|
سالم سيار .. لنرتشف من بحر شعره العذب..
صباحكمـ / مساءكمـ رائع بروعة أحاسيسكم ومشاعركم .. سالم سيار .. شاعر رآآآآئع بكل ماتحمله هذه الكلمة من معاني .. http://www.liillas.com/up2//uploads/...85435a1b39.jpg ســالـــم سيـــار شاعر كويتي برز في الساحه الشعريه واستطاع ان يحرر نفسه وشعره و يصبح مميز عن غيره أستطاع خلال سنوات الماضيه ان يحتل مرتبه متقدمه بين نجوم الشعر الشعبي ولكن الامر الذي يحسب للشاعر سالم سيار هو ملامسته لهموم مجتمعه بمختلف انواعها فتنوعت قصائده الاجتماعيه واخذت طابعآ انسانيآ خالصآ يتسلل بين الناس فيتذكر الابن العاق والدته فيقبل جبينها , ويتذكر الاخ اخاه فيصالحه.. ولايزال سالم ينفض الغبار عن الشعر الرتيب الذي يحاصرنا ليخرج من خلال شعره بريقآ انسانيآ جميلآ تلمسناه فأحسسنا بدفئه وحنانه وصدقه.. دعونا نرتشف ولو قليلاً من بحر شعره .. فلنبدأ إذاً .. تحياتي/ فيدوووو http://www.liillas.com/up2//uploads/...b89341d816.gif |
http://www.liillas.com/up2//uploads/...5c38fb5aa1.gif
وأغنّيلك ، وكل موّال من عيني .. . يطير هناااك يم عينك ! غريبه شلون ما حسيّت.. ولا شمّيت : عطر هذا السؤال الليّ ، يفوح بـ داخل ضلوعي .. و يشعل كل مواويل الحزن ويقول : يا عمري قول بس .. . وينك ؟ أنا مرّيت ، مثل ماجيتني بين الحنايا .. و إدمعت عيني ! مثل هذا الحنين اللي .. . يتلفت داخل سنيني ! أنا مرّيت بين الناس ، أبيع أيامي أحلامي .. أضيع ومو مهم ضايع ! أبيع ومو مهم بايع ، أنا العايش عشان أشري فرح لحظه .. . من سنينك ! |
http://www.liillas.com/up2//uploads/...aefee8a345.jpg للتحميل والإستماع .. بربك قول وش سوى الغياب بوجه منديلك |
يبه شلوونك يبة شلونك .. أبي أتبلل بصوتك .. انا وخالد نبي نتبلل بصوتك .. ياغيمه ظللت عمري ويمشي ظلالها وياك.. يبه.. لا تغيب عن عيني ... وش تسوى حياتي لو تغيب عني وش تسوى... مو صح الكون يتفجر .. ولون الحنا في كفي يصير أصفر يبه ... يبه ... لا تجفف شفاهي من احلى كلمه بالدنيا يبه ... يبه .. ماقلت لك وش صار ..!! يبه .. بنت صفي منيرة ...!! ابوها ماااااات في حادث... تكلمني ترى دايم .. دايم عنه تتكلم... تقول افز من نومي أحسه بجنبي هو نايم أحس بجنبي هو نايم تقول دايم انا ارمي عيوني على الابواب .. اقول يمكن يلملمها باي لعبه من الالعاب.. او ورده و أروح أركض وأخبيها بوسط كتاب يبه ... عذروبك الشارع تسوق بسرعه مجنونه يبه .. خلنا على بالك .. يبه طير الفرح لا تكسر غصونه تجينا ... تجيناا.. يعني تجينا على موعد حبايبنا ابيك تشوف احساسي وورده بيضاء مغروسه وسط راسي... وكم نجمه من الابله . تشب بليل كراسي.. وش تسوى حياتي لو تغيب عني وش تسوى .. مو صح الكون يتفجر .. ولون الحناء في كفي يصير اصفر... آآآلووو آآآلووو عفوا منهو وياي ..؟؟ انا خالد..!! منهو وياي ...؟؟ تعالوا... تعالوا ... استلموا الجثه ابوكم مات ..!! مات في حادث للتحميل والإستماع .. يبه شلوونك؟!! |
http://www.liillas.com/up2//uploads/...621f63d72f.jpg الظما بعد لك وجه تجيني بعد ماذوقتني امرارك ياعمي طير خلاص انسى ولاتفكر تطق بابي اخاف بس صج تموت فيني اقول الا انت شخبارك اقول فارق واخذ كذبة تموت فيني وتحيابي طفى ضو المحبه وأنطفى في عمري مشوارك وعرفت اقسى الطعون اللي تجي من خنجر اقرابي خلاص الحين بس الحين عرفت شلون امطارك تصب هناك لكل الناس وتنسى تروي ترابي تعال وشوف برواز العيون وفيه انظارك هو التذكار مدام انت النظر وتجمل اهدابي اشوف بس أخذ الاشواك وغيري ياخذ ازهارك ياطيبي كنت احسب الجرح منك حيل يزهابي من اول تنشغل فيني وفيني تشغل افكارك واشوف الحين ماتقدر تطيق تشوف ترحابي عمت عين الظما ان كان الظما يترجى انهارك وعمت عين الهوى ان كان الهوى بيشتت اعصابي تخاف القلب لا اظلم غلاه يموت بأنوارك أبد لاتخا ف متعود على طعنات أحبابي مو مية نار تحرقني بقت هي بس على نارك ابشرك مابقى اي شي تحرقه كفو اصحابي تجيني ويعني وبعدين شسوي يعني لأعذارك تصوبني وترضي كل غرورك من ورى صوابي اقول اسكت ولا تكثر ترى مليت تكرارك طلبتك لين ماجفت عيوني من ورى اعتابي توكل ما بقى لك شي في عمري كود تذكارك أو اسمع حتى تذكارك كسرته داخل أهدابي للتحميل والإستماع .. تجيني؟! |
أعزائي .. الموضوع ليس حصراً علي شاركووووني في الإبحار مع شاعرنا الرائع سالم سيار موودتي ,’ |
صبـــــاحكـــ طــاعه اقتباس:
ذائـــقه رائـــعة لشـــــــاعر أروووع فيـــدو..بصــدق لك..احســاس مختلــف..باختـــلافك.. بانتظـــــار البقيـــه.. لــك من الــود باقــــات....:flowers2: |
جوووود مساءكـ فل انتِ الأروع عزيزتي تسلمي والله هذا من ذووقك شاكرة لك مرورك كل الود |
رائع قلمك بما نقله لنا,,,
يعطيك العافيه على هذا البوح الماطر,, امتعتينا حقيقه بهذا الجمال,,وبهذا الكم الزاخر من العطاء ,, شاعر يستحق المتابعه والابحار معه رائع جدا ,,موضوع يتحق التقيم نتتظر جديدك بكل شوق,, دمتي بوود,, |
مشااااااعر الأروووووع تواجدك وتعطيرك لمتصفحي .. الله يعافيك ويسلمك يارب شاكرة لك مرورك يالغلا لا خلا ولا عدم كل الود |
|
|
|
http://www.liillas.com/up2//uploads/...2f691c51c2.jpg ::][:: الجرآح ::][:: عسى ما ازعلتك البارح وزودت الجراح جراح عسى ما مرت الدمعه على اهدابك من اسبابي جرحتك من كثر شوقي وخليت الكلام رماح ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح تعال وشوف بغيابك غلاك شلون سوابي حرام تغيب من عمري وتعطيني الفراق وشاح حرام الدمع في عيني مناديله هي اهدابي غيابك يشغل عيون الزوايا وامتلي اشباح وانا انثر صوتك بقلب المكان واشعل ابوابي تلفت للأمل دام الرجا في عمري الملواح اناديلك ولو شرهك وصولك تقطع اعصابي ابيك الجاي من عمري انا مابيك شي وراح مدامك اجمل واخر مدامك اول احبابي ابي ارتاح ياعمري انا ادري هم تبي ترتاح تعال وقبل ما افرح ترا تفرح بك ثيابي احبك احبك يابعد عمر الحزن والجرح والافراح احبك احبك كثر ما نامت عيونك داخل اهدابي للتحمل والإستماع .. حرام تغيب عن عمري |
|
http://www.liillas.com/up2//uploads/...93608efb5a.jpg الوقت حزين ومورقه عيوني دموع من على الاهداب يهزهزني الجفا وتطيح دموعي من أخر اهدابي ذبل عمري ولا مرو على هذا العمر غياب وتتساقط عيون اللي رحلو في داخل كتابي مسكت اللي قدرت اكتب تفاصيله في وسط كتاب مثل شوق المطر لما يعانق وحشة ترابي اشم الدمع من ليل المواجع والسنين اعتاب وعرفت ان الحنين الريح وجابت ريحة احبابي وانا لا مرني لو هو عطر من ريحة الأحباب ابتسمت وكل مافيني يطمن رعشة اصوابي انا المطفي تحت سقف الحياه ووحشة الابواب مادام ان الوله علق عيوني من على ابوابي يجون وأكثري يشعل أمل من جمرة الاعصاب يجون ولا لقيت الا الأمل معطوب بأعصابي وجوني اغراب وراحو مثل ماجوني بعد اغراب ارحلو من قبل لايطفي العطر بكفوف ترحابي غريب الوقت او الناس الغريبه بكلمة الاحباب اشوف الدمع فيهم مثل ماشفته على اهدابي |
شـكــ وبارك الله فيك ـــرا لك ... لك مني أجمل تحية . بارك الله فيك ورحم الله والديك, يعطيك الف عافيه يعطيك العااااااااااااااافيه فيدووووووووووووو
|
الله يعافيك يارب شاكرة لك مرورك لاحرمني الله إياه مودتي |
|
|
|
http://www.liillas.com/up2//uploads/...5f1f409260.jpg هذا هو اللي تبيه إنـي أرحل من حيـاتـك .! واشعل عيوني بليــه ..! بس خــلاص ..!! هذا هو اللي قدرته وقدرك ربي عليه .؟ بذمتـك هذا كــلام اني ارجـع من جديــد ..؟؟! ارجع افـرش كل تعـب عمـري وانـــام .! هذا هو اللي تبيــه وقدرك ربي عليــه .! اني ارحــل من حياتـك واشعل عيوني بليـه .! بـس خـــــلاص ... بذمـتـك هذا كــلام اني ارجـع من جديـد ..! ارجع افرش كل تعب عمـري وانــام .!! زين لحظــــــه !! لاسألوني الناس ويـنك .؟! وإن دروا ضحكـة عيونك عـن عيـوني ســافرت ردك لعينــك .!! بذمتـك قـول وش اقــول .؟؟ قــول قــول قــول قــول الله يخــرب بيـت بيتــك توني يادوبـي بديـت بعــت عمــري واشتريتــك خطـوه خطـوه واشتريــت تونـي باطـراف البدايــه مدري وشلـــون انتهيـت .! ياخي حــــــس ! والله عيـــــب اللي تبيــه .!!! اني ارحـل من حيــاتك واشعـل عيـوني بليــه .؟!! لاجبينك شمس واحساسك مطر لاعيونك شوق وشعورك دفا جبت لك بيدي ابتسامات العمر ليه تكسرها على اطراف الشفا شوف بعثرني احتياجي بالنظر شوف وجهي امتلى منك بأفا ماتجي منك ولكن يابشر ماانت اول من طعني بالجفا ابرك ادفن كل جروحي بالسهر ولا افكر من ورى قلبك شفا ول ياقلبك مايجيب إلا القهر ول ياعمرك ماعرف طعم الوفا وإلا انا مثل النهر أبقى نهر من تحوسه ترجع تشوفه صفا فيني والله احساس لامنه ظهر يشعل ضلوعك إذا قلبك طفى هذا هو اللي تبيه .! وهذا هو اللي قدرته .. وقدرك ربي عليه ..!! بذمتـك هذا كــلام اني ارجـع من جديــد ..؟؟! ارجع افـرش كـل تعـب عـمـري وانــام .؟! ويـن أروح .؟! شلون أجيب لقلبـي المجروح .. روح .. هذا هو اللي تبيـــــه ..! |
تسلمييين فيدو ابيات الشاعر روووووووعة الله يعطيك العافية وربي يسعدك رعاك الله |
لحووووونه الله يسلمك ياارب الأرووووووع تواجدك هنا غلاي الله يسعدك ويحفظك مودتي |
السلام عليكم ورحمة الله وبركاته ... فيدووووو...وش هالابدااااع وش هالاحسااااااااس ...جداا سعدت بالمرور بين كلمات هالشاعر اللي مر علي بعض اشعاره باوقات مختلفة وكنت ابهر بها...موضووعك جد جميل تنسيقا واختيارا للأبيات..فعلااا تنم عن ذائقة شعرية راقية..ربي يعطيك العافية وتمتعيناا دوم بأحلى الابيات...مشكوورة فيدو.. |
اقتباس:
ياهلااااااا والله بغدووورتي .. وأنا سعدت أيضاً بوجودك هنا ^ــ^ وتسلمي لي والله .. شاكرة لك مرورك .. كل الود لروحك:flowers2: |
|
|
|
http://www.liillas.com/up2//uploads/...fabaf2b496.jpg ومعقوله تجي منك وترميني لأي انسان يلملمني ولايلقا بعيوني غير دمعاتي انا ماصدق انك انت تنهيني من الوجدان وترميني وانا اشوف القبر نادى مسافاتي وكسرني الشتاء ياوليد وأنت بداخلي دفيان تحملت الأسى والضيم عشانك يابعد ذاتي وصحى بي البرد واللاهوب وانت بداخلي غفيان تحملت السنين وقلت على الله تلملم شتاتي انا امك ياهيه امك حملتك والعذاب ألوان ولدتك والألم سكين يركز داخل لهاتي وانا أثناء الولاده من بكا صوتك طعنت أحزان لأني شفتك بصوتك تنادي كل طموحاتي ومهدتك في عين وعين يشرب حزنها القران وهزيتك وكان النور يتهزهز من دعاتي اضمك في يديني لا تجي وتقول أنا بردان تركت البرد لظلوعي رح انشد رعشة شفاتي وزولك من ركض فيني لمست بداخلي أوطان وتركتك تبني بمجدك على اكتاف اأنكساراتي وتذكر يوم مدرستك صدى وكفوفنا الحرمان وكانت رنته من فلس خلقته لك بشيلاتي كبرت وصرت بعيوني شجاع واشهم الفرسان وحلفت أني على عرسك لرقص كل شيباتي أسولف للبشر عنك أقول ولابه أي نقصان رضع عز الشهامه شب طموحه في معاناتي وله شان الصقر لا أخذ منه الصقر له شان يجي مثل الوضوء لاطب حنينه فوق راحاتي يقولون الولد هو خان اقول وليدي لا ماخان وهم يدرون ماغطى منامي غير وناتي افا وشلون تتركني يكحلني عمى النسيان وانت ادرى في يوم الحشر جنه تحت خطواتي لك الله مانطق صوتي لك الا بدعوة الغفران ولكن خوفي من حزني ومن دعوات عبراتي تدين اليوم ياوليدي وباكر للأسف تندان ويرمونك مثل أمك وتذكر حلم شيباتي |
إلى هنا أتوقف عن الإبحار .. أتمنى أن أكون وفقت لهذا الإبحار مع شاعرنا الرآآآئع سالم سيار .. تحياتي/ فيدووو |
| الساعة الآن 09:06 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية