|
مراآاآهــقــهـ متأخــــــــــــرهـ
السلام عليكم انا عندي مشكله لها سنه و نص تقريبا هي مو مشكله خاصه بيا هي بوالدي الله يحفظه ليناا يارب الحمدلله والدي ابدا مايقصر علينا انا واخوااني ولا شي وخاصه انا واختي اللي اصغر مني بسنه انا اكبر وحده من اخواني ودحين احنا اول سنه بالجامعه الموهم انا واختي دائما نجلس ع النت والمنتديات الموهم جاء مرره والدي وقال يبغى يجرب النت انا واختي طبعا جلسنا نعلمه النت وسوينا له ايميل وسجلناه في منتدى و صار والدي مدمن نت بدرجه فضيعه حتى والله انو نسينا يعني انقلب 180 درجه و تتطورت العلاقه للجوال وبعدين تطورت اكثر صار يرسل لهم هدايا وكمان اتفق مع ام البنت واخوهاا انهم يسوو شغل مع بعض....الخ يعني صار مرره بعيد عننا وانا دا الشي مرره قاهرني فرحنا سوينا تسجيل محادثاته في المسن مع البنات واخدنا ايميلاتهم واتكلمت معاهم طبعا ابوي كان معطيهم كلاام كلوو كذب فرحت كلمت البنت بكل شي يعني بس كنت ارسل لهم رسايلوالبنات كلموا والدي وصارت مشكله مررره كبيره بيننا وقال انو خلاص راح يتوب وقالي شيلي الايميل اللي كنت اكلمهم منه وكمان احذفي ايميلاتهم على اساس انو راح يتوب بس اللي يدخل دا الطريق ماعاد يقدر يخرج منه وخاصه انو ابوي رجال كبير يعني ببدايه الاربعيناتاحس انو يعيش مراهقته من جديد زي مايقولوا مراهقه متأخره وصارت حياة بابا وماما كلهاا شك بشك يعني هو يحاول انو مايبين لنا وكمان غير رقم جواله بس برضه مافي فايده والبنت جات هي واهلهاا حسبي الله عليهم لعنده للشغل هما من دوله عربيه انا مااعارض انو بابا يروح يتزوج واحناقلنا له دا الكلام وقلنا له انو دا من حقك بس مرره مو راضي يقول بعد 20 سنه اروح اتزوج ومايبغى يعيشنا مع خاله ومن دا الكلام للمعلوميه هو مررره يحبني انا واخوااني يعني لو قلت لكم انو يخاف علينامن نسمة الهوا ماراح تصدقوا(الله يحفظك ويديمك فوق راسنا يارب) انا ماطلبت مساعتكم الا لاني والله احبه واعزه وماابغاه يعيش حياته في دا الطريق انا عاارفه طولت بالشرح بس والله انا داخله على الله ثم عليكم انكم تساعدووني يعني كيف اتصرف مع بابا في دا الوضع واتفاهم معاه ياليت تساعدوووووني اذا بتقدروا وان شاء الله ماتقصروا معايا |
ياحبيبتي وضع والدك طبيعي :D أنتي وأختك دخلتوه بعالم جديد عليه بالمرة فضول وحماس ..وبنات كلامهم زي العسل ..فإيش متوقعه ؟ لاتنسي انه المجتمع عندنا قاسي بحكمه على اللي زي والدك هو لاقى له طريقة يفرغ فيها شوية من ضغوط الحياه وتلاقي ديك البنت استغلت طيبة قلبه وضحكت عليه بكلمتين أشوف أنهـ الصراحة راحة يابنتي أقطعي عرق وسيحي دمه واجهي والدك وقولي له أنه تصرفه خطأ من البدايه وأنه المفروض هو اللي يراقبكم ويضبطكم وينصحكم عن الغلط مو العكس قولي له انتم دخلتم النت تتسلو ..لكنكم عارفين انه كله عالم زائف والكدب اكتر من الصدق وياما فيه ناس انخدعت فيه برهني له وقولي شوف انت كيف كذبت عالبنت واديت لها معلومات غلط كيف تثق انها صادقه معاك بالنسبة لأمك ..اتكلمي معها وطيبي خاطرها وحاولي تلاقي نقطة تلاقي بينها وبين ابوكي ياستي خليكي واسطة خير ورجعي لهم ايام شبابهم فيه افكار كتير ممكن تنفديها عشانكم انتم رح يتخطوا هادي الأزمة صدقيني وانتم بعدين ماتجلسوا لأبوكم عالحبه ههههههههه خلو الراجل يتنفس ولاتجلسوا تذكروه كل شوية باللي حصل خلص اللي فات مات ههههههه والله يهديه لكم ويخليه ويحفظه يارب موفقه ياغاليه ميرسي:) |
كلام سليم اختي ذات الرداء الاحمر ماعليه غبار . المفروض انه يتم نصيحه الوالد وتذكيره بانه هذي الفتاه اصلا موجود بالنت يعني على الاقل مكلمه 100 قبله ومن الواضح انها تصتاد في الرجال وضع والدك الله يحفظه صعب كونه لوحده ومثل ماقال المثل الغرقان بتعلق بقشه . لابد من ايصال الصوره له بالشكل السليم واقناعه بانه هاي البنت داخله على مصلحه . وممكن انه يدخل باسم رجال ثاني ويكملها بطريقه غير مباشره ويقول سنه صغير ومعاه فلوس ومن هالكلام وشوفي كيف بدقيقه ترتب معاه وانا متاكد من هالشي .. لانهم الظاهر عليله كامله متفقين .
الله يصبركم ويهونها عليكم ان شاء الله تحياتي اختي |
| الساعة الآن 07:17 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية