منتديات ليلاس - أعطني حريتي .. أطلق يديا

ااااااااقلبي قلبي حرام عليكم كل ذا ا لزين ولاحد قالي عنها
وشذ الروايه الجنان على قولت السعوديين تخبل على الكويتيين غاويه على قولت الاماراتيين شي صراحه عطمه بتعئدانااموت في النوعيه اللي زي كذا لاشلت يمينتس يام وسن

من ابدى فيه من اخلي كلهم ابطال مبدعين ابدى بصقر لالالا ببدى بدر لالالاوش بدر ببدا بنوف او منتهى لامضاوي بتول
تدرين بتوكل على الله وابدا بدر ومنتهى

بدر ولله انك سنافي دفعت مليون المنتهى يالله اصقده لك والوالديك بس عاد اصدقه في عمك ولا نقول صلت رحم
ولا منتهوو ماتستاهل الخايسه اول شي لانها تشتغل في بنك ولله البنوك مامنها الا البلا ثاني شي دلاختها توهى متعينه وصارت مختلسه بغبائه
ثالث شي رفضها لشيخ بدر
بس اتوقع بدرماراح يضعف بيضغط على منتهى اين توافق وبطرقه الخاصه واعتقد بيكون الحمد اخوها دور في زواجه من منتهى واللي كان يكلم منتهى هو حمد

نوف تدرين عاد اني اقول تستاهلين ماجاتس عارفه عقاب وعناد عقاب وتزوجتو بالسر زين اللي جت لى كذا انا توقعته يتهور ذبح احد
بعدين ام وسونه ماقلتيلنا هل عقاب فيه شي يخلي نوف ترفضه ولا دلع بنات وعناد اذا كان صوام قوام تامنين نفستس وعيلتس عنده بيعيشكم عيشه زينه ليش الرفض
شوفي انا ماراح اقول ان البنت مالها راي وتاخذاي احد مفروض عليهالا
بس حالت نوف وطبع اهلها غير يعني الولد ياتاخذه او موتها وموت اللي بتاخذه على يدينه المسئله خطيره الدرجة طلقها من زوجها غصب فاي شرع هذا يعني بالعربي مالتس غيره
خوذيه ينوف واكفي اهلتس وربعتس شر القتل
تدربن عاد عقاب بياخذ نوف اذا شافو اهلها نصيبها وقف ماعاد احد خطبها خوفن من عقاب خاصه عقب اللي صار لسعيد وبيكون الزواج بالحيله لين تروح نوف البيت عقاب وبعد الذب والذبيح بينهم بتموت نةف على تلااب رجليه

موضي نحفه البنت يالبي قلبتس كلش كوم وحركة الحنا كوم يانا ضحكت عليها من قلب ومكالمة جابر الموضي الله يهنيهم احسهم بيجون ملح القصه

ولاك تسلملي هاشوارب ياصقر ولله وعرفت ترد على عمك ومرته وبنته يعني بالغصب خوذو بناتنا وبالغصب خل اعيالكم ياخذون بناته بس على مين تلعبونها هذا ابو شهاب البدوي محد يمشي شوره عليه وقدر يقلب الطاوله عليهم بس الله يستر من امهيوي اللي تحلم على كبير يعني بالله عليتس واحد مثل صقر ياخذتس انتي هو ابو ثلاثين وانتي كبره يعني قدرتس ابو سعيد وهو يدور على بنوته تنعش شبابه وزود على شينتس حقوده عفانا الله
احس حب كبير بيكون بين بتول وصقر ماراح ياثر عليه لا مها ولا عشره منها يالله في انتظار زواج البدو والحضر

روعه ام وسن سالفت ام ام صقر مع زوجها وضرتها صدق استمتعت موت وانا اقراها اتوقع حقيقيه السالفه يالله ولقيت حتوته اقصه على العجايز

واخرة لعب البنات كسر قلب ام واب يرجون شوفت بنتهم عروس ولله يامل انتي الغلط راكبتس من رايتس الا رجليتس انتم وش انتتم الناس تصيح والمشايخ والاعلام بانواعه وفي المجالس عن ضحك الشباب عليكم وان نهايته دمارتس وفضيحتس وفضيحت اهلتس ومع ذالك تستمرين في الغلط ونقولين لعب علي وقال احبتس وبتزوجتس مافيه بنت ماسمعت عن قصصهم
وغشهم
وحتى انتى ينوره اصحي تهربين معه اللي بينتس وبين عيدالله صعب يصير
وهذا امر عرفناه وصعب على الاهل انه يتممونه لان بزواجتس منه بتجنين على باقي اخوانتس وخواتس وماحد راح يرضى يتزوجهم هذا شي فرض علينا خلاص مانقدر نغيره انا ماقول كذا كاتاييد او معارضه بالعكس زواجك من خضيريه افضل فرق من اجنبيه ماتدري عن اصلها ولا وشلون جت على الاقل هذي عرف من ابوها وامها وتربيتهم

ام وسونه من اليوم ان شاءالله وكالة لانباء بتنشرالقصه
بصراحه رائع واتمنى اتمنى من كل قلبي ان روعة القصصه ماتنتهي ونقراء اغلقت القصه او ترى بتاخر ظروف لانه ولله شوفي ولله تفقد القصه جماله وروعتها وتعلق القراء بها انا شخصين اكره القصه اذا طولت كاتبتها في الغياب
اعشق انفاس قطر واعشق قصصها ومن اهم اسباب حبي انتظامها واذا غابت بلغت يالبي قلبها
ام وسونه ابقاكي الله وحفظك لغاليك وابقى لكي كل حبيب وغ الي