منتديات ليلاس - ازاي تعرف انك في فرح مصري؟؟؟؟؟؟؟؟؟؟؟؟؟

منتديات ليلاس (https://www.liilas.com/vb3/)

ازاي تعرف انك في فرح مصري؟؟؟؟؟؟؟؟؟؟؟؟؟

ازاى تعرف انك فى فرح مصري؟

لما تلاقي الزفة الدمياطي الأزلية "وبسم الله الرحمن الرحيم و هنبدأ الليلة "

*لما العريس والعروسة "يبخروا" بعضهم .

*لما تلاقي الستات بدؤا "ينموا" على العروسة ويقولوا كلام زي "أنا عارفة ياختي أخدها على أيه " او " فستانها بيئة قوي ".

*لما تكون أغنية هشام عباس "أسماء الله الحسنى " هي أول حاجة تسمعها وانت داخل للقاعة .

* لما المصور " يزوم " على الشبكة و كأنها قلادة التايتانك الماسية ..وتلاقي المعازيم" هيموتوا ويتفرجوا عليها

*لما يرقص العروسان رقصتهما الأولى _الرومانسية_ وكل البشر بيصوروهم بكاميرا الموبيل ويقعدوا يفكروا " يا ترى بيقولها أيه ؟"

*لما تسمع أغنية "هتجوز " لسعد الصغير .

*لما تيجي أم العريس كل نصف ساعة و تمسح عرقه وتقوله " يابني مش كدة , متهدش نفسك ".

*لما تسمع السؤال السرمدي "هو البوفيه هيبدأ إمتى … الواحد جاع " .

*لما يتعرض الفيلم التسجيلي "البوفيه" وما يحتويه من لحوم و فراخ وأوز و ديوك رومي.

*لما تسمع" بس الأكل مكنش قد كده" بعد ما يخلصوا اكل على طووووول . وعلى رأي المثل " بعد ما أكل و إتكى قال رحته مستكة ".

* لما تقول أم العروسة للعريس " خلى بالك منها " يرد عليها ويقول "دي في عنيا يا طنط ".

*لما الفرح يخلص ويعملوا الإزعاج لخلق الله و بييب بييب بييب بييب بييب .

نا زعلان عشان محدش بيرد علي المخواضيع اللي انا بكتبها
لو مش عجباكم يا جماعة قولو
اصل اللي رد عليا بس في 12 موضوع الاخت الكريمة صفصف بس

:52::52::52::52:

هههههه وراك وراك انا بس اللى هرد عليك ههههه وربنا يكتر الاعضاء يا سيدى
ههههههه لأ جامده اوى هههههههه
بس صحيح نسيت ابو عبد الرحمن من عيله الرحايمه بيحيي العروسين لولولولولى
ولا المعازيم فى اواخر الفرح كلهم يبقوا على الكوشه هههههه
ولا الغرز اللى تبقى على جمب فى الفرح وانت عارفها اكيد هههههههه
واضرب حجرين ههههههه

ههههههههههههههههههه
شكرايا صفصف وبجد فرحان انك رديتي علي موضوعي
ومتحرمنيش من ردودك الجميلة

هههههههههههههههههههههههههههه

بجد ده بيحصل في كل فرح مصري

ومش تنسى الست الي دايما تلاقيها ظاهره في فيديو الفرح كله ويمكن كمان اكتر من العروسه والمشكله لما تيجي تسأل مين دي محدش عارف هههههههه

مرسي على النايس توبيك