منتديات ليلاس

منتديات ليلاس (https://www.liilas.com/vb3/)
-   الشعر والشعراء (https://www.liilas.com/vb3/f14/)
-   -   وحتى الشوق من صبح الدرايش قـام يهـدي لـك (https://www.liilas.com/vb3/t121337.html)

حفيدة الألباني 15-10-09 09:44 AM

وحتى الشوق من صبح الدرايش قـام يهـدي لـك
 
صباحكمـ رائع بروعتكمـ انتم ,’
حقاً إفتقدتكم ..


تجيني طيف يا عمري .. على جنحان شوقـي لـك
اخاف ارمش من عيوني ..! وابعثر جيت وصالـك
...
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لك
واخلي ظلالي يسبقني.. قبـل يحضنـي منزالـك
...
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك
...
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك
...
وحتى الشوق من صبح الدرايش قـام يهـدي لـك
عصافير الرضا ترفـرف علـى بيبـان مدخالـك
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك
...
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
...
تروح وقلت: احط روحي.. على كفـي واناديلـك
نزعت العمر مـن شفـت الغـلا بالـروح نادالـك
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
...
تعال احتاج اسولف لك عن الايـام واشكـي لـك
وافض غيم الحزن وانثر حنيـن الشـوق بقبالـك
...
تعال وحط فـي قلبـي همـوم الفرقـا واشيلـك
لان القلب ماهو قلـب اذا فـي نبضـه مـا شالـك
...
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!

للشاعر/ سالم سيار ..

♪ أَلَح ـان الْوَفَاء •• 15-10-09 10:23 PM

حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك


ابيات رائعة

تسلميييين فيدو
ربي يعطيك العافية

موووووودتي:flowers2:

حفيدة الألباني 16-10-09 01:32 AM

الرائع هو تعطيرك متصفحي

الله يسلمك ويعافيك يارب

شاكرة لك مرورك .. لاحرمني الله إياك

موودتي

صدق المشاعر 16-10-09 05:24 AM

صـــــــــــــــح لسسسسآن قآيلهـآ مليــآآآآآآر ..
وعسآنآ مآننعدم من هآلذوق الرآئع ..



متصفحتك دآئمـاً تروق لـي
لأني أيقين تمآم اليقين أن الجمـآل يكتمل بدآخلهآ
نثرت آبداعك وعانقت شغاف قلوبنا
دُمـتي مميـزه
ولا خلا ولاعدم
تحياتي لك

نوف بنت نايف 16-10-09 05:47 AM

حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
ياااااااااااااااااه فيدو كلمااااات منتهى الروعه
مجرد هذا البيت يكفيني اني انغرم في الشعر
سلمت اناملك فيدو


الساعة الآن 01:37 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية