|
ايه توقعاتك لنهاية ملف المستقبل ؟
السلام عليكم و رحمة الله و بركاته
ازيكم يا احلى اعضاء عاملين ايه يا رب تكونوا بخير يا ترى تتوقعوا ايه تكون نهاية ملف المستقبل بما ان العدد اللى قبل الاخير نزل فى الاسواق و هوا ( نيران المستقبل ) و العدد الاخير ان شاء الله اسمه نهاية العالم يا ترى ايه اللى تتوقع ايه اللى هيحصل و ايه توقعك بالنسبة لاسم العدد نهاية العالم ؟ و طارق اخو محمود ابن نشوى و رمزى يا ترى ايه تفسيرك لوجوده اللى تتوقعه على الرغم من ان نشوى قبل ما يسافروا عبر الزمن كانت حامل فيه مستنية ردودكم و توقعاتكم :lol: |
ممممممممممم مهما اتوقعت فأنا متأكدة إنه مش هيحصل هههههههههه لأن نبيل فاروق دائما بيكسر كل توقعاتي وأفكاري بس هقول اللي بعتقده يمكن يضبط ههههههههه ــ بالنسبة لطارق ابن نشوى : فليس لا أعرف لها حلا بس لو كانوا في المستقبل فعلا فده سبب لوجود طارق ــ بالنسبة لمحمود الكبير : فأتمنى إنه يرجع للفريق وينجو من القائد الأعلى ــ بالنسبة للذئب : أعتقد إنه هيعمل انقلاب ويجمع الجيش ويقوده للتخلص من ابن نور ونور كمان ويمكن الفريق كله ، ثم يموت في هذا الانقلاب ــ بالنسبة للدب : أتوقع هيموت وهو بيدافع عن محمود وطارق ــ أما عن القائد الأعلى واسم الرواية فمش قادرة أتوقعهم ^^" وأكيد بانتظار العدد الأخير على أحر من الجمر |
بالنسبة ليا انا
ليا توقعات كتير شايف ان دنبيل خلى محمود س-18 الجديد وده شيء زعلني كتير لكن اعتقد هيكون ليه دور كبير في انقاذ نور ومن معه ثانيا بالنسبة لطارق رمزي هو اللي هيكون عليه العامل الاكبر في القصة بيتهيألي انه هيرجع في الزمن ويتسبب في الغاء مغامرة الكهف وبكده يرجع الفريق لزمنة نظرا لان الاحداث دي مش هتحصل لان مش هيروحوا الكهف زي قصة قراصنة الزمن لما اكرم اتدخل ولغى المغامرة وبكده مشكلته هو تنتهي لان نشوى هترجع ويتولد عادي حاسس ان كلامي ليه ادله بدليل ان طارق مش فاكر ماضيه قبل انضمامه للمخابرات وكمان مشيرة مش فاكرة وكمان الذئب مش فاكر حاجه غير انهم كلهم ردوا نفس الرد ان ذاكرتي بيضاء قبل هذا الامر والنقطة دي حيرتني كتير فالتفسير اللي قولته ده ممكن يكون تفسيرها بس دايما دكتور نبيل بيفاجأنا بحاجات جديدة بس الطبيعي ان نهاية القصة لازم تنتهي ونور في زمنه العادي لان عدم انتهائها بالطريقة دي هيخل بترتيب كل الاحداث في القصص السابقة وهيدمر وجود طارق بالرغم من انه في زمن قادم رجع منه ليهم عشان ينقذهم من كارثة الزمن بسبب خالد رضوان ورجوعه في حرب الاشباح مرة تانية عشان ينقذ نشوى شكرا على الموضوع الرائع بجد |
اقتباس:
انا حاسه ان الذئب ده مش وطنى ابدا و كل حاجة بيعملها عشان مصلحته اما الدب فمش قادرة احدد ايه بالضبط هيبقى موقفه نظرا لتردده الجامد اللى كان عليه فى العدد الاخير اسم الرواية على ما اعتقد نهاية العالم اقتباس:
بس انا اختلف معاك النسبة لمحمود اينعم بقى له قدرات كبيرة لكن لسه عنده احاسيس و مشاعر بشرية الى جانب انه بتتحب طاقته و القائد الاعلى المزيف حاسه انه اقوى منه فى رأيى لو كان س ـ 18 كان لقى نقطة ضعفه عجبنى اوى رأى بالنسبة لطارق و خلى دماغى تلف صعب اوى لعبة الزمن دى خالص و اتفق معاك انه لازم نشوى ترجع عشان يتولد طارق طبيعى و ياريت يبقى فى تفسير لنسيانهم كل حاجة بس الحاجز اللى محطوط الكهرومغناطيسى محدش اتكلم عنه خالص انا نسيته لسه فاكراه دلوقتى يا ترى ايه اللى وراه و ليه موجود ؟ العفو يا اميدو نورت |
شكراااااااا جدا يا محبة القراءة على الموضوع ده
بالنسبة ليا مممممممممممممممم ليا توقعات كتيرة اوى بالنسبة لنور معتقدش انه هيموت اعتقد انه اكيد يعنى زى كل مرة هينقذ العالم سلوى برضه معتقدش انها هتموت ممكن يجرلها حاجة زى مثلا تقع فى غيبوبة او كده نشوى فانا اعتقد انها هتموت او ممكن يعنى تعيش بس متبقاش قادرة تمارس عملها تانى اكرم و ده فعلا ممكن يموت فى نظرى اكتر شخصية مرشحة انها تموت مع انى هزعل جداااا لان ده اكتر شخصية بحبها رمزى مش هيجراله حاجة طارق ابن نشوى انا فكرت فى تفسير ليه ان يكون س-18 السبب فى اللى حصل اكيد لما كانوا متمجدين و نشوى كانت حامل فيه س-18 خرج الجنين بس اكيد هيبقى غلط بس ده احتمال طارق ابن نور يعيش و محمود ابن نشوى هيعيش برضه الدب احتمال يموت و هو بيدافع عن طارق و محمود لان دى حاجة محتملة اوى(بنشوفها فى الافلام كتير اوى) الذئب اكيد هيموت عشان شرير اما مشيرة فاتمنى انها تموت عشان هى كائن ملهوش لزمة اصلا اما القائد الاعلى فاكيد هيموت اما التوقعات للقصة عموما ما دام نهاية العالم فاعتقد ما دام القائد الاعلى كائن فضائى اكيد هيجى غزو من بره تانى و تحصل زى سلسلة الاحتلال بس اتمنى توقعاتى عن موت بعض الاشخاص متحصلش عشان ميحصلش زى ما د.نبيل موت منى و خلى نهاية رجل المستحيل غامضة احتمال كبير ان تكون نهاية ملف المستقبل غامضة معلشى طولت فى الكتابة شكرااا جدا محبة القراءة على الموضوع |
اقتباس:
انا برضو اعتقد ان نور مش هيموت بس مش عايزة اى حد تانى من السلسلة يموت و خااااصة اكرم احرام عليكى دا اكرم بيحب مشيرة اوى عشان كده انا مش عايزاها تموت هههههههههههههههههههه ميرسى لمرورك الجميل يا نسمة نورتى |
والله التوقع ده حاجة صعبة جدا لان د.نبيل دايما بيفاجأنا
مهما توقعنا بس لو حاو لت يمكن... أولا الذئب بالرغم من انه نوايا شريرة بس هو يبدو لي كضحية ضحية لشيئ ما الدب سيعمل لصالح نور وفريقة بشكل نهائي لانه من جواه كويس بس هيموت في الاخر وهو بيدافع عن احد اعضاء الفريق يمكن محمود أو طارق الصغير محمود وطارق الصغيرين سيكون لهما دور كبير في القصة أما تفسير وجود طارق الكبير فهو شئ له علاقة بالسفر عبر الزمن مش عارفة ايه بالظبط... بالنسبة لمحمود الكبير فمصيرة مرتبط بمصير الفريق كله هو ومشيرة ورمزي ونشوى أما بطلينا.... نور وأكرم.... مجرد التفكير في مصيرهم بيخوفني لان كل الاحتمالات بترجح ان النهاية هتكون مأساوية زي رجل المستحيل في عدة احتمالات...... ممكن يضيعوا عبر الزمن أو عالم اخر, عالم القائد الاعلى أو بعد الشر يموتوا ويكونوا شهداء عملوا الي عليهم وسيظلوا رمزا يتحدث به الناس الى نهاية العالم ويكون هذا سبب التسمية أو الاحتمال الي نتمنى جميعا حدوثه أن يعودوا بالزمن قبل بداية هذه الاحداث ويمنعوها من البداية يمكن....:f63: :8_4_134: |
اقتباس:
ثانيا جميل اوى توقعك و فعلا صعب اننا نتوقع اللى جاى لكنها مجرد تخمينات بالنسبة للذئب ده حساه طماع و كل همه الزعامة مش البلد فمش حاسة انه ضحية خالص و الدب اميل برضو لتوقعك اما نور و اكرم فاتمنى بجدانهم ميموتوش لانى مش هستحمل دول عشرة كذا سنة يا رب يرجعوا و ميموتوش نورتى يا قمر |
انا احترت فعلا في توقع النهاية ولكني اعتقد ان اسم نهاية العالم لا يعني كل شئ فالعدد 150 من رجل المستحيل حمل اسم النهاية ولم تنتهي
وربما المقصود بنهاية العالم هو نهاية ما يحدث في هذا العالم المتقدم اما بالنسبة لتوقعاتي في الاحداث دعونا نتذكر اين ذهب س - 18 فقد تاه في الفضاء واوقف الته وعلية القيام بأكثر من سته مليار محاولة للعودة وطاقته لا تكفية كما قال الدكتور سمير من قبل فأعتقد ان س -18 يمكنه استخلاص طاقه من النجوم او من الشمس والقيام بعملياته المعقده ليعود بعد عمر طويل هي الفترة التي قضاها الجميع في الطهف ينجد الجميع في هذه المحنه الاهم من كل هذا هناك شئ يحيرني فعليا فطبقا للاحداث رمزي هو والد طارق وطارق عندما عاد كان رمزي هو القائد الاعلي الا تذكرون روايات الفارس الثاني وفارس المستقبل وربما كان كل هذا مجرد وهم او حلم عقب الاختفاء في الكهف الحل الوحيد من وجهه نظري هو اعاده كل شئ الي نقطه الصفر ومنع عملية الكهف فعليا كما اشار احد الاعضاء الاعزاء واتذكر كلمه قالها خالد رضون لأكرم انه برغم همجيته لم يتردد في التضحية بحياته من اجل انقاذ العالم وهذا ربما حدث في رواية قراصنه الزمن عندما اتجه اكرم بأله الزمن الي نقطه الصفر ومنع الاحداث من بدايتها فربما يستطيع العودة لمنع الاحداث من بدايته واعتقد ان اكثرت من الحديث ولكنا مجرد محاولة لأستنتاج الاحداث المعقدة والتي برع الكاتب فيها |
| الساعة الآن 01:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية