|
شهر عسل على عبارة سلام
السلام عليكم ورحمةالله وبركاته أحبتي أعضاء ومتصفحي منتديات ليلاس يسرني أن أشارك بأولى رواياتي التي تحكي واقعا مريرا عاشتها بطلة القصة ورغبت في طرحها بخيالي ومشاعري فإن أصبت شجعوني وإن أخطأت فصوبوني الفصل الأول أحكمت سارة إغلاق حقيبتي السفر ونظرت في ساعتها متسائلة عن سبب تأخر فهد عن المجيء رغم قرب موعد الرحلة ، تنهدت بارتياح حين سمعت مفتاح الباب ، وقف فهد متأملا زوجته وهي تلبس العباءة سلم عليها ‘ فبادرته قائلة : - فهد هلا وينك تأخرت تظن بيمدينا على الطيارة ؟ -إن شاء الله بس عجلي ياقلبي قبل ما يضيع تعبك خسارة . انطلقت السيارة بهما تنهب الشوارع الممطرة مخلفة طقسا باردا في مدينة الرياض ، مستقبلهم الجو العليل في مدينة جدة . شعرت معه سارة بالانتعاش يداعب جسدها ، ونظرت إلى فهد الذي بدى على جبينه أثر الندى وتساءلت : فهد تتوقع يكون الجو بارد و إلا معتدل على ظهر السفينة ؟ نظر إليها نظرة خبث ممازحا إياها : لا ذا ولا ذاك .. إلا جمدة الله يعينك ياموت بالبرد وإلا بالغرق وإلا بالاثنين . ثم انفجر ضاحكا حين رأى عينيها جاحضتين من الخوف ولم يتوقف إلا بعد أن لدغته أناملها بقرصة اخرست لسانه اللاذع فتنهدت علامة للنصر قالة : ماتتوب عن سوالفك دايما منكد علي . سألها : بالله عليك وش المتعة في السفر بالسفينة ماقدامك الا صفحة زرقاء. سارة وهي تنظر إلى ملاهي الشلال أثناء مرورهم وسط جدة : السفر بالبحر شيء جديد علي ودي أعيش مغامرته مثل الطفل إلي أول مرة يروح للملاهي . فهد وقد عقد حاجبيه : والله أنك مهوية وش جاب لجاب ترى البحر عالم ثاني ورجلك مايعرف السباحة ولا عمره طب البحر حدي طرطشة على الشاطئ . سارة وهي تعبث بأصابعه : يوووووووووه فهودي لازم تكدر علي وبعدين مارح نحتاج للسباحة ولا مهاراتك فيها كلها كم ساعة على السطح إلا طابين في مصر . فهد وهويخرج أجرة السائق الذي توقف بهم أما فندق الهلتون : حبيبتي العلم عند الله والواحد مايدري وش يجيه ’ بس عشانك تسوين عيوني والا كان الطيارة أسرع وأحسن . انتهى الفصل الأول |
مراحب..
اول شي..حياج الله بليلاس..وان شاء الله تلقين الي يسرج هنـي.. ثاني شي عنوان صج صج شدنـي..واحد ما يدري عن عبارة السلام..! اسلوووبج حلو..والبداية تخوف..وشلون فهد ما يعرف يسبح..واهو بسافر بسفيـنه..وسارة وخوفها من الرحله..بمحله..او مو صاير شي..مادري ليش احس بعد انهـا بتكون حزينه..سجليني من متابعيـنج.. همسة:اختاري التصفح السريع من اخر الصفحة عاليمين..اسرع واحسن :) بنووتة |
السلام عليكم ورحمة الله وبركاته
حياك اختي بينا وبقولك كلمة حق القراء بليلاس غير شكل يحللون لك القصه ويكتبون توقعاتهم بشكل يعينك على كتابة الجزء الجاي وخير مشجعين ويرفعون المعنويات ويخليك تجتهدين بكتابة البارت عشان ترضينهم بجد ليلاس احسن مكان لعرض قصتك فيه نجي لقصتك بصراحه انا شدني العنوان وانا ارد على ردود قصتي وجيت قريتها اختيارك للعنوان موفق يشد القارئ وطريقة سردك حلوه تشبه طريقة (ليتني غريبه) طريقه رائعه بحق البدايه تنبأ بقصه مليئه بالإثاره والتشويق سنكون هنا بانتظار قادمك الاجمل وسنكون خير مشجع لك احجز مقعد لمتابعة رائعتك واعذريني مقدما ان لم اتمكن منه الرد على اجزائك القادمه لكني بقرئها وبالتوفيق اختي مع تحيات اخوك /هاجس ليل |
[SIZE="5"]السلااااااام عليكم..
مرحباا اختي ومبرووك هاالمولوده الجديده واتمنى ان الله يوفقتس فيها وتااصلين فيها بر الامان..وياازين ماا اخترتي من المنتديات عشان تنزلين قصتس فيه.. تدرين اللي خلاني اقرأ الجزء شيين.. ا اسمها جذبني.. الشي الثااني اللي جذبني للقصه العنوااان.. هل العنواان يتعلق بعبااره السلاااام المصريه اللي غرقت من كم سنه بالبحر الاحمر؟؟؟ او الاسم مشاابه.؟؟. بس لما اقرأ هالاسم وانها عبااره اتوقع ان المقصوود فعلااا العبااره المنكووبه.. والحين نجي للشخصيات اللي ظهرت لنا.. فهد وسااره.. باين انهم بدون اولااد او يمكن تركوا اولاادهم عند اهل سااره او اهل فهد.؟؟ ويمكن شهر هالعسل يكون شهر تجديد لسنوات زواجهم.. لان من حوااار سااره مع زوجها وحركاتها وجرئتها معه يبين ان لهم فتره متزوجين يعني مو عرسان.. فهد باين ان دمه خفيف ويحب سااره لانه لو ماايحبها ماكان حقق امننيتها بالسفر عن طريق البحر واللي يدل على هالحب انه بسساافر بالبحر وهو ماايعرف يسبح.وهالشي اتووقع هو اللي بيكووون حدث مهم بالقصه... وباين انه يتملل من المساافات الطويله عشان كذا يعتبر ان الطيااره اسرع واسهل واحلى من السفر بالعبااره.. بالنسبه لسفرتهم هذي اذاا كان المقصود منها عبااره السلاااام مااغيرها فأأكيد الغررق هو مصيرها.. بس الحين احداااث القصه كيف بتمشي؟؟ اتوقع ان وااحد من هالشخصيتين بيموت ياافهد او ساااره.. واغلب تووقعي عندي ان اللي بيموت ساااره.. وفهد بيجلس يتندم ويتحسر وبيحمل نفسه الذنب لموت سااره .. واكييييييييييد انه بيعيش حيااته كاااره للبحر ولسيرته وممكن تتغير حيااته سلبااا بعد وفااة سااره.. اما اذااا كان اللي بيموت ساره.. فنفس التوقع من الندم والحسره وعض اصاابع الندم على اقترااحها السفر عن طريق البحر.. وكيف ان زوجها جاااء للموت برجليه وهوو ماايعرف يسبح عشاااان خاااطرها.. عمووما للحين ماانعرف وش ممكن يكون من احداااث ..بس ان الاحداااث بيكون البحر فيهااا سبب رئيسي للقصه اعتبره شي حلوو.. عموماا اختي هذي ثااني قصه اقراها وتتعرض لموضوع عباارة السلااام المنكوبه وتكون احداااث القصه تدور فيها او بسببها.. ارجع اقوول لو كاانت هي العبااره المقصووده.. هخهخهخهخه بالتوفيق اختي واتمنى مااتتاخرين بالجزء الجديد.. واحب اقوولتس لاااا تتضاايقين من قلة الردوود هالفتره لان المنتدى صااير فيه ركوود بسبب الاجاازه والحين اذاا الله احياانااا بيجي رمضاان وبتلقين الدخوول للمنتدى قليل جداااا.. فاصبري ولاا تخلين هالشي يأثر سلباا عليتس.. ومااندري الا وانتي تقوولين بوقفها لاني ماالقيت تشجيع.. اصبري فتره وبتلقين القصه اذاا كانت رووعه لها جمهوور كبييير.. بالتوفيق اختي وكل عاام وانتي بخير.. |
السلام عليكم
ياهلا فيج اختي بداية القصه حلوه بس حبيت اسألج القصه هو بس الحوار بالعامي وباقي السطور بالفصحى لأني مااحب القصص اللي بالفصحى ويعطيج العافيه على البارت |
| الساعة الآن 12:20 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية