منتديات ليلاس - خايفة من نفسي على نفسي

منتديات ليلاس (https://www.liilas.com/vb3/)

- أريد حلا (https://www.liilas.com/vb3/f583/)

- - خايفة من نفسي على نفسي (https://www.liilas.com/vb3/t117330.html)

خايفة من نفسي على نفسي

http://www.picamatic.com/show/2009/0...8_bigthumb.jpg

مشكلتي كإنها فلم أبيض واسود كنت بنت زي كل البنات عايشة وبحلم والحياة وردية في عيني ومكنتش شايله هم حاجة احلامي بسيطة واقعية عمري ماطلبت حاجة مستحيلة او غير ممكنه الكل كان بيقول عني عاقلة وبيعتمد علي حصلت لي مشكلة قبل اربع سنوات تقريبا من بعدها اتصدمت من الدنيا باللي فيها وكاني بقول لنفسي ليه انا بالذات يحصل معايا كده انا عمري مغلطت فحد استغفر الله العظيم بس بجد انا اتغيرت تماما اليوم مابقتش عارفة نفسي مرجعتش زي أنا اللي كنت في الاول ثقتي بالناس وبنفسي قلت ولابسة نظارة سوداء على طول سرحانة طول الوقت وبفكر باللي فات وليه ولو والكلام ده لما كنت حتجنن من التفكير والخوف من بكره
أنا كنت أظن أن اللي انا فيه حالة اكتئابية من الصدمة اللي عشتها وحتخف مع الايام
لكن أنا بقالي اربع سنين عالحال ده
انا عايشة اليوم جسد بلا روح بلا هدف كرهت نفسي وحياتي وبدأت اعيد حساباتي عن الحياة في كل حاجة وكأني ببتدي من الاول تخيلو لما يبدأ الواحد فجأة من جديد لأن كل اللي تعلمه حاسس انه غلط فغلط انا بحاول على قد ماقدر ان اشغل نفسي طول الوقت أنا بشتغل ومازلت ادور على شغل تاني بعد الظهر لان ده علاجي اني لما ادخل البيت اكون مهدودة انام زي القتيل من غير مااحس, بس الى الان ملقتش شغل تاني يارب الاقي
انا عارفة ان نص اللي انا فيه لاني مبعرفش احكي ولا اتعلمت اشكي لحد حتى ماما بالعكس انا بضغط على نفسي عشانها ياما ايام وليالي تعبت فيها من الحزن وكل امنيتي اني ابكي في حضن حد يمكن تطفى النار اللي حاسة بيها وبتحرقني كل يوم
على فكرة كل اللي انا قلته محدش يعرفه عني الا انا لان شكلي من برا قوية وواثقة من نفسي جدا والكل بيتمنى يكون شبهي

انا نفسي ارجع زي الاول نفسي اصحى من النوم وانا فرحانه اني صحيت بدل مادعي كل يوم اني اموت لاني خلاص انتهيت

اهلا اختي الضيفة ، فيه جزء مطموس في موضوعك ، احنا مش هنقدر نساعدك الا لما تقولي ايه المشكلة اللى حصلت خلت حياتك اتغيرت بالصورة دي ، كمان انت كده بتهربي من الواقع متفتكريش اللى بتعمليه ده صح ، حتى لو اشتغلتي التفكير يا اختي وانتي نايمة حتى هيفضل ملحقك وبالنهاية انتي اللى بتضري نفسك وصحتك ، انا عايزة اساعدك وياريت توضحي اكتر ........ تحياتي

عزيزتي
لكي ننصحك بحل , يجب اولا ان تدلينا على المشكله حتى نستطيع ان نساعد
تذكري ان لا احد منا هنا يعرفك بغض النظر عن مشكلتك .. ولن نقوم باي شي الا ان ننصحك

لن نلومك ولن نعطيكِ نصائح نظريه

كل ما يهم الان ان تستجمعي قواكِ... وتطلعينا على مشكلتك

فلعل الله قد كتب لك الحل على ايدينا

سادعو لكِ في صلاتي
حماكِ الرحمن

انا حبيتي بعد اقول لازم توضحي ايش المشكله اللي خلتك تتغيرين؟؟؟

يا ريت اختي لو توضحي اكتر شو الصدمة اللي سببتلك كل هاي التغيرات النفسية كمان المشاعر الي عم تراودك باكثر تفاصيل
ملاحضة بالنسبة لكلامك عن الاكتئاب بحب اوضح انو احيانا الدورات الاكتئابية بتستمر سنوات مو اشهر بس (معدلها حوالي ثلاث سنوات)