|
الجــــــــــــ4ــــــــــــــزء اخيراً اخذته وانا اقول بنفسي وش بيسوي عاادهو بياكلني دكتور يسأل عن مريضته وش فيها ذي فتحت الخط ورديت _هلا _ مساء الخير قلت بنفسي وين مساء الخير وحنا الصبح سمعته يقول _ رهف تسمعيني _ ايه معك دكتور تعمدت اقول دكتور عشان مايشيل الكلفه بيني وبينه _ شلونك الحين ؟ - بخير الحمد لله _ عسى ما ازعجتك بس بتصالي بهالوقت _ لا عااادي توي مانمت _ وشلونك مع الشغل اذا تحسين بتعب لا تداومين بجيب لك اجازه مرضيه ورتاحي بالبيت _ لاوالله لاتشغل بالك ماعندي اشكاليه في الشغل ماحب جلسة البيت _ طيب انا استأذن منك الحين اخليك ترتاحين بس حبيت اتطمن عليك _ تسلم دكتور فارس ماقصرت _ ولو ماسوينا شي تراك غاليه حسيت انه يقصد شي بكلمته معقوله يكون يميل لي _ لاتنسين تاخذين دواك بوقته _ انشالله سكرت منه وقلبي يرقع بصدري ياربي ماني مصدقه نفسي ان الدكتور فارس مهتم فيني لهالدرجه آآآآآآآه بس ياقلبي اخاف اتولع فيه اكثر واكووون احلم وهتمامه هاذا مجرد واجب يسويه لمريضه وموضفه معه بنفس المستشفى؟ سكرت الابجوره ونمت وراسي مشوش ستمر فارس يكلمني كل يوم او يومين ويسولف معي شوي ويسألني ع صحتي وبيوم من الايام كان يكلمني وفجأه قال _ رهف ابي اعترف لك بشي _ تفضل _ اممم بصراحه من يوم شفتك ذاك اليوم يوم كنتي تعبانه ماافارقتي خيالي ولا لحضه قلت وانا مااني مصدقه _ شتقصد يعني سمعت ضحكته الخااافته وقال بهمس _ يعني عجبتيني ذوبتيني شكلك مره كيوت وانتي مغمضه عيونك كنك نونو بسرعه سكرت الجوال وانا احس دقاات قلبي شوي وتطلع من صدري جد انه مهب صاااحي ذا بس الشرهه علي انا الي لقيت له وجه زياده عن اللزوم اتصل مره ثانيه وسكرتها وقفلت جوالي ورميته على سريري ونزلت بجلس مع امي ورنيم شوي انا وامي واختي رنيم عايشين ببيت بروحنا اختي رنم بثالث متوسط وابوي متوفي من زمان وكاتب البيت بأسم امي عندنا خوان اكبر منا من ابوي بس مقاطعيننا مانشوفهم الا نادر حتى اني ماحفضت اشكالهم واسماءههم لقيتهم جالسين بالصاله وحاطين القهوه ورنيم منسدحه على رجل امي ومعها كتابها تذاكر جلست معهم وانا اقول _ قووومي يالعجوووز عن رجل امي بسك دلع رنيم بقهر _ هههههههههههاي اجل اذا صرت انا عجوز وش تصيرين انتي شكلك عجوز مهذريه ومنتهيه صلاحيتك هههههههههه خبله هالبنت _اقوول بس احترمي اختك اللي اكبر منك وقومي دوري بنسدح تعبآآآنه رنيم بنذاله _ تحلمين ياماما امي تبتسم على هواشنا _ اقووول قومي بس انتي وياها تقهوو معي وخلوكم حريم ولا ترا بزوجكم بليله وحده وافتك منكم قربت منها وبوستها بقوه _ ونهون عليك تزوجينا بليله وحده يمكن رنيموه الدبه كيفها اما اناراس مالك ابعدتني امي وضمت رنيم الي طاحت بحجرها بدلع وهي تقول كل شي ولا رنومتي هاذي دلوعت امها من بكرا لما رحت الدوام كملت شغلي بشكل طبيعي لما خلصت شلت شنطتي وطلعت من من بوابة المستشفى وانا طالعهه بركب السياره شفت فارس جاي لمي تجاهلته وكملت طريقي بس هو ناداني _ لحضه رهف لفيت له _ نعم _ حبيت اعتذرلك عن الكلام اللي قلته امس بس وربي اني صادق بمشاعري وما العب عليك تأملته كان لابس نضاره شمسيه مغطيه عيونه عني وواقف قدامي بيكلمني نزلت عيوني بسرعه وقلبي ينتفض بداخلي وخايفه اضعف وما اقاوم سمعته يقول بترجي _ رهف تكفين لا تقفلين جوالك وخلينا نتفاهم قلت بأصرار_ مافي شي نتفاهم عليه _ يمكن انتي ماعندك كلام تقولينه لكن انا ابي اكلمك بموضوع ضروري تسمعيني _طيب وش تبي ارجوك اتركني بحالي كتف يدينه وهو ماعنده نيه يتحرك _ رهف ترا وقفتنا هاذي مالها داعي افتحي جوالك وخلصيني التفت حولي وشفت موضفين بنفس المستشفى يناضروننا قلت بقهر خلاص اذا وصلت للبيت يصير خير شفت بتسامة انتصار على شفايفه _ اوكي مشكوره رهف وراح وتركني جنن لي قلبي وفكري ضاع ماعاد أقوى على الحيره !! كل يوم فيني ألم ووجاع يارب تعطيني تصبيره ~ توجهت لسيااارتي ولسى تأثير بتساااامته مدوخني يارب وش اسوي محتاااره بين قلبي وعقلي ! وصلت لبيت وخذت لي شور سريع وبدلت سكرت النور بس مامداني احط راسي الا تذكرت كلام فارس فتحت الدرج الي جنب سريري وطلعت جوالي الي من امس راميته ومافكرت حتى اخذه معي للدوام فتحته وحطيته عند راسي ماكمل خمس دقايق الا هو يرن رفعته وشفته فارس رديت بتوتر _هلا -هلاوالله بأحلى هلاسمعتها _ فارس لو سمحت اختصر لي وش الموضوع الي مصر تكلمني فيه _ بصراحه رهف اانا ابي اتقدم لك قلت بغباء وانا ماني مستوعبه كلامه _ وشلون يعني تتقدم لي _ يعني ابي اخطبك من اهلك ياحلوه فهمتي ؟! |
بصراحة انا اللي قلبي صار طبوللل
اللةه يعين رهف مازلت شاكة ف مشاعر فارسوه كملي بليز |
شـكــ وبارك الله فيك ـــرا لك ... لك مني أجمل تحية .
|
تسلمين على البارت الرائع
فارس اكيدفيه سر ورى زواجه من رهف ننتظرك |
وقار الصمت مشكوره علا تفاعلك يالغلا
|
| الساعة الآن 02:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية