منتديات ليلاس - أعطني حريتي .. أطلق يديا

بارتين جونان ام وسون واحلا مافيها موافقة خلود على فادي بس ماهقيتها بذا السهوله ترضخ توعد وتحلف وتهدد وتاليها وافقت

شوفي ببدا بسالفة نوره وعبدالله اللي بصراحه لو كنت منها رميت ولده عليه خير ان شاءالله فيه شي اسمه تفاهم اخذ وعطا بس تدري انت ماخذ السالفه لعب لعبت في البنت ثم بعد كذا رميتها
من بياخذها بعدك خاصه عندنا معروف البنت اذا كانت قبيليه وخذت خضيري جنت على نفسها وخواتها اخوانها وقارباتها بعد
اعرف وحده من عائله معروفه خذت خضيري وقاطعوها اهلها هي الحين ام عيال بس جنت على خواتها واخوانها حتى انهم الان 38 و34 وتحت وماتزوجو واخوانها بعد ماتعبو اللي خذ اقل منه بكثير واللي خذ من بلاد عربيه
انا ماقول الكلام هذا انقص بحقهم لاولله حش ولله يفيه خضيريه باخلاقهم وطيب فعلهم يسون قبايل ولا فرق بين عربي ولا اعجمي الا بتقوى بس هذ العادات والتقاليد واللي اتمناه ان الواحد مايتهور ويسويها لان عواقبها شديده
الا بسئل ام وسون عبدالله دافع النوره مهره ولا لا يعني رخيصه جاته وراحت ارخص

يعمري ياجوزا ولله رحمتها حيل بصراحه رايتك بيض ياسالم رح تكفى العجوز قريح ام صقر وقلها سبب زواجك اللي مشيشه اعياله على بنات اخته جعلها الماحق بلا ودخلت الفكره براس الدلخ
عيشي حياتس جوزا وربي مع سالم عياله واكسبي بالمريه اجر تراها ماتحسب ضره واحمدي ربتس انه مادخل عليتس الا مثلها مهوب وحده تقهرتس وتاخذ سالم منتس بالعيال

جعل رجلينتس اللي انتي مادنها الشلل قولي آمين عمى يالهمجيه تعيبين على المره في بيتها ومع رجالها وبعدين الرجال ومرته يسون اعظم ولا عيشتس مع ابو صقر صداقه
هم بروحهم مايشوفهم احد بس انتي الملقوفه الدخيله عليهم بدال ماتستحين انتس شفتيهم بذ الوضع قاعده تعيبين عليهم اللي مثلتس يحترق وجهه من الحيا بس انتي غير وجهتس مغسول بمرق عافانا الله

وفقتي خلود على فادي احسن مهوب حب في فادي لا حشا بس نبي الاكشنات اللي بتصير بينتس وبينه اتوقع نشوف من اللبناني رومنسيه ولا احلا بس العربجيه خلود وش بتسوي
معه هل بتذوب مثل اختها مع بدر ولا بتوريه مثل ماهددت القطو على قولتها

على البركه وضحى البنت ترب في عزكم بس لا تتهورين وترجعين ذا يبيتس مربيه البناته اللي اذا رحتي طاحو في كبده خلي اللي بياخذه تربيهم واذا كان قلبتس قوي بعد عطيه المولوده ترى محد باغي عيال غيره وخالتهم اذا تزوج معاد هيب مناظرتهم عناد فيه
وهو وخشته جاي يبشر العقرب امه واللى والشور تبيه يراضي البنت مهوب السواد عيونها عشان تضف بناتها مالت عليتس من خاله يقولون الخاله ام انتي منتيب ام انتي عدوه

همسه : مملكتنا عز كل المسلمين ماكثر الحساد واللي عاشقين ولله انتس دمنااااا في قلوبناااا للعمر دونتس ترانااااااا مرخصين