويتوايهن روضه وشيفون ذهبي..

وتمن مستانسات ويسولفن وحالتهن لله..

شيفون ذهبي:روضه احن ضربنا مشوار من السعوديه وتعنينا صوبــج عسب نقولــج شي..

"كانوا شيفون ذهبي وشوكلاته يفكرن انهن يقولن لروضه عن حقيقة سهيل"

روضه"زاايغه":شو شو مستوي؟؟!

شوكلاته"اتهدي الموضوع..":ما استوى شي..فطامي بتخبرج بعدين..

صخت روضه..شيفون ذهبي وشوكلاته هب ناويات ع خير..واشوي الا تصد على يمينها..وشافت رنــج سوودا..جان يظهرن لها بنتيين..

اموت في الرنج:اوووه رواااااااااااضي..

أم كاايد:ويييييين السيااااافي انا ابا السيااااافي..

روضه:هـــلا والله..شحــالكن ربكن الا بخير..؟؟!!

أموت في الرنج:بخير يعلج الخير ومن صوبــج..؟؟!!

روضه:يسرج حالي..حيالله من يانا ولفانا..

أموت في الرنج:لله يحيييج..ما نشكي بااس..الا الشيخه بتخبرج..

روضه:امري علني فدااج..

أم كايد:وين السيافي..؟؟

أموت في الرنج:هيه وينه نبغي انشوفه..

"فييهن فضوول هاييل الثنتييين.."

روضه:اتشووفن هاليبل الصغيروني..امممرة ورااه بتلاقونهم اهناك..

أم كايد:مشكوورة الشيخه والله لا هــانج..

روضه:يامرحباابكم من دااري لدااركم..

واتصد صوب شوكلاته..

روضه:شو السالفه..اللي في المنتدى كلهم يوا محضه..

كانت شوكلاته تبي تتكلم..بس شيفون ذهبي دخلت راسها بين روضه و شوكلاته..

شيفون ذهبي:بما اني المتحدثه الرسميه لحزب السيافي..والمعلق الرياضي بشهادة العنيده212..قررنا انا ووشوكلاته واللي من حزب السيافي مثل شيخة البنات1_1 وكوين اوف روك وشرات القمر وحرامية شباصات وحنين الدنيا وأموت في الرنج وأم كايد وبدوية عنيده وسعوديه ما يهزني مخلوق ومن هالشله..اني نييكم صوب محضه ونسلم عليكم.ونحمي السيف من مخاوي الزعيم ..لأن مخاوي الزعيم متواجد حالياً في هالمنطقه ومعه مسدس عشان يقتل السيافي ..تصدقون يا اهل الإمارات إن منطقتكم عجييبه ورهييبه..تدرون متى قلت هالكلمه..مرة في المدرسه انا وصديقاتي كلنا ويا بعض قلنا رهييبه عجييبه..والله ايام المدرسه حلوووة..كنا نلعب ع البنات ونضحك ع الرايح والراد..الله يذكرها بالخير.

شوكلااته:حششششى..والله يوم نرد السعوديه بنتفاااااهم..كلتييينا...بعدج ما خلصتي من السالفه الأولى دخلتي في الثانيه..

فجت شيفون ذهبي تبغي ترمس..الا وروح مسلوبه وعزتي تاج راسي معاهم في نيسان حمد..

روضه:وووييل حااالي..من وين ظهروا هاايلا.؟؟؟!!

شيفون ذهبي:انتوا وينكم ليش تأخرتوا..؟؟!!!

روح مسلوبه:هاذا كله من عزتي تاج راسي ساعه لما تخلص لنا الجوازات..

شوكلاته:ووينهي سعودية ما بهزني مخلوق..

روح مسلوبه:المسكينه تعبت علينا..وقالت في المرات القدامه..ادعوولها..

الكل:الله يشفيها..

.

.

"يااويلي من سعوديه ما يهزني مخلوق بتقولي ليش تتفاولين عليه بالمرض"

.

.

وتموا الشله يسولفون مع روضه..روح مسلوبه كانت مرتبشه مرة هي وشيفون ذهبي ووقفوا الموتر وتمت روضه تعلمهم السواقه..اشوي الا ايشوفون سيارة استيشن ذهبي مرقمه من قطر..ووقفت عدال نيسان حمد..اللي هو بحوزة روضه..

وتظهرلكم غلا الماضي اللي كانت اتسوق وخطااك ضيع غلااك ومعاهم حلم قطر ومشاعر قطريه..

وسلموا على روضه واللي وياها وتموا يسولفون معاهم اشوي..وبعدين ردوا لقطر بسرعه..لأن عندهم اشغال ومدارس وتعرفون فعشان جيه ما أتأخروا فالإمارات..

وركبوا قوم روضه السيارة مرة ثانيه..ويمشون اشوي الا يشوفون مجموعة بنات قاعدات..وعندهم قهوه وفواله ..وأشرولها..فوقفت روضه بموترها ونزلوا شيفون ذهبي وشوكلاته وروح مسلوبه وعزتي هي تاج راسي..

وسلموا ع اللي موجدين..

حياتي فدااك:قربوا قروا تفاولوا..

نور العاصمه:حيالله من يانا..

روضه:الله يحيج يالغــلا..

حياتي فداك:صبن صبن قهوه للضيوووف..

عزتي تاج راسي:مشكورين والله..

شيفون ذهبي:لو شي عصير ايكون أحسن..تدرون اينااسب مع الجو..

روح مسلوبه:استحي يا بنت اشويه..

شوكلاته:هاذي دواها بعدين..

شيفون ذهبي:بسم الله انا شو قلت؟؟!!

عزتي تاج راسي:بعدين بعدين ما نبا تخرب حزبنا..

شيخة البنات1_1:الله يهيديه مخاوي الزعيم مسويلنا ازمه فالمنتدى..كل ساعه ضاهرلنا الا وتقتلوون سيف..

شيفون ذهبي:والله يقهرني هالإنسان..

شوكلاته:ويوقل انه نكي هب حلوو..والله اني اكتشفت انه أكبر ملقووف فالعالم..

شرات القمر:حراام عليه والله..تخيلوا القصه بدون سيف..

شوكلاته:بس العنيدي أكدت لي انها ما بتقتل سيف..

roo7_alyama7i:هي بس تبغي اتشوف تفكير الأخ مخاوي الزعيم..

فديت دبي:والله انه عيشنا في رعب..تدرون انا يوم دريت انه في محضه قلت الا لزوومن اسير صوب محضه واكون مع حزب السيافي..

وين الناس!!:هيه صح لازم ناخذ احتياطاتنا..

نواري:لو شفتوا أم كايد كيف ما خلت سجين في بيتهم ولا عيرة في عزبتهم الا ويابتها عسب السيف..وتشن الحرب على مخاوي الزعيم..

قلب العنا"تاكل شيتوس ما يفارقها وين ما اتكون":أم كايد اهم شي عندها ريلها.."وتشرب بيبسي"..لووول..

عيناوية وأفتخر"تهدي البنات":لا لا تخافون انا اعرفها العنيده212 عشرة عمر معاها..ما بترضي واحد وتزعلكم كلكم..

يتيمة بدون زايد:هيه والله تفكير منطقي..العنيده طيبه..وتحب الناس..

"يالسه امدّح عمري..خخخخ"

روضه:حوووه خبروني شو السالفه..منو بيقتل السيف وشو السالفه..

شوكلاته:ليتهم يقتلون سهيل يكون أحسن..

قلب العنا:هيه صح انتي تعالي ليش انتي تحبين سهيل..؟؟!!

حرامية شباصات"تعدل شباصتها اليي سرقتها قبل اشويه":هيه صح ليش اتحبينه؟؟!!

كوين اوف روك:هيه هاذا سهيل اكرهــــــــــــــه يلوع بي.

عيناوية وأفتخر:حتى انا اكرهـــــــــه..

سعودية ما يهزني مخلووق:حتى انا أكرهـــــــــــه..

روضه:حراام عليكم سهيل طيب ليش تكرهونه..

حياتي فداك:هيه وااضح انه طيب مررررةةةة الصراااحه..انتي ما تعرفين ان الأخ سهيل يالس يلعــــ............

قايدة الغراشيب" قاايدووه تهدي الوضع":بس بس بنات انتوا جيه تحرقون القصه..يمكن فطامي تتشجع وتقولهــا..

راعية البر"تنش من مكانها": هيه والله..احن نتريا ترمس بس الله يهديها..المووهيم انا بسير هليه سوولي تيلفون بسير بشرب قهوه..

وسارت راعية البر..وتذكرت..روضه اهلها..أول ما نشت تموا النبات يطالعونها وبعدين كلهم صدوا صوب مخاوي الزعيم..اللي كان ميود مسدس بيده اليمين..ويده اليسار سجين هرّبه من بيتهم بمساعدة طباخهم..

مخاوي الزعيم"بصوته الخشن":انتي روضه؟؟

روضه:هيه انا روضه...>>>>>>المسكينه كانت بتمووت من الزيغه..

مخاوي الزعيم:وين سيف والعنيده212..يلا ابا اقتلهم..

روضه:شووو؟؟شو اتقول انته شو السالفه..

نور العاصمه:ياإلهــي انهوو مخاووي الزعيم..

سعودية ما يهزها مخلوق:شيفون ذهبي انتي زعيمة الحزب والمتحدث الرسمي والمعلق الريااضي..ماذا نفعل..؟؟!!

شيفون ذهبي تسكت شويه بعدين ترمس:........انهــا الحرب أيها القوووووووم..

"وانا يالسه اكتب..تذكرت الزير أبو ليلى المهلهل..والموسيقى ماله يوم كان يحارب..واتخيلت شيفون ذهبي لابسه لبسه وفوق حصانه..لوووول.."

حياتي:فداااك:بناات شوفوا سهيل..

شوكلاته"اول الناس":عليييييييييييييييييييييييييييييييييييييييهم يالقوووم..

مخاوي الزعيم ارتبش يوم شاف البنات هااييلا كلهن يبون يضاربونه..بس استغرب كلهن خطفنه وراحوا صوب سهيل..اللي كان ورى مخاوي الزعيم..ترى ظهروا ربع من أيام الثنوية..لووول..

روضه ما لاحظت وجود سهيل لأن البنات كثير وكلهم هجموا عليه..وركبت موترها وخلتهم..واشوي الا يدق تيلفونها وكانوا شموخ أهلاوية وروح ووجدان وويل حالي والمنصورية وبنت الدواسر ومع غيري إلــ ع ــبها وجتبية غاوية و&مجروحه& والحلوة123 والمستحيل واليتيمة وعيوز الإمارات وصوغــه يسلمون على روضه..وكل وحده في خاطرها تخبر روضه عن اللي يستوي وهي ما تعرف..بس فضلوا ان العنيده تخبرها بطريقتها الخاصه..



.

.

..:::انتهت جولتنا مع اعضااء المنتدى..والسموحه منكــــم ..على فكرة حرب مخاوي الزعيم وشيفون ذهبي للحينه ما خصلت..الله يعين بس:::..

.

.



روضه"تغني ويا ميحد":هيمــان يالمحبوب هيمــان..

اوويييــه شو يااب نيسان سيف اللحينه.."وتركز أكثر"..لاااااااااااا..بووو شهــاب وياااهم..ماريد ماريد اعطيهم النيسان أنا استااانست واايد ..مستحييل أعطييهم إياه..

سيف"يصاارخ عليها بصوت عالي":حووه يالسرااااقـــه وين تبين؟؟تعالي تعالي..

حمد:والله أأدبــج واخليج توبين تسرقين سياايير..

روضه"تشرد منهم":ماااااااارررررريد ابغي استتتتتتاااااانس..

زااد سيف السرعه وتموا يمشون على مستوى سرعتها وعدااالها..يعني مرة جرييييييييييب منها..

حمد"يمد يده صوب روضه عسب يضربها":تعاالي خليني اضربــج..اخرما اتوقعته انج تسرقين موتريه..

سيف:عليك بها..يودها من شعرها وأأدبها..

حمد:انا الزعييييم حمد..

روضه"تتمصخر":هع هع الزعيييم حمد ينقص عليه..وسرقت موووتره..

غمض سيف عيونه..ينقص عليه..كلمه وصلت مسمعه من قبل..من عند شيخووه...ملامح رووضه..عيونها خشمها حتى تعابير ويهها واستهبالها..كل هالأشياء اعيونه شافتها..بس وين شافها..شافها في ويه شيخه..ما يعرف ليش كل شي يخص روضه يربطـه بشيخه..حتى أتفه الأسباااب..رووضه ويين وشيخه وين؟؟!! ..بس في شي يجمعهم..اللي هو الشكــل..وهاذا اللي ملعوز بسيييف..ومب مخليه يتقبل حركــات روضه كأنهم يمزحون ويسولفون عاادي..

سيف:اووه حمد يلا ياخي ما فينا نرابع ورى هالسبااله..

روضه:شوووو؟؟!! انته ما تشوف عمرك..

سيف:جب انزين ولا اتطولين لســانج..

فجت روضه ثمهــا تبغي اترد عليه..بس نظرة حمد منعتها..جان تزيد من سرعتها وترد صوب بقعتهم وين ما كانوا يالسين..

كل ما تتقبل سيف..كأنه شخص عادي..ويكون ولد عموتها..يظهرلها بسالفه تخلي تكرهه أكثر وأكثر..معاملته ..كل يوم والثاني تتغير..مرة مخليها ملكه وحاطها فوق راسه..ومرة يهينها ويسبها..

هالتنااقضات اللي في شخصيته..خلت روضه تكرهه..ووعدت نفسها انها ما ترمسه ولا تعطيه ويه من هالسااااااعه..

وصلت روضه عند عربنا..وقفت سيارة حمد مكانها..وشلت السويج وعقته على موزاني اللي كانت قاعده..ويلست عدالهن..ونست هالضيج كله..يوم شافت سهيل موقف موتره وظاهر منه وسار صوب الريااييل يسلم عليهم..

وشوي الا أمهم العوده تزقره..

أم راشد:سهييل..سهييل..

سهيل"يصد صوبهن":لبيــه..

أم راشد:لبيت حاايه تعال ابغيك..

سهيل:انزين اللحينه بيي..

موزاني"تهمس في أذون روضه":اول ما ايي نشي من عندنا فاااااهمه..

روضه"بتموت":شوووو؟؟ع كيفج؟؟انا ابغي اشووفــه..لألأ ما بنش..

موزاني:نشي يا غبيه احن من شوي شو قلنا؟؟!!

روضه:هيه صح..خليه ايي ..بسير بسرعه..

موزاني:على طول نشي لا تعطينه مجال يطالعج..

روضه:انزين انزين انتي ناويه اتخربيني..

موزاني:هع هع هع..

سهيل:السلام علييكــم..

الكل:وعليــكم السلام..

نشت روضه من مكانها ومحد انتبه لها من الحرمات الكبار..اما البنات كل وحده اتطالع الثانيه مستغربات ليش الروض نشت .وما يلست عندهن..بالنسبه لسهيل..مسوي أكبر طااااف..لأن وجودها والعدم ووواحـــد..

تم سهيل يسولف ويا يدوته اشويه وحريم عمومتــه..وحس عمره متضاايج لأنه من زمان ما قص على رووضه..جان يسير صوب سيارته..اونه يبغي له حاايــه..والروض كانت يالسه في استيشنهم مكان السواق..وفاجه الكنديشن ومخليتنه يضرب عليها..ومشغله CD حربي العامري..وتغني وياااه..طبعاً السويـج خلت عنودي تسرقه من محمد..يعني عنودي ان شالله بيكون لها مستقبل وعنودي يالسه ع الكرسي اللي عدال السواق وتشرب لها عصير برتقــال..



.

.

وش علامك قام ياخــــــذك الغياب...

ماتعرف انك على روحـــــي تمون..

المحبه من طرف واحد عـــــــذاب..

اسأل العشاق واللي يعشقـــــــون..

.

.

لك بقلبي حب تحدى الحــــــساب..

لا تروح بعيد وتاخذك الظـــــنون..

دام عشرتنا على هام الســــحاب..

وش يهمك وانته قدرك ع المزون..

.

.

والعذاب الوان يا ترف الشـــباب..

وانا حبي لك الى حد الجنــــــون..

لا تعلقني على وهم وســـــراب..

اقصر الخطوات والكاين يكــون..

.

.

يا حـلى همس المعاتب والعتاب..

يكشـف المستور نظرات العيون..

كل جــرح من سبب الأيام طــاب..

الا جــرحي منك عيا لا يهـــــون..

.

.



تحس ان راسها اشوي وبينفجــر من التفكير..اللحينه هي تعودت على حركات سهيل..يومين اتشوفه..واسبوعين لا....شو بتسوي فالشوق اللي ذبح قلبهــا..الا اتشوفه وتسمع صوتــه..بس موزاني اقنعتها انها اتسويلــه أكبر طاف..

حبــت أتغير السالفه..وحبت انها تبعد عقلها عن التفكير بسهيل.. فصدت صوب عنودي ببطئ..وهي رافعه واحد من حياته..

روضه:عنودي؟؟!!

عنودي:هاه؟؟

روضه:عطيني عصير ولا بقول لبوج انج سرقتي السويج..

عنود:شو؟؟!!..ترا..تراج انتي..انتي قلتي لي ..سرقي السويـج..

روضه"اتييب كيمرتها من السيت الوراني لأنها خلت غبوش من قبل اتوديها السيارة":انزين خلاص لا تصيحين تعال بصورج...

وتشغل الكيمرا ..ما عندها شغل الا تصور..حياتها كلها تصوير..وتمت اتصور عنودي..وعنودي عايشه الجو ويالسه اتغني..عاد هاي عنودي بعدووا عنها..مووتهــا على نانسي عجرم..والمشكله حافظــه الأغاني زين ما زين..يعني اذا سمعتولها بتاخذ عشره على عشره..شفتوا..هاذا هو الجيل اللي نتوقع انهم بيعمرون المستقبل..!!!!!!

روضه:انزين مليت غني غنيه ثانيه..

عنودي"بدلع وتلعب بشعرها ":انا يللي بحبك وحدي انا..انا يللي بريدك ليه انا..انا يللي بعمرري بيأأ انا ..على وعدي يا وعدي وحدي أنا...

"عاده لحد يتمصخر..انا أظني ان الغنيه جيه....اذ اذا اذا ما خاب ظني.."

روضه:عنلااات صدااج يالسبااله ..يوم تغنين ما تغلطين فالرمسه ولا تأتأيين..

عنودي:صوريني صوريني بغني غنيه ثاانيه..

روضه:يلا شو ورانا الا نجابل شيفتج..

عنودي:أنا ما بدي اتألي كلام..بيدوب ألبي حنين وغرام..أنا ما بدي أتألي كلاام..بيدوب ألبي حنين وغرااام..

روضه:مــــــــــــااالت على هالشيفه..بس اتصدقين تنفعين مغنيه..

عنودي:لا..احلى ..احلى...احلى شي..يوم اتقول..كلمة أحبك..هيدا الكلمة بتأتلني..

روضه:شووو لبنانيه الأخت؟؟!!!

عنودي:سمعي هاي..فالغرام لسه بدري عليك..ولا عمري تاني حفكر فيك دنا كنت قنبك وسابني ألبك اتاري حبك كلام في كلام..وأول تاني كده..مييين تأصد ننا حبنا عشأنا هو انته بتتكلم عننا..

روضه:لا تربشين مشاالله عليج..بقوم بهز اللحينه...خخخخخخ...عندنا نانسي عجرم مصغره..وتغنيلنا أحلـى الأغاني..للطلبات أو الإستفسار يرجى إرسال ايميلاتكوون على هيدا الإيميل..Nansi_Nono@hotmail.com...خخخخخ..



"اقول لحد يسويله ااد هالإيميل بتظهرلكم عنودي وهي مكشخه ضرووسها..خخخ"



روضه"تحرك الكيمرا بشكل سريع اونها اتصور فديو كليب":يلا نانسي غنيه ثااانيه..

عنودي:كلمة وصار ألبي بكلمة نار على نار بسمه ع بسمه ألبي احتار نساني اسمي مدري كيييف أهواااه..ياااااااي سحر عيونو ونزرااااته..أول ما تلاأينا عين بعين...

كــانت عنودي مندمجه ويا الغنيه وترمش بعيوناتها وتسوي حركات بثمها..يعني صج شكلها يييضضضضضضضحك...

روضه:خخخخخخخخخخخخخخخخخخخخخخخخ..حووه حووه لا تنسين انج اماراتيه وبدويه..قسم بالله انج..خهههههههههههههههههههههخخخخ..واااااحليييلج..نش ي نشي بنسير صوب موزاني خليها تضحك عليج..

عنودي:هيه موزاني بس..هب عند اما..امااايه..

روضه"بخبث":لييييييييييش؟؟>>>وترقص حياااتها فوق تحت..

عنودي:لأني امايه خلاف بتييني وبتهزبني...

روضه:اوكيك تم..بس اقوول ابغيج اتهزين..

عنودي:ان شاالله..>>عاايشه الدور من الخاطر..

وجان تفتش في الموتر جان شي نظارة عسب تعطيها عنودي..يعني تكون نانسي عجرم..وحصلت وحده ولبستها العنود..عاده عنودي تمت مستاانسه وشااقه الحلج..وتظهر روضه من السيارة وميودة كيمرتها اونهـا تنقل حدث فني مباشر مميز ومهم جداً حيث إنه سيهز العالم العربي في مجال الفن.."استويت شيفون ذهبي"..لوول..

وكـان صوتها ينسمــع ويتسجل وهي تعلق على هذا الحدث المهم اللي هو نانسي الصغيره..تذكرت الـــ mp3..اللي عاقتنه ع الكرسي.."كرسي السواق"..جان ترد لمكانها الأولي..ومن خذته صدت ورى جان اتشوف سهيل في ويهها..

حست ان الدم يسري في عروقهــا..وان الزمــن عند شوفة سهيل بالنسبه لها توقف..تعجز تفسير شو الأحاسيس اللي حستبها اللحينه..نظرتــه بسمته حتى يوم يرفع واحد من حياته يذوووبهــــا.......؟؟!!!!!

سهيل:شحـالج؟؟!!

روضه"مرتبشه":الحمدالله..

سهيل:جيه ما تتخبرين عن حــالي..؟؟!!

روضه:...................................

سهيل:ليش يوم شفتيني نشيتي من مكااانج..

روضه:..................................

سهيل:لا تظن إن طال غيابي نسيتــك..

لا والله ما أنسى من توده عيــوني..

روضه:................................

سهيل:ليش ساكته؟؟!!!

روضه:..........مــا..ما عندي شي أقووولـــه..شي في خــاطرك؟؟!!

سهيل: اذا حبيت غيري طالبك..

لا تحبه كثر ما حبيتني..

صدت عنه وكملت طريقهــا صوب البنــات..وكل نبض في قلبها ما ينطق غير كلمــة وحده..



:::

"كلمــة أحبــك عطرها من زمــن فاااح"

:::

صدت عنه والمشاااعر كلها تحتوي قلبها المتيم..صدت عنه وما تردد في مسامعهــا الا طلبــة سهيل..

:::

"أنا احب غيرك ايش فيه انجنيــــت؟؟"

:::



أي حب سكــن قلب هالروضه..وأي طيبه حلت فيه..وأي مشااعر وفــا وأي أحاسيس محبه هي اللي احتوته؟؟؟!! ا..لو اوضح و أحاول ان اوفي لو القليل بس من اللي في قلبهــا..صدقوني ما اوفيه..؟؟

وبهالموقــف..انتهت رحلتنـا في بر محضه..!!!!