كلمات اغنية في يوم وليلة
كلمات: حسين السيد الحان: محمد عبد الوهاب حفلة مدتها ساعة كاملة بصوت وردة في يوم وليلة وقد قسمت على ملفين نظرا لمساحتها الكبيرة تقول كلماتها: فى يوم و ليلة خدنا حلاوة الحب كله فى يوم و ليلة أنا و حبيبى دوبنا عمر الحب كله فى يوم وليلة عمرى ما شفته و لا قابلته و ياما شغلنى طيفه نسيت الدنيا و جريت عليه سبقنى هو وفتح يده لقينا روحنا على بحرالشوق نزلنا نشرب و دينا فيه و مين يصدق يجرى دا كله و نعيش سوا العمر كله فى يوم وليلة ******************** ياللى كان طيفك على بالى و أنا بأتمناك مش حتصدق إيه كان حالى قبل ما القاك كنت بأحسد كل فرحة أشوفها بين قلبين كنت أغير من أى نسمة حلوة بين حبيبين و لما صحيت على حبك و شفت الدنيا من عندك بأتمنى لو كل العشاق يحبو زى انا ما أحبك يا حبيبي كنت واحشنى من غير ما شوفك و تشوفنى والقدر الحلو أهو جابنى و جابك تقابلنى أتارينا كنا تايهين و لفينا أجمل أيام ليالينا و إحنا فيها لوحدينا و مين يتصور يجرى دا كله و نعيش سوا العمر كله فى يوم وليلة *********************** قالولى أهل الهوى : ياما فيه قلوب مجاريح و حبك أنت و أنا حيشفى كل جريح بيسألونى لو غبت عنى أو رحت منى أعمل إيه أحب تانى ؟ مش ممكن أقدر تعرف يا روحى ما أقدرش ليه هو اللى زيك لو كان فيه زيك فى الدنيا حد يحب عليه ؟ دى كل حاجة إتغيرت قدام عينيه و كل شئ فى الدنيا حلو ، أقول و أى حاجه ألمسها تحلو فى إيديه وده من ساعة حبك ما جه و سلم على يا حبيبي يا حبيبي كنت واحشنى من غير ما أشوفك و تشوفنى و القدر الحلو أهو جابنى و جابك علشان تقابلنى اتارينا كنا تايهين و لقينا أجمب أيام ليالينا و إحنا فيها لوحدينا كلمات: حسين السيد الحان: محمد عبد الوهاب |
لك مني أجمل تحية .
|
الساعة الآن 04:50 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية