|
اعتقد مفيش حل
السلام عليكم و رحمة الله و بركاتة ان عندى مشكلة و كونت اتمنى ان ممكن حتى لو واحد بس يقولى حتى حل انا عمرى 18 سنة شب وعايش فى القاهرة انا كل مشكلتى ان فى وحدة حبتنى و اناكمان حبتهااكتر ما كونت اتخيل انى ممكن احب حد كدا لى درجة ممكن محديش يتخيلها و هيا كمان بس المشكلة كولها ان اخوها يكون اعز اصحابى و اقرب واحد ليا و انا كونت عارف ان دة غلط لان دة ممكن يكون خيانة لى بس انا و الله بجد مكنتش اقصد هو الموضوع جة كدا المهم بداء يكلمنى مرة بعد مرة مش عن الموضوع لا بس بيعرفنى انو عارف و كدا غلط انا مكنش قدامى غير انى اكمل معاها كلام عادى و اخسرو او احاول ابعد و اخسرها هيا بجد مكنتش عارف اعمل اية خصوصا ان هيا كانت بتعمل معاية اكتر من ما كونت انا بعمل وقفت جنبى فى وقت كونت وحيد فى و كانت بتحبنى حب بدون مقابل و انا مكنتش عاوز اسبها علشان مظلمهاش بس الظروف كانت قوية اوى علية و انا مع اخوها و عليها فى البيت بردو مع اخوها اطرات ان انا اقطع كلامى معاها فجأة و اقسم بالله كونت بعيش اوقات محديش يتخيلها خصوصا كانت اوقات امتحان )) الى انا عاوز حد يسعدنى فى دلوقتى ممكن حد يقولى اعمل اية مع العلم ان انا مينفعش اكلمها لان اخوها اقرب واحد ليا و على طول انا و هو مع بعض يوميا و مش قادر مكلمهاش و اطمن عليها و ربنا يعلم الايام بتعدى ازاى وانا سيبها بقالى دلوقتى حوالى 10 شهور او 11 و خايف اسيب الموضوع كدا و يجى فى يوم اعرف حد تانى علشان انسها و القيها هيا مستنيانى و لسة عيشا على ايام زمان و كدا اكون ظلمتها او انا استنها مثلا كام سنة و اجى ارجع القيهانسيتنى و كدا اكون ظلمت نفسى بجد مش عارف اعمل اية و تعبت كتير )) |
االاخ المعذب
االصحيح انا سبق و مريت بحاجة زي كده و استوعبت الدرس منها ة علشان كده حاقدر ااقولك ان ما فيش حاجة تمنع و من حيث المبدا إن واحد يحب اخت صاحبه من غير ما يشعر بحكاية الذنب و تانيب الضمير لكن العبرة بالنوايا لان ده بيرتب عليك مسؤوليه اضافية و بيحتاج منك جديه اكتر و تحديد حازم للخطوة الجاية و انت راجل و المفروض قادر على خطوة زي كده يعني زي ما انا شايف الحكاية عايزة منك تبص في جواك مرة علشان تحدد انت عايز ايه و تبص كمان عللي حواليك لان الدنيا مش بس على قد رغباتنا و على مزاجنا بس فيه اعتبارات تانية لازم ناخدها دايما في الحساب وو لو ان الاحتمالات الي حضرتك بتعرضها في اخر كلامك انه يعني و انه ممكن و انه مش عارف ايه !!! انا شايف منها ان حضرتك مش متمسك أوي بالبحث عن خطوة جدية للامام ده رايي لكن انت اللي تحدد اذا كان ده صح و لا .. لأ!! الحل عندك |
اولا" مرحبا" بك في المنتدي وحقولك هو اصلا" مفيش مشكله انت الي عامل انو في مشكله يعني ايه لما تحب اخت صحبك ؟! عادي ومفهاش حاجه بس شرط انو تكون جادي فهم اخوها انك انسان شارىها ومش بتاع لف ودوران وفهمها هي كمان كدا؟ وطالما انكم عارفين بتحبو بعض يبقى تثبتو لبعض دا بانك تشتغل وتكون نفسك وتخطبها وهي لوبتحبك حتستناك بس انت وضح لها الموضوع وقولها انو محيكونش بناتكو اتصال لما تجي تخطبها علشان ماتقعوش في الغلط والشيطان شاطر وزى ماقال الاخ الكريم الحل في ايدك.
|
السلام عليكم اخي
مختصر مفيد . لو كنت فعلا ناوي على الزواج فاتح اخوها بالموضوع مادام شرع الله موجود وعلى سنه الله ورسوله . هذا اذا كنت حقا قادر على انشاء اسره ومنزل في ضل الضروف التي يمر بها الناس . كثير منا يتمنون الزواج ولايستطيعون لعدة اسباب . وان كنت شخص تعاني من اي سبب تجده يقف عائقا في طريقك انصحك بالابتداع . اما اذا كنت قادر ان شاء الله نصيحه لاتتردد خاصه اذا البنت انت عارفها كويس وعارف اخلاقها ونادرا نجد مانبحث عنه في هذا الزمن . والزواج لاعيب ولاحرام فقط تعرف عليها بشكل اكثر بعمل اخوها واهلها وحتى ان كانت مجرد خطوبه بشكل مؤقت . فليس من احد يعلم بطبع الاخر الا مع العشره والوقت وهذا فضل من ان يكون زواج بشكل فوري حتى لاتدخل في خانة الليك.. تمنياتي لك بالتوفيق وان شاء الله ما بصير الا كل خير وكل ما في خاطرك تحياتي لك عزيزي |
في نقطة عايزة اوضحها ان الضيف عندو 18 سنة ، يا اخي المستقبل امامك طويل انت لسه في مقتبل عمرك ، انا بقول ان حبك لها ده مراهقة ولسه هتشوف وهتعرف وهتقابل تقدر تقرر وتختار الانسانة المناسبة لك ، بس في حل لو اتأكدت انها بتحبك وانت كمان خلاص فاتح اخوها ، اتفقو مع بعض على الخطوبة بس لما يكون وضعك مهيأ لها ولما تخلص الجامعه مثلا اتقدملها رسمي ، لكن كدا انت خسرتها وهتخسر رفيق عمرك ودى اللى مبيتعوضش بسهولة ....... تحياتي
|
كلام اختي صحيح مية بالمية
يعني المستقبل قدامك بكرا راح تتدخل الجامعة وراح ينضج تفكيرك هتشوف ياما وحتبقى قصص حب ياما كتيير بكرا عندك الشغل راح ينضج تفكيرك اكتر راح تشوف الدنيا بطريقة تانية غير عن سن المراهقة وغير عن الجامعة اما اذا انت متمسك فيها متل ما قالت الاخت العزيزة خلاص وضح لأخوها القصة وضحهلها القصة وانك عايزها واخطبها ولو قرايت فتحة يعني الشغلة بايدك انت استخير وشوف رب العباد شو بختارلك واكيد ربنا دايما بكتبلنا الاحسن وبالتوفيق الك تحياتي |
يا جماعة النقطة المهمة ان انا 18 سنة لان فى اكتر من واحد بيقولى روح اخطوبها
انا لسة بدرس يعنى مفيش اى حد ممكن يوفق من اهلها دة اولا ثانيا مين قال ان انا مفتحتش اخوها انا كلمتو اكتر من مرة و هو كان ردو لسة بدرى و ياريت منتكلمش تانى لان دة بالنسبة لى غلط انى اكون انا معاة كل يوم و اسيبو و اروح اكلم اختو و الى بيقولى الحل فى ايدك اعمل اية يعنى مهى مقفولة قدامى من كل حتة |
اخي انا علقت فعلا ان سنك غير مناسب للزواج او الخطوبة حاليا ، مفيش حل غير انك تفهمها كده وتنتظر حتى السن المناسب ..... تحياتي
|
شكرا لى ردك كونت عارف ان مفيش حل ))
تحياتى |
يعني فكر فيها اخي منطقيا كيف بده يكون في حل تاني غير انك تحكيلها استنيني
وانه ما بتقدره تحكوا مع بعض عشان احترامك لأخوها بتمنالك التوفيق |
يعنى انتا بتقولى ان انا مينفعش اكلمهافى الوقت دة على الاقل
انا كاتب كدا فى الموضوع و كونت بتمنا ان حد يقولى على حاجة تانية اى حاجة جديدة ممكن اعملها اية هيا و اله بجد منا عارف كول الى انا بتمنا الدعوات فقط لى اصلاح الحال |
لأ فى حل
فى حل لكن محتاج منك وقت ومجهود طويييييييل جدا محتاج صبر كمان سواء منك أو منها. أولا لازم تسأل نفسك الأول انت بتحبهافعلا ومستعد تتعب عشانها ولا بتحبها بس لأنها ساعدتك فى موقف ما عشان كده قولت انها وقفت جنبك فى وقت كنت فيه لواحدك لازم تتأكد من مشاعرك رغم انى شايف انك سايبها فترة طويلة ولسة بتفكر فيها أنا رأيي ان ده حب بجد عشان كده لازم تحافظ على الحب ده وماتضيعوش من ايدك لأن مش سهل انك تلاقى الحب الحقيقى مرتين
عشان كده لازم تبذل مجهود عشان تحافظ على حبك أولا لازم تلاقى شغل كويس حتى لو كان المرتب قليل فى كليتك مهما كانت نوع دراستك وحتى لو كنت مشغول جدا فيها لاااازم تشتغل عشان تقدر تقصر المسافة اللى بينك وبينها وتقدر تتقدملها رسمى فى أسرع وقت ممكن ولما تخلص دراستك أو حتى وانت فى آخر سنة تقدر تتقدملها وصدقنى مفيش أهل هيرفض واحد بيعتمد على نفسه من وهو فى سن زى ده ثانيا فى الفترة دى تقدر تكلم أخوها بصراحة وتقوله انك شاريها ومستعد تعمل المستحيل علشان تبقى من نصيبك وانك هتشتغل عشان تبقى جدير بيها وتقوله انك محتاج مساعدته بانه يقولها تستناك اذا كانت عايزاك فعلا وانك مش هتكلمها احتراما ليه ولصداقتكم لكن هو يبقى يطمنك عليها من فترة للتانية ويطمنها كمان عليك ويقولها أخبارك وتستحمل شوية بعدها عنك ومش لازم تشعر بالذنب من حبك لأخت صديقك لأن الحب الحقيقى البرئ مش غلط وأهم حاجة لازم (تثق) ان لو فى خير ليكوا مع بعض ربنا هيجمعكوا مهما كانت الظروف . لازم تثق ان ربنا هيقدم اللى فيه الخير ليكوا ولازم ترضى باللى هيكتبه ربنا ليكوا وهى كما لازم تثق فى كدا. وطالما نيتك سليمة وبتبذل مجهود عشان توصلها يبقى ربنا لا يمكن يضيع تعبك أبدا. وربنا معاك ومعاها ويقويكوا يارب... |
اولا بجد مش عارف اشكرك ازاى على الرد الرائع دة بجد تسلم
ثانيا: انتا بتتكلم عن الشغل انا و الله بجد الدراسة وخدة الوقت كولو و كمان اهلى مش هيردو على الشغل علشان الدراسة لاكن انا ان شاء الله هصبر لحد لما ربنا يريد و انتا قولتها لو كان لينا نصيب ان شاء الله ربنا يجمعناا و عاوز ااكد حاجة انا محبتهاش علشان هيا وقفت جنبى بس لا انا حبيت كل حاجة فيها العيوب قبل الميزات و اعتقد ان لو محصلش نصيب معها و جة حد تانى بعديها ان انا مش هحبو كل الحب دة مرة تانى بجد بشكرك على الرد الرائع دة تحياتى |
| الساعة الآن 11:15 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية