منتديات ليلاس - نور للكاتبة وديمة العطاء

ماشاء الله تبارك الله ودوم بارت في القمه ولله اني استمتعت فيه وانا احس براحه في القرائه جبتي قصص اصحاب الفيل والسيده هاجر ثم تتطرقتي للهجره وتكلمتي عن اصحاب رسول الله صلى الله عليه وسلم الخلافاء الراشدين سيدنا ابوبكر وعمر رضي الله عنهم
والرسول لقب امير الموؤمنين عمر بالفاروق لانه يفرق بين الحق والباطل ولا يخاف في الحق لومة لاائم وقال عنه حبيبنا محمد صلى الله عليه وسلم اذا سلك عمر طريق سلك الشيطان طريق اخر من قوة ايمانه والحمد الله ان الله اكرم رسول الله وقبل دعوته عندما دعى ان الله يكرم الاسلام باحدى العمرين وفعلن في شدة عذاب واضطهاد قريش له اكرمه الله باسلام البطل امير الموؤمنين عمر بن الخطاب
جعل ماقلتي واتحفتينا فيه من معلومات ونصايح في ذا الروايه في ميزان حسناتس وانتي تعرفين ان كثير من بنات الاسلام ومن العديد من الجنسيات يقرون الروايه

ماقصرت زايد مع نور عطيتها اللي تبي ولبيت لها اللي بخاطرها زارت مكه والمدينه وشافت اللي تتمنى انها تشوفه واثرت فيك انت حتى بعد اللي شافته
زايد صدقني الروحه هذي غير عن لندن قربتك من نور اكثر واكثر ولا مليون وحده من البنات اللي على قولك عربيه ام وابو بتملا عينك بعد نور انا متاكده ان طيف نور ماراح يفارقك لا ليل ولا نهار وصدقني اذا ابعدت نور عنك ابعدت الكرسي عنك لانك ماراح لا تفكر لا بكرسي ولا طاوله ماراح يجي على بالك الا طيف نور كلاما جمالها برائتها زايد حب نور بيسل حالك مثل ماسل حب مي حال مروان تبي القول الطيب ولا ولد عمه نور عشعش حبها وتغلغل في جوفك وصدقني انك ماراح تقدر تخلص منه
وانتي يانور ولله اني مستغربه منتس ليش تبين المحضور يصير بينتس وبين زايد وانتي عارفه انه معند مايبي ارتباطه فيتس بس تدرين مادري ليش حاسه انه راح يقع المحضور بينكم في المدينه لانتس حطيتي البنزين جنب النار وزايد رجال وبكامل رجولته واللي جنبه بنت ومهيب اي بنت
واتوقع ان نور بتحمل بولد زايد في ذا الليله وبعد مايرجع البلاد ويطلقها وتعر ف نور بحملها من زايد راح تخفيه على زايد تخاف يطلب منها تسقطه ولا راح يدري زايد الا اذا التقى فيها عقب فتره وهي حامل وبطنها باين ويمكن تطلب من الكل مايقوله انها حامل ويمكن بعد تطلب تعيش عند عمها خليفه في ملحق نوره وبيكون بعيد عن عينه
وصدقيني نور زايد مرده لتس مثل زايد اذا اقتنع من امر لو انه خطاء راح يصر عليه اتركيه واذا حس انه خلاص معاد انتيب من املاكه راح يندم وخاصه اذا عرف منصور بطلاقها منك وجاك خاطب النور لانك ولد عمها وولي امره فيذا الحاله راح يجن جنونك

يقالك خليفه تكيد النوره وبتسوي زيها وبتصير خبيث بافكارك لاحبيبي هذي لنوري ولاجر على الله صدقني ماراح تلقى منها اي قبول ونره راح تجاريك بس برغبتها هي وبقدر الحدود اللي تحطها هي
وعندي احساس ان نوره بتقلب السالفه عليك وبتستلعن في الحركات معك اذا طبت خميره عليكم واليازي موجوده وفذيك الساعه حلها يبو العريف وخل افكارك تنفعك وبدال ماتقلب السالفه على نوره بتقلبها عليك
واتوقع اليازي بتاقف بصف نوره ضد خميره وراح تتفنن في قهر خميره وبتقعد تقص عليها قصص العشق والغرام اللي بين نوره وعمها وتبهر عليها عشان تقهر خميره وتطق مرارتها

شفت فهد اللي ماياخذ النصيحه ياللى البنت عنيده والحين وين تشوفها ياشيخ وتحاول ترضيها مافيه الا انك تكلم ابوك يقدم معود الزواج وتضويها في بيتك فيذا الحاله راح تسيطر عليها
وصدقني خلك حبوب معها انت شفت اشقد هي حبوبه وبريئه وترضى وتزعل بسرعه اكسبها هي بس تبي حب وحنان واهتمام

ودوم اثاريتس حطه الدور الماما زارا بس ترى امي ماترضى تكون مظيفه بدون عبايه ونقاب
شوفي على ان شخصية تركي اعجبتني وكنت ناويه اقف بصفه ضد زوزو لكن الحين لاوالف لا انا مع امايه على قولتكم قلب وقالب واقضب ارضك تروك لو تشوفها متفسخه لا تعرض لها ترى ياكثر اللي ضدك ومع زوزو
ماماتي مشكوره على الدعوه واهم شي اني عرفت انتس منتيب مرة ابوي وامي مهيب باكستانيه هههههههه يعني تو لقيت اصلي عساني بنت باره

ييييييييييارب سخر لي ولوالدي ولوديمه ووالديها والمسلمين عبادك وابسط لنا رحمتك ييييييارب سخر لنا احبابك ويسر لنا اسبابك يييييييييييارب ارضى عنا رضى لانحزن بعده ابد ييييييارب كن لنا حبيبن وقريبن ولي دعائنا مجيبن آآآآآآآآآآآمين