أنا يابحر ماجيتك فضى ولمشاهدك شفقان

أنا جيتك أبنسى الياس وبعض الهم يبارني


على بالك أنا جالس أسامر موجك الغضبان
أسولف له عن أوجاعي وعني وغربة سنيني


علامك يابحر غاضب علامك تصرخ بكتمان
أنا جيتك أبشكيلك وأبي منك تواسيني


أنا مثلك بحر لكن وسط نفسي أنا غرقان
تعبت أبحر مع نفسي وأسالها أنا ويني


أنا محتار في وصفي ومع نفسي أنا حيران
أنا لاقادر أفهمها وهي تجهل مضاميني


أنا مليت من حزني وتعبت أبحث عن السلوان
ولاظنيت به شي عن أحزاني يسليني


أحس إن الحزن عالم بحوره وصحوه وديان
تخيل يابحر حجمه إذا حجمه سكن فيني


تصور لو شقا الدنيا تجمع في كيان انسان
تصدق مابقى بالكون أسى مابات في عيني


ترى كل الحزن لو غاب وراح لآخرالأوطان
يغيب ويرتحل لحظات ويرجع يستقر فيني


أنا آخر فصول الحزن وأنا لدروبه العنوان
وأنا آخر عزوفاته وأصواته تغنيني


أنا والليل والغربة تعانقنا مثل الأخوان
ليلي كل آهاتي والغربة عناويني


تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت وجفت بساتيني


ألايابحر جاوبني وش آخر هذي الأحزان
وش آخر رحلة أوجاعي وعناي وغربة سنيني

مما راق لي

ياهلا بك يامشاعر
كلك ذوق
وجزاك الله كل خير على كلماتك التي بعثت في نفسي الفرح

الله يحفظك ويرعاك

شاكرة لك مرورك المتميز دائما

تسلمين يانوف
الله يعطيكك العافية
شاكرة لك مرورك الرائع كروعتك