|
أعـتذر إن كان في يوم(ن) قسيـــت
أعـــــــــتذر ,, إنـ كِـــانـ فيـ يومـ(ن)ً قسيـــتـ ولا الـــعــــذر إنـ كــــانـ صـــديتـ او جــفــيتـ فـــأنتـ حـــد الــســيفـ لــــمنى أعتزيتـ وأنــتـ أغــــلـــى شــــخـصـ بـــعـمريـ لـــقـيتـ [PHP][/PHP] السلام عليكم ورحمة الله وبركاته شحالكم يااعضاء ليلاس اول مصافحه بيني وبينكم اتمنى اكون ضيفه خفيفه بقصتي انا قد اكون ما احب الحزن والكأبه فأبي افرح واشوف الدنيا بمنظر وردي من خلال قصتي اتمنى تكون بالمستوى واتشرف بوجودكم فيها قصتي بتكون باللهجه البدويه الكويتيه واتوقع بتفهمونها التنزيل بيكون شبه يومي الا بعذر بس اتمنى الاقبال وانا بأذن الله بكون متواجده دوماً بعد قليل واول مصافحه:7_5_129: ًً |
بسم الله توكلنا
مصافحه اولى ارتقت وكانت بتبدأ الشوط السابع لقت وجها للكعبه الشريفه وبدت تردد بعد اخوها بسمـ اللهـ الرحمنـ الرحيمـ { إن الصفا والمروة من شعائر الله فمن حج البيت أَو اعتمر فلا جناح عليه أن يطوف بهما ومن تطوع خيرا فإن الله شاكر عليم }(البقرة:158) ارفعت كفوفها للتكبير الله اكبر الله اكبر الله اكبر (لا اله إلا الله والله أكبر لا اله إلا الله وحده لا شريك له،له الملك وله الحمد يحي ويميت وهو على كل شيء قدير،لا اله إلا الله وحده أنجز وعده ونصر عبده وهزم الأحزاب وحده) (لا اله إلا الله والله أكبر لا اله إلا الله وحده لا شريك له،له الملك وله الحمد يحي ويميت وهو على كل شيء قدير،لا اله إلا الله وحده أنجز وعده ونصر عبده وهزم الأحزاب وحده) (لا اله إلا الله والله أكبر لا اله إلا الله وحده لا شريك له،له الملك وله الحمد يحي ويميت وهو على كل شيء قدير،لا اله إلا الله وحده أنجز وعده ونصر عبده وهزم الأحزاب وحده) سمت بالله وتمسكت بايد اخوها بقوه ذا اخر شوط لهم منيره : احمدك ياربي الي سهلتها علي والله يا عبدالله ماتوقعت بقدر اسعى على رجيلي عبدالله يحاوط كتوفها بايده : جعلني افداس ربي سهلها وخليتي عنس ذا الدلع الماصخ منيره : ليه يابوي مايحق لي اتدلع عبدالله : يحق لس جعلني قبلس ,,, يالله يااخوس ادعي بلي بخاطرس ترى الجماعة ماتنونا تعابه عودو للفندق منيره بخاطرها امحق اخويا راحوا وهملونا: ان شاء الله وبدت تدعي من قلبها ودموعها تنزل وتحمد ربها ان عبدالله راح يهرول وقدرة تظهر الشهقه الي واقفه بحلقها ولوا لسانها على '' حسبى الله ونعم الوكيل '' '' حسبى الله على من ظلمني '' '' اللهم اكفني بمن يريد بي شراُ بما شئت'' "اللهم انصرني على من ظلمني" "ياربي انظلمت من اقرب الناس لي ياربي انت حسيبهم" شافت اخوها وقف ينطرها انزلت دمعه شكر لربها الي عوضها عن اهلها كلهم بوااحد يسوى عندها الدنيا وما فيها " يالله يارحيم ياحليم ياكريم لا تفجعني بفقدان غالي" "وتخلي لي عبدالله واطول بعمره" "وترزقه من حيث لا يعلم " قربت وشافته ماد ايده يبيها تمسكها مسكتها حيل وحظنتها ورفعت نفسها تشاوره منيره : الله يخليك لي يابوي عبدالله : ويخليس لي ياامي خلصوا سعيهم وريحوا وقصروا شعورهم وتوجهوا للفندق وهم يحسون بانشراح بقلوبهم ومنيره تحس اليوم بتفرح ,, بتفرح حيييل ,, وتدعي بخاطرها " ياربي تفرحني ,, مشتاقه للفرح ,, مشتاقه له واااجد ,, وااجد ,, من راحوااا الغالين والفرح راح معهم ,, ياربي لا تخيب رجاي ,, ياربي ,," *** سبحان الله وبحمده ,, سبحان الله العظيم *** بالفندق سويت ال سالم ساره : شويخان منور عادها ماعودت شيخه وهي تزين قهوة شيبانها : شويخان بعينس ياام عيون بيض ,, قولي الشيخه شيخه ,, ام الشيخ عبدالعزيز مهو بشويخان عساني بلاس ساره وهي ترمش بعيونها بدلال : بري حالي اثاري كذا الغيره تسوي ودس بعيوني البيض ,, غيري ما يدعيس الا بذا الاسم ,, غير ما ااقول الا ذابحتس الغيره يالبطه شيخه لفت عليها بضيقه : انتي بتلجمين ولا قمت عليس كوفنتس ساره حست انها مصختها شيخه تعبانه وتحاتي اللقاء الي بصير بعد شوي وهي متفرغه : اضحك جعلني افداس ,, الا ما رديتي علي منور ماخلصت شيخه بضيقه مبينه بصوتها وزعل : اذا خلصت بتسمعين صوتها جايتس لان عبيد بيتقهواا مع العيال اختارت ساره الصمت ,, لان شكل ذكر منيره عند شيخه بذا الوقت ذكرها باللقاء الي بصير ,, وشيخه كانت تخطط له من سبع سنين ,, بس ولا مره تم بسبب تهرب ورفض منيره الدائم ,, وقسم الله انه يكون بأطهر مكان,, ساره بخاطرها اتمنى الله يجبر بخاطر اختها وينتهي الخلاف الي متعب اختها ,, ومتعب الكل ,, *** استغفر الله العظيم استغفر الله العظيم عني وعن والدي وعن المسلمين والمسلمات الاحياء منهم والا موات *** الفندق سويت ال فهاد لولوه قاعده قدام المنظره اتنشف شعرها وتتنى لطيفه تخلص عشان يروحون للبنات "لولوه سرحت وهي تفكر كم صار لها ماشافت منيره مشتاقه لها ,, ماتدري ليش قست القلب منيره عمرها ماكانت قاسيه ,, تدري وتعذرها وتعرف ان الي صار كسرها بس هي بريئه والله بريئه ليه تأخذها بذنب غيرها ليه تصدق البعيد وتكذب القريب ليه يامنور ليه انا جيت المره ذي غصب عن الكل بس عشانس فيها وبأذن الله بردس معي وبرد انا وياس احسن من قبل بأذن الله" لطيفه : لولوه لولو لولوه شبلاس احكي معس ,تضحك, الي ماخذ عقلس لولوه تصحى من سرحانها : هااا اقصد لبيه لطيفه : لبيتي حاجه اقولس من الي ماخذ عقلس لولوه : اه يا لطيف قلبي محرقني على منور انتي خايلتيها يوم شافتنا بالحرم مخاوينهم شقايل غدى وجها حتى السلام ما سلمت طقت كنها شايفه سكني وشيوخ تدعيها وهي كنها ما تسمع بس عشان ما تسلم علي انا وياس لطيفه بغصه : خايلت يااختس بس ماادري وش ذا القلب عليها حنا وش ذنبا مالنا دخل بالموضوع ,, والله ليومس هذا انا ما اسلم على ... لولوه تقاطعها : لا تكملين ,, وبالنسبه لمنور لا تنشديني ولا منور الي انا اسوى عيونها قد لي سبع سنين اذا هي بالكويت و انا بالمكان ما تدخله "حست بدموعها تنزل" حتى عرس حمد وشيخه ما حضرته والله اني اطوف على بيت ربي وادعي اني ربي يرقق قلبها على ما أبي منها حاجه بس تسمعني تخليني ادافع عن نفسي لطيفه بمواساه لاختها : معليه يااختس ربي ان شاء الله بذا المكان المبارك يجبر القلوب لولوه : امين يارب خلاص مااقدر على جفاها اكثر من كذا "مسحت دموعها ورسمت ابتسامه على شفايفها" يلا لطوف اخلصي عمتي وضحه دقت تقول تعالوا تقهوا لطيفه اتأشر على عيونها : ابشري من عيوني الثنتين ذي قبل ذي,, انا اصلا مستعجله اكثر من عمتي وضحه ,, مشتاقه لحبيبي قلبي ,, يالبى قلب عزوز مشتاقه له ماشفته من امس مدعسته شيوخ بوسط ذا الملابس ماادري شلون يتنفس لولوه : الله يخليه لها ,, والله يسامح حمد ولا احد يخلي ذا الجوهره "تتنهد بضيق" حتى ولده مايسأل عنه ولا يعطيه مصرف والله اني استحي من شيخه لطيفه بدفاع عن اخوها : نصيب يااختس ,, وابوي ما يقصر هي ماغير تحلف ماتأخذ من ابوي ولا منس انتي وفيصل مهوب كذا لولوه : يعني وش تبينها تسوي تاخذ منا ونصرف على ولدها ابوه حي ولا معاشه ضعف معاشها ومعاشي مرتين لطيفه : لولوه لا تحكين عن اخوس كذا تعرفين شغله دايم مسافر واذا هو بالديره يراكض على اشغال لولوه : يااختس خليها بالقلب تجرح احسن ولا اخوس هذا ينحسب اخو " تلف للطيفه " ترى معاد هو نفسه قبل تغير خذا السفر والرحلات قلبه وصار مايفكر الا بنفسه ثم نفسه ثم نفسه حتى انتي لا تنسين وش كنتي عنده والحين لو تمر سنه ما شافس عاادي عنده كذا ولا لا ... لطيفه ودموعها تلمع بعيونها تقاطع اختها : خلاص خلاص كفايه مهما يكون هو اخوي " وبتأكيد" واخوس بعد والله يهديه ويسخره لولده ,, يلااا انا ترى خلصت لولوه تشوف لطيفه وهي تقوم تلبس عباتها وعارفه ليش قامت مهوب عشان عباتها تبي اداري ادموعها ماتبيها تشوفها " وش على بالس يالطوف انا مااحب حمد ,, حمد اخوي قطعه مني ورربا معنا اكثر من فيصل الي خذا قلبه البر ,, بس مو مقطع قلبي شيخه لا عزوز كفايه انه البزر يشفق على كلمة (بابا) ,, وعزوز انحرم منها ما يجرح ذا؟؟ ,, اذا انتي ياأختي ما يجرحس فهو يجرح شيخه ,, وشيخه اذا بكت دمعه انا ابكي معاها الف دمعه ,, كفايه علي فقدان منور ,, افقد شيخه بعد؟؟ ,, ماأقدر ماأقدر مالي استطاعه ياأختس كفايه وحده ,, كفايه ,," *** ((اللهم هون علينا سكرات الموت و نور علينا قبورنا)) *** |
حلو مره وبداية تمام كملي تراني اندمجت احب الروايات البدوية او اللي تحكي باللهجة البدويه بالتوفيق |
السلام عليكم ورحمة الله وبركاته
مساء الورد اهلا وسهلا كاتبة يسعدنا انضمامها لكوكبة كتابنا عزيزتي ما اروع هذه البداية وما اجمل اللهجة التي تتحدثين بها وما اجمل ان تكوني قد خططتي لنهاية هذا الابداع المبتدأ فلايخفى عليكي كثرة القصص الغير مكتملة في النت فرجاءا ثم رجاءا لاتضيفي عليها واحدة اخرى كونوا كثيرا الحماس نكون معك قراء متلهفين لروعة سطورك نجي على الجزء الاول احيك على رسم الغموض في اول السطور علقتنا مع منيرة ولما هي وحيدة ومن هو الظالم والمظلوم وما قصة حمد وشيخة وهل لهما علاقة بظلم منيرة وهل منيرة احدى اسباب نفور حمد من بيته انتظر لاعرف المزيد بالتوفيق غاليتي |
السلاااااااااام عليكم..
مرحبااا اختي وهلاا فيتس وغلااا بليلااااس اللي بتلقين فيه احلى ناااااااااااس باذن الله... اوول شي احب اقوولتس ان اللي جذبني للقصه اللهجه.. اموووووت على هاللهجه .وثاني شي جذبني كلامتس بان الاجزااء شبه يووميه.. اتمنى فعلاا انتس تحرصين على هالشي وانتس تحااولين تنزلينها يومياا.. والله لو صاار هالشي وبانتظام بتكونين من الكاتباات اللي نذكر اساميهم كل ماقلنا التزام.. وثالث شي العنوان.. يعني القصه صح للحين في بدايتها بس مدري من يمشي عليه هل يمشي على منيره اللي الكل يجمع انها زعلانه من شي بس للحين مو وااضح وانها زعلت بدوون ماا احد من اطراف النزاع يداافع عن نفسه.. وغير هذاا اصلااا وش سبب الزعل..؟؟ منيره شكلها حرمه كبيره .. وعبدالله اخوها شكله اصغر منهااااا بوااااااااجد.. وللحين طبعاا فيه غموووض بالقصه.. يعني من تكون لولوه ولطيفه بالنسبه لمنيره ؟؟هي اخت لهم والا وش؟؟ تدرين انا اتوقع ان منيره اخت لطيفه ولولوه وعبدالله.. بس يمكن يكونون اخوان من ام مو من ابو.. يعني يمكن يكون عبدالله اخو منيره من ابوها.. وهي اخت للطيفه ولوولوه من امهم.. يعني مابينهم وبين عبدالله اي رابط الا منيره اللي هي اخت لهم كلهم؟؟؟ وبعدين شيخه وزوجهاحمد هذولا لهم قضيه ثانيه بعد.. شكل حمد هذا صاار له شي وتغير على اهله بعد ماكانت رووحه فيهم... بس وش اللي غيره بالشكل هذا..؟؟ هل فعلاا اغراءات الشغل من سفر وفلوووس.. والا فيه اسبااااب ثاااانيه.. يعني ماا اتوقع ان رجال يتغير على زوجته عشان الشغل.. الرجال مايغيره على زوجته الا حرمه ثانيه؟؟ هل في حياة حمد حرمه ثانيه غير شيخه؟؟؟؟؟ والله شكلي استبقت الاحداااث ويمكن توقعاتي كلهااا شرق واناا غرب ..بس قلت اجرب حظي بالتوقعات يمكن تصيب واقوول قبل تبدأ الاحداااث انااااا قلت انه بيصير كذاا..هخهخهخهخهخه نوورتي اختي المكان والمنتدى.. واتمنى من كل قلبي انتس تاصلين بالقصه لبر الامااااااان بدوون اي تووقف او اغلاااق للقصه من مشرفات القسم.. والله يووفقتس يااارب.. ومن الحين احجز لي مكان برحلتنا عبر ( اعتذر ان كان في يومن قسيت ) وبانتظار الجزء القاادم اذاا الله احيانا بكل شووووووق.. مرحبا فيه حاجه نسيت اقولها بالرد السابق وهي ان مقاااطع الذكر من تسبيح ودعاء رووعه مرره.. الله يجزااتس خير ياارب.. |
| الساعة الآن 08:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية