|
كلام الناس
السلام عليكم و رحمة الله و بركاته
يتأثر كثير من الناس بكلام الناس فمثلا قد تذهب سيدة لشراء جهاز منزلى او اى شئ اخر من محل معروف يكلفها فوق طاقتها على الرغم من انها يمكنها شراء نفس الشئ من مكان اخر و بسعر مناسب الا انها تفعل ذلك فقط خشية من كلام الناس ايضا فى بعض ضحايا جرائم الشرف قد يقتل الشقيق شقيقته او القريب قريبته عندما يسمع كلام الناس عنها و يتحدثون عنها و يثبت الطب انها فتاة عذراء راحت ضحية لكلام الناس قد يستدين البعض لشراء هدايا و ليقوم بالمجاملات فقط خشية من كلام الناس فيا ترى : لماذا يهتم كثير من الناس بما سيقوله الناس عليه ؟ لماذا قد يصدق البعض كلام الناس و كأنهم ابدا لا يكذبون و يفهمون كل الظروف فيقتل شقيقته او قريبته ظلما فقط ليرضى الناس ؟ لماذا تتأثر الكثير من قراراتنا بكلام الناس ؟ سؤال ليكم يا ترى ايه تأثير كلام الناس عليكم ؟ و كيف تتعاملوا معه ؟ اتمنى يعجبكم موضوع النقاش و عذرا لو معرفتش اطرحه بالشكل المناسب |
تسلمي على الموضوع ولي عودة للرد |
اهلا حبيبتى.. ابدا والله طرحك جميل وفكرتك وضحت. من رأيى ان تأثر بعض الناس بكلام الاخرين ده بقى حالة مزمنة على مدار الزمن لانه طول مافيه بشر يبقى هيتكلموا ومابيسيبوش حد فى حاله ولان فيه ناس ثقتها بنفسها مهزوزة او شخصيتهاضعيفة او مترددة يبقى طبيعى انها هتتأثر بسهولة بكلام اللى حواليها.. كمان افتكر ان اللى بيحرصوا جدا على راى الناس فيهم هم اول ناس مابيسيبوش حد فى حاله وبينتقدوا كل شئ سواء كان رأيهم صح او غلط.. حتى تسمعى المثل اللى بيقول"كل اللى يعجبك والبس اللى يعجب الناس" عن نفسى انا بصفة عامة احب استمع لرأى اى انسان بيتكلم قدامى لمجرد انى استفيد منه لو كان صح او ممكن بيكون مبالغ فيه بس فيه نقطة تعجبنى واحب آخد بيهالان مش كل كلام الناس مش حلو لكن مش بسمح لحد انه يأثر على شخصيتى .. انا اسمع كل الاراء وبعدين احللها واتخذ قراراتى بنفسى ومعظم الوقت بثبت على رأيى الاصلى دون اى تعديل لما بلاقى ان الانتقادات ملهاش اساس او بتتكلم فى جوانب تافهة وتسيب النقطة الاساسية... ملخص رأيى ان رأى الناس المفروض يظل مجرد رأى وكل شخص ربنا اعطاه عقل يفكر بيه والمفروض يعرف ان كان رأى الناس ده صح ولا لأ وبعدين يختار الافضل ليه.. اسفه للاطالة |
اقتباس:
اقتباس:
معاكى حق كل انسان المفروض يقيم الللى هيعمله بعقله و لو واثق انه صح يبقى يعمله و ميخفش من حد نورتينى يا قمر الف شكر لمرورك |
الموضوع جميل
اولا ليه بيتخاف من كلام الناس لانه هذا الشخص هو نفسه ممكن يكون عم يعلق على الناس يعني كثير التعليقات على اشياء فبيقول يعمل زيي علي بس انا مش هديله فرصة و بسبب شئ تافه ممكن توصل لمشكلة يعني و كمان ممكن تكون نقص ثقة في النفس اما بالنسبة للي ممكن يقتل اخته بسبب كلام الناس فده يا اما عايش فمجتمع صعب او بيآمن بانه مفيش دخان من غير نار او هو طايش و مراهق بيتأثر بكلام صحابه و بيحب يبين فرعنته او هههههه بيكون عامل عمايل و بيشكك في اخلاق الكل تأثير كلام الناس علي عمره ما كان قوي لكن ممكن يكون قوي لو غلط شي غلطة كبيرة و ما برضى ابويا يوطي راسه قدام الناس مع انه الناس بتحكي ممكن بدوافع تانية غير الغلط بس ممكن اتأثر بس لو غلط تحياتي و طرحك رائع |
| الساعة الآن 04:01 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية