مش عايزه غير حد يسمعني
 

السلام عليكم ورحمة الله وبركاته

انا طالبه جامعه درست سنه اولى تخصص علوم لاني ما توفقت في الثانويه العامه مع اني كنت متوقعه مجموع عالي وكنت ناويه ادرس صيدله بس كل واحد بياخد نصيبه في هالدنيا والحمد لله دخلت هادا التخصص في اول الامر ما كنت حابه بس بعد كده خلاص تعودت ونويت اتخصص علوم كيميا لكن البابا ما كان موافق كان بدو تربيه كيميا مش علوم قال المعلمه احسن وظيفه للبنت هو هيك رأيه بس انا ما وافقت ودخلت العلوم ودرست سنه كامله بس معدلي ما كان كتير كان عندي رسوب في مادتين بسب اهمالي ما كنت ادرس اول سنه وحياه جديده وجو جديد فرحانه اني صرت بالجامعه ما كنت عارفه انو الجامعه اصعب من المدرسه ولازم الواحد يدرس ويجتهد حتى يحصل على علامات زعلت كتير لأني رسبت وحسيت بطعم الفشل بس ما يأست وقلت خلاص بعيد مواد الرسوب وما في مشكله انه هادا مش نهاية الدنيا و لما الواحد بيغلط مره بيتعلم من غلطه وقلت خلاص انا لازم اجتهد وادرس بيكفيني لعب وسجلت المواد من جديد واجتهدت وصرت احضر المحاضرات وادرس اول باول زي المجتهدين بالضبط بس للأسف ليس كل ما يتمناه المرء يدركه بابا طلب مني انو احول من تخصصي لتخصص تربيه قال التربيه وظيفتها مضمونه يعني كل الي بيتخرجوا بيتوظفوا ما الدنيا كلها بطاله وخواتي كمان قالولي انو يا بتدرسي تربيه يا اما خلاص ما تروحي عالجامعه وخليكي بالبيت واكيد خيارين اصعب من بعض بالنسبه الي لاني ما بحب اني اكون معلمه عمري ما توقعت اني اكون معلمه رافضه الفكره تماما ولحتى الان لان المعلمه مش من طموحاتي وما بحب الروتين اليومي بتاع المدرسه والمعلمه بتضل طول اليوم واقفه تشرح للطلاب وانا بتعب من الوقوف واكيد الواحد ما بينجح لما يدرس شي مش حابه رغم كل هالمبررات بابا مش راضي يقتنع وضل على موقفه قلت خلاص انا ما بيهون علي بابا وما بارضى على زعله قلت خلاص لازم احول من كل التخصص واروح تخصص سهل واله وظيفه مضمونه راح احول تخصص محاسبه بابا وافق واخواتي وافقوا بس انا مش عارفه انا الي عملته صح ولا نفسيتي تعبانه كتيييييير ومتردده كتير ساعه بقول بدي احول من هادا التخصص وساعه بقول بدي ابطل اروح عالجامعه والي شهرين ما رحت عالجامعه ولا طلعت من البيت ولا كلمت صحابي مش عارفه ليش هيك بعاقب نفسي رميت كل كتب الجامعه وكل شي بيزكرني بالجامعه وطول الليل ما بعرف انام ولا اغمض عيوني بس ابكي واصرخ وطوال النهار نوم ما بحكي مع حد وعصبيتي زادت اكيد هادا مستقبلي ولازم يكون عندي حرية الاختيار ليه بيعملوا اهلينا هيك بيعذبونا وما بيسمعونا دايما هما الصح واحنا غلط وهلاء قرب موعد دوام الجامعه وانا مش عارفه شو اعمل؟؟؟؟؟؟؟؟؟

الله يكون في عونك
 

لا يا حبيبتي لازم تحاولي تطلعي من الاكتئاب الي انتي فيه لان هذا رح يأثر على حياتج ومستقبلج وبالاخص على علاقتج بالاهل
اكيد سامعة بالمثل الي يقول
تجري الرياح بما لاتشتهيه السفن
يعني مافي واحد كان رايد الي صار معه بس مع هذا نقول الحمدلله والشكر على كل شي وانتي لازم تكونين اقوى ولا تفكرين انه الابتعاد عن الاصدقاء هو حل
فكري بأن ترضي اهلك وترضي نفسك في الوقت نفسه

كوني على تواصل معنا والله معك في كل خطوة ونحن نصلي لكي

العند يحجب العقل
 

الله يكون بالعون
 

يعني انا ما بعرف ليش هل التعنت بالرأي من قبل الأهل
أحسنلك اتركي الجامعة وما تفريحيم بثمرة تعبك
بكرى بعد ما تتخرجي راح يوظفوكي وياخدو كل تعبك
وبعد ما يجيكي ابن الحلال مالك بحاجة للعمل من الأصل
طيب انت جربتي طريقة التهديد في ترك الجامعة ولا لأ
طيب جربي ممكن تجيب ثمرة