اقتباس:
فليس افضل من العرب لمناقشة قضايا العرب بدلا من ان ندع وسائل الاعلام الغربية تناقشها !! (وهدفهم واضح طبعا) ولكنك اسأت فهمي لم اقصد ان ان اهاجم العرب لجهلهم بالموضوع فهم فعلا معذورون لان وسائل الاعلام كما ذكرت قد همشت الموضوع بشكل مستفز!! انا فقط اردت ان اوضح ان واجبنا مناقشة الموضوع ليعرف كل عربي مانحن فيه من فتنة وخلاف مادامت وسائل الاعلام لم تتق الله فينا وعلي ذكر السودان عايزة أكد علي فكرة اننا -كمصريين- نشعر بأمتنان عظيم للاخوة في السودان لبذلهم كل ما أمكن لمساعدة المصريين بعد احداث المباراة علشان كان في كلام اننا بنتهمهم بالتقصير وده يا جماعة كلام غير صحيح بالمرة وفعلا ده فخ تاني للتوقيع بينا مش عايزين نقع فيه انا واحدة من الناس بعد ماسمعت عن اللي عملوه الاخوة السودانيين معانا بتمني والله ازور السودان وفي حاجة تانية عايزة اقولها اذا سمحتلي احنا كل غضبنا في مصر مكنش من الشعب الجزائري الشعب الجزائري فيه بالطبع ناس كتيييييييير مثقفة ومحترمة وميرضيهاش ابدااا اللي حصل في واحد مصري كان لسة راجع من الجزائر بعد احداث المباراة ولما سألوه ايه الاخبار هناك قالهم يا جماعة وانا جاي في المطار في الجزائر موظف المطار قالي "عايزين العلاقات ترجع تاني بينا زي الاول" وده معناه ان مش كل الجزائريين راضيين عن اللي حصل يا جماعة فبلاش سياسة التعميم دي يا جماعة (وطبعا كلامي موضح لاي مصري بيقرا الموضوع) تحياتي لمبادرتك في عرض الموضوع دكتور خالد وبتمني بجد يستمر النقاش مع كل المصريين والجزائريين والعرب واعتذر للاطالة |
الغريب في الامر ان اسرائيل صاحبة السوابق الاجرامية وقاتلة الاطفال في غزة وبيروت ومروجة الظلم والظلام في كل العالم تقترح ان تكون وسيط بين الجزائر"بلد المليون شهيد " ومصر "ارض الكنانة "لانهاء الازمة المفتعلة من قبل جهات معروفة تسعى لتدمير :- أولا : مصر بسبب ثقلها السياسي في المنطقة ودورها الريادي في المنطقة والعالم . ثانيا : الجزائر التى قدمت ابناءها شهداء في معارك الكرامة والصمود . ثالثا: مستهدفا الوطن العربي كله حتي لا يتذوق طعم النصر في حياته ويبقي يتجرع كؤوس الهزيمة والمرارة. (الغريب ان الجزائر لن تفوز في كأس العالم لان المحكمين غربيين وبطبيعتهم لن يدعوا نصرا للعرب ) اخشى ان يكون ذلك هجمةاستعمارية لزيادة هوة الخلاف والانقسام بين ابناء العرب لانهم وحسب ما اري الجميع يتقاتل في كل مكان حتي في الصومال الفقير والنتيجة مسبقا موجودة ان العرب لن يفوزوا بالكأس العالمي . رابعا: هذه الهجمة ايضا تستهدف فلسطين ولا تتعجب لان مصر الان منهمكة بورقة المصالحة الفلسطينية ونحن على اعتاب احياء الذكري الاولي العنيفة على غزة وكالعادة لن يكون لدي العرب متسع من التفكير والوقت لتذكر ما حدث في غزة ولا تنسى الصحيفة الجزائرية التي تدعى الشروق وهي صحيفة صفراء قالت ان ابناء غزة كالفئران وهي لا تعلم انهم اسود في ساحات الوغى . خلاصة الكلام : هي هجمة استعمارية بحتة فنار الحجاب لم تطفئ بعد واشعلوا نارا جديدة ليزيدوا حرقا في البلاد العربية والاسلامية . طيب الله جروحكم وكفانا انقسام ولا نضيع بطولات الشهداء في فلسطين ومصر والجزائر والعراق بانفعالات مزيفة من اناس لا يريدون خيرا لامة العرب . اتساءل هل ستناقش القمة العربية المقبلة التحديات والمخاطر التي يواجهها الوطن العربي من الخارج او سيكون النقاش عما حدث بين البلدين الشقيقين لانها قصة الموسم وربما يزيد من عدد الرؤساء المتخاصمين وما حدث في السودان ليست مباراة ولكنها حرب من نوع اخر . |
اقتباس:
أيوه كده عاوزين جدعنه المصريين تظهر الحمد لله معانا أول مصرى تكلم فى الموضوع وانا فقط يا أختى كنت بوضح كلامك وعارف أنك طبعا متقصديش غير اللى قولتيه ومشكوره على كلامك الراقى ........ كلنا بنحب السودان والله مش ناقص غير دى هم أصلا لعبوها غلط لان مصر والسودان أصلا وطن واحد ومصرى يعنى سودانى وسودانى يعنى مصرى .... اما الجزائر بلد المليون شهيد وبلد الأحرار والأبطال لا يرضيه أى شىء يمس مصرنا وما فعله هؤلاء الأشخاص لا يعبر عن جموع الشعب الجزائرى المحترم والاصيل .... وكلنا بنحب الجزائر ونحترمها ......... صحيح المصرى لا يتغاضى أبدا عمن اهانه وانا كمصرى مستعد أفدى بلدى بروحى وقلبى وعقلى وكل ما املك ..يمكن احنا شعب مش غنى ولا عنده فلوس كتير لكننا شعب عنده اراده وعنده كرامه والتاريخ شاهد وعندنا كمان عقل ولا ننساق وراء من يحاول خداعنا لأن من قدم الاهانه ليس الجزائر ولكن قدمها أخرون يحاولون الوقيعه ..... واكرر لكى أختى سعادتى بردك المحترم وتفاعلك مع مبادره الحب بيننا وبين الجزائريين وأدعو باقى أخواننا الجزائريين والمصريين والعرب من كل الجنسيات لدعمنا فى هذا الموضوع لدرأ محاوله اشعال الفتنه سعيد بمثالك اللى ضربتيه واللى بيبن أخلاق الجزائرين السمحه وهى دى فعلا أخلاقهم الحقيقيه واكرر لكى ثقتى فى أستمرار النقاش وجعله مفتوح ان شاء الله فأنا واثق فى مستوى ثقافه وتفهم اداره المنتدى وقدرتهم على التفريق وادعو جميع من تم حذف مواضيعه او اغلاقها ان يكتبوا وجهه نظرهم ولكن مع الالتزام بالقواعد لاتى وضعناها سويا فى الموضوع واولها ان كلنا عرب وكلنا بنحب بعض ........ |
اقتباس:
برافووووو عليكى لمستى جوهر الموضوع ....... عاوزين يشغلونا عن قضايانا لكن خلينى اوجه كلمه لمثل هؤلاء الأشخاص من خلال ردى على كلامك : أن دور مصر وعلاقتها بالعرب وأخوانها لن ياتى اليوم أحد ليزايد عليها ودور مصر وثقلها كدوله وكتاريخ هو ليس نظام أو حاكم ولو أختلفنا مع حاكم تولى حكم البلاد فهو اختلاف معه وليس خلاف على الوطن ويبدو انهم فهموا نقد المصريين لنظامهم خطأ فنحن احرار ولا نخشى أحد فى قول كلمه الحق ولكن لحظه ان يتعرض أحد للوطن تجد الكل صف واحد والوطن عندنا ليس مصر فحسب بل هو وطننا العربى الكبير الذى انتمائنا الاول له ....ومصر كل حروبها من 48 وحتى 1990 لم تخض فيها الا حرب واحده فقط دفاعا عن أراضى مصرىيه وباقى الحروب دفاعا عن الوطن العربى باكمله ..... أما ردى عمن يقول عن أهل غزه أى شىء أو يتهمهم بالجبن لن أرد عليه لأن أصغر طفل فى غزه هو بطل وشهيد وأرض الابطال لا تنجب الا ابطالا ..... أما عن شعب الجزائر فلا ينتظر أحد للتعبير عن امجاده فالتاريخ يشهد لأحرار الجزائر بالبطوله والكفاح ودورهم العظيم فى نصره الامه العربيه ... يمكن بنمر بفتره ضعب لكن الحق يمرض ولا يموت اسرائيل مين اللى هتصلح بينا ؟!!!!!!! هم نسوا نفسهم ولا ايه ..نسوا انهم عدونا الاول ولو نسوا نذكرهم ونضعهم عند حدودهم ....... يمكن الان يحتمون فى قوتهم لكنهم يستمدون حقهم من قوتهم المزعومه ولكننا نستمد قوتنا من حقنا الباقى والحق باقى ابدااااااااا وفعلا كلامك صح هم عاوزين يشغلونا عن قضيه المصالحه وخصوصا بعد تقرير جولدستون اللى فضحهم وفضح أعوانهم اللى وسطنا ولاحظوا ان العرب اتحدوا عليهم فيستغلوا أى فرصه لتفرقنا لكن متخافيش ان شاء الله نفوق بسرعه وجامعه القاهره تولع تانى بموضوع فلسطين وان شاء الله هنفتح كمان موضوع الاستيطان ومتخافيش مش هنتخدع ... عندى رجاء أخير ان كل أخواتنا العرب يردوا فى الموضوع ده بالذات ولو بكلمه اللى يدخل ياريت يقول ولو كلمه واحده (كلنا عرب ) مش هنتعبكم مجرد بضع ضغطات على لوحه المفاتيح ..يلا يا عرب كفايه نوم وسلبيه ......... أسف على الاطاله |
اقتباس:
موضوع مهم جدا وهو أفضل موضوع قراته منذ بدايه الأزمه ... وشهاده الاخت السودانيه عما راته بعينها اعتقد انه وضح الحقيقه لنا جميعا وعلى فكره اللى خلى الموضوع يكبر للدرجه دى هو أستهانتنا به من الأول والتعامل معه على انه مجرد مباراه كره وفى الواقع أنه كان أكبر بكثير وكان يجب التعامل معه بطريقه على قدر أكبر من المسئوليه أحتمال المؤامره موجود ومنطقى جدا يا دكتور خصوصا ان كل الشواهد تؤكد ذلك والمؤامره ضربت على وتر كرامه المصريين لأنها اكتر حاجه تستفز المصرى وكمان على وتر توصيل معلومات خطأ للأخوه العرب لزياده التناحر بيننا لكن أعتقد بعد كلام الأخت السودانيه وشهادتها هذه كل شىء وضح للجميع وأنا أتفق معها أنها مؤامره منظمه أول دوله فى قائمتها مصر وبعد كده دول عربيه تانيه وعلشان كده لازم كلنا كعرب نفوق ونساعد مصر فى الأزمه دى ونصلح بينها وبين أختها الجزائر وانا باعتبارى مصريه واثقه ان شعب مصر شعب متسامح وهينسى اللى حصل ومصر طول عمرها راعيه العروبه ورافعه علم الوحده ولازم مننساش ان اول وحده عربيه بين دولتين كانت مصر وسوريا ..وشوفنا اد ايه الموضوع هذا جنن الغرب لحد موصلوه للفشل ....الله يرحمه عبد الناصر ..لازن نقرا له الفاتحه جميعا كلما ذكرت العروبه ... كمان اتفق مع الرأى اللى بيقول أن الغلق والمنع ليس هو الحل ..بالعكس الحريه فى ابداء الرأى هى اللى بتخلق البوح بما فى الداخل وبتفضى اللى جوه الأنسان لكن الكبت هو اللى بيخلق الروح العدائيه ..... وانا كمصريه برفع معاكم شعار كلنا أخوه ولازم نحب بعض وأسفه أنى طولت عليكم :flowers2::flowers2::flowers2: |
الساعة الآن 03:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية