|
محتاجه رأيكم اذا ممكن؟؟
http://i.pbase.com/o4/27/613727/1/58...DLITTLEBOY.jpg مرحبا اعضاء ليلاس.. انا هون جديده طبعا بس كتير شدني المنتدى وخصوصا ((اريد حلا)) انا عندي مشكله ويااريت تقدمولي نصايحكم وارأكم فيها وجد اكون لكم شاكره اولا المشكله مابتخصني انا بشكل خاص لا هيا بتخص ابن اخت عمرو 10 سنين ونص تقريبا المشكله تبدا في انو الولد كتير خجول ومابيحكي لدرجه انو بعض الناس بيحسبو متخلف عقليا او معاق مع انو لما بيحكي معي او بنكون لحالنا بيحكي عادي وبيضحك وكتير طبيعي وزكي كمان حتى بالمدرسه يعني دروس الرياضيات مثلا بيحلها وبيجاوب عليها قبل ماياخدو الدرس امو وابو عرضو على كذا دكتور نفساني بس ماجاب نتيجه وابو دايما بيبهدلو قدام الناس وبيحكيلو ليش انت اهبل ليش وليش وليش اخوك الي اصغر منك افتح منك ومابيخجل وامو كمان نفس الشي مع انو امو وابو على درجه كبيييره من العلم حتى انو ابوه معو الماجستير والدكتورا الولد وصل لدرجه انو بياكل اضافيرو والجلد الي بإيدو ومو بس الجلد الي جنب اضافيرو لا حتى الي بوصط ايدو وحتى رجلي كمان حتى وهوا نايم كتير بيسكسك اسنانو ببعضيهم وبصوت عالي كتير احيان بيفيق من النوم وبيبكي انا بحسو انو لما يطمن للشخص الي بيحكي معو عادي بيحكي بطبيعتو وبطلاقه وممكن يتناقش معو كمان بس جد انو كتير بحسو اتعقد حتى احيان بلاقي لحالو جالس بسالو ليش مابتقعد معنا بيحكيلي انتم مابتحبوني ولا حدا بيحبني ان شاالله بموت وارتاح يعني حتى هلاء سار بيحقد على اخوي الي اصغر منو لانو كتير بيمدحوه امو وابو ابو وامو كتير حكينا معهم لكن مافي فايده فشو الحل برأيكم او شو ممكن اعمل انا لانو جد الولد كتير زكي بس انو محتاج حدى يفهمو وبحسو كل يوم عن يوم بيزيد انطوائيه وبيسير عدواني اكتر من قبل حتى الاطفال الي بعمرو سارو يحكولو انت معك حالي نفسيه جد نفسي اساعدو واسفه على الاطاله وشكرا الكم لانكم سمعتو المشكله كامله |
شوفي عزيزتي
مع احترامي لحضرتك ولاهله الكرام ... لكن المشكله تبدا عند الاهل وتنتهي عند الاهل ايضا الطفل لما بكون صغير بكون متل العجينه هم المفروض كونوا شخصيته من لما كان بيبي عزيزتي باعتقادي الاهل لازم يعرضوا انفسهم على طبيب نفسي , حتى يستطيعوا حل مشكلتهم مع صغيرهم. وصدقيني ... هذه المشاكل تحل بالحب والحنان ... لا بالتوبيخ والتعنيف اتمنى يارب ان تحل هذه المشكله وبسرعه , فالله وحده يعلم كم اثرت بي محبتي لكِ |
عزيزيتي
جزء كبير من هذه المشكله اهل الطفل سبب في لانهم بوجو وببهدلو قدام الناس وبضلهم يقارنو بينو وبين اخو وهذا غلط كتير كبير لازم حد يوعيهم لهذا الشي حد كبير ويكون ثقه ويسمعو منو مشكله الطفل هادي بدو حد يقرب منو يحكي معو بهدوء ويحسسو بالحب والحنان والامان ويحسسو بقيمتو وانو ذكي ومن دون ما يقارن بينو وبين اي طفل تاني ومن راي انو لازم حد مختص يدخل بالموضوع وقبل ما يعالج الطفل لازم يفهم الاهل كيف يتعاملو معو مع احترامي الفائق للجميع وان شاء الله تنحل مشكلتو تحياتي |
انتي جيبتي مربط الفرس ، والله انا شايفة ان والده ووالدته هما اللى عايزين يتعالجو مش هو ، الطفل يا اختي ذكي جدا بيحس وبيفهم زي الشخص الكبير ، انا متوقعة كمان لو فضل على الوضع ده هتجيلو اعراض تانية منها التبول الا ارادي اثناء النوم او في وقت اليقظة ، وضعف في جسمه وسواد تحت عينيه والعصبية الزايدة ، ساعات نومه هتقل ، انا شايفة انك تتكلمي مع والدته وتفهميها ان الاسلوب ده غلط وياريت طالما انهم مثقفين وعلى درجة عالية من العلم يقرأو في السلوك النفسي للطفل عشان يعرفوا يتجاوبو معاه ، اهم شئ دلوقتي انه ميتقارنش مع طفل في سنه كمان تحاولو تعظموا فيه يعني انت كويس ، شاطر برافو عليك وتكافئوه على افعاله ، من الافعال المضرة جدا على الطفل الضرب لانو بيأثر على نفسيته جدا وبيولد عنده عدوان ورغبة في الايذاء بالاخرين ، كمان حاولى لما يكون مع اخوكي تبقى جنبه ومتابعاهم لانو ممكن يأذيه فانتي كمان هيكون ليكي دور فعال ، وانا بنصحك انو يروح لطبيب نفسي للاطفال دى هيساعده اوي في الموضوع ..... وتبقى تطمنينا عليه .... تحياتي
|
شكرا لتفاعلكم
لكن امو وابو محد بيقدر يحكيلهم لانو جربنا بس دايما كانو يحكو انو هما بيعرفو كيف يربو او انهم يسكتو ومايعلقو على الموضوع تاني اشي انو هالطفل مو هوا لحالو عندو 4 اخوان بس كلهم عادي يعني كتير عادي ليش هوا الي بيسير معو هيك مع انو التربيه نفسها نفسها بس انا بشوفو كتير حساس يعني مثلا لما بيطلع مع اخوي انا اخوي بالجامعه فلما بيطلع معو ومع اصحاب اخوي بيكون عادي بيضحك وبيتخوت ولا كانو الا بعمرهم وتالت اشي انو اخدو عند دكتور نفسي الي هوا الدكتورميسره طاهر بعتقد انو مشهور الولد اتحسن شوي بس رجع وانتكس وبطل يروح عندو وبينكد بس لما بيقرب موعد الجلسه وبطلو ياخدو |
| الساعة الآن 05:48 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية