منتديات ليلاس - سجينات خلف قضبان القصور

صباح الخيرات اختي غموض
تسلمين على الرواية الرائعة واعتبريني متابعة جديدة وبصراحه ماقدرت اقرا وامشي وانا اذا شفت شي واعجبني يحكني لساني لازم اتكلم
اهل القرية حياتهم مره عجبتني وحبيتهم كلهم من ابو راكان وحنيته وعجزه وزوجته وبناتها خاصة نوره داخله مزاجي مره الله يرزقها طلول بس وهذا توقعي بس وشلون عاد بنوصلهم لبعض نبيه بطريقتك الحلوة احسها مناسبة له وقريبه من شخصيته رغم فارق الطبقة بينهم بس ماتوقع طلال عنده اعتراض وهو وش تقرب له لمياء هل فيه قرابه
موضي ياملحها واعجبنتي سالفه العزيمه وغداهم مره وشوقوني اذوق طبخهم الله يسعدهم واتوقع ان نايف بيطرق بابهم عن قريب ان شاء الله
راكان مثال للاخ الحنون واحساس بالمسؤليه الله يوفقه ويرزقه ويتعين في ديره اهله ويزوجه من هيا ياحبيلها وحياها فديتها والله
راسيل وسما اول مابديت الروايه حسيتهم منفلتات بس بعدين غيرت نظرتي وعرفت ان فيه من ينتبه لهم واخلاقهم زينه
طلال شخصيه ورزه ماشاء الله عليه اعجبني حرصه على اخواته واهتمامه فيهم واخاله الفرح لقلوبهم عشان يكسر الحاجز الي بينهم ومره عجبتني شخصية امهم وانها ماتتدخل في علاقه طلال باخواته وحبها له مع ان بعض زوجات الاب مايبون عيال زوجها يتدخلون في عيالها
دانا عسل وشايله هم اكبرمنها الله يرزقها ابن الحلال وتفتك من ابوها هالعله وامها المفروض تصبر عليه عشان بناتها وعادل لازم ينتبه لابوه ويكون له دور لو انحد ياخذ اخواته عنده ولا يجيهم شي
ديما ياقلبي عليه والله اذا قريت مقاطعها يعورني قلبي عليها وارحمها اعوذ بالله وش هالقلب عندهم استغفر الله ومره ابوها هاذي الله يقلعها هي وعيالها وبناتها الله يورينا فيكم يوم وابوها عساك تخسر ماوراك ودونك ياقاسي القلب قطع منك وراك كذا على بنتك ودي ادري وش الذنب الي تحمله امها ومعذب بنتك بسببها
فيصل ومرته مره يجننون وكذلك العمه الله يخليهم سند لديما
واخيرا يالغلا ماقصرتي على هالابداع وانا بديت اسوي دعايه لروايتك عند العائله فانتظري ضيوفك الجدد ونراكي على خير بأذن الله