|
اقتباس:
يسلمو يا جود .. |
|
اقتباس:
نجي لتعليقج بخصوص الموقف اللي كان فيه سلطان .. سلطان شخص في عيوب و فيه حسنات يمكن ها المره فعلا ما كان جالس يطالع ها القناة و كان حاطها بصدفه بس أنا ما أحاول أرسم له صوره ملائكية هو ممكن متعود يشوف ها القنوات و ممكن عنده الوضع عادي جدا و تذكري هو كان عزوبي بتاريخ مش و لابد حتى لو عدل في تصرفاته و صام و صلى هو في الأخير بشر و يخطي .. أنا حبيت أحط ها الموقف مو عشان تصير هوشه بس حبيت أبين أن لما يكون عندنا أحكام مسبقه فكل شي يصير قدامنا ناخذه على طول كتأكيد لهذي الأحكام .. سلطان بنظر نجلا شخص منحل أخلاقيا و يمكن في ها الموقف ما تنلام بس لو وحده غيرها تحب زوجها جدا ولو فيه عيوب الدنيا كلها ما شافتها .. ممكن كانت تقوله شطالع وبيحلف لها صدفه لو يجذب و بتقوم تلغي القناة و ترضى بنفسها من غير ما يراضيها .. نجلا حاطه سلطان تحت المجهر و أي حركه منه تفسيرها واحد .. أما سلطان مشكلته عارف أنه في عيون نجلا كله شبهه و أي حركه منه مكن تردهم لنقطة الصفر يمكن كان أفضل لما شافها تلمح لإنشغاله با القناة المنحله أنه يفسر لها و يعطيها و يعطي نفسه فرصه لتغاضي و التسامح بس هو كأنه يعاند نفسه بنفسه و يبيها تموت فيه مثل ما هي شايفته بزينه و شينه ! على العموم قصتهم ما انتهت و بتشوفون أن شاء الله معاي شراح يصير عليهم .. كل ما عطاج البيبي فرصه طلي علينا و المكان مكانج قولي كل اللي في بالج .. |
اقتباس:
بس با النسبه لفيصل هو تزوج سهى مغامره هو حتى لما خطب من أبو نزار قال وحده من بناتك و ما حدد عشان جذيه حنا متأكدين أنه ما تزوجها عن حب بس حنا فهمنا بها الجزء أنه عاجبته لدرجة تحولت ها العلاقة من مغامره إلى علاقة جديه متحمل فيها مسؤولية زوجه و اسرتها اللي توفي معيلها .. |
اقتباس:
با النسبه لتعليقج بخصوص أبرار فعلا لا يمكن يكون في شي أصعب و أقسى من أن البنت تفقد عذريتها خارج إطار الزواج بأي شكل كان .. أبرار شخصيه ما بنات لنا معالمها للحين و يمكن تعودتوا مني أطبخ الشخصيات على مهل و لو أوصل لآخر جزء مستعده أكشف جانب جيد او سيء من ملامح الشخصيه اللي أعالجها .. قصتها ما أنتهت و ما ابي أحرق الأحداث أكثر .. بس بعطيج نجمه لانج ذكرتي الحوار اللي كان بين عزام و غالية و اللي منه نعرف أن غالية ما تستلطف ابرار ... و بعد أكيد تذكرين أن كان لها تعليقات سلبية بخصوص خوات منار بس ها الشي تغير و يمكن نظرتها بعد لأبرار تغير أو تطور و تصير اقوى .. كل شي جايز ^_* اقتباس:
اقتباس:
اقتباس:
مره أنهارت جارتنا تبجي بشكل مريع و الله يشهد أني بغيت أبجي معاها فعلا الأم تتحمل فوق طاقتها خاصه لما يكون العيال عفاريت .. أبلة إراده جنه صابج فوبيا التوقعات.. عادي ترى إذا ماضبت معاج كل مره يمكن في مره تضبط و تاخذين نجمه :flowers2: |
| الساعة الآن 08:53 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية