|
بص هي بتحصل كتير البنت تحب شاب مبيحبهاش و الشاب يحب بنت مبتحبوش
مفيش حاجة اسمها شفقة و عشان ميجرحهاش هو لو فضل معاها على اساس انه عشيق فدي مش شفقة ده تلاعب اما لو كصديق مش ذنبه هي باينة اما البنت فهي بتقول اهو واحد بيحبني احسن من واحد ما اضمنوش هذا احتمال او تكون مثل الشاب بتتسلى و الشهوة هو حد ميشتهيش اللي بيحبه مستحيل تتحمل و تمك في قلبها و هو كمان يعني هو ده رايي الموضوع رائع تحياتي |
يا نهار ابيض على دة موضوع والله كنت بفكر فيه الايام اللى فاتت دى لانه مرتبط بموضوع كبير اوى بيحصل حوليا خلينى اقول احد صاحبى متعرفوش هههههههههههه قصدى يعنى حد اعرفه اعرف الطرفين كويس اوى اوى بنت وشاب شاب والده اصر انه لازم ينقى بنت الحلال ويتزوج فى اسرع وقت لانه خايف عليه فى الزمن دة من الفتنة والكلام دة الشاب مش فى دماغه خالص مضع الزواج..سنه صغير كمان دماغه مش فى مسئولية الزواج ولا حاجة بس هيعمل ايه انصاع لوالده ورشحوله عروسة حلوة من اسرة متوسطة الحال الشاب اعجب بالبنت ..امورة ومحترمة ..تعليمها عالى وطيبة وبتسمع الكلام وكمان حبته اوى اى قال البنت فيها مواصفات حلوة كتير وممكن مع الايام يحبها خصوصا انه اشتهاها لانها حلوة وامورة ........ وتمت الخطوبة والد العروسة طبعا مانع ان يبقى فيه خروج والشاب لما بيزور البنت والدهم بيفضل قاعد معاهم الشاب مش متعود على كدة .حاسس بالضيق والاختناق وانه مش عارف ياخد حريته ويتكلم براحته ووالد العروسة دايما قاعد وسطهم غير كدة الشاب لم يرتاح لاهل العروسة خالص شوية كدة وبدأ يحس ان شعوره مبيتقدمش .مبيحسش بلهفة ناحيتها ..لو مر وقت طويل من غير ميشوفها مبيتضايقش وللاسف من الناحية التانية البنت حبته بدرجة جنونية ودايما تشتكى انه لما بيبقى معاها بيسكت كتير وانها بتحس انها مش بتوحشه ودايما هى اللى تطلب منه ييجى يزورها وصارح الشاب نفسه واكتشف الحقيقة ..انه بعد كل المدة دى مقدرش يحبها ..مش حاسس بيها بس فى نفس الوقت هى صعبانة عليه اوى لانها بتموت فيه محتار بين قرارين .يكمل معاها رغم انه مش بيحبها وماندمجش مع اهلها ولا يسيبها ويحطم قلبها على امل انه يلاقى فعلا البنت اللى يحبها القرار مش سهل خالص عليه على فكرة ..الموضوع اكبر من مجرد شفقة الموضوع انه مش عارف هيظلمها اكتر لو سابها بعد ما اتعلقت بيه ومبقتش شايفة حد غيره وممكن يسببلها مشاكل مع اهلها كمان ممكن يقلل من فرصة زواجها بغيره لانها كانت مخطوبة ليه تقريبا لمدة سنة ولا هيظلمها اكتر لانه بعد الزواج مش هيديها الاهتمام والحب اللى بتدور عليهم ولو فعلا لقى حبه الحقيقى ممكن واحتمال انه ينفصل عنها ويكمل مع هذا الحب او يتزوج عليها او ينسى حبه الحقيقى بس فى الحالة دى هيكون تعيس وهيتعسها معاه ايه الحل انا محتارة اوى بس حسيت ان الموضوع مناسب اوى لعرض المشكلة دى |
شكلرا على الموضوع وفعلا ياخذ الحب من زاوية جديدة براي الشاب عندما ينظر الى البنت تبدا برغبة ثم بعد ذلك قد تتحول الى حب وفي احيان اخرى تبقى مجرد رغبة تندثر مع الزمن ، فاذا تحولت الى حب فالشاب يسعى دائما الى الحصول على مايريد واذا لم يتحقق ذلك فانه يرمي بنفسه الى اول بنت تصادفه او يعرفهااي انه يشفق على نفسه اولا واخيرا ، ولا اعتقد بوجود شاب يكون مع فتاة لمجرد انه يشفق عليها وكذلك الفتاة لا يمكن ان تعيش مع شاب وهي تشفق عليه فاي حياة للطرفين اذا كانت قائمة على الشفقة ؟؟؟؟؟ الحياة مليئة بالمشاكل الحب والتفاهم القائم بين الاثنيين هو الذي يسير الامور وليس الشفقة . هذا هو راي وتقبلو مروري |
اقتباس:
هو كلامك صحيح لو اجتمعو حتبقى مصيبه كبيرة وانا عارف انه دي جاجه ودي حاجه تانية خالص بس سدقيني ساعه مابتحصل بتبقى حاجه وحده وعشان كده انا برضو بشجع على الصراحه في مواضيع زي دي متشكر الف شكر |
اقتباس:
كلام سليم 100% بس المشكله بترجع في العطف برضو ومين حيجرح مين ومين يتعاطف مع مين . هوه ده الكلام والنتيجه بالتاكيد صعبه خالص . متشكر جدا على ردك ونورتي |
| الساعة الآن 02:21 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية