|
مرحبااااا
ام وسوونه يعطيك العافيه على هالبارت.. مررره عجبني موقف خلود مع فادي واحس مزديه فيه يوم خذت مفتاحه من جد وقح!! اكره الاولاد الي على شاكلته.. ويااارب توافق على سعد وتحررره.. اما بدر ومنتهى..ماادري ليش قلبي قارصني احسك بتموتين بدر لان البطل الشررر مايصير حنون الا بأخر ايااامه.. منى وفهد..احس فيه تقدم في حياتهم وانجاز وكرم اخلاق من منى لوتأقلمت مع الوضع بها السرعه لاني الي شافته من فهد قوووي.. وووواستناااااااااااااك )بث( |
يسعدلي صباحك ام وسن
مشكوره على البارت بدر ومنتهى العامل المشترك بينهم هو العناد لكن كمان حبهم لبعض عامل مشترك بدر صارت منتهى شي مهم بحياته لدرجة انه مايبي شي منها يروح لغيره حتى لو ابوها واخوانها. مممم انا اشوف حملها وهم في فترة الخطوبه وروعتهم هم الاثنين والاهم تصرفها حاليآ وعدم ارتياحها هو عقاب لها لان فرحتها انكسرت بخوف ان حجم بطنها يكشف سواتهم. =========================== نوف وعقاب صار بينهم التقاء الجسد لكن وين التقاء الروح؟؟ ولو اني اشوف ان التقاء الروح اصعب كثير من التقاء اجسادهم..... لكم عقاب ذكي هدفه واضح قدامه وهو انه يكون ملك قلبها .... ويارب يحقق هدفه. ================================ خلود وفادي بالموقف اللي صار بينهم وتصرف كل واحد منهم عطى لفادي خبره شلون يتعامل مع خلود وللأسف عرف نقطة ضعفها عشان كذا بيكون تصرفه انه يمسكها من يدها اللي توجعها عشان توافق لكن تصرفه بيكون بأشد غضبه لان خطبة سعد بتخليه يتحرك بدافعين الدافع الاول ,,,,ان يعاقب خلود على تصرفها ورفضها الدافع الثاني,,, ان سعد ماياخذ خلود خصوصآ لو شخصية سعد ماتنرد يعني من يرضون دينه وخلقه . ============================ منى وفهد برافو تصرف فهد مثالي جدآ لان منى مثل الطفل اللي اول ماشاف البحر غرق فيه لذلك صار عندها عقده من السباحه والبحر وفهد مثل ابو الطفل لو دخل ولده بالغصب للمويه بيزيد كره للمويه وينفر , لكن اللي صار انه خلاه يمسك المويه بيدينه ثم برجوله ثم ينزل رجله ويطلعها ثم ينزل رجوله الثنتين وشوي وشوي يرجع ينزل للبحر وتروح العقده..... فهد قاعد يبدء معها من جديد بيبتدء بالمسات بريئه من غير قصد ثم يتدرج لين يعالج عقدتها. ============================== ام وسن يعطيك الف الف عافيه لان تكتبين بالجوال وهذا مجهود مو سهل ابدآ اشكرك على احترامك لنا , =========================== بأنتظارك وربي يسهل امرك |
واااااااااااااااو بارت روعه وسعدوه هذا من وين طلع
يايوله من فادي وخلود وفادي اتوقع يهدون اللعب شوي بعد الموقف الاخير ومنى وفهد بدا الحاجز ينزاح حبه حبه بينهم ومنتهى وبدر ربي يتمم لهم السعاده عوافي ام وسن ع البارت مع انو ما شفنا الحلوووين البدو فيه <<تقصد نوف وعقاب هههههههههه |
سلااااااااااااااااااااااااااااااااام وسعوووووووووووووووووووووووووووووووا درررررررررررررررررررررررررررررررررررب أناااااااااااااااااا جييييييييييييييييييييت ^_^ وااااااااااااااااااي يا قلبي قلباااه وربي وربي وحشتوووني مووت يا حبايب قلبي ^_^.. ام وسووونه اشتقت لش واشتقت للقصة مووت ^_^... شووفي قصتش صار مثل الماي بالنسبة لي هع,,, تحصليني كل شويات افكر فيها وفي حبايبي اللي هنا وايش صار معهم ^_^....عاد توني راجعة من المستشفى وربي النووم مسيطر علي خخخ بس قلت إلا ارد على القصة ذلحين ^_^.... بصرااحة إبداااع ماشاء الله.. سلاسة وسهولة وقوة في الحوارات والاحداث ^_^....... نجي لأبطالنا في البارتين الماضيين .... بصراحة ومن غير مجاملة ولا تحيز .. عقاابي لبى قلبه وروحه وعقله وعنونه ^_^.... ساحب الاأضوااء من الجميع ^_*.... ويجي بعده البدر والمنتهى .... بس يااا ويح قلبي ويحاااه يا العقااب وش ذا الزين وش ذا التخطيط والرومانسية الاصييييييييييييييلة ^_*..... يا قلبي وربي ان نويفه الهبلة حظها في السماء يوم انه صارت حليلتك وهي ماغير رافعة خشمها الاهبل على غير سنع...يا نااس وربي اني غرت من النويفة النتفة ذي خخخخخخخخخخخخخخخخخ..... يا قلبي على رومانسية البدوان اللي تخقق ^_*.......عاد تصدق يا عقاابي والله اشتهيت اروح معكم للشمال عند البعارين والبراد السهر عند الناار ... يوووووه هيضتووني ابغى اطلع البر قريب خخخخخ.... والله بديت اتخيل اجواء البر .. ورحلاتنا عند بعارين عمومتي خخخخ..... والله يا نويفه لو انش تعرفين الحياة عند الابل وروعتها انش تعوفين المديته وطوايفها خخخ<<< ماشفناش عفتي المديتة يا خلوي خخخخخخخخخخخخخخخخخخخخخخخ المهم عقاابي.. عاد ما اوصييك هالله هالله بنويفه.. علمها السنع على اصوول... وشولن تسرح مع الابل وتجهز اللقم لهن(اللقم هو اكل للابل على شكل قبضات الكف بس حجم اكبر هع هع هع).. البدري والمنتهى..... وه وه ياقلبي على الحنوون ... يا هنيا لش يالمنتهى بكل ذا الحب والحنان والاهتمام ماشاء الله.... بس عاد سا بدوووري اشووف الناس بدت تلاحظ حمل المنتهى... وانتي يا منتهى مالقيتي تلبسي الا الحرير وبيج بعد؟؟؟!!! يختي الحرير معرووف يلزق على الجسم ويبين اي تضريس طالع هع هع هع.... وبعد اذا كان لون واحد اجل الفضايح كلها تبان خخخ.. كان اخترتي قماااش مخمل والا اي قمااش بألوان ممزوجه عشان يموه اي فضايح ممكن تبان هع هع ^_^.... المهم عسى بس ماحد يلاحظ بعد.. ان مستغربة ان ام حمد باقي مالاحظت على بنتها.......امممممممممممم وبعدين بشويش على البنت بتاكلها بعيونك الحلوين خخخخخخخ<<< ابد ما غارت خخخخخخخخخخخ الله ينعم عليكم بالسعادة يارب.. وما ينكشف حمل المنتهى بسسب عندها ولبسها للكعب وتهورها احيانا....... جوزا وسالم..... امممممممممم تحبها!!؟؟ تحبك؟!!... انحرقت لما قالت لك طلقها عشان تتعالج وتتزوج وتجيب عيال من غيرك !!؟؟.. اجل وش تقوول هي وذا الشي صار بالواقع وهي اللي حست بناره!!؟؟.. انت بس مجرد تفكير وماتحملت.. لا تلومها اجل يوم انها مابقي زعلانه..... انت فعلا لو اول ماجبت زوجتك الثانية مسك جوزا وفهمتها السالفة كان ممكن تسكت وتتقبل الواقع المر..... بس تجيبها كذا خبط لزق وتهرب... بصراحة بينت لها ان مشاعرها ابد ماتهمك بنظرها ........ بس ان احساسي انها بترضى وبتربي بعد عيال طبينتها يمكن ربي ماكتب لها عيال وكتب لها تربي عيال طبينتها وخاصة انها بزر مافيها عقل عشان تحطها بمقام الند لها ... الصقري وبتوله....... يالله عاد تحركوا ودنا نشووووف رومانسية البدو والحضر لما تلتقي وش يصير وماذا تنتج هع هع هع ^_^ الفهد ومنايته.... ياويلي ويلاه على الدلع يا منايه.. ^_^.... وانت يا فهدي مامنيت الا وبديت شغلك خخخخخخخ...بس فعلا تصرف حكيم من الفهد... انه يتعمد يعود منى على قربه شوي شوي حتى تبدى تتخلص من عقدها وتتعود عليه وينكسر الحاجر اللي بينهم ^_^.... بس عاد انا رحمة حال عزوز اللي ضايع في الطووشة خخخخخخخخ.... كان خليتوه عند ربع السعودية بدل ما انتم كل يوم حاذفينه على احمد واهله خخخخخخخخخخخ... عاد نجي للمعفن والخووف المترقب من تهديداته هع... فويدي التعبان وخلوود.... والله ان كل مقطع اقرى فيه اسم فويدي وفيه خلود.. إني اكوون ماسكه على قلبي اخاف ينفذ تهديده فيها....... وعاد انتي يا خلوود بصراحة زودتيها... وش لش تحارشينه بعد مارفضته!!!... ترضين احد تكلم حمد اخووض بذا الاسلوب البايخ؟؟؟..مهما كان الواحدة المفروض تلتزم حدودها.. ومو زين تعاند الرجال لا تجيب لها اشياء لا تحمد عقباها..... انتي تعرفين انه عصبي ومتهور وماعليه من احد.. وشهو له تجين تاخذين مفاتيحه وترفضين ترجعينهم له بهاوة!!!... يعني لو ان بنات عمش عرفوا السالفة وش بيقولون عنش؟؟!!... يا خلوود انتي حكيمة ... وترى يقولون الحقران يقطع المصران... احقريه وشوفي كيف راح يستوي من الغضب هع هع هع......... وسعد ذا دخووله الفجاائي مستحيل يعدي بالساهل.. خاف لا اعغترض فويدي على الخطبة وابو حمد ما عطاه فرصة.. يرووح يسوي شي لخلود.. والا انه يتبلى عليها... !!؟؟ عاد مدري ليش حسيت ان في شي ممكن يصير بين العيلتين والسبب هو فويدي ذا ..!!!! فاتن حمامة ورشدي اباضة البدوي.. خخخخخخخخخخخخ..... مشكلة اللي خاق على صوته ومصدق حاله خخخ.... بس والله صادقين البنات.. انتي يامويضي المفرووض تحمدين ربش وتبووسين ايديش وجه وقفى .. ان جويبر معبرش ويشل لش شيلات خخخخخ...غيرش يتمنى ومهوب بلاقي لا شيلة ولا اختها ولا بنت عمها خخخخخخخخخخ..... رشدي اباضة عساك على القوة وابد ماعليك لا تكتم مواهبك الفذة عشان لا تسبب انفجار واذا صار انفجار اخاف ينسف القصة كل ابوووها خخخخخخخ.... فيصل.... امممم عاد تصدقي فعلا الاولا ذا الوقت الواحد يصير عمره 6 سنين وربي ينخاف منه ومن تفكيرهم اللي يفووووق عمرهم سنوات وسنوات...... الله يستر من جيل ذا الوقت هع هع هع<<<< هي شكلها من جيل جدتها ^_* ام وسوووونه.. تشكراااات كثيررررررررررررررررات برشا برشاا على البارتات الإبدااااع ^_^... الله لا يحرمنا روعة ابداعش وبارتاتش اللي جد تجي في وقتها ^_^... ننتظرش هنا دائما يالغلا ^_^ |
يالله عقل ربي علي وزان الجهاز بس حلو مافات الا بارتين
جعله اخر الخراب ومثل ماعقل جهازي يعقل عليتس جهازتس ام وسونه قمه في الرقي تعاملك بدر مع منتهى كذا الزوج ولا بلاش ليش ندقق على البنت ونعاندها عند اتفه شي الحرمه مسكينه تتعرض الضروف صعبه الحمل له نفسيته والدوره الشهريه لها نفسيتها وقليل اللي يقدرون ويراعون البنت في مثل ذا الظروف يحسب ان البنت آله ولها ان تنفذ اوامره طيب تحس انك على حق ماعليه سايسه وبكلمتين حلوه بتقنعها باللي تبي بدون ماتعند معها وترفع ضغطه المره مخلوق من ضلع اعوج معروف ان الرجل اكثر حكمه منها واقل تسرع في اتخاذ القرار ولا ليش العصمه في يده اعجبتني بدر يوم تمالكت اعصابك وسمحت لها تلبس الجزمه اللي تبي صحيح هي مضره لها وانت تبي مصلحتها بس ياخي البنت تغلى وتدلع عليك روعه ابتسامتك وتعديتك للموضوع بسعت صدر اكتفيت بضربه خفيفه تبين فيها عدم الرضى بس مشيتها بهواك وعشان خاطرها بالعربي ارضيت غرور توته وحصلت على بتسامة انتصار ورضى ودلع منها عشق بدر المنتهى وغيرته من ابوها واخوانها دليل هوس الحب الي يكنه بدر المنتهى وغيرته حتى من ابوها بس تدرين ام وسونه احب عشق الرجل الزوجته خاصه اذا كانت تستاهل واظهار حبه لها وعدم المبالات بنظرات الغير لان قلبه هو اللي يسيره بدون ارادته الله يحرس اللي على شاكلتهم من العين يارب بعدين توته اعلني الحمل انتي من فتره متزوجه ولا خنتي ابوتس هذا خارج عن ارادتس وبدر المسئول فيها بس تصرفتي انتي وبدر بحكمه مع الموضوع وخليتوه بينكم بس عاد وش تقول في فطنت ام بدر والجوهره ماكشفكم الا هم الا ام وسونه ابسئلتس الجوهره وش موقعها من الاعراب تذكر بالمواقف بدون ماندري وشي من مره ومنهي ماخذه منهو ابو ناصر اللي هي ماخذته هو من عيال عمها ولا لا حركات ياجابر وربي انت وموضي ملح الروايه اجل حلمتي بلميس ياموضي ماعليه ترا بعض الحلوم تصدق بس عاد مهوب لميس والقصيد عاد شي ثاني ولله وطلعتي ياموضي ذوق ماتبين تفشلينه بس تدرين ان قولتس له اسكت البق واحسن من قولت الحمام اللي تبينه اخبر البنت اذا تزوجت تقعد شهرين او اكثر تستحي تدخل الحمام قدامه او يشوفها وهي قايمه من النوم لبي قلبتس ياجوزا ولله ان حالتس صعبه مجروحه بس يارب ان سالم يقدر يداوي جرحتس سالم ماغلط الا بشيئين انه خبى الموضوع عنتس لين صار عياله هذا كبرهم وهروبه من المواجهه معتس ورمى المره في بيتس بدون مايقدم اعذاره اما اخذه للبنيه ولله مابه اخلاف البنت ماتعد طبينه اضعيفة الله ماتدري وين ربي جادعها لا فكرت بزوج ولا بعيال ولا بطبينه يعني انتي الحاكمه واكسبي انتي وسالم فيها اجر وضفوها هذي مالها احد الا سالم وعيالن يضفونها بعد عمر طويل صحيح ان الطبينه حاره ولا ارضاها لا النفسي ولا كل عزيز علي لو كانت عذاريب الدنيا فيها ولله انها تحر اذا تخيلتي ان زوجتس وحبيبتس عاش مع احد غيرتس وعاملها مثلتس في كل شي بس اذا صار عاد ماباليد حيله خوذوبه اجر واحتسبي فيها الثوب وان شاءالله ضفتس الها ياجوزا يجازيتس بها رب العالمين ويرزقتس الصيب على قولتس ولله يعقاب انك لاعبها صح هبلت في البنت شككتها بنفسها منتب مخليهالين تحس انها كانت في خيمه وجنبها معزتين وهي بصنفتها وبرقعها تحلب وتخض ولا تعرف التمدن والحضاره وانت عايش في باريس ومابه شي ماتعرفه بس تصدق تعجبني حركاتك عقاب البنت اطلعت نفخه على الفاضي بس شهر واحد بعد وتهذي بك النوفي وتقول حسافة العمر اللي ضاع بدون عقاب تكفى عقاب حس مريرها عند ابلك خلها تحلب وركبها الناقه عشان تعرف تتريق عليك ولا تميدحين بسعيد بعد العقاب تاج راسه يالخبله ماشاءالله عليك يافهد ولله انك رجال وحكيم عرفت تسايس منى متاكده منى بتعلق فيك بتحب حنانك وحبك وانت بتحب دلعها ونعومتها حركة التدريس بتقرب بينكم بشكل كبير خاصه ان منى قاطعه اي تواصل بينكم بس ضغط الامتحانات والغربه وحنان وحب فهد بيخلي منى تتعلق فيك وبترفض الاستغناء عنك مهما كانت الاسباب جعل ربي يسخرتس لبوعزوز وتجيبين خوات واخوان العزوز نجي للطامه الكبرى فادي وخلود تدرين انتس ياخلود توطين على حفرة الموت برجلتس ولله انتس غبيه واكبر غبيه وبعدين وشذا العصبيه فيك ياشيخ هو الزواج بالغصب وشفيك باللى ينبغى لا دين ولا وظيفه وفوقها خلقن شين كلش كوم والعصبيه كوم ترميها بالمفتح بالمفتاح عاد فيه نعله فيه عقال فيه قلم <<<<حلول اخرا امزح معك حركة المفتح بصراحه قويه وخلود تعاملت معها بكل حكمه لو انا مكانها كان صنيتها صيحها وفزعت العالم ولا رديت المفتاح عليك لين اول مايصك جبهك بس خلود خذت المفتاح وخلتك تحتر وتحرق اعصابك ولله انك تخوف انت وضربك للباب تبي مفتاحك انا فزيت من ورا الابتوب وانا ماسمعت صراخك بس قريته اجل اللي حاضرينك اشك ان فيه احد بمكانه كلهم تفازعو يدورون مفتاحك ومنهم جدك بصراحه انا مالوم خلود اذا رفضتك ومالومها بعد لو وافقت على سعد اذا قارنا كفتك وكفة سعد ارجحت كفة سعد حتى الاسم مع ان اسم سعد مابه زود بس بعد احسن من فادي ياترى وشبتكون ردة فعلك يافادي اذا دريت بخطبت سعد اتوقع انه بيكلم سعد نفسه ويقول ان خلود بنت عمه وهو اولا واي شي اتوقعه منه يمكن يدخل فيها تهديد السعد يعني بمعنها خلود لي لو وصل الدم للركب يمكن عمه عشان يمنع سفك الدماء <<<<يمديتس على سفك الدماء يطلب من فادي انه يصلح من حاله بدراسه وشغل ومحافظه على صلاته واذا تم هذا كله خلود له وبيحاول يقنع خلود بفادي خلود يمكن بعد لها شروط بس تكفين خلود اهم شرط تحطينه اسمه خليه يغيره مهيب زاينتن علومه الا اذا زان اسمه وعععععععع فادي الله لايبلانا ثوب وغتره وعقال ومعها فادي ام وسونه مشكوره على ذا البارتات اللي اكثر من ممتازه يسعتس ربي ويوسع صدرتس مثل ماتسعدينا وتوسعين صدورنا |
| الساعة الآن 03:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية