منتديات ليلاس - ربي بلاني بغلاها نجديه من حلاها تترك العالم وراها

[SIZE="6"][FONT="Comic Sans MS"]بسم الله الرحمن الرحيم

كيفكم/يااارب تماام

بصرااحه ترددت كثيير قبل تنزيل روايتي الاولى لانها خطوة ترددت فيها كثييير لكن اخيراا تشجعت ونزلت روايتي الاولى اللي يشرفني انها تنزل بليلاس اول مره واتمنى تنال اعجابكم

ربي بلاني بغلاهها نجديه من حلاها تترك العالم وراها...:rfb04470:

طبعا الراويه من عمق المجتمع النجدي صح بدون اي تكلفات او وهاترات ومبالغه بل تحكي عن واااقع صحيح انها من مجتمعي الخاص لكني كلنا نجديين ..ولاتهون باقي مناطق المملكه على راسي والله

اخليكم مع الراويه اللي حبيت اني اصيغها باسلوب مختلف عن البقيه بحيث اني ابتعدت عن الشرح المفصل لاترك للقراء متعة تصور الاحداث ...اتمنى رضا وقبول لو بسيط فهو يرضيني

بسم الله الرحمن الرحيم

الرياض التاريخ 21/10/1430هـ

اول ايام المدرسه

بيت ابو سعد

ام سعد/ملاااك مليييكه يمي روحي صحي اختك مسكينه ماتمل من النووم تفطرون بعد

لينا من وراهم:يوووه على هالصبح مروقين وتفطرون بعد

سعد ابتسم على هبال اخته بس تصنع الجديه وقال:يا حبيبتي خلاص الاجازه فينيش وابتداء

الجد فاهمتني

ملاك:لابعد هذا وهي ثالث باديه دراستها بكسل اجل نص السنه وش بتسووين

لينا:يووووووه كليتوووني ماقلت شي بروح البس مريولي

ترررررررررررررررررررن التليفون طبعا

ملاك قامت شافة الرقم قالت بصوت عالي يمه ذا بيت عمي منصور

ام سعد خير ان اشالله

ملاك:ههههههههههه صباح النور هاه شعندك مروقه عكس خويتك

داليا:ههههههه بس حبيت اشوفها اذا بتدرس اولا ماينقال يمكن غيرت رايها

ملاك سكرت السماعه بعد ماقالت لبنت عمها

سعد يضحك على خبال بنت عمه: يعني شعليها من لينا بتغيب لو غابت

ملك:مايمديك ياخووي حركات بنااات

الكل راح للمدرسه وابتدت سنه جديده للجميع اللي حاط بباله يجد على حااله بقووه والي بيسوي مثل كل سنه مهمل

نشوووف وش بيصير

الساعه 11 الضهر

داليا يمممممممممممممممممممممه ماما

مالك:هاه وش هالصراخ وليش رجعتي بدري

داليا:اول يوم لازم كذا المهم جوعاااانه ابي غداء

ام منصور:تونا يابنتي عالغداء ليش ماكليتي شئ بالمدرسه؟

داليا:لا يمه مايمدينا مدرستنا حوووسه مره لانهم بيسون حفلة تكريم المتفوقات على مستوى الرياض فيها وقالو لنا لاتجونالا السبت الجاي

مالك:ماعليه صدقتك ترى بكلم المدرسه

داليا:ههههه اصغر عيالك تكلمني كذا ليش بكذب

مالك:ممكن ليش واثقه من نفسك لهادرجه

داليا انقهرت من اخوها فقامت للتليفون

مالك:وش بتسوين؟

داليا بتصل بليون وبخليك تسمع

ملاك:هلا

داليا: اهليين لوكه بسرعه عطيني ليون

ملاك:هههههه امداك تشتاقين لها والله لينا ناامت من اول ماجات

داليا:قهررررر

مالك يطالعها بمعنى كشفتك هي عااد نقهرت زود من حركات مالك

ملاك:اقول داليا مبرروووك وش هالحركات بتغيبون اسبوع عشان الحفله

داليا ابتسمت وحطت سبيكر التليفون:لوكه وش قلتي ماسمعتك

ملاك: اقول ياحظكم بتغيبون اسبوع عشان حفلة التكريم

داليا وصلت للي تبيه :يلااا ملاك باي وسكرت بدون حتى ماتسمع باي من ملاك

داليا هاه صدقت؟

مالك: اييه بس مو عشانك عشان الخبر من ملاك

داليا :لا والله اشمعنى

مالك:ملاك كبيره وثقه مو مثلكم

.......................

اعرفكم الحين ببعض افراد العايله المهمين طبعا

ابو سعد العبدالله متوفي الله يرحمه

ام سعد يحرمه كبيره بالسن بس مررره طيبه وحنونه جداااااا موبس على عيالها حنانها شامل الكل

سعد اكبر ولد بالعائله عمره 27 مو متزوج بس هو ابو البيت ومررره ثقل ماخذ بكالريوس قانون وكمل الماجستير في النمسا واول مارجع صار محامي القانوني في الوزاره وصار مستشار الوزير المالي
هو انسان هادئ مثقف جدااا ورزين مايحب الخبال ابدا يمكن تحمله مسؤولية اهله وعمره 19 هي السبب في كون شخصيته قويه

منيره:عمرها 23 متزوجه منصور ولد عمها وعنده بنت اسمها فرح هذي انساانه ذووووق وجلستها ماتنمل سوالفها حلللوه بدون غيبه ونم وشخصيتها كيوووووووت

وائل:عمره 24 متخرج من لغات وترجمه ولسى راجع من امريكا من اسبوعين ماخذ دبلوم سنتين اضافه الى البكالريوس ولسى ماتوضف ينتضر الوضيفه اللي تناسبه وتليق به على قولته وسعد اخوه تاركه يبي يشوف نهايته ولا لو يبي وضفه على طول خصوصا شهادته حلوه وتخصصه ممتاز ومطلوب

ملاك:عمرها 20 سنه ثاني جامعة الاميره نوره تخصص رياض اطفال

لينا:عمرها 18 بثالث ثانوي ورجه مره وانواع الخبال بس طبعا مع تؤام روحها داليا

.........

عائله ابو منصور العبدالله

ابو منصور >سالم< رجل في حاله وهادئ جدااا عمره حدود 50

ام منصور <نوف> طيبه وعلى نياتها بس مشكلتها اختها حصه دايم تغزها على حمواتها لان علاقتها زينه مره مع ام سعد وام فهد

منصور:عمره 27 سنين سعد متزوج منيره بنت عمه وهو مرح لاقصى درجه

مالك: صحفي عمره 25 ابوه دايم يهاوشه عشان وضيفته ماصلحت له بس عاجبته لانها ميوله وطموحه وسعد هو اللي وقف معه وصارت نص المجله لسعد ومالك مدير تحرير
س
فوز:عمرها 19 سنه اولى جامعه سعود تخصص علم نفس

داليا:تؤام لينا بس ميزتها انها دبدوووووبه يعني خدود تهبل وجسم ملييان شوي وجها مدور والكل طبعا يناديها<الدبه< وهي عادي عندها تعودت لانو من جابتها امها وهذي طبيعة جسمها وش تسوي

رينا:عمرها 13 دلووووووعه مره تحب تتدخل في داليا ولينا وتقلد مثلهم بس هم مايعطونها وجه

..............

ابو فهد العبدالله

محمد<ابوفهد>عمره 43 طبيب متخصص في العضام والمفاصل

ام فهد<ساميه> عمرها 40 بس شباابيه مره تحب تجلس مع البنات وتاخذ وتعطي معهم هي متخرجه من علم نفس بس ماتوضفت عشان مسؤوليه بيتها فصارت تزاول مهنتها بالمجتمع

عيالهم كلهم شباب وماعندهم ولا بنت

وهالسبب مخلي ام فهد تحب البنات مره

فهد/22 متخرك من كليه الملك فهد الصحيه تخص تمريض ومتوضف في حايل

سالم/21 يدرس ادارة اعمال

عبدالله/18 بثالث ثانوي

رايف/ 16 باول ثانوي

سيف/13 بثاني توسط

حسام/10 بسادس

مهند/ 5 سنوات

ماشالله ياكثرهم

.........................

يوم السبت

28/10
اغلب بنات الرياض هاليوم صاحين بدري خاصة اللي بيروحون لحفلة التكريم وخاصه بنات مدارس الرياض الاهليه

داليا تكلم لينا الساعه 6 الا ربع

لينا:لا الصندل الرمادي اللي فيه شريطه فوشي احلى بكثير وارفعي شعرك مثلي وحطي مناكير فوشي وماسكرا بس

داليا:طيب مالبس عدسات
لينا:انا مو لابسه انتي بكيفك

داليا:هذي حفله كبيره وكلن بيجي لازم نكون على سنقة عشره

لينابثقة: حنا بنات آل عبدالله لو نروح بشكلنا العادي اليومي راح نغطي عليهم

داليا بتاييد: صح وانتي الصادقه..يلاا قلبوو بروح اتجهز اوكي

لينا:اوكي حياتي باااايو سي يووو

داليا:باي يو تو

....
من كنتي تكلمين

لينا ارتبكت :هاه سعد وش فيك صاحي بدري

سعد انا سالتك جاوبي من كنتي تكلمين هالوقت لو سمحتي هاتي جوالك

لينا: خذ ... وجلست تبكي

ملاك : صبااحوو وش تسووو... سكتت لمن شافت المنضر

سعد فرح وبنفس الوقت حزن على اخته من جد حركتي غبيه بعدهي اغبى على طول كان قالت داليا اجل ارتبكت كنها اعوووذ بالله ياسعد هذي اختك

ضمها على صدره وقال:ليووون بنتي ماعليش بس الوضع والشيطان بعد شكك بي

لينا: تشك فيني ياسعد تشك في لينا تربيتك لييش

سعد: لاوالله ماشكيت بس من حرصي عليك ولا لو اني مااثق فيك ماخليك براحتك واحترم خصوصياتك
ملاك وهي تبتسم:يااهوه خلصوو المسلسل انزلوا الفطو

في المدرسه وبعد مانتهت مراسم التكريم

البنات بدو يمشون في الساحه ويتفرجون على اشكال البنات الضيووف

رغد: بنات تعالوو الحقوووو

ميساء :خير وشهو

رغد: القمر في مدرستنا

لينا:نعم؟

ريم: قصدها بنت قمر تجنن ماشالله تعالو شوفوها

داليا:هههههههه لو انكم شايفين هيفاء ولا اليسا عاد

ريم: وربي ذي تحطهم بمخباها تكفووون تعاو شوفوها

رغد: خليهم هم الخسرانيين

ميساء: لا يلاا تعالو خلو نشوفها قوو لينا&دينا

لينا:ليتس قوو

البنات لانهم كثير صارو لينا وميساء يمشون على ورا

داليا: متحمسه اشوفها شكلها على مدحكم حلوه

رغد: لامو حلوه الا ملكة جمااااال

ليناا:ههههههههههه كبرتو السالفه عساها تسوى عاد

طراااااااااااااااااااااااااااخ

لينا: اااااي وش ذا

كان فيه بنت وراهم وانكب عليها كوفي ماسكته وصار مريولها كله كوفي

لينا تفشلت منها

البنات بلمووووو يطالعون رغد تنغزهم هذي هي هذي هي

داليا:اييه خلاص واضح اصلا

نجد: عادي ياقلبي لاتعتذرين ادري مو قصدك

لينا: اي عادي عفستك مره وحده

نجد:خلاص اصلا الحين بنلطلع السواق وصل فرصه سعيده

وابتسمت لهم وراحت

البنااات لسى مبلمين

لينا:هييه انتو مشت البنت اذكرو الله بس

رغد:لا مو بس جمال الا بعد ذوووووووووق

داليا: بس لكنتها غريبه شوي كنها مو سعودية اصل

ميسا: يعني لانها جميله ماراح تكون سعوديه؟

لينا:اوووه قصدك حتى انا مو سعودية اصل

البنات
:خخخخخخخخخخ

ريم: اموووت عالثقه

:::::::::::::::::::

يوم الاربعا الجمعه في بيت ابو منصور

البنات جالسين لحالهم فوووق واللي منسدحه واللي تسولف

فوز:هيييه تراكم تطفشون غيرو السوالف

فداء:هههههههههههه وش تبين نسوي ننزل عند الحريم

لينا: لاااا تكفين خلينا هنا ناخذراحتنا

داليا نطت بينهم: ليون ماعلمناهم عن القمر اللي جانا بالمدرسه

ملاك :وش قمره بعد؟

لينا : بنت ماشالله عليها حلوووه مره لاجسم لاوجه ولاشعر كل شي يقول الزين عندي

فوز :لاحظوا ان لينا هي اللي تمدح اكييد انها مزيوونه

داليا: اقول لك قمر تقولين مزيونه لو اني بس اعرفها زين خطبتها خخخخخخخ

فداء :طيب وش جابها للمدرستكم

لينا: اكيد انها من العشره الاوائل عالرياض

ملاك:اوووف ومتفوقة بعد الله يستر عليها

فوز: يلا امي تنادي العشاء جاهز

.......................

في قسم الرجال عبدالله يصب الشاي والسوالف والوناسه شغاله

ابو منصور: يابوي سعد عطنا قصيده من اللي انت تكتب

سعد: والله ياعمي ماعندي شي جديد بس اول مافضى واكتب بسمعك هالشغل ماخذن وقتي

مالك:سعد طلبتك

سعد: جاك

مالك: بسوي معك للقاءللمجله

وائل: يلاا بداء الصحفي شغله ياعمي حنا ويك اند ريح

ابو فهد:خله احسن منك عالاقل وصل لطموحه وحقق رغبته مو مثلك عطال بطال كنك حرمه تتسدح بالبيت

سالم:هههههههههههههههههههههههههههه عاش ابوي

وائل:عمي ماعنده وقت بالوجه اوريدي

عبدالله:ههههه ابوي يتحيل عليك دايم انت اللي تتصيد له

سعد: تم يامالك متى مافضيت تعال سوو اللقاء

مالك:ماتدري شكثر يجينا ايميلات واتصالات كلها تطلب لقاء معك وصور بعد الشاعر سعد الدوسري دايم نقرا كتاباته ولابعد عرفنا عنه شي

سعد : لا وش له الصور
منصور:ياخي يمكن تشوفك وحده وتعجب فيك

سعد:هههههههههالله يرجك بس بشرط

مالك:خذ راحتك المجله مجلتك

سالم: حلوه المجله مجلتك
مالك: اني صادق نص المجله باسم سعد

سعد: المهم اللقاء مايكون فيها اي شئ شخصي يعني اموري الخاصه تبتعد عنها

مالك:ابشررر

.......................

نجد:ر
هام انا طفشانه تعالي لي ملل ماغير جالسه لحالي

رهام: ودي بس ماعندي احد بشوف ماجد

اوكي ردي لي

رهام: ماجد

ماجد: وهو ماسك السيجار بيده هاه شتبين

رهام: ممكن توديني لصديقتي نجد عازمتني

ماجد: اوووه المزيووونه ماغيرها اوديك يمكن تحصل لي شوووفه او كلمه هههههههه

رهام: ماجد صح انت اخوي بعد نجد صاحبتي مو من النوع اللي تعرف

ماجد: احد سالك انتي وبعدين انا اخوك المفروض لو ابي رقمها تعطيني اياه

رهام: وبعدين؟
ماجد: ولا قبلين قومي تجهزي بعد شوي بوديك

::::::

ماجد مره شاف نجد وهي تزور رهام بس كانت لابسه عابيتها وطرحتها منزلتها على كتوفهاوشعرها كان كله طالع ويتعدى خصرها واسوووود حرررير وكثير ونعومته جنناان

انهبل عليها وماجد راعي حركات مش ولابد وصار يتقرب من رهام على اساس يقرب لنجد

:::::::::::::

مرشهر كامل

وكانت لجمعه ببيت ابو فهد

ملاك: حلوووو بس شلون

داليا: مالنا الا نقنع منور تقول لزوجها وهو يقنع الرجال

منيره: ياسلاام الحين يوم بغيتوني صرت حبيبتكم

لينا: يلااا تكفين حتى انتي بعد بتنبسطين

طيب بروح اكلم ام فهد اشوف شرايها

ام فهد: كووويس جابوها البنات

ابو فهد: هلا بام العيال

ام فهد: هلا بك

ابو فهد :آمري يانور دنيتي مشتاقه لي؟

ام فهد: هههههههههههه اكيييد... ابي اقولك البنات جايتهم فكره يروحون يخيمون بالبر الجو حلو هالايام

ابو فهد:لاعاد خطيرات هالبنات طيب ومدارسهم؟

ام فهد: ياحبيبي بنكون باجازة العيد وبنعيد هناك تغيير

ابو فهد ابشري
ام فهد: الله يخليك لي

ام سعد: والله ربي مصخرك لهالبنات ياساميه

ساميه: ههههههه شسوي احبهم فديتهم

فوز: مو كلنا بس لينا وداليا نفسي اعرف اشمعنى؟

ام منصور: هههههههههههه اقولهم؟
ام فهد: انا بقول هذا يوم كانت امك وخالتك ام سعد حمل بالبنات

الكل تحمسووو يسمعون السالفه

ملاك: كنتي حامل بعبودي صح

ام فهد : ايه صح المهم جت لينا اول شي بعدها بشهر وشوي جت داليا وانا بعدهم بشهرين انا كنت متوقعه اني بجيب بنت ويوم شفت كلن جاب بنت تحمست ورحت سويت سونار قالت مش واضح بس الاغلب بنت

لينا: الله عبودي كان بيصير صاحبتنا

ام منصور: هههههههه رجالن شكبره توكم تنادونه عبودي
ام فهد: عادي هو متعود..المهم شريت لبس بنات ومفارش وعمكم فرحان بالبنت وكنت اشيل داليا ولينا وتعلقت فيهم مره عالاساس بيصيرون صاحبات بنتي ههههههههههه
فوز: وبعدها انصدمتي

ام فهد: اييه بقوه بس هذي كتبت ربي مابيدينا شي وهذي السالفه

ام سعد: ياحليلك ياعبووودي حتى ماجهزو له اسم وعمكم ابو سعد الله يرحمه سماه الا ابوفهد اصر يكون عبدالله عليه

::::::::::::::::::::::::::::

يوم الجمعه انتشر الخبر انهم خلاص بيخمون في روضة خريم وبيعيدون هناك

وبدات التجهيزات للرحله والبنات ارتاحوو من التجهيز للعيد قرروا ياخذون اشياء خفيفه لانهم برحله

وسعد حجز مخيم كبير

ملاك: يمه ليتك تكلمين خالتي ام فداء تروح معنا

ام سعد بتعيي يابنتي اعرفها

(ام فداء اخت ام سعد الاصغر منها وزوجها متوفي من سنه ونص وكانو في الديره عند اهل ابوهم لكن لان اهل زوجها ماسالو عنها ولا اهتمو فيهم سعد هو اللي اهتم فيها وسكنهم بفيلاا بنفس حيي فيلتهم بالرياض
فدا ء اصغر من ملاك بسنه لكنها صارت صاحبتها مره وبنفس القسم لكن هي لسى مستوى اولى عمرها 19 بس هي مره حساسه وتتحس من عايلة العبدالله لانها دايم تكون باجتماعاتهم وهي مو من العائله فما تحضر الا ببيت ابو سعد لانه بيت خالتها
وهم بالعكس يموتون عليها ويعتبرونها منهم وفيهم)

بعد مرور اسبوع

.............

فوز:ملاك هاه وافقت فداء تروح معنا

ملاك:اخيرا وافقت

فوز:حلو اجل متى بنروح السوق

ملاك: اوكي بس وين تبين
فوز: نروح صحارى لانو اقرب شي لنا اخواني مو فيه وبروح مع السواق

ملاك:اوكي انا بمر فدوو وبجيك باي

فوز:باي

........

ام سعد: يابنتي ماعندي مانع بس من يوديك

ملاك: بشوف وائل خلاص خلع ينفعنا عاد

وائل: كني سمعت اسمي هاه وش عندكم

ام سعد: ياولدي عشاني ود اختك و للسوق بتتقضى للعيد مواعده بنت عمك

وائل:يلاا عشان امي بس

ملاك: بروح اتصل بفدوو تجهز

وائل : انا بالسيارة ان ماجيتي بروح

ملاك: لا 5 دقايق
........

ملاك وهي تعدل عبايتها: بليز مر ناخذ فدوو

وائل استغرب: امرها؟ من فدو ذي بعد

ملاك انقهرت: ماعليك وحده بدلك البيت

وائل:هذا هو؟

ملاك: ايه بتصل لها تطلع.. يلاا فدو قلبي اطلعي..ايه البانورما لاني مع وائل

طلعت فداء ووائل استغرب ذي بنت كبيره ومتغطيه وملاك من بدري فدو وفدو قلت يمكن من الاطفال اللي تدرسهم هههههههههه شكلها صاحبتها

فداء:السلام عليكم

ملاك+وائل: وعليكم السلام

هدوء شوي

.......

ملاك: فدوو وراك سلمي على وائل

فداء بهدو: كيفك وائل والحمدلله على سلامتك ماعليه متاخره بس وقت حفلتك كنا بالديره

وائل استغرب تعرفيني بعد ماذكرها:الله يسلمك بس ماعرفتك؟

فداء انقهرت: بلاك واصل ياولد خالتي وسمي جدي ولاتبيني اناديك وايل مثل امي وخالتي؟

ملاك تضحك منبسطه عالموقف اللي حطت اخوها فيه

وائل منبهر: اووووووه فداء بننت خالتي ..هلا ومرحبا ماعيش معرفتك اخر مره شفتك قبل تتغطين واحنا بالديره ماشالله كبرتي .. وكنه تذكر شئ التفت بسرعه وطالعها

ملاك : هيه يالاخو وش فيك الطريق قدام

فداء استحت ونزلت راسها وش يبي هذا يلتفت يطالع لاكون اخته بس

وائل:ههههههههههههه والله لاشعوريا بس تذكرت يوم حنا صغار وتذكرت شكلك بشعرك الطوي دايم امك تجدله ويتعدى ضهرك نسيت نفسي التفت اشوفه

ملاك: ههههههههههههههههههههههههههههه

فداء انحرجت بقووووووووه

وائل: لاتكونين قصيتيه بس؟

ملاك: وش عليك منها لاتكون اخوها وتتحكم فيها هي حره بشعرها

وائل تفشل: ايه صح بس قصدي حرام ذاك الشعر الحلوو يروح

ملاك: طيب خيووو قدنا بنوصل وش الطريقه تنزلنا وتروح او تجلس معنا؟

وائل: لابجلس معكم بس بروح للكوفي مواعد خويي هنا

...............

لينا: والله قهر الخاينات على الاقل قالو لنا

داليا: ايه امي تقول انها سالت فوز عني قالت اني مابي اروح

لينا: حركة نذاله والله..بعد مارين فداء معهم

داليا: اها اجل يبون يدجون بكيفهم

لينا: لااا وائل معهم مايمديهم ههههههههههه

داليا: عاد حنا متى بنروح؟

لينا: كم يوم ونعطل ونروح وبنشوف مناير تودينا واخوك الله لايهينه

.........

بالليل رجعوا البنات وكان وائل عازمهم عالعشاء

داليا: وريني وش شريتي؟

فوز:لعيد بالمخيم يعني كلها جينزات وتي شيرتات ثقيله شويه وكم كوتش

.................

بعد كم يوم انتهت المدرسه مؤقتا وبكرا بيروحون للمخيم لانو باقي كم يوم على العيد

الاثنين الصباح الكل مستعد ومتجهز كل عائله بسيارتها الا فداء وامها مع وائل

وبعد ساعه تقريبا وقفو عند المحطه

لينا: سعد تكفىىىىىىىىىىىىىىىىى

سعد: لبيه وشو؟

لينا : نبي نسوي تعديل بالسيارات

سعد مافهم: وش تقصدين؟

لينا: الطريق طويل نبي نجتمع حنا البنات بسياره وحده

سعد: اهاااا من عيوني بس بشوف راي السيارات الباقيه

وائل: حلووو اجل خالتي تجي معك احسها ملت من سوالفي خلها تسولف معك ومع امي وانا باخذ البنات

سعد حلووو .. صارت ملاك قدام مع وائل وداليا ولينا وفوز وفداء ورا

فوز: هيييه ضيق وسيارت صغيره وداليا الدبه ماخده مكان كبير

داليا: كل هذولا ماحد ضيق غيري؟

داليا
حزت بخاطرها : اجل بنزل لسيارة منصور اخوي وزوجته اصرف

وائل: لامعهم شغالات اهلي

فداء: انا بروح مع امي اصلا غلط اني اتركها هي مريضه وتحتاجني(ام فداء معها السكر )

وائل: لا اقعدي ماله داعي خالتي كويسه انا ببدل سيارتي بسياره سعد مامعه غير امي وخالتي

.................

لينا: خلااااص دلووله حبي مايسوى تزعلين من زينها اختك ام عصاقل

فوز: خيير لاتتدخلين

وائل: داليا اذا مو راضيه بنزل فوز لو مع السواق واغراض المخيم

البنات: ههههههههههههههههههه

فوز: هاه قلبتو علي

لينا : امووووووووااااه : وتبوس داليا ع خدها روووقي

ملاك : يلا بنات خل نلعب ونغير جوو

لينا: نلعب اسماء

وائل: بشرط؟
ملاك: شووو؟

وائل: العب معكم

البنات: اووووكيه

ملاك: انا الكبيره انا ببداء

وائل: شف يعني مامليت عينك يوم انك الكبيره؟

فوز: ههههههه لابس هي متعودهكل مالعبنا بدت علاساس كبيره

البنات: هههههههههه

وائل: طيب بنات والاد؟

لينا: ايه كوكتيل

وائل:مزنه
النات : خيير وش مزنه من وين جبته

وائل : خويتي بامريكا ههههههه يعني لازم شروط

ملاك: طيب هلا

اللي وراها فداء: اميره

داليا: هيام

لينا: اوكي محمد

فوز: اممممممم دنى

وائل: اروى

ملاك: انطونيو

الكل:ههههههههههههه
فوز: وش طرى؟

ملاك: بس تغيير لازم اسم سعودي ؟ خل نخش لبنان شويه

داليا: يلاا فدووو

فداء: واو شوي افكر

لينا: قدامك

وائل: ولد تعرفينه كشخه مررره وذوق

فداء : وسيم

وائل:ايه وسيم ومزيون

فداء : لاا اقصد الاسم وسيم قلت خلاص

وائل اتفشل

البنات ههههههههههههههه

ههههههههه

وكملو لعبهم وضحكهم

مالك : يرسل لسالم و لد عمه(مالقاها الا وائل جمعوا البنات معهواحنا مع ذا لشيبان)

سالم(ههههههههه اخوه واسطه بس خل نوصل ونسحب عليه انا بسياره لحالي مومع اهلي لان معي شغالتين شفت الحظ)

مالك( ههههه اجل انا ارحم منك يازين سوالف امي وابوي واخوك سيف معنا مع رينا داقها سالفه)

سالم( مو سهل اخوي يشبك من الحين احسن منا كبرنا وتوهقنا بعمارنا)

...................................

وصلوا على الساعه 12 الضهر حصلو مخيمهم بسهوله وكان كبير مره خيمتين لنساء وخيمه لرجال وخيمه عباره عن مجلس وتليفزيون واكس بوكس ودي في دي يعني ترفيه كامل وهذا كله باشراف سعد وتنضيمه ةكل خيمه فيها دوره مياه وخيمه كبيره اغراض ومطبخ وخدامات

ام منصور: يلاا يابنات صلوو الضهر ونبدا نجهز الغداء

فوز: يما الخدامات كثار مو لازم نشتغل هذي اجازة وحنا جايين نرفه

ام منصور: عاد لو اني قايله لكم اذبحو الذبيحه شبتسوون

ام سعد: تقطيع السلطه ويلاا هذي غلطتنا عودناهم على الدلع والاتكال عالخدم

ام فهد: خفوو عالبنات فعلا الخدمات كثار وابد اذا جاوو ببيت ازواجهم اشتغلوا غصب

فوز: يووه متى يرب يصير عندي بيت زوج والله لانوم ع راحتي

ام منصور تقرص بنتها: هذا قدامي هالحكي كيف وراي ماعاد به حيا ابد

ام سعد: هههههههههههههههههههه الحيا راح مع ايامنا

لينا: اسمع ماحد يعرف يستحي غيرهم يما لاعاد توصيني ع سعد استحي من الرجال اجل

ام سعد: تبينها من الله انتي

الكل:ههههههههههههههههه

:::::::::::::::::::::

الكل اتغداء ونام يرتاح شوي وصحوو على نهاية العصر

داليا ولينا راحو يتمشون لحالهم وحصلو لهم مثل الصخره ورا الخيام مرتفعه وعليها شجر وشكلها مره حلووو

ليناا: اها هذا بيكون مكانا حلو حصلنا بسرعه.. وين الشنطه؟

طبعا لينا وداليا دايما معهم شنطه كبيييييييره فيها كل شي تتوقعونه بعد شوي بنذك مثلا

فوز: شتسووووووووووووووون؟

داليا: خوفتينا ياعربجيه

ملاك: مكان سري كالعاده؟

لينا: ايييه عندكم مانع

فوز: لا بعد شوفي شنطة العجائب معهم

فداء: هههههههههههه اي شنطه ؟

ملاك: كل هذي ماتشوفينها

فوز: وفيها كل شي تتوقعينه وكذا نسميها شنطة العجائب

فداء : خلوني اشوف

داليا: تمسك الشنطه وتجلس عالارض وتبداء تطلع الاغراض ولينا تعد

لينا: هذا بساط ( كان صغير قدهم وشكله حلوو مقلم بالوان فاتحه بنووتي مره) وهذا ايبود محمله كم اغنيه جديده وهذا لاب توب هاند وطلعت كيس بلاستيك بسحابه
وهذا للشوكلاتات والشيبس) وهذا مصباح صغير فيه بطاريه للضرورة هذي اونو للعب وشنطه صغيييره اسعافات اوليه وهذي مناديل وكريم لليدين وهذي شموع دلووول ماتستغني عنهم (داليا تعشق الشموع وتحب تكون شموعها معها ودايم شاعلتهم بروائح او بدون وتتفنن بالشموع وتحب جمعها)

.......... الخ ( استفيدوا اذا انتوا طالعين رحله خخخخخخخخخخخ)

ملاك:ههههههههههههههههههه مدري كيف تشيلونها

داليا: لاتتريقون كلها اشياء مهمه وضروريه والقهر انكم تطلبون منا وتحتاجونها

فداء: من جد اهنيكم روعه حركتكم

لينا: فدييت الذوووق.. نلعب اونو

البنات: يلااا

............

في خيمة الجلسه

ام سعد: ياعيال احد يروح ينادي البنات يمكن تضلم الحين ويضلون الطريق

سعد: خليهم يتادبون يمه

ام فهد: معهم شنطه داليا ولينا؟

ام منصور :ايه اشوف معهم شنطتن يلاا يشيلونها

ام فهد: ههههههههه ماعليهم خوف اجل

سعد: ليش يعني

منيره: ياخوي هذي شنطه كل شي فيها اللي يخطر ببالك ومايخطر

مالك: لا داليا تقول ليتها تكفي لكرتون بيبسي هههههههههههه

سيف: يبا اروح اناديهم

ابو فهد: روح ياحبيبي

سيف: رينا تجين معي

رينا: اوكي

سالم يشاور مالك: شف اخوي خذا جووه معه هههههه

مالك: لا انا شكلي بخلي اختي تتغطى منه

.........................

عالعشاء كانو مسووين شووي لحم ودجاج وانواع السلطات والمقبلات والبطاطا

الرجال يتعشون لحالهم اريح للبنات هم العائله مو ايزي كثير بالعكس محافضين لكن بينهم مثل الاخوان والاخوات ويجلسون مع بعض يلبسون عبايتهم او شراشف صلاة

لينا:لالالااااااااااااااااااااا

ام سعد: اقصري حسك مايسوى

داليا: يخاله البيبسي مو بالثلاجه كيف نشربه مستحيل يعني اليوم بدون بيبسي

ام سعد: اشربوا مويه

ام فهد: لحظه حبيبااتي روحوا لخدامتي ليزا بالترمس ااورنج ثلج خذو منه اوكي

لينا نطت وباست ام فهد: يلوموني فيك يااحلى خاله

داليا: اي لافي يو تووووو

داليا&لينا بمكانهم ويسولفون:ههههههههههه عشان كذا انتي زعلانه؟

داليا: ايه والله قهر انه مو جاي ليش ماجا

لينا: حايل بعيده يمكن لسى بيجي

داليا: ياليت وربي اني راحمته عايش غير عن الناس ماحس باستقرار

لينا:ههههههههههههههههه راحمته هاه والله وصرتي حبيبه يادلوولو

داليا: اسكتي عاد انتي اللي ماتحبين

لينا: هههههههههههه

داليا:اووووش صوت مشي

ام فهد: مرحبا

لينا: هلاااا وغلاا نورت ي مخبانا

ام فهد: جيت اشوف دبرتوا بيبسيكم؟

داليا: ايه يسلموو خاله

لينا: خاله شفيك سهرانه سلامات

ام فهد: كلهم نامو وانا ماجاني النوم

داليا: افااا ليييش؟

ام فهد: الغالي عالطريق ويمكن يوصل هنا عالصبح انا موصيته اذا دايخ يرتاح ينام عالطريق

لينا: زين ماسويتي..توقعت فهد مو متعيد هنا

داليا وقلبه يرقع من جا طاريه: لا الحمدلله عيد اكيد له اجازة مو؟

ابتسمت م فهد لانها من الاساس اسمعت حكي لينا وداليا قبل شوي وحبت تطمن داليا بهالحكي
: اكيييد بس 4 ايام اجازته الله يعينه

داليا+لينا: امييييين

ام فهد: انا بروح احاول انام وانتوا بعد نامو بكرا بيصحونا بدري

داليا: خالتي اذا اتصل فهد او شي طمنيني انا ولينا بعد(داليا تخصبقت حست انها جابت العيد)يعني جاي من سفر لا اصلا هو مثل اخوي يعني

ام فهد مبتسمه: ان اشالله ياعمري باي

ام فهد رجعت للخيمه بتنام وهي تفكر ياحليلك ياداليا تحبين فهد والله وكبرتي الله يكتب اللي فيه خير وين بنحصل مثلها اصلا

لينا: بغيتي تكبين عفشك من جا طاري فهد ههههههههههههههههه

داليا: قومي خل ننام بس اللحين بنام برااحه هههههههههههههه

....

واليوم الثاني...

يوم العيد الفجر كان الكل صاحي من الصلاة ولانامو عشان بيصلون العيد وحلاة العيد اصلا الصباح

ام فهد:هلا وغلا يابعد قلبي

فهد:هلابك يما

الكل :الحمدلله عالسلامه

فهد:/الله يسلمكم الجميع وش لونك خاله ام سعد وخالتي ام منصور عساكن بخير

ام سعد: بخيير ياوليدي زين انك جيت

.....

عالساعه تسعه البنات كلهم على زنقة عشره يعني كاشخين كشخة عيد صحيح

لينا لابسه بلوفر صوف رمادي طووويل لتحت الركبه ولابسه فيزون وردي وبوت رمادي ورافعا شعرها شكل ذيل حصان وحاطه ميك اب ناااعم جداا

وملاك لابسه بنطلون جينز كحلي وجاكيت اخضر للخصر مع حزام جلد بوني وبوت بني والجاكيت فيه زرار كبير خشبي

فوز لابسه تنوره قصيره جينز اسود وهاينك مقلم بابيض وتفاحي ووردي وحاطه وشاح تفاحي وكاب تفاحي وكوتش ابيض وشراريب ورديه ومممره كيوت شكلها

لينا لاسه بنطلون اسود وبلوزه وردي واصله لنص الفخذ وماسكه عليها بس من فوق مفضفضه وحاطه وشاح ملون رهيييب

فداء لابسه بلوفر سكري وتحته فيزون احمر صاير غرري بس حلووو

...............

منيره:وش دعوه هالكشخه كلها ترنا ببر ماحد بيشوفكم

فوز:عاد لازم عيد

ملاك:لا اللي بيسمعها بيقول مو بكاشخه
وجلسووو هبال وضحك وحلاة العيد زادت بالجمعه خاصة لاصارت القلوب صافيه على بعض مو جمعا وقلوبهم شتا...

عالضهر صلووو واخذوو قيلوله وصحوو العصر يتغدون ويجتمعون

واجمتعوا كلهم بخيمة الجلسه

سالم:لا لازم نشوف المبارة

سعد: ميين مباراته؟

عبدالله: الدوري الايطالي

ام منصور: يالله بذا اللي عندنا تتابعونهم تقومون تتابعون ذا الكفار بعد

منصور: امي تزبيد

سالم:ياخاله عاد حب الكوره تراي لو ماقبلوني الجامعه كان شفتني لاعب

سعد: احسن عالاقل نستفيد منك بشي مو كيذا مامنك منفعه

فهد: لا والله زين انه مالعب كان فشلنا تراه ماغير هياط

الكل :هههههههههههههههههههههه

سالم: لا وربي اطلق لاعب مايجي نصي من يتحدى؟؟

ابو فهد: اجل خل نسوي فريقين ونلعب ونشوف من بيكسب؟؟

مالك: عمي انت وعيالك لحالكم فريق بس يبي لكم ثلاثة محترفين

الكل:خخخخخخخخخخخخخخخخخخخخخخخ

ام فهد: لا اله الا الله اسم الله عليهم الله يحفضهم

وائل :فهد شف امك شكلها بتاخذ غسالنا

فهد:ههههههه مالومها

ابو منصور: انا ابدا لاتحسوبني معكم

سعد: عمي انت الحكم

لينا: سعد وحنا نبي نشاركم

سعد: انتم الجمهور اجل مع امهاتنا
منصور: طيب انا وانت كباتنه يلاا

( سعد وابوفهد وسالم ورايف ووائل فريق)
(منصور ومالك وفهد وسيف وعبدالله)

وبداء الحكم مع صافرة ابو منصور طبعا مو بيده لا معه صفيره>>ااوت

وبين ان الكل متحمس والشباب يلعبون مصدقين انه ريلي قيم

فوز تساسر فداء: شوفي وائل صح انه اسمر واحد فيهم بس شكله صاير احلاهم

فداء :ههههههههه اكييد بتستغربون سماره عايلتكم كلهم ماشالله الياض عنوان عندهم والعيال ماينقصهم ياض عن البنات استنكرتو وائل يشبه لنا(وائل مو اسمر يعني برونزي شوي س جسمه جدااا حلو وشعره طويل وبني لونه اللي يميزه خشمه سيف صح وعيونه حااده )

ابو منصور يصفر:بلنتي لسالم

منصور: لا يبا ماتفقنا تفزع للفريق الثاني

ابوفهد: خل عنا بس بلنتي واضح شف وليدي طاح بغى يتكسر

لينا: اسم الله عليها يااربي عسى ماصار له شي

داليا: اقصري لحد يسمعك

لينا بخبال: فديته الدعوه عضم اخاف انه تكسر

ابو فهد:انا اللي بشوت البلنتي

سالم: لا يبا انا سببته انا بسجله

فهد: تهااوشو اخلصو علينا <<فهد حارس

ويشوته سالم ويسجل قووووووووووووووووووووووووووول

والشباب يصارخون فرحه والبنات مستانسين ينططون

فوز: الحين ليش فرحانه المفروض انتي تضيقين

لينا: لا عشان مسكين طاح وتحمست له بس

وبنص المباره مالك ماسك الكوره وطاير بيسجل ويخش عليه سالم خشه قويه الا الثاني ساحب الارض وخشت رجوله بحديده طايحه وبلحضتها طلع دم بقوووه وانتشر كانه ذبيحه

وتجمعوا عليه كلهم وسالم انهبل من الخوف لانه السبب في اصابته تقريبا

فهد:بروح اجيب شنطه اسعافات من سيارتي لاحد يحركه طيب

سعد: رح عجل وانا اخوك

ام منصور:هذا اللي استفدناه عزالله من لعب عيالك يام فهد

ام سعد: هووو شدعوه ياختي سليمه وهذا فهد راح يداويه جزاه الله خير

ام منصور: ايييه واحد يجرح ولدي والثاني يداويه طابخينها عيال ساميه

ام فهد: خلاص يام منصور سكت وقدرتك وحشمتك بس انت تعديتي حدودك وش بين عيالي وولدك غير الخير عشان تقولين هالحكي

ام منصور: اقوله من حر مابي والله ان اختي صادقه يوم انها تقول عيال عمانهم يبون يقردوننهم

ام فهد: اذا انتي شايفه عيالك صغار لدرجة ان احدن اصغر منهم يجرهم عاد هذي تريتك وشوفيها

داليا: ييييووووه امي زودتها عاد

فوز: وش الي زودتها صادقه امي

لينا: هووو وش ذنبها المره هي قايلتن لولدها اكسره واصلا سالم ماعمد يوم يجرحه

ملاك:تعالو نروح نهدي الوضع وانتي فوز اسكتي مو تشعلينه

بعد شوي مالك رجوله ملفوفه لان فهد عرف انو فيها جرررح عمييييق عشان كيذا نزف كثير بس عقمه له وخيطه وحط مطهر ولفه يعني شغل مستشفيات صح

الليل الجو مازال متكهرب بين ام منصور وام فهد اما ام سعد ساكته ومحتاره شتسوي

رينا:ماما بابا قول يلاا قولي لامك بنسري للرياض

ام سعد: هووو وش فيكم بتروحون؟؟

ام منصور: ايه بنورح انا اللي قايلته وش تبين ننتضر يموت احد من عيالي؟

ام فهد بخاطرها: هذي اللي مو ناويها تهجد تبي تكبر السالفه

ام سعد: اذكري الله اصحاب الشان مالك وسالم حلوو سالفتهم وانتن شابات بعماركن
ام منصور لاتعليق :يلاا ياداليا قولي لاختك ولخدامتنا اني بنروح

داليا:ان اشالله يما

وهي طالع نزلت لراس ام فهد وباسته وساسرتها: خالتي لاتزعلين على امي هي كبيره ومعصبه تكفين عشان خاطري

ام فهد بابتسامه صادقه: لا ياحبيتي مو بزعلانه روحي مرتاحه

............................................................ ...................[/FONT][/SIZE]

اتمنى انو الجزء اعجبكم واذا شفتى تفاعل راح انزل البقيه لانها تحت الانشاء
... تحيتي

روح نجد

ملااحظة:

لا حلل الله ولا باح من حاول سرق حقوقي الادبيه اوافق على نقل الراويه لكن مع اسمي الاصلي ...