منتديات ليلاس - اللي تستخدم الحنة تتفضل ( تجربتي )

كيفكم صبايا ؟ ..

بنات بما إنه احنا ناس مهتمين في شعورنا و جمالنا طبيعي و نحب كل شي طبيعي ‘‘

حبيت أفيدكم بمكونات أعجنها مع حنتي و كلها من شأنها تكثيف الشعر و تطويله ،

إنتوا احفظوها عندكم و كل مرة اخذو مكون أو 2 و اخلطوه مع الحنة ,,

و إن شاء الله النتيجة تبين خلال شهر أو شهرين بالكثيـــر إذا كنتي تحطين حنتج أسبوعيــا ً ..

بالنسبة لعجن الحنا يُفضل إنج تعجنينها قبل الاستخدام بثلاث ساعات بالكثير ،

لكن فيه ناس يعجنونها بالليل و يحطونها من باجر ..

و هالشي ما ينفع إلا في حالة خلط الحنا بالماء فقط بدون وضع أي مكوَّن معاها

عشان ما تخترب و يصير أثرها عكســي على الشعر ..

[ 1 ] مقدار غطاء من خل التفــاح ،

طبعا من فوايده إنه يفتح لون الشعر

و يقضي على القشرة

و ينفع كثيـــر لذوات الشعر الدهنـــي لأنه مع الوقت ينشفه ،

يعني اللي شعرها جاف لااا تفكر تحطه ..

[2 ] عصير ليمونة واحدة ،

مفيد جدا ً لفروة الرأس يعقمها و يشدّ المسامات

و هذا كفيل بمنع تساقط الشعر و يقضي على القشرة أو يمنع ظهورها .

[ 3 ] نواة التمر المطحون ،

تاخذين نواة التمر تقريبا ً بمقدار كف الإيد و تجففينه يا تحت الشمس أو بالماكروويف

و عقبها تطحنينه و تخلطينه مع الحنا يكثر الشعر و يقويه

و هم في ناس يستخدموه مع زيت الخروع أو زيت السمسم لرموشهم

قبل لا تنامين دهني شوي على رموشج .

[ 4 ] مقدار فنجال واحد من حبـــة البركــــة المطحـــونة ،

مع الاستخدام راح تلاحظين شعيرات صغيييرة تطلع في مقدمة الرأس ..

عجييييبة هالحبة لا تستهينون فيها

[ 5 ] بالنسبة لماء العجن ،

لازم تغلينه قبل لا تعجين الحنا فيه و إذا تبين شعرج يصبغ و يصير فيه لمعة

اغلي معاه بابونج أو أعواد القرفة ( دارسين ) أو أعواد مسمار ( قرنفل ) ..

[ 6 ] الريحان المجفف و المطحون ،

أنا أشتري حنتي من وحدة بالسعودية و اهي تخلطها مع الريحان المجفف

بصراحة روعة يطول الشعر بشكل سريييع و مع الاستخدام أحس التقصف اختفـى

و لا تخافون من ريحته لأنه ريحة الحنا أقوى و تغطي عليه

و مع البخور و العطورات ما تبين حتى ريحة الحنا .

* نقطـة أخيرة :

بنات هذا مجهـــودي و من تجربتي الشخصية ،

أتمنى ماحد ينقله إلا بذكر اسمي لعلّ دعوة طيبة تصيبني ممن يستفِد منه

**** جنّّّّّّّّات ****...

منقول