|
كثرت هواجيسي هموم وتفاكير
السلام عليكم ورحمه الله وبركاته كيفكم يااعضاء ليلاس ان شاء الله منيحين انا شفت تفاعل كبير في المنتدى على الروايات فحبيت اكتب لكم روايه صديقتي حقيقه 90% طبعا لابد من تغير الاسامي هي كتبتها في دفتر وقالتي لي اكتبيها في المنتدى من ايام الاختبارات النهائيه وكنت مشغوله ولا حبيت اكتبها لكم وتتحمسون ولا ادري متى اكملها والحين انا فاضيه وقلت يابنت اكتبي الروايه ان شاء الله تحوز على اعجابكم دلع وسلوبي ولع آآند اختي غدير المشاعر كثرت هواجيسي هموم وتفاكير ( مذكرات غاده ) بسم الله الرحمن الرحيم اول شئ ابي اقولكم هو اسمي (( غاده )) عمري 18 سنه تقريبا باقي لي شهرين وادخل 19 في تاريخ 18/1/1429 هـ حياتي اكيد تبون تعرفون كيف اعيش حياتي تقدرون تقولون فلم هندي او مسلسل خليجي اول شئ بعرفكم على اخواني اكبر واحد اسمه عبدالعزيز مايدري وين الله حاطه حياته ماخذها بهون ومايهمه احد تقدرون تقولون كانه مجنون يمشي في الشوارع لامستقبل ولا وظيفه ولا هم بس مو مجنون عمره اتوقع 25 والثاني اسمه عبدالاله عاد هذا عكس عبدالعزيز تماما خلص الثانويه العامه ودرس في الجامعه بس ماكمل والحمدلله يدور على وظيفه وهو احسن واحد من اخواني وعمره 22 وبعدين انا والحمدلله اكمل دراستي وناويه اتوظف وابوي راضي وبعدي اخوي محمد وهذا وخروا عنه ابو المصايب كلها محمد هذا ماخذ حياته لعب في لعب مسكين يحسب الدنيا لعب واخطاءه كثر شعر راسه ومايهتم لاحد وماخذ حكمته بالدنيا ((فلها وربك يحلها)) كان يطلع من البيت العصر ولا يرجع الا ثنتين او ثلاث الليل وكان كل مايرجع ابوي يضربه ومع ذلك مافي فايده يرجع يكرر اخطاءه ثاني مره وهذا هو محمد عمره 17 وبعده عبدالله وهذا اخر واحد من اخواني واصغر سنا بس عندي اخت من ابوي الحين خلوني اقولكم عن عبدالله ياحياتي تقولون هموم الدنيا كلها فوق راسه منعزل عن العالم يحب يجلس لحاله ومايجي لاحد ولا له مشاكل مع احد يعني عكس محمد تماما في كل شئ الاخلاق والاسلوب وماكنهم اخوان خجول مره ولاعمري شفت ولد خجول كثره مؤدب وهو الحين صف اول متوسط وعمره 15 سنه لانه رسب في اولى ابتدائي مرتين وتقدرون تقولون مع شوية غباء لان الغباء في عائله ((سالم)) اللي هو ابوي منتشره في جميع ابنائه بس بجرعات مختلفه يعني اغبى واحد عبدالله بعدين عبدالعزيز بعدين انا بعدين عبدالاله انا مو غبيه بس لاني طيبه مره وحنونه مع اني ماذقت الحنان ولاني كنت دايم صادقه كانوا يسموني غبيه ومو القصد في الغباء الدراسه يعني افهموا وش اقول افهموا علي ياناس فهمتو ؟؟؟؟؟ الحين بعرفكم على حياتي وكيف عايشه ابوي مطلق امي مدري متى بس الظاهر من سنه جدتي لاني مادريت عنها ابوي متزوج وحده سوريه اسمها ((سناء)) وعندي اخت منها اسمها ( اماني ) وهذي اختي الوحيده من ابوي عمرها 7 سنين في صف ثاني ابتدائي واحبها مره وماعندي غيرها وربي تجنن واموت فيها مع انها ترفع ضغطي احيانا بس احبها موت والناس يشكون في حبي لها مع اني وربي يشهد مااكره احد ولا في قلبي شئ على احد واحب كل الناس حتى اللي يكرهوني بس وش اسوي دنيا هذي الدنيا حتى خالتي سناء احبها وهي طيبه وعصبيه وهذا اللي مخرب عليها عصبيتها المهم ماعلينا ............. المهم باقي شخص واحد ماتكلمت عنه الا وهي امي يابعد همي ياامي عايشه عند جدتي لانها مطلقه وعايشه هي وخالتي سمر وخالي وليد واخواني الكبار عبدالعزيز وعبدالاله امي اسمها (( مها )) واخر مره شفتها في الاجازه الكبيره قبل الدراسه يالله وش الدنيا الحين انا جالسه افكر وين محمد اخوي وربي جننا امس الاربعاء جابه ابوي البيت لانه كان هارب ومن الاجازه للحين جابه امس وهرب اليوم وهو في السطح وماندري كيف هرب والله شئ غريب بس وربي متظايقه اليوم بالمره واحس اني تعبانه نفسيا نفسيتي زفت ودي ابكي ومو شئ غريب عادي تعودت كل يوم ابكي وابكي لين انام آآه قهر وربي قهر اليوم السبت تاريخ 22/12/1429هـ اليوم فالتها ماعندي شئ جديد قمت الساعه 5 الفجر صليت ولبست مريولي ورحت المدرسه ورجعت ونمت وصحيت الساعه 7 في الليل وكليت لي قطعه سمكه والحين جالسه ارتب خزانتي واغراضي واسمع اغاني في الـ ipod ورايقه اليوم الحمدلله محد خرب مزاجي والله واللي مخليني فرحانه هالكثر ومستانسه الحين بقولكم يوم الاربعاء جتنا عمتي اسماء وزوجها عمي نادر واهم شئ بنت عمتي (( ساره )) جت كنت مشتاقه لها موت وهي ماتدري وش كثر احبها المهم انها ريحتني مو لازم تعرفون كيف لان الدفتر هذا يمكن اي احد ياخذه يعني اقولكم الزبده بدون تفاصيل وكل هذا لان ماعندي احد اتكلم معه يعني الحين انا افضفض لكم بطريقه غير مباشره لان الواحد ضروري يفضفض حتى لو يكلم نفسه يعني مثلي انا بعض الاحيان اكتب وبعض الاحيان اسولف مع نفسي يعني مثل المجانين والله ان المجانين اعقل منا بس الدنيا آه ياحظي محد قاهرني كثر حظي الشين يلاااا اعذروني بروح اكمل ترتيب دولابي وانام سامحوني على الاملاء ولا يهمكم الواحد يتعلم يلا باي تصبحون على خير أموآآآآآآآآآآآآآآآآآآآآآآآآح طبعا هذا الجزء كان تعريف بالشخصيات والجزء الثاني بندخل في التفاصيل اذا شفت ردود كملت البارت الثاني اوكي حبايبي تحياتي لكم دلع وسلوبي ولع واختها غدير المشاعر اند صديقتهم كاتبه الروايه غاده <<< حشا الشعب السعودي كله ههههههههههه باي |
ahlan beky dala3 ... atmanna leky el tawfeek hna ...
zay ma 2olty el goz2 da lel ta3reef bas ya3ny lessa e7na msh shofna el a7daas ... laken 3ayeza a2ollek nase7a... el mohem en el a7daas tkoon shayeeka .. da aham aktar mn ennaha tkoon 7a2e2eya ... ya3ny law ha teda77y bl waky3ya 3ashan tktby rwaya nag7a ... te2dary mn 7'lalha enk t2ooly w twassaly 7aga aw resala haykoon a7san ... asfa law tawwelt 3aleky .. w ana atmanna lekessetek el tamayoz w el naga7 en sha2 allah :) fi entyzarek domty bwed |
كملي اختي احنا متابعينك :0041::0041::0041::0041::0041::0041::55::55::8_4_134:
|
واصلي الكتابة يااختي
|
بسم الله الرحمن الرحيم هذي واقعيه احكيها لكم بنفسي اعيش في الرياض واسمي غادهـ عمري 19 سنه عندي اربع اخوان عبدالعزيز25_عبدالاله22_انا_محمد17_عبدالله16 ساكنين عند ابوي في الدخل المحدود وامي ساكنه مع جدتي سعاد وخالتي سمر وخالي وليد في الملز عندي اخو من امي اسمه خالد عمره10 سنوات وعندي اخت من ابوي عمرها 8 في المدرسه صديقاتي مرام وامل وايمان وشذى واحلام وتهاني واقرب بنت عمتي بالنسبه لي ( سارونه ) وهذي لها مكانه خاصه في قلبي تعلم بكل صادره ووارده وبعدها موضي بس الحين ببدأ بقصتي من يوم كنت صغيره وبقول كل شئ شفته في حياتي من الم وعذاب وظلم وفرح ودلع وكل شئ...؟!! مها هذي امي احلى ام بالدنيا سالم هذا ابوي سناء هذي زوجه ابوي وعبير هذي اختها هم من سوريا ......... صراحه مااذكر كيف ابوي طلق امي لاني وقتها كنت صغيره بس بقولكم من محل مااتذكر حتى ماعرف شئ عن ماضي ابوي وامي بس اللي اتذكره ... اني لما كبرت وصار عمري 7سنين راحت معي زوجه ابوي المدرسه ولما سجلتني دخلت المدرسه وهي راحت البيت ماكان فيه دلع وماكنت ابكي كان الوضع عادي دخلت الصف الاول وكانت وحده جنبي اسمها منى شاكر كانت اول صداقاتي جلسنا وتعرفنا وحبينا بعض وكانت لي مثل الاخت اللي انحرمت منها كانت طيبه المهم بعد كانت معنا وحده شريره اسمها امجاد وبعد كانوا فيه ثنتين يضربوني دايم اسمهم عهود وهيا كانوا اكبر مني بس يرسبون وثاني يوم في الدراسه كالعاده مافي شئ جديد ومر اسبوع ........... ويليه اسبوع .......... ويليه اسبوع وانا الحمدلله مستواي زين في الدراسه مره في الفصل الدراسي الثاني كنت رايحه المدرسه وانا اروح مشي كان البيت بعيد شوي بس عادي و انا طالعه من البيت للمدرسه كان فيه براحه لازم امر من عندها لما اروح المدرسه ولما ارجع وكان فيه باص خربان كانوا متخبين وره عهود وهيا ولما مريت مسكوني وضربوني وخذوا شنطتي وشقوا دفاتري وشقوا واجب الرياضيات ورحت المدرسه عادي يوم جت حصه الرياضيات قالت لي الاستاذه ليه ماحليتي واجب الرياضيات انا قلت لها كل اللي صار بس ماسوت لهم شئ وكانوا دايم يضربوني ومحد يسوي لهم شئ حتى كنت اجي البيت ابكي وزوجه ابوي ماتقول شئ ولا حتى تتبرع وتروح المدرسه تشوف السالفه المهم خلونا من الصف الاول ماكان فيه احداث كثيره في الصف الثالث صارت امجاد جنبي وهي تكرهني وانا كنت اخاف منها كانت تامرني وانا انفذ بسرعه قالت للبنات غاده مسكينه فقيره ماعندها ولا ريال تاكل تصدقوا عليها وفي لحظه كل البنات تجمعوا عندي وكل وحده تحط ريال ريالين على طاولتي لين صارت 15 ريال ونزلت الفسحه وكليت فيها عبيت بطني خير وجاني في اليوم الثاني جتني بنت البنت:وين خمستي انا:انتي عطيتيني اياها امس البنت: ايه بس الحين ابيها رجعي لي فلوسي انا: طيب الحين ماعندي الا ريالين خذيها وبكره اعطيك الباقي البنت: طيب وفي الطلعه اليوم الثاني رحت انا وامجاد البيت مشي وفي الطريق امجاد : غاده تعالي معي البيت انا : لااخاف اتاخر على بيتنا بعدين ابوي يضربني امجاد : لاتعالي معي بسرعه بعطيك شئ امجاد : تعالي بسرعه بعطيك شئ غاده : طيب بسرعه في بيت امجاد اول مادخلت بيتهم حسيت انهم فقراء واحنا بيتنا احسن من بيتهم ومستوانا اعلى بس هي كانت تكرهني المهم دخلت معها ام امجاد : هاه جيتي امجاد امجاد: ايه يمه ومعي صديقتي غاده ام امجاد : كيفك ياغاده ان شاء الله بخير غاده بارتباك شديد واضح : الحمدلله امجاد: اجلسي غاده غاده : لاامجاد بسرعه وش تبين الله يخليك امجاد : عطيني شنطتك غاده : ليه انا مستعجله امجاد : هاتي وبتشوفين غاده : وش تسوين ليه تحطين دروسي في شنطه ثانيه وين بتودين شنطتي امجاد : برمي شنطتك بالزباله وخذي هذي احلى وبعد حطيت لك قلم جديد ومسطره غاده: لامااقدر اخذها بعدين زوجه ابوي تضربني امجاد : اقولك خذيها يلاا ولا . غاده قاطعتها : طيب خلاص باخذها وطلعت من بيتهم خايفه وابي شنطتي بس هي عندهم وجلست عند باب بيتهم متردده وخايفه ابي ارجع لهم اخذ شنطتي في نفس الوقت طلعت اخت امجاد الصغيره ورمت شنطتي بالزباله وانا لما شفتها فرحت وركضت عند الزباله خذت شنطتي وذبيت شنطه امجاد ورحت البيت هي ماكانت راحمتني ولا شئ ولا تسوي شئ لوجه الله هي كانت تبي تقول للبنات شوفوا عطيت غاده هذي الشنطه وانا وانا وانا ................. الخ بس اليوم الثاني جيت المدرسه بنفس شنطتي لما شافتني امجاد قالت : وين شنطتني انا : في الزباله امجاد: اجل هاتي قلمي ومسطرتي بعد انا : بس انا ماعندي اقلام وانتي رميتي اغراضي كلها في الزباله امجاد : والله هذي مشكلتك ليه ماخذتيها من الزباله زي مااخذتي شنطتك انا : آهـ يانذله طيب ياامجاد في البيت جلسنا وتغدينا والساعه كانت 2ونص الظهر ابوي : وين محمد تاخر زوجه ابوي : مدري روح شوفه ابوي : خليه ننتظر ونشوف يمكن يجي بعد شوي اذن العصر ولاجاء اخوي محمد شوي طلع ابوي يدوره عند المدرسه ولا لقاه وهو راجع مر من عند مدرستي ولقاه الخبل واقف عند مدرستي ينتظرني واحنا طالعين من زمان الغبي ابوي : ولد تعال وش تسوي هنا محمد: استنا غاده ابوي : غاده في البيت انت ووجهك يالله امش قدامي واليوم الثاني ماخلاه يروح عقاب له وفصله من المدرسه طبعا بعد تحريش زوجته مسكين محمد راحت عليه سنه كامله عشان سبب تافه وسخيف بعد سنه صار عمري 10 سنين وصرت بالصف الرابع وفي نهايه الاسبوع يعني عطلنا بس مااخذت شهادتي لسى ليوم السبت يعني كانت بعد اسبوع وفي هذا الاسبوع كنت انا ومحمد و عبدالله في البيت وانا كنت مشغوله مدري وش كنت اسوي المهم اني مشغوله ومحمد وعبدالله الجن راحوا المطبخ يلعبون وكان عندنا ثلاجتين وحده زينه وحده خربانه طبعا الخربانه فاضيه عبدالله : محمد ليه هذي الثلاجه فاضيه وهذي فيها زحمه محمد: مدري بس خلنا نوزع الاغراض على الثلاجتين يالله ساعدني عبدالله : يالله وش نشيل اول محمد: عطني الطماط من الدرج عبدالله : خذ محمد: خلنا نحط الطماط في هذا مكان البيض شالوو واحطو وحاسوا الدنيا وبعدين لعبوا بالشطه وكبوها في كل مكان ويضحكون شوي جاء ابوي من العمل شاف البيت محيوس وعصب وبسرعه شال العقال من راسه وضرب اخواني وبعدين جاء بيضربني وانا من الخوف اننحشت المطبخ ورحت ورا الطاوله وهو يلحقني وبالصدفه جاء العقال على عيني والضربه كانت قويه مره اول ماضربني حسيت بدوخه وشفت كل الالوان ازرق . احمر . ابيض . اخضر . اصفر ........... الخ ورحت للغرفه بسرعه وجلست ابكي وهو يدري اني ماسويت شئ بس يبغاني انتبه لاخواني مره ثانيه جلست اناظر وجهي في المرايه شفت عيني مو قادره افتحها وكانت حمرا وتدمع كثير شوي حسيت ابي برجع ورحت الحمام بسرعه ورجعت ( الله يكرمكم ) وحسيت بدوخه ورحت نمت وكان هذا يوم الجمعه يعني بكره شهادتي يوم جاء بكره الساعه 10 ونص الصباح قمت ولبست ملابس المدرسه ورحت لغرفه ابوي وطقيت الباب طلع ابوي انا : ابوي بروح اجيب شهادتي ابوي : اي شهاده شوفي عينك وشلون صارت انتظري بلبس ثوبي واوديك المستشفى ولبس ثوبه وقام اخوي محمد وراح معنا في مستشفى الامير سلمان ابوي: انت اجلس مع اختك بروح اشوف الدكتور وافتح لها ملف محمد : طيب ابوي راح وجاء جلسنا كلنا جاء الشرطي الشرطي : من سوا بعينها كذا ابوي : اخوانها يلعبون بالكوره وجت بعينها الشرطي يسألني : من سوا بعينك كذا انا : اخواني يلعبون بالكوره وجت بعيني ( طبعا انا قلت كذا بحكم ان ابوي في السياره قالي ياويلك تقولين لاحد اني ضربتك قولي اخواني يلعبون بالكوره وجت بعينك ) الشرطي يأشر على اخوي محمد : هذا انا : لا ابوي : لا واحد ثاني في البيت الشرطي : طيب يلاا دخلوها للدكتور الدكتوره : وين غاده سالم ابوي : يلاا ادخلي خليها تشوفك غاده بكل براءه : طيب لما دخلت عند الدكتوره شافتني وقالت : من سوا بعينك كذا انا : اخواني يلعبون بالكوره وجت بعيني الدكتوره : الكوره تسوي كذا ؟؟ انا : ؟؟؟؟!!!!!!!!! الدكتوره:طيب متى صار انا : امس باليل الدكتوره : لامستحيل هذا الضرب كأنه اليوم طبعا اصف لكم عيني صارت مثل الكوره تورمت مره وانتفخت ولاعاد تنفتح الدكتوره : طيب خذي الورقه عطيها ابوك وخليه يعطيها دكتور محمد غاده: يبه ( وقلت له اللي قالت لي الدكتوره ) ابوي : امشوا يالله عند الدكتور محمد د. محمد : تعالي اشوف عينك ..........لالا هذي لازم تنام عندنا لين ماتتحسن عينها ابوي : ضروري ؟؟ د.محمد : ايه عينها ملتهبه ومورمه مره نهايه البارت اشوفكم على خير حبايبي دلع وسلوبي ولع ... غدير المشاعر ........ غاده |
الدكتور محمد: تعالي اشوف عينك .... لاهذي لازم تنام عندن لين ماتتحسن عينها
ابوي:ضروري يعني الدكتور :ايه عينها ملتهبه ومورمه مره ابوي : طيب الدكتور وداني قسم التنويم الدكتور : تعالي على هذا السرير وكان الغرفه مشتركه بيني وبين المريضه اللي جنبي ستاره وكان فيه تلفزيون خربان ومشوش وفيه ثلاجه صغيره وكانت المستشفى مو حلوه الممرضه : وش اسمك ياحلوه انا : غاده الممرضه : وين ماما انا : مدري بس زوجه ابوي في سوريا الممرضه : طيب حبيبتي انسدحي على السرير وحطت في يدي ابره وفيها ليّيّن وفي غطاء احمر وغطاء ازرق وحطت فوق الابره لصقه وراحت ابوي : محمد امش اجلس عند اختك بروح اجيب الشغاله من البيت عشان تنام عندها محمد : ان شاء الله يبه ابوي راح البيت وجاب الشغاله ( فيما ) عشان تنام معي بالمستشفى جلست في المستشفى اسبوع من السبت الى السبت الثاني وكل يوم يحطون لي مغذي طلعت من البيت تغير ابوي 180 درجه صار حنون وطيب ويحبني وكل يوم يزورني وكان يجي ويجيب لي حلو وآيس كريم وشوكولاتات وانا كنت فرحانه بالمره من ابوي ابوي : غاده حبيبتي عمتك راحت المدرسه تاخذ شهادتك ورسبتي في التجويد والفقه .. ايه نسيت اقولك ترا بوديكم بيت عمتك وبنزل سوريا عند خالتك سناء انا نزلت راسي بحزن طبعا ابوي متعود كل سنه يروح سوريا مع زوجته بس كان يرسلها قبله وهو يروح لما نخلص اختبارات المهم رحنا عند عمتي انا واخواني كلنا كان الوضع حلو وجنان كنت فرحانه كل يوم نطلع ونتمشى مع عمتي ورحنا مره البحيره سيارتين رايحين على طريق الثمامه خربت السياره اللي احنا فيها نسم الكفر وجلس زوج عمتي ينفخه ( طبعا زوج عمتي اسمه عادل ) كبير في السن عنده حرمتين ياحليله وعنده 10 عيال اللهم لاحسد عمتي وعنده منها خمسه عيال وبعدين وحده اندنوسيه وعندها منها 5 عيال المهم نفخ الكفر وماوصلنا الا المغرب واستأجرنا غرف وجلسنا ورحت انا وعمتي الثانيه اسمها ( زينه ) اصغر مني بسنه اخت ابوي بس امها غير عن ام ابوي امها مصريه المهم رحت انا وياها المسبح وشفتا الجميع يتسبحون الا احنا مامعنا ملابس رحنا لزوج عمتي (عادل ) طلبنا من فلوس زينه : عم عادل عطنا فلوس عشان نشتري ملابس عم عادل بابتسامه خبث: تبون فلوس اول ادخلوا معي الغرفه الثانيه عشان اعطيكم زينه : امشي غاده ندخل انا بخوف: لاوالله ماادخل معه اذا تبين انتي ادخلي خلاص انا ماابي اسبح .......... بروح ورحت بخوف وانا امشي شفت كل عيال عماتي وعماني مو لابسين نعلهم (الله يكرمكم ) انا قمت شلت نعالي ومشيت حافيه ولعبت بلحالي المهم عطشت قمت مشيت ابي اروح اشرب مويه عمي : غاده وين نعالك ليه مو لابستها انا:بس كلهم مفصخين نعلهم عمي بعصبيه وصراخ: اقولك روحي البسيها انا لاشعوريا رحت اركض وابكي وطلعت برا الغرفه وانا اركض لين شفت ناس متجمهره وقفت اشوف وش السالفه عرفت انها حفله مواهب وافكار اللي تطلع في التلفزيون وكان الدخول بخمسه ريال وانا مامعي شئ بس رحت ابكي هناك حارس الدخول ناداني الحارس : انتي ياحلوه وش فيك تبكين انا ... عمي خـا ......... قاطعني :خلاص تعالي ادخلي بلاش يالله بسرعه لاحد يشوفك ودخلت اتفرج ......... ومحمد وعبداللطيف وعبدالعزيز عمي ولد المصريه كلهم راحوا يسبحون وعبدالله يتفرج عليهم من برا كان فيه بنت حلوه صغيره من الجهه الثانيه جاء عبدالعزيز ولد المصريه دفها وطاحت في المسبح ولما طلعت جاء اخوي عبدالله وقف مكان عبدالعزيز ولد المصريه والبنت دفت عبدالله اخوي تحسبه هو اللي دفها واخوي مايدري ليه دفته بس طلع معصب وراح لها لين اهلها وضربها عاد هو مايحب المويه والله ذا النتفه يعرف ياخذ حقه المهم لعبنا وتسلينا ورجعنا البيت تقريبا الساعه وحده وبيت عمتي اللي احنا فيه كان قريب من بيت جدي واخواني الكبار راحوا بيت جدي ونا واخواني الصغار رحنا مع عمتي واليوم الثاني جاء عمتي اتصال من جده من عمتي الثانيه عمتي صالحه ( اللي انا عندها ) هلا ياوخيتي عمتي نوره : هلا صالحه انا تعبانه الحقي علي عمتي صالحه : ليه وش فيك عسى ماشر عمتي نوره وهي تبكي : انا بولد ولااحد عندي تعالي عندي عمتي صالحه : خلاص ان شاء الله بجي بس انتي هدي شوي وقفلوا من بعض راح زوج عمتي حجز تذكره لها ولبنتها وانا ومحمد وعبدالله (وعبداللطيف وعبدالمحسن عيال عمتي ) وزوج عمتي عادل وصلناها للمطار ورجعنا البيت ولما جاء بالليل كنا جالسين كلنا في الغرفه كانوا العيال يلعبون بلاي ستيشن ع الارض وانا كنت جالسه على الكرسي اتفرج عليهم كانوا يلعبون سيارات وانا مااحب السيارات احب المقاتله المهم واحنا جالسين دخل علينا زوج عمتي توه جاي من الدوام وحط يده فوق كتفي وجالس يكلم عياله وشوي شوي دخلها داخل ملابسي لما وصل يده عند بطني |
المهم واحنا جالسين دخل علينا زوج عمتي توه جاي من الدوام وحط يده فوق كتفي وجلس يكلم عياله بعدين شوي شوي دخل يده داخل ملابسي لما وصل يده لبطني وانا كنت خايفه منه شوي وصلت يده عند ملابسي الداخليه لما حسيت انه مره وصل قمت قرصته من يده وشالها بسرعه وانا قمت بسرعه ورحت الغرفه الثانيه وحطيت راسي على السرير احاول انام وبكل براءه مدري وش اللي صار بس كنت خايفه مدري ليه سوا كذا انا كنت شاكه فيه من يوم ماكنا في الثمامه وقالنا ادخلو الغرفه معي المهم حطيت راسي على المخده واستسلمت للنوم ولا حسيت بنفسي الا الصباح قمت وانصدمت كان شايل ملابسي من تحت وشايل كل ملابسه بس شوي لما صحيت ماصحيت بسرعه بس فتحت عيوني وشفته وهو مايدري اني قمت كان مشغول فيني انا فتحت وغمضت عيوني بسرعه خفت يشوفني ويضربني او يكتمني بس كان حاط اصبعه هناك المهم انا سويت نفسي اتحرك كأني بقوم هو لما شافني تحركت قام عني بسرعه خاف وراح غرفته انا قمت ورحت الحمام بسرعه وقعدت افكر كيف اهرب بس ماقدرت وطلعت برا عشان ادور اخواني واقولهم ما لقيت احد كلهم في بيت جدي وانا راجعه الغرفه مسك يدي عادل : تعالي الله يخليك بس بعطيك بوسه على السرير وروحي تكفين بس بوسه انا : لا لا ( وبصوت عالي ) اتركني هو خاف ان عياله يسمعونه تركني وراح غرفته بسرعه ورحت انا عند عبداللطيف اقومه بس نومه ثقيل كان مثل الميت وماقام عجزت القى احد يحميني استسلمت ورجعت لسريري وتغطيت شوي جاني وهو لابس بيروح الدوام عادل : غاده زعلتي مني انا بخوف : لالابس روح عادل : تبين شئ انا بروح انا : ؟؟!! بعد اللي صار لي انا ماقلت لاحد وش صار لان امي كانت بعيده وابوي ااخاف منه واصلا انا مو مستوعبه وش صار لي لاني كنت صغيره المهم لما صرت في خامس ابتدائي وبعد ماعدت رابع ابتدئي لاني رسبت فيه صار عمري 12 في الصف الخامس الابتدائي في الاجازه رحت مع ابوي وزوجته سوريا ماصار لي شئ في سوريا مافي احداث اول مارحنا رحنا بيتنا كان عندنا بيت في سوريا انا متعوده في السعوديه انام لين يأذن الظهر بس النظام في سوريا غير اول ماتجي الساعه 10 الصباح سمعت صوت ازعاج الناس كلهم قاموا حتى ابوي وزوجته قاموا يفطرون انا قمت على ازعاج الحاره واحد يقول (( مويه فوجه مويه فوجه )) يعني مويه والثاني يقول (( كاز مازوت كاز مازوت )) يعني غاز وزيت مثل البانزين المهم هم اللي صحوني لما صحيت ابوي عطاني ثلاثين ليره وقال روحي جيبي خبز ورحت وخذيت معي الملابس وديتها المغسله بعدين رحت عند راعي البقاله قلتله وين الخبز قالي رووحي هيك من هون بتشوفيه على يمينك بس انا رحت ورجعت له قلتله وين والله مافي قام قالي هاتي المصاري انا بروج جيب لك وانت اعدي هون واذا اجا حدا يسأل عني اولي لو راح مشوار وراجع اي قلت له طيب وراح جاب لي خبز وانا جالسه جاء ولد صغير يبي يشتري قلت له خلك لين يجي انا مااعرف مسكين كرفتهم الاثنين واحد ينتظر وواحد راح يجيب لي خبز وجاء راعي البقاله وعطاني الخبز انا : مشكور والله اسفه تعبتك قال : ولو مافي تعب ورحت البيت وكنا نطلع من الساعه عشره كل يوم ونرجع البيت بالليل الساعه وحده ودايم كذا نروح نتمشى ونروح بيت ابو زوجه ابوي يعني جدي السوري وكنت انا مثل الاولاد انا اودي الملابس المغسله انا اكب الزباله ( الله يكرمكم ) انا اروح البقاله بس كان فله ومااتذكر اكثر من كذا في الصف السادس كان عمري 13 سنه ماكان فيه احداث تذكر بس عاد في اول متوسط كانت الفله توني طالعه من الابتدائي لمرحله جديده وكنت في هذا السن اتعلم وكنت اقلد اي شئ اشوفه وكان في المتوسطه 79 انا درست فيها كانت مديرتنا اسمها حـ ؟؟؟؟؟؟؟ الافـ ؟؟؟؟؟؟؟؟؟؟ اسم على مسمى كانت عصبيه حيل المهم كان الاعجاب بين البنات منتشر بشكل غير طبيعي وانا ماكنت ادري ان هذا الشئ حرام وقلت في نفسي احب بنت احسن من اني احب ولد واتورط معه ويهددني ويفضحني كان لي صديقه اسمها مشاعل من الابتدائي وهي معي بس ماكانت صديقتي لانها ماكانت جنبي بس في المتوسط صارت جنبي وقدامنا نوره واسراء يعني كنا اربعه صديقات الروح بالروح وكان قدام نوره واسراء ثنتين سهى وأشواق صراحه كانو رفقاء سوء كانوا قليلات ادب انا ماكتشفت حقيقتهم الا لما رسبت وعدت سنه منهم خربوني المهم ابدأ بسواليفنا ... من بعد ماعرفا بعض مره في حصه فراغ تجمعنا كلنا انا ومشاعل واسراء ونوره وسهى واشواق دايم سواليف البنات تكون نظيفه بعدين تنقلب تدريجيا ودخلنا في موضوع الزواج تكلموا عن ليله الدخله وانا كنت اجهل هذي الليله ولا ادري وشهي وبعدين تكلموا عن الافلام وأفلام الـســ ؟؟؟؟؟ والحركات الوسخه كلها وطبعا اللي يسولفون كذا سهى واشواق وهم بنات جيران لما صفرت وانتهت الحصه كلن رجع مكانه انا : بشاير وش يعني ليله الدخله ؟ انا انتظرت البنات يروحون عشان اسألك لاني لو سالتك قدامهم بيضحكون علي ويقولون بزر بشاير قالت لي وش يعني ليله الدخله وانا مدري وش دخلهم في ذي الامور عشان يسولفون فيها (تذكرت زوج عمتي وش سوا لي ودعيت عليه من كل قلبي ) المهم مره في المدرسه كنا نستهبل انا وصديقاتي كل وحده تقول خلنا نخاوي وكل وحده اختاارت لها بنت من خارج الفصل باقي انا قالوا لي ها غاده ماودك يالله اختاري وانا كنت امزح قلت : انا احب سهى ومامداني اكمل كلمتي الا اشوفهم يصارخون ويقولون : سهى غاده تحبك انا : لا كذابين عاد سهى كانت راعيه حركات وتخاوي بنات وتروح معهم الحمام وفالينها ........... سهى حطتني في بالها بس ماكانت تحبني لانها كانت تحب وحده اسمها هند وكلنا ندري ان سهى تحب هند وتموت فيها وهند هذي مو معطيه سهى وجه وتحب غيرها ومتكبره وشايفه نفسها هند اكبر من سهى يوم جت السنه الجديده انا راسبه وكل صديقاتي نجحوا وراحوا ثاني الا انا عدت اولى لاني كنت مخاويه رفقاء سوء وانا مثل الدلخه اسمع كلامهم علموني ارفع صوتي على معلماتي من بعد ماكنت هاديه علموني اقل ادبي علموني كل العادات السيئه كنت انضرب دايم من المعلمات كانوا يكرهوني بسبب التطاول عليهم اتذكر مره كنت في اولى متوسط كانت وحده معنا بالفصل اسمها مزيونه جابت معها ثعبان لعبه وربطته بخيط وصارت تمشيه تحت رجلين البنات والبنات انواع الصراخ والاستهبال جو المعلمات والاداريات وكتبوها تعهد ولا تابت ومره جابت ليزر وتحطه عالسبوره اذا جت تكتب المعلمه المهم جت المديره تبي تطلع مزيونه قالت لها المعلمه طلعي كل البنات المشاغبات واضربهم ( طبعا المديره فلانه الفلانه معروفه بالضرب ومشهوره بالدخل المحدود كله ) المهم المعلمه اول من طلعت انا المهم مره سهى واشواق قالوا لي ارسمي لنا رسمه طبعا بعد مالعبوا بعقلي رسمت لهم حرمه ورجال على السرير والرسمه واضحه ويوم جت الحصه الاخيره كان علينا حديث وانا كنت استهزاء واطول صوتي عالمعلمه وطفشت مني ودها تذبحني بس ساكته المسكينه ومو رايقه تكلم وحده مهبوله مثلي شوي الا الله انتقم لها مني دخلت يدي في جيبي وحسيت بورقه وطلعتها حطيتها في الدرج يعني ماابيها ولا ابي اخذها البيت عشان اهلي مايشوفونها وحطيتها اسراء الملقوفه خذتها من الدرج ورمتها قدام عند سهى واشواق يوم شافوها ماصدقوا على الله جلسوا يطالعونها ساعه ومارفعوا عينهم عن الورقه وانا اضربهم من ورا لان الاستاذه تناظرهم بس هم مثل الاصنام خقوا على الرسمه واخر شئ شافتهم الاستاذه وجت عندهم الاستاذه : هاتي اللي بيدك انتي وياها بسرعه سهى : مامعي شئ وحطتها في الدرج مع الاوراق وانا من الصدمه وقفت وقلت : لالا تعطينها عطيني الورقه والبنات مستغربات ودخلت الاستاذه يدها في الدرج وخذت كل الاوراق وحطتها في شنطتها وصفرت طلعه وطلعت الاستاذه وطلعوا البنات كلهم مابقى الا انا وسهى واشوواق صديقاتي يهدوني لاني انهرت على الكرسي وجلست ابكي خايفه مره لو درى ابوي ياويلي يمكن توصل انه يفصلني من المدرسه المهم رحت البيت ذاك اليوم وانا ابكي كل الطريق يوم وصلت البيت فتحت لي زوجه ابوي وشافت عيوني مورمه وحمر من الصياح زوجه ابوي : وش فيك انا : لا بس سكرت على اصبعي الباب زوجه ابوي : اها طيب مره ثانيه انتبهي انا : طيب الحمدلله انها ماشكت واليوم الثاني في المدرسه جت المعلمه : وين غاده انا وقفت المعلمه : تعالي اطلعي من الفصل ورحت عند المرشده وهناك اول مادخلت كانها غرفه تحقيق قفلوا الباب مرشدتين وبددوا يسألوني طبعا سهى واشواق طلعوا منها بس كتبوهم تعهد وانا اللي رحت فيها حاولت اكذب وانكر بس مافي فايده كلهم يدرون اني اعرف ارسم مو اول مره يمسكون معي رسومات ويكتبوني تعهد بس اول مره يمسكون معي رسمه خليعه المرشده : وين شفتي هالاشياء فيه انا : كذا من خيالي المرشده : لا مافي شئ اسمه كذا من خيالك لازم تكونين شايفه شئ انا سكت المرشده : طيب ابوك يجيب بطاقات يحطها في الرسيفر انا : لا وش بطاقاته المرشده : طيب وين شفتي انا بعد ماازعجوني قلت شفت عند عمتي في بيتها المرشده : طيب عطيني رقم عمتك ووين ساكنه يوم قالوا كذا اانا : عمتي مالها دخل لاتورطونها واعدوني انهم مايقولوون للمديره بس الحيوانات علموها اليوم الثاني جت بنت : وين غاده انا وقفت البنت : المديره تبغاك انا يوم سمعت كذا قلبي وقف يوم نزلت عند المديره لقيت عمتي صالحه جالسه تبكي وكان هذا يوم الاربعاء المهم اول مادخلت سلمت على عمتي المديره الملقوفه : بوسي راس عمتك في احد يسلم كذا على عمته وبست راس عمتي عمتي صالحه : المفروض تبوسين راس المديره بعد انا في نفسي : والله تبطي عظم وتخسى مابقى الا هي بعد عمتي: ليه ياغاده ترسمين كذا المديره ورتني الرسمه انا : غلطه والله غلطه والمديره تمرر علبه المناديل مره علي ومره على عمتي عمتي انسانه ملتزمه يعني مطوعه ماتحب هالاشياء انا ابكي من الخوف بس هي مادري ليه تبكي شكلها منصدمه فيني المهم قالت ماراح اقول لابوك انك رسمتي كذا بقوله عشانها تسرح في الحصص كثير وتتكلمين على المعلمات وهم اشتكوا منك بس لاتعيدينها انا : ان شاء الله اللي قهرني ان عمتي قالت هالكلام قدام المديره ومن ذاك اليوم والمديره تهددني عشانها مسكت علي شئ يوم رجعت البيت ابوي : ليه تشاغبين في المدرسه انا : ماسويت شئ وقمت اصرف بس ابوي سكت والله احمد ربي ان عمتي جت مو زوجه ابوي ولا كان رحت فيها على طول بتقول لابوي ولا يمكن تزيد وتحرشه بس ربي ستر ومر الموضوع على خير وانا من ذاك اليوم ماعاد ارسم كذا حتى لو مع نفسي |
وفي يوم السبت رحت المدرسه وانا مرتاحه شوي جت بنت : وين غاده تبيها المديره قلت في نفسي : اوووووف ماخلصنا وش تبي بعد رحت للمديره المديره : وش قال ابوك انا : ماقال شئ المديره : اها انا بإمكاني اطلعك في الطوابير واقول ان هذي البنت ترسم رسومات خليعه واضربك بعد وعطتني كراسه والوان المديره : خذي هذي ارسمي اشياء مفيده للمدررسه انا خذتها ورسمت لهم اشياء مفيده على قولتها انتهى الموضوع المهم مر علي احداث كثيره بس الواحد مايتذكر الا العذاب ولا الاشياء الحلوه على طول ينساها المهم ثاني متوسط كانت من احلى المراحل عندي كان عمري 15 سنه اتذكر ذيك السنه توفى جدي ابو ابوي الله يرحمه ويغمد روحه الجنه ( قولوا آمين ) رحنا العزاء وااانا جلست في الحوش مع بنات عماني وجت بنت عمتي : غاده تعالي شوفي امك ؟؟؟؟؟؟؟؟؟؟؟؟؟؟؟؟؟؟؟؟؟ انا مدري وش جاني بعد ماسمعت كلمه امك وقلت والعبره خانقتني : مابي اشوفها شوي وجت عمتي نوره : غاده تعالي شوفي امك ورحت عاد مع عمتي مافي دلع ودخلت المجلس وكان فيه حريم كثااااااااار وجلست اناظر الحريم : وين امي كلهم لابسين زي بعض اسود في اسود المهم امي لما شافتني قامت وقفت انا لما شفتها رحت لها بسرعه وضميتها وانا ابكي وهي تقولي غاده وش لونك وش اخبارك وش مسويه والله وكبرتي وصرتي حرمه انا ماقدرت اتكلم وارد عليها من الفرحه ومن الصدمه لاني حسيت اني بنتها وماتحيلت اني بقاها تخيلوا ياعالم بعد سبع سنين بعد سببببببببببببببببع سسسسسسسسسسنين اشوف امي تخيلو دخلت المجلس وانا مااعرف امي ولا اعرف شكلها كل اللي اعرفه عنها ان اسمها مها وينها عني طول هالفتره ياعالم سبع سنين والله مو شويه والله مو سهله محد حااااس فيني شوي الا جت عمتي : تعالوا فضينا لكم المجلس الثاني ورحنا المجلس الثاني وانا ابكي واخواني يهدوني اخواني : وش فيك تبكين خلاص هذا احنا مابكينا انا : انتم كنتم تشوفونها انا سبع سنين ماشفتها ولااعلم عنها حيه ولا ميته امي من بعد ماسمعت كلها قعدت تبكي اكثرررر وقالت : خلاص اسكتي شوي الا جت جدتي ام امي : يلاا يامها بنروح امي : طيب يلااا جايه ......... مع السلامه غاده انا :يمه تعالي بكره وكل ايام العزاء امي : ان شاء الله وحضرت امي كل ايام العزاء وشفتها الحمدلله وبعدين صرت اروح لامي في الاجازه الكبيره وجلسنا عندها اسبوعين وكان اول مره اشوف بيت امي وخوالي شفت اهل امي وشفت خالتي الجازي وخالتي سمر وخالتي نوره ولكن ماشفت خالاتي الباقيات لانهم مو في الرياض وشفت خالي عبدالعزيز وخالي وليد خوالي اثنين بس واحد متزوج وبناته اكبر مني وخالي وليد لسى اعزب المهم مااتذكر وش صار بعد لكن في الصف الثالث متوسط ام الرجه مزيونه وخالتها كانوا صديقاتي والعنود وعزه وشما وشذى وكانت جنبي مزيونه مزيونه : انتي تحبين انا : لا مزيونه : يوه توك بزر انا : ليه انتي تحبين مزيونه : ايه احب واحد اسمه سامي عمره ثلاثين تخيلوا عمرها 15 وتحب واحد عمره 30 المهم بعد اسبوع رجعت سألتني نفس السؤال انا : ايه احب مزيونه : مين انا : احب ولد عمتي اسمه عبداللطيف وعمره 16 مزيونه : يؤ تحبين بزر هذا صغير مايفهم يعني حبي واحد كبير انا : وش اسوي اللي متوفر احبه ومرت السنه وانا مو يم الدراسه كل سوالفنا عن الشباب انا صراحه ماكنت راعيه ذي الحركات ومااكلم شباب ولا اعرف احد يعني بس هي كانت دايم تتكلم عن العيال ولا عندها سالفه غيرهم كانت تطلع معهم وتكلم الفين واحد اذا مو ثلاث االاف انا : مزيونه انتي قضيني على شباب الرياض قامت تضحك ياختي نعال امهم الشباب يهبلون يوم قالت (( امهم )) تذكرت امي واشتقت لها فجأه تذكرت شئ وسرحت بافكاري بعيد ((تذكرت لما كنت في ثالث متوسط رحنا بيت جدي الله يرحمه دخلت المجلس كانوا جالسين اخواني وعمي عادل المهم كانوا يتابعون فلم وانا ابي اتابع معهم اخوي محمد : غاده قومي اطلعي برا انا : لا مابي بتابع معكم الفلم محمد : تكفين اطلعي برا قبل مايجي ابوي ياخذنا انا مارضيت عصبوا اخواني وطلعوا برا ولا بقى الا انا وعمي عادل عمي عادل قام يسولف معي عادي شوي الاقام يناظر الباب من اليمين ومن اليسار يشوف فيه احد ولا لا جاء عندي وضمني بقوه وباسني من رقبتي ويمشي لين ماوصل لشفايفي وانا ابي افكه بي كان اقوى مني وانا مره نحيفه ومااقدر عليه قمت رفسته برجلي على بطنه لانه كان ماسك يدي وبعد عني وانا رجعت جلست مكاني وكنت خايفه مره وقلت وش فيه هذا كنت احسبه يمزح قالي : غاده معي شريط وش رايك نشوفه انا : لا ماابي اشوف مشكور قال : معي شريك سـ ؟؟؟؟؟؟ شوي كان بيجي جنبي انا : والله لو ماتوخر لاروح اعلم عليك ابوي قال : لا خلاص الا شوي جاء ابوي ورحنا البيت ولا قدر اتكلم باللي صار خوفا من المشاكل )) شوي احس بيد تهزني مزيونه : هههههههه شكلك سرحتي بحبيب القلب اانا ابتسمت بحزن مزيونه : خليني اقولك عن واحد توني متعرفه عليه شوي احس بيد تهزني مزيونه : هههههههه شكلك سرحتي بحبيب القلب اانا ابتسمت بحزن مزيونه : خليني اقولك عن واحد توني متعرفه عليه انا طفشت منها كل سواليفها عن الشباب اذكر اتها تعرفت على واحد اسمه غـازي اليـ ؟؟؟؟؟ يمكن في اقل من اسبوع صارت تعشقه وهو ساكن بالشرقيه مزيونه : لاهو يحبني وبيتزوجي انا : يابنت الحلال يكذب عليك وش يحبك لاتصدقينه والله يكذب مزيونه : لا وازيدكم من الشعر بيت زواج بنت خالتي بالشرقيه في يوم 5/7 بروح الزواج وبطلع معه اربع ساعات ساعه ندور في الشارع وساعه بنجلس عالكورنيس وساعـ......... انا: مجنونه انتي يابنت الناس وربي بتندمين مزيونه : خلاص انا اصلا قررت وانتهيت انا : طيب اهلك بيفقدونك مزيونه : مخططه لكل شئ انا:طيب ساعه تكفي مزيونه : ايه اشوف احنا انقهرنا منها كيف تصدق واحد توها متعرفه عليه وتكذبنا واحنا صديقاتها اقرب لها منه المهم البنت سوت اللي براسها وغابت الثلاثاء والاربعاء والسبت جت المدرسه وجها شوارع مكفخينها لاعنـ؟؟؟؟ ابو جدها لا جت وهي تضحك بعد انا :اهلك دروا صح مزيونه : ههههههههههههههه ايه انا: وفرحانه انتي ووجهك مزيونه: عادي ضربوني بس اهم شئ سويت اللي براسي وطلعت معه احلى ايام عمري انا: حمدلله والشكر مجنونه .. طيب قولي لي وش صار؟ مزيونه : طلعت معه وتمشينا وتعشينا وبوسني في السياره والله العالم وش سوا فيها بس هذا اللي قالت لنا مزيونه : ايه ولما رجعنا ابي ادخل مع الباب لقيته مقفل << سبحان الله شفتوا ربي يبي يفضحها وتورطت شوي جاء زوج اختي وشافني وشاف السياره اللي نزلت منها ومسكني وضربني ودخلني عند امي وعماتي دخلوني لغرفه العروس وتجمعوا علي ضرب اشوا مير ان العروسه قد راحت ههههههههه المهم ورفسوني بكعبهم الله يكرمكم وامي خذت مني الجوال وكسرته وخذت الشريحه وخلاص لما رجعنا اتفقت انا واختي انها تسرق الشريحه من غرفه امي عشان الشريحه كلها عيال بس الحمدلله اهم شئ ان اخواني مادروا المهم رجعت البيت ونفس الروتين ماتغير جت الاختبارات شديت حيلي ونجحت ومزيونه رسبت انا قلت لها خلي عنك العيال وذاكري عشان تروحين الثانوي بس لاحياه لمن تنادي قلت في نفسي هذي مافيها فايده خلني اشوف نفسي اهم شئ لاجلس معها تخربني والحمدلله ربي وفقني ورحت لاولى ثانوي وفي االاجازه عند امي تعرفت على خالاتي الباقين توني اعرفهم لما رحت عند امي فليت امها اتفرج على التلفزيون بكيفي واي وقت ابي ومن غير استأذان واكلم صديقاتي وادخل النت بس يعني في حدود مااتعداها والله شفت دنيا جديده حسيت اني محرومه من كل شئ عند ابوي وكانت اول مره ادخل النت في حياتي كان عمري16 سنه واول مره في حياتي امسك جوال كنت مره محرومه عند ابوي مايخليني اسوي اي شئ صرت ماافهم شئ من كثر الحرمان ولما دخلت النت قلت لخالتي سمر علميني وشلون ادخل الدردشه وعلمتني وكنت مره بطيئه في الكتابه ولااحد عطاني وجه لين سبوع من التدريب تعرفت على واحد من تبوك اسمه عناد كان عمره 26 سنه وانا عمري 17 سنه سوا لي ايميل وصرت كل يوم اسولف معه على الايميل ومره عطاني رقمه وقال دقي علي انا : ماعندي جوال عناد : دوري اي جوال لو حق امك وكلميني ابي اسمع صوتك وافقت وكلمته من جوال امي لاني ماعرفت وين بكلمه فيه كلمته يمكن 3 دقايق بس سلام وكيف الحال وهذا جوال مين وكنت مره خايفه وبطني يمغصني من الخوف اول مره اكلم رجال وسكرت ورجعنا للايميل قالي كلام حلو وقالي صوتك حلو على الجوال وانا مره مستحيه وفرحانه بنفس الوقت وخايفه ولما انتهت الاجازه رجعت عند ابوي ورجع كل شئ مثل ماكان مافي عناد ولا حب ولا خرابيط بس طول فتره الدراسه وانا عند ابوي كنت احبه وافكر فيه ودايم اكتب فيه قصيده او قصيدين وهو مادرى عني ......... المهم في بدايه الدراسه كنت فرحانه لاني انتقلت مرحله جديده وكل شئ جديد وحسيت اني صرت كبيره كنت جالسه في اخر الفصل مااعرف اي احد وزعوا علينا الكتب وجلست اتصفحها واشوفها شوي الا جتني وحده قلت في نفسي : لاحول وش تبي ذي المصريه ماناقصني الا اتعرف على مصاريا شوي قالت : السلام عليكم انا امل الشـ؟؟؟؟ انا انصدمت طلعت سعوديه مو مصريه لا واحسن مني بعد المهم تعرفت عليها وجلست جنبي باخر الفصل وكانت صديقه والنعم فيها طيبه وتفهمني وافهمها على طول حتى نفس التفكير ونسبق بعض بالكلام اللي نبي نقوله كنت معها في الفصل بس الفسحه انا اروح مع عزهـ صديقتي من الابتدائي بس هي في فصل وانا بفصل ثاني وامل تروح مع لبنى وعايشه لبنى مغربيه مو سعوديه وكان معنا ثنتين فله وحيده ونوف القـ؟؟؟؟ بنات عم كانوا مره خفيفات دم ووناسه تذكرت الدردشه وتذكرت فيصل الـر ؟؟؟؟ اللي تعرفت عليه في الشات من حايل وحاليا يدرس بالقصيم انا كنت في الشات اسولف على العام وكل واحد مثل الثاني يارقم يا ايميل ولما اقول لا يطلعون ويخلوني مايبون وحده ماعندها لارقم ولا ايميل المهم انا عصبت شوي الا جاني خاص فيصل الـر؟؟؟ قلت بدخل مع هذا اخر واحد وطني انه مثلهم بس سواليفه غير كان عسل ماجاب طاري الايميل ولا الجوال قالي : نجحتي انا : ايه نجحت بس نسبتي بايخه قالي : كم نسبتك انا : تفشل مو حلوه اخاف تضحك قالي : عادي قولي انا : 56 قالي : ههههههههه ياكسلانه ... انا نسبتي 99 وان شاء الله يقبلوني جامعه شوي الا جاء اخوي عبدالله انا : فيصل انا بطلع جا اخوي مااقدر اسولف معك بس عطني رقمك بسرعه عشان اذا دخلت مرره ثانيه اقولك فيصل رفض واستغرب وبعد محاولات مني وهو كان معجب فيني لاني اكتب شعر حتى كتبت له قصيده وعطاني رقمه وطلعت بسرعه وقعدت يمكن ثلاثه ايام بعدين قلت خلني ادق بس ماعندي جوال رحت حفظت رقمه في عقلي ورحت لخالتي سمر انا : خالتي تراني تعرفت على واحد بالشات وابي اكلمه ( هي كانت اقرب خالاتي ولااقدر اخبي عنها شئ ) المهم وافقت اني اكلمه مااتذكر وش صار في اول مكالمه بس اتذكر انه اعجب فيني وفي صوتي واستغربت انه ماكان من الشباب اللي يكلمون بنات ومااتذكر الا اني صرت اعشقه وهو صار يموت فيني وتعلقنا في بعض ومرت الايام وصارت مشكله مع صديق فيصل اسمه خالد كان فيصل دايم يسولف له عني ويقول انه اول مره يشوف وحده مثلي خالد : والله لاخذها منك فيصل مااهتم بس حزت في خاطره وقال في نفسه اكيد يمزح خالد صديقي ولا يسويها خالد خذا رقم خالتي سمر ودق عليها وتهاوشوا وصارت سالفه كبيره انا ماادري وش السالفه بعدين انا دقيت عليه من رقم امي شوي الا رد وهو معصب قال : روحي شوفي الجوال مع مين بعدين كلميني انا قفلت منه ونزلت تحت عند خالتي انا لخالتي : ممكن تعطيني جوالك شوي خالتي : لا مافيه وبعدين لاعاد تكلمينهم ذولا لعابين انا استغربت اول مره تكلمني كذا قلت وش السالفه فيصل معصب وخالتي معصبه بعدين فيصل قالي وش السالفه وخالتي ماعاد خلتني امسك جوالها وقفلته لمده اسبوع لان صديق فيصل ازعجها يحسبها انا انا سمعت كلام خالتي لانها اهم منهم بس طلع فيصل الصدق كله مو نصاب والايام اثبتت لي وفاءه وجلست اسبوع ماكلمته وهم دايم يرسل على جوال خالتي رسايل يتأسف ويقول ان صديقه كلب وحيوان ويقولها لاتحرميني منها والله احبها وابيها ومااقدر اعيش من دونها واذا خسرتها وربي مااسامح نفسي ولا اسامح صديقي الله يخليك انا ماقدرت اتحمل ماكلمته اسبوع حنيت له اشتقت له رحت دقيت عليه من جوال امي وكلمته وهو بعد كان مره مشتاق لي وقالي لاتسوين فيني كذا مره ثانيه ورجع يكلمني من جوال امي وخالتي ماتدري لما رجعنا الرياض قلت لها اني كلمت فيصل من جوال امي ولا قالت لي شئ انا ماقدرت اتحمل ماكلمته اسبوع حنيت له اشتقت له رحت دقيت عليه من جوال امي وكلمته وهو بعد كان مره مشتاق لي وقالي لاتسوين فيني كذا مره ثانيه ورجع يكلمني من جوال امي وخالتي ماتدري لما رجعنا الرياض قلت لها اني كلمت فيصل من جوال امي ولا قالت لي شئ ومرت الايام واحنا مع بعض وجاء رمضان وصار يكلمني بس بالليل ومده المكالمه قليله يقول مايصلح تكلميني في النهار وفي الليل اهله عنده ومايقدر يكلمني قدامهم وقلت المكالمات وحسيت انه يتهرب مني وبعدين قالي ابي اقولك شئ بس خايف على مشاعرك ومابيك تتعذبين عشاني انا : وش فيك فيصل : برسل لك رساله وابيك تفهمينها بعقلك مو بقلبك انا : اوكي دقايق وجتني رساله (( غاده حبيبتي احنا لازم نفترث اللي نسويه احنا غلط اتخيلي اهلك دروا عنك والله بيهينونك ويضربونك وتطيحين من عين اخوانك وامك . اهتمي بدراستك وصلاتك اهم شئ لان اللي نسويه ماراح ينفعنا لادنيا ولا آخره وانا مااقول هالكلام لاني مابيك بالعكس انتي كل شئ فيك حلو بس مااقدر اكلمك لاني احبك وخايف عليك ومابيك تتعذبين معي ومابيك لما اتركك تمشين في هالطريق وتتعرفين على غيري يمسك عليك صور ويذلك فيها ويلعب عليك لاياحياتي اهتمي بدراستك وصلاتك احبك يااغلى البشر ودعتك الله محبك فيصل الر؟؟؟؟ )) ا انا لما شفت الرساله انقلبت مدري وش جاني يتركني ؟؟؟ والله لاموت بس في نفس الوقت كبر في عيني رديت عليه برساله (( اللي بينا حب تفهم وش يعني حب يعني مو بهالبساطه تقول خلينا نفترق يالعربجي انا احبك طيب اذا تبينا نفترق حاظر حبيبي وبحترم قرارك بس خلنا لين العيد واذا رجعت بيت ابوي خلاص ماراح اكلمك اوكي )) هو قالي خلاص لين العيد بس ولما جاء العيد ارسلي صورته وهو كاشخ بالشماغ والثوب الجديد وطالع قمر كان ملك جمال يجنن ماشاء الله عليه سبحان من خلقه يوم العيد 5/10/1429 كان يوم ميلاده يدخل العشرين في هذا اليوم ادق عليه مايرد شوي قفل جواله يوم كامل ارسلت له رساله (( يأنبك ضميرك لما تكون المكالمات على حسابي بس مايأنبك ضميرك لما تطنشني كذا طيب بكيفك )) شوي فتح جواله ورد علي غاده انتي قلتي لين العيد وهذا العيد جاء وخلص وانتهى اللي بينا انا خلاص انصدمت كيف قدر قلبه يقول كذا سكت وسكرت منه ودموعي على خذي مسحت دموعي وارسلت له رساله (( مشكور على الحلم القصير اللي خليتني اعيشه معاك مشكور على كل شئ ومبروك على دخولك العشرين ان شاء الله العمر كله الله يحفظك ويخليك لاهلك وظروفك اللي تقول عنها ماهي عذر انك تخليني لانك لما حبيتني هي نفس الظروف وماتغير شئ بس خلاص مدام هذي رغبتك ودعتك الله )) وكم القهر كتبت له رساله ثانيه (( انا ماهمني وش بتسوي بشريحتك تكسرها تجيب غيرها ان شاء الله تحرقها احسن اهم شئ نفسي جعل الضحكه ماتفارقني واتحسب اني اقول هالكلام لاني منقهره لا ماني منقهره واصلا انت ماتستاهل ولادمعه من عيوني واصلا هذا حظي من زمان مااعرف غير العذاب جعلي اموت وارتاح من هالدنيا مع السلامه )) افترقنا يمكن خمس ايام وجاء يوم الاربعاء بنروح لابوي لان الدراسه السبت انا كنت نايمه العصر واشوف عبدالله اخوي معصب يرد ومحد يتكلم وبعدين قمت قلت له ورني الرقم اشوف وشفت الرقم لينه رقم فيصل ابتسمت وقلت في نفسي : وش يبي مو يقول خلينا نفترق ورجعت الجوال لاخوي عبدالله : مين انا : وش دراني جوالك ولا جوالي لما جاء الليل وراحوا اهلي السوق والبيت صار فاضي بس فيه انا وعبدالله انا : عبود عطني جوالك بكلم ساره بنت عمتي عبود : طيب وكلمتها وقلت لها السالفه كلها قالت لي : دقي عليه شوفي وش يبي انا : وشلون احنا انفصلنا خلاص ليه ادق عليه ساره : ياغبيه فرصه يمكن يبيك ترجعين له دقي دام اهلك مو موجودين انا : طيب يلاا باي وسكرت سكرت من ساره وارسلت رساله لفيصل (( وش تبي داق علي مو انتهينا خلاص وش تبي باقي شئ نسيت تقوله ؟ )) جلست شوي ولا رد خفت اهلي يجون وهو مارد لاني اعرفه بالرسايل يكتب لي قصه حياته يعني دايم الرسايل بينا تجي طويله قلت خلني ادق عليه بس احسن ودقيت رد علي بسرعه انا : الو هو: هلا والله بعمري هلا بحياتي هلاقلبي ياعمري على صوتك خقق وربي خقيت احبك وربي انا : وش تبي داق علي مو قلتلي خلاص انتهينا ولازم نفترق هو : وش اسوي اشتقت لك يالشينه وحياتي ملل من دونك مادريت ان حياتي ماتسوى شئ من دونك انا:طيب يلا بسكر مااقدر اكلمك الحين هو : ليه عشان الرصيد بتسكرين طيب سكري وانا بدق عليك انا: لا مو عشان كذا بس اهلي الحين بيجون هو: طيب سكري وبدق عليك بسرعه انا :طيب سكرت وجو اهلي من السوق على بال مايدق دخلوا البيت ولا قدرت ارد عليه قام يدق وانا اعطيه بزي ويرجع يدق مايفهم وشوي دخلت علي زوجه ابوي وش رايك بمريول اماني ؟؟ انا : حلو ههههه مدري وش جاني شعور غريب كل الاحاسيس فيني خايفه ومرتبكه وفرحانه وكل شئ وفيصل الغبي يدق والجوال مو صامت زوجه ابوي : وين عبدالله جواله يدق انا: لحظه شوي ورحت الغرفه كتبت له رساله على السريع (( لاتدق اهلي جو خلاص )) وطلعت بسرعه رحت عند زوجه ابوي جلست شوي الا سمعت صوت رساله وخفت عبدالله يجي ويشوفها ابي اقوم مره ثانيه اشوف الرساله وامسحها قلت لزوجه ابوي : شفتي جزمتي حقت العيد هي : لا انا: هي اللي بلبسها على المدرسه بروح اجيبها تشوفينها ورحت جبيتها لقيت رساله من فيصل (( مالت مانتهيت من كلامي لسى طيب اذا صحيت لك مكالمه كلميني احبك مووت // فصولي )) مسحتها بسرعه شوي الا جا عبدالله : وين جوالي بسرعه بروح الحمدلله يوم خلصنا جاء خذا جواله خخخخ ورحت وانا مرتاحه لزوجه ابوي وريتها الجزمه ( الله يكرمكم ) قالت : اي حلوه وانا ماني معها خلاص بطير من الفرحه يوم جاء الليل مانمت بس افكر فيه حسيت اني اعشقه بجنون كان انسان فيه ذوق واخلاق وجمال لايوصف كل شئ فيه حلووووو بس كان يقهر بعض الاحيان المهم صرت اكلمه كل يوم في الليل من جوال عبود اخوي واكيد اني انا اللي اشحن ولا عبود وفيصل مطفرين |
ورحت وانا مرتاحه لزوجه ابوي وريتها الجزمه ( الله يكرمكم ) قالت : اي حلوه وانا ماني معها خلاص بطير من الفرحه يوم جاء الليل مانمت بس افكر فيه حسيت اني اعشقه بجنون كان انسان فيه ذوق واخلاق وجمال لايوصف كل شئ فيه حلووووو بس كان يقهر بعض الاحيان المهم صرت اكلمه كل يوم في الليل من جوال عبود اخوي واكيد اني انا اللي اشحن ولا عبود وفيصل مطفرين استمرت علاقتنا اسبوعين وبعد اسبوعين ابوي خذا الجوال من عبدالله لانه مايبيني امسكه مايبيني اكلم احد لاسارونه ولا امي مدري ليه يبي يحرمني من كل شئ .. لما ابوي خذا الجوال صار ماعندي شئ ولا ااقدر اوصل لفيصل وهو مايدري ان الجوال خذاه ابوي ولا رحنا عند سارونه عشان اقوله وتلفون البيت مقطوع مااقدر ادق عليها واقولها تعلم فيصل يعني مقفله معي من كل الجهات جلست اسبوعين ماكلمته وهذي اول مره اجلس اسبوعين مااكلمه حتى يوم افترقنا خمس ايام ورجعنا المهم دق فيصل على سارونه واستهبل عليها شوي وهي ماعرفتنه بعدين قالها : انا فيصل ساروونه : هلا فيصل شخبارك فيصل : تمام انتي كيفك سارونه : الحمدلله فيصل : امم وشفيها غاده جوال اخوها مقفل وماكلمتني من اسبوعين مدري وش فيها بس قوليلها اشتقت لها حيل سارونه : ان شاء الله يسير خير فيصل : شكرا يلاا باي وقفلوا سارونهدقت على بيتنا بس لقته مفصول وحتى هي ماقدرت توصل لي الكلام . آخر شئ رسلت لي رساله مع ابوي (( بسم الله الرحمن الرحيم ... السلام عليكم .. كيف الحال .. غاده عندي لك خبر بتموتين من الفرح انا دقيت علي بيتكم بس تلفونكم مقطوع اذا جيتي عندنا بقولك ولا اقول حرام خليني اقولك وبعدين اذا جيتي عندنا اقولك السالفه بالتفصيل شفتي فوزيه ؟؟ (قصدها فيصل) دقت علي وقالت انك ماكلمتيها اسبوعين حرام ليه تعذبينها والله انها تحبك مسكينه كلميها وبي اذا شفتك قلت لك عشان تتحمسين السالفه تحمس مع السلامه سارونه )) انا قريت الرساله كنت بنجن حسبت انه مايفكر فيني او نساني طلع يدور علي لو من تحت الارض وبعد اسبوعين رحنا لعمتي وشفت سارونه وكلمت فيصل فيصل : عاش من سمع هالصوت يالقاطعه انا : ............. وهذا اللي صار فيصل : والله كنت بدق على امك اقولها وين غاده ابيها كنت بتهور انا : هههههههه اشوا انك مادقيت يامجنون تبي امي تصفقني فيصل : احبك احبك احبك احبك احبك (وبصوت عالي ) امووووووووووووووووووووووووت فيك اموووووووووووووووووووووواح وسولفت معه وطنشت سارونه هههههههه في المدرسه طبعا انا الحين ثاني ثانوي وعمري 18 سنه ودخلوني ادبي وانا راضيه اصلا ابي ادبي وامل صديقتي بعد معي بنفس الفصل وجنبي مثل ماكنا في اولى ثانوي وكلنا اخترنا ادبي وشذى صديقتي اللي كانت معي في ثالث متوسط وراحت نجران تدرس هناك عشان عمل ابوها والحين رجعت لنا وتعرفت على صديقات جدد احلام يالبى قلبها وايمان اعرفها من المتوسط بس بينا سلام والحين صارت صديقتي وتعرفت على مرام (اختي ههههههه ) الدبه لبى عمرها احبها موت احلى صديقه صراحه صح امل غاليه علي بس كانت سواليفي كلها مع مرام تعجبني مرومه بس تقهر لانها تحطم ماعندها اسلوب الا التحطيم اكبر شركه تحطيم المهم احلى سنه مرت مع احلى صديقات ( امل ومرام وشذى واحلام وايمان ,,, كلنا في فصل 2/2 عاد هذي السنه اللي انا اعيشها وقربت تنتهي لان الحين احنا بفتره اختبارات باقي اسبوعين وتجي اجازه جديده ياسلاااااام وفيصل لسى معي يعني بيصير لنا سنه مع بعض هذا اللي بيقول لازم نفترق هههههه المهم كنت جالسه طفشانه امل : تعالي غاده نطلع برا نتمشى ( وانا معروف عني زوله كسلانه مااحب اقوم لزقه في الكرسي مااتحرك منه الا وقت الفسحه ) والدبه مرام نفس حالتي ماتحب تتمشى وطلعوا كل بنات الفصل مابقى الا انا ومرام المهم كنت مااعرفها مره وكتبت على طاولتي فيصل شوي الا قالت مرام : منهو فيصل انا خفت كيف قرتها وانا كتبتها بطريقه غير واضحه عشان ماتعرف تقراه وبعدين انا علمتها منهو فصفص المهم قامت تسولف عن نفسها وانا اسولف عن نفسي وطلعت مثل حالتي بختلاف بسيط مرام امها وابوها منفصلين مثلي تتعذب مثلي من زوجه ابوها هي عندها اخت وحده من امها وابوها واسمها نجود ( انا ^_^) اصغر منها بسنه وعندها 7 اخوان من ابوها والثامن جاء وسموه سامي انا : كم عمرك مرام : 16 قلت يووه صغيره اللي تشوفها يقول اكبر وحده فينا ههههههه طلعت انا اكبر منها عمري 18 شوي الا طلع في اكبر مني احلام 20 ايمان 20 امل 17 شذى17 وتهاني 22 عاد هذي العجوز والله صدق كأنها عجوز ولا ترفع الضغط بعد انا مااكرها لاني تعودت مااكره احد بس مااحب اجلس معها ومرت الايام وتمستوانا وين في الدراسه كانت مرام اشطر وحده فينا بعدها احلام والباقي نفس المستوى شاطرين في مواد وضعيفين في مواد انا صرت اكلم فيصل كل ماشفت اسومي يعني كل اسبوعين او ثلاث مره تعذبنا مانقدر على كذا ومره جتنا سارونه وكلمته وكان عندي ثلاث ريال في الشريحه كان عندي شريحه بس ماعندي جوال ركبت شريحتي بجوال سارونه اول مادقيت عليه رد استغربت هو مايرد الا بعد معاناه انا : الو هو : هلا هلابعمري هلابروحي هلا بقلبي هلابمخفقه جروحي وينك ماتكلميني يالشينه وربي اشتقت لك موت ا انا بس قلت الو كلاني بسم الله علي بعدين قال مايصلح كذا جيبي لك جوال لو رهيب 2000 وكلميني ترا بموت كذا وحط الفكره براسي وكلمته شوي وغازلني خخخخخ شوي وعطاني من حنانه وحسسني بحبه وفصل الرصيد وطلعت من الحمام وانا متشققه وفصل الرصيد وطلعت من الحمام وانا متشققه ويوم جاء السبت قلت للبنات اني ابي اجيب جوال قلت لمرام وشذى ابي اخذ رايهم ووافقوا قررت اني اطلع جوال بالسر لما نروح لامي ومر الترم الاول وفي اجازه الاسبوع رحنا لامي خميس وجمعه بس وماامداني اجيب جوال لان ماطلعنا من البيت فقلت لامي : يمه عطيني 100 ريال امي : ماعندي لسى مااستلمت فلوس الضمان الاجتماعي انا : مالي دخل ابي 100 قبل مانروح لابوي امي : ماعندي الا 50 تبينها انا : اكيد ابيها ولما جينا بنرجع لابوي عطتني جدتي 50 وصار عندي 100 ريال وانا معي من اول 70 مجمعتها من الفسحه كل يوم مااتفسح عشان اجمعها صارت عندي 170 ريال يعني تجيب جوالي هريان عشان فصفص وعبير اخت زوجه ابوي السوريه كانوا ساكنين عندنا تحتنا وجت عمتي اخت ابوي من الشرقيه وقالت انها تبي البيت وطلعت عبير من تحت وجت عندنا وخذت اغراضها كلها وحطتها بالحوش وسكناهم بالسطح وكانت ذيك الايام مطر وبرد ولاتحملوا الجو فصاروا ينامون معي بالغرفه انا على السرير وعبير وجيشها بالارض صارت غرفتي كلها فرش عندها اربع عيال فراس 10 سنين رنيم 8 سنين روان 3 سنين محمد سنه المهم مره كان البيت كله طالع مافيه الا انا وعبدالله وعبير وجيشها انا : عبدالله وحده من صديقاتي قالت لي جيبي لي جوال رح اشتر لها عزوز: لا بعدين تورطيني وجلست احاول فيه لييييييييييين مارضى عاد هو غبي اقدر العب عليه بسهوله وراح جاب لي جوال الكشاف بـ 120 ريال وبقت 50 ريال عطيت عبدالله 10 وبقت 40 قلت له يشتري 2 بيبسي وبرنقلز وبقت 30 شريت بطاقه شحن موبايلي اول ماجاب لي الجوال خذيت الجوال والشاحن وقلت له ارمي الكرتون برا البيت عبدالله : ليه هذا الضمان عشان اذا خرب انا : اقولك ارمه برا بعيد عن البيت مانبي ضمان ولا شئ عبدالله : خذيه يمكن هي تبيه بعدين وش فيك خايفه انا : روح الله ياخذك عبدالله : طيب وين بتخبينه انا : مالك دخل ولما جاء بالليل شغلت الشريحه وارسلت كول مي لفيصل ورجع دق انا : تراني طلعت الجوال عشانك فيصل : مبروك ياقلبي انتي عارفه اني مااقدر اصبر عنك وكلمته شوي وقفلت وصار بينا رسايل في النهار مقفلته وفي الليل ينامون عبير وجيشها معي مااقدر اكلمه وجلسنا شهر على هذا الحال بعدين رجعوا غرفتهم اللي بالسطح وانا جلست ارتب غرفتهم شوي طاحت بيدي ورقه صغيره فتحتها مكتوب رقم وفوقه سلطان تذكرت اني تعرفت على واحد اسمه سلطان من الشات وعطاني رقمه كان دمه خفيف وينكت ويضحكني يعني كان فله وانا ماكنت اكلمه الا كل اجازه صيف مره يعني من سنه لسنه وانا طول هالمده احسبه سعودي طلع ارتيري يعني افريقي وانا مايهمني جنسيته ولا لونه ومايهني الجمال اصلا اهم شئ عندي الاخلاق وهو كان اخلاق وفله المهم اكمل لما كان معي الجوال قلت خلني ارسل له رساله كتبت (( سلطان هذا رقمي وانا طلعت جوال تبي تكلمني دق علي عادي هو دايم معي )) شوي جتني رساله (( انا مشغول هذي الفتره وعندي امتحانات بكلمك بعد اسبوع )) وهو كذاب اصلا احنا تونا في نص الدراسه بعدها بيومين صارت تجيني ارقام غريبه كثير يمكن 7 أرقام وكنت ارد عليهم كلهم من الطفش اسولف معهم بس مااعرفهم اثنين منهم قالوا لي اساميهم عبودي والثاني علي وانا كنت عارفه انهم يقربون لبعض لانهم اغبياء يدقون كل الاثنين بنفس الوقت يعني واضحه مثل الشمس بعدين ارسلت لهذا اللي اسمه عبودي ( عبدالاله ) كتبت له احسن واحد فيكم علي وانا اصلا مااعرف علي بس كذا ... اليوم الثاني صار محد يدق الا عبودي شكله قالهم خلوها لي وصار يدق علي وكنت عادي ارد عليه واستهبل والوضع عادي يمكن مر علينا اسبوعين كذا وانا استهبل معه في هذي الفتره صار يرسلي رسايل انه يحبني ويكتب لي (( والله احبك والله احبك صدقيني .................. وكلام كثير زي كذا انا قلت وش يبي هذا شلون يحبني بفتره اسبوع مايمدي خخخخخخخخ بعدين غاب عني اسبوع وبعد اسبوع رجع وارسلي رساله (( انه مشتاق لي واني على باله وان جته ظروف وخلته يسافر قمت انا كتبت له (( احنا مابينا شئ وانا مابي احب ولا ابي اتعذب يكفيني اللي فيني .......... وصرت اطنشه وماأرد على مكالماته لانه نصاب وبعدين ارسلي (( لاتندم على من حبيته وخلاك اندم على من من حبك وخليته )) وانا عادي مايهمني بعده صار يجيني ازعاج غير طبيعي وكلهم اجانب يعني افارقه اللي صومالي واللي ارتيري واللي سوداني واللي مدري من وين وصارت تجيني رسايل من رقم غريب اول مره اشوفه في الصبح وفي الليل يمسي على ويصبح علي وانا دقيت عليه يوم مسخها انا : من متى المعرفه عشان ترسل لي رسايل قال : ممكن نتعرف وجلس يسولف انا : انت شكلك واحد منهم صح قال : واحد من مين انا : واحد من شله المزعجين يعني اكيد تعرفهم وانت بعد منت سعودي قال : لا والله اني مااعرفهم وانا سعودي واسمي وليد الغـ ؟؟؟؟؟؟؟ قال : ازعجوك شله المزعجين على قولتك انا : اي والله ازعجوني مره قال : خلاص انا بكلمك بعدين اوكي الحين بروح اجيب عشا لاهلي لاني ولدهم الوحيد وكلهم بنات .......... وياكثرر كذبه وسكر وبعد يومين دق انا : مين انت قال : انا اللي دقيت علي اول انا : طيب وش تبي اي خدمه قال : تدرين اني انا قدمت لك خدمه المفروض تشكريني عليها انا : طيب وش الخدمه قال : رحت للاتصالات عندي واحد يقررب لي هناك وعطيته رقمك وقلت ان هذا الرقم يجيه ازعاج كثير ..... والحين تجيك ارقام غريبه انا : لا والله صدق انا استغربت يومين مرت علي ماجتني ارقام غريبه بس كذاب ماراح ولا شئ هو يعرفهم وفي المدرسه قلت للبنات اللي صار واسولف لهم عن فيصل كثير واشتكي منه اكثر لانه مايرد علي ومدري وش فيه علي امل : ترا فيصل يلعب عليك ياغاده واتركيه وانا قلت خلاص بتركه وارسلت له رساله ومن جد كان قاهرني لانه مره مقصر معي ودايم طفران ولاعنده رصيد وبس يرسلي كول مي انا خلاص تعبت كتبت له (( دام تبينا نفترق وش باقي اقول مااقدر اجبرك فيني واذا افترقنا لااجيك ولا تجيني لاتقول تحبني لاتقول تموت فيني وتجرحني بعدين تقول حسي فيني )) بعدين دق علي وانا مارديت ارسلي رساله (( غاده انا احبك ليه بتخليني وش يعني مليتي بس والله هي الظروف وبتعدي لاتخلين العذال يفرقون بينا )) وانا جلست ابكي شوي جتني رساله ثانيه (( انا احبك وابي راختك وكل شئ بيدك وانا كلي بين يديك وانتي اخترتي الفراق ولا ؟؟ ) وانا ماقدرت ارد عليه ودق وكلمته قالي : والله احبك ليه بتخليني مااقدر اعيش من دونك انا : طيب خلاص قالي : والله تعرفين الجامعه واختبارات والله ياحياتي لاعوضك عن كل شئ بس اصبري .. هذا مو كلامك وانا اعرفك مين اللي لعب عليك والله اني احبك وربي وربي صدقيني انا : محد لعب علي هذا كلامي قال : خلاص انتي قرري وانا راضي باللي تقولينه انا : برد عليك بكره لان كن عنده اختبار ولا ابي اشغله قال : خلاص يوم جاء اليوم الثاني اخترت انا اخترت الفراق مع اني مااقدر على فراقه كنت اموت عليه بس هو اللي حدني على هالاختيار وتركنا بعض وهو مارد علي قلت له خلاص ابي الفراق ولا جاني منه اي شئ وقلت لامل في المدرسه اني خليته قالت : ايه خليك كذا احسن وش تبين به انا : اي والله احسن بس قلبي من جوا يعورني احبه ومااقدر اعيش من دونه بس خليه يعرف قيمتي نرجع لوليد وشلته المزعجين وليد : بعلمك على خددمه تريحك وعلمني خدمه تحويل المكالمات يعني تجيني رساله ان هالشخص دق عليك ... واللي يتصل علي يجي عنده مقفل وخليت هالخدمه اسبوعين وراح الازعاج وارتحت والله وصرت مااكلم الا وليد بس مو دايم يعني كل يومين كل اسبوع يعني عادي انا ماادق عليه ابد بس هو اذا يبيني يدق علي كيفه واستمر الكذب كل سواليفه كذب يقول انه ساكن بالعليا ( وهو ساكن بأم الحمام ) ويقول انه سعودي قبيلي وهو ارتيري ويقول انه في ثالث ثانوي وهو مخلص دراسه يعني كل كلامه كذب في كذب وطبعا انا عارفه انه كذاب والحمدلله اني ماصدقته بعدين غاب عني اسبوع مقفل جواله |
نفس الاول عبودي صار يجيني رقم ثاني وانا كنت اظن ان المتصل هي عزه كنت مزاعله عزه صديقتي في ذاك الوقت وهي خلاص ماتدرس لانها بتتزوج ولد عمها وهو مايبيها تكمل دراستها وانا انزعجت منها تقولي لاتكلمين وش تبين بالشباب ترا بعلم امك ولا ابوك حسيت انها ملقوفه هي مالها دخل فيني انا حره اسوي اللي ابي قلت لازم انهي علاقتي معها لانها ترفع الضغط المهم اني كذبت عليها وقلت لها الجوال بعته والشريحه مع عبدالله اخوي وهي ماصدقت دايم تدق مزعجه الله يعين زوجها عليها سجلتها بجوالي ( كائن مزعج ) ومن جد ازعجتني كل ماافتح الجوال أقل شئ القى لها 7 مكالمات وبدأت المقاطعه واكمل لما جاني هذا الرقم الغريب رديت وطلع لي صوت بنت وانا على طول سكرت في وجهها ودقت مره ثانيه ومارديت خفت تكون عزه ومرت ثلاث أيام دقت وقلت خلني ارد وأكبر صوتي عشان تحسبني ولد ولا عاد تزعجني رديت وكبرت صوتي : الو قالت بصوت دلع : الو انا : نعم وش تبين لاعاد تدقين على هذا الرقم ( وحسيت انها خافت ) قالت : طيب آسفه انا غلطانه وسكرت منها وكانت تدق من فتره لفتره بس ماأرد عليها ومره جات عندنا سارونه بنت عمتي وكلهم راحوا عزا وحده من قرايب ابوي كبيره في السن وتوفت ومابقى في البيت الا انا وسارونه ودق الجوال وليد يتصل بك ورديت عليه وكلمته : وينك يالقاطع من زمان مااتصلت وليد : لاوالله الدنيا تعرفين ومدري ايه وكلام وعادي بعدين قال : بروح العب كوره عندي مباراه اذا خلصت بكلمك انا : اوكي سكر وليد وشوي دق رقم البنت قلت لسارونه ارد عليها ولا لا سارونه : ردي انا : اخاف انها تكون عزه قالت : طيب ردي ماعليك منها انا : طيب اسمعي هذا صوت بنت ولا ولد رديت عليها سارونه : هذا صوت ولد قلت : اوما عااد ولد انا : نعم وش تبين قالت : ابي اكلمك انا : عندك ازعاج مااسمعك زين انتي وين جالسه فيه قالت : الشارع انا : بنت وجالسه بالشارع قالت : انا ولد ومن قال اني بنت انا : ولد ؟؟ طيب ليه صوتك كذا ؟؟ تصدق ان صوتي اكبر من صوتك قال بنعومه زايده : لاوالله صوتي حلو .. كم عمرك انا : انتي كم عمرك قال بعصبيه : انا ولد انا : اسفه غلطت بس صوتك كأنك بنت يعني خكري قال : بنت لاتغلطين انا: اصلا انا مارديت عليك الا عشاني طفشانه قال : ان شاء الله دوم طفشانه عشان تردين علي انا : ههههههههههههههه الحمدلله والشكر قال: يلاا انا بقفل بروح العب كوره عندي مباراه بكلمك بعدين انا : وش فيكم كلكم عندكم مباريات حتى انا وبنت عمتي بنروح نلعب كوره بعدها سكر وانا من الغباء مانتبهت انهم كلهم قالوا بنلعب كوره عندنا مباراه يعني اكيد انهم يعرفون بعض وقعدت يومين كذا وارسلت رساله لفيصل لازم احارشه ابيه يدق وهو مايعبرني يعني مره ارسله رساله فاضيه ومره رساله شعريه وهو مطنشني يعني زعلان مني بس ماخليته الا لين رد علي ورجعنا لبعض مره ثانيه دق علي بالليل وهو يبكي وقالي : انا احبك ياغاده وانا اسف اذا عذبتك معي وسامحيني وسكر في وجهي لانه كان مره يبكي من قلب مايقدر يتكلم وانا زعلت عليه واعتذرت منه اني اسفه واني اموت فيه ومو قصدي اجرحه واللي يبيه انا حاضره فيه خلاص اهم شئ راحتك ورجعنا لبعض ولاعاد صاروا يدقون شله الازعاج وصار يجيني رقم غريب 059 وكلهم كانوا موبايلي بعد مثلي يدق قليل كل فتره بعدين ارسل لي رساله (( عطيني ايميلك )) رديت (( طيب من انت عشان اعطيك ايميلي قلي من انت وبعطيك عادي )) ولا رد بعد يومين ارسل رساله (( انا احب اسولف على الايميل ومااحب اسولف على الجوال )) انا قلت شكله مايفهم هذا ودقيت عليه عشان اشوف من هو قلت : الو مين قال : الو قلت : خلاص عرفتك باي قال : ههههههههههههه وسكر نفس صوت البنت هذيك يعني هو بس الرقم متغير وارسلت له ايميلي قال : متى بتدخلين انا : اذا رحت عند امي في الاجازه قال : طيب خلاص انتظرك انا : طيب وانت عطني ايميلك عطاني ايميله مكتوب عادل انا : اسمك عادل قال : ايه . وانتي ؟ انا : مكتوب في ايميلي ماعرفت تقراه قال : قولي طيب قلت : مكتوب في ايميلي غاده وكل هذا كان رسايل بينا يعني ماكلمته واتفقنا خلاص اذا رحت الايميل اسولف معه وفيصل رجع على نفس حركاته القديمه يقهرني لما ادق مايرد ومقصر معي كثير وتعبت منه يحبني ويموت فيني وانا احبه واموت فيه بس مدري وش فيه المهم مره مزيونه دقت علي وعطتني رقم واحد اسمه احمد قالت : ابيك تختبرينه انا : طيب ودقيت عليه رنه وسكرت وارسلت كول مي شوي دق علي وكلمته ولا عطاني وجه يعني يقول كلام مثقفين قال : اذا بتقولين من وين جبتي الرقم دقي وقولي واذا ماراح تقولين خلاص وانا مارديت عليه وقفلت في اليوم الثاني انا مطفره ماعندي لا رصيد ولا كول مي ارسل لي رساله (( هاه بتقولين من وين جبتي الرقم )) ومارديت لان ماعندي رصيد ارسل لي رساله ثانيه (( وش فيك ماتردين زعلانه مني ؟ )) ومارديت لما جت الساعه 1 بالليل دق وقلت له اني مارديت عليه عشان ماعندي رصيد قال : خلاص انا بشحن لك اانا : ................. قال : اذا البقالات مقفله بروح اجيب لك من بنده انا : لاخلاص خلها بكره قال : لا اليوم وطلع في الليل الساعه 1 ونص وجاب لي بطاقه قال : آسف على القصور ومدري ايه ويلاا اشحني وشحنت الجوال وهو يكلمني قال : هاه كم جاك لما شفت الرصيد انصدمت انا : جاني 275 قال : انا جبت لك كرت بـ 200 وفيه عروض من موبايلي وصارت 275 هاه وش رايك انا : مجنون قال : شكرا انا : لا والله بس في احد يسوي كذا انت ماتعرفني عشان تشحن لي قال : ارتحت لك واحسك طيوبه تستاهلين انا سكت طول المكالمه وانا مستحيه وكلمني من الساعه 1 بالليل الى الساعه 5 الفجر ورحت ذاك اليوم المدرسه وانا مواصله تعرفنا على بعض وكان طيب مره ويقول اي شئ تبينه انا حاضر ومزيونه ماكانت تدري بعدين قلت له من عطاني الرقم قالي : طيب انا بقولك السالفه ( هو كان يشتغل بالعثيم وشاف رقم طايح ودق عليه وطلعت هي مزيونه قباله قالها سكري عبايتك كل الناس شافوك قالت : عادي قالها : الله يهديك وسكر وبعد يومين رجعت تدق عليه وقالت له انها اسفه وصار يكلمها اسبوع كذا يعني عادي مابينهم شئ ومرت الايام وانا مدري من اكلم ومن احب فيصل احمد او او او او كثيرين وكل واحد فيه صفه حلوه محد كامل خلص من رصيدي 100 وبقى 100 قلت خلني اتصل على عادل هذاك ودقيت وكلمني وقعدنا نسولف انا : ممكن سؤال عادل : اكيد انا : من وين جبت رقمي عادل : من واحد من الشباب انا : طيب منهو هذا الواحد عادل : شوفي انا مااحب اكذب .. خذته من واحد اسمه وليد انا : وليد الغـ ؟؟؟ عادل : هو قالك انه غـ ؟؟؟؟ انا : ايه عادل : كذاب تراه ارتيري .................. الخ ( وقالي كل شئ عنه ) انا : طيب انت من وين عادل : انا من الخليج انا : طيب الخليج كبيره عريضه انت من وين عادل : يمني انا : اها الحمدلله انك صريح ( وعجبني اسلوبه وكلامه وانا عجبته وخلصت عليه 100 كلها ) وتعرفت عليه وحبيته بجد وصرت محتاره احب عادل او فيصل او احمد وكل يوم يزيدون واخر شئ اخترت عادل وحبيته وصرت اكلمه وفيصل عادي يعني هو من كثر مايكلمني مايكلمني الا كل اسبوع |
عادل : يمني انا : اها الحمدلله انك صريح ( وعجبني اسلوبه وكلامه وانا عجبته وخلصت عليه 100 كلها ) وتعرفت عليه وحبيته بجد وصرت محتاره احب عادل او فيصل او احمد وكل يوم يزيدون واخر شئ اخترت عادل وحبيته وصرت اكلمه وفيصل عادي يعني هو من كثر مايكلمني مايكلمني الا كل اسبوع طلعوا اهلي من البيت قلت خلني ادق على احمد انا : الو السلام احمد هلا والله وعليكم السلام انا: كيفك احمد: الحمدلله تمام دامني اسمع هالصوت انا : ههههههههه عساه دوم احمد: يدوم غاليك وانتي وش اخبارك بشريني عنك انا : والله تمام ماشي الحال .. امممممممم ممكن طلب احمد: حاضر تامريني امر انا : فاضي ؟ احمد : حتى لو مو فاضي افضى عشان عيونك .. وش تبين بس تدللي انا: ابي جوال كاميرا احمد : اي نوع انا: ابي n95 احمد: طيب انا : ابي الجديد المطور الصغير احمد: طيب خليني اشوف المدير واستأذن منه واذا وافق كلمتك انا:طيب مرت نص ساعه رجع دق علي انا : هلا احمد : هلابك .. ابشرك المدير وافق يطلعني انا:طيب يلااا اشتري لي الجوال احمد : طيب وين بيتكم فيه المهم شرالي الجوال وجابه لي البيت وانا خايفه اهلي يجون قبله بس الحمدلله جاء قبلهم وعطاني الجوال او بالاحرى حطه عند الباب وراح وانا خذته ودخلت شوي دق علي احمد : هاه وش رايك انا: مشكور احمد: العفو يلااا كلميني مكالمه فيديو ( انا مستحيه اول مره احد يقولي كذا ولا بصيغه امر بعد ) انا : خايفه احمد: يلااا بسرعه كلميني فيديو وقفل شوي رجع دق مكالمه فيديو ! ورديت بس حطيت اصبعي على الكاميرا يعني اشوفه وهو مايشوفني المهم هو عصب وقال : خلاص ماابي منك شئ ولاعاد تدقين على احمد تراه مات انتي اصلا ماتكلميني الا اذا كنتي تبين مني شئ واقولك حاظر واذا انا طلبت منك شئ تقولين لا خلاص انتها اللي بينا انا : خلاص براحتك بكيفه انتهى انتهى اهم شئ جاب لي جوال كاميرا ولا بعد اقوله n95 يجيب لي الوليد المهم دقيت على عادل انا: الو السلام عادل : هلا وعليكم السلام انا : عدولي عندي جوال كاميرا عادل : يلاا ارسلي لي صورتك انا: لسى ماتصورت عادل : الحين تصوري وارسلي لي انا :طيب يوم جاء بالليل صورت وارسلت له الصوره يمكن ثلاث او اربع صور وفي المدرسه قلت للبنات ان احمد جاب لي جوال كاميرا .................... الخ قالت مرام : غاده تعرفت على واحد انا: صدق مبروك وش اسمه مرام : اسمه عبدالرحمن انا : وشلون تعرفتي عليه مرام : شفتي نواف خوي نجود انا : ايه مرام : وشفتي محمد خوي خالتي ندى انا : ايه مرام : نواف ومحمد عيال عم .. وعبدالرحمن ولد خاله محمد يعني ام محمد وام عبدالرحمن يسيرون خوات انا : ماشاء الله اجل مشبكين العائله الكريمه كلها مرام : ههههههههههه ايه انا : ايه ايه اول تقولين اني مراهقه والحين انتي صرتي مثلنا المهم البنت صارت تعشقه ماالومها صرااحه اول حب لها بس مسكينه اذا كلمته ينشبون لها اختها نجود وخالتها ندى ويستهبلون عليهم وهو مايحب ذي الحركات في الاختبارات النهائيه نامت نجود وندى ومرام قعدت تذاكر كان عليها اول يوم جغرافيا وفقه كثير المهم دق عبدالرحمن وكلمته مرام عبدالرحمن : غريبه عندك هدوء مرام : ايه نجود وخالتي ندى نايمين عبدالرحمن : اها حلو مرام : ايه وانت وش اخبارك وش سويت الامتحانات على الابواب عبدالرحمن : والله اني اذاكر بس طفشت وقلت خلني اسولف مع حبيبتي شويات مرام : ههههههههه عبدالرحمن : يالبى الضحكه ياناس اممم عندك قلم وورقه مرام: عندي كتاب الجغرافيا قاعده اذاكر عبدالرحمن : الله يعينك ياقلبي طيب افتحي اول صفحه مرام : طيب فتحتها عبدالرحمن : طيب اكتبيي عبدالرحمن + مرام = حب للابد مرام : ههههههههه كتبت عبدالرحمن : طيب ارسمي قلب مرام : رسمت عبدالرحمن : طيب اكتبي ( عبدالرحمن يقول احبك يامرام للابد .. احاول اخفي احساسي ولكن بالعشق مفضوح ) مرام : يابعد عمري كتبت عبدالرحمن : .............. مرام : ................ سوالف وكلام لاينتهي مرت ساعتين وهم على هذا الحال شوي قامت نجود شافت الجوال جنبها وطافي نجود في نفسها : خلني اشغله يمكن احد يدق علي ماامدى الجوال يشتغل الا دق سلطووني يتصل بك نجود : يوووووووه ذا النشبه وش يبي نجود : الو سلطان : هلا قلبي نجود : اهلين سلطان : كيفك نجود : الحمدلله بخير وانت وش اخبارك سلطان : والله تمام واموركم كيفها نجود: والله كل شئ تمام سلطان : هههههههههه نجود : وش فيك تضحك سلطان : لابس تذكرت شكلك وانتي خايفه نجود : اي والله من جد خفت ( نجود .. تذكرت يوم كنا طالعين المول انا واختي مرام وخالتي ندى وبنت جيراننا ليلى المهم كانوا فيه ثلاثه يلاحقونا .. قمنا دخلنا محل الاتصالات انا جلست على الكرسي خالتي ندى وليلى يكلمون الهندي والعيال اللي يلاحقونا دخلوا معنا المحل المهم شرت خالتي جوال ومرينا من جنبهم نبي نطلع انا حسيت باحد لمس يدي وخفت طالعت يدي لقيت ورقه على الشنطه خذيتها لين مكتوب فيها الرقم ابتسمت ودخلت الورقه في الشنطه ) سلطان : بس انا مااخترتك الا انتي وانتم عددكم 4 اخترتك انتي من بينهم نجود :طيب سلطان : نجود ابي اشوفك نجود بصوت حاد : بعدين سلطان : بس انا ابـ نجود تقاطعه : سلطان قلتلك بعدين بليززز لاتزعلني منك سلطان : طيب .. نجوده نجود : هلا سلطان : ولد عمي يبي يتعرف على خالتك نجود : طيب اذا قامت قلت لها هي الحين نايمه سلطان : طيب قوميها نجود : اقومها عشان اقولها في واحد يبي يتعرف عليك وش ذا المزاج سلطان : عادي صحيها نجود : زين دقيقه ( نجود . سحبت البطانيه من وجه خالتي وفتحت عينها انا : ندوو ولد عم سلطان يبي يتعرف عليك طبعا خالتي ماصدقت خبر : هاتي الجوال ندو : هلا سلطان : هلا ندى كيفك ندو : والله الحمدلله ماشي الحال انت كيفك سلطان : بخير جعلك بخير .. اممم ولد عمي عبدالله يبي يتعرف عليك ندو :اهم شئ مايطلع شايب مثل بدر ذاك سلطان : لالا هذا عمره 25 قدي ندو : طيب كويس هاته سلطان : طيب بدر : هلا والله ندو : اهلين بدر : كيفك ندو : تمام بدر : انتي كم عمرك ندو : 18 بدر : ذاكرتي للامتحانات ندو :لا بدر : ليه ندو : مالي نفس بدر: طيب انتي شرعي ولا طبيعي ندو : علمي بدر : اها حلو طيب احنا بنفطر ونكلمكم ندو : طيب وقفلت نجود : تصدقين قالي سلطان ابي اشوفك وقلت لا ندو : ليه ياغبيه نجود : خير انتي نايمه ندو : دقي عليه الحين قولي تعال نجود: طيب دقيت عليه اول مارد قال : هلا عمري بفطر واكلمك نجود : طيب نجود : يقول بفطر واكلمك ندو : ارسلي له رساله نجود : خذي الجوال انتي اكتبي الرساله كتبت ( سلطان ابي اشوفك ) دقيقه ورن الجوال قعدنا نضحك انا وخالتي نجود : هلا سلطان : بيتكم وينه فيه نجود : مدري خذ خالتي توصف لك سلطان : طيب وبعد نص ساعه وصلوا ............................................... الخ نجود وندوو : ههههههههههههههههههههههههههههههههه مرام قامت : خير وش فيكم نجود وندو : خساره مانزلتي معنا شفتيهم واحد قزم ودب والثاني طويل ونحيف كنهم رقم خمس طعش مرام : ههههههههه وش سويتوا نجود : ذا الدلخ باس يدي مرتين ههههههههههه ندو : طيب يانجود مصحيتني من عز نومي ومضيعه ساعه من وقتي عشان ذا الطويل الاهبل لا وبعد ثيابهم فيها كتشب وزيت وخياس ههههههههههههههه نجود ومرام : ههههههههههههههههه ندو : انا بقوم احط لي فطور جوعانه تبون معي نجود : لك نفس تاكلين ماحامت كبدك ندو : ههههههههههههه والله وش اسوي جويعه نجود : حطي لي معك ندو : تيب نجود : ندووو دق سلطان هههههههههههههههههه ندو : ردي ولا اقول هاتي انا ارد اهزئه ندو : الو سلطان : هلا ندو : ههههههههههههه معرفني على واحد طويل ونحيف واصلع وحالته حاله سلطان : بس والله اخلاق ندو : لاشكرا مابيه ضيعتوا ساعه من احلى نومه 7 7 7 سوالف بنات لاتنتهي نرجع لغاده ومرت الايام وانا احب عادل كل يوم اكثر واكثر واحس اني تعلقت فيه وهو قدي انا وياه مولودين في نفس العام 1411هـ في ايام المراجعه النهائيه مرام : غاده تعالي اكتبي هنا عمرك ووزنك وطولك ولونك ومواصفاتك ومواصفات شريك حياتك انا : ليه مرام : اكتبي وتعرفين بعدين انا : طيب مع اني حاسه انها لعبه مرام : هههههههههه طيب اكتبي انا : ان شاء الله وكتبت : غاده الوزن 40 الطول 156 اللون : اسمر فاتح مواصفاتي فتاه لن اقول جميله ولا متوسطه الجمال لكني املك جمال في اخلاقي وروحي الرياضيه ابتسامتي لاتفارقني نهائيا اجيد الطبخ واعمال المنزل مواصفات شريك حياتي ارغب بزوج ينسيني معاناه وذكريات غاده ويدلعني ويخاف عليه من الهواء لااريد اكثر من هكذا مرام : زين حلو انا : وش بتسوين فيها مرام : بعدين بتعرفين بعد اسبوع مرام : عطيني رقم ابوك انا : وش تبين به مرام : اقول اكتبيه وانتي ساكته احسن لك انا : ههههههههههههه طيب وعطيتها رقم ابوي ولين الحين مو راضيه تقولي وش السبب بعد يومين ابوي : ياغاده ترا في رجال جاء يخطبك اسمه ابراهيم وعمره 28 ويشتغل عسكري وراتبه 5000 وش رايك انا : موافقه المهم تركت الخرابيط اللي اسويها اللي مامنها فايده بس وش عقبه يوم ابوي كشفني وانا اكلم فيصل ؟؟ وضربني ووسم العقال على يدي وظهري ووريته مرام ونجود وشذى وامل واصريت على موافقتي من الزواج رغم اني كنت متردده والحمدلله على كل حال اهم شئ ادعوا لي بالذريه الصالحه وان شاء الله تكون اعبتكم قصه حياتي ولا تكون ممله والله يوفقكم ( في النهايه اقولكم يابنات انتبهوا لانفسكم ومهما سويتوا شئ من ورا اهاليكم مصيرهم بيدورن انا جبت جوال بالدس ودرا ابوي وضربني وقعد شهر ماكلمني الا يوم ملكتي وقالي مبروك وضميته وبكيت ) مع السلامه تذكروني ولا تنسوني غاده سالم 1430 هـ |
روايتك حلوة وخفيفة بالتوفيق
|
للاسف ماااااااااااااادري كيف ليلاس سامحه بمثل هالتفاهات
قمة الاسفاف |
يا حبيبتي
مادري كيف احاكيك اخافك تزعلي مني بس بقولك شغلة انتي خلقتي عشان ما تكوني كاتبة لانو اولا ومع كل احترامي انا قريت بس الرد الاول الي كاتبتيه وماقدرت اكمل لانو انا من عشاق معرفة اعضاء الرواية من داخل الرواية مو في الاول او تعرفيهم بس شخصياتهم تخليها بعدين مافي وصف اصلا انتي مو ملتزمة بقواعد كتابة الروايات هي قال وقالت بدون وصف لشخصيات ابدا ما بتعطي قيمة للرواية بالنسبة لي لا تزعلي مني انا بس بدي انبهك يعني عشان تكتبي بقوة المرة الجاية |
| الساعة الآن 05:33 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية