|
الدم اللي انطبع فوق خدي ما أنمحى والكسر ماينفعه تجبير للكاتبه دمعة الم وابتسامه
بسم الله الرحمن الرحيم روآية الدم الي انطبع فوق خدي ما انمحا .. والكسر ما ينفعه تجبير دمعة الم وابتسامه كنت احلم اني لابسه فستان مثل سنادريلا الي يقولو عنها صديقاتي .. والبس تاج وردي وبيدي عصا ملياانه فصوص ورديه .. كنت اتخيلني اميره .. امشي بمملكتي الطفوليه الواسعه .. دباديب تضحك هناك.. واحصنه بيضا لها قرن بنص راسها .. كنت اخاف منها شويه وبيت بعييييييد كان في الغابه .. بيت جدرانه شوكولاته وسقفه ايسكريم عليه حلويات كثيره ..مثل الي اشوفه في التلفزيوون على قناة سبيستون عند الجيران كان يسكن هالبيت .. ماما وبابا .. الله يرحمهم .. كانت ماما تلبس فستاان احمر منفوووش مره .. ودايم تعطيني حلويات .. وبابا كان دايم يركبني في العربه الذهبيه ويخليني اشووف مملكتي الكبيره ... كانت مملكتي ... احلامي يمكن ... خيالي الواسع نسجتها بعقل طفله صغيره .. انا .. كان عمري تسع سنين .. تقول جدتي اني صرت حرمه .. على طول يوم جا عيد ميلادي قالت لي عن شي يصير يخلي الوحده تصير حرمه .. وقالت لي ان عندي ماما وبابا .. ما كنت ادري ان عندي ماما وبابا ؟؟ انا كنت احسب ان البنات يشترونهم من البقاله الي في جده .. بقاااله كبيره برا السعوديه لازم نسافر لها ونجلس شهرين نطير عشان نوصل جده .. بس بعدين انا عرفت ان جده في السعوديه وان جدتي تكذب علي عشانها ما تبيني اروح للبقاله الكبيره واشتري لي ماما وبابا .. بس الحين خلاص اصلا انا صار عمري تسعه واعرف ان البابا وماما لازم يصيرون معي من يومني بيبي ولا ما يصير عندي بس المشكله اني ما اتذكرني يومني بيبي ولا كان خليت استاذه نوره تصير ماما وزوجها يصير بابا .. كل هذا وانا احلم وافكر فوق سريري الوردي .. بعدين سمعت صوت يقول طعععع .. انا قمت وانا مرتاعه مره .. وش هالصوت الي يروع .. يمكن الوحش الي تقول جدتي انه ياكل الاطفال اذا ما صارو يسمعون الكلام ؟ تمسكت بشرشفي وغطيت راسي بخووف .. وبديت اصيح وانا انادي جدتي وهي ما تسمع .. بعدين نمت من غير ما احس بنفسي قمت وانا على نفس حالتي وناظرت شباكي بسرعه .. الحمدالله الوحش ما يجي في النهار .. قمت من سريري بسرعه وانا احاول ابتعد عن غرفة جدتي عشان ما تكفشني وتقول روحي غسلي وجهك وفرشي اسنانك نزلت المطبخ بسرعه وبحماااس عشان افتح علبة الكورن فليكس .. ازعجت جدتي لين ما شرته لي .. يقولون صديقاتي ان طعمه زي البسكوت .. رحت للدرج وطلعت الكورن فلكس .. رجعت على ورى بشويش وانا اسكر الدرج .. احححححححح وطيت على شي حاد .. التفت اناظر رجلي بعدين .. شفت .. لقيت دم .. كانت جدتي منسدحه وراسها عليه دم .. ولقيت الصحن الجديد الي شريناه امس .. الصحن الازرق انكسر ؟؟ اكيد جدتي بتعاقب نفسها ؟؟ رحت لها وجلست جنبها وهزيتها بشويش انا : جدتي .. ترا انتي كسرتي الصحن الازرق الجديد .. ترا مالي دخل والله انتي الي كسرتيه بس جدتي ما ردت علي .. كانت مفتحه عيونها بس ليش ما ترد .. انا : طيب احسن انتي زعلانه ؟؟ خلاص انا اسفه يا جدتي منيب ماكله الكورن فلكس الحين .. جدتي ترا راسك فيه دم .. اجيب لك لزقة جروح ؟؟ ما ردت جدتي علي .. ليش ؟؟ كل هذا زعلانه عشاني اخذت الكورن فلكس من غير استأذان .. حاولت اداعبها .. انغزها من خصرها .. بس ليه ما تضحك .. لازم اقبصها اول ما لمست خدها البارد بعدت يدي بسرعه بروعه .. انا : جدتي انتي كنتي داخله الثلاجه ؟؟ امتلت عيوني دموع بخوف .. جدتي مو طبيعيه .. جدتي فيها شي ... ما استوعبت .. وش بيصير لها يعني ؟؟ انا كنت طفله فقيره .. ماما وبابا ماتو في حادث لان بابا كان يسرع .. الله يهديه .. دايم جدتي تقول الله يهديه بس هي غبيه ما تدري انه خلاص مات دايم اقول لجدتي وشو يعني مات ؟؟ تقول يعني نحطه تحت التراب وما نشوفه ابدن كنت اخاف اني اموت لاني ماابي اصير تحت التراب لحالي .. تقول جدتي لو بغيتي يصير معك احد تحت التراب دايم صلي .. كنت اصلي دايم ارتعت وناظرتها بسرعه انا: جدتي يا الدوبه انتي صليتي الفجر ؟؟ احسسسسسسسن بكتب عندك اكس في ورقة اوقات الصلاة طرت على غرفتها .. كنت متلهفه .. هذا اول اكس بكتبه لجدتي عشانها تأخر الصلاة .. اول اكس .. ياااااااي باقي خمس اكسات واتعادل انا وجدتي وتشتري لي فستان جديد فستان وردي مثل حق العنود بنت جيراننا العنود دايم تقول عني فقيره وغبيه .. طيب انا وش دراني ؟؟ تقول العنود ان مفروض يصير عقلي اكبر من كذا بس ما كنت افهم عليها .. قلت لها ايه يا اللعابه عشان عندكم تلفزيون انتي تعرفين اكثر مني مدري بس الظاهر ان السالفه مو سالفة تلفزيون .. يمكن لان جدتي بس دايم يا تصلي ولا تقرا قران هذا الي تسولف لي عنه .. ولا تجلس تقص علي قصص القديمين .. عشان كذا تقول العنود انا غبيه ؟؟ نزلت بسرعه وانا مبسوطه .. ابي اقهر جدتي .. بس المشكله ما رضت تنقهر .. يوم طفشت منها فتحت علبة الكورن فلكس ومديت يدها وانسدحت عليها وجلست اكل بهدوء.. كنت دايم احب انسدح على يد جدتي لما تنبطح على الارض ... الله هذا هو الكورن فلكس .. مافيه لبن او حليب ولا كان صبيته عليه يقولون يطلع طعمه احلا .. بس عادي جلست اكل .. حاولت اذوق جدتي بس هي عيت ..شكلها لين الحين زعلانه .. افلل شي ان اليوم الخميس مافيه مدرسه .. بس حسافه منيب شايفه استاذه نوره .. بس ولو فله يوم الخميس جدتي تخليني اروح بيت الجيران اناظر التلفزيون .. بس الباب مقفول وجدتي لين الحين مو راضيه تعطني المفتاح ولا تسولف معي و مو راضيه تحط لزقة جروح على راسها ومو راضيه تقوم تنظف المطبخ من الدم ؟؟ اصلا انا جلست افكر شلون جا الدم .. كل هذا من راس جدتي ؟؟ يا ويلها وصخت كثير .. جلست اناظر .. دم كثيييييير وهي على الارض وراسها كله دم وبقايا زجاج ازرق عليه .. والدرج الي فوق مفتوح .. ناظرتها شويه وانغرقت عيوني بالدموع .. يمكن جدتي تعبانه ؟؟ انا اتذكر اخذنا في العلوم شي عن الدم .. اكيد كريات الدم البيضا جالسه تسد الجرح في راس جدتي بس تقول استاذه عفاف لازم نحط لزقة جروح طاحت دمعتي .. مسكينه جدتي لازم احط لها لزقة جروح .. رحت واخذت وحده وفتحتها وحطيتها على راسها وانا ابكي قومي بالسلامه يا جدتي .. والله لا اسوي لك الشوربه البيضا الي علمتيني عليها بس قومي .. لا تنامين كثير ونمت جنبها .. تدرون ما كنت ادري انها ماتت ؟؟ ما كنت ادري اني يتيمه ؟؟ ما كنت ادري وش هالعالم ؟؟ كنت دلخه .. كنت ساذجه بكل معنى الكلمه ما كنت اعرف اي شي في هالحياة لان بإختصار انا اعيش بقريه .. بمكان صغير .. ماعرف شي بهالدنيا الا من عيال جيراننا .. ما كنت اعرف وشو الفلوس ؟؟ ولا اعرف وشو العرس ؟؟ ولا اعرف وشو مايكل جكسون الي تسولف عنه العنود كنت بس اعرف اني بالسعوديه .. قريتنا الصغيره اسمها ****** .. اعرف الملك فهد .. شفت صورته في الكتاب حقنا .. واعرف الامير عبدالله .. حبوب مره على قولى الاستاذه .. اعرف اطبخ شويه واعرف اصلي واصوم وارتل قران مفاهيمي كانت محدوده جدن .. نمت على ذراع جدتي الميته وانا اكل كورن فلكس .. وافكر بمملكتي الواسعه .. مملكتي الورديه .. مر وقت ووقت ووقت وانا جوا البيت محبوسه .. مرات اجلس اهز جدتي بعنف وانا اصيح ومرات اروح انطط على السرير لان جدتي تحت ما تقدر تشوفني .. لحد ما بدت تتعفن جثتها .. صرت اجلس بغرفتي واتمسك بفراشي وانا ابكي مره .. اكيد الوحش سوا بجدتي شي .. مر يوم لي وانا ابكي بسريري بخوف .. اشرب من موية البزبوز واكل من التمر الي في الباديه بغرفة جدتي .. صرت اخاف انزل تحت .. ريحه خااااااايسه مره وجدتي لونها صار وع .. وبعدين اخاف الوحش يجيني .. كنت بس لما اقرب لطرف الدرج واناظر الدم الناشف وشعر جدتي منثور من فوق ارجع ابكي واقفل علي بغرفتي وابكي من الخوف .. كنت مجرد طفله .. مجرد ..... طفــــــــــــــله .. بقريه بعيده ... بديت ابكي .. وينها العنود الحماره ليش ما تجي تعلم الشرطي عن الوحش ويمسكونه وترجع جدتي زينه وريحتها حلوه زي اول فتحت الدريشه بعد محاولات كثيره .. كانت ثقيله اوانا .. مجـرد طفله ضغيفه قدامها فتحتها ودموعي على خدي كثييره .. طلعت وجهي وبديت اصرخ العنـــــــــــــــــود ... ماما نــــــــــوره .. يا شرطــــــــــــــــــي فيه وحش في بيتنا .. وانا ابكي وابكي .. ليه محد يسمعني اخيرا وقف اخو العنود .. حمد .. ناظرني ثمن صرخ بأعلي صوته : شجــــــــــــــون وش فيــــــك ؟؟ حطيت يدي حول فمي عشان يوضح صوتي: حـــــــــمد الوحش اكل جدتي هز حمد راسه .. كان بثاني متوسطه .. نحيس مره .. ودايم يقول عني يا الغبيه .. مدري ليش يكرهني مدري ..يمكن لان عقلي صغير قلت له : حمد الله يخليك ناد الشرطي ناده .. وبديت ابكي بكى مو طبيعي واهز الشباك بعنف .. جدتــــــــــــــــي مريــــــــــــضه .. الله يخليكم لا تتركون الوحش ياكلها .. بعدين يمكن تحطونها تحت التراب بديت ابكي بهستيريا لحد ما تجمعت الناس .. فتحو الباب .. دخلت الشرطه .. دخلت الاسعاف بعد فوات الاوان .. كل هذا وانا بحظن ام حمد .. كانت حاظنتني بقوه بقوووووووه مره وهي تبكي .. وتقول لي خلاص حبيبتي ما صار شي خلاص طيب هو صار شي اصلا ؟؟ وش صار ؟؟ ليش الشرطه يصورون جدتي ؟؟ رحت بسرعه ومسك ذراع الشرطي :وخر عن جدتي هي ما تحب احد يصورها .... وبديت اصرخ ... وخخخخخخخخخخخخخخر بعدوني عنه بقوه وانا ابكي واقول حرام عليكم وين بتاخذونها هي ما تحب المستشفى .. وما تحب احد يلمسها وهي ما لبست حجابها .. وما تحب احد يصوروها .. وش هالنحااسه .. ليييييييييييش تسوون كذا فيها مسكينه جدتي ... مسكينه جدتي .. مسكينه .. ومرت ايام .. رحت لدار الايتام .. اسبوع .. شفت اطفال كثيرين .. مكان حلوو .. انا دخلت الرياض وانا نايمه ..بس يوم طلعت من الدار .. كنت مفتحه عيوني عالاخر اناظر البيوت الحلوه .. وايدي تحتضن ايد سعاد .. ماما سعاد .. الي اختارتني من بين كل الاطفال في اسبوع واحد بس ابتسمت بإنتصار ... كنت عارفه انه فيه بقاله ثانيه غير البقاله الي في جده تبيع بابا وماما .. بس حقت الرياض احلا .. ركبت السياره ووجههي لاصق مررررره بالقزازه .. اناظر بدهشه .. اسئله كثيره .. وش هذا ؟؟ وليش هذا كذا ؟؟ ومتى صار في الدنيا زي كذا ؟؟ لكن الي خلاني اصيح من الخوف .. الفيصليه .. لما شفتها افتكرتها وحش .. وحش كبييييييييير مره يبي ياكل ماما سعاد مثل ما اكل جدتي .. بس ماما سعاد قالت لي انه فندق كبييييييير حلو مو شرير .. طيب وشو فندق ؟؟ ايه فندق المكان الي ينامون فيه الناس الفقيرين الي ما عندهم فلوس .. ناظرت شوارع الرياض بفضووول كبير .. وين انا عن هالاشياء ؟ ليش جدتي ما جت توريني الرياض ؟؟ لازم اقول لالعنود عن الاشياء الي شفتها .. وقفت عند بيتنا .. بيتنا الجديد وش بيصير في بيتنا ؟؟ انتو تفتكرون انو بيصير شي مهم في حياتي الجديده ؟؟ قصتي من خيالي لكن تحكي عني كثيييييييييييييييييييييييييييييير .. اتمنى من كل قلبي .. احس مجرد احساس ان قصتي .. ان حياتي عفوا .. مهمه بالنسبه لاحد .. |
البارت الثاني وقفت عند بيتنا .. بيتنا الجديد الله .. كل هذا بيت .. لا اكيد هاذي المدرسه حقتنا .. سألت ماما سعاد بفضول انا : ماما الحين فيه استاذه نوره جوا نزلت ماما سعاد لمستواي .. كانت مرررره حبوبه معي .. كانت تقول لي في السياره انها اختارتني لاني انا مؤدبه وجالسه لحالي .. ولاني حلوه بعد .. سألتها مثل سندريلا قالت ايه .. وعطتني ببسي وعلك وحلويات .. جدتي كانت تشتري لي شي واحد في الاسبوع بس .. قالت لي ماما سعاد : منهي استاذ نوره ؟ انا:الي في هذي المدرسه ماما سعاد:لا يا حبيبتي هذا بيتنا .. بيتنا ... يعني صدق هذا بيتنا مثل ما توقعت ؟؟ يعني فيه ناس عندهم بيت زي المدرسه كبير ؟؟ طيب شلون عندهم حديقه جوا البيت ؟ هم شلون شالوها وحطوها هنا ؟؟ وليش يدخلون السياره جوا البيت يمكن الي في الرياض يسوون كذا .. الله الرياض ... احلا من مملكة احلامي بكثيييييير .. احلى من عالمي الوردي .. والفرق يمكن كان في الطعم الواقعي ما بينهم .. بيتنا كان لونه سكري كبييييييير فيه شبابيك كثيره وشكلها حلوه .. وكانت الحديقه فيها مرجيحه زي الي في الدرسه .. وفيها كرسي يتحرك مثل المرجيحه .. يمكن انها مرجيحة الكبار .. والسياره كانت حلوه موب زي سيارة ابو جيراننا .. بعدين جت وحده لابسه زي الالفلام كرتون الي في سبيستون .. لابسه احمر وحاطه شي على راسها لونه ابيض .. سألت ماما سعاد من هذي .. قالت هذي شغالتنا السعوديه خلود ضحك بيني وبين نفسي .. اكيد بتصير سعوديه اجل وشو .. ؟ اصلا في احد في السعوديه يصير مو سعودي ؟؟ غبيه ماما سعاد .. مسكت يدي ودخلت انا وياها البيت .. اول ما دخلته حسيت بلفحة هوا مرت علي .. حركتتني بهدوء .. اخذت نفس طويل وانا ابتسم واناظر حولي .. انبهرت بكل شي ... كل شي كان راقي لدرجه مخيفه بعد .. ناظرت الكنبات .. شكلها يجنن .. وناظرت البلاط .. اللوحات الستاير ناظرت التلفزيوون ..... عندهم تلفزيون ..! سحبت يدي من يد ماما ورحت عنده وولعته على طول .. بس ما طلعت لي سبيستون ضحكت علي ماما وجت عندي وجلست :عاجبك التلفزيون .. انا بحزن :لا ... عشان ما فيه سبيستون قامت ماما وحطت يدها على كتفي :هاذي احلا من سبيستون .. هاذي ديزني ؟ انا ناظرت ميكي ماوس الي بالشاشه وقلت : بس سبيستون احلا هزت راسها ماما وقالت :تعالي فوق اوريك غرفتك مشيت معها وانا عيوني متعلقه بالتلفزيون الكبير المعلق على الجدار ؟؟ ليش علقوه على الجدار ؟؟ يمكن عشان الحرامي اذا شافه يحسبه لوحه وما يسرقه ؟؟ رقيت الدرج الرخامي ووصلت للطابق العلوي .. ودخلت غرفتي .. اخذت نفس طويل مره .. عالمي الوردي ؟؟؟ سرير وردي مثل سرير الاميره النائمه .. وودولاب وردي عليه ورود بنفسجيه .. والارض الرخاميه ورديه وعليها سجادات ملونه ومنوعه .. ستاير حلوه .. وتسريحه روعه ... مشيت للتسريحه بفضوول وبقلبي فرحه لا توصف .. مشط وردي .. اغراض بنات .. روج وعطر وشباصات .. كان عقلي الصغير مو مستوعب هالحياة .. تسآئلت .. فيه شي حلو سويته عشان استاهل اني ادخل الريــــــــــــاض .. وادخل هالغرفه .. وتصير عندي ماما .. وتصير عندي العاب .. العاب ...؟ قالت العاب وهي تتطلع للباب الي بالغرفه .. ومعلقه عليه صورة فكاهيه لمهرج صغير ماما:ادخلي الغرفه شوفيها رحت للغرفه ودخلت بسرعه وسكتت من الصدمه .. جباااااااااااااااااال العاب كلها عشاني؟ ؟؟ عشاني انا بس ؟؟ مو غلطانين وهذي العاب العنود وعطوني اياها ؟؟ ناظرت الباربيات على الرفوف والدببه بكل مكان والعاب والعاب الى مالا نهاية .. تتركتني ماما في غرفة الالعاب استكشف بفضووول كبير مره مره .. وراحت فتحت الدولاب وطلعت لي ملابس وفوطه .. ماما سعاد تقول روب .. الحين كيف تسميه روب والروب ناكله .. جيتها وانا اناظر غرف الالعاب وعيوني تلمع .. ما كان ودي اطلع ابدن .. بس كنت اسمع الكلام الى حد غريب .. يمكن لاني استحي .. دخلت الحمام الكبير وانا فاتحه فمي .. ماما سعاد قالت لي لازم اتروش عشان بيجي بابا ولازم يشوفني حلوه ونظيفه .. جلست وقت طويل بالحمام العاب بالصابون والشامبو والرغوه .. كنت اضحك واكبب مويه في كل مكان .. كنت فرحانه .. فرحانه مره مره .. اول مره ادخل حمام حلو كذا يوم طلعت .. جت خلود تمشط شعري .. خلود مره حبوبه .. خلتني البس الروب حقي وحطت على شعري شباصات ورديه .. ولبست فستاني الجديد .. كان احلا من فستان العنود .. كان لونه وردي وطفولي خلاني اطلع ملاك صغير فيه .. ناظرت نفسي لاول مره بإعجاب .. تحقق حلمي .. حسيت اني صرت مثل ساندريلا .. صح ساندريلا .. لازم اقول لماما توريني اياها نزلت وانا اركض بسرعه :مااااااااامااااااااااااا اول مره اقولها من قلب .. طرت لحضن ماما وهي تضحك على هبالي وحركاتي .. طلبت منها توريني ساندريلا .. راحت للفديو وشو الفديو ؟؟ سألت خلود قالت هذا شي يحطون فيه شريط ؟؟ طيب وشو الشريط ؟؟ زي الشريطه البيضا الي نلبسها في المدرسه بس هذا رجال؟؟ ما اهتميت مره ورحت جلست على الارض وانا اناظر قصة ساندريلا كانت مثلي ما عندها ماما وبابا .. وراحت شرت لها ام مثلي .. بس هي امها شريره وانا ماما سعاد طيوبه .. بعدين جا بابا .. رحت سلمت عليه وانا خايفه .. كان شكله شرير كان عملاق ولونه اسمر وشعره اسود مره .. ابتسم لي وعطاني حلاوه .. ارتحت له شويه بابا خالد : اهلين شجون وشلونك حبيبتي ؟ ارتحت اكثر لما سمعت نبرة صوته الدافيه .. هذا بابا .. اخيرا صار عندي بابا زي الي بمملكتي الورديه .. سألته ببراءه :بابا انت بتصير مثل بابا الي في خيالي وتركبني العربه الذهبيه وتوريني الاشياء اببتسم على برائتي .. واضح انه ما كان فاهم بس انه سلك لي شويه .. مره انبسطت معهم على الغدا .. كان فيه اكل مره حلو .. موب جريش و رز وشوربه بيضا .. وكانت خلود هي الي تطبخ .. كلهم كانو حبوبين بعد الغدا اخذني بابا وقال انه يبي يطلعنا وقال لي وين تبين تروحين .. قلت له على طول ابي اروح الملاهي .. ابي العب لين ما يجيني النوم .. غيرت ملابسي .. اول مره اغير ملابسي في اقل من ثلاث ساعات .. لبست بنطلون جنز .. اول مره البس مثل كذا .. وجزمتي كانت ورديه وحلوه .. وخلود سوت لي جديلتين على شعري ولبستني حلق جديده عطتها ماما سعاد عشان تلبسني اياها .. رحت للملاهي وجلست العب وماما وبابا يناظروني بفرح .. وشرو لي دبدوب بني صغير سميته قوزقوز .. مثل الفار الي مع ساندريلا .. بعدين يوم جا المغرب رجعنا البيت وصلينا وقال بابا انه بيطلعنا مره ثانيه عشان اشوف الرياض .. كل ما يقولون لي الرياض لازم اشق وجهي من الفرح .. الريـــــــاض مملكة احلامي .. مابي اطلع منها ابدن لو وش يصير .. قالت ماما سعاد تبي تروح الفيصليه تشتري لها تنوره .. انا خفت وقلت لا مابي اروح لا .. بس ماما سعاد اقنعتني اني اروح .. وورتني الفيصليه من قريب .. كانت حلوه مره مره .. وفيها لبمات تولع وتطفي عشان ما تجي طياره تصدم فيها .. وكان فيها كوره كبيره مره فووق .. شلون حطوها فوق من غير ما تطيح ؟؟ دخلت سوق الفيصليه .. واااااااااااو اول مره اشوف مكان زي كذا .. اول مره اشوف ناس زي كذا .. اول مره اشووف مجاميع بهالعدد .. خلاص مابي العنود ولا ابي جدتي ولا ابي ماما وبابا الله يرحهم بس ابي ماما سعاد الجديده وبابا خالد .. خلوني آكل من ماك .. كان ابو حمد دايم يجيب لعياله برقر وانا اناظرهم من بيتنا واقول لجدتي تقول لا ما يصلح تاكلينها .. ليش ما يصلح اكلها ؟؟ هي حلوه .. ليش ما تبيني اكلها ؟؟ حتى يعطوني هديه معها .. شوربة جدتي مافي هديه معها .. البرقر احلا .. ويوم خلصت شرو لي ايس كريم احلا من ايس كريم العنود ابو عود الي لونه احمر .. وشرو لي دونات بس قالو لا تاكلينها الا اذا رجعنا البيت نمت ذيك اليوم بسريري وانا ابي اقوم والاقي نفسي لحد الان هنا .. نمت وانا اقول .. برقر .. دونات ايس كريم .. الفيصليه .. الرياض .. الرياض .. الرياض .. وسنين .. وسنين وسنين .. والرياض صارت كرهي الازلي .. كنت ما اصدق بس اسافر واطلع منها .. تحوول عشقي لجزر المالديف وباريس ولاس فيغاس .. كبرت وصرت اناظر الدنيا بعين ثانيه .. مملكتي الورديه تلاشت من زمان لما صار عمري 16 سنه .. خلاص صرت اعرف .. تراني مو غبيه الحين لا تقولو عني بزر .. صرت استحقر كل شي متعلق بالماضي الا شي واحد .. غريبه توني بس الحين اكتشف انه كان اوسم ولد قابلته بحياتي .. اول ولد عفوا .. حمد .. شباب الرياض كلهم كلا* وكذابين .. صحيح حلوين .. ما وصلو لوسامة حمد ابدن .. كيف كنت غبيه وما خليته البوي فرند حقي .. اووو صح نسيت كنت دلخه وقتها .. كنت ابي اي وسليه بس تربطني بالعنود .. كيف صار حمد الحين .. كم عمره الحين .. اكيد كبر واحلو .. مع انه نحيس معي ويقول عني غبيه بس انا عارفه لو صار البوي فرند حقي ما راح يكذب علي زي عيال الرياض الحمـ* * تنهدت ورحت اخذت جوالي الوردي .. كان ثقيييييييل مره .. عليه فصوص ورديه عليه كله واشياء بنوتيه كثيره معلقه عليه .. دقيت على سلطان .. يا مصله .. بس وش اسوي طفشااانه مووت .. رد علي : هلا حبيبتي تنهدت وتصنعت ابتسامه :هلا .. بتطلع اليوم ؟ سلطان:والله حبي ما اقدر انا مع الشباب في الثمامه .. اووف كالعاده كل الشباب كذا يحبون يصرفون .. ينقلع هو ووجهه .. سكرت من عنده ورحت بدلت ملابسي نزلت تحت انا:هلا ماما ماما:هلا شجون .. صليتي الظهر ؟ قلت وانا اتنهد :ايه .. ماما طفشانه ترا بطلع .. ماما:لا تطلعين عبدالله عندنا طرررت من الفرح .. واااو عبدالله ولد عمي عندنا .. رحت فوق وغيرت ملابسي بسرعه .. صحيح توني مغيرتها بس الحين لازم انلبس بنطلون واسع وبلوزه اوسع عشان الهبال والفله مع عبيد .. جمعت شعري تحت القبعه السودا ولبست البلوزه الواسعه بالهاي نك وبنلطون وااسع .. اخذت جوالي ونزلت بسرعه .. لقيت عبود بالحديقه جالس .. انا:هاي عبدبد نطلع عبدالله كان اكبر مني بسنتين .. مره كان صديقي .. صديق فلاوي بقوه .. كننا دايم نركب دباب هارلي حقه وندور بالحاره واحيانا نتعدى هالحدود .. وقف عبدالله: هلا شجوووون .. وش نطلع الله يسلمك كل يوم طلعه طلعه ما تشبعين انا بدلع وانا اسحب يده لبره :عبودي عشااني الله يخليك والله طفشانه تنهد بإبتسامه وهو يركب دبابه:اركبي .. ركبت وراه ولبست الخوذه حقتي وتمسكت فيه .. انا عارفه انه يحبني من زمان عشان كذا كنت دايم اريش فيه .. يعني اقوله انت حلوو واسوي له حركات عشان يسوي الي انا ابيه ... رحنا لماك .. مطعمي المفضل .. وقفنا هناك وطلبنا .. وجلسنا ناكل .. الفتره كانت فترة ظهر .. يعني وقت غدا كان ماك التخصصي بهالوقت يمتلي ناس .. اغلبهم شباب عزاب عشان كذا كنت احب اروح هناك .. عبدالله كان يتضايق بس عادي بكيفه اهم شي اني اوسع صدري بدال الهم الي عايشته .. مر جنبنا واحد وعرف اني بنت من جوالي الوردي .. هذا غير ان جسمي شويه صغنون .. ابتسم وقال :يااهو ما يمديني عالـ ما كمل كلامه الا وعبدالله يسكته .. اووووووف عبدالله دايم يحب يخرب علي عشان كذا ماحب اطلع معه بس المشكله اني ما اقدر اطلع الا معه .. على قولة ماما توني صغيره وما اقدر اطلع مع السواق لوحدي .. جلست اسولف مع عبدالله شوي .. انا:عبود خلنا نروح للمملكه .. عبدالله:لازم نرجع .. شجون يا ويلي من عمي .. انا:وش يا ويلك يا خواف يا جبان يا بزر .. عبدالله تنرفز :انتي ليش دايم حركاتك حركات بزران .. يختي خلاص اركبي مشينا قلت له بدلع :زعلت .. وبكذا وافق ورحنا للمملكه .. عبدالله:ما راح يدخلونها .. نزلت من الدباب وشلت الخوذه الي على راسي بعدها شلت القبعه ونثرت شعري على اكتافي عبدالله انصدم:وش تسوين .. ترانا بالشارع .. انا:ياخي فلها بس يدخلونا لاني معك حرمه وارجع البسها .. عبدالله:لو شافك احد نعرفه انا:فلهاااااااا عبدالله عصب: شجن البسي قبعتك وخلاص كذا كافي .. والله ما يصلح خلي حركات المراهقه ذي لبعدين انا اسحب يده:والله لا ازعل تأفف ولحقني .. دخلونا طبعا بس انا ما رجعت البس القبعه .. يعني فله احنا بالمملكه المملكه مافيها هيئه .. لو احنا بالفيصليه كان صار الوضع غير كنت مره مبسوطه .. واو فله كل الناس كانت تناظرني .. كان شكلي غريب .. وكل ما يتكلم عبدالله ويعترض اسكته بأي حركه .. امسك يده مثلا او اقوله اي شي يخليه ينثبر ويكمل معي .. شريت لي اغراض كثيره بعدها طلنا ورجعنا البيت .. ماما كانت نايمه وبابا في الشغل .. واااااااااو فله لازم اسوي كذا كل يوم عبدالله شافني ارقى الدرج قال :بتخليني تحت يا الدوبه قلت له وانا ارقى:امش فوووق معي .. رقى لغرفتي وجلس يطالعني بإستعجاب وانا اطلع البلايز والحاجات من الكيس عبدالله ناظر التسريحه:بتفتحين لك محل كامل على الاغراض انا:عبدالله اسكت .. وش رايك بهالبلوزه .. روعه صح عبدالله:وانا وش دراني .. يلا خلينا ننزل .. انا:اصبر اصبر اليوم اختك عازمتني ... اليوم بالليل فيه باربكيو بارتي .. ما تدري انت عبدالله:الا طبعا قالت لي .. انا :افف اختك مغروره ماحبها .. عشان كذا ابي اكسر عينها واصير احلا منها .. عبدالله ابتسم:انتي دايم احلا منها لو تلبسين خيشه انا بعدم اهتمام:عارفه .. بس ولو هي نظراتها دايم بايخه وانا هالمره ابي اكسرها .. اجلس اجلس بدخل ابدل وقولي وش رايك .. جلس وهو مستغرب وانا دخلت ابدل .. صرت كل شوي البس شي واطلع اسأله عن رايه .. لاحظت بنظراته شي غريب ... شكله ما توقع مني هالشي ..؟ بس عادي هو متعود علي مو حركه غريبه .. اخيرا قام وهو متنرفز وقال : نادي خلود وخذي رايها .. انا:افففففف يا مصلك بتقول لي يعني انك الحين استحيت مني .. انا ما استحي منك يا شيخ عبدالله يصك الباب : استحي من نفسك .. اففف هذا هو عبدالله دايم كذا كلامه تجريح .. انا تغيرت حياتي بالسبع سنين الماضيه .. تغيرت جذريا .. صرت دلوعه مره ومافي شي يملا عيني .. صديقاتي بالمدرسه علمووني اشيااء كثيره وحتى عبدالله .. عبدالله كان جزء كبير من حياتي .. بس كصديق .. هو مو راضي يفهم وش اسوي له يعني .. من يومنا صغار وهو يعلمني كل شي كل شي .. اتفه شي واهم شي .. لو اشوف طريقين واحد خطر والثاني لا واختار الخطر بمشي معه .. بس هو احيانا ينرفزني يسوي حركات بايخه مره كل هذا يغار يعني ؟؟ بس ولو انا مستحيل اكرهه .. هذا عز اصحاااااابي .. الله يخليه لي انشالله .. في السبع السنين هو كان اقرب الناس لي .. اخته التوأم كنت اكرهها وهي تكرهني .. كانت تغار مني بشكل غريب .. كانو عماني اخوان بابا خالد مره يحبوني ويقدروني .. وحتى خوالي اخوان ماما سعاد .. تكلمت كثير عن الناس ونسيت نفسي .. نسيت اكتب وش صار لي بهالسبع سنين .. كيف كبرت وكيف قدرت افهم اني يتيمه وماما وبابا اتبنوني .. تذكرت لما كان عمري 11 سنه كان بابا يناظر فلم هواشات .. وكنت جالسه بجنبه وشفت نفس ذاك المنظر .. المنظر القديم مره .. شفت رجال منبطح عالارض وحوله دم .. جدتي ... جدتــــــــــــــي .. يعني وشو ؟؟ فهمت وش صار خلاص .. فهمت اني كنت مع جثه ميته يومين كامله .. فهمت ان بشرتها لما كانت بارده ما كانت داخله بالثلاجه ؟؟؟ عرفت ان الصحن طاح على راسها وادماه وطاحت .. وبعد فتره توفت الله يرحمها .. خلاص فهمت كل شي فهمت اني انا وحده يسمونها يتيمه .. عشان كذا بقيت ادور على الحنان .. صحيح ماما سعاد ماهي باخله علي ابدن بس انا استحي منها في هالامور ونفس الشي مع بابا خالد .. منهم الي ما راح استحي منهم ؟؟ عشان كذا انحرفت شويه .. صار عندي اصحاب اولاد كثير .. كنت ادور شوية حنان عند واحد منهم .. ادور حنان بطريقه غلط .. بس على الاقل كنت ادور ما يأست .. لكن كلهم كذابين .. كلهم نصابين .. واحد منهم بس يبي يترزز بخويته قدام اصحابه والثاني يبي يوسع صدره والثالث الله اعلم وش الي في باله .. مو بس شباب الرياض .. كل المملكه .. رحت لجده .. حلمي اروح لها .. حسيت انهم متفتحييييييييييييين بكثيييييير غير عن الرياض .. هناك فله وسعه صدر بس ... كانو شبابهم اتبـ* من شبابنا .. كانت مقاصدهم اوصخ بكثير .. ورحت الشرقيه ونفس الشي .. كل المملكه الظاهر شبابها مريضين .. رحت الامارات رحت الكويت رحت البحرين .. الخليييج كله نفس الشي لا وبعد كانت افكارهم اشين من افكار شبابنا شويه .. اخيرا رحت امريكا رحت فرنسا ورحت لدول العالم بس ما حصلت شخص يرضى يكون بوي فرند لوحده سعوديه .. عشان كذا لفيت لفيت لفيت لمن رجعت لقريتي .. مسقط رأسي .. قريه ******** مافيه الا حمد .. بيصير مثلهم يعني ؟؟ كل افكاره بايخه ووصخه .. كرهت كل الاولاد .. كلهم كذا ... حطيت قاعده لي بحياتي .. لا تثقين بأحد .. الا عبدالله وبابا .. رحت الحفله بالليل كانت مره ممله .. البنات وسواليفهم البايخه .. مافي شي جديد .. انا شريت شنطه من المحل الفلاني انا سافرت الصيف الي راح للبلد الفلاني والخ الخ ما تتغير .. دايم الجو كلاسيكي وهادي .. انا ماني عربجيه بالعكس احب اشياء البنات لدرجه لا توصف بس احب الهبال برضووو كنت اخطط اسوي حفله دي جي فله واخربها بس بنات عايلتي ما ينعطون وجهه .. اجل ابعزم صديقاتي بالمدرسه .. بعد ما رجعت من الحفله فتحت صناديقي القديمه ادور اي شي مميز اقتبس منه فكره .. يااااااااي لقيت دبدوبي قوزقوز من زمان وانا ادوره .. اثره بأخر الدولاب .. فله يا ليتني منبشه بأخر الدولاب من زمان حضنته بقوه وبفرح .. دبدوب شريته بأول يوم لي في هالبيت .. انبسطت مره .. ورجت طلعت بقي الاشياء الي جوا تتغيرت ملامحي .. اوو ماي قاد هاذي بعض الاغراااض لي يومني بالقريه فتحتهم بلهفه كبيره مره .. ولقيت اخيرا دفتري الصغير .. بغيت ابكي .. مدري من الفرح من الصدمه او من ايش .. ؟ كنت متأكده ان هالدفتر فيه رقم .. رققققققققققم .. يا ترا هم لحد الان بالقريه ؟؟ ما تحظرو وجو الرياض ؟ او اي مكان ثاني .. ؟ ماقدرت امسك نفسي وجلست اناظر الرقم المكتوب بخط طفولي جدن .. تحته ( صديقتي العنود) واااو .. لازم ادق عليها .. مسكت جوالي وبديت اضغط هالارقام .. طوط طوط .. وقلبي يرجف مع كل رنه .. طوط طوط .. يأست .. باللهي ما راح يغيرون تلفيونهم سبع سنين ؟؟ باللهي ما طلعو من القريه المخيسه .. اكيد اني انهبلت .. ما راح يردون لو ايش نزلت الجوال من يدي وضغطت على الزر الاحمر وانا شوي وابكي من القهر .. من الطرف الثاني : الووو .. الـــــــــــــووو .. قالت البنت الي جنبه : مين الي داق ؟ رد عليها وهو يرجع التفلون:مدري يستهبلووون .. ما كنت ادري .. حسيت اني سمعت صوت من التلفون يقول الو .. بس قلت اكيد اهلوس من مخي .. انسدحت على سريري بيأس .. بجرب ادق بكره الصباح .. ما يصلح افقد الامل بدري .. |
البارت الثالث انسدحت على سريري بيأس .. بجرب ادق بكره الصباح .. ما يصلح افقد الامل بدري .. وما امداني انسدح الا نمت على طووول .. الصباح قومتني ماما صليت الفجر ورحت اتروش وطلعت .. ناديت سوزان شغالتنا عشان تجعد شعري دخلت خلود تنظف الغرفه:هلا شجن صباح الخير كانو كلهم يدلعوني شجن .. مدري ليش بس كذا يدلعوني .. رديت عليها:صباح النور .. خلود خلود اتركي من يدك وتعالي حطي لي مناكير .. ايش رايك الوردي ولا الاسود خلود قربت لي: والصلاة؟ قلت وانا اتأفف:حمسحه في المدرسه .. يلا خلووود بلا فهاوه ومديت يدي .. ضحكت علي وجلست جنبي واخذت المناكير وبدت تحط لي .. كنت اناظرها بإبتسامه .. مره حبوبه هالانسانه .. لها سبع سنين تخدمني انا لحالي .. تترك عيالها 12 ساعه في اليوم عشاني انا .. صحيح كنت استغرب انو فيه ناس كذا تستحمل تترك شي غالي عليها عشان الفلوس .. ما استوعبت بدري ان هالفلوس بس عشان تعيش خمس ايتااااام .. كنت دايم اخذ من مصروفي شوي واعطيها والزم عليها تاخذ بعد واي لبس يقدم او يصغر علي او ما يروق لي او يصير واسع .. اعطيه اياه .. واحيانا اشتري دونات لعيالها كنت مره انبسط لما اقدم معروف لغيري.. احيانا احس اني داشره على قولة اخت عبدالله فاتن بس كنت ارفع راسي بالفخر بيني وبين نفسي لاني اعرف ان كلامها ماهو صح .. لاني اعرف اني مهما سويت قلبي ابيض .. انا تربية سعاد وحصه الله يرحمها جدتي وهذولا مو اي ناس عشان يقولو عني داشره .. كنت اكثر شي احب وانا واثقه من نفسي ما يهمني احد غير ربي ... يمكن اسوي اشياء تغضبه احيانا بس كانت فيه اشياء ثانيه تقتنعني بالعكس .. لاني عمري ما اخرت صلاة او نسيت فرض او ما صمت وتصدقت .. رحت لبست تنورة مريولي .. ولبست بلوزه من الي شريتهم امس .. ما هموني المدرسه .. اصلا ما يقدرون يقولون لي شي لان بابا يدفع لهم 15 الف بالترم الواحد .. كنت بمدرسة ******** مدرسه مررره فله وكل البنات فيها فللله ما كنت احب اغيب ولا يوم .. كنت دجه بنفس الوقت دافوره شويه خخخخ .. مدري الدفاره صفه متأصله فيني معيه ترووح .. لبست عباتي اللميعيه .. كنت اسميها لميعيه لان قماشها فيه لمعه .. هههههه مو لماااع اخترت بين العبايات العباية المطرزه بالوردي عشان تجي مع لون المناكير .. لفيت طرحتي بشكل غير ساتر كعادتي ولبست جزمتي الورديه وبخيت بختين عطر وطلعت .. اي بختين يا ناس اباخذ العطر بكبره ... قلت بنرفزه انا:خلووووووود ليش حطيتي الكتب بالشنطه الزرقا انا ابي الورديه خلود جت وهي مرتاعه:انتي امس قلتي لي احطهم بالشنطه الزرقا؟؟ انا:افف اوكي خلاص شيليهم وحطيهم بالورديه مابي ارقع بملابسي .. بنزل افطر نزليها طيب خلود تاخذ نفس:طيب نزلت لقيت فطوري المعتاد .. بان كيك وراوخ تفاح .. انا كذا احب المشروبات الغازيه بكل وقت .. مزاجي غريب شويه بس كذا عادتي شغلت التلفزيون على قناتي المفضله وجلست اناظر بإندماج وانا اكل البان كيك .. نزلت ماما ماما:شجن تأخرتي عن المدرسه .. الساعه سبع الحين قمت بسرعه وانا اكل البان كيك .. كنت اتكلم وبفمي اكل : بقوم بقوم .. يما الحمدالله انحشت منها ماما كل شي عندها عادي الا الصلاة والمدرسه .. رحت ركبت السياره .. ورزيت نص جسمي قدام عند السواق عشان ادخل شريط اغاني ايفرل لافين مغنيتي المفضله .. كنت الاحظ على السواق دايم انه يناظر يدي وانا اشغل .. ما يناظرني انا ههههههههههه يمكن لان يدي من المعصم لحد الكوع وهي مليانه اكسسوارات وربطااات وحاجات مدري كم لها عندي بصراحه .. وه بس وه مررره احب الاشياء هاااذي الي على يدي .. وصلت لمدرستنا ورفعت الطرحه على وجهي ونزلت .. دخلت الحصه متأخره بس عادي عندنا انقلش يعني افللللللها بقوه .. استاذه هناء غبيه وشخصيتها ضعيفه وانا دايم اسكتها جلست بمكاني وطلعت المرايه اعدل وضعي .. طشيت عطر .. وقمت نزلت المكيف علي وحطيت رجل على رجل قالت لي صديقتي ليلى:شجن وش مخططاتك اليوم ؟؟ انا:اووما ما دقيت عليك امس وقلت لك ؟ انا بطلع من المدرسه بعد الفسحه بتجيني ماما دايركت بروح اشتري اغراااض بسوي حفلة دي جي اليوم ليلى:واو فله طيب ليش؟ ناظرتها:يعني ليش ايش رايك .. عشان نوسع صدورنا .. انا مره مره ابي اكسر خشم فاتن ابي اسوي حفله ماهي عاديه ابدن كل بنات المدرسه يتحكون فيها .. اول شي شووفي وطلعت كيسه مليانه بطاقات انا:هاذي امس اخترتها وقلت لماما تطبعها يمكن حدود ثمانين بطاقه بعزم كل الي اقدر اعزمهم .. بعطين خمس طعش والهنوف خمس طعش ورغد خمس طعش اعزمو الي تبون .. بس اسمعي مابي اي بطاقه ترجع .. ابي ثمانين بنت في بيتنا تماما .. ليلى:اوكي حلوو .. صبر بقول للهنوف ورغد .. جت الفسحه .. طلعت بسرعه وانا متحمسه بديت امشي واوزع بطاقات .. طبعا للي اعزهم بس .. نص بنات المدرسه كانو صاحباتي او امون عليهم لحد ما .. فوق كذا كنت دايم احس اني وحيده مدري ليش .. افف مابي ازعج نفسي الحين ابي اركز بتفكيري على حفلة اليوم .. مريت عند فاتن .. كنت انا بأول ثنوي وهي بثالث .. مره تنقهر لو شافتني داخله قسمهم واكلم بنات من عندهم .. وزعت على صديقاتها كلهم بطاقات الا هي .. طبعا لقافتها ما تركتها خلتها تناظر ببطاقة زميلتها .. اول ما لمحتها رجعت بسرعه لها انا:فاااتن حبيبتي اوو ماي قاد معقوله نسيتك .. امم بشووف اذا باقي معي بطاقات اصبري فاتن انقهرت وبين على عيونها:انا اصلا مرتبطه اليوم بالليل انا:اوكي مو مشكله بس حسافه احظر حفلتك واترك كل ارتباطاتي وانتي ما تجي حفلتي.. عادي براحتك حبيبتي .. بتكون البارتي مرره ممله من دونك بس وش نسوي .. اممم خذي لقيت بطاقه .. اذا حبيتي تجي يعني مسكتها بإبتسامة قهر وقالت: لا هنتي شجون انقهرررت مره هي عارفه اني ما اطيق اسم شجون .. يذكرني بذكريات شينه .. الماضي ابي اغير فيه كل شي .. يسموني شجن يعني شجن حتى مديرة المدرسه تسميني كذا بس هي متقصده تقهرني .. جت ماما واخذتني من المدرسه .. ركبت السياره بلهفه :مااامااا ممكن نستاجر شاليه ماما:انا ما عندي مانع يا ماما بس ما تحسين انها بتكون احلا في البيت ما فهمت عليها:كيف يعني احلا؟ ماما:تبين شي مميز انتي تحمست:ايييه ماما:خليها حفلة دي جي .. وبعد الدي جي خلي صديقاتك الي انتي مره مره تحبينهم يجلسون بالبيت يسبحون وبعدها ينامون عندنا .. اليوم اربعا يعني بكره ويك اند سكتت شويه وانا افكر .. والهي فكره مش بطاله .. اي فكره مش بطاله الا فكره روووعه مره .. وبعدين ليش بس اخليها صديقاتي ؟؟ افرش الصاله الي فوق وغرف الضيوف وجناحي واخلي كل البنات يسبحون وينامون عندي . حسيتها فكره مجنونه شويه بس ولو فله انا ابي اي شي غريب عشان حفلتي دقيت على كل بنت عزمتها وتأكدت ميه بالميه انووو اقولهم كلهم على الاشياء الي خططت عليها .. رحنا انا وماما وشرينا اغرااض للحفله وخرابيط كثيره مره اول ما رجعت البيت كان على اذان العصر .. يالله يمديني اجهز شعري وارتب عمري .. بدت خلود تركب البمات الملونه واللمبات البيضا الي تولع وتطفي بسرعه .. شبكنا الاستريو ووزعنا السماعات بكل مكان .. جهزنا المسبح وفرشنا الدور الفوقي كله .. وطبعا قلت لبابا يبات بره البيت .. كنت بغرفتي مره متوتره اول مره اعزم هالقد بنات واول مره اسوي ثلاث حفلات بنفس الوقت .. حفلة دي جي وحفلة سباحه وحفله نوم كنت عند التسريحه وخلود تضبط لبسي ومناكيري وسوزان تستشور شعري وليلى ورغد والهنوف بغرفتي .. كانو جايين بدري عشان يساعدوني.. كنت اناظر كل وحده فيهم .. لابسين ملابس مرره تجنن .. لو صار لبسي شين .. لالا ما اتوقع انا ذوقي دايم حلووو .. كنت لابسه تنوره مره مره قصيره وسودا وبلوزه ورديه من غير اكمام وكعب مره عالي صار شكلي مره كيوته مع الاكسسوراات والحاجات هاذي .. خقيييييييت على نفسي بقوه .. وقفت اصور نفسي والمتو صديقاتي حولي يصورو معي بدو البنات يجون وانا مره متحمسه متوتره بنفس الوقت .. كان الاستريو مشغل على اغنيه لـ آشر .. اسمها yaeh مره فله هالاغينه رقصو عليها كل البنات .. كننا نرقص بهبال انا شوي شوي دخلت بجو الحفله ونسيت التوتر هذا شوي .. كننا نرقص جنب المسبح مره .. كل البنات جايبين مايوهاتهم وبيجاماتهم وبعضهم جايب وسادته وشرشفه .. وبعضهم اعتذر ما يقدر ينوم عندي خخخ اكيد لان السعوديين ياخفون على بناتهم .. اففففف حسيت ان اهل رغد متخلفين لما دقت عليها امها الساعه 12 وقالت لها ارجعي .. تحطمت من جد حتى ما امداها تسبح معنا .. بغيت اصيح .. رغد والهنوف وليلى مره صديقاتي .. والحين رغد بتروح وش اسوي بعمري هدتني ماما سوي والهنوف وليلى بعد .. بعد الرقص والهبال حطينا العشاا .. ماما طلبت طلب خاص بوفيه مره روعه وانا كمان اصريت تجيب ماااك .. طبعا صارت حوسه شوي وبغيت اصيح بعد بس كل شي مشى تمام .. وقفت اناظرهم من بعيد وهم يتعشون .. كنت بروح البس مايوهي لحد ما يخلصو .. مرت جنبي فاتن:حفلتك روعه انا ابتسمت:مشكووره .. يلا بروح ابدل .. فاتن:بلبسي مايوهك؟ انا:ايييه لانوو بنسبح بعد العشا فاتن:صح ما يصلح نسبح واحنا تونا ماكلين مشيت عنها وانا اطالعها بإيستحقار واضح: فليها فاتن:اووكي اجل جربي اول بعدين قولي لنا التفت بسرعه لمى حسيت فيها ترميني بالمسبح .. ما فهمت كلامها بالبدايه .. صرخت صرخه قويه وتجمعو كلهم حولي .. وانا خلاص وصلت معي بغيت اصيح من جد .. ناظرتني الهنوف فتره وعرفت اني خلاص وصلت معي وشكلي بصيح من الفشيله .. رحت بعيد وفصخت جزمتها وجت ركض وهي تصرخ وطبت بالمسبح .. ضحكو كل البنات وكانت هي تضحك كمان وانا مو مستوعبه الي سوته قبل شوي .. جت بعدها ليلى وعملت نفس الحركه وشوي شوي قامو المهبل من البنات يطبون بملابسهم .. ناظرت فاتن وانا من المسبح وقلت :عمرك ما حتقدري تفشليني حبيبتي .. فاتن ابتسمت : زين جربتي الوضع .. قولي لي اذا اقدر اطب وانا توني ماكله ولا لا .. انا:صحيح فاتن جيتي وانتي عندك ارتباطات .. ؟ فاتن انقهرت وبان عليها لكن قالت:عبدالله لزم علي .. لانه يعزك .. وانا بعد ما حبيت احرجك .. انا:لا حبيبتي مافيها احراج ابد .. انا حفلتي ضامنه ان كل بنت بعزمها بتجي فماراح تفرقين معي كنت اقصدها بالكلام لان حفلتها كانت بايخه وكثير ما جو لانها ماصله .. اصلا كانت عازمه بنات عايلتنا اما انا فعزمت بنات المدرسه هذاولي هم راعين الدجه والهبال .. بعدها طلعنا واحنا مره مبسوطين ونمنا .. كانت الفرحه الي بقلبي ما تنوصف.. بعد كل حفله لازم افرح مره .. نمت .. وبديت اسرح بأحلامي وخيالي الواسع .. ما كانت احلام ورديه مصبوغه بلوني المفضل .. ما كانت احلامي عن المملكه الكبيره حقتي والدباديب والاحصنه البيضاا .. كان كابوس .. كابوس ما رضيت اصحى منه الا وانا اتعرق واصرخ .. شفت جدتي وهي عالارض تذكرت شكلي وانا اهزها بعنف واطالبها بالنهوض .. تذكرت الدم .. ولون جدتي .. وكل شي .. كان قلبي يدق بسرعه لما اتذكر هالاحداث .. قمت بصرخه وانثر شعري على وجهي وقطرات العرق تتساقط من جبيني وعلى ملابسي وعلى فراشي علارض .. قامت ليلى من جنبي ونادت ماما بسرعه .. جت ماما وهي خايفه وتهديني وانا متصنمه .. خذتني وطلعتني من عند البنات وانا حاظنتها وابكي بهدوء .. بهدوء مره .. واهمس .. الله يقومك بالسلامه يا جدتي .. الله يقومك بالسلامه يا جدتي فيه بنات قامو وهم مرعوبين ويطالعون فيني وفيه بنات بقو نايمين ... ليلى والهنوف عدلو الوضع ورجع كلن لفراشه اما انا رحت مع ماما المطبخ .. جلستني على الكرسي وهي تهديني .. عطتني مويه ..شربت شوي وحطيتها وانا اناظر قدامي ومو راضيه اترك يد ماما قالت وهي شوي وبتبكي :شجن حبيبتي جاك نفس الكابوس؟ هزيت راسي بهدوء وانا اطالع قدامي .. الكابوس هذا له سبع سنين يلاحقني .. سبع سنين وراي وراي وين ما روح يجي معي .. لازم احلم به دايم .. ابي انسى ما اقدر .. رجعت ابكي بهدوء وانا اتذكر المنظر طلعت امي من المطبخ لانها ما تبي قلبها يتقطع مره ثانيه .. دقت على بابا .. كنت اقدر اسمع همسها وهي تتكلم كانت تقول : جاها نفس الكابوس يا خالد وبدت تصيح .. ومن ردودها فهمت انه يهديها .. فجأه قالت :لا بنتي ما تروح لدكتور نفسي بنتي مو مجنونه .. انا انصدمت .. معقوووله بابا يبي يوديني دكتور نفسي ؟؟ يبي يتركني بمستشفى المجانين .. ؟؟ انا مو مجنونه انا بس احلم .. بس احلم يا ناس يعني مو ذنبي اني احلم رميت الكاس عالارض وركضت لغرفة خلود الفاضيه وانا ابكي .. قفلت الباب وراي ورحت انسدحت على سريرها وانا اشاهق من الصيح .. كنت عارفه انهم ما يبوني .. كنت عارفه انهم ما يبوني لاني مو بنتهم .. انا طول عمري بفضل يتيمه لو وش سويت .. ما قدرت استحمل فكرة اني عاله على احد .. استرجعت ايام طفولتي وايام ما كانت جدتي تعلمني كانت دايم تقول لي الايتام مساكين لازم نعطيهم فلوس في العيد ولازم نحبهم ونربيهم .. كنت اتذكر حديث الرسول : انا وكافل اليتيم كهاتين .. وحط اصابعه مع بعض يعني هم سوو كذا عشان يدخلون الجنه وعشان يجيهم اجر مو لانهم يحبوني .. ولا لو انهم يبون طفله كان سوو المستحيل عشان ماما تحمل .. بس خلاص ما قدرت استحمل اكثر وجلست ابكي وابكي وقلبي يعتصر الم كبييير مره .. وماما وليلى والهنوف يضربون الباب وانا ازداد بكي .. |
البارت الرابع .. وجلست ابكي وابكي وقلبي يعتصر الم كبييير مره .. وماما وليلى والهنوف يضربون الباب وانا ازداد بكي .. ما حسيت بنفسي الا وانا نايمه وسط دموعي .. ما مرت الا ساعه بعدها بدت اشعة الشمس الذهبيه تسلل بشويش للغرفه .. كنت شبه منسدحه عالسرير .. كنت جالسه بس راسي عالوساده ورجولي على الارض .. بدت عصافير حديقتنا تغرد مثل كل صبااح .. مره مره مره احب اسمعهم .. يحسسوني بالامان .. اول ما سمعت اصواتهم ابتسمت وانا احرك عيوني بشويش .. وش صار امس ؟ وليه انا بغرفة خلود ؟؟ ايه تذكرت .. امس اكتشفت انهم ما يبوني ... يارب احفظني واسترني ولا تحوجني لحد يا رب .. طيب انا الحين وش اسوي بعمري؟ مو اول مره يجيني هالاحساس المزعج .. تعوذت من ابليس وقمت اطلع من الغرفه عندي مجموعة بنات لازم اجلس معهم .. عيب علي اسفههم .. بس الحين الساعه ست يعني محد قام .. دخلت غرفتي وبعدها لحمامي الوردي .. وناظرت نفسي بالمرايه .. معقووله كل هذا صياح امس .. عيوني مفقعه .. توضيت وصليت الفجر ورحت المطبخ اخذ لي ثلجه ومنديل ثقيل عشان عيوني .. مابيها تصير كذا قدام خلق الله .. دخلت خلود المطبخ .. التفت وانا مبتسمه :جيتي بدري اليوم ؟ خلود ابتسمت لي : انا هنا من الساعه خمس .. امك دقت علي .. نزلت راسي بحزن .. يعني لهادرجه مهتمه .. كل هذا مو خوفن علي كل هذا بس عشان اجرها يصير كامل .. يا حليلها ماما .. يارب ارحمها واغفر لها مره حبوبه هالانسانه وتدور رضاك .. تركت خلود بالمطبخ حيرانه شوي ورحت بدلت ملابسي .. حطيت كحل وقلوس وبلشر على خفيف .. طبعا لبست بيجامه لان الحفله حفلة نوم وابي اي بنت تقوم تلقاني مثلها خخخ ثواني بعدها جتني ماما .. تبادلنا النظرات من غير كلام .. بس انا سهلت الموقف وابتسمت .. راحت بسرعه حظنتني .. جلسنا دقايق حسيت فيها تبكي بهدوء بس انا حافظت على ابتسامتي لما النهايه .. طالعتني بهدوء وقالت ... سمعتيني امس صح ؟ هزيت راسي بنعم وانا في قمة الهدوء .. خلاص الله يحللهم ويعافيهم انهم استحملوني سبع سنين .. الله يعيني يبيلي انتظر كم سنه لين يجي واحد يخطبني واوافق ويفتكون مني .. طبعا ماما كانت تتكلم بسرعه وانا مو فاهمه ولا حرف.. دايم اذا ارتبكت تصير كذا .. الله يصلحها مسكتها مع كتوفها وانا مبتسمه .. قلت لها وانا اخذ نفس : ماما خلاص .. بروح اقوم صديقاتي .. بسرعه رحت عنها وتركتها .. مدري وش ردة فعلها .. مو مهم انا الحين ابي انسى الي صار امس .. كان ودي اقوم البنات .. فكرت كيف .. بس تونا الساعه ست وربع وهم ما نامو الا الساعه ثنتين ونص .. يلا معليييش بروح اقول لماما تخلي الفطور يجهز واصحيهم .. دخلت مكتب بابا .. واخذت الطيران حقته هههه .. كان يخليها لجمعات اصحابه يومه شباب من زمان بس الحين حطها عنده لمجرد الذكرى .. كنت عارفه انه بيذبحني لو عرف اني محركتها من مكانها لا ومستعملتها بعد بس يلا .. فلييييييييها دخلت الغرفه وتذكرت طقوس عبدالله اذا جا يصحي اخوياه كيف يسوي .. يقول انه يفتح اللبمات .. فتحتهم .. يطفي المكيف .. طفيته .. يفتح الشبابيك .. فتحتهم .. كل هاذي عاديه بس افلل شي اخر جزء من هذا كله .. الطبووول .. ناديت خلود معي جت وهي تضحك على هبالي .. واحد اثنين ثلاثه طع طع طع طع طعطعطعطع طع طع طع طع طعطعطع .. بعضهم فزو من مراقدهم وبعضهم غطو اذانيهم وبعضهم بدى يسبني ههه والبعض الاخير ما حس بشي .. الله يخلف على هيك بنات والله .. المهم شلتهم من مراقدهم شيل وحده تتأفف ووحده شاقه الوجهه بإبتسامه والثانيه مكشره ومالها خلق شي .. طرت على كامرتي وصورتهم وحده وحده .. اشكاااااالهم روعه .. بعد الفطور والحاجات هاذي راحو كلهم .. على حدود الساعه عشر .. ما كان ودي انهم يروحون .. الحين بطفش مالي الا عبدالله .. قمت وارسلت له رساله .. فكرت كثير وش اكتب له .. حاسه اني صايره اتلزق فيه هاليومين .. وبعد خير يحصل له .. مو هو يحبني ؟؟ باااين عليه حتى لو انكر .. ليش ما اسأله ... ؟؟ حسيت في البدايه انو قرار بايخ بس بعدين تحمست .. ارسلت له رساله بسرعه .. بس مرت نص ساعه ما جا .. ولا رد ولا اتصل .. احنا في حاره وحده ليش بيتأخر يعني .. ؟ شكله طنش ولا الجوال بعيد عنه .. خلاص بكيفه .. وش بسوي الحين .. جلست ادور بغرفتي وانا طفشاااانه مره مره .. افف مافي ولا شي اسويه .. المشكله اليوم الخمييييييس .. اااه يا يوم الخميس .. كنت احلا يوم عندي بالدنيا .. قبل سبع سنين طبعا .. كان هذا هو اليوم الي اروح فيه لعند جيراننا اناظر التلفزيون .. اناظر سبيستون .. كانت هالقناة شي غريب جدن بالنسبه لي ؟؟ كانت احلا من كل شي بالنسبه لي .. كان التلفزيون فيما مضى جزء كبير من حياتي انتظر يوم الخميس بفارغ الصبر بس عشان اناظر المحقق كونان وريمي .. ريمي .. كانت مثلي .. عشان كذا كنت دايم احب اناظرها واغني اغنيتها . فجأه لقيت نفسي جالسه اغنيها وانا على السرير .. انتي الامان .. انتي الحنان .. من تحت قدميك لنا الجنان .. عندما تضحكين .. تضحك الحياة تزهر الامال في طريقنا .. نحس بالامان ... ضحكت على نفسي .. حلوه نحس بالامان .. ولا مره حسيت به .. ولا مره ولا مره .. يمكن لان ما عندي ام .؟ لا مو يمكن اكيد .. ما احس بالامان الا مع عبدالله .. بس الي يقهرني انه يحسب ان علاقتنا مفروض تكون اكثر من صداقه .. حرام عليه طيب ؟؟ يبيني احبه .. انا مو مستعده اني احب انا قفلت قلبي من سبع سنين .. اخر شخص دخله كانو ماما وبابا سعاد وخالد بس .. وحتى هم كانو على الزوايا البعيده ... ماكانو بالنص .. اما النص سكنوه ناس غالين .. تذكرت بسرعه .. على طاري هالناس الغالين .. ما دامني طفشانه وش بيضرني لو جربت واتصلت عليهم .. ما راح اخسرر شي .. دقيت الرقم .. حفظته اصلا .. طوط .. طوط .. ما كنت اسمع صوت الرنات .. كان صوت دقات قلبي اعلى .. مدري ليش خايفه .. لو ردت علي العنود ....... ولا حمد .. ولا اي احد .. يا ربي .. غمضت عيوني .. مره مره خايفه ومره مرتبكه .. متحمسه .. فجأه سكت صوت الرنات حسيت قلبي خلاص راح يوقف .. اشتتتتتتتتتتتتتتقت لهم موت .. كانو هم اشبه بعايلتي صحيح معاملتهم مو احلى شي بس ولو .. انا خلاص حسيت نفسي انقطع وصدري ضااق فيني مره وقلبي يدق بسرعه مدري ليش خايفه .. رد علي صوت طفولي مراهقي شوي الولد :الوو .. اخذت نفس وقلت بخوف :السلام عليكم الولد:وعليكم السلام .. بلعت ريقي وقلت :هذا بيت العنود تووني بكمل كلامي الا قاطعني الولد الولد:العنود نايمه دقي بعدين .. انا انصددددددددددددمت ..يا ربي يعني هم لين الحين موجودين .. قال لي العنود نايمه يعني هم .. مره تلحوس مخي وما عرفت اجمع .. قلت له بحماس:طيب .. وشو يعني انتو لحد الان فيه ؟؟ من انت حمد ولا عبدالله ... ووو امكم وشلونها .. وعمي كيفه مره اشتقت له .. طيب من سكن جنبكم .. ووو انت اي وااااحد ؟ الولد انصدم .. حسيته سكت فجأه ثمن قال:انا لا عبدالله ولا حمد .. يعني صوتي رجال يعني هذولا ثيران .. وبعدين وش كل هالاسئله من انتي سمعت صوت من وراه يقول:ثور انت .. جب جب من الي يكلم وقف قلبي خلاااص مره خايفه .. منهو هذا ومين الي تكلم وراه .. خلاص انلحست .. فجأه الصوت صار اقرب:الوو .. السلام عليكم انا بلعت ريقي من جديد :... وعليكم السلام .. من معي ؟ قال بسرعه :حمد من معي ؟؟ ابتسمت وانا اتنفس بسرعه .. مو مصدقه اببببببببدن .. حطيت الجوال جمبي وانا مبتسمه .. هذا هو حمد .. يااا الله هذا صوته .. على صوته اكيد شكله بيصير حلوو .. امممم طيب بيطلع مثل ما انا توقعت ولد ناس وكذا .. ومنهو هذا الولد الي رد علي .. لا يكون جاهم اخو صغير .. كنت اقدر اسمع صوت حمد وهو ينادي من التلفون .. لكن اكتفيت بالابتسامه من غير ما اتحرك .. مدري وش صار لي هاللحظه فرحه كبيره .. اول مره من زمن طويل احس بإحساس زي كذا .. اهلي .. معقوله لقيت اهلي .. اوكي ماهم اهلي ولا اتوقع يذكروني بس المهم اني اعتبرهم اهلي واذكرهم .. فجأه سكت صوت حمد .. التفت للجوال بحزن شويه لكن فيني امل .. داخلي نبتت زهرة امل صغيره .. من سكن بيتنا الي جنب بيتهم الحين ؟؟ اكيد احد يقرب لي .. وهم .. جيراننا وش صار حالهم الله .. ياللله ماااااني قادره استوعب الي صار .. مسكت الجوال وطفيته ونزلت وانا مره فرحانه فجأه وانا على الدرج دخل عبدالله عبدالله:انتي ارسلتي لي مسج .. اتصلت عليك بس كان مشغوول .. سفهته وطرت عليه وحظنته وكأني مو حاسه بأي شي .. فرحانه لكن ببرود غير طبيعي .. حظنته بقوه وعلى وجهي انرسمت ابتسامة امل .. حلقى اهلي يعني ؟؟ ياااربي ماني قادره استووعب .. ماكنت لحظتها افكر بردة فعل عبدالله لاني حظنته .. بس ما حسيت بيديه تحظنني .. اكيد ما رفع يديه .. اكيد منصدم .. ما كان اكبر همي اهم شي اني فرحانه يا ناس .. والي قاهرني اني مدري ليش ما جلست اصرخ وانطط وامشي وابوس كل شي زي ما كنت اسوي زمان لما افرح .. سمعت صوت .. ماما كانت تتنحنح من ورانا .. بعدت عن عبدالله وانا ابتسامتي من الاذن للاذن .. ناظرت وجه عبدالله كانت عليه علامة استفهام كبيره .. كان ينقل عيونه بيني وبين ماما الي كانت وراي .. كنت حاسه فيها على الاقل .. كان يناظر بإندهاش كانو مو مصدق اني حظنته .. التفت لماما ناظرت وجهها زين .. كان الشرار يتاطير من عيونها .. عبدلله كانت امه اخت ماما وابوه اخو بابا .. يعني ماما تفتش عنه بس ولا مره رضت اني اجلس معه من غير ما اتغطى .. الحين انا زدت الطين بله .. لكني ما اهتميت .. رحت لها وحظنتها بهدوء وبفرح .. يمكن هدت هالحركه الوضع شوي لكن ماما لحد الان معصبه .. واذا صار .. خلاص يا ناس انا فرحانه افهمو ما عاد فيه شي يهمني .. ناظرتني ماما وبعدين قالت من بين اسنانها وهي تحاول صوتها يكون قصير عشان ما يسمعها عبدالله ماما:شجن وش كنتي تسوين ؟... اخذت نفس وقلت بفرح .. ماكنت مهتمممه ابببببدن بكلامها .. قلت بحماس:ماما كلمت جيراننا ارتسمت على وجهها علامة استفهااام وقالت:واذا كلمتيهم .. ؟ قلت بسرعه:لا لا لا مو جيراننا .. جيراني انا لحالي .. جيراني انا وجدتي .. فجاه ماما تغير وجهها وقام يعطي الوان .. مدري ليش فجأه بدت تصرخ :شلووون كلمتيهم ومتى ووش الي ذكرك فيهم .. من وين جبتي رقمهم اصلا .. ؟؟؟ كانت مره مره معصبه ووجهها احمر واول مره تصرخ علي بهالطريقه .. اصلا هي ليش جالسه تقول هالكلام .. ليش تضايقت؟؟ من الصدمه بدت دموعي تتجمع .. من الخوف بدى قلبي يرجف .. اوووووول مره تعصب كذا والله ما قد شفتها كذا وش صار لها .. قلت بخوف:رقمهم ... في .. رقمهم في الدفتر الصغير حقي .. ماما قالت وبغضب اكبر خلاني ارجع خطوتين على ورا:وانا مو قلت لك ارمي الدفتر التبن هذا ومن متى قايله لك .. قايلة لك من ستتتتتتتتتت سنين ارميه .. ليش ما رميتيه .. انا خلاص وصلت معي .. بديت اصيح ركضت لغرفتي فوق وجلست على سريري وانا ابكي والف سؤال وسؤال ينطرح في بالي اولهم .. ليش صرخت علي بهالطريقه .. انا مره اخاف من الصرااااخ مره اخاف منه .. عمري ما قد شفت شكلها كذا معصبه .. مدري وش صار لها فجأه .. ليييش ؟؟؟ فجأه انضرب الباب ما رديت .. دخل الي ضرب الباب وجا وجلس جنبي .. مدري مين .. كنت شبه منسدحه وانا ابكي بدت افكاري تتحول لـ .. ليش ما تبيني اكلمهم وليش عصبت يوم قلت لها الدفتر الصغير ؟؟ جلست اتذكر .. تقول ست سنين .. متى يعني متى ؟؟ ذيييييييييك اليوم .. كننا جالسين نبي نغير ستايل الغرفه وماما تبي ترمي الاشياء الي مالها داعي لان غرفتي كانت زحمه .. وو .. ويوم شافته تضايقت وقالت لي ارميه بغيت اصيح عند رجولها واقنعها اني ما ارمي حاجاتي الي من القريه بس هي ما رضت .. كنت اقولها مستحيل ارميهم هذولا هدايا من العنود .. لو شفتها بعدين وسألتني وين الهدايا الي اعطيتك اياها وش اقول لها .. اتذكر ان ماما قالت لي انتي اصلا ما راح تشوفينها .. مدري ليش قالت كذا .. جمعت الاغراض بصندوق وحطيتها بآآخر الدولاب وتوني القاهم واتذكرهم .. يعني باقي اشايء بالصندوق .. بس .. حراااااام عليها رجعت ابكي حسيت بيد تمسح على راسي .. رفعت راسي بقهر وغضب وانا ابكي:بعدي عني روحي عني مابيك مابيك خلاص ناظرني عبدالله بتعجب .. اجل هذا عبدالله .. اكثر انسان محتاجته بهاللحظه .. رجعت ابكي وحطيت راسي على رجله سكت وما قال شي .. بس جلس يناظرني .. دخلت ماما عبدالله بسرعه وقف وانا رفعت راسي اناظرها .. انتظر وش تبي تسوي بعد .. قالت على طول .. بملامح عجزت احللها:عبدالله اطلع طلع من غير ما يعقب او يقول شي .. سكر الباب وراه .. مدت يدها وقالت:عطيني الدفتر وعطيني جوالك .. مسحت دموعي .. كنت توني بعترض على اخذتها للجوال بس .. خلها تاخذه هي شرته من حلالها .. فضلت اني ما اسألها عن شي .. خلاص هي بكيفها الهل يحللها مو لازم اعرف هي ليش عصبت ولا ليش صرخت علي .. مو لازم اخرب عليها الاجر .. قمت وعطيتها الجوال .. كنت ملاحظه عليها انها مستغربه اني ما اعترضت لكن ما قالت شي كنت منننننننننقققققققره مره كل هذا تسويه فيني وانا ما قلت شي وما سويت شي ... ليش طيب ابي سبب مو لاقيه .. قالت بلهجه صارمه:مافيه طلعه الا من البيت للمدرسه ومن المدرسه للبييت ناقصك ملابسك اجيب لك كتلوجات محلات الملابس محلات الاكسسوارات محلات الجزم ابجيب لك الي تبين بس طلعه مافيه مفهوم .. سكتت .. ليش طيب ليش .. طاحت دموعي بس حاولت احبسها كنت احس انها انسانه شريره .. مافي مبرر لحركاتها .. بس اكثر شي اهمني بموضوعها هذا لمتى بتحبسني يعني؟؟ انا عارفه انو الاعتراض ماله داعي .. قلت لها ... كم ؟ قالت وهي تطلع : لين ما ربي يستر عليك .. رجعت اصيح .. وقلت بصوووت مره باااكي:زين ليش انا وش سويت الحين ؟؟ قولي لي وش سويت الله يخليك .. لاحظت نظرات الشفقه بعيونها .. طلعت اول ما بدت تطيح دموعها وهي تقول:سامحيني غصبن عني يا بنتي .. اصلا عمري ما كنت بنتها كذااااااااااابه .. كذاابه .. اكرههها واكره كل شي .. وش سويت بس ابي اعرف وش سويت .. تطبق قانون حظر التجول .. كنت ما اكلم ماما ابدن .. ودايم اروح لبابا اسأله واترجاه وشوي ابوس رجله يقول لي ليش تركههم لكن مو راضي يقول .. دايم يصرفني .. كنت كل يوم ابكي وجلس بره بالحديقه من اول ما ارجع من المدرسه لحد الليل وما ارضى ااكل معهم .. ااه يا ذا الحديقه كل ما يضيق صدري اسنتر فيها ... جا احد فجأه وجلس جنبي .. هذا عبيد .. ابتسمت بسرعه ومن قلب بعد ... حتى صديقاتي ما اشوفهم الا بالمدرسه .. كنت اطفش لحد كبير مره مره .. بس اسكت .. مصيرهم بيقولون لي او انا راح اعرف .. والي مخليني ساكته انهم متفضلين علي بخيرهم .. الله يجزاهم خير بعد .. عبدالله:هلا يا الدوبه على طول انسدحت على رجله:عبييييييييد .. عبدالله وهو يمسح على راسي:عيونه .. بديت ابكي بشويش:لمتى بفضل كذا؟؟ قلي انا وش سويت .. ؟ عبدالله يتنهد:والله علمي علمك كل شي صار قدامك صار قدامي انا بعد .. جلست اكمل بكي بهدوء ... مرت السنين .. وسنين وسنين ماهي طويله مدتها بقد ما الطفش والهم الي فيها طويل سنتين .. ما اطلع من البيت الا بالموت ..سنتين يا ناس كنت ابكي عند رجل ماما عشان ترجع لي الجوال .. او عشان تتركني اطلع .. او عشااان اكثر طلب اتمناه .. ليش ما تبيني اكلمهم .. في هالسنتين تغيرت مره .. تعلقت بعبدالله مره .. وهم نسيتهم حسيتهم مثل امالي وامنياتي وانا صغيره ببيتنا الطين وغرفتي البارده وصوت جدتي تقرا قران وانا احلم اعيش بقصر وردي واصير مثل ساندريلا .. عشت هالسنتين مدري كيف .. تصير تحولات غريبه .. على قد ما كنت فرحانه طول السبع سنين على قد ما كنت حزينه طول سنتين كانت بأيامها ومحتواها اطول من عشر سنين . .معقووله يا ناس سنتين محبوسه كني دجاجه ما اطلع الا للمناسبات المهمه محرومه من الجوال والتلفون الثابت الا لمن الناس تدق علي ؟؟ كانت كل وسائل الترفيه موجوده عندي طول هالسنتين الا وسائل الاتصال بالناس .. لهادرجه ما تبيني اكلمهم .. زين ليش خلاص مستعده اتخلى عن نقطة الامل الي طلعت لي في حياتي اني اقدر عن طريق العنود واخوانها اوصل لشخص من اهلي .. مستعده اطقع نبتة الامل هاذي الي نبتت بقلبي عادي والله بس ابي اعرف ليش كذا هذا حاولت كثير وصدقوني يمكن بارت واحد ما يكفي اصف فيه مجهوداتي بس اختصرت هالستنين .. لأهم حدث صار فيها بمثل ذاك اليوم الي كنت ابكي فيه على رجل عبدالله بحديقتنا كنت الحين بنفس حالتي .. بس كنت اكبر بسنتين .. قلت بحزن وانا على رجله وانا امسح دمعتي:ليش بيغطوني عنك ؟؟ عبدالله يرفع راسي:كبرنا خلاص يا بنت .. عيب هههههه ناظرته : بدري .. تو الناس يوم صرت ثور وانا بقره قالو بيغطوني عنك .. حظنته بقوه وانا اقول:مستحيل اتخيل ان هذا اخر يوم بكون قريبه لمك .. عبيد ما اقدر اتركك .. حط يده على ظهري بهدوء .. مدري هو مبسوط ولا زعلان ولا كيف وضعه .. بالنسبه لي انا مو مستعده افقد اعز اصحابي .. كنت اعتبره مجرد صديق لا يروح فكركم بعيد .. بس هنا عاداتنا وتقالدينا ما ترضى لنا نسوي كذا .. انا يمكن تعديتها شوي .. هذا الانسان كل شي بالنسبه لي مره مره بـ .. بـ .. حتى مو لاقيه التعبير المناسب بحالتي لو خلوني اتغطى عنه .. حرام عليهم خلاص ما دامنا كبرنا انا 18 وهو 20 سنننننه .. كبببببببببببببير مره بالنسبه لانو افتش له بس خلاص ما دام انها خاربه خاربه وهو حافظني وعارفني حبكت الحين الا يغطوني عنه .. ؟ يوم عن يوم بديت اكره ماما على قد ما كنت اعشقها .. الله يسامحها بس الله يسامحها .. وقف عبدالله ووقفت معه عبدالله:يا مصلك يا شجن انتي ودموعك ذي الي مالها داعي .. هههههههه والله عادي مافيه فرق انا:لا فيه فرق ما راح اقدر اقعد معك زي اول واسولف معك واشكي لك .. عبدالله انت تعرف حالتي كيف صايره لا اروح ولا اجي ولا اشوف احد ولا اكلم احد حتى صديقاتي علاقتي بهم صارت بايخه .. عبدالله والله حرام عليهم .. سكتت عبدالله وما عقب باين عليه ما وده بس هذا قرار بابا .. كان من زمان يبي يغطيني بس يوم ماما وقفت معه .. خلاص لازم .. عبدالله:يلا شجونه .. بي باي .. انا:يعني اخر مره تشوفني بدون حجاب يا الدوب .. عبدالله يمسح دمعتي ... مره ارتاح لما يسوي كذا:ايه .. لا تكبرين السالفه انا بحماس:طيب بسألك سؤال في خاطري .. عبدالله ابتسم:يلا .. انا: انت تحبني صح ؟؟ تغير لون وجهه وارتبك مره .. يمكن من سؤالي حس اني ابادله نفس المشاعر لكن لا .. انا ما انتظرته عشان يجاوب او عشان يفهمني غلط على طول قلت له ..... عبدالله ترانا مجرد اصدقاء اوكي .. ناظرني بإبتسامه .. كانه ارتاح شوي .. :اوكي .. حظنته بسرعه وعطيتهه بوسه ورحت عنه .. الله من زماااااااااااااان ما قد عطيته بوسه .. صراحه مدري وش ردة فعله الحين بس انا .. اكيد رحت ابكي على سريري .. كل شي بيحرموني منه .. ما دام خلاص مافيه عبدالله انا لازم اعرف لييييييييييييش ما يبوني اشوف العنود او اكلمها .. نمت وانا ابكي .. نمت وانا احس اني نكره في هالعالم .. نمت وانا احس ان مافيه احد بهالدنيا انا مهمه بالنسبه له .. قهر ان الواحد يحس بهالاحساس .. قهر .. وليه ماما مسوية كل هالزحمه .. ؟ نمت وانا ابكي .. نمت وانا احس اني نكره في هالعالم .. نمت وانا احس ان مافيه احد بهالدنيا انا مهمه بالنسبه له .. قهر ان الواحد يحس بهالاحساس .. قهر .. نمت ويا ليتني ما نمت .. الكوابيس صار لها فتره تلاحقني كثيييير .. خصوصا هالاسبوع .. كنت افكر كثير بجدتي وبقريتنا وبحمد والعنود واسباب تصرفات ماما المجهوله .. حلمت اني كنت موجوده .. هناك ببيتنا .. حلمت اني كنت منسدحه على يد جدتي .. هالمره ما كان معي كورن فلكس وكنت صغيره .. حلمت اني بعمري هذا منسدحه بجنبها .. كنت اناظر السقف وانا مبتسمه .. والتفت على جدتي .. نفس الصوره الي انطبعت بعيني ذاك اليوم .. كانت جدتي تناظر فوق وفاتحه عيونها وشعرها منثور عالارض والدم حول راسها .. كل ما اتذكر هالموقف خلاص ما اتذكر وش يصير بعده .. كل اللي حسيت به بعد هالكابوس الفضيع .. صوت ماما تذكر الله وتمسح على جبيني الي كان كله عرق .. مدت لي المويه:سم الله عليك يا بنتي ما تشوفين شر سم الله .. سمي بالله وتعوذي من ابليس . كنت لحظتها فاهيه ولا ادري وش صار .. كنت مثل كل مره يجيني هالكابوس .. اعرق مره ويصير سريري كله مويه .. وكل مره اصحى القى ماما جنبي تبكي من الخوف وبابا واقف عند باب الغرفه يطالعني بملامح غريبه عجزت من تسع سنين اني اعرف ملامحه هذي وش تعني .. تقول ماما انها جت يوم سمعتني اصرخ .. كنت اصرخ ؟؟ اخذت المويه من يد ماما وشربتها .. كنت خايفه شوي بس مابي اخوف مااما معي قلت لها بهدوء :ماما خلاص روحي نامي ما صار شي .. لكن ماما ما رضت تقول تبي تجلس معي افففف وليش تجلس معي .. ماني بزره .. تأففت وغطيت نفسي ولفيت وجهي عالجهه الثانيه حسيت فيها قامت وجلست بالكرسي الي عند التسريحه .. اول ما بابا راح وعم السكون بديت استرجع احداث الكابوس .. مره كنت خايفه ابي افكر بشي ثاني مو عارفه .. جلست ابكي وابكي من غير ما ماما تحس فيني .. لحد ما اعلنت الشمس عن الشروق وبدت العصافير كالعاده تغرد وتصحيني من نومي مبتسمه .. لكن هالمره لا .. كانت ماما تهزني بشويش شجن .. شجن قومي يا ماما تأخرتي على صلاة الفجر .. تنهدت وقمت اصلي وبعد الصلاة نزلت للحديقه اغير جو .. تصير مره روعه في الساعات الاولى من الصباح .. رفعت بنطلون البيجامه وجلست على حواف المسبح العب برجولي بالمويه وافكر .. هل انا بزر عشان يعاملوني كذا ؟؟ ابي اعرف وش سر كل هالاشياء وليش ماما تكرههم او ما تبيني اكلمهم اصلا ليش حارمتني من كل شي .. تخاف اني اتصل فيهم بطريقه ثانيه يعني ..؟ طلعت ام سلطان .. العجوز .. شغالتي الجديده عقب خلود .. الله يذكرها بالخير .. انخطبت وتزوجت وضفت نفسها وعيالها .. لو جوالي معي او التلفون قدامي عشان اقدر ادق كان كلمتها .. اففف مو معقوووله لهدرجه طفش .. قمت بسرعه ودخلت البيت برجولي الرطبه وانا اركض لفوووق .. اخذت الاب توب ونزلت من جديد وجلست بالكراسي قدام المسبح وبالحديقه .. اروع قعده .. بس الحين الساعه ست وربع يا رب يصير عبيد داخل عشان اخليه يجي .. لاااا نسيت .. صرت اتغطى منه .. افف اكره نظرة اهلي لهالموضوع .. عفوا .. نظرتهم .. ما اقدر اسميمهم اهلي ..ما شغلت بالي كثير وفتحت المسن .. كالعاده طفش بلا حدود .. فتحت الشات ودخلت بأسم ولد .. خل استهبل شوي .. نكد هالبيت .. دخلت روم منطقة الـ ***** وبديت اسبهم واتريق عليهم شويه جتني ماما ..:وش مقومك ليه ما نمتي .. انا كنت مندمجه بهالواش فما رديت عليها .. عادت علي سؤالها .. التفت من غير اهتمام:هاه .. ما جاني النوووم .. ماما بفضوول:طيب وش تسوين .. قلت بحماس:استهبل على خلق الله .. ماما وهي رافعه حاجب:يعني هنا تكلمين الناس؟؟ احيانا احس ان ماما غبيه .. جاوبتها بنعم من غير نفس .. فجأه لقيتها تسكر الاب توب .. قلت بتعجب:وشو؟ ماما:عطيني الاب توب جلست فتره اناظرها بحقد .. مو لهادرجه عاد كل شي له حدود .. على الاقل تقول ليش تبي تاخذه وتحرمني من تسليتي الوحيده في هالبيت .. قمت ورميته على الارض بقوه وانا معصبه والدموع متجمعه بعيوني .. ورحت دخلت بسرعه لغرفة ماما وبابا فتحت الباب بعنف وانا خلاص جالسه اصيح :باابا .. رفع بابا غطا السرير عنه بروعه:وش صاير .. رحت له وجثيت (يعني جلست بركبتي) عنده وانا ابكي:بابا قول لي انا وش سويت عشان تحرموني من كل شي اذا انتو بتعاملوني كذا كان ما اخذتوني من الاساس والله حرام عليكموحطيت راسي عالسرير وانا ابكي .. حسيت يده تمسح على راسي وهو يتنهد .. بعدين قال:وش خذت منك؟قلت وانا على نفس حالتي:الللاب توب .. رفع راسي وطالعني بإبتسامه .. قام من السرير وقال:خليك هنا بجيبه لك .. وقفت وانا امسح دموعي ورحت وقفت عند الباب وانا اطالعه ينزل من الدرج .. ياحبي له دايم ياخذ حقي .. مع ان علاقتي فيه مش ولا بد .. بس ولو احبه واموت فيه ما يزعلني ابدن بعد دقايق رقت ماما معصبه ومرت من جبني من غير ما تتكلم .. يمكن بابا هزأها .. ههههههههههههه هزأها مره وحده .. ابتسمت بنصر ورحت غرفتي .. اللاب توب مستحيل يرجع لان شكلو تكسر خلاااص .. اااه يا هالهم السبت الجاي اختبارات .. وبعدها الاجاازه .. بخلص الثنوي بهالسرعه .. الله يا الدنيا الايااام تمضي من غير ما احس .. كأني امس جالسه العب اول مره بحمامي بالرغوه والصابون والبس فستاني الوردي واناظر ساندريلا .. انسدحت على السرير بتنهيده وانا مبتسمه .. ايام الطفوله جدن جميله .. حسافه خليتها تعدي علي كذا .. بس انا وش بإيدي اسويه عشان اسويه .. هذا حكم القدر ولازم ارضى .. كنت دايم اقتنع انو الي يصير لي الحين لان ربي يحبني .. ربي ما يبتلي شخص الا اذا حبه .. اوووف زمان عن ايام المراهقه والاستهبال .. مدري فجأه تغير موضوع تفكيري خخخ .. اااه الله يعيني .. مروو اسبوعين الاختبارات عالسريع عالسريع مثل البرق .. صبااح يوم السبت الي بعد الاختبارات كنت قدام المرايه اتكحل واحط القلوووس عشان اروح استلم نتيجتي .. مره متحمسه هاذي نتيجة ثالث ثنوي .. اول مره احس بشعوور زي كذا .. اوو ماي قاد احس اني صرت كبيره .. مدري مو قادره استوعب اني بعد ثلاث شهور او اقل بصير في الجامعه .. واااو تجربه حلوه غريبه شويه بس بتضل حلوه ..نزلت من سيارة بابا هالمره اصر انه يوصلني المدرسه ويفرح معي بالنتيجه .. شفت وانا ادخل مهند .. اه يا ذا المهند مقلقني في حياتي .. من اول الترم الثاااني وهو يناظرني .. باب الثنوي بنات كان بجنب باب الثنوي اولاد فكانو اذا طلعو يمرون هناك .. كنت افرح .. واو فله ودجه وصياعه واستهبااال .. طبعا اذا رقمني واحد ما اخذ الرقم والسبب بسيط وجدن واضح .. اكتفي بالايميلات بس .. الحين ما عندي لاب توب خخخخ .. لازم اشتري لي واحد بدال الي كسرته بعد ما يشوووف بابا النتيجه .. لاني طبيعي بجلس طووول الصيف احرس الرياض وخلق الله يسافرون ويروحون ويجون .. على الاقل الدمام ولا جده .. لا مافي .. قلدت صوت ماما وهي تقولها وانا اضحك .. اشرت لمهند يرووح لان بابا هنا ومابيه يشوووفني اكلمه او هو يكلمني والافضل بعد اني اصلا طفشت منه .. اوووف ترم كامل وانا معه .. العن ام الطفش .. صحيح على نياته بس ولو ما تعجبني الي شخصيته ضعيفه انا احب عزيز النفس الي ما يذلها ابد .. مثل نمر بن عدوان يا لبى قلبه .. ههههههه دخلت واخذت نتيجتي .. بغيت اركض بالشاااارع من الفرحه .. مو معقوووووله 95 فاصله 66 .. نتيجه ولا اروع صرااحه .. بالنسبه لي طبعا .. فرحت بابا .. وحتى ماما فرحت مع ان اخلاقها قاافله هاليومين .. وريتها النتيجه بفخر .. ابتسمت وربتت على كتفي وراحت .. مره تضايقت كنت ابي مدح او اي شي .. مو هذا الي استحقه .. بعد ما كدرت ماما خاطري انسدت نفسي عن الغدا فرحت غرفتي .. جلست اناظر درجاااتي .. يا رب وفقني هذاني بأول الطريق ارسم خط لحياتي .. هاليومين اهوجس كثير في موضوع الزواااج مدري ليه .. هل لاني ابي اهلي يفتكون من حملي ولا ايش؟؟ ادور عن الحنان مثلا؟؟ ههههه احيانا اضحك على نفسي .. حنان مين والناس نايمين .. اصلا اسم حنان صار قديم ومحد صار يسمي بناته ... حنان .. وكذا ولا كذا انا وش يضمني اساسا ان الي بتزوجه حنون .. اوووف مشالله علي قمت اخطط لبعيد .. الي بتزوجه .. حركااات متى صار الزواج اخر همي .. هههههههه الله يجيب الي فيه الخير .. الله يجيب الي فيه الخير .. كنت انسانه من غير طموح بهالحيااة .. مافيه شي افكر فيه في حياتي من كثر الطفش الي انا عايشته .. احس ان مخي فاااضي ومافيه اي شي عشان كذا اعيد الذكريات واجلس انبش بأشيااء قديمه .. طيب ليش ما افكر في المستقبل ؟ ليش لا .. وش مستقبله طيب الي الحين قدامي؟؟ اووف مستقبل كبير لا ومحتااااااج تفكير كثير .. الجامعه .. مفرووض من الحين اقدم اوراااقي وابدى احدد طموحي مو اووقف كذا .. لازم اشاور ماما وبابا .. قمت من سريري متحمسسه موووووت ... تجربه جديده وشي جديد .. ودي ادخل طب اسنان او صيدله عشان اصير بجامعه مختلطه .. هع هع تفكيري سعودي من جد .. هههه رحت لغرفتهم وتوني بضرب الباب .. بس استوقفتني كلمه .. : ولو يا خالد لو اني مو ملزومه اخاف عليها هالقد بس شجون بنت اختي وانا اولى من الغريب وكفايه ان ما عندي عيال تبي تحرمني من سعادتي بتربيتها انا ما صدقت على الله جدتها ماتت عشان تجي معي .. كان صوت ماما وهي تبكي وتصرخ .. انا ما استوعبت شي .. اصلا ما قدرت اركز عالكلام بعد ما سمعت ( بنت اختي ) وش السالفه ؟؟ ووش صاير ؟؟ يقصدوني ولا يقصدون شجون ثانيه؟ بدى قلبي يرجف من الخوف .. سمعت بعدها صوت بابا يهديها .. : يا سعاد ولو مو تروحين تحكرين البنت بهالطريقه ما يجوز هذي يتيمه .. تدرين ان ام منصور هي تاسع وحده ترفضينها وولدها ما يعيبه شي .. تسعه يا سعااااد تسعه جو يبون البنت وانتي رفضتي من غير سبب مقنع .. والله مو حاله اتركي البنت تعيش حياتها حرام عليك انتي.. يا ربي وش جالس يصير الكلام كله عني .. انا متأكده .. دموعي تجمعت وانا واقفه تصنمت مكاني كان ودي اروح ارجع لغرفتي .. اقل شي اسكر اذني لكن ماني عارفه فيه شي موقفني .. كنت انتظر رد ماما .. قالت بعد وقت طويل من البكي : خالد .. انا ما سويت هذا الا لمصلحتها .. قال بابا بسرعه .. : مصلحتها ؟؟ وانتي وش دراك .. من اليوم وطالع مالك دخل فيها انا بحسبة ابوها ولا بتقولين انا غريب بعد .. خلي هالاجازه تعدي على خير الله يرحم والديك .. اسمعي .. انا والله تعباان وانتي عارفه زين ان المرض الي معي ماهو هين .. مو مفروووض انا اللي اوصيك على نفسي مفروووض انتي الي تبعديني عن ضيقة الخلق يا سعاااد .. الله يصلحك .. الله يصلحك كان يقول الله يصلحك بصووت مخنووق .. وانا خلاص راسي انزحم بالاسئله الكثيره كل واحد يطرح الثاني كانت افكاري بحالة فوضى غير طبيعيه مدري وش استوعب مدري وش اخلي .. تخاف علي من وشو ؟؟ وكيف انا بنت اختها ؟؟ وبعدييييييييين وشو ما صدقت على الله جدتها ماتت ؟؟ ماما تعرف جدتي اصلا .. ما صدقت على الله ماتت ...!!!!!! عشان تاخذني ..؟؟!؟! .. جلست بالمكان الي كنت واقفه فيه وتسندت على الجدار وانا ماسكه راااسي .. خلاص بصيح وش صاير ؟؟ سمعت بسرعه بابا يقول بهدوء:ترا حجزها تأكد .. مسكينه البنت لها اجازتين ما سافرت بره الرياض .. اتركيها تروح مع عيال عمها بريطانيا .. منها تغير جو ومنها اكمل بقية فترة علاجي بالمستشفى من غير ما تحس .. قالت ماما بإعتراض: هذولي مو عيال عمها كم مره قلت لك .. وبعدين معهم عبدالله .. والبنت تمون عليه ومابيها تجلس معهقال بابا وهو يحاول يقنعها:سعاد لا تبينين للبنت ان الوضع مو طبيعي صحيح هي تدري انه مو ولد عمها بس عدته كذا خلاص .. وبعدين اخوي انا مكلمه من شهر والفيزه طلعت .. خلها تروح تغير جو وفكينها يا سعاد من هالسالفه .. البنت كبرت وانشالله بتتزوج قريب .. بتزوج قريب ؟؟ فيزه وسفر لبريطانيا ؟؟ هييييييييه يا ناس اسكتووو شوي عقلي مو راضي يستوعب الكلام الي قبل عشان يستوعب الكلام الي الحين .. يا ليتني ما سمعت شي مو انلحس بهالطريقه انا لازم اعرف اجوبة كل هالاسئله لازم .. قررت اقووم وقفت لكن يوم ماما تكلمت تراجعت من جديد .... ماما:لا يكون بتوافق على ..قاطعها بابا:ايه ليه لا وش الي يمنع .. ؟؟ الولد وشجون محجوزين لبعض من زماااان وابو الولد يوم كلمني كان متعلق بشجون ويبي يلم الشمل من جديد .. خلاص يا سعاد اعتقد تسع سنين بعيد عن اهلها كافي .. ماما بغضب:سو الي تبي انا ما عاد يهمني .. اتعب واربي واسهر الليل عشانها وهذا جزاتي .. حسبي الله عليك وعليهم .. انا خلاص بديت اصيح ؟؟ وش صاير ووش يتكلمون عنه يا ربي ؟؟ ركضت لغرفتي وانا منصدمه سكرت الباب وراي وانا حاااااااايره مره من الي سمعته ؟؟ بقيت بغرفتي طوول النهااار افكر .. مره ابكي مره ابتسم .. مدري ليش بس ابتسم فرحه بالي سمعته يمكن ..! وابكي صدمه ؟؟ انا تعقد تفكيري خلاص لازم اعرف وش مرض بابا هذا الي يحكي عنه ؟؟ وليش ماما تنتظر جدتي تموت ؟؟ وما تبي اي اتصال بيني وبين ابو حمد وعياله ..؟؟ والسؤال الاهم ... ليش قالت عني .. بنت اختها .. ؟؟؟!! انا لازم احط حد لهامهزله الي عايشتها .. والله لو اني خرووف كان ما سووو فيني كذا .. لازم اعرف ما راح اسكت .. نزلت لقيت ماما وبابا بالصاله الي فوق عند التلفزيون .. ماما كانت حاطه رجل على رجل وتهز رجلها بسرعه .. يووو اكيد معصبه .. وبابا حاط يده على خده وكل جسمه على يد الكنبه .. اكيد موو رايق بعد .. اووف وش هالحاله .. بس ما علي بسألهم لازم .. جيت وجلست كنت خايفه من المقدمه الي بطرحها .. ؟ هل ابدى ابكي واقووولهم فهموني وش جالس يصير بحياتي ؟؟ ولا اقول تراني سمعتكم وعرفت كل شي ؟؟ عشان يعترفون يعني .. ااه يا ربي وش اسوي .. قلت ببشاشه وانا ابي الطف الجو:مسااااااء الخيير .. لكن السكوت كان سيد الموقف .. بابا تكلم بعد عشر دقايق يوم لاحظ .. قال من غير نفس: ..مساء النور تنهدت بضجر .. ماهي حاله والله لازم واحد منهم على الاقل يسمعني .. يفهمني ويفهمني .. تنحنحت بشويش وقمت عدلت لبسي وجلست من جديد واخذت نفس .. قلت بصوت شبه مسموع:بابا ... ماما .. رفعت ماما راسها ومن بعدها بابا الي التفت بسرعه .. ناظرتهم كويس .. طالعت بعيونهم وبعدها نزلت راسي .. انا:ولا اقولك يا خالتي ؟؟ ماما بان عليها الارتباك لانها تكلمت بسرعه : من يومك صغيره تسميني ماما عاقت على الحين يا حبيبتي .. ؟وبعدها وجهت ماما نظراتها لبابا وعلى وجهها علامة استفهاام وخووف ونفس الحاله مع بابا .. انا ابتسمت وطاحت من عيني دمعه .. ما كانت دمعه فرح ابدن .. كانت دمعة الم .. دمعة الم كبييير عشته بحياتي .. الياء ياء الملكيه صح .. يعني حياتي انا .. حياتي المجهووله بالنسبه لي .. قلت بعد ما تركت الحريه لهادمعه بالنزول .. على خدي .. وعلى رقبتي .. واستقرت اخيرن على شكل بقعه صغيره ببلوزتي .. قلت : لا يا خالتي .. مو لقب يدل على الاحترام ابدن .. هذا ما يعني انو ما فيه احترام .. لا اكيد فيه .. بس انا اقصد ان كلمة خالتي على لساني واجبه .. يا ..... ماما .. ما تسنت لي الفرصه ارفع راسي واشوووف وشهي ردة فعلهم .. ضليت منزله راسي خايفه من ردة الفعل هاذي كيف بتكون .. هل حبس اقسى من الان ام طق ام وشو ؟؟ اصلا انا وش سويت شي غلط .. راااسي بينفجر خلاص .. احس اني مظلومه من غير ظالم فيه شي مخليني حزينه مدري وشو فيه شي منكد علي .. حياااااتي المجهووله عني .. فضلت على حالي وما غيرت وضعي .. قال بابا:براحتك يا نور عيني تبين تسمينها خالتي سميها .. الافضل ماما .. من وين جتك هالافكار .. بدري توك تبين تغيرين لقبها على لسانك .. كنت متأكده الا عارفه ان بابا وماما درو اني سمعت .. لكن .. شكلهم مو متأكدين و يبون ينهمون الموقف .. فسكتت ما عرفت كيف ارد او وش اقول .. اشرح له بعد اكثر واقووله اني سمعت كلش ؟؟ .. لكن ما امداني افكر الا وتكلم:على فكره يا شجن بعد يومين طيارتك مع عيال عمك زياد بو عبدالله بيرحون بريطانيا وجنيف وانا حجزت لك معهم تغيرين جو .. يلا انقزي جهزي شنطتك انتي وام سلطانالله عليك يا بابا .. دايم تسوي شي او تقول شي يقلب السالفه مره وحده .. عارفه يا بابا عارفه انو بسافرى معهم عشان تصير عندك فرصه تدخل وتتعالج من المستشفى .. مهما كان المرض الي فييك اعفيني اني اسألك .. الافضل اني ابقى اتكلم مع نفسي واكتب هالكلام بهالسطور يقراها غيري .. مهما كان المرض .. الله يشفيك .. الله يشفيك من كل شر ويحفظك ويبقيك يا رب .. قمت من غير ما اعقب بولا كلمه .. تركتهم بين الحيره والخوف .. خليتهم يذوقون طعم ذقته قبلهم بكم ساعه وهم مخفين عني احداث كثيره بحياتي .. مابي بابا يتضرر الحين انا مدري وش المرض الي معه .. لكن الافضل اني اسكت .. على الاقل لحد ما ارجع من اوروبا ويصير خير .. افففف بروح مع فاتن .. الله يعيني على هالرحله .. ويصبرني لحد ما ارجع والاقي اجوبه لكل الاسئله المتجمعه براسي .. يا رب صبرني .. حاولت قد ما اقدر اني اتغاظى نظرات بابا وماما واتحاشى الجلوس معهم .. لاني لو جلست معهم بمووت من القهر ويمكن يصير لي شي لو شفتهم قدامي وما سألتهم واصريت على السؤال .. جا وقت السفر .. وصلني بابا للمطار نزلت لقيت عمي مع عياله هناك .. اول ما دخلت المطار ابتسمت .. اموووت بهالمطار وامووت بالدفتر الاخظر الي بيدي .. بالنسبه لي الجواز والمطار شي ثاني .. وسيله تخليني اتعرف على مجتمعات غير .. بنفس الوقت .. متنفس من الحجاب شوي اكره الي يقول ( يعني الله هنا ومو هناك ) انا خايفه من ربي بس ابي اعيش حياتي توني صغيره اذا كبرت ما راح افتش .. السبب الي يخليني اتغطى بالسعوديه المجمتع ومعتقداته البايخه .. ما اشغلت بالي .. رحت لعمي وتحطمت حيل لمى شفت فاتن .. اكيد بتكون فيه .. افف منها .. لكم على طوول رجعت لي الابتسامه لمى شفت عبدالله .. فله اشتقت له موت واشتقت لسواليفه .. فله 9 ساعات بجلس معه بالطياره .. الا صدق هم تسع ؟؟ ما يهمممممممممني اهم شي اشتقت له مووت .. اول ما شفته ابتسمت بقوه بادلني الابتسامه .. لكن دخلت فاتن بالجو كالعاده:اهلن شجون اف يا مصلها .. حتى صوتها متقصده تبين فيه انها قالتها من طرف خشمها هي وخشمها الي كنه زحليقة نمل .. ماني راده عليها .. سويت عمري ما انتبهت وطبعا بدى وجهها يصير اصفر على احمر على اخظر من القهر .. حررره .. ركبنا الطياره انا بدون نقاش مسكت يد عبدالله ورحت ادور على مكاني .. كنت بجنب الشباك فله .. بس المكان الي جنبي كان فيه حرمه .. التفت على عبدالله:يلا خلها تقوم ناظرني:خير وش دخلني.. استحي تأففت منه .. ينرفز هالانسان:انت طول عمرك تستحي مو شي جديد .. مسكت يده هالمره بقوه وسحبته لعند الحرمه :السلام عليكم كان شكلها على نياتها ولابسه عباية راس ومدري ايش .. ههههههه كل هذا وبتروح لندن .. قالت:وعليكم السلام انا قلت بكل ثقه : انا وزوجي بنسافر شهر العسل من هالطيار و ... ما حطونا بجنب بعض طبعا انا ما التفت على عبدالله عشان اشوف ردة فعله .. ولا انا عارفه انه رااح وطي قامت الحرمه بسرعه وانا ابتمست قالت:مشالله مبروك .. خلاص انا بقوم بس هو وين كان جالس التفت بسأله لقيت وجهه احمممممممر .. يا بعد عمري يستحي .. سألته :وين مكانك حبيبي ؟ بصراحه رحمته بعد هالكلمه .. هههههههههههههههههههه حسيت ان الفكره نحيسه بس عيب اقول للحرمه ابي ولد عمي يجلس جنبي خخ .. طبعا عبدالله قام يتءتء وهو يأشر لكرسي بجنب فاتن اخته .. الحرمه راحت وانا جلست وعلى طرف فمي ضحكه لو طلعت فجرت الطياره كلها .. قال عبدالله:يا كلبه انا خلاص انفجرررررررررررررت ضحك بطني تقطع وهو يناظر بقهر لكن بنفس الوقت مستحي وبنفس الوقت بعد كان مبتسم على شكلي الغريب .. لي زمان ما ضحكت بهالشكل .. الله يخليه لي ويخليني له ونبقا دايم اصحاب وحبايب يا رب .. بعد الضحك والعتاب منه والحوسه هاذي مشت الطياره .. احذت نفس عميق .. بودع ارض السعوديه بعد شوي فله .. فجأه سمعت صوت فاتن عندنا:عبوودي كح كح .. انت تعرف فيني ربو واخاف يجيني شي انا سألت الحرمه الي كرشتوها تقول ما تعرف تتصرف .. ومسكت يده : انت اخوي تعال اجلس جنبي تعرف وش يصير لي بالطيارات .. انا ناظرتها بقهر مره .. هي وكحة الدلع هاذي .. وجهت نظرات استفهام لعبدالله عشان اشوف وش رده .. عبدالله:ااا .. اوكي جايك الحين انتي روحي اربطي الحزام راحت ورمت علي نظره خلتني اموت من القهر :اوكي اف غبيه اكرهها اكرهها مووت ناظرت عبدالله وقلت بقهر واضح:الحين هي فيها ربو اصلا ؟ عبدالله:خفيف انا:ولازم تقوم .. ياخي والله لي فتره ما قعدت معك عبدالله كشر بوجهه:شجن اخاف تروح لابوي وتتدلع .. واصلا انا اخاف عليها بالطيارات يمكن يصير لها شي تسندت على المرتبه بقوه:اوكي انقلع .. قلتها بقهر واضح .. هو قام وراح لها وجت الحرمه ذيك من جديد .. كلمتني .. انا مدري وش قالت كنت في قمة القهر منها .. ومنه هو بعد ليش يسمع كلامها .. اف الله يلعنها يا ربي مو راضيه تخليني في حياتي الكلبه ذي لفيت بوجهي وانا اناظر الطياره تبتعد شوي شوي عن الارض .. هالارض .. هالرمال الغاليه .. اول مره احس بقيمتها .. صحيح قبل دقايق كنت بتقطع من الفرح اني بطلع عنها واتنفس شوي .. بس ... هالمره بالذات حسيت اني اذا رجعت ما راح تكون زي قبل ..راح يتغير شي فيها .. هذانا الحين طرنا لفوووق وبدينا ندخل بوسط الغيوم .. ابتعدت عنها لكن قلبي تمسك بأخر حبة رمل لمستها عجلات الطياره .. شي فيني كان يقول لي .. لا تطلعين منها لانك راح ترجعين غير .. ااه يا قلبي قلباه مدري وش جالس يصيرلي .. ما اقول الا فديت ترابك يالسعوديه لو ايش ما اكرهك .. السعوديه احيانا احس انها هي امي .. لاني اشكي لقمرها لا عجزت انام .. واشكي لبحرها وطيورها وسماها لا ضاقت فيني الوسيعه .. وعبدالله .. اقصد الملك عبدالله طبعا .. حسيت انه ابوي بشكل من الاشكال مدري كيف .. ومن جد هو ابوي .. يكفي بس اني اذا شفته بالتلفزيون الاحظ بعيونه نظرات ما الاحظها بعيون اي احد .. هالانسان يتهم فينا .. ويخاف علينا .. يسهر الليل لاجلنا وكل هذا مو عشانه يبي الاجر .. زي بعض الناس الي في بالي .. مشينا ومشينا وكل مالها الرياض تبعد عننا لحد ما تلاشت خلاص وتعديناها .. انشالله ارجع لها بخير .. انشالله ارجع لها ويكون كل شي تمام ياااارب .. يا رب .. مدري وش هالاشيااء الي برااسي .. اعوذ بالله من ابليس .. ما حسيت بعمري الا اني نمت .. اخر شي شفته وانا اغمض عيوني لون الغيم الابيض .. نفس اللون انطبع بحلمي .. احب عالم الاحلام احس ان روحي تاخذ راحتها وتطير لخيال واسع .. مثل مملكتي .. ترا لحد الان اتمنى اعيش بهالمملكه الطفوليه .. مافيها حزن ولا هم .. واهم شي .. فيها ماما وبابا .. لكن حلمي هذا كان غير .. اللون الابيض بدى يتلاشى .. وظهر من وراه شخص .. شخص مبتسم .. ناداني بحنان عمري ما حسيته بصوت انسان من قبل .. قال .. شجووون .. حسيت بسعاده كبيره .. صحيح اكرهه اسمي هذا لكن .. هالمره فيه شي يميزه .. النبره .. نبره اول مره اسمعها .. قربت لهالشخص .. يا ترا من يكون .. كان بقمة الجمال والروعه .. ولابس ابيض في ابيض .. وكان .. كنت .. هذا .. قمت فجأه .. كان صوت المضيفه تمد لي وساده كرهتها يعني بالله وش تحس به شايفتني نايمه تقومني عشان تعطيني وساده .. مسكتها وذبيتها بوجهها بقهر .. لكن تلاشت ملامح القهر بسرعه لأستفهام .. هالشخص .. حسيت بشي براسي .. ذكرى قديمه .. اتذكر شي لكن وش هالشي .. هاله شوفيها يا عمري عليها .. تبين بابا يشيلك .. تعالي .. شجون بابا مشغول الحين روحي خلي ماما تفتح لك الحلاوه الله يخليك ويحفظك يا رب .. ويحفظك يا رب .. ويحفظك يا رب هاذي كلها ذكريات .. صوت وملامح مغبشه لنفس الانسان ... بابا ؟؟؟ امتلت عيوني بالدموع ماني مصدقه هاذي اول مره في حياتي احلم فيه .. اوول مره اشوووفه اشوف كيف وجهه مافي ولا صوره ولا ذكرى تذكرني فيه غير قليل قليل مره .. حتى ببطاقة العايله صورته مو موجوده ؟؟ انا خلاص ابتسمت وخنقتني العبره مدري ابكي مدري اضحك .. هذا بابا يا ناس شفته لو انه مجرد حلم بس .. يقول الرسول صلى الله عليه وسلم ان اكثر الرؤيا الحقيقه تكون بنومة القيلوله .. فرحت كثير كثير كثير .. يا رب اغفر له هو وماما ودخلني معهم اشوفهم واجلس معهم .. اللهم امين يا رب امييين تكلم كابتن الطياره .. يطلب مننا نربط الاحزمه .. بالله انا نمت طول الطريق ؟؟ ما حسيت .. قمت للحمامات افصخ عباتي .. وانا راجعه لقيت عبود قايم .. طبعا من القهر سويت روحي ما شفته عبدالله:شجينه صح النوم .. التفت بسرعه:مشالله جيت شفتني يعني ؟ عبدالله:ايه يوم نامت فاتن جيت ابقعد معك لقيتك في سابع نووومه .. ناظرته بأبتسامه وتوني بمشي الا مسك بلوزتي من طرفها عبدالله:تعالي وين رايحه انا:برجع مكاااني بربط الحزام عبدالله:والله لو شافت ابوي بهلـ توه بيكمل كلامه بس انا كنت اسرع منه وقاطعته .. كنت عارفه اانه بيقول يا ويلك لو شافك بهالبس انا:عبود ما راح يقول شي .. وما يقدر اصلا .. سكت عبدالله ومشى .. وانا رجعت بمكاني بكل فخر .. يعني افف وش هالتخلف بنطلون جينز وبلوزه كت فيها شي ؟؟ ابدن ما فيها شي بس هم كذا متخلفين وهـ يا لندن وصلت .. بنزل مطار هيثرو يا ناس احبه مووت .. اول ما وقفت الطياره وجينا ننزل ناظرني عمي بنظرات بايخه .. ياكل كت كات وش علي منه .. يخلي رايه على بنته .. مسكينه مسويه متحجبه ومطلعه نص شعرها .. تفتش مره وحده احسن لها بكثير وصلت عند باب الطياره ومرت علي نسمة هوا بارده .. يوو برررد .. وانا لابسه كت .. عبدالله:الحمد الله على السلامه قلت وشفايفي ترتجف:الله ... يسلمك عبدالله ضحك :هههههههههههه وش فيك؟ كنت انزل وانا حاطه يدي حولي عشان اتدفى اكثر:برداااآآااأأنه ركبت الباص وعبدالله كان وراي ما حسيت الا بشي ينحط على اكتافي التفت بسرعه خوذي جاكيتي .. ناظرته ثواني وبعدين قلت:طيب انت لابس نص كم ؟ عبدالله يأشر عالمطار:الحين بناخذ شناطنا .. فصخت الجاكيت:اوكي يعني خذ حقك واذا جا الحين واخذنا شناطنا انا بطلع لي جاكيت وكلمه منه وكلمه مني جا عمي بالوسط وسحب الجاكيت:وبعدين معكم ورماه بوجهي:خذيه انتي واذا جت الشنط طلعيهم .. عشنا وشفنا انا انصدمت .. من يكون هالحقير عشان يرميه بوجهي .. لا ابو قرابه ولا ابو بطيخ هذا انسان حقير بكل معنى الكلمه .. بس هين .. مو الحين اذا رجعت الديره يصير خير ههههههههه ضحكت على نفسي شوي .. شكلي نسيت اني انا ولا شي ومجرد يتيمه عايشه على صدقة غيرها امثال ابو عبدالله .. نسيت من انا ومن هو .. الله يعين هههههههههه ما دقت عالموضوع كثير وخليته يمر مرور الكرام مع اني عارفه انه حز في نفسي كثير .. بس يالله وش نسوي .. لو بأيدي شي كان .. هذا شي ربي كاتبه علي اني اعيش منذله ... احيانا استغرب من نفسي لاني اصلا مو منذله ؟؟ ماديا يعني .. لكن معنويا .. كثييييييير هذاني وصلت خلاص .. وش بيصير ؟ |
الجزء الثاني البارت الاول ما دقت عالموضوع كثير وخليته يمر مرور الكرام مع اني عارفه انه حز في نفسي كثير .. بس يالله وش نسوي .. لو بأيدي شي كان .. هذا شي ربي كاتبه علي اني اعيش منذله ... احيانا استغرب من نفسي لاني اصلا مو منذله ؟؟ ماديا يعني .. لكن معنويا .. كثييييييير دخلت الفندق وانا مره فرحاااانه .. طبعا نفس الفندق الي نحجز به كل ما نرووح .. يعتبر افخم فندق بلندن تقريبا .. ما كان يهمني افخم فندق اتبن فندق المهم انو تكون عندي غرفتي وشرشف نظيف ووساده ... ايه وحمام خاص خخ رقيت ما التفت لاحد ولا انتظرت احد يقولي هاذي غرفتك او شي دخلت وقفلت الباب واخذت نفس عميق .. خلاص انا حره لمدة شهر كامل ولازم استغل هالحريه .. فصخت الجاكيت وفتحت شعري وانسدحت على السرير بقوه .. زي ما كنت اسوي اذا فرحت مره .. طبعي من يومني صغيره ومتعوده عليه .. اححححس بالرااااحه الحين .. خمس دقايق حصلت نفسي بساابع نومه .. صحيح نمت بالطياره .. بس نومة بعد السفر يصير طعمها غير خخخخ قمت على صوت ضرب بالباب .. ماكنت مستوعبه شي ومتنحه وتوني قايمه .. جلست ومغطت نفسي وتثاوبت دقايق .. جلست اناظر قدامي من غير اي هدف يذكر بعدها رديت على اللي يضرب الباب من ورا خشمي : وججججججججججع عبدالله من ورا الباب : شجن قمتي ؟ تأففت وانا اقوم افتح له :يعني لك ساعتين تدبج على الباب يا مال القرف .. اكيد بقوم .. اول ما فتحته شفت عبدالله شااق الابتسامه .. لكن اول ما شاف كشتي وتكشيرتي شكله غير رايه .. انا :مشالله وجهك بشوش عبدالله ابتسم:طيب اغسلي وجهك بننزل نتغدا قلت وانا اتثاوب:طيب كم الساعه ؟ عبدالله:هنا .. ولا بالسعوديه اف احس ان هالانسان غبي احيانن : لا بتوقيت الصومال عبدالله :ههههههههههههههه .. مالي خلقه جالس يتميلح من الصبح :عبيد الساعه كم خلصني عبدالله:مدري والله يمكن 2 تأففت .. يعني قد اذن الظهر خلاااص .. وش هالهم الي اعيشه .. ناظرته بعد تتنيحه طويله : مابي اتغدا .. وسكرت بوجهه ورحت للحمام .. شكلي ابخذ لي دش طويييييييييييييييييل .. عبيت الجاكوزي وجهزت الرغوه واسترخيت لآخر حد .. كذا الاسترخاء ولا بلاش .. وجالسه اغني ومندمجه وداااخله جوو من جد .. والله اعلم انا مدري وش صار .. بس اني سمعت صوت عبدالله من جديد .. انا قفلت باب الغرفه ولا نسيت ؟؟ اول ما سمعت صوته انزعجت .. اف مو راضي يفك عني شويه .. جا وطق باب الحمام :انتي رايقه جالسه تتروشين قلت بغضب .. اف مني رايقه له :وانت مو عيب عليك جاي تضرب علي باب الحمام شكله استحى على وجهه وفارق .. الله يقرفه خرب علي جوي ... المهم بعد خمس دقايق رجع ضرب الباب:شجن ابووي يبيك معصببببت مرره .. يقول لا تنزل الا وهي معك انا :مابي .. فجأه سكت عبيد .. اخيرن ما امداني اتهنى شويه .. لازم ينكدون علي هالناس .. المهم بعد نص ساعه قمت ولبست روبي وطلعت .. ولقيت عبدالله مستنر عند باب الغرفه .. ناظرته بنص عين :قليل ادب ناظرني من تحت لفوق:والله مو اول مره اشووفك طالعه من الحمام .. ابتسمت بسخريه : من قبل سنتين مشى لي شوي وانا لحد الان اناظره بنص عين .. قال : ليش معصبه علي طيب ؟؟ من الصبح وانتي تعامليني على اني مسوي جريمه التفت من عنده وفتحت شنطتي وقلت بكل برود : ماحبك ياخي .. غصب رجع لعند الباب وقال:اوكي استعجلي .. ضحكت عليه .. هالانسان قللللبه ابيض من اللون الابيض نفسه .. من الصبح وانا اهزء فيه ولحد الان ما تنرفز او فار دمه او عصب .. احسه ملاك مشالله عليه .. حبوب لدرجه ماهي طبيعيه .. طلعت لي كل شي يوم جيت لملابسي الداخليه حسيته واقف .. ايش هالميانه .. رحت له ودفيته لبرا من كتوفه :يلا اطلع بلبس .. قال وهو يرجع على وره :ههههههههههه اوكي شوي شوي سكرت الباب ولبست وجلست استشور شعري .. واللهي احس اني مروقه وهالمسكين جالس برا ما تغدى عشان حظرتي .. يؤ ما صليت ؟؟ مش لازم اصلي اذا رجعنا .. رجع ضرب الباب للمره الالف:خلصتي؟ فتحت الباب بعصبيه:عبيد على فكره اقلقتني .. خلصت اصبر البس جاكيتي عبدالله:اووكي يلا ننزل .. مسكت شنطتي وشيكت على وضعي بالمرايه وقلت له :بنتغدا بالفندق .. عبدالله:ايه .. يلالاااا قلت له بنرفزه:طيب طيب والله العظيم بنزل وش فيك امش يلاا .. عبدالله:ههههههههههههه ناظرته بعلامة استفهام:وش تضحك عليه؟ مشى قدامي:ولا شي ههه طلعنا من الجناح الي هو حقي انا وفاتن وعبدالله والجناح الثاني عمي وزوجته .. فله مع عبيد بنفس الجناح .. بس ما احس انو فله لذيك الدرجه لاني توني مزبدته مسكين ركبنا الاصنصير واحنا ساكتين .. قلت من غير ما اناظره :اسفه الفت:على ايش؟ انا:جننتك قبل شوي رجع يضحك .. ليش يضحك مدري .. نرفزني مررره قلت بعدم صبر :ممكن تقول لي ليش تضحك ؟ عبدالله: ههه بس .. كذا يعني شكلك مره خطير وانتي معصبه انا سكتت شوي وابتسمت .. اجل ابعصب دايم شكلي هههههه .. عقدت حواجبي فتره وقلت :طيب قبل شوي قلت اسفه ليش ضحكت عبدالله : هههههههههههههههههههههه انا:عبيد عبدالله:لانو كمان وانتي تعتذرين شكلك حلوو وش يحس به باللهي ؟؟ كل ما اسوي شي يصير شكلي حلو .. حشا ... لحظه انا ليش زعلانه ؟ الولد يمدحني لازم افرح .. بس لا اكيد يجامل. .. خخخ كبر راسي الظاهر .. وصلنا لعند عمي .. كان جالس عالطاوله ومشبك يديه وحاطها عند فمه ومنزل راسه ومرته قدامه بنقابها وفاتن بحجابها البايخ اف مرة عمي مدري وش احساسها وهي كذا ؟؟ ليش لابسه النقااب في لندن ؟ قرررف وتخلف بقوه مو لهادرجه .. لا ويبوني اجلس معهم بعد .. رفع عمي وناظرني وعيونه احسها تطلع شرارات نار خخخ .. قال وشكله كان ماسك اعصابه : ارجعي غطي شعرك وتعالي تغدي انا وقفت دقايق افكر وش اقول له اوافق يعني.. لا مستحيل خير مو على كيفه .. سكتت شوي ومديت يدي وقلت : ممكن تعطيني جوالك بكلم بابا طلع جواله وعطاني وقال من غير نفس :ماهوب ابوك .. مدري شلون اخوي مستحمل وحده مثلك عاله على قلبه طول هالسنين .. بس مو منك والله من الي ربوك .. كلميه وانجزي وارقي البسي لك شي ولا لا تنزلين انا وقفت بمكاني من الصدمه .. كلام جدددددددددددددددددددددن جارح .. خلاص ببكي .. مره بدت اطرافي ترتجف وجلست اتنفس بسرعه وخنقتني العبره خلااااص .. يمكن انتو ما تحسون ان السالفه تسوى بس هالكلام مره جرحني .. اول ما طاحت دمعتى ما قدرت اوقف دقييقه وحده طلعت بره الفندق وانا ابكي مره .. مدري من لحقني ولا ادري انا وين قاعده امشي له ومدري افكر بإيش بس مقهوووره ومجروحه بنفس الوقت احس اني ابكي غصب عني ما اقدر اوقف دموعي تنزل من غير ما احس ومره العبره خانقتني .. مشيت بنص الشارع والسيارات تمشي والبواري والناس والصجه وكل شي احسه بس صوره ابيض واسود من غير صوت .. تعديت الشارع ووقفت عند سور يطل عالبحر وجلست ابكي .. مو مقعووله فيه انسان بهادنيا لئيم لهادرجه .. كيف يقدر يقول لي هالكلام كيف ؟؟ لو انه عمي صدق كان ما قال لي كذا ... انا وش ذنبي اذا ناس ما يخافون الله متبنيني .. يا ليتني مت جمب جدتي ولا جابوني دار الايتااام يا ليتني كنت ببطن امي وقت الحااادث .. اكره كل شي كل شي بعد فتره حسيت بيد على كتفي .. كنت عارفه انه هو .. ومن غيره يحس فيني بهالدنيا هاذي كله .. شخص واحد بس .. عبدالله .. التفت ومن غير ما اناظره حظنته ورجعت ابكي بقوه .. لكن هالمره بكاي كان غير .. ما حسيت بنفسي اني كنت امشي معه للنفدق من جديد .. ما ناظرت حولي ولا اهتميت بالمطر الي اختلط مع دموعي .. اهم شي اني مع عبدالله الانسان الوحيد في هالدنيا الي محسسني اني موجوده على هالارض .. اول ما دخلت جناحنا لقيت فاتن واقفه وتناظرني وتضحك .. وانا مره ابكي .. ما ادري وش تحس به هالبنت مرررره حيو*** .. حركات وسخه الي تسويها يعني ليش تضحك مافي شي يضحك .. بس من جد كل** اول ما دخلت غرفتي ناظرت عبدالله : خلاص بجلس لحالي عبدالله مسح دمعتي .. يا ربي مره ارتاااح نفسيا كذا .. قال : طيب مو ترجعين تبكين ترا السالفه ما تسوى انا عارفه انو تسوى بس هو مو عارف .. ابتسمت له يعني تسكيته عشان يروح .. الحين مو رايقه لاي احد ابدن .. رحت جلست على سريري .. حتى هنا نكد وصياح ... يا رب صبرني جلست اناظر الناس من الشبااك .. ابي اطلع .. طفش ونكد وهم وملل .. ااه يا ربي .. بدلت ملابسي ولبست بيجامتي ولميت شعري وطلعت .. لقيت عبدالله عند التلفزيون .. ناظرته كويس .. كان مندمج .. :عبود غريبه ليش ما طلعت .. ناظرت الجناح كويس:فاتن مو هنا ما رحت معهم ؟ عبدالله التفت:واتركك .. ابوي قال اقعد معها رحت جلست جمبه:طيب حرام تجي هنا وما تطلع .. وبعدين كان قلتو لي حتى انا ابي اطلع ترا ناظرني وسكت .. وبعدها ابتسم .. ما فهمت قصده .. بس ما دققت كثير وقفت ومسك يده ووقفته معي قال وهو يسحب يده:وشووو ؟؟!؟! قلت له:قم بدل ملابسك خلنا نطلع رجع جلس:ايه عشان انجلد .. ابوي يقول لا تطلعون لحالكم .. رجعت اجلس جمبه:بس عادي نجلس هنا لحالنا ناظرني فتره : تتوقعين اسوي لك شي يعني ؟؟ لا هو عارف انو عادي نجلس مع بعض قلت بقهر ونا اطالع التلفزيون:ايه بس بره بتسوي شي .. مره اسمح لي يعني ابوك تفكيره غبي ووصخ سكت .. انا ما التفت له .. بعد فتره حسيت انو عيب علي الكلام الي قلته .. مسكت يده من غير ما اطالعه:عبود اسفه على ايش ناظرته شويه .. يا ربي ذا عمره ما يزعل .. من جد غرييييييب .. وبصراحه طيبته ذي هي قاهرتني فيه ابيه يعصب مره وحده بحياته .. وش هالانسان .. حتى لو عصب يمكن تصير عليه ذبات بس مو لذيك الدرجه مثل اي انسان ثاني معصب .. طيب وش الحل االحين الاخ معيي يطلع وانا الحين بلندن ومحبوسه بالنفدق ؟؟ بظل طول عمري محبوسه يعني ؟؟ اف بس متى اتزوج وافتك .. فجأه تذكرت .. ذاك الي يقول بابا كنا محجوزين لبعض ؟؟ مييين هو ؟؟ ويقول ابوه يبي يلم الشمل ؟؟ معقوله يصير من عايلتي الي ما اعرفها .. ؟ كل شي جااايز .. حاولت اني افكر بشي ثاني لاني ما ابي اشغل بالي بكلام مااما وبابا ذاك اليوم .. مو وقته الحين .. انا مسافره اوسع صدري وبوسع صدري غصبن عن الكل بعد قمت وبدلت ملابسي ومشيت سيدا للباب عبدالله قال بسرعه:وين رايحه ؟ التفت عليه:بطلع .. بتجي حياك منت جاي شي راجع لك وقف ولحقني:صبر صبر صبر ابوي والله العظيم قايل لا تطلعون قلت بلا مبالاة:دق عليه وقله .. باي ومشيت وسكرت الباب .. نزلت تحت واخذت نفس طويل .. الحريه اخيرن .. ناس وشارع وزحمه وانا لحالي .. فللله بس كللله عرب .. خصوصا سعودييين .. فجأه سمعت صوت عبدالله :شجججججججججججججججججن التفت كااان معصب مره ... الجزء الثاني البارت الثاني نزلت تحت واخذت نفس طويل .. الحريه اخيرن .. ناس وشارع وزحمه وانا لحالي .. فللله بس كللله عرب .. خصوصا سعودييين .. فجأه سمعت صوت عبدالله :شجججججججججججججججججن التفت كااان معصب مره ... حطيت عيني بعينه على طوول .. مره كان شكله يخوف ويروع .. بلعت ريقي وقلت له :عبدالله شفيييييك ؟ سكت ثواني وهو يناظرني وعيونه شوي وتطلع .. بعدين نزل راسه وهو يتعوذ من ابليس .. فجأه كذا رفع راسه وهو مبتسم وقال:وش فيك ما انتظرتيني ابدل .. يلا وين تبينا نروح ؟ جلست ثواني استوعب .. بعدين ابتسمت بفرح كبير مره .. عبود جاي يطلع معي .. ياحبي له يا نااس قلت له بحماس:اي مكان .. سكتت شوي بعدين تذكرت:وابوك ؟ ... سكت عبدالله شوي بعدها ابتسم وقال:لا تشيلين هم بكلمه وبقوله انوو بنطلع .. يلا جلسنا نمشي ونسولف .. اشوف الناس تمشي .. وحده شقرا وراها وحده متحجبه .. اسمر وابيض .. عربي وغربي .. ناس كثيره منظر صار لي زمان ما شفته .. من زمان ما مشيت وسط الناس ومحد يقول لي لا تروحين منا ولا تلفين مناك .. من زمان ما حسيت بهالحريه .. تنهدت .. عبدالله كان يتكلم ويتكلم وانا بس امشي بجنبه وافكر وسرحااانه .. فجأه مرر يده بسرعه قدام عيوني:شجن تسمعيني ؟ بديت ارمش بعيوني بسرعه وانا استوعب:هاه .. ايه وشو ؟ عبدالله اشر على بياع الايسكريم:تبين ايسكريم ؟ ابتسمت وانا اسلك:هاه ايه اوكي .. راح يجيب لنا ايسكريم .. انا اتجهت للسور الي على البحر .. مو بحر بالضبط اكيد هذا النهر الي عند لندن .. السور هذا كان ممتد من الفندق لحد المكان الي احنا فيه الحين .. ولا احس انو بعدنا كثير بعد .. رحت وقفت .. سمعت صوت بنت صغيره mome .. i want my Lollipop back على طول فهمت وش تعني البنوته .. كانت تقول لامها ابي مصاصتي .. ناظرت الارض لقيت مصاصتها طايحه .. الام كانت تسحب بنتها معها وتقول No .. Its dirty now حرااام .. كانت امها تقول لها خلاص توصخت المصاصه والبنت متقطع قلبها عليها مرره مره كسرت خاطري .. فجأه جا عبدالله: شجونه خذي التفت عليه وناظرته ماسك الايس كريم .. اخذته بسرعه ورحت للبنت .. Take this ice cream sweety ناظرتني امها كأنها ما ودها انها تاخذه .. شوي ابتسمت وقالت : Thank you but we have some of the ice cream at home قالت لي انو عندهم ايس كريم بالبيت ؟ بالله هاذي تصريفه .. نزلت للبنت وقلت لها do you want it? يعني قلت لها تبينه ... البنت ناظرت امها بخوف وهي مبوزه بفمها .. ناظرتني وهزت راسها بنعم وهي منزله راسها .. حطيت الايس كريم بيدها وعطيتها بوسه ووقفت .. الام ناظرتني بإبتسامه وشكرتني .. وانا رجعت وكنت مره فرحانه حسيت اني سويت شي عظييم مره .. البنت انبسطت وانا ما خسرت شي .. شعور جميل كان عبدالله يناظرني وحده من يديه كانت بجيبه ويد ماسك فيها الايس كريم .. يناظرني بنص عيون وابتسامه صغيره .. رفعت حاجب وقلت:وش فيك؟ كبرت ابتسامته:يا المتوااااااااااضعه .. توني ادري انك تحبين البزرااان نزلت راسي وانا مستحيه .. يعرف يحرج هالانسان:ما سويت شي بس عطيتها الايس كريم ؟ عبدالله مد ايسكريمه:اوكي خذي حقي ناظرته:لا حقك وكلمه منه وكلمه مني اخذته .. مسكته وما سويت شي جلست اطالع المويه والشمس مطبووعه عليها بشكل جذاب ناظرني:ليش ما تاكلينه قلت بأسلووب تأكيد:شفففففت يعني انت تبيه يا اللعاب ضحك دقايق بعدين قال:مو هذا المقصد بس اذا ماع يصير مو حلوو .. كشرت وقلت:عبود مالي خلق ايس كريم يا تاخذه انت يا برميه .. ناظرني ثواني وقال من غير اي اهتمام:ارميه .. ابتسمت وقلت:احسن .. رميت الايس كريم بنهر التيمز .. نهر لندن .. تكون مكان الايسكريم دائره تكبر وتكبر وتجي وراها دائره اصغر وتكبر ووراها دائره بالمويه .. صار شكلها مره حلوو .. مع لون الشمس الذهبي والمويه تتحرك بشويش .. منظر روعه تنهدت وقلت:منظر رومنسي ياخي تنهد عبدالله:ياعيني بس توني ادري انك تعرفين للرومنسيه حطيت راسي على كتفه:اسكت انت .. وه بس متى اعرس تنهد:يمكن قريب شلت راسي من كتفه بسرعه:الله يخلف عليك .. وش رايك نمشي ودي اشتري هدايا لصديقاتي .. سكتت شوي وابتسمت مشى هو :يلا ناظرته :كل ما اسافر .. سكتت شوي وتنهدت وكملت ... كل ما اسافر تعودت اشتري هدايا لصديقاتي بس .. الحين نزلت راسي بحزن .. دموعي بدت تتراكم بعيوني .. كنت اناظر جزمتي مغبشه من كثر الدموع .. ويد عبدالله تمتد لذقني .. رفع راسي وناظرني:متهاوشه معهم ؟ ابتسمت وانا احاول احبس دموعي:لا .. ما عندي اساسا .. وشقهت بشويش... ما عندي اصلا صديقات قال:وين اختفو كذا فجاه يعني؟ تنهدت:وحده سافرت بره السعوديه وثنتين نقلوو .. وو .. لان ماما خذت جوالي صرت ما اكلمهم .. شكله تألم .. لاني ناظرت بعيونه .. لكن على طول ابتسم : وانا مو صديقك شكله يحاول يلطف الجو .. يا حليله .. ما عندي غيره اشكي له ولا اعتبر الي قلته قبل شوي فضفضه .. لانو هذا شي من بين اشياء .. كل شي كاتمته بقلبي .. واضغط على نفسي ولا اقول .. يارب صبرني بس فجأه حسيت بعبدالله يتكلم:شجن صايره تخوفين بصراحه .. يعني ما سمعتيني وانا اكلمك ؟ شفيك كل شوي تسرحين وش تفكرين به هزيت راسي بشكل طفولي خلاني اضحك على نفسي .. احيانا احس اني مجنونه .. قلت وانا مبتسمه :ولا شي ضحك عبدالله علي .. دااايم يضحك وينرفزني .. ياربي عليييه .. فجأه كذا اشتغلت نغمة جوال .. يا خفيف الروح ...... رفع عبدالله جواله وقال بسرعه : هلا يبااا انا ارتعت .. اكيد ما قال له اننا طلعنااا .. وش هالوهقه اكيد بيهزأه ابوه بسبتي .. واكيد انا بتهزأ .. اففف يا ليل القلق والقرف وش ذا؟ يعني حالف بس ينكد كل شي ترا ما صار لنا نص ساعه من طلعنااا اف اف احس انه انسان متخلف .. عبدالله بعّد عني شكله ما يبيني اسمع وش يقولون .. تنهدت وجلست امشي بطريقه تبين اني طفشانه .. كنت اودي رجولي يمين ويسار وماده بوزي .. من يصدق اني بأوروبا بريطانيا لندن وحولي كل هالناس والمحلات وكلش .. و طفشاااانه .. يمكن مو طفشانه .. قلقانه اكثر .. يا ويلنا بس جا عبدالله وهو مكشر .. ناظرني ثواني وقال:يلا نرجع .. حطيت عيني بيعينه وقلت له:وش قالك؟ زعل ؟؟ .... تنهدت ونزل راسه وقال:لا ما زعل .. يقول ارجعو .. يلا وابتسم وهو حاط يده ورا كتفي عشان امشي .. باين انه كان يسلك .. الله يستر بس والله اني اخاف من عمي اذا عصب .. وخصوصا لسانه .. مدري ليش ما طلع زي اخوه .. الي هو بابا .. فجأه كذا حسيت بصدى براسي ( ماهوب ابوك .. ماهوب ابوك ) .. صوت عمي ضل صداه يرن براسي .. من قال انه عمي بعد .. اقصد ابو عبدالله .. صادق يوم يقولها .. صادق ما كذب .. وانا عاااله عليهم .. اكره يجيني هالشعور بس وش اسوي .. رجعنا وكلن ساكت كنا نمشي ومحد يناظر الثاني .. كنت اناظر الناس .. سعوديين كثير .. اعرفهم بالسوالف الطويله .. واللحيه الكثيفه نوعا ما عالذقن والشنب الخفيف .. وبعضهم اعرفهم من حريمهم .. قلييييييل اشوف متنقبه بس اعرف السعوديه بحجابها البايخ .. زي فاتن تمام .. فجأه التقت عيني بعين واحد مملوح .. خقيت خقتن ماهي صاحيه .. الولد يجنن .. كان طويل مشالله واسمر شويه .. اممم يمكن حنطي .. ما دققت فيه كثير بس كان حلووو .. ابتسم لي ورفع يده بشويش وحرك اصابعه .. انا وقتها صرت مثل .. اي غبي بالدنيا انت جالس تكلمه نص ساعه بالنهايه يأشر على نفسه ويقول .. انت تكلمني .. ؟ بعد تتنيحه طويله رفعت يدي مثله وانا مبتسمه .. مشالله الله لا يضره حلوو .. ويرن جواله .. نغمتة عربيه .. يا حليله شكله مو اجنبي .. كنت جالسه امشي واناظر وفاهيه .. فجأه .. حسيت بشي كذا قدامي اول ما رفعت عيني لقيت عمود الاناره ما بيني وبينه الا شبر .. لو اني ما وقفت كان خشمي راح فيها وقفت دقايق استوعب الموقف بعدها ناظرت عبدالله:الحين وش كان بيضرك تقول لي ترا قدامك عمود؟ ضحك شوي وهز راسه وهو منزله:ما كنت ابي اخرب الجو الي كنتي عايشته قبل شوي .. خخخ شكله لاحظ اني خااقه على ابو شعر .. ههه فجأه سميته كذا ابو شعر لان شعره كثير وكيرلي يجنن .. حاولت امشي كويس .. مو ناقصه فشايل مع عبيد .. هذا جني يشوف ويسمع كلش شكله .. فجأه لقيتنا عند الفندق .. وقفت وانا مكشره ماودي ادخل .. بس وش اسوي اااااه وش هالهم الي اعيشه .. دخلت ورفعت جاكيتي الصوف الخفيف على اكتافي كان نازل .. ماني ناقصه تهزئ اكثر من الي بيجيني الحين .. ركبنا الاصنصير وانا ودي انه يوقف فجأه خايفه من عمي .. لكن حدث ما كنت لا اتمناه وانفتح الباب .. شكلي ملزومه اوجهه بو عبدالله واتهزأ تهزئ ماني ناسيته .. دخلت جناحنا بعدها اخذت نفس طوييييييييييل وانا فرحانه .. ماهو هنا يعني شكلي بروح غرفتي من غير هواشات .. خلني ادخل بسرعه قبل ما يجي ويمسكني .. دخلت غرفتي بسرعه وقفلت الباب .. جلست ادور حول نفسي ورميت الشنطه .. وفصخت الجاكيت .. وشوي شوي وانا ادور فصخت الكعب الوردي .. لازم وردي .. احلا لون بالدنيا .. فجأه وقفت وانا اناظر المرايه .. انتثر شعري على كتوفي وغطا سيور الفستان الوردي .. احس اني مثل قبل تسع سنين .. بمكان غريب علي واقفه بفستان وردي اطالع نفسي بالمرايه .. سنادريلا .. عمري ما نسيت اميرتي المفضله .. بيني وبينكم .. لا تقولو بزر بس لحد الان عندي طموح اني اصير ساندريلا .. دايم البس طوق والم شعري مثلها اذا صرت بالغرفه لحالي .. دايم ارسم فيران على اغلفة كتبي الدراسيه .. دايم بس افكر بألامير الي بيمسك جزمتي .. ويجي ويتزوجني واعيش بسعاده بعد الهم هذا .. خربت افكاري فجأه يوم سمعت صوت عمي برا .. رحت للباب وحطيت اذني كان يصرخ على عبدلله .. ما كان لعبدالله هس بس انه اكيد يصرخ عليه هو .. يا عمري يا عبدالله طيب هو وش ذمبه .. من كثر ما صوت عمي عالي ويخوف انا ما عرفت اركز هو وش جالس يقول .. كل الي استوعبته دبجه بالباب وهدووء .. شكله طلع .. حطيت يدي على قفل الباب عشان افتحه واشووف وش السالفه الا سمعت صوت فاتن :ما قلت لك انت ثور يعني لمتى بتتحمل كل هالتهزئ عشانها .. من يومك بالمتوسط هي الي تهبب وانت الي يجي كل شي على راسك يا ربي حما** هي وش دخلها يعني وش لقفها فينا انا وياه ... بس يا عمري عليه شكل كلامها صح من زمان وانا الي اسوي وهو اللي ياكل التهزئ .. سمعت صوته يقول :فاتن .. روحي عني .. انا مبسوط كذا اوكي خلاص فكيني كان يقولها بقهر .. باااين انه قهر .. طيب لو طلعت وكلمته الحين ؟؟ لالا ما اتوقع انها فكره كويسه لانو ... مدري بس كفايه الي جاه قبل شوي ابروح له الحين و .. بصراحه مدري وش بيصير بس الاحسن اجلس بغرفتي .. افففف باقي وقت طويل على ما يجيني النوم .. وش هالطفش بس .. رحت وفتحت شنطتي ورميت كل الملابس عالسرير .. يلا اذا ما عندي شي اسويه خل اصف ملابسي بالدولاب .. جلست اصف واصف وانا طفشانه بس وش اسوي .. بكل مكان حبسه .. خلاص تعودت على الطفش .. قضت الملابس .. والحين وش اسوي ؟ ارقص مصري واقول يا ناس طفشانه ؟؟ خخخ .. فيه تلفزيون هه نسيت .. رحت انسدحت عالسرير وجلست اناظر .. واناظر .. واناظر .. صوت عصافير وشي مزعج غير ملموس خلاني افتح عيوني ببطء .. التلفزيون مولع ونور الشمس فوق عيني خلاني اكشر .. قمت وانا اتثاوب وناظرت حولي .. شكلي نمت امس من غير ما احس .. فجأه سمعت صوت .. آآي هذا بطني ... امس لا تغديت ولا تعشيت .. ناظرت الساعه .. كانت ثمان ونص .. يا حليلي قايمه بدري .. رحت اخذت روبي ودخلت اخذ لي شاور عالسريع وطلعت جعدت شعري وبدلت بسرعه .. مرررره جايعه .. اول ما طلعت لقيت عبدالله طالع من غرفته ويحك عيونه .. شكله خطير وهو توه قايم .. شعره كشه وعيونه مفقعه خخخ ناظرته وانا مبتسمه :هااااي صباح الخير قال بصوت كله نووم:صباح النور .. ضحك عليه بيني وبين نفسي :عبود ترا بنزل افطر ؟ التفت بسرعه وقال:طيب بس مو برا الفندق انا ارتعت منه .. بس ما ينلام صادق هو .. لو طلعت هو الي بيتهزأ .. قلت بتقبل :اوكي .. عبدالله:بالعاافيه وانا اسكر الباب:الللله يعااافيك .. نزلت تحت ورحت اطلب لي شي يوكل .. اععععععع جاايعه .. لو يعطوني حصان بنفسجي عنده جنحان ذبانه باكله ... ههههههههههه كان تيموون الي بتيمون وبومبا دايم يقولها .. مش بالضبط مره صح علي بس ههه احب هالعباره .. والله انه مفهي .. فجأه كذا ... انتو تعرفون كيف شعور انكم تحسون ان فيه احد يناظركم .. انا التفت وانصدمت .. يا ويييييل قلبي هذا هو الانسان الخوقاقي الي شفته امس .. جالس يطالعني .. وش جابه هنا هو وخشته .. وه بس وه .. يجنن مشالله الله لا يضره شكلي بنظله .. كنت احاول اتجنب اني اطالع فيه .. وجالسه انتظر الطلب يجي .. افففف طوووولو .. ابي اروح اجلس مابي اناظره يا ناس حلوو اخيرا جا طلبي رحت جلست وانا اجرجر رجولي .. اول ما جيت باكل جا هذا الانسان بصينيته : ممكن اجلس معك .. ؟ يؤ يؤ يؤ وش اسوي ؟؟ |
الجزء الثاني البارت الثالث انا تنحت خمس دقايق وهو جلس على طووول ما انتظر رد .. بصرااحه انا مدري وش كان موقفي بس تنحت لانو اول مره تصير لي هالحركه .. ناظرني وقال:اذا عندك مانع بقوووم .. ابتمست بسرعه .. طبعا ما عندي مانع .. قلت له وانا اهز رااسي:لا مافي مشكله جلس يضحك وهو يخربط بأكله:صديق انا عقدت حواجبي .. وشو صديق .. لا وينطقها مو بحرف القاف .. ينطقها قا .. اممم يعني مثل ( مقرود ) مدري وش جاب هالكلمه براسي خخخخ .. المهم هو وش يعني بكلمة صديق ؟؟ سالته وانا عاقده حواجبي:وش صديقه؟ ناظرني ورفع حاجب .. فكر شوي بعدين قااال : خربت المزحه .. اناا ارتسمت على وجهي علامة استفهااام وش يخربط ذاا .. هو فهم اني ما فهمت وعلى طووول قال:يعني انتي قلتي مافي مشكله فأنا بغيت اسوي خفيف دم وقلت صديق. .... سكت شوي شكله درا اني لحد الان ما فهمت ..على طول كمل ......... كنت ابيها تصيير مافي مشكله صديق .. فهمتي ؟؟ انا خلاص ضحكتي على طرف فمي .. مسكين فشلته ههههههههههههه .. من جد خربتها حسيت اني غبيه .. مش مهم .. انا ما عرفت اكل وهو قدامي .. شعور انو فيه احد غريب معك يجيب القلق .. لو نزل عبدالله ولا عمي .. مشكله اكيد بيفهمون الموضوع غلط.. طيب هو صح اساسا ؟؟ انا مدري حسيت انو ما ينفع يجلس معي .. بس مافيه سبب واضح .. مدري انلحس مخي قال من غير ما يرفع راسه وهو ياكل:انا اسمي .. ياسر ابتسمت .. دقايق وقلت:عاااشت الاساامي قال بإبتسامه مشابهه:عاشت ايامك ... وانتي ايش اسمك؟ لا اراديا قلت:شجن ... رفع حاجب .. سكت شوي وقال:حلوووو اسمك .. انا حسيت انه استغرب من الاسم .. قلت على طول:الله يحلي ايامك .. لا مو شجن بالضبط .. اسمي شجون بس ... ما يعجبني تقدر تناديني شجن .. ضحك شويه وبدينا نسولف .. بصرااحه انسان جدن تفكيره راااقي ومؤدب مره .. والجلسه معه ما تنمل .. لانو الساعه صارت 11 وانا جالسه ادور معه بالفندق .. وانا نازله على اساس اني بفطر وارجع .. ناظرت الساعه:امممم يسور انا لازم ارجع لجناحي لانو بتروش وبنطلع انا واهلي طبعا قلت له كذا لاني ما احب اقول قصة حياتي لكل من هب ودب خخخخخخ قال:... اوكي بس .. انا مسافر بعد اسبووع .. والحين بروح ليفربول اسلم على ناس يقربون لي هناك .. وبصراحه ما ودي يصير مجرد لقاء عابر .. احب اكون صداقات انا .. ابتسمت .. فهمت قصده الدوب يبي رقمي .. بس انا اساسا ما عندي رقم .. مسكت الكحل من شنطتي ومسكت يده وكتبت ايملي قلت:هذا ايميلي ... بس انا مو مع النت كثير يعني ما ادخل واجد هو كانت على وجهه علامة استفهااام لاني كتبت على يده بالكحل .. عاد وش اسوي ابي ارجع بسرعه قبل ما يلاحظ عمي اني مو باللجناح .. صحيح ما طلعت من الفندق بس ولو .. هو لحد الان ما تكلم انا دخلت الكحل ورحت عنه:باااااي فرصه سعييييييييده رقيت بسرعه ودخلت ما لقيت احد بالجناح .. طليت بغرفة فاتن غرفة عبدالله دورت بكل مكان ما لقيت .. امم شكلهم طلعو .. بصراحه قهر يجيبوني معهم ويتركوني بالفندق كني جنيه .. مو عيشه ذي اف .. دخلت بدلت ملابسي وطلعت احوس بالجنااح .. دخلت غرفة عبوود احوس بأغرااضه .. مره حووسه .. توني ادري ان عبدالله انسان فوضوي .. دايم سيارته نظيفه مو مثل باقي سيارات الشباب كراتين مناديل بكل مكان وقوارير مويه فاضيه .. وفتافيت على المراتب مدري من وين جايه ... حتى بلبسه ما كان فوضوي .. الثوب ما يلبسه الا مع شماغ .. وحتى الشماغ لازم يصير مضبووط ميه بالميه مستحيل يتركه عادي .. واذا لبس كجول لازم كل شي منسق مع بعضوو مافي شي غير عن شي .. شكله اصلا ما يوحي انه انسان فوضوي لهادرجه ؟؟ جلست اناظر الغرفه من الباب دوره كامله لحد ما رجعت للباب من جديد .. اول شي سريره كان مره .. مو سرير ابدن .. نص المفرش مفتوح على جهه طايح منها الكومفرت حق السرير .. والوساده مع الكومفرت عالارض .. هذا اولا .. ثاني شي اللأبجوره بالارض .. مدري وش جابها بالارض .. والثلاجه فوقها قوارير كثيره ببسي وميرندا وقوارير مويه .. طيب ليش ما يرميها بالزباله وخلاص ؟؟ كانت شنطته مفتوحه وبداخلها حوسة ملابس وحولها ملابس منثره هنا وهناك .. لا والمشكله ما يراعي وش الملابس الي يصلح تصير مع هالحوسه ووش الملابس الي ما يصلح وحده مثلي تشووفها خخخخ .. وشراريب مرميه كلها عند الباب .. والفوطه معلقه عالباب .. بعد ما القيت نظره على هالمزبله .. خخخخ دخلت جوا .. اناظر بفضوول اول مره ادخل غرفه تخص عبدالله .. قصدي من زمان مو اول مره .. لقيت دفتر وقلم عالكومادينه عند السرير .. جلست بشويش هالسرير ورفعت القلم والدفتر .. كانت الصفحه فاضيه .. فتحت صفحه وصفحه كلهم فاضيه .. وش يكتب هذا .. ناظرت الصفحه الي قدامي .. كان فيها خطوط بالازرق .. خطوط مو باينه .. يعني اكيد الصفحه الي بعدها هو كاتب فيها شي .. توني بفتح الصفحه الا سمعت صوت من عند التسريحه .. امّال ايه امّال ايه .. امّال ايه امّال امّال ليه انا حيران ... ههههههههههههههه انا بغيت اموت ضحك.. يا قدم هالاغنيه قدماه .. ماتو الي يسمعونها .. خلاص اكلني الفضول اكل .. تركت الدفتر لا اراديا وقمت للتسريحه .. عقدت حواجبي .. كان قرد من بلاستيك .. قرد صغنون معه بيديه شي كأنه صحن يصفق به .. كان مصدر الصوت يطلع منه .. ناظرته كويس ورفعته وانا مره ملحوسه .. قلت وعلى وجهي علامة استفهام كبيره:المدينه ؟؟؟ صوت من وراي :ايه المدينه .. التفت بسرعه وبخووف خصوصا من هالصوت .. ارتعت بدايتن وحطيت يدي محل قلبي طاحت اللعبه من يدي .. كان عبدالله واقف عند باب غرفته رجله اليمين محل اليسار ورجله اليسار محل اليمين مدخل يديه بجيوبه ومسند كل جسمه عالباب ويناظر .. كان كتلة من اللون الاسود .. مجرد ظل من غير ملامح واضحه .. انا اخذت نفس .. روعني ابن اللذين من جد .. طيّر قلبي من مكانه .. استوعبت شوي الموضوع .. نزلت بسرعه اخذت اللعبه من الارض .. ناظرتها ثواني ورفعت عيوني له:من جدك انت ؟؟ جا عندي وهو مبتسم:ليش مستغربه .. انا بديت اتذكر .. كنا بالمدينه .. اول ما جيت الرياض بأسبوعين يمكن .. مدري وش المناسبه اننا رايحين بس كانو فاتن وعبدالله معنا .. كنت تسعه وهو 11 سنه .. بعد ما اصريت على ماما انو ادخل ابو ريالين .. شريت انا هالقرد وعبدالله كوره .. اتذكر كويس البزر الطرار الي كان يناظرنا من اول ما دخلنا .. كنت خايفه منه يروع شكله .. طلعنا وانا مره مبسوطه بلعبتي .. قرد يغني ويصفق .. شي جديد وغريب علي .. انا كنت مشغوله بلعبتي احاول اكتشف اي شي جديد فيها .. كانت تغني وتصفق وانا اناظرها ومبسوطه .. صوت طفل يبكي عكر علي فرحتي .. التفت كان عبدالله واقف يبكي وكورته بيده مفقوعه .. وقدامه الولد الي كان عند ابو ريالين اول ما دخلنا .. كان عبدالله يبكي من قلب على كورته الخظرا .. وانا اناظره ومعبسه بحواجبي .. مدري اول مره اشوف طفل قدامي يبكي مقهور .. ما تعودت على هالموقف .. حسيت ان بيدي شي اخليه يبتسم يمسح دموعه .. كان صوت صياحه مزعج لكن ازعاج نفسي اكثر من ماهو ازعاج معنوي .. رحت له بهدوء .. ما كانت علاقتي بعبدالله ذيك الوقت مره قويه .. لكن بعد هالموقف .. يوم رحت له ومديت لعبتي له وابتسمت بوجهه .. وقلت له حصل خير وراح الشر .. طبعا كنت اقتبس من كلام جدتي اذا صار لي شي مو كويس .. اخذها من يدي ومسح دمعته من خده ... وناظرها وهي تغني وتصفق .. بعد هالموقف مره صرنا اصحاب صار يعطيني واعطيه العب معه ويلعب معي .... انام عنده وينام عندي احيانا .. ؟؟! لكن الي يفك الراس .. من ذاك الوقت لحد الان هي موجوده معه ؟؟ ماهو معقول .. ما تكسرت ما تلفت ما خربت .. ؟؟ مستحيل تجلس طول هالفتره .. انا بس كنت اطالع اللعبه واتذكر هالموقف .. وبراسي اسأله متزاحمه .. اصلا ليش يحتفظ فيها ؟؟ قال بعد سكوت طويل:من متى وانتي هنا ؟ رفعت راسي وناظرته .. كان فمي مفتوح فتحه صغيره وعاقده حواجبي لحد الان مستغربه هل هذي نفسها اللعبه من ذيك الوقت ولا وحده غيرها ؟؟ عبدالله:وش فيييك؟ انا:هاذي ... يعني ... وش سالفتها؟ عبدالله مسكها من يدي:ما تذكريين ؟ قاطعته الا ربع:الا الا.. بس هي ... هي نفسها ولا ؟ ضحك عبدالله فتره وقال وهو يطالعها:مو بالضبط .. انكسرت هي ورجعت حاولت الزقها بس ما نفع .. بعدها كذا حطيتها بدروج الغرفه بس صارت ما تشتغل .. و الشهر الي راح كنت رايح اعتمر مع ابوي وشفت لعبه مثلها .. وشريتها .. هاذيهي الجديده .. القديمه غير شويه .. ابتسمت:اهااا .. مسكتها من يده وانا اطالعها .. يمكن مو هي نفسها بس على الاقل هاذي اللعبه الي بيدي لها بصمه بدفتر ذكرياتي .. يا حليله غريبه لحد الان محتفظ فيها .. ليه ؟؟ انا فكرت كويس شكل الولد من جده يحبني ولا ايش سالفته .. حاولت اسأله كم مره لكن ما يعطيني جواب واضح ولا احس ان السالفه تصلح لانو .... يعني ما يصلح يحبني وبس احنا اصحااااب .. عبدالله انسان ... انسان رائع بكل ما تحويه هاذي الكلمه .. فجأه قطع حبل افكاري:شجونه من متى وانتي هنا ؟ ابتسمت وقلت:قبل شوي جيت اشوف العفسه الي انت مهببها فيذا .. رفعت بطرف اصبعي بلوزه : ايش هذا ؟؟ ناظرني بأبتسامه صغيره على جمب:تي شيرت ابيض؟ رميته من اصبعي وانا اطالع غرفته:وليش ما تخلي الروم سيرفس تدخل تنظف ؟؟ قال وهو يطالع الغرفه:ماحب احد غريب يلمّس اغراضي ابدن .. قلت بحاجب مرفوع:ماااااافي مجاال ... قم بس قم خلنا ننظف الولد بان على وجهه علامة الصدمه:وش ننظف ناظرت حولي:المزبله الي انت عايش فيها .. ضحك علي وقال:بنسافر اليوم بالليل ماله داعي ننظف انا صارت على وجهي علامة استفهاام:وش نسافر ؟؟ عبدالله:خلاص بنرجع للسعوديه عقدت حواجبي وكشرت:اهاا .. طيب وين عمي وذولا .. عبدالله:الحين بيجون .. انا كنت ابي اعرف ليش بنرجع:طيب وش السبب تونا جايين ؟ تنهد عبدالله:ابوي ومزاجه .. الله يهديه قلت بخيبة امل:ايه الا .. انا بروح غرفتي .. توني بطلع الا مسكني:شجون التفت بسرعه:هلا .. تنهد شوي .. وناظر الارض ثواني رفع راسه وهو مبتسم وقال:سلامتك .. ترك يدي وهو يتنهد .. انا كنت عارفه انو عنده حكي وده يقوله .. رحت غرفتي وانا افكر ليش عمي يبينا نرجع بهالسرعه ... الله اعلم .. يعني من الحين اببدى اوسوس بالكلام الي كان بين ماما وبابا ذيك اليوم .. انا كنتت مابي افكر فيه اطول فتره ممكنه بس وش اسوي .. ما دام اني برجع بدري خلاص لازم اعرف وش السالفه .. الليل جا ورتبت اغراضي ودخلت ملابسي بشطنتي .. طلعنا للمطار وانا اناظر شوارع لندن .. وش هالسفريه البايخه .. لو اني قاعده والله العظيم اصرف لي .. جيت بس عورت راسي وضيقت صدري اكثر من اول .. اففف اول ما دخلت الطياره رحت لمكاني وجلست جمب الشباك وغمضت عيوني .. ابي ارتاح شو يا ناس ابي ابتسم مره تصير ابتسامه من قلب .. وش هالحياة البايخه .. مره خقنتني العبره وكان ودي اصيح من غير اي سبب مقنع .. تجيني حالات فجأه احس ان الدنيا شينه وما تنبلع وخلاص توصل معي وابكي كثير ... لكن زي ما قلت من غير اي سبب مقنع .. طاحت دمعتين .. وحده نزلت لحد ما استقرت فوق بلوزتي والثانيه مسحها عبدالله:ليش تبكين ؟ فتحت عيوني لقيته جالسه جمبي ويطالع فيني .. حسيت اني اكرهه واكره الدنيا كلها .. بس خلاص مابي احد وصلت معي اناا .. لفيت وجهي عنه وطلعت الايبود حقي من شنطتي وشغلت اغنية ساعات .. جلست اناظر انوار لندن كل مالها وتصغر وتصغر وتصغر .. كنت محتاجه ابكي واطلع شوي من الي في قلبي .. حاسه بشي فيه شي بيصير انا متأكده .. مابي ارجع .. مابي اموت من القهر قدام ماما وانا اترجاها تقول لي وش جالس يصير لي بحياتي .. غمضت عيوني من جديد واخذت نفس طويل .. صوت راشد بأذاني .. كلمات جتني بالصميم .. ساعات احس ان الفرح محال ولا يمكن يحين ..... مستحيل يحين بالنسبه لي .. سعادتي الوحيده كانت .. لمن جيت للرياض .. لكن ما دريت انها بتكون بداية لطريق طويل خالي من اي معنى للسعاده .. يمكن تقولون اني ابالغ .. يمكن تحسون ان مع كل الاحداث الي صارت لي كنت مو حزينه ابد .. لا .. كنت احاول من ورى كل هالاحداث اني ادور على شي يخليني ابتسم وخلاص .. دفعت نص عمري .. نص عمري ادور على هالابتسامه .. لكن شكلها اغلى بكثيير .. صوت عبدالله يكلم المضيفه ... وبزر يبكي .. وواحد يتهاوش مع زوجته بالمرتبه الي ورانا .. وصوت كابتن الطياره .. قمت وانا مكشره .. حصلت نفسي على كتف عبدالله .. ناظرت ساعتي .. شكلي نمت ساعتين .. تثاوبت وانا اتعدل بجلستي .. التفت علي عبدالله:صح النوم .. ابتسمت له:صح بدنك .. بعد الترويقه هاذي قت اسولف معه ... شويه انام شويه ارجع اسولف شوي نتهاوش وما نكلم بعض .. لحد ما اعلن كابتن الطياره انو بنهبط الحين بمطار الملك خالد الدولي .. قبل ما اربط حزامي رحت لبست عباتي .. ما كانت تفرق لو لبستها او لا .. نفس الشي االفرق انها بتكون فستان مش بنطلون .. لفيت طرحتي بسرعه ورجعت مكاني ربطت الحزام .. جلست اطالع من الشباك الرياض كل مالها وتكبر .. اشتقت لها .. ما طلعت منها الا شويه بس يمكن لانو .. صار لي سنتين ما طلعت منها .. تعلقت فيها .. نزلنا من الطياره .. مشيت بالمطار .. طالعت الناس .. هذولا سعوديين .. خلاص رجعت .. تنهدت وانا اطالع النافوره الكبيره .. كانو مطفينها .. يمكن لانو الحين الساعه ثلاث الليل .. ليش يفتحونها .. كانت سيارة عمي موجوده بمواقف المطار .. انا استغربت ليش ما في احد جاي يستقبلنا .. يتبع الجزء الثاني البارت الرابع ركبنا السياره كان عمي يسوق وعبدالله جمبه وورى انا وخالتي والي ما تنتسمى فاتن .. جلست ورا عبدالله عشان يمديني اسولف معه قربت له وهمست:هيه عبيد .. التفت شوي وقال بهمس:هلا حركت يدي بسرعه كأني اقول له قرب:ليش ما جا احد يستقبنا ؟؟ عبدالله:مدري يقول ابوي فيه مشكله صايره بس ما قال وشهي انا تسندت على مرتبتي بخوف .. لا يكون السالفه لها دخل بأبوي ؟؟ الله يستر بس .. طول الطريق وانا اهوجس لحد ما وقفت السياره .. ناظرت كويس .. هذا بيت عمي .. وش جابني انا هنا ؟؟ تكلمت بسرعه:عمي انا بروح بيتنا .. نزل عمي من السياره وهو معصب ومو رااايق ابد:نومي مع فاتن وارجعي بكرا انا نزلت وانا معصبه بس ماسكه اعصاابي .. هذا الي ناقص انام مع فاتن .. لحقت عمي بسرعه ووقفت قدامه:طيب بروح مع السواق خله يوصلني صرخ بوجهي:مجنونه انتي الساعه اربع الا ربع الفجر .. ادخلي بس اف انا ما رضيت تمسكت بموقفي:خلاص عبدالله يوصلني قال عمي بلهجه مره تخوف وبإصرار اكثر:شجون ... ادخلي وانتي ساكته انا تصنمت مكاني من الخوف .. مافي مجال للنقاش مع هالانسان .. مستحيل من سابع المستحيلات انام مع هالتبـ** فاتن .. ناظرتها بإستحقار قبل ما ادخل بيتهم .. بس هي كانت اسرع ومرت قدامي بكل وقاحه .. من جد ناس ما تربت .. دخلت خالتي وبقى عبدالله ينزل الشنط ... وانا عند باب الشارع انتظره:الحين ليش ابوك ما دخل السياره بالبيت .. وليش ما تخلي الشغاله تجي تدخل الشنط عبدالله:ابوي مدري وش فيه مو رايق عشان يدخلها جوا البيت والشغاله في بيتكم .. ما نقدر نسافر ونتركهاا لحالها تأففت وانا ادخل .. من زمان ما دخلت بيت عمي .. شكلهم رمموه .. ناظرت حولي اول ما دخلت .. تذكرت اول ما دخلت بيتنا يومني صغيره .. دخل عبدالله:وش فيييك؟ فصخت طرحتي وعباتي:بيتكم تغير ... تنهدت .. انا بروح انوم دايخه .. الله يعيني على اختك بس .. وين غرفتها ذا المخيسه ضحك عبدالله علي ومشى قدامي للدرج:امشي رقيت معه ووصلني لغرفة فاتن .. ضربت الباب ما فتحت .. ضربته من جديد ما فتحت .. جرب عبدالله يضربه كمان ما فتحت .. من جد حما** يقالها ميته على النومه عندها انا .. كنت عارفه انها متقصده ما تفتح .. قلت بيأس:وين غرفة الضيوف بس .. هز عبدلله راسه ومشى:الله يهديها .. امشي .. رحنا لغرفة الضيوف .. حط عبدالله يده عالباب بس ما رضا ينفتح .. قال بيأس واضح:مقفووول رفعت حاجب:طيب وين المفتاح .. عبدالله:عند ابوي ..! قلت بعفويه:خلاص جيبه ناظرني فتره وقال:ابوي نام .. انا:وش بيضرك روح شووف وراح ولقى عمي نايم .. وطبعا سماجة عبدالله .. ما رضى يصحيه يقول مسكين تعبان .. وش اسوي بعمري انا ؟؟ رجعت نزلت بسرعه .. خلاص بنوم بالصاله .. هذا مكاني .. شلت كل الوسايد الي عالكنبه وبقيت وحده .. نزل عبدالله بسرعه:وش تسوييين ؟ انسدحت وتلحفت بعباتي:بنووم .. عبدالله بان عليه الاستنكار:بالصاله عاد ..؟.؟! قلت بقهر:عندك حل ثاني ؟؟ عبدالله:ايه .. تعالي غرفتي انا عقدت حواجبي .. وش يحس به هذا..بس هو على طول تكلم:وانا بنام بالصاله .. انا:خير انا انام بغرفتك وانت تنام بالصاله .. رح ارقد بس سحبني مع يدي وقومني :قووووومي لغرفتي وانا بنااام هناا رجعت اجلس عالكنبه:لا .. جا جلس جمبي وحط يديه بحظنه مثل:اوكي .. لا انا انام ولا انتي تنامين .. بنشب لك .. تأففت:يووووو عبدالله والله العظيم ماني رايقه لك فيني النووم بس ما تكلم وساكت ومو راضي يقوم .. يالله عليه يجيب الضغط .. ربع ساعه قم قومي قم قومي قم قومي .. يوم مره خلاص طفشت منه وافقت اني انام بغرفته .. ينرفز من جد .. تجيه اوقات الكلمه الي يقولها لازم تمشي .. دخلت غرفته .. الديكور تغير بس ترتيبه ما تغير .. دايم عبدالله يفضل السرير يكون بنص الجدار الي مقابل الباب .. وبجمب الباب بشويه الدولاب وخرابيطه الثانيه ومدري ايش .. كانت غرفته مرتبه والونها حلوه .. زي عادته .. رحت وجلست على سريره وانا احس بتأنيب الضمير .. تاركته ينام تحت وانا جايه بغرفته .. بس وش اسوي الولد اصر علي .. طفشني في حياتي .. طار عني النوم .. افف .. رفعت غطا السرير وانسدحت .. شميت ريحة عطره .. لاكوست اسنشول .. يا حليله عبيد .. عنده ذوق خطير .. تنهدت وتوني بغمض عيوني الا لفت اتنباهي شي على الكومادينه .. برواز صغير ازرق .. مديت يدي ومسكته وجلست اطالعه وانا منسدحه .. كانت الصوره انا وعبود .. كنت لابسه قبعة التخرج .. وحاطه يدي ورا رقبته وهو حاط يده ورا رقبتي ومبتسمين .. وانا كانت عندي دريشه بأسناني خخخ .. اتذكر هالصوره لمن تخرجت من الابتدائي .. يا قدمهاا .. عنده معرض تراثي الظاهر .. كل شي قديم بحصله عنده .. يحب يتمسك بالذكريات الحلوه والمره .. على عكسي تماما .. انا كل شي من الماضي يفرح او يزعل اكرهه .. فجأه حسيت اني بديت اغمض عيوني .. شوي شوي .. شوي شوي .. لحد ما دخلت عالم ثاني .. بديت احلم .. حلم ابيض .. زي الي شفته بالطياره .. لكن هالمره .. كان بابا مو مبتسم وفرحان .. كان يطالعني بحزن .. قال وهو ماسك يدي هاله ... هاله يا شجون .. بعدها تلاشى بالظلام .. صحيت من النوم ورفعت راسي .. نور الشمس كان متسلل للغرفه .. ناظرت حولي .. انا وين .. ايه تذكرت انا بغرفة عبدالله .. بديت اتذكر الحلم .. هاله .. ليش يكلمني عن ماما الله يرحمها ..؟؟ ليش بس هو الي احلم فيه وهي لا .. انا بديت اهوجس .. لا يكون ما توفت .. لا يكون ماما حيه ؟؟ وليش يقولي هاله هاله .. ما فهمت ولا شي .. كل الي استوعبته خبطات على الباب .. قلت بعبووس:مييين ؟ فتح الباب وطل براسه:صباح النووووور ضحكت عليه .. رااايق من جد وقفت وتمغطت شويه وانا اتثاوب .. ناظرته بعد تتنيحتي الطويله حقت اول ما اقوم من النوم .. انا:عبيد الساعه كم ؟ عبدالله يناظر ساعته:الساعه عشر الا خمس كشرت:انا ما نمت الا اربع وانت مقومني عشر .. حسبي الله عليك عبدالله رفع حاجب:انتي الي قمتي بروحك .. يلا غسلي وجهك والبسي عباااتك حكيت عيوني:اوكي .. نزلنا تحت وركب سيارته .. طبعا قدام خخخخخخ .. اول ما جا بيحرك السياره سألته:وين اهلك ؟؟ عبدالله:امي وفاتن ببيتكم عقدت حواجبي:وش يسوون .. ؟؟ عبدالله:مدري ... هاه وش راااايك وين نفطر .. انا مره فرحت:عبيد من جدك؟ استغرب هو:من جدي ايش؟ قلت بحماس:تدري اني من زماااااااااااان اوي اوي ما طلعت .. ياحبي لك يااخي .. رحنا فطرنا في كودو الي عند السيفوي.. انا بغيت اذبحه على هالاختيار بس هو وقف وانا وحده دايخه ما استوعبت .. طبعا هزأته بس بالنهايه فطرت في كودو.. غيرت رااايي فيه .. هذا انسان ما عنده ذوق وغبي .. عبدالله يضحك:ههه وش فيك .. زعلانه وتوك مفطره بعد انا كنت مبوزه:لا تكلمني .. انا اكلت لاني جايعه .. يا الغبي جايبني كودو .. حسبي الله عليك .. رجع يضحك مره ثانيه .. ياربي ينرفزززززز .. فجأه رن جواله .. عبدالله:هلا يبا ... ايش ؟؟ ... لا والله ما ... مادريت .. اوكي اوكي هد اعصاابك والله كل شي بيصير تمام انت بـ .... اوكي على امرك .. جاييين جايين بالطريق احنا ... يلا ... مع السلامه عقدت حواجبي:وينه ابوك وليش زعلان ؟ عبدالله ملامح وجهه تغيرت:ابوي ببيتكم .. تنهد ... الظاهر ابوك صاير له شي والله اعلم .. الحين هو ببيتكم وجايبين له ممرضه وشغله .. شكل السالفه ماهي هينه انا مره خلاص حسيت قلبي وقف بمكانه .. كنت حاااااسه بشي .. دموعي لا اراديا تجمعت بعيوني .. اكيد هذا المرض الي كانو يتكلمون عنه .. ياااااااارب استر يا رب .. انا مره خاايفه .. ناظرني عبدالله:شجون وش فيك تبكين .. ابوي اصلا داق يبيني اجيبك مو عشان عمي .. من قبل امس وعمي مريض .. وحالته الحين استقرت خلاص انا سكتت شوي وهدت اعصابي .. بس ولو لحد الان ابكي ما اقدر اوقف دموعي.. ما فكرت في اي شي غير اني بنحرم من ابوي مره ثانيه .. ماااني مستوعبه اي شي .. وصلنا عند بيتنا .. كان فيه كدلك اسود واقف .. وبجنبه واحد لابس ثوب ومشمر اكمامه .. من غير غتره او شماغ .. اسمراني حبتين وطويل .. انا نزلت من السياره وانا عاقده حواجبي .. من هذا ... مريت من جمبه وناظرته .. كااان مره حزين .. ملامحه فيها بؤس .. اول مره اشوف انسان الحزن باين بعيونه لهادرجه .. ناظرني وهو رافع حاجب بعدها تنهد وبعد عيونه عني .. جا عبدالله وهو يطالعه:يلا شجون امشي .. دخلنا جوا عبدالله راح للرجال وانا دخلت من باب الحريم .. مدري قلبي كان يدق بقوه وخايفه .. مدري ليه وش هالشعور الغريب الي بداخلي .. بمجلس الحريم .. اسمع اصوات .. قربت .. لقيت ماما جوا وخالتي ام عبدالله وباقي خالاتي معهم .. و حرمه لابسه عباية راس .. وبجمبها بنت اعطيها مثل عمري تقريبا او اكبر .. وقفت عند الباب لا شعوريا وانا اطالع .. ما كنت اسمع وش يقولون بس اناظر كيف الدموع محبوسه بعيون ماما وخالاتي مكشرين ومدري ايش .. ناظرنتي ماما وووقفت:هاذي شجون جت .. تعالي يا ماما الحمدالله على السلامه مشيت لماما مثل الطفل الخايف .. تعرفون كيف يحاول يبتعد عن الناس الي ما يعرفهم لحد ما يوصل لامه .. رحت لها وانا اطالعهم وبصوت اشبه بالهمس:الله .. يسلمك .. الحرمه شفتها .. على طول خلاص عرفتها .. معقوووول ؟؟ اذا هي صدق الي في بالي اجل الي معها الحين ..... العنود..؟؟؟!؟!؟!؟؟!؟!؟!!!! انا انشل تفكيري وانا اطالع البنت الي واقفه جمبها .. اناظر تفاصيل وجهها بحرص .. ذكريات ذكريات كثيره واقفه قدامي .. الشي الي ما ترك ابتسامتي تكتمل .. نظراتها لي .. كانت تناظرني بنظرات استحقار عمري ماقد احد بحياتي ناظرني فيهم .. فجأه ماما تكلمت:شجن .. هاذي ام حمد وبنتها العنود .. نسيتيهم .. ؟؟ بدري يا ماما عرفت من زمان انهم هم .. معقوله انساهم .. ابتسمت وهزيت راسي بهدوء .. منهم ذولا عشان انساهم .. هذولا اهلي .. محد ضمني لحظنه بعد وفاة جدتي الا ام حمد .. محد شاركني لعبه يومني كنت مجرد نكره غبيه بمدرسى القريه غير العنود .. محد قد حسسني ان عندي ابو غير ابو حمد وقتها .. كلهم كانو عايلتي كل شي عندي بالدنيا حتى قبل وفاة جدتي .. معقوله انساهم .. انسى الناس الي فتحو لي بيتهم وانا مو بنتهم .. معقوله انسى العنود الي رضت بي صديقه رغم غبائي وفقري ؟؟ معقوله يا ماما ابنساهم .. لا مستحيل .. هذولا مثل الدم الي بعروقي اذا جف انا اموت بعده .. وتمر الدقايق بطيئه كلها نظرات بيني وبينهم .. وش جابهم .. ؟؟ وليش بالذات لما بابا صار مريض .. لحظه اانا نسيت بابا .. التفت على ماما بسرعه:بابا بخير؟ طبعا كنت اقصر صوتي على قد ما اقدر .. مدري هو حيا ولا ايش .. هزت ماما راسها بنعم .. رجعت عيوني عليهم .. دزتني ماما بيدها على ظهري .. تقصد روحي سلمي عليهم .. مشيت بشويش ورحت لأم حمد ومديت يدي وانا مبتسمه :هلا خالتي .. ام حمد كانت مره فرحانه .. مسكت يدي بقووه مره خخخ عورتني شويه:هلا بك زود يا بنتي .. مشالله .. مشالله كبرتي .. نسيتينا ؟ كانت تكلمني كأني لحد الان تسع سنين .. يا حبي لها .. قلت بعفويه:معقوله انساكم يا خالتي .. لحد الان مو مستوعبه الي يصير الحين ابتسامتي كل مالها تكبر وتكبر لدرجة اني تخيلت ان وجهي بينشق من كثر ما انا فرحانه .. تبادلت بعض الكمات انا وام حمد .. بعدها التفت على العنود اسلم عليها .. كنت مره متحمسه .. كان ودي احظنها واقولها اشتقت لك موت وما افارقها بعد هاليوم ابد .. بس تفآجئت يوم مدت يدها بطريقه بايخه .. ونظرات الاستحقار لحد الان تناظرني فيهم .. اخذت نفس طويل قلت بعده:كيفك العنود .. وحشتيني .. رفعت حاجب وهي تناظرني من تحت لفوق:تشتاق لك العافيه .. قالت ماما:شجون وش رايك تروحين انتي والعنود غرفتك .. تسولفون شويه وكذا انا فهمت من اسلوب ماما انها تبي تصرفني .. تبيني اطلع من عندهم .. ابتسمت للعنود:تجين .. ؟ التفت العنود على امها وكان باين على وجهها ملامح الترجي .. بس امها اشرت لها بيدها تجي معي .. رجعت التفتت بدون نفس وهي تتأفف ومشت معي .. مدري ليش كارهتني .. انا ما سويت لها شي ؟؟ رقيت فوق وانا مره مبسوطه .. منصدمه حبتين .. معقوووله هاذي الي تمشي بجنبي العنود ... ؟؟ لا ما اصدق .. فتحت باب غرفتي بحماس ابي اوريها انو عندي سرير كبير عندي حمام بجوا الغرفه عندي غرفة ثانيه للتلفزيون وللجلسه كانت زمان غرفة العاب .. ودي اوريها صندوقنا .. الي فيه اشياااء زمان العابنا وذكرياتنا الحلوه .. ابي اقولها شوفيني تغيرت ماعادني شجون الغبيه .. مفروض ما تستحقرني هي وو ... وحمد .. ليش ما سألت عنه ... الا ليش ما اسأل عنه فصخت عباتي والتفت عليها .. كانت توها جالسه عالكنبه تناظر حولها .. رحت وجلست جمبها وابتسمت ابتسامه شقت وجهي نصين:كيفك العنود ؟ جلست تناظرني من تحت لفوق:زينه .. بعد لحظه سكوت .. : اممممم .. كيفهم اخوانك ؟ قالت بدون نفس:وشله تسألين عنهم ما تعرفينهم كويس قلت بسرعه:الا حمود .... اقصد حمد .. كيفه؟؟ وقفت فجأه بعصبيه .. انا مررره ارتعت منها .. كانت تصرخ وتقول:حمد .. والله طلع فيك ذرة طيبة وسألتي عنه .. لا حبيبتي ما عليك من حمد .. اذا تبين تعرفين احواله اسأليه بنفسك بعد ما .... بعد ما ايش .. ليش سكتت .. ما عطتني فرصه اسألها حتى وش فيها طلعت بسرعه .. وش صاير .. يمكنها فاهمه اي حاجه هنا غلط ..؟ الجزء الثاني البارت الخامس طلعت من الغرفه بسرعه واتجهت للدرج حطيت يدي على الحاجز وانا اطالع تحت .. لقيتها توها واصله للدور الارضي وامها جالسه تطلع من مجلس الحريم ووراها امي ام حمد:الله يعطيكم العافيه .. لا تنسين موضوعنا يا سعاااد ماما:لا توصين حريص ابكلمها وابكلم ابوها مع اني اظن انه داري عن السالفه .. حياك الله لا تقطعون عاد .. طلعت ام حمد ووصلتها ماما للباب .. اول ما صكت الباب نزلت ركض لماما:وش الساااالفه ؟؟...!؟!؟! ناظرتني ثواني وقالت وهي مبتسمه:مو كنتي تبين تشوفينهم .. خلاص توها بتمشي بس وقفتها .. الدمعه المحبوسه بعينها باينه وواضحه : ليش زعلانه طيب ؟؟ وبعدين انا اكيد مبسوطه بزيارتهم بس كمان منصدمه شويه ... وش السالفه .. انا كان عندي امل اني اشوفهم يوم من الايام بس وش معنى الحين بالذات لما بابا صار مريض. .. ماما انتي لازم تقولين لي كل شي .. مرض بابا وليش انتي قلتي انك خالتي ذاك اليوم وسبب هالزياره ونظرات العنود المستحقره .. ماما لا تحاولين تلفين وتدورين على الموضوع انا سمعت كل شي ذاك اليوم وشفت اليوم وش صار .. اتوقع لي الحق انك تقولين لي وش جالس يصير وانا مدري عنه .. كانت الدموع تتجمع بعيوني وانا اتكلم .. مو معقوله عاد مو لهادرجه مادري وش جالس يصير حولي .. ماما حطت يدها كتفي وهي مبتسمه:بعدين .. بعدين؟؟ ايش الي بعدين .. ؟؟ لمتى بعدين ؟ .. ما كلفت نفسي اسألها .. مشيت من قدامها بكل هدوء واتجهت للدرج .. لكن وقفت اول ما قالت:ما تبين تشوفين ابوك ؟ تذكرت .. بابا؟؟ يقولون مريض وعنده ممرضه ومدري ايش .. .لاززززم اشوفه .. قلت بسرعه وبلهفه:وينه هو ؟؟ ماما:بمجلس الرجال .. حطينا له سرير وجهزنا الوضع له .. ما انتظرتها تخلص كلامها على طول رحت المجلس دخلت وقفت فجأه .. كل عماني وعيالهم فيه .. وش هالاحراج .. عماني خمسه كلهم هناك وكل واحد عنده كوم عيال اللهم عمي بو عبدالله ما عنده الا توم عبدالله وفتين السخيفه .. دارت عيني عليهم كلهم .. تصمنت مكاني .. لو ان الموقف هذا صاير قبل فتره يعني سنه او اكثر كان صار عادي بس .. بعد الحبسه الطويله ذيك تعدلت شوي .. كلن اول ما شافني ما طالعني الا يوسف بو عين مفقوعه .. هذا قليل ادب .. وعبيد بس .. انا استوعبت الموقف ثواني وناظرت بابا بسرعه وطلعت .. وقفت عند الباب اتذكر شكله .. كان عالسرير وجمبه غذايه .. كان جالس ومتسند عالوسايد وجمبه عمي بو عبدالله يكلمه .. يارب يكون بخير انا جالسه افكر وسرحانه فجأه دبج شي على كتفي .. التفت وانا معصبه من ذا الغبي الي فاتح الباب بقوه :وجعععععع كشرت شويه يوم شفت عبدالله هو الي كان طالع .. ما شفت ملامح كان منزل راسه .. قال بصوت اشبه بالهمس:آسف وطلع بسرعه .. لحقته وانا اناديه مو راضي يرد .. مسكت بلوزته من ورا:وش فيك ياخي اصبر اكلمك شاخط لي مليون هو وقف مكانه .. لكن لا زال منزل راسه وشعره نازل على عيونه مو باين الا فمه .. وش هالكآبه الي عايشها هالانسان .. رحت له من قدام ورفعت راسه من ذقنه:وش فيييك؟ رجع نزل راسه بعنف:مافيني شي .. مشى .. انا وقفت بمكاني اناديه .. ما يرد يمشي بس .. يوم يأست منه .. هو وقف لان جواله رن .. طالع الجوال شوي .. فجأه رمى الجوال بقوه عالارض لحد ما تكسر .. لا مو معقوله الرجال فيه شي .. ركضت له بسرعه:عبدالله قول لي وش فيك .. طالعت بعيونه .. كان يبكي .. ؟؟ انا مو مصدقه عقدت حواجبي وانا اطالعه وشوي وبصيح معه .. عبدالله يبكي؟ وش السبب العظيم الكبير الي بيخليه يكبي .. رفعت راسه من جديد وقلت بصوت اشبه بالهمس:وش فيك؟ ليش تبكي؟ طالعني حط عينه بعيني .. ابتسم فجأه .. مدري وش سبب هالابتسامه الغريبه .. قال بهدوء:مبروك .. بسرعه قلت:على ايش .. تنهد ومسح دمعته:آسف ان كاني .. غلطت عليك بأي يوم يعني .. مسك يدي:الله يوفقك .. لا تنسين .. تراني مجرد اخو ... لا تقولين صديق باس خدي وانا بلحظه تعجب .. وش الكلام الي يخربطه وليش يسوي كذا؟ هو مشى وطلع وانا لسى واقفه .. كنت ابي اقول له اني شفتهم كنت ابي اعلمه قد ايش انا فرحانه بس .. ما عطاني مجال .. وتصرفه الغريب هذا زاد حيرتي اكثر من حركات ماما .. لو اني اقدر انتف شعري كان نتفته الحين من القهر .. وش جالس يصير حولي... جدار انا؟؟ وش شايفيني هالناس .. رجعت لغرفتي وجلست ابكي مثل عادتي .. وبعد ما طلعت حرتي في نفسي طلعت انادي ام سلطان عشان ترتب ملابسي الي بالشنطه بالدولاب .. توني بطلع شفت ماما .. رحت لها بسرعه:ماما .. جا بعدين .. تكفين قولي لي وش صاااير؟؟؟وش فيه بابا؟ سكتت شوي وتنهدت:انتي شفتي ابوك طيب؟ هزيت راسي بلا دموعها بدت تتجمع بعيونها .. شوي وتصيح .. قالت لي روحي اجلسي معه وتطمني عليه عمانك توهم طالعين .. وانا بجيك بعد شوي انا استغربت وش فيها ماما بتبكي .. ليش كل الناس يبكون؟؟معقووووله بابا فيه شي خطير؟ انا قمت اهوجس ورحت بسرعه لمجلس الرجال ودخلت .. وقفت عند الباب اناظر الممرضه تعطي بابا الابره .. انتظرتها لما خلصت وطلعت .. جلست اطالع بابا .. اول مره .. مو اول مره بالضبط .. ثاني او ثالث مره في حياتي كلها اشوف انسان قدامي غالي علي بهالحاله .. حسيت بشي غريب وانا اطالع فيه .. لو فقدته مثل جدتي وماما وبابا وكلن ... ماقدر استحمل خلاص رحت جلست جمبه ومسكت يده .. يناظرني واناظره وما نتكلم .. هذا الانسان انسان عظيم حيل رضا انه يربي بنت مو بنته ويحطها بحظنه ويلبي كل طلباتها .. هو الوحيد الي يوقف بصفي لما ماما تسوي لي شي يضايقني .. هو الي دايم يرفع معنوياتي ويشجعني .. لو وش اسوي ماراح اطلع من جزى هالانسان .. كل هذا وطاحت دمعتي .. مسحها وهو مبتسم:ما قالو لك يا بنتي ما يصلح تبكين عند المريض شديت على يده:انت مو مريض بابا .. انت كويس وبتقوم قريب وبتصير احسن من اول .. لا تقول مريض .. بديت اتسآآئل .. مريض؟؟وش المرض الي فيه .. ؟ مهما كان الله يشفيه يا رب .. دخلت ماما وناظرته وهو جلس يبادلها نظراته .. كأنهم يتكلمون ويتخاطبون بعيونهم ما يبوني اعرف .. جت جلست جمب بابا من الجهه الثانيه بحيث اصير انا قدامها وبيني وبينها بابا .. نزلت راسها وقالت:شفتها كبرت .يلا .. قل لها الي تبي .. انا الي علي سويته .. بدت تبكي بشويش:ربيتها وكبرتها واخذتها بحظني لبستها احسن لبس واكلتها احسن اكل وبريت ذمتي خلاص .. مسك بابا يدها:لا تقولين كذا .. انتي امها غصبن عن عين الي ما يرضا .. لا تقولين بريت ذمتي .. البنت تجلس برقبة امها وابوها لحد ما تموت .. انا عقدت حواجبي وش فيهم .. : ماما وش هالكلام الغريب .. ؟ بدو يتهامسون شوي بعدين رفعت ماما راسها تطالعني .. قالت:انتي .. من كم يوم تسأليني ومكثره اسئله وتبين تلقين له جواب و قاطعتها:اييييه تنهدت:شجون .. انتي تدرين اني مو امك ولا خالد ابوك وان احنا متبنينك بعد ماتوفت جدتك .. وانتي تذكرينها وتذكرين عيال بو حمد زي ماهو واضح .. بس سؤالك كان قاطعتها من جديد:ليش ما كنتو تبوني اكلمهم وليش تقولين لبابا انك خالتي وليش قاطعني بابا:امك بتقولك .. بس لا تكثرين حكي .. ولا ترجعين تسألين عن هالموضوع فاهمه انا سكتت ثواني وش فيه الرجال طب فيني .. هزيت راسي بنعم ورجعت اناظر ماما واستناها تكمل حكي .. ماما:ابوي الله يرحمه .. كان متزوج ثنتين .. الاولى اسمها لولوه .. جدتك يا شجون انا انصدمت .. جدتي تصير خاله ماما يعني مرت ابوها .. وبعدين جدتي مين .. انتظرت ماما تكمل :لولوه ما حملت جلست فتره .. تزوج ابوي الله يرحمه امي انا .. وجابتني ثم جابت خالاتك انا اكبر وحده زي ما انتي عارفه .. ( تنهدت) .. يوم جا نصيبي وخذت ابوك حملت لولوه .. كانت توها صغيره يمكن 30 سنه او اكثر اقل بشوي .. جابت امك الله يرحمها هاله .. وبعدها ماتت .. امي الله يهديها ما كانت تهتم بهاله .. انا مر على زواجي من خالد خمس سنين ما جبت عيال .. خذتها وربيتها .. كانت اختي بس كنت احس انها بنتي .. ما كان الفرق بيني وبينها كبير 16 سنه كان عمري وقتها .. بعدين .. جا ابوك الله يرحمه رجال محترم من عايلة كويسه ومشالله غني وعنده خير كثير .. خطب هاله ووافق ابوي وتزوجو وتم كل شي .. الا انك يمكن تسألين وش جاب جدتك بقريه ووش خلاها تعيش حياة الفقر وولدها غني .. جدتك الله يرحمها ما كانت راضيه تترك بيتها وقريتها .. كانت متمسكه فيها مره .. وما رضت تطلع منها ابدن .. ابوك ما كان عنده اخوان عشان كذا جدتك رضعت بو حمد .. وصار عمك بالرضاعه وعياله عيال عمك بالرضاعه .. وجيتي انتي .. وسموك شجون .. وكان ابوك الله يرحمه من كل ماهو متعلق بأمه يزورها كل يوم او يومين يقطع طريق من الرياض لهالقريه وهاله وانتي معه عشان تشوفونها .. ما كان يقدر يترك الرياض عشان شغله .. بيوم .. كنتي توك صغيره ام ست شهور تقريبا .. راحو امك وابوك لعند جدتك حصه الله يرحمها وجلسو عندها لحد الليل يوم جو بيطلعون .. كان فيه مطر قوي وهوا وبرد .. جدتك لزمت على ابوك انه يقعد ينام عندها بس تعذر بشغله وان عنده اشيا مهمه لازم يخلصها .. قالت هاله بتقعد معه لكن ما رضا .. كان عرس خالتك موضي .. وما كانت امك تقدر تقعد كانت تبي تقعد معك بس ابوك لزم عليها ترجع عشان تجهز للعرس وهو وعدها يجي من بكره الصباح يجيبك من عند جدتك على اساس انها بتعتني فيك لحد بكره .. بعد هالاقتراح جدتك تمسكت بموقفنها وحلفت عليهم يتركونك عندها .. هاله بطبعها هاديه وخلوقه ماتحب تعترض .. وافقت وهي من جواها كانت تحترق عليك توك صغيره وتتركك عند حرمه عجوز على بعد كم كيلو عن الرياض .. هذا قلب الام .. وبالطريق ابوك الله يهديه كان يسرع يبي يرجع ينام عشان يلحق يقوم الصباح بدري يجيبك .. بس مع المطر والهوا وكلش قدر ربي وصار حادث وتوفى الله يرحمه .. جدتك رفضت انها ترجعك لنا .. بحكم اننا خالاتك واولى من الغريب وان انتي ما عندك عمان .. لنا الحق احنا .. بس هي عيت .. ورفعت علينا قضايا وجرجرتنا في المحاكم جرجره وبهذلتنا وحرمتنا من شوفتك .. وحرقت قلبونا عليك .. ومرت هالتسع سنين لين ما ربي كتب ياخذها مع ولدها .. جابوك دار الايتام وبلغونا بوفاة حصه الله يرحمها واننا نقدر ناخذك .. عشان كذا ما جلستي الا اسبوع واحد بالدار بعدها لقيتيني جايتك .. انا كان قلبي محترق عليك وكنت ابي احرمك من بو حمد عمك بالرضاعه مثل ما جدتك حرمتنا منك .. يوم دريت انك دقيتي عليهم انهبلت عليك وما رضيت لك تطلعين ولا تجين .. بعدها ابوك مرض .. واصر انه يكلم بو حمد .. الله يهديه خاف على نفسه يصير له شي سم الله عليه .. وهذا هم جو وشفتيهم .. وحصل الي انتي تبينه وجاوبتك على كل اسئلتك ... كانت تقول هالكلام وهي تشاهق من الصياح .. تقوم كلمه وتسكت عشر دقايق وهي تبكي وماسكه يد بابا .. بابا ما طالعته عشان اشوف ملامح كيف كانت .. بعد ما قالت هالكلام طلعت بسرعه وصكت الباب .. اما انا .. مدري كيف اقدر اعبر عن حالتي وقتها .. مصدومه فرحانه زعلانه معصبه ... مدري وش حصل فيني كنت احس بشخص كاب على وجهي مويه بارده .. انا كنت اسمع ودموعي تطيح وتطيح غصبن عني ما قدرت امسكها ابدن .. يعني هذا الي صار ؟؟ هذي هي حياتي ؟؟ هذا الي كنت ابي اعرفه .. انو عندي عم بالرضاعه وخالاتي هم من جد خالاتي وعبدالله ولد خالتي يعني دمي ودمه واحد وو .. العنود وحمد عيال عمي وجدتي كانت نحسه لهادرجه ومدري ايش .. عجزت عن التفكير .. عجزت اني اتحرك من مكاني اساسا .. كنت احس بابا يكلمني بس ابدن ما كنت ادري وش يقول .. شوي شوي بديت استوعب .. كلهم ظلموني جدتي وخالد وسعاد .. ليش طيب؟ انا وش ذمبي هي تحرمني منهم وهم يحرموني من ذولاك وكل شي حوسه .. اعطيت نفسي فجأه فكرة انو هم كلا* لانهم سوو فيني كذا .. قمت وانا بقمة غضبي وقلت:حسبي الله عليكم طلعت من مجلس الرجال وصكيت بالباب بقوه ورحت غرفتي وقفلت على نفسي وجلست .. ابكي اموت قهر على الي صار لي .. حرام عليهم .. مو يقولون فأما اليتيم فلا تقهر .. مو انا يتيمه .. مو لازم ما يسوون فيني كذا .. بس من جد حسبي الله عليهم حياتي يمشوونها على كيفهم طفولتي ما عشتها صح زي باقي الاطقال ومراهقتي كانت يا اما انفلات لحد كبير وتصرفات ما عليها لا رقيب ولا حسيب او حبسه مره وحده .. وهذاني بآخر سنوات المراهقه وش بيصير لي لو كبرت شويه ..؟؟ وش معقول يسوون فيني بعد ؟؟ وش بقا بعد ما ادري عنه ومخبينه عني وفجأه بيصدموني بالواقع الي انا عايشه وانا ما ادري اني اصلا عايشته .. بعد فتره طويله بكيت لقد قلت امين اول مره ابكي لهادرجه .. كنت ابكي من القهر كل هذا يصير لي ولا اعرفه .. زين ليش ما يقولون لي اصلا وش ذمبي انا اذا ماما تبي تحرق دمهم او جدتي ما تبيهم ياخذوني انا ما طلبت منها تخاف علي .. وانا ابكي وابكي نمت .. بديت احلم .. تعودت على هالحلم .. شفت بابا الله يرحمه .. ابتسم لي وجلس يقول انو ماله داعي اضيق نفسي كل الي صار لي فيه الخير ومدري ايش انا قمت وراسي مصدع ولا تذكرت حلمي كويس .. لكن على الاقل ابتسمت لاني حلمت فيه .. غريبه مدري وش معنى الحين صايره احلم فيه .. فيه اوقات قبل كنت مره محتاجه ام او ابو او اي زفت اتكلم معه او .. مدري ماعرفت اعبر .. قمت وانا مو متضايقه ابد كأن الكلام الي قاله بابا صح .. غسلت وجهي ونزلت وكن ما صار شي .. كان الوقت العشا تقريبا .. نمت طوووول العصر والمغرب .. صليت فروضي الي علي ونزلت وسلمت على ماما وبابا .. حاولت احسسهم اني ماني زعلانه ولا منقهره على الي حصل .. انا فكرت في الموضوع كثير يمكن ربي كاتب لي هالشي يصير لي لانو في النهايه بيجازيني على صبري بشي احسن من اللي كان بيصير لي لو اني مع امي وابوي الصدقيين .. الله يرحمهم .. جلست اطالع التلفزيون جت ماما جلست معي بالصاله .. تناظرني شوي بعدين تناظر جوالها تناظرني وتناظر الجوال .. ماقدرت احدد موقفها هل هي لحد الان متحسسه من سالفة امس ولا لا ... خخخخخ مره وحده صار امس .. مو امس قصدي الصبح .. على طاري نومة الصبح شكلي ابسهر ما قمت الا العشا .. يلا وش ورانا اجازه بس ماودي تجيني هالات سودا تحت عيوني من السهر .. اهم شي الشكل والاخلاق وحب الوطن خخخخ .. انا كنت مندمجه مع التلفزيون جتني ماما وجلست جمبي:شجون التفت عليها:شجن .. ابتسمت:شجن .. روحي لبوك عنده لك شي .. انا عقدت حواجبي:بابا توها الممرضه معطيته الابره ونام ؟؟ ماما:لا روحي له صاحي مو نايم .. قصرت عالتلفزيون وقمت:اوووكي .. رحت اوانا مستغربه وش عندهم ذولا ..ضربت الباب ودخلت .. :السلام عليكم بابا:وعليكم السلام .. تعالي تعالي عندي لك هديه انا ابتسمت ورحت له بسرعه:وشووو ؟؟ مررره احب المفاجئات .. بس المفاجئه هاذي غيير .. طلعه بابا من الكيسه .. جوال؟؟؟؟ لا مو اي جوال .. جوال تمام مثل حقي القديم الكرستالات الورديه ماليته وعليه تعاليقي وخرابيطي الكثيره حقت اول .. انا وقفت اناظر وانا مره فرحانه اخذته من بابا وانا اتفحصه زين .. طبعا ماهو جوالي القديم نفسه ذاك صار موضة قديمه خخخخخخ .. مدري انا ما قدرت اعبر لبابا عن شعوري .. كل الي قدرت اسويه اني ابوووسه على راسه وعلى يده بعد من الفرحه .. ما تتخيلون قد ايش انا فرحت لما عطاني الجوال .. دخلت ماما طالعتها بإبتسامه:ما قصرتي .. جلست:انتي تستاهلين اكثر وهذا مجرد جوال تافه وسامحينا يا بنتي ما كان قصد قاطعتها:يوووه ماما حصل خير والله ما صار شي .. فتحت الجوال وجلست احورف فيه وانا اطلع من المجلس قال بابا: مالك خاطر تطلعين .. ؟ التفت:اطلع ؟؟ وين اروح .. ( رجعت اطالع بالجوال) مابي اروح مكان .. قامت ماما عندي :عالعموم السواق بغرفته موجود لك بأي وقت اذا بغيتي تطلعين بس لا تاخذين ام سلطان مسكينه كبيره وما تقدر على الطلعه والجيه حدها ترتب وتنظف .. خذي سوزان ولا ساره .. ولا اقولك خلي ساره بعد تعبانه هاليومين .. انا قمت افكر .. وحده من الثنتين .. يا ان هالحرمه تستهبل ولا تستهبل .. اطلع لحالي مع الشغاله والسواق ؟؟ وجوال .. ؟؟ اوكي الجوال عادي بس الطلعه .. انا كانت تخاف علي لدرجة انها ما تخليني اطلع بالليل مع كائنن من كان .. الحين بتتركني اطلع لحالي .. هي شايفة اني كبيره كفايه يعني ؟؟ اول سؤال تخاطر ببالي قبل الاسئله هاذي كلها .. حدي الساعه كم ؟؟ وطبعا سألتها .. قالت:وحده ونص لازم تكونين بالبيت .. وحده ونص ؟؟ وحده ؟؟ وحده بالليل .. انا ماني مصدقه وش هاليوم الغريب ؟؟؟؟؟ فجأه اشوف العنود فجأه اكتشف ان بابا مريض فجأه اعرف كل الي حصل وصار فجأه اكتشف ان سعاااد اصلا خالتي وعبدالله ولد خالتي واننووو .. الخ الخ .. حوووووووسه .. انا تعقد تفكيري الا توقف مره وحده يعني شوي شوي علي لا تجيبون لي كل شي كذا بالوجه مره وحده .. لا والي زاد الطين بله يوم طلع بابا من بوكه بطاقه ناداني اخذها .. انا:وش ذا بعد ...؟؟؟؟؟؟؟؟؟؟ بابا:بطاقتك حقت البنك .. هذي فلوسك وحلال ابوك طبعا مع الفوائد والاسهم حقتك .. تستاهلين يا بنتي .. بس لا تسحبين كثير ولا ترا اباخذها منك .. حدك في يومك الف ريال الف؟؟؟ يستهبل ذا .. شكلهم يبون يودوني مستشفى المجانين .. يعني مانعيني من كل هالحاجات سنتين كامله .. اصلا ما كانو يعطوني بطاقة الصراف ويتركوني اطلع مع الشغاله والسواق لحد وحده بالليل .. ابي اعرف هم حاسين بالذنب عشان كذا جلسووو يسوون كذا ولا وش سالفتهم .. بعد تتنيحه طويله ابتسمت ابتسامه كبيره:اقدر اطلع الحين ؟؟ بابا هز راسه بنعم ... الرجال بايعني .. وانا وش وراي رحت لغرفتي ورجعت لايام زمان الي كنت اوقف عند الدولاب ثلاث ساعات انقي لي بلوزه تعجبني مع اني بلبس العبايه ومحد شايفني .. لبست لي بلوزه موفيه فاتحه عليها خرابيط وكلام بالابيض وجينز برمودا وجزمه موفيه .. وطبعا ما تركت ام سلطان بحالها خليتها تطلع لي العبايه الموفيه.. جالسه احس اني رجعت لايام اول يوم اخلي الشغاله تحط لي مناكير وكل شي فيني لازم يكون مضبوط وعشره على عشره .. الجزمه بنفس لون العابيه نفس لون المناكير نفس لون الشطنه وحتى الشغاله ما اتركها تطلع معي بأي شكل .. ضبطتها صح .. الساعه الحين تسع .. فله .. بس اطلع وين اروح ؟؟ لازم ادق على عبيد اخليه يطلع معي كذا فله .. خخخخخ نسيت انه عنده سياره .. قصدي انا اطلع معه .. دقيت ما رد .. دقيت مره ثانيه ما رد .. دقيت ثالثه عطاني مشغول .. يوم حلفت انه يرد ودقيت الثامنه رد وهو معصصصصصصب:خير نعم انا وقفت ثواني .. وش فيه يصرخ قلت بشويش:عبود وش فيك .. عبدالله:شجن ؟؟؟ لحظة سكوت عبدالله:من جواله بعد .. ( قال بإستهزاء) الشغاله ؟ انا ضاق صدري من كلامه وقلت بصوت حزين: تتريق علي ... عالعموم مشكور .. هذا جوالي انا .. كنت داقه عليك ابي افرح معك شويه بس الظاهر ..... خلاص مع السلامه .. عبدالله:باي وصك بوجهي .. انا مو مستوعبه ليش قال هالكلام .. ضاااق صدري مره وما صار لي خلق طلعه او اي شي ثاني .. افففف ******************* الجزء الثاني البارت السادس فصخت عباتي وانا منقرفه وش ذا الدنيا اكرههها افف كل ما يصير لي شي حلو يجي شي ينكد علي دايم .. عبدالله وهو عبدالله يكلمني بهالطريقه .. من بقى عندي ... الواحد اذا عاش من غير اصحااب يموت .. وانا مدري ايش اسوي بعمري الحين .. من اكلم من اجلس معه وش اسوي .. رحت للتلفزيون .. فرفرت فيه لين قلت بس مافي شي اطالعه .. افف الساعه عشر وكلن نايم حتى الشغالات نايمات .. احيانن اذا طفشت اروح اسولف مع وحده منهم .. كل وحده منهم عندها همومها مثلنا كلنا .. احيانا لمن اسولف معها انسى فرق اللغه والدين والعرق وكل شي .. اسمعها بكل حواسي حتى لو كانت تتكلم بلغه عربيه ركيكه على الاقل كانت تتكلم بصدق ومن قلب تحس انها تشكي همومها لاحد لقت احد ينفس عنها شوي .. بس انا .. مالقيت احد ينفس عني .. مدري ليش انا طبعي كتومه مره مره ماحب اقول لاحد اي شي عني .. فجأه من غير مقدمات رن جوالي .. اول اتصال استقبله . رفعته بلهفه:اللووو الطرف الثاني:يا ايوانه .. كان صوت طفل صغير جالس يقول لي يا حيوانه .. ههههههههه انا جلست فتره استوعب وش يبي ذا شكله كان يلعب بجوال امه ولا ابوه ودق علي بالغلط هه .. قلت بإبتسامه:انا ايوانه ..؟؟ ليييش ؟؟ الطفل:تتنتي بيله الاوه يا دوبه انا ضحكت من قلب عليه .. كلماته مو مفهومه بس صوته وهو يحاول يتهاوش معي مره خطير .. سمعت صوت من بعيد يقرب:بدير اترك جوالي لا اسفك للسطح .. الوو .. صوت رجال .. رديت وانا رافعه حاجب:الو .. ؟ الطرف الثاني:اسفين اختي بس ولد اخوي يلعب بجوالي ومدري كيف ضبط الرقم معه .. عسا ما ازعجناك استوعبت ثواني وقلت بسرعه:هاه ..لا عادي عسل يجنن .. مافي ازعااج الطرف الثاني:اها اوكي اسفين من جديد .. توه كان بيسكر بس وقفته :اسم الولد بدر ؟؟ هو سكت شوي .. انا جلست الاحظ مدى غباء سؤالي هذا .. بالله هذا سؤال ينسأل .. الله يفشلني .. انا جلست القط وجهي وهو رد بإستغراب:هاه .. ايه ايه بدر .. ابتسمت:عاشت الاسامي .. يلا باي سكرت وانا ميته من الاحراج .. شكلي من الطفش قمت اسولف مع خلق الله .. خخخ .. وانا وش وراي ..؟ رجعت دقيت الطرف الثاني:الووو حاولت استجمع جرائتي شويه وقلت:ممكن بدوري؟ الولد عرف اني انا نفسي الي قبل شوي .. كنت اتخيل وجه وعليه علامة استفهام يقول وش تبي ذي .. انا : اذا مو عادي خلاص .. سوري هو:لالا عادي ... بس .. اعرفك انا ؟؟ انا انحرجت:لا بس .. سوري سوري بس انا كنت طفشانه وشكل الولد سوالفه حلوه بس .. اسفه عالازعاج هو:لا وين ازعاج حياك .. ثواني انا استغربت .. هذا شكله ثقل حبتين وش فيه فجأه عطاني وجه .. سمعت صوت بعيد يقول:بدير خذ كلم ماما هههههه يستهبل ذا ماما .. خلييينا نشووف وش بيقول لي بدوري الحين الووووو قالها بحماس وكانت طالعه من قلب .. انا ضحكت عليه ورديت:هلا بدوووري بدر:ماااماااا قولي بابا عمو سيوفي ما يتيني الاوه .. ابي بيت ضحكت عليه من جديد اسلوبه بالكلام مره عجيب رديت عليه: عمو سيوفي ما يعطيك حلاوه ؟؟ ليش انتا وش سويت ؟ بدر بكل براءه :ما اويت شي هو شرير .. بعدين بدى يتكلم كأنه يخاطب احد ثاني:عمو سيوفي هذا مو ماما يا كداب .. هدي صديقتك انا خلاص فقعت ضحك عليه من جد خطيييييير لابعد الحدود .. انا:بدووري كم عمرك حبيبي؟ بدر:عمري سلاثه سوا لي بابا عيد ميلاد كبببيير انا:والله ؟؟ ليش ما عزمتني ؟ بدر:انا ما اعرفك انتي مييييييين ؟ انا:انا شجن .. صديقتك انت مو صديقة عمو سيوفي بدر:سجن ؟؟ ضحكت عليه:شجن حبيبي .. شجن .. قووول شـــجـــــن .. شجووووون بدر عصب:سجن ولا سجون لا تعصبيني مت ضحك على هالولد من جد رووعه .. بعدها تكلم عمه سيف:سوري اختي ان كانه ازعجك ولا شي انا ولحد الان اضحك شوي:لا ازعاج ولا حاجه انا الي سوري والله مدري الطلب طلب غريب حبتين .. مشكووور اخوي .. سيف:العفوو .. سكرت وانا مره اضحك على سوالف هالولد خطير مشالله عليه توه صغير ولسانه طليق .. اييه بس قضا الضحك الحين وش اسوي .. ؟؟ انعن اوم الطفش الي زي كذا .. قررت اني اسبح .. طلعت برا .. كنت شويه خايفه .. ظلام والبيت فاضي وكبير .. بس مسكت نفسي لحد ما وصلت عند المسبح وفتحت اللمبات .. هدووء بشكل مخيف .. ما قدرت على طول رجعت ركض للبيت وانا قلبي يرقص من الخوف .. اوف لاي درجه انا خوافه .. زين كذا بطفش .. لا ما علي بطلع .. بس مافي احد يجلس معي .. اخااف قررت قرار اني اخذ المسجل معي واعليه على اعلى شي عشان ما اخاف .. وبالفعل اخذت الايبود والاستريو ورجعت من جديد للمسبح .. طبعا كنت خايفه شوي بس الواحد لازم يجازف خخخخ شغلت اغنيه لبرتني وشبكته عالإستريو وخليت الاغاني تلف لوحدها .. بعد ما لبست المايوه حطيت رجولي اول شي اتحسس المويه وشوي شوي نزلت .. سبحت وسبحت كثير .. نسيت نفسي بالمويه وبديت افكر بأشياااء كثيره .. من سالفة انو بو حمد عمي لزعل عبدالله .. حللت كل شي صار وحاولت اعرف كل موقف وش معنى بهالفتره حدث .. حاولت اربط اشياء وافك اشياء لكن .. حسيت اني ببساطه متقبله كل شي .. حسيت ان كل شي عادي وما صار .. استغربت على نفسي ليش ما انصدمت ذيك الصدمه القويه .. ليش كل شي صار اوكي ؟؟ يمكن لان عبدالله كان بالنسبه لي اقرب من ولد خاله فـ هالخبر ما غير بواقعي شي ويمكن .. لان من كثر ما انا احبهم الي هم عيال عمي حمد تقبلت كون انهم عيال عمي لكن ... كيف اتقبل ؟؟ انا اصلا ما رفضت الفكره بس ليش ما كنت لذيك الدرجه فرحانه ؟؟ كيف تقبلت انو ماما الي هي اصلا مو ماما تصير خالتي .. ما حسيت اني انصدمت كثير بعد .. ويمر الوقت لحد ما بديت اسمع .. الله اكــــــبر .. الله اكــــــبر يؤ جالس يأذن ... بس يأذن وشو ... انا على طول طلعت وطفيت الااغاني .. ناظرت الساعه .. خخخخ اكيد بيأذن الفجر اجل وشو .. يوو لازم ارقى لو شافتني ماما كذا بتكفخني .. ما ترضى لي اسبح الا ومعي احد تخاف اغرق ومحد يدري عني .. رقيت بسرعه ودخلت غرفتي وانا ارتجف من البرد .. كان فيه مطر خفيف .. مطر بالصيف .؟؟ وبالرياض .. غرييبه .. ما دققت بالموضوع كثير تروشت وتوضيت صليت ورحت انام .. قمت على صوت امي .. كانت تهزني بقوه:يااااااابنت قوومي لي نص ساعه واقفه نبح صوتي فتحت عيوني وانا مرتاعه لقيت وجهه امي قدامي وعيونها شوي وتطلع .. نقزت من سريري وانا خايفه:وش صااير .. ؟ ماما:متى نمتي ؟ عقدت حواجبي:مدري الفجر .. تنهدت ماما وقالت:قومي صلي الظهر ولا ترجعين تنموومين تأففت من قلب .. وقمت غسلت وجهي وتوضيت وصليت .. نزلت تحت وانا اشوف الدرجه اربع شوي وبيطح .. دايخه مره .. ليش حظرتها مقومتني .. لقيتها تحت تحوس بالصاله .. قلت بصوت نااعس وكالع من خشمي:وش السالفه؟ ماما طالعتي بعين حاده: انتي طلعتي امس؟؟ صحصحت شوي وقلت بإستنكار : لا .. كنت بطلع ما طلعت .. ماما:يقول عمر انك طلعتي انا جلست استوعب .. عمر .. من عمر .. ؟؟ ايييه عمر سواقنا الدبشه ذا .. عقدت حواجبي:والله ما طلعت .. وبعدين انتي اصلا ويا بابا تقولين اطلعي عادي ماما قربت لي وهي متخصره وبعصبيه قالت:وما رجعتي الا الفجر فتحت عيوني:وشوووو..؟؟ خيييير من قال .. نزلت وانا معصبه:اووريه الكلـ* الحيوا* يتبلى علي .. والله لاكفخه بالجزمه .. ماما:شجينه .. روحي لبوك انا جلست ابي استوعب ماعرفت .. كل شي ملخبط اول شي تنفضني وهي معصبه وبعدين تقول ان السواق قال اني ما رجعت الا الفجر بعدين تقول لي شجينه ؟؟؟؟ قويه صراحتن .. رحت لابوي وانا راسي ملحوس دخلت:بابا ليش ماما صارت مجنونه؟؟ تنهد بابا وحط كاس المويه الي بيده:امك خازها بليس لا تكلمينها بس .. تدور الشر ضحكت بيني وبين نفسي ورحت جلست عنده وحطيت راسي على السرير:ابي انوووووم بابا:دايخه؟ انا:مقومتني تقول لا ترجعين تنومين .. رفعت راسي وانا مبوزه:لييش؟ بابا ضحك:ما عليك منها اقولك تدور الشر .. روحي تغدي بس .. قلت بقرف:مااابي مالي خلق .. تنهد بابا ولف وجهي عليه:لونك اصفر ليش ما تاكلين تنهدت:مو حلو الاكل شسوي .. ماحب آكل سكت بابا شوي وبعدين قال : طيب اطلعي كلي برا لا تجلسين كذا ما افطرتي ولا تبين تتغدين سكت شوي وانا مبتسمه .. ياااي اطلع .. نسيت والله نسيت .. قمت بسرعه :بروح اغير .. رجعت من جديد:بابا .. اخاف ماما تعيي؟ اشر لي بابا بيده وهو يهمس:روحي روحي بس ميب شايفتك ناديها لي ضحكت عليه ورقيت فوق .. بدلت ولبست عباتي .. نزلت بشويش اناظر حولي ماما فيه ولا لا .. ناديت سوزان وطلعت .. حر .. وريحة السواق الخايسه .. وصوت ايفرل لافين تغني .. اشوف نخلات تجي وتروح بسرعه .. منن زمااان ما طلعت وجلست اقزقز خلق الله وهم بسياراتهم .. اناظر شويه الاقي همر اسود خطير اتش ثري .. والي راكبه واحد كشته ما تدخل مع الباب .. ومن وراه سياره قرمبع ونيت فيه خرفان والي يسوق واحد وجهه يلمع من العرق وواقفه على خشمه ذبانه .. ناس غير عن ناس وفرووق شاسعه كثيره .. وفوق كل هذا راعي الهمر جالس يكبس لراعي الونيت مدري والله وش كان يقول له ماعرف لغة السيارات خخخ بس الهدف انو من تواضع لله رفعه .. حسيت اني جالسه اتفلسف .. رفعت راسي اناظر الفيصليه .. بطأت سرعه السياره .. شكلنا الحين بطريق الملك فهد .. يااااااليل .. ازحم طريق في الرياض كلها .. لا وفوق كذا من شطارتي جايه الظهر وقت الي يطلعون الناس من الدومات او يروحون لها .. جلسنا بالزحمه نص ساعه ما بغينا نطلع .. عمر اقلقلني كل شوي يسأل ماما وين تبين روه .. ماما وين تبين روه .. انتفخ راسي من صوته الي كنه دجاجه مزنوطه .. لو اننا جايبين سواق سعودي اصرف خخ .. بالنهايه قررت اروح ركا .. عند جامعة الملك سعود .. بابا يشتغل هناك ودايم يعلمني عن حركاات الطلاب مهبل بشكل غير طبيعي وخصوصا طلاب كلية التربيه خخ .. وش تطلع ذي بعد .. كلية التربيه .. الظاهر انها حقت الرسم والشخابيط .. ايييه الله يعين بس مدري وش يحبون في الرسم .. لا وهم الي مهبل لوول .. دايم بابا يسولف لي عن حركات شباب الجامعه ومدري ايش لدرجه حسستني انهم بزران .. بس ولو لاني انا احب الهبل رحت عند ركا .. لانو الحين وقت غدا وراح يطلعون يتغدون هنا .. يعني فله وقف عمر السياره .. مع الحر والخياس تحسفت على نفسي انزل .. خليت عمر يروح يطلب لي .. انا تأزمت من حالة الطفش الي اعيشها ..كنت مفتكره انو بلاقي هبل هنا بس شكل المكان مهجور ... اللهم تجي سيارة شاخطه الاغاني واصله لاخر الشارع وصراخ شباب .. وما تدوم الا خمس ثواني .. جلست اطالع بالجامعه .. احسن جامعه بالرياض تقريبا .. بس المشكله انها للاولاد .. طبعا .. انا اتكلم عن المبنى الحلو الي قدامي مو جامعة عليشه حقت البنات كلن يقول انها مخيسه .. انا ابي ادخل في ذي الي جالسه اطالع فيها الحين .. من كثر ما يسولف لي بابا عن جامعته الموقره كرهتها من كثر ما حبيتها .. كان ودي اني بزره عشان اروح معه يوم من الايام .. خخ عاد تخيلوني واقفه بوسط قاعه كلها شباب وبابا جالس يلقي محاظره وانا معي حلاوه وامصمص .. تنهدت .. يبيلي افكر كويس وش بدخل .. اي تخصص اي جامعه مخي فاضي الحين .. مره تقطع قلبي ودي ادخلها .. حظه عبيد هو وخشته داخل هندسه وكل يوم يجي .. بعد فترتن وجيزه اكتشتف واستوعبت ليش المكان مهجور .. لانو وبكل بساطه احنا بالصيف ومابه احد بالجامعه .. كان ودي اعطي نفسي كف على هالتفكير .. جلست احورف بجوالي انتظر عمر ذا الدبشه كل هذا يطلب .. دقيت على بابا ونشبت له سوالف مالها داعي .. وجا بخاطري هالسؤال :بابا .. الحين البنات مالهم قسم بجامعة الملك سعود ؟؟ بابا:الا بعليشه انا:لالالا .. اقصد الي انت فيها .. حقت الشباب .. بابا : ... ليش هالسؤال انا:مجرد فضووول .. بابا:مدري والله ماني متأكد .. الطب البشري الظاهر او انه العلوم التطبيقيه .. شي زي كذا .. بس انه عموما طب .. هذا تلقين فيه مبنى للبنات بس الله يهديهم الممرات والقاعات فيها بنات واولاد مع بعض .. انا سكت شوي : عادي فلها يا بابا .. وش فيها بابا:لا بس .. ما ينفع كذا مفروض يخصصون كليه في عليشه مع باقي الكليات للبنات مو يسوون الدعوه خلبليصه انا ابتسمت .. نسبتي بثالث كويسه مع نسبة ثاني بتطلع تحفه .. وعندي بابا واسطه ليش ما ادخل .. تجربه جديده اني ادرس بمكان مختلط .. بس ثواني من السكوت قلت:بابا وش رايك اجي ؟ بابا :وين تجين ؟ انا:عندك .. نصير انا وياك نجي كل صبح مع بعض .. ههههههه وش صبح .. قصدي وقت الدوام .. بابا:ايه يصير خير .. يا مصله بابا .. سولفت معه شوي وسكرت يوم شفت عمر جاي .. فتح الباب ودخل الكيس:ماما انا اعطي هذا رجال محاسب خمسه ريال فلوس مافي كفي عطيني انا خلاص ادفع من فلوس مال انا سكت شوي وش يخربط ذا .. الكلـ* انا معطيتيه ميتين قطعه وحده على وجه بعشرين ريال هههههههه كل ذا ونقص خمسه .. يا ان ذا الرجال حاله من الغباء يبي خمسه بس مو عارفه .. عطيته واعتبرتها صدقه لوجه الله تعالي .. ههههه .. طيب .. الحين وين باكل .. توه عمر بيحرك السياره الا قلت له يطفيها .. البرقر له طعم ثاني جوا السياره .. فصخت طرحتي عن الحر ورتبت مكاني وجلست اكل .. السياره مظلله والمكاان فااضي وانا ما وراي شي .. واناظر بالشارع والسيارات الا سياره توقف .. طبعا لقافتي ما تركتني جلست ابحلق في راعي السياره مشيته مو غريبه .. وشعره وطوله وكل شي .. ما كان باين من التظليله .. عقدت حواجبي ورحت للشباك وتفتحته .. جلست اناظر كويس .. هذاا ياااااااااااسر ..!! يا حليله والله اني مشتاقه له .. اكيد يحسبني نكبته عقب ذيك السالفه الولد التفت وناظرني ثواني وابتسم .. جا عندي:هاااااااي شجن كان مستغرب شويه وباين عليه انا رديت الابتسامه:ياااا الدبدووب شلونك .. والله لك فقده .. صدفه احلا شي مد يده بيسلم: هههه فقده هاه .. يا اللعابه لو اني ما كفشتك الحين كان بح شجون ضحكت عليه ومديت يدي له .. يا حليله اخر شخص توقعت اني اشوفه .. جلسنا نسولف شويه عن رجعته للسعوديه وعن الجامعه وكل شي ياسر:امم شجن .. ما لاحظتي اني واقف بالحر واكلمك من شباك السياره والشمس على راسي؟ ضحكت عليه:احسن .. رجع يضحك :اسمعي ما راح تنحاشي مني مره ثانيه .. عطيني رقمك يا بنت .. هالمره طلعت جوالي وبكل فخر .. كني اقول شوفوني رجع لي جوالي خخخخخ .. طبعا من دباشتي ما حفظت الرقم قام هو عطاني رقمه .. ياسر:امم انا بروح .. بس ماني واثق فيك انتي عقدت حواجبي:ايش؟ ياسر:عارف انتي ماخذه رقمي عشانك ما راح تدقي عليا صح ؟ جلست اقلد عليه:انتي ماخذه رقمي عشانك ما راح تدقي عليا .. اقووول يبو الشباب في خاطري سؤال ضحك:اسألي انا:انت لهجتك وصوتك خلقه كذا يا الدلوع ؟؟ ياخي انت بنت متخشنه .. خلك رجال شويه ياسر:لا انا رجال بس اشرب ليمون كثير ضحكت عليه من قلب يبي ينكت مو عاارف شكله .. المهم عشان يتأكد هو وخشته دقيت عليه عشان يسجل رقمي .. ياسر:يلا شجونه فرصه سعيده .. انا: تسلم .. مدري وش يردون ضحك من جديد: الله يرجك .. توه بيروح الا التفت:ترا عند فمك فيه شويه مايوو .. مايو؟؟؟مايونيز .. اللله يقطع بليس ابكفخ هالولد يعني جالس يسولف معي ربع ساعه وتوه يقول .. رميت عليه علبة المناديل:يا حماا* ضحكت ورجع:اشبكي انتي ؟ ناظرته برجاء مصطنع:ياسر..تكفى .. تكلم زين .. ترا تكفى تهز رجال رجع يضحك .. حوم كبدي من كثر ما يضحك .. مفتكر اني جالسه انكت عليه .. ياسر:شسوي ذس از مي شجن .. انا مش على كيفي .. صوتي كذا مسحت المايو الي عند فمي:ولهجتك كذا بعد .. ياخي تحسسني انك حجازي على نجدي على حبتين بريطاني وش ذا ياسر:كوكتيل كلوو سكر .. ناظرته بنص عين:يا واااثق .. ليش رجعت انت وخشتك ؟ ياسر:لا لا لا .. شجن بسراحه حطمتيني .. كنتي مره ذوق لمن شوفتك بلندن دحين جالسه تسوي خشتك وما خشتك تكلمي بذوق يا بنت الناس كشرت بوجهي: برا لازم نصير برا جوا لازم نصير سعوديين .. تسذا ضحك من جديد .. هالمره وصلت معاي خلاص ابذبحه من كثر ما يضحك :هاااه ليش رجعت؟ ياسر:ما تبغيني يعني؟ انا:مو بالضبط .. اخلص ياسر:لا بس حاب اسولف معاكي شويه .. انا:يا شيييخ .. ياسر:اسمعي بدق عليكي الحين لمن ابعد شويه .. عقدت حواجبي:لمن تبعد شويه؟ ياسر:يس لمن ادخل المحل الي هنا .. ماااي فرند جوو هنا .. عقدت حواجبي:يور فرند جو ؟؟ يا غبي قوول فرندز .. ولا تحكي عربي انقلش ضحك من جديد:جو مو يعني صارو هنا .. جو يعني اسمه جو يعني صديقي الي اسمه جو هنا .. استوعبت ثواني:وش جاب واحد اسمه جو بالرياض قلي ؟ .. ولا اسمه جعيدان ويبون يختصرون ياسر:ههه لا يا حبيبتي هذا من لندن اجى معايا .. يلا سي يو .. ترا راح ادق اشرت بإيدي بي باي وانا اكل بطاطسه .. وش جاب واحد اجنبي عندنا .. سبحان الله تارك لندن وجاي الرياض .. من الجو الحلو للخياس والحر .. شكله ماعنده مخ ابد كملت وجبتي وقلت لعمر يحرك للبيت .. شكلي باخذ لي دش طوييل بعد حالة الحر الي عشتهاا نغمة الجوال المعتاده .. ترن رنرن ترن رنرن ترن رنرن رن .. اكرههها تجيب لي المرض يا ناس بس شسوي ماعندي شي في جوالي فااضي .. ناظرت الرقم ( تسذا ) ضحتك على هالمسمى ..هذا ياسر بسم الله ما امداه دق .. رفعت الجوال:اهلين .. ياسر:هلا والله .. لحظه سكوت .. : ايه وش بغيت ؟ ياسر:ولا حاجه .. ابي اسولف معاك .. انا:امممم اجل اول شي تكلم يا حجازي يا نجدي اختار .. ولا تخلبص بالحكي وتجيب انقلش عالطاير ياسر:هههههههههههه طيب ايش اسوي لمن تكون ماما جداويه وبابا من الرياض .. اقس عمري نصين ؟ انا:اقصصصص مو اقس .. ولا تقول بسراحه بعد .. بصراحه .. كنت اقول حرف الصاد من قللب .. ياسر:ههههه شجن والله انك تضحكي كثيييييييير .. انا:ههه تصدق توني ادري .. ياسر:ايوا ايش كنا نقول ؟ انا:ياسر راسي منتفخ ومالي خلق احد .. شف عارفه اني صايره امون لاني اول مره شفتك كنت خقق وتهبل وانا كنت مستحيه انا وخشتي بس الحين الحر لعب بإعصاااااابي ياسر:هههه .. كنت اخقق واهبل ؟؟ والحين خيخه ؟ ياربي حركاات الشباب لمن يقومون يلقطون الحكي بهالطريقه .. نفسي اسولف مع واحد سوالف عاديه لا يجيبها يمين ولا شمال انا:يااااااسر بابا يدق علي ابكلمك بعدينصكيت بوجهه وتنهدت .. احس اني متخدره .. مع اني ما نزلت ولا سويت شي بس فحت بهالحر .. وجهي حاطته قدااام المكيف تمام وما في فايده .. نزلت من السياره وخبطت بالباب بأقوى ما عندي .. مدري ابي اطلع حرتي في شي دخلت البيت وانا فاتحه فمي .. الله .. برد .. رقيت غرفتي وعلى طول دخلت الحمام فصخت عباتي وعلى الارض مرره ما كان عندي وقت فتحت المويه عالبارد بملابسي وبكل شي وباب الحمام مفتوح ومدري ايش .. جت ماما وطلت علي ماما وهي فاتحه عيونها:يا مجنوووووونه وش تسوين ؟ بعد التتنيحه استوعبت اني تحت المويه بملابسي وعباتي على الارض بالحمام وكل شي .. وش اسوي خلاص حر لدرجه مو طبيعيه .. جلست اضحك على نفسي وماما مره مستغربه : خلااااص البنت انهبلت .. دخلت معي وشالت عباتي الي كانت ترطرط مويه وحطتها بسلة الغسيل وجت سحبتني وطفت المويه:بزره انتي ؟؟ انا اناظرها بنص عيون وبكل برود .. عطيتها تكشيره تناحه وقلت:حر .. هزت راسها وهي تضحك:بس بدلي ملابسك وتروشي زي العالم والناس تاركتلي الباب مفتوح والعبايه عالارض ومتروشه بملابسك ناظرت نفسي:كلها بلوزه وجنز .. طلعت ماما وهي تضحك .. راحت شوي ورجعت بسرعه:وين كنتي فيه؟ يا لييييل بدينا التحقيقات .. سكرت الباب وانا أاشر لها بيدي بي بااااي والابتسامه شاقه الوجه .. تروشت وخلصت لبست لي بجامه ووقفت عند المكيف .. يااازين البرد زيناه ..شوي بدا يعورني راسي مع المويه والهوا شكلي بزكم .. نزلت تحت عند ماما وبابا لقيتهم يتقهوون:السلااااام عليكم الكل:وعليكم السلام بابا:نعيما .. انا:الله ينعم عليك .. جلست:ليييش تشرب قهوه .. التفت على ماما:ما ينفع يعني ضربتني على خفيف:اتركيه .. مسكين خنت حيلي ضحكت عليهم شويه وقلت:ايه بابا وش رايك ؟ بابا:بوشو انا:بالموضوع الي قلته لك اليوم .. اني ادخل طب واجي عندك بالجامعه .. ماما:لا يا عيوني مافي هناك اولاد مع بنات .. ناظرتها:لالالا .. بس بالممرات .. والقاعات حقت مدري وشو صح بابا ؟؟ تنهد:صح .. بس انتي وش حادك على الغثا الطب يبيله ناس عاقله مو انتي .. بوزت:يعني انا مجنونه؟؟ ماما:لا بس اختبار قدرات وقياس واشيا منتي جايبه فيها الا خراط بوجهك ضحكت عليها:مااااماا .. القيااس للأولاد مو للبنات .. هااه بابا .. انت عندي واسطه بابا:ونسبتك ؟ تنهدت:ياذا النسبه .. في ثالث جايبه سته وتسعين وبثاني ... اممم مدري الظاهر ثمنيه وتسعييييييين بابا بابا:ييصير خير .. ماما:لا مافي .. تروحين عند هالمهبل .. مافي انا:وش مهبل ؟؟ ماما:طلاب هالجامعه الصياعه انا:ماما وش دراك عنهم .. وبعدين انا مالي شغل فيهم اساسا ماما: وش دراني عنهم .. محد رقد ابوووك الا هم حسبي الله عليهم بابا تنهد:كل شي بتحطه فيهم .. ماما وبابا جلسو يكملون نقاشهم التافه وانا جلست افكر .. وش مرض بابا ؟؟ وش خلاني ما اسأل عنه ؟؟ بس اخاف اسألهم يتضايقون او شي .. قمت من عندهم:عن اذنكم ورحت ادور سالي الممرضه .. لقيتها تهرج مع الشغالات بالمطبخ:هاااي سالي سالي ناظرتني اول مره اجي اسلم عليها:هااي .. بديت اسولف معها شويه بعدين سألتها عن مرض بابا هي قامت تشرح لي وكل شي بالانقلش ماافهمت ولا شي قلت وانا مكشره:خلاص خلاص خلاص سالي:انتي مافي افهم ؟ انا فتحت عيوني .. الحيوا** لي ساعتين اتشاخط معاها بالانقلش طلعت تعرف عربي .. قلت بعصبيه:مشالله .. تحكين عربي انتي وخشتك .. سالي:..؟؟؟ انا:اممم .. طيب بابا وش فيه؟ سالي سكتت ثواني وهي عاقده حواجبها:مافي معلوم ايش في هادا اسم والله .. تنهدت .. ياعيني على البقاره الي زي كذا .. فجأه تكلمت .. اييييه مومكين هادا اسمو جلته .. جلته ؟؟؟ يعني .. بابا جايته جلطه ؟؟؟ بابا فيه مرض القلب .. ؟؟!؟ |
الجزء الثاني البارت السابع انا انصدمت من قلب عيوني غصب عني بدت تتجمع فيها الدموع .. مو معقوله انا ما راح اقدر اتحمل افقد ابوي من جديد ما اقدر يعني عممممممري كله ما حسيت بمعنى ابو وهالانسان جا وقدم لي مشاعره بيديه اخذني بحظنه صرت اسميه بابا .. تدرون ايش يعني بابا ؟؟ يعني هالانسان انا مدري وش بسوي لمن يروح عني زي الي سبقوه .. رحت لغرفتي بسرعه وقفلت الباب قدامي .. ثواني بدت دموعي تنزل وتنزل انكتمت مره احس اني بقفده مدري ليش ما كنت مستوعبه الي حولي كل الي اتذكره اني مسكت جوالي ودقيت على عبدالله صحيح مدري شفيه علي وصحيح اني كل ما ادق ما يرد بس هالمره انا محتاجة له انا ما عندي احد اتكلم له واقوله عن الي بقلبي واشكي له غيره .. لكن للأسف ظل الجوال يرن ويرن ويرن ويرن لكن تمسكت بأمل انه يرد لدرجه خلتني اتمنى انو يرن من غير ما يوقف بس ما يسكت هالصوت وما اكتشفت ان عبدالله من جديد .. سفهني رميت الجوال عالارض من القهر وضليت ابكي وابكي .. لحد ما بردت خاطري .. قمت اغسل وجهي وجلست عند الشباك افكر .. يمكن بابا مرضه فيه حكمه ربي ما يسوي شي الا بحكمه سبحانه .. حسيت بقلبي حزن كبير لكن شويه فرح .. توني احس اني اعز بابا لهادرجه .. رجت توضيت وصليت ركعتين شكر اللي عندي مو عند غيري والي ربي رزقني به كثييييير كثيييير غيري يتمناه .. رن جوال وانا بالتحيات .. سلمت بسرعه ورميت الجلال .. الووو هااااي شجن تنهدت:هلا ياااسر .. ياسر:شفيكي شجن ؟؟ ليش صوتك زعلان عسا ما شر ؟ انا:لا ابد .. سلامتك .. ياسر:لا جد احكي .. انا:بس بابا مريض شويه ياسر:اهاا .. يقوم بالسلامه انشالله .. انا:الله يسلمك ياسر:اسمعي .. انتي اليوم بتطلعين ؟ عقدت حواجبي:ليش؟ ياسر:لا ولا شي بس حبيت اوريك حاجه مررره كووول .. تعالي فيدركلز اليوم المسا اوكي؟ تنهدت:ياسر وربي ماني رايقه .. ياسر:شجن والله حاب اوريك هالشي انتي متل ختي تمام وابي احد يفرح معي لما افرح .. انا ارتحت نفسيا .. اجل مثل اخته .. زين .. بس عاد وش هالشي العظيم الي بيفرحه ويبي يفرحني معه .. انلحس مخي بس قمت اسلك له شوي لحد ما سكر .. نزلت تحت ماما نايمه .. والبيت هادي .. رحت لمجلس الرجال .. وقفت عند الباب .. المجلس بارد والانوار مطفيه وبابا عالسرير وكل شي هادي غير صوت الجهاز الي يحسب النبضات .. لهادرجه حالته صعبه .. حاطين له ممرضه وجهاز بعد واحيانا غذايه .. بس الحمدالله لو انها من جد صعبه كان صار بالمستشفى الحين .. رحت للجهاز اطالع فيه صوت رنات الجهاز .. والخط الاخظر بالشاشه السودا يرتفع شويه وينزل شويه .. على شكل خطوط .. لو ارتفعت عن الحد اللازم ومات بابا ؟؟ لو سكت الصوت فجأه واختفت الخطوط ومات بعد ؟؟ سم الله عليه وش جالسه اقول انا .. جعل يومي قبل يومه .. رحت عنده ومسحت على راسه بهدوء : الله يخليك لنا سمعت صوت ماما:اوووش التفت:ماما ..؟ ماما بهمس:اطلعي من عنده تعباان مره .. جت وسكتني مع ذراعي ..: لا تزعجينه بعد ما طلعنااا انا:ماما ماما:نعم .. انا:اممم .. تراني دريت .. ليش ما قلتو لي؟ ماما:عن ايش؟ انا نزلت راسي:عن مرض بابا؟ حطت يدها على كتفي:يعني يا ماما انتي ما تدرين؟ هذا هو مريض الله يشفيه رفعت راسي:لا اقصد القلب ... انصدمت ماما شوي بعدين تنهدت:ومن قالك انشالله؟ انا:سالي .... الممرضه راحت ماما جلست عالكنب بالصاله: كل شي مقدر ومكتوب وش نسوي .. جلست معها:وليش ما قلتو لي طيب؟؟؟ ماما: ما حبينا نضايقك .. لا تقولين له انك دريتي.. نزلت راسي:اوكي. ........... وش سبب المرض طيب؟ ماما:مشكله مع عمانك الله يهديهم .. لا تتكلمين بالموضوع كثير .. حسيت اني ضايقتها .. سكت ثواني وقلت:ماما.. ماما:هااااا انا:سولفي لي عن ماما الله يرحمهااا سكتت شوي وهي تطالع الارض:وش الي خلاك تسألين هالسؤال .. انا:مجرد فضول .. تنهدت:امك ... امك كانت حوريه بشكل انسانه .. محد قد عاب اخلاقها ومحد قد تشكى منها .. بس هذا الي ربي كاتبه .. ما تستاهل الي حصل لها والله دمعت عيون ماما .. انا حسيت ان كلامها مختصر بس بنفس الوقت لازم تسكت .. ما كان ودي اذكرها بماما الله يرحمها عشان تبكي .. رحت جلست جمبها:تضايقتي؟ رفعت راسها:لا ابدن .. انا:ماما.. انا ما ودي ازعلك بس .. احس انو يحق لي اعرف ماما وبابا اكثر .. يعني على الاقل اذا .. نزلت راسي وقلت:اذا انتي تعرفينهم .. حسيت بشي لحظتها ... شعور غريب عجزت افسره مدري قهر او زعل فرح او غضب .. لكن سكتت .. ماما:ايه يحق لك تعرفين عنها كل شي بس وش تبيني اقول الله يهديك .. الله يذكرها بالخير يارب انا:اممم ... امين يا رب .. وبابا؟ ابتسمت ماما:ابوك .. امك وابوك كانو .. تنهدت:يا ليتهم مربينك كان صرتي احسن وحده بهالعالم .. مسكت يدها بحنيه:يعني انتي ما عرفتي تربيني .. حضنتني ودموعها تنزل بشويش .. وانا تمسكت فيها بقوه .. هالمره بس كنت احظنها وانا اقول .. هاذي خالتي .. جت الممرضه تركض:مداااام .. ماما وقفت وهي مرتاعه:خالد فيه شي؟؟؟ الممرضه:i don't know madam he wants you بابا يبي ماما ؟؟؟ وش السالفه .. قمت لحقت ماما بسرعه دخلت لقيت ماما عند سريره ومره مرتاعه وهو مره كانت حالته مو كويسه كانت يتنفس بسرعه وماسك يد ماما كان يقول كلام ما فهمت منه شي الموقف انا جالسه اشوفه قدام عيوني حسيت ان بابا يحتضر الحين حسيت اني بفقده للمره الثانيه بس للأبد .. عقلي ما قدر يستوعب هالمشهد .. كل الي قدرت اسويه اني اطالعهم وابكي .. الكلام الناس صوت الاسعاف برا كل هذا ما سمعته ابدن .. كنت بس اطالع .. وابكي بهدوء .. رجال الاسعاف دخلو .. واخذو بابا .. ونقلوه .. ماما ما رضت تتركه والشغالات واقفين يطالعون وانا عند الباب على نفس حالتي .. بابا حاطين له الاوكسجين وجالسين يركبونه السياره ماما عليها عباتها ولبس البيت .. الدنيا حوسه والجيران ملتمين يطالعون وش الي صاير وانا واقفه من غير ما اتحرك من غير ما انفعل مع الموقف .. كل الي قدرت اسويه اني اجلس بمكاني واتسند على الباب الله يقومك بالسلامه يا بابا .. الله يقومك بالسلامه يا بابا .. كنت عارفه اني لما اقولها راح يصير زي الي صار لجدتي .. زحمة الناس .. والاسعاف .. وانا ضايعه بدموعي .. وقلبي احس انه بيوقف من كثر ماهو ينبض .. صعبه يتكرر علي نفس الموقف مرتين .. وانحرم من حنان الاب مرتين .. وابقى وحيده ومنكسره وما عندي شخص يمد لي يده ويوقفني .. بس كنت جالسه اطالع سيارة الاسعاف تبتعد .. وانا عند باب الشارع بالبيجامه .. شعري يتحرك بشويش مع الهوا .. وبيجامتي الورديه تلوثت بالدموع .. مجرد اطياف للناس قبل شوي .. الموقف كل ماله وينعاد .. ويتكرر بصوره ثانيه .. صوره قديمه حيل .. تتركني ابكي اكثر واكثر .. وما حسيت بنفسي الا على سريري .. التكييف مشغل .. والانوار مطفيه .. وبيدي ورقه .. قمت وانا مكشره احاول استوعب وش صار .. فتحت الورقه .. كانت من ماما .. تقول لا تشغلين بالك ابوك صحته كويسه بس الممرضه ما عطته علاجه بوقته .. وفلسفة دكاتره .. قولي لعمر يجيب لك عشا ولا تحاتين .. بنجي نمرك بكره الصباح .. ابوك بيرجع للبيت بعد يومين .. لا تنسين تصلين .. تنهدت بحزن .. قمت وتوضيت صليت الفجر والمغرب والعشا .. قمت من السجاده وانا احس ان كل شي تمام .. ماما طمنتني كثير .. غيرت ملابسي ونزلت .. مافي احد بالبيت .. انا والشغالات .. رجعت رقيت فوق .. اخذت جوالي .. ثلاث مكالمات لم يرد عليها .. كلها من ياسر .. تنهدت ورديت عليه:هلا ياسر ياسر:فييييينك انتي لي ساعه اتصل فيكي؟ انا بتكشيره:اقولك بابا تعبان .. بغيت شي؟؟ ياسر تنهد:بسلامة ابوكي بس هو الحين معك مثلا ؟؟ انا:ياسر شفيك؟ ياسر:الساعه بقت 11 ونص وانا قلت لك المسا .. راح المسا يا بنت قلت بعصبيه لكن بهدوء:يا شيخ انت رايق وتحسب كل الناس مثلك .. باي .. سكرت بوجهه وانا مقهوره .. مو وقته هذا .. لكن رجع دق ورديت:نععم ..! ياسر:شجن زعلتي .. قلت بنرفزه:لا .. ياسر:الله يخليكي تعالي .. غيري جو شويه مو تقولي ابوكي تعبان .. خلاص الله يشفيه .. مو لازم توقف الحياة تنهدت .. حسيت شويه ان كلامه صح .. انا محتاجه اغير جو .. صحيح اني بظروف شينه لكن ما بيدي اسوي شي لو جلست بالبيت بفكر بالموضوع طول الوقت وما راح ارتاح الا لما اشوف بابا .. طلعت لي اقرب شي قدامي بالدولاب جينز برمودا وبلوزه سودا .. لبست عباتي وطلعت ناديت الشغاله وركبت :عمر روح فيدركلز .. تحركت السياره بشويش .. كنت متحجبه بطريقه اول مره اتحجب فيها يعني مره كنت مطلعه كثير من شعري .. واول مره افتح العبايه وانا لابسه برمودا .. بس ما كان قصدي شي والله العظيم غير اني من كثر ماني مترفزه من الي يصير ما اهتيمت انا كذا ولا كذاك .. كنت ابي اطلع .. من النكد شويه مع اني عارفه اني مستحيل اجلس خمس دقايق من غير ما افكر بالموضوع .. شوارع الرياض فاضيه .. اليوم مباراة الهلال والاتحاد .. والعالم كلها يا بالملعب يا عند شاشات التلفزيون يتابعونها .. انا بس اطالع بتكشيره صغيره .. حسيت ان فيه شي ناقص بحياتي مدري وشو .. وان الظروف الي قاعده امر فيها بتعدي بس يبيلي اصبر .. ما حسيت الا بالسياره موقفه عند فدركلز .. نزلت:سوزان اجلسي بالسياره .. توني بدخل لكن لفتت نظري بنتلي كحليه .. جلست اطالع فيها ثواني وانا مبتسمه .. حلوه هالسياره .. لكن اي خلاني اعقد حواجبي لمن شفته ياسر .. تقريبا السياره الوحيده الي فيها .... تقريبا .. ناظرني بإبتسامه:اش اش اش الشياكه دي .. ناظرته بحاجب مرفوع:شاري لك سياره جديده وجاي توريني اياها يعني ؟ سكت ثواني .. كان يطالع بالسياره شوي ويطالعني .. نظراته كانت غريبه .. قال بعد فتره .. وبجواب غير مقنع:اييه توني شاريها .. تحبي اخذك لفه .. انا انصدمت .. وش مفكر نفسه ذا: لا شكرا .. مسك يدي:لا عادي امشي بتنبسطي .. سحبت يدي منه :ياسر قلت لك لا .. بتدخل نتعشا نسولف اهلا وسهلا لكن اركب بسيارتك انسى .. ناظرني ثواني:شفيك معصبه .. تايك ات ايزي يا بنت .. بلا تخلف انا ما راح اكلك .. انا مره وصلت معي:مافي متخلف غيرك .. عن اذنك .. توني كنت بمشي الا وقفني كلامه:شجن سوري بس وقفت من غير ما التفت:بس ايش ؟؟ انت مفتكرني كذا يعني ؟؟ بجي اركب معك وافلها ؟؟ بايعه عمري انا؟ ياسر:ايه انا افتكرت كدا اول ما شفتك بلندن ما عليكي عبايه ولا حاجه والحين شوفي كيف يور ليقز كلها طالعه والبلوزه سيور وشعرك باين .. يعني اكيد ابفهم ...... سكت بعدها .. وش كان قصده .. يعني انا؟؟؟؟؟ هذا هو قصده .. عمري ما تخيلت الناس بيناظروني ابدن بهالطريقه .. ما تخيلت في حياتي ابدن اني بلاقي شخص يناظرني بهالنظرات .. يفتكرني بنت مو متربيه مو بنت ناس .. كذا الناس تناظرني ؟؟ اي وحده تلبس زيي او تسوي زيي تصير سيئه .. انا ما اظن نفسي كذا .. ركبت السياره وصكيت الباب بعنف .. قلت من بين دموعي لعمر يرجع البيت .. كنت امسح وحده وتطيح الثانيه وانا اطالع ياسر يركب سيارته وهو يهز راسه .. معقوله .. كذا الناس تناظرني .. دموعي تنزل وامسح لحد ما يأست وتركتها .. تعبت كل شوي طالع لي شي ينكد علي تعبت من كثر ما ابكي ومن كثر ما يضيق صدري .. تعبت من كثر ما يجيني ذاك الشعور الي احس فيه اني ... اني ولا شي بهالدنيا .. انوو محد يحس فيني اني اكون وحيده وكل الناس حولي تعبت من الاهمال الي الاحظه .. الناس تكلمني لكن بعيونهم ماهم مهتمين الشخص الوحيد الي قدرته في حياتي كان عبدالله .. والحين ؟؟ مو راضي يكلمني ولا يرد علي ومافي اي سبب مقنع .. ابدن .. يا يقابلني بسكوت او بكلام جارح .. كلام مدري انا وش ذمبي فيه او وش سويت .. انا اساسا وش غلطت بحياتي عشان كل الناس تناظرني من هالمنظار .. يا تناظرني كيتيمه غبيه .. او كإنسانه مسكينه وتنرحم .. او كصايعه ما تربت ابد .. او .. او .. او .. بكيت من قلب .. خلاص تعبت من الدنيا .. نزلت من السياره وانا ابكي مره .. دخلت غرفتي وانا ابكي من قلب خلاص تعبت يا ناس تعبت افهموني .. لكن زي كل يوم وكل حال .. بجلس ابكي لحد ما تنشف دموعي .. بعدين بقوم وانا مبتسمه واقول اذا امس مؤلم واليوم كئيب بكره بيجي مبتسم .. بعد البكي هذا انا عارفه راح ارجع ابتسم .. مافي فايده بس اخدع عمري.. مسكت جوالي لا اراديا ودقيت على عبدالله .. كنتي كنت عارفه من الاول انه بيصك بوجهي .. تنهدت وقمت اغسل وجهي .. جلست عالسرير من فير هدف .. اناظر قدامي وساكته كل شي غلط .. مفروض هالاشياء ما تصير .. المفروض انا الحين اسولف مع عبدالله بلندن وبابا كويس ومافيه شي وحمد واخوانه ما اعرفهم ولا اذكرهم وحتى ماما ... مفروض تكون لحد الان مجرد ام بالتبني وخلاص .. فكرت اعيش حياتي على هالاساس . اساس انو الي ابي افتكره ابفتكره على كيفي .. حاولت مع نفسي .. انسى شويه هالاشياء الي تصير حولي .. ما دام اني عارفه ان ربي كاتبها وخلاص .. ماله داعي ازعل .. مسكت الجوال وانا مبتسمه .. ودقيت الرقم الي في بالي .. الوو اخذت نفس:السلام عليكم .. وعليكم السلام .. ابتسمت :بدوري موجود؟؟ حسيت انه ابتسم وقال : لا والله .. ببيتهم .. هزيت راسي برضا:اها .. اوكي ... يلا سوري على الازعاج .. سيف:لا ازعاج ولا حاجه .. خذي راحتك .. تراه لحد الحين يذكرك فتحت عيوني:من جد ..! سيف:ايه .. سجون مدري سجن صح ؟؟ ضحكت عليه من قلب :لالا شجن ههه .. ليش هو قايل سجن ؟ ضحك سيف:مدري عنه .. بس يسولف عنك .. عقدت حواجبي .. يا حليله ما كلمته الا شويه ويتذكرني:ايييه مشالله عليه شكله فطين .. سيف:ايه الا الله يخليله لأهله .. انا:الله يخليه لكم .. مو انت عمه تنهد:للأسف ضحكت:ليييش زعلان طيب ؟؟ شي حلوو .. مره بدوري يهبل قال وهو يتريق:يهبل وحلو .. بلاك ما شفتي خشته نص ضروسه مقلعه ووجه لوحه فنيه من كثر المشوخ .. هذا ورع ..مو يهبل ضحكت عليه .. حسيت ان هالانسان عفوي بنفس الوقت .. فيه شي يميزه .. شي غريب .. بس شي حلو ... واخذتنا السواليف .. عرفت انه سيف .. 25 سنه .. يشتغل دكتور بمستشفى الملك فيصل التخصصي فله .. ساكن بغرب الرياض .. بالبديعه .. كنت دايم استحقر غرب الرياض مدري ليش احسهم قراوه لان عندهم حي الدخل المحدود .. هذا الحي اللي كل الي ساكنين فيه فقراء عشان كذا سموهم الدخل المحدود لان رواتبهم كانت قليله .. والامير سلمان عطاهم بيوت مجانيه وسكنهم بهالمكان .. يقول سيف ان البديعه جمب الدخل المحدود او فيها .. بس انا استغربت يعني تفكيره متفتح صحيح على قولته ما قد كلم بنت ههههه ما صدقته بدايتن بس بعدين اكتشفت من اسلوبه العفوي انه صادق .. انسان قمة الروعه .. خخخخ هذا الكلام نفسه الي قلته عن ياسر .. يلا كل انسان له وجهين ولا اتوقع اني بعرف سيف عشان اعرف ايش هو وجهه الثاني .. بس كل شي جايز .. سكرت من عنده وقمت اتروش .. بعدها دقيت على ماما ما ردت .. شكلها نايمه الساعه 12 الحين .. دخلت ام سلطان:يلا يا بنتي انا راجعه بيتي تبين شي ؟؟ عقدت حواجبي والتفت عليها:مو انتي رحتي الساعه عشر .. ام سلطان:لا والله مع روحة ابوتس المشتسفى اختبصنا ووتعلطت وجلست اكمل شغلي الي ما كملته.. ضحكت عليها .. كلامها خطير .. اجل مشتسفى هههههههه .. طلعتها ثواني .. الشيله السودا .. والدراعه الخظرا المشجره بأزرق .. ذكرتني بجدتي .. قمت رحت لها وحبيت راسها:الله يعطيك العافيه .. ام سلطان ابتسمت :الله يكرمك يا بنتي .. ما قد سولفت معها .. دايم احسها عجوز منتههيهمالها هدف بالحياة .. ناظرتها ثواني وقلت:تطلعين معي ..؟ ام سلطان ضحكت:ههه اطلع معتس .. ايه يصير خير باتسر.. انا:لا الحين .. يلا ام سلطان:لا الساعه 12 يا بنتي وانا بروح ارقد واعين خير ببيتي .. ولدي هذا هو عند الباب .. تنهدت .. ابي اعرف ولدها كيف راضي لها تشتغل عند الناس:ولدك كم عمره ..؟ ام سلطان:سلطان ؟؟ توه يمكن بعمرتس يا بنتي .. 16 الظاهر ههه بنفس عمري وانا اكبر منه بستنين .. وبعدين عمره 16 وجاي ياخذ امه .. بوشو ؟؟ انا:هو يسوق؟ ام سلطان:من وين يا حسره .. خليها على الله فتحت عيوني :تروووحين بيتكم برجليييك...!!! ام سلطان:اييه الله كريم .. معي جوالي ومعه جواله ومافيها شي الحركه بركه يا بنتي .. انا مره رفضت هالفكره رحت لبست عباتي من غير نقاش ونزلت .. فتحت الباب لقيت واحد معصقل ابيييض مرره واشقراني .. لابس ملابس الكوره تعرفونها ذيك الي كنها حقت اللاعبين بس تقليد .. ناظرته :سلطان .. التفت وناظرني وهو عاقد حواجبه .. رحت له وانا مره معصبه:بيتكم وين ؟؟ سلطان بإستحقار :من انتي اساسا؟؟ رفعت حاجب:انا شجون .. امك تشتغل عندنا.. سكت شوي :اها .. اهلا .. اسف حسيت اني جرحته .. ما كان يحق لي اقول هالكلام .. اصلا انا على ايش معصبه .. ابتسمت له:بيتكم وين .. قال بقمة الادب: بعرقه .. اوووووووما عرقه ؟؟؟ بعييييييده .. حراام والله يطقون مشوار .. مساااكين .. قلت وانا منصدمه:وما تاخذون تكسي سلطان بعفويه :لو كان معي باقي ايوا نروح بتكسي .. طلعت ام سلطان بعبايتها:شجون يا بنيتي وش تسوين بره .. ابتسمت لها:خالتي اسمعي انتي وسلطان .. من اليوم ورايح ما تطلعون كذا رجليه .. عندكم عمر يوصلكم ويجيبكم .. انتي تجينا الساعه سبع بيجيك الساعه سبع تمامن كل يوم ومتى ما بغيتي ترجعين الساعه عشر باليل ولا حدعش هذا هو موجود ماله داعي سلطان يجي ام سلطان بعد سكوت:الله يعطيك العافيه يا بنتي ما تقصرين .. الله يكثر من امثالك لكن سلطان على طول اعترض:خير .. ترجع مع رجال غريب لحالها .. وبعدين انتي مالك شغل فيني انا وامي هي بس تشتغل عندك لو بتتحكمين فيها على ز* موب لازم تشتغل عندكم .. انا انفعلت:احترم الفاضك .. قصرت صوتي شويه:اسمع .. انا ما اتحكم بأحد ولا اسوي نفسي شي اكبر منكم فاهم علي .. يمكن تقول اني ماني اكبر منك لذيك الدرجه عشان افهم اكثر منك بس الي انا شايفته انك واحد سخيف .. يعني عادي امك حرمه بهالعمر تخليها تمشي كل هالمسافه ؟؟ اساسا ليش مخليها تشتغل انت منتب رجال وتقدر تصرف عليها .. الولد سكت .. حسيت انه استوعب كلامي بس ما عنده حجه .. كملت:ولا تقول دراستي ترا محد قالك اتركها بس حظرتك عندك وقت من بعد المدرسه للساعه الفلانيه بالليل تقدر تستثمر وقتك فيها ولا تقول لازم شهاده .. لا تفتكر انو لازم يكون شغل رسمي .. حيا الله محل جوالات راح يشغلك .. ترا الدلع موب زين .. حرام عليك يا شيخ تارك امك كذا .. حسيت كبريائه اهتز:انتي ليش ملقوفه .. قولي لي وش لك شغل فينا .. خلاص نعيش زي ما نعيش احد وكلك علينا .. ؟؟ دمعت عيني .. صدق مدري ليش انا جالسه اقول بس يمكن .. تذكرت نفسي فيه .. انا كنت مثله .. كنت انا ومجرد عجوز ببيت فقر .. صحيح الوضع مختلف لكن برضو مذكرني بذاتي .. نزلت راسي :صدق .. مالي دخل فيكم بس .. اتمنى انو .. اسمع .. انا الحين قدمت لك نصيحه مو لشي انا عارفه كبرياء كل انسان ما راح يسمح له يسمع هالكلام ويسكت بس .. برضو الي انا قلته صح برايي .. وبرايك غلط يعني ؟؟ ليش يعني ما تكون من نفسك شي وتستر على امك ؟؟ اصلا انا مستغربه .. على الاقل اتفه سبب يمكن يخليك تمنع امك من هالشغل .. اتفه سبب .. غير المسافه والذل الي تلاقيه .. سبب جدن تافه .. لو اصحابك بس عايروك بهالشغله راح تطلب منها تتركه رفع حاجب وقال بطريقة تسكيت واضحه لكن برضو صادقه .. باين : ما عندي اصحاب ارتحتي .. ولا يهمني اكون من نفسي شي او استر على امي .. يلا يما امشي .. مسكت ام سلطان:امك بتتركها يا تجلس ببيتكم وانت الي تروح تدور اكل عيشك ولا حطها عندنا .. واذا ما اعجبك لا ذا ولا ذا رح حطها بدار العجزه ياخي واكسب فيها اجر .. لا تصير انسان مريض .. الولد بدى يتنفس بسرعه من القهر .. وبان الدمع بعيونه .. مسكت امه بهدوء ..ام سلطان كانت سااااكته وما قالت شي وهو مشى ويده بيدها .. وابتعدوا .. وانا اناظر .. فيه سر .. السالفه فيها شي .. بس من جد رحمته .. ما عنده اصحاب وفوق كذا فقير وامه تشتغل عند ناس .. شكله يعاني .. وشكل كلامي الي قلته مرا سوا له ازمه .. لو اني ساكته وجالسه بحالي اصرف بكثير .. دخلت البيت .. حاولت انوم ما قدرت .. انا مامعي بالبيت الا الشغالات .. وش ذا .. ما ارتحت نفسيا .. وابي اشوف بابا .. ليش ما ودوني معهم .. طفشت خلاص طق المؤشر عندي .. قمت رحت لمكتب بابا وشغلت الجهاز .. صحيح ما احب الكمبيوترات الكبيره ذي بس على الاقل ارحم .. ااااه يا لاب توبي اشتقت لك .. فتحت ايميلي .. جلست اناظر القائمه بكل طفش .. فجأه نقزتني من مكاني اشارة التنبيه .. ناظرت الايميل كويس .. لولو واحد خمسه سبعه ..؟؟ ايميل مين .. كانت كاتبة لي شجوووووووووووووووون ومعها ايقوونة ذاك الي لابس قبعة حفلات لونها بنفسجي وبفمه صفيره انا قمت اصرخ فجأه من الفرحه .. هاااذي ليلى .. لييييييلى صديقتي صااار لي سنه ونص ما شفتها ولا كلمتها من بعد ما نقلت للإمارات .. انا انهبلت لما استوعبت وجلست اكتب لها بسرعه .. يا قلب قلي اليوم وين ]احبابك[ وناسك : <<< اللي هي انا ليلىىىىىىىىىىىىىىىىىىىىىى يا حماره اشتقت لك نسينا كل مواجعنا : << ليلى وانا بعععد مووت والله العظييييم وااااااااحشتني السعوديييييه واهلها وناااسها وخصوصا انتي نسينا كل مواجعنا : كيييفك يا بنت ؟؟ يا قلب قلي اليوم وين ]احبابك[ وناسك : والله عايشييين وانتي؟ نسينا كل مواجعنا : تماااااام يا قلب قلي اليوم وين ]احبابك[ وناسك : كييف الامارات ؟؟ نسينا كل مواجعنا : حلوه يا قلب قلي اليوم وين ]احبابك[ وناسك : ليش الـ ( ) نسينا كل مواجعنا : اشتقت لك شجنننن ' شوي شوي بدينا نسولف .. يا ربي هالبنت من وين طلعت لي فجأه كذا .. انا بعد ما اخذو جوالي صرت ما اكلمها الا بالمدرسه او بالنت وبعدها سافرت فجأه .. يا ربي اعز انسانه على قلبي .. اعز صديقه لي .. جلسنا نسولف لحد ما اذن الفجر .. بعدها اخذت رقم جوالها ورحت اصلي ونمت .. shjn wake up .. your mom is downstairs قلت وانا اتمغط:همممممممممم ماما تحت .. طيب قولي لها مبروك .. اتركيني انوم يا سااارا ساره : but shjn she wants to take you with her to the Hospital to see baba khalid انا نقزت بسرعه .. ماما تحت تبي تاخذني معها المستشفى ؟؟ رحت بسرعه الحمام غسلت وجهي وفرشت لا وبقا معجون بفمي بعد لبست العباة فوق البيجامه ونزلت ما عندي وقت :مااامااا.. التفت علي وهي عند الباب:يلا مشينا .. كشرت بوجهي:وعععع بفمي معجوون باقي ضحكت علي:طيب االدنيا مو طايره روحي غسلي وجهك زين والبسي لك عبايه ولبس زي الناس .. تنهدت ورقيت:من بيشوفني يعني .. المهم رقيت وغيرت ملابسي .. ركبت السياره وانا متحمسه .. ابي اشووف بابا واتطمن عليه انا:ماما اي مستشفى ؟؟ ماما:التخصصي .. بس بنوديه الحرس عقدت حواجبي:مستشفى الحرس الوطني ؟؟ طيب وش فيه مستشفى الملك فيصل التخصصي .. مررررره كويس .. هزت ماما راسها:مدري سمعت ان الحرس احسن .. هزيت راسي:ماما ما تحسين ان مستشفى التخصصي عالم ثاني .. انا اذا دخلتها احس اني مو بالسعوديه .. لا وحديقتهم شييييي .. كشرت بوجهي:بس سوبر ماركتهم مافيه بيوقلز .. ضحكت ماما علي:واحنا وش دخلنا بشكلها .. هي حلوه ما قلنا شي انا:لالا حلوه وبس .. احلا شي كل الموظفات فاتشين وجيههم .. فلله ماما:لا تعممين والله فيه بنات محترمات ما يفصخون النقاب لو ايش فتحت عيوني:يعني انا مو محتررررمه ؟؟ افاااا يا ذا العلم ضحكت ماما:دايم تفهمين كلامي غلط .. مو قصدي كذا .. الناس لما يشوفون وحده فاتشه وجهها والثانيه لا .. بمجتمعنا السعودي يعني .. بيقولون الي فاتشه هاذي وحده مو محترمه .. من غير ما يعرفونها عشان كذا الستر زين محد متكلم عنك وانتي لابسه نقاب .. سكتت ثواني .. صح كلام ماما .. واكبر دليل سالفة ياسر الله يلـ*** وصلنا المستشفى ونزلنا .. رحنا لبابا وتونا بندخل الا طلع عبدالله .. انا قمت اناظره نظرات غريبه انا نفسي ما ادري وش هالنظرات .. انا هو ما كلف نفسه يلتفت علي عبدالله:خالتي اصبري شوي ابوي وعمي بو راكان جوا الحين بيطلعون .. والدكتور جوا معهم .. ماما:ايه بنستناهم هنا .. شلونك يا عبدالله ؟ مشى:الحمدالله نسأل عنك .. بعد ما راح .. انا:ماما عن اذنك .. لحقته لقيته واقف ومسند راسه للجدار .. : عبدالله .. فتح عيونه وناظرني .. انا:وش فيك ؟؟ فيه شي مضايقك قربت له:انا سويت لك شي من غير قصد .. ابتسم وهو يعلّك العلك الي بفمه عطاني نظره ومشى : لا .. تنهدت .. خلاص بكيفه بالطقاق اللي يطقه جعله في ستين داهيه على قولة المصاريه انا ماني ملوزمه الاحقه بكل مكان واترجاااه .. رجعت وانا مقهوره حصلت عماني ابو عبدالله وابو راكان توهم طالعين ومعهم الدكتور .. عمي بو عبدالله:يعني يقدر يرجع الدكتور:لا اليوم ما يقدر بس كبره فيه امكانيه بس الافضل يبقى هنا .. عمي بو راكان:الله يعطيك العافيه دكتور سيف ازعجناك .. ابتسم الدكتور:ولا ازعاج ولا حاجه .. واجبنا انا تصمنت .. الكلمه ذي قد سمعتها وبنفس اسلوووب النطق ::. ولا ازعاج ولا حاجه .:: والصوت ... والاسم .. وانا اعرف واحد دكتور بمستشفى التخصصي .. يااااي هذا سيف ..!؟ ********************* الجزء الثاني البارت السابع ابتسم الدكتور:ولا ازعاج ولا حاجه .. واجبنا انا تصمنت .. الكلمه ذي قد سمعتها وبنفس اسلوووب النطق ::. ولا ازعاج ولا حاجه .:: والصوت ... والاسم .. وانا اعرف واحد دكتور بمستشفى التخصصي .. يااااي هذا سيف ..!؟ انتظرته لحد ما مشى .. ماما سلمت على عماني ودخلت .. وانا رحت سلمت بعد .. طبعا انا وعمي بو عبدالله تبادلنا نظرات الحقد .. دخلت عند بابا وانا اتحقرص ابي اكلللمه جد يمكن يطلع هووو .. وش هالصدف الي وش كثرها .. بابا اساسا كان نايم .. وماما تقرى قرآن وانا بس اطالع وأتأفف .. ليش تجيبني وهو نايم قلت بعدم صبر:ماما متىىى بيقووم ؟؟ ماما كملت الايه الي كانت تقراها وناظرنتي : اصبري شوي عليه .. ولا تحنين فوق راسي .. قمت وانا اتنهد:طيب بطلع شوي .. طلعت وانا اناظر يمين يسار وينه .. رحت للفه الي لف معها مشيت مشيت .. ماهو فيه .. خخخخ عاد تخيلو بيوقف هناك يقول يمكن شجن تجي .. وقفت ممرضه وسألتها: اممم اختي .. فيه هنا دكتور اسمه الدكتور سيف ؟؟ الممرضه عقدت حواجبها سكتت شوي وقالت:الاستشاري سيف الـ ********* انا تلحوست شوي .. وش دراني عنه انا سيف البطيخ ولا اللي هو .. اهم شي سيف انا:اييه ايه .. موجود .. يعني وينه ؟؟ اشرت لي على باب:هذا هو مكتبه بس اتوقع انه مشغول الحين .. اذا تبين تسألين عن حالة واحد من قرايبينك ولا قاطعتها:شكرا .. بعد جالسه تتفلسف مشغول ولا لا طزز انا بس ابي اشوف هو ولا لا .. طقيت الباب تفضلي اريج .. دخلت لقيته يرتب اوراق عنده .. : جبتي تقرير مركز الابحاث ؟؟ ايييه والعلك ؟؟ ابتسمت وانا اناظره .. قال علك قال ههههه.. رفع راسه وعقد حواجبه: آآ .. آسف بس افتكرت .. ااا .. وش اسمها ذي ... الموظفه .. قاطعته بضحكه صغيره:فاهمه قصدك .. وقف ودخل يديه بجيوب البالطو:اقدر اساعدك اختي ؟؟ انتي .. بنت خالد الـ **** صحيح .. هزيت راسي:مو بالضبط .. امممم انت دكتور سيف صح ؟؟ ابتسم:آمري .. انا:ما يامر عليك عدو بس هو .. مجرد سؤال .. اذا ممكن .. قال بعفويه:تفضلي .. بس يا ليت تسرعين عشان الشغل والمرضى وو قاطعته :لا ما راح اطول مجرد سؤال زغنون .. كيف بدوري ؟؟ هو تلحوس وجهه .. انا تفشلت .. لو طلع مو هو ... بس .. هو قال انو يشتغل بالتخصصي واحنا بالتخصصي نفس الصوت ونفس الاسم .. مدري مو معقوله كل هذا بيطلع تشاابه سيف : اي بدوري ؟؟ اخذت نفس عميق:ولد اخوك .. ابتسم:اعرفك من مكان انا ؟؟ هزيت راسي بإبتسامه كبيره: يعني ما يكلمك الا اللي يعرفونك .. قربت وفتحت شطنتي وطلعت علك وحطيته عالطاوله : يمكن ناس ما تعرفهم وهم يعرفونك .... مثلا .. ناظر العلك ثواني وناظرني .. اشر بإصبعه وبإبتسامه على جمب وهو يهز راسه:مووو غريبه علي .. انا:هه .. زين .. مشكور اخذت من وقتك .. توني بلتفت عشان اطلع الا نادا:سجن ؟؟ ضحكت وانا ارجع التفت عليك: صدفه حلوه صح .. هو احتاس شوي بس برضوو مسك الوضع .. ههههههههه الولد شكله متوتر .. صادق يوم قال انه ما قد كلم بنت لوول .. ما انتظرته يكمل حكي وطلعت وانا اضحك .. سبحاان الله .. يعني من كان يتوقع .. طلعت ورجعت عند بابا لقيته يسولف مع ماما ويضحك ومبسووط انا:يا الللعااااااااااااااب ليش مروعنا عليك .. التفت وهو مرتاع:حسبي الله عليك محد يروع الا انتي .. لعبنو جدك سلمي .. ابد دخلتي ومعك ابليس اعوذ بالله ضحكت عليه .. حتى وهو راقد ينافخ .. رحت جلست جمبه ومسكت يده وقلت بحنيه:لا عاد تسوي فينا كذا .. اوعدني .. ابتسم:وش مسويه لامك .. ؟ ناظرتها وناظرتني وقلت بإنكاار واضح :والله العظيم ما سويت شي .. بابا:اجل شوفي دموعها تبطبط اربع اربع .. ماما ساكته ناظرتها:مافي شي .. ههههههههههه بس حلللوه .. تنهد بابا:اييييه المريض يجيه ناس يخففون عنه يوسعون صدره مو يجيبون النكد .. ماما زعلت ودمعت عيونها من جديد:انا اجيب النكد .. هذا .. هذا .. هذا جزاي اني اني جالسه معك امس طول الليل اد ........ الخ وماما وكلامها اللي ما يقضى .. وانا اناظرهم بإبتسامه .. اطالعه بعدين اطالعها .. ادقق بتعابير وجيههم .. كنت اشوف فيها سعاده معقوله هم يحبون بعض ؟؟ متزوجين عن حب يعني ؟؟ ويحسون بالسعاده مع بعض ؟؟ كيف بابا يستحمل ماما في بعض الاوقات الي تصير تصرفاتها لا تطاق .. وكيف ماما عايشه مع انسان زي بابا ميوله وتفكيره ومبادئه تختلف 180 درجه عن ماما .. كل شي حولي غريب .. انا لما افكر بالاشيااااء واتعمق واحلل واتفلسف دايم احس ان الي يصير شي ماهو عادي .. سيف .. شي ماهو عادي .. ماما وبابا .. شي ماهو عادي .. سلطان وامه .. شي ابدن ماهو عادي .. اشياء كثيره غريبه .. لكن ما همني اعرف وش اسرارها .. قد ما اهتميت اعرف وش اسرار ذاك الانسان .. ودي استكشف غموضه الي يعيشه .. عبدالله .. لو وصفته بإختصار .. انسان عنده طموح هذا اولن .. لكن .. لما يبغى شي ما يتمسك فيه .. يعني مستسلم بسرعه هذا عيبه الوحيد .. لا ... فيه عيب ثاني .. مدري هو عيب ولا لا .. بس عبدالله حساس .. ماهو قوي .. الا هو قوي لكن .. مدري ... صحيح ما قد شفت دموعه الا مره وحده بحياتي طبعا موب يوم كان بزر .. مره وحده بس الي هو ذاك اليوم .. يوم يجون عيال بو حمد .. ولا دايم احسه ماسك نفسه .. بس .. برضوو حساس .. يعني يحس فيني وفي غيري .. احس ان هالصفه ماهي موجوده عند كلن .. مو كل الناس زي عبدالله .. مو كل الناس زيه في حلمه .. مو كل الناس زيه في طيبه .. وبرضوو مو كل الناس زيه في غموضه الغريب .. صح .. كل شي غريب .. تنهدت بحزن .. استغربت من نفسي .. مع كل هالالغاز الي تدور حولي .. ليه ما انهبلت وانا احاول اعرف سرها .. انا متأكده فيه اشياء بالخفايا ماما ما قالتها لي .. يعني فيه شي يدور حولي انا ما ادري عنه .. بس هالمره ما حاولت اعرف .. بتركه براحته .. لان كل الي اعرفه اني ما غلطت .. بابا:شجوووون وين رحتي .. فجأه التفت بروعه بسيطه:هاه .. ايش ؟؟ لالا وشو عادي .... ابتسمت له تسكيته بابا:ههههههههههههه ماما وقفت:يلا يا ماما خلينا نرجع البيت .. تمسكت بيد بابا:لالالا توونا .. ماما ناظرت ساعتها:شجن باقي ثواني ويجي موعد علاجات ابوك وخرابيطهم ذي حقت المستشفيات بيقضى وقت الزياره .. قومي لا يجي الدكتور يطردنا احفظي موية وجهك ابتسمت لما قالت الدكتور .. خل اشووف وش اخباره .. وقفت بنائن على طلب ماما وتوني بطلع الا كتبت له رساله ما قلت لي كيف بدوري ..؟؟ اول ما ارسلتها انفتح الباب وبغى يضرب بوجهي .. ******************* يـــــــــــــــــتـــــــــــــــــــــــــــــــ ــبــــــــــــــع سيف:اسف .. عقدت حواجبي:لا ما عليه .. طلعت ماما وطلعت بعدها وانا اعطيه ابتسامه وهو يناظرني بطرف عينه .. ههه يا حليله .. احب اصادق ناس مثل كذا .. حبوووبين وعلى نياتهم .. اول ما ركبت السياره جاني مسج .. فتحته لقيته من سيف .. بخير يسلم عليك .. لا تزعجيني عندي ابوك تعبان ضحكت عليه وقفلت الجوال .. ناظرتني ماما: هاه .. ودك نشتري لك لاب توب بدال الي انكسر .. ابوك مره ضايق صدره يقول مسكينه تطفش بالبيت ما عندها احد يونسها جلست اطالع قدامي ثواني وهزيت راسي :لا .. لو بغيت ادخل مسن او اي حاجه عندي جوالي.. وابتسمت .. ماما:ايه انتم وخرابيطكم .. سوي الي تبين يا بنتي .. انا:ماما .. لا تنقلون بابا لمستشفى الحرس .. اساسا هو راح يطلع بكره صح ؟ هزت ماما راسها وهي تتنهد:انشالله .. قولي انشالله .. ابتسمت:انشالله .. اممم وش راايك نسافر .. من زمان ما سافرت .. رحلة لندن ذي مخيسه .. ضحكت ماما:انشالله بس خلي ابوك يطلع بالسلامه .. رن جوال ماما رفعته وردت:الو .. لحظه موضي وش فيييك ؟؟ شوي شوي خليني افهم وش فيها ام عبدالله ... وشو .. فاتن .. وو .. اخذت نفس عمق وقالت:موضي من الي قايل لك هالكلام ...؟؟؟ وحالتهم الحين ؟؟ وييييينكم فيييه ؟؟ التخصصي ....؟؟؟! تونا طالعين منه راجعين لكم .. بس ..... اسمعيني جايين جايين تطمني لا تدقين على خواتي ... جايينكم بس وينكم ..... ايه .. ايه صار .. انشالله ما صار الا الخير تطمني .. سكرت ماما جوالها وهي مره مرتبكه :عمررر ارجع التخصصي بسرعه .. وتنهدت بحزن:اللهم اجعله خير .. وهي تناظر من الدريشه ومتوتره وكلش .. انا ارتعت .. وش فيها خالتي موضي داقه على ماما ؟؟ وفاتن وخالتي ام عبدالله وش صااااير ...؟ انا ارتعت من جوا .. قلت بخوف:ماما صاير شي .. تكلمت ماما والعبره خانقتها ودموعها على طرف عينها : اللهم اجعله خير .. مسكت يدها وضغطت عليها .. قلت بخووف اكثر:مااامااا قولي لي وش صاااير .. هزت راسها بحزن:مدري .. مدري .. وقف عمر ونزلت ماما وهي شبه تركض وانا وراها .. كانت تتلفت حواليها .. واتجهت لقسم الاسعااف .. انا كنت امشي معها وهي تسرع:ماااما وش فيييهم .. ؟؟؟!!! ماما كانت تمشي وهي مرتااعه .. دخلنا لقينا خالتي موضي تشاااهق من الصيااح .. كانت اصغر خالاتي .. هي وزوجها كانو فيه كانت حاظنه زوجها وتبكي مره وهو منزل رااسه .. اول ما شافت ماما راحت بحظنها:سعااااد .. ماما:موضي .. وش صااار لهم ؟؟ خالتي موضي وهي مرررره حاظنه ماما:فاتن تطلبك الحل ... ماما شقهت وبدت تصيح .. وانا جلست استوعب .. تطلبك الحل .. ماتت ؟؟ كيف وشلون ومتى ؟؟ ماتت ؟؟ وش السبب .. ماني قادره استوعب .. فاتن ماتت .. فكره تتناقض مع تفكيري .. حلوه ذي ماتت .. ههه يستهبلون ذولا .. لكن .. يمكن صدقت الموقف لما شفتهم يطلعونها وعليها فراش ابيض .... ودم .. بكل هدوء جلست اطالع .. منظر ماهو غريب ابدن لكن .. مقلق .. يخوف .. فاتن ماتت ؟؟ ماني قادره استوعب .. اسمع طراطيش كلام بين ماما وخالتي .. مع الصياح والنياح كلش .. خالتي ام عبدالله وعمي بالانعاش .. بالعنااايه .. ليش كلهم هنا .. ولو كلهم هنا طبيعي يكون ............... عبدالله معهم ...؟؟؟؟! بديت اتنفس بسرعه وبدت تخنقني العبره .. ودموعي بدت تتجمع لكن ما نزلت .. كنت حاسه بصدري كتمه مره كنت احس اني ما اقدر اتنفس .. لو انه مات .. بس كيف وشولون ومتى ... ولييييييييش يموت اصلا .. على كيفه هوو يموت ويخليني .. ما قدرت استوعب .. رحت لماما وانا ابكي:ماما وش فيهم .. ماما ردي علي .. لكن رجعت تحضنني وهي تبكي .. الموقف صعب علي .. كنت بحيره .. حيره بغت تقطعني حسيت اني خايفه .. بشكل ما قد تصورته بحياتي .. كنت مرتاعه .. مصدومه .. ابي الاقي جواب ماني قادره .. ثواني كانت .. شفته من بعيد .. مدري من وين جا او وشلون .. كان على سرير الاسعاف المتنقل .. وجهاز الاوكسجين على وجهه .. ما كان فيه شي لكن .. كان فيه دم .. قلبي قام ينبض بقوه .. الي قدامي ميت ولا لا ؟؟ رحت له ووقفتهم .. مسكت ايده بقوه وانا دموعي تنزل بسرعه على يديه:عبببببببدالله شفييييييك ... ؟؟؟ عبدالله رد علي .. انت ما متت صح .. انت .. انت بس ناايم صح .. عبدالله رد علي.... رد .. كنت ابكي وابكي .. حسيت بناس يبعدوني عنه .. دخلوه جوا وانا اناظره .. ما كنت حاسه بعمري .. جلست عالارض بيأس وانا ابكي .. لو صار له زي ما صار لجدتي .. ماااااااني مستعده افقده ... انا بموت لو مااات .. انا بنهبل لو صاار له شي .. مدري كيف ابستوعب الي صار .. جتني ماما .. قومتني وحطيت راسي بحظنها:ماااامااا .. وش فييييييييه ؟؟ عبدالله مات يا ماما ... عبدالله ماات ؟؟؟! ماما ما كانت حالها احس من حالي .. كانت تطمني وهي مو عارفه تطمن نفسها .. تهديني .. تقول ما صار شي .. وانا مو قادره اصدقها .. كانت الصدمه الاكبر من هذا كله بالنسبه لماما .. لما طلعو خالتي ام عبدالله لغرفة العمليات .. ماما تركتني فجأه وراحت لها .. تناديها تناديها .. مفتكره انها بتسمعها .. وانا اتجهت لخالتي موضي .. محتاجه احد احظنه الحين .. لكن لقيتها هي اقرب هي الي جت وحظنتني وهي تبكي:فاتن ماااتت يا شجوون .. فاتن ماتت .. وانا تحولت دموعي من حالة صدمه وصراخ للهدوء .. قمة الهدوء .. خلاص ..فاتن ماتت .. وخالتي ماتت .. وعمي مات .. وعببدالله .... مات .. ما صار شي .. ماتو .. عادي .. بعدت يدين خالتي موضي عني بعنف .. صحيح ما كنت اقدر اوقف دموعي .. لكن .. ما كنت في حالة هستيريا زيهم .. هديت بديت استوعب الوضع .. رحت للباب .. وناظرت بالدائره الزجاجيه الي كأنها شباك تطل عالغرفه .. كنت مستعده اشوفه .. وهو مغطى بغطاء ابيض.. والدم عالمفرش .. الدم الي كان على وجهه لحظتها .. كان مالي وجهه .. والخوف الي سكن قلبي اني افقده .. توني احس بغلاه .. عبدالله .. ماااهو صديق .. عبدالله اخوي .. توني ادري انه اخوووووي .. توني ادري اني متعلقه به بهادرجه .. توني افكر لو انه ما كان بحياتي وش كان بيصير لي .. كان جزء كبير منها .. وخلاص بفقده .. فتحت عيوني .. مستعده خلاص للصدمه .. مستعده اشوفه ميت .. فتحتها بشويش .. كانت صدمه ...... صدمه كبيره .. صدمه غير متوقعه .. صدمه تركت دموعي تمشي اسرع من اول .. اسرع بكثير .. بس ما كانت غير دموع الفرح .. كان جالس .. والممرضه تنظف جرحه .. كان يكح شويه .. ويرجع الجهاز لفمه .. ويتنفس بسرعه ... حطت له اللزقه وتركته.. رجع راسه على ورا وترك جهاز الاوكسيجن على وجهه .. وانا طالع .. قمة السعاده .. لحظتها حسيت ان روحي طلعت مني ورجعت .. ما مات .. ما همتني لا فاتن .. ولا خالتي ولا عمي .. اهم شي هو .. عبدالله بخير .. عبدالله حي .. عبدالله يتحرك قدامي .. رفع راسه بشويش وشال الجهاز عن وجهه .. طالعني .. بنظره تحمل الف معنى ومعنى .. وانا اكتفيت بأني اصيح .. من غير اي ملامح .. غير ابتسامه صغيره مره .. طلعت بالغصب .. ما قدرت اوقفها .. صرخه زلزلت جدران المستشفى .. صرخة مليانه دموووع وحزن .. التفت بروعه .. كانت ماما عالارض .. والقصه هاذي ما راح تنهتي .. قصة الدموع الي انا عايشتها .. ما كلفت نفسي اتحرك .. طالعت خالااتي الي توهم جايين يلتمون على ماما ويبكون كلهم .. ماتت .. ماتت .. ماتت .. ما كانت فاتن .. كانت خالتي .. ماتت ... خالتي انا .. اخت امي انا .. دمي الي بعروقي هو دمها خالتي الي عمري ما حسيت انها خالتي ماتت .. وفاتن .. ماتت .. كل شي فكرت فيه لحظتها هو .. اني في حالة صدمه قويه ماني عارفه كيف استوعبها .. بين يوم وليله بابا يدخل المستشفى وخالتي وبنتها يموتون .. وبعد شوي راح يقولون عمي .. ومو بعيده بابا يموت من الصدمه .. وتنتهي المأساة كأنها نهاية مسلسل خليجي ما عرفو يوصفون له نهاية غير موت كل الشخصيات .. وينتهي بدموع .. زي ما هالموقف انتهى بدموع .. لا .. ما انتهى .. الكل يتحرك .. يروح يجي .. الكل يبكي .. البعض اغمى عليه من الصدمه .. وانا هنا واقفه واطالع .. قدامي عبدالله ووراي كل اهلي يبكون .. وراي كانو توهم ماشين بجثة بنت خالتي .. بنت ..... خالتي .... والحين مشو بجثة امها .. وماما متعلقه فيها .. وخالاتي يبكون .. وليله شكلها ما راح تنقضي على خير .. رجعت نظري لعبدلله .. اكبر صدمه بتصدمني اكثر من موت هالثنتين اني الاقي عبدالله مصدوم بموتهم بعد .. لكن .. رجعت ابتسم لما شفته نايم . فجأه نام .. ما امدا .. ولا .. يمكن امدى .. مرت ربع ساعه عالموقف الي قبل شوي.. لكن كان كل شي يمر بسرعه .. يمر بسرعه كبيره .. لدرجه ما سمحت لعقلي انه يستوعبها .. جلست بهدوء عند الباب .. عبدالله بخير ... والباقي لا .. اهم شي هو .. بس .. مالقيت تفسير لدموعي .. معقوله جالسه ابكي علشان فاتن وامها .. من يكونون هالثنتين بالنسبه لي اصلا .. فاتن .. كانت تغار مني لكن .. حسيتها اختي كنت دايم اتغاظى عنها لكن برضو .. انقهر منها .. يمكن اكبر سبب خلاني ابكي عليها .. لانها كسرت خاطري .. اي انسان بيشوف وحده حلوه مثل فاتن وبعمر الزهور .. تموت .. وما بقى على زواجها الا شهرين .. صح .. شهرين .. كانت بتتزوج بعد شهرين .. وماتت .. من الي ما راح يبكي لمن يشوفها قدامه .. كفايه ان منظر خطيبها الي هو ولد خالتي .. داخل بروعه وهو يتلفت يمين شمال يدورها .. مو قادر يستوعب انه فقد عروسته .. شي مثل كذا كفيل انه يخلي الواحد يبكي .. حسيت اني بفلم هندي .. ما كنت وتها رايقه للدموع .. كنت تعبانه من الهموم الي بقلبي .. بتجي فوقها هموم وهموم .. انا ماني مجبوره ابكي هنا .. ولاني مجبوره احزن .. انا قلت وقررت وخلصت .... راح اعيش حياتي زي ما انا ابي اشوفها... وقفت من جديد وطالعت عبدالله .. اذا هو بخير خلاص .. هذا اهم شي .. اذا السالفه فيها موت انا ما راح ابكي .. ولا راح اضيق صدري .. لو انها ماما وهي ماما ماتت برمجت نفسي على اني ما ابكي عليها .. انا تعبت من حياتي ومحد مقدر .. ناقصه انا هموم .. اصلا من يصدق ان ام وبنتها يموتون وابوهم بالانعاش وولدهم عليه غذايه .. وش سبب هذا كله .. مشيت بهدوء لسيارة الاسعاف الي نقلتهم . العمال الي بالاسعاف كانو يطالعون اهلي بشفقه .. وما الومهم .. قربت .. وقلت بصوت حسيت انه ما ينسمع .. كان اشبه بالهمس ., اسا سا انا انصدمت لمن شفت صوتي كذا .. شاللي مخلي ملامحي بارده .. وصوتي مبحوح .. متى امدى هالاشياء تصير لي .. قرب عامل الاسعاف:عفوا اختي ما سمعتك ؟؟ قلت بصوت اعلى:من وين جايبينهم ؟؟؟؟ العامل سكت شوي : احترق بيتهم .. و .. الولد هذا كان بره بالحوش ما صار له شي بس البنت الي توفت الحين كانت جوا ومعها ربو .. والام كانت بالمطبخ يوم حصل الالتماس بمكيف المطبخ .. وابوهم كان جوا بعد .. بس الله ستر عليه .. هزيت راسي وانا اقول بهدوء .. اهاا .. كني استوعب القصه .. اجل حريقه .. مسكين يا عبدالله .. ما رجعت لداخل .. مشيت للسيارتنا .. كانت شنطتي جوا .. ووو .. طرحتي جوا .. ما استوعبت انها مو على راسي الا لما لفحني الهوا وترك شعري يجي على وجهي لكن .. كملت طريقي وركبت السياره .. وركب وراي عمر .. :مدام وين روه .. طالعت بالشباك .. ابي اخذ منظر اخير للمكان .. صحيح كنت برا ما اشوف شي .. بس حسيت اني ابي اطمن قلبي على عبدالله .. لازم ارتاح انا .. التفت على عمر وحاولت ارفع نبرة صوتي شوي عشان يسمعني : اطلع من هنا .. خلاص ابي ابتعد واريح شوي .. تعبت كفاية دموع .. عيوني ما تستحمل .. تركت عمر يمشي بالسياره وين ما يحب يمشي .. وانا .. انسدحت ورا .. وانا افكر .. ما كانت مراتب السياره مريحه ولا كانت سرعة عمر مخلتني اثبت بمكاني بس .. كان جو السياره يساعدني على التفكير .. وش بيصير لعبدالله .. فقد امه .. واخته .. ويمكن ابوه بعد .. مدري .. وش بيكون تأثير الصدمه عليه ... انا عمري ما تخيلت يصير هالموقف بالدنيا لي او لشخص اعرفه .. ابجي انحط بالموقف هذا بكبره .. صعبه .. انا بالنسبه لي مريت بظرف زي كذا .. لكن انا متأكده ان طعم الحزن الي بيذوقه عبدالله بيكون مر اكثر .. الوضع مختلف .. انا ما عرفت ابوي بحياتي .. هو عارفه .. وعاااش معه واحد وعشرين سنه تقريبا .. وتربى بيده .. بعدين فقده .. او يمكن يفقده انا ما عرفت امي بحياتي .. هو عشقها .. قد ايش عشقها وانا ماني قادره استوعب انو فيه انسان يحب امه كذا .. كان يسولف لي عنها كثير. .. كان يحبها كثير .. كان متعلق فيها كان بار فيها بشكل مو طبيعي .... وخلاص فقدها ... ابد ما نقدر نقارن وضعي بوضعه .. واخيرن .. انا اصلا ما عندي اخوان .. مو عرفتهم او ما عرفتهم اصلا ما عندي .. وهو عنده .. ومو اخت وبس كانت اخته التوأم .. يعني كانهم روحين بس بجسد واحد .. كنت عارفه انه يحس فيها كثير .. كان كثير يفضلني عليها بأشياء صحيح يحبني اكثر منها وهذا واضح بس ... عارفه انه لو درا انه بيفقدها طول عمره بيكون اقسى عليه لو فقدني انا .... طيب انا .. لو اني انا الي متت .. لو الدنيا بدون شجون كيف راح تصير .. تنهدت .. عبدالله ما يستاهل الي يصير له .. انشالله على الاقل ابوه يقوم بالسلامه .. ما دام ان اخته وامه راحو .. طلبت من عمر يوقف بالبيت .. ونزلت .. استقبلتني ام سلطان :هاه وشلون ابوك .. طالعتها بإبتسامه صفرا .. هه تسألني عن بابا .. قلت بكل بساطه:بابا .. زين .. ما عليه ... وضحكت ضحكه صغيره ومشيت لكن مسكتني:وش فيك يا بنيتي وين العبايه وين شنطتك ..... وين امك .. ؟ ناظرتها .. كنت اتكلم بلا مبالاة ما قد تكلمت بها بحياتي:ماما .. تصيح بالمستشفى .. ام سلطان ارتاعت:وش صااير .. انا:ما صار الا العافيه .. مافي شي مهم .. بس خالتي ام عبدالله ماتت .... وفاتن ماتت .. وعمي بالانعاش وعبدالله .... لا عبدالله كويس .. هزيت راسي بإنكار:ما احس ان السالفه تسوى .. ماما مكبرتها ... ورقيت فوق:يلا عن اذنك بنووم .. راسي منتفخ .. لا تصحيني.. كنت داريه اني تركت ام سلطان وراي مصدومه لكن .. وش اسوي .. ترا هالكلام ما كان يطلع من قلبي اصلا ما كنت افكر لحظتها انا وش اقول .. كل الي كان شاغلني الحين .. اني ارتاح .. رميت نفسي على سريري بعنف .. بعباتي بالجينز بكل شي .. ومسكت وسادتي .. وبديت ابكي .. وابكي .. وابكي .. كنت عارفه ان سالفة الدموع هاذي بيطول عمرها معي .. بس .. الله يرحمهم .. ما بيدي شي غير اني ابكي .. لحد ما انوووم .. شجن قومي صلي .. اذن المغرب .. قمت وانا مكشره على صوت ماما المبحوح .. لقيتها لابسه اسود ووجهها باهت .. ووجالسه تحط عباتي بالشماعه .. تعدلت من مكاني:ماما .. عظم الله اجرك .. وقفت بهدوء .. وشكلها مسحت دمعتها:اجرنا واجرك .. يلا صلي عليك فروض ما صليتيها .. لحظتها استغربت .. ماما ماهي منهاره .. الا .. منهاره اكيد منهاره المنظر الي شفته اليوم ما يقول انها ما كانت منهاره .. بس ماما قويه .. هذا الي فهمته وفسرته الحين .. قمت من سريري وتوني بدخل الحمام اغسل وجهي بس تذكرت:ماما .. عمي ؟؟ ماما بشبه ابتسامه .. وباهته بعد:ادعي له .. فرحت من جوا انو ما صار له شي بس برضو عورني قلبي .. الي صار اليوم شي مو سهل لا علينا ولا على عبدالله وعمي .. ماما:انتي توك قايمه شكلك بتسهرين .. بس انا بقومك الصبح .. اخذت نفس طوييل:العزى عندنا ..بكرا نزلت راسي .. فكرت بسرعه:بابا درى يعني ... ؟ هزت ماما راسها:الدكتور ماهو مأيد فكرة انو نقوله بس لازم .. لكن بنقوله بالتمهيد .. اليوم انشالله بعد صلاة العشا بنروح له .. تنهدت:وعبدالله ...؟ درا ؟؟ ماما:درا .. نزلت راسي:وطلع .. ؟؟ ماما:طلع .. ابتسمت غصب عني:وينه .. مو بيتهم محترق ؟؟ ماما:ببيت عمك بو راكان الحين .. انا:ليش ما يجي عندنا ؟؟ ماما:ليش فقير هو ولا عاجز .. عندهم خمس فلل غير الي احترقت .. **************** |
البارت الثامن قصرت من نبرة صوتها:الله يعينه بعد قلبي عبدالله .. ما يستاهل .. انا:ايه .. خلاص خليه يجي عندناا .. ماما:يا ماما هو تعبان وراح عندهم اليوم .. انا:ما جاه شي ..؟ طلعت ماما:كدمات .. انا تنهدت ودخلت الحمام .. مسكينه ماما .. شكلها مررررررره مكسووره .. باين عليها انها بكت كثير .. الله يرحمهم .. توضيت وصليت ودعيت لفاتن وخالتي .. شكلهم خلاص دفنوهم .. انشالله اكون انا وراهم .. طفشت من هالحياة الممله .. كل يوم زي الي قبله وعارفه وش بيصير بكره .. بيصير زي الي صار اليوم .. وان كان فيه حدث صار لازم يصير حدث يضيق الصدر .. يا تموت خالتي وبنتها ولا عبدالله يزعل علي بدون سبب ولا العنود ما تستلطفني وانا مدري ليه .. افف بس .. توني بفصخ جلالي الا اذن العشا كملت صلاتي ورحت لدولابي .. اطلع لي اي شي اسود البسه .. تنهدت وطلعت لي جنز وبلوزه اهم شي شي يمشي الحال .. بلوزه سودا وخلاص .. مدري ليش احس اني شريره .. مو شريره بس .. كنت اتوقع اني حساسه اكثر من كذا .. انا زعلانه طبيعي زعلانه ومتضايقه .. الي ماتت خالتي مو اي احد بس .. مدري .. حتى عمي ترا ما زعلت عليه .. خالتي وفاتن يمكن فاتن شويه بس عمي ... اقل من شويه بشوي .. لاني ما نسيت كلامه ابدن ..يجرحني لحد الان .. كل ما اتذكره تخنقني العبره .. بس الله يسامحه .. ويقومه بالسلامه .. مو عشانه .. عشان عبدالله وبابا بس .. ولا هو ما همني .. صحيح فرحت انه ما توفى بعيد الشر عنه بس ........ اففف مدري .. لبست عباتي .. حاولت قد ما اقدر البس عباة مافيها اشياء كثيره بس ما لقيت .. استغربت من نفسي كل عباياتي كذا بهالشكل .. يالله مو مهم .. جلست انتظر ماما تنزل .. تذكرت جوالي .. وشنطتي بعد .. نسيتهم بالمستشفى .. ضااق صدري مره وقمت التفتت لقيت ماما نازله وبيدها شطنتي:يلا بنمشي .. رحت واخذت شنطتي:شكرا جبتيها .. مشت وما ردت .. احس اني رايقه وهي مره واصله معها .. الله يعينها الحين كيف بتقول لبابا .. انا عارفه انها بتخرب السالفه وبتصيح قبل ما تتكلم حتى .. خخخ وانا اقول ماما قويه .. رحنا كان بابا توه صاحي .. وكان سيف جوا يكلمه .. ماما وقفت عند الباب ثواني وراحت .. مدري وين راحت .. بس انها طلعت .. توني بلحقها الا وقفني بابا:تعالي وين رايحه التفت وابتسمت:هنا ما رحت مكان .. بابا:وش فيه وجهك كنه منصفق .. وامك وين راحت .. سيف انحرج:طيب انا عن اذنكم .. توه بيطلع الا تكلم بابا:ولدي يا سيف استنى .. رجع سيف:امر عمي .. يا حليله والله مؤدب .. بابا: يعني ابطلع الحين مالي شر .. سيف:مع اني ودي انك تقعد معنا الله يهديك بس حالتك استقرت تقدر تطلع .. ما عاد تبينا اجل .. ضحك بابا : والله ماني طالع من جزاك .. الله يوفقك يا رب .. هاذي بنتي شجون .. انشالله بتصير دكتوره زيك ابتسمت على كلام بابا وطالعت بسيف وطالعني سيف:ايه حصل لي الشرف قبل .. يلا انا بكتب لك اذن خروج بس قاطعه بابا:منب منفعل من شي بس اخلص علينا ضحك سيف .. يا حليلهم .. يمونون على بعض وشكل بابا حب سيف .. بصراحه شخص ينحب .. سيف:يلا عن اذنكم .. ابتسم لي وطلع .. رديت له الابتسامه ولفيت وجهي لبابا بهدوء وبدت الابتسامه تتلاشى بشويش وانا انزل راسي على تحت .. بابا:وش فيكم عاد .. شكلكم ما تبوني ارجع تنهدت ورحت عنده وجلست:من قال .. الله يقومك بالسلامه الا نبيك .. بابا:وين امك؟؟ انا:تبي اناديها .. مدري وين راحت ؟؟ بابا:لا لا .. اجلسي معي الحين بتجي ... والله ان هالسيف ولد حلال وطيب .. هزيت راسي :ايه .. بابا:شجن وش فيك .. ضايق صدرك من امك .. تعبانه ؟؟ جلست اطالع بعيونه .. السالفه ما تتمهد .. ماني صابره ماما تجي وتقوله .. لقيت نفسي فجأه اتكلم لا شعوريا بابا .. فاتن وخالتي ام عبدالله يطلبونك الحل .. بانت الصدمه على وجهه وفتح عيونه .. هز راسه :لا حول ولا قوة الا بالله .. رجع التفت علي:متى ؟؟؟؟؟ نزلت راسي:اليوم .. تنهد بابا : انالله وانا اليه راجعون .. الله يرحمهم .. طالعت بوجهه .. كان مره حزين لكن مو راضي يبين هالشي .. رجع سألني:شلون ؟؟ بلعت ريقي .. كنت عارفه انه بيسأل سؤال اصعب من هالسؤال: احترق بيتهم ارتاع وشد على يدي بقوه وعيونه تجمعت فيها الدموع:واخوي ؟؟ هزيت راسي..ما كنت قادره اكذب بس .. حاولت :بخير .. انشالله بخير .. اخذ نفس طويل ورجع راسه لورى وهو يردد .. انالله وانا اليه راجعون .. انالله وانا اليه راجعون جلس فتره بعدين رفع راسه كأنه تذكر:وعبدالله ؟؟ انا:طلع ...... من المستشفى .. اول ما رفعت عيوني اطالع بابا لقيت الدمعه على طرف عينه .. لكن لا بابا قوي .. عرفت انها ما راح تنزل .. شديت على يده وصرت انا الي ابكي .. حرام اشوفه حزين قدامي .. وهو تعبان .. ومو ناقص .. بابا كان مره يعز فاتن .. وعمي بو عبدالله كان اعز اخوانه عليه .. عشان كذا ما تركني اسافر الا معه ... كان مره يحبه .. ودي اعرف بس وش شعور بابا الحين .. ملامحه بارده .. شوي حزينه بس بارده .. ثواني دخلت ماما .. ناظرت الدموع على خدي وبابا علامات الصدمه باينه عليه .. جت وجلست .. كانت تبي تصبر بابا بس شكلها ما عرفت تصبر نفسها اصلا ... فلقت ان الحل الافضل انها تطلع تكمل بكي برا عشان ما تضيق صدره .. والاحسن اني بعد امسح دموعي .. طلعنا كلنا من المستشفى والهدوء يعم بالسياره .. كلن سااكت واجواء حزينه .. فجأه من غير مقدمات اسنهري دنهري موكا مكالات .. وش ذا الشي ؟؟ وش هالخرابيط ؟؟؟ اغنيه هنديه ذي ...! شوي يرفع عمر جواله ويبدى يقرقر .. ياااااااااربي مو وقته ودي الفخه على خشته .. جالس يسولف مع خويه واحنا بهالحاله لا هو ودلاخته حاط نغمة اغنيه هنديه زي وجهه .. انا ما قدرت امسك اعصابي على عالسواق الغبي فصخت جزمتي وذبيتها على راسه .. مدري وش صار بعد كذا .. حظنت ماما وانا اصيح:قهرننني يا ماما خلوه يسافر .. كنت اصيح من القهر .. والله مو وقته وقسم بالله .. بابا مره تضايق وصرخ علي .. وانا بحظن ماما ابكي .. كنت مقهوره من جوا ومدري كيف اطلع حرتي .. كل الي اذكره ان بابا لاغاني واني ضيقت صدره زياده وخليت عمر يشب نار وصار يسرع بالطريق من الغضب لدرجة خلت بابا يضيق اكثر واكثر .. وصلنا البيت .. ماما نزلت تساعد بابا وانا مسحت دموعي ونزلت من السياره صرخت بقهر على عمر : انت كـ ** .. ودخلت وانا امسح بقايا دموعي .. من جد حقير موب وقته .. اهم شي طلعت شويه من الي بقلبي على احد .. رقيت فوق غرفتي وصفقت بالباب .. مدري ليش صفقت بالباب .. يمكن من القهر .. ودقيت على ليلى وبديت اصيح فجأه واعلمها وانا اشاهق ان كلن مات وان عبدالله كاسر خاطري بدرجه واني واني...... لحد ما طلع الصبح .. جت ام سلطان تقومني:شجون يمي قومي الناس جت بيتكم .. هممممممم وش تبي ذي توني ما نمت الا خمس دقايق .. جالسه تقومي .. غطيت روحي بالوساده .. ام سلطان:شجون يما قومي النااااس تحت .. الناس؟ اي ناس ؟؟ قمت وانا مرتاعه ... العزى ...! قمت وغسلت وجهي .. وبسرعه غيرت ملابسي وطلعت .. ناظرت الصاله من فوق .. طليت بوجهي لقيت حريم وصياح وخالاتي فيه وعماتي وكلن .. تنهدت .. خنقتني العبره .. احس اني استرجعت منظر امس .. نزلت بشويش وانا طالع في الحريم واغلبهم يطالعون فيني .. كانت اكثر وحده متأثره خالتي العنود ... رحت لماما وجلست جمبها .. حطيت راسي على كتفها وجلست اطالع الناس .. اول ما جت وحده من خالاتي قمت من مكاني ورحت كنبه ثانيه .. انا ما كنت اصيح .. بس كل مره اشوف وحده تدخل وهي تصيح ومدري ايش ما استحمل ابجى اصيح معها .. كل ما اشوف وحده تبكي تذكرني ان الي ماتو ناس غاليه علي صحيح ما عرفتهم ويمكن كنت ابغضهم بس ما تكتشف غلات الشي الا اذا فقدته .. حتى ماما .. كانت ساكته .. لكن لمى تجي وحده وتسلم .. وتبدى تصيح .. وتحظن ماما .. وتقول الله يرحمها كانت توها بتتزوج .. مسكينه فاتن .. ولا تتكلم عن خالتي .. هي الي تخلي ماما تصيح .. انا انقهرت من هالعالم .. اطالعهم وابكي بهدوء .. احاول اخفي دموعي .. مدري هي دموع حزن ولا قهر .. يعني هم جايين يخففون عننا مفروض ينطمون .. اكره الناااس .. شوي شوي بدى دمي يفور من الحرمتين الي جمبي .. ام حمد ما جت .. والله انها قليلة مروه ما تجي الا باالعروس الثانيه : اييه ما شفتيها بعرس منى .. لابسه ذاك الفستان الاصفر الي يحوم الكبد .. لا وجايبه كل بناتها ثمان ول عليها الاولى:ايه ما تشبع هالحرمه الله يعين رجلها جايبه له ثمان بنات ولا ولد .. ما طلقها .. الثانيه: لا تحلف عليها ان ما جابت ولد بيتزوج عليها .. بس خلك عن هالاشاعه انا شايفتها ببيت اهلها شكلها عطاها ورقتها الاولى تضحك: والله جابته لنفسها .. وش يحسون فيه .. بديت ابكي اكثر واكثر من القهر ذولا جايين عزى ناس ميته ويسولفون ويضحكون .. عطيتهم نظره خلتهم يسكتون من جد .. بس ما مرت ثواني الا بدو يتكلمون لكن بصوت اقصر .. يعني اني ماني سامعه الاولى:شوفي شوفي ذي بنت هاله اللي توفت .. اخت ام عبدالله الثانيه:هاذي بنت هاله ؟ لا شوفي شلون تناظرنا قبل شوي .. مبسوطه ما طلعت على امها جمال ودلال .. طالعي شلابسه الاولى:احد يلبس طنطلون بعزى .. لو ان فيها خير لخالاتها كان شفتيها لابسه قميص اسود لا وفوقه العبايه والطرحه بعد .. يا زين بناتنا بس .. تربيه واخلاق .. انا انهبلت منهم .. هذا الي ناقص .. قمت لهم ووقفت قدام الاولى الحـ**** ذي .. قلت بهمس على قد ما اقدر:الباب يوسع جمل ترا .. بيتنا يتعذركم .. ورحت جمب ماما ولفيت يدي حول ذراعها وحطيت راسي على كتفها وجلست ابكي .. مسكت يدي .. بعدها غمضت عيوني.. تجي وحده تسلم علي ما ارد عليها .. جلست على هالحال افكر وشلون عبدالله الحين لحد ما عم الهدوء .. رفعت راسي .. الكل راح .. وماما لحد الحين جالسه جمبي وتطالع قدامها بيأس .. انا:ماما راحو الناس .. هزت راسها... انا:ماما لا تضيقين صدرك .. طالعتني بحزن وقامت .. تسندت على الكنبه وانا اتنهد .. قد ايش اثر فيني هالحدث .. فكرت بعبدالله .. ما دام العزى عندنا اكيد موجود .. رحت لمجلس الرجال .. تأكدت من الطريق قبل .. مافي احد .. فتحت الباب بشويش .. كان لابس ثوب .. وشماغ بدون عقال ولافه حول رقبته بطريقه عشوائيه .. ودافن راسه بين رجوله وجمبه واحد من عيال عمي .. سعد حاولت ادخل راسي اكثر لكن من غير ما ينتبهون .. المجلس فاضي .. بقايا فناجيل قهوه مدري ايش ... حسيت بسعد بيطلع قمت ركضت لمغاسل الرجاجيل .. طلع من المجلس انتظرته لمن يطلع من الباب الي عالحوش ورحت دخلت .. فتحت الباب بشويش .. وجلست خمس دقايق واقفه .. افكر وش اقول له .. وكيف ابدى معه .. بيردني وبيعصب علي .. ؟؟ رحت له بهدوء .. وبشوية تردد .. جلست جمبه فتره ساكته .. تنهدت واخذت يده بيدي : محد يموت قبل يومه جلس فتره ما تحرك .. بعد خمس دقايق رفع راسه .. يااااربي كاان مره مكسور وحزين .. مدري هالظرف بيعدي بسرعه ولا لا .. بلع ريقه وجلس يطالعي .. رجع نزل راسه وهو يهزه بشويييش : ما اعترضت .. رفعت راسه بيدي:طيب لا تسوي كذا حرك يده بهدوء علامة استنكار:ما سويت شي اخذت نفس عميق .. مو هذا الكلام المناسب الي ينقال .. يوم شفته كل شوي يرجع ينزل راسه .. رجعت رفعته :لا تنزل راااسك طيب ناظرني بنظرات غريبه .. وتجمعت الدموع بعيونه:شجن وش تبين مني ؟؟ لحظه هدوووء .. رفضت اتحسس من كلامه .. ما راح اتحسس انا عارفه انه يمر بوقت شين الحين وانا لازم اكون جمبه زي ماهو دايم يصير جمبي .. حطيت راسي على كتفه:تدري ان الدنيا ما تسوى رجع راسه على ورا وسنده عالكنبه وهو رافعه .. بحيث اني وخرت راسي عن كتفه عشان يقدر يتحرك .. قال بعد نفس طويل:ما تسوى .. الحين ما تسوى .. وطاحت دمعه صغيره .. ما سمحت لها تكمل ومسحتها:ايه ما تسوى هالدمعه ... طالعني وهو على نفس حالته:مو شرط اكون حاس فيها وهي تنزل.. تعدل من وضعيته ومسك يدي وضغط عليها .. كانت عيونه حمرا .. وحزين وكئيب .. يحق له طبعا .. قال بعد فترة سكوت:بس انا السبب .. انا:سبب ايش ؟؟ مو صح انك تحط اللوم على نفسك .. محد يموت ناقص عمر عبدالله:مو انا اللي .... سكت وهو يناظر قدامه .. كأنه يتذكر .. لكن ولا دمعه نزلت بعد الي مسحتها .. كانت على طرف عينه بس ما نزلت .. بدى يتكلم .. يقول لي وش صار .. كان ماسك يدي بقوه .. ما اظن انه حاس بنفسه .. كان يتكلم يبي يطلع الي بقلبه يتكلم بصوت مبحوح وبيأس كبير .. عبدالله:امس .. كان ابوي متضايق لان ابوك بالمستشفى .. وامي يومها .. قررت تفرحه .. تبيه يصير مبسوط .. وراحت تسوي الغدا بنفسها .. من زماان ما دخلت المطبخ .. شي خلاني .... خلاني اتذكر اول لمن كانت تسوي لنا كيك بالشوكولاطه انا وفاتن ... وكانت دايم تقولنا اطلعو برا لمن اخلص .. مو خايفه علينا من النار .. لا .. ما تبينا نحتر ونطفش .. لانها ما تحب تشغل المكيف ..لكن ..... يومها طلبت منها تشغله .. قالت لي انو ما يصلح مكيف بالمطبخ بس انا اصريت عليها .. كان شكلها قدام الفرن وهي واقفه كاسر خاطري .. لكن هذي هي رغبتها .. ما اعترضت .. بس اصريت عليها تشغل المكيف .. ورحت لفاتن .. ضربت باب الغرفه ودخلت .. لقيتها قدام المرايه شايله فستانها .. تناظر نفسها بالمرايه ..التفت وطالعت فيني .. جتني بكل فرحه تعلمني وين تخطط تسافر شهر العسل .. وانا اناظرها وفرحان .. وهي كانت اسعد انسانه بالدنيا عمري ما شفتها سعيده قد ذاك اليوم ......... الي هو امس .. جلست تسولف لي عن تخطيطات العرس ...بالضبط زي زمان .. لمن كنا انا وياها نلعب عرس .. كنا صغار .... بالروضه .. جلست تسولف لي تقول انها تبي تسترجع ذيك الايام .. وجلسنا نتذكر .. لحد ما دق ابوي علي .. طلب مني انزل له عشان اشيل معه اغراض بالسياره ..كان توه طالع من المستشفى .. توه شايف ابوك .. ونزلت .. ومريت على امي بالمطبخ .. لقيتها ما شغلت المكيف .. تضايقت .. طالعتها بكل حنان وطلبت منها للمره الثانيه تشغله .. ونزلت تحت .. وصلت للباب ....... بس سكت شوي .. هالمره ما قدر يمسك دموعه .. طاحت كم دمعه كانت غصبن عنه .. كان وقتها يتكلم بعفويه ..... لا مو بعفويه بس يمكن بـ ... مدري بس كان يتكلم ويشرح لي كل شي صار بذاك اليوم كأني كنت معه بالضبط .. ما قدرت امسك نفسي قدام دموعه لكن حاولت .. لهادرجه الموقف قاسي .. بعد البس هاذي اكيد فيه شي .. اجل ليه سكت .. انتظرته فتره .. هو رجع يكمل عبدالله:كل الي اتذكره صوووت قوي .. وصراخ ... طحت بعدها عاللارض .. فيه شي قوي طيحني .. ما ادري وشهو بس .. طحت بقوه .. جلست فتره عالارض حاولت اقوم حسيت اني ما اقدر .. سمعت صوت ابوي يصرخ .. التفت بعيوني ناظرت الباب .. كان ابوي توه داخل ومرتاع .. ويناظرني .. ويناظر البيت .. ما كنت مركز وقتها كل شي كان مغبش .. كان يصرخ بأسمي .. ماني قادر اجاوبه لكن قدرت افهم وش فيه .. كان خايف علي .. تسائلت ليش بس .. على طول شفت الجواب بعيني .. شفت النار تطلع من الشبابيك .. ودخان اسود .. ومنظر عمري ما قد شفته .. كنت خايف .. تفكيري متجمد .. كنت بس استوعب ان ابوي جالس يبي يدخل جوا بالبيت .. الي كله نار .. وانا عالارض اطالع .. عرفت لحظتها انو بيتنا احترق ... استيعابي كان بطئ .. ما فكرت مين الي جوا او وش السالفه .. كنت بس اطالع ابوي يدخل .. ابي امنعه ماني قادر .. حاولت . ووقفت .. كانت يدي تعورني شوي بس .. مسكت الالم شويه .. وصلت للباب وانا انادي ابوي .. لكن النار .. والدخان .. وطريقي مغبش .. حسيت بشي يطيح علي .. شي ثقيل .. قمت على صوت الاسعاف .. كنت بداخل السياره وقدامي ناس .. ما عرفت منهم .. ما كنت اطالع زين .. كان فيه دم يسيل على عيوني... كل الي اتذكره انو فيه شي طاح علي .. وان بيتنا محترق وانا السبب ... وان كل اهلي كانو جوا البيت وقتها .. فكرت .. وش اللي صار .. لكن ما قدرت .. كل شي كان يمر بسرعه .. اسمع صوت امك تصيح .. وخالتي ... شوي احس بألم اكثر بيدي .. كنتي انتي .. ماسكتني وتبكين .. تقولين لا تموت .. من سمعت كلمة ...موت .. حسيت اني مت .. غمضت عيوني وجلست اتخيل .. انا ميت الحين .. واهلي يبكون علي .. والحين بيقبروني ... تلاشى كل شي على ريحه مزعجه صحتني .. وجهاز الاوكسجين على وجهي.. كانت الممرضه تمسح الدم عني ... طالعت حولي ادورهم .. امي وابوي وفاتن .. بس حصلتك انتي واقفه عند الباب .. ناظرتك كنت ابي الاقي جواب بس .. كنتي مبتسمه .. شي فرحني .. بس لمن التفتي وما عاد شفتك .. حسيت ان فيه شي صاير ...... وما حسيت بنفسي الا انو اغمى علي من جديد ...... قمت ... لقيت اختي وامي ميتين وابوي بين الحياة والموت ... سكت بعدها ونزل راسه .. ترك يدي فجأه .. انا مدري كيف اوصف شعوري لحظتها .. كل الي فكرت فيه انو ... الي قدامي انسان ما يستاهل الي يصير له ابدن .. وش ذمبه باللي صار .. ليش يستحق كل هالحزن .. حاولت قد ما اقدر امسك نفسي .. ما كنت عارفه وش اقول ... تشجعت شوي واخذت نفس: طيب لا تكدر خاطرك .. خلاص بكيت .. وزعلت .. وبعدين ؟؟ بيرجعون يعني؟ سكتت شوي .. ياااااربي وش هالكلام الي اقوله .. انا غبيه فيه احد يقول هالكلام .. ***************** البارت التاسع سكتت شوي .. ياااااربي وش هالكلام الي اقوله .. انا غبيه فيه احد يقول هالكلام .. ما حسيت به الا هو رافع راسه ويهزه :مافي بعدين .. ابتسم برضا:خلاص هاذي حال الدنيا .. افقد امي .. وافقد اختي .. وحتى ابوي لو عاش بيعيش معوق ........ وقبل كل هذا افقد قلبي .. ناظرني وحط عينه بعيني:صعبه يصير فيها بعدين ... انا لحظتها ارتبكت .. نسيييت كل الكلام الي قاله وبديت افكر بأخر شي ( وقبل كل هذا افقد قلبي ) كنت عارفه انو يقصدني اصلا من قاله انه فقدني .. مشكلتي ما اقدر اسأله الحين .. واذا سألته بعدين ما راح يجاوب انا اعرفه زين .. توني بتكلم الا دخل بابا بالكرسي المتحرك:شجن اتركيني مع عبدالله وقفت وطالعت عبدالله .. وطلعت .. لكن وقفت عند الباب اسمع وش يقولون .. بابا:عبدالله .. عبدالله:................ بابا:عبدالله يا ولدي .. التفت عبدالله وقال بعد سكوت طويل وصوت مبحوح:آمر قرب له بابا:الحزن ثلاث ايام .. صح يا ولدي ؟؟ هز راسه بنعم بابا:يعني بعد يومين ابشوفك على هالحال .. عبدالله:............... بابا:عبدالله .. ماهيب نهاية الدنيا .. كل الناس يموتون .. بتموت انت وبتموت خالتك وبموت انا عبدالله :بعيد الشر هز بابا راسه:لا ماهو شر ... اسمعني ... ارفع راسك واسمعني رفع راسه بابا:الموت ماهو شر .. ولا هو نهايه .. الموت بدايه يا ولدي .. تأكد انهم انشالله بروضه من رياض الجنه .. حولهم الملائكه تسبح لهم .. اذا انت تحبهم صدق لا تحزن .. تخيلهم هنا يطالعونك تبكي .. هذا منظر يفرحهم يا ولدي .... اذا تحبهم ادعي لهم بالمغفره مو تسوي الي انت جالس تسويه عبدالله انفجر قدام بابا بصوت كله صياح:عمممي افهمني انا هنا بمكاني جالس قدامك ..شفتني مقطع هدومي ؟؟ شفتني انوح وابكي ؟؟ شفتني مجنون واصرخ قدام الناس ؟؟ خلاص يحققققق لي احزن شويه يحق لي انت بس اتركني .. مرررره كسر خاطري بعد هالكلام .. سكت بابا ثواني وقال بابا:عبدالله .. ما قلت هالكلام اقصد فيه شي .. بس .. انت ما جيت المقبره اليوم .. معقوله .. تجي ذي ؟؟ عبدالله:.............. بابا:ولا رحت تشوف ابوك .. ينفع ؟ عبدالله:.............. بابا:ولدي .. بعد يومين مابي اشوفك كذا .. انا بروح لبوك وبشوفه .. حالته تحسنت .. سكت عبدالله شوي وقال: وشلونه ؟ بابا:بخير ..بس عبدالله:بس وشو ؟؟؟؟ بابا: انت رجال .. وتؤمن بالقضاء والقدر .. والي اقوله لك ماهو وقته الحين بس يحق لك تعرف .. ابوك مات دماغيا ولازم يجلس بالمستشفى اربع وعشرين ساعه متوصل بالاسلاك .. انا انصدممت ... ميييييييييت دماغيا ..؟!؟؟!؟!.. ياربي الولد ما راح يستحمل .. والله حرااااااااام .. بغيت ابكي .. عبدالله:الي كاتبه ربي حق .. استغربت من كلامه .. الي شكل بابا ما استغرب منه بابا: تبي تشوفه ؟؟ هز راسه بحزن وقال:لا سكت بابا .. شكله مايبي يناقشه بالموضوع .. بس من جددددد هالفتره مرره شينه .. انشالله تعدي على خير .. عبدالله توه بيطلع بس وقفه بابا:وين بتروح ؟ عبدالله:بيت عمي بو راكان .. ابي ارتااح بابا:طيب تعال ابكلمك بهالموضوع ...... وش رايك تجلس عندنا انا انهبلللللت .. يااااااااااي والله عاد فله لو جلس عندنا .. حسيت اني غبيه بس هذا الي جا بمخي اول شي عبدالله:........... بابا:ما ودك عبدالله:هناك احسن .. انا بروح بعدها لفلتنا بشرق الرياض بابا:مكروه الواحد يسكن لحاله يا ولدي .. لو صار فيك شي .. عبدالله:.......... بابا:تعوذ من ابليش وتعال عندنا .. انا عمك وزوجتي خالتك وماحد غريب عنك .. هناك تلقى بنيات بو راكان وش كثرهم وامهم ماهي حلال عليك عبدالله:.......... بابا:هاه؟ عبدالله بدون نفس:الي تشوفه .. انا انسبطت مررره .. بس ولو حسيت اني سخيفه .. احنا مو بوضع يسمح .. اصلا ابي اعرف بابا كيف يناقش عبدالله بهالموضوع الحين ما ركزت عالسالفه كثير ورحت غرفتي قبل ما يطلع بابا ويشوفني .. ومرت ايام العزى .. كانت ايام قاسيه عالكل... ماما مرررره كانت زعلانه .. تبكي فجأه وبدون سبب .. بابا حسيت انه كله شمووخ بعد هالموقف .. ما حسيت انه انكسر .. حسيت انه اخذ الموضوع كأي موضوع عادي رغم انها بنت اخوه ومرت اخوه .. لكن الي ما شفته عبدالله .. طبعا دق علي سيف اكثر من مره بس ما كنت ارد عليه .. كنت مدخله نفسي بسور يمنعني عن كل شي .. كنت ابي احس اني مثل كل اللي بالبيت .. مو لاني ماحب فاتن ولا خالتي يعني ما احزن كل انسان شفته بحياتي احط له نقطة غلا صغيره .. اليوم الرابع بعد الي صار كنت نازله اتغدى .. جلست طووول الصبح بغرفتي .. جلست عالطاوله والهدووء سيد الموقف .. قطعت الصمت:بابا .. وش رايك ادخل السنه الجايه .. أاجل دخلتي للجامعه بابا:لييش؟ انا:عشان .. تعبت من الدراسه شوي بأخذ سنه اجازه .. سكت بابا شوي وقال:الي تبينه سويه .. حياتك وانتي حره فيها وماما ساكته .. بعد الغدا الكئييب رحت اتمشى بره .. مدري ليش مصعبين الموقف لهادرجه خلاااااااص الحزن ثلاث ايام وبس .. ناظرت شوي .. تشارجر حمرا بالكراج .. تشارجر حمرا ؟؟ هاذي سيارة عبدالله يعني عبدالله عندنا ..؟؟؟ دخلت بسرعه وانا ادور بالغرف من غرفه لغرفه .. فجأه فتحت باب غرفة الضيوف لقيت عبدالله عند الشباك يطالع وشنطته فوق السرير ما التفت علي عشان يعرف انا لي دخلت ولا لا .. رحت عنده ووقفت:تناظر الحديقه ؟؟ عبدالله:........ انا:طيب تعال شووفها عالطبيعه احلا .. ناظرني بهدوء .. وقال:اطلعي بره انا انصدمت .. وش فيه الولد كذا .. ناظرته شوي وقلت:لا .. بتقول لي وش فيك عبدالله وهو ماسك اعصابه:اطلعي ... بره وقفت مكاني اناظره نظرات تحدي .. بشوية خوف طبعا .. وقلت بإصرار:ليش؟ عبدالله:كيفي .. وش عليك انتي ؟؟ ماخذ لك شي انا ؟؟ اطلعي بره وسكري الباب وراك جرحني كلامه .. قلت بحزن:انا شسويت لك ؟؟ عبدالله تسند هالشباك بكوعه:لا .. ما سويتي شي .. بس ...... انا ابيك تطلعين رجع يطالعني:عندك مانع ؟؟ انا:ايه .. ليه تبيني اطلع .. ؟؟؟؟ عبدالله فقد اعصابه:لاننننني ابي اطلعك من مخي فاهمه كيف مابي افكر فيك ابي انساك مع اني عارف اني ما اقدر .. فهمتي الحين .. انقلعي عني انا انصدمت .. ياربي وش فيييه كذا وش الي صاااااااااير .. ؟؟ عبدالله فقد اعصابه:لاننننني ابي اطلعك من مخي فاهمه كيف مابي افكر فيك ابي انساك مع اني عارف اني ما اقدر .. فهمتي الحين .. انقلعي عني انا انصدمت .. ياربي وش فيييه كذا وش الي صاااااااااير .. ؟؟ طلعت وانا منقهررره منه ودموعي على طرف عيني .. ياربي احس انه كـ** مو لهادرجه عاد انا ما سويت شي .. ولا متضايق وجالس يحط حرته فيني اساسا انا وش دخلني اذا هو يحبني اصلا عمره ما صارحني وقلت له اقلب وجهك عشان يسوي الي جالس يسويه كان تفكيري كله يدور حول انه طردني ذيك الطرده الشينه .. دخلت غرفتي وخلااااص ما قدرت امسك نفسي جلست اصيييح دخلت ماما:شجن انا:........ ماما:متهاوشه مع عبدالله ؟ رفعت راسي من الوساده ووجهي كله دموع وناظرتها :يااكل تـ** ما يستاهل اني اتهاوش معه اصلا .. رجعت راسي للوساده:انا ما انزل مستوااااي جتني ماما مبتسمه: صوتكم تو واصل للشارع .. لاع لاع لاع شوي شوي وش هالتلعلع ضحكت عليها غصب عني .. رفعت راسي وطالعتها:ما صار شي لا تشغلين بالك بس ... انا زلقت عالارض وهو ضحك علي وانقهرت ماما بان عليها انها استناست:والله زين منك ضحكتيه .. تنهدت بحزن وقامت عني .. وانا جلست افكر شوي ... لا .. بيبقى كـ** حتى لو ماتت امه واخته .. بعد هذا الي ناقص .. بس مسكين .. زياده على كل ذا متهاوش معي .. لالالا يستاهل هو الي بدى بالهواش مو انا .. طق طق طق مسحت دموعي:ادخلي ماما طل براسه : طب وانا؟ عقدت حواجبي عبيدووون وش جاي يسوي هنا قمت من سريري ورحت ابي اصك الباب بوجهه:ترا بقول لماما انك جايني لغرفتي مسك الباب بقوه وقال بإستهزاء:اييييه جايك نص الليل ابـ قاطعته:انقلع عني زي ما تطردني من غرفتك انا بطردك يا السخيف واحاول ابعد اصابعه عن طرف الباب:بعّد ضحك علي:ما تقدرين شوي شوي نتهاوش لحد ما يأست ان يده تتحرك .. يشرب حليب شكله ناظرته:عبدالله .. انقلع سكت شوي وطالعني:آسف نزلت راسي :لا ماله داعي .. وحطيت عيني بعينه:الا اذا قلت لي وش سالفة هذا كله .. دخل بشويش للغرفه هو يتنهد:بحكي بصراحه .. قلت بحاجب مرفوع:اسمع انا .. يلا عبدالله:شجن .. انا .. ما قدر يحط عينه بعيني .. يا ربي انا عارفه هو وش يبي يقول ليش يطولها وهي قصيره بس حبيت استهبل شوي:ندماااان صح عبدالله:ايييه ندمان .. سوري بس ضاعت مني هالكلمه .. ايه ندمان .. آسف كان ودي اضحك عليه .. يا حليله والله ماما صادقه زين اني نسيته شوي حالة الكآئبه الي عاشها .. بس حسافه ضاعت السالفه رجعت ابي ادور حول الموضوع:ايه وبعد عبدالله:بس .. بنزل تحت مسكته:لا اصبر .. انا بعد آسفه عبدالله:ليش قلت بعفويه:لاني مو مفروض اجي اضايقك وانت توك طالع من صدمتك ياااربي علي دايم يطلع مني كلام ماهو وقته يطلع .. حسيت انو ودي الارض تنشق وتبلعني ولا اني قايلة له هالحكي الحين بيضيق صدره انا عارفه .. ياربي ما امداه يضحك شوي هز راسه:لا عادي .. انا نازل .. توه بيطلع الا دفيته مع الباب:انقلع شهق بإستهبال والتفت علي:نعم .....! قلت بجاحب مرفوع:انقل .. اع << انقلع مسويه يعني اني موقفه فيها عشان أاكد عليها خخخخ ناظرني وضحك:اقول بس صكيت الباب بوجهه:لا تقوول دبج عالباب:هيييييين ضحكت عليه .. يا حليله .. اااه اتذكر ايام زمان يوم كننا نتهاوش كذا .. كانت ايام .. بديت افكر ليش بابا قاله يجي عندنا .. يعني انا عارفه تفكيرهم مو رايح بعيد لذيك الدرجه بس هم وش يضمنهم انو ..... يعني علاقتي معه علاقة اخوه يمكن فيه شي منا ولا منا .. غريبه ولله .. يعني هذا هو يجي غرفتي واروح غرفته رغم اننا كبار وماما عارفه كويس اني انا ما اعتبره اخوي لا صح ...... اخوي .. تعقد تفكيري .. اخوي ؟؟ ولا صديقي .. ؟ ولا شخص متعلق فيني ؟؟ او كارهني لشي ما اعرفه فجأه سمعت صوت سياره طليت من الشباك ليينها سيارة عبدالله تتحرك السخيف كان ودي اكمل هواش معه .. نزلت احوس بالبيت كالعاده .. المهم اليوم الي بعده .. قمت الفجر بدري وانا فيني خموول ماهو طبيعي .. نزلت بالشورت والبلوزه الكت القصيره وشعري عفسه على هالفجر مشتهيه رااوخ يفك الرااس .. طعمه يجي غير .. دخلت المطبخ .. فتحت الثلاجه وطالعت بقرف .. تكشرة اول ما اقوم من النوم ..لازم حسيت بشي .. التفت لقيت عبدالله جالس يصب له مويه قلت بنرفزه:انت من متى وانت هنا ؟ التفت وهو مرتاع :ها... انتي الي من متى وانتي هنا ..؟ ناظرته بحاجب مرفوع ورجعت عيوني للثلاجه .. طلعت علبة الراوخ وحطيتها على الطاوله بعنف رحت جمبه وطلعت لي كاس ونفس الشي حطيته بعنف عالطاوله .. عبدالله :شجن شفيك ؟ فتحت علبة الراوخ:اسكت الله يرحم والديك ما كنت راايقه لاي شي احس اني منقرفه من شي بس مدري وشهو .. صبيت لي ومشيت بهدوء وانا اشرب واطلع من المطبخ .. وقفت عند الباب ورجعت اصب لي زياده وعبدالله طلع وهو مستغرب دخلت ماما من وراه:وش مصحيك الفجر طلعت الراوخ من جديد:اهلن ماما تطالعني:انتي وش لابسه ناظرتها بتكشيرتي المعتاده:وش لابسه يعني ماما عصبت:لابسة لي شورت ونص بطنك طالع قدام عبدالله ... وينا فيه حنا تأففت .. يالله عليها تجيب القلق .. هي وفلسفتها الزايده طيرت عيوني بشكل لا مبالي وقلت:ماما ...... عادي ومسكت الكاس وجيت ابطلع ماما:لا ماهو عادي ..عبدالله رجال .. وما ينفع .. اصلا انتو ما تنفعون مع بعض في بيت واحد .. وش هالفلاته ما ربيناك احنا التفت عليها بحاجب مرفوع:مدري ؟ ماما طرطعت:بلا قلة حيا وناظريني لمن تكلميني .. روحي غيري هاللبس انا طق معي الؤشر .. من الصبح جالسه تزاعق ذي:ماما ... فاتن اخته كانت تلبس كذا قدامه ماما:لا ما تلبس انا:الا ... ( قلت بإستهزاء ) ولا لانها فاتن مس بيرفكت .. فاتن الي ما تقول شي غلط .. فاتن الخلوقه .. فاتن فاتن حسيت ماما حزنت .. جلست ادقق بكلامي .. يالله علي .. الله يرحمها انا كيف تجرأت وتكلمت عنها كذا حطيت الكاس بسرعه ورحت حظنت ماما:ماما والله ما كان قصدي .. ماما مسكت دموعها:عادي .. بس روحي غيري هاللبس ناظرتها :ماما خلاص ... لا تكبرين السالفه بعدت يدي عنها بقوه:انتي النقاش معك ما يفيد .. جلست عالكرسي بالمبطخ بحزن .. ما كان لي داعي ابدن اقول هالكلام بعد فتره دخل عبدالله يصب له مويه انا:وانت كل شوي شارب مويه ؟ عبدالله:وش عليك انا:عبيد وش فيك .. صاير غريب عبدالله:ما الغريب الا الشيطان .. رفعت حاجب:عبود .. انت ما كنت كذاا عبدالله:اجل وش كنت .. عبدالله الساذج الي على نياته الطيب الي ما يرفض لك كلمه .. لا يا حياتي دوام الحال من المحال .. انا لو كانت طيبتي الزايده مخربتني بحط لها حدود معك انتي بالذات .. ومشى .. وش هالصبح النكدي .. اشين شي في عبدالله كلامه الجارح .. انا:طيب بكلمك التفت:نعم ..؟ انا:انت امس كنت عادي وش جاك اليوم ..خلاص انسى... خلنا مثل اول وش الفرق عبدالله:هه .. لا الفرق كبير .. تنهدت:عبببدالله رفع حاجبه:نعععم ؟ قربت له ومسك كاس المويه الي بيده :اسمعني رجع ياخذ الكاس:بسمعك بس اتركي الكاس انا انقهرت ورحت سحبته منه:لا عبدالله مسكه:اتركيه .. بلا حركات بزران الله يخليك توني قايم ومالي خلق وانا اصريت امسك الكاس:حركات بزران انت الي جالس تسويها وسحبته بقوه وانكبت المويه عليه طاح الكاس عالارض انكسر .. بعد الصوت المروع .. لحظه سكوون اطالعه بروعه وهو مرتاع اكثر .. الموبه بارده نزل عيونه على صدره يطالع المويه .. ناظرني وهو فاتح فمه .. انا شوي شوي بدت ضحكتي تجي .. ما عرفت امسك نفسي شكله مررره خطيير انفجرت ضحك عليه .. اخذ نفس طويل وضحك بشويش ما يبي يبين لي .. والتفت وطلع : سخييييييفه حتى وهو يقولها باين انه كان يضحك .. رقيت انام .. انسدحت تقلبت ما عرفت .. قمت فتحت جوالي وحملت لي كم روايه .. وجلست اقرا ليييييين الساعه تسع طقت كبدي .. قمت غيرت ملابسي عشان ماما وفلسفتها .. وجلست احوس بغرفتي من الطفش مسكت شعري وقمت اجعده .. صار عراده .. ههههههه وامسك علبة الميكياج واستهبل .. حطيت لي روج احمر فااااقع .. مع الكشه والبلوزه الحمرا والجنز .. شكلي صار غريب جلست اناظر نفسي بالمرايه .. يؤ هاذي مو شجن .. توني بمسح الروج الا دق جوالي رحت اطالع الرسم تسذا يتصل بك تسذا؟؟ اييييه سيف .. رديت:هلا سيف بدر:انتي سجن ياااي انا انهبلت ياحبي له .. جلست اسولف معه وجلس يقول لي فضاايح عن سييف مره عسل هالولد .. انا صحيح استغربت ان جالس يكلمني من هالصبح بس ما دققت .. اكيد سيف هو دق ل علي ومشالله عليه يتذكرني لحد الحين بدر:اييه هو كان يقول شجن الوه قلت بإستنكار وتعجب:هو قال شجن حلوه .. ههههههههههههههه يا الدوب عيب عليك .. وش قال بعد ؟ بدر:يقول بيخليني اتزوجك .. بعدها قال بكل براءه:بس انا ما شفتك .. عندك سوره ضحكت عليه من قلب .. من يومه الولد يتحرش لوول.. اجل وش بيصير لو كبر .. وهذا عمه ما يعرف يسكت .. قال ايش قال بخليك تتزوج شجن .. عيب عليه يعلمه هالكلام قلت له:لا ما عندي صوره .. وين سيوفي ؟ بدر:نايم ... تدلين انه نايم على الارض عشان الشغاله ضيعت متّاح غرفته .. بعدين هو قالها يا الغبيه انا:ههههههههه ضيعت مفتاح غرفته .. الحمدالله ليش يقفلها من اساسو ويخلي الفتاح عند الشغاله انا:طيب بدوري صحي عمو سيوفي بدر:لا انا:لييييييش ؟ بدر:ابي اكلمك انا:طيب انا بقوله سر بدر يهمس:قولي لي يلا وانا اقول له بأذنه جلست اهمس مثله:بعدين ما يصير سر بدر عصب:احسن .. يا ايوااانه وسكر بوجهي جلست اطالع الجوال:ابن اللذين بزر ويعرف يدق ويسكر .. لعااب انا عارفه ان سيف صاحي .. اوريه انا وارجع ادق ويعطيني مشغول هو ووجهه .. احسن .. ميته عليه هو وولد اخوه المليق فكرت انزل لعبود اشوف وش سالفته .. بس خفت ماما تتضايق زي كل مره .. احيانا ودي اذبحهااا رحت لغرفتها وضربت الباب بابا:تفضلي دخلت وانا مرتاعه لكن مبتسمه:بابا انت فووق ..!؟ ماما:شجن اطلعي جالسه اكلم ابوك بموضوع مهم ياربي وش فيها علي اليوم .. تأففت وقلت لها:طيب بروح .. بس معليش اروح لعبدالله .. بغرفته ماما تبي تصرفني:روحي وسكري الباب انا:طيب بابا وقفني:وش هالروج عقدت حواجبي:ايش .. رحت بسرعه ودخلت الغرفه وناظرت نفسي بالمرايه:يو ما مسحته ماما قامت ومسكت يدي:شجن ناظريه بره ياربي شفيها علي ذي شوي شوي .. طلعت وانا متأزمه منها .. احيانا تجيها حالات تصير اخيس انسانه بالدنيا نزلت تحت لعبود .. ضربت الباب كثير ما رد فتحته بشويش .. ظلام .. ونور خفيف من الشباك .. وبرررد .. ************* البارت العاشر دخلت وقلت بهمس:عبود .. انت نايم عبدالله:........ تنهدت .. اكيد نايم يعني .. بيجلس يلعب مثلا ؟ جبت لي كرسي وجلست جمبه اناظره .. استناه يقوم .. حطيت يدي على خدي وانا اطالع وجهه .. ياخي قم .. اففف وبينما انا اطالع فيه .. فجأه حسيت خشمه حلو .. هههههه توني ادقق فيه .. وشفايفه زي شفايف فاتن .. عيونه زي بابا .. مشالله كوكتيل الولد .. حركت شعره عن وجهه .. احلا شي ان شعره كثير لابق عليه رفعت حاجب وقلت بيني وبين نفسي .. ينقلع هو وخشته السخيف .. شين وغبي وتاافه .. ياربي متى يقوم طفشت قمت اطالع بغرفته .. رحت لدولابه وفتحته .. ملابس .. طبيعي وش بيصير فيها ورحت افتح دروجه فاضيه ..تأففت وتوني بجلس الا روعني صوته وش تسوين ؟ لقيته يناظرني ومبتسم وشكله يروع .. انا ارتعت في البدايه وحطيت يدي على قلبي:يمااا عبدالله : ملقوووفه انا اخذت نفس:انت من متى صاحي يا البايخ .. تاركني طفشانه عبدالله:من اول ما فكرتي نفسك ماما وبعدتي شعري عن وجهي قمت عنه بإستهزاء:هاهاها .. المره الجايه اذا بتنكت قول لي قبل ربع ساعه عشان استعد نفسيا اني اضحك عبدالله:هاهاها انا:قوم تنهد:مابي .. دايخ .. سكري الباب اذا طلعتي سحبت مفرشه:قووووم وتصنمت مكاني .. يؤ الولد ما عليه الا بوكسر .. وجهي صاار احمر .. ياربي فشيله .. ما عرفت وين اودي وجهي هو على طول سحب المفرش وغطا نفسه:فيييني النووم انا بلعت ريقي ابي اصرف الموضوع ... رحت طفيت المكيف:لا مافي نوم .. يلا قم عبدالله مغطي وجهه :شجن بلا قلق رحت فتحت الستاير:قوووووم طلعت وانا منقهره:ما تنعطى وجه اول ما سكرت الباب اخذت نفس طويل:يااربي عيب علي سحبت المفرش وهو ما عليه الا بوكسر .. وش بيقول عني الحين .. مشيت لبره وانا افكر.. وش ذاك الشي الازرق الي كان على كتفه .. طلعت للحديقه وانا اتمشى .. طفش .. شغلت لي اغنيه لحسين الجسمي وجلست اغني معه .. بطريقي مريت على غرفة عبدالله .. كانت تحت .. طالعته من الشباك .. كان قايم ويلبس بلوزته .. طقيت الدريشه:عبود التفت علي .. ناظرني بحاجب مرفوع وقال:قليلة ادب .. ما يكفي قبل شوي ساحبه المفرش والحين جالسه تناظريني البس .. ضحكت عليه:سم الله عليك لابس يا الكذاب .. تعال بسألك سؤال جا عندي وفتح الدريشه:خير؟ سحبته مع بلوزته :قرب .. رجع على ورا:اقول بس ومشى وطلع من غرفته ياربي وش فيه صاير كذا معي .. مو معقوله انا وش سويت له سمعت صوت باب البيت ينصك ركضت له وناديته:تعال اكلمك انا وقف وتأفف:هاااه قربت له:انزل .. رفع حاجب:هاه؟ انا:انت طويييل ابي اشوف كتفتك .. سحبته على الارض:اجلس .. جلس من غير ما يعترض:وشو؟ جلست جمبه وبعدت بلوزته:وش هذا الي على كتفك ناظرت الجرح .. كااان ازرق مرره .. يعني كدمه .. بس فيه جرح بعد عبدالله:........ حطيت اصبعي عليه بشويش:اححح اكيد يعورك صح عبدالله:........ رفعت راسي اناظره... وش فيه ساكت ذا لقيته يطالعني بنظرات غريبه .. بلع ريقه ونزل راسه : مدري جرح .. انا ...انا بروح وقف:اا .. متواعد مع اصحابي بنفطر ... مدري وين .. سلام وراح بسرعه .. انا على وجهي علامة استفهاام وش فيه عبدالله مرتبك كذا ... يااي يحبني .. شعور جميل لمن تدري انو فيه احد يحبك .. بس ما طولت الابتسامه كثير رجعت ازعل .. يا ليته ما كان يحبني .. عشان ما يحس اني ابادله هالمشاعر وانا لا .. عشان ما يفتكر ان حبي له مثل حبه لي وقبل كل هذا .. لو انه ما يحبني كان ما صار قاسي معي كذا من كم يوم تغير كثير .. صار ماهو عبدالله .. طيبته راحت .. وصار عصبي معقوله الحادث الي صار غيره لهادرجه .. مسكين الله يكون بعونه .. باين رغم ابتساماته وضحكاته انه حزين ومنكسر من جوا بس يكابر .. الله يعينه .. ما دام ان عبيد طلع انا بطلع وش اجلس اسوي بالبيت لحالي .. رحت قلت لماما وطلعت اول ما طلعت للشارع لقيت سيارة عبدالله واقفه .. بس بعيد .. عقدت حواجبي .. له نص ساعه ما طلع ولين الحين فيه طالعت لقيت معه واحد بالسياره كأنهم يتهاوشون .. لالا ما يتهاوشون بس ذاك يبي يقنع عبدالله بشي مدري انا ما فهمت هم وش جالسين يسوون بس عبدالله كان رافض شي .. فجأه التفت وطالعني ثواني صديقه التفت علي يطالع محل ما عبدالله يطالع كنت ابي اأشر لبعدالله بس لان صديقه التفت هونت ورحت ركبت السياره انا:عمر روح حي السفارات .. توه عمر بيحرك السياره الا مر جمبنا عبدالله وشااخط مليون .. وش سالفته تنهدت وفتحت جوالي اكمل الروايه الي بديت اقراها.. دخلت للسفارات .. احب هالحي مره .. اول شي اذا جينا ندخل لازم بطاقه او شي لانو الحي هذا كل سفارات الدول موجوده فيه عشان كذا حاطين عليه سور واسلاك شائكه مساكين الي ساكنين فيه احسهم يتعذبون على الدخله وعلى الجيه وعلى روحة المدارس .. اصلا يمكن عندهم مدارس قلت لعمر يروح للمدرجات الرياضيه .. في خاطري العب تنس .. واطالع حولي .. فجأه سفارة بريطانيا ... سفارة فرنسا .. سفارة الخ ااااه يا قلبي ابي اسااااافر .. وقف عمر بالسياره ونزلت .. دخلت وفصخت عباتي ورحت العب تنس فجأه جتني وحده تكلمني .. انا استغربت البنت:هلا انا:اهلين ..؟ البنت:كيفك ؟ انا:بخير .. وانتي ؟ البنت ابتسمت:انا تمام كان شكلها غريييييب .. مررره مره بوويه ولده .. كانت لابسه جينز لو وست يعني ناازل ووسيع وشعرها بوي .. وكحلها كثييير مره .. زي الايمو بويز مدري ما ارتحت لها انا:اممم سوري بس ما عرفتك .. ؟ البنت :ولا انا اعرفك بس .. احب البنات الي مثلك انا ارتعت وش تحس به ذي:مثلي يعني كيف ..؟ فيني شي غلط انا ؟ مسكت يدي وجلست تطالعها:لا قصدي .. شكلك تحبين البينك .. وكيوته .... ودلوعه .. انا ماحب اخاوي الا دلوعااات تخاوي ؟؟ خيييير ؟؟ يع لا يكون هذي من النوع الي ........... اوريها ابعلمها منهو ابوها الي تجي تتحرش بشجن الـ***** وقفت وقفه عربجيه وبديت اصارخ:هيه انتي هيه .. ابعدي عني فاهمه يا المريضه .. وع هذا الي ناقص ما بقى الا هو تجيني هالاشكال .. البنت كشرت: انا ما طلبت منك تقولين رايك فيني مريضه هذا شي راجع لي .. وبعدين شوي شوي لا يخرب برستيجك كملت صراخ بطريقه عربجيه مره :ولا يهمني برستيجي حبيبتي هذا الي ناقص .. انقلعي عن وجهي .. اففف رييحه ومشيت عنها .. ناس تجيب القلق .. شكلي بدق على عمر يجي .. فتحت شنطتي ابطلع جوالي وينه ..؟؟؟ اوو ماااي قاد وين جوالي .. بغيت اصيح وين اختفى دورته حول الشنطه ما لقيت رجعت لصالة التنس ما حصلته مشيت بكل مكان مريت فيه ما حصلت شي رحت لقسم المفقودات ابلغهم كانت دموعي على طرف عيني ..ياربي جوالي حطيت فيه اشياء كثيره وفيه صوري وصور عبود وصور ماما بعد ... حتى ام سلطان مصورتها .. يااربي وفيه اسراري واشيااء كثيره .. خلاص وصلت معي جلست اصيح وانا اتلفت وواقفه قدام عاملة قسم المفقودات فجأه شفت البنت مع بنتين مثل ستايلها ماسكين شي وردي كله كريستالات .. والبنت شاقه الابتسامه وتقلب فيه انا طار قلبي قام يدق دق .. رحت لها وانا عيوني موولعه حريقه .. دفيتها مع ورا:يا الكلـ** هااتي جوالي البنت بغت تطيح التفت بسرعه وهي مرتاعه وناظرتني بإستحقار:ندى الظاهر انها ما كانت لؤطه على قولتك .. شوفيها كيف استغفر الله عصبببت مره ورحت سحبت منها الجوال:استغفر الله انتي واشكالك .. من سمح لك تاخذينه ؟ البنت وهي رافعه حاجب:والله لقيته عالارض .. مو انا الي رميته من القهر من غير ما احس اخذت نفس عميق وانا اناظرها بقهر .. وجيت بمشي وانا اطالعه كويس عسا ما صار فيه شي واسمعها تضحك .. التفت عليها اطالعها تكلم صديقاتها بهمس حسيت انو فيه شي طالعت الجوال .. فتحته .. فتحت الاستديو ... الصور .. مافيه ولا صوره ...؟؟؟!؟!؟! الذاااكره وينهاا ؟؟ ولا معقوله حذفت كل شي رجعت لها:هيييه انتي وش مسويه رفعت كرت الذاكره قدامي:بس اخذت هذا .. واوريك بس من انتي عشان تقولين عن خلود مريضه .. اوريك منهو المريض ابتسمت ابتسامة خبث .. انا ما عرفت وش اسوي بهالموقف .. بديت ابكي واترجاها ترجعها وهي بس تطالعني وتضحك انا وكل وجهي دموع:طيب ليش وش مستفيده اعتذرت لك خلاص .. خذيه مابيه خذي الجوال بس عطيني الميموري الله يخليك خلود بإستهزاء:يا شيخه مسحت دموعي:اساسا مالك حق تاخذينه هذا ملكي انا .. والله لا اسوي فيييك شي ما عمرك شفتيه ما كنت داريه انا وش اقول او اتحجج بأيش .. مدري كيف اتصرف انا عارفه انها ما تقدر تاخذها ولو طبيت عليها الحين وكفختها واخذت الميموري اقدر بس .. كنت خايفه مدري وش اسوي وكيف ادبر الوضع .. ما كنت مستوعبه قلت بعزم وانا احاول اخفي دموعي:عطيني الذاكره احسن لك خلود:يااي ماما خفت وتعطي صديقتها هاي فايف وحده من صديقاتها:اسمعي حبيبتي .. انتي الي جبتيه لنفسك محد قالك تتركين جوالك انا:طيب عطيني اياها حقتي هااذي فاهمه علي انتي حقتي ضحكو انا:بتجيبنها غصبن عنك يا الكلـ*** خلود: واذا ما عطيتك انا:باخذها منك بالقوه .. اوريك ورحت لإدارة المدرجات الرياضيه وقلت لهم كل الي صار .. طبعا وانا ابكي لاني ماعرف امسك نفسي ابدن ودقيت على ماما وعلمتها وجت وكبرت السالفه وفتشو البنات ولا لقوا معهم شي مديرة المركز: اسفين يا مدام سعاد بس ما بإيدنا شي نعملو .. هَي خلود إدامكون بتئول انو ما معا شي وحنا فتشنا للبنت وطلع كلاما مزبوط ماما وهي معصبه:شووفي الجوال فاضي مافيه ذاكره والبنت تصيح كل هذا تمثيل يعني ..لو ما خليتيهم يطلعونه ابشتكي على المركز بكبره تنهدت المديره والتفت على خلود:خلود .. حبيبتي بلكي الميموري معك وانتي نسيانا .. تزكري رفعت حاجب وهي مبتسمه على جمب وتناظرني بخبث : ما اذكر انها كانت معي المديره:يالله على هيك شغله .. طيب مدام سعاد ما فيكي تتنازلي هالمره مسكت يد ماما وانا اصيح:كيف حلوه ذي فيييه صوري انتي فاهمه سمعتي بتروووح وطي حتى صور ماما فييييه ماما كملت كلامي:واذا طااااحت الذاكره بيد احد ماهو مستاهل مثل هالاشكال بنرضا .. نادو امها خلود بدون نفس:ماحفظت رقم امي .. وما معي جوال .. وما راح تجي الا الساعه تسع بالليل ماما وقفت:اجل بنجلس هنا لحد الساعه تسع بالليل .. بس منتي طالعه وقفت المديره:مدام سعاد هدي شوي .. شو رأيكون تحلو الئصه ودّي .. انا بتركلكم المكتب وبطلع وانتو حاولو تتنائشو وطلعت ماما راحت لخلود:انتي وش مستفيده من كذا .. كلمه طلعت من البنت واعتذرت عليها خلاص خلود: طيب ليش كل هالزحمه .. انا ما اخذت شي انا:واللله العظيييم الميموري معها يا ماما .. خليها ترجعها .. خلللود الله يخليك تبين فلوس تبين شي تبين الجوال بعطيك بس رجعي لي ذاكرتي خلود هزت راسها:ماني محتاجه فلوسك ماما:اسمعي يا بنت الناس .. بينا وبينك رب العالمين .. ما تخافين ربك انتي؟؟ ضحكت:لا ماما سكتت .. ووقفت وجت مسكتني: للأسف اهلك ما ربوك .. تعالي شجون معي عييت اوقف:ماما لالالالا .. خليها ترجعهااا ماما عصبت:قومي بنروح نشكتي عليها الـ ...... سكتت شوي .. ما تحب تسب ماما .. بس من جد كانت مطرطعه .. طبعا خذت اسم البنت وراحت تبي تشكتي عليها بالسياره ماما تصرخ علي:وانتي من قالك تصوريني وتصورين ام سلطان ؟؟ لييييييييش تصورين نفسك اصلا ؟؟ انا كنت اشاهق من الصياح:ماما ما تدريت ان في احد بياخذه ..ماما خلينا نرجع .. عطيها الي تبي خليهها ترجعها ماما تصرخ من جديد:اسكتي هذانا راجعين البيت وبنخلي ابوك يروح مركز الشرطه ويبلغ عنها .. الشغله ماهي سيابه انا:ماما افرضي نشرت صوري ؟ ماما سمعتي بترووح يا ماما واحط راسي على رجلها وابكي .. |
البارت الحادي عشر ماما تصرخ علي:وانتي من قالك تصوريني وتصورين ام سلطان ؟؟ لييييييييش تصورين نفسك اصلا ؟؟ انا كنت اشاهق من الصياح:ماما ما تدريت ان في احد بياخذه ..ماما خلينا نرجع .. عطيها الي تبي خليهها ترجعها ماما تصرخ من جديد:اسكتي هذانا راجعين البيت وبنخلي ابوك يروح مركز الشرطه ويبلغ عنها .. الشغله ماهي سيابه انا:ماما افرضي نشرت صوري ؟ ماما سمعتي بترووح يا ماما واحط راسي على رجلها وابكي .. رجعنا البيت ماما دخلت وفصخت عباتها بسرعه ورقت فوق .. وانا عيوني مفقعه من الصياح .. جلست بالصاله وبكل يأس .. تنهدت وجلست ادعي عليها انشالله تنرد عليها في غالي عليها يااارب انشالله يودونها سجن الحاااير حق الخكاريا ياارب يرد كيدها في نحرها الملعو** جتني ام سلطان:عسا ما شر يا بنتي ؟ قلت والقهر وااضح علي:ام سلطاان ادعي معي جعلها يا رب ما تتهنى بعيشتها ياارب تنكسر رقبتها وييحترق وجهها وتتعوق و قاطعتني ام سلطان:وش فيك ؟؟ منهي ذي ؟ انا:وحده حيوا** ماخذه الميموري حقتي وفيها صوري وصور ماما وصور سكت ما كنت ابي اقولها ان صورها فيه الحين يضيق صدرها .. بس ولو فوق كل هذا خنقتني العبره .. الكلـ** جعلها ما تتهنى ام سلطان:مماري ؟؟ وش ذي ؟ ابتسمت عليها:ميموري مو مماري .. هاذي ذاكره حقت الجوال .. فتحت جوالي وخذتها ام سلطان:وي يا جعلها السم الي ياكل بدنها الي تزعل شجونه .. ما عليك منها يا بنتي بدال المماري عشره يا حليلها .. مو فاهمه ولا داريه وين الله حاطها . ثواني نزل بابا .. كان ينزل بشويش طبيعي لانه تعبان ووراه ماما تنزل كان الشرار يتطاير من عيونه .. التفت على وعطاني نظره عمري ما راح انساها الظاهر ماما قالت له عن السالفه بس انا وش دخلني ..؟؟ ولا لازم يصير فيه احد يحطون اللوم عليه .. كنت ابقوم بس ما عرفت لو قمت اساسا وش بقول .. واخاف اقوم يعصب علي زياده طلع من البيت .. استنيت شوي ورحت لماما:قلتي له ؟؟ ناظرتني بإستحقار:ايه قلت له .. شوفي وش بتسوين فيه الحين ومشت من قدامي ناظرتها بقهر:ماما .. انتي وش فيك علي اليوم .. مو عاجبك اي شي اسويه .. وش ذمبي انا ماما:مو المفروض اننا متفقين تتغطين عن عبدالله .. وهذاك تطلعين قدامه مفصخه .. ومو مفروض اذا امناك شي تكونين قد الامانه هاذي .. مو مفروض تحمدين ربك اننا تاركينك تطلعين وتروحين وتجين على كيفك .. عطيناك ثقتنا وهاذي اخرتها فتحت عيوني على وسعهم:ماما وانا وش سويت ؟ جريمه يعني ؟؟ كل السالفه ان البنت مسترجله وتبي تخاويني انقرفت منها ومن القهر رميت الجوال على الارض ما كنت حاسه بعمري هي جت واخذته .. تجمعت الدموع بعيوني وخنقتني العبره:انتي عمرك ما راح تفهميني ورقيت فوق .. حسيت انهم سخيفين .. كل شي يفسرونه على كيفهم .. واذا فتشت لعبدالله .. مافيها شي وش بيصير يعني .. وبعدين انا وش ناقصني عن باقي البنات عشان يحبسوني .. تحمد ربها اني منب احاول الفت النظر زي كل البنات تحمد ربها اني ما اعطي اي واحد يكلمني وجه تحمد ربها على اشياء كثيره اولها ان وحده تقدر تطلع من الفجر لحد الساعه وحده بالليل لحد الحين محافظه على شرفها شي يقهر بصراحه انا مالي اي ذمب بالموضوع ويحملوني ذمب كل شي بس ماقول الا الله يلعـ** يا خللللوود انشالله ربي بيردها لك يا الـقـ*** الساعه 12 الظهر رجع بابا البيت وكاان مره متنفرز كنت انا بالصاله وماما بالمطبخ .. رفعت راسي اول ما دخلت وطالعته سكتت ثواني وقلت:بابا وش صار ؟؟ ناظرني بنظره عجزت افسر معناها ورقى الدرج:انا برقى انوم اذا حطيتو الغدى نادوني .. تأففت .. زين على الاقل ما هزأني .. شي احمد ربي عليه طبعا وجا وقت الغدا .. كلنا على الطاوله مجتمعين وناكل الا عبدالله ما كان موجود .. والكل هاادي .. كان ودي اتكلم اسأله عن الموضوع لكن ما قدرت .. خافيه يعصب بوجهي عشان كذا سكتت وكملت اكل من غير اي كلمه بابا قطع السكوت:وين عبدالله ماما:طالع من الصبح .. بابا:ليش ما يجي يتغدا ؟ هزت راسها ماما يعني مادري .. ورجع الهدوء من جديد بابا:وما قال متى يرجع .. ابيه بموضوع رن جوالي على نغمة المسجات .. كملت اللقمه الي بفمي وفتحتها .. قريت الرساله .. وخلصت ورجعت الجوال على الطاوله بهدوء وكملت اكلي : عبدالله ما راح يرجع .. روح له انت بابا:انتي اخر وحده تتكلمين سكتت من القهر .. هو وخشته يسأل وانا عندي جواب .. ليش يسكتني بس ماما كان عندها فضول:خلها ... انتي وش دراك عنه ؟ انا سكتت شوي بعدين قلت:توه راسل لي مسج .. يقول انو بفندق الفيصليه الحين بيجلس كم يوم على بال ما يجهز فلتهم الي بالمعذر .. هذا الي قاله سكتو اثنينهم .. بابا التفت على ماما وجلس يكلمها وانا ودي اعرف وش يقوولون قاطعتهم:ماما وينه هذا المعذر ؟؟ ماما:قبل العليا انا:هذا زي بيفرلي هيلز صححح .. حي مره رااقي وفيه امراء وكذا هزت راسها ابتسمت:بابا من متى هالفله عندهم وليش ما سكنو فيها؟ تذكرت انه معصب افف مفروض اني ما سألته ولا كلمته اصلا بس استغربت لمن رد علي عادي:بو عبدالله ما يرتاح فيها انا انبسطت انه رد علي لانو عندي كم سؤال له:طيب .. ما راح تقول لعبدالله يرجع .. مو هو ما يصلح يسكن لحاله بابا:عبدالله كبير ومسؤول عن تصرفاته .. انا خليته يجلس هنا عشان ياكل ويشرب ويلقى من يجلس معه زي باقي خلق الله بس اذا هو وده يطلع انا مالي شغل فيه .. وقام من الغدا انتظرت لمن راح انا:ماما وش صار بموضوع الجوال ؟؟ ماما:بعدين اقولك .. انا:ماااماا ماما تنهدت:ابوك راح واشكتى ودق يسألني عن اسم البنت .. قلت له خلود *** آل سـ*** .. ابوك سكت شوي وقال وش اسم جدها .. ما عرفت .. وهو هون قال ما يبي يشكتي عليها فتحت عيوني:ليششش..؟! ماما قالت بإستنكار:ليش انتي تحسين انه عادي نشكتي على بنت آل سـ*** انا:طيب عادي .. واذا صارت بنتهم .. ( قلت بقهر ) على راسها ورده وانا مدري ماما:شجون لا تكثرين حكي حطيت الملعقه بقوه:واذا اشتكى عليها بيذبحونه يعني ولا انها بنت هالنااااس الي ما مثلهم احد .. انا وش دخلني فيها ماما الشرطه في خدمة الشعب ماما ترجع تتنهد:شجن خلاص عاد .. ابوك ما يبيهم يضرونه على كبر وبعدين هو خايف على عمانك تركي وماجد الصغار ما عيرفون يدبرون امورهم لو صار لهم شي تمن هالعيله انا:وانا وش دخلني بعمي تركي وعمي ماجد ؟؟ ماما حرام عليكم اصلا .... اصلا البنت ما كان واضح عليها ما معها بدي قارديه .. قصدي شغالات او اي شي ثاني .. كانت عااديه ماما عصبت:وانا كنت معك وشفتها بس هذا الي صار... اصلا كله منك .. ما عندنا الا نروح نتحببها ترجع لنا الميموري انا:اروح لها ..؟؟ هاها نووو وااااي مستحيل اروح اترجاها ماما قامت من الطاوله:انالله رفعت رجولي على الكرسي الي انا جالسه فيه وكورت نفسي وانا اتأفف:احسن .. جعل الميموري ما رجعت .. قالت من آل سـ*** قالت .. افف قرف رقيت فوق وانا متنرفزه .. يعني اهلي وهم اهلي ما عرفو يردون حقي وماخذين الموضوع ببساطه .. بس السالفه ماهي سالفة صور السالفه سالفة تكسير راس والله لو انها بنت ملك الدنيا لا اعلمها من هي شجن بنت ابو شجن .. هين بس هين .. ترا ماني سهله انا وراي رجال خخخخ اي رجال انا وخشتي .. عبدالله ويخب .. خل ادق عليه بس عشان يساعدني دقيت جواله مقفل .. مالي الا اروح له .. لبست عباتي بسرعه وهالمره قررت اتلثم .. حسيت ان الطرحه تصغرني .. يعني كأني ام 16 سنه كذا هههههههه ياكبري عاد .. لبست عباتي ونزلت :ام سلطان قولي لماما اني طلعت صحارى اشتري لي اغراض ام سلطان:طيب يا بنتي بس متى بترجعين سكت شوي وكملت طريقي .. مابي اربط نفسي بوقت محدد قلت اسفههها احسن لي ركبت السياره:عمر روح الفيصليه .. البلوره انا عارفه هالسواق الكمخه مو عارف يفرق بين فندق الفيصليه ومركز الفيصليه الي هو المول .. وقف قدام الفندق .. اخذت نفس عميق ونزلت:خلاص عمر ارجع حاولت امشي بكل ثقه قد الامكان مع اني عااارفه اني خايفه اول مره اسوي هالحركه .. مدري عاادي رحت للإستقبال .. :لو سمحت موظف الاستقبال:نعم مس شو بتريدي خخ يقول مس .. شايفني مدرسة انقلش ولا وش السالفه انا:أأأ .. انا زوجي هنا بس ... واللهي ماني متأكده هو بنفدق الخزامى الي عند الفيصليه او هنا .. ممكن بس اتأكد من اسمه اذا عندكم.. لاني لخبطت هو هنا او بنفدق الخزامي .. كلكم بجنب بعض انا كنت ادعي ربي يصدق هالدلخ هو ما بان عليه انه مقتنع:طيب شو رأيك تتصلي تشوفي وينو ياربي ملقووف وش عليه هو:هاه .. لا ما يرد ... لانو ... لانو بطاريته خلصت .. موظف الاستقبال:اها .. بس مس ما بئدر كشرت بوجهي:كيف ما تقدر ترا والله اتصال واحد مني لبابا راح قاطعني:لا شو اتصال ما اتصال انتي تفزلي هوني وانا بدور لك على اسمو .. تكرم عينك انا بتصنع غضب:لا مابدي اتفضل .. اخلص علي انا مشغوله بغيت اخربها واضحك .. اكل المقلب يا حليله مسك الاب توب الي قدامه:لو تتكرمي شو اسمو لزوجيك بالله ؟ انا:اا .. عبدالله الـ******** ******************* البارت الثاني عشر طقطق شوي عالاب توب انا:موجود؟ موظف الاستقبال:اي لكان موجود .. حابي تعرفي وينو ؟؟ انا:ايه .. لو سمحت موظف الاستقبال:بالدور رأم 12 غرفي رأم قاطعته:تقدر تعطيني مفتاح سكت شوي:لا ما فيني اعطيك مفتاح سوري سكت شوي:اها .. اوكي كم قلت لي رقم الغرفه اول ما كملت كلامي شفت عبدالله توه داخل الفندق .. كان مطيور على ايش مدري .. وقف ثواني قدام الاصنصير طالع بساعته شوي وراح يرقى مع الدرج ناديته:عبدالله .. عبدالله استنى حسيت عيب علي اناديه .. قلت ابلحقه بس الولد يركض .. مالي الا الاصنصير ابوصل قبله رحت بسرعه للأصنصير وجلست اضرب برجولي عالارض .. افف يالله اكيد ابوصل قبله هو راح يرقى الدرج لحد الدور الـ12 انشالله بس يمديني اوصل قبله .. انا مدري كم رقم الغرفه فتح الاصنصير كان فيه اثنين شباب .. اخذت نفس وركبت .. كنت متوتره نوعا ما من زماااااان ما احتكيت بشباب .. غير ياسر والوضع كان مختلف بعد الاول:عدناان .. وش فيك مطيور .. على ايش حبيبي الدنيا مو طايره ؟؟ الثاني يحاول يقلد وقفتي ويطالع جواله وهو مكشر .. لا وينعّم صوته بعد:لا والله حياتي بس .. كنت خايف ما الاقي مامي هنا ياربي عصبت انا وش جالسين يقولون ذولا .. ودهم يتميلحون ماعرفو .. قربت للأول ابي اضغط على زر 12 بس الملـعـ** يوم شافني مقربه تسند على ازرار الاصنصير الاول:ماما بتروح عني .. لا .. لا .. انا بموت الثاني: علوش .. ابي امي .. ابي ابوي .. ابي خويي لا لا ذس از امباسيبول ويضحكون .. خييير وينا فيه .. شايفيني بزر يعني جالسين يتحكون كذا انا وصلت معي :اول شي لا تحاول تسوي لي برستيج الناس ما تقول ذس از امباسيبول .. يقولوها لا لا مستحيل.. هذا اولا ..... ثااانيا جمعت كل قوات الجراءه فيني وبعدت كتف الحمـ** عن الازارير:بعد عن الازارير لا اتوطى ببطنك الثاني:ول ول ول .. علوش الحين كل هالجمال .. وكل هالدلع .. وكل هالرقه .. يطلع لها هاللسان الاول وهو ماسك كتفه:لا ويدها ثقيله .. تف عليها انا شهقت .. التبـ* تفل بوجهي من جد حط يده فمه وهو يضحك:يؤ طلعت بالغلط .. ههههههههههههههههههههههههه الثاني:ههههههههههههااي والله انك مو صااحي .. عطني كفك .. فصخت الكعب .. لا السالفه مو سهله .. السالفه يبيلها شي وشويااااات .. انا الظاهر انخلقت للهواشات .. ما ولدته امه الي يبي يستقوي علي خلود ومشيناها اوما ذولا والله لا اطلعها من عيونهم وامسك الكعب وطاخ على وجه فجأه انفتح الاصنيصير الاول:ياا كلـ** بعدي عني .. آآآآآي الثاني:هيه انتي ..( ويلتفت على خويه) من جدها ذي ضربتك .... والله انك حيو*** طلعت من الاصنصير وانا شايله كعبي بيدي مشية انتصار:عشااان تعرف مع مين تتكلم .. المره الجايه بعينك يا التافهه سكر الاصنصير عنهم ذولا المتخلفين .. فجأه سمعت صوت عبدالله : لالا هذاني وصلت بس بحط الي بيدي .. اوكي التفت لقيته يفتح باب الغرفه .. ركضت له بسرعه رجل فيها كعب ورجل لا :عبوود التفت وهو مرتبك:ش .. شجن . .. شجن وش تسوين هنا حنيت نفسي عشان البس الكعب:تصور وش صار لي. .. حسيت انهم جرحوا انوثتي بما فيه الكافيه .. اثنين كلاب هنا ضربتهم بالجزمه .. هين عبدالله كان مرره مرتبك وخايف:شجن من قالك انا ويني ..؟؟ انا سكتت شوي وقلت:سألت عنك .. عادي .... وش فيك ؟ عبدالله كان يحاول يخبي شي :طيب شوفي .. وش رايك تنزلين وانا بجيك الحين .. حسيت انو فيه شي ... يمكن عنده وحده جوا ... ايييييييه كل شي جااايز يسويها انا قامت قيامتي:من عندك جوا ..؟ عبدالله:جوا ؟؟وين جوا ..؟؟ ايييه جوا هنا .. اا مافيه احد .. يلا شجن انزلي بلحقك بس شوي ....ااا ...... ببدل ملابسي دفيته على ورا:بدل بغرفة التبديل مو لازم انزل .. كنت ادخله على جوا وانا ابي اناظر .. اي شي يدل ان فيه حرمه هنا اول ما وصلت للباب بعدته ودخلت:بشوف عبدالله بإنفعال:شججججن استنى .. اففف تعااالي دخلت غرفة النوم وفتحت الباب جا وسحب يدي:وييين رايحه بس ببدل وانزل التفت عليه وقلت بقهر واضح:وينها ؟؟ عبدالله على وجهه علامة استفهام :وشهي الي وينها ؟؟ انا:البنت اللي هنا .. وينها .. عبدالله ارتاع:اي بنت ................ هههههههههههههههه وش بنته انتي وش تقولين ؟ سكتت شوي وانا شاكه بالموضوع:يعني انت مو مدخل بنت هنا ؟ عبدالله وللحين يضحك:ههههه مجنونه انتي .. وش هالتفكير انا بإنفعال:اجل وش فيك جاي هنا .. ما دام فلتكم جاهزه على طول بتروح لها ما راح تسكن بفندق ... وليش مرتبك تنحنح وقال:الفله وصخه وانا مخلي عمال ينظفونها .. هههههههههههههههههههههه عليك تفكير انتي سكتت شوي .. انا غبيه فشلت عمري .. اجل قال بنت قال .. عبدالله يدخل بنت .. هههههه له حق يضحك والله .. بس ليش مرتبك .. خخ مدري اكيد عنده سالفه .. لا افشل نفسي زياده واطلع احسن لي انا:احم ... اوكي انا بس كنت ابي امزح معك شوي حسيت اني ابي ارقع منب عارفه وهو بس جالس ويضحك انا بدلع :خلاص عبيد والله هذا الي جا ببالي عبدالله:ههههههههههههههههههههههههههههههههههههه انا:اففف عبود .. اهجد عااااااد حاول يمسك نفسه:ههه طيب .. انا:ياامصلك خلاص بروح مسك ذراعي:ههههههههههههه استني .. انتي انزلي وانا بلحقك الحين اوكي ..؟ انا:ليش؟ عبدالله:وش دراني .. انتي ليش جايه انا:عشان اشوفك عبدالله:خلاص .. انزلي وبجيك .. انا:لآ .. برقاا فوووق .. بجسر المشاهده عبدالله:اي جسر مشاهده يمي ؟؟ احنا بالفيصليه سكتت شوي:اييييييييه يووو .. قصدي ذا ... ياربي شسمها .. ايي البلوره .. يلا سي يو عبدالله:ههههههههه اوكي قبل ما اطلع عطيته نظره سريعه لقيته يطلع شي من جيبه .. فيه بلا هالولد وانا بعرف وش فيه .. مدري ليش احس اني صايره متسلطه ومدري ايش .. دفشه يعني .. افف مو مهم .. رحت فوق وجلست استنى الاخ يجي .. ما جا .. شكله طنشني .. طلبت لي عصير على بال ما يوصل دق جوالي ( توأم روحي يتصل بك ) زين منه دق السخيف:عبيد وينك ؟ عبدالله:شجن ...... ماقدر ارقى انزلي انتي انا:ليش عبدالله:انتي انزلي .. يلا انا تحت وسكر السماعه .. وش عنده ذا .. اليوووم صااير غرييب بشكل ..؟؟؟ وصدق نزلت ما رجعت اكلمه اكيد عنده شي نزلت لقيته ينتظرني:وش فيك انت ؟ مسك يدي بسرعه وهو يناظر حوله:أمشي بسرعه انا:آآي يدي .. شفيك عبود سحبني لبره:اسكتي شوي .. سكري فمك خمس دقايق بس .. الحين بقولك وش السالفه اركبي كان فيه همر اسود ركبه انا:من سيارته ذي؟؟ عبدالله تأفف:اركبي يختي ركبت وفصخت اللثمه وجلست اطالع حولي .. ياااي شكل راعي السياره رومنسي .. كل شي احمر فأحمر .. فله عبدالله روق على الاخر مع انه قبل شوي مره مرتبك ومدري وش فيه:هااه وش تبين تسمعين ؟ انا على وجهي علامة استفهام شغل شريط لراشد ... كانت اغنية سلامات .. وهو مرره يحب راشد قام يغني معه ونسى الدنيا ونسا اني جمبه ولا ادري وين الله حاطني جلست انغزه بطرف اصعبي مع كتفه بشويش .. وكل ما مافيني شي ... والسياره سيارتي فتحت عيوني:سيارتك ..؟!!!؟!؟!؟ هههههههههههههههههههههههههههههههههههههههههههههههههه كنت اضحك عليه بالله هاذي سيارته .. اوووما هو استغرب:وش فيك؟ انا:هههه سيا ... ههههههههههههههه سيارتك هاذي .. .احلف عبدالله رفع حواجبه:والله العظيم ..! وانا كملت ضحك عليه عبدالله:شجن وش فيييك ؟؟ والله سيارتي وش الي يضحك انا:ههه انت رومنسي ... وش هالزين وامسك القلب الي على تعليقة المرايه : وش هالحركات .. واناظر دبدوب قدامي:هههههههههههههههههههههههه انت عندك دباديب .. ههههههههه عبدالله: هههههههه الحين عرفت ليش تضحكين ... انا:هههههههههههههههههههههههههه عبدالله:هه لا .. السياره لي بس معطيها واحد من الشباب نغزته بكوعي وانا اغمز له:عرفني عليه .. هههههه عبدالله:هههههه اهجدي بس انا سكتت شوي وقلت: عبود .. اسمع انا ما جيت الا عشان طلب صغنون عبدالله:هلا انا:اممم .. ذيك اليوم كنت رايحه للمنشئآت الرياضيه بالسفارات .. وقلت له كل القصه من اولها لين اخرها عبدالله :طبيعي يا حلوه ولا بنت آل سـ*** وتبين ابوك يشتكي عليها .. شوفي لو انها من صغاار العايله الي منتفين منا ومنا ... يعني تلقين ابوهم من العايله وامهم اجنبيه .. كان ...... بس البنت شكلها اصليه منهم رفعت حاجب:وبابا ايش دراه عنها ؟ عبدالله:ليش ما تعرفين عمي ... لالا عنده علاقات كثيره وبعدين هاذي ما يبيلها احد يعرف .. ثلاثة ارباع الشعب يعرفوون هل هذا صدق من العايله ولا داخل عرض انا:اففف .. تتوقع بابا بيسكت؟ عبدالله:مو تقولين خالتي بتروح لهم .. خلاص انا:اووما تروح لهم لو ايش .. انا برد حقي بنفسي .. عبدالله:ههههههه انا:لا تضحك .......... امم اسمع عبدالله:لبيييه انا:مو انت فلتك بالمعذر .. يمكن القى بيتها هناك .. كله هناك امراااء وكذاااا رفع حاجب:يا شيخه ..! وش الصدفه الغريبه العجيبه الي بتجمعك معها هنااك انا:مدري رن جوالي ..... تسذا يتصل بك رديت:اهلييين سيف:هلا والله .. كيفك ؟ انا:تمام .. وانت ؟؟ عبدالله التفت .. سيف:والله انا ما علي .. كويس .. آآ شوفي بسألك عن شي انا:آمر سيف:بدر داق عليك ؟؟ انا:لا والله .. يعني تبي تقنعني انك ما تدري انه دق .. كيف بيدق لحاله وهو عمره ثلاث سنين ... هاهاها سيف ابتسم:يعني دق ؟ انا طيرت عيوني:اييه انت دقيت له قصدك سيف:ههههه لا ما دقيت .. خلاص اسف ازعجتك انا اقلده:ولا ازعاج ولا حاجه .. حياك بأي وقت .... يا نصااب ضحك وسكر .. اكيد مشغول **************** |
البارت الثالث عشر عبدالله:من هذااا ..؟؟!؟ التفت وانا رافعه حاجب:وشو ؟ عبدالله:الي تكلمينه انا سكتت شوي وقلت:دكتور بابا ... الي كان ماسك حالته عبدالله رفع حاجبه:مشالله ... وتسولفين معه عقدت حواجبي:عبود شي طبيعي اول مره تعصب .. عادي انا دايم احب اصادق الناس ... وقلت بثقه:اتوقع هالشي انت عارفه عني هز راسه وما تكلم .. وعم الهدوء .. قلت بعصبيه:خلاص رجعني بيتنا التفت:ليش؟ انا:مالك شغل عبدالله قال بنرفزه:مو مفروض انك انتي الي تزعلين انا:وانت وش لك شغل فيني... تدري انك تغيرت كثير .. لا تخليني اكرهك خلاص وتجمعت دموعي بعيوني .. من جد يقهر .. وش اللي صار له اول ما كان كذا .. اول كان يشوفني امشي بدون عبايه بدون شي انشالله مفصخه ما قد قال لي شي والحين لاني كلمت واحد .. ومو اي واحد هذا يصير دكتور بابا ..يروح يعترض .. انا بديت اطالع الطريق ولفيت وجهي عنه .. وكان طريق بيتنا .. زين احسن له انه بيرجعني قبل لا اسوي له مناحه هنا وصياح افففف بالدنيا ذي كلها ما عندي احد يوسع صدري .. خلااااص قرف .. عيشه تبط الكبد فجأه وقفت السياره .. التفت بسرعه واطالعه :يعني انزل هنا عادي .. وافتح الباب:احسن بروح برجلي مسك يدي بقوه:شجن التفت عليه وناظرته .. لا .. لا تناظرني كذا يا عبدالله .. الا هالنظرات .. نظراتك الغريبه الي عجزت اني افسرها .. وملامح وجهك الي دايم تتغير بهالطريقه عجزت افهمها .. لقيت اني رجعت جلست وسكرت الباب قلت بكل هدوء وانا اطالعه:نعم .. وش تبغى ؟ قال بهدوء اكثر مني وبشويه حنيه كأنه يكلم طفل صغير:يعني زعلانه لاني سألتك من كنتي تكلمين ؟؟ قلت بقهر ودموعي رجعت تنزل: لهجتك وانت تقولها .. مدري قهرتني مد يده ومسح دمعتي:طيب ماله داعي تبكين وخرت يده:بعد عني .. انت سخيييف ولفيت وجهي للجهه الثانيه:بتوصلني ولا انزل حسيت انه يضحك .. لا من جد سخيف .. التفت عليه بإنفعال:وش الي يضحك ...؟؟ عبدالله بإبتساامه كبيره:ما تذكرين لمن قلت لك انك تطلعين خطيره وانتي معصبه ابتسمت غصبن عني وضربته ضربه خفيفه على كتفه: يا كثرك عبدالله:آآآآي يختي بشوش انا:يؤ .. آآآآسفه ما دريت مسك كتفه وهو معبط بوجهه وعاقد حواجبه :احححح يدك ثقيله .... تنهد وبعد يده:بس حصل خير .. عادي ياربي فديته .. دايم وهو كذاا طيوووووووب مره .. مدري من وين جاب هالطيبه وهالحنيه .. الله يخلينا لبعض عبدالله حرك السياره:لين الحين تبين بيتكم ؟ انا بإصرار:ايه عبدالله:لا على وجهي علامة استفهام:هاه ؟ عبدالله يعيد وبكل ثقه:لا انا:وش الي لا ؟ عبدالله:مافي رجعه على بيتكم انا بإستنكار:وليش انشالله ؟؟ عبدالله:عشااااني بروح اوريك الفله .. ابتسمت:اييه والله فله .. يلا قدام حسيت انه فرح.. قدر ينتصر علي ويخليني استانس .. لكن بس لو اعرف وش الي غيره .. وش الي مخليه بهالعدائيه هاذي .. ااااه بس فجأه تذكرت:لا لا عبود بروح بيتنا عبدالله:ليش ..؟ انا:تذكرت شي .. لازم اطلع اشتري لي ميموري .. ماعرف اعيش كذا .. نص الارقام الي عندي صارت بح عبدالله:مو مشكله نوقف نشتري لك ميموري .. هنا فيه محل جوالات قريب انا رفعت حاجب:عبيد .. انا ما قلت ابروح معك اشتري لي .. انا بطلع مع ام سلطان عبدالله كنه بزر:يعني ام سلطان احسن مني .. عيب كذا انا:هههههههههههه ياكثرك وقف عند المحل:وصلنا .. وسحب جوالي من يدي بسرعه:ثووواني واجيب لك ميموري انا شهقت .. يبو الشباب لا جوالي ابيه .. :عبيييييييد ارجع .. لا تاااخذ الجوال الميموري حقتي مثل حقتك .. لالالا ارجع بس سفهني وراح.. يااربي وش ذا .. بسرعه غطيت وجهي بالطرحه ونزلت ابلحقه جلست اركض بالشارع وبالكعب وبالطرحه الي كل شوي وتطيح وكنت متأكده ....... شكلي نكته بس كلش ولا جوالي مابيه يفتحه انا مصوووره اشياااء ما يصلح يشووفها .. مو شرط لازم تصير الميموري فيه انا مصوره بميموري الجوال .. الميموري الي ما تحفظ الا كم صوره اففف دخلت المحل:عبدالله التفت:وش نزلك ؟ اخذت لي نفس طويل بعد البهذله الي قبل شوي:هاات الجوال .. ليش تاخذه راعي المحل يناظرنا سكتت شوي وقال ببرود وهو يمد الجوال:ما فتحته .. كنت ابي اشوف حجم الميموري حقتك كيف... تفضلي اخذت منه الجوال ... ما فتحه وبس الا كان مطفى .. اصلا من يومه ماهو ملقوف انا مدري ليش انفعلت انا:امم ... سوري بس لانو انا مصوره ام سلطان فيه ابتسم بإستهزاء : مافيه ميموري طيب انا:هاه ..؟؟ لالا اقصد بميموري الجوال .. تقدمت لراعي المحل:هاذي بكم عبدالله:خلاص دفعت له ..يلا ارجعي للسياره ناظرته نظرات حقد ورجعت .. الف مره اقوله لا يدفع عني شي ويروح يدفع ركبت السياره وصكيت الباب بقوه من القهر ثواني جا وركب وعطاني الكيس الي فيه الميموري:ماله داعي تعصبين كانت دموعي متجمعه:ليش طيب انا كم مره قلت لك لا تدفع عني شي عبدالله استغرب:شجن .. ليش صايره حساسه بزياده ؟؟؟ ودمعتك دايم على طرف عينك تنتظر اشاره بس عشان تنزل ؟؟ وش جايك ..؟ انا انفعلت:انت الي وش جايييك .. اصلا محد يحس فيني .. محد يدري وش جالس يصير فيني واولهم انت .. بس تتصرف معي تصرفات غريبه انا مالي ذمب فيها ومو رااضي تقول لي وش المبرر .. ماما حرمتني من اعز شعور بالدنيا وهي تقول لا بتتقبل الوضع .. لا نقدر نلعب عليها البنت غبيه .. وانهرت بكي :حرام عليكم ..والله حرااام عبدالله تعاطف معي وقرب لي وقال بحنيه:شجن لا تضيقين صدرك خلاص انا صرخت:بعّد عني .. برجع بيتنا وفتحت الباب ونزلت وسكرته بقوه ورحت اركب بالمرتبه الي ورا التفت على ورا:شجن والله العظيم ما كنت ادري انك ملاحظه هالشي انا بس متضايق انتي مالك شغل والله انا:خلاااص اسكت ولا كلمه ابرجع بيتنا .. اتركني بحالي نزل وجا للمرتبه الي ورا:شجن لا قاطعته بصرااااااخ:بعّد عني .. وعم السكوت .. هو ظل واقف مكانه عند الباب يطالعني ماهو جوا وماهو بره وما يقطع هالسكون الا صوت شهقاتي يمكن صح عليه .. يمكن انا صايره حساسه .. يمكن دمعتي دايم على طرف عيني بس انا مو قادره اسوي شي ولاني قادره امسك نفسي عن الي القهر الي بقلبي.. احيانا اتفه الاسباب تخليني ابكي واكبر دليل سالفة عمر السواق مره بكيت وانا اناظر بالاخبار اطفال فلسطين ينذبحون مع اني اشوف هالمشهد كثيير لكن ما رق قلبي الا ذيك المره .. ولا اظن انه رق لهم لا كنت ادور سبب يخليني ابكي بس من غير اي مبرر .. كان ودي ان عبدالله يجي .. ويسألني وش فيني ويواسيني لكن لقيته رجع قدام وحرك السياره كنت ما ادري ايش معنى كلمة اخ .. او ايش معنى كلمة صديق .. هو الي علمني اياها .. عمري ما راح انسى الي سواه معي طوول عمري .. وعلى اخرتها هذاني مضيقه صدره مسحت دموعي وبلعت ريقي وتشجعت:عبدالله ........... اسفه عبدالله بعد سكوت طويل :حصل خير انا:لآ تقولها ترا طفشت من كثر ما تقول لها ابيك تعبر عن الي فيك الحين قوول اني حومت كبدك علمني قد ايش انا مقلقتك في حياتك ترا عاادي بس لا تسكت وتدعي انو ما صار شي لاني عارفه انه صاااار ورجعت ابكي .. عبدالله بهمس:انالله .. ( رفع صوته ) ماني زعلان والله العظيم انا عارف انك متضايقه شوي .. خلي اعصابك تهدى .. ابتسمت:ممكن توقف السياره .. عبدالله:ليـ قاطعته بفتحت الباب هو ارتااع ووقف بسرعه:وش فيك انتي مجنونه تفتحين الباب والسياره تمشي .. والتفت وصرخ علي:لو انك طايحه وصاير لك شي نزلت وسفهته وركبت قدام:مو صاير الا الخير ناظرني بعلامة استفهام وقال:انتي مزاجيه على فكره قربت له وعطيته بوسه زي بوسات البزارين:امواااااااااااااح والله انك تهبل .. شكرا سكت فتره وهو يناظر وفاتح فمه انا:وش فيك ؟؟ عبدالله :......... ااحم ............ بس ........ كنتي تبكين قبل شوي وو .... و .. قاطعته:مو تقول مزاجيه .. يلا خلنا نروح على فلتكم بس حسيت بسعاده .. قدرت اضغط على اعصاابي وافرحه شويه .. ما يستاهل النكد والله هو لحد الحين علامات الاستغراب على وجهه مرتسمه .. وانا ابي اخلي الجو يرجع حيوي بأي طريقه .. وشغلت شريط راشد وعليت الصوت على اعلى شي عبدالله التفت:وش فيك .؟؟؟ لا يكون دخل فيك جني ؟؟ انا:هههههههههههههه لا .. وفتحت الكيس وطلعت الميموري .. وركبتها .. وصرت اصور:ياااي صار فيه ميموري ابتسم عبدالله:مبروك انا التفت اصوره:الله يبارك فيك صغّر عيونه وعقد حواجبه:الفلاش يعور عيوني رجعت اصوره:سم الله على عيونك هههههههه .. شلت الفلاش ورجع الوضع طبيعي سوالف وفله لحد ما وصلنا عبدالله:وهذانا يا طويلة العمر وصلنا نزلت بسرعه:يلا يلا ندخل عبدالله ارتاع:وش ندخل .. لالا وصخه وكلها غباار انا رحت لبابه وفتحته وسحب يده:لالا خلنا نشوووف نزل وهو يضحك :هه طيب طيب ثواني ا ... يختي أص .... ههه شجن اصبري اطفي السياره انا بعد ما وصلنا لعتبة الباب:وتوك تقول يوم خليتني اسحبك نص كيلو عبدالله:هههههههههههههههه .. اركدي بروح اطفي السياره طفاها ورجع يفتح الباب.. وانا ماسكه بلوزته مع وراه يدي اليمين على طرف بلوزته من جهة اليمين واليساره نفس الشي وجالسه اغني: انا القطار السريع طوط طووط يمشي ولا يستريح طوط طووووط هههههههههههه عبدالله وهو يضحك:سبحااان مغير الاحوال .... ( فجأه قام يكح ) شجن هنا كتمه وغبار انا:اييه ( واكح ) مرره .. كم لكم ما جيتوها عبدالله:اخر مره دخلتها السنه الي راحت كنت عازم اخوياي جلست اطالع .. فيها اثاث وفيها كل شي بس اللون الابيض يطغى كل شي .. لا لمسات بنيه خفيفه فوق الاغطيه البيضا الي على الكنب كان الغبار بكل مكان .. حتى بالارض .. وانا جالسه اطالع حسيت بشي ناعم عند رجلي انا:الللله .. في شي يجنن عند رجلي .. فجأه بديت استوعب .. اكيد كائن حي يسمونه حيوان .. لااااااااااااااا انا خووفي الحيواااناات اكرهها مجرد التفكير بالموضوع خلاني انقز بحضن عبدالله وانا اصارخ:بعده عننننني .. بعععععععععععععده وعبدالله مرتاع:وش فييك انتي ؟؟؟ وانا متعلقه فيه وخلاص بصيييح:عببببببببببببببدالله يعععععععععععع فااار ...! |
^^ هلآآ حبيبتي .. الرواإأإيه ابدآآآآآآآآآآآع .. حبيتها الروايه وحسيت اني عايشه مع القصه .. حبيييت شجن وعبدالله >> يآ رب ايكووونوو لبعض .. شخصية شجن حلوه ،، حلوه لانها تهتم لربها وما تنساه ،، بس ما انكر بعض الاحياان تقهرني ،، وتقهرني لكرهها لامها [ خالتها ] بعض الاحياان .. عبدالله حبيييييب قلبي هالانساان روعه بكل معنى الكلمة .. كلمة روعه شويه علييييه .. شخصيته حلوه طيوووب على نياته غامض وعلى كلمة غامض حطي تحتها خط .. احس احيانا يسوي اشياء لين الحين ما فهمتهاآ .. اما الشخصياات الثانيه ما احب اعلق عليها حاليا .. تسلمييييين حبيبة البي على هييك رواية .. تحياإتي : صحووووبه |
آنتظر التكمله
|
قصه جميلة
ارجوا عدم التاخير في تكملة القصة انتظرك بفارغ الصبر |
يسلمو حبيبتي الروايه روووووووووووعه وننتظر التكمله وانا حاسه انها تحب عبد الله بس هي ما تدري:flowers2
:rdd12zp1: |
البارت الرابع عشر عبدالله:هاه ..؟؟ انا حسيت انه ما راح يقدر يحميني ركضت لبعيد وانا اصرخ بقرف:عبدالله يعععع لمسسسني اقتله .. عبدالله بإرتباك:وييينه طيب .. ماشووف شي ؟؟ التفت وانا اطالع:ممممممممدري بس شفته عيونه عيون بيبي فجأه هدى الوضع وعبدالله يناظرني بإستنكار واااااااضح :عيونه عيون ايش ..؟ انا انفعلت:عببببببداللله هذااا هوو رجع على ورا:بسم الله كبييير انا:شفت عيونه عيون بيبي .. شوووووف عيونه كبير وشعره كثير ( قلت بقرف ) يععععععععععععع ورقيت الدرج شوي: سوو شي ياخي تلفت حوله:وووش .. وش اسوي يعني انا صرخت:الابجوره .. اضربه بالابجووره عبدالله يدورها بإرتبااك:طيب وش رايك نطلع وخلاص انا:يا الخوااااااف شوفه يتحرك بسرعه مسك الابجوره ورماها على الفار وانحااش التفت علي وهو يناظرني وانا بعيده عنه كثييييييييييير لا وفوق كذا واقفه بنص الدرج من الخوف:انا الخواف هاه .. ؟ انا تمسكت بدرابزين الدرج:انا ماني متحركه الا لما تقتله .. عبدالله:شجن غبار خلينا نطلع .. الظاهر فيه كثير منهم هنا انا رجعت درجه على فوق :من جدك؟؟ عبدالله يجي عندي وهو يضحك:امشي بس انا:لالا .. مدري اخاف مد يده:يا بنت الحلال ما راح يصير لك شي انتي بس توكلي وامشي انا:لا والله اخاااف عبدالله ولحد الحين ماد يده :خلاص نطلع .. يلا مسكت يده بخوف وانا اطالع حولي:لو جاني شي يا ويلك ضحك ومشا معي لحد برى انا خذت نفس طويل:بالله وش ذا بتسكن هنا .. ( قلت برجاء) عبود بليييييز ارجع عندنا تنهد:شجن انسي .. ايييه ما قلتي لي وش صار مع ليلى ؟ انا:اي ليلى؟ عبدالله:ليلى صديقتك ؟ انا:وش فيها ؟؟ عبدالله:مو تقولين كلمتيها انا:ايه وبعدين سكت شوي وقال:طيب وش رايك نروح ستااار بوكس بخاطري حسيت انه وده يغير الموضوع .. خلاص بحترم قراره وبسكت :يلا ركبنا السياره والصمت سيد الموقف عبدالله:ايه شو اخر اخبارك ؟ انا:ماشي الحال ... وانت ؟ عبدالله:بخير غمزت له :وش اخبار رييما عبدالله : ...؟ اي ريما ..!؟! انا كنت اتكلم بطريقة امدد فيها كل كلمه اقولها يعني اني المح له :هممممم .. علينااااااااا .. ( قلت وانا أاشر بإبهامي على ورا ) نسيتها الي ... ذيييييك اليوم عبدالله باين عليه كاتم الابتسامه ومسوي نفسه مستغرب:وشو ..!؟ انا ضحكت:هههههههههههه شفت يعني معترف عبدالله:هههههههههههههه وشفيك ..؟ انا:ريييما الي اخت صديقك .. يا النصاااب مو انت تقول ابخطبهااا عبدالله: اخطب .. ؟ يؤ يؤ انتي شايفتني كبير لهادرجه وجلس يطالع لحيته الخفيفه مره بالمرايه:طلع لي شيب وانا مدري ...؟ انا:لا والله .. اذكرك انك انت الي قاايل عبدالله:هههههههههههههه خير .. لا انا ما اتذكر انا:الاااا ..يوم تقووول انك شفتها بالغلط وجلست توصفها لي قلت يعه شكلها قمت قلت الا حلوه وتجنن ولو حصل لي اخطبها خطبتها .. صح ولا لا .. ؟ عبدالله:ههههههههههههههههههههههههههههه انا اكمل بحماس:شفففففففت .. ومو قلت لي انك سارق رقمها من جوال اخوها .. ولا جالس تفقش علي انت وخشتك بلع ريقه وهو يضحك:وانتي ما ينمزح معك كنت ابي اشوف وش بتسوين انا:هههههههه يا كثرك لا تصرف عبدالله كان يتكلم بجديه مع انه يضحك شوي:لا جد ماخذته انا:ايه عالعموم لا تصرف تراني كاشفتك عبيدون .. لا تقول انك ما دقيت وانها ما خقت عليك وما صرتو تسولفون .. ولا انا من يوم شفت هالخرابيط وحرف الـ " R " على القلب الي هنا .. قلت الولد حبها .. اعترف اعترف عبدالله:ههههههههههههه صديقي اسمه راكان وحبيبته معطيته القلب شفيك انتي .. وبعدين انتي من سمح لك تحطين كل هالتوقعات براسك..؟ انا:..ههه انا اجل الي اطلع .. اصلا ليش وش المصلحه انك تلعب علي عبدالله : يختي بس كذا غبااء عباطه انا خلاص بطني عورني ضحك :ههههه باين بعيونك عبدالله :هه وش الي باين .. ( وقرب وجهه لي ) طالعي كويس فيها شي ؟ علميني يمكن ما شفت سكتت شوي وانا اطالع عيونه واصغر عيوني شوي واكبرها بطريقه استهباليه وارفع حواجبي وانزلها وارفع حاجبي الايمن بعدها حاجبي الايسر .. قلت بعد فتره : تصدق توني ادري ان عيونك بنيه رجع يناظر الطريق وهو يضحك:ما عندك ما عند جدتي قالت شافته بعيوني قالت هههههههههههههه انا ضحكت معه:ياربي اليوم ضحكت لين قلت امين عبدالله:طبعا .. ما دامك معي يعني تنهدت والابتسامه على وجهي:قل امين عبدالله:اميييين انا:الله لا يحرمني منك .. ما تتصور قد ايش اغليك .. صدقني التفت علي وطالعي بنظراته الغريبه .. حاولت ابعد عيوني عنه ... اي مكان بس ما اطالع بعيونه .. من يومني بثالث متوسط وانا اشوف هالنظرات بعيونه .. تحسسني بشي غريب كل مره ما استرجي اناظر فيهم .. مدري ليه .. بعد فتره:احم .. يلا وصلنا طالعت الساعه بالجوال:يوو الساعه تسع .. الوقت يمر بسرعه تصدق .. حطيت يدي على فمي:يوو ما صليت العصر ..... والمغرب عبدالله رفع حاجب:ولا انا .... انا نزلت:خلاص نصلي اذا رجعنا انزل انزل جلس فتره بالسياره ساكت .. بعدين طفاها ونزلنا .. ستاار بوكس التحليه .. ونظرات شباب وهمس ماله داعي .. كل هذا حرك فيني شي .. انا مابيهم يطالعون فيني .. يمكن اول كان هالشي يعجبني بس الحين احس انو مالهم اي حق يطالعون فيني .. وجهي حقي لحالي محد له شغل فيني .. رفعت الطرحه على وجهي ومسكت يد عبدالله وقلت وانا اتنهد:كذا احسن ما حسيته فهم وش انا جالسه اسوي بس ضل ساكت لحد ما دخلنا وجلست جلست وانا اتأفف واشيل الطرحه عن وجهي:اففف ياخي السعودييين مافيهم خير .. احس اكثرهم زي .... زي الذبان لما يشوف تمره ياربي يتجمع عليها عبدالله ضحك:فيه احد مضايقك .. تبين اروح ادبجه الحين ..؟ انا:مشالله اليوم يوم الهواشات العالمي تذكرت خلود وضاق صدري وقلت:عبدالله ..... تتوقع تسوي شي .. هي هددتني عبدالله:مين ؟ انا:خلود عبدالله:لا مـ قاطعه الويتر:Good evening Can I help you? مدري ليش ما احب الرسميه في اي شي .. انا احب الويترز الي بمطعم فيدريكلز .. احسهم يمونون .. اما الي كذا لا .. قال ايش قال مساء الخير ... واكثر شي يضحك ( اقدر اساعدك ) مدري احسها جمله مبتذله عبدالله:Yes, please .. Ammmmmm want Kapethino and .. جلس يطالعني يعني وش تبين انا :Huh? Yes, I also hope Kabisteino الويتر:Anything else? ? عبدالله:No thinks انا:احسهم متكبرين ياخي .. قال ايش قال تبي شي ثاني .. يعني لو نبي شي ثاني قلنا له عبدالله:هههههههه لازم كذا .. اجل كيف تبين .. انا تأففت:مابلعتهم عبدالله:ما خبرتك تحبين الكابيتشينو انا:هاه ... لا قلت اطلب زيك .. ابجربه فجأه مر على ذاكرتي ذاك الموقف الشييين .. يوم كنت توني بسادس ابتدائي .. ورغوة الكابيتشينو ماليه كاس ماما الكرتوني .. وفضولي خلاني اجيب الملعقه واشيل نص الرغوه وآكلها .. اتذكر طعمها كويس ذاك اليوم حامت فيني كبدي واستفرغت كل الي ببطني .. ومن ذاك اليوم اكرهه رجع لي نفس الشعور:عبود .. ( مسكت فمي ) انا رايحه الحمام عبدالله وقف:وش فيك .. انا أاشر له بيدي الثانيه يجلس:ماله داعي ثواني بس رحت للحمامات بسرعه ووصلت للمغسله .. وقفت عندها وانا اتنفس بسرعه كنت مستعده اني اطلع الي ببطني الحين واللوعه واصله لحلقي .. بس ما طلع شي .. كنت منقرفه .. اخذت نفس عميق وعدلت طرحتي وطلعت .. وعلامات الاشمئزاز على وجهي .. فجأه صدمت بشي رفعت راسي:انتبه يا سيف ..؟؟ سيف عقد حواجبه:شجن .. انا:هاه ... ايه هلا سيف .. كيفك .. ؟ سيف:بخير وانتي ..؟ انا:تمام .. مشالله صدفه حلوه .. سيف ابتسم من على جمب:انتي اللي غريبه جايه وابوك تعبان ناظرته:يا شيخ .. يعني اجلس عنده زي البيبي ستر .. هههههههه لا مافيه الا العافيه سيف:اجل وش فيها حايمه كبدك .. شكلك مو على بعضك قلت بقرف:اكره الكابيشتينو ضحك سيف:احسن لك .. ماهو مفيد ابدن .. هزيت راسي:ايه .. تعال ابسألك... بالله بدر الي داق .. ؟ سيف:ههههه والله العظيم .. انا طالعت الجوال لقيت موجود اتصال لك .. قلت بالله من متصل عليك .. انا بعد استغربت انا:ههه فديته نفسي اشووفه يومن من الايام ..صوره لي اوكي سيف:انشالله انا:يلا عن اذنك فرصه سعيده .. سيف:كنت اسعد .. وصلت لمكاني انا وعبدالله واشرت له بيدي بي باي وفتحت الستاره ودخلت :اااااه ياربي عبدالله:كذا احسن ..؟ مسكت بطني:عبود كنسل الطلب .. حتى طلبتك .. ياخي من اتذكر ذاك ال قاطعني:خلاص خلاص .. تقولينه وترجع تحوم كبدك .. بقوم اكنسله .. ثواني بس .. وش تبين بداله انا :.... امم.. ميلك شيك عبدالله:اوكي فتره من طلع عبدالله كنت فيها ماسكه راسي افف يا ربي احساس مقزز .. فجأه انفتحت الستاره انا ارتعت:عبود .. ؟ طلع لي وجه صغير ملائكي .. طفل اسمراني على خشمه مشخ صغير .. وعلى خده جرح ملتأم باقي له اثر .. شعره كثيف ومحيوس بشكل جذاب وخصلاته على وجهه .. وابتسامته ما حلاها غير الشباك الي بوسط فمه .. اسنانه الاماميه طايحه .. وطوله الصغير والجينز البرمودا مخلي شكله يااخذ العقل .. لكن اكثر شي جذبني فيه الورده الي كان ماسكها بيده رمشت بعيوني بسرعه: نعم يا ماما .. انت مضيع .. ؟ ..:لا بث .. عمو سيوفي يبي يعتيك الولده ضحكت على شكله وهو ينطق ( ولده ) يبي يقول ورده ما عرف .. سكتت ثواني استوعب .. هذا بدر من جد ...! انهبلت عليه:انت بدوووري...!؟! عقد حواجبه : ايه ما تعلفيييني .. ( مد الورده بكل عفويه ) خدي بلوح عند ماما مسكت الورده وانا قلبي منقطع عليه يهببببببل : تعطيني الورده وترووح .. تعااااال اعطيك بوسه طيب تراجع بقرف:فيك لوووج انا:هههه تخاف من الروج .. خلاص تعال اعطيك بوسه صغيره بس |
البارت الخامس عشر قرب مني بخوف .. مسكته وعطيته بوسه صغيره وكان ودي اعضه بعد بس خفت يقلب علينا المحل مناحه جا عبدالله:خلاص طلبت جلس وهو مستغرب:من هذا.. انا:هذا واحد يجنن .. صح بدوري بدر ببراءه:انتي سجن .. ؟ انا بإندمااج من صوته اللي يعذب يا ناسوو : ايييه انا شجن يا بعد عيووووووون شجن انت .. مد شفايفه الصغنونه وهو مغمض عيونه وطبع بوسه بريئه على خدي: عمو سيوفي يقول لو سفت سجن اتها بوسه عبدالله:وش السالفه الحين ..؟ انا طالعت عبدالله .. وبعدين ناظرت بدر:بدوري سلم على عمو عبدالله مد ايده الصغيره من غير خوف او اي شي ثاني:اهلين عمو عبدالله ابتسم له عبدالله ومد ايده الي بانت كبيره قدام يد بدر:اهليين .. وشلونك .. بدر:طيب .. مسح عبدالله على راسه:كم عمرك يا بابا ...؟ فتح اصابعه واحد واحد :سلاثه .. وأشر على اسنانه وهو فاتح فمه مرررره ويتكلم من غير ما يحركهم:سفت اناني آآحت عبدالله:وش يقول ..؟ انا:هههه .. يقول شفت اسناني طاحت ... تعال ورني يا الدوب جاني وهو لحد الحين فاتح فمه:سوووفي ضحك:خلاص الحين تطلع لك اسنان جديده مسكت شطنتي وطلعت اقرب ورقه قدامي:خذ هذي هديه الاسنان الجديده مسك الخمسين بيده:مابي ريال وردي .. ابي الريال الازرق ضحك عبدالله:هههههههههه تعال اعطيك ريال ازرق .. تستاهل يا بطل راح له بدر بسرعه طلع من جيبه عشرين ريال:يالله خذ .. بس اول قول لي بكيت لمن الدكتور شال اسنانك ولا لا .. بدر ياخذ العشرين:اصلا عمو سيوفي هو ثاال اسناني .. عولني سوي بس ما صيحيييت انا:ههههه ما صيحيت .. عشانك بطل ركض بدر لبره:بلوح اوري ماما ريالي الازرق جلست اطالعه يروح وانا متأثره:ياناسو عليه عبدالله:مين الامور .. ؟ انا:امم هذا يصير ولد اخو سيف عبدالله:ومين سيف ؟؟ انا:دكتور بابا .. عبدالله بان انه تضايق:اها .. حاولت اغير الموضوع:ايوا وش طلبت لي .. بعد السواليف وكل شي خلصنا وقمنا رجعنا للسياره انا:ااه جاني النوم .. شكرن عبودي عالطلعه الحلوه عبدلله:عيونك الحلوه.. صوت نغمة المسج .. رفعت جوالي وفتحته ( شكرا عالسبعين .. بترجع لك ترا ..)) ضحكت ورجعت الجوال للشنطه .. يا حليله سيف .. مرره يشبهون بعض هو وبدر .. والولد مره خقيت عليه يهبل الله يحفظه ارسلت له (( طيب رجعها بس ارسل لي صووووورته )) ثواني جتني رسالة وسائط صورة بدوري مع سيف .. ابن اللذين وش ابي فيه راسل لي صورته .. خخخخ شغل عبدالله شريط قصايد لحامد زيد كشرت لمن سمعت صوته :ما عندك .... امم .. هذا مدري شسمه .... هو شي بعدين علوش عبدالله:لا .. انا احب حامد .. انا:طيب ليش قصايد .. شغل اغنيه ولا اي شي ثاني عبدالله رفع عالصوت :اسمعي هالقصيده حلوه .. انا قلت بدون نفس مدري ليش ما يعجبني حامد احسه متكبر:اوكي عيدها .. عبدالله:اذا ما ودك عندي سيدي هنا .. ثواني طفا شريط حامد وجلس يدور انا:طيب انتبه للطريق عبدالله يرفع عيونه:اوكي هاذي اشاره ورجع يدور .. طلع سيدي ماله اسم عليه ابيض وشغله انا:ايش هذا عبدالله يضغط بالازارير:هذا فيه اشعاار متنوعه يعني ... حقت صديقي راكان .. يحب الشعر وتوقعت اني الاقي عنده اشياء حلوه انا:اها .. يلا .. قصر الصوت حبتين بس مرت قصيده .. وقصيدتين .. وعبدالله يتمشى مو راضي يمشي على طريق بيتنا وانا ساكته واسمع .. مرت قصيدتين حلوه .. شكل راكان هذا عنده ذوق فجأه لمن انتهت القصيده الثانيه جت بعدها قصيده ما بلعتها .. كان صوت رجال ثلاثيني اربعني تقريبا من بعد ما كنت اسمع قصيده لواحد بالعشرين .. وصوت الي يقول القصيده ما يأهل انا:عبدالله قدم هاذي شكلها بايخه عبدالله:كلنا عشاق ..؟ لا تراها حلوه اسمعيها تسندت بهدوء:اوك .. عيدها طيب راح نصها بدى الشاعر يتكلم .. .. كلنا عشان لكن كل واحد له حكايه .. ..ولما تجمعنا الاماكن تاخذك مني المرايه .. .. اوعد عيوني بشمسك وتوعدي نفسك بنفسك .. .. ما ملك عقلك وحسك لا انا ولا سوايا .. ورجع يعيد نفس المقطع .. من كلمه اوعد عيوني لحد لا انا ولا سوايا .. عبدالله التفت علي يوم عادها لكن اول ما انتبهت له رجع عيونه للطريق .. اعطي ظهرك للمرايه .. وشوفي غيرك .. .. اظهري من ليل كحلك .. ومن اساورك وحريرك .. .. افتحي الشباك مره وشوفي الناس والشوارع .. ..وش كثر هالغربه مره .. .. للي وسط الزحمه ضايع .. بعدين عاد مقطع اوعد عيوني بشمسك .. كلنا عشاق لكن .. كلنا نحبك نحبك .. .. وانتي جرحك فيا ساكن .. .. وانا همي .. برا قلبك .. .. امشي لو نصف المسافه ووقفي بينك وبيني .. .. وش تبي بهاذي المرايه انتي اجمل .. وسط عيني .. ويعيد المقطع اللي بالاول وتنتهي القصيده .. مديت يدي وطفيتها .. وعم الهدوء .. وقفت السياره عند بيتنا:تصبحين على خير .. مسكت يده وجلست احرك اصابعي وسطهم:طلبتك ... عبدالله بصوت واطي:لا تقولين تعال ناظرته برجاء: بس اليوم .. عبدالله:ما اقدر .. انا:ما وراك شي .. ؟ عبدالله سكت شوي ونزل راسه بقلة حيله ... : شجن ... هز راسه يبي يبرر: صدقيني ما ينفع انا:ليش .. ؟ ضغط على ايدي بخفيف:بعدين .. سحبت يدي بشويش من يده:اوكي .. تصبح على خير ونزلت عبدالله:وانتي من اهله .. اول ما دخلت البيت لقيت ماما بالصاله وشكلها تستنناني .. يا لييييييل مالي خلقها ابد اخلاقي قاافله ماما:مشالله .. وين كنتي ؟؟ حطيت شنطتي وقلت وانا اتنهد:ماما ... الساعه تسع ترا ماما:ايه بس انتي طالعه من الظهر .. ما تقولين لي وين كنتي كل هالوقت ؟؟ طنشتها ورجعت سحبت شنطتي ورقيت عالدرج قامت وقالت بإنفعال:شجون تناظريني لما احاكيك التفت بكل برود:ماما .. راسي يعورني .. بكرا نتفاهم .. ماما:ايه هذا انتي .. مشكلتي اني ما عرفت اربيك ..كل شي على كيفك ..... وخري بس ورقت فوق ووهي معصصصصبه بس انا وش علي .. ناقصه وجع راس .. احس جسمي مخدر .. رحت ويا دوب فصخت عباتي وانسدحت .. جلست اناظر السقف ثواني وانا افكر .. كيفه حمد ..؟ والعنود وش صار عليهم ... ليش تكرهني فجأه حسيت اني ماني مهتمه لهم لذيك الدرجه .. يمكن حماسي برد لمن شفتهم .. حسيت ان حمد انسان عادي مو مثل ما انا متخيليته طبعا لانو اخته الي كانت صديقتي كيف تكرهني كذا الحين .. وهي كانت صديقتي بعد ... اجل شلون هوو اففف بس كيفهم .. توني بقوم اغير ملابسي الا رن جوالي رديت:هلالالالا عبود .. مشالله اشتقت لي بسرعه عبدالله:ههه... كنت ابقول لك ترا نسيتي .....اا وش يسمونه ...... مدري محدد انا:ايش ..؟ وش محدده ؟ عبدالله:مدري قلم هو ...... شي حق مكياج انا:اهاااااااااااا كحل ... ( عقدت حواجبي ) انا ناسيه كحل عندك ...؟ عبدالله:مدري والله .. ؟ انا:خلاص اجل خله عندك بعدين اخذه ... عبوودي عبدالله:عيونه انا:عندك شي .. اغاني قصايد اي شي .. جوالي فاااااضي وماني عارفه كيف انزل فيه .. لانو كمبيوتر بابا مافيه بلوتوث والاب توب رايح في خبر كان ضحك علي:ايه عندي بس انتي وش تبين ؟ انا:اممممم تذكر حقت حامد زيد اللي قلت لي اسمعيها وانا ما كان ودي ... خلاص ارسلها عبدالله:لا احسها بايخه ماله داعي انا:الا ابيها ... وابي اغاني لحسين الجسمي عندك .. عبدالله:اكيييد عندي .. اعرفك تحبينه عقدت حواجبي .. انا نفسي توني ادري انه احبه .. يعني توني الاحظ .. هو وش دراه :اها طيب ... وعندك ايفرل ؟؟ عبدالله:اجنبي ما عندي ... الا الظاهر عندي لها اغنيه مدري بشوف انا:اوووكي .. يلا باي .. ارررسل عبدالله:ههه اوكي ... انتبهي على عمرك .. بعد ما ارسل فتحت اول اغنيه لحسين الجسمي بلغ حبيبك .. ااه يا زينها احبهااا .. جلست اغني معها ودخلت ماما ماما:شجون انا اطالع فيها واغني:لازم انا اهواك ولازم انتا تهواني ضحكت علي ماما : تعالي ابيك قمت وفتحت لها يديني يعني ابي احظنها وانا لين الحين اغني معه:يا ليت قلبك عرفني من صغر سنه والله لاحبك واضمك بين احظاني ابتسمت ماما وحظنتني:طفيها انتي تعرفين اني ماسمع اغاني طفيتها وانا لحد الحين حاظنتها:ماما احبك .. لا تزعلين علي ماما:انا كنت راقيه ابي اكلمك بموضوع .. وبالنسبه لقبل شوي انا نسيت عادي انا:اييه يا زينك وانتي كذا ... والله ان هالموووضوع توحفه ما دام انه بيخليك فرحاانه ماما جلست:هه تعالي وجلسنا انا وياها على السرير انا:يلا قري اعترفي وش عندك ماما:ههه اسمعي .. انا:كلي اذان صاغيه ماما:لا تقاطعيني عاد انا:هههههههه ماما:اسمعي .. انتي كبرتي .. وكثييير يطلبون ايدك وانا ارفض من غير ما اشاورك .. وصحيح انهم عيال ناس وما عليهم زود بس .. انا كنت خايفه انك تختارين واحد منهم يطين عيشتك .. هذا مجرد احتمال بعد .. يمكن 11 خطبوك صدقيني .. وكثير يلمحون بس انا ما اوافق .. وانا عارفه انه ما يحق لي اسوي كذا .. سكت .. ما احس اني افكر بموضوع الزواج وكذا كثير ... بس يوم فتحت الموضوع حسيت هالشي شدني.. ايه من جد ليش انا ما قد قررت وش بتكون مواصفات فارس احلامي كيف شكله .. وطبعه ... لكن هذا مو مهم ... ماما عندها شي اهم بتقوله الحين ماما:ابوك زعلان علي مره يقول خلي البنت تشوف نصيبها .. وانا كلموني ناس وانا شايفه انهم ناس طيبه ويمكن يكونون احسن من الـ11 واحد الي راحو .. وكذا ولا كذا القريب احسن من الغريب انا انصدمت ... القريب .. مين يعني ..؟ يوسف ولد عمي بو عين زايغه ... ولا رائد .. ولا ولا ولا ........ ؟؟ |
البارت السادس عشر ماما مسكت يدي:بكره شوفة الشرع ترا ... و .. عندك اسبوعين تفكرين بالموضوع شوفة شرع .... بعدين خطوبه ......... زواج ... عيال ... وش ذااااا..!؟ لا انا توني صغيره عشان افكر بكل هذا ... بس .. الفكره مو بطاله انا:يعني ... لحظه من هم ؟؟ ماما وقفت:بتشوفينهم بكرا انا ما راح اقولك عشان ما اشغل تفكيرك .. بس ابيك بكرا تطلعين معي تشترين لك فستان حلو واغراض ثانيه انا:لا عندي فساتين ماله داعي ماما:لا تعاندين هذا اليوم ما يتكرر دايم وانا متأكده انك بتوافقين وطلعت وش الي مخليها متأكده .. ومنهو هذااا الي يقرب لي ... افف ما حسيت ان الموضوع مهم لاني ابي اكمل دراستي اول ولو عنست بعد مو فارقه معي .. فتحت الاغنيه الثانيه لحسين .. وبلا مبالاة جلست اغني معه .. يوم خلصت تنهدت وشغلت قصيدة حامد زيد .. على ذاك الطريق الي يسمونه غرام احباب .............. اول ما قال غرام احباب حسيت انها حلوه .. يوم انتهت جلست ثواني اطالع قدامي سرحانه ... واتذكر البيت الي يقول أنا أول من عرف قدرك وأنا توي صغير وشاب **وابي منك ما دام أنك عرفتيني تحبيني جلست اردده بيني وبين نفسي ... تنهدت بحزن .. عبدالله يستاهل وحده احسن مني .. الله يهديه بس .. رجعت انسدحت وعدت القصيده مره ومرتين وثلاثه لحد ما نمت والجوال بيدي .. قمت من النوم على صوت الجوال يرن .. كشرت وعدلت جلستي .. طالعت الساعه وانا اتثاوب .. الساعه 11 ونص طالعت باللي يدق .. ( تسذا ) يتصل بك .. بس كان اسمه بالانقلش رديت:هلا سيف ..: مين سيف .. ؟ عقدت حواجبي .. وش الي من سيف ..هذا الصوت اتذكره اصلا ....... صوت ... يااااااسر ..؟!؟!؟ وش اللي خلاه يدق من رقم سيف .. بسرعه سكرت بوجهه وناظرت الرقم .. لا هذا مو رقم سيف .. عندي اثنين اسمهم تسذا .. ؟؟ ياسر داق ..؟ خير وش يبي ما يستحي على عمره من بعد ذاك الحكي... رجع دق وما رديت عليه .. قمت اغسل وجهي رجعت لقيت مسج منه (( ازا ما رديتي ماهو احسن لك .. ابيك تدقي عليا )) خييييير... منب داقه عليه هو ووجه مفتكر نفسه يهددني يعني .. هو وخشته .. طقت سوزان الباب:شجون انا:هاااه ادخلي سوزان:Are you awake? وش هالسؤال:ايه انا قايمه انتي الحين شايفتني نايمه سوزان:مدام سعاد في قول خلي شجون اجي تهت انا:طيب طيب .. بس بغير ملابسي ... نزلت :السلام عليكم بابا + ماما:وعليكم السلام بابا قام:يلا مع السلامه انتظرته لين راح:ماما بابا وش فيه علي ؟ ماما:معليش انتي عارفه انه مريض .. وبعد ذيك السالفه زعل عليك .. والحين فوق كل هذا عنده مشاكل بشغله .. انا:اهم شي ان صحته كويسه .. ماما:يلا ما بغيتي تقومين يالله بنلحق على السوق .. انا:ماما مالي خلق .. معليش ماما:لازم يا ماما تروحين تشوفين لك شي الجماعه بيجون بعد صلاة المغرب انا:اجلوها ماما:هم طالبينك من زمان بس مع مرض ابوك ووفاة خالتك ما حصل .. لا تناقشين بهالموضوع خلاص روحي البسي عباتك يا ليييل .. رحت لبستها وانا مااااالي خلق ابد .. حتى جوالي مافيه شحن .. وحررررر .. تبينا نطلع في هالقوايل .. اففف رن جوالي ( لولا ) يتصل بك رديت وانا متحمسه:لووووووووووووووليي يا الدوبه اشتقت لك ما تدقين ولا تسألين ولا شي ليلى بنفس الحماس:ياي شفتتتي كيف انا بالريااااااض انا:جيتي من الامارات ؟؟ ليلى:ايييه يمكن نجلس شهر هناا ... يااي متحمسه اشوووفك والله اشتقت لك .. انا فرحت مره:وانا اكثثثثثثر يا قلبي .. لازم اشووفك ليلى:وش رايك نتواعد .. نتعشا بـ .. اممم بفيدركلز الي بصحارى اليوم .. بوزت:عشا ..؟ ما ينفع غدا .. ؟ ليلى:اوه سوري .. عندك ارتباطات يعني انا:اييييييه تخيلي بيجون ناس .. يخطبوني .... شوووفة شرع تخيلي ليلى:واو من جدك انتي .. منتي متحمسه طيب .. لييييه ؟ انا:الا بالعكس .. مدري لا عادي .. ما احس ان الموضوع مميز ليلى:ههههههههههههههه لا فله والله العظيم .. وش اسمه انا:مدري ليلى:اوو من جدك انتي .. ؟ انا:ههههههههه ..ياربي معك تذكرت الهنوف ورغد .. خنقتني العبره وبغيت ابكي ليلى:الهنوف الكلبه امس مكلمتها ..؟ انا:عندك رقمهاا.........!؟؟! تدرين اني لي سنه ما كلمتها تقريبا من عقب ما نقلت ليلى:ههه ايه البيتش السخيفه صارت متكبره .. ما تدرين تلكمني من طرف خشمها انا:هههههههههههههههههههههه هذا طبعها مع الناس الي ما تعرفهم .. يوو معقوله نستنا .. ليلى:ههههههه مجنوناا انتي انا:بالله عطيني رقمها ليلى:اوكي ارسلك اياه ببطاقه اعمال انا:ايه ورغد بعد ليلى:رغد تزوجت ..! انا:نعممممممم..! لالا توها صغيره كييييييييف ليلى:ههههههههه تزوجت حسااام انا:ههههههههههههه البوي فرند حقها ..؟؟ والله انها مجنوونه .. وبعدين ما دام انو اهلها ذولا .. اكيد بتتزوج بدري كذا ليلى:هذاك انتي بتتزوجين ..؟ انا:هههههههههههههه ما قلت كذاا فجأه سمعت صوت ماما تنادي:شجججججججججججججوون انا:يوو ليلى تأخرت على ماما .. خلاص تجين صحارى ..؟ ليلى:أووكي .. انا:خلاص اتفقنا .. يلا بي باي ليلى:سي يوو نزلت بسرعه وانا اسكر طقطق عباتي :ها ماما جيت ماما:كل هذا تلبسين عباتك انا:مااما كلمتني ليلى .. وتخيلي رغد تزوجت ماما:من رغد ؟ انا:صدييييييييييقتي .. ماما:ايه .. عالبركه تنهدت .. دايم ماما تعاملني بهالطريقه طريقة الا مبالاة .. هي تحبني بس ما تحسسني بهالشي .. كيفهااااا ركبنا السياره ماما:عمر روح الفيصليه انا بسرعه:لا روح صحارى ( والتفت على ماما ) بشوف لولا هنااك ماما تأففت:يعني مو مقررين ان الطلعه كلها عشان الفستان هذا .. وبعدين انتي ذوقك صعب وما راح نخلص الا بعد طلعة الروح انا:يوو يا ماما انا بتغدا معها تونا ترا .. لا تصيرين كذا تأففت وسكتت .. احسن .. صايره تقهرني هالايام .. رميت نص جسمي عند السواق قدام وحطيت شريط وعليت على الصوت .. يو اتذكر ايام زمان لمن كنت اسوي هالحركات .. يوو ويييين الاكسسوارات الي على يدي والحركات هااذيك .. وه بس ماما تضايقت:شجون طفيه انا احرك رقبتي مع الاغنيه:ليش .. خلك فرري مام ماما تنهدت وهي تهز راسها .. شوي اسمع همس.. " استغفر الله .. اسغفر الله .. اسغفر الله ....." التفت على ماما لقيتها تستغفر ..ههههههههههههههه وتستغفر بصوت بعد تبي تحسسني بالذنب .. مسكت يدها:ماما استغفري بدون صوت ماما انفعلت:يعني حتى ذي ما حركت ضميرك ضحكت عليها:ماااماا اعصابك .. اانا عندي ضمير بس الاغاني عادي مدري ترا احيانا احس انك مطوعه .. ماما وبنفس العصبيه الي قبل شوي وبشكلها الي يضحك:ايه مطوعه قولي الي تقولينه .. صار التطوع الحين عيب اجل .. اه منكم جيل فاسد انا:هههههههههههههههههههه ماما انتي تحفه وقبصت خدها:يا قلبي عليك ماما بعنف:وخري عني وكملت ضحك وانا اناظر السيارات .. وصلنا صحارى ونزلنا .. وبدت الدواره .. وكل ما اشوف فستان اقول لماما شوفي حلو ابي نخلص من هالموضوع .. بس هي كاشفتني ومو راضيه .. انا:ماما عورتني رجولي من زمان واحنا ندور .. خلاص بلاها ماما:ايه تعورك اذا بغيتيها تعورك وحق الهياته مع عبدالله عادي تنهدت .. عمرها ما راح تفهمني ماما:شوفي الفوشي حلو التفت وين ما تأشر وطالعت .. الفستاان مررررررررررره يجنن كان لحد اطراف الركبه وعليه شريط كرستالات تحت الصدر والسيور تنتهي حول الرقبه بشكل حلو .. انا:وااو مره حلوو ماما:وش رايك ؟؟ انا:ماما منهم هالناس الي بيجون ماما تشيل الفستان تطالعه: بتعرفينهم .. تنهدت .. عارفه انو لو ايش حاولت ما راح توافق .. خلاص ما دامها مقتنعه بالفستان ابدق على ليلى اشوف وينها انا:ماما يلا ناخذه .. ماما:لا ندور يمكن نلقى احلا انا:ماما ..ترضين يكون فستاني من حي الله محل .. باقي المحلات بايخه ماما سكتت شوي .. انا كنت ادعي ربي توافق وتخلصنا .. افف وافتك منها .. ماما:خلاص يلا نحاسب انا:ماما انتي حاسبي وارجعي البيت انا برقى للمطاعم فوق ماما:وما راح تجربينه انا:ماما في البيت خلاص .. بليييز مام .. يلا باي انا رايحه .. بدق على عمر لا تحاتين ورحت من غير ما انتظر اي رد رقيت وانا مررره متحمسه طلعت جوالي ابدق على ليلى لقيته طافي انا:اوو ماي قاد مو وقته يطفي .. افف وش الحل .. كنت عااارفه انه بيطفي ماكان فيه شحن رحت ادخل فدركلز ما عندي حل الا اني ادورها عادي المطعم ماهو كبير مره توني بدخل استغربت العاده دايم يوقفون ويترز عند البيبان .. مو مهم .. مشيت وانا اتلفت حولي ادورها .. لقيت شلة شباب جالسين ويطالعون ومبلمين .. انا سفتهتم .. بالله وين هذولا عنهم جالسين بقسم العوايل .. اسمع همس .. اصوات .... واحد يقول رقمه ..! تلفت حولي كله شباب .. ما استوعب بسرعه اني دخلت قسم الشباب .. طلعت بسرعه واخذت نفس طويل:ياللللله ..! رحت بسرعه للطاولات الي قدام المطاعم وجلست فتره منصدمه .. يؤ خقيت انا .. لا من جد خقيت فيه انواع الخقق جوا .. بس من جد انا غبيه فشلت عمري .. رجعت وتأكدت اني بدخل قسم العوايل جلست اتلفت حولي .. لقيت ليلى جالسه وحاطه رجل على رجل .. فاتشه شعرها طبعا .. وصايره برونزيه .. رحت لها وجلست:لوووولا رفعت راسها بهدوء طالعتني دقايق فجأه حطيت يديها على فمها:شججججججججن او ماي قااد تغيرتي انا جلست اطالعها من فوق لتحت اناظر بالتفصيل وش الي تغير فيها :ياااااااي والله العظيم اشتقت لك وقفت ومد يديها وانا وقفت وحظنتها وجلسنا نطقطق بهدوء على ظهور بعض انا ودموعي واصله بتطيييح خلاص:حيوانه تغيرتي جلست تطالع وجهي:والللللله قمررر احلويتي يا بنت انا:وانتي اكثثثثثثثر .. كييف سويييتي تان يا بنت اللذين جلست:ايوا شفتي كيف صرت احلا وانا سمرا صح انا:كيييفك يا بنت ؟ ليلى:والله بخير وعاافيه فيري فيري فيري قووود وانتي...؟ انا:بخير يا قلبي ... حطيت بطن يدي اليمنى على بطن يدي اليسرى وخليتهم قدامي وقلت وانا ابي اخلي وجهي برئ قد الامكان: وحشتيني ليلى:هههههههههههههههههههه يا قدم هالحركه انا:والله العظييييييييم لك فقده يا الغاليه .. تذكرين كم لي ما شفتك ليلى:اوو يمكن سنتين او اكثر او اقل بشويه صح انا:وتوك تجين السعوديه من بعد ما طلعتي منها ليلى تشرب البيبسي الي قدامها:شفتي كيف قطع كلامنا الويتر o you want something, Madam? سكت شوي وقلتYa I want Sezer salat and seven up diet ليلى:وش هذا ليش ما تاكلمين .. عامله ريجيم انا:ههههههههههه لا وزني كويس بس ابي اخفف عشان الناس الي بيجون اليوم ليلى:اييييييه منتي متوتره .؟؟ انا تنهدت:مدري احس عاادي ليلى:والله حليانه يا بنت انا ابتسمت:الله يحلي ايامك ليلى:ايوا ايش اخبار خالتو وعمو خالد ؟ انا:بخير والله يسلمو عليك .. جلسنا نسولف شويه عن ايام زمان والمدرسه ورغد والهنوف وكل شي ما بقى شي ما تكلمنها فيه انا:ايه تخيلي فاتك ليلى:ايش..!؟ انا:قبل شوي الويتر الغبي اقوله انا ادور على صديقتي يروح يدخلني قسم الشباب مفتكر اني بشوف البوي فرند حقي .. لا هو وخشته يقول دقيقه وحده .. يعني مسوي معطيني مجال ليلى:ههههههههههه وااااااااو فله ايش صاار ..؟ انا بديت احرك يدي بحركات تمثيليه واغير ملامح وجهي:تخيلي .. وفجأه .. الاقي ناس ... خوقاقيين .. انوااع الخقق .. كذا كلهم قدامي .. كل واحد يقول الزين عندي ليلى:حشا ملكات جمال انا ضحكت:هه من جدد والله خقيييت غمزت:ما خذتي رقم من هنا ولا من هنا انا:والله بالنسبه للرقم صارو ارقام بس انا من الفشيله ماني عارفه ايش اسوي ليلى:فله يا ليتني كنت معك انا:هههههههههههه عاد هزئت الويتر المسكين وقلت له والله لاقول لمدير المطعم عنك ليلى:يا حراام ما ينفع كذاا انا:ههههههههههه عاد فشلني طلعت بوكي ابي اعدل القلوس لانو عندي مرايه صغنونه فيه .. سحبت ليلى البوك فجأه:مين صوورته انا:بابا .. |
البارت السابع عشر ناظرتها:ما تغير تصدقين انا:يا حبي له شالت الصوره تبي تناظرها زين .. لقت صورة عبدالله وراها .. ليلى:مين دا ..؟ انا: امم تذكري ..؟ ليلى تناظر وهي عاقده حواجبها:ما عمري شفتو ... اوووو لا تقولي خويك .. مرررررره يخقق يا بنت وين طحتي عليه .. اذا خلصتي منه عطيني رقمه ههههههههههه انا سحبت البوك:خير غمزت لي:تغاري يعني .. ما يمديني عالحب انا انا قلت بعصبيه:هذا عبدالله رجعت سحبت البوك:قولي والله .. انا:اييه طالعي ليلى:ايه والله هو .. والله العظييييم تغير .. شووفي كيف شعره صاير ستايل مع وجه عجييب .. لا والشنب الخفيف مع الـ سحبت البوك:اذكري الله ليلى ضحكت:ما بينكم شي ابدن ؟؟ رفعت حاجب:اخوااان ليلى:علينا.. مو هو يحبك ويموت بهوى دارك .. ولا خلاص بح كل شي انا:الا لين الـ ........ لا عادي اصلا خطب مدري وش الي خلاني اقول هالكلام ليلى:علينا .. باين انو يحبك .. لحد الحين منتي معطيته وجه ؟ انا تنهدت:وش اسوي له يعني غصب احبه .. يختي اخوي هو ليلى:والله يجنن انا:بكيفه .. اصلا هو انا شاكه بأخلاقه شكله يبي يسوي بيت ***** ليلى غصت بالبيبسي وجلست تكح يوم خلصت رجعت تضحك:بيت ايش ..!؟ ***** ..!؟ ههههههههههههه انا :لا تضحكين .. عنده فله بالمعذر يبي يسكن فيها لحاله .. وراه شي ليلى سكتت:من جدك انتي ..؟ انا:اييه مع ان وجهه مو راعي بنات وحركات ليلى:لالا قصدي .. عنده فله بالمعذر انا استغربت:ايه وش فيها ..؟ ليلى:يا بنتي هذولا ما يسكنوه الا ناس مطخطخيييييييييييييين .. متأكده انو مو مستأجرها ولا شي انا استغربت اكثر:لا حقته ..؟ ليلى:اوف ..انتي قد رحتي له ؟ المعذر ؟؟ انا:لا .. الا مره وكان باليل ما انتبهت كويس ليلى:شجن هناك ...... هناك شي ثاني .. بيوتهم مره كانها ......كأنها .. اصلا من قال انها بيوت هذوليك قصووور .. وبعدين كأنها قصور ساندريلا .. مررررره شي عجيييب .. وما يسكن هناك الا امراء وناس مطخطخه انا اشرب السفن بلا مبالاة:ايه الله يزيد فلوسه ويوسع عليه رزقه ليلى بجديه:من جدك عبدالله عنده كل هالفلوس وعادي عندك .. يا غبيه مزيون وبطراان ليش ما تشبكينه انا:لولا انا قلت لك الولد اخوي وبعدين مو بس هو الي بطران ... رجعت اشرب سفن:انا بعد بطرانه ليلى:ايه اشوف عندك فله بالمعذر ضحكت عليها وكملت اكلي .. بعد ما خلصنا .. ليلى:يلا قومي نطلع انا عقدت حواجبي:نطلع وين والناس نايمين ؟ ليلى تسحب يدي:محد نايم .. تعالي نروح الصالون ..؟ انا:ليش بالله ..؟ ليلى:عشان الناس اللي بيجون عندكم اليوم .. وتراني بجي يمكن تخطبني لولدها الثاني انا وقفت:ههههههههههههههههههههههههههههه حياك ربي ... تصدقين كنت توني بقولك تجين ليلى:شجن .. ليش عامله كذا ..؟ انا رفعت حاجب:وشو؟ ليلى:شيلي الطرحه مسكت خصلتي القصيره كانت على اطراف حواجبي وجلست العب فيها:هاذي طالعه تكفي شالت الطرحه ونزلتها على كتفي:لا كذا احلا انا رجعت ارفعها:لااا شعري حوسه ليلى سحبت مني الطرحه:ماهو حوسه انا سكت شوي:لولا ترا ما ينفع .. ليلى:ما ينفع ايش خلك ايزي انا:لو احد شافني وانا فاتشه شعري .. ولو شفنا الهيئه قالت بقرف:ليش هذولا لين الحين فيه ..؟ انا:ولين بكره .. ليلى:ما عليك منهم .. يختي ما ينفع كذا امشي معك وحده فاتشه شعرها وحده متحجبه اخذت منها الطرحه وحطيتها على نص راسي بس وغطيت بالجزء الثاني رقبتي يعني خذت طرف الطرحه الايمن وحطيته على كتفي اليسار انا:زين كذا ليلى تمشي:احلا من اول .. انا:لولا عطيني جوالك بدق على سواقنا .. جوالي طافي ليلى:لا ما اثق فيك انتي .. بدق على سواقنا يجي ياخذنا .. انا:ماله داعي صالون انتي ووجهك ليلى:ليش ماله داعي .. بالعكس فله اليوم هذا ما يتكرر .. انا تأففت:عرس هوو ليلى تناظر واحد لابس ستايل هيب هوب:شوفي هذا حجازي انا:وش دراك انه حجازي ليلى:ما يلبس كذا الا الحجازييين .. يااااي ودي اكلم حجازي انا:لولا الحين بالله ما شبعتي من الي بالامارات .. يعني الفريدوم الي محصلتهااا ليلى:اممم لا ... المثل يقول خالف تعرف .. هناك بالامارات شبابها عذااااااااااااب بس هنا .. شبابها فله ومهبل ومجانييين ... فيه فرق انا:هههههههه احسك هبله ليلى:الا انتي الي تغيرتي كنتي اهبل وحده .. تذكرين كنا كلنا نقلد عليك بس الحين مدري وش صار لك انا:هه كبر عقلي شوي نزلنا ندور بالمحلات شوي رن جوال ليلى ليلى:يلا جا سعود .. انا:وش سعود .. اخوك ؟؟ ليلى:اي اخوي انتي عارفه ان اخواني ما يسوقون صغار .. هذا سواقنا انا:قولي قسم..؟؟ سواقكم سعودي ؟؟ ليلى:ايه يا ماما انا:يا حظك احسن من الدبشه هذا حقنا .. يختي بابا مو قادر يقتنع يقول سعودي لا .. شايفني بسوي شي يعني خايف علي ليلى:ايه طبيعي على قولتهم بناتكم امانه .. اصلا ماما الي جايبه السواق بابا ما يدري هههه .. انا:ليش ابوك ما جا ليلى:بابا طووول عمره ببو ظبي واحنا بدبي وما نشوفه الا بالشهر مره انا:الله يعين ليلى:ايوا شوفيه .. يلا امشي .. ركبنا الدوج البيضا .. اول ما تواسيت لفت ليلى كل جسمها علي:ايوا وش بتسوين بشعرك انا:طيب خليني اسكر الباب عالاقل .. شوي شوي ليلى:هههههههههههه سعود:على وين ..؟ ليلى قالت بإستحقار:انا لمن اقولك تروح اذا ما قلت لك لا تسألني فاهم .. انا استغربت منها ما كانت بهالقساوه ولا بهالتكبر انا:ااا سعود ... روح المناهل ... بحي السفارات سعود من ورا خشمه :حاظر همست لها:ليش كذا ليلى:احسن .. شايف عمره انا:انتي الي شايفه عمرك .. وبعدين انتي تعرفين السعودييين شباب دلع .. يعني ما يرضى احد يغلط عليه او يهزأه ليلى:يطق راسه بالجدار قلت له يتدلع انا انا:قصري صوتك وجع ليلى:افف وبعدين معك .. ايه ما قلتي لي .. ووين دخلتي اي تخصص انا:اااه بس ما دخلت .. قررت اخليها السنه الجايه .. وانتي ليلى وهي كاتمه ابتسامتها:انا توني بثاني ثنوي .. انا:هههههههههههههههههههههههههههههههههههههه رااسبه سنتين يا بنت اللذين ..؟ ليلى:هههه كل السنتين الي كنت فيها هناك انا تخصرت:وليش انشالله ..؟ ليلى :وش اسوي مناهجهم صعببببه انا:يا شيخه .. اصعب من حقتنا ؟؟ ليلى:ليش حقتنا صعبه اصلا .. تدرين اننا اسهل تعليم بالعالم .. وه بس علينا .. ودي اقعد هنا طول العمر انا:اقعدي محد ماسكك ليلى ضحكت:عشان كذا اقولك بجي معك ابي اتزوج سعودي وافتك انا:هههههههههههه سعود عطس .. وقال بعدها الحمدالله انا:يرحمكم الله رد علي:يهدينا ويهديكم الله ويصلح بالنا وباالكم ليلى:ايش هالدعاوي احد وكلك علينا .. وانتي ليش تكلمينه انا ارتعت منها .. وش سالفتها هاذي: سعود ما عليك منها معصبه شوي سعود:............. طالعت فيه من المراايه معصصصصصصصب .. والله يحق له .. والله لو ان السواق هندي كان ما سوت له كذا انا همست:شغلي معك اذا نزلنا ليلى:ايوا ننزل .. ليش بالمناااهل هذا سباحه انا :لا يا عمري سباحه وتنس وصالة رياضه ومعهد بريطاني وصالون ليلى:ول عليهم .. انا:هههههههههههههههه ليلى:ايه تذكرته .. الي كنت انا وياك اول مسجلين فيه انا:ايوا عليك لمبه .. لولا هنا فيه شاحن ليلى:ايه عطيني جوالك .. سعود امسك اشبكه بالشاحن خذه وبدون اي كلمه شكله خايف منهاا ماحب التسلط شووو ما كان .. الله يهديها ما كان طبعها كذا ... صدق دوام الحال من المحال نزلنا المناهل وخلصنا على اذان المغرب تقريبا انا:ليلى ماما بتذبحني كل شوي تدق ليلى:طييييب اصبري بس بتعدل لي الكحل انا:وانتي ما تعرفين تحطين حكل بنفسك ليلى قامت:لا اذا حطته هي يطلع احلا .. انا حمدت ربي بيني وبين نفسي اني قدرت اقنعها نستشور ونعدل اظافرنا بس ولا كانت ودها تسوي اشياااء ثانيه على بالها عرس ولا ملكه هاذي راس مالها شوفة شرع .. اصلا حركاتها هاذي هي الي خلتني ابدا اتوتر اول ما دخلت البيت استقبلتني ماما .. ماما:مشالله وين كنتي لهالحين ..؟ انا:كنت انا وليلى بالمناهل .. رحت استشور شعري ماما:هلا ليلى .. ليلى تمد يدها:هلا خالتي ماما تكلم ليلى:روحي شوفي صديقتك وش تهبب علينا من الصبح .. روحي البسي زمانهم جايين رقت ليلى معي واحنا نضحك دخلت غرفتي:اامممممممم نفس ستايل زمان .. نفس اللون الوردي بس سويتي حركات كثثثثثثثيره غير انا:شفتي كيييف .. ههه فله .. شوفي الفستان حلو ليلى:مررره حلو .. يلا البسي قبل ما تجي امك تفضحنا .. جلست اطالع شعري بالمرايه:ههههههههه اوكي الحين بلبس .. شوفي حلو ليلى:عادي ما تغير شكلك انا:يو عاد لا تحطميني ليلى:يا ذكيه انا ارفع معنوياتك يعني انك انتي بدون استشوار شعرك حلو اخذت الفستان من يدها واابتسمت:ههه طيب انا بروح ابدل ليلى:اوكي انا بضبط عمري سكتت شوي:لولا مو كأنكم مكبرين السالفه انتي وماما ليلى تطالع نفسها بالمرايه:لآ ما احس .. ترا بعضهم يسوون اعظم.. ترا عاادي .. شوفة شرع تنهدت ودخلت البس الفستان وطول الوقت افكر .. كيف شكله .. وش اسمه .. امه ابوه اهله وين ساكن .. كم طوله كم وزنه وش لونه اسأله كثيره .. والتوتر الي جالسه احس فيه خلاني ماني مركزه .. يعني توني استوعب باللحظه الاخيره اني ممكن اوافق و.. اتزوج ..!؟ اخذت نفس عميق وطلعت من غرفة التبديل:هاه وش رايك ..؟ التفت ليلى:واااااااااو لالا من جد وااااو .. ضحكت ورحت اطالع نفسي بالمرايه .. سكت شوي .. شكلي حلو .. من زماااان ما شفت نفسي بفستان من زمان ما حضرت عزيمه او اي شي ثاني ولون الفستااان طالع مره حلو علي .. ليلى:بسم الله عليك تهبلين .. سحبت الكيس الي كانت جايبته معها:انا بروح اغير ... فجأه صرخت بوناسه:شجوووووووووون ايام زمان والله انا استغربت:اوووص بنت ليلى:او ماي قاد .. لالا ببكي خلاص .. تذكرين اول كنا كذا ندخل نبدل عند بعض وكل شي .. يااااي والله ببكي انا:يا ربي يا الحساسه .. ليلى لا توتريني وروحي البسي واخلصي علينا .. ما صدقت على الله دخلت تلبس انهبلت .. ياربي وش بسوي .. فيني شي صاير مو كويس .. رحت اعدل شعري اناظر اظافري يدي .. لبست سلسال ناااعم وحلق وخاتم بنفس الطقم واخذت نفس وانا اطالع نفسي .. ياربي وش ناقص بعد .. رحت اشم جميع انواع العطور عندي اخيرا حطيت لي آبل احمر .. طيب وبعدين .. لازم الاقي لي كعب يصلح .. يو ماما ليش ما ذكرتني بهالشي .. يلا صار الذمب عليها هي انا الي غبيه مفتكره السالفه سهله .. رحت فتحت درج الجزم وجلست ادور فيه كعبات فوشيات بس ما ارضااني اي شي طلعت ليلى:يو فستاني واسع لقتني عالارض وواصله معي:مااااالقيت لي كعب ليلى جتني بسرعه:يؤ طيب لا تبكين وش فيك بعدين يبين .. انا طالعتها:شفتي الفيشله .. ليلى تطالع الكعب الفوشي الي انا راميته بأخر الغرفه:هذاك يجنن .. مره لابق عالفستان .. انا:لا .. قمت:وش اسوي الحين .. يااااااربي خنقتني العبره .. مدري ليش جلست اتصرف كذا يمكن متوتره وخايفه .. وش بيصير بعدين .. راحت بسرعه وجابت الكعب:جربيه طيب اول ما دخلت رجلي فيه دخلت ماما:يلا وينكم .. سكتت شوي وغرقت عيونها بالدموع:عقبال ما اشوفك عروس ليلى:خالتو تجنن صح ماما جتني تسمي علي:الله يحفظك ويستر عليك قولي امين انا:ماما حلوه ؟ ماما:قمر .. يلا يلا انزلي توهم داقين وعلى وصول مسكت يد ليلى:طيب اسبقينا |
البارت الثامن عشر نزلت ماما:لا تتأخرين انا طالعت ليلى:تدرين لو انك منتي فيه كان ما عرفت ايش اسوي ليلى:ههه وانا ايش سويت يعني .. ما فيه فرق يا قلبي ضغطت على يدها:فرق كبير والله محتاجه احد معي بهالموقف ابتسمت:انا معك ... اوف مو انتي تقولين لا تصيرين حساسه .. اجل انتي ايش جالسه تسوين الحين انا حسيت بدموعي تنزل:والله خايفه ما تعودت اول مره يصير لي شي زي كذا سحبتني لبره:امشي بس انزل ويدق قلبي اكثر احس اني خايفه تجربه جديده ما حسبت لها اي حساااب اول ما عديت اخر درجه سمعت صوت بمجلس الحريم ماما:حياكم الله .. تفضلو انا ارتعت:جو ليلى:ههه امشي سلمي .. انا تراجعت:ما تحسين ان فستاني مبالغ فيه ليلى:ياالله على هالسالفه لا مو مبالغ فيه بس امشي يلا همست بخوف:يااربي دخلت وانا مرتبكه ..انصعقت .. ام حمد والعنود ..؟!؟! ليلى راحت تسلم:هلا خالتي ... كيفك ..؟ ام حمد وقفت:هلا بنيتي بخير ونعمه انتي شلونك؟ ليلى:انا بخير ... هلا العنود وقفت بدون نفس:اهلن ليلى برحابه:انتي اخت المعرس اكيد .. هلا .. انا صديقة شجن .. التفت علي وطالعتني وجلست .. تقدمت بهدوء مديت يدي بشويييييش وانا مو قادره اطالع فيها:هلا خالتي ام .. ام حمد حسيت بيدها تضغط على يدي بقوه:هلا بالزين كله .. مشالله مشالله .. التفت على ماما:والله من يومها صغيره وانا اتمناها لولدي .. مكمله بالزين اخلاق وجمال مشالله .. وشلونك يا بنيتي؟ صوتها الدافي حسسني بالطمأنينه شويه ورفعت راسي:انا بخير بالموت تركت يدي رحت بسرعه سلمت على العنود انا:كيفك ..؟ العنود جلست بسرعه:ماشي الحال رحت وجلست جمب ماما وليلى .. هم يسولفون وانا ماني حولهم ابد .. ماني متوقعه الي جالس يصير الحين .. معقوله ام حمد والعنود ..؟ يخطبوني لمين ... لحمد .؟! حمد.!.؟! لا مو معقوله ما ينفع ماني قادره استوعب .. فجأه حسيت بوكزه على ذراعي وبهمس ليلى:الحرمه تكلمك انا رفعت راسي:هاه .... هلا خالتي ؟؟ ام حمد:اجل اي صف يا شجون يا بنتي؟؟ انا :اا .. انا نفس العنود ........ بدخل الجامعه ام حمد تهز راسها :ايه مشالله الله يوفقك .. وانتي يا ليلى ..؟ ليلى:انا بعمر شجون .. ام حمد:اييه .. وانتي منتي بنته ..؟ ليلى بان انها استحت:بنت منصور الـ******* ضربت ليلى بكوعي وهمست لها:لا تسولفين شوفيني كيف متوهقه ليلى ابتسمت وقالت بهمس مثلي:الناس لازم تجامل .. مره باين عليها حبوبه انا سكت شوي وقلت:تدرين انها ام حمد .؟؟ ليلى:من جدك انتي .. ؟ انا:اييه ..لولا مره خايفه تخيلي يصير حمد ليلى:أ قاطعتها ماما وهي تتنحنح يعني اسكتو عيب .. ثواني وقفت ماما:عن اذنك يام حمد ثواني ام حمد:اذنك معك يا سعاد العنود:يما متى بنروح حسيت من طريقة كلامها الاستفزازيه انها متقصده تقول لها ام حمد تفشلت من بنتها وجلست تسلك شوي وانا ضاق صدري بس سكتت وبلعتها .. ماني رايقه اتوتر قد ما انا متوتره الحين وقفت ماما عند المجلس ونادتني قمت بشويش مثل ما قعدت بشويش ورحت لها:نعم ماما عطتني العصير:يلا دخليه مسكت الصينيه وانا ابلع ريقي:الحين ..!؟ ماما:اجل متى .. يلا انا:خلي سوزان توديه لهم ماما انفعلت:جايين يخطبون سوزان ولا يخطبونك .. يلا زاد توتري يوم قالت يخطبونك .. حمد جاي يخطبني ... يخطبني انا .. حسيت اني بذبح عمري من كثر ما انا متوتره وخايفه ما عمري شفت حمد من بعد ما توفت جدتي .. لا يمكن انه هذاك الاسمر الي عند الكدلك .. مشيت بخطوات خايفه لمجلس الرجال .. الباب كان مفتوح .. دخلت وانا اطالع تحت من الخوف يالله يالله رفعت عيني شوي اناظر طريقي .. رحت لبابا ومديت له واخذ عصيره وهو ساكت .. حطيت الصينيه على الطاوله وجلست جمب بابا وانا عيوني بالارض اووووووف يا ربي الفيشله من الخوف ماني قادره امد له العصير .. عم الهدوووووء .. رفعت راسي بعد تردد كثير وقررت اني اشوف شكله .. بلعت ريقي ورفعت راسي طالعته .. كان هو نفسه الاسمر .. ملامحه حاده ..غريبه شوي .. كان يطالع الارض بنفس ذيك النظرات .. مدري هي نظراته دايم كذا تحسس ان الواحد حزين .. لكن يمكن انا من فرحتي ما كنت اشوفه حزين .. بس حرك راسه ... ما رفعه بس حركه انا ارتعت ونزلت عيوني لتحت مرت عشر دقايق صمت .. ما حسيت انه رفع عيونه يطالعني ولا تكلم ولا قال شي .... يمكن هذا شي خلاني اهدى شوي يمكن انه يستحي .. ولا يمكن مطوع .. انا اتزوج مطوع ...؟؟ تجربه غريبه بس يمكن انها ظريفه .. وش جالسه اقول انا ... جلست اخربط .. قمت بسرعه وطلعت ما صدقت على الله خطت رجلي بره المجلس حسيت بحصاة كبيره انزاحت عن قلبي اخذت نفس عميق وانا اتنهد ليلى:هااااه ..؟ هو حمد ..؟ انا ارتعت منها وحطيت يدي على قلبي:روعتيني يا البايخه .. سكتت شوي وقلت بإبتسامة خجل:ايه حمد ليلى تغمز:يا عيني يا خجلانه طالعت فيها بنظره حاده وانا احاول اخفي الابتسامه :ليلى ليلى:هههههههههههههههههه انا:امشي فووووق .. ليلى:لا تعالي نرجع عندهم والله سواليف ام حمد ما تنمل انا رقيت عالدرج بعنف وكنت اضرب الارض بقوه ويطلع صوت مزعج مره:احسن اول ما دخلت غرفتي انسدحت عالسرير وحطيت وجهي عالوساده وانا مبتسمه يالله .... وش بيصير ... بوافق ...يا ترى هو كان يبيني ويفكر فيني .. طيب لو وافقت وش بيصير بعدين .. متى بنملك .. والعرس وين بيكون .. و و و و و الخ من حماستي قمت من مكاني وطرررت على جوالي .. لا شعوريا ضغطت على اسم ( توأم روحي ) رد وصوته كله نوم : حي هالصوت انا بصوت كله فرحه والدنيا مو سايعتني من الوناسه:عبووووووووووووووووووووووووووووووووود شكله انتفض من مكانه لانه بان بصوته:وش صااير ..!؟ انا:تخيل ... انخطبت ..!؟ سكوت ... انا:تدددددددري مييين ..؟! عبدالله قال بهدوء..:حمد ..؟ انا عقدت حواجبي:كيف عرفت ..؟ عبدالله:كنت داري من اول ما رجعنا من لندن ... شجن انا فيني النوم اكلمك بعدين طوط .. طوط .. طوط جلست على حالتي منصدمه من الي قاله .. ماهو فرحان لجلي .. وكان داري بعد .. طيب ليش هالقساوه على الاقل بارك لي حسيت بلوعه وان الدموع تتزاحم بعيني تبي تنزل وان العبره خانقتني ومو تاركتني اتنفس .. جلست عالسرير وحطيت الجوال جمبي بهدوء تلاشت فرحتي .. اغلى انسان على قلبي ما فرح معي كيف انا بفرح بنفسي .. اغلى انسان ما حسسني اني انا غاليه عنده ..ما اظهر سعادته لي حتى لو كانت نفاق حطيت يدي على وجهي وانفجرت بكي .. لا مو معقوله هذا مو عبدالله هذا انسان ثاااني حسيت اني اكرهه بجميع حواسي .. حسبي الله عليه ليش يسوي فيني كذا ليش يحطمني وانا محتاجه له .. ليش يعاملني بجفا وبرود .... واحيانا بإستحقاار ليش تغير ......؟! حسيت انه ارتكب بحقي جريمه لازم يحاسب عليها ... بس خلاص اذا لهادرجه انا مو مهمه عنده ارفع اصبعي ارجع انغزه من جديد:عبدالله التفت وهو يغني : اشوف الحزن بعيونك سلامات ضحكت على شكله .. نكته :ههه عبود .. قصره بقولك شي ولحد الان يغني:حبيبي مو على بعضك سلامات ..... هاه قصرته .. آآآآآآمري .. تبين عيوني هاذي تركبينها بغرفتك .. خذيها .. انا ضحكت عليه:تسلم لي عيونك .. بس ابسأل سؤال عبدالله ومبتسم وطايره فيه الدنياا:اسألي انا:وش فيك قبل شوي كنك شايف لك جنيه مختبص ومو على بعضك .. وسيارة مين هاذي اصلا ؟ التفت للجه الثانيه يطالع السيارات عند الاشاره :امممممم .. ماني مختبص بس ......... مدري يروح بستين داهيه انا ما عاد شاغله بالي عليه لا شعوريا مسكت الجوال ومن بين دموعي والقهر الي ملا قلبي كتبت له رساله .. (( عبدالله .. بكل اختصار اكرهك)) ارسلتها ورميت الجوال على الارض وحطيت راسي عالوساده وكملت بكي ... شوي سمعت صوت ليلى ترقى جتني وهي تناديني خايفه ومرعوبه وش فيك وش فيك وانا ماارد عليها بس مغطيه عيوني بالوساده وابكي .. صوتها وصوت ماماا ...... وشي ثاااني نمت من كثر ما بكيت .. ودخلت بعالم ثااني .. عالم قبيح .. عالم لي زمان ما زرته ولا جاني .. عالم الدم يكون الوان لوحه بريئه .. وصراخ .... ناس... اصوات ... وقلبي يدق اقوى واقوى اتركوها .... كلمه صداها يتردد بداخلي وانا احلم هالحلم .... قصدي هالكابوس صوت الاسعاف .. منظرها فوق السرير والفراش الابيض مغطيها ويدها تتدلى من السرير ... الشموخ انكسر ... وحبي الاول انكسر .. برائتي تلوثت بذاك اليوم وصرااخ ودموع ... قمت وانا مرتاعه .. حسيت بصدى صرختي الي صرختها اول ما قمت ... جلست اتنفس بسرعه وانا التفت حولي وخايفه انا بغرفتي .. صوت المكيف الخفيف .. ونور الابجوره الاصفر .. حطيت يدي على رقبي اتحسس وش عليها وانا ابلع ريقي مويه .... عرق .. كان كابوس يعني .. التفت لقيت العرق مغطي مفرشي كله .. رميت راسي عالوساده وانا اتنفس بسرعه ... دموعي بدت تنزل وتستقر بشعري .. سكرت عيوني بشويش ... اكره الدنيا ... اكره حياتي الممله الروتينيه .. اكره كل شي ماما جت وهي مرتاعه .. تعودت اصلا تجيني كل مره :شجون وش فيييك؟؟سم الله عليك سمي بالرحمن وقومي اشربي لك كاس مويه فتحت عيوني وابتسمت:لا ماما انا مرتاحه .. بس كنت بقولك ... اني ماما جلست بسرعه قالت بخوف واهتمام:امري وش تبين قلت بعد ما اخذت نفس:انا موافقه على حمد .. اذا هي الدنيا كذا اعيشها بدون هدف خلاص وين الفايده اني ادور على سعادتي اذا حصلت لي شي اطمح له شي يستحق اعيش لجله يمكن وقتها افكر كويس وش لي وش علي اما الحين ... انا بأكثر حالات حياتي ...... فراغ ماما:لالا خذي وقتك تـ قاطعتها:بس كنت بقولك كذا .. خلاص انا بنام .. اذا ما اعجبك تعالي اسأليني بعد اسبوع بتلقيني موافقه .. ماما:تنامين كذا .. طيب خلي سوزان تغـ قاطعتها:انا بغير الفراش ماني بزره .. ماما قامت:خلاص اهم شي هدي اعصابك .. سم الله عليك ..تبين شي ؟؟ محتاجه شي ؟؟ |
البارت التاسع عشر انا:لا ماما بحنان:طيب .. تصبحين على خير جلست اطالعها لحد ما طلعت:وانتي من اهله مرت خمس دقايق وانا جالسه واطالع قدامي سرحانه وافكر ... بدخل تجربه جديده ... ما كنت متخيله ان ابنخطب كذا بسرعه ... كنت متخيله انو عبدالله بيفرح ... الا بيطير من الفرحه ... بس شكلي نسيت انه يحبني .. واذا صار ..!؟ يعني ما يتمنى لي الخير .. يسوي فيني كذا.. يخليني ابكي بهالوقت الي انا محتاجه اكون فيه فرحانه .. مدري الومه مع اني احس انه ما ينلام .... بس الومه .. مدري تعقد تفكيري قمت وغيرت فراش السرير ورحت اتروش .. الساعه 2 باليل .. طلعت ونزلت تحت .. مشيت وانا اتلفت حولي البيت هادي .. وظلام .. مشيت لمجلس الرجال ووقفت عند الباب ظلام ومافيه شي باين .. فتحت اللمبه وجلست اطالع .. هناك انا جلست .. وهو كان هنا .. جلست افكر .. طيب حمد يستحقني .. استحقه .. طيب انا عمري ما تخيلت اني بتزوج واحد ماحبه كنت متفكره اني بتزوج فارس احلامي يحبني واحبه وو طيب يمكن انه يحبني ..؟ لكن كيف ووشلون كان يكرهني اصلا ...... اساسا كيف بيحبني ووقتها كنت برابع ابتدائي تقريبا طلعت من المجلس وتركت الانوار مفتوحه ومشيت بالبيت الكبير .. جلست اتأمله يمكن بأقل من سنه اتركه خلاص هنا بنيت احلامي هنا كنت العب واضحك هنا بكيت ونمت واكلت وشربت هنا نص حياتي .. النص التعيس منها .. او حتى النص الاول كان تعيس .. معقوله حياتي كلها تعيسه .... مو مره طلعت بالحديقه عادتن اخاف من الظلام والهدوء وصوت صرصار الليل المزعج ... لكن هالمره عادي مشيت وانا اتذكر .. هنا جلست انا وعبدالله يوم املس جرح كتفه ... هنا بالمسبح دفتني فاتن وطحت .... هنا كسرت الاب توب وهنا ... تنهدت وجلست عند المسبح وحطيت رجولي فيه وحركتهم بشويش .... ظلااااام وسكينه مرعبه لكن ما اهتميت .. ما حسيت بنفسي الا لمن بدى نور الشمس يطلع .. حتى صوت اذان الفجر ما سمعته .. قمت ورقيت وصليت .. بعدها استسلمت للنوم مر اسبوع .. انا وليلى قوت علاقتنا ببعض مع انها من زمان قويه .. وعبدالله ما شفته ولا كلمته .. سيف احيانا يدق وما ارد عليه .. وياسر دايم يرسل لي مسجات يطلب اني ارد عليه بس اسفهه بحديقة بيت ليلى انا:لولا وش فيك ..؟ ليلى:لا ما فيني شي انا:لا عاد .. قولي ليلى تنهدت بحزن:ماما وبابا بيتطلقون .. امس قالت لي ماما انا نزلت راسي:يوو .. طيب ليش؟ ليلى:مدري عنهم ... انا:طيب وانتي عادي عندك ليلى:كذا بجلس بالسعوديه على طول بس .... بشتاق لبابا مع اني ما اشوفه كثير حطيت يدي على كتفها:لا تكدرين خاطرك .. ربي ما كتب انهم يستمرون وبعدين مو انتي تقولين ان ابوك دايم يجي جده .. خلاص ليلى:جده .. مو الرياض انا:يعني لازم تعقدين المسأله هه كله واحد .. ابتهجي ليلى:انا بالنسبه لي عادي كيفهم بس .. اخواني صغاار انا تنهدت:مو كل شي يصير على الكيف ليلى:اييه رن جوالي ليلى:مسكين ردي عليه .. خامس مره يدق مديت الجوال:ردي عليه انتي ليلى:من هذا ؟ انا:شفتي الولد الكيوت اللي وريتك صورته الي اسمه بدر .. هذا الرجال الي معه بالصوره .. سيف ليلى:هو .. ؟ انا:هههههه ايه ليلى خذت الجوال:اوكي ... الو ........ هه لا انا مو شجن شوي شوي ...... لا مافيها شي ....... يعني لازم فيها شي اذا ما ردت عليك ........ وانت وش عليك ... ههههه مالك دخل ....... احسن .... طيب خلاص ...افف يا شين السرج عالبقر اقول بس ... باي انا رفعت حاجب ليلى:هههههههههههه والله ان شكله متنح ومخفه انا:لا متنح يمكن بس مخفه حرام عليييك ليلى سكتت انا:لولا .. تجين معي ليلى رفعت راسها :وين ؟ انا:بروح المستشفى ... بزور عمي نزلت راسي:لازم اشوفه ما ينفع كذا .. ليلى:وش علي انا من عمك انا:يا شينك ..... امم عشان تشوفين سيف ليلى:وش علي انا من سيف بعد .. انا:يوووه ليلى:ههههههه خلاص بجي .. انا وقفت:يلا قومي ليلى:الحين ..!؟ انا:اجل متى .. يلا قوومي ليلى وقفت:طيب هو وينه فيه ؟؟ انا:بالتخصصي .... بعد اسبوع يمكن بينقلونه مستشفى المملكه ليلى:اوكي بس شوي اجيب عباتي انا:اوكي استناك بره دخلنا المستشفى .. ليلى تمشي وراي بهدوء وانا اتلفت حولي .. ياربي كبير وش السااالفه حاولت اتذكر انا وماما اول يوم جينا نزور بابا وين رحنا .. لاني كنت مقرره اني القى سيف عشان هو يعلمني وين عمي ليلى:ضعنااا انا:وين ضعنا شايفتنا بنيويورك مثلا .. ليلى:ههههه ... وين نروح طيب .. تابعي اللوحات .. انا:وين مافي لوحات اشرت على لوحه خظرا نازله من السقف ومكتوب عليها كلام مدري وشو بس يدل انه فيه قلب وخرابيط القلب انا ضربتها على راسها:من متى وانتي شايفتنا وتاركتنا ندور هنا .. ههههههههه ليلى تسحبني لجهة السهم:من نص ساعه يا عيني .. ههه مشينا وانا اتلفت .. شوي شوي المكان بدى يصير مألوف لي .. شهقت:هناااااا المكتب ليلى:شوي شوي طيب لا تجيك جلطه .. انا رحت للمكتب:ندخل ؟ ليلى بدون نقاش فتحت الباب:ايه عادي لقت الاخ سيف مرتز ورا المكتب ويناظر الاوراق الي بيد الممرضه الي باين عليها شاميه .. وناااشبه فييه .. وشكله خطير بالسماعات حول رقبته .. وبالبالطو الابيض طبعا ما تغير شكله لاني قد شفته اول ما حس بفتحة الباب رفع راسه ورفعت الممرضه راسها لحظه سكون عقد سيف حواجبه:شجن تقدمت وصرت عند ليلى وقلت وانا منحرررجه:بس كنت بسالك ...... عن شي زغنون سيف يمد الاوراق للممرضه:خلاص خذيهم وسوي الي قلت لك عليه .. وهاذي جيبيها لي بعدين اوكي .. مشت الممرضه بتطلع سيف:ليلى .. ليلى:خير والممرضه التفت سكت شوي وهو يناظر ليلى مستغرب .. قال بإبتسامه على جنب:لا سوري كنت اكلم الممرضه ليلى بان انها تفشلت:اها .. طيب الممرضه:نعم دكتور سيف:اذا جاك الدكتور خالد قولي له اني بعمليه بالطورائ اذا ما صدقك صرفيه اهم شي ما يدخل الممرضه تطلع:حازر دكتور التفت علي وطالعني بتعجب انا:هه دكتور اجل ... امم .. اهلين وقف سيف ومثل كل مره يديه جوا مخابي البالطو:وش هالزياره الحلوه انا:عيونك الحلوه تسلم .. امممم هذي ليلى طالعها من فوق لتحت بإبتسامه:الظاهر حصل لي الشرف من قبل صح .. ليلى رفعت حاجب:ما اظن سيف عقد حواجبه:لا اظن انها ..... يا شين السرج عالبقر اذا ما كنت غلطان.. الصوت .. ليلى بان انها انحرجت وجت عندي تهمس:اسأليه وخلصينا انا:اممم هه .. شوف احنا ما جينا عشان سواد عيونك لا تصدق قال وهو يحط يده على الطاوله عشان تسند جسمه:ايوا ... حلو .. انا:سيف عاد بس .. اسمع اما انا عمي هنا .. وو ... وميت دماغيا سيف تغيرت ملامحه:يؤ يؤ ...... يصحى بالسلامه انشالله توني بتكلم بس استوعبت كلمته ( يصحى بالسلامه ..)؟ انا:ليش هو فيه امل يصحى اصلا ؟؟ سيف:ايه طبعا ولا وش رايك ... بس بنسبه جدن ضئيله .. وماله علاج صحى صحى ما صحى مدري ..... اصلا مدري ماعرف وش سالفته انا بس سمعت عنه انا:ايوا .. ابي ازوره وماني عارفه فين اروح طلع من المكتب وهو يأشر لي الحقه:تعالي انا ادلك .. قلتي لي ايش اسمه انا همست لليلى:وش اسمه ..؟ ليلى:مين ؟ انا:عممي ..؟ ليلى شهقت:ما تعرفين اسم عمك انا:يا غبيه اعرف بس نسيته .. هو فيه حرف الالف صح ليلى:لا والله وانا ايش دراني سيف:هااااه وش اسمه انا ابتسمت ابي اصرف الوضع:هه .. امم .. شوف هو العايله الـ******* سيف:يا شيخه ..!؟ ابي اسمه الثلاثي .. الرباعي يكون افضل مشى وانا وليلى نمشي وراه انا:مو لازم .. ياخي ما فيه الا حاله وحده بهالعايله انا عارفه هز راسه:والله ان عقلك فاااااصل انا:شكرا ليلى تهمس لي:خقيت ترا انا:طيب ليلى:ايش طيب انا:خقيتي على عقلي الفاصل قالت بصوت عالي:لا من جد فااصل فيه احد يحق على عقل بان ان سيف يضحك ليلى تهمس:شاطره فشلتيني انا مااني فاهمه شي .. ليش يضحك وش السالفه:وشو.؟.؟ ليلى:اقولك خقيت على الدلخ الي قدامك انا:مين ...؟ ...................................... سيف؟ ليلى:لا جدتي انا سكت ثواني بعدين انفجرت ضحك سيف:هههه وش فيكم انتو .. هذانا وصلنا انا بروح اكلم الممرضه ثواني خليكم هنا ليلى:وجع لا تضحكين شفتي انا:انتي .. خاقه على سيف ..؟ ليلى:افف بس خقه .. يعني عاجبني .. بس ... اففففف انا:ههههههههههههههههههههههه .. كنت احسها انها مجنونه.. يعني سيف مو من حلاته انسان عادي جدن وش تخق عليه وهي ما تعرفه ليلى:بس فضحتينا انا:هه طيب ..خقي لين بكره مين ماسكك ليلى:ابي رقمه انا:شايفتني خطابه ليلى:شجوونتي |
البارت العشرين انا:هه تستهبلين انتي جا سيف:يلا امشو .. لحقناه واحنا نتساسر هي تترجاني وانا ازبد لها لحد ما وقفنا عند باب لغرفه سيف:هذا هو هنا .... بس يقولون عنده احد جوا ترا انا:اكيد بابا ولا واحد من عماني ليلى:لا اجل انا بجلس برا سيف:تبون ادخل اشوف انا:يا سلام بصفتك ايش سيف يرز الكرت اللي عليه اسمه وصورته ومشبكه بجيب البالطو الي فوق:بصفتي دكتور .. محد حاس اني مو تبع هالحاجات انا:هههههه ادخل يا مجنون فتح الباب بهدوء بس طل بوجهه ورجع سكره:محد فيه انا :يلا امشي .. سيوفي مشكوووووور مرره سيف ابتسم:واجبي .. تدلين مكتبي اذا بغيتي اي شي تعالي .. لو ضعتي يعني هههه انا:هههه تسلم الله يعطيك العافيه فتحت الباب بشويش مره .. وانا ادخل راسي بهدوء .. كانت عليه اسلاك كثيره وجهاز زي الي كان عند بابا حق نبضات القلب ليلى:شجن يما .. كأنه ميت شوفي قربت منه وطالعته .. متغير .. لونه مصفر .. وشفايفه بيضا .. والاهم من هذا كله يده كانت محترقه .. وعلى وجهه غرز .. الظاهر انهم مخيطين له جرح .. جلست وانا اتأمله وانا مو حاسه بنفسي .. اطالع فيه بحزن .. مو هذا عمي مو هذا الانسان المغرور .... او الحنون بنفس الوقت مسكت يده .. صحيح ان عيوني الدموع الي فيها دموع قهر من كلامه الي جرحني بس ... حسيت اني احبه .. انا ما اكرهه .. يكفي بس انه ابو عبدالله .. جلست اطالعه وادعي ربي من كل قلبي انه يقوم بالسلامه .. ويرجع زي اول .. وتقر عين عبدالله فيه شوي حسيت بضغط على يدي .. عقدت حواجبي ونزلت عيوني لها طالعت عمي ... ضغط عليها لكن لثواني معدوده شويه مره وتركها الظاهر انه استجمع كل قوته عشان هالشي انا صرخت لكن بهمس بنفس الوقت:ليلى ... ليلى تحرك .... ليلى ضغط على يدي ليلى مشغوله تعدل نفسها بالمرايه:هاا ؟ انا:تحرك ليلى ... رجعت اناظر عمي:الله يقوومك بالسلامه .. احنا لازم نعلمهم .. ليلى:ايه ايه ... الله يقومه بالسلامه ما حسيت انها حاسه قد ايش انا فرحانه .. يمكن ما عبرت صح بس كان جواي فرحه لا توصف .. كنت عارفه ان لو صار لعمي شي كويس راح يأثر على عبدالله .. ااه يا ذا العبدالله من ذيك اليوم وانا حالفه ما اشغل بالي عليك مره ثانيه بس ... هذا قلبي .. يحبك ويغليك .. احسك اخوي وابوي وامي وصديقي وكل شي لي عزيز بهالدنيا .. الله يسامحك بس .. ما تركتني افرح زي الناس .. بس لو ايش ما سويت بتبقى اخوي اللي مو من امي وابوي .. على صوت فتحة الباب التفت انا وليلى مع بعض .. انا سكتت .. انفتح فمي شوي مره .. وعيوني لزقت باللي دخل .. كان لابس ثوب .. من زمان ما شفته لابس ثوب .. والغتره على راسه بشكل عشوائي بطريقة عربجيه غريبه .. وبيده كيس ازرق شفاف زي حق البقالات وبيده الثانيه كتاب كان منزل راسه اول ما دخل لكن انتبه بسرعه ورفع راسه طالعته وعيوني بدت تتجمع فيها الدموع .. منقهره منه مع اني بديت احس ان السالفه ما تسوى .. مفروض اني ما الومه يمكن فرح بس من جد كان فيه النوم .. هو وقف بمكانه يطالعني ومستغرب .. بان انه بلع ريقه والتفت على ليلى بعد فتره .. ليلى قامت وجت عندي وهمست:خلاص يلا نطلع وانا واقفه كأني مو سامعتها ليلى:احسن .. مشت جمب عبدالله وطلعت .. نزلت راسي ثواني ورفعته وقلت:الله يقومه بالسلامه هز راسه من غير ما يتكلم انا:ترا .... ترا تحرك شوي عبدالله كان ساكت ما تكلم الا بعد فتره:ايه تحسن بديت امشي بهدوء:اها طيب .. زين .. انا بطلع .. باي مشيت جمبه كان ودي اضربه ودي اسبه ودي اطلع القهر الي فيني لكن كل هذا احسه عادي ... ما سوى شي هو .. عبدالله تكلم:نسيت اقولك مبروك وقفت من غير ما التفت وابتسمت : الله يبارك .. فيك .. يلا ليلى .. ليلى كانت تطالع عبدالله وهي تمشي معي بعد ما ابتعدنا:هذا عبدالله انا:ايه ليلى:ليش كذا بينكم كهرب انا:ما بينا كهرب بس هو متضايق عشان ابوه ليلى:لا ماحس قاطعتها بعصبيه:ليلى قلت لك هو متضايق عشان ابوه خلاص ليلى:طيب شفيك معصبه .. طيب ما تحسين انه زعلان لانك انخطبتي وقفت مكاني:انتي وبعدين معك ... خلاص روحي عني ونزلت دموعي بسرعه حتى اني ما دريت انها بتنزل الحين مدري ليش منقهره حاسه بضيقه سببها مجهول .. كنت ابكي ابي اطلع شوي من الي في قلبي .. مدري ليش تأثرت لهادرجه ليلى مسكت كتفي:شجن والله ما كان قصدي حظنتها ولا اهتميت للناس الي حولي:ليلى ... قولي لي شفيني وليلى ساكته وانا ابكي وابكي ... طلعت كل شي بقلبي .. ابتعدت عنها وجلست على الكراسي وانا امسح دموعي .. فتحت البوك ابي اطالع بالمرايه ... خشمي صار احمر وباين اني كنت ابكي توني بسكر البوك الا طالعت صورة عبدالله .. الله يوفقه محتاجته مره لكن هو مو راضي بقربي .. كل هذا عشاني انا ما حبيته زي ما هو يحبني ..؟ سكرت البوك بعنف وحطيته بالشنطه .. ليلى جلست جمبي:يلا قومي نروح انا:لولا روحي انا بجلس بالمستشفى شوي ليلى:نعم ..! ومن يحب جلسة المستشفى انا:مالي خلق شي .. تكفين روحي .. بليز بجلس لحالي شوي ليلى وقفت بعد فتره:اوكي ........ بدق عليك ترا اوكي انا:اوكي ليلى:يلا مع السلامه انا ابتسمت لها وطالعتها لحد ما راحت .. جلست فتره سرحانه وافكر بموضوع حمد ... حسيت اني توني صغيره انا عندي دراستي ابي اكملها مابي شي يربطني او يخرب علي رن جوالي .. رفعته وطالعت ( تسذا ) << بالانقلش طبعا يعني يااسر اففف طفشني هذا وش يبي دايم يدق يدق يدق لا ويهدد بعد .. عطيته مشغول وطفيت الجوال وقمت .. جلست اتمشى بالمستشفى .. شفت واحد منزل راسه وجالس على كرسي متحرك الولد باين انه بالثنوي .. يعني 17 او 18 تقريبا .. ومشالله مملوح مملوح مملوح سبحان الله مره يجنن .. ملامحه مرررره مميزه اول مره اشوف واحد حلو كذا .. سبحان ربي الي خلقه .. تنحت قدامه ثواني .. ماهو شي غلط ههههه بس ابي اطالع جماله يعني من جد سبحان الله الولد جمييل بس صدق الحلو ما يكمل كان جالس على كرسي متحرك يعني شكله ما يمشي .. رفع راسه وطالعني .. لف وجهه للجه الثانيه وتأفف .. جلست بالكراسي الي قريبه منه وانا اطالعه واطالعه .. لا شكله اصغر مني .. التفت فجأه وقال وهو منفعل:انتي وش تطالعين ؟؟ ترا عادي مو لاني ما امشي يعني انا ناقص انا ارتعت من ردة فعله ... يااعمري شكله منجرح من داخل كثير .. حسيت بتأنيب الضمير .. تأثرت معاه مره قلت بصوت كله حنيه طلع غصبن عني:انت حلو سكت شوي وهو يناظرني .. وعلى وجهه علامة استفهام قربت للكرسي الي جمبه اكثر:والله العظيم حلوو .. مشالله لحد الحين ساكت لكن فيه ابتسامه صغيره طلعت غصبن عنه .. وبان انه استحى انا:ايش اسمك ؟؟ قال بخجل:محمد انا:مودي .. ارفع راسك رفع راسه:اول مره احد يدلعني انا:ههههههههههه .. طيب مودي .. اي صف ..؟ محمد:اولى ثنوي .. انا:مشالله .. هاه يعني بتدخلها السنه هاذي محمد:لا خلصت منها بروح ثاني .. وانتي ..؟ انا:بدخل الجامعه شكله تحطم يوم درى اني اكبر منه انا:هههههههه ممكن سؤال ..؟ محمد بان انه ارتاح لي:اييه تفضلي انا:ليش عصبت علي يوم كنت اطالعك ؟ تنهد وناظر الجهه الثانيه ... بعد فترة سكوت تكلمت:اسمع .. انت مو ناقص .. والي يقول هالكلام هو الي ناقص .. انت مره تجنن من برا واراهن انك احلى من جوا بعد ... لا تهتم بكلام الناس او نظراتهم .. انت مو ناقص صدقني التفت علي وابتسم : مشكوره انا استغربت:على ايش ..؟ محمد:اول مره احد يكون ... لطيف معي ابتسمت له:لا شدعوه .. انا شجن .. ابتسم:عاشت الاسامي .. انا:عاشت ايامك .. طلع واحد شكله ابوه او اخوه الكبير وطلع وراه الدكتور الدكتور:هاه كيفك يا محمد ؟؟ محمد:بخير دكتور الدكتور:خلاص ما تعورك .. محمد :شويه الدكتور:عشان ما تفحط مره ثانيه .. تعلم .. وش ذا الدكتور البايخ بدال ما يرفع معنوياته يقول له هالكلام اخو محمد:طيب دكتور تعال على جمب ابيك ابتعدو شوي انا:مشالله مفحط يا الدوب ؟ محمد بان انه تضايق .. وانا سكت .. التفت اطالع اخوه والدكتور .. كنت اسمع طراطيش حكي اخو محمد: طيب كم كلفة هالعلاج ؟؟ الدكتور:ماهو متوافر بالسعوديه .. والعلاج مكلف كثير .. اخو محمد:يعني بره ؟ الدكتور:فيه مستشفى بألمانيا تحب ا قاطعه :لا .. خلاص مشكور .. يعني متأكد مافيه الا هالعلاج الدكتور:والله لو تبي اخوك يمشي ... اخو محمد:اها .. يلا مشكور ما تقصر الدكتور راح:العفو اناا استانست لمن شفت اخو محمد يجي متحمسه اشوف وش ردة فعل محمد لمن يدري انو يقدر يرجع يمشي ثاني محمد بلهفه:هاااه وش قاال ..؟! اخو محمد :يا الدعله بتبقى طول عمرك معوق .. مافي علاج .. وخل غباءك ينفعك يا الثور .. امش وراي محمد بان عليه الانكسار بس تكلم بسرعه:طيب تعال د قاطعه:عندك يدين تحرك فيها الكرسي .. ولا ذي بعد راحت عليك .. اخلص انا انصدمت .. معقوله فيه انسان لهادرجه حمااااااااااااااااااااااااااا* من جد هقرني مره .. لمن طالعت بعيون محمد كنت اشوف الدموع .. وقفت بإنفعال وقلت:انا ادفك ولا يهمك ومسكت الكرسي ومشيت به التفت اخو محمد:خير ؟؟ من انتي ؟ انا طالعته من فوق لتحت وقلت بقرف:مالك شغل .. امش قدامي عشان اعرف وين امشي انا بعد اخو محمد:بعدي عن اخوي ومالك شغل .. وخري انا تمسكت فيه:ما راح اتحرك .. واذا فكرت تسوي شي ابجمع المستشفى كلها عليك .. ترا الهيئه تقدر تجي هنا على فكره |
البارت الواحد والعشرين محمد كان كاتم ضحكته وانا اناظر اخوه بإنتصار وانا رافعه حاجبي .. مشى اخوه من غير ولا كلمه لحد ما وصلنا للسياره .. جا اخوه وساعده يركب .. ناظرني وهو يصفط الكرسي بإستحقار:خلاص شكرا .. تبين فلوسك بعد انا حاولت اقصر صوتي عشان ما يسمع محمد مع انه بالسياره:والله اذا انت بخيل لهادرجه لا تفتكر كل الناس مثلك اخو محمد قام يناظرني بملامح غريبه رفعت حاجبي:لا تطالعني كذا ... حرام عليك تقول له انه مافي امل يتعالج وهو فيه .. اذا كنت متحسف تدفع فلوس علاجه انا ادفعهم ورحت لمحمد وعطيته رقمي:حمود بليز دق عليك ابقولك شي اوكي .. وعطني رقم كتبه بسرعه وعطاني وهو سعييد وتوني بروح الا تكلم:اسمعي انتي مدري من وين تعرفين اخوي ولا وش سالفة الطيبه الي نازله بس ابسألك سؤال انا:نعم ..! اخو محمد:انتي وش حادك على هذا كله انا:مو شغلك .. اخو محمد:طيب كم بتدفعين انا انصدمت من جد وقح .. يعني فوق كل هذا ما تحرك ضميره بيرضى ياخذ فلوس من وحده غريبه لا وحرمه بعد .. طالعته وبعيوني نظرات استحقار عمممممري كله ما ناظرت احد فيهم:والله هذا مو شغلك بعد .. عليت صوتي اكثر:حمووود لا تنسى بكلمك بموضوع مهم راح اخو محمد والابتسامه على وجهه ركب سيارته المقردعه وراح .. وانا اطالعهم ومبسووطه لاني حسيت اني بسوي شي مرره انساني طيب معقوله ماما بتتركني ادفع فلوس علاج مكلف وفي الخارج بعد افف مو شغلها فلوسي وانا حره فيها .. انا تعديت السن القانوني وكبيره وحره بنفسي بعد مو بس بفلوسي .. فتحت جوالي لقيت مكالمتين لم يرد عليهم من ليلى .. دقيت على عمر يجي واول ما وصلت البيت تروشت ونزلت اتغدا انا:هااااااااي بابا:وعليكم السلام ماما:زين نزلتي من غير ما نناديك زي كل مره انا:ههه ماما:وش هالنفس الزينه قلت وانا اتنهد بإبتسامه:شي جميل لمن تقول كلمه زغنطوطه لاحد وهي ما تكلفك شي بس بتخلي هالاحد مبسوط طول اليوم انه سمعها بابا:اووو الفيلسوفه شجون انا ابتسمت .. مو بس انا نفسي زينه اليوم حتى بابا انا:امم بابا .. ماما .. التفتو انا:صح انا كبيره وخلاص بتزوج وكل شي استوعبت اني قلت بتزوج واستحيت .. اف علي ماما:ايه ههه انا:احم ... ايه يعني عقلي براسي واخلص خلاصي مدري فراسي الي هو .. ههه المهم اني عاقله صح بابا:ايه .. وش ورى هالحكي انا:يعني لو نقص من رصيدي مبلغ كبير ما راح تزعلون صح بابا فهم قصدي:وش تبين تشترين يعني وبيصير بمبلغ كبير ومستحيه انك تقولين لنا نجيبه لك انا:لاني اول شي ابي ادفعه من فلوسي .. ثاني شي هذا مبلغ كبير لدرجه انو ما ينشرى منه شي .. ماما وبابا على وجيههم علامات الاستفهااام انا رفعت جوالي:ثواني بقول لكم دقيت على محمد :الو .... هلا مودي ... كيفك ..؟ هاه تغديت .. هههه بالعافيه .... مودي ممكن تعطيني اخوك شوويه ... لا بس موضوع .... اوكي شكرا .......... ( قلت بدون نفس ) هلا ..... ايه ..... كنت بسالك ...... كم الـ ... ايه ايه ....... اها .. طيب شكرا ..... مع السلامه اول ما سكرت بابا قال وهو فاتح عيونه:من كنتي تكلمين ماما نفس الحاله:الحين تكلمين شباب قدامنا عيني عيني انا ارتعت منهم وقلت بسرعه:حيلكم حيلكم شوووي طيب وقلت لهم كل السالفه الا اني ابي ادفع له بابا:ايوا واذا صار مسكين ليش تكلمينه سكتت شوي:امممممم .. انا قررت ادفع تكاليف علاجه بالمانيا ماما شهقت:وانتي فاتحه جمعيه خيريه .. ؟؟؟؟ بابا كان يتكلم بجديه:شوفي .. المبلغ 250 الف يعني ربع مليون ريال .. انتي برصيدك ما يعادل الـ 5 ميلون تقريبا انا انصدمت .. ايييييش..!؟؟!؟ انا برصيدي خمسه مليون مدري حسيتها كثيره .. اوكي كنت متوقعه مليون يالله بس خمسه .. فلله بابا:لو راح منها هالمبلغ ما راح يأثر برايي بس لو جلس بيسوي شي لانه مو مبلغ هين .. شوفي .. ربي قال بأيه من اياته .. ما حفظتها طبعا بس الزبده ان الي بيكفل يتيم لازم يحافظ على فلوسه لحد ما يكبر ويسلمها له .. وانتي كبرتي وانا عطيتك البطاقه وانتي حره لو تخلصينها بيوم بغير شي حرام .... هذا كله راجع لك وبعطيك دفتر شيكات لو تبين ما عندي مانع الله يا ابو التفكير المتفتح .. عاااش بابا وسقط الكل .. يلا الحين الفيلسوفه ماما بتتكلم ماما:لا والله .. تخليها توزع فلوسها كنها بلهى .. واحد شافها متعاطفه معه خنت حيلي بنيتي حساسه وسفيهه تصدق بسرعه انا انفعلت:سفيهه ؟؟ ماما تكمل:ملعوب عليها بابا يأشر بيده:خليها ... خليها .. يعني لو راحت فلوسها وش بيصير .. الخير كثير ماما فتحت عيونها:بكل بساطه .. هذا تبذييييييير .! اف حكت المطوعه .. بدو يتناقشون زي كل مره وانا اناظرهم بكل برود .. دايم القرار النهائي الكلام الي يقوله بابا .. ماما عمرها ما قدرت تقنع بابا بوجهات نظرها .. بس بديت افكر يمكن جد انا مو مكلوفه ادفع لواحد ماعرفه ولا اعرف وشهي ظروفه ..... بس ولو بسوي كل ذا ابحرق دم اخوه مع اني عارفه انه مبسوط الكلـ* بس فجأه بديت ابتسم لما تذكرت شكل محمد .. الولد لو رجع يمشي يمكن يسوي بلاوي ههههههههه والله لو مشى البنات بيرقمونه مو هو مشالله جميل اتعب وانا اقول جميل .. الله يحفظه لاهله ويقومه ساالم يارب سؤال يسدح نفسه .. كيف اعطيه الفلوس ؟ واظمن ان اخوه ما ياخذهم ؟؟اظمن انه بيسافر من جد .. مالي الا بابا حاولت اقنعه يدبر الموضوع وهو وعدني يسوي الي يقدر عليه .. اااه يا حبي له بابا .. بعد المغرب وانا كالعاده بغرفتي اقرا روايه جتني ماما وجلست :شجون اتركي من يدك انا مندمجه:شجن سحبت الجوال:مافيه فرق التفت عليها:امري ماما:وش قلتي ؟؟ بموضوع حمد انا:............. ماما:شوفي قبل لا تحكين وتقررين انا بقولك اشياء عن حمد .. وعن السالفه عموما تربعت وجلست اسمعها :ايواا ماما خذت نفس:جدتك سمتك على حمد وسمته عليك بما انها جدته من الرضاعه .. هي قالت كذا وفرضت رايها .. وانكتبتو لبعض .. المشكله ان عمك بو حمد ما درى وينك ولا كلف نفسه يسأل اصلا عشان كذا خطبو لحمد .. وملّك بعد .. بس قبل الزواج طلق زوجته بعد ما عرفو وينك انا عقدت حواجبي .. ملك وطلق ...؟؟امم عادي ماهي مشكله اذا هو ما تزوج .... وحتى موضوع كتبناك عليه وكتبناه عليك ما همني ماما:الولد عمره ثلا قلت معها:ثلاثه وعشرين سكتت شوي وقالت:ويشتغل ببن قلت معها بعد:بالبنك بس مدري بنك وشو ماما جلست تطالعني:من وين عارفه كل هالاشياء انا:عادي انا عارفه هو اكبر مني بكم وبعدين من يومه صغير مزعجنا انا بشتغل ببنك انا بشتغل ببنك ماما:ايه يعني عارفته ما يحتاج اقولك .. انا:هاه .. لا كملي كملي ماما:الولد يدخن ترا .. وابوك تضايق بس ما كان وده يخرب وصية جدتك عشان هالسالفه قلنا بنشاورك انا بلا مبالاة:لا عادي ماما تنهدت:انتي وش رايك .. بخليك تفكرين كم يوم زياده انا مسكت يدها قبل ما تقوم:ماما انا موافقه .. اول كنت مقرره اني سكت شوي ما كان ودي اقولها الي بقوله حاولت ارقع:مقرره اني اسوي ثقل بس خلاص .. موافقه ماما ابتسمت:الله يكتب الي فيه الخير .. ابروح اقول لابوك طلعت وباين ان الدنيا مو سايعتها .. انا كنت بقول اني مقرره ارفض...... مو حمد الانسان الي تمنيته وعشت مراهقتي افكر فيه .. مو هو بس بعد ما قالت وصية جدتك .. وافقت .. حسيت ان الموضوع تافهه .. ما عطيت الزواج القد يستحقه من الاهميه وهذا الصحيح بالنسبه لي .. كملت اقرا روايه فجأه رن الجوال انا:اففف عليهم لازم يخربون علي طالعت الاسم .. ياربي ياسر من جديد عطيته مشغول ورحت غيرت اسمه وحطيته ( لا تردين ) وسجلت مقطع صوتي بالجوال فاضي يعني هدوووء ما تكلمت فيه .. وخليتها النغمه حقته عشان اذا رن يتجي هالنغمه وما يطلع صوت احسن .. مدري وش هالنشبه جاني منه مسج (( شجن سوري عالكلام الي قلته تهديد وما تهديد بس لازم اكلمك ضروري واللهي خايف عليكي .. بليز ردي لو لي عندك معزه )) قلت بصوت عالي:قال معزه قال .. تاكل تبن انت غبي وتافه وغبي مره ثانيه.. وسفيت الجوال في قريح بعد كم يوم جتني ماما وقالت لي انها ردت على ام حمد .. وقالت لي انو ماراح نسوي زواج .. على طول ملكه وخلاص .. انا صحيح انصدمت وبغيت ارفض الفكره وبشده بس سكتت لاني وبكل بساطه حسيت ان السالفه ( whatever ) ابد ما تهمني يمكن بكيت شوي لاني ما راح اكون زي كل البنات عرس وفستان وكوشه ومعازيم ولمة ناس بس .. اقنعت نفسي ان البساطه مهما كانت حلوه كنت بجواي رافضه اني اتزوجه بس مدري وش هالشي الي بداخلي مخليني اوافق .. او بمعنى افضل مخليني متقبله الوضع كأنه عادي ولا صاير شي يمكن لان قدري هو الي اختار لي هالشي او يمكن لاني احترم قرار جدتي .. بس كيف ما حسيت اني مهتمه كأني حاسه ان كل شي بحياتي ماله طعم وماله لون فـ مو لازم اتعب اعصابي مدري السبب من حمد نفسه .... ولا مني ؟ انا حز في خاطري .. كل البنات غيري يملكون يمكن من قبل ما يعرفون بعض ويجلسون طول فترة الخطبه مملكين الا انا انخطبت ولي اسبوع ونص وبعد اسبوعين ملكتي .. قصدي زواجي البسيط .. حسيت اني ناقصه بس تذكرت كلامي لمحمد بديت اجهز اغراض العرس .. اووو قصدي الزواج .. ما يسمونه عرس .. والحين انا باول يوم من هالمشوار انا وليلى نتمشى بالسوق ليلى:تعالي ندخل هالمحل انا:لا تعالي قدام فيه محل حلو ليلى:وليش معنده ندخل هذا وندخل ذاك امشي دخلنا كان محل البسه داخليه وبيجامات ليلى تأشر على قميص نوم:شوووفي .. ههههه بيخق عليك فيه انا حاولت اتجنب حركاتها قد ما اقدر:شوفي البيجامه حلوه صح ليلى:خلك من البيجامات وتعالي ذاك القسم .. ايوا انتي عروس من قدك .. تعايري رغد انها تزوجت بدري وهذاك طحتي وراها.. عقبااالي يااااااااارب ضحكت على هباالها وسحبتها لبره:اوكي بس مو اليوم .. الحين ابي اشتري لي فساتين او تنانير ليلى:قالت ايش قالت فساتين او تنانير .. الناس تطورت ضحكت عليها وكملنا مشوارنا .. ويوم يمر ورا يوم ورا يوم شريت اشياء من الحيا ما استرجي اناظر فيها وشريت لي جزم عطورات ملابس كل شي .. ما دريت ان الزواج حتى بدون عرس متعب لهادرجه .. شوي شوي بديت اتقبل الفكره وابلعها وبديت اتحمس .. بالاسبوع الثاني صرت انا الي اروح السوق مو اي احد يجي يطلب مني اروح عشان اكمل اغراضي صرت انا اللي اتفرج واناظر واشتري من الحماس .. ما بقى شي الا شريته ... يوم عن يوم ابدى اتوتر زياده بس ما حسيت بذاك الشعور المميز لحد الحين حاسه ان الوضع عادي وان كل شي عادي .. لكن احيانا اخاف من هالفكره الجديده بس احاول قد ما اقدر اتجنب هالخوف وابين لنفسي ان الوضع ايزي اليوم الي قبل الملكه .... قصدي الزواج .. كنت جالسه اجهز شنطتي .. ليلى:ليش تجهزينها من الحين ... ؟ انا:عشان مدري ... اول مره اتزوج مدري متى يجهزونها ليلى:ههههههههههههههه ... اسألي امك طيب انا بلا مبالاة:مالي خلقها ليلى:شوشو .. ليش منتي فرحانه طالعتها بنص عين:شوشو.. من وين طلعتيها هاذي ليلى:يوو لا تصرفين تنهدت وقلت:تدرين اني كنت بقول لماما مابي حمد .. لانو ... مو معقوله كذا تجمعت الدموع بعيوني:يعني مافي عرس... حتى فستاني بسيط .. وبس اوقع بذاك الدفتر بطلع من هالبيت ... لا انا مفروض اصير زي باقي البنات وش فرقي عنهم ليلى:خلااااص فيه وقت روحي قولي مابيه .. انا:وش عقبه ... اصلا ... اصلا الي خلاني اوافق كلام جدتي لانها كاتبتنا على بعض .. مدري يمكن لاني احترم كلامها وافقت .. جدتي مره انسانه غاليه علي وانا عارفه ان كلامها كله بيصير شي كويس لي ليلى:شجن كلامك الاول صح اما هذا لا ...جدتك ماتت و ذا ..؟! لا تسوين شي انتي مو مقتنعه فيه لا تنسين انك بتعيشين كل حياتك مع هذا الانسان وبتبدينها بكرا .. مو الحين .. يعني فيه امل تفكرين كويس وترفضين سكت فتره وقلت بإبتسامه طلعتها غصب عني:ربي اذا كاتب شي بيصير ليلى وقفت:انتي مدري كيف تفكيرك جاي انا انفعلت ورميت الي بيدي بعنف وبديت ابكي:ليلى افهميني..ماهو على كيفي .. الظروف كتبت كذا انا ابي اتزوج هالانسان وافتك من الي حولي ابي اريح اعصااابي واذا راحة البال بتجي بزواجي منه والله لاتزوجه بس عشان ابعد الكلام الي قلته ما كنت ادري انه صدق هو السبب الرئيسي لموافقتي .. اول مره اسمع هالكلام من نفسي .. يمكن كان هو السبب بس انا اكابر فيه او اقول لنفسي انه مو هو لكن الحين طلع .. جت ليلى حظنتني:ماهو حل .. انتي تبين تبتعدين عن ايش ..؟ انا اكتفيت بالسكوت وبعدها قلت:لولا ...... بكرا بتزوج مو مفروض افرح .. حسيت انها حست انو مافي امل تقنعني وقالت :الا ... يلا انا بروح اتغدا مع مامي انا مسكت يدها:لا بنتغدى مع بعض .. بروح البس عباتي ونطلع .. ومافي اي اعترااض فاهمه ليلى ابتسمت:هوا انا ائدر .. هه يلا يا امي امشي |
البارت الثاني والعشرين طلعنا تغدينا بفرايديز .. بعدها طلعنا على اساس اننا بنرجع البيت قلت وانا اقلب البطاقه بيدي:تتخلين هاذي فيها خمسه مليون ليلى:طيب .. عادي ..!؟ انا:لااا ... بس مو مفروض يحطون مبلغ بهالقد بيدي صح .. حتى لو كانت عندي يحطونها برصيد ثاني ويعطوني مبلغ اقل ليلى:اصلا وش الي مخليك متأكده انها فيها خمسه مليون .. يمكن يلعبون عليك ههه انا:ايه صدق .. وش رايك اروح اشيك على حسابي ليلى:راايقه انا:ما وراي شي خليني اخذ حريتي بأخر يوم ... لحظه احنا وينا فيه ليلى:مدري من زمان واحنا ندور .. تلفت حولها:والله مدري هذا حي غريب .. انتي وش قايله لسواقكم يروح انا ضحكت:مدري شفت جسر حلو قلت له امش عنده .. هههههههههههههههه ليلى:الجسر المعلق ..؟؟؟ يوو شكلنا بالسويدي والا البديعه انا: يو تصدقين اول مره اجي .. عمر احنا وين فيه ؟ عمر:بديئه انا:البديعه .. يو اول مره اجيها تصدقين ليلى:لا مو مقعول المهم مافي هنا بنك .. انتي وش بنكك طالعت البطاقه:ساب ليلى انهبلت:شوووفي بنك سااااب ..! انا التفت:ويين .. عمر عمر وقف عند هذا البنك ليلى:يعني من جدك بتنزلين انا:ايه وش ورانا .. وبتنزلين معي .. ليلى:ايه طبعا .. نزلنا انا وياها ونطالع حولنا ... انا:لولا غطي شعرك اهل البديعه على قولة ماما ملتزمين ماني نلفت الانظار ليلى:مااااااابي انا:احسن .. المهم دخلنا ورحت لاقرب شي لقيته قدامي انا:لو سمحت .. ابي اشيك على حسابي الرجال الي قدامي يلملم اوراق:اسف انتهى دوامي .. روحي لهذا وأشر على واحد عاليمين مدري وش جالس يسوي مشيت من عنده وقلت بهمس:وقح ليلى:انتهى دوامه يجلس لك يعني وقفت عند الثاني:لو سمحت ابغى اشيك على حسابي قال وهو ملتفت:اوكي ثواني اختي .. جلس فتره والتفت:نعم كيف اقدر اساعدك انا صنمت مكاني ..... طلعت ابتسامه غصب عني وانا اناظره بنص عيون .. اجل حمد .. عاد سؤاله:نعععم .. كيف اقدر اساعدك ..! معقوله ما عرفني ... نشوووف .. ابتسمت من على جمب وقلت:ابي اشيك على حسابي طالعني ثواني وهو عاقد حواجبه واخذ بطاقتي .. مد لي جهاز:الرقم السري لو سمحتي كتبته وانا اناظره بنص عين وابتسامه على جمب ... حمد:برصيدك خم ..... مدري انتي شوفي بنفسك طالعت شوي .. لا جد خمسه مليون وكم رقم زياده .. ابتسمت واخذت البطاقه:اها .. طيب مشكور حمود رفع راسه بسرعه باين انه كان مشكك فيني .. بس عقب ما قلتها تغير وجهه شكله عرفتي .. ههاي عطيته نظره وطلعت انا وليلى واحنا نضحك ليلى:والله العظيم ما كنت قادره اتكلم ههههههههههه الحين هذا حمد ..؟ انا:ههه ايه .. ليلى:وع والله عبود احلاااااااااااااا بس انتي غبيه تنهدت وقلت ابي اغير الموضوع:لولا تخيلي انا بسكن هنا ليلى:وش الي مخليك متأكده فتحت باب السياره وركبت:يعني هو يشتغل هنا طبيعي يصير ساكن هنا ليلى:اممم حسافه انا:كم بين البديعه والعليا ليلى:مددري قلت بحزن:عمر ارجع البيت ليلى:لا يا ماما بروح بيتنا انا:لا بتجلسين معي طول اليوم وبتنومين معي بعد ليلى:وش هالمحبه انا:مدري .. ابيييك يختي ليلى تبتسم:فديتك والله ابتسمت لها وانا اطالع يديني المنقشه .. يعني انا عروس... مدري ماني قادره استوووعب تنهدت وقلت لعمر يرجع للبيت وصلت ليلى بيتهم لانها بتنام عندي وراحت تاخذ اغراضها انا دخلت البيت على طول على غرفتي ورحت اقايس الفستان مره اخيره .. كان الفستان ذهبي غامق كلللله شك .. كان بسيط .. منتفخ شوي ما حطيته كبير .. لاني ما احسه انه زواج .. حتى الفستان ماهو ابيض كان الفستان عاري الظهر ومن قدام بسيط جدن .. ومخصر على جسمي تمام ولون الفستان مخليني برونزيه شوي حسيت انو فيه شي مميز بالسالفه وقفت عند المرايه اتنهد .. ياربي قلبي قارصني .. احس ان فيه شي غلط بس مدري وشو السالفه كلها غلط بغلط .. بس وش عقبه ..! مدري ليش هذي المره الالف الي اسأل نفسي فيها .. ليش انا ماخذه الموضوع بهالبساطه مسكت جوالي .. كان ودي ادق على عبدالله .. توني بضغط على اسمه الا دخلت ليلى شجوووووووووووووووووووووووون نقزت من مكاني:بسم الله ليلى:هههههههههه وش تسوييين .. لابسه الفستااان من غير ما توريني حطيت الجوال جمبي:من زينه يعني .. سحبتني عشان اوقف:اش اش اش .. حركااات .. قلت بلا مبالاة:كأنك اول مره تشوفيني لابسته ليلى:وش فيك انتي حالفه تتنكدين .. يبا قلنااا ارفضي ما رضيتي قلنا افرحي ما رضيتي ضحكت على اسلوبها داخل عليه شويه لهجة اماراتيه .. رفعت شعري:وش رااايك بيطلع حلو لو رفعته مسكت شعري ونزلته:انتي عروس ما ينفع ترفعينه كله .. شوي سوي ... كانت تتكلم تتكلم وانا بالي مو معها .. بالي مشغول .. من بكرا .. وش بيصير .. بتزوج خلاص ؟؟ طيب انا ما شفت شقتي الي بسكن فيها ولا اخترت لها اثاث .. ولا ادري وين شهر العسل .. ولا مره كلمت حمد .. ايش هالزواج ..؟؟ يعني ماما تبي ترميني وخلاص .. حسيت العبره خنقتني بغيت اصيح بس حاولت امسك دموعي قدام ليلى .. وحتى مابي الفستان يخرب دخلت غرفة التبديل بسرعه:خلاص لولا حلوه فكرتك .. انا ببدل ليلى:لااا استني ما كان قصدي كريزي ما ينففففففففع طلعت وعلي بيجاما:ليلى بس ثواني بروح اكلم ماما ليلى:بس خليني افهمك كيف التسريييحه .. شججججججن ضربت الباب بشويش .. فيما انتظر منها رد كنت ارتب الكلام الي بقوله بس اول ما فتحت الباب .. بححح كل الكلام طاار من مخي طالعتها ثواني وحظنتها:ماما .. ابي اكلمك دخلنا جوا وجلسنا على السرير وانسدحت ومسكت يدها زي دايم ماما وهي تمسح على شعري:وش فيها عروستنا ؟ قلت بدلع:ما احس اني عروسه رفعت راسي لها:وراه ؟ انا بوزت:وش ذا العرس ... دمعت عيوني غصب عني:ماما ما ينفع خلاص حسيت بضيقه خلتني غصب اقول لك هالكلام .. مااااابي اتزوج بهالطريقه احنا وينا فيه انا ماعرف حمد ابدن ماما:بس ... مو انتي قاطعتها:ماما كنت تسع سنوات كيف ابعرفه يمكن هو تغير الحين .. تغير كثيير انا داريه .. طيب خلينا من حمد .. وين شهر العسل .. وشقتي انا ما شفتها ماما:شهر العسل هذي هديتي لكم مفاجئه مني ما راح اقول وين .. والشقه هديه من ابوك حلف على ابو حمد ما يشترون شي يبي يسويها مفاجئه يعني رجعت ابوز:ماما انا مو قد الزواج مسحت على خدي:كلنا قلنا كذا امن جينا نتزوج .. بس بعدين .. تحسين ان الكلام الي قلتيه ما كان له اي داعي ابدن .. بعدين بتفهمين وش القصد بالزواج .. شوفي يا بنتي.. الزواج ... وبدت تسولف لي وتعلمني حسيت اني داخله درس معها .. كل كلمه كانت تقولها كنت اسمعها زين .. قالت لي اشيااء كثيره حسستني انها من جد امي علمتني حاجات لازم اسويها .. كيف اعمتني ببيت كامل .. شجعتني .. بعد كلامها تحمست .. مدري نسيت كل كلامي اعرف حمد كويس ولا لا .... ماني زي باقي البنات .. ماني عروس يسمونها عروس ...... كل شي تحمست لافكار كثيره .. بديت افكر لو جاني اطفال كيف ابربيهم .. وهل انا بطبخ ولا بترك الشغاله ... طيب وش بسوي بعدين .. وكيف ابنسق بيتي على كيفي .. و و و و الخ اشياء كثيره ثانيه شدتني وابعدتني عن الكلام اللي اقنعت نفسي فيه .. طالعت ماما بحنان وعطيتها بوسه:الله لا يحرمني منك يا يما باست جبيني:ولا منك .. يلا ليلى مسكينه بغرفتك لحالها قمت بسرعه:يو نسيت .. ماما .. بابا بينوم فوق ولا تحت ماما بحزن:لا تحت .. خذو راحتكم رحت الغرفه لقيت ليلى طربانه وترقص .. جيت اهز معها شويه:مجنووووووونه يا بنتي ليلى:ههههههههه اوما عليك رقص جلست:هه ماعرف .. قصريه قصريه بس طفت الاستريو:الوجه مشقوق اشوف .. وين العبسه الي قبل شوي تنهدت بفرح:لولا .. تخيلي معي قالت بدراما زايده:تخيلت معك .. اااااه بكره و ضربتها:وش فيك انتي لازم تخربين جوي .. لالا اقول .. يصير عندي بيبي غمزت لي:بدينا بحركات النص كم .. الا تقهريني يعني ضربتها من جديد:هههههههههههههههههههه والله انتي هبله .. فجاه تذكرت شي وسحبت يدها:اممممممممممشي فيييه فلم مره مره مره مره مره حلو على الشوتيام لا يفوتنا ليلى:شوي شوي وصلت للباب ورجعت:تعالي ناخذ اغراااض .. ليلى:وش اغراضه انا:عشان ننام بالصاله الي فوق .. بابا تحت .. عادي فله .. شلت ثلاث وسايد معي واخذت الكومفرت الوردي:يلااااا خذي اغراضك خذت وسايدها والكومفرت حقها وهي تضحك .. رميت اغراضي بشكل عشوائي ورحت طيران على المطبخ الي فوق ولحقتني ليلى ليلى:جتك حالة هبال طلعت البوب كورن من الدرج:اهم شي الفوووشااااااار ليلى:فيييه بالزبده فتحت الدرج من جديد:بالزبده وبالجبن وعادي .. راحت للميكرويف وفتحته :يلا حطيهم دخلتهم ورحت للثلاجه:وراوخ ليلى قالت بمبالغه بردة الفعل: لييييييين الحين تعشقينه .. يابنت طلعت اربع علب:هههههههههههه ليلى:ليش الاربع عطيتها وحده:واحد لك وثلاثه لي ليلى:ههههههههههههه لا عطيني واااحد خير المهم كانت ليلة مره حلوه .. رحنا فرشنا عالارض قدام التلفزيون على طول وجلسنا ناكل فوشار ونطالع التلفزيون ونسولف .. يمكن سويت هالحركه عشان انسى توتري شوي بعد فتره وانا كنت اتقلب احاول انوم لكن ماني قادره حتى اسكر عيوني انا:ليلى نمتي ليلى وهي بسابع نومه:همممممممم تأفف وانقلبت للجهه الثانيه .. وكل شوي اغير وضعيتي .. قمت وانا مكشره .. والله ماهي حاااله هاذي مسكت جوالي ودقيت على سيف سيف بصوت كله نوم:صويلح ووجع قلت لك المناوبه ماهي علي اليوم ضحكت عليه:صويلح اجل سيف:شجن .. يو مسرع ما اشتقتي لي انا:وع من زينك.. سولف سيف تثاوب:داقه علي الساعه ثنتين ونص باليل تقولين لي سولف .. انا:ايه عادي اجازه سيف:والله انا واحد عندي دوام من الفجر .. وما نمت الا من ساعه انا:مشكلتك سيف:............... صرخت:هييييييييه سيف:هاه .. بسم الله الواحد ما يمديه ينام خمس دقايق .. صوتك فقع اذني انا:هههههههه احسن عشان ما تنام والسماعه بأذنك سيف يتثاوب من جديد:الا وش الي مصحيك .. لا تقولين اجازه وسهرانه لانك مشالله دجاجه انا عارفك انا:لااا ........ بكرا بتزوج سيف:جد ...!؟!!!؟ .. يووو عالبررررررركه الف الف الف مبرووك انا ابتسمت:الله يبارك فيك سيف:يوو والله ما توقعتها .. انتي تتزوجين قلت بدلع:ليش انا وش فيني انشالله ما اتزوج سيف:هه لا بس توكم صغار عقدت حواجبي:توكم ؟؟ من تقصد .. انا ومين .. ؟ سيف:انتي ... و ولد عمك .. سكت شوي .. اي واحد يقصد:ما فهمت عليك .. ؟ سيف:الي ابوه معنا .. ياربي مسويه تستحي اخذت نفس:عبدالله .... انفعلت فجأه:وهو وش دخله اصلا ؟؟ سيف:ايزي ايزي سوري ... عالعموم مبرووك انا:لآ سيف قلي من وين جايب هالكلام من مخك سيف يتثاوب للمره الثالثه:شجن وش فيك بس كنت مفتكر كذا انا ولحد الحين منفعله مدري ليه:وهو على كيفك تفتكر .. والي مخليك تفتكر اصلا سيف :مدري .. باين انه يحبك انا:وانت وش دخلك سكت شوي بس حسيت اني تسرعت يوم قلت له كذا .. حاولت اعالج الموقف:قصدي وش دراك سيف:خلاص شجن فيني النوم .. مبروك منه المال ومنك العيال الي بتتزوجينه .. والله تستاهلين انا:لالا .. اصبر .. وش الي خلاك تقول هالحكي سيف:مشالله وش الي يهمك بحكيي ؟؟ مو انتي باين انك ما تطيقينه يعني مالك شغل من وين قلت هالحكي انا:هاه .. لا بس .. عادي ابي اعررف سيف:تراني دايخ انا:خلاص قلي وش الي خلاك تقول كذا وانا اسكر بوجهك بعد سيف:لااا .. شين وقوات عين انا:انا شين ..؟ افاا .. سيف يتثااوب انا:هيه انت ترا حومت كبدي وش ذا النوم الي فيك .. وبعدين قلي يلا سيف:مدري والله .. كذا باين انكم تحبون بعض .. سوري ما دريت انك قال بأسلوب يضحك:مرتبطه يا مدام ضحكت عليه:كيف يعني باين ااننا نحب بعض يا مدام سيف:اول شي انا رجال ما يقالي يا مدام .. ثاني شي اقولك مدري انا شفتكم ذيك اليوم بالمستشفى وحسيت كذا .. يتثاوب:شجن واللي يرحم والديك دايخ عيوني تولع وتطفي |
البارت الثالث وعشرون انا:واكي باي وسكرت بوجهه قلت بصوت مسموع:مااا قد شفت ابيخ منه رجعت احاول انوم .. ما عرفت .. كل تفكيري ببكره ووش بيصير .. خاايفه مره .. ما دريت اني بتوتر لهادرجه فتحت جوالي وجلست اطالع الرقم .. ادق عليه ...؟ اكيد صاحي الحين هو يسهر مع اصحااابه دايم .. دقيت لكن محد رد تنهدت .. ورجعت ادق رد علي واحد بس مو عبدالله:الو انا عقدت حواجبي:الو السلام عليكم الطرف الثاني:وعليكم السلام .. انا:امم .. مين معي ؟ الطرف الثاني:وانتي وش عليييك .. لا تدقين مره ثانيه فاهمه .. اسمع صوت من عنده:اوريك يا كلـ* انا ما قلت لك تقول هالحكي شوي قرب الصوت اكثر:شجن حبيبتي اسف .. هذا واحد من الشباب ههههههههههه انا:ايه تخليه يرد على جوالك ويقول لي لا عاد تدقين .. عبدالله انت وش فيك انا مرررره متوتره ومحتاااجه اكلمك .. انسى شوي وبلاها هالانانيه فكر بغيرك يعني انت عارف اني ما عندي احد غيرك اقدر اقوله كل الي فجأه سكتت .. انا وش جالسه اقول .. ؟؟ جالسه احاسبه لانه ما يبي يكلمني ..؟ هو الغلطان الحين .. ؟؟؟ لا هو ما سوى شي كل ذمبه انه يحبني وانا وحده غبيه جالسه ابي اكلمه واعلمه قد ايش انا متوتره عشان بكره وقد ايش انا فرحانه لانو بتصير عندي حياة جديده .. وبكبر وبيكون عندي اطفال وبـ ...... الخ الخ ... حسيت بشي غريب كان ودي اني اقفل بوجهه وابكي وخلاص .. حاولت بس ما عرفت كنت ابي اسمع وش بيقوول لكنه ظل ساكت .. انا بإنفعاال:لا تسككككت قووووول اي شي عبدالله بهدوء:ايش اقول .. وضحك:ههههههههههههههه تصدقيييييين انك تووحفه .. واللهي ما قد شفت زيييييييييك على وجه الكره الارضيه .. هههههههههه انا عقدت حواجبي:عبدالله شفيك تضحك .. انا ما قلت شي يضحك .. وبعدين ايش حبيبتي هاذي اول مره تقولها .. هيه انت شارب شي عبدالله بصوت حزين غير الصوت الي قبل شوي:لا من جد ما قد شفتك زيك هه .. يعني داقه علي .. وانتي بتتزوجين بكره .. رجع لحالته الي قبل شوي:هههههههههههههههههههه وش تبين مني خلاص .. انا اكرهك اصلا ههههههه بس انتي ما تدرين .. اكرهك عارفه كيف اكرهك ههههههههههههههه .. والله ماهي حاله هاذي .. يعني انتي فاااااااااااااااااااااهمه اني احبك وداريه انتي وش تعنين لي وداريه انك انتي الشي الوحيد الي بقالي بهالدنيا من بعدهم .. ههههههه ولا وفوق كل هذااااا .. جايييه مسويه نفسك ما تدرين فجأه صرخ:لكن بقولك وش الي ما تدرين عنه انتي حيوانه وحقيره انتي ما تدريييييين اني احبك .. ماهو همك الي انا فيه .. حيواااااااااااااااااااانه شوي اسمع اصوات ناس حوله يهدونه وهو يصرخ ويقول حيوانه انا تصمنت مكاني هذا عبدالله ..؟ لا .. ماهو عبدالله .. ليش يكلمني كذااا ..!؟ لييييييش .. انا توني ادري ان عبدالله ممكن انه يقول هالحكي لي او يصرخ بوجهي بهالطريقه ... بس هذا مو عبدالله .. ماهو الي انا اعرفه خنقتني العبره ورميت الجوال وبديت ابكي .. وشوي شوي علا صوتي اكثر وبديت ابكي اكثر .. مدري وش الي جالس يصير خلاص ابي كل يصير تمام زي قبل ما ادق عليه .. ابي .... ابي يرجع كل شي وراا ابي اعدل كل شي .. ابي انسى الي صار قبل شوي شوي اسمع صوت ليلى:شجججن وش فيييييك ..؟ رفعت رااسي وحظنتها بقوه وانا اشهق من الصياح:قال عني حيوانه يا ليلى ... يكرهنننننني .. ليلىىىىى اخوي يكرهني يا ليلى يكرهننني ليلى ماهي فاهمه شي بس تحاول تهديني:ما عليه ما عليه ما راح يصير الا العافيه انا:اقولك يكرهني منتي فاهمه ..... قلت بإنفعال:كيف يقول انه يحبني بعدين يقول انه يكرهني بعدين يقول عني حيوانه وحقيره كييييف .. ليلى ... انا ... حظنتها بقوه:ليلىىىىىىى عبدالله تغير .. لييييش تغير .... ليلى انا اكره حمد ... انا ما راح اتزوجه اكررهه طلعت ماما وهي مرتاعه:خير وش صااير ؟؟ جاها كابوس؟؟؟! ليلى:لا يا خالتي مدري شفيها تقول عبدالله تغير وتقول انها تكره حمد ومدري ايش وما تبي تتزوج جتني ماما وطالعتني وهي مرتاااعه:وش فيك .. وش صااير لك يا بعد عمري وش فيييييييك حظنتها:مااااااامااا .. مابي اتزوجه .. اكرهه يا ماما هو الي خلا عبدالله يكرهني .. كله منه .. ماما عبدالله قال عني حيوانه ... ماما عبدالله يكرهني ليش ..... انا ما سويت له شي ... ماما تحاول تهديني:لا ما يقول عنك حيوانه يا بنيتي اذكري الله..اذكري الله وانا ضليت ابكي ما كنت اسمع شي من كلامهم .. الا لما كانت ماما واقفه وتتكلم بالجوال ماما:لا بس ... طيب قول لها .. لا هي كانت مره فرحانه ... لالا وش دعوه بقول لها انك كنت تستهبل بس .. ليش قلت هالحكي لها.... ايه ايه .. تبي تكلمها .. لا الله يخليك والله انها مدري وش فيها .. عبدالله البنت متعلقه فيك وانت بحسبة اخوها هي ما عندها اخوان .. مو وقتك جاي تقول لها هالحكي الله يهديك .... ايه خلاص هاذي المره الالف الي تعتذر فيها خلاص .. اج ... اجل بتكلمها .... شوي تتكلم بجديه:عبدالله انت الي سببت كل هذا وعلى قولتك كان استهبال انا ماني رايقه لحركات مراهقه سخيفه بتكلم البنت وتقول لها هالكلام فاهم .. البنت بتتزوج وانت جالس تستهبل ..! شوي بعد اخذ وعطا مدت لي الجوال:كلميه انا طالعتها:مين .. ماما:عبدالله مسكت الجوال بتررد :لا مابي اكلمه هو يكرهني .. ماما عصبت:وبعدين معكم .. بيقولك اسف وبتنتهي هالسالفه فاهمه ولا مو فاهمه .. بلا حركات بزران انتي وياه مسكت الجوال وحطيته على اذني بهدوء .. شوي بكيت:انت تكرهني ؟؟ ..:لا انا ابكي:......... عبدالله:خلاص اسف .. والله كنت .. كنت بس كذا .. خلاص شجن انسي كلامي كنت انا بإنفعال:انت بايخ ليش تقول لي هالحكي اصلا مافي مبرر انا عارفه انت تكرهني مو ان قاطعني:والله اسف خلاص قلت لك اسف فيها شي بعد .. ههههههه شجونه انا احبك في الله انتي اختي .. انتي زي فاتن كيف اكرهك .. والله لو اني داري انك حساسه كذا كان ما قلت لك هالكلام هههههههههههه انا حسيت انه يمثل بس ضغطت على نفسي عشان اصدقه:وليش قلته ؟؟ عبدالله:لانو ماعجبتني فكرة انك تتزوجين وتتركيني .. يعني ما راح اشوفك زي اول .. بس اوعدك اطب عليكم كل يوم واتغدا معكم ....... وانام معكم بعد هه انا ضحكت بين دموعي:هههه .. وتجي بكره عبدالله:وبجي بكره .. مافي شي يسوى هالضحكه .. انا:عبدالله انت من جدك كلامك هذا يعني انا زي فا طالعت ماما .. وكلمت:جد يعني ؟ عبدالله:يو لازم تطولينها بروح العب بلوت مع الشباب باي وسكر بوجهي بسرعه وتركني مبتسمه .. كنت عارفه او شاكه ان هالكلام ماهو صح .. بس عشان ماما وبابا وكل الي حولي .. وعشاني انا بعد .. حاولت اصدق .. وبعدين حسيت براحه .. يعني طول هالفتره كان يحبني زي ما يحب فاتن ..!؟ فجأه حسيت بشعور غريب ... قهر يمكن .. بس حاولت اتجنبه وغمضت عيوني عشان انام .. بس ما امداني الله اكبر .. الله اكبر .. قمت وانا اتفف:اذذذذن ..!؟ ليلى:ايه .. قومي صلي وتروووشي .. اليوم عرسك يا بنت حظنت ليلى:لووولا متحمسه .. عبدالله بيجي بكره ليلى تتنهدت:والله الفلم الي سويتوه قبل شوي .. من جد يعني قممممممممممه ضحكت:اقول اسكتي عاد .. هو بس كان يستهبل قامت وتركتني:ايه زين .. يلا انا بروح بيتنا انا قمت وراها بسرعه:لااااااا بتجلسين خير ليلى طالعتني:وفستاني.. واغراضي .. وبروح بيتنا اتروش وو قاطعتها:ليلى ووجع كل شي بتسوينه هنا فاهمه ولا مو فاهمه مسكت يدها وضغطت عليها:ولا برمي نفسي مع الدرج .. ااااااااااااه فرحانه .. ليلى غمزت :مدري من الي تقول اكره حمد ضربتها بخفيف:ما قلت اكرهه .. اصلا مدري وش الكلام الي طلع مني كذا ليلى:هههههههههه ايه طيب ماما طلعت من غرفتها:يلا الصلاة طالعت ماما:ماما انا اسفه عشان قبل شوي والله مالي داعي حسيت اني بزر ماما بنص عين:لا انتي ولا عبدالله .. المهم .. روحي صلي وتروشي ونامي لك شوي عشان بنطلع القصر الساعه تسع قلت بهمس:قالت قصر قالت المشكله محد حاظر ليلى:هههههههههههههههه رحت اتروش طبعا مو اي ترويشه .. كنت احس اني بموووت من الخوف فجاه كذا كل ما اتذكر وش بسوي او وش بيصير تمر قشعريره بكل جسمي .. طلعت بعد ساعه كذا وانا اطالع حولي .. والروب علي وشعري يقطر مويه اخذت نفس ومشيت للتسريحه جلست اطالع نفسي .. انا عروس ؟؟ ابتسمت كان شعور جميل .. انو فيه احد بالدنيا هاذي كلها اختارني من بين الف بنت عشاني انا .. يعني فيه شخص مهتم لوجودي تذكرت فجأه انو جدتي هي الي سمتنا على بعض .. يعني خلاص بعد اليوم انا بطلع .. بودع هالبيت .. بودع هالغرفه .. لفيت حول نفسي وانا اطالعها اطالع جدرانها اطالع السرير غرفة الالعاب سابقا مرت علي ذكريات تسع سنين بغمضه عين اخذت نفس طويل وانا اقول بيني وبين نفسي .. خلاص يا ماما انا بفككم من غثاي وبطلع من حياتكم للأبد .. بدلت ملابسي .. لبست جينز وبلوزه ووقفت امشط شعري .. دخلت ليلى:يلاا انتي وش تسوين .. خلينا نطلع القصر .. انا:اف طيب بمشط شعري ليلى تناظرني:يختي ما احس انك عروس .. ههههههههههه فيه عروس تلبس جينز وبلوزه بيوم زواجها قلت بضحكه خفيفه:ايه انا .. الحين بنروح القصر ؟؟ ليلى:ايه امك تقول .. وابوك طلع من بدري مدري وش جلس يسوي .. الحين بنروح القصر نشوف الاوضاع وكذا وتجيك الكوافيره هناك تنهدت:ليلى متأكده ان هالكوافيره كويسه ليلى:هم ثلاث اصلا .. وبعدين ماما هي الي قالت لي عنهم .. تقول مررررره كويسين .. يلا يلا روحي البسي عباتك .. انا:طيب البطاقات الي عطيتك اياها عطيتيها رغد والهنوف ليلى:رغد ما شفتها بس قلت للهنوف تعطيها انا تنهدت: طيب .. وين عباتي الواسعه .. ما شفتيها كانت هنا ليلى تأشر:هاذي هي... هههههههه ريحتك حلوه ناظرتها بنص عين:طبيعي توني متروشه ايش رايك نزلنا وركبنا السياره ماما:لازم تتأخرين قلت بتوتر:ماما .. الحلى من وين جبتوه ؟ ماما:يا ربي انتي لا تشغلين بالك بالاشياء التافهه انا:ماااماا .. مو تافه هذا حلى زواجي .. طيب ... واللبس حق الي بيقدمون القهوه ؟ ماما:ايه نفس الي اخترتيه انا:طيب شغالات صح .. انا مابي حقات القصر ماما:اففف .. والله يا بنتي كل شي زي ما قلتي هههههههه انا ما سويت كذا يوم جيت اعرس انا:ماما .. وشو عرسي لازم كل شي يصير كويس .. كم الي بيجون ؟ ماما:عمانك وحريمهم وعيالهم وخالاتك وعيالهم وناس يعزون علينا .. .واهل المعرس ومعازيمهم انا اخذت نفس:ايه مابي زحمه .. طيب والمصوره .. ؟ ماما:شجن وبعدين معك .. وش هالاسئله ليه مشغله بالك .. انا التفت على ليلى بسرعه:فستاااني وينه ؟ ليلى ارتاعت مني:مدري ..! ماما:ابوك وداه القصر .. شجن اركدي تراك اربكتيني معك مسكت شنطتي بقوه وانا احس اني خايفه كيف بيعدي هاليوم .. اخذت نفس عميق وانا افكر واتخيل الاحداث الي بتصير اليوم دخلت القصر .. طالعت الدرج الي تدربت عليه كثير .. وطالعت الطاولات .. كويس زي ما اخترتها سكري وذهبي .. طالعت القصر كله وانا ارقى مع الدرج .. كل شي تمام .. ااااااه بس الساعه سبع بالليل وصلو خالاتي .. انا كنت لابسه الفستان وجاهزه .. كنت جااااايعه ما رضيت اتغدى بس افطرت .. دخلت خالتي مووضي:شووووووفو القمر .. حبيبتي شجوووون مبروووك جت تبوسني وانا رديت لها الابتسامه:الله يبارك فيك خالتي طالعتني من فوق لتحت:والله قمر .. لو ان ولدي عموري كبير كان اخذتك له .. مشالله مشالله وش هالزين يا بنت غطيتي عليناا هه ماما بثقه:ايه العروس وش رايك خالتي موضي تفصخ عباتها:اهم شي اني انا وياك مطقمين ضحكت عليها اجاملها وانا متوتره والكوافيره تكمل المكياج .. ما طلبت منها تحط مكياج كثير ما احبه .. بس شادو خفيف ذهبي .. وقلت لها تكثر كحل .. وبلاش خفيف وحتى ما رضيت احط اساس الا بعد اصرار من ماما.. انا بصراحه كنت مبهوره بشكلي بس توقعت اكون احلا من كذا .. بس يمكن من الخوف حسيت كذا شوي شوي خالاتي بدو يجون الغرفه .. وعيال عماني الصغار كل شوي يجون يسلمون وماما تصرخ عليهم .. بدو يجون المعازيم وماما طلعت بره .. وجلست انا وليلى انا:ليلى .. مره خايفه .. ليلى:لا تخافين ليش كذا هذا .. وقسم بالله تجننييييييين انا:فيه ناس كثير جو ؟؟ موده بنت خالتي:لا عاديين .. انتي ليش متوتره هاجر بنت خالتي بعد:وانتي ايش رايك عروس يعني التفت على الكوافيره:خلاص مشكوره .. اذا تبين تروحين يعني ابتسمت الكوافيره:لاا شو هالحكي ما خلصت .. لازم كمّل ميك اب طالعت ليلى وانا اتأفف .. عطتني نظره بإبتسامه كأنها تشجعني دخل واحد من عيال عماني الصغار اسمه مشعل .. ومد لي ورده بيضا على اصفر شويه مشعل:مبروك يا العروسه اخذت منه الورده وانا اضحك:الله يبارك فيك يا قلبي .. ناظرته بخبث:من وين جايب الورده يا الدوبي مشعل كان بثالث ابتدائي:ههههه جبتها من الكوشه ضربته بالورده على راسه بشويش:خلاص مره ثانيه لا تسويها.. يا ويلك لو شافوك البزران الثانين وخلصو الورد مشعل:اصلا امك صرخت علي تنهدت بإبتسامه يا حبي لها ماما .. مسكت مشعل وقربته :تعال بقولك شي مشعل:وشو انا:شفت عبدالله مشعل:ولد عمي زياد انا:اييه عبدالله ولد عمي زياد .. جا ؟؟ مشعل:مدددري عنه .. توه بيطلع الا مسكته:تعاااال .. روح شوف هو جا ولا لا قال بدون نفس:وانا فاضي بروح العب مع قاطعته بدلع:مو عشااني يا الدوب انا عروس راح وهو يجرجر رجوله:طيب ناديته:ارجع لا تجحد موده:ههههههههههه وانتي وش عليك بعبدالله ولد خالتي .. ناظرتها بنص عين:والله اخوي وابي اشوف جا ولا ما جا .. عشان اعرف يعني اذبحه ولا لا |
البارت الرابع والعشرون هاجر:هههههههههههههه .. الله يخليكم لبعض يختي مدري وش الي مخليكم كذا اصحاب قلت وانا طالع نفسي بالمرايه:اخوان لو سمحتي دخلت ام حمد:الف الصلاة والسلام عليك يا حبيب الله محمد كلولولولولولولولولولوش انا ارتعت والتفت لقيتها واقفه بكامل زينتها وطابه علي انا قمت وسلمت عليها ام حمد:مشالله تبارك الله سم الله عليك من الحسد و....... بدت تقول كلام كثير وتقرى علي وانا مبتسمه وعلى وجهي علامة استفهام ام حمد:يا خوفي تهبلين بولدي نزلت راسي وانا مستحيه .. وش الفايده يحرجون خلق الله دخلت وراها حرمه ام حمد:صالحه تعالي شوفي مرت ولدي جت صالحه هاذي تبوسني:والله زين ما اخترتي يام حمد .. مشالله .. هاذي بنية عادل الله يرحمه اخذت نفس عميق لما قالت عادل .. يعني تعرف بابا .. ام حمد:اييه بنية عادل ولد حصه بدو يتكلمون وانا سفهتهم وبديت افكر .. انا مو زوجة حمد الحين .. ؟؟! ما وقعت ..!؟ هو على اساس ان هذي ملكه بس بقصر لانه ملكه وزواج مع بعض التفت على ليلى وقلت بهمس:ليلى .. انا ما وقعت .. ؟! ليلى:وقعتي ايش ..!؟ انا:الـ .. مدري بس انا مو زوجة حمد اصلا دخلت ماما فجأه ومعها كتاب:يلا شجن وقعي .. طالعت الساعه كانت ثمان .. بدري توهم يجيبونه .. حطته قدامي ومدت لي القلم .. جلست اطالع الكتاب وانا سرحانه .. بمرجد توقيع صغير راح تتغير حياتي مسكت القلم بس ما وقعت زي اي توقيع بالدنيا اول شي رسمت نجمه .. وكتبت فوقها حرف الـ 's' لانو حرفي .. وحطيت خطين عشوائيين عليهم .. ابتسمت وانا ارجع القلم لماما .. اتذكر هالتوقيع كنت انا وعبدالله وقتها نشخبط وهو علمني كيف ارسم نجمه .. واخترعت انا وياه هالتوقيع .. عمري ما راح انسى هالذكريات طلعت ماما وهي عيونها مغرقه بالدموع قالت وهي عند الباب:جعل ربي يكتب الي فيه الخير باركت لي ام حمد وصالحه هاذي وطلعوا .. وناس تدخل وناس تطلع وتجيني وحده تقول المسجل خرب تجي بعدها وحده تقول لا صلحناه وحده تجي تقول البوفيه تأخر بعدين يطمنوني انه وصل .. يعني حاله مستحاله من كل شي فجأه جا مشعل اول ما شفته كشرت بوجهي:ساعه الا ربع رايح تشوف وينه مشعل وهو يلهث:وش اسوي ابوك قالي اشيل اغراض اوديها لامك .. ضحكت على شكله المكسين وقلت بحنيه:طيب جا .. ؟ مشعل وهو يطلع:ايييه جا تنهدت بإرتياااح .. مر الوقت من غير ما احس .. كنت اقدر اسمع صوت راشد الماجد يغني .. كان الكولكشن الي اخترته كله راشد وعبد المجيد وكم اغنيه ثانيه .. والزفه خليتها مجرد موسيقى هاديه انضرب الباب موده تتأفف:يا ربي هالبزران وش يبون انا:دخليهم عادي ليلى:معطتهم وجه انتي بزياده دخل فجاه بدر:سجن ؟ انا انصدمت بدر وش جابه هنا .. ؟ معقوله بابا عزم سيف .. طيب عزم سيف وش دخل بدر يجي .. يمكنه عزم اهل سيف كلهم جا وسلم علي:صرتي علوسه ؟ ابتسمت له:ايه وش رايك فيني حلوه بدر:ايه قربت له:بدوري انت كيف جيت هنا مع مين بدر:مع ماما عقدت حواجبي:وعمو سيوفي جا ؟ هز بدر راسه:لا عمو سيوفي راح المدام المدام .. هههههههه الدمام .. سيف بالدمام .. طيب انا امس بالليل مكلمته .. وش جاب بدر .. ؟ مسحت على راسه بإبتسامه دخلت وحده لابسه فستان وردي .. جسلت اطالعها بصدمه .. قلت لا اراديا:رغد .. ؟! مدت يديها وحظنتني:صرتي عروووووس يا بننننتي طالعتها كويس:رغووده وحشتييينيي موت رغد:مبروووك يا العرووووس انا:الله يبارك فييييك .. وانتي مبروك تزوجتي رغد هزت راسها جا بدر يسحب طرف فستانها:خالتي رغد حلوه سجن صح انا ورغد بوقت واحد:تعرفينه ؟ انا عقدت حواجبي:انا اعرف سيف دكتور بابا الي بدر يصير ولد اخوه رغد سكتت شوي:سيف ..!؟ لحظه بدر ولد اختي ..!؟ فجأه ضحكنا انا:مشالله اختك جاها ولد والله خبري فيها اخر مره كانت حامل رغد تمسح على راس بدر:ايييه كانت حامل فيه .. اجل تعرفين سيف اخو رجل اختي ؟ هزيت راسي .. ليلى:ايه تعرفه هو وخشته رغد:وانتي بعد .!؟ ليلى تتنهد:ايييه .. حلو صح رغد تغمز لليلى:تراه يدور على عروس ضحكنا كلنا فجاه دخلت ماما : شجن يلا .. الزفه انا قام قلبي يدق اكثر واكثر تكلمني ليلى وتكلمني رغد وموده وهاجر وانا ماني حول احد .. بس متووووووترررره مووت طلعت بره الغرفه لقيت الاضواء مطفيه والمصوره جاهزه .. مغصني بطني وحسيت نفسي انكتم من الخوف .. غير كل هذا ابتسامتي ماني قادره امسكها من الفرحه .. ماما تعدل فستاني وليلى تعدل بشعري .. ماما:يلا .. مشيت بهدوء زي ما تدربت وبدت الموسيقى الهاديه .. حطيت اول رجل عالدرج واخذت نفس عميق .. ثاني درجه .. واخذت نفس من جديد .. حسيت اني بطيح واتفشل او بيصير لي شي نسيت انتي متدربه على هالشي الف مره .. بطني مرره يعورني والورد بيدي ماسكته بقوه مرره وانا مو حاسه فيه خلصت الدرج وتنهدت .. عديت الجزء الاصعب .. جلست اطالع الناس .. ما توقعت ان الحضور كثثثثثثثثثيرين لهادرجه انا خبري فيها ملكه .. كان فيه ناس اعرفهم وفيه ناس لا .. وصوت الزغاريط والتصفير وناس تصلي على محمد الظاهر انهم خالاتي .. والبنات الصغار يأشرون علي بفرحه وانا مبتسمه غصبن عني .. انا عروس يعني .. ياربي ماني قادره اتصور هالوضع الي انا فيه الحين .. طلعت بشويش عالكوشه حسيت اني وطيت فستاني بس جتني ماما بسرعه وعدلته .. وفلاشات المصوره كانت تأذي عيني بس حاولت اني اتجنبها اطول فتره ممكنه كل شي صار بسرعه فجأه لقيتني جالسه على الكرسي بالكوشه وقدامي صديقاتي يرقصون .. وانا اطالعهم بإبتسامه .. مرره مبسوطه لدرجه ماني متخيلتها .. وحسيت ان التوتر الي فيني بدا يروح شوي الحريم يرقون يسلمون علي .. مره اوقف للي يستاهل ومره اجلس اذا كانت وحده مو كبيره .. كنت اطالع فساتين الحريم هم تكلفو عشان ملكتي ولا لا ... وخصوصا اللي ما اعرفهم اللي من اهل حمد .. شوي جتني ماما تكلمني قالت بيدخل حمد الحين .. بدى قلبي يدق .. ويدق ... ويدق .. وكل شوي ابلع ريقي ... ظلم المكان .. وانا وقفت انتظرهم يجون .. من غير اي مقدمات لقيت حمد داخل بالبشت الاسود ومعه ابوه بو حمد .. ما كانت مشيتم هاديه مثل مشيتي اول ما دخلت ولا كان حمد شاق الابتسامه من الاذن للأذن مثلي كان ثقل .. مررره ثقل .. كنت اطالع حمد يقرب واصوات الزغاريط وكل شي حولي مسوي جو انا ماني حاسه فيه بس جالسه اشوف الشخص الي بيجي شريك حياتي الي بقضي باقي عمري معه .. الانسان الي مفروض يكون ابو عيالي والي من الحين مفروض اعرف عنه كل شي لاني بعيش معه تحت سقف واحد حمد كان اسمر سمار متوسط .. وشعره خفيف على شكل حرف الـ '' m '' يعني جهتين الشعر الي فوق حواجبه على طول داخله شويه وما كان شعره كثيف شكله يقصه .. كانت السكسوكه مرسومه على ذقنه بإتقان .. والنظاره الي على وجهه اول مره اشوفه صدمتني شوي بس على الاقل خلت شكله الطف ... كان وجهه عريض الحين صار ااصغر شوي .. وكان جثته كبيره .. وشكله مره رزه بالبشت وبجمبه عمي بو حمد .. بالثوب والشماغ الابيض مرسم .. واهم شي الكرشه الي يومني صغيره كنت افتكره شايل بيبي فيها وانتظر بفارغ الصبر وقت الولاده بغمضة عين كان حمد واقف جمبي وانا اتنفس بسرعه مدري هو خوف ولا ايش ... كنت اتذكر كلام ماما .. مو لازم احب حمد المهم الاحترام .. لازم ابدى حياة نظيفه من جميع النواحي إبتدائن بإخلاقي واحترامي لزوجي .. الخ وهذا يحتم علي اطبق كل هالاشياء مع اهله بعد .. مد لي عمي بو حمد يده وسلمت عليه وانا ابلع ريقي .. بارك لي وانا سلكت له وكنت ابي ابين اني واثقه بنفسي وماني متوتره قد الامكان .. اما حمد كان واقف وساكت .. جت المصوره لقطت لنا كم صوره احنا انا وحمد وعمي وشوي جت ام حمد والعنود .. العنود كانت متكشششششششششخه مررره .. بس فوق كل هذا كانت نفسها بخشمها ورافعته فووق .. جلسنا انا وياه وبو حمد طلع .. جت وحده من بنات عماني صغنطوطه ومدت لحمد علبه كانت رافعتها بوساده ذهبيه ناعمه وصغيره من اختياري طبعا فتح الصندوق .. خاتمين ذهبيين ... ما راح انسى لمعة الخاتم اول ما فتح العلبه .. اخذت نفس لا ارادي اول ما شقت الخاتم خلاص هذا الي بيربطنا ببعض .. مسك الخاتم واخذ ايدي بكل برود وثقل .. طبعا حسيت ان هالثقل طبع فيه عشان كذا ما تحسست كثير .. دخل الخاتم بإصبعي وانا اطالعه وقلبي يدق بقوووه لان حمد قريب مني لهادرجه مسكت الخاتم الثاني ومسكت يده الي كانت اكبر من يدي بكثير وكلها شعر .. تقززت شوي بس لحد الحين مبتسمه .. دخلت الخاتم بهدوء لكنه فجأه وقف ما رضى يدخل اكثر سحب حمد يده مني بعنف ودخل الخاتم بقوه .. انا ارتعت من حركته بس قلت اكيد استحى بعد فتره كذا قرر الاخ انه يكلمني حمد:مبروك انا حسيت اني توترت اكثر لمن سمعت صوته .. بلعت ريقي وقلت:الله يبارك فيك .. وعم السكوت من جديد .. صوت راشد بأغنيه ( ادعي علي بالموت ) كان مالي القاعه .. الصوت قوي لدرجه حسستني اني اهتز بمكاني من الروعه .. مدري يمكن كنت انا الي ارتجف من الخوف .. لكن الخوف من وشو مدري يمكن من المصير الي بيلاقيني او القدر الي دبست نفسي فيه .. بس كأني حاسه اني ما راح اندم .. كنت ما اشوف هالناس الي تضحك .. بلا مبالاة .. كنت احس انو محد جا هنا عشاني انا _الا من رحم الله _ حسيت على كثرتهم وهي ملكه بس .. على قلة الي حضروا هالملكه معي بروحهم وبمشاعر الفرحه لي حسيت ان الانوار كانت خافته مع اني غلطانه .. وحسيت ان صوت راشد هادي على عكس الي انا جالسه اسمعه الحين حسيت اني لحالي عالكرسي الي انا جالسه فيه .. وحسيت اني بدخل عالم جديد دموعي بدت تتجمع وكان لها اسباب كثيره .. اولها لمن طالعت بعيون ماما .. شفت فيهم دموع لكن ماهي دموع الام ماما تستحق كلمة " خالتي " مجرد خاله .. صحيح تعبت عشاني بس ما حسيت انها بتقدر تملا هالفراغ الي تشكل بداخلي كنت وقتها بهالحظه محتاجه .. ام تكون معي تفرح .. وتفرحني معها محتاجه امي هاله تعدل لي فستاني .. محتاجه امي هاله عشان تخليني انام وانا بالي متطمن وماني مرتبكه او متوتره محتاجتها تبوس خدي وترفع لي معنوياتي ... كنت محتاجه ابوي عادل يدخل مع حمد .. يبوس جبيني ويدعي لي بالتوفيق .. بهالحظه بس كنت محتاجته يعطيني هدية زواجي بكل فرح .. يوصي حمد علي .. يعلمني قد ايش انا حلوه الحين .. وكيف صرت لمن كبرت .. كنت بهالحظه محتاجه اخت .. تجي تروح .. تتطمن على شكلي كويس ولا لا .. تراقب كل شي .. تتأكد انو مافيه شي ناقص وتبكي لانها بتفارقني .. بهالحظه كنت محتاجه اخت تعاتبني لانها بتودعني .. تعلمني انها راح تنام بسريري كل يوم عشان تحس بوجودي كنت بهالحظه محتاجه اخ .. عفوا .. محتاجه عبدالله يكون حاظر هنا .. يحاول يكون زي ابوي تمام ويوصي حمد علي .. يبتسم لي ويدعي لي .. ويسولف لحمد عني ويعلمه قد ايش انا هبله وبزره .. كنت محتاجه بهالحظه اشياء .. لكن ما لقيتها .. بهالحظه بالذات ما لقيت هالاشياء الي ابيها .. كل هالاسباب كانت كفيلة بنزول دمعتي .. الي الكل افتكرها دمعة فرح او دمعة فراق لكن محد يدري عن الي بداخلي .. رغم انه مفروض يكون احلا يوم بحياتي كان اكثر يوم بحياتي حسيت فيه بالنقص زوجي ما اعرف اي شي عنه .. الانسان الي جالس جمبي ما احس بأي شي اتجاهه ماعندي ام تطالعني وتقرى علي من العين ماعندي ابو يدخل معي ويبين للكل ان لي سند واني ماني لحالي ماعندي اي شي يستاهل اني احس بالامتنان والفرحه .. الا عبدالله يمكن .. ربي عوضني فيه .. لكن .. انا جرحته .. ومعترفه لنفسي بعد وكانت الثواني تمر بطيئه جدن .. بس كنت اسمع صدى الاصوات حولي واحس اني مخنوقه وابي اطلع من هالمكان فجأه ومن غير اي مقدمات سمعت صوت ماما تهزني ماما:شجن يلا حبيبي قومي .. قومي طلعت من دوامة التفكير الي دخلت فيها من شوي وتلفت حولي بروعه:هاه .. المكان شبه فاضي .. الكل بصالة الطعام .. وحمد واقف ينتظرني اوقف .. طيب ليش ؟؟ اها بنطلع .. بدى قلبي يدق اكثر واكثر .. مابي اجلس معه بمكان لحالنا .. كنت خايفه .. مسك ايدي عشان يساعدني انزل من الدرج ... نزلت بهدوء زي ما رقيت بهدوء وانا اتلفت حولي .. وابتسامتي طفت .. بس ما اختفت .. كانت صغنونه مره مرسومه بوجهي .. اول ما ترك حمد يدي حسيت بإرتياح مدري وش سببه .. بس لانه تركها ماما تعدل شي بشعري: يلا عشاكم بالفندق .. جا سؤال ببالي .. بس حاولت اسأل هالسؤال بهمس مدري ليه .. مستحيه من حمد يعني ..؟! انا:مين بيوصلنا ماما تطالع جوالها:والله ابوك يقول عبدالله..عاد انا مدري عبدالله ولد عمك ولا عبدالله اخو حمد تكلم حمد فجأه:لا يا خالتي عبدالله اخوي انا اول ما قالت ماما عبدالله ولد عمك كبرت ابتسامتي لا اراديا لكن يوم قال حمد عبدالله اخوه تحطمت انا:ماما لا دقي على عبدالله ولد عمي خليه يوصلنا للفندق سكت شوي خخخ كلهم عيال عمي انا:اا قصدي عبدالله ولد خالتي التفت حمد علي لكن اول ما حطيت عيني بعينه نزل راسه .. مدري مستحي ولا لا حمد:لا خلاص اخوي برا .. مسك يدي بعنف ومشى عشان الحقه .. عنيف هالانسان ودعت ليلى وماما وكلن .. لانو من الفندق على طول بنطلع للمطار عشان شهر العسل مافي مجال للنقاش بأي شي .. مافي قعده ركبت السياره .. وكنت اطالع عبدالله اخو حمد .. كلهم نفس الطقه يشبهون بعض .. عيال بباي كان كلن ساكت لحد ما وقفت السياره عن فندق الرياض هوليدي إن .. بالجناح فوق .. انا استغربت لمن لقيت ماما هناك شكلها وصلت قبلنا وفيه المصوره .. صح احنا ما صورنا .. طالعت الساعه .. كانت 3 .. وراسي داير بي من التعب وكل شي .. كنا تونا بنصور لكن حمد اعترض ورفض الفكره رفض نهااائي وانا ما قررت اني اناقشه .. كنت خايفه منه احسه عصبي وحار وعنيف .. |
البارت الخامس والعشرون ماما طلعت وابو حمد جا سلم علينا مره ثانيه وطلع وعطاني هدية زواجي الي كانت عباره عن خاتم الماس .. ما كان احلى شي بس الهديه بتعبيرها مو محتواها بس ما فضا الجناح انا خفت .. بدى قلبي يدق اكثر واكثر التفت حمد علي وجلس يطالعني بحاجب مرفوع اول ما رفعت راسي قال بإستهزاء:مشالله تستحين انا استغربت من طريقته بالكلام.. وش فيه هذا ..! حمد صرخ:اسمعي .. ارفي راسك وطالعيني لمن اكلمك رفعت راسي بخوف وانا مرتاعه .. ليش يصرخ .. انا اخاف من الصراخ .. اشين شي عندي بالدنيا الصراخ .. مره اتوتر لمن احد يصرخ علي .. عشان كذا دموعي ما تجمعت بعيوني وبس الا نزلت بسرعه مره وانا ارفع راسي بشويش وبراسي الف سؤال وسؤال طالعت حمد بخوف ما قدرت احط عيني بعينه .. يخوف حمد:انا واحد كنت مملك وبتزوج وجيتي انتي قبل زواجي بأسبوعين مدري من وين نطيتي لي وسويتي مشاكل بيني وبين اهلي وبسبتك طلقت البنت الي عشقتها وبنيت احلامي معها .. فقلت لك من الحين وقد اعذر من انذر ويبدى يصرخ:والله ثم والله لو قربتي لمي ولا كلمتيني بشي تافه او فكرتي حتى تطالعين فيني لا اذبحك هنا فاهمه .. انقلعي جوا واتركيني انام انا شهقت من الصياح ودخلت الغرفه وسكرت الباب ابي احتمي منه ومن شكله الي يروع ومن كلامه الي خلاني ارتجف بمكاني ليش طيب انا وش ذمبي يقول هالكلام .. اصلا مستحيل اهله يغصبونه رجال طول بعرض مغصوب جلست عالسرير وبديت ابكي .. اكرهه الكلب الحيوان الحقير .. انا ابي اعرف وش سويت بحياتي عشان استاهل هذا كله كل شي مر قدامي بسرعه .. كل شي صاار بسرعه غريبه.. بكيت وبكيت .. بيوم زواجي الي مفروض يكون احلا يوم بحياتي صارت لي كل هالاشياء طيب وش اسوي يعني .. بتطلق وانا توني متزوجه .. ؟؟! طيب .. هو ليش ما قال انه ما يبيني .. ليش بس ليش .. طيب ليش يصرخ علي .. ليش يكلمني كذا كنت ابكي وافكر كثير .. بكيت لحد ما صدع بي راسي من البكي وما حسيت بروحي الا نايمه على صوت اذان الفجر .. قمت على صوت ضرب عالباب .. ماهو خفيف طبعا .. فتحت عيوني وانا مكشره .. حمد:قومي وجع كل هذا نوم انا صرخت من القهر الي فيني كان ودي .. مدري ماعرف اعبر بس ودي اسوي به شي انا:طيب قمت قمت قلت بهمس:وجع جعلك اللي منب قايله يا حمار.. وحسيت بدموعي على طرف عيوني مره ثانيه .. قهرني الكلب المنحط السافل ال ال ال ... ال كل شي طالعت المرايه .. كنت نايمه بفستاني .. والحكل سااايح على وجهي .. كان شكلي ساحره مو عروس .. دخلت الحمام وغسلت وجهي طلعت وفككت شعري .. ودخلت اتروش .. وانا بالحمام اسمع صوت حمد يضرب باب الغرفه:انتي اخلصي .. انا خفت يا ربي صراخه يخوف .. سكرت المويه بسرعه وبروعه وبربكه ولبست الفوطه وطلعت بسرعه:طيب طيب بس ببدل .. طالعت حولي ما لقيت الشنطه .. شكلها برا .. توني بطلع الا تذكرت انو ما علي الا فوطه .. حقت الفندق بعد .. خفت شويه وتوترت لو جا هذا وضرب الباب من جديد .. وبدى يصرخ زي قبل شوي كان مت فيذا من الروعه .. فتحت الباب بشويش وطليت بوجهي .. لقيته جالس يعدل ثوبه قدام المرايه تكلمت بهدوووء وبشويش خايفه انه يصرخ :ممكن تعطيني الشنطه .. طالعني ثواني وتأفف وحرك الشنطه برجله لحد ما قربها لي وقال بنرفزه:اخلصي علينا سحبت الشنطه لجوا وقلت بقهر:طيب طلعت لي جينز وبلوزه وجلست اتحسب عليه .. تستاهل جعلك ما تتزوجها طول عمرك جعلك تتشوه ومحد يبيك .. جعلك تعيش عاله على غيرك يااااااارب .. بديت افكر بوضعنا طيب .. خلاص انا تزوجت .. انا وحده متزوجه خلاص .. وش بسوي بعمري الحين .. معقوله يطلقني وابقى طول عمري مطلقه محد يبيني .. طيب يمكن بعدين يغير نظرته فيني ويحس ان هالزواج كان مكتوب علي وعليه بس مدري حسيت اني اكرهه ومافيه امل احببه فيني حسيت اني ببكي من جديد بس مسكت نفسي .. لبست عباتي بسرعه ولفيت الطرحه وطلعت حمد:اف ما بغيتي .. يلا شيلي شنطتك معك بننزل بنروح للمطار اهلك لهم ساعه هناك .. انا كنت واقفه استوعب وش يقول .. اشيل شنطتي .. الكبيره الثقيله ..!؟ صرخ :يلا نقزت من الروعه ودخلت اجيبها .. وقفت ثواني .. لا ما راح اطلعها من الغرفه اصلا .. طلعت وحاولت اني اكون شجاعه قد ما اقدر اخذت نفس عميق وفكرت الف مره وش بقول وتكلمت فجأه:ماني مطلعتها وتنهدت بسرعه .. حتى هالكلمه التافهه ماني عارفه اقولها ..!؟ طالعني من فوق لتحت وقال:كيف يعني ؟؟ كنت بداخلي خايفه يعصب او يصارخ لكن ضغطت على اعصابي ومشيت بكل ثقه قدامه وطلعت:فيه ناس تشتغل اتوقع الفندق محترم لدرجه تعفيني من هالشي اول ما طلعت من الجناح اخذت نفس عميييييق وانا اتحمد ربي .. بديت افكر .. انا بحلم ولا بعلم .. حقيقه ولا خيال .. وااقع ولا احلام .. ؟!!؟! الموقف الي صار امس مر بسرعه .. كل شي بغمضة عين .. يمكن من الصدمه ماني قادره استوعب الكلام الي قاله يعني كان يحب وبيتزوج وجيت انا وخربت عليه .. والحين هو كارهني طبعا ..؟! طيب وبعدين .. وش النهايه .. ببقى طول عمري معه كذا يصرخ علي بالشكل وانا اموت من الرعب .. وين احلامي وكلامي عن تأسيس بيت واطفال وشغل و و و ..!؟ حسيت اني غلطت اكبر غلطه بحياتي يوم وقعت بذاك الدفتر .. حسيت العبره بدت تخنقني .. كله منها جدتي .. وكله من ماما لانها رمتني هالرميه .. حسبي الله عليهم طلع حمد وسكر الباب وبيده الشناط .. قال بسخريه:غطي وجهك وامشي قلت بقهر وبين دموعي:مابي وانت مالك دخل وجرب تناقشني بهالموضوع ونزلت وانا منقهره .. امسح دمعتي وتطيح ثانيه .. اكره حمد مع اني ما عرفته .. كرهت نفسي اصلا يوم واقفت عليه ياربيه انا وش حطيت نفسي فيه .. طول الطريق للمطار كنت احاول اداري على دموعي وامسك نفسي لاني مابي ماما تشوفني بهالشكل خلاص كفايه ربتني لهالحد انا مابي ازعجها زياده هي وبابا .. تذكرت كلام عمي بهالحظه ( ماهو بأبوك .. ) تنهدت بحزن .. صح ماهو بابا .. بس يله شكل ماما تركتني اتزوجه بهالطريقه وانا ماعرف عنه اي شي يعني زي اي زواج تقليدي ممكن انه يصير بهالدنيا .. كانت لحظتها يمكن تبي تفتك مني .. اروح ابين لها اني زعلانه ليش ..!؟ امسك نفسي احسن .. ياربي ليش المطار بعيد .. يحطونه بآخر الدنيا مدري ليه .. اول ما دخلت المطار .. وطالعت حولي .. هالمره مو مثل المره الي راحت .. هالمره ابي اطلع ولا عاد ارجع ابي اروح لحالي من غير حمد او اي احد ابي ابقى وحيده فتره اريح فيها اعصابي حصلت ماما وبابا هناك استغربت شويه لانو مريض لكن برضو فرحت .. رحت حظنت ماما انا:بتوحشييييني مووت ماما:وانتي اكثر يا قلبي .. عاد ما صارت جالسه تودعيني كأنك ما راح ترجعين عيب الناس تطالعنا بعدت عنها وانا اضحك:يا بعد عمري يا ماما وبستها:مشكوووووره مشكوره مشكوره مرره كنت بداخلي اناظرها وانا كارهتها وبنظرات حب بنفس الوقت مشاعر متناقضه خلتني ابكي غصبن عني ماما تمسح دموعي:ليش ليش الصياح ؟ انا حاولت ابرر لها:لا بس .. لانو بشتاق لك انتي وبابا .. حظنتها من جديد:انتبهي عليه كويس .. ولا تضيقين صدره .. واذا لقيتيه صاحي بنص الليل ومافيه النوم عطيه ايس كريم تراه يكيف عليه بهالوقت بعدت ماما عني وهي تطالعني بإبتسامه:لآ توصيني بأبوك .. وصي نفسك بزوجك .. الله يكتب لك الي فيه الخير يا بنتي قلت من قلب:ياااااااارب التفت على بابا كان يكلم حمد وحمد يرد عليه بدون نفس .. طالعت بابا:بابا تكفى انتبه عليها كويس .. بابا:امك بعيوني ههههه انتي انتبهي على نفسك هاه .. ولا تزعلين حمد .. هه حمد باين انه يجامل:ههههه شدعوه عمي بابا:ايه انت اللي لا تزعلها تراها بنتنا وما نرضا عليها .. وكمل بابا بسخريه على شوية استهبال:عاد تراها شوي دلوعه قلت بدلع:بااابااا .. حمد يمشي:يلا نادو على رحلتنا مع السلامه ماما وبابا:مع السلامه بابا:في حفظ الرحمن ماما:تروحون وترجعون بالسلامه مشيت ورا حمد وانا اطالعهم .. محد جا يودعني الا هم .. وحمد ماجو اهله اراهن انهم بقريتهم الحين .. وانا طبعا من بيجي يودعني يعني .. اااه بس اول ما ركبت الطياره تذكرت عبدالله .. يوم اقول للحرمه انه زوجي عشان يجلس جمبي .. ضحكت بيني وبين نفسي وجلست جمب الشباك وبديت اسرح .. لو انه صدق زوجي .. ههههههههههه .. كان صرنا هبال .. وصارو عيالنا مهرجين .. وكل يووووم اجننه عشان يجيب لي ماكدو .. تنهدت بإبتسامه وانا اطالع طيارات السعوديه بكل مكان .. وحده تطير ووحده تهبط .. اشتقت لعبدالله .. والله هو اكثر واحد ابتمشكل بسبته .. ما قد فارقته من تسع سنين .. حتى سفرياتي قبل كنا نكلم بعض بس هالمره .. ما اعتقد .. كانت مفاجئه ماما الي رحلة شهر العسل هذا .. كانت لماليزيا .. بلد العرسان هه .. قالو عرسان قالو .. بس مدري كم بنقعد ولا ابي اكلم حمد عشان اعرف .. انا ماني صابره ارجع عشان .. يروح لشغله وانا الهى بنفسي .. من الحين بديت اكرهه .. سرحت كثير وفكرت كثير .. نمت وقمت .. والاخ جمبي كنه صنم .. مرات احتاج الحمام بس مابي انزل نفسي لمستواه واقوله يبعد رجوله عشان اطلع .. انتظر لمن ينام واروح .. رجعت من الحمام وجلست مكاني .. جلست اطالع حمد وهو نايم .. ماهو اوسم شي لكن شكله مقبول .. يوحي بأنه دكتور بهالنظارات .. يوم طالعته حسيت اني اكرهه .. انا كيف كنت متوقعه اعيش معه حياة سعيده وهو كان يكرهني زمان اول اتذكر كويس كيف كان يزبد لي .. كان يضربني بس لاني لمست السيكل الاحمر حقه .. وكان يستحقرني بكل شي .. كنت اذا جيت بيتهم وجلست مع العنود نطالع سبيستون كان يستفزني .. يتركني ارجع بيتنا ابكي اتذكر ذاك اليوم كويس .. لمن كنت عندهم نناظر ريمي .. كان وقتها توه بأول متوسط الظاهر .. ومبسوط بعمره ومسوي كبير علينا ويجي ويطفي التلفزيون حمد:يلا قومو الشباب بيجون عندي الحين العنود قامت بكبرياء ورجعت شغلته وقالت ببراءة الاطفال:احنا جينا اول .. روح المجلس اتذكر كويس لمن جلس يطالعني بإستحقار ويقول:انتي ليش تسوين نفسك بطله اذا صارت الغبيه هاذي فيه انا دمعت عيوني .. كل مره يقول لي فيها يا الغبيه انقهر .. قلت بحزن:بس انا مو غبيه حمد قلد علي:بس انا مو غبيه ويرمي الوساده على وجهي ويضحك:اقول يا الغبيه روحي بيتكم .. اكيد العجيز تستناك هه اتذكر اني طلعت اركض وانا ابكي وهو يصرخ ويضحك ويقول يا الطراره يا الغبيه اتذكر كويس لمن كنت ابي ادخل بيتنا وطحت وبكيت بالشارع .. رغم كل هذا ما كرهته ابدن .. كنت لمن اشوفه ابتسم له من يومنا صغار .. والحين ابتسمت وانا اطالعه نايم .. ابتسامه قهر يمكن .. كان ودي اعطيه كف لحد ما يدمي خده .. ودي امسكه وارميه من هالشباك الي جمبي .. حسيت انه مسكين .. لكن بنفس الوقت كرهته ليش سوا كذا كل شي ينحل بالتفاهم والكلمه الطيبه .. مو معقوله مغصوب اصلن بعدت عيوني عنه والتفت للسحاب الابيض وانا اتنهد .. الله يسامحكم .. الله يسامحكم كلكم .. رسمتو طريق بحياتي بريشتكم اخترتو الوان هالطريق من غير ما تشاوروني .. خلقتو له فروع انا ما ادري عنها .. حظنت شنطتي الصغيره بحزن .. احس اني تعبت من ضيقة الصدر .. الي فيني يمكن قليل بالنسبه للبعض .. بس مهما كان الي فيني الشعور الي بداخلي شعور .... اصلن راح يخوني التعبير لمن ابي اعبر عنه .. شعور شين ما توصفه اي كلمات وما تعبر عنه اي جمل .. شعور .. بالوحده يمكن .. شعور بالقهر .. قهر من ايش مدري .. احاسيس متلخبطه ومشاعر كثيره .. كلها خنقتني وتركتني ابكي من جديد والسبب مجهول لو ان عبدالله جمبي الحين كان مسح لي دمعتي .. وبعدها برتاح وينك يا عبدالله .. لو انت جد اخوي كان صرت معي الحين .. ويييينك طول عمري كنت جمبي والحين انا محتاجه لك .. وييينك مسحت دموعي على صوت المضيفه اللبنانيه:شو بتحبي للغدا خيي ؟ خيي ؟؟ ههه ضحك عليها رغم ان دموعي الي على خدي ما نشفت .. هزيت راسي .. مابي غدا .. من زين اكل الطياره عاد طلعت الجوال من الشنطه وشبكت السماعات .. دورت اي اغنيه ابي اسمع ما عندي شي غير الي ارسلهم عبدالله .. جلست اطالع قصيدة حامد زيد .. ( غرام احباب ) ابتسمت وشغلتها .. صوت حامد بدى يرن بإذني *على ذاك الطريق الي يسمونه غرام احباب* *وطت رجلي على دربه ولاأدري وش نوى فيني* اول ما قال هالبيت حسيت قلبي قام يدق .. كلماته بدت تدخل فيني .. مدري وش الي جاني *تبعته لآخر دروبه .. ألين أن القمر قد غاب* *تعب قلبي ، ولا تعبت مسافاتٍ توديني* *لقيت الليلة الجردا : هدب ظل وسما واعشاب * *بعد ذاك الظلام اللي يتوهني عناويني* *صدفتك معجبه فيني وياليت..الغرام : اعجاب* ابتسمت مع لما قال هالبيت *وتراك انتي الهنوف اللي هقيتك تستحقيني* *عطيتك عشق من قلبي..وسلمت لغلاك رقاب * بلعت ريقي .. وانا احاول ابعد هالشعور الي جاني قد ما اقدر *وغيرك يحترق قلبه ولا يقدر يحاكيني * *أنا قبلك صدفت عيون لكن ويش جاب لجاب؟* *ترى كل العيون اللي لقتني ما تكفيني* *رماني حظي العاثر عليك وجيت لك طلاب* *ولا أنتي اللي عشقتيني ولا انتي اللي عتقتيني* هنا تجمعت الدموع بعيوني ووقفت القصيده .. مدري وش فيني كلماتها احسها غريبه .. تعني شي .. جلست فتره اطالع الشباك واتذكر هالبيت .. ولا انتي الي عشقتيني ولا انتي الي عتقتيني اخذت نفس ورجعت شغلتها *تعالي واعتقي ذاك الخفوق المولع المرتاب * *مهب لاجلي ، عشان الله يجازيك ويجازيني* *تعدي في سما عشقي ولو عشقي خراب أصحاب * *وصوني بالهوى نفسك قبل لا انتي تصونيني* *وشيليني على متنك : خفوقٍ باريٍ منصاب * *ومن فوق الغرام العذب .. شيليني وحطيني* *ولا منك هقيتيني شجاع وما يطيق يهاب * *أنا لك بالهوى والله مثل ما انتي هقيتيني* *أنا ما أمشي ورا غيرك ولو أنه يطق الباب * حسيت ان حامد زيد.. كاتب هالكلام من قلب مدري ليه .. حسيت بشي غريييب مره .. بلعت ريقي للمره الثانيه وانا انتظره يكمل *وترى عيبٍ عليّ أطعن..ولو كثرت سكاكيني* *زهودٍ ما يطيق الدم لا داين ولا طلاب * *شجاع وعارفٍ نفسي وأظن أنك تعرفيني* واظن انك تعرفيني .. واظن انك تعرفيني .. تردد صدى هالكلمه بعقلي ورجعت اطالع الشباك بحزن |
البارت السادس والعشرون *غيورٍ ماعرفت أضحك مع الغدر ببّرود أعصاب * *أبيع عيوني الثنتين قبل أنك تخونيني* *إذا شد الغرام .. اترك خفوقي : بين ناب وناب* *لفرقى تكسر ضلوعي .. ولا عشقٍ يوطّيني * عند هالبيت نزلت دموعي ما قدرت اوقفها مدري وش جاني .. توني بوقف القصيده لكن منعت نفسي .. كلها على بعضها قصيده تافهه وانا اسمعها عشان امشي الوقت فقط لا غير *أنا رجلٍ ولي غيره .. وإذا شفت الهوى كذاب * *تثور بقلبي الفزعه ولا تهدى شياطيني* *سؤالك لو يزعزع بي كياني ما قبلت عتاب* *اجي لك وأسالك نفس السؤال اللي سألتيني* *عن العشق القديم أبواب .. تقفيها كثير أبواب * *بعد ذاك الحبيب اللي خدعني وانخدع فيني* *أبي عشق تحسب له كل نظرات العيون حساب * *وابي قلبٍ علي قلبي ، وابى يدينٍ على يديني* قلبي قام يدق اكثر واكثر .. وكل مالي احاول اتناسى هالاشياء الي فيني رغم اني مستغربه منهااا *وابي نظرة عطا توفي ولا تخلف بدون أسباب* *وابي منك قبل لا نتي تصديني .. توديني* *وابي دربٍ على العذال صعبٍ ومتعبٍ وغلاب * *وابي نفس الطريق الصعب يبعدهم ويدنيني* *ترى لو للقلوب عيون ولدموع العيون أهداب* *حشى ما تنزل الدمعه لغيرك لو تركتيني* *أنا أول من عرف قدرك وأنا توي صغير وشاب* *وابي منك ما دام أنك عرفتيني تحبيني* بهاللحظه صرخت بداخلي .. احبـــــــك والله العظييييم احبــــــك وبديت ابكي بقوه لكن احاول اخفي دموعي .. مابي احد يلاحظ .. حسيت ان جواي شي طلعته .. دموعي هاديه تنزل وانا استوعب انا وش قلت .. ومرت باقي القصيده ولا كأني اسمعها *ما دام أني لقيتك في طريق أسمه غرام أحباب * *دخيل الله ، وبعد الله دخيلك .. لا تخليني* *ما دام أن كل من يحيا على وجه التراب تراب* *عسى تنساني الدنيا مادام أنتي ذكرتيني* بعد هالكلمات عم اللسكون بداخلي .. ما في اسمعه غير صوت انفاسي .. انا وش قلت .. احبك ...؟ من كنت اخاطب ..!؟ بالضبط يعني انا وش صار لي حسيت ان بداخلي شي غريب شعور اول مره احس به .. حسيت ان الدم يطلع من قلبي بسرعه ويدخل فيه .. حطيت يدي على قلبي الي كان يدق بقوه .. كنت خايفه من هالشعور... انا متأكده اني سمعت صدى صوتي يقول احبك .. ؟؟! احبك لمييين .. مييين ..!؟ حسيت دموعي بدت تبلل رقبتي .. وحسيت ان عيوني ما راح توقف من نزيفها .. بديت اتنفس بسرعه .. وخنقتني العبره بشكل ماهو طبيعي حسيت اني مخنوقه وماني قادره اتنفس حسيت ان قلبي من كثر ماهو ينبض بيوقف خلاص شعور مؤلم لكن له لذه غريبه اول مره بحياتي احس بهالاحساس .. اول مره يصادفني هالشعور .. كنت سعيده ابتسامتي طلعت غصبن عني لكني ظليت ابكي .. وابكي وابكي .. ضحكت على نفسي فجأه ومن غير سبب .. ضحكت من بين دموعي .. فرحانه مدري ليه .. ومستغربه .. محتاره ومتلخبصه .. ؟؟! حمد تكلم فجأه:هيه انتي .. مجنونه التفت عليه وقلت بقرف:احترم الفاظك .. احسن ما يقدر يصرخ بالطياره .. احس انه بزر .. هههههههه اهم شي اني فرحانه .. رغم اني مفروض ما اكون فرحانه تنهدت بحزن .. انا وش صار لي .. شكلي انهبلت قبل شوي .. شلت سماعات الجوال عن اذني وفتحت شنطتي ادور عالايبود ما لقيته .. افففف الايبود ماهو فيه .. والجوال مافيه شي ينسمع .. طفش .. تكلم كاتبن الطياره واغلب الكلمات ماهي مسموعه بسبب المايك البايخ اعزائي الركاب معكم الكابتن عبدالعزيز السويلم نـ ..... .... ... الرجاء ربط الاحزمه .... ... ... وعاد نفس الكلام بالانقلش .. افففف الطيارات غبيه اكرهها .. واكره الكباتن .. احسهم مدري شلون صايرين حسيت بضيقه وانا اربط الحزام .. احس اني فاقده شي لكن مدري وشهو .. شعور بااايخ وقفت الطياره ووقفت انا ومشيت ووراي حمد .. وعباتي علي .. نسيت افصخها .. خخخ لا ما نسيت بس كنت خايفه من الاخ هذا يخوف .. اول ما وصلت عند الدرج حسيت بلوعه غريبه جلست اطالع الدرج .. اشوفه اربعه مو واحد .. وش فيني .. شوي حسيت بدوخه في راسي .. وان الارض تدور بي غمضت عيوني وحطيت يدي على راسي .. و ظلام فجأه قمت على اصوات كثيره .. حسيت بشي على يدي .. وراسي يعورني .. فتحت عيوني بصعوبه وناظرت حولي .. وين انا انا بمطار كوالالمبور .. صح نسيت .. وش جابني بمستشفى المطار هذا ..! رفعت جسمي شوي شفت العذايه على يدي .. وحمد جالس عالكرسي وحاط رجوله عالطاوله ويقرا مجله طلعت مني آه ألم .. حسيت براسي مصدددع .. وجسمي منهاار التفت حمد:زين قمتي .. ما بغيتي التفت وطالعته ثواني وبعدت عيوني عنه بإشمئزاز .. جيت ابتكلم حسيت صوتي مبحوح شوي .. ياربي توني قبل ما ادوخ كنت زينه وش صار لي تكلمت بهدوء قد ما اقدر:وش صار ...!؟ حمد بلا مبالااة :انتي وش كلتي امس؟ انا جلست افكر:بس افطرت بان كيك وراوخ غير كذا ما اتذكر اكلت حاجه حمد يطالعني بنص عيون وبحاجب مرفوع:يعني امس لا تغديتي ولا تعشيتي واليوم ما افطرتي ولا تغديتي بالطياره يقلب الصفحه:طبيعي .. تنهدت .. يووووه مو وقتي بعد انا .. وحاطين لي غذايه بعد .. افف .. دخلت الممرضه كانت تتكلم عربي ركيك الممرضه:اوو همدله ألى سلاما ( الحمدالله على السلامه ) ضحكت على لهجتها الغريبه ورديت:الله يسلمك .. الممرضه:انتي هلوه مره ألى فكرا بس ليش ما تاكلي طالعتها كويس .. ملامحها من شرق اسيا صحححح .. وتتكلم عربي احسن من الشغالاات بعد هههههههه قلت وانا مستغربه واطالعها:هاه .. مدري هه حطت على رجولي الصينيه:يلا هادا غدا ازا تبي اي شي ازغطي هينا طالعت وين ما تأشر:اوكي طالعت الاكل بالصينيه وانقرفت:ااا .. لحظه مابي خلاص التفت:ليش .. انتي لازم اكل قلت بقرف:لا شكرا الممرضه:يوو شاجون انتي لازم اكل شاجون ؟ شجون .. ههههههههههه وتعرف اسمي بعد .. التفت على حمد الي كان لاهي بالمجله وهزيت راسي .. طالعتها ثواني وقلت:لآ .. شجن الممرضه عقدت حواجبها:شاجن .. اوو سوري .. شاجن مو شاجون ضحكت عليها .. والله انها تحفه .. تضاربت انا وياها بالكلام لحد ما اقنعتني اكل لانو اذا ما اكلت ما راح اقدر اطلع خلصت الغذايه وشفت دمي يملا السلك الي يوصل كيس المغذي ليدي .. كله امتلا دم لانو المغذي خلص .. ارتعت من المنظر .. حطت لزقه على مكان المغذي وتركتني اقوم طلعنا من المطار .. كنت احس بدوخه شوي بس احسن من اول .. دخلنا الفندق .. طالعت حولي .. شكلي ابووووسع صدري من جددد .. فيه منتجع صحي .. ويطل عالبحر .. وفيه مرقص فوق هههه يعني قمة الوناسه .. رقيت فوق بسرعه قبل حمد عشان اخذ الغرفه الكبيره .. كان فيه ثلاث غرف دخلتهم كلهم واخذت اكبر وحده .. وقفلت على نفسي بسرعه ابي اتجنب حتى الكلام مع الدعله الي برا .. مسكت جوالي ودقيت على ليلى ردت:شجوووووووووووون وحشتيني انا بتصنع لا مبالاة:ايه مره ترا كلها يوم واحد ليلى:لاااا جد لك فقددددددده يا بنتتتي انا:وانتي اكثر يا قلبي ليلى:الحمدالله على السلامه قلت بحاجب مرفوع وانا عاقده حواجبي:اي سلامه بس .. تخيلي اغمى علي وانا انزل من الطياره ليلى:يؤ..!؟ اغمى عليك ..؟! ....................... هههههههههههههههههههههههههههههه هههه انا استغربت عليها:وشو ..!؟ ايه اغمى علي ليش تضحكين ... هذا بدال ما تتحمدين لي بالسلامه ليلى:ههههههههههههههههههه انا بدلع وبتصنع عصبيه:ليلى ليلى:ههه .. قبل ما توطين ارض ماليزيا اغمى عليك .. والله انك منحووسه انا بزعل:من جد ..شفتي كيف ليلى:ايوا كيف كانت ليلتك امس .. احم تذكرت امس وتأففت ليلى:ايش الي اف .. هههههههه انا:ليلى .. اهجدي عاد ابقولك بعدين الحين بروح اتروش وانزل اتمشى بالفندق قلت بحماس:شكله فله ليلى:اييه روحي الحقي على رجلك قبل لا تسرقه هالنايمات بغيت اصك بوجهها بس مسكت اعصابي:هاها تضحكين مره .. نايمات اجل .. يلا باي سفيت الجوال بسرعه عالسرير وفصخت عباتي .. افف حررر.. طلعت لقيت الشناط بالصاله .. خخخخ مو صاله بالضبط بمكان التلفزيون والجلسه .. سحبت شنطتي على جوا وسكرت الباب من جديد .. فتحت المويه بالجاكوزي وحطيت الروغه ورحت شغلت لي موسيقى هااديه عشان الروقان .. ايوا كذا قمة الانبساط .. دخلت بشويش للمويه الدافيه واسترخيت بمكاني .. احلا شي بالسفر اني اخذ لي حمام رااايق .. احب اسوي كذا جلست اطالع قوارير الخمر الي بالحمام .. ههههههههه لو اشرب لي وحده .. مديت يدي ومسكت وحده وجلست اقرا الخط مشبك ومعقد قلت لا اعقد نفسي عشان اقراه واكمل استرخااائي الاهبل وفيما انا استرخي بديت افكر .. مين احبك ..!؟ ولا كلمه طلعت وبس .. طيب انا معقوله اقول احبك لاحد مدري منهو ..!؟ فجأه بديت افكر بعبدالله ... لا .. مستحيل .. لا وخمسين لا .. لا يكون عبدالله ضحكت على نفسي .. انا احب عبدالله ... لا غلط .. مافي وحده تحب اخوها..!؟ وش بيقول عني الحين .. ؟؟!؟ لالا انا اكيد مجنونه .. هههههه قلت احب عبدالله قلت حاولت ابعد هالافكار عن راسي وطلعت .. انسدحت عالسرير بالروب وقلت بصوت مسموع:ااااه بس .. يبيلي اطقها نومه قمت وبدلت ملابسي لبست لي قميص نوم من الي شريتهم .. احسن اتبمخطر فيها لحالي من غير محد يشوفني .. وه بس تربعت عند الشباك وجلست اطالع البحر .. والناس تسبح .. والاطفال يراكضون .. والدنيا مشغوله وغروب الشمس بشكل جذاب .. تثاوبت .. جا وقت النوم عندي الحين .. ما نمت بالطياره كويس حمد هذا مزعج .. انسدحت ورحت بساابع نومه قمت على صوت حسين الجسمي .. بلغ حبيبك وقوله باخذك منه ............. تثاوبت ومغطت جسمي ومسكت الجوال .. رفعته .. 1 مكالمات لم يرد عليها .. ماما داقه .. مسكينه قايلة لي ادق عليها اول ما اصول .. دقيت عليها ماما:الووو انا:الو هلا ماما ماما:يوو توك صاحيه من النوم .. ازعجتك طالعت الساعه عالجدار:هاه لا تثاوبت:عادي اصلن لي ساعتين ناايمه .. كنت ابقوم يعني ماما:الحمدالله على السلامه انا:الله يسلمك .. ماما:تعبتي بالرحله توني بتلكم الا اسمع صوت بابا يهاوش ماما على الجوال فجأه:الحمدالله على السلامه |
البارت السابع والعشرون ضحكت على هبال بابا:الله يسلمك اسمع صوت ماما عنده:خالد بلا حركات بزارين وعطني اكلمها ابي اتطمن عليها بابا:ابعطيك لا تنهبلين شوي بس ابتحمد لها على السلامه ضحكت عليهم بابا يكلم ماما:شفتي تضحك عليك يا المجنونه .. ويرجع يكلمني:هاااه وشلون رحلتكم انا توني بقوله انو اغمى علي بس حسيت الموضوع تافه وراح يخوفهم على الفاضي:عال العااااال بابا:وشلون حمد .. ؟ سكتت شوي .. فكرت بسرعه وقلت:حموودي يتروش الحين بنطلع انا وياه فجأه ماما تتكلم:خلني اكلمها يوه .. الوووو شجون انا ضحكت عليهم:شجججن يا ماما شجن ماما:ههه ايه كيف ماليزيا .. انا طالعت الشباك:والله حلوه بس حر ماما:هه ايه لازم .. وعسى ما تعبتو انا:ماما ثاني مره تسأليني ماما:وش اسوي قلبي ناغزني احس فيك شي .. تعبانه انا:لااا والله ما فيني شي بابا يسحب الجوال ويكلمني:اتركي البنت مع رجلها .. الووو شجون يلا لا تنسين تكلمينا عاد .. مره ثانيه ابخلي امك تدور وقت زين تدق فيه .. انا:هههههههههههههه لا عادي بابا شدعوه بابا:يلا سلمي على حمد انا:يوصل بابا:ودعتك الله يا بنتي ابتسمت:مع السلامه سكرت الجوال وتنهدت بإبتسامه .. فدييييييتهم .. قمت وفلفلت ملابسي .. طلعت لي جينز برمودا .. ومعه بوت احمر كعب .. وبلوزه بيضا ساده كت .. واخذت لي شال احمر لفيته حول راسي بطريقه مو استر شي بس عشان اتجنب حمد .. فرغت شنطتي الخظرا بالشنطه البيضا واخذت جوالي وطلعت صادفت حمد توه داخل طالعني من فوق لتحت:خير ..؟! ابتسمت تسكيته:خير بوجهك .. خخ ماهي سبه هاذي بس ( الاعمال بالنيات ) هاهاها حمد:وين رايحه انشالله انا تنهدت:لا تخاف ما راح اطلع من الفندق .. حمد:ما راح تطلعين من الباب اصلا طالعته بإشمئزاز .. خفت يصرخ علي بس خير لازم اوقفه عند حده مو على كيفه يتأمر:لا بطلع خير انشالله حمد يصرخ:ارجعي غرفتك خفت شوي بس مسكت نفسي .. اخذت نفس وتكلمت بهدوء:شوف انت فرضت شي على كيفك امس .. يعني لا اقرب منك ولا اكلمك وقلت بقرف:واصلا ماني ميته عليك عشان اكلمك .. بس حتى انا بفرض شي زي ما انت فرضت قلت بكل ثقه:انت ما عليك مني انا وحده حره .. اطلع متى ما ابي وارجع متى ما ابي ولا لك لا راي ولا شور علي اوكي .. اذا عندك شي كلم بابا .. بس لا تفكر تقرب مني ولا تمد يدك علي سكت بعد هالكلام وانا ابلع ريقي كنت خايفه من ردة فعله حمد قال بقهر:ايه زين .. ما راح اكلم ابوك لانك اصلا بترجعين له ... وانا ماحب ادخل خشمي بأمور ما تعنيني ناظرني من فوق لتحت من جديد:استغفر الله .. لو اني ادري اني بتزوج فاجره كا قاطعته بإنفعال:اييييش ..!؟ بديت اصرخ ونسيت نفسي .. كلش ولا احد يغلط علي:هيه انت اسمع مو على كيفك ترمي كلام منتا قده فاهم يا السلتووح .. كلك على بعضك ترا ولا شي فااهم .. اصلا لك الشرف الف شرف اني انا وافقت على واحد مثلك قال بكل ثقه ولا كأنه سمعني اتكلم:والله ما كان بودي .. وجلس يسوي كانه يقلد علي:سلتوووح ضحك ودخل غرفته وكأنه يكلم نفسه:غبيه حتى الفاظها الفاظ فجره .. علّا صوته اكثر والتفت:ههه اطلعي .. ولا ترجعين الا الفجر لو تبين .. رجع يمشي:وانا وش علي ... انقهرت ودمعتي صارت على طرف عيني .. غبي ما عنده احساس ومدري ايش وكل شي .. غبي غبي غبي مدري ليش هو كذا .. احسه مو رجال .. لو انه عند كلمته كان ما خلاني اطلع احسن .. نزلت الشال عن راسي بعنف وطلعت لساني وانا اقلد عليه : وانا وش علي قلت بصوت واطي وانا اطلع:حماار ابتسمت اول ما طلعت مع الباب .. ههاي طلعت وهو ما سوى شي .. اجل ليه اخاف منه اذا هو كان مجرد صوت .. يقول كلام ماهو قده .. ههه نزلت تحت وجلست اتمشى بالفندق .. ااااه هذا انا .. دايم محبوسه بمكان معين لازم يعني .. اصلا لو طلعت من الفندق وين اروح ماعرف شي خخخ دخلت المنتجع الصحي .. وجلست اتفرج .. امم ليش ما اسوي لي بودي كيير.. خخخخخ بودي كير و مونيكير .. لووول .. مرت ساعتين وانا جالسه ادلع نفسي شوي .. رن جوالي .. توأم روحي يتصل بك العامله كانت ماسكه ايدي وتعدل اظافري .. سحبت ايدي منها ومسكت الجوال وانا اقرى الاسم من جديد اتأكد هو عبدالله ولا لا .. ؟؟! عبدالله داق علي ..!؟ بدت نبضات قلبي تدق اكثر واكثر .. ياربي انا مجنونه وش صااار لي .. هذا عبدالله عادي جاني شعور غريب حسيت بقشعريره بكل جسمي .. حسيت كأن هوا بارد مر علي ووقف كل شعره فيني .. رديت وحطيت الجوال على اذني بهدوء صوت طفل:الوووو انا استغربت:الوو .. ..: اهلين طفل صغير.. ذكرني ببدر .. ابتسمت .. مين هذا .. انا:اهلين .. انتا مين ؟ الطفل:انا هيمو .. هيمو ..!؟ ماعرف احد اسمه ابراهيم .. ؟! انا:طيب كيف دقيت يا هيمو .. انتا تعرفني ؟ ابراهيم:لا .. مين انتي سكت شوي .. بعد فتره قلت:انا .. انا شجن .. لحظه انت ولد صديق عبدالله ؟ ابراهيم:هاه .. ؟ تنهدت:كيف دقيت؟ ابراهيم بعفويه:مدري عبود نايم وانا ابي العب بالجوااال .. ودقيت على ناس بس ما يردون بس انتي .. انا عصبت .. وش ذاا يعرف عبدالله بعد .. قلت بعدم صبر:الحين انت ميييييييييين ؟! ابراهيم:قلت لك انا هيمو انا:ايييه هيمو مين وجع ابراهيم يتكلم بثقه وكأنه مبسوط انه حافظ شي:ابراهيم زياد متعب الـ****** .. وبعدين عيب تقولين وجع ترا ترجع لك انا تصمنت .. ههههههه وش يخربط هذااا ..!؟ قلت بإستنكار:سارق جوال عبود لا ومنتحل شخصيته .. قال ابراهيم زياد الـ****** قال .. ههههههههههه اقول عطني عبدالله بس ابراهيم:انتي وش تخربطين انا:انت الي وش تخربط سكت شوي يمكن هذا واحد من عيال عماني .. الولد باين انه بأول ابتدائي او شي زي كذا وعيال عمي اغلبهم بهالعمر بس ما اتذكر فيه واحد اسمه ابراهيم .. ولو انه واحد من عيال عماني ليش يقول ولد زياد ..؟؟ الي اعرفه ان عمي زياد يصير ابو عبدالله خخخ الظاهر من كثرهم ما حفظتهم انا:تعال هيمو ابراهيم:نعععم انا:اي صف؟ ابراهيم:بروح ثاني ابتدائي وانتي ..!؟ سكت شوي:ااهاا...طيب مين مامتك ؟ ابراهيم سكت شوي وقال:ماما مدري وينها ... انتي وش تقربين لعبود انا استغربت طلع براسي الشيب .. مين هذاا ..!؟ انا:انا بنت خالته ابراهيم:انا ماعرف خالته .. بس اعرف عمي خالد وعمي ابو راكان وعمي ابو قاطعته:طيب طيب لا تعدد علينا دارين .. انت ولد اي واحد ابراهيم:قلت لك انا ابراهيم زياااااد .. ابو عبدالله ما تفهمين .. ضحكت عليه:ههههههههههههه هيمو اخلص وين عبدالله ابراهيم:نايم سكت شوي وقال بحماس:لالالالا قام توه طالع من الحمام ويصرخ:عبدددددالله تعال احد يبيك اسمع صوت عبدالله عنده:وانت وش دخلك ماخذ جوالي يا الثور .. جيبه وانقلع غرفتك .. ابراهيم صوته يبتعد:طيب لا تنافخ استغربت ... هذا عبدالله .. ؟! اووووول مره اسمعه يصرخ بهالطريقه .. هذا اذا عصب بس شي نادر .. يجي الحين يصرخ ..؟! مرره تغير .. لكن للأسوأ عبدالله قرب صوته:نعم .. خير ..! لو تلاحظ ان الحين الساعه وحده بالليل وانا واحد ماني رايق ونفسي بخشمي عندك شي دق بوقت سنع وكسر بوجهي من غير اي كلمه ثانيه ..! انا على وجهي علامة استفهام كبيييييييييره .. وش المسرحيه الي صارت قبل شوي الله اعلم ..! رجعت الغرفه حصلت حمد عند التلفزيون رحت بسرعه لغرفتي وقفلت الباب وراي رميت الشال والشنطه عالسرير وجلست افصخ جزمتي وانا افكر .. وش السالفه الحين من هذا ابراهيم .. ؟! يمكنه واحد من عيال عمي بو راكان .. معقوله عبدالله رجع عندهم لحظه اصلا عمي بو راكان ما عنده ولد اسمه ابراهيم فجأه رن جوالي رحت ركض للشنطه .. توأم روحي يتصل بك افففف جاني هذا ابراهيم يتفلسف رديت:ابراهيمووه انقلع مالي خلقك .. :........ ليه ساكت .... لا يكون الي ببالي .. هذا عبدالله ... ؟؟؟! بديت اتنفس بسرعه نفس الشعور الي جاني قبل جالس يجيني الحين حاولت قد ما اقدر ابعد هالشعور عني لحظة سكوت قطعها صوته النعسان:بس كنت .... بقول اسف هزأتك ... افتكرتك ......... واحد هزيت راسي على بالي انه يشوفني .. قلت بهدوء غلب هدوء صوته:اها .. طيب وسكوت من جديد .. الا نبضات قلبي الي طغت عالجو كنت احس بحراره بكل جسمي .. احس اني داخله عالم ثاني مابي اطلع منه ابدن .. حسيت بالامان .. حسيت بالسعاده .. نزلت دموعي من كثر ما انا فرحانه .. حسيت بقلبي ينبض بقوه .. بقوه مره وان الهوا الي بداخلي يطلع ويرجع بسرعه حسيت بغصه بس غصه حلوه .. حسيت اني مخنوقه لكن مو متضايقه .. حسيت بالقشعريره ذيك تمر بكل جسمي كان ودي توقف هاللحظه .. بس عشان استوعب وش الي جالس يصير فيني ..! شي غريب عمري كله ما حسيت فيه ..شعور رااائع الي انا جالسه احس به الحين .. لكن بنفس الوقت شعور مزعج .. نوعا ما الاغرب من هذا كله ... وش معنى هالشعور جاني الحين .. ؟؟! ليييش ..!؟ اخيرا تكلم بعد سكوت دام عشر دقايق:......تبين شي انا مسكر انا:.................. كنت احس بصوته .. يرن بأذني .. غمضت عيوني كنت ابي احاول امسك صدى هالصوت اطول فتره ممكنه .. حسيت اني اذوب كل مره يتردد هالصدى بداخلي تكلم من جديد:... اذا كنتي مشغوله انا آسف قاطعته بسرعه وبصوت غريب:هاه .. عدلت صوتي بسرعه:لالا شدعوه ماني مشغوله بس ورجعت اسكت .. مدري وش اقول .. الي احس به الحين طاااغي على كل تفكيري ماني قادره اجمّع بس احس بنفسه الخفيف.. بلعت ريقي .. مدري وش صااار لي ...؟؟! عبدالله:شجن فيك شي ؟؟ اخذت نفس عميق .. عميييييييق مره وانا اسمع صوته .. ماني قادره اتكلم .. الحروف مو راضيه تطلع مني قلت بصعوبه وبغصه:لا عبدالله تكلم بسرعه:الا ... وعم السكوت من جديد .. يعني عارفني .. ايه فيني شي .. بس كيف بعلمك عن الي فيني .. وانا نفسي مدري وش الي فيني .. جلست عالارض بهدوء والجوال بأذني .. انتظره يتكلم من جديد .. لييش ساكت ... لييش..!؟ اكره سكوته .. يقول اي شي يسكر بوجهي بس لا يسكت ..!؟ عبدالله بان على صوته الانفعال:اسف شكلي مقاطع شي .. اعتذري لحمد نيابتن عني.. باي وسكر من غير اي نقاش .. هههه يغار ؟؟ .. حسيت فرحه كبيييره مدري وش سرها تنهدت بإبتسامه .. ورميت الجوال بعشوائيه .. قمت اطالع بالمرايه .. اثار دموع على خدي .. دموع ايش .؟.؟! انا بكيت .!؟ جلست عالسرير وتسندت عالقاعده الخشبيه .. ومديت رجولي وغصت اكثر واكثر .. مسكت الوساده وحظنتها لا .. انا ماني راضيه على الي انا جالسه اسويه الحين ..!؟ كنت عارفه .. الا متأكده اني ...... حتى ماني قادره انطقها ليش طيب ...!؟ يوم قالي انه يعتبرني مثل اخته بدت تجيني هالاحاسيس .. يوم تزوجت بدت تجيني هالاحاسيس .. كل شي غلط .. مفروض ما يصير كذاا .. مفروض اني احب حمد وحمد يحبني وعبدالله اخوي وانا اخته بس انا وش جالسه احس به الحين ..!؟؟ كرهت نفسي .. وكرهت هالشعور الي جاني متأخر ... متأخر حييييل .. بكيت بقهر .. جلست اتذكر كل لحظه تعيسه مرت بحياتي وبكيت عشانها .. يمكن لاني كنت محتاجه ابكي عشان سبب واحد بس الدموع ما رضت تطلع بديت اتذكر شريط حياتي عشان غصب تطلع الدموع .. كأني ابي ابكي وبس وبالفعل بكيت لمن تذكرت جدتي.. وبكيت لمن تذكرت اول ما دخلت الرياض .. وبكيت لمن تذكرت اول مره شفت فيها عبدالله .. بكيت لمن تذكرتني ابكي على رجله لان اهلي بيغطوني عنه .. بكيت لمن تذكرت الموقف بالمستشفى يوم تموت فاتن .. بكيت عشان اسباب كثيره ما تنعد عالاصابع بس السبب الرئيسي لكل هذا .. كان وبكل بساطه .. هالشعور الي احس به وش يسمونه ..!؟ ماني قادره اقولها .. ماني قادره اعترف لنفسي بهالشي رغم كل الي صار لي رغم كل احساس حسيته الحين ... حاولت انسى .. وغلبني النووم .. قمت وانا سعيده .. كان صوت التلفزيون واصل غرفتي .. طالعت التلفزيون لقيته طافي .. اجل شكله التلفزيون الي بره .. استغربت اني مبتسمه .. قمت ومغطت نفسي زي عادتي .. في خاطري راوخ .. قمت غسلت اسناني وفرشت .. صليت الفجر ورجعت اتروش .. طلعت والروب علي والفوطه على راسي .. فتحت الباب الزجاجي .. الي يطلع عالبلكونه.. كان ودي اجلس بالكرسي الي عند الطاوله .. الي يطل عالبحر .. جلست اطالع شروق الشمس .. تونا بدري .. حمد صاحي ...!؟ ما اتوقع بس صوت التلفزيون وااصل عندي .. تنهدت وانا اجمع رجولي معي بالكرسي واقربها لحظني اكثر .. صغرت عيوني كأني افكر وانا اطالع البحر .. ريحته الرطبه خدرت تفكيري كله .. وصوت امواجه الي تتصادم خلتني احلم بعيد .. ابتسمت برضا .. انا راضيه عن حياتي رغم كل الناقائص الي فيها رغم اني احس بالموت كل يوم .. بس لاني اتذكر سبب واحد ناقص مني .. بس ارجع ابتسم وهذا احلا شي فيني ..فيه جزء ساكن بداخلي ما اعرفه .. جزء غاامض بالنسبه لي .. تنهدت وحطيت يدي على قلبي .. هذا الجزء الغامض بالنسبه لي .. توه يبدى يتحرك ويدور عالنور بديت افكر بكل شي .. لمن اجلس لحالي لازم افكر .. فكرت ببدر وابراهيم .. وسيف ومحمد ..... ويااسر .. فكرت بحمد كيف قدر يترك الي يحبها عشان ياخذني لجل يرضي اهله .. فكرت بماما كيف سمحت انها تزوجني بهالطريقه فكرت انا كيف اصلا وافقت اتزوج بهالطريقه ..! فكرت بعبدالله .. بليلى .. ببابا .. بكل شي بحياتي .. بديت اغني من غير ما احس باللي حولي .. بهاللحظه طرت على بالي اغنيه لحسين الجسمي بديت اغني وانسجمت مع الجو البديع ... ماليزيا صحيح ما شفتها بس مررره حلوه ... خخ وخظرا بعد قاطعني صوت الجوال .. يووو انا ما طفيته من امس ولا ايش ..!؟ رحت بسرعه ورديت:الووو صوت برئ طفولي .. ومتحمس شوي:سجننن ابتسمت على طول تذكرت من صاحب هالصوت:يياا عيون سجن يا قلبي بدر:انتي علوسه انا:هههههههه خلاص خلصت العروسه بدر:تيب .. وس لونك انا:لووني احمر بدر:لااااااء .. وس لوووووونك وعلق على حرف النون يعني يأكد عليها .. ضحكت عليه وبنفس اسلوبه رديت:احمممممر بدر عصب:هيه انتي انا سويت نفسي معصبه:نعم خير ..! بدر:انتي مو علوسه يا ايوانه سكت شوي واناا مبتسمه:الحين من علمك هالكلام يا الطعس ؟؟ بدر عصب من جديد:انا موووو تعس هههه .. حلوه تعصيبته .. توني ادري اني اعرف اسولف مع البزران .. وعندي علاقات هاتفيه بعد خخخ بدر وابراهيم .. وبكرا بيجيني اياد بعد ههههههه انا:الا تعسين بعد بدر:تيس انتي انا:ما قللللت تييس بدر بان على صوته الزعل:انتي ليش سريره سريره ..!؟ انا:ايش سريره ..!؟ بدر:وووووعه انا:ههههههههههههههه بدوري زعلت علي |
البارت الثامن والعشرون بدر:اسمي بدر انا:بدوري على كيفي رجع زعل:سججججن انا بدلع:عيون سجن بدر صاح خلاص:ايواااانه انا انصدمت .. يؤ يؤ ايش هالحساسيه .. حاولت اتدارك الموقف:خلااااااااص حبيبي بدر والله ما اقصد .. بدر يبكي انا:بددددر خلاص يا عمري والله اجيب لك الي تبي .. والله اسفه ما دريت انك كذا حساس يوو انا وش جالسه اقول لازم انمق كلامي تراني جالسه اكلم بزر عمره ثلاث سنين .. احم بزر نابغه خخ اكيد بيفهم بدر:بكووول لعمو سيوفي .. وصك بوجهي جلست اطالع الجوال:وجع .. يحب يسكر .. طز فيه الحيوان ورميت الجوال عالسرير ورحت للمرايه .. فتحت الفوطه من شعري وجلست احرك راسي وانا حانيته على ورى .. جمعت شعري بشكل عشوائي وحطيت الشباطه وطاحت خصل شعري بوجهي.. طلعت لي تنوره بيضا اطرافها مطرزه بسماوي فاتح .. وبلوزه ارتكواز حسيت لونها كان قريب من التطريز الي بالتنوره بس مو مره خخخ وش هالتدقيق .. البلوزه كانت من غير سيور .. لبست فوقها جاكيت ابيض نص .. يعني يوصل لتحت الصدر وبس وحتى مو كم طويل الجاكيت خفيف .. ربطته بشكل عشوائي بعد ورحت للمرايه .. فتحت شعري واخذت الشباطه الصغيره الي كانت تبرق بالكرستالات البيضا .. وثبت فيها النص الايمن من شعري وتركته من غير تمشيط صار مجعد بشكل حلو .. وهذا الي ابيه .. كحلت عيوني بكحل اخظر ماائي تقريبا .. بلاش على خفيف .. وقلوس تعطرت بسرعه قبل ما اطلع واخذت شنطتي .. يارب ماشوف حمد يارب ماشوف حمد يارب ماشوف حمد بس شفت حمد .. تحطيييم .. يارب ماا يكلمني ولا يعلللق على شي وصلت عند الباب وتوني بمسكه الا صوته هزني من مكاني وين رايحه ..!؟ التفت كان جالس عالكنبه ويطالع التلفزيون قلت من بين اسناني:طالعه افطر حمد:امس قلنا عادي متستره حبتين بس اليوم كيف طالعه كذا ..؟! حطيت يدي على خصري وقلت بدلع:وانت وش عليك انشالله ..!؟ حمد:ايش الي وش علي انتي مسؤوله مني يعني تروحين تغيرين هالتنوره القصيره ولا لا تطلعين طالعت التنوره .. هاذي قصيره ..!؟ تحت الركبه هااذي ..! طالعته بإسحتقار:والله انت مالك راي علي..وبعدين تعال مسوي لي تستقوي علي قبل امس وقلدت على صوته وعصبيته:لا تكلميني ولا تقربين لمي رجعت لصوتي العادي:مدري من اللي يكلم الثاني الحين ..!؟ هز راسه بقرف وقال:ما تربيتي ابببد .. طالعته بثقه:مشكلة الي ما يعرفون يردون حمد التفت وقال بصراخ:ترا سكت لك عاد اهتز كل جسمي من صراخه وخفت منه .. توترت ومسكت قبضة الباب وطلعت بسرعه قبل لا يزيد اخذت نفس طويل ورحت افطر .. وطبعا ... بالنفدق .. تعودنا عالقرف .. بعد الفطور نزلت وطلعت من الفندق تلفت حولي .. يا كثر الشغالات هنا ههههههههه والله ان ماليزيا حلوه .. شجرها كثييير .. تلفت حولي ابي مكان قريب اروح له .. جذبني صالون لوحته حمرا مكتوب عليها بالانقلش المشبك رحت له ودخلت روعني صوت الأجراس الي كانت مثبته عالباب بحيث انو اذا الباب انفتح تتحرك عشان تطلع صوت كان الصالون فاضي .. وفيه حرمه عريضه وقصيره شوي .. شكلها من شرق آسيا .. ومغزغزه يعني عندها خدود بإختصار دبوبه حبتين .. ابتسمت لي وبانت عيونها اقواس من خدودها .. ضحكت وجلست اطالع الصالون تكلمت الحرمه بلكنه انقليزيه ركيكه جدن .. ومخاارج الحروف عندها زي مخارج الحروف عند الهنود الحرمه:welcome madam )اهلين مدام ) ابتسمت بوجهها وجلست الحرمه:how can i help you ? )كيف اقدر اساعدك ) سكتت وانا اطالع المجلات الي قدامي ما عندي شي اسويه .. اممممم بهاللحظه وانا افكر لفت المروحه المتحركه علي وطيرت شعري الي نصه جا على وجهي وربعه لصق بشفايفي من القلوس بعدته بقرف وانا عاقده حواجبي .. اففف اكره كذا بديت افكر .. ليش ما اقص شعري ..؟! شويه بس مو كثير .. هو لنص ظهري تقريبا .. ما يضر لو خليته مدرج .. وقصيت لي (قذله - قصّه ) زي ما كان شكلي قبل سنتين .. كان وجهي طفولي مع ذيك القصه .. فكرت كويس ورفعت راسي للحرمه:I want to cut my hair ( انا حابه اقص شعري ) الحرمه: cut your hair .. ok ( تقصين شعرك ..؟ اها اوكي ) انا اشرت على حرمه بالمجله:ya .. like this ( ايوا زي كذا ) الحرمه تناظر المجله بعدين تأشر على الكرسي k madam .. it will be so nice on you .. ( اوكي مدام .. بيطلع حلو عليك ) ابتسمت مجامله وجلست عالكرسي:i'm sure it will (انا متأكده انو بيطلع حلو ) بدت تطشطش على شعري المويه انا استغربت عادتن لمن اروح صالون بالرياض لازم اكتب بالفاتوره وادفع اول ومدري ايش هاذي على طول ما عندها وقت اصلا ما عطتني فرصه اشرح لها كيف ابي .. حطت ببالها زي قصة الي بالمجله يعني زي قصة الي بالمجله مشطت شعري وتوها بتقص الا فزيت من مكاني wait ...!! (لحظه ..!؟) الحرمه ارتاعت معي:what (وشو) سكتت شوي وقلت بخوف:say with me (قولي معي ) الحرمه :...!؟ قلت بشويش عشان تقدر تقلد علي:بسم .. الله .. الرحمن .. الرحيم الحرمه استغربت سكت ثواني وقالت:بيسم انا:الله الحرمه تجاريني:االله انا:الرحمن الحرمه:الرهمان انا:الرحيم الحرمه:الرهيم انا ارتحت نفسيا k .. you can cut it now ( خلاص تقدرين تقصينه الحين ) والحرمه شكلها ما تدري وين الله حاااطها كنت اسمع صوت المقص يقطع شعري الاسود بشويش .. ومع كل خصلته تطيح حسيت ان قلبي يتقطع .. ليش اقصه طيب .. يووو بعد ما خلصت توها بتستشوره لي الا منعتها .. طلبت منها تصبغه .. كنت ابي صبغه بني غااامق لانو فيه صوره معلقه عالجدار حرمه شعرها بني غاامق جذبني مره حاولت افههمها بالانقلش ما رضت تفهم اني ابي اصبغه الا بحيل الله .. طبعا قلت لها ما تترك ولا خصله وحده ابيه يطلع بني من الجذور للأطراف .. كنت متحسمه مره اشوف كيف شكلي بيصير مع القص والصبغ .. فللله حطيت الماده اللزجه على شعري وانا احس بالقرف من ريحتها .. ومر الوقت بطئ وانا منقرفه وهي طول الوقت شاقه الوجه بإبتسامه .. اخيرن بدت تستشور شعري - ستريت - وانا مبسوطه .. حتى لو انصدمت بشكلي مو لازم .. عااااادي .. ما قدرت انتظرها لحد ما تخلص اخر خصله .. ااففف ومافيه ولا مرايه هنا الا بالجهه الثانيه .. صالون بايخ .. تأففت وهي تعدل اخر اللمسات بشعري قمت بسرعه وانا متحسمه وقفت عند المرايه وانصدمت ..! كان شعري مو بني .................. ولا حتى ذهبي .. لو ذهبي قلنا ارحم شوي شعري كان اصفر ......!؟؟؟!.!؟!.! انا بس ابتسمت هههه .. وش هذا الي على شعري .. ليش لوونه كذاا ..!؟ بديت شوي شوي استوعب .. ودمعتي على طرف عيني .. لاااااااااااااا خربت شعري الزفته الحيوانه التفت عليها لقيتها شاقه الابتسامه .. كان ودي ازنطها واذبحها هنااا .. بس ما قدرت اسوي شي بس جلست اناظرها بحقد .. فتحت شنطتي بسرعه وبتوتر ورميت الفلوس بوجهها وطلعت ... شوووفو وش سوت بشعري .. سخيييييفه صرت كأني ... كأني .... كأني باااريس هيلتون شعري اشقر .. الا الاشقر ارحم شوي بعد .. وش بسوي الحين .. الصبغه اذا تروشت تروح...!؟ وييين عاد اووما تروح .. اففف طيب وش اسوي .. دمعه دمعتين وانا احاول اداريهم مابيهم ينزلون .. كنت مقهوره امشي واضرب رجلي بالارض بقوه لدرجه حسستني ان الكعب بينكسر دخلت الفندق وجيت ابرقى التفت على محل جذب انتباهي عطيته نظره سريعه .. وقفت فجأه .. محل قبعااات.. التفت وانا افكر .. حمد اذا شافني كذا بيقول هاذي استخفت ..!؟ دخلت بسرعه وشريت لي قبعه بيضا .. لميت شعري كله جواها صار شكلي بايخ بس مو ابيخ من قبل شوي ركبت الاصنصير وانا اطقطق برجلي عالارض ومقهوره .. مقهوره من هالبقره الي سوت كذا بشعري .. اكيد كانت مفتكرتني ابي نفس لون شعر البنت الي انا مسويه القصه زيها .. دخلت الغرفه حمد ما كان فيه .. احسن بعد .. دخلت وقفلت الباب وجلست عالسرير .. حطيت ظفري بفمي من غير ما احس وانا مقهوره .. وش اسوي الحين .. قمت بإنفعال للمرايه ورميت القبعه بعيد .. وجلست اطالع شعري .. كانت القصه مررره حللللوه بس اللون ... حسيته ... مدري جاب لي المرض حسيت اني مو انا .. لونه اشقر ..!؟ صبغت شعري اشقر ..!؟ المشكله مو خصل ... شعععري كله من فوق لتحت .. رحت بسرعه دقيت على ليلى ليلى:هلااا دبدوبه انا:لوووووووووووولا ليلى:خييير وش صاير ...!؟ تجمعت دموعي من القهر:الكلبه الكوافيره خربت شعري .. ليلى:...؟ هاه ؟؟ انا:قلت لها تصبغ بني صبغته اصففففففففر ليلى:ههههههههههههههههههههههههههههههههههههههههههه انا انقهرت اكثر:وانتي بس تضحكين تضحكين .. اقولك اصفر ليلى:هههههههههههه انا:لووويل ووجع انتي ما ينتكلم معك وسكرت بوجهها ورميت الجوال .. شوي رجعت دقت رديت وانا متنرفزه من الكوافيره ومن ليلى اكثر بعد ليلى:ههه خلاص يا بنتي بس طريقتك وانتي تقولينها تضحك انا:اي تضحك .. شوفي شعري وبتضحكين ليلى:ههه اصفر ..!؟ انا:تخيلي .. افف شييييييين .. هو مو اصفر اصفر .. اشقر يعني ليلى:اووو حركات انا بقهر:ايش حركاات انتي ووجهك اقووولك اشقر .. الناس لمن تشوفني وش بيقولون .. جنت وقعدت ليلى:عادي كثير يصبغون اشقر .. ايش صار يعني انا:كثير يصبغون ذهبي على اشقر .. اشقر بكم خصله غامقه .. هذا ميييح يجيب المرض ليلى:ههههههه انا:اصبري بصور وارسله لك وسائط ليلى:ههه اووكي .. يلا برب ضحكت بدون نفس وسكرت .. رفعت الجوال لفوق اصور نفسي ومديت بوزي .. يعني اني زعلانه .. كنت مبالغه بمدت هالبوز بس عشان تعرف اني زعلانه خخ ارسلته لها خمس دقايق ودقت انا:بالله ما زوعتي؟؟ ليلى:شجن حرام عليك يجنن انا انهبلت .. وش تقول هاذي .. تبي تجامل مو عارفه:هه ايه مره ليلى:لا من جد مره حلو .. يا الظالمه هذا يجيب المرض انا:ليلى اقول .. عن ثقالة الدم .. يعني الا لازم تحسسيني انه شين لذيك الدرجه ليلى:لا والله العظيم .. شوفي انا معاك انو اللون ما ينفع مره بس .. عليك انتي طالع شي ثاني سكت شوي وحسيت بالرضا من كلامها .. .قلت وانا ماده بوزي:ولو .. شين ليلى:ههههههه مجنونه .. وليش تصبغينه اصلا انا:كنت ابي اغير شوي .. قلت لها بني غامق حسبي الله عليها ليلى:وقصيتيه .. انا:اييه القصه حلوه بس اللون ... ييييييييييع ليلى:ههههههههه .. وحمد ايش قال قلت وانا اتنهد:اسكتي الله يعافيك ليلى:ههههههه اووو تستحين .. ؟ انا:ليلى ووجع انا استحي من وجه العنز هذا ليلى:هههههههههههههههه اكيد متهاوشين انا:ياكل تبن ليلى:اوو هوشه كبيره انا:اسمعي انا ما قلت لك صح ليلى:لا انا:تخيلي ليلى:تخيلت قلت بنرفزه:ليلى بس عاااد .. اتكلم جد .. انتي تخيلي بيوم زواجنا ليلى بحماس:اييييه لبستي اي واحد الاسود ولا الفوشي عصبت:ليلى ما ينقال لك شي والله العظيم ليلى:هههههههههههه بس بس خلاص سكتنا انا:شووفي الكلب ايش سوا .. تخيلي مسكين اهله غاصبينه ليلى:الكلب المكسين هاه .. ايش هالتناقض .. وبعدين كيف غاصبينه ما فهمت وضحي افف دبشه هاذي:شفتي الي كان خاطبها .. اصلا يحبها وخلوه يطلقها عشاني والحين حط حرته فيني .. يختي احس كننا بزران نتهاوش هواشات مبزره .. واقلد على صوته:يا الغبيه .. يا السلتوح .. يا المدري ايش رجعت لصوتي:يعني مدري وش اسوووي ليلى سكتت فتره بعدين قالت:شوشو طيب .. هو ايش قالك .. ؟ انا:قال لا تكلميني ولا تقربين لمي .. تخيلي بيوم زواجنا ليلى:اوف اوف .. من جدك انتي .. طيب وش بتسوين انا:وش دراني ليلى:اصلا وش سويتي انا:اقولك ما احتك فيه ابدن انا بغرفه وهو بغرفه اصلا .. اصلا كله نتهاوش .. ليلى:يؤ يؤ .. طيب انتي جربي حاكيه وقربي منه .. ايييه طيب اقرب منه .. هذا الي ناااقص انا:ينقلع ليلى:يووو عليك انتي منتي حاسه بالموقف الي انتي فيه انا قلت بلا مبالاة:موقف مين والناس نايمين .. نرجع ويطلقني وخلصنا ليلى:وانتي مفتكره الطلاق شي عادي .. حبيبتي الناس ما راح ترحمك بكلامها .. ايش هذا الي تزوج له وحده وطلقها بعد شهر العسل .. شجن اصحي الموضوع اكبر من كذا فاكره الطلاق شغله سهله .. الي فهمته ان الولد ما لمسك ولا يبيك ولا انتي تبينه بعد .. بس مو هذا هو الحل كل شي يجي بالتفاهم .. حبيبتي حتى لو ما كنتي تحبينه وهو نفس الشي مو شرط اهم شي تعيشون وتكملون حياتكم مو لازم تتوقف .. على الاقل حياتك انتي مو لازم تتوقف لانه لو طلقك يقدر يعيش حياته ... انتي لا سكت .. جلست افكر بكلامها .. صح ميه بالميه وعين العقل .. انا كيف ما فكرت كذا.. وش بيصير بعدين قلت بقلة حيله .. وبقهر .. :طيب وش اسوي ..؟! عندك حل ..!؟ ليلى:ايييه .. اطلعي وكلميه .. انا انفعلت من كلامها .. اطلع وش اقوله .. ارقص مصري واقوله يلا مش الامور عادي .. كذا بكل بساطه قلت بإستنكار:اكلمه ايش اقوله ..؟ ليلى:يختي انتي تقولي تتهاوشون .. طيب خلاص لا تتهاوشون .. فهميه بوجة نظرك وهو يفهمك .. مو معقوله كذا منتي عارفه ايش تقولين .. انا ضحكت :هههه ايش وجهة نظر وما وجهة نظر .. ببرامج الرأي والرأي الاخر احنا ..! انتي الي اصحي يا ليلى الولد كارهني من اول يوم .. ماااااااافي مجااال .. اصلا انا ........ سكت ما قدرت اكمل .. ما ينفع اقولها شي انا نفسي ما عرفت اقوله لنفسي ليلى:انتي ايش انا حاولت اتدارك الموقف:انسي انسي .. المهم انو مافي مجال للكلام ليلى:الا فيه .. اطلعي وكلميه .. يختي ... يختي مو لازم تحببينه فيكي .. على الاقل عامليه بإحترام ومحبه يمكن يبادلك نفس الشي حسيت انها تخربط وتتفلسف عالفاضي انا:هه ليلى:لا تضحكين على كلامي .. ماما وبابا تزوجو وهم ما يبو بعض ماما قالت لي .. وبعدين حطو لهم استراتيجيه معينه وصار كل واحد يعامل الثاني معامله كويسه لحد ما مشى الحال .. قلت بسخريه :ايه وهذاهم بييتطلقون .. يعني كذا ولا كذا انا وحمد ما راح نستمر الطلاق هو الحل الوحيد ليلى سكتت .. حسيت اني جرحتها بس وش اسوي لازم اكون صريحه .. هي مفتكره انو عادي اكمل مع واحد يحب وحده غيري .. وانا اح ... وانا ماحبه ليلى:طيب ليش وافقتي من اساسو قلت بسخريه:انتي عارفه ليش وافقت .. انا وش دراني انه كذاا ..! ليلى:شجن خلاص سوي الي تبينه .. انا مالي دخل .. بس قلت لك فكري بكلامي كويس .. الناس ما راح ترحمك واذا طلقك لا تفتكرين انو الخطاطيب بيجو لك زي الرز وانو الناس تبيك لعيالها .. بتكونين مطلقه .. لا وبعد شهر من زواجها .. بس كذا لاو كذا هذا شي راجع لك .. لحظه سكوت ليلى:خلاص انا رايحه مشوار مع ماما تبغي شي ؟؟ قلت بحزن:لا .. سلامتك ليلى:باي |
البارت التاسع والعشرون سكرت الجوال وجلست افكر بكلامها .. احترت كثير وفكرت كثير .. اخيرا قررت وطلعت .. ما لقيته .. رحت ضربت باب غرفته بخوف اول مره اواجهه .. قصدي اكلمه يعني .. كذا ما لقيت رد .. يمكن نايم .. فتحت باب الغرفه بخوف وبتوتر.. طليت راسي بهدوء وانا ضاغطه على اسناني من الخوف .. اخاف يصرخ ويعصب الحين .. بس ما لقيت احد ..! سكرت الباب بهدوء .. الظاهر ماهو فيه .. رجت جلست عالكنبه استناه .. مرت نص ساعه .. فجأه انتفح الباب التفت بسرعه حمد كان يطالعني بنظرات غريبه انا خفت منها .. بس بعدين استوعبت انه كان يطالع شعري .. خخخخخ حمد قال بإستنكار وكأنه ما يكلمني:اهل العقول براحه حتى هو ماعجبه اللون .. ايه ليلى ما عندها ذوق انا عارفه حاولت اسلك له وما ارد عليه .. توه بيدخل غرفته الا تشجعت وكلمته:حمد من غير ما يلتفت وبدون نفس:نعم .. خير ... وش تبين انا:التفت وحاكيني التفت ببرود وطالعني بنص عين:نعم انا:ممكن نتكلم دخل جواله بجيبه وما طلع يده من جديد:يلا اسمعك .. اخلصي علينا انا:لا .. تعال اجلس ما ينفع كذا حمد تأفف ومشى لغرفته انا:لو سمحت وقفت والتفت من غير نفس .. جلس وتنهد وطالعني بنص عين وقال من طرف خشمه:جلسنا .. نعم وش تبين .. بديت اجمع كلام ابي اقوله .. ما كنت عارفه كيف ابدى حمد صرخ:يختي اخلصي انا انفعلت من صراخه:لا تصرخ حمد تأفف:اقول انتي ما عندك سالفه وقفت قبل ما يوقف:اجلس حسيت اني بالغت بردات فعلي .. جلست من جديد وانا اطالعه وهو باين انه مستغررررررب انا:حمد انت .... انت تعرف اننا خلاص متزوجين حمد يصفق بيده:اووو اكتشاااف .. توني ادري .. انا حاولت اتنجب مصالته الزايده وما اطلع عن الموضوع الاساسي:وانت تعرف انو كل واحد له حق على الثاني وكذا انا كنت اتكلم بعفويه لكن هو فهمها غلط ووقف:اقول بس .. انا متنازل عن حقوقي .. مابي منك شي انا استغربت من طريقة تفكير هالانسان ووقفت معه وقلت بقرف:تراني مني ميته عليك على فكره .. اصلا ماني طايقه اشوف وجهك بس الكلام الي بقوله اتوقع يهمك .. ويهمني انا بعد ولا ما كان ناديتك رجع جلس:اففف خلاص اجل اذا هو مهم تكلمي زين .. انا ماني ناقص لك جلست:انت ما تعرف تتفاهم ابدن حمد بنرفزه:والله شوفي عاد انا ما طلبت منك تقولين رايك فيني .. انا اخلاقي عاجبتني عندك مانع الجدران اربع والسقف الخامس ..عندك شي قبل ما اقوم قلت بقهر .. ما كنت حاسه باللي اقوله اصلا كنت افرغ شي بقلبي:ايه عندي .. يعني بالله انت ماخذ الموضوع ببساطه جاي تقول لي تراني احب وحده و لا تكلميني ولا تجيني .. مفتكر اني بقول خلاص تامر امر .. ونعيش حياتنا كذا خلبليصه .. لا ماهو شي انت تقرره من نفسك .. لو انك من جد رجال تعرف تفكر وعندك عقل صاحي كان ما قلت هالكلام كان حاولت تحل الموضوع بينك وبين نفسك قبل ما تجيني وتقول لي هالحكي .. ما دام انك كنت عارف انو ما راح تاخذها وراح تاخذني ليش جيت وجرحتني بكلامك .. اسمع انا اصلا ما كنت احبك على فكره ولا حبيتك .. كل الي سويته عشان اخلي اهلي يفتكون من غثاي لانهم اساسا ماهم اهلى هذا اولا .. ثانيا عشان وصية جدتي الله يرحمها يعني لا تفتكر انك انت بس الي ما ودك بهالزواج .. بس الموضوع اكبر من كذا ليش ما تكبر عقلك ياخي ..! حمد سكت فتره .. رفع راسه وقال ببرود:ايوا .. والمطلوب .. طالعته بإستحقار.. ماهو معقول هالانسان .. كيف يفكر ... ؟؟!. انا:انت ليش ماخذ الموضوع بهالبساطه حمد وقف:لاننا بعد ثمان ايام بنرجع الرياض.. شقتنا جاهزه .. اربع غرف نوم وحده لي ووحده لك ووحده للشغاله .. اروح الشغل تروحين الجامعه .. بيصير عندك السواق اذا بغيتي شي يجيب لك .. يعني ارتاحي .. ما راح اعور راسي واتناقش بموضوع مفروغ منه انا:حمممد ..! انت مو .... ياخي انت مو مقدر كيف يعني اني اعيش معك وانا ..... انا بديت ابكي .. قهرني .. خلاص شكلي اول ما نرجع بقول له يطلقني ما هموني هالناس انا كنت افكر باللحظه الي انا فيها الحين حمد شكله تعاطف معي:ليش تبكين انتي الي مكبره السالفه .. نص السعوديين كذا مغصوبين وهذاهم عايشين حياتهم مبسوطين وماهم مشتكين من حاجه .. واحنا كذا بنعيشها .. اذا انتي ودك بعايله خلاص قولي... انا ما اقدر امنعك .. الامومه شي من حقك .. ياربي يرجع يدور حول هالموضوع مفتكر انو هو الي شاغل بالي .. انا مابيه يطلقني ولا ابي اعيش معه بهالطريقه .. حاولت افمهمه لكن ما عرفت وش اقول ضليت ابكي وانا ساكته حمد:اوووف صرخ:وبعدين ماحب الصياح انا وقفت وقلت بقهر وبصراخ زيه:ياخي وش فيك انتي افهم .. افههههههههم انا مابي اعيش كذااا فاهم علي .. مابي عيال مابي تبن مابي شي منك كل الي اطلبه انو ما عاد نتهاوش انو نعيش بطريقه صح زي كل الناس وبس ما طلبت منك شي بس انت الي مو راضي تفهم .. رحت لغرفتي وخبطت بالباب .. عمره ما يفهم .. تييييييس انا كل الي اطلبه منه بس انه يعاملني كويس وانا نفس الشي وخلاص بتنحل المشكله على الاقل ما اتطلق .. جلست عالسرير ... بس .. لو ما تطلقت .. لحظه يعني ببقى طول عمري يا متزوجه حمد يا .... مطلقه رميت الوساده بقهر هالارض .. انا ايش دبست نفسي فيييه .. لييييييش وافقت وخربت حياتي بهالبساطه ...و عبدالله ... مدري ليش كنت افكر بهالطريقه بس عبدالله محتاجته كل الي اتذكره اني محتاجته .. مسكت جوالي استنجد به .. ماكنت عارفه ايش اقول له او وش السبب الي خلاني ادق.. غير اني محتاجته بعد رنتين رد:الوووووو انا ابكي : .............. عبدالله بان على صوته الروعه:شجون وش فيك ايش صاااير ..!؟ انا : ... ما كنت قادره اتكلم .. ابكي واشاهق .. بس .. خلاص سمعت صوته هذا الي كنت ابيه عبدالله:شجوووووون ردي علي وش فيك انا:.............. عبدالله:شجون وبعدييين .. فيك شي .. تهاوشتي مع حمد .. صاير له شي حسيت انه ... انه اكثر انسان قلبه ابيض بهالدنيا .. رغم انه يحبني كان يسألني عن حمد .. مفتكرني يوم اوافق على حمد كنت احبه .. كان بظنه انو حمد فيه شي عشان كذا كنت ابكي .. يعني رغم اني كنت معتقده انه يكره حمد .. هو جاي يسأل عنه الحين عشاني استوعبت .. عبدالله ما كان يعتبرني زي فاتن ... لا عبدالله:شجون تكفين ردي خوفتيني ابتسمت بين دموعي وانا امسحهم .. حسيت بشي غريب:لا ما صار شي لا تشيل هم عبدالله بخوف:كييييف ما صار شي انتي تبكين انا:لا عادي بس زلقت عالارض وعورني ظهري وو .. وحمد ما كان هنا وخفت ... ودقيت عليك عبدالله:لا ما زلقتي مفتكرتني مااعرفك لمن تكذبين زدت بكي لمن قال هالكلام .. ما دام انك عارفني قلي وش فيني الحين .. فهممممني انا محتاجه افهم عبدالله:شجوون ردي .. لا تحيريني معاااك وش صار لك انا:عبدالله كيفك .. ؟ مدري وش جاب هالسؤال في بالي بس كنت ابي اعرف هل هو .. هل هو زعلان .. متضايق .. يعني ايش شي .. لانو فقدني كم يوم ..!؟ مدري ايش الي خلاني اسأل .. كاااان فضووول اني اعرف هو كيف حالته الحين عبدالله:............... انا:عبدالله عبدالله:مفتكرتني بزر .. قولي لي ايش فيك .. اذا منتي حابه تقو انا بسرعه قاطعته:بس .. لا تتكلم ولا تنفعل انا عارفه انك تغار صح ...!؟ عبدالله سكت فتره وقال وباين على صوته التوتر:اغار .. من ايش ...!؟ انا بكيت:عبدالله انت تحبني ...!؟ عبدالله :................... ليش ساكت.. كنت عارفه اني مجرد اخت .. بس مو معقووله كل هالاهتمام وكل هالخوف علي واصير مجرد اخت ..! شي ما يدخل العقل .. طيب لو يحبني ليش ما يقول .. عبدالله بعد سكوت طويل:شجن بس قطعتي قلبي وانا بس ابكي وابكي .. السبب الرئيسي كان كلام حمد بس الحين بديت ابكي من القهر .. ليش ما يحبني زي ما انا احبه ليش .. ليش مو راااضي يقول لي ...!؟ اجل قطعت قلبه .. لو اني مقطعه قلبه كان سأل عني .. انا بس كنت افكر بنفسي .. وش بسوي بعمري .. محتاااره قلت بقهر:عبدالله خلاص .. انا لازم اسكر سكرت من غير ما اسمع ايش بيقول .. بس رجع دق .. رميت الجوال بعيد بقهر .. بس كان يرن ويرن ويرن .. طلعت من الغرفه كنت احاول ابتعد عن الجوال لاني عارفه اني ما راح اقدر اقاوم هالنغمه المميزه .. صوت عبدالله كان بهاللحظه زي الدوا الي بيخليني ارتاح .. طلعت ولقيت حمد .. ما فكرت ليش هو لحد الحين واقف بمكانه الي كان واقف فيه يوم اكلمه قبل شوي كل الي كنت مستوعبته الحين اني محتاجه افرغ شي بقلبي ابي انسى شوي لقيته قدامي .. مديت يدي وحظنته بقوووه وهو بان انه مستغرب .. لاني انا بس الي حاطه يدي حوله وظامته لي كأني ابي اعطيه شويه من همي الي بقلبي وافتك .. ما كنت حاسه بنفسي بس كنت محتاجه حظن يريحني شوي .. تخيلته عبدالله صحيح حمد كان اعرض واطول .. وو ... وحظنه اقسى .. بس رغم هذا ظميته بقوه قلت من كل قلبي:اكرهك حظنته اكثر لدرجة انو ما صار فيه مجال اقربه من اكثر:حمممد انا اكرهك من كل قلبي حسيته حاول يرجع على ورى يبعدني عنه بس انا تمسكت فيه بقوه .. مابيه يتركني ليش مو فاهم اني انا بس محتاجه حظن .. بغض النظر عن حظن مين .. بس كملت بكي:حمد والله احبه ... والله العظييييييييييييييم .. ليش انحرم منه فهمني حمد:.............. بعدت عنه وطالعت بعيونه:انا ما راح اسامحك .. انا اكرهك .. وضربته بقوه ما ادري مع وين ضربته:اكككككككككرهك حمد مسك ذراعي وصرخ:بس وانا رجعت احظنه وانا ابكي بعدني عنه ومسكني مع كتوفي:منهو هذا الي تحبينه انا بس ابكي اخذني وجلسني عالكنبه .. بديت اهدى شوي واستوعب وش صار قبل شوي .. ليش حظنته ... كيف سمحت لنفسي ...!؟ انا وش صاار لي .. وليش سويت كل هذا .. حمد:مييييين هذا الي انحرمتي منه وتحبينه ..؟ التفت عليه كانت نظراته حاده .. رجعت عيوني لحظني وقلت بهدوء:بابا .......... مريض حمد هز راسه:يقوم بالسلامه رفعت راسي:حمد انا متعوده احظن اي احد اشوفه قدامي .. قمت وقلت بقرف: فلا تفتكر اني كنت قاصده ... لاني اكرهك .. ودخلت غرفتي وحطيت راسي ونمت كاااان راااسي يعورني وماني رايقه لاي شي صحيت .. كانت الشمس توها طالعه .. خيوطها الذهبيه بدت تختلط مع لون السما .. وتدخل بين السحااب بشكل مغري ابتسمت عالمنظر الي قدامي .. قمت وصليت الفجر .. بعد ما سلمت رفعت يديني حسيت اني محتاجه اشكي شوي .. بس اني متسحيه اشكي لربي .. اسغفر الله بس تعظيمي له وخوفي منه درعني من هالشي بس شكيت له لاني عارفه انو مافيه احد زييييه .. سبحااانه يااارب .. انا وحده فقيره حقيره محتاجتك دوم ومالي غيرك يا رب .. لا خالتي ولا غيرها راح يفهموني زيك ياارب .. يااااااارب فرج عني شوي من همي .. ياارب انت حرمتني من اشيااء كثيره وانا صاابره ياارب .. احاول اتناساها اطول فتره ممكنه بس انت الوحيد الي عارف وش في قلبي .. وداري قد ايش انا اضغط على نفسي .. واتجاهل عدم وجود ام واب واخوان حولي ياااارب طلبتك يااارب .. توفقني بحياتي وتسعدني .. ياارب انا رااضيه باللي تكتبه بس اكون سعيده وبالي مرتااااح يالله توفق عبدالله .. وتهديه .. وترزقه ... انت عااارف قد ايش هالانسان طيب وقلبه ابيض .. يااارب عبدالله فقد اهله كلهم .. يااارب تعوضه باللي احسن من هذا كله .. وتعوضه وحده احسن مني .. بديت ابكي .... يااارب انا ما استااااهل عبدالله .. ياارب تهديه وتحفظه وتخلينا لبعض اخوااان وحبايب .. ياااارب ارحمني وصبرني يااارب .. مسحت دموعي .. وفصخت عباتي الي كنت اصلي فيها .. رحت خذيت جوالي .. 3 مكالمات لم يرد عليها ... من عبدالله تنهدت .. وطلعت برا بالبلكونه اطالع البحر .. ابتسمت .. انا مفروض انسى كل هذا .. اعيش حياتي عادي .. لانو لو زعلت مافيه شي بيتغير ..... وانا مابيدي حل عشان اسويه .. يعني غصبن عني لازم ارضى ..!؟ هه لبست لي فستان سماوي بسيييط .. طالعت شعري بالمرايه وانا زعلانه .. خلاص وش اسوي .. صار اشقر... يبيلي ارجع اصبغه اسود .. بس نو وي اروح اصبغه هنا .. اذا رجعنا السعوديه يصير خير طلعت من غرفتي .. ونزلت تحت اخذت من الاستقبال كرت للفندق لانو مابي اضيع اذا ركبت مع تاكسي انفتح باب الفندق الزجاجي واخذت نفس عميق .. ريحة البحر .. والحر والرطوبه ذكرتني بالدمام .. يوووووو اتذكر يوم ناخذ لنا شاليه هناااك ونتسانس .. ههه فله .. اتذكر صورت اشياااء كثيره .. حتى طبيت على عيال عمي وهم يسبحون بالبحر وصورتهم وكللهم متضايقين وحاسين اني امون بزياده خخخ الا عبود كان يتميلح بمبالغه عشان يوسع صدري تنهدت .. يااااحبي له بس .. ياااارب تخلينا لبعض اخوااان وحبايب يارب .. وترزقه الي احسن مني ياااكريم ركبت مع التاكسي .. وقلت له يروح لاي مكااان افطر فيه .. بعد ما افطرت قررت اتمشى شوي برجولي كنت امشي والهوا جايني من جهة اليمين ومطير فستاني وشعري وانا احاول ابعده عن وجهي كل شويه .. اناظر طفله ماليزيه صغيره تلحق بلونتها الي طارت .. والناس تمشي ومستانسه ... لا ليش مستانسه .. كلن له همه ايييييه صدق لا قالو كلن على همه سرا ... وقفت عند محل قراشيع .. اشيااء بايخه يعني زي البو ريالين .. دخلته وانا اطالع الالعاب والخرابيط المعلقه لو اني تسع سنين الحين كان قشيييت كل المحل هه .. كنت مره احب هالمداليات البايخه الي فيها بنااات كيوتات .. كنت اقدسها ضحكت وانا اطالع وحده من هالمادليات .. اخذتها .. وكملت دواره .. لقيت قرد صغنون يغني .. ابتسمت وشلته وضغطت على الزر الي على جمب بدى يغني بكلمات ماهي مفهومه .. انا غرقت عيوني بالدموع لمن تذكرت القرد الي عند عبود هههههههههههه قروده عاااد ..!! اخذت الاغراض وحاسبت عليها .. تمشيت شوي بالسوق وشريت لي كم لبس ورجعت الفندق يلا الحين بيجيني تهزئ محترم لاني طلعت برا الفندق .. خخخخخخخخخ اصلا حمد وش دراه .. ركبت الاصنصير فيه حرمتين |
البارت الثلاثـــــــــــــــــــون الاولى ابتسمت بوجهي ورديت لها الابتسامه بعد فتره تكلمت:Are you a natural blonde? عقدت حواجبي .. ههه مفتكره شعري اشقر خلقه .. هزيت راسي وانا مبتسمه من على جمب هزت راسها كأنها تستوعب:You are very beautiful الحرمه الثانيه:This color seems natural .. Also beautiful استحيت من كلامهم وشكرتهم مجامله .. ما صدقت على الله انفتح الاصنصير الا طلعت .. ماحب احد يمدحني .. اموووت يمكن اول كان اذا احد مدحني ما اهتم لاني شايفه انو محد قدي واني احلا وحده بالدنيا بس بالسنتين الي راحت لا تغيرت خخخ .. دخلت بهدوء .. الحمدالله ماهو فيه يمكن كان طالللع .. دخلت غرفتي وحطيت الاكياس عالسرير .. جلست اطالع التلفزيييون لين ضرب معي مؤشر الطفش .. برووح اطلع اسولف معه مافي شي اسويه صحيح خفت شويه منه هذا يروع .. وبعد اخاف يفهمني غلط هو حاس اني اتلزق فيه مالت عليه .. بس احسن وش اسوي .. يلا بطلع ان كانه فيه بسولف معه ماهو فيه ... امممم بنزل عند البحر طليت براسي بهدوء لقيته منسدح عالكنبه ويطالع فلم اكشن .. سكرت الباب وغيرت الشورت الي كنت لابسته وطلعت من جديد انا:هلوووو حمد التفت عطاني نظره ورجع يطالع التلفزيون جلست وانا اتنهد:امم ... كيفك ؟ حمد مندمج:زين اففف مو راضي يعطيني وجه عما بعينه مو من زينه بس لاني طفشااانه جا فاصل .. قصر عالتلفزيون ومسك جواله قلت بيأس مابي اترجاه بس طقت كبدي:حمد سوووولف حمد مشغول بالجوال:ما عندي سوالف انا:افف .. طيب انا بسولف حمد يطالع الجوال :.................. تأففت منه من جد ما ينعطى وجه .. جلست اطالعه احسه حزيين .. والله مسكين ما يستاهل الي صااار له ... هو لو جلف شويه .. لا مو شويه كثير .... بس لو جلف مو لازم اكرهه عشانه جلف .... بس اني اكرهه اففف تعقد تفكيري .. طيب لو حصل وتطلقنا يقدر يتزوج حبيبته ... وانا ما راح يضرني شي كذا ولا كذا ماني لعبدالله تنهدت بحزن .. اصلا حتى لو اني ما تزوجت حمد ما راح اكون لعبدالله لانو انا اخته هو قايل .. ساعات اقوول لا .. هو يحبني مستحيل كل هذا بس لاني اخته .. بس يجيني شك بكلامه ذيك اليوم ووو بعد يوم يضرب كتفي بالباب بالغلط .. والحقه لقيته ضاااايق صدره مره وقال لي اني انا اخته مو بس صديقته يعني .. ؟!؟ مدري .. اففف فجأه حمد علا على صوت التلفزيون .. ابتمست .. والله ما يستاهل .. ما راح يضرني شي لو عاملته كويس .. وشوي شوي اخليه يرجع لها .. ههههههههههه وش هالتفكير لالا مدري اهم شي بس ابي اعرف هو وش ساالفته .. بس مو راضي يعطيني وجه انا:حمممد .. وش اسم خطيبتك التفت وطالعني .. شكلي قلبت عليه المواجع خخ حمد قال بقرف:وانتي وش يهمك .. بتسوين لها سحر مثلا ياااربي هذا واثق اني احبه وابيه .. وش فيه.. يفكر من وين هذا ؟؟ انا حاولت امسك نفسي:لا هه بس فضوول .. حمد:........... انا:حمد والله عادي انا اصلا اسولف معك بس وش فيك حمد:تسولفين مع واحد تكرهينه قلت بعفويه:وانت بعد ما تحبني تعادلنا .. ياخي سولف بس .. عااااادي حمد قال شي بس ما سمعته كان اشبه بالهمس انا:ايش؟ حمد:ولا شي ينقلع .. شوي وابوس يده عشان يسولف معي توني بقوم بس مسكت نفسي من جديد:حمد تراني انا بعد احب واااحد ثاني يعني فلها .. خلاص اذا انت قلت لي اسم حبيبتك بقول لك اسم حبيبي .. خخ بس انا حب من طرف واحد حسيت اني جريئه شوي بس استخدمت هالاسلوب كأسلوب ترغيب .. يعني زي اولاد الصغار لمن تسأل واحد منهم ايش اسم امه يطلب منك انك تقول اسم امك انت قبله .. طالعني ورفع حاجب وهز راسه .. انا:وشوو ..؟! الحب ماهو عيب صحححح حمد:انتي بزر انا الي بزر ؟؟! مدري مين الي يتهاوش على اتفه سبب بس انا:ايه عارفه اني بزر مو شي جديد .. يلا عاااد وش بيضرك يااخي حمد ابتسم .. وقال بهدوء:مزنه الحين كل هذا واخرتها مزنه ... مدري الاسم ما يعجبني مررره .. احسه .. مدري قديم مره .. مالت عليه حاولت اجامل:مشالله اسمها يجنن .. ايش يعني مزنه ؟ حمد دخل جو:يعني السحابه الي كلها مويه هزيت راسي .. جميل جميل فيه ابداع في السالفه .. يعني هو يحب وحده اسمها سحابه كلها مويه .. كويس .. يازين اسمي بس وه انا:اممم طيب .. تحبها ؟ حمد شكله صار عادي يسولف يوم قلت له اني احب واحد هههههه حمد:زوجتي .. ايش رايك حبيت اشوف وش ردة فعله:لا انا زوجتك ترا اغار .. مو معناتو سألتك عن طليقتك يعني تروح تفلهااا حمد طالعني بإشمئزاز انا ما قدرت استحمل وضحكت ضحكه زلزلت المكااان كله .. واضحك واضحك وعيوني بدت تدمع من شكله الي مدري كيف صاير وهو يناظرني ومستغرب انا خلاص بدى بطني يعورني .. ودي اوقف بس كل ما اناظر وجهه ما استحمل بعد جهد جهيد حاولت انسى شكله شوي عشان اسكت .. وسكتت حمد:الحمدالله والشكر ... واالله اني اشكر ربي ليل ونهار على نعمة العقل .. يااارب .. ياارب تشفيها ولا تبلى عبيدك رجعت اضحك .. شكله نكته مرررررره .. ابتسم وهو يطالعني .. حسيت انها خطوه حلوه انا ما طلبت اني احبه .. ولا هو يحبني .. اصلا انا اكرهه .. بس على الاقل .. ما يصير بيننا كهرب زي كذاا حمد عصب:خلاص قومي عني يووه وجع توني اقول انه حبوب .. قمت وانا لين الحين مبتسمه واضحك ضحك خفيف على شكله .. وجع جعل رجله هاذي الي رازها على الطاوله تنكسر .. احسن مرت الاسبوعين كأنهم برق .. طبعا ماهي خاليه من الهواشات البايخه بيني وبين حمد .. يا على الطلعه يا على اللبس يا حتى على اي سبب تافه ممكن يصير بالدنيا .. طلعت كم مره .. تمشيت بكوالالمبور .. كانت حلوه مررره .. بس لو اني معي ليلى على الاقل صارت احلى .. خخ ليلى بشهر عسل اي عسل بعد .. شهر بصل هذا.. بالاسبوعين الي راحت كنت مرررررررره مررره مرره مره مشتاقه لعبدالله .. وحشني موت .. كل ما اقرر اني امسك الجوال وادق عليه ما اقدر .. فيه شي يمنعني .. كان ودي اتعذر بإبراهيم .... بس انا ما اعرف ابراهيم هذا عشان ادق على عبدالله اقوله عطني ابراهيم .. لانوووو مو معه طبعااا ما رجعت اصبغ شعري لانو خلاص بصبغه بالسعوديه .. طبعا صرت امون على حمد شويه حبتين .. يعني ما نسولف بس .. مو مثل اول يعني الحين ما اخاف منه ومن صراخه .. وحتى احيانن اطلع له لساني عشان استفزه ههه .. حسيت اننا بزران بس كنت استانس بهالهواشات .. مو كلها طبعا ركبت الطياره .. توني بدخل بمكاني حمد:لالا انا عند الشباك التفت عليه:سلامات يابوي؟ حمد يبعدني:وخري انا دايخ وابي انام سحبت يده على ورا:وانا دايخه وابي انام بعد حمد سحب يده مني وجلس فجأه:يوم جينا كنتي انتي الي عند الشباك ... يختي بلا حركات بزران وانثبري واجلسي طالعته بقرف .. انا بزره هاه .. من الصبح بزره بزره ودي انه يشوف نفسه شوي على هالهواشات السخيفه قلت بقهر:طيب يا حمد .. نشوف منهو البزر .. ( واقلد على صوته ) انثبري واجلسي بس انا اوريه .. طلعت العباة من الكيسه الي جمبي .. ولبستها ... تلفت حولي ابي القى اخيس واقرف رجال هناا .. لقيت واحد دبوب .. وو شكله مقزز .. يعني شعره طويل مرره وليفه .. يعني لو انه طويل وناعم كانت قلنا مقبول بس شعره شيين .. وماسك بطاطس شيتون وهاط هيد فون على راسه ويحرك رقبته وطربان .. هذا المطلوب غطيت وجهي ورحت .. اففف يوم قربت منه بس انقرفت ريحه ياناس .. هههههههههههههههههههههه والله نعمه جتني من الله .. ماني لاقيه اقرف من هذا.. لا ومافي احد جمبه بعد يلا بدا التمثيل .. حاولت يكون صوتي هادي لأكثر درجه ممكنه واسوي عمري استحي حبتين انا:لو سمحت اخوي هو مندمج انا:اخووي رفع راسه وأشر على نفسه انا:ايه انت شال الهيد فون من راسه وقال بصوت .... نعوووووم .. عكس شكله مرررررره :نعم اختي انا:شوف الله يعطيك العافيه انا حاطيني جمب رجال وانا وحده متزوجه واخاف على نفسي و الولد:الزبده انا:والله اذا ما عليك كلافه انا شفت ما جمبك احد .. تقدر تبادلني .. الولد:ويين مكانك .. اشرت له جمب حمد:هناك الولد قام وتناثرت بقايا البطاطس الي بحظنه:ما طلبتي انا:مشكور يعطيك العافيه يا رب ابتعدت عنه عشان اخليه يمر وانا منخنقه .. وش يسوي بعمره ذا وش هالريحه .. دخلت عند الشباك وفصخت الطرحه .. هاها احلى شي بالدنيا التمثيل... والاحلى منه لمن تبدل مكانك بالطياره بهالطريقه ههه اوما عاد يوم اقول ان عبود زوجي .. الموقف هذا ما راح انساه ابدن طالعت الولد واقف ويناظر حمد ... والولد يأشر علي .. حمد التفت على ورى وعطاني نظره حاده انا طلعت له لساني وحطيت اصابعي عند راسي واحوليت بعيوني .. ههههههه عشان استفزره .. طالعني بإستحقار وكلم الولد وجلس خوينا .. هههههههههههه احسن احسن حمد ما يقدر يسوي شي .. خله .. قال ايش قال ابي الشباااك اقلعت الطياره ومشينا وقت طويل وانا ماجاني النوم .. رفعت شنطتي وجلست اطلع ادور فيها .. طلعت الكام حقتي .. وجيت ابي اصور الغيوم والشمس بس ما طلعت واضحه عشان القزاز .. تأفف وتوني بطفيها الا جت ببالي فكره انا ما اتفرح عالصور الي بالكاميرا الا نادرا .. ما دام اني طفشانه ليش ما اطالعهم .. اول شي طلعت لي صورة لكوالالمبور .. وصور ناس ومدري ايش انا مصورتهم .. وكل ما اغير الصوره تطلع لي صوره اقدم واقدم من زمان هالكام عندي وما امتلت .. مشالله مشالله اللهم زد وبارك تطلع لي كل شوي صورتي .. بعدها صورتي .. بعدين صورتي .. وصورتي .. وصورتي .. صورتي بفستان .. صورتي بجنز .. صورتي بتنوره .. صورتي ببجامه جميع انواع الصور لي .. صور شفايفي صور عيوني صور يدي .. كل شي فيني توني اكتشف اني مهووسه بتصوير نفسي خخ .. جتني صورة بابا وهو بالمستشفى .. ههه والله اني هبله .. وشوي صورة ام سلطان بس على طول حذفتها ماني ناقصه ماما تشوفها وتهزأني فجأه .. وقفت الصوره وجلست اطالع بإبتسامه ..... وحشتني ضحكته هاذي .. وحشتني غميزاته .. وحشتني عيونه .. وحشني كل شي فيه .. اسبوعين ما شفته ولا سمعت صوته ايش اسوي بعمري انا .. احببببببببببببه غيرت الصوره .. تجي صور وصور بعدين فجأه يطلع عبدالله من جديد .. مرره مصورته وهو نايم .. يجنن يا ناااس ومره وهو توه قاايم .. خخ فيه فرق .. شكله وهو توه قايم توحفه .. كان شعره الكثيف صاير معوج شويه وملفلف على ورا بطريقه جذابه هه .. وهو يحك عيونه ويتثاوب .. اهم شي يتثاوب ههه .. غيرتها .. صور وصور بعدين عبدالله من جديد .. مع واحد من بزارين عماني كان يلعب معاه .. ناظرت الصوره كويس كانو عند البحر ..؟! تذكرت الشاليه الي اخذنااااه بالجبيل ..يوووو يا زين ذاك الشاليه كاان فله .. اتذكر لمن طلعت البحر ولقيت عيال عماني يسبحون وجلست اصورهم .. طالعت صورهم واحد واحد .. الاول كان يغطي وجهه ما يبيني اصوره .. والثاني مصورته وهو معصب .. اتذكر ذاك اليوم رغم اني جايه بعبايه وطرحه الا انهم جلسو يهزئوني يقولون ما يصلح تصورين رجاجيل .. على قولتهم صورينا واحنا لابسين خخخخ والوحيد الي عطاني وجه ذيك اليوم عبودي فديته .. هو الي جا وقام يتميلح عندي بمبااالغه زااايده .. كأنه يقولي ما عليك منهم جلست اطالع صورته وهو مبتسم .. وما عليه الا لبس السباحه .. وشعره رطب وعيونه مصغرها عشان نور الشمس القوي .. استحيت على طول وغيرتها .. عيب اناظر جسمه خخخخخخ .. لو انها شهر او اقل بشوي عادي بس الحين .. يوووو فديييته بس والله احبه .. ياااارب .. ياارب يا كريم ترزقه وتوفقه .. وتهديه .. ويتزوج الي تحبه ويحبها ياارب .. وتعوضه عن اهله .. يااارب غيرت صور وصور وصور فجأه جا مقطع فديو.. شغلته بفضول بداية المقطع كان بااب .. وظلام على نور خفيف .. واصوات هامسه .. اسكتو .. الحين بيجون انتفح الباب كان عبدالله داخل ومعه فاتن .. وسبرااااااااااايز .. الكاميرا بدت تتحرك بشكل عشوائي .. شكلي كنت اقرب عشان اصور عبدالله الي كان مستغرررب .. اما فاتن جلست تنطط من الفرحه هه .. كان يوم عيد ميلادهم .. العشرين .. اسمع صوتي وانا اقول لعبدالله مبروك وهو مبسوط مره ويطالع حوله وعلى وجهه علامة استفهاام .. فجأه قربت يده اكثر واكثر وغطت على صورة وجهه .. يعني انو حطها على الكاميرا وصار ظلام ..واسمع صوته وهو يقول .. لا تصورين تـ وانقطع التصوير فجأه .. ابتسمت ... يوو التصوير بايخ وقصير مره .. تنهدت بحزن .. لا من جد الله يوفقه .. انا ما استاهل واحد زيه نمت وانا افكر وافكر وافكر .. قمت على صوت المضيفه:لو سمحتي .. بدك تربطي الحزام هلّئ تنحت وانا اناظرها وافقه فمي ماني مستوعبه شي :هاه ..!؟ المضيفه:وصلنا لمطار المليك خاليد .. رجاءً اربطي الحزام وش تبي ذي ؟؟ تثاوبت وبعدا استوعب .. ايه وصلنا الرياض .. يوو خلصت اسبوعين بسرعه .. بس استانست .. شويه بس قمت وربطت الحزام وانا راسي داير بس .. ومتنحه .. طبعا توني قايمه .. جلست اطالع حولي .. محد رابط الحزام .. والبقره هاذي مصحيتني ليش .. فتحت الحزام وقمت البس عباتي بالحمام بطريقي مريت على حمد .. لقيت الولد ناايم وحمد لازق بالشباك وشكله .. قرفااااااااااان طالعته وما قدرت امسك ضحكتي وهو التفت طالعته وانا مبتسمه ورافعه حاجبي.. ايه يا بطل نشوف وش بتسوي هه .. والله احسه نكته ... نكتتته من جد بالمطار .. كانو ماما وبابا هناااك .. احنا وصلنا الساعه 12 بالليل .. ركبت مع حمد السياره .. الكدلك السودا ما احس انو مفروض يصير عنده كدلك ؟؟ يعني يشتغل ببنك يعني موظف عادي .. ؟! اف مدري .. تعباانه وجسمي مكسر من هالنومه البايخه الي نمتها .. والاهم من كل هذا جااايعه .. يووو والطريق من المطار للبيت طويل .. ياربي اكره طريق المطار .. دايم فاضي بس شجر ودعايات .. ما اقدر اتجسس على خلق الله بسياراتهم ولا اوسع صدري اول ما دخلنا العليا ابتسمت .. وجلست اطالع برج المملكه .. وهـ وحشني هالبرج كل يوم اصبّح عليه .. شوي نمر عند الفيصليه .. اليوم خميس والساعه 12 .. وزحمه طريق الملك فهد .. طالعت مجمع السيفوي .. كله سيارات .. وجميع انواع الشباب .. ناس مسويه كدش .. ناس كاشخه بثوب .. خكاريا .. كل شي التفت اطالع مركز الفيصليه .. اشوف السيارات شكل السوق مليان .. ودي اروح ما توقعت ان الرياض وحشتني لهادرجه مع ان كبدي طقت منها .. وطفشت من الكبت الي صاير فيها بالذاات بالرياااض .. مدري ليش ومليت من هالعادات الي فيها .. العادات الرجيه الي مالها اي صله بالدين .. مجرد عادات وتقاليد .. رغم اني ودي اطلع وما ارجع لها استغربت اني اشتقت لها .. على قولة ذاك الي قال مدري منهو ذا .. انا ما اكره بلدي بس شايل بخاطري عليها .. خخخ يمكن كذا احس .. يعني ماودي ارجع لها .. مو لاني اكرهها .. طالعت صورة الملك عبدالله .. صوره كبيييره .. رافع ايده ومبتسم .. وهـ بس فديته بو متعب .. وفديت السعوديه واهلها من قال اني ماحبها .. خخخخ جا في بالي سؤال .. نظارة الملك عبدالله وش ماركتها .. طالعت الصوره لحد ما اختفت .. ماهو بااين .. التفت على طول:حمد نظارة ملكناا ايش ماركتها؟ حمد كان دايخ .. وقرفان .. ونفسه بخشمه .. واخلاقه قافله .. التفت وطالعني بإستحقار وانا ندمت اني سألته .. افف بدى الطريق يطلع عن المألوف الي تعودت عليه .. عقدت حواجبي .. ايه صح احنا وين رايحين .. وين ساكنين؟ انا:حمد وين رايحين ؟ حمد:غرب تنهدت:ايوا غرب وين .. حمد التفت وهو معصب:وانتي وبعدين معك ما تعرفين تنثبرين .. عصبت عليه .. وش يحس به جلست اطالعه بقهر .. جمعت كلامي وقلت:منب منثبره ابي اعرف وين بروح حمد بعصبيه اكثر:يعني البديعه شي جديد مثلا.. وشو غرب الرياض يعني ..... البديعه تأففت وانا اطالع الشباك:قلت يمكن يطلع السويدي مثلا .. ولا .. مدري اي شي لازم حبكت البديعه غرب الرياض مو بس البديعه .. اصلا .. انا وش دراني .. شايفني ساحره ابعرف وين بنروح حمد يلتفت ويقول بهدوء:ايه ساحره .. بلعت ريقي .. من جده هذا يبيله تربيه من جديد .. قلت بقهر:احترم الفاظك اذا انا ما غلطت عليك لا تغلط حمد:وانا بنتظرك لمن تغلطين انا:حمد لو سمحت أ فجأه .. من غير اي مقدمات.. حسيت اني اتحرك من مكاني .. تقدمت لقوه بعنف وضرب راسي بشي قاسي .. ورجعت بعنف على شي كان اريح شوي .. صرخت لحظتها من الخوف وش هالشي الي حركني بقوه .. حسيت براسي يعورني .. استوعبت الموقف اخيرن .. التفت وانا ماسكه راسي وقلت بصراخ:فيه احد يوقف كذا ..؟! حمد كان حاط راسه عالدركسون .. فجأه رفعه وعيونه تطلع شرار:انتي وش تبين .. اطلعي من مخي شوي .. كان لازم اوقف ولا بصدم بهالشاحنه الي واقفه قدامك ويرجع يصرخ:اطلعي من مخي .. افففف طالعت الشاحنه الي قدامنا .. صح عليه واقفه .. تأوهت من الالم الي في راسي .. حسيت اني اكره حمد .. بغا يذبحنا .. والله يا ليته كان تخلصت من هالهم الي في قلبي .. حرك حمد السياره بهدوء زي قبل شوي ومن غير اي كلمه ثانيه بديت ابكي .. كان راسي يعورني مرره مع اني عارفه انو مو هذا السبب الرئيسي ابدن .. اشتقت لك يا عبدالله .. من زمان وانا احاول اتناسى مشاعري لكن ماني عارفه .. ودي احظنك بقوه ولا عاد اتركك ابدن .. طول الطريق كنت ابكي بهدوء احاول ما اطلع صوت عشان ما يشوفني .. وبالمره غطيت وجهي بالطرحه .. اول ما وصلنا .. ما سويت زي ما كنت مخططه ..اني اتفرج عالشقه حقتنا واسهر فيها عشان اول ليله .. سألت حمد عن غرفتي وسحبت شطنتي ودخلت ونمت .. ما طالعت حولي اشوف ذوق ماما باختيار غرفة الضيوف .. الي انا فيها الحين طبعا .. ولا اهتميت بالحر .. واني ما فتحت المكيف .. ولا اهتميت بالأناره .. تركتها مفتوحه اساسا ما غيرت ملابسي ولا فصخت جزمتي .. بس انسدحت وتركت الوساده تذوق طعم دموعي زي ما انا ااذوقها كل يوم .. وبعد وقت طويل .. وراسي كل ماله ويعورني اكثر .. الضربه الي جتني على راسي من جهه .. ودموعي من جهه .. والتفكير الكثير منه جهه حسيت راسي توقف عن العمل .. وان عيوني تعبت من كثر ما تنزف .. استسلم جسمي اخيرن للنوم .. اليوم الي بعده .. رحت عند ماما سولفنا كثير طبعا كنت امثل عليها .. ولمن يجي طاري حمد اسوي نفسي مستحيه او اتدلع شوي .. يعني من هالاشياء كانت مفتكره انو بنجلس هناك شهر .. عشان كذا كانت مقرره تسوي زواره لي بعد اسبوعين من الحين .. وطبعا واهم شي عصصصصصصصصصصصصصبت عالصبغه الي انا صابغتها وحلفت علي مية يمين اني ارجع اصبغها اسود .. بس انا اقنعتها اني بخليها كم يوم لانو ابي اوريها صديقاتي ماما:أكيد ..!؟ انا:ماما ايش فيك ايه طبعا اكيد ترا حتى انا مو عاجبتني ماما بنص عين:ايه زين .. على بالي سكوت .. ماما فجأه:ما دريتي هزيت راسي بخفيف:لا والله .. بابا فيه شي ؟؟ ماما ابتسمت:لا وش بيصير لابوك وانتي توك عروس .. حسيت ان كلامها ماله معنى ايش دخل صحة بابا بزواجي قلت بفضول:وشو ؟؟! ماما:عمك بو عبدالله.. شفتي وش طلع مسوي جلست افكر .. ماما ما عطتني فرصه:طلع متزوج على خالتك .. حسيت بصدمه .. فتحت فمي .. هاه .. ؟؟! ماما:ايه شفتي شلون .. و اختي المسكينه هي الي تداريه وتسهر عليه وتدور رضاه راح اخذ عليها ضره ضحك:هه من جدك عمي زياد متزوج ثانيه ؟؟ ماما هزت راسها انا:طيب وعبدالله ..!؟ ماما:وش فيه .. ؟! انا:داري ؟؟ ماما ببرود:ايه داري طبعا .. شلون ما يدري .. عقدت حواجبي:طيب متى متزوجها هاذي وليش ما قال لنا ماما :متزوجها وعبدالله وفاتن بالمتوسطه .. وعنده ولد منها بعد .. شفتي .. صدق ان الثعبان ناعم بس يلدغ انا سكتت .. عمي متزوج من يوم ما كان عبدالله بالمتوسط .؟؟!؟؟!!!! يعني من .... لحظه .. ابراهيم يصير اخو عبدالله ؟.!؟ التفت بسرعه:ماما اسمه ابراهيم ماما بعلامة استفهام على وجهها:وانتي وش دراك ؟ انا:هاه .. لا قد كلمته يؤ يؤ يؤ يؤ .. عبدالله عنده اخوو ؟؟! من ابوه ..!؟ صحيح يعني ما يقرب لي بس .. ربي عوضه بدال امه وفاتن .. ياارب يكون ابراهيييم شي كويس بحياة عبدالله .. يااارب.. الف شكر لك يارب انك عوضته بأخ سمعت صوت ماما فجأه:شجون اكلمك انا التفت:هاه؟ ماما:وانتي وش لون كلمتيه ؟؟ انا:هاه .. كلمت عبدالله وهو الي رد.. ماما تكتفت بيديها:يعني انتي تكلمين عبدالله افففففف بدت حركات ماما:ماما تراه اخوي اف .. وبعدين انا وحده متزوجه سكتت وانا كتمت ضحكتي .. ورجعت افكر بهالموضوع .. كيف ومتى وليش خبى عن الكل هالسنين كلهااا سألت ماما.. قالت لي يمكن .. يمكن لانو خالتي ما جابت الا عبدالله وفاتن وبعدها ما قدرت تجيب زياده .. مدري حسيته سبب مقنع .. قالت لي ماما انو بعد عماني بيجون بكره عندهم.. بس كذا يتناقشون بموضوع ابراهيم .. طبعا ماهي عزيمه بس قال لي اجي عشان اساعدها بالقهوه والشاهي .. مع انها متأكده اني بجلس بالمطبخ اتفرج عليها هي والشغالات زي دايم وحريم عماني ما راح يجون بس عماني .. قلت لها بعزم ليلى ووافقت .. تحمسسسست مره .. اخو عبدالله ..!؟ ابراهيم ..؟! طيب بشوفه .. هو يشبه عبدالله .. ولا عمي زياد .. طيب امه بتاخذه .. لو ما خذته وين بتحطه اسأله كثير دارت ببالي ومواقف بديت اخلقها من قبل ما تصير .. كنت متحسمه لبكـــــره رجعت البيت بعد اذان المغرب .. ماما وبابا عصبو علي يقولون ليش تاركه رجلك كل هالوقت بس انا صرفتها .. فاضية له ارجع عشانه طبعا عمر سواقنا ما يدل البيت .. عشان كذا دقيت على حمد يرسل سواقنا احنا .. شاهين |
البارت الواحد الثلاثون دخلت البيت لقيت الاخ متكي عند التلفزيون كالعاده انا:السلام عليكم حمد:........ انا:رد السلام واجب وجع .. من زينه حمد:وعليكم انا جلست افصخ عباتي:حمد ممكن تعطيني رقم السواق عشان ادق عليه لمن ابغااه حمد ببرود:لا تخصرت:ليش انشالله حمد:لانو صوت المرأه عوره وعيب تكلمين رجال غريب صوت المرأه ايش؟؟ لا يكون مفتكر اني بروح اتدلع على وجه العنز الي برا شاهين ؟؟ من زينه هو وشاهين .. اصلا الغبي يوم احنا بماليزيا يشوفني اطلع بدون عبايه ما قال شي .. مسوي رجال الحين .. والله انه بزر .. لا من جد بززر انا عارفه ما راح يقدر يمشي كلامه علي انا:مشالله صوت المرأه عوره .. بس شعر المرأه مو عوره حمد التفت:هاه ؟ انا:ايه يومني بماليزيا ما كنت تقول شي .. بالحيل تتهاوش معي واسكتك .. حمد عصب:انقلعي عني منب منقلعه يا انا يا هو جلست اقلد على صوته:انقلعي عني .. اقوووووووول اذا فيك خير تعال انت علقني عنك..كل كلمه والثانيه روحي عني روحي عني وش شايفني قدامك باللهي .. اخلص وعطني الرقم لا اطلع انا اخذ رقمه منه هو حمد:شجون اخلاقي بخشمي خفت منه .. صدق انا استفزيته مره .. بس وش اسوي هو بعد غبي ... وسخيف .. قلت وانا اضرب رجلي بالارض .. مع اني شوي خايفه:حمد عطني الرقم حمد صرخ:وبعدين معك انتي ما تفهمين ..! صرخت زيه ما بي ابين له خوفي:ايش الي ما افهم بالله .. الحين ما تبيني اكلمه ويومني بماليزيا تاركني حمد قال بهدوء:شوفي يومنا بماليزيا .. كنت اتركك تطلعين لانك ما تهميني .. ولانو محد شايف حرم حمد الـ**** طالعه من غير عبايه .. بس الحين احنا بالرياض .. حركات ماليزيا انسيها قال ايش قال حرم حمد الـ***** .. واثق الاخ انا:حمد هذا سواق لا تكبر الموضوع عشان رقم سواق عطني اياه وقضينا هز راسه ببرود .. تجمعت الدموع بعيوني .. قهرني مررره .. كيف ابطلع الحين ..؟ لا يكون واثق انه بيوصلني .. وعمر ما يدل بيتنا هذا .. بس هين .. انا:السواق الحين وين ساكن ؟ حمد بلا مبالاة:جمبنا على طول .. رفعت حاجب ورحت اصلي العشا ... سويت لي عشا وعنااااد فيه يوم خلصت رميت الزايد بالزباله ونمت .. قمت تقريبا على الساعه عشر الصباح .. يووو عماني بيجون الساعه تسع .. بروح عند ماما .. مع انها ما تبيني اجي على قولتها عروس بس انا ابي افتك من الاخ حمد هذا .. طلعت وضربت الباب على السواق .. بالسياره..:شاهين كم رقمك ؟؟ شاهين:ايس فيه مدام؟ انا:اففف رقمك .. رقمك .. موبااايلك .. عطاني رقمه وسجلته .. مدري حمد هذا من وين يفكر احس انه غبي .. يعني بركب معه وصوتي بيصير عوره ؟؟ الحمدالله بس .. لا ومفتكر اني ماراح اقدر اسأله عن رقم جواله ... هه غبي من جد دقيت على ليلى تجي طبعا بالموت وافقت .. هي حركاتها كذا .. ما جت الا يوم قلت لها اني ما رجعت اصبغ شعري اسود دخلت بيتنا .. عيال عماني يلعبون كوره .. جلست اطالعهم صحيح كثار .. ولا اعرفهم كويس .. بس يهبلوون .. كلهم صغار استغربت اذا هم فيه يعني اكيد امهاتهم فيه مو بس عماني .. بس يوم دخلت ما لقيت الا ماما بالصاله يعني اكيد جايين مع ابوانهم انا:ماما .. اهلين ماما رفعت راسها:هلا فصخت عباتي:عماني متى بيروحون ماما:يمكن .. بعد ساعه جلست:طيب .... وش جالسين يقولون الحين ما فهمت؟ ماما حكت عينها:مدري .. انا ضايق صدري يبون يرجعون الولد لاهل امه وابوك معيي يقول ولد اخوي اتركوه .. وعمانك زعلانين اف عماني دايم معارضين لاي شي له دخل بـ بابا وعمي بو عبدالله .. يمكن لانهم من ام والباقين من ام ثانيه .. انا:طيب ... ليش يرجعونه لاهل امه .. ليش ما يجلس مع ابوه واخوه؟ ماما بنص عين:عمك شبه ميت تنهدت وقالت بهمس:الله يرزق هالمساكين .. انا:من المساكين ماما علت صوتها:يعني من .. عبدالله واخوه كل واحد ما بقى له بهالدنيا الا الثاني .. والله هالابراهيم كاسر خاطري انا:طيب .. ليش يبون يرجعونه اصلا؟ ماما:يبون يشيلونه من الورث .. شفتي عمانك شلون انا استغربت .. يعني اذا رجعوه ما راح ياخذورث... اففف انا وش دراني بسوالف الكبار فجأه استوعبت:ليش عمي مات ؟؟ ماما :بعيد الشر انا:اجل وش ورثه؟؟؟؟! ماما:شفتي عمانك .. يبون يوزعون ورث عمك يقولون مافي امل انه يعيش .. انا:ليش ما في امل؟ ماما:الميت دماغيا ما له الا 1% .. واحد بالميه بس احتمال يرجع يصحى ... ويبون يفصلون الاجهزه عنه بعد انا:اجهزة ايش؟ ماما:عمك عايش عالاجهزه .. شوفي هو ميت دماغيا كل شي فيه يتحرك الا عقله .. يعني حي .. بس انه ميت .. فهمتي قصدي هزيت راسي بأسى والله هو يستاهل بس عياله لا .. لحظه ... يشيلون الاجهزه ... يعني ؟؟! انا:يبون يخلون عمي يمووت ؟؟ ماما هزت راسها ومسحت دمعتها انا:هذاااا قتل .. جريمه هاذي ماما:المشكله الاطباااء هم الي يقولون شيلوها مافي امل حسيت بدمعتي على طرف عيني .. لا مستحيل يشيلون الاجهزه عن عمي .. وش بيصير لعبدالله .. بينهبل .. انا:ماما طيب لا ترجعون ابراهيم ماما:ابوك جالس يكلم عمانك انا:طيب وين بتحطونه مع عبدالله صح ماما هزت راسها انا:طيب لو رجعت اللدراسه وعبدالله راح الجامعه بيجي هنا ؟؟ ماما:عبدالله ما راح يكمل جامعه انا:ايييييييييييييش ..؟! ماما:الي سمعتيه .. اما عمانك ذولا يبون كل شي بعد بو عبدالله بحكم انه اغنى واحد فيهم .. كل شي يبون ياخذونه .. اذا فيه حل .. انو عبدالله يروح مكان ابوه سكت ثواني ...لا حرام .. من جد حرام عبدالله ما يكمل .. كااان حلمه يتخرج .. ويصير مهندس ... مررره كان يعشق دراسته .. والله حرام على عماني انا ما توقعت انهم كذااا .. ! يبون يذبحون عمي بعد .. ! صراحة صدمه .. مدري كيف عبدالله بيتقبلها ؟؟ دخلت ليلى:هلووو انا:هلا ليلى ماما:وعليكم السلام ليلى جت سلمت على ماما:كيفك خالتي؟ ماما:بخير وانتي يا بنتي ليلى تجلس جمبي:تمام والله .. التفت علي وتناظر ومتنحه انا:الحين مافي الحمدالله على السلامه ؟؟ ليلى:....... هههههههههههههههههههههههههههههههههههههههههههههههههه انا:اف عارفه ان شعري يضحك بس ماله داعي تضحكييين بس عاد ليلى:ومن قالك انه يضحك ماما:الا يضحك والله .. خلك تستاهلين ما جاك .. من قالك تصبغين وبس افف جابو لي الهم الا يبون يزيدون معاناتي مع هالاشقر هذا ليلى:لا يا خالتي والله انه روعه ... شجن ما عليك انا اقولك انه حلو ماما فتحت عيونها مستغربه من جرأه ليلى وانا اطالع ماما واضحك ليلى:وشو قلت شي غلط ..؟! انا:هه لا يا بنتي ما قلتي شي غلط .. المهم انا كنت بوريك اياه .. يمكن بعد بكره اروح ارجع اصبغه ليلى رفعت الكيس الي معها:ايوا وما دامك بتصبغينه من جديد خليني اوسع صدري فيك شوي استغربت :وشو هذا ؟؟ ليلى تحسب يدي لفوق:تعاالي بغرفتي فوق فصخت عباتها وطلعت كرتون من الكيس انا:ايش هذا ؟؟ ليلى: عدسات زرقاا .. بسويك باربي ههه انا:لالا ماحب العدسات .. وبعديين هه ايش الي باربي متأثره مره انتي ليلى برجااء:بليييز شجون عشاني عشاني عشااني جلست افكر .. لا خير تبي تلبسني عدسات .. انا:لا ماحبها ليلى:بلييييييييز انا:طيب موافقه .. بس على شرط .. اذا عورتني بفصخها ليلى تسحبني:الحين هذا شرط .. امشي بس امشي حطتها لي انا كنت خاايفه احس انها بتجرح عيني وبصير عميانه للابد .. كنت خايفه مع كل حركته ليلى تسويها لا وتستهبل تخوفني اكثر يوم ركبتهم .. رمشت بعيوني فوقهم بسرعه .. انا استهبل:يوو الدنيا زرقاااا ليلى:هههههههه تعور ولا لا ؟؟ انا لحد الحين ارمش بعيوني:لآ عادي .. شوي تضايق بس .. ليلى:ايه لانها اول مره ما تعودتي عليها .. يلا باقي الفستان انا:وش فستانه بعد ... ؟ ليلى تفتح دولابي:الفستان الوردي.. بخليك تلبسين فستان وردي .. نعم .. مجنونه ذي شايفتني لعبه قدامها تلبسني انا:لا خييييييير .. رحت للمرايه كان عندي فضول اشوف نفسي:تصدقين طالع شكلي حلو ليلى:شجن والله .. يعني وحده بيضا .. وشعرها اشقر وعيونها زرقا .. تذكرك بمين هاذي .. باااااااربي انا:لآااااااااا ليلى:ومين بيشوفك غيري ضحكت عليهأ .. حشا رجلي ذي مو صديقتي .. ههه انا:ليلى اصلا ما عندي فستان وردي هنا ليلى تطلع فستان:الا هذا انا جلست اطالع الفستان .. ابتسمت:لا ليلى:لييييييييش؟ قلت برجاااء:والله ما ينفع ليلى:يلا بلا دلع تأففت ودخلت غرفة التبديل.. اول ما طلعت ليلى:واللللللله باربي رفعت حاجب ورحت اطالع المرايه .. واااو والله من جدها انا صرت مو انا .. تنحت وانا اطالع عمري ليلى تضرب ظهري:بالوردي جنااان انا تحمست بوريه ماما.. ركضت لبرا:تعالي اوري ماما ليلى لحقتني:اصببري وانا بالدرج:ماما ماما شوووفي وقفت عند نهاية الدرج اطالع الطفل الي معها .. كان واقف وهي جالسه ويأشر على السوني المحمول ( psp ) الي كان بيد ماما جلست اطالع وابتسامتي كل مالها تكبر وتكبر .. كان ... سبحان الي خلقه ..... كان عبدالله ... هذا عبدالله تماااامن .. نفس الملامح مرره اللهم الي قدامي شعره بني شويه وملفلف وشعر عبدالله ناعم .. ماما طالعتني وهي تمسح على شعر الولد:تعالي شوفي ولد عمك انا قربت:هيمو ؟! ابراهيم:انتي تعرفيني نزلت لمستواه وانا اطالعه .. يجنن .. كان ملاك صغير ... ليش عاد بثاني ابتدائي .. باين انه اصغر .. خقيت معه مره .. حتى احلى من بدر هههه .. انا:الي كلمتك .. انا شجن ابراهيم هز راسه:ما اعرفك ماما:هاذي بنتي يا ابراهيم .. ابراهيم التفت على ماما:يعني هي بنت عمي خالد زوجك ؟؟ ماما:ايه .. سلم عليها مد يده:اهلين طالعت يده الصغيره ومديت يدي:هلا .. سلم على ليلى جلست معه ربع ساعه اسولف .. طول وقتنا نسولف عن مدرسته .. انا كل ما ابي اقلب الموضوع عن عبدالله يرجع لمووضوع المعلم حقه انا:طيب المعلم حبوب؟ ابراهيم:ايه وش اقولك من الصبح .. المعلم صلاح حبوب انا:زي عبدالله؟؟ ابراهيم كشر بوجهه:يعني انا استغربت:ليش يعني ؟؟ ابراهيم يهز راسه:عشان عبود موب حبوب انا:الا حبوب مررررره ابراهيم:ايه حبوب بس اذا صار معه جواله ما يصير حبوب .. انا:ههههههههههههه شلون كذا ابراهيم وهو متحمس:يعني لو جلس يقرا خرابيط بجواله واجي اكلمه يصير عصبي انا:ايه عادي حبيبي لانك تضايقه .. وبعدين اذا كان يعصب عشانك تضايقه مو لازم يصير عصبي مره صح ابراهيم:بس هو دايم ماسك جواله يعني دايم عصبي شفتي ههههههههههه ذكرني ببدر مره .. احسهم اثنينهم اذكيااء اسم الله عليهم .. الله يحرسه .. اطالعه وانا مشتاقه لعبدالله موت .. شكله مرره عبدالله .. انا:طيب .. انت تحبه ابراهيم يهز راسه:ايييه هو شرا لي بي اس بي ودايم يوديني حديقة الحيوانات انا:دايم ؟؟ يعني كم مره ابراهيم:ثلاث مرات .. وبعد ذيك المره ركبني الهمر حقه وجلس يفحط انا ارتعت:عبدالله يفحط ..!؟ ليلى:هههههههههههههههههههههههههه ابراهيم:ايييييه يسوي عن عن طييييييييييييييييييييط قالها بصراخ عشان يبين صوت التفحيط صح .. وانا انفجعت .. عبدالله يفحط .. لااااا ومعه هالبزر .. انا:دايم يفحط ابراهيم:لا بس مره وحده يوم صديقه تحداه تنهدت براحه .. ايه اشوى .. خفت مرره .. بالله يفحط .. هههههههههههههههه ويعصب ويتضايق.. الحين هو طبعه كذا عادي وانا معي بالذات طيب من غير حدود .. لا ما اتوقع .. الي صار لعبدالله تغيير جذري .. والسبب مجهول ابراهيم:تبين اوريك الاغاني الي عبدالله حطها في البي اس بي حقي انا:ايييه ابراهيم فتح لي ملف بالسوني المحمول حقه كله اغاني ... حطيت السماعات على اذني وجلست اسمع .. هه حاط له بابا فين وشخبط شخابيط وطقتها .. بعد ما خلصت شخبط شخابيط التفت ابي ارجع لأبراهيم البي اس بي شلت السماعات:ليلى وينه ليلى مشغوله بجوالها:مدري قام ناداه واحد من البزران استغربت وقمت اشوف وينه .. فتحت الباب ورحت للبزران الي يلعبون:مشعل وين ابراهيم ولد عمي زياد ؟؟ مشعل وهو يلهث:مدري بيروح انا:وين يروح ..!؟ البي اس بي حقه معي .. مشعل يركض بعيد:مدري راح هناك التفت كان يأشر على اللفه .. لقيت ابراهيم يركض انا:ابرااااااااااااااااااااهيم تعال بس ما سمعني .. ركضت وراه:تعال نسيت البي اس بي حقك .. هيمووووو بعد اللفه الي لفيت معها وقفت مكاني .. غصبن عني ابتسمت .. وبدت نبضات قلبي تزيد وتزيد وتزيد .. ومرت ذيك القشعريره بكل جسمي حسيت بالشعور الغريب ذاك لي اسبوعين ما شفته .. بعدين يطلع قدامي فجأه .. كان شايل ابراهيم بين يديه ويضحك على هبال اخوه .. شال الكاب الي فوق راسه وحطها على راس ابراهيم عبدالله:اهلين يا بطل .. هاااه استانست ابراهيم يعدل الكاب:اييه لعبنا كوره .. عبدالله يطالع اخوه:ناسي شي انت ؟ ابراهيم:لا عبدالله:وين السوني حقك ؟؟ ابراهيم يبعد يدين عبدالله وينزل عالارض:بروح اجيبه نسيته جوا وقف ابراهيم وهو يطالعني واقفه واناظرهم .. وعبدالله رفع راسه وتعلقت عيونه بعيوني بهاللحظه حسيت اني مخنوقه .. كان ودي اروح له واحظنه بقوه .. ودي اقول له اني احبه وماني قادره استغني عنه لكن .. عبدالله بانت على وجهه ابتسامه صغيره .. وانا ابتسمت زيها .. ابراهيم:شجن عطيني السوووني؟ انا انتبهت:اوو سوري .. بغيت تطلع وانت ناسيه يا الدوب ابراهيم خذه مني ومشى لعبدالله وسحب يده :يلااااا بيجي عيش سفاري الحييين .. عبدالله كان يطالعني .. انا استغربت .. ابي اعرف يحبني ولا لا .. جالس يطالعني عشان شكلي الغريب ولا لانه مشتاق لي ؟؟ كان ودي اكتشف اي شي من عيونه .. او من وقفته هاذي وهو سافه اخوه .. لكن عجزت ..! ابراهيم:عبدالللللله عبدالله انتبه:هاه .. ايه بجي الحين .. طلع مفتاح من جيبه:وش رايك تروح تشغل السياره ابراهيم خذ المفتاح وركض:طيب انا انبسطت عندي شي اسولف عنه مع عبدالله الحين انا:الحين تخليه يشغل السياره عبدالله هز راسه من غير ما يتكلم .. انا:مو صغير ؟؟ |
البارت الثاني والثلاثون عبدالله التفت وقال بصراخ:برييه يا ويلك لو حركت شي بس شغلهاا رجع التفت علي وهو مبتسم وقال بهدوء وهو يهز راسه:ما راح يسوي شي .. يعرف هزيت راسي:اها .. مشالله عليه .. عبدالله:الحمدالله على السلامه انا حاولت ما ابين له توتري .. كنت حاسه انو من كثر ما قلبي ينبض باين علي انه ينبض:الله يسلمك عبدالله بمرح:يقولون ماليزيا حلوه .. هاه استانستي ؟ انا هزيت راسي وانا ابلع ريقي .. خنقتني العبره .. يسألني استانست بشهر عسلي ولا لا .. يعني ما يحبني .. لو انه يحبني كان ... كان ما سأل .. كان صار حزين لاني متزوجه .. كنت ابي ابتعد عنه .. لاني لو وقفت اببكي هنا قدامه حركت يدي بشكل عشوائي:انا داخله العدسات عورت عيوني ومع حركتي العشوائيه طاح الجوال مني .. انا حطيت يدي على فمي وانا اناظر الجوال بالطين الي حول النخله .. انا:يوووووو طاااح مديت يدي بسرعه واخذته:يوو ابي منديل .. والتفت حولي:بسرعه ما معك مندييييييل عبدالله كان عاقد حواجبه :لآ والله توني رجع اروح اجيب منديل بس مسك يدي: لا تروحيين وقفت مكاني من الربكه .. بس لمسني حسيت ان كل الدم الي بقلبي يطلع ويرجع من جديد .. وحسيت بشي يتحرك ببطني .. شعور غريب بس زي ما قلت له لذه غريبه التفت وبلعت ريقي:ليش؟؟ عبدالله:هاه .. وترك يدي:بس .. لانو .... دقيقه عطيني امسحه لك اخذ الجوال من يدي وانا التفت اطالع وش جالس يسوي .. رفع بلوزته وحط الجوال وجلس يمسح انا انصدمت:عبددددددددالله وش تسوي؟ قال بعفويه:امسح الجوال .. ما تشوفين عليه طين انا:بالتي شيرت عاد .. ؟؟ لالالااا والتي شيرت ابيض بعد ابتسم من على جمب وطالعني:ما يغلى عليك .. عقدت حواجبي وانا اناظر التمساح الصغير المرسوم بالجزء اليسار العلوي بالتي شيرت قلت بعتب:و تي شيرت لاكوست بعد .. عبدالله:ههه انا:حرااام عليك والله عبدالله:قلت لك ما يغلى عليك انا:تحب لاكوست صح عبدالله طالعني وهو مبتسم على جمب وهز راسه على خفيف طالعته .. خقيت ونزلت راسي بسرعه ماني قادره حتى اطالع وجهه ... بس والله وحشني .. رجعت رفعت راسي ابي اكحل عيوني بشوفته .. لو ما كان يحبني .. انا اموووووووت فيه كان يمسح ويسمح وانا جلست اطالعه استناه يخلص .. ما دام ان التي شيرت توصخ يعني خاربه خاربه .. بس مدري وش فيه طول وهو يمسحه .. مع انو نظف خلاص .. طيب معقوله سوا كذا لانو ما يبيني اروح .. عجزت افهم .. ! ابتسمت وانا اطالع طرف بطنه الي طالع لانه رافع التي شيرت على فوق شوي .. ما قدرت اقاوم مررت اصبعي بحركه سريعه عبدالله رجع على ورا:ههههههههههههههههههههههههه قربت اكثر:هههههههههههههههه تحرد اجل عبدالله عطاني ظهره علشان ما ادغدغه زياده:هههههههههههههه بس عاااد نغزته مع خصره:ههههه عبدالله ابتعد عني:شجوون بس ههههههههههههههههههههههههههههههههههه انا لحقته:عرفففت وش نقطة ضعفك يا الدووب عبدالله ركض بعيد ورفع الجوال على فوق:والله ان ما هجدي لا ارميه ههههههههههههههه انا استحيت اصلا ونزلت راسي .. كيف قدرت اسوي له كذا:لآ خلاص اسفه .. قرب وعاطني الجوال:هه الله يقطع ابليسك .. اخذت الجوال:مشالله .. صار يبرق عبدالله:اممم فيه كم حته ما قدرت اوصل لها بس يالله اخذت نفس:ايه اهم شي ما يخرب .. فاضيه عاد انا هه لحظه سكوت .. بديت افكر ... اذا انا .. ما ابيه يحس اني احبه .. ولا ابيه يلاحظ هالشي .. واتمنى من كل قلبي اننا نرجع زي اول .. ليش ما اعامله زي اول .. ؟! رفعت عيوني وطالعته وابتسمت:عبدالله عبدالله بإبتسامته الي من على جمب:سمي انا:سم الله عدوك .. فيه شي بخاطري عبدالله بان انه بلع ريقه:كت كات صح هزيت راسي .. بلعت ريقي .. حاولت اتجرأ شوي وقربت منه اكثر واكثر واكثر رفعت رجولي بأصراف اصابعي عشان اوصل لخده .. حطيت شفايفي بهدوء عليه .. دخلت عالم ثاني حسيت اني اذوووووب مع حرارة خده .. حتى الشعرات الصغيره هاذي الي دغدغتني حسيت انها .... ماني قادره اعبر بس بذيك اللحظه .. تمنيت ان شفايفي تبقى دوم فوق خده واصير قريبه منه للأبد .. ابتعدت عنه .. وبلعت ريقي .. لمن طالعت خده .. وروجي الفوشي طبع عليه .. حسيت بنضبات قلبي تزيد اكثر من اول مع انها ما هدت ابدن.... حسيت بمشاااعري كلها تحركت كان ودي اقول له بهاللحظه ... احبببك .. لكن .. بعد ايش عبدالله كان ساكت .. مستغرب يمكن .. صوت بوري قطع الجو وصراخ ابراهيم:عبببببببببببببدالله وينك عبدالله :بروح لبراهيم باي ومشى بعيد .. كان ودي امسكه اقول له لا تبعد خلك معي .. وصل لعند الباب الخارجي وانا بمكاني اطالعه .. التفت .. ابتسمت له وقلت له بي باي بيدي .. بس هو ما ابتسم مثلي نزل راسه ببحزن ... نظرة حزن مدري وش سببها .. ومشى وسكر الباب دموعي تجمعت .. معقوله تضايق لاني بسته ؟؟ طيب عادي كنت ابوسه زمان .. طبعا مو دايم ... بس ... مدري يعني هو ما يحبني انا كنت عاارفه بعد ما طلع سكر الباب .. دخلت بسرعه ودموعي نزلت .. مدري ايش صاار لي احس اني مخنوقه .. يا ليتني ما بسته كااان .. على الاقل جلست على عماي .. لو ان ابراهيم مناديه من اول وراح من غير ما ابوسه كان رجعت وانا فرحانه .. بس خلاص هو ما يحبني .. ماهو باين عليه .. اول كان يبين الحين لا.. طيب يمكن كان يحبني وكان تفيد الماضي ... اول ما دخلت لقيت ليلى قدامي ليلى:بغيت اطلع ادور عليك طولتي بره انا ما كنت ابي اجاوبها بس كنت ابي ابكي واطلع الي بقلبي .. حظنتهاا ليلى:شجن شفيك؟ انا:ليلى شفته؟ ليلى:مييين ؟؟! انا:عبدالله .. ليلى:طيب عادي .. بعدت عنها وجلست .. وقلت لها كل شي .. كنت حاسه بقهر.. السالفه ما تستاهل يزعل .. كنت دايم اسوي كذا .. بس انا الغبيه الحق علي ليلى سكتت بعد ما قلت لها انا:وليش ساكته ..!؟ ايه عارفه اني غلطانه .. ليلى:مو هذا المقصد بس .. ما تحسين انها خيانه خيانه ؟؟ كيف خيانه انا:من اي ناحيه يعني ؟؟ ليلى:خيانه .. وش الي من اي ناحيه ما فهمت كلامها .. وش تقصد.. جلست افكر بس ما عطتني فرصه ليلى:حمد ..!؟ انا بعلامة استفهام:وش فيه ؟؟ ليلى:الي سويتيه خيانه هه وش تقول ذي .. يعني يوم بست عبدالله .. خنت حمد .. انا في ايش وهي في ايش قمت عنها .. حاولت ابين لها قد ايش انا الموضوع مو هامني:طيب ليش ما تحس كل الكلام الي قلته ولا عطتني رايها... بس اوريها التفت وقلت بإنفعال:انا كنت اكلمك عن عبدالله وعن انه تضايق وراح وهو زعلان وانتي تقولين لي خيانه .. ليلى:انتي ترا فالتها بقوووووووه رديت بنفس انفعالي:كيف فالتها بقوه ليلى:اول شي ما همك كلام حمد او العلاقه البايخه .. منتي حاسه انك الحين عروس .. وما حاولتي تحلين المشكله الي بينكم .. وتخونين حمد وتقولين هاذي مو خيانه .. اصلا انتي تفتشين عن عبدالله ..!؟ بلعت ريقي .. هاذي وش تخربط ... كنت حاسه ان كلامها صح بس ما ابي ابين لها انا:ليلى عبدالله اخوي ليلى رفعت حاجب:بس انتي تحبينه يوم قالت هالكلمه .. حسيت اني مخنوقه .. ايه احبه .. واموت فيه بعد ليلى:وش فيك ساكته دمعت عيوني:بس هو ما يحبني ليلى:بس برضو خيانه اخذت نفس وانا ابي اغير الموضوع:طيب خلاص هذا الي صار .. انا ابيك تجين تشوفين شقتنا ليلى قامت وهي متنهده:يلا يا ستي .. نشوف اخرتها معك فكرت بكلامها ... هذي جد خيانه .. طيب هو ما يحبني ... هو يخوني بعد صح ..!؟ هو يحب هاذي مزنه .. اففف .. تعقدت الحين .. طلعنا انا وليلى مع شاهين .. ليلى ماسكه جوالها وانا اطالع من الشباك بحزن وافكر ليش كل هذا يصير لي ؟؟ انا عارفه انو فيه اشياء غلط انا اسويها بس .... بس قلبي طيب ياربي انا ما قد ضريت احد .. ولا حاولت ازعل احد متقصده .. ولا لي ذمب بالي يصير لي... انت خلقتني يتيمه .. عشت طفولتي فاقده حنان الاب والام .... والاخوان بعد عشت طفوله غير عن كل الناس .. بعدين فقدت اعز شي كان بالنسبه لي في ايام طفولتي جدتي ماتت قدام عيوني .. كنت اشوفها ميته .. بس لمن اتذكر شكلها تمر قشعريره بكل جسمي .. عوضتني غيرها .. عشت مراهقه زي كل البنات .. زرقتني يا ربي وعوضتني عن طفولتي التعيسه بس ما مشت حياتي على الطريق الي كنت مفتكره انو بتمشي عليه .. مكالمه وحده عفست لي حياتي .. ياارب اكتشفت خالاتي فجأه .. فرحت بس زعلت بنفس الوقت سنين كثيره اطالعهم وانا مفتكره اني انسانه دخيله عليهم ماني بنت اختهم .. كان بس التفكير بالموضوع يتركني ابكي صبرت ياربي .. وقلت ما عليه .. هم ما سوو كذا الا يبون مصلحتي اولا واخرا .. عشت سنتين من غير صاحبات .. اشكي لجدراني .. ما عندي احد .. عوضتني بعبدالله .. وعديته اخو لي وكتبت لي اتزوج حمد ... ويوم تزوجته حبيت عبدالله .. طيب ليش متأخر.. ليش..!؟؟ ياارب انا راضيه بحمد .. وعادي اعيش حياتي بهالطريقه .. بس مابي اتعلق بعبدالله .. يارب انا عمري ما حبيت بحياتي احد كثر عبدالله لا جدتي ولا خالتي ولا اي احد .. حتى من قبل ما اتزوج حمد .. ياارب مافي غيرك يعرف قد ايش احبه ياارب بس تلهيني عنه .. ويرجع بنظري مجرد اخو ياارب .. يااااااارب حسيت اني اتحرك بمكاني فجأه التفت لقيت ليلى تهزني:شجننن وصلنا قلت لا اراديا:هاه .. وش السالفه .؟؟! وصلنا .. ؟؟! اييييه وصلنا .. يوووه خذاني التفكير نزلت انا وياها ودخلنا شقتنا .. اول ما فتحت الباب:طبعا مو اكبر شي بس انها حلوه .. ذوووق بابا وماما ليلى تتلفت:طيب ما شفنا شي اصبري تونا بندخل الا لقينا حمد بوجهنا .. هو نزل راسه بسرعه:السلام عليكم ردينا السلام .. وانا جلست اطالع مبتسمه .. مسوي لي فيها منزل راسه هو وخشته .. هو مشى وانا وليلى دخلنا ليلى:حمد مؤؤؤؤؤؤؤؤؤؤدب طالعتها بنص عين:عشانه نزل راسه يعني؟ ليلى رفعت كتوفها:مدري .. هزيت راسي ابي ابعد الافكار الغبيه هاذي .. وش فيها تدافع عنه ذي .. لانه ما جرحها زي ما يجرحني وريتها كل البيت تقريبا باقي غرف النوم .. اخذتها لغرفتي اول شي قلت وانا افتح الباب:وهاااااذي غرفتي .. هي اصلا غرفة ضيووف .. ليلى دخلت:شجون ليش كذا انا:وشو؟ ليلى التفت:ليش ما تنامون مع بعض تأففت وجلست عالسرير .. وش فيها هااذي انهبلت ليلى:وش فيك... ؟ ردي؟؟ انا:سؤالك باااايخ .. ليلى:لا عادي .. لو انكم تنامون مع بعض بنفس الغرفه كان الحين ما تتهاوشون انا بنص عين:ايه يعني لمن يصبح على وجهي راح يستلطفني ليلى:ياربي لازم تتريقين .. انسي خلاص سكت وانا افصخ عباتي .. وش فيها هاذي احسها مهتمه بالسالفه مره .. بس ليش .. مستحيل اتأقلم انا وحمد .. انا:انتي الحين ليش حارقه رزك؟ ليلى:لانك انتي تنحبين .. لازم يحبك قلت بقهر:خله يحبني من ماسكه ليلى بنص عين:وانتي لازم تحبينه ؟؟ قلت بقرف:يخسى الا هو .. اذبح نفسي قبل ماحب هالعنزه ذا .. ليلى اسمعي انتي وش فاكره الحب .. تعال جيتك .. هه طلعت من الغرفه وانا اضحك عليها .. احيانا افكارها غريبه .. ليلى لحقتني:انتي ليش كذا انا التفت:ما فيني شي انتي الي ليش كذا ليلى طالعتني ثواني بعدين قالت وهي عاقده حواجبها:ترا من زمان وانتي حاطه العدسات .. انا استوعبت :يؤ ما شلتهم .. تصدقين ما حسيت فيهم ليلى:معقوله ما عوروك انا:لا .. ههههههههههههه وما غيرت الفستان عقدت حواجبي.. كيف طلعت كذا وانا مدري وين الله حاطني .. شلت العدسات .. قلت لليلى تدخل المطبخ تسوي لنا بوب كورن لانو فيييه فلم جايبته معي وبنطالعه .. ودخلت ابدل ملابسي طلعت لي بيجامه .. خخ عادي امون على لولا .. رحت عند المرايه امشط شعري .. ابتسمت وانا اطالع شفايفي .. الروج الي عليها نفسه على خد عبدالله .. حسيت بنبضي يزيد .. التفكير بس بالموقف يسوي فيني كذا طلعت وانا ما مسحته .. حصلت ليلى بالمطبخ والموضوع عفسه .. الفشاار كله عالارض وهي جالسه تطالع ومبلمه انا جلست استوعب:هيه وش صاار ..! ليلى ضحكت انا:هههه يا الخبله ليش ما غطيتي القدر ليلى مبسوطه وهي تطالع الفشار ينطط من القدر:شووفي حلوو انا:ههههههههههههه والله انك هبله .. خليه هذا بدق على شاهين يجيب لنا من السوبر ماركت بوب كورن جاهز وخلاص ليلى:كيف بوب كورن جاهز طالعتها بنص عيون:يعني نحطه بالميكروويف ويزين .. غبيه وطلعت ولحقتني:انتي الغبيه انا:ههههههههههههههههه تو عليك شكل ليلى:هههههههههههه والله شكله حلو ما عرفت اسوي شي .. رن جوالها .. مسج طالعتها وانا مستغربه .. من شفتها اليوم وهي جوالها يطنطن |
البارت الثالث والثلاثون ضربتها:طايحة لي مغازل انتي ووجهك ليلى تتحس مكان الضربه:وجع هذا حسن اخوي .. ههه مسكييين .. انا:وش فيه ؟؟ ليلى:شوووفي ايش كاتب اخذت الجوال وجلست اقرا .. (( ليلى تعالي البيت عمر وماجد وسليمان وخليل ضربوني )) طالعتها وانا مستغربه:من الجيش الي ضربوه ؟؟ ليلى تاخذ الجوال:ههههههههههههههه هذولي عيال الجيران .. والله انهم نذاله مسكين .. اما ماما شرت له جوال الاسبوع الي راح وهو توه خامس ابتدائي ... ومزعجني كل ما يصير له شي لازم يرسل مسج .. مبسوط لانه يعرف يكتبه ههههههه ضحكت على اخوها وجلست عالكنبه:والله انه اهبل ليلى تجلس بعد:من جد بعد ما راحت ليلى رحت غرفتي وجلست افرفر بالنت عالجوال .. واول ما اذن العشا صليت ونمت .. مابي اشوف حمد ابدددن الصباح قمت على صوت الجوال .. بس ما لحقت ارد .. اول ما فتحت عيوني سكت الصوت .. قمت وانا مكشره ومتنحه كعادتي.. فرشت اسناني وغسلت وجهي ورحت اشوف الجوال ماما داقه علي .. توني بدق عليها الا سمعت صوت مزعج .. وشوية الم .. ماهو قوي .. الم خفيف ببطني شكلي جايعه ..! طلعت بالجوال وانا انتظر ماما ترد .. سمعت صوت الباب .. شكله حمد توه طالع .. احسن .. ناقصته انا الشغاله كانت تنظف الصاله .. طالعتها بفضول وقاطعني الصوت الي بالجوال اففف ماما ما ترد .. زين توها داقه شفيها .. ؟! ما امداني ادخل المطبخ لا رن من جديد بس رنة مسجات مسج من ليلى (( ابيك تجين معي التخصصي اليوم .. بقوولك ليش .. تيك كير )) هزيت راسي بلا مبالاة وطلعت لي شي آكله من الثلاجه .. رجع رن جوالي انا من غير ما اطالع الرقم:هلا ماما ماما:صحيتك من النوم ؟ انا:هاه .. ايه اصلا كنت ابصحى ماما:ابيك تجين معي عرس الـ****** تنهدت .. افف ماني رايقه عروس .. ماحبها .. لاني اطالع البنااات يرقصون وانا ماعرف .. انا:ماما ماابي اروح ماما:الا بتجين .. من زمان والناس تسأل عنك والاجازه بتقضى هالحين وانتي ما حضرتي ولا عرس .. وبعدين آل ألـ**** ناس غاليه علي لا تفشليني معهم من اول ما بدت كلامها بهالكلام الي وش كثره تأكدت انو مافي مخرج .. قلت بدون نفس:طيب .. ماما:بمرك العصر نروح الصالون .. خلاص؟ حكيت راسي بزعل:اوكي سكرت من ماما .. وخلصت فطوري ورديت على ليلى بمسج (( اوكي انا جايه معاك بس لو كنتي بتروحين الظهر .. لانو عندي عرس )) ثواني بس ورجعت دقت انا:هلا لولا ليلى:عرس .. طيب واذا صار فيه عرس ما تجين ؟؟ افف ليلى ما تفكر :يختي اقولك بجي معك الظهر العصر بروح مع ماما الصالون .. ليلى:اممم .. الساعه كم .. ؟! انا تثاوبت:والله مدري توني قايمه انا ليلى:الظاهر انها 11 انا:مو اكبر همي الساعه .. اسمعي .. ليش تبين تروحين التخصصي .. ماك ركا احلا ليلى:لاااااء مو بنده الي بالتخصصي .. اتكلم عن مستشفى التخصصي التخصصي ؟؟ وش تبي به ذي .. يمكن انها تعبانه او حاجه انا:سلامات ليلى تتنهد:ما فيني شي انا اقولك بالطريق .. بنت قومي البسي بمرك الحين شربت مويه ورديت عليها:بس الحين تونا .. تعالي الظهر ليلى:لااااء الحين ارتعت من انفعالها وقلت لا اراديا كأني ابي اصرف الموضوع:طيب طيب بقوم البس .. ليلى:ايه زين .. شوفي انا بالسياره .. تقولين ابو نص ساعه وجايتك اوكي انا:اوكي .. ليلى:باي انا:باي بس جت الباي حقتي بعد ما سكرت .. وجع وش فيها ذي .. وش عندها بالتخصصي .. ههههههههههههههه لا يكون رايحه تبي تشوف سيف.. والله كل شي جايز ما دام انها ليلى رحت البس .. هالبنت تروع اذا عصبت .. هه زي حمد .. ايوا لقيت سبب الحين مخليها تدافع عنه هو ووجهه .. طلعت لي اي شي قدامي .. لبست عباتي بسرعه وليلى حارقه جوالي كل شوي تدق تقول انزلي .. نزلت وانا اسرع وطالعت حولي لقيت سيارتها رحت بسرعه وركبت وانا معصبه انا:انتي وش فيك .. ؟؟ ليلى بنفس انفعالي:كل هذا تلبسين انا:انا وش دراني انك بالبديعه .. اف احسبك بالعليا .. ليلى:طيب اخلصي وسكري الباب سكرت الباب بقهر .. مدري وش تحس به .. انا:طيب ليش معصبه ليلى:.......... انا ماحب احد يسفهني:لووويل ليلى: ولا شي .. اف انا:وش فيك .. طيب ليش تبين تروحين المستشفى تعبانه .. اهلك فيهم شي؟؟ ليلى:........ انا خفت .. يمكن اهلها جد فيهم شي .. قربت ومسكت يدها:ليلى شفيييك .. ليلى التفت وكااانت دموعها على طرف عينها:سيف حمار انا سكت شوي .. سيف حمار ..! لحظه من متى المعرفه ...!؟؟؟! هم يعرفون بعض .. بدت الاسئله تتجمع براسي لحد ما طلعت تساؤلات غصبن عني:شلون انتي تكلمينه ؟؟ ليش حمار؟؟ وش الي صاير ؟؟ ليلى كانت تهز رجلها بقوه: ايه اكلمه والتفت بقوه:عندك ماانع بعد ارتعت من شكلها .. وش فيها البنت .. انا تخدرت ما عرفت وش اسوي .. بلعت ريقي ابي اقول شي ماني عارفه انا:ليلى طيب .. وش صار ليلى طاحت دموعها: انا عارفه انه يكلمها الحيوااان الحقير ودايم يعلق على لبسي هو شو ماله ومال لبسي وكل رمسته عن الممرضاات الي عنده يعني يتقصد يقهرني .. وما يراعي مشاعري انا مدري ليش معطيته وجه انا شوي شوي استوعبت كلامها وضحكتي على طرف لساني بس ماسكتها عشان ليلى .. حاولت اتكلم من غير ما ابين انو فيني شي انا:طيب .. انتي الحين كيف جبتي رقمه ؟؟ ليلى :مااااالك شغل بعدت عنها شوي بخوف .. يما ما تنتكلم .. مو مهم كيف جابت رقمه .. الي اعرفه الحين انها تكلمه .. نغزتها بكوعي:من بقى ما شبكيته ليلى التفت:شجون وجع حسيت اني مالي داعي البنت تبكي وانا ابي استخف دمي عليها .. انا:اها .. طيب ليش يعلق عليك .. ومنهي الي يكلمها ليلى:ليلىى انا هنا طلعت ضحكتي غصب:هههههههههههههههههههههه طيب ليش زعلانه ليلى:يا الغبيه الممرضه سكتت شوي:اي ممرضه ليلى:الممرضه الكلبه حقته .. الحيوانه الطخمه ذيك الز** الغبببببيه ههههههههههههه البنت رااايحه فيها ... وش ذا ما بقى احد ما اعجبها وما شبكته .. يوو هاذي اطباعنا زمان ما تركتها .. حسيت اني بريئه جمبها هه انا:لولا ليش زعلانه .. تحبينه يا بنت؟؟ ليلى:وش احب فييييييه هو الي يحبني .. انا:اهااا عشان كذا من زماااااااااااااااان اوي اوي ما كلمته .. ايه من لقى احبابه نسى اصحابه ليلى رجعت دموعها تنزل بعد ما وقفت فتره:اللي يقهر اني احسه يكذب .. انا عارفه انه لعااب انا استغربت اهتمام ليلى .. هي ما يهمها اي واحد تخاويه .. وش معنى ذا .. ههه شكلها من جد تحبه دخلنا بوابة المسشتفى ليلى:تعرفين وينه ؟؟ انا:اييه تقريبا .. سعوود روح عند هالمبنى سعود السواق:انشالله سكت شوي بعدين استوعبت:لحظه انتي جايه هنا وش تسوين .. ؟؟ ليلى تفتح البابب بقوه:ابعلمه ان الله حق نزلت بسرعه ومسكتها:ويييين وييين .. وش الي اعلمه ان الله حق ليلى:السخيييف ابي اشوووف وش يسووي.. رفعت جوالها ودقت رقم .. وحطته على اذنها بدلع على شوية غضب وهي تضرب برجلها على الارض تكلمت فجأه:سوسو هلا .. لا طفشانه ابي اسولف .. ايه اجل عندك عمليه بعد خمس دقايق .. مشالله عملية وشو ... اها .. مطول .. طيب .. خلاص حبيبي وسكرت وقالت بقهر:شوفي الحين بنروح ونشوف اذا عنده عمليه المستر دكتور سيف .. ومشت من غير ما تترك لي فرصه استوعب .. سوسو ؟؟؟ حبيبي ؟؟ هههههههههههههههههههههههههه وش صاير بالدنيا وانا مدري عنه ..! عشاان كذاا اشوفها ماسكه جوالها طول الوقت .. والله ماهي هينه دخلت المبنى وهي تتلفت:وييين؟ رفعت حاجب وانا اتذكر:بالدور الرابع مشت بسرعه للأصنصير وانا مشيت وراها:بالله وش بتسوين ليلى دخلت :اقولك وش بسوي بشوف الكذااب وش ورااه ضحكت عليها .. اوووما من جد البنت تحبه .. من جدها ذي .. لا انا ولا هي ولا اي وحده من صديقاتي قد حبينا واحد يعني كذا او اهتمينا فيه انفتح الاصنصير طلعت بسرعه وهي تتلفت حولها وقالت بعشوائيه:من هنااا صح مشيت وراها وانا ماسكه ضحكتي ومتحمسه للي بيصير:اييه وقفت ليلى ممرضه:لو سمحتي ابي الدكتور سيف الـ*********** الممرضه:اممم .. الدكتور سيف اظن عنده عمليه الحين .. بس روحي يمكن تحصلينه بمكتبه .. ليلى هزت راسها:أها شكرا ومشت الممرضه طالعت ليلى بنص عيون:الحمدالله والشكر .. سحبت يدها للكراسي:يلا اذا هو ما يكذب عليك قولي لي شسالفتكم ليلى طالعتني شوي وقالت:انا وسيف بينا علاقه طالعتها بثقه مصطنعه: وانشالله وش نوع هالعلاقه ليلى تطالع الي يروح والي يجي:مدري .. بس .. انا تعلقت فيه واحسه مو معطيني وجه وهالشي يقهرني سكت شوي .. تنهدت .. لمتى احنا ماشين بطريق غلط ومحنا عارفين كيف نبتعد عنه .. محنا عارفين انه غلط اصلا .. احترت وش اقولها .. اسكت احسن .. اذا بقلبها حكي هي بتقوله وصار بالضبط الي كنت اتوقعه .. كملت حكي:شجن انا احسه .. هو يعني .. هو اخلاقه مره كويسه مدري ليش اشك فيييه مدري ليش اصلا يهمني .. بس .. هو يقهرني عنده حركااات بايخه .. انا ما صار لي زمان اكلمه بس .. تعلقت فييييييه .. يعرف كيف يسمعني يا شجن .. نزلت دموعها :مدري وش اسوي .. احس الي اسويه غلط ابتسمت لمن قالت هالكلمه .. يعني هي كبرت .. وعقلت .. وفهمت انو مو من حقها تكلم اي احد .. هل سيف عمها او خالها او اخوها او ايش .. تعمقت بتفكيري لمن تذكرت نفسي .. طيب انا بحبي لعبدالله .. والبوسه .. واني افتش وجهي .. وكل شي .. بعترف انو غلط .. هزيت راسي كنت مابي افكر بالموضوع .. لاني عارفه اني لو فكرت فيه راح اوصل لقرار ما يعجبني .. مسكت يد ليلى وقربت منها: تحبينه صح؟؟ ليلى:يمكن قلت بقهر:نصيحه .. لا تفكرين بالحب .. لانه شين ضربتني على خفيف:انا مو متزوجه واركض ورى واحد مفتكرني اخته .. على حسب مخك يعني .. بس انا اشوف انه يحبك تنهدت بحزن وقمت:اذا سيف عنده عمليه مو طالع الا بعد ثلاث ساعات عالاقل .. امشي نقووم نتغداا وبرجع البيت بنام لي شوي ليلى قامت:اووكي .. طول الطريق للبديعه وانا افكر .. بليلى وسيف .. وعلى وجهي ابتسامه صغنونه .. ليلى من بعد رااشد الي كانت تحبه حقدت على كلن .. صارت تخاوي .. بس ماا تحب .. طبيعي سيف بيقدر يملك قلبها بطيبته وعفويته .. مع انه عادي مو حلو ولا شين .. بس دايم الجمال جمال الجوهر .. ماهو جمال المنظر .. اول ما دخلت البيت حصلت حمد .. اف قلق قلق قلق مالي خلقه .. مابي اشووفه ابدن حمد بنص عين:الحمدالله على السلامه قلت بدون نفس عشان ما ابيه يكلمني ويحس ان نفسي بخشمي:الله يسلمك حمد:وين كنتي من الصبح؟؟ قلت بدون نقاش على طول:طلعت المستشفى مع ليلى وبعدين تغدينا .. فيه شي ؟؟ حمد:ايوا وليش ما سويتي غدا .. ؟؟ انتي تاكلين وانا اجوع .. ولا لانك عروس خايفه على نفسك .. اي عروس هاذي .. مبسوطين عروس وعروس .. انا استغربت حمد فتح مجال للسوالف .. هه مع انه يسولف بإستفزاز .. رديت عليه من طرف خشمي .. الحر لعوزني:انا ماااعرف اطبخ عندك الشغاله حمد يطالع التلفزيون:بلا فقش .. طالعته بإستحقار .. بززززززر من جد بزر.. افف والله ربي يحب هالمزنه هاذي .. رحت غرفتي وفصخت العبايه ولبست لي شورت وبلوزه .. ما همني حمد .. مو هو حلال علي ؟؟ ليش ما آخذ راحتي .. توني بطلع بس حسيت انه يحسبني اتميلح عنده ياكل ** .. احسن .. طلعت وانا رافعه خشمي على فوق ابي ابين له انه ما يهمني .. جلست عالكنبه الي قدامه وانا اطالع التلفزيون انا:وش تناظر؟ حمد:saw انا:يما اجل ابقووم قمت وانا اركض .. هالفلم يرووووعني مووت .. لازم اذا ناظرته اجلس ثلاث ايام اوسوس .. حمد جلس يضحك علي وانا استحقرته من جد ثواني ورجعت وانا منقهر:خير ليش تضحك حمد:هههههههههههههههههههههههه انا انقهرت اكثر:خييييير .. ؟! حمد هز راسه وغير القناة:ولا شي رجعت جلست كأنو ما صار شي:زين على بالي مسكت الضحكه الي فيني.. صدق كنت نكته و ردة فعلي تضحك بس ارتعت .. جلست اتأمل في حمد .. شكله اكبر من عمره .. هو 23 او 24 الظاهر .. بس شكله يوحي 28 وما فووق لا مع الجلسه .. وسروال السنه الي مدري وش يبي .. طالع من جد .. هههههههههههه ما قدرت استحمل .. يدي تحكني ابي اصوره .. يعني شكله ظريف .. شلت الفلاش عشان ما يدري .. رفعت الجوال بشويش مابيه ينتبه علي .. بس صوت اللقطه فضحني اول ما صورت التفت .. انا جلست اناظر ومبلمه .. تفشلت طاااااح وجهي .. الحين وش بيقول عني حمد بإستنكار:وش سويتي؟؟ طالعت الصوره بالجوال .. كانت جالس يلتقت وصاير فمه مفتوح لانه توه بيتكلم وعيونه نص مسكره ..اللقطه جت وهو يبي يرمش بعيونه .. يعني شكله يضحك .. هنا انا فطست ضحك حمد:وشوو ؟؟! ميدت له الجوال:ههههههههههههههههه شوووف .. ههههههههههههههههههههههههههههههههههههههه شكل... شكلك موووت يضحك ههههههههههههههههه ومسكت بطني لاني حسيت بألم من كثر الضحك .. وحسيت ان نفسي انكتم وماني قادره اتنفس .. وصورة حمد مغبشه قدامي من الدموع وماني عارفه وش اسوي غير الضحك .. حمد طالع الصوره .. هز راسه وحذفها ورمى الجوال بشكل خفيف وهز راسه:الحمممدالله يااارب |
البارت الرابع والثلاثون اخذت الجوال كأني اتأكد هو حذفها ولا لا متحسفه عليها .. وماني قادره اوقف ضحك .. الا يوم حسيت اني صرت ماصله حاولت امسك نفسي وقمت عنه .. دخلت غرفتي ورجعت اضحك .. ثواني حسيت اني اسمع صوت حمد يناديني .. استغربت وطلعت:نعم حمد حاط التلفون عالكنبه:التلفوون .. التلفون .. ؟؟ تونا هنا من الي امداه يعرف رقمنا ههه .. جلست جمب حمد وين ما كانت السماعه موجوده:الو .. ؟ ماما :ليش ما تردين على جوالك ..؟ ما ارد .. هي اصلا ما دقت .. ما شغلت بالي يمكن اني من الضحك ما انتبهت .. حاولت اصرف:مدري نسيته هناك .. ماما:طيب بجيك بعد صلاة العصر طالعت الساعه عالجدار:اوكي ماما:قررتي وش بتلبسين ؟؟ اوووف ياربي يا ماما ماني رايقه لو قلت لها لا بتنشب .. حاولت اصرفها:اييه .. ماما:خلاص اجل .. صلي وخلك جاهزه .. اف طلعه ورا طلعه بهالحر .. قرررررررف .. رحنا الصالون طبعا ماما اصرت اني اصبغ شعري وبالفعل صبغته مع اني كنت متحسفه عليه .. لاني تعودت على شكله سويت لي تسريحه بسيطه وما رضيت احط لي ميك آب .. بس طبعا مع اصرار ماما حطيت لي خفيف بس وبالموت اقتنعت وطبعا طلعنا من الصالون بهواش ماما:انا مدري انتي وش صار لك اول ما كنتي كذا ؟؟ قلت بنرفزه:وش صار لي يعني ؟؟ ماما:كنتي تحبين الكشخه الحين ابد فتحت عيوني:ماما يعين لازم احط نص طن ميك اب على وجهي عشان اصير كشخه ؟؟ ماما:لا بس الناس بيقولون عروس .. وراها كذاا ياربي ذا العروس .. دمعت عيوني .. كل مالهم عروووس .. شي يطفش .. التفت وسكت مابي اناقشها .. صايره تجيب لي الهم استغفر الله .. ماما قطعت السكوت:تجين معي البيت انتي بيتك بعيد التفت:ماما ما معي فستاااان ماما تنهدت .. جلست تفكر شوي:عندك ملابس بالبيت .. تأففت .. يلا زينت وجهي زي ما تبي والحين تبي تلبسني على كيفها .. احيانا احس اني اكرهها على حركاتها البايخه هاااذي وصلنا البيت .. انا على طوووول رحت عند بابا اسلم عليه .. كان عالجهاز بالمكتب حقه فتحت الباب:اووووووخس خلوود منتا سهل والله التفت بابا:هلا .. هلا ببنتي حبيبتي .. رحت وسلمت عليه وبست راسه:هلا بك زووووووود بابايا بابا بإبتسامه:هاااه وش اخباارك .. ؟؟ انا بنفس الابتسامه:مررررررره تمام بس وحشتوووني بابا:عاد اني شايفك قبل كم يوم بلا دلع .. وشلون رجلك ؟؟ قلت بمرح مابي احسسه بشي:كلنا طيبين بابا:اجل بتروحين عرس الـ****** مع امك تنهدت وجلست:ايييه بابا ضحك:الله يهديها .. من حبها لك والله .. لا تزعلين ايه تحبني وتسوي فيني كذا .. انا مابي اناقش بابا بالموضوع .. قمت عنه:يلا بابايا اخليك تكمل شغلك بابا:لا اجلسي معي والله ان تسبدي حايمه من الجلسه لحالي .. امك مشغوله هاليومين وماهيب مخليتني اطلع انا ضحكت من قلب .. كان يقولها بقلة حيله .. كااان شكله مسكين ويكسر الخاطر انا:ههه ليش ما تطلع ؟؟ بابا:خايفه علي .. صار لي شهر و زود طالع من المستشفى وتخاف علي ابتسمت له:هي توسوس دااايم .. تنهد بابا:الله يصلحهااا ضحكت من جديد وانا اشوف علامات التحطيم على وجه بابا:اميييين .. قمت عنه .. يا حليله بابا .. هذا وجه برئ جدن .. مع اني اول ما شفته خفت وبغيت اصيح .. اتذكر ذااك اليوم كويس .. يوم اجلس اتفلسف عليه وهو يسلك لي.. فديته بس المهم بالعرس .. كان الجو مره بايخ.. ماما جالسه بطاوله وانا معها وطفشاانه وتسولف مع الحريم .. وكل ما تشوف احد تقدمني له .. ويبارك لي بالزواجي التبن هذاا .. كنت اطالع البنات يرقصون بالمنصه:مااامااا ماما كانت لاهيه وسفهتني .. اففف وش ذا .. مسكت جوالي وجلست اسولف انا ورغد مسجااات .. مر الوقت سريع .. وحطو العشا .. انا:ماما مو لازم نتعشا يلا نرجع ماما:عيب .. ام المعرس صديقتي .. اطلع وانا ما تعشيت ياربي افكاار الحريم .. لحقتها وانا واصله معي .. وما تعشيت بس استنى حظرتها تخلص .. تاكل لقمه وتسولف نص ساعه .. حومت كبدي .. اول ما قضت من العشا تحمست قمنا بنطلع بس بالطريق يومنا بنطلع من القاعه صادفتنا ام المعرس صديقة ماما مره ثانيه ام المعرس:سعاااااد جالسه ادورك ماما:سمي يام مجيد بدت ام المعرس تتكلم وتتكلم وماما تتبسم مره وتكشر مره .. جلست وانا اطالعهم وأتأفف .. واضرب برجلي على الارض بسرعه .. ابي ماما تطالعني وتحس اني طفشانه .. انصدمت لمن شفت ماما مشت .. وقفت بسرعه وقلت بصوت شبه باكي ..:ماما وين رايحه ماما اشرت لي بيدها اصبري شوي ومشت مع ام المعرس وانا جلست امسك دموعي .. قهر قهر.. ماما اليوم حومت كبدي لين قلت اميييين .. وش تبي ام المعرس الملقوفه هاذي تونا بنطلع جت نطت لنا من وييييييييييييين ... افف اكره كذاا .. مقهوووره من ماما بشكل .. احس اني بالغت بردة فعلي بس هذا الاحساس الي جاني .. رجعت ماما بعد ساعه الا ربـــــع .. طول الوقت كنت اتحسب عليها وكل شوي اطالع الساعه وأتأفف اشوف الناس تطلع وانا جالسه هنا .. القااعه فضت اول ما قربت لي ماما وقفت وقلت بقهر:بدري .. تونا كان جلستي ماما حست اني معصبه وحاولت تداري الموقف:حبيبتي معليش بس ام مجيد نادتني توريني شغله سحبت عباتي وشنطتي بعنف:ايييه ساعه الا ربع .. جلست اطالعها تدق على السواق بقهر ... نحيييييسه تلطعني عشان خويتها .. ماما عقدت حواجبها:غريبه .. السواق مقفل جواله انا نط فيني عرق .. خلصنا من ماما جانا عمر البلشه هاذا .. سحبت الجوال من ماما وقلت بنرفزه:عطيني ماما:شوي شوي امك انا انا كنت انتظر السوااق يرد .. بس من جد صار جواله مقفل .. قلت بقهر:ماما الكلب هذا انتي قايلة له يجي صح ولا لا ماما:انتي وش فيك معصبه دقي على سواقك قلت ودمعة القهر على طرف عيني:ما يعرف .. ما يدل ..! ماما:وانتي بزره على كل شي تصيحين .. اكبري طالعتها بإنفعال:ماما الحين ابي ارجع البيت ماما انفلعت معي:مع ميين يعني ؟؟ انا:دقي على بابا .. ماما:ابوك انا ما اخليه يطلع من البيت خير شر تبيني اطلعه بهالساعه .. !! خلي حمد يجي بلعت ريقي .. انا اصلا ما عندي رقم حمد .. وش اقول لها .. ما عندي رقم زوجي .!؟؟! ارتعت وارتبكت .. حاولت اتصرف بسرعه عشان ما تلاحظ ارتباكي:ماما حمد عنده دوااام بكره الصبح ما يقدر يجي ماما:خلاص اجل .. وش نسوي .. انا:ماما دقي على عيال خواتك خليهم ينفعون شوي ماما:منهم عيال خواتي تكفين .. ابدق عليهم اقولهم تعالو خذوني .. استحي يا بنت انا:ماما ما تمونين على عيال خواتك ماما:لآ .. وخليني القى حل ولا تقرقين على راسي .. بجرب ادق عالسواق مره ثانيه انا جلست افكر .. فجأه حسيت بقلبي ينبض وينبض .. تذكرت عبدالله .. عبدالله حاظر العرس ..! اخو المعرس صديق عبدالله ..! يااا محاااسن الصدف انا متأكده ان ماما قالت لي ان عبودي بيجي .. حاولت اقول لها تدق عليه بس ترددت .. ماما بيأس:مغلق .. قلت بصوت هادي:ماما ماما:نعم ..! انا:مو عبدالله جاي العرس ماما سكتت شوي :ايه جاي .. تهقين ادق عليه قلت بحماس:ايييه ماما:لا مسيكين تلقينه طلع من زمان مو قاعد لين الحين .. وعنده اخوه بعد يا مصل ماما اذا قامت تسوي كذا .. انا بدلع:ماااااامااا مين عندنا يوصلنا يعني .. مااااااااماااا ماما تبعدني عنها:طيب طيب ابدق عليه .. بس لو طلع نايم يا ويلك انا:لا ما ينوم .. يلا دقي كنت حاسه بسعاده وانا اطالعها ..بركب معه .. بصير قريبه منه .. بسمع صوته .. كل الدم الي بجسمي صار يتحرك بسرعه .. وحسيت بسخونه ماهي طبيعيه وانا اسمع ماما تبدى تتلكم .. رد عليها يعني ..! ماما:هلا حبيبي .. صحيتك ؟؟ .. ايييه زين .. هاه تعشيت ... بالعافيه يا وليدي .. انت وينك الحين ... لا بس السواق مدري وش فيه مقفل جواله .. وعندي شجن مقلقتني الله يهديها ما تبي تزعج زوجها وجالسه تزعج خلق الله ههههه .. لا شدعوه .. الله يحيك .. خلاص عشر دقايق وطالعين ... الله يعطيك العافيه ....م ... مع السلامه انا انقهرررررررررت منها ليش تقول كذا.. قالت ايش قالت ما تبي تزعج زوجها .. قلت بقهر:من قالك اني مابي ازعج حمد ؟؟ ماما تلبس عباتها:يلا دقي عليه يجينا انا حسيت بغباء موقفي .. سكت شوي ولبست عباتي:عبدالله وينه ماما:توه طالع .. بيسوي يوتيرن ويرجع لنا .. رحت عند مرايه اضبط الطرحه:اهااا .. ماما:منتي متغطيه؟؟ التفت عليها برجاء:مااااامااا بليييز ماما:لا مافي فتنه هاذي .. غطي وجهك كله مكياج سكت شوي .. لازم تتدخل في كل شي .. حاولت اصير قويه:ماما انا متزوجه ما عليكم مني ماما:انتي الحين معي مو مع رجلك .. تغطي اف منها .. تجيب النكد .. حتى فرحتي بعبدالله ما خلتها تكمل .. قلت بقهر:طيب بتلثم كلمه منها وكلمه مني وهواش صغير وافقت .. ضبطت اللثمه وطلعت انا وماما .. كان عبدالله معه الهمر الاسود .. غريبه جحد سيارته الحمراا .. ماما ركبت جمبه وانا تقصدت اركب وراه ابي اطالع فيه .. اول ما صكيت الباب .. حسيت برعشه تمر كل جسمي وانا اشم ريحة عطره .. وجوده خلاني ادخل بعالم ثاني .. حسيت بالامان ماما:السلام عليكم عبدالله كان مبتسم .. ومرسم بالشماغ والثوب:وعليكم السلام ماما تسكر بابها:وش هالزييين .. عبدالله ضحك .. يالبى ضحكته .. حتى ضحكته رايقه مثله .. جلست اطالع فيه من المرايه .. حسيت بأشياااء ببطني نزلت عيوني بسرعه بخوف .. خفت اني اطالع فيه ..! ماما:والله انك بالثوب احلا .. بدال ما تلبس لي هالبناطيل الوسيعه الطايحه المشقشقه .. عبدالله:هههههههه .. خلاص ابصير البس ثوب كل يوم لعيونك .. كم عندنا من ام شجن احنا .. لمن قال شجن خقيييت ... ياربي انا توني احبه ..!؟ اول كان مررره قريب مني كنا اصحاااب .. ندمت على كل لحظه ما اكتشفت حبي له فيهاا .. ماما:ايه خلنا بالثوب احسن .. عبدالله الله يرضى عليك طف الاغاني عبدالله قصر ع الاغاني .. انا رفعت راسي قلت اكيد يقصر عليها مشغول.. بس اول ما رفعت عيوني للمرايه التقت عيني بعينه .. كان يطالع بالمرايه .. اخذت نفس ونزلت عيوني بسرعه .. بلعت ريقي الي كان نااشف خلقه ماما:هاه يا وليدي شلون ابوك .. تحسن .. ؟؟ يقدر يطلع ؟؟ عبدالله تنهد:والله يا خالتي .... من ناحية تحسن .. ايه تحسن كثير .. بس وش الي تحسن فيه .. الكسور .. والحروق .. بس يطلع .. ما اتوقع ماما:افا ليش ؟؟ عبدالله:........... الوالد ماهو حي .. ماهو ميت .. عايش عالاسلاك .. النسبه جدن ضئيله ماما بإهتمام:نسبة ايش؟ عبدالله:انه يصحى .. يمكن واحد بالميه .. ادعي له بس .. ماما تنهدت:الله يقومه بالسلامه يااااارب .. انا كنت اطالع كتفه الي قدامي .. ومبتسمه .. ههه احس اني مجنونه .. بس وش اسوي احبه .. جلست اتلفت حولي ابي اي شي مرمي بالسياره .. اي شي يخصه .. لكن عبدالله وطبعه .. كل عنده مرتب .. هه غير غرفته الي بلندن ماما:وشلون ابراهيم ؟؟ عبدالله:ابراهيم طيّب ماما:عساك منتبه له و قاطعتها:برجعه لامه اصلا ماما:وراه ؟؟ مسيكين .. لو انه ولد ضرة اختي عبدالله:خالتي ماحبه .. يذكرني ب وسكت .. حسيت انه تألم .. ليش يا ماما تفحين معه هالموضوع .. كرهت ماما زياده الحين .. فتره سكوت قطعها عبدالله:مدري بس ماحبه .. ماما:بس انا اشوفك تدلعه وتشتري له وتوديه وتجيبه عبدالله:يمكن لانه طفل وانا احب الاطفال عموما بس كأخ .. انا ما تقبلته يا خالتي كان ودي اعطي ماما كف .. خلاص قال ما يحبه يعني ما يحبه ليش الا مصره انه يحبه .. اصلا حتى اانا صرت ماحب ابراهيم .. خخخ لا من جد انا مجنونه .. غريب عبدالله .. يكره احد ؟؟ ما احس كذا .. ومن يكره اخوه .. لا اكيد ان السبب بأنه يذكره بفاتن يمكن .. مدري .. ماما:وامه وينها ؟ عبدالله:امه بجده .. ابروح بعد اسبوع اوديه لها .. ماما:الي تبي يا وليدي .. سو الي تبي عبدالله ابتسم:شدعوووه خالتووو .. حبيبتي انتي .. اذا ما تبيني اوديه ما راح اوديه ماما:لآ وانا وش لي شغل .. بس يتيم وكاسر خاطر .. عبدالله بهمس:مو يتيم .. ماما ما سمعته بس انا سمعته ... رفعت عيوني اطالعه من المرايه .. ياربي توه فرحان جت ماما ضيقت صدره زياده .. اف منها ذي فجأه التقت عيني بعينه لمن رفعهم وطالع المرايه .. يااااااااربي احراج ثاني مره يشوفني اطالعه .. بعدت عيوني وجلست اطالع الشباك وانا منحرجه .. عبدالله تكلم:شجن .. حسيت بجسمي كله يرجف .. واني مخنوقه ومو عارفه اتنفس .. وفيه شي يضغط علي .. حسيت بألم خفيف ببطني .. بلعت ريقي وحاولت ارد من غير ما ابين له شي:هاا عبدالله تكلم عااااادي:هااااه كيف الزواااج ؟؟ انا:......... كويس عبدالله التفت على ماما:خالتي لين الحين تتدلع عليكم ولا عقلت ؟؟ ماما:هذي هي عندك .. مو باين انها تتدلع يعني .. عبدالله ضحك وانا انقهرت ..ياربي يا ماما .. مو مهم .. اهم شي كلمني .. قلبي كان يدق .. ويدق ويدق لحد ما ازعجتني دقاته الكثيره .. كان ودي .. مددري بس طفشت من قلبي حسيته بيفضحني ..! ماما:عبدالله اطلع عالبديعه قبل بنوصل شجن .. عبدالله بعد سكوت:البديعه بعيده وانا دخلت الحاره يا خالتي .. خليني احطك وبعدها اودي شجن .. ماما:بس مسك عبدالله يدها بسرعه وقاطعها:خالتي ارتاحي الساعه ثلاث الفجر الحين .. |
يــــــــــــــــــــــــــتبع وقف السياره:هذانا وصلنا .. انا بغيت انهبل .. يؤ يؤ بجلس معه ساعه الا ربع لحالنا .. حسيت بشعووور جدن رااائع الكلمااات ما تعبر عنه ابدن ماما ابتسمت:الله يعطيك العافيه يا وليدي .. طالعتني:انتي تدلين بيتك هاه .. علمي عبدالله ياربي تحس اني بزر لين الحين:اوكي ماما .. سكرت الباب ودخلت البيت .. وعبدالله لين الحين ما حرك السياره .. قطع السكوت:افاا .. سواق انا ؟؟ استوعبت الموقف .. وفهمت كلامه على طول .. لا انا وراه انهبلت كيف يبيني انزل اجلس جمبه .. عبدالله تنهد:طيب .. الي تبين .. فتحت الباب بسرعه:الا بجي .. نزلت من السياره وسكرت الباب .. ودرت حول السياره عشان اركب جمبه.. قبل ما افتح الباب قلبي زاد دق ودق مابي اركب .. لاني مدري وش بيصير لي لو ركبت .. بس فيه شي تركني افتح الباب واركب غصبن عني اول ما سكرت الباب حرك السياره:اييه وأخبارك ؟؟ ابتسمت وانا اطالعه يناظر على ورا عشان يعدل موقف السياره:انا بخير .. وانت وشلونك ؟؟ التفت وطالعني وسكت .. هذي نفس نظراته الي ما عرفت افسرها .. بس انا مابي اترجمها على كيفي .. انا متزوجه لازم اذكر نفسي .. وحتى عبدالله معتبرني اخته .. صحيح اني رافضه هالشي بس غصبن عني لازم اعود نفسي عليه انا نزلت عيوني .. وهو بعد عيونه بعد وقال:الحمدالله .. مشت السياره والصمت سيد الموقف .. عبدالله رجع علا عالصوت:وش تبين تسمعين .. قلت بسرعه:راشد عبدالله:هذا راشد .. بس خليني اعيد الاغنيه .. كانت اغنية ( كذبت ) موسيقى هاديه .. بعدين بدى راشد يغني ** كذبت وقلت ماحبك .. عشان ابعدك عن دنياي ** ** ولا ابي اوقف بدربك .. ولا ابي اظلمك وياي ** ** سمعت وقالو ان الحب .. يعذب حيل ما يرحم ** ** وانا والله مالي قلب .. احب وبعدها اندم ** بعد ما خلصت .. التفت علي وهو مبتسم وقال:حلوه صح هزيت راسي بإرتباك .. طيب اسألني من غير لا تلفتت .. بعدت عيوني عنه للشباك .. وتجمعت الدموع بعيوني حبيت واحد ما يحبني .. لا وفوق هذا انا متزوجه .. انا لازم احط حد لكل هذا ومافي حل غير اني ارجع اعامل عبدالله زي قبل .. ضغطت على نفسي وحاولت قلت بمرح:عبووووودي عادي افتش بإغراضك عبدالله ابتسم وضحك على خفيف:اول مره تشاوريني .. عرفت ان من كلامه طبعا موافق .. بلعت ريقي وفتحت درج السياره الي قدامي .. انا:يووووووه ايش كل هذاا .. عبدالله:هذي خرابيط راكاان .. شلت الدباديب هه .. ضحكت وانا اطالع الاغراض الكثيره الي جوا .. التفت وجلست اتأمله بإهتمام .. احبك انا ماني قادره انكر .. بس لازم احاول اتناسا هالحب شويه .. رجعت عيوني للدرج وجلست احوس .. عقدت حواجبي وطلعت قلم:ايش هالكحل ؟؟ عبدالله التفت وهو عاقد حواجبه:ايش ..ايييييه هذا كحلك .. تذكرين يوم تنسينه .. ابتسمت وانا اطالع الكحل .. هذا كحل مقدس.. كان طول الوقت بسيارة عبدالله .. عبدالله :شجونه تعشيتي ؟؟ قلت بعفويه:لا وعععع ما احب اكل العروس مدري ليش عبدالله غير مسار السياره:تبين ماك .. ؟ ابتسمت .. يا حبي له بس :ماك فاتح الساعه ثلاث بالليل .. عبدالله يأشر:ايوااا شووفي انا مره تحمست:وااو وناااسه .. عبدالله ضحك:لين الحين هبله .. انا اطالع ماك وساكته .. والله اني ما انهبل الا اذا شفتك .. عبدالله:ايييه ما قلتي لي كيف حمد .. ؟ جرحني سؤاله عنه .. بس ضغطت على نفسي .. لازم اسوي كذا:والله بخير يسلم عليك .. عبدالله ينزل:يلا .. فتحت الباب ونزلت:متأكد فاتحين عبدالله يطفي السياره:ايه .. ما تشوفين الناس تدخل سكرت الباب وانا انتظره ينزل .. وماسكه عباتي ابي اغطي نفسي فيها .. الهوى مره قوي ورجولي كلها طالعه .. وماني قادره اركز من الغبار.. عبدالله كان يعدل شماغه:يوو الهوى قوي .. يلا امشي ندخل .. لحقته وانا اطالع تحت اتجنب الغبار .. اول ما دخلت اخذت نفس عميق:الحين كل هالهوى واحنا بالصيف عبدالله يضحك:هذا هوى بغبااااار .. جلست على اقرب طاوله:اففف .. عبدالله جلس يطالعني افصخ اللثمه:الحين الزواج يخلي الواحد يحلو مثلك ..؟ انحرجت منه .. انا محلوه ؟ مع وييين اكيد يجامل .. بلعت ريقي وطالعته بنص عين:ليش ناوي تتزوج .. لا تخاف انت شين واذا تزوجت بتشين اكثر .. ضحك ومسك الملح الي عالطاوله وجلس يلعب به .. وانا اطالعه بإبتسامه .. تعشينا .. وسولفنا وضحكنا .. نسيت نفسي معاه .. ما كان ودي ان الوقت يمر ابدن .. كنت أكل ببطئ عشان الوقت يمر بطئ بس للأسف .. رجعنا للسياره .. اول ما حركها تكلمت:شكراا عبودي عبدالله:على ايش .. ؟ انا:عالعشاا .. عبدالله طالعني بنص عين:انتي اليوم متغديه ماك وتعشيتي ماك بعد .. شكرا على ايش ؟؟ انا اليوم متغديه ماك .. وهو وش دراه اني رايحه ماك .. ؟؟ انا:وش دراااك يا الجني ؟؟ عبدالله رفع حاجب وابتسم بخبث:كنت هنااك.. ماك التخصصي بعد اعترفي ضحكت من قلب:يا الدبي انت وش وداك هنااك .. عبدالله يحرك السياره:هههه اصحاابي طالعته بإبتسامه:تذكر ذيك اليوووم .. عبدالله يطالع الطريق وابتسامته بدت تتلاشى: فيه ايام كثيره .. التفت علي وناظرني بحزن:حددي .. تضايقت من حزنه .. ليش زعلان .. يمكن تذكر شي مو كويس ؟؟ حاولت ارقع السالفه:يووووم نطلع بالدباب حقك ونرووح هناك ناكل .. ههه وبعدها رحنا المملكه.. تذككر ..! عبدالله ضحك:الله يقطع ابليسك .. انا:والله هبااااااال .. ياخي ودي ترجع ايام زمان شويه عبدالله تنهد:يا لييت .. وعم السكوت من جديد .. وصلنا عند الجسر المعلق .. بين البديعه والعليا .. وانا مره ما ودي ارجع ابي اجلس معه .. كنت ادور اي سبب يأخرنا .. انا:عبود ليش حاطين هالاسلاك حول الجسر ..؟ عبدالله:لان الناس توقف هنا وتطل على تحت .. واحيانا ناس تطيح منه .. يعني ناس يحطون بزارينهم على السيم هذا ويزلقون انا تألمت:بزران عاد .. يا سااتر عبدالله:حتى حالات الانتحار كثرت هنا .. انا:يوو احسن حطو هالاسلاك .. طيب وش رايك نوقف نطل .. عبدالله:لااااء هه اخاف تطيحين انتي بعد وابلش بعمري قلت بخبث وعشوائيه:ليش وش بيصر لو طحت ؟؟ عبدالله ضحك:برمي نفسي وراك هههههههههه .. ونصير شهدااء ضحكت معه من قلب .. ياربي الا ابي نوقف .. تعدينا الجسر وبعد الجسر فيه بياعين بليله وخرابيط وكذاا انا:عبود لف يمين .. بلييييييز عبدالله هدى من سرعه السياره ولف يمين:ليش .. انا سكت ما عرفت وش اقول .. اقول له ابي بليله .. لا وع انا ماحب الي يسوونها هذولا .. احسها وصخه .. وما راح اكلها .. عبدالله:وش فيك ؟؟ تعبانه .. ؟ انا:هه لا وش تعبانه بس .. طالعت الكحل الي بيدي وقلت بعفويه وعشوائيه:وش رايك احط لك كحل ؟؟ عبدالله على وجهه علامة استفهااام اما انا اعجبتني الفكره واصريت عليها:والله فيه رجاجيل كثير يحطون كحل .. بس بشووف كيف يطلع شكلك بليز بليز عبودي عبدالله عاقد حواجبه ويطالعني ومستغرب انا قلت بيأس .. لو ايش يوافق .. بس لازم اصر على موقفي:الله يخليك .. احط لك ؟؟ هز راسه بإسه وهو مبتسم .. انا طالعته وانا مبلمه:من جدك انت ؟ عبدالله بعفويه:ايه .. انا حسيت انه ما فهم قصدي:احط لك كحل؟ عبدالله:ايه .. انا:كحل .. ورفعت الكحل الي بيدي:كحل هذا .. شي اسود .. يحطونه على العيون .. عبدالله:ايييه حطي لي .. انا:ههه من جدك انت ؟؟ عبدالله:مو انتي بتستانسين .. يلا انا بغيت انهبل .. ما عنده( لا )هذا .. يااااااااااااااربي اموت فيه مرره اموت فيه .. يجنن يا ناااس .. مافي مثله بشر والله العظيييم .. قربت منه بحماس:طيب تعال .. عبدالله عقد حواجبه:لالا .. هنا زحمه .. شوفي بطفي السياره وخلينا نرجع ورا حطي لي وخلاص ضحكت عليه يوم قال :: حطي لي وخلاص :: .. حلوه حطي لي .. والله انه يهبل .. فديته .. نزلت بسرعه :طيب يلا يلا .. عبدالله نزل وهو يضحك على هبالي .. ركبنا ورا .. طالعته وانا عاقده حواجبي:طيب كيف احط لك .. عبدالله بنص عين:مدري ..! اخذت نفس عميق .. مابي اقرب منه .. كنت ابهون عن الموضوع بس لساني مو راضي يتكلم.. مو راضي يرفض .. بلعت ريقي بخوف وقربت منه .. وانا ما انكر اني حسيته متوتر من قربي له .. الا كان متوتر .. وباين انه كان متوتر .. وانفاسه كانت سريعه .. لا لا طبيعي يتوتر .. اي بنت بتقرب منه بيتوتر .. مو لانه يحبني.. انا لازم ابعد هالافكار عن راسي بديت ارسم الكحل على عينه .. وكنت اذووووووب لحظتها ماني قادره اركز يدي كانت ترجف خفت اني دخل الكحل بعينه بعد .. كنت خايفه من قربي له يسمع دقات قلبي .. كنت خايفه يكتشف اني احبه .. وهذا الي انا مابيه .. حاولت اركز .. وامشي بخط مستقيم بس يدي خانتني .. من كثر ما ترجف مشى الخط بعيد عن عينه .. عبدالله ضحك:ههههههههههه دغدغتيني .. بعدت عنه وانا اناظر الجريمه الي سويتها بعينه:يووو خربتك .. كله منك تتحرك عبدالله يحك عينه:انا ما اتحرك .. انتي الي دغدغتيني .. ضحكت عليه وسحبت يده عشان ابعدها عن عينه:ياخي اعقل .. شفت وش سويت .. تلفت حولي واخذت منديل :انسدح بس .. عبدالله:ايش ..؟ انا:يوو بمسح لك الكحل انسدح .. عبدالله ضحك:طيب طيب .. انسدح وانا قربت منه امسح الكحل .. عبدالله:هههههههههههههه والله غصبن عني اضحك .. انا:ههههههههههههه انت اهجد وخلني اشوف شغلي فجأه رفعت راسي على صوت ضرب على قزاز شباك السياره .. انا رفعت عيوني اطالع وعبدالله لف راسه .. وكلنا انصدمنا .. اكثر انسان مابي اشوفه .. وبهاللحظه بالذذاااااااااات ..! انا بديت استوعب من هذا .. لمن شفت الشماغ من غير عقال .. واللحيه معفيه .. ونظراته الي يطلع منها شرار اول شي تبادر بذهني مطوع ؟؟ الهيئه ؟؟؟ وش جابهم هنا ؟؟ لحظه .. انا ابي استوعب وش السالفه رجعت اناظر عبدالله وانا مستغربه .. ناظرت احنا كيف جالسين ؟؟؟ الساعه اربع الفجر ؟؟؟ بمكااااااان شبه خالي ..؟؟؟ ايش بيفكرون ؟؟؟ دموعي على طول نزلت لا اراديا .. عبدلله عدل وضعه وفتح الباب ونزل .. وانا اطالعه ينزل وخايفه .. عبدالله تكلم على طول:والله العظيييييم ماهو الي في بالك .. المطوع مسك عبدالله بعنف مع ثوبه:انت ما عندك خوات تخاف عليهم ..؟ انا نزلت بسرعه يوم شفت عبدالله كذا ..انا الغلطانه كله مني .. الحين وش بيفكنا منهم ذولا ... كنت ابي اقول اي شي بس المهم يترك عبدالله بحاله نزلت بسرعه:والله ما صار شي كنت احط له الكحل حتى شوووف عيوونه المطوع ناظرني:تستري يا بنت ارتبكت وغطيت وجهي بسرعه وانا اطالع عبدالله وابكي .. المطوع بصراخ:وش صلة القرابه بينكم انا وعبدالله تكملنا بسرعه وبنفس الوقت بس ما توافقت اجاباتنا لاني قلت :ولد عمي وهو قال :بنت خالتي.. هو صح علي وعلي انا تعودت انه ولد عمي .. وانا اصلا بنت خالته .. وهالاجابات المتناقضه زادت الطين بله المطوع سحب عبدالله:امش بس .. ناس ما تخاف ربي .. انت ما تخاف من النار .. استغفر الله .. استغفر الله .. التفت علي:وانتي اركبي السياره .. رجعت السياره بخوف وانا اطالعه يكلم عبدالله .. وعبدالله يسكت كأنه يفكر ويتكلم وهذا يهز راسه ومكشر .. دقايق بس واتجه للسياره .. بديت اقلق اكثر .. لو مسكوني الهيئه .. سمعتي بتروح فيها ..! ياربي اكيد ما صدق الكلام الي قاله عبدالله.. يعني في البدايه قلت انه ولد عمي .. اففف .. لعنت هالكحل اللي خلا هالموقف البايخ يصير .. كنت ادعي ربي من قللللللب يفكنا منهم .. شوي زاد الاشتباك بين عبدالله والمطوع .. وسحبه معه سحب بااايخ للجمس حقهم .. انا هنا شهقت من الصياح خذوو عبدالله...! اوكي هاذي صدمه .. بس الي ما توقعته بعد .. لمن جاني المطوع وخذاني للجمس معه .. حرام عليهم .. مو كذاااا عااد .. هم ما يدرووون وش السالفه .. ركبت وانا ابكي وابكي .. طول الطريق ادعي ربي يخلونا .. بس وين ..! ركبنا الجمس .. يعني بيودونا اقرب قسم هيئه .. ياااااارب سترك .. طيب انا في ستين داهيه بس عبدالله وش بيسوون به .. يااااارب .. يااارب يتركووونا كل شي كان يمر بسرعه .. سألوني اسأله كثيره .. ليش طالعه معه .. و ليش كنتو ورا .. و و و .. انا قلت الصدق بس كنت عارفه انهم مستحيل يصدقون .. من جديد اذكر نفسي كانت الساعه اربع الفجر .. وانا وياه بالمرتبه الي ورا .. ! مافي مجال يعني .. الي قاهرني وش جاب الهيئه بذاك المكان .. انا هدت اعصابي شوي لمن قالو لي دقي على اهلك يجون ياخذونك ما كنت داريه انو باكل تبن لو بابا جا هنا .. فكرت ادق على حمد .. بس ما عندي رقمه ..! ههه زوجي يجي ياخذني من مركز الهيئه كان اموت .. كنت مستبسطه السالفه .. هم ما سوو لنا شي غير الاسئله .. اكيد صدقونا .. وبطلع وما راح يصير لي شي .. جا بابا عشان ياخذني .. اول ما شفته .. كان .. معصصصصصصصصصب ومكشر وكل ابو كل شي .. انا حسيت ان هالشي طبيعي ..بس بيرضى لمن اقوله السالفه اكيد .. اول ما شفته تحمست:بابا.. بابا بعدائيه:امشي الله لا يبارك فيك انا انصدمت من ردة فعل .. طيب ... طيب على الاقل يسمعني .. هذا مو بابا .. رحت مسكت يده:بابا طيب اسمعني بابا شد على يدي:خلاص اذا طلعنا المطوع تكلم فجأه:يا الاخو .. انت هنا ولي امر الكريمه سابقا قبل زواجها .. بس الاسماء تختلف .. بأي حق تمسك يدها .. ولا الفجور منتشر بكل العايله .. ؟ بابا بان انه عصب من كلامه .. بس مسك اعصابه طبعا .. وانا انقهرررررررت مرره .. وش يحس .. هذا وهو مطوع بعد .. الي مفروض يكون قدوه حسنه يقول هالكلام ..!؟ بابا ببرود اعصاب:هذا وانت اعلم بالدين مني ..! قال ربي حرمت عليكم بناتكم وامهاتكم وعد معها واربابكم الاتي ربيتم يا خوي .. وهذا ربيتي .. وربي جعل حرمتها علي مثل حرمة بنتي.. الطموع سكت وهز راسه وابتعد وهو يتحلطم .. وبابا ترك يدي ومشى .. وانا لحقته وكنت منزله راسي للارض .. يمكن احسس بنفسي بسخافة الموقف الي انا انحطيت فيه صحيح محد غلطان بس ... اففف ركبنا السياره وكان هدوووووء .. كنت خايفه اتكلم..ويطب فيني .. بس لازم .. تشجعت وقلت:بابا انت ما تدري وش السالفه بابا وهو مركز عالطريق:قالي عبدالله .. انا بلعت ريقي يوم قال عبدالله .. سألته بفضول:طلعوه .. ؟ بابا غير شكل شفايفه:جلدوه وطلعوه .. انا استوعبت الكلمه بالبطئ .. جلدوه .. قلت بإستنكار:شلون جلدوه ما فهمت ..! بابا:طقوه .. كفخوه .. ضربوه .. وكله من هبابك انا دموعي صارت تطيح لا اراديا .. ضربو عبدالله ؟؟ كله مني ؟؟ والله اني حيوا** .. حسيت بذنب فضيع .. بابا انفعل من صياحي:شوفي ان كانك كلمتي ولد اخوي مرتن ثانيه ولا شفتيه ولا ركبتي معه ما يصير لك طيب انا زدت بكي .. ليش قال :: ولد اخوي :: يعني انا مو بنته ؟؟ طيب مو بنته .. بس على قولته مو بحرمة بنته ؟؟ مو هو متبنيني برضاه ؟؟ جرحني كلامه .. غير الي صار .. وغير ضربهم لعبدالله .. وما بقى لي الا دموعي .. خايف على ولد اخوه .. طيب وانا وسمعتي .. يعني لو حمد درا الحين وش بيصير .. بابا:الحين اصبح الصبح ابوديك لبيت رجلك وتقولين له انك نمتي عندنا مناب ناقصين فضايح .. طالعت الساعه بالجوال .. الساعه سبع الصباح .. طولنا عند الهيئه ..! افففف .. ابي افهم وش جيب الهيئه هنااك قهرووني ...وليش يضربون عبدالله ما عندهم تفاهم ابد .. انا ما كنت اكرهم بس الحين غصبن عني شي لا ارادي .. ومو كره بعد .. خوف اكثر .. طيب بابا قال لا اكلم عبدالله ابدن ..! حرام عليهم .. ابنتحر لو ما اشووفه .. بس هذا كله مني .. هه انا اصلا ما فكرت زين مفروض هذا الي يصير .. مفروض اني انسى عبدالله خلاص انا على ذمة رجال ثاني .. ولو ان عبدالله يحبني كان بان انه يحبني وهذاني اشوفه فرحااان ويسولف وانا توني ما كملت شهر على زواجي .. يعني مستحيل .. |
البارت الخامس والثلاثون انا شكلي العب على نفسي .. دنيتي ما جت على كيفي ابدن .. في ولا شي .. شهقت بالبكي وانا اتذكر كيف عشت حياتي كلها .. صحيح اضحك .. واستانس شوي .. بس تجيني لحظه وحده بس اتذكر شي يجرحني .. يكون هالجرح مؤلم كثير .. وكل مره اتذكر انا وش مريت به بحياتي .. العن اليوم الي انولدت فيه .. نزلت البيت .. ودخلت غرفتي وحطيت راسي ابنام .. بس ما قدرت .. كنت افكر بعبدالله .. ياااربي وش بيصير لنا ..! ضاق صدري مره .. اكره الدنيا .. اكره كل شي .. اسغفر الله انا عارفه ربي كتب ان هالاشياء تصير لي بس انا معد اقدر استحمل .. ماااني عارفه ايش اسوي او كيف احوق عمري .. كل شي غلط بغلط .. بس انا عرفت وش بسوي .. انا بعيش حياتي زي ما هي قرار قد قررته من قبل وما تمسكت فيه .. بس هالمره غير اذا ابي اصير مرتاحه لازم اضغط على نفسي .. وامشي زي ما القدر كاتب لي امشي .. تقلبت بالسرير ماعرفت انام .. طلعت برا لقيت حمد عند التلفزيون والانوار مطفيه ونور التلفزيون هو الي طاغي عالمكان .. تنهدت وجلست جلست عنده .. هو ما التفت .. يناظر .. وانا جلست اناظر معه الفلم وكلن ساكت .. بعد ما جا الفاصل التفت علي :ليش ما نمتي ؟؟ جلست اطالع فيه .. ليش ما نمت ؟؟ هه .. وهو يهمه يعرف .. كان من زمان ودي اعرف هل انا اهم هالانسان ولا لا .. باللحظه الي كنت اصرخ فيها واترجاه يمد لي يد العون وانا مجرد طفله ضحك بوجهي ومشى .. والحين مهتم ؟؟ وهو مغصوب علي .. غريب صراحتن .. قلت لا اراديا:حمد .. حمد بنفس هدوئه:نعم توهقت .. ماعرفت ايش اقول .. كنت بس بناديه .. حاولت اجمع افكار بشكل سريع:انت تكرهني؟ حمد يرجع يطالع التلفزيون: يمكن .. ويلتقت ويطالعني .. ابتسمت وطالعت يدي الي كانت بحظني .. ابي اهرب من نظراته الغريبه .. بهاللحظه خنقتني العبره .. لو ان عبدالله مكانه الحين ..! لا .. انا لازم انساااه .. واعيش حياتي زي ما قررت اني اعيشها .. رفعت راسي وقلت:طيب .. ما قد سولفنا زي الناس .. سولف معي .. حمد ابتسم:ايش تبيني اقول .. رديت له الابتسامه .. حسيت بالحنيه بصوته .. ماهو شرير حمد .. عرفت من صوته ان قلبه ابيض .. اكيد اني كاسره خاطره .. انا:قول الي تبي .. حمد:عدلتي لون شعرك ؟؟ هزيت راسي بنعم وانا مستانسه انه لاحظ .. حمد:احسن .. كنتي بقره اول .. اففف .. قهرني.. اي حنيه و اي خرابيط ..! يقول عني بقره .. سألته بفضول:انت كذا دايم تحطم ؟؟ حمد:على حسب .. انا واحد احب الصراحه .. تكلمت بعفويه:بس الصراحه الزايده ماهي حلوه حمد:كل واحد وقناعاته .. صح .. هزيت راسي:صح .. كل واحد وقناعاته .. اوكي انا وش قناعاتي .. اذا انا مقتنعه بشي ليش اسوي عكسه .. انا عارفه اني احب عبدالله .. ليش اتجاهل هالشي .. انا عارفه اني مجروحه من كلام بابا ليش اتجاهل هالشي .. اشيااء كثيره انا مقتنعه فيها .. ليش اسوي عكسها ليش؟ حمد:ليش تبكين ؟؟ رفعت راسي وانا مستغربه .. :هاه .. ابكي ؟؟ انا ابكي .. ؟ حسيت بشي بارد على خدي .. تحسسته بسرعه .. دموعي طاحت وانا مدري ؟؟ لهادرجه انا مجروحه ومنقهره ؟؟ مسحتهم بسرعه .. :لا ولا شي بس .. المكيف على وجهي على طول ودمعت عيني منه حمد تنهد .. وانا جلست اطالعه وابتسمت:حمد .. انا اسفه .. حمد:على ايش؟؟ ما عرفت اجاوبه .. انا اعتذرت له لاني حاسه اني غلطانه .. حسيت اني حرمته من حبيبته .. وسببت له قلق بحياته .. بس استغربت من هدوئه .. ؟؟ ذكرني بعبدالله .. نفس الحنيه .. لا مستحيل يتشابهوون .. بس مدري انا:ولا شي .. حمد:ترا بعد اسبوع بروح عند اهلي .. وابيك تجين ؟؟ رفعت راسي:لا شكرا .. اروح هناك وش اسوي .. ناقصه انا ..! حمد:لازم تجين .. انا:وليش انشالله ؟؟ حمد:لانهم مقتنعين انك تبين واني ابيك .. وامي تعبانه وماهي ناقصه .. رفعت حاجب:اها يعني على حسب قناعات اهلك انا الي اتوهق .. حمد:بتجين ولا شلون ؟؟ لا انا من الاول قايله اي حنيه واي خرابيط الظاهر عشانه دايخ قام يلهوس قلت وانا رافعه خشمي:انننننسى ارجع لذااك المكااااان .. انا حتى اسمي كارهته ..! حمد:موب على كيفك ؟؟ قلت وانا اتهزا:وعلى كيف مين انشالله ؟ حمد بصراخ خفيف:بتجين ورجلك فوق راسك .. وقفت وقلت بكبرياء:والله انا مو خروف تجرجرني على كيفك .. هذا الي ناقص حمد وقف:شجون اقولك امي تعبانه ويصرخ:تفهمين انتي رميت الخوداديه الي كنت ماسكتها على الكنبه عشان اعبر عن غضبي:مالي شغل فيها انااا ومشيت لغرفتي... هذا الي ناقص يبي يرجعني هناك ..؟! انا مستحيل ارجع هناك لو ايش يصير .. قال ايش قال مو على كيفك .. اجل على كيف من يا الباايخ .. بس ما امداني اتحرك الا مسك ذراعي بعنف:وقفي وكلميني التفت وسحبت يدي الي عورتني .. ما كنت ابي ابين له هالشي .. بس كنت ابي ابين قد ايش انا منقهر من حركته .. صرخت بوجهه:لآ تلمسني فااهم ..! حمد:شجون لا تطولين السالفه وهي قصيره بتجييييين فاهمه دمعت عيوني واانا اطالعه .. خفت مرره وقامت كل اطرافي ترجف .. هل قد الصرااخ يأثر فيني .. ؟؟ هزيت راسي بنعم كنت ابي اهرب من صراخه بأي طريقه حتى لو كنت ابخضع لأوامره .. دخلت غرفتي وضربت بالباب وحظنت وسادتي وجلست ابكي .. مابي صوتي يعلا مابي ابين ضعيف عنده .. حاولت وما قدرت هو خلاص شافني ابكي قبل شوي .. تمسكت بالوساده اكثر وانا ابكي بقهر احس اني كل ما اضغط عليها افرغ من حزني شوي .. كل شي حولي مسوي لي قلق .. عبدالله حمد ماما بابا ليلى كل الناس .. محد راااضي يفهمني او يفهم انا ايش احس به كلن يبي يمشيني على كيفه كأني لعبة خشب معلقه بخيوط هم يتحكمون فيها .. تعبت من البكي لحد ما استسلمت للنوم .. كنت اسكر عيوني بشويش .. واللون الاسود بدى يتلاشى .. صوره قديمه .. شي قدييييم حييل .. دم .. وطفله .. وناس .. ودموع ... اسمع صدى صوتي وانا اصرخ اتركوو جدتي .. شوي بدت الصوره تتلاشى لأصوات اغاني .. كان عرس .. وفيه عروس وعروسه ما بانت ملامحهم بس كنت اعرفهم .. كنت جالسه .. وبجمبي حرمه وبيدها طفله صغيره نايمه .. طالعت بالرجال الي كان واقف جمبها ويتأمل بنته .. كان ... كااان بابا الله يرحمه .. حتى وانا بالحلم لحظتها عرفت انو هذي ماما وهذا بابا .. وهذي انا .. كنت بنفس عمري الحين جالسه اطالعهم .. كانو سعيدين .. كانو صغار .. ماما كانت كبري او اكبر مني بشوي .. جا طفل صغير يركض لماما وهو مبتسم .. مدت له ماما الطفله الي بحظنها .. الي انا تأكدت انها انا .. وشالها بكل حنيه وباسها مع جبينها .. انا استغربت من تصرف ماما ... طفله صغيره تعطيها طفل ما تجاوز عمره ثلاث سنين .. ؟؟ كنت توني بعترض عالموقف .. بس تلاشت الصوره قدامي .. قمت على صوت جوالي .. فتحت عيوني .. انا بغرفتي .. تأففت بقهر ورديت من غير نفس:وجع ماما:صحيتك من النووم ؟؟ افف ماني رايقه لماما انا عارفه انها بتكلمني بموضوع الهيئه:ايه ماما:انا بجيك .. قومي غسلي وجهك وصلي فروضك على بال ما اوصل ابي اكلمك بموضوع .. تجي .. وين تجي ؟؟ هناااااا ..! انا:لالا ليش تجين انا بجيك الحين .. ماما بإصرار:شجون .. قومي صلي وانا بجيك فاهمه وسكرت بوجهي .. انا قمت بسرعه من غير تفكير غسلت وجهي وتمضمضت حتى ما فرشت اسناني .. توضيت بسرعه وصليت .. بعد ما خلصت فصخت الجلال وانا اصرخ:جاااااااااااانيييت .. جااااااانيت .. اف هالشغااله غبيه ما تمسع .. علا صوتي وانا اناديها واطلع ملابسي من الدولاب .. دخل حمد وهو يصرخ:وجع وجع وش فيك .. التفت بسرعه:حمد ماما بتجي انا ما ابيها تدري اني انااام هناا .. حمد رفع حاجب:ليش؟؟ طالعته بإستحقار:والله نفس السبب الي يخليك تغصبني اجي معك عند اهلك .. جانيت دخلت:نأم ماما .. انا:بسرعه ودي ملابسي غرفة بابا حمد .. كلللها .. حمد:مشالله وكم بتقعدين عندي؟؟ طالعته بنص عين:اسمع مو من زينك بس لمن ماما تروح .. حمد:يا غبيه انتي وش دراك ان امك بتروح تفتش الدواليب عشان تعرف انتي تنامين وين .. قلت تسكيته:حمد اوص .. وطلعت كومة ملابس ورحت ركض لغرفة حمد فتحت جهه من الدولاب فاضيه وحطيتهم فيها .. وكملت جانيت باقي الملابس وانا ساعدتها شوي .. بدلت ملابسي ومشطت شعري .. ورتبت السرير عشان ما تحس انو فيه احد نايم هنا .. وانا اروح واجي وحمد واقف ويناظرني ويضحك .. وقفت وطالعته:انت وش تحس به ؟؟ حمد هز راسه:كل ذا ما تبينها تدري اننا ما ننام مع بعض ؟؟ انا:ايييه .. اففف عليك مخ .. حمد:طيب واذا درت .. انا:حمد ..يا غبي فكر شوي .. انا مابيها تدري اني ماني مرتاحه معاك حمد:مشالله قوية عين تقولينها بالوجه قلت بإستحقار:طبعااا .. حمد:طيب واذا درت انك مو مرتاحه معاي .. وش بيصير يعني ههه .. غبببييييه انا:أول شي لا تقول غبيه ثاني شي لو درت بيأنبها ضميرها وو ... لحظه انت وش دخلك اصلا مشيت عنه وانا اهز راسي .. هذا الي ناقص .. بس تذكرت شي ورجعت بسرعه:حميييد بليييز ابيك .. ابيك تمثل قدام ماما .. حمد:لا قلت بقهر:لييييييييش ..؟! حمد:وش بستفيد .. قلت بنص عين .. عرفت اني اقدر افشله الحين:ياخي الي بتسويه معي بسويه معك .. حمد:قصدك لمن ... اهاا .. مشالله ما يطووفك شي .. بس انا بنااااااااااااااام .. قلت بسرعه:اااحسن فكه .. ولا تقووم الا اذا راحت .. حمد:طيب يا ويلك لو دخلتي وازعجتيني .. قلت بهمس وانا امشي عنه:من زينك .. اممم الساعه اربع العصر ..؟ جلست عالكنبه وفتحت التلفزيون ابي ابين انو كل شي عادي .. كنت متوتره وخايفه في اي لحظه ماما بتجي .. طين طون .. رن الجرس وقام قلبي يدق اكثر .. راحت الشغاله تفتح .. وسمعت صوت ماما:شجون وين ؟؟ جانيت:هناا مدام .. دخلت ماما وطالعتني .. انا من شفتها وقفت .. يااربي حاسه بتهزيئه بتجيني الحين .. ماما بنص عين:مشالله مستانسه .. اعجبتك الشقه ؟؟ قلت وانا متوتره واحاول اخفي توتري:ايييه مرره تجنن .. ذوووقكم جونان انتي وبابا ماما تجلس:وين زوجك ؟؟ جلست:هاه ... حمد نايم .. مسكييين تعباان .. ماما:مسكييين هاه ..والله لو يدري ان قاطعتها:اصلا حمد داااري اخذت نفس عميق انا ابي اهرب من تهزيئها ماني ناقصه لها هي مستحيل تسأل حمد اعرف ماما تستحي .. وحتى لو سالته هو بيسلك لها .. ماما:داري ..؟ وش سوى ؟؟ حاولت ابين ثقتي بنفسي:ماما زوجي يحبني وانا احبه وواثق فيني ومصدقني .. ماما:زين .. شجون سوالفك هاذي فيها خراب بيوت انا دمعت عيوني:ايش سوالفي هاذي انا شسويت والله العظيييم جالسه احط له كحل بس هم جو بوقت غلط .. ماما:شجون انا ما جيت عشان ابيك تبررين لي اسبابك انا جيت لاني امك ولازم انصحك يا بنتي ترا الزوج ما راح يغفر لزوجته كل خطأ ترتكبه .. ياااااااربي رجعت تقول خطأ .. وش خطأه ..؟؟؟ انا ما سوووووويت شي غلط ليش مو راضين يفهمون .. يوم حسيت ان دموعي خلاص بتنزل لفيت وجهي عنها وقلت:طيب انشالله .. عقب تسليكتي هاذي بدت وحده من محاضراتها الطويله .. مرت ربع ساعه وهي تهذر فوق راسي لحد ما طفشت منها وقاطعتها :ماما انا فاهمه ايش قصدك خلاااص .. ماما هزت راسها:الله يهديك .. انا:ماما لا تتكلمون بهالموضوع بعد اليوم بليز .. ماما:الا بنتكلم علاقتك مع عبدالله ماهي كويسه .. عبدالله يا قاطعتها:ماما لا تعيدين علي كلام زوجك .. وقمت عنها انا بهاللحظه لو قعدت بتفضحني دمووعي .. رحت المطبخ .. اول ما دخلت بديت ابكي .. طلعت كل الي بقلبي .. غسلت وجهي .. وصبيت لي ولها عصير وجيت .. مديت لها العصير بهدوء:تفضلي .. ماما تاخذ العصير بنص عين:زاد فضلك .. فجأه طلع حمد ووجهه مفقع نوم:جااانيييت وييين ثوبي وقف فجأه منصدم وهو يناظر ماما .. انا ضحكت على شكله .. الظاهر انه نسى انها بتجي .. وماما ما التفت عليها عشاان اشوف وش ردة فعلها ههه .. قمت ورحت له وانا احاول امسك ضحكتي انا:صحح النوووم .. حمد يطالع ماما ويطالعني:صح بدنك .. صووووووته رايح فيها من النوم ههههه اول مره اشوف شكله كذاا .. حمد:هلا خالتي .. ماما:هلا وليدي .. اسفين ازعجنااك .. حمد:هاه لا شدعوه حياك .. انا بس ابطلع للدوام .. بغيت اضربه مع راسه هذا المجنون اليوم الجمعه مافي دوااام .. انا:حبيبي اليوم اجازه صح .. التفت وطالعني وقال بهمس:ايش حبيبي هاذي استحي على وجهك .. رحت وجلست عند ماما وطالعته بنص عين:ماما شووفي حمودي مستحي منك .. ماما هي الي مستحيه منه هههههههههههه وساكته .. يا حليلها هي ما تعودت تكلم احد او تمون عليه وهي ما تعرفه من زمان .. رجال يعني .. ماما:يلا انا استأذن الحيين .. وقفت معها:ماما تو الناس حمد:بدري خالتي ماما:لا ابوك بيجيني الحين قال لي لا تطولين .. انا:مشاللله انتهى قانون حظر التجول ؟؟ ماما طالعتني بنص عييين ومشت:مع السلامه .. ضحكت وانا اطالعها تمشي ومستحيه من حمد:مع السلامه .. اول ما سمعنا صوت الباب حسيت بشي يضربني مع راسي: اذا قلتي حمودي مره ثانيه احش لك رجلك انا استوعبت .. يضربني انااا ..؟؟! ضربته مع كتفه:هيه لا تضرب .. منب اصغر عيالك .. حمد بنص عين: اصغر عيالي عقله اكبر منك .. كتف يديني على بعض .. كنت ابي الاقي رد بسرعه لاني لو سكتت ببين اني جبااانه .. قلت بكل ثقه وبرود: استفزني زياده وما فيه روحه لعند اهلك حمد يركض للباب:خاااااااالتي ام ش انا انهبلت وش جالس يناديها هذا .. رحت سحبته مع بلوزته :لالالالا خلاص اهجد .. بجي ياخي بجي حمد التفت وطالعني بحقد:ايه زين .. ولا كنت اب قاطعته:اصلن ماما راحت يعني لا تنبسط حمد يروح للباب:اتأكد راحت ..؟ رحت اسحبه وقلت من بين اسناني:حمد بلا حركات بزارين .. طالعني بإبتسامه وهز راسه ودخل غرفته وهو ينادي الشغاله .. وانا رحت جلست عند التفزيون .. ومااااااني معاااه ابد .. كتت افكر بكلام بابا وماما... معقوله .. ما اشوف عبدالله ولا اكلمه .. يعني حتى يوم طلعت من تحت يديهم وصارت لي حياتي الخاصه صارو يتليقفون فيها .. تنهدت .. لا هذا ولد اخوهم يعني لازم يسوون كذا .. مو عشاني .. لانهم يحبونه وخايفين عليه مني .. زين انا وش اسوي ؟؟ هم خايفين علي من حمد ولا خايفين على عبدالله .. اصلا يخافون على عبدالله من ايش .. الله يعين .. انا مدري كيف ابتسحمل .. بس هذا الي ربي كاتبه ولازم ارضى .. العبره بدت تخنقني .. بجلس مع حمد طول حياتي .. هالشي غلط وانا عارفه اني ما راح اقدر استحمل .. تلفت حولي ادور مناديل امسح دموعي قبل ما يجي حمد .. بس ما امداني طلع من غرفته وانا امسحهم .. حمد بتعاطف:وش فيك دايم تبكين ؟؟ انا حسيت انو ودي احكي مع احد .. طالعت حمد ثواني وقلت:ماما هزأتني .. حمد يجلس:ليش ؟؟ انا:بس فيه شي .. انا ما غلطت فيه ويبون يحملوني الغلط هذاا .. حمد عقد حواجبه:وش هالشي .. انا ما استوعبت لحظها هذا الكائن مين .. او وش بتكون ردة فعله ..انا لحظتها كنت حاسه اني منهاره .. ومقهوره من الظلم الي اكلته .. كنت بس ابي اشكي لاحد .. بديت ابكي واقول له وش صار بقهر .. كنت اتكلم عشان ابي انسان واحد بهالدنيا على الاقل يحس اني مظلومه بالسالفه .. كنت اقولها بكل عفويه .. ودموعي تصب بشكل غريب .. من القهر .. كنت اتكلم واحاول اطلع كل الهموم الي بقلبي مع هالسالفه .. بعد ما سكتت رفعت عيوني الي كنت اطالع فيهم بشكل مغبش من الدموع .. ما طالعت ملامح حمد زين بس كنت انتظر منه كلمه .. حمد بنبره ما عرفت افسرها:عبدالله هذا اذا دريت انك محاكيته ولا قاطعته:انتو وش فيكم اقولك الولد اخوي انا وياه رابين مع بعض افهممممني .. وقفت بإنفعال:انا اساسا يوم اقولك ما كنت منتظره منك اوامر كنت ابي اطلع الي بقلبي وبس ... بس مشكلي انو ما قدامي الا واحد عديم احساس زيك .. ما انتظرت رده رحت بسرعه على غرفتي وقفلت الباب وراي وانا ابكي .. دايم الناس كذا .. مابي احد بهالدنيا كلهم فاهميني غلط .. كلهم مكبرين الموضوع .. حمد انا ما اعرفه ليش ضعفت وقلت له عن الي بقلبي .. هذا وهو ما يدري اني احب عبدالله لو درا ايش بيقول اصلا من متى انا اشوف عبدالله عشان يمنعوني عنه .. بس كلامهم صح .. كفايه انه انضرب عشاني.. مسكت جوالي كنت ابدق اعتذر منه .. مع اني كنت متأكده بداخلي اني داقه اشكي له .. رنات الجوال كانت بطيئه وثقيله بالنسبه لي .. حسيتها بتذبحني ... ليش مو رااااضي يرد ... رن الجوال ورن ورن .. لحد ما يأست منه .. بكيت بقهر اكثر وتوني برميه الا سمعت صوت عبدالله الي كله نوم :شجن تخدر كل شي فيني .. ما كنت عارفه ايش بقول له بالضبط .. تركت دموعي هي الي تحكي .. عبدالله:شجن شفيك تبكين ؟؟ شهقت بقوه كنت مابي اتكلم ويبين صوت القهر بصوتي.. عبدالله انفعل:وبعدين بتقولين لي انك طحتي زي المره الي فاتت .. شجن قولي لي جد عاد حمد مضايقك .. مزعلك ؟؟ انا هنا حسيت انو لازم اتكلم لازم اقول له عن الي بقلبي زي ما كنت اسوي زمان .. مسحت دموعي وقلت:لا حمد ما سوى لي شي بس .. ماما وبابا ما يبوني اكلمك .. عبدالله : .................... انا تضايقت من سكوته .. اكره شي بالدنيا عندي لين سكت عبدالله .. ودي اكتشف الغموض الي في هالولد شوي ماني عارفه .. بس ما اشغلت بالي بالتفكير.. كفايه انه يسمعني الحين .. وحاس بدموعي .. كفايه اني احسه قريب مني بهاللحظه .. لجل صوته ابيع الدنيا كلها .. اذا انا الحين حاسه بالامان مابيه يتكلم .. يسكت زي ما يبي .. بس يبقى معي عالخط .. وكانت ربع ساعه .. ويمكن اقل بكثير بس يمكن لاني احس الوقت يمر بشكل بطئ يقطع الاعصاااب تكلم اخيرن وقطع الصمت:وقسم بالله انه حمد .. حمد اللي مخليك تبكين .. انا بدت دموعي تقل شوي شوي ..: لا تحلف .. ماهو ضروري عبدالله بحنيه:شفتي انه حمد .. ليش تكذبين علي ..!؟ رجعت ابكي بقهر:بس هو ما سوى شي هو بعد ما يبيني احاكيك .. عبدالله سكت ثواني وتكلم:شجون.. هذا زوجك اكيد بيقول كذا .. لا تزعلين من كلامه .. كيف ما ازعل من كلامه .. ليش سكت .. ليش ما يكمل ويفهمني .. ليش دايم غامض .. ؟؟؟ ما فهممممت .. شلوون ما يبيني ازعل ؟؟ هو مو هامه .. حسيت بهاللحظه اني اكره عبدالله .. مو لسبب غير اني حسيت اني ماني مهمه بالنسبه له حسيت اني ولا شي عنده .. وزادت دموعي اكثر .. حتى الانسان الي حبيته وحسيت انه الوحيد الممكن يفهمني باعني .. من اروح له انا ..!؟ عبدالله بحزن واضح وبهدوء اشبه بالهمس:شجون بس انفعلت عليه:عبدالله ليش مو راااضي تفهم .. انا ..... أ .. انا .. خاني لساني لحظتها .. وش اقوله .. احبك ؟؟ وافضح نفسي قدامه .. واطيح من عينه .. هو ايش بيقول عني .. وحده متزوجه وانا اعتبرها اختي تجي تقول لي احبك بكل بساطه .. الموضوع اكبر من كذا..! عبدالله:شجن خلاص انا قلت لك... كلام حمد صح .. لا تدقين علي بعد اليوم .. انا بكره مسافر جده ... بس طلبتك ...... امسحي رقمي .. وانسي انو كان لك اخو اسمه عبدالله لانو مات لمن تزوجتي ... بس قبل ما اقفل انا بقولك شي واحد بس .... انتي تغيرتي معي .. انا ما اقول للأسوأ بس ما اقدر اجزم انو للأفضل ..! ... ولا راح اسألك ليه ... بس الي غيرك غيرني .. عارف انك فاهمه علي كويس ..... الله يوفقك مع حمد ... من جد محظوظ فيك ...... ودعتك الله .. وسكر من غير اي كلمه ثانيه .. سكر وانا ماسكه الجوال ومنصدمه بالكلام الي قاله .. امسحي رقمي .. لا تدقين .......... اكثر شي جذبني ( انسي انو كان لك اخو اسمه عبدالله لانو مات لمن تزوجتي ) تعقدت افكاري .. وصرت بصراع بين دموعي وابتسامتي .. وبين قلبي وعقلي .. العقل يقووول ان عبدالله بايعني وما يبني وما اهمه ابد بما انو قال لي اني امسح رقمه ... وقلبي يقول لا عبدالله يحبني هذا الي فهمته من كلامه .. عجزت افكر ... حطيت راسي عالتسريحه ومسكت راسي .... صدع بي راسي من كثير التفكير... تعبت من هالدنيا .. تعبت من كل شي .. رفعت راسي .. وطالعت رقم عبدالله .. ضغطت بكل هدوء > خيارات .. وضغطت الزر الي ينزل لحد ما وصلت لكلمة " مسح " حركت اصبعي للزر اوكي ... وبلعت ريقي .. اذا ابي بالي يكون مرتاح .. لازم اتبع عقلي ... لان كلام العقل هو الصح مو كلام القلب .. عبدالله ما حبني ولا راح يحبني .. عبدالله باعني ....... لازم ابيعه ... ضعطت الزر من ورا قلبي... حتى لو مسحت رقمك بكون حافظته ... لاني كل يوم قبل ما انام اجلس اطالع فيه .. لاني عشقت الرقم بسبب صاحبه .. كيف ما احفظه .... اخذت نفس بعد ما ضغط زر اوكي ... لكن انفجعت .. السالفه اصعب من كذااا .... انا ما مسحت الرقم لحد الحين " مسح توام روحي ؟ " ..... نعم ... لا .... امسح .. ما امسح .. الحين ضروري يحطون تأكيد عالمسح ... توأم روحي هذاا .... حبي الاول ... والاخير بعد .... الانسان الوحيد بين سته مليار او اكثر بشر بهالعالم فهمني ... انا ما اقدر ابيعه حتى لو ما بغاني ... ترددت ... حطيت الجوال قدامي ورحت توضيت وصليت ركعتين ... بعد ما خلصت حسيت جسمي تعبان وراسي مصدع .. حطيت راسي بهدوء فوق السجاده وغمضت عيوني .. بجلال الصلاة .. وفوق السجاده .. متى برتاااح ..!؟ سكرت عيوني وسرحت بخيالي .. سرحت بعالم ثاني .. مافيه هموم .. ومافيه دموع .. ولا ظلم ... ولا جروح .. عالم طفولي جدن .. عالم جميل .. الوانه ناعمه وطفوليه وبريئه ... لو اقدر ابقى محبوسه طول عمري بخيالي هذا ابعيش مرتاحه .. بس هالعالم خيال .. والخيال ما ينوصل له ابدن .. قمت .. بس ما فصخت جلالي اخذت القرآن بيدي وجلست اقرى .. صحيح اني ما اقراه كثير بس كل مررره احس بضيقه امسك القرآن واقرى ... وصحيح كثير معاني ما افهمها .. بس مو هذا المهم عندي المهم اني جالسه اقرى كلام ربي ... اقرى كلام يحسسني بالامان .. يشغلني عن همومي .. يصفي قلبي .. كل ما اقرب لنهاية صفحه واعقد العزم اني بسكره الحين ما اقدر .. افتح الصفحه الي بعدها واكمل ... لحد ما تعبت عيوني .. سكرته وانا مبتسمه ... قريت جزء تقريبا .. شي حلو .. فصخت جلال الصلاة وانا احس براحه .. حسيت ذهني صافي .. مابي افكر بأي شي ... لا عبدالله ولا غيره ولا شي يعكر لي مزاجي .. تنهدت وفتحت قفل الباب .. طلعت بشويش من الغرفه .. لكن ما امداني اطلع الا سمعته يأذن المغرب .. رجعت توضيت وصليت وطلعت من جديد .. |
البارت السادس والثلاثون وقفت قدامه عاجزه ماني قادره اسوي شي .. جت الشغاله .. ومعها كاس مويه .. طيب وبعدين .. وش بسوي .. جبنا الكاس.. ؟؟! شلون اتصرف .. بلعت ريقي ومسكت الكاس بسرعه وكبيته على وجهه ... هذا الحل الوحيد عندي ..؟! حمد شهق وفتح عيونه .. اخذ نفس بسرعه ورفع عيونه وهو مرتاع ويطالعني .. بلع ريقه وقال بصوت مبحوح:وشو ..!؟ انا حمدت ربي انه قااام:حمممد حرارتك مرتفعه .. روووح المستشفى .. حمد عقد حواجبه:هاه .. لالا.. مافيني شي انا:شووووف صووووتك شلون قايل .. وحتى انت حار مره .. قلت بخوف:ياربي انا ماعرف اقيس حراره .. اصلا انت ما تقدر تسوووق وانت كذا .. حمد انفعل:اطلعي انتي وياها واتركوني انام .. انا انصدمت منه .. بس ما راح اتنازل عن موقفي:حمد شوووف كيف عرقااان .. حمد بنص عيون:وانتي وش شغلك .. انا وش شغلي ؟؟ هذا جزاي خايفه عليه .. مشكلتي طيبه معه زياده عن للزوم .. عطيته نظرة استحقار وطلعت .. بالطقاق الي يطقه .. وقفت عند الباب والتفت:جانيت طلعي باقي الملابس .. وطلعت بره من غير ما انتظر منها رد .. رحت عند التلفزيون .. بس ما كنت مهتمه باللي فيه كنت منقهره من اسلوبه معاي...مدري ليش يعاملني كذا مع اني كويسه معه كل هذا حقد .. ؟؟! وش سويت له ابي افهم .. ! انا وش ذمبي اذا اهله غاصبينه .. اصلا ما احس انهم غاصبينه ماهي داخله مزاجي .. رجال طول بعرض مغصوب ؟ لا اكيد هو يبي يطيب خواطرهم .. بس ...... يطلق عشانهم ؟! اففف انا اصلا مدري ليه افكر فيه .. ما يستاهل طفش .. ودي اطلع بس الوقت متأخر .. اصلا كيف اطلع و عيني كذا ... كله منه مو تاركني اتهنى بشي حسبي الله عليه فكرت ادق على ليلى اعتذر منها ..بس الوقت متأخر ؟ عااادي احنا اجازه كل الناس تسهر .. دقيت عليها بس مشغول .. أكييييد تكلم حبيب القلب سيف صراحتن انا ما فهمت هالثنين .. تنهدت بحزن .. على الأقل عايشين فرحانين بحياتهم ليلى أكبر همها طلاق امها و ابوها اللي عمرهم ما اتفقوا .. و مستعده تسوي اي شي عشانهم .. وسيف يقوم كل صبح وهو مبتسم لأنه أنقذ حياة فلان .. وساعد علان الزبده انو كلهم عندهم طموح .. طيب انا وش طموحي ؟؟ من يومني صغيره كنت ابني لي احلام تحققت صدق .. ! بس ما كانت بالروعه اللي كنت متخيلتها راح تكون ...... حمد كان حلمي اللي يوم تحقق كرهته وعبدالله كان واقع قدامي رفضت اني اتقبله ... لو اني متخليه عن هالحلم ورضيت بالواقع .. وش بتكون حالتي الحين ؟؟! نزلت دموعي زي كل مره افكر بهالموضوع .. ويييينك ؟؟ لو تدري قد ايش انا محتاجة لك .. لو بس تدري قد ايش احبك .. واني افكر فيك كل يوم قبل ما انااام .. واتعذب كل مره اتذكرك فيها .. ولو دريت .. وش راح يصير ... ما راح يغير من الواااقع شي ... ياارب ترزقه اللي احسن مني .. عبدالله يستاااهل .. انا ما نمت لحد الساعه تسعه الصباح .. لقيت حمد يمشي وهو يجرجر رجوله وباين ان حالته حاله .. لكن ما التفت له ولا كلمته حتى حمد بصوت رايح فيها:شوفي بالثلاجه فيه بندول ولا لا ؟؟؟ انا عناد رحت دخلت المطبخ بس ما دورت له شي .. صبيت لي مويه : فيه جانيت قول لها تدور لك .. حمد يصرخ بصوته المبحوح:وبعدين عن حركات البزران .. انا خفت منه .. يما حتى وهو مريض يصرخ .. بسم الله منه ذا .. بس فوق كل هذا ما التفت له ... كملت شرب المويه بهدوء .. دخل المبطخ وفتح الثلاجه بعنف وجلس يدور .. وانا اطالعه وماني قادره امسك ضحكتي .. تستاهل .. طلعت من المطبخ وتركته يحوق نفسه ونمت .. تقريبا مرت ثلاث ايام وانا ما اكلمه .. الا اذا هو كلمني .. وحالته مستحاله .. ما رضى يروح المستشفى شرا له حبوب حراره .. هو تحسنت حالته بس للحين تعبان .. احسن .. بالصيف وتعبان .. حووبتي يا ناس .. هه .. طول هالايام كنت متردده اكلم ليلى .. اذا هي بغتني بتدق .. مدري وش الي منعني .. ودقت صدق .. لاني يوم رفعت جوالي لقيت اسمها .. ترددت شوي بس رديت:الو .. ليلى:كيفك ..؟؟ لين الحين معصبه ؟؟ تنهدت بحزن:لولا انا اسفه .. ليلى:لا يا قلبي لا تعتذرين انا الي اسفه .. هو الي غلطان وانا لمتك انتي .. كانت دموعي على وشك النزول وانا اتذكر ضربته لي .. بس مسكتهم:عادي حصل خير .. ليلى:تطلعين معي ؟؟ هنا ما عرفت امسك دموعي:كيف تبيني اطلع وعيني كذاا .. ليلى سكتت شوي .. وتكلمت بصوت حنون:وعينك تمنعك من الوناسه .. ما عليك من حمد هذاا مو لانه ضربك يعني وقفت الدنيا .. البسي نظاره يا حلوه .. ضحكت على اسلوبها بالكلام .. وافقت اروح معها سكرت ورحت ابدل ملابسي .. وجلست ادور بأغراضي نظاره عملاقه .. لقيت وحده بايخه بس مو مهم اهم شي تغطيى مكان الضربه كلها .. وانا طالعه حمد بالصاله:وين رايحه ؟؟ بعدت النظاره عن وجهي وطالعته بنص عين:ابي اشم شوية هوا .. من زمان ما طلعت .. حمد:وليش ما تتغطين ؟؟ رجعت البس النظاره وانا اتفف:والله اذا صرت ماما .. تعال قول لي تغطي ولا لا تتغطين .. بس لانك مجرد واحد فاشل مالك حق تسألني .. حمد يضحك:طيب روحي ... روحي الله يرضى عليك بس .. انا استغربت من لهجته حسيت انو فيه شي .. ما اهتميت يوم جيت بطلع .. ما رضى الباب ينفتح .. صرخت بأعلى صوتي:حمممممممممممد .. ومشيت بقهر للصاله وانا مره متنرفزه:جييييييت المفتااااح .. حمد هز راسه .. رميت شنطتي عالكنبه:اقولك جيبه مو على كيفك تحبسني .. حمد:منب معطيك شي .. انا:والله لو ما جبته مو احسن لك .. رجع يضحك وهذا الي زاااااد حرتي .. رحت لثوبه الي كان مرمي عالكنبه الي جمبه .. اول ما شافني اروح للثوب قام وسحبه:خير خير ؟؟ سحبت منه الثوب:جييييبه .. الي خلاني اوقف مستغربه اني اول ما سحبت الثوب انسحب .. هاهاي .. لانه تعبااان مو قاادر علي .. ركضت بسرعه لغرفتي وانا اضحك وقفلت الباب .. دورت المفتاح .. لقيته بجيبه الي فوق .. اخذته وطلعت .. رميت عليه الثوب وانا اطالعه بنص عيون وابتسامه على جمب .. اخذت شنطتي وقلت بدلع:بي باااااااي .. حمد:والله كلبـ* .. طلعت لساني ومشيت عنه ... مسوي فيها رجال يعني .. بزر وبتبقى طول عمرك بزر .. ههههههههههههه دقيت على ليلى:لولا وين انتي واجيك .. ؟؟ ليلى:انا بتاو بالتحليه .. تعالي هناك .. ؟ تنهدت:اوكي .. يلا باي .. ركبت السياره وانا منقهره منها .. ضروري التحليه يعني .. هي عااارفه انو هناك كله شباب .. وانا صراحتن ما عاد ودي بحركات الاستهبال حقتها يعني احنا كبرنا على حركات التميلح هاذي بس انا بروح لها واقشعها هناك .. دليت السواق الطريق ونزلت .. وبدينا التعليقات البايخه .. طاولات الشباب الي برا مليانه .. ابي افهم .. هذا كفي .. وبعز الظهر والحر .. ليش الناس متجمعه برا .. ما فكرت اعطي احد وجه او التفت على احد الا واحد علق على عيني .. لمح كأنه مضروبه او شي زي كذا انا من ربكتي دخلت بسرعه .. اففف شلون درا ... معقوله النظاره ما تغطي لهادرجه .. توني بدق على ليلى الا حسيت بشي يجي جول خصري .. نزقت بروعه .. كل الي فهمته انو فيه احد قليل ادب ومحتاج تربيه وطاخ بالشنطه .. شهقت فجأه:لوووولا .. يؤ اسسسسسسفه .. ليلى كانت مكشره:هه لا عادي .. حشا وش حاطه بشنتطك .. تعالي انا جالسه هنا .. لحقتها وانا منصدمه:لولا والله سوووري ما دريت .. ليلى تجلس:عادي يا بنت الناس حصل خير .. انا بوزت وطالعتها بنص عيون:ليش جايبتنا بالتحليه .. خير ؟؟ ليلى بنص عيون بعد : جايه عشان الوايرلس الي هنا .. وتأشر على الاب توب الي قدامها:جايه ابي اغير جوو .. تأففت:على اساس انو ما عندك نت بالبييت صح .. ؟ ليلى:اف شجون بس عاد .. قلت لك ابي اغير جو .. عطيني مكان فيه وايرلس غير التحليه .. جا الويتر .. تنهدت وطلبت لي عصير ابي شي يبرد على قلبي شويه .. ليلى:تعالي قربي شوووفي هالصوره .. مديت يدي وسكرت الاب توب:اسمعي .. ليلى انصدمت:للللللللليش تراني فاتحه ايميلي .. اصبري اسكره .. عيب كذا يخرب الاب توب بعدين .. تأففت:يا شينك .. تلقينك توك شاريته ومبسوطه .. ليلى:لا قديم بس حق بابا هذا ... وانا ابي احتفظ فيه .. عندك مانع بعد .. حسيت انها مسكينه .. سكت وما قلت شي .. خليها تسوي الي تبي .. كانت ثواني ورجعت سكرت الاب توب .. والعصير جا .. حطيت المصامه بفمي بدلع:اممم باارد .. ليلى تضحك :عليك شكل .. افصخي النظاره طيب .. عقدت حواجبي وفصختها بسرعه:ايوا .. هه نسيت .. ليلى .. بقولك شي .. ليلى حطت يدها على خدها وخذت نفس:هاااه .. بعدت العصير عني وقلت:الهيئه مسكوني انا وعبدالله .. ليلى فتحت عيونها:اييييييييش .. ؟!؟ يؤ يؤ يؤ .. وش صاار ..! قلت بقهر:تخيلي ودونا مركزهم .. ويقول بابا انهم ضربو عبدالله .. ليلى:انتي رحتي لمركز الهيئه .. يا الداااااااااااااشره .. رميت عليها كيسة سكر صغيره:وش هالحكي عيب ترا .. ليلى بحماس:ايوا ايوا وش صااااااار ..!؟ تنهدت:ما صار شي .. بس قالت لي ماما لا تكلمينه .. هي وبابا .. قصدي بابا الي قال وماما قالت .. اففف المهم انهم قالوا ليلى بنص عين:ايوا على اساس انك جد ما راح تكلمينه .. ابتسمت وانا العب بالملاحه .. تذكرت عبدلله يوم يلعب فيها .. حسيت العبره خنقتني:الا كلمته و ... وقال لي مو لازم ادق عليه .. وطلب مني امسح رقمه .. ليلى تاخذ نفس:احسن .. يختي عيشي حياتك .. انا نزلت دموعي:مع ميييين انشالله .. ناظري عيني كيف صايره .. عادي اعيش مع انسان متوحش كذاا وبارد وماعنده احساس ..!؟ ليلى تعاطفت معي ومسكت يدي:شجن كل شي راح يتعدل المسأله مسأله وقت .. ما صار لكم الا شهر تقريبا او اقل مع بعض ويمكن ما بع يتقبل الفكره .. انفعلت:انا ماني محتاجته يتقبل اي شي انا ماابيييه .. اقولك يضربني .. ليلى:اذا ما تبينه ليش وافقتي عليه ..!؟ تنهدت:والله من قرادة حظي ما كنت ادري انه كذا ... انا مابي ماما وبابا يدرون اني مابيه بس بنفس الوقت مابي اكمل معه ليلى:وكيف بتصير هااذي ..؟! بلعت ريقي ومسحت دمعتي:مدري .. كل اللي اعرفه الحين .. اني بكره بروح مع حمد لأهله.. وانا عيني مضروبه وهو مره تعبان ومو قاطعتني:تعبان ..؟! قلت وانا اطالع يدي الي بحظني:ايييه حرارته مرتفعه ومو راضي يروح المستشفى .. ليلى :يا عيني خايفه عليه يعني .. ؟ رفعت راسي وعقدت حواجبي .. تفكيرها بايخ ذا البنت :مو مسألة اني اخاف عليه .. بس لازم يهتم بصحته يعني اذا هو شايف ان الحراره شي عادي انا شايفه انها مو شي سهل .. وانا كزوجه من واجبي انتي اسوي هالشي ليلى:وهو كزوج من واجبه انه يضربك .. عشان جوال على قولتك .. تنهدت:انا اصلا ابي انسى هالسالفه .. مسامحته انا .. اصلا هاليومين ما بيني وبينه كلام وما تهاوشت معه الا هواش بايخ قبل ما اجي .. وان شالله ببتل كذا .. ليلى:وبعدين ... ؟ طالعته بنص عين:وبعدين ايش ..؟؟! ليلى:نهاية هذ كله .. انتي من كلامك ما تبين تتطلقين مع انكم ابد مو مرتاحين مع بعض .. طيب ... وقالت بكل بساطه:كيف بتعيشون ..!؟ سكت شوي افكر .. بس عجزت القى جواب ..او يمكن اني لقيته بس ما كنت مقتنعه فيه .. حسيت اني تايهه وماني عارفه افكر بإيش و لا بإيش اكتفيت بهز راسي بإستنكار .. لكن حسيت ان هالشي ماهو كافي عشان تفهم ليلى قصدي تكلمت بحيره:مدري .. مدري حسيت لحظتها بغصه .. و اني ماني قادره اتنفس كل ما اخذت نفس احس اني انكتم زياده ... حسيت اني محتاجه شي بس مو عارفه ايش هالشي .. ناقصني شي بس وشهو ؟! حسيت بشعور غريب .. من مرارته تمنيت الموت ... شعور بالوحده رغم كل هالناس حولي .. محتاجه شخص واحد بس .. عارفه لو كنت معه وش بيصير ... راح يطالعني بإستحقار لو درا انا قد إيش احبه ... يمكن احسن لي و له اذا ابتعدنا عن بعض .. لربي حكمه بكل شي .. بس ....... انا ما اقدر اقتنع بهالشي او ارضى به على الأقل ليلى:خلاص شوشو كفايه دموع .. ترا عينك منتفخه خلقه ابتسمت ومسحت دموعي مابي ابين لها حزني .. هي فرحت يوم شافتني مبتسمه وابتسمت معي فتحت الاب توب وقربت لي:طيب امشي اوريك الصوره مر الوقت سريع استانسنا و استهبلنا شويه و وسعنا صدورنا ليلى:شجن باقي شوي و يأذن المغرب خلينا نطلع يلا انا توني بلبس نظارتي الا تذكرت .. احنا مو شمس راحت الشمس .. وانا طول عمري اضحك على اللي يلبسون نظاره ومافي شمس .. اروح البس نظاره انا ؟!... طيب عيني ؟؟؟!! ليلى:شفيك ... يلاااااا ... كشرت بوجهي:لولا كيف اطلع ما ينفع البس النظاره ليلى مسكت طرف الطرحه و رفعتها على وجهي : يقولون السعوديه ما اعطت المرأه حقوقها .. ولا وقفت و ضحكت عليها .. مع اني ماودي اتغطى بس للضروره احكام خخخخخخخ يوم طلعنا ليلى وقفت مكانها وهي متنرفزه : اوريه السواق الغبي هذا .. دايم يتأخر تنهدت :اكيد الزحمه مسكته مر جمبنا واحد كشخه .. ضغط بزر على مفتاح سياره ... وطلع صوت من السياره البيضا .. اللي كانت كشف و باين انها كشخه مثل راعيها تكلم بأسلوب منمق جدن حسيت انه يعكس تنكة غرور:حابين اوصلكم انا ضرب عندي المؤشر توني بعترض بس قاطعتني ليلى:المره الجايه ههههه قال بثقه: اوو عال .. اجل خذي رقمي عشان المره الجايه ... صفر خم بس ليلى قاطعته وهي تضحك و تبتعد عن المكان: انا مرتبطه حظ اوفر المره الجايه ضحك على كلامها بعدين التفت علي وجلس يطالعني بنظرات خلت قلبي يرقص من الخوف ... نظرات جدن بايخه .. قال بنفس الغرور: خلك احسن منها وتعالي .. ولا مرتبطه بعد بلعت ريقي بخوف من عيونه اللي شوي و بتاكلني .. هذا و انا متغطيه بعد !! ... بس هذا مريض شكله : اقلب وجهك طالعني بنص عيون : من زينك مدري شايفه عمرك على ايش .. لو انك حلوه زي صديقتك كان ما غطيتي وجهك .. لا و مسويه ثقل بعد انا حسيت بالتجريح .. هذا هم الشباب اذا احد ما عطاهم وجه قالوا من زينك .. بس برضوو شي يجرح .. رحت عند ليلى وانا دموعي اربع اربع .. بس مابي ابين لها اي شي .. ليلى:ما جا هذاا .. سعودوه اوريه كيف يقفل جواله ويلطعني بالشااارع ..! انا ساكته مابي اتكلم ويبين اني ابكي .. التفتت ليلى علي:وش فيك .. ؟ هزيت راسي وجلست اطالع السيارات .. انا من زيني .. يعني ليلى يوم فتشت صرت انا القرويه في السالفه هاه .. ؟ ليلى:هيه انتي شفيك .. ؟؟ انا تكلمت بقهر:خلك سنعه وغطي شعرك لا اعلمك وش فيني .. ليلى:ههههههههه لانك متغطيه يعني ... يا عمري يا شجوووووون .. انا شفت سعود توه واقف بالسياره رحت وركبت:انقلعي .. ليلى لحقتني وهي تضحك:والله مجنونه ........ انا كانت الضحكه على طرف لساني بس مسكتها .. اول ما سكرت الباب بدت تصرخ:سعود ليش متأخر .. انا سمعته يتنهد .. سكت شوي وقال:آسف طال عمرك .. بس كان فيه زحمه .. |
البارت السابع والثلاثون ليلى وهي رافعه خشمها:مره ثانيه لا تتأخر فاهم .. انا انكسر خاطري .. مسكيييييين .. حرام عليها تعامله كذا المهم انو رحنا الفيصليه .. و طبعا مارضت ليلى لسعود انه يروح ومتى ما خلصنا يجي .. خلته يجلس بالمواقف لحد ما نطلع .. وانا كان ودي اعترض بس خفت تطب فيني .. جلسنا بالفيصليه لحد الساعه ١٢ بالليل تسوقنا و تعشينا .. صراحتن طلعه زي طلعة اليوم ماراح تتكرر لأني صار لي زماااااان عن هالطلعاااات الفله ..سولفنا عن سيف كثير علمتني ليلى عن كل التفاصيل الي صارت بينهم حسيت انو فيه شي غلط بالسالفه بس برضو كنت ابتسم لها كل ما تمدح فيه وبأخلاقه وتعلمني قد ايش يحبها .. بس حبهم هذا كم صار له ؟؟ طيب فيه حب بهالطريقه .. ؟ مدري .. انا ما قد جربت عشان احكم ..! واحنا نازلين كلمتني ليلى بركبه:شجون فيه اثنين يلحقونا من ربع ساعه .. لا تلتفتين ..... انا فضولي ما سمح لي التتف من غير ما احس ..شفتهم كانو اثنين يلحقونا جد .. رجعت راسي:وش يحسون ذولا .. ليلى:اففف ما عليك منهم .. خلاص احنا بنطلع .. طلعنا وركبنا مع سعود .. وكل شوي سعود يطالع بالمرايه ويرجع يطالع بالطريق .. يطالع بالمرايه ويرجع يطالع بالطريق .. ليلى صرخت عليه:انت ارفع المرايه بلا قلة حيا ياربي مو وقتها ليلى مفتكره الولد جالس يطالعها .. حرام تظلمه .. حتى لو مو ظالمته بس بأسلوب تتكلم .. احسه تاكله آكل .. وهو منثبر وساكت مسكين .. انا انقهرت بحقه وقلت بإنفعال:ليلى وش هالاسلوب .. عيب كذا .. ليلى التفتت معصبه:انتي مالك دخل .. تأففت وانا اطالع الشباك .. شوي عقدت حواجبي .. حسيت بشي غلط .. تكلمت بسرعه:سعود انت كنت تطالع المرايه لانو فيه احد يلحقنا ؟ سعود تنهد:ايه .. التفت على ليلى:شفتي .. يلا ذوليك الثنين يلاحقونا وانتي بس شاطره في هواش صح .. ليلى التفت على ورا وانا التفت معها بعد .. قالت بهدوء:كيفهم بس سعود بان انه عصب .. وصار يسرع .. ليلى عصبت بعد:هيه انت مو على كيفك تسرع ومسوي فيها رجال .. بس سعود ما سمع لها صار يدخل في الحواري يبي يضيعهم .. ليلى:هييييييييه وجع انت وقف هنا الحين .. وقف سعود السياره وهو مررررره باين انه متنرفز ويتأففت .. والسياره ذيك جت جمبنا على طول .. والي فيها يوزعون ابتسامات .. بس اول ما شافوا سعود .. ما تكلمووووا ولا امداهم يقولون شي مشوووو بسرعه .. طبيعي لانه سعودي وبيفتكرونه اخونا مو سواق التفت على ليلى:انتي مدري كيف تفكرين .. ليلى:بليز اسكتي انتي .. مو رايقة لك .. انفعلت:ايوا رايقه لمين يعني .. بس عارفه تسبين في هالمسكين سعود دخل بالهواش:اختي انا ماطلبت احد يدافع عني ليلى:انت اسكت ولا كلمه .. هذا الي ناقص .. انا اطالعهم وبعيني دمعه .. حركه لا اراديا يوم فتحت الباب ابنزل .. كنت ابيها تعتذر وتقول لي اجلسي تكفين ولا يهمك .. اي شي .. يمكن ابادر بسرعه وارجع .. بس هي سألتني بإستنكار:وين رايحه .. نزلت عشان اأكد فعلي:ما راح اركب معك ما دام هذا اسلووووبك .. ليلى:احسن بالطقاق الي يطقك .. انا عصبت ونزلت وضربت بالباب بأقوى ما عندي من القهر .. من جدها هاذي .. قلبي قام يرقع من الخوف يوم نزلت .. اسمع صوت سعود يقول لها الساعه 12 بالليل وهاذي حاره ومدري ايش .. اما هي بس سكتته وخلته يحرك السياره .. مشت السياره بهدوء وانا اشوفها تبتعد .. بلعت ريقي .. لا انا قويه انا ماني محتاجه لها ولا لاي احد .. تلفت حولي .. الحاره شبه نايمه رغم انو الساعه 12 يعني تونا في الاجازه .. الجو كان مخيف .. وصوت صرصور الليل .. والقطاوه بعيونها الخظرا الي تولع بوجهي .. حسيت انها شوي وبتاكلني .. مشيت بخوف وانا اتلفت حولي .. وقلبي كل ماله يدق اكثر واكثر .. جيت ابرفع شنطتي اخذ جوالي .. بس ... انصدمت .. الشنطه بالسياره .. يعني ليلى مو راجعه تاخذني .. ؟؟! وش بيصير لي بضيع في الشااارع والرياااض اكبر من البحرين بعد ..!؟ طيب معقوله يجون ناس يخطفوني .. ؟؟! تجمعت الافكار براسي ومن الخوف بديت ابكي .. وش سويت بعمري انا ..؟! مشيت وانا ابكي .. وطارت الطرحه عن وجهي وتركت الهوا يلامس دموعي الي صارت بارده اكثر .. مشيت ومشيت بس مافي شي مألوف بالنسبه لي .. مافي طريق عام اقدر اوقف تاكسي .. اصلا كيف اوقف تاكسي ؟؟! .. مامعي فلوس .. مامعي شي .. كل ما تمر سياره الزق بجدار واحد من هالبيوت بخوف لحد ما تمر .. لحد ما انصدمت بصوت قطوه كان اشبه بالصراخ .. قطوه تصرخ .. مدري ما استوعبت الصوت .. المهم انه شي خلاني ابكي اكثر من الخووووف .. جلست وسندت ظهري بجدار واحد من البيوت ولميت رجولي لي .. ظلام ومافيه شي حولي .. معقوله انا بالرياض لهادرجه هدوء وظلام ..!؟ وين الناس ؟؟! وين راحوا .. ليش تركتني ليلى ..؟! حسيت لحظتها بالعجز .. اني مجرد انسانه تفاهه .. مالي احد بالدنيا يسأل عني .. يعني خلاص بضيع الحين ومحد لاقيني .. طيب وعبدالله ..!.؟ اول شي طرى في بالي عبدالله .. ؟؟! حبيبي ما راح اشوفه مره ثانيه ..!؟ .. قربت قطوه لي قمت بإنفعال وصرخت صرخه جلجلت المكان .. وابتعدت عنها وانا ابكي .. حتى لو كنت ازن ان القطوه كائن وديع .. الحين انا اكرهها .. بعيونها الي تولع بالظلام وصوتها الي يرعبني ما يطربني .. مرت سياره بهدوء .. وكل مالها وتهدي وتهدي .. وتمشي جمبي .. وانا امشي ودقات قلبي تزيد .. من هذا الي يمشي معي .. كان السياره مظلله من كل الجوانب .. مافي مجال اشوف مين جوا .. بس .. مجرد احساس انو فيه احد يمشي معي يخوف .. يجيب القشعريره .. جا الف سؤال وسؤال في بالي .. صرت اسرع بخطواتي لكن السياره تسرع بحركتها بعد .. كنت احس ان قلبي بيوقف من الخوف ..!؟ الشباك انفتح انا كنت ابي التفت .. بس ماني قاادره خايفه حسيت كل اطرافي ترجف .. وصرت اتنفس بسرعه .. سمعت صوت الي بجوا السياره:اختي .. عقدت حواجبي ووقفت مكاني .. ابي التفت لكن متردده وخايفه .. لو صاار شي ..! يااااارب استر .. رجع ينادي:اختي انتي ضايعه ..؟؟ اخذت نفس عميق يا ربي وش اسوي .. كنت ابي ابين له اني مافيني شي بس عشان يروح عني ويفكني :هاه لالا بيتنا هناك .. اللي بالسياره:خلاص امشي معك لحد بيتكم .. لا يصير لك شي .. كاثر الخطف هالايام .. انا ارتحت لهالانسان .. شكله انسان كويس .. بس فوق كل هذا كنت خايفه .. لحظه ..! بيمشي معي ..؟!؟يعني بيستناني لحد ما ادخل ..؟! طيب ادخل وين ... طالعته لينه مبتسم وباين انه في نهاية العشرينات .. تكلمت بربكه:لا ماله داعي البيت قريب تنهد وقال:الناس للناس والكل لله .. وانتي اختي وخايف عليك من هالعيال اللي ماتخاف ربي حسيته نشبه مو طبيعيه شكله ماراح يتركني .. حسيت بالقهر ... الغريب صار يخاف علي ..!؟؟!! خنقتني العبره .. وجلست اصارع دموعي .. بس نزلت ماقدرت امسكها ولا حتى قدرت امسك لساني:إيه انا ضايعه ممكن اكلم زوجي من جوالك سكت شوي:اذا بيتك قريب اوصلك عادي ترا مسحت دموعي اللي مو راضيه توقف وقلت بإصرار:ممكن تعطيني جوالك ... اذا ماتبي انا بدبر عمري ومشيت وخوفي صار يزيد اكثر .. بس بسرعه سمعت صوته:لالا .. شدعوة اختي تفضلي التفت لقيته ماد لي جواله .. اخذته بسرعه هذا هو الحل الوحيد عندي .. ما اقدر ادق على اهلي مابيهم يشوفوني كذا .. ولا حفظت لا رقم حمد ولا رقم شاهين السواق .. وش اسوي الحين ..؟؟! .. طالعت الارقام بأزرار الجوال وحاولت اتذكر .. هو رقمه سهل .. دقيت اول مره .. هو يرن وانا اتنمى يرد .. بس الي ردت علي شغاله .. على طول سكرت بوجهها .. اللي بالسياره :رد عليك ..!؟ هزيت راسي ودموعي زادت:لا .. ما حفظت رقمه كويس ... بجرب ادق مره ثانيه .... ضغطت الازارير مره ثانيه وانا ادعي ربي من قلب يرد ولا يصير الرقم صح .. طلع صوت رجال ( الرقم المطلوب لا يمكن الاتصال به تأكد من الرقم الصحيح وشكرا ) .. بس ما يأست .. دقيت اخر محاوله انشالله تضبط .. الرجال بالسياره:صح الرقم .. ؟ مسحت دمعتي الي كانت بتجي عالجوال:مدري بشووف .. كان يرن يرن .. ورد .. اول ما سمعت صوته شهقت من الصياح :حمد ... حمممممد تعااال .. حمد تغير صوته:وشو ..؟! وش فيك تصيحين .. ؟! تلفتت حولي:حمد انا ضااايعه ليلى تركتني .. تعال خذني الله يخليك .. حمد:وشو ..!؟ طيـ .. لحظه انتي ويييين ...؟! سألت الرجال:احنا وين ..؟! الرجال:احنا بالتخصصي .. بلعت ريقي:احنا بالتخصصي .. حمد تعاااااال .. حمد:ميييين هذا الي معك .. ؟؟! ياربي مو وقته شكله سمع صوته:حمد مو وقتك .. تعال والله خايفه .. حمد:طيب طيب جاي بس وين بالتخصصي .. رجعت اسأل الرجال:بالتخصصي وين .. ؟! الرجال مد يده كأنه يقول عطيني الجوال:هاتي اعلمه .. ترددت بس عطيته بسرعه وبخووف .. ودموعي بدت تخف شوي شوي .. اسمعه يكلم حمد .. وانتظر نتيجه .. سكر الجوال وابتسم لي:يلا اركبي اوديك على راس الشارع .. انصدمت شويه .. معقوله حمد موافق ولا .. ؟؟! مدري ..... مدري .. وقفت ثواني وفتحت الباب وركبت ورا .. الجو جوا السياره اريح .. بس لحد الحين قلبي مو متطمن .. جلست اقرى آية الكرسي والمعوذات .. ارتحت اكثر يوم طلعنا من هالحاره الي تخوف وناظرنا السيارات .. وقف السياره عند مكان معين وطفاها .. تنهد وقال:نص ساعه وهو جاي هنا .. قلت بشكل لا اراداي وبشوية صدمه :نص ساعه ..!؟ الرجال:يقول انه بالبديعه .. لا تخافين نص ساعه ماهي كثيره .. مسكت طرف طرحتي وضغطت عليه بخوف ودقات قلبي تزيد .. انا عمري ما انحطيت بهالموقف من قبل .. طول حياتي ما قد ضعت بمكان .. او صار لي شي زي كذا ...؟! ياااارب سترك .. كانت الدقايق تمر بطيئه .. بطيئه مررره .. وانا ادعي ربي يجي حمد بسرعه .. تكلم الرجال فجأه:زوجك الي بالكدلك هذا ..؟! رفعت راسي بسرعه وطالعت حمد توه نازل من السياره .. تجمعت الدموع بعيوني ونزلت بسرعه:ايه هذا زوجي .. اول ما حطيت رجلي عالارض ركضت له وحظنته:حمممممد .. حمد:وش صااار ..!؟ حظنته اكثر كأني ابي احس بالامان شوي واتخلص من الخوف الي سكن فيني:ليلى تركتني .. حمد بعد عني وقال بهمس:عيب الرجال هنا .. واحنا بالشارع .. حسيت بغباء الموقف وبعدت عنه بشويش وانا منزله راسي .. جا الرجال وسلم على حمد .. حمد:الله يعطييييييك الف عافيه والله ما قصرت .. مدري وش اقولك والله .. بس مشكووور الرجال يصافح حمد:لا شدعوه اخوي وش سوينا .. ومرت بينهم بعض الرسميات وكل واحد خذ رقم الثاني .. ركبت السياره وكنت حاسه بتهزيئه بتجيني .. بس لقيت حمد ساكت .. قمت انا سكت بعد وجلست العب بطرف طرحتي .. اول ما رجعنا البديعه وكنا قريب للبيت تكلم حمد:وليش تتركك ؟؟ فكرت بشكل سريع وش بقول:ولا شي ههي عصبتني ونزلت ابي اسوي قويه ... وهي مشت .. حمد:ووين جوالك .. ليش داقه من جوال الرجال ... ؟ تنهدت:جوالي كان بالسياره مع ليلى .. و .. والرجال هذا شافني واخذت جواله .. خنقتني العبره وتغير صووتي:بس والله ياحمد انا ما كان عندي شي اسووويه والله العظييم .. حسيت بيده على يدي:ولا يهمك ماله داعي تبررين .. بس ليلى هاذي ما تطلعين معها مره ثانيه .. انا ما ركزت معه ابد .. جالسه اطالع يدي الي بيده .. الحين كل هالحقد ..؟! وجاي ماسك يدي ..؟! يمكنه دايخ ولا مخبص ولا فيه شي.. وخر يده وحطها عالقير عشان يوقف السياره:وصلنا .. فتحت الباب ونزلت وانا مرتبكه مدري ليه بس الموقف ما دخل بالي .. حمد ماهو معصب .. ؟! مو هذا الي كنت متوقعته .. تكلم حمد وهو يفتح باب البيت:جهزتي شنطتك .. ؟ عقدت حواجبي:عشان ايش ..؟! حمد طالعني وهو رافع حاجب:بكره بنروح عند اهلي .. تنهد .. الحين الساعه وحده بكرا جهزيها .. تنهدت وانا ادخل وراه:طيب ما يمديني .. احنا متى بنطلع .. حمد يرمي المفتاح الي بيده:بنطلع بالليل .. تصبحين على خير .. قلت وانا مستغربه وافصخ عباتي:وانت من اهل الخير .. غرييييييبه .. حمد هذا اكتشفت فيه شي جديد .. يا ان عنده انفصام شخصيه يا انه شخص متقلب المزاج ..! اممم هو شكله قلبه ابيض بس اذا عصب ينعمي ... وو .. ونحيس شوي بعد .. بس فوق كل هذا يبقى قلبه ابيض .. هزيت راسي ودخلت غرفتي انام .. صحيح مافيني النوم بس تعبت نفسيا .. ياااربي جوالي وشنطتي بكبرها عند ليلى .. افف .. انسدحت عالسرير بتعب .. لو ان عبدالله زوجي .. وضعت .. كان اذا حظنته بالشارع ما راح يزعل .. وو .. واصلا ما راح يتركني لحد الساعه وحده ما يسأل عني .. ياربي هالعبدالله انا مو راضيه انساه شويه ..!؟حاولت ابعده عن تفكيري وانام .. واول ما غمضت عيوني رحت بنوم عميييييق .. قمت على صوت ضرب خفيف بالباب .. قمت من السرير وانا ناويه اجلد الغبي اللي صحاني من احلى نومه نمتها من اسبوعين ... قمت وفتحت الباب بقوه: وجع لقيت حمد واقف بكل برود : جهزتي شنطتك اخذت نفس عميق:الساعه كم ؟؟ حمد : عشر فتحت عيوني على وسعهم : الصبح ؟؟؟!! حمد مشى عني وهو يهز راسه .. وانا دخلت وانا اتأفف من قلب .. بالليل طلعنا طبعا حمد طلب اني اسوي شاي واحطه بترمس خاص .. واحنا بالطريق قال لي اصب له .. مديت له البياله:سم حمد ياخذها :سم الله عدوك كانت ثواني بس و سمعت صوته وهو منقرف :الشاهي مر ... ما حطيتي سكر ؟؟! تكلمت بربكه:هاه .. لا ما حطيت الحين احط فتحت الكيس وانا اتحلطم ... مافيه شي اسويه ويطلع زين .. رجعت افتش الكيس وانا منفجعه .. ر فعت راسي وقلت بتردد:حمد .. آآآآ .. ماجبت سكر حط البياله بالمكان المخصص لها وهو يتأفف ويتحلطم .. و لف على اقرب محطه ونزل .. هههه والله احس هالموقف طريف .. حطيت يدي على خدي وانا اتنهد بحزن .. ياشين الدنيا .. لو انها بس تجي عالكيف .. يارب صبرني على ما بليتني .. إيه الا حمد بلوه .. وبلوه مدري شلون ابصبر عليها .. رجع للسياره وجلس يشرب الشاي حقه بطرب وانا حاطه يدي على خدي واطالع القمر .. آه يا القمر انا مثلك .. انت وحيد رغم كل هالنجوم حولك .. طرى على بالي موقف كنت انا و عبدالله منحاشين من العزيمه اللي كانت ببيتنا و جالسين بالحديقه نستهبل ... يومها قال لي .. كل ما حسيتي انك وحيده طالعي القمر ... بعدين جلس يضحك وكمل .. ولا دقي علي ..هه طيب انا احس اني وحيده الحين .. ادق عليك ؟؟! شكلي بجلس اطالع القمر .. للأبد الظاهر .. عكر على تفكيري صوت حمد المعصب:شجون لي ساعه اكلمك رفعت راسي وطالعته:هاه .. سوري معليش .. سرحت .. حمد يمد لي البياله:صبي لي شاااهي .. كيفت عليه .. ابتسمت له وانا اخذ البياله وبالي مو معاه .. اصلا دايم بالي مو معاه .. تعبت من التفكير .. لين متى وهو بيبقى راسخ ببالي .. متى بطبق مثل الي باعني ابيعه ... بس ..... بس عبدالله ما باعني .. هو كان ...... كان .. ما ادري التفكير في هالموضوع مزعج .. طالعت اللوحه الي بالطريق .. لفتت نظري ... لوحه خظرا صغيره مكتوب عليها .. قرية ********* .. 10 كيلو .. باقي شوي ونوصل .. مو بعيده عن الرياض ... ما فكرت لو دخلتها وش بيصير .. ؟! برجع للمكان الي تربيت فيه ..!؟ والي عشت فيه طفوله غير عن كل الناس .. الي كنت فيها ولا شي .. طيب .. كيف بقابل اهل حمد ... وعيني كذا ..؟! طيب هل بيت جدتي لحد الحين موجود ؟؟! اسأله كثيره تزاحمت بعقلي .. شوي شوي مرت الوقت سريع صرت اشوف انوار ... معقوله الذكريات الي ببالي عن القريه لهادرجه قديمه ..؟! كنت اتذكر ان هالقريه شبه مهجوره .. بكم بقاله ومدرسه وحده ومستوصف واشيااااء بسيطه .. ؟! صار لها انوار بعد ..!؟ مدري .... مدري .. انا مرتبكه .. دخلناها وانا اتلفت حولي ودموعي بعيني .. فيه اشياء اتذكرها .. البرحه هاذي اعرفها كويس كانو بنات المدرسه يلعبون فيها .. وهنا العيال يلعبون كوره جمبنا ... وقريب منه ......... بيتنا .. ؟؟! الظلام كان طاغي عالمكان صحيح ان الانوار كثيره بس بيت جدتي بالذات كان مظلم .. حسيت اني مخنوقه .. طفا حمد السياره ونزل .. وانا نزلت وراه بالاكياس واطالع الارض .. ماني قادره ارفع رااسي ..؟! مشيت وراه لحد ما وقف عند الباب .. وخوفي صار يزيد .. بشوف اهله الحين ..!؟ طالعت الباب .. ما تغير...؟! اتذكر هالباب الحديدي المعتق .. له ذكريات كثيره .. انفتح الباب .. كان ولد دبدوب ومغزغز .. ويشبه حمد مرررره .. تكلم حمد بفرحه:هلا دحووووم الولد:حمد انت جيت .. ؟! ركض لجوا البيت :يماااااااااا يبااا حمد جااااااا .. دخل حمد البيت وانا دخلت وراه بتردد .. حط حمد الشناط اول ما دخل .. فكرت احط الاكياس حقت الشاي بس هونت .. خايفه من اتفه شي .. اطالع البيت .. اكيد ترمم وتغير شوي .. بس نفس الهندسه .. هنا كنا ناطلع التلفزيون .. ورا هالباب .. مشى حمد ومشيت وراه .. دخل بصاله كان فيها سماط شبه فاضي .. طلعت العنود من المطبخ ومعها صينيه ولابسه قميص وردي .. ابتسمت غصبن عني وانا اشوفها .. والله احبها .. مدري ليش تكرهني .. طالعت حمد بفرحه .. حطت الصينيه عند السماط بسرعه وراحت تحظن حمد:الحمدالله على السلامه .. حمد:الله يسلمك .. وين ابوي .. |
البارت الثامن والثلاثون طلع ابو حمد من الحمام وهو يمسح يده:هلا .. هلا ولدي الغالي .. الحمدالله على السلامه .. حمد يروح يبوس راس ابوه .. انا يوم بعد عني انحرجت .. كنت بروح معه بس وقفت مكاني بقلة حيله .. حمد:الله يسلمك يبا .. عمي التفت علي:هلا بعروستنا .. قلت بتردد :هلا عمي .. عمي:والحمدالله على السلامه .. بلعت ريقي:الله يسلمك من الشر .. عمي يجلس عند السماط:ايه وش علومك يبا .. ؟ هزيت راسي:بخير دامك بخير .. بو حمد:سلامات وش فيها عينك ..؟! حمد طالعني وهو عاقد حواجبه وانا ترددت:هاه .. شسمه .. كنت امشي وناسيه رف من رفوف المطبخ مفتوح وضرب بعيني .. بو حمد:ايه .. ما تشوفين شر العنود طالعتني ببرود وراحت تحط الصحون الي بالصينيه عالسماط .. انقهرت منها بس سكتت .. وجلس اطالع حمد .. استناه يلتفت علي .. لمحني وانا ااشر له .. هز راسه يعني وشو .. قمت حركت يدي .. يعني وين احط الاكياس .. اشر لي على المطبخ انا بغيت انهبل .. مشيت بتردد عنده وقلت بهمس:خذ انت ودهم .. حمد بهمس:بروح اسلم على امي .. توه يطلع الحيا .. روحي انتي .. مشيت عنه بقهر ودخلت مطبخهم المتواضع .. ما تغير المطبخ الا شوي .. ابتسمت اول ما دخلته .. اخذت نفس عميق وطلعت .. وما لقيت حمد .. والكل حول السماط .. العنود وعبدالرحمن الدبوب وعمي .. عمي طالعني:لا تستحين يابنتي تعالي تعشي .. انا:هاه .. لالا .. شبعانه مشكور .. وقفت ثواني متردده وش اسوي بعمري .. جلست على طرف اقرب كنبه .. شوي جا حمد ومعه امه:يبااااا مرتك تتغلى علينا .. ام حمد جتني بسرعه:شجون عندنا والله هاذي الساعة المباركه .. قمت بسرعه وهي مسكتني تبوسني:هلا خالتي .. الحرمه عذبتني تبويس:شلووونك حبيبتي شخبارك .. ؟ ترددت:تمام والله .. ام حمد تبعد عني:الحمدالله على السلامه .. ابتسمت:الله يسلمك .. ام حمد :وشفيها عيييينك..!؟ ياربي عادو السؤال:اا صقعت برف المطبخ .. ام حمد:أجل باتسر ابسووي لتس شي يخفف من هالورمه .. ابتسمت لها تسكيته .. راحت وجلست جمب زوجها:ورا ما تجين تتعشين .. ؟! طالعت السماط بالنواشف لي فيه .. وهزيت راسي:لا مشكوووره والله شبعانه .. طلع حمد من الحمام وهو يغسل يديه ويأشر لي اجي اتغشى بس ان عيييت .. مو لهادرجه امون .. جلس وهو يهز راسه وانا اطالعهم يتعشون ومنحررررجه .. جلست اطالع الصاله .. خنقتني العبره .. ذكريااات كثيره .. تنهدت بحزن .. يا ليت هالذكريات كانت حلوه .. ثواني وسمعت صوت الباب والكل التفت عليه .. كان واحد قصير واسمر ونحيف .. فيه من العنود وعمي بو حمد شوي .. كان يطالعني وهو عاقد حواجبه:السلام عليكم .. الكل:وعليكم السلام .. اول ما التفت على اهله ابتسم:حمووووووود .. حمد يقوم:عبوووووود .. راح باس راس حمد:اخوووويا .. الحمدالله على السلامه .. حمد يضحك:الله يسلمك .. عبدالله وين كنت مو عيب عليك .. ابتسمت .. هذا عبدالله .. اتذكره .. عبدالله بمثل عمري .. تنهدت .. كنت يومني صغيره استلطفه .. ولحد الحين .. مو عشان شي .. بس لان اسمه عبدالله .. ام حمد:عبدالله رح غسل يديك وتعال تعش .. عبدالله يهمس لحمد شوي وهو يضحك ويروح للمغاسل:هه انشالله يما .. رجع حمد جلس وعبدالله طلع وهو يمسح يديه:هلا مرت اخوووي .. انا رفعت راسي وانا مبتسمه .. حسيته يمون شوي بس عادي:هلا .. عبدالله يجلس ويعطيني ظهره ويكلمني من غير ما يتلفت:الحمدالله على السلامه .. تنهدت .. يعني قلت فيه احد من اخوان حمد محترمني وجاي يسلم علي .. طلعت الاخلاق كلها على بعضها .... نفس الطينه :الله يسلمك .. فجأه حمد قام:الحمدالله .. ام حمد:ما تعشيت ..!!! حمد:والله يما تعبان ابروح انوم .. ماسك خط .. بو حمد:شدعوه ساعه .. ام حمد:لا خله هو ومرته يروحون يرتاحون .. تصبح على خير يا وليدي .. انا انصدمت .. لحظه ..؟! ستوب ستوب ؟؟! انا وحمد بنفس الغرفه .... اووو ماي قاد بغيت انهبل .. هو راح شوي ورجع ومعه الشناط .. ابتسم لي:يلا شجون .. قمت وانا ابلع ريقي .. لحقته بهدوء .. اول ما ابتعدنا عنهم همست له بتوتر:حميييد .. انت جناح ولا غرفه .. حمد يرقى الدرج:لا غرفه .. مسكت اعصابي .. يووووه .. شلون كذا ..؟! حمد:شوفي عبدالله يطلع من الصبح وما يرجع الا بالليل خذي راحتك بالبيت .. عقدت حواجبي:بنجلس اسبوع صح .. حمد يدخل غرفه:على حسب .. دخلت وراه وانا اطالع الغرفه .. افففف .. ياااربي ..! فتح اللمبه .. انا اول شي لفت نظري المروحه الي بالسقف .. يوووووه ماتو الي يحطون مراوح ..!؟ حمد فصخ ثوبه وانا زاد توتري .. قلت وصوتي متغير:حمد .. مافي غرفه زياده هنا .. حمد تنهد:تنامين معي هناك عشان اهلي لا يحسون خلاص .. تراني ما راح اكلك .. بس خلك بعيده طيب .. طفي اللمبات .. وراح نام عالسرير وانا جلست استوعب... حلوه خليك بعيده .. الغرفه مافيها حتى كنبه عشان انام فيها .. فصخت عباتي .. وطلعت لي بيجامه ..:طيب ابي اغير ملابسي .. حمد:محد ماسكك .. عقدت حواجبي:وين الحمام .. ؟؟! حمد:برا .. انا انفجعت .. مافيه شي على هواي هنا .. قلت بنرفزه:طيب لا تطالع .. بغير هنا حمد يغطي نفسه بالللحاف وهو يتأفف .. بس انا ما وثقت فيه .. انا عندي عقده ماحب البس ومعي احد بالغرفه .. يوم توهقت مره .. فتحت الدولاب ودخلت ولبست فيه .. اول ما طلعت لقيت حمد يطالعني بعلامة استفهام .. عقدت حواجبي:نعم ..!؟ حمد:هههههههههههههههههههههههههههههههه .. الدولاب ..؟! سفهته وانسدحت على طرف السرير مرررره شووي واطيح :نووم بس .. التفت على الجهه الثانيه وهو يضحك .. اول ما حطيت راسي .. وتلحفت .. ما ارتحت .. اللحاف نصه مشدود لجهة حمد .. جلست خمس دقايق ما عرفت استحمل .. قمت وانا أتأفف:حمممد اترك اللحاف شوي .. اطالعه .. ما يرد .. قربت وطليت بوجهه .. وجع امداه ينوم .. اففف .. رجعت انسدحت بس برضو ما ارتحت .. قربت منه شوي عشان يصير فيه مساحه باللحاف .. يوم ارتحت غمضت عيوني .. بس ما عرفت انام .. كيف اقول يوم ارتحت ..؟! اذا انا جمبه مستحيل ارتاح .. تنهدت .. وجلست اتخيله عبدالله .. ابتسمت غصبن عني .. رغم ابتسامتي طاحت دمعتي بنفس الوقت .. اكره شي لمن احس بهالشعور المتناقض .. ضميت اللحاف لصدري بقوه وانا احاول امسك دموعي الي تمردت .. مع اني متأكده اني كالعاده ما راح اقدر بس حاولت على الاقل ... يااارب .. يارب انت بليتني كثير وانا صبرت كثير .. يارب طلبتك .. بس انساه .. ولا يشغل بالي ليل ونهار زي الحين .. يارب .. الصباح قمت .. بس كان صباح غير .. فتحت عيوني وانا بحظن حمد .. وهو نايم .. جلست ثواني اطالع السقف من غير اي تعبير .. بعدين شوي التفت لقيت وجهه بوجهي .. كشرت وبعدت عنه بسرعه .. جلست اطالعه وانا عاقده حواجبي .. يعني كنت طول الليل بحظنه ..؟! حسيت بالقرف .. انا اكرهه .. بس ..... مدري .. يوم هو بدى يتحرك من مكانه انا توترت وقمت من السرير على طول .. انواااع الغباء .. طلعت من الغرفه بكبرها ووقفت استوعب .. انا كنت بحظن حمد ..؟؟! للمره الثالثه .. انا مدري شلون غبيه كذا .. تلفت حولي وعلى وجهي علامات القرف الي ماقدرت اخفيها .. كنت ادور الحمام .. دخلت وغسلت وجهي ورجعت للغرفه .. جلست عالارض وتنسدت على الجدار .. واطالع حمد .. استناه يقوم .. وش اجلس اسوي يعني ..؟! من غير مقدمات سمعت صوت الباب ينفتح نقزت من مكاني والتفت ( حمد يما ) انا جلست اطالع ام حمد بروعه .. وهي التفت علي تناظري على طول:شجون انتي قايمه .. هزيت راسي وانا القط انفاسي .. ام حمد:زين يما صحي حمد وانزلوا افطروا .. قلت بربكه:انشالله خالتي الحين اصحيه .. ام حمد تبتسم وهي تسكر الباب:الله يرضى عليك .. انا كنت اطالعها وعلى وجهي علامة استفهام .. ما تعرف تضرب الباب هاذي ..؟! طيب .. طيب تدخل كذا لا احم ولا دستور .. تفرض يعني واحد وزوجته مايبون احد يدخل عليهم .. قمت وانا اتحلطم .. ورحت اصحي حمد .. الي قام على طول .. بعد ما غسل وجهه رجع للغرفه:البسي جلالك وانزلي .. وطلع .. لحظه وش جلالك ..؟! ناديته بسرعه: حمد .. رجع بسرعه بعد:هااه .. قلت وانا عاقده حواجبي:وش جلاله .. ؟! حمد:عبدالله تحت وش فيك تأففت:خلاص ماراح انزل .. ماعندي جلال انا .. حمد:بقول للعنود تجيب لك .. انفلعت:خير مابي البس جلال اصلا .. حمد :خلاص اجلسي هنا .. كشرت:ومتى بترقى .. حمد:متى ما بغيت .. تأففت ورحت البس عباتي:ما راح البس جلال .. حمد بنص عيون:احسن .. ونزل .. وانا لحقته يوم ضبطت حجابي .. من طلعت من الغرفه وانا ارجف .. المكان مو غريب علي .. امس ما كنت مركزه .. بس الحين وانا انزل من الدرج .. توترت اكثر .. ياشين هالذكريات ..! .. الكل كان عالسماط .. رحت جلست جمب حمد وانا منزله راسي .. ياربي فشيله .. ماعرف ذا الناس انا .. اصلا انا من زمان ما اكلت على الارض .. الكل كان ياكل وانا بس اطالع .. فجأه تكلم عمي وفمه مليان اكل:شجون ليش ما تفطرين ..؟! انا طالعته بإشمئزاز .. يعني على الاقل من الذوق والادب يخلص الي فمه بعدين يتكلم.. هزيت راسي بقرف:انشالله عمي .. هذاني افطر .. حمد يقرب لي الفول:افطري .. اسمعي كلام ابوي .. انا يوم شفت الفول انقرف .. ماحبه ..؟! لي ذكريات سيئه معه .. هزيت راسي بشكل سريع وبقرف:لالالا ماحبه .. عبدالله قام يضحك ضحك روعني ..؟! حتى شرق بالاكل ومدوا له المويه وهو يضحك .. مدري ليه كنت اطالعه ومرتاعه ..! حمد يضربه مع ظهره:هه سم الله عليك شفييك .. عبدالله يأشر علي:هههههه شفـ .. هههههههههههههههههههه .. شفت وجهها وهي ت ... هههههههههههههههههههههههههه انا اول ما استوعبت ان الكلام عني .. حسيت بقهر مو طبيعي .. وش هالاسلوب .. وش هالناس ..؟! حمد كان يضحك معه بعد .. وعمي ومرته يتبادلون البسمات .. طيب .. طيب لحظه انا ما فهمت وش الشي الي يضحك لحد الحين .. ناس همج .. حاولت اني ما اهتم لهم ..وكملت فطوري وقمت وقلت بهدوء:الحمدالله .. حمد:ههههههههه مافطرتي .. طالعته بنظرات حقد وجلست على اقرب كنبه .. هو هز راسه:يما زوجتي دلوعه .. انقرفت لمن قال زوجتي .. انا اصلا ما انتسب لك .. اف .. ولا انتسب لهالعايله الغبيه ابد .. لو انكم عيال عمي جد مو رضاعه كان تبريت من نفسي .. اففف مايمشوون بألأسلوب ابد ... على قد ما كنت احبهم على قد ما كرهتهم الحين ..! شالوا السماط .. وحمد جا وجلس بالكنبه الي جمبي وهمس لي اقوم اساعدهم .. انا قمت وحددددددي معصبه .. لا فوق كل هذاا يبيني اشيل معهم .. قمة الغباء .. رجعت الصاله وجلست مكاني .. كانوا يسولفون وانا ودي انتحر .. الحين حمد الغبي هذا يقول امه تعبانه عشان كذا بنجي .. هاذي هي كنها بقره تروح وتجي .. فجأه وقف حمد:يلا انا بروح اشوف الربع .. العنود ورا ما تطلعين تتمشين مع شجون .. العنود:مالي خلق طلعه .. انا استغربت .. اول شي انا مابي اطلع مع هاذي .. ثاني شي وشو تتمشين ..؟! راح حمد ومسك اخته على جمب .. كانت ثواني بس وهو طلع وهي راحت شوي ورجعت وهي لابسه برقع وعباية راس:يلا قومي .. وقفت وانا عاقده حواجبي:وشو ..؟! العنود تأأففف وتمشي:تعالي بنطلع .. مشيت وراها وطلعنا من البيت وانا مستغربه .. طالعتني بفضول:ليش ما تتغطين .. رديت عليها بنص عيون:ماحب اتغطى .. تنهدت ومشت .. وانا كنت مره مستغربه .. عادي نمشي لحالنا يعني ..؟! فللللله هه .. راحت هي جلست على كرسي خشبي وجيت جلست جمبها .. واطالع البزران يلعبون .. والحريم يروحون ويجون .. شكل الحياة هنا حلوه وبسيطه .. التفت على العنود بفضول:ممكن سؤال العنود:نعم ..؟! ترددت .. وبديت اجمع حكي اقوله:انتي ليش تكرهيني ..؟! العنود التفت علي وطالعتني ثواني:ولا شي .. ابتسمت وانا اطالع الناس:طيب انا بقولك شي .. يمكن يخليك تقول لي وش الي مضايقك العنود تنهدت بدون نفس:قولي .. كبرت ابتسامتي:شفتي يوم تتوفى جدتي وكذا ... ورحت للرياض .. كنت طول هالوقت عند خالتي .. العنود:داريه .. التفت عليها:تسع سنين ما شفتك هه .. العنود:هذا الي تبين تقولينه الحين .. هزيت راسي ورجعت اطالع الناس:العنود .. تذكرين دفترنا الوردي .. انتظرت ردها اكثر من خمس دقايق بس ما ردت .. قررت اني اكمل:لقيته فجأه .. يمكن ... قبل سنتين او اكثر .. وكنت فرحانه مره .. لانو .. لانو يعني من زمان ما شقتك والدفتر فيه رقمك وكذا .. يوم دقيت .. ردو اخوانك علي ... رحت وقلت لخالتي .. تدرين وش صار بعدها العنود تكلمت بسرعه:وش صار .. ابتسمت لانها تجاوبت معي:اممم ولا شي .. بس حرمتني من اي شي يقدر يوصلني بالناس الثانيه .. هه تدرين حتى ملابسي ما كنت اطلع اشتريهم .. بس يالله ما عليه .. خلينا نقول انها تخاف اني اكلمكم .. ناخذها بحسن نيه يعني .. الزبده .. اني جلست سنتين كذا .. كان اقرب الناس لي ولد خالتي .. كان ... كنا ... كنا مره اصحاااب .. انا كنت اشك انه يحبني .. بس ما كنت اعطيه وجه .. يوم جا حمد وخطبني واقفت .. رغم انه زواج فاشل بيني وبينك .. العنود تنهدت .. اختفت ابتسامتي مع تنهيدتها وكملت:وبأول يوم اخوك زبد لي .. ومن شهر انا وياه هواشات .. حتى ما ننام بنفس الغرفه .. العنود:من جدك ..؟! انا اشوفكم متفاهمين ..؟؟؟! التفت عليها:لا بعييد التفاهم بيني وبينه .. اللهم امس واليوم كان حبوب .. بس مو هذا المهم .. الي يهمني اني انا الحين احب ولد خالتي .. كنت اقولها وانا منزله راسي .. قلتها بألم .. مدري ليش قلت قصة حياتي التافهه للعنود .. يمكن ... يمكن لاني طول عمري اقولها كل شي بقلبي .. ويوم شفتها ما قدرت امسك نفسي .. العنود تكلمت بس فتره:ترا حمد يحب وحده .. التفت عليها بسرعه :مزنه .. داريه .. العنود:شجون انا ما كنت ادري ان قاطعتها:ممكن تسميني شجن ..؟! بان انها ابتسمت من تحت البرقع:شجن .. وقفت بسرعه:ممكن اوريك شي .. ابتسمت ووقفت .. يا حليلها .. هاذي العنود الي اعرفها .. بس يبيلها تشيل الكلافه شوي .. مشت ومشيت وراها .. شوي شوي عرفت وين هي ماشيه .. رجولي بدت تثقل .. ما كنت ابي اكمل .. ما قدرت ..؟! اشرت عالبيت:بيتكم .. بديت اتنفس بسرعه .. :اقدر ادخله .. العنود بتردد:طيب انتي ادخلي انا بجلس هنا التفت بخوف:ليش ..؟! العنود:غبار .. هزيت راسي وانا اقرب للباب:اوكي... اول ما لمست الباب حسيت بقشعريره .. فتحته بهدوء .. وكان صوت الباب العتيق وهو ينتفح يقرقع قلبي .. حسيت اني مخنوووقه مره مو قادره اتنفس .. عاليمين المجلس .. المجلس هذا .. كانت تصلي فيه جدتي .. قربت للمجلس بهدوء ووقفت عند الباب اطالع .. الجلسه |
البارت التاسع والثلاثون الارضيه من تسع سنين ما تغيرت ..؟! طالعت المكان الي تصلي فيه جدتي دايم .. كانت تصلي بأبعد زاويه .. واذا خلصت تجلس تقرا قرآن .. كنت اجلس هنا .. تذكرتها وخنقتني العبره .. ودموعي كثرت بوسط عيني وصرت اطالع كل شي مغبش .. لحد ما نزلت ووضحت الرؤية عندي .. ابتعدت عن المجلس وكملت طريقي .. التفت .. هنا الحمام .. ياما لعبت فيه بالمويه وضربتي .. كانت قاسيه معي .. حتى الذكرى قاسيه ..! .. كنت متردده اكمل طريقي ولا لا .. مشيت بهدوء .. كنت عارفه وش بيقابلني .. المطبخ ... دخلته .. حسيت بكتمه .. بقعه كبيره بوسط المطبخ .. كل شي زي ما كان .. ما تغير ..! بقايا الصحن الازرق عالارض .. علبة الكورن فلكس .. صراصير تبتعد عن المكان .. ودموعي تنزل اكثر واكثر .. حاسه بخنقه .. رغم قساوتها .. احبها .. اعشق ريحتها الطاهره .. مشتاقه لها بكل شي فيها .. حتى بضربها .. هي بقساوتها الي علمتني ان الحياة قاسيه .. كانت اعز شي علي .. راحت وتركتني .. طالعت الدرج .. اول ما حطيت رجلي عليه طلع منه صوت مزعج .. كان الدرج من خشب .. حطيت يدي على الدربزيق وانتشر الغبار .. كحيت بهدوء .. ومسحت دموعي وشقيت طريقي لفوق .. هنا غرفتها .. دخلت .. كنت متوقعه اشم ريحتها .. بس ريحة الغبار كانت اقوى .. هنا سريرها .. هنا دولابها .. هنا ........ هنا ورقة اوقات الصلاة .. شلت الورقه من الارض .. طالعتها .. اسمي واسمها بخط طفولي .. شجون .. وحصه .. وانا عندي خمس اكسات .. وهي واحد ... طاحت مني ورقه بلحظه .. ما كلفت نفسي ارجع اشيلها طلعت من غرفتها ودخلت غرفتي .. كانت صغيره .. والسرير صغير .. مره صغير على قدي .. بعض الالعاب القليله هنا وهناك .. والشباك المفتوح يدخل منه الهوا ويطير الستاير الورديه المشققه .. ما كانت ورديه .. تغير لونها كثير .. جلست اطالع صناديقي الكثيره .. دولابي الحديدي الصغير .. دبدوبي ..؟! معقوله نسيته .. مسكت الدبوب .. كان كله غبار .. ما اهتميت .. حظنته بفرح .. جلست على سريري .. شبه منسدحه وبحظني دبوبي وريحة الغبار تملى المكان .. هنا .. بهالغرفه كنت احلم .. بأب .. وأم ... وأخوان ... بمملكتي الورديه .. لو انها تحققت بيوم من الايام ..؟!هنا بهالغرفه كنت احتمي من الوحش الي مفتكره انه راح ياكلني .. كنت اظن ان لحافي لمن اتغطى به بيصير زي الدرع الواقي .. هنا نسجت احلامي التافهه .. وهنا انا الحين جالسه ابكي .. وخذاني التفكير لعبيد .. لابعد مما كنت اتصور .. فكرت بكل شي بماضيي .. حتى عبدالله .. مستحيل ما يزورني بلحظه نقاوه زي الحين .. فز قلبي فجأه على صوت ضرب مو طبيعي .. قمت من مكاني مرتاعه .. لا .. معقوله نفس المشهد .. الي سمعته كان صوت الصحن يصيح على راسها ..؟! ولا اتوهم .. دموعي نزلت .. رجعت لي كوابيسي بس وانا صاحيه .. تمسكت بالدبوب بقوه ولملت نفسي وانا ابكي .. سمعت صوت صراخ .. يناديني .. خفت اكثر .. والصوت يقرب .. وانتفح الباب فجأه:شجوون ..!؟ طالعت حمد بخوف:حمد ..! حمد كان يلقط انفاسه:حسبي الله عليك .. تحركت من مكاني بصدمه ومسحت دموعي:وش فيك تصرخ .. حمد يمسكني بعنف مع ذراعي:وش تسوييين هنا ..؟؟! ما ركزت مع سؤاله بالضبط كنت خايفه من صراخه:كنت .. بشوف .. حمد يسحبني لبره:يلا اطلعي بسرعه .. كنت اتكلم بكلمات صغيره بس ابيه يفهمني .. وامشي معه لحد ما طلعنا وانا مستغربه .. بنفس الوقت مرتاعه .. اول ما طلعنا سحبت يدي منه:شفيك انت ..؟! حمد يصرخ بأعلى صوته:البيت مسكوووووووووون..؟؟! قلبي صار يدق اكثر:وشو ..؟! حمد:بالليل تجي منه اصووووات ..!؟ انا وبنفس صدمتي: هاه ..؟! حمد:من سمح لك تدخلينه ..؟! تكلمت بصعوبه:انا .. العنود قالت ..... كنت .. ماني قادره اجمع .. ابي استوعب .. مسكون ..كيف يعني ..؟! حمد لحد الحين بصراخ:تدرين لك ساعه جالسه فوق .. وش كان بيصير لك يا مجنونه .. والعنود هاذي اوريك فيها .. والله لا امسح بوجهها الارض ومشى عني من غير اي كلمه .. وتركني نص فاهمه ..؟؟! يعني .. بيتنا .. مسكون .. يعني جن .. انا عمري ما آمنت بالجن .. مو هذا الي كان هامني .. الي ابي اعرفه .. ليش العنود تركتني ادخل .. ؟! باين من خوف حمد ان البيت جد فيه بلا ..زين اذا هي عارفه هالشي ليه ما نبهتني ؟! لااا انا الغبيه اللي صدقت انها بخمس دقايق بتصير كذا !! .. بس من جد خبث .. رفعت راسي اطالع البيت برهبه .. مسكون ؟ مرت بجسمي قشعريره لمن قلتها ..تلفت ادور حمد .. بس راح !! عادي كذا يتركني .. دخلت بسرعه بيت عمي ..الباب كان مفتوح .. اسمع صوت حمد والعنود .. قربت لهم بهدوء وانا احاول اسمع شيقولون .. مو تطفل .. فضول !! اول شي مفهوم سمعته من حمد:و انتي وش عليك منها وش اللي مخليك تكرهينها كذا ..؟؟! العنود تتكلم بصوت باكي و مقهور:مزنه اليوم بغى يغشى عليها من الصياح يوم درت انك جايبها .. البنت يتقطع قلبها وانت تدافع عن هاذي .. لييش سويت كذا ..؟؟ فهمني ليييييييش ؟؟! حمد بصوت مجروح:اسألي ابوك لا تسأليني انا العنود تبكي:انا ما خلصت كلامي وقف لمن قالت كذا اللي فهمته ان حمد كان بيطلع ... رقيت فوق للغرفه وجلست عالسرير افكر بالكلام اللي سمعته .. العنود تكرهني لأن مزنه صديقتها .. يحق لها .. البكي اللي كانت تبكيه مرره اثر فيني .. اجل شلون مزنه ؟؟! كرهت نفسي وكرهت الدنيا .. كرهت كل شي حولي .. لميت رجولي لحظني افكر .. وش بسوي الحين ؟؟ مدري بستنى القدر يحكم .. دخل حمد وباين انه متنرفز .. طالعته وهو طالعني لمن التقت عيني بعينه لفيت وجهي للجهه الثانيه .. حتى لو اني ما اطيقك ياحمد لازم اتعاطف معك .. لأني اعرف مرارة هالشعور .. انسدح حمد عالسرير وانا قمت منه .. رحت وقفت عند الشباك اطالع الاطفال وهم يلعبون .. يضحكون .. مفتكرين ان الدنيا بخير .. يؤمنون بالخيال .. اقصى مخاوفهم الوحش الخرافي اللي ما يحب الاطفال .. كلمه طفل .. تعني لي كل شي جميل .. حياة بدون هموم .. لمن كنت صغيره انا وعبدالله .. كانت خالتي ام عبدالله تزورنا كثير و تجيب عيالها .. حتى قصة الكره اللي بيني و بين فاتن كانت بريئه .. كل شي كان برئ .. كانت دموعنا سلاح مو وسيله .. وضحكاتنا دايم موجوده .. لو ان احنا ما كبرنا ياعبدالله .. ولحد الحين نلعب حبشه حتى واحنا اثنين .. ولحد الحين ننسدح قدام التلفزيون تماما عشان نطالع الفلم الجديد بقناة ديزني بحماس .. ايام للأسف ماراح ترجع .. ظليت طول اليوم بالغرفه بحجة ان راسي يعورني دخل حمد بالليل:ليش ما نزلتي تتعشين ؟؟ تنهدت:مااني رايقه انزل حمد:من الصبح وانتي هنا انا قدرت امسك دموعي بس بان من صوتي القهر:انزل عند اختك اللي تمثل البراءه قدامي بعدين تتركني ادخل بيت مسكون وهي داريه .. لا مستحيل اجلس مع وحده تكرهني كذا حمد بحنيه:معليش ماكان قصدها انا سكت .. طبيعي يقول كذا .. قلت بدون تفكير وبقمة القهر:ليش ما تطلقني جا وجلس قريب مني:انتي الخسرانه التفت عليه وقلت بإشمئزاز:وش بخسر بالله .. ؟؟ حمد:لو طلقتك وانتي لك شهر متزوجه .. وبدون سبب .. ماراح تتزوجين بعدها طالعته بنظرات كنت حريصه انها تصير غامضه:يعني لو جلست معك احسن ؟؟ انت شايف كذا ؟؟! تغير صوتي فجأه وانا العبره خانقتني:وتراني داريه اني ما راح اتزوج بعدك لو طلقتني نزلت دموعي:حسبي الله عليك محد عفس حياتي غيرك من سنتين اخذت المناديل وانا احارب دموعي ماحب ابكي قدامه .. حمد تكلم:حسبي الله علي؟؟ الحين انا اللي ضاربك على يدك اقولك وافقي ماقدرت استحمل كلامه العنجهي وثرت قدامه:انت اللي ماعندك شخصيه وما وقفت بوجه ابوك .. وافقت تاخذني وانت ماتبيني .. لو انك كنت جد تبيني كان انا تقبلتك وصرت سعيده الحين حمد:لا تطلعيني انا الغلطان ..! اذا جدتك عجوز النار هاذي تبي تحدد مستقبل ناس ما يمتون لها بأي صله .. روحي حاسبيها هي انصدمت من كلامه ..حسيت بجرح جديد بقلبي المهشم .. جدتي ميته ليش يحكي عنها كذا ..؟! بأي حق سمح لنفسه يستحقرها .. جدتي بكل مساوئها تبقى عندي اطهر انسانه .. رغم انانيتها هي ارق قلب حسيت بحنانه .. حسيت بحقد كبير على حمد .. تكلمت ودموعي غلبتني:خلاص طلقني انتظرته يقولها بكل حراره .. قال وهو يطلع:انسي اظلمك فوق الظلم هذا واطلقك بدون سبب زادت دموعي .. انا مابي حنيتك القاسيه هاذي..حسيت اني اكرهه اكثر..احساس بالحقد عمري ما حسيت به .. راسي صدع بي كثير احسه بينفجر .. كنت احس بألم فضيع لكن ماني قادره احدد وين هالالم .. يمكن بقلبي .. انسدحت عالسرير .. ارتحت اكثر .. جلست وقت طوييييييل افكر وبالنهايه نمت من التعب .. فجأه خوف .. واصوات مزعجه .. دم .. صراخ .. شي يخلي القلب يوقف بمكانه .. ماقدرت استحمل هالخوف قمت وانا اصرخ ابي ابتعد عن هالاصوات .. كنت ابلع ريقي ودموعي تنزل بسرعه من الروعه .. وانفاسي ماني قادره القطها .. تلفت حولي .. انا بالغرفه .. يعني هذا كله كان كابوس .. ازعجني صوت حمد:شجون وش فييييك ..؟! التفت عليه كان باين انه مرتاع .. حاولت اتجنبه رغم اني ابكي:لا تشغل بالك كابوس بس .. حمد:طيب بـ اصريت على موقفي:خلاص حمد نوم مااااالك شغل فيني مافيني شي .. قمت عن السرير بس ابي ابتعد عنه .. وقفت عند الشباك ورجعت شعري على ورى .. غمضت عيوني ابي ارتاح شوي .. بترجع لي هالكوابيس ..؟! برجع لأيام العذاااب الي كنت اعيشها كل يوم .. مسحت دمعتي وانا اطالع بيت جدتي .. البيت مسكون ..؟! هالبيت .. ؟ .. حسيت بكتمه .. ريحني صوت الاذان .. اذان الفجر .. التفت على حمد الي قام وطلع من الغرفه .. شكله رايح يصلي .. رجع اخذ ثوبه وطلع من جديد .. وانا جلست اطالع الشباك .. مستحيل ارجع انام .. حتى النوم صار شي مزعج بالنسبه لي .. الفتكير شي مزعج .. كل شي مزعج .. ابي رااحة البال بس .. ياارب .. نزلت الحوش وجلست ..ادخل شويه واطلع شويه .. احاول اتجنبهم كلهم قد ما اقدر .. ابي هاليوم يعدي على خير ويخلص هالاسبوع وارجع مليت ..! .. طلع عبدالرحمن بالحوش ومعه كورته جلست اطالعه وهو يلعب .. وسرحت بتفكيري .. من غير مقدمات حسيت بشي جاي على وجهي لكن ما امداني اتحرك الا والكوره ضاربتني .. الكوره كانت ثقيله حسيت ان راسي ارتج معها .. ما كنت مركزه مع صوت عبدالرحمن الخايف .. كنت احس بدوخه .. الضربه كانت قويه .. مسكت راسي:خلاص عبدالرحمن حصل خير مافيني شي عبدالرحمن:شجووون آسف ما دريت بس هي .. قاطعته وانا اقوم:خلاص خلاص ما صار شي .. بس ما قدرت احافظ على توازني حسيت ان جسمي كله يرجف رجعت اجلس .. حسيت بجسمي يتخدر شوي شوي .. هالشعور ماهو غريب .. وحتى هالريحه ماهي غريبه .. فتحت عيوني بهدوء احاول استكشف سر هالريحه المزعجه .. اول شي شفته بوجهي كانت ام حمد مبتسمه .. طالعت حولي .. انا وين ... بالمستشفى ..؟! ما تركت لي ام حمد فرصه استوعب:الحمدالله على السلامه يا بنتي الحمدالله على السلامه ..؟! يعني انا جد بالمستشفى .. بس ليش ...؟؟ كل هذا عشان ضربة الكوره .. دخل حمد وهو يتأفف:يما ترا تعبت معها والله ما تاكل شوفي ضعيفه .. التفت علي وهو عاقد حواجبه:صحيتي ..؟ هزيت راسي من غير اهتمام .. نفس الالم بيدي .. احس بشي عنيف يدخل فيني .. غذايه ؟؟ .. تنهدت وانا اطالع ام حمد تضحك:خلها تتدلع .. حمد بعتاب:يما وش تتدلع بتموت انا خفت من هالطاري .. اموت ؟؟.. مفهوم الموت بالنسبه لي شيئين .. يا راحه يا تعاسه .. يا اني ابقى مرتاحه من هالدنيا ومثل ما قالت جدتي الواحد يصير تحت تراب ومعه عمله الي عمله .. والتعاسه انه ما يلقى عمل اصلا عمله .. دقات قلبي زادت:حمد لا تقول اموت ام حمد:الله يهديك يا بنتي ليش ما تاكلين ...؟! حاولت اقنعهم بوجة النظر الي انا مقعتنه فيها:خالتي الكوره ضربتني مو لاني ما آكل .. دخلت الدكتوره وهي تخربط بدفترها:لازم تتغذى كويس وانا بوصف لها علاج الحين وفيتامين .. عقدت حواجبي .. يعني صح على ام حمد.. لاني ما اكل..؟ ..لا مالي شغل اصريت على موقفي .. انا اكل كويس ما علي ..؟! بس هم يبون يكبرون السالفه افف .. كل ذا ما يبون يقرون ان ولدهم هو الي شات الكوره بوجهي وخلاني اطيح .. حمد:تقدر تطلع .. الدكتوره تعطي حمد ورقة وصفة العلاج:ايه بس تخلص الغذايه تقدر تطلع .. حمد:مشكوره دكتوره .. ام حمد:وراك ما تاكلين ياشجون ...؟! اففف وش ارد عليها هاذي بعد : والله خالتي انا اكل بس ... انا كنت متعوده على اشياااء معينه في بيتنا هي الي احبها .. حمد رفع حاجبه:يما شكلها من جد تتدلع .. تأففت:وش اتدلع لاااا .. انا احب .. اممم مثلا البان كيك .. اكيف عالراوخ مرره .. احب النكهات الي فيها تمرد .. يا حالي مره يا حامض مره كذاا مو اي شي يعجبني .. ام حمد تطالعني بنظرات حاده وهي عاقده حواجبها:لبان كيك .؟! ضحكت عليها:هههه خالتي .. بان كيك .. مووو لبااان كيك .. حمد ضحك معي وهي ابتسمت:والله مدري عنكم اهم شي انك قمتي سالمه .. بس لا يدري ابو حمد ولا يشرشحك .. تنهدت تسكيته .. شدعوه اسولف معه انا:انشالله .. بعدما رجعنا البيت رقيت على طول فوق مااابي احتك معهم ابد .. كان الوقت على حدود العشاء تقريبا .. جلست استنى حمد يرجع من الصلاة .. انا تعبت من هالمكااان لازم يتركني ارجع للريااض .. دخل الغرفه:السلام عليكم .. وقفت من على السرير:وعليكم السلام .. تقبل الله .. حمد يفصخ شماغه:منا ومنك صاالح الاعمال .. شبكت يدي مع بعض كنت متردده اقوله:حمد .. التفت علي:نعم انا:.... ابي ارجع الرياض .. حمد سكت شوي وقال:ما صار لنا يومين هنا تلفت حولي ابي ابتعد عن نظارته:تعبت .. طفشت .. برجع حمد:حلوه ذي ترجعييين انا:اتكلم من جدي ابي ارجع حمد على صوته:مافي رجعه رفعت صوتي انا بعد:الا فيه مو على كيفك انا ما ارتحت هنا برجع حمد:شجون انا واحد تعبان وماني رايق لتفاهاتك جوزي عني تجمعت دموعي بشكل سريع:انا تعبانه بعد ومابي اجلس هنا رجعني الحين حمد يصرخ:شجون وبعدييين انفعلت معه:وشو وبعدين ابي ارجع الرياااض ياخي مارتحت هنا حمد:الله يصبرك يا روح .. جلس على السرير بدون ولا كلمه زياده وانا انقهرت اكثر:حمممممممد التف:نعم نعم وش تبين رجعه منتي راجعه انا:الا برجع والله ان ما رجعتني لا اروح لبوك اقـ قاطعني:شجوون عن حركات البزران بكيت اكثر:حركات البزران انت الي جالس تسويها ابي اروح تعبت افهمني .. حمد:بكره الصبح يصير خير .. جلست عالسرير ونزلت راسي وسندته بيديني الثنتين على جبهتي .. وانا ابكي .. ليش ما يحس فيني .. انا تعبت من هالمكان نفسيااا وجسديا بعد والله تعبت .. متى بخلص من كل هذا .. حمد:اسكتي ابي انوم .. التفت عليه:انت واحد حقير .. طالعني بنص عيون:ليش لاني ما رضيت لك ترجعين بكل بساطه ..؟ صرخت بوجهه وانا ابكي:انت ما عندك قلب .. انا جالسه اتعذب هنا ما تفهم .. يعني انت عادي عندك تجلس حول ناس يكرهونك وتكون بمكاااان يذكرك كل دقيقه بأبشع لحظه عشتها بحياتك ..... ما تفهم انت حمد بهدوء:شجون خلاص يـ قاطعته:وشو خلاص والله تعبت انا بنجن والله اذا انهبلت ما راح احللك لا دنيا ولا اخره .. حسبي الله عليك .. محد خرب حياااتي غيرك والله العظييييم قرب مني ومسك يدي:اذا انا السبب لانك تبكين الحين انا آسف .. وبكره برجعك .. بس ممكن تتركيني انام ..؟ طالعته بهدوء:انت تشفق علي صح ..؟! حمد طالعني بنظرات غريبه .. رجعت اصرخ وانا اسحب يدي منه:انا ماني محتاجه للشفقه ولا تطالعني بهالنظرات .. حمد:ههههههههههههههههههههههه زادت دموعي:انا ابكي وانت تضحك هاه .. ما قلت لك انك واحد حقير وما عندك قلب .. حمد:طيب طيب الي تبين انا حقير وسخيف وواطي وملعون وكل سبه تبين تسبيني اياها بس الحين روحي غسلي وجهك .. واذكري الله .. ونومي .. مدري ليش فجأه سكت عن البكي:بكره ترجعني ..؟ هز راسه بنعم .. |
البارت الاربعون قمت عنه بقهر وصفقت بالباب .. مستحيل يفهمني هالانسان .. يحاول يسكتني بأي طريقه .. بكل بساطه .. حقير .. الصباح طلعنا بدري وتعذرت من ام حمد بأني تعبانه ولازم ارجع ..طول الطريق كنا ساكتين وما يحرك الصمت الا صوت إليسا .. انتهت اغنيه وبدت اغنيه جديده بموسيقى هاديه .. كنت حاطه يدي على خدي واطالع الجبال الكثيره .. وبدت اليسا تغني .. لو تعرفوه لو يوم يئابلكو اسألوه ليه الأيّام ياخذوه لو تعرفوه لو يوم شفتوه كلّموه عن ناس هنا بيحبّوه وفكّروه فاتني وباستنّاه وكمان بئى عرّفوه مين فات حبيبه تاه وابئوا اسألوه ازّايو وازّايّ حالو في بالو أو مش في بالو ما نساش هوانا وأمانة كلّ اللي اتئال ئولوه كانت كل شوي تعيد كلامها وانا دموعي تنزل وامسحها .. ليش صرت حساسه لهادرجه .. ليش طيب اشتاااق لعبدالله .. ليش احبه اصلا .. كل شي يصير غلط .. انا وعبدالله ما انكتبنا لبعض ولا راح نكون لبعض انا جالسه احلم .. اصلا نسيت اني متزوجه حتى لو كان يفكر فيني قبل ما راح يفكر فيني الحين حتى لو تطلقت .. مصيري مع حمد او غيره اذا تزوجت طبعا بعد ما يطلقني .. هذا اذا طلقني اصلا ... فجأه نسيت كل هالكلام ورجعت اصيح لمن رجعت تعيد كلامها .. وااااحشني والله واحشني .. حمد:شجون شفيك .. ؟ التفت وانا امسح دموعي:ولا شي راسي يعورني قصر على الاغاني:شجون .. اخذت نفس عميق:نعم حمد:هو عبدالله ..؟! ارتعت لمن قال عبدالله .. لا .. يمكن يقصد اخوه .. بس برضو توترت:وش عبدالله ..؟!!! حمد:عبدالله ولد خالتك انا انصدمت .. وش فيه عبدالله ولد خالتي .. ما فهمت سؤاله ولا فهمت ليش يكلمني عن عبدالله .. قلت بإنكار:وشو هو عبدالله ..؟! وش فيه ..؟! حمد:هو الي مخليك تبكين الحين ..؟ انا انصدمت اكثر .. وبديت اتوتر بدت دقات قلبي تزيد .. كيف يسأل كذا ..... العنود ..؟؟! العنود الكلـ** قالت لها .. اخته الحقيره انا مدري كيف وثقت فيها .. بس لحظه انا قلت لها ولد خالتي ما قلت لها عبدالله .. حمد:شجون ردي علي .. التفت عليه وعلامات الصدمه على وجهي:وشو .. وش تبيني اجاوبك .. وش دخل عبدالله ليش تتكلم عنه اصلا .. حمد طلع من جيبه قلم:تفضلي .. عقدت حواجبي وانا اتأكد .. هذا الكحل حقي .......! حمد:خذي .. شفيك .. مسكت الكحل بصدمه .. هذا الكحل الي بسيارة عبدالله .. الي ... الي كنت احطه على عيونه يوم تمسكنا الهيئه .. كيف .... كيف صار عند حمد .. انا ماني فاهمه .. تكلم حمد بسرعه:داري انكم كنتم عند الهيئه .. بس ما راح اظلمتك لاني بعد داري انك ما سويتي شي .. وعبدالله جا وطق باب بيتنا وعطاني هالكحل .. وقال لي انه بيسافر وما يبي يخلي شي بذمته عشان كذا عطاني اياه .. لا تتوقعين اني ما اعرف من نظرته انه هو ما يحبك .. ولا تتوقعين اني ما اعرف من اهتمامك بطاريه انك ما تحبينه .. انتو تحبون بعض وانا حاشر نفسي بالنص .. بنفس الوقت الي انتي حاشره نفسك بالنص .. اتوقع فاهمه قصدي .. كنت اسمع كلامه .. واطالع الكحل .. وما همني شي .. الا كم كلمه ... ( طق باب بيتنا ) - ( ما اعرف من نظرته انه هو ما يحبك ) - ( انتو تحبون بعض ) ...؟!؟! حمد ... يقول .. ان .. عبدالله ... يحبني ... شي يضحك كيف عرف انه حبني .. كيف عرف اني اصلا اهتم بطاريه اصلا متى انجاب طاريه بيني وبينه .. اصلا .. السالفه كلها معقده .. التفت عليه وانا اهز راسي:لا تخاف .. انت ما حشرت نفسك بأي مكان .. تغير صوتي واختلط بالدموع:لانك غلطان عبدالله ما يحبني .. صحيح.. ايه احبه وهذاك دريت بس لاتنسى انك بعد تحب مزنه .. يمكن الشي الصح الي قلته اني انا الي حاشره نفسي بينك وبينها .. ياخي ليش ما تطلقني وترتاح وتتزوجها فهمني ليييش انا ماااابيك .. حمد هز راسه:مو راضيه تفهمين .. انا ظلمتك بهالزواج وما راح اسمح لنفسي اظلمك مره ثانيه واطلقك بدون سبب .. والله .. وهذاني حلفت باللي خلقني سوي شي يستاهل وورقتك تجيك على طبق من ذهب .. لا تتوقعين اني ابيك بعد .. نزلت راسي وانا اقلب الكحل بيدي .. قال عبدالله من نظرته يحبني .. للأسف مو هذا الي انا احس به .. بس .. قبل كذا انا كنت مقتنعه انه يحبني .. ليش الحين مصره انو لا ... تعقد تفكيري رفعت راسي لحمد:ما احس ان هذا موضوع يتناقشون فيه اثنين لهم شهر متزوجين .. حمد:ههههههههه .. شي طيب والله .. رجع صوته للجديه:شجون اذا ربي كاتب شي بيصير صدقيني .. ابتسمت:حمد انا ما فهمتك .. سكت وانا سكتّ بعد .. حاسه اني ماني بعالم بالواقع .. اثنين متزوجين كلن يحب شخص ثاني وكل واحد فيهم داري عن الثاني .. ويتكلمون بهالموضوع بعد .. دعيت ربي يصير كل شي تمام .. فتحت غطا الكحل وانا اطالع راسه .. راس الكحل هذا عقب عبدالله .. فيه بقايا عبدالله .. دقات قلبي صارت تقوى .. وجاني ذاك الشعور الغريب .. الشعور باللذه .. احس بدمي كله يطلع من قلبي ويرجع له من جديد بطريقه تعذب بس عذاب مره ممتع .. واحس بشراييني الدم فيها يتحرك بسرعه .. احس ببطني يمغصني .. لكن برضو ما حسيت بألم .. طالعت الشباك بحزن .. يارب انسااه .. لا انا له ولا هو لي .. بدت تكبر ابتسامتي شوي شوي .. وانا اطالع لمبة الشارع .. اللبمات الطويله الي ما يحطونها الا بالشوارع .. ما يحطونها بطريق سفر ..! يعني .. دخلنا الرياض .. اخذت نفس عميق .. رجعت لها .. كنت احس بالحنين لها ... وهذاني رجعت.. طول الطريق اطالع الشوارع والناس وافكر بعبدالله .. وش يسوي الحين .. هو بالرياض ولا جده ؟ نايم ولا صاحي ؟؟ صار لي اسبووعين ما شفته .. يمكن اقل .. يمكن اكثر .. مو مهم .. المهم اني اشتقت له .. اشتقت له موت .. وقف حمد عند بيتنا .. وقبل ما انزل وقفني:انا برجع بعد كم يوم وباخذك اوكي .. هزيت راسي وانا انزل:اوكي .. نزل يدخل شنطتي معي .. كانت ماما جالسه بالصاله تقرا مجله .. طالعتها وابتسامتي كبيره:ماما .. رفعت راسها:شجن .. طالعت الشنطه الي معي وقامت وهي مرتاعه :وش صااااااير ..! ليش رجعتي بدري ..؟! ضحكت:هه ماما انا جيت لحالي وحمد رجع لأهله شفييك .. حظنتني ماما:سم الله عليك والله ارتعت خفت انه طلقك .. سم الله عليك يما عورني كلامها .. لو طلقني جد .. اففف .. تكلمت بغلة التمثيل:ماما وش ذا الفال الحين هذا كلام ينقال والله زعلت منك خير يطلقني ..! ماما تطالعني وتضحك:ههههههههه حياك الله يا بنتي .. ما تدرين قد ايش فقدتك .. وابوك صار ما يتغدا بسبتك .. حركت حواجبي بشغب:خلاص بجلس عندكم اجل .. هههه ماما:ههههههه متى بيرجع حمد .. تنهدت:بعد كم يوم .. طالعت سوزان تمر:سوزان تعالي خذي شنطتي لفوق .. ماما:الحمدالله على السلامه .. ابتسمت:الله يسلمك ماما .. يلا انا برقى فوق اتروش قرفانه من عمري ... وين بابا ..؟ ماما:ابوك بالشغل .. ترا ليلى جابت شنطتك وجوالك ناسيتها عندها ؟؟ اجل ليلى .. حتى هالحيوا** صرت اكرهها بعد الي سوته .. حركتها بايخه:وينهم ..؟؟ ماما:انتي روحي تروشي وانا بحطهم بغرفتك .. هزيت راسي وانا امشي:اوكي خلاص .. ماما توقفني وهي عاقده حواجبها:شجن ...... شفيها عينك ..؟ انا عقدت حواجبي .. الي اتذكره انها اختفت شوي شلون لاحظت:هاه .. ماما كنت امشي وصقعت لا تشيلين هم بتروح .. رقيت بسرعه اتجنب اسئلتها الي مالها داعي .. فتحت باب غرفتي بحماس .. من زمان عن هالغرفه .. وحشتني .. وحشني سريري الوردي .. وحشتني تسريحتي اللي اغراااضي لحد الحين فيها .. وحشني دولابي .. انسدحت عالسرير بفرحه .. حظنت الوساده كأني استقبلها بعد طووول وداااع .. نفسي اجلس هنا وما اطلع .. قمت وفصخت عباتي ودخلت اتروش .. وتغديت مع ماما وبابا احلى غدا بحياااتي .. وجلست بالحديقه .. ولعبت بالمويه .. بكل بساطه استرجعت حياتي القديمه قبل حمد .. كنت عالمرجيحه الي برا وماسكه جوالي اقلب فيه .. حتى جوالي وحشني .. فجأه رن بيدي من غير ما استوعب .. طالعته بروعه .. المنبه .. بعد بكره عيد ميلادي ..؟! يؤ وانا ما ادري ..؟؟؟ بعد بكره بصير 19 .. تنهدت بفرحه وقمت دخلت جوا .. باليوم الي بعده قمت من الصبح مقرره اروح افطر بالفيصليه .. وحشتني موووت .. من زمان ما رحت لها .. طلعت من عمر الغبي وافطرت هناك وتسوقت شويه .. ورجعت البيت اصلي الظهر .. نزلت اسولف مع ماما .. او بالاحرى اسحب منها كلام .. جلست عالكنبه بعنف:هلا ماما .. ماما:اشوفك من الصبح تفرفريين .. تنهدت وانا مبتسمه:قولي تقبل الله .. ماما:منا ومنك صالح الاعمال.. سكت فتره بعدين قلت:ماما عبود رجع من جده ..؟ ماما طالعتني:وليش تسألين عنه .. آلمني كلامها : ماما ترا عبود اخوي فيها شي لو سألت عنه .. ماما:لا بيرجع بعد اسبوع .. ولا اقل حسيت بفرحه كبيره وابتسامتي زادت:طيب وهيمووو .. وش صار عليه ..؟ ماما:ابراهيم بيجلس مع امه .. شنسوي عاد .. انا:طيب ليش طول في جده .. ؟ ماما:وش هالاسئله الولد طفشان ويبي يغير جو .. قمت عنها بتكشيره:طيب طيب لا تاكليني .. رقيت فوق وانا افكر .. فرضا لو ماما تلعب علي .. يعني ما تبيني اشوفه .. مو هم خايفين عليه مني ..! خخخ الحمدالله بس .. لبست عباتي بسرعه .. مدري وش هالفكره الجنونيه الي جتني بس فيه شي جواي يقول لي سويها .. مع اني عارفه انها تافهه .. نزلت وانا اركض .. ماما:توك جايه وش فيييك .. ؟ لبست نظارتي بسرعه وفتحت الباب:ماما في مشوار ضروري لازم اروح له .. بجي قبل الغدا .. باااي ناديت عمر اللي طلع وهو ماله خلق ابد بس غصبن عنه مو على كيفه .. قلت وانا اتحقرص مكاني من الحماس:روح المعذر .. مدري ليش ما صدقت ماما .. مافيها شي لو طليت بس وشفت سيارته فيه ولالا .. طيب .. يمكن يدخلها جوا ؟؟ مدري اصلا ماني متأكده انو مصدقه ماما ولا لا هو السبب الي خلاني اروح .. فيه شي جواي مدري وش هو .. اول ما دخلت المعذر .. كنت اطالع بعلامة استفهام .. يعني انا اول مره دخلته ما شفته كويس كان بالليل .. بس الحين .. استغربت .. انا متعوده اني اشوف قصر واحد في حي مثلا .. بس مو حي كامل كله قصور زي كذا .. افل شي شفته مجموعة شباب يرقصون على اغنية راب .. ضحكت عليهم .. كنت اطالع بفضول ادور فلة عبدالله .. تكلمت بسرعه وبحماس:عمر عمر وقف هنا .. خليته يوقف بمكان ماهو بعيد ولا هو قريب .. بس اطالع فلة عبدالله .. الفله عندها سياره .. يعني عبدالله في الرياض .. طيب يا ماما يا النصابه .. بس بعدين استوعبت .. هاذي التشارجر .. وهو يستعمل الهمر .. مدري .. جلست اطالع الدرايش بفضول .. اي اشاره تدل على وجوده او لا .. ابتسمت وانا اشوف الشغاله تطلع تكب الزباله .. ابسألها .. نزلت بسرعه وكنت اركض بس مو ركض ركض .. بس عشان الحق عليها ..:لحظه لحظه .. التفت الشغاله الفلبينيه علي:What ..?! جلست القط انفاسي:does mr. abdullah here؟؟ كنت انتظر اجابتها بحماس .. فيه ولا لا ..؟؟! قالت ببرود:no he is in jeddah اخذت نفس عميق .. اجل في جده .. طالعتها بإبتسامه:aha .. ok thanks ابتعدت شوي بس طرت ببالي فكره .. رجعت بسرعه:no no wait .. الشغاله توها بتسكر الباب بس وقفت وهي تطالعني بعلامة استفهام .. جلست اجمع كلام اقوله عشان اقنعها اني ابي ادخل جوا .. ابي اشوف كيف عايش .. ابي اشم ريحته .. مشتاقة له موت .. قربت منها بتردد ودخلت .. وهي عاقده حواجبها:what ..?? who are you ?? يلا جينا للسؤال الحلو .. من انتي .. وش اقولها الحين .. ابتسمت:i am .. i ...i am his ...he is my cousin ..and .. i wanna.... i want the reassurance that some things كنت عارفه ان انقليزيتي المتردده المتخلبطه ما راح تخليها تصدق .. بس انها دخلتني بكل رحابة صدر .. ايه هذولا هم الناس .. اول ما دخلت البيت جلست اطالع حولي .. اخذت نفس عميق .. اول مره دخلت ما كانت الصاله كذا .. مره مره ذوق عبدالله خيالي .. احسده على هالابداع .. كنت اتفحص الاثاث بعنايه .. لان بكل زاويه عارفه ان لمسته موجوده .. طالعت الدرج بشوق .. ودي ارقى لغرفته .. تنهدت وانا اهز راسي .. لازم اطلع الحين .. بس لمن شفت الشغاله تمر ما قدرت امسك نفسي |
البارت الواحد والاربعون انا:can you show me abdulla's room?? ( تقدرين توريني غرفة عبدالله ) الشغاله بنص عيون:sure .. this way رقيت معها فوق وانا حاسه بخوف .. بتوتر .. ودقات قلبي تقوى .. كرهتها .. مابي قلبي يدق بقوه .. في كل مره يبدى ينبض بهالطريقه احس اني ارتعش .. احس بحراره بجسمي .. فتحت لي باب الغرفه .. دخلتها بهدوء وانا اطالع حولي .. الجدران كانت بيضا .. والستاير احمر دمي .. السرير ابيض .. الدولاب ابيض .. كنبه صغيره حمرا .. اثاث جدن متناسق اشياء كثيره بسيطه عطت للغرفه رونق جميل .. هذا هو عبدالله يحب البساطه والهدوء بكل شي .. تماما زي شخصيته .. بسيطه وهاديه .. طالعت البراويز الحمرا المعلقه بالغرفه .. كان فيه صور لأبوه .. وفيه صوره لإبراهيم .. واخيرا صوره له هو وابراهيم .. اتجهت لها وانا اطالعها بتفحص .. كنت منشغله عن ابراهيم اطالع ملامح عبدالله .. رغم ابتسامته الجذابه .. كانت فيه ملامح حزن غريبه .. اعرفه لمن يحزن بهالطريقه .. تلتف حولي .. جذبني سريره بالفراش الاحمر .. رفعت الغطا عنه .. سمحت لنفسي اجلس عليه .. شوي شوي حطيت راسي عالوساده .. وغطيت نفسي باللحاف .. انا ماحب اغطي نفسي وانكتم بس لان هنا ريحته .. هنا هو .. هنا خياله .. سويت كذا عشان احس اني بحظنه .. طاحت دمعه حاره تركت دائره غامقه عالوساده .. قمت بسرعه ورتبت السرير .. مدري كيف سمحت لنفسي ادخل غرفته .. انا اعذب نفسي بهالطريقه .. كنت ابطلع بس جذبني شي طاح نظري عليه بالصدفه..صغرت عيوني وانا اطالع الدفتر هذا .. نفسه الدفتر الي بلندن .. الي كنت ابفتحه بس ما فتحته .. رفعته بفضول .. ابتسمت .. طالعت الساعه .. يا ويلي من ماما تأخرت .. فكرت بشكل سريع .. عبدالله ما راح يرجع الا بأقل من اسبوع يمديني ارجع الدفتر بكره .. باخذه .. بس قبل ما اطلع .. اغراني دولابه .. حبيت اني اخذ له شي ثاني .. فتحت الدولاب بإبتسامه كبيره .. وانا اطالع بملابسه .. سمعت صوت الشغاله .. سحبت شماغ كان معلق قدامي حررته من المعلاق وحطيته جوا الدفتر بسرعه وسكرت الدولاب .. وطلعت والدفتر بيدي .. ورجعت البيت .. طول الطريق كنت خايفه .. من ايش .. مدري .. بس خايفه .. حاسه الي سويته غلط ..بس هو اكيد ما راح يلاحظ الشماغ .. والدفتر برجعه بكره .. بس لازم اقراه .. اول ما دخلت البيت كنت اركض لفوق ركض عمري ما ركضته بحياتي وانا اصرخ بأعلى صوتي اسبق ماما بالكلام:ماااااابي غدااا ماما دخلت الغرفه بسرعه وقفلت الباب .. اخذت نفس عميق وانا احضن الدفتر على صدري .. رميته عالسرير وفصخت عباتي بسرعه .. وفتحت الدفتر وانا ابتسامتي شاقه وجهي .. طالعت الشماغ .. ريحة عبدالله .. مرت قشعريره بكل جسمي .. حطيت الشماغ على جنب وجلست اطالع الدفتر البيج .. كان طويل وعريض .. وعليه بلاستيكات ملونه صغيره بداخلها اوراق .. يعني هذا دفتر مقسم .. جلست اقرا كل بلاستيكه وش عليها .. نزار قباني .. حامد زيد .. سعد علوش .. بس هالاسماء الثلاثه وباقي البلاستيكات فاضيه .. فتحت الدفتر وانا اخذ نفس عميق ..اول قسم كان مكتوب عنده نزار قباني .. فتحت اول صفحه .. كان مكتوب فيها بخط عبدالله الانيق ((خبز وحشيش وقمر)) عندما يولد في الشرق القمر.. فالسطوح البيض تغفو تحت أكداس الزهر.. تنهدت وانا اقلب الصفحه .. ((سُلالات)) من سلالات العصافير .. أنا لا سلالات الشجر وشراييني امتدادٌ لشرايين القمر تأاففت .. معقوله الدفتر كله شعر .. فتحت الصفحه الي بعدها بس جذبني فيها شي .. كان مكتوب فوقها تاريخ .. حاولت اتذكر كويس .. وش هالتاريخ .. وش هالتاريخ ... لمن كنا بلندن ..!؟ قريت القصيده بفضول أحبك جداً وأعرف أن الطريق إلى المستحيل طويـل وأعرف أنك ست النساء وليس لدي بديـل وأعرف أن زمان الحنيـن انتهى ومات الكلام الجميل لست النساء ماذا نقول أحبك جدا... أحبك جداً وأعرف أني أعيش بمنفى وأنت بمنفى وبيني وبينك ريحٌ وغيمٌ وبرقٌ ورعدٌ وثلجٌ ونـار وأعرف أن الوصول لعينيك وهمٌ وأعرف أن الوصول إليك انتحـار ويسعدني أن أمزق نفسي لأجلك أيتها الغالية ولو خيروني لكررت حبك للمرة الثانية يا من غزلت قميصك من ورقات الشجر أيا من حميتك بالصبر من قطرات المطر أحبك جداً وأعرف أني أسافر في بحر عينيك دون يقين وأترك عقلي ورائي وأركض أركض أركض خلف جنونـي أيا امرأة تمسك القلب بين يديها سألتك بالله لا تتركيني لا تتركيني فماذا أكون أنا إذا لم تكوني أحبك جداً وجداً وجداً وأرفض من نــار حبك أن أستقيلا وهل يستطيع المتيم بالعشق أن يستقلا... وما همني إن خرجت من الحب حيا وما همني إن خرجت قتيلا ---------------- قريت اخر كلمات وانا عيوني بدت تغبش من الدموع .. منهي هاذي ..؟ معقوله اانا ..؟! لا مستحيل انا مو مفروض اصير واثقه من نفسي لهالدرجه .. مسحت دموعي الي ما نزلت لاني خايفه انها تنزل .. انا اضعف من انها تنزل .. تركت نزار قباني كله ورحت لقسم حامد زيد .. قلبت كل صفحات هالقسم اكثر من ثلاث مرات ادور على تاريخ .. اذا كتب تاريخ يعني هالقصيده مكتوبه لحدث .. بس للأسف ما لقيت .. كلها مكتوبه بدون تواريخ .. فتحتهم صفحه صفحه .. وجذبني عنوان .. (( غرام احباب )) جلست اطالع الصفحه ثواني .. رجعت جوالي وشغلتها .. اسمعها منه واقراها بالدفتر .. على ذاك الطريق اللي يسمونه غرام أحباب وطت رجلي على دربه ولاأدري وش نوى فيني تبعته لآخر دروبه .. ألين أن القمر قد غاب تعب قلبي ، ولا تعبت مسافاتٍ توديني لقيت الليلة الجردا : هدب ظل وسما واعشاب بعد ذاك الظلام اللي يتوهني عناويني صدفتك معجبه فيني وياليت..الغرام : اعجاب وتراك انتي الهنوف اللي هقيتك تستحقيني عطيتك عشق من قلبي..وسلمت لغلاك رقاب وغيرك يحترق قلبه ولا يقدر يحاكيني أنا قبلك صدفت عيون لكن ويش جاب لجاب؟ ترى كل العيون اللي لقتني ما تكفيني رماني حظي العاثر عليك وجيت لك طلاب ولا أنتي اللي عشقتيني ولا انتي اللي عتقتيني تعالي واعتقي ذاك الخفوق المولع المرتاب مهب لاجلي ، عشان الله يجازيك ويجازيني تعدي في سما عشقي ولو عشقي خراب أصحاب وصوني بالهوى نفسك قبل لا انتي تصونيني وشيليني على متنك : خفوقٍ باريٍ منصاب ومن فوق الغرام العذب .. شيليني وحطيني ولا منك هقيتيني شجاع وما يطيق يهاب أنا لك بالهوى والله مثل ما انتي هقيتيني أنا ما أمشي ورا غيرك ولو أنه يطق الباب وترى عيبٍ عليّ أطعن..ولو كثرت سكاكيني زهودٍ ما يطيق الدم لا داين ولا طلاب شجاع وعارفٍ نفسي وأظن أنك تعرفيني غيورٍ ماعرفت أضحك مع الغدر ببّرود أعصاب أبيع عيوني الثنتين قبل أنك تخونيني إذا شد الغرام .. اترك خفوقي : بين ناب وناب لفرقى تكسر ضلوعي .. ولا عشقٍ يوطّيني أنا رجلٍ ولي غيره .. وإذا شفت الهوى كذاب تثور بقلبي الفزعه ولا تهدى شياطيني سؤالك لو يزعزع بي كياني ما قبلت عتاب اجي لك وأسالك نفس السؤال اللي سألتيني عن العشق القديم أبواب .. تقفيها كثير أبواب بعد ذاك الحبيب اللي خدعني وانخدع فيني أبي عشق تحسب له كل نظرات العيون حساب وابي قلبٍ علي قلبي ، وابى يدينٍ على يديني وابي نظرة عطا توفي ولا تخلف بدون أسباب وابي منك قبل لا نتي تصديني .. توديني وابي دربٍ على العذال صعبٍ ومتعبٍ وغلاب وابي نفس الطريق الصعب يبعدهم ويدنيني ترى لو للقلوب عيون ولدموع العيون أهداب حشى ما تنزل الدمعه لغيرك لو تركتيني أنا أول من عرف قدرك وأنا توي صغير وشاب وابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني ما دام أن كل من يحيا على وجه التراب تراب عسى تنساني الدنيا مادام أنتي ذكرتيني ----------------------------------- عدتها مره ومرتين وثلاث .. عبدالله حبك اصعب من اني انكره .. اصعب من كذا بكثير .. بس ماهو سهل اني اتقبله بصدر رحب .. حتى لو اعترفت لنفسي مع اني معترفه من زمان عارفه اني بعيش بعذاب .. ومن قال اني اصلا ما اعيش بعذاب .. سكرت الدفتر بهدوء وانسدحت عالوساده اوانا ابكي .. ليش .. ليش ياااربي ليش حبيته بعد فوات الاوان لييييييش .. مسكت شماغه وحطيته بحظني وانا ابكي .. دموعي بدت تقل شوي شوي .. حسيت بالامان .. حسيته معي .. غمضت عيوني بهدوء وتخيلته معي .. مرت كل لحظات حياتي معه قدامي .. حسافه .. حسافه كل لحظه قضيتها معك من دون ما ادري اني احبك هالحب .. حسيت بشي فجأه .. يتكلم بداخلي .. عبدالله يحبني ... لا .. كان يكذب يوم يقول لي اني مجرد اخت .. عبدالله يحبني انا متأكده .. ان كانه ما يحبني الحين كان يحبني قبل سنتين .. حظنت شماغه اكثر وانا مبتسمه .. حسيت بفرحه .. بس فرحه ناقصه .. وطبيعي تكون ناقصه .. لاني حبيته بعد فوات الاوان .. ولان اصلا الحين ما يحبني .. ولا ما كان ابتعد عني بهالطريقه .. طالعت السقف الي صار لي تسع سنين حافظه تفاصيله .. والشماغ بحظني .. رفعت جوالي وحطيت على صورته .. مسكر عيونه الا ربع من الفلاش ووجهه مطبوع عليه لون ابيض .. هالصوره ناظرتها الف مره وما طفشت منها .. معقوله اطفش منها .. قمت بسرعه ادور عالكاميرا .. وينها .. انا متأكده اني جايبتها .. دورت دورت و بالاخير لقيتها..اخذتها معي .. ونزلت وانا مشغوله افرفر بالكاميرا واطالع صور عبدالله .. نقزت لمن ناداني بابا وهو على السفره:شجون طالعته بروعه:نعم بابا:ههههههههههههههه تعالي تغدي الله يرضى عليك .. رحت وجلست عالطاوله وانا مشغوله بالكاميرا .. اطالعها وملامحي تتغير على حسب ملامح عبدالله بالصوره .. ماما:شجن وش فيك ؟؟ رفعت راسي:هاه .. وشو مافيني شي بابا:تغدي .. قمت عنهم شكلهم مو تاركيني انسجم مع الصور:لالا مابي .. رحت لغرفته اللي كان ينام فيها .. وانسدحت عالسرير وانا اتنهد .. الحب احساس جميل .. مره جميل.. بس يعذب وخصوصا لمن يكون من طرف واحد .. واصلا ماله قيمه لاني بكل بساطه متزوجه .. بعدت هاالافكار عن راسي وكلمت .. لفيت عالصور كلها يجي اكثر من عشر مرات .. طفيت الكاميرا وانا اتأفف .. طفش .. رجعت اطلع للمطبخ في خاطري راوخ .. دخلت ماما وبيدها صحن الرز .. شكلهم خلصوا غدا:سوزان روحي شيلي الغدا .. طالعتني:ترا بكره فيه بإستراحه عمانك كلهم فيه تنهدت:اف ليش مالي خلق ماما:عيب هالكلام .. اذا انتي في بيتنا بتجين ولا روحي عند رجلك قلت بدلع:ماااااااامااا بكره عيد ميلادي .. وش ذا ماما:خلاص سويه بالاستراحه صار شي شربت الراوخ وتكلمت:مااما ماحب بنات عماني مو صديقاتي .. ابي اعزم بنات خالاتي ماما:اعزميهم ابتسمت بفرحه:والله جد .. ماما:ايه وش فيها عادي .. بس لا تعزمينهم كلاهم قلت بحماس:لالا بس هاجر وموده وهديل بس .. ماما:ومو تنسين بنات عمانك .. تأففت:طيب طيب .. دقيت على هاجر انظم معها واتفقنا انها هي الي تجيب الكيكه .. وبيوم عيد ميلادي .. وبالعزيمه الممله اللي مدري وش سنعها .. كنت انا وموده وهديل برا بعد ما سلمنا عالحريم .. هديل:وينها هاجر التبنه تأخرت .. تأففت:ايه من جد شفتي الساعه صارت تسع وما جت هالحيوانه اوريها موده:هيييييه اهجدو عنها .. ياربي ماحب مصالة موده .. تأففت وانا ادق عليها .. :هجير وينك .. هاجر:انا تووني بدق عليك عند باب الاستراحه .. اطلعي خذي الكيكه معي اغراض ثانيه .. سكرت الجوال بسرعه:اوكي .. وطرت البس عباتي .. هديل:وين رايحه ؟؟ كشرت بوجهي:بروح اخذ الكيكه من هاجر تستناني بره .. طلعت بسرعه .. ياربي مو وقتها .. ما يقدرون ان الواحد مو كل يوم يصير عمره 19 .. ما خلوني هالخايسات احس بان اليوم هذا مميز .. طلعت وانا اتلفت حولي .. النصابه مافي احد عند الباب .. رجعت ادق عليها:هاجر وينك .. هاجر:انا عند الباب يختي يلا اطلعي خست حر انا انفعلت عليها هالكذابه:يا نصبي انا عند الباب مافيييه هاجر:تعالي من باب الرجال يمكن اني معه .. تأففت:يا بايخه ما خليت احد يوقف لي عند الباب ..اف بجي اصبري سكرت وانا بقمة العصبيه .. مريت عند باب الرجال اتلفت حولي .. فجأه طلع راكان ولد عمي من الباب وهو يرجع على ورى ويضحك:ياشييييييييخ روقنا هههههههه التفت علي:اووو شجون .. مبروك يقولون عيد ميلادك .. |
البارت الثاني والاربعون صديق عبدالله وولد عمه .. تنهدت:الله يبارك فيك .. تسلم .. انفجعت بعبدالله يطلع بنفس اللحظه الي انا كنت اتكلم فيها وهو يضحك .. وقف يطالعني ثواني .. وانا عيني بعينه مدري وش صار لي لحظتها .. خقيت .. بغيت اموت من الحيا .. بغيت اموت .. تمنيت ان الدنيا تنشق وتبلعني .. دقات قلبي صاااااارت اقوى بكثير .. كان متغير شوي .. السكسوكه مكبره عمره .. وشعره كان اطول حبتين .. وكان اسمر .. هذا الي فجعني فيه اكثر شي .. هو ما كان اسمر .. راكان بتردد:طيب عبود انا استناك عند السياره .. طالعني عبدالله ثواني والتفت عليه وهو يضحك:وييين رايح انا جاي معك انا انصدمت من حركته .. ما قال لي مبروك .. او على الاقل سلم .. يمشي بهالطريقه ويطنشني .. حسيت بقهر .. دموعي بغت تنزل بس مسكتها وحافظت على ما بقى لي من كرامه .. حاولت اعاند نفسي ورحت عند هاجر الي سيارتها كانت جمب السياره الي راكان وعبدالله واقفين عندها .. فتحت الباب بعنف:عطيني الكيكه .. هاجر:لي ساعه استناك .. امسكي .. انتبهي ثقيله .. اخذتها بعنف ابي ابتعد عن عبدالله وعن ظحكاته الي صارت تقطع قلبي من القهر .. كنت امشي وما اشوف طريقي والكيكه مره ثقيله .. حسيت اني وطيت على شي واني انشد على تحت اكثر .. فقدت توازني وطحت وطاحت الكيكه عالارض .. اكثر شي المني رجلي وقتها .. صرخت من الروعه ومن الطيحه .. بس سمعت صوت يصرخ بأسمي بعد:شججن كان صوت عبدالله .. حسيت بيده ترفعني عن الارض:سم الله عليك .. انا ما كنت اتعور مره .. ما كنت احس الا بالم بسيط .. طالعت وجهه الي كان قريب مني بقهر .. ليش ما تحبني مثل ماحبك .. ليش القدر كتب علي هالشي .. كان يتكلم ويطمني هو وراكان وانا مو معهم ابد بس ابكي من القهر عبدالله بروعه:شفيك تبكييييين فيه شي يعورك ...؟ بغيت ابرر بكاي بأي شي:ايه رجلي تعورني شوي .. خلاص برجع هاجر:طيب يلا قومي معي .. تركت يد عبدالله الي كانت ماسكه يدي وانا ما ودي اتركها .. بس لازم ابتعد .. مسكت يد هاجر وقمت .. بس عبدالله رجع يصرخ:وييييييين راااااايحه انتي تنزفين .. انا انصدمت .. انزف ..؟ طالعت رجلي الجنز كله احمر ..طيب انا رجلي ما تعورني مررره .. ما ترك لي عبدالله فرصه استوعب .. لقيته فجأه شايلني ويصرخ في راكان:يا حماااااار اركب السياره وافتح لي الباب بسرعه .. انا كان راسي بحظنه وماني مركزه مع اي شي .. الموقف صادمني .. يمكن ما كنت مصدقه الي جالس يصير .. عبدالله يشيلني .. وخايف علي .. ؟؟! حسيت وانا قريبه من لهادرجه بإحسااااس مززززززززعج بس بنفس الوقت حلو .. حسيت ببطني مره مره يعورني .. حسيت بخنقه واني مو قادره اتنفس .. بس كلها مرت ثواني وركبنا السياره .. كان جالس جمبي ويصرخ على راكان يسرع للمستشفى وانا ما تجرأت وقلت ان رجلي ما تعورني .. كنت ساكته .. بين دمعتي وابتسامتي .. مدري اصدق اني فجأه جمب عبدالله وانه كان شايلني من الخوف قبل ثواني ولا لا .. دموعي تنزل بس ما كانت لا دموع فرح ولا دموع لم ولا حزن ما عرفت افسرها .. كان مجرد دموع .. وعلى الارجح انها توتر .. كنت متوتره بشكل مو طبيعي .. واسمع الحديث بين راكان وعبدالله راكان:يااااااخي المستشفى البريطاني قريب شفيك انت عبدالله يضرب راكان مع راسه بصراخ:يا ثووور البريطاني حق ولاده اقولك وقف بمستشفى الحكوووومه احسن لك.. هذا هو راكان:وش حكومه ياخي مب زييين عبدالله يضربه:راكانوه والله ان فوتت المخرج لاذبحك .. وقف عند مستشفى الحكوومه الي هنا .. حامل هي توديها مستشفى ولاده .. كان عبدالله يتكلم من جده ومعصب بشكل مره مضحك .. مو لابقه عليه العصبيه .. فديته كل هذا خايف علي .. حاولت اكتم ضحكتي اطول فتره ممكنه .. واصارع ابتسامتي .. ابتسامه الفرحه الي مو سايعتني بهالدنيا وانا جمبه .. وقف راكان عند مستشفى الحكومه:عبيد مستشفى الحكومه رجال لحال وحريم لحال .. عبدالله يصرخ:وش موقفك هنا روووووووح على قسم الطوارئ راكان بخوف:طيب طيب .. عبدالله يعلا صوته اكثر:يا الدبشه يمييين .. اناللله .. راكان:ابلشتينا يا شجون والله ما تسوى علينا .. ضحكت غصبن عني ما كنت قادره امسك ضحكتي اكثر .. ما كانت لان الموقف طريف .. كانت ضحكتي هاذي من فرحتي .. راكان:شفت هذاها تضحك .. عبدالله:حسود .. سق وانت ساكت .. يلا يبيلك تديور يا غبي لانك ما لفيت يمين التفت عليه اطالعه ما قدرت امسك نفسي .. لكن اول ما التفت هو التفت حسيت بنبض قلبي فجأه يزيد ونزلت عيوني .. شعور عمري ما حسيت به .. ولا ابي هاللحظه تنتهي ابدن .. نزلنا قسم الطوارئ .. وبعد الفحص طلع جرح عادي يلتأم مع الوقت .. كان الدكتور يحط لي اللزقه وهو يضحك:مشالله زوجك يحبك لهادرجه جايبك عشان نحط لك لزقة جروح .. هههههه الله يخليكم لبعض طالعني عبدالله ثواني وانا بعدت عيوني عنه وانا مررره مستحيه .. حسيت ان هالشي بااان بوجهي اصلا .. تأحح عبدالله بان انه انحرج .. وانا زاد انحراجي بعد .. وراكان الغبي كان طول الوقت يضحك علينا بالطريق .. طبعا عبدالله ركب معي ورا زي قبل شوي .. لانو المرتبه الي جمب راكان فيها كراتين كمبيوتر .. بالطريق راكان كان يضحك عبدالله:خلاص ترا صجيتنا راكان:والله ما قد شفت زيك .. وبعدين تعالي يا بنت عمي يا الدلوعه الحين تصيحين عشان هذا قلت بصوت واطي:راكان خلاص عبدالله يرمي عليه علبة المنديل:اكرمنا بسكوتك... راكان:اي اي ما عندك احترام للي يسوق انت .. افرض سويت حادث وماتت شجون وش بتسوي .. انا ارتعت من كلامه .. ياربي رجعو الناس يقولون اموت عبدالله:فيك ولا فيها يا التيس .. افففف .. التفت علي وهو يمد جواله:حابه تدقين على حمد تقولين له اخاف يسأل عنك وما يلاقيك .. حسيت اني منخنقه .. هزيت راسي بالنفي وقلت بصوت اشبه من الهمس .. هذا الي قدرت اطلعه:حمد عند اهله .. مو بالرياض عبدالله يرجع جواله:اها .. يرجع بالسلامه .. قلت بصوت باكي:الله يسلمك .. عبدالله:ِشفيييك .. ؟ التفت عليه وانا ابي اقاوم دموعي مابيها تفضحني:ولا شي عبدالله:لا تكذبين .. والله لو رجلك تعورك برجع العن هالدكتور دموعي طاحت خلاص ما قدرت امسكها اكثر .. انا ابكي بسبتك انت .. مو مهتم ابدن .. تمد لي جوالك بنفسك تقول لي كلمي زوجك .. لو تدري هالزوج وش مسوي فيني .. تكلمت ببحه بصوتي وبخنقه اكثر وانا احاول ابرر:لا بس .. مشتاقه لحمد سكت وهو يطالع الجهه الثانيه .. وانا لفيت وجهي بعد بحزن ابي امسك دموعي .. حاسه بقهر بقلبي مو طبيعي .. ايه مشتاقه لحمد انا ماحبك .. لازم ابقى امثل بهالطريقه .. انا ماني محتاجه يدري اني احبه لانو مافي اي فايده .. راكان تكلم:عبدالله افتح البلوتوث برسل لك شي .. عبدالله بهدوء:راكان ماني رايق راكان:عبدالله افتتتتتتتتح عبدالله يتأفف:طيب .. راكان:وش اسمك .. ؟ عبدالله:غرام احبـ .... راكان مافي احد غيري بتلاقيني .. راكان قام يعدد:الا فيه الملك القاتل .. هههههه وش ذا الاسم .. وفيه جوريه .. وفيه حياتي شقا .. حشا كل هذولا عند الاشاره ؟؟ عبدالله:يا شاطر الحين قامت الناس ترسل لي راكان:لا تقبل الا مني .. اسمي ار تسعه .. عبدالله: الا قبلت .. التفت عليه بفضول .. مشغول بالجوال ما راح يطالعني .. بس هو طول وهو يناظر بالجوال .. كان فاتح فمه .. رفع راسه يطالعني بملامح مصدومه .. ملامح غريبه .. لا ماهي غريبه ... اعرف هالملامح .. اذا عبدالله فيه جد شي مهم مخلي ينصدم بهالطريقه راح يطالعني بهالنظرات .. قلت بخوف:عبدالله شفيك ..؟! التفت عليه بفضول .. مشغول بالجوال ما راح يطالعني .. بس هو طول وهو يناظر بالجوال .. كان فاتح فمه .. رفع راسه يطالعني بملامح مصدومه .. ملامح غريبه .. لا ماهي غريبه ... اعرف هالملامح .. اذا عبدالله فيه جد شي مهم مخلي ينصدم بهالطريقه راح يطالعني بهالنظرات .. قلت بخوف:عبدالله شفيك ..؟! ما رد علي .. خوفي من نظراته صار يزيد اكثر واكثر .. بلع ريقه والتفت على راكان وقال بصوت واطي:راكان .. تكفى .. قل لي ان اسمك عاشق ابو نوره راكان:وش فيك اقولك اسمي ار تسعه انا استغربت وش فيه وش صاير ..؟! عبدالله:راكان بلا استهبال قل لي انك انت الي راسل هالصوره .. راكان:ما ارسلت شي انا ..بلاك يا التنح ما قلت لي وش اسمك .. اخلص اخلص برسل لك .. وش اسمك ؟ عبدالله رجع يطالع بالصوره الي بالجوال .. انا ماعرفت امسك نفسي .. وش هالصوره الي مرسلينها له ناس مخليته ينقلب كذا ..!؟ انا بديت اشك ... يمكن .... لا .. لا يكون .. قربت منه بسرعه وسحبت الجوال من يده وانا ادعي ربي من قـــــــــلب ما يصير الي في بالي .. تجمدت منصدمه .. صورتي .. لا .. يا ليتها صورتي لحالي .. صوره ابدن ماهي كويسه .. صوره انا نفسي استحيت اطالع فيها .. من الصدمه حسيت اني مخنوقه .. حسيت انو فيه مويه بارده توها منكبه علي تركتني بهالصدمه .. مر قدامي كل شي .. كلام الناس الي بيطلع عني .. والفضيحه .. وو .. ووكل شي .. وش بيصير لي .. طاحت دموعي بشكل لا ارادي .. حسيت اني ابي ابكي بقوه بس حاولت امسك نفسي .. لكن ما قدرت انفجرت بكي ماني قادره استوعب الصوره ماني قادره استوعب الموقف اصلا .. حضنت عبدالله بقوه انا ما كنت مركزه لحظتها كنت مصدومه .. انهار بداخلي شي اسمه عفه .. اللي صار كله ظلم .. حرام عليها الي سوته انا ما راح احللها لا دنيا ولا اخره .. كنت ماسكه بعبدالله بقوه وابكي بصدمه .. اسمع صوت راكان مرتاع .. وصوت عبدالله .. بس ماكنت مركزه مع اي شي .. بعدني عبدالله بشويش وهو يطالعني:شجون خلاص قلت بأعلى صوتي:وشو خلاص الكلبه نشرت صوري وياليتها ناشرتها وبس طالع كيييف .. رجع عبدالله يحظني:طيب هدي شوي.. خلاص يمكنها .. يمكن .... خلاص بس لا تبكييين حسيت بالامان لحظات بسيطه وانا بحظنه .. بعدين استوعبت ان هالشي غلط وبعدت عنه وانا ابكي:وش بيصير لي الحين .. تتوقع كل شي يصير عادي .. لا مستحيل انا تدمرررررت حياتي من هاللحظه صدقني عبدالله كان ساكت ..وراكان كان ساكت ويسوق بس .. وانا بس ابكي وابكي .. افكر وش بيصير لي بعدين .. حرام عليها .. ليش تسوي فيني كذا ... ليش الدنيا تعاملني بهالطريقه .. ياربي انا وش سويييت بحياتي .. انا اذنبت عشان استاهل كل هذا ؟؟ انا غلطت بشي ياربي ..؟؟ لهادرجه ياربي ما تحبني .. استغفرت ربي وتعوذت من الشيطان وش هالكلام الي اقوله .. رجعت ابكي زي قبل شوي وانا اتذكر وش بيصير لي .. وش بيقول حمد .. وش بتقول ماما .. وش بيقولون الناس ... وش هالمصيبه الي نزلت على راااسي .. عبدالله:شجن .. اذكري الله خلاص اخذت المنديل ومسحت خشمي وانا اشاهق .. كان حتى الكلام صعب علي .. اتكلم كلمه واشهق من الصياح : وشو .... وشو اذكري ... الله ... بلاك انت .... بلاك ما ... ما صار لك هالشي ... رجعت ابكي ما عندي سلاح غير اني ابكي ما عندي شي اسويه غير اني ابكي .. مافي حل اي حل غير الدموع .. مدري كم مر من الوقت .. ولا اهتميت اصلا بالوقت .. حاطه يدي على خدي واطالع الطريق .. وكل شوي امسح دموعي بالمنديل ..كانت دموعي تخف كل شوي .. وراسي صار يعورني من الصياح بس ما اقدر امسك نفسي .. هاذي مصيبه .. راكان:شجون ارجعك الاستراحه ..!؟ بكيت اكثر وانا اتذكر ماما وش بيصير موقفها:لا برجع .... البيت وقف عند باب بيتنا فتحت الباب ونزلت ودموعي تقريبا جفت لكن لحد الحين احس اني ابكي .. لحد الحين علامات الصدمه ما راحت عني .. كنت توني برن الجرس .. سمعت صوت باب يتسكر .. التفت لقيت عبدالله يمشي باتجاهي:تبيني احاكي حمد اقوله عن السالفه الي صارت وانك ما سويتي شي ..؟! انا ما استحملت رجعت ابكي:وش حمد .. الكلب هذا اصلا بيطلقني مفتكر انه سائل فيني .. فتحت الشغاله الباب ودخلت وانا اكمل بقهر:حتى انت مو سائل فيني محد يحبني اصلا سكرت الباب بعنف وانا ابي ابتعد عن هالحزن شوي .. ما همني الكلام الي قلته له لانه هو ما راح يهمه اصلا .. انا همني المصيبه الي دخلت فيها ومدري كيف بطلع منها .. لقيت ام سلطان داخل تنظف .. طالعتني بصدمه:شجون يما وش فيك ..؟ حظنتها:ام سلطااااان رجعت ابكي .. كأني ادور شي يخليني ابكي زياده .. والله تعبت من هالدنيا وتعبت من كل شي .. جلست انا وياها بالصاله وقلت لها كــــل شي .. كنت محتاجه افضفض عن الي بقلبي شويه .. ضربت على ظهري بشكل خفيف وقالت بحنيه:انتي قولي لا اله الا الله وقومي غسلي وجهك وتعالي سكت شوي وانا اطالعها .. ذكرت ربي بيني وبين نفسي وقمت اغسل وجهي .. راسي مره يصدعني من كثر ما بكيت وفكرت .. اول ما وقفت قدام المرايه انصدمت بشكلي .. عيوني كانت متفخه بشكل مخيف .. وحمرا .. وخشمي احمر بعد .. غسلت وجهي بالمويه البارده ووقفت ثواني اطالعه والمويه تقطر منه .. انا استحق الموت .. ليش اخاف منه .. الموت يمكن يصير راحه .. حسيت ان عذااب القبر اهون من العذاااب الي اتعذبه في هالدنيا .. استغفرت ربي ومسحت وجهي ورحت جلست عند ام سلطان وانا منزله راسي ام سلطان:لن يصيبنا الا ما كتب الله لنا هزيت راسي بهدوء كأني اتقبل هالواقع:راضيه باللي كتبه ربي ام سلطان:يلا يما امك جت .. انا بقوم اكمل شغلي طالعتها تروح بدون هدف يذكر .. التفت وانا اشوف ماما مرتاعه :انتي وييييييييييينك خوفتينا عليك تقول هاجر انك رحتي المستشفى وش صار لك .. ؟! هزيت راسي:ما صار شي .. وصلني عبدالله البيت ماما جلست:عبدالله ..!؟ ولا راكان ؟؟! تنهدت وانا اقوم:عبدالله وراكان ماما:اصبري قولي لي وش صار .. انا ما قدرت امسك دموعي:ماما خلود نشرت صوري .. حظنتها وانا ابكي مره اكثر من البكي الي بكيته لمن شفت الصوره .. يمكن لاني ابي ابين لها انو مالي ذمب مابيها تبالغ بردة فعلها .. يمكن سويت كذا لانو لمن تشوفني ابكي بهالطريقه يحن قلبها وما تعاتبني .. ماما قالت بصدمه:وشو ..؟! وش تقولين ..؟! انا تمسكت فيها وشديت عليها اكثر وانا ابكي .. قلت وانا اشاهق من الصياح:نشرت صوري يا ماما .. ومو صوري لحالي صووووور مركبببه تخيلي ماما صوتها تغير:من قالك ..؟! انتي شفتييييييييها ..؟! زادت دموعي وارتفع صوتي وانا ابكي .. وماما بدت تبكي معي .. ماهو شي سهل عشان ما ابكي وهي ما تبكي هاذي فضيحه .. حمدت ربي اني لقيت بماما الحضن الي يطمني مو الي يعاتبني .. لانو مو دايم تفكير الناس صح .. حتى تفكير اقرب الناس لك .. حتى الشخص الفاهم العاقل يمكن تفكيره يخونه .. ويصير سطحي ورجعي ومتخلف .. يمكن ما خلاني اكتب هالكلام الا ردة فعل بابا.. لمن دخل البيت وهو طايش ويصرخ يدورني وانا منسدحه بحضن ماما ونلملم دموعنا .. من سمعت ماما صوته حضنتني بقوه وانا تعدلت بجلستي بخوف .. ليش يصرخ كذا ..؟! معقوله درا ..؟! معقوله شاف ..؟! طيب ابي افهم ليش يصرخ .. اذا هو داري عن سالفة خلود .. اذا السالفه كانت بسبته هو اصلا .. دخل بالمجلس الي احنا فيه .. وانا انصدمت يوم شفته حسيت قلبي ينبض بقوه وبخوف .. تمسكت بماما بقوه وكل شعره بجسمي وقفت لحظتها من الروعه .. كان يصرخ .. يسب .. يشتم .. !!!! احس بضربه علي وانا احاول احتمي بماما وابكي .. وماما صوتها كان خاينها بس تحاول تبعدني عنه بأي طريقه .. كنت شبه عيما بذيك اللحظه .. بس وانا متمسكه بماما واشوف بابا بهالطريقه شي يخليني اتمنى الموت .. كان يصرخ .. اللي ما تربت .. الـ***** الـ***** .. بنت الـ **** هذي نهاية الدلع .. وش بيقولون عننا الناس .. وش هالفضيحه ... وش هالفضيحه .. وش هالفضيحه .. بس هالكلمه تردد براسي .. وتعيد نفسها .. من جديد ومن جديد ومن جديد .. بابا .. دكتور بجامعة من ارقى جامعات العرب .. بابا .. الي دارس عشر سنين بأمريكا .. بابا الانسان المنفتح التفكير .. الي كنت الجأ له عشان ابتعد من افكار ماما المتخلفه .. صار متخلف ..! العرق دساس .. ما فهمت معنى هالكلمه الا الحين بالذات .. صح العرق دساس .. مو لان بابا انسان مثقف يعني ماهو متخلف .. يكفي بس ان اغلب .. مو كل .. اغلب الخليجييين تفكيرهم كذا .. مهما انفتحت عقولهم يرجعون للتخلف .. شاف وش صار .. ودرى عن كل شي..وداري عن سالفة الميموري من الاول .. وما حاول يمنع خلود .. عشان ( اسمه ) .. والحين جالس يضربني .. ويضرب ماما .. ويضر نفسه بهالعصبيه الي ما تنفع لواحد بحالته .. عشان ( اسمه ) ... ليه ما حافظ عليه من الاول ..؟! بكل اسف اقول مدري .. |
البارت الثالث والاربعون مرت ايام .. بابا ما كان في البيت ... كان بالمستشفى تعبان .. الايام القليله هاذي وصلتني ورقه انهت كل مستقبلي .. الي اصلن كان منتهي بعد هالفضيحه .. ايام بس كانت كفيله تخلي ماما تقلب علي 180 درجه رغم اني مظلومه ... صرت اتعامل على اني حشره .. من اليوم .. تطبق نظام حظر التجول .. من اليوم مافي شريحه بالجوال .. ومن اليوم انا اسمي مطلقه يعني بكل بساطه لا اعتبر انسانه .. غريبين هالناس .. انا اول ما شفت الورقه .. ما انصدمت .. بس ما كنت سعيده .. كنت عارفه ان هالشي راح يصير عاجلا ام آجلا بـ(هالفضيحه) او بدونها .. حمد انصفني بنظري ..! ههه .. قال ما راح يطلقني الا بسبب .. وهذا هو طلقني .. وبسبب .. رجال .. رجال والرجال قليلو .. كنت رغم المعامله الزفته الي كانو يعاملوني فيها .. ورغم العده الي دخلت فيها ورغم كلام الناس الجارح الي طلع عني ورغم بعد عبدالله عني ورغم كل شي مر صار .. الا كنت متقبله هالواقع .. مبسوطه لاني اقوم على صلاة الفجر وانام قبل صلاة العشا .. مبسوطه لاني رجعت سامحت ليلة على الي سوته فيني .. على الاقل صار عندي صديقه بقضي معها الثلاثه شهور الجايه الي بضل فيها بالبيت ... ويمر شهر ... وشهرين .. وثلاثه .. وكل يوم يمر كانت تتحسن معاملة ماما لي .. بابا ما يكلمني .. ليلى كل يوم تزورني .. آكل .. اشرب .. انام .. مافي شي ناقصني غير الابتسامه الي صارت نادره بالنسبه لي .. بس برضو راضيه .. يمكن فجأه اشتكي .. واتمرد على هالواقع وابكي .. بس عمري ما قلت اني ماني راضيه .. حبيت حمد .. كأنسان ينحب .. كنت اتخيل لو اني جالسه معه الحين وش بيصير لي .. حبيته لانه طلقني .. وحبيت عبدالله اكثر .. اكثر من اول لانه الحين وبالذات احسه قريب مني .. كل يوم انام وريحته بحضني .. وكل يوم ارجع اقرى دفتره الي حفظت كل حرف فيه بسعاده .. يكفي بس اني احبه .. هالحب بس يمكن هو الي منور لي حياتي .. كان باقي اسبوع بس .. وتنهتي الثلاث شهور .. واطلع .. واروح .. واجي .. وطبعا ما اسلم من كلام الناس .. فلانه صورها انتشرت .. ما تربت .. قليلة الادب .. الي ما تستحي .. والله قلة اصل ..! .. شفتي وش صار لها .. طلقها زوجها بعد شهر بس .. من يبيها هاذي ... مربيتها فلانه قبل ما تموت .. ما تنلام ..... الخ ... اصوات وهمس ونظرات .. صرت اكره العزايم الي تصير بيتنا ..اكره بابا لمن يبتسم لي بحنان وانا عارفه انه لابس قناع وراه احتقااااار... اكره طريقة ماما وهي تتكلم برفعة خشم .. كأني صرت ولا شي بمجرد اني مطلقه...اصير زي قطعة اثاث قديمه مالها اي داعي بالبيت .. كان باقي اسبوع .. واطلع من هالسجن شوي ..! الساعه ثمان بالليل .. ماما تتبخر .. رايحه للعرس .. وانا طبعا بجلس بالبيت لانو انا بالعده ولانو اصلا لو ربي ما شرع عده ماراح اطلع خلقه .. طالعت ماما بتمعن وهي تلبس عباتها وتمشي .. قلت لها بلهفه:ماما .. التفت علي:نعم وش تبين .. حاولت اتجنب اسلوبها معي:اذا وصلك عمر خليه يجيب لي عشا من مااك مره في خاطري .. ماما:طيب دقي عليهم واطلبي لك .. تنهدت:ماما ما اشتركنا في ماك اصلا .. ماما تمشي بلا مبالاة:البيت كله اكل لازم ماك .. السواق مسكين بيوصلني وينوم .. السواق مسكين ..؟! وبنتك مو مسكينه ..!؟ عفوا .. من قال انها بنتك .. عادي تعودت .. رقيت لغرفتي .. ورجعت افتح دفتر عبدالله .. وانا عارفه اي صفحه راح افتح .. بالجهه الي بالدفتر مو مقسمه .. وما عليها اي كلام .. كان عبدالله هو الي محتله هالقسم .. صحيح انصدمت انه يعرف يكتب شعر وخواطر .. بس حسيته شي طبيعي لأنسان بهدوءه ورواقته وثقافته بعد .. طالعت القصيده .. والتاريخ الي فوقها وانا اخذ لي نفس عميق .. قريتها بهدوء للمره المليون .. يـا صـاحبـي كنـا حبـايـب وعشـاق .. وكنـا نعيـش فـي حيـاة هنيـة حـب ما صار لا بـ شام ولا عراق .. لكـن ولكـل شي لـه ختاميـة الظـروف لـي ولـك سببت عـاق .. وحرمتنـا من ايام كـانت هنيـه والحيـن جا يا صاحبي وقت الفراق .. وداعيه يا حبيبي وداعية كل مره اضحك لمن اقرا ( كنا حبايب وعشاق ) يا ليتنا كنا .. كل مره اقرا هالقصيده احتار .. هو كاتبها عشاني ..؟! فيني انا ..؟! ولا لا .. ؟؟ بس التاريخ هذا اذكره .. لمن قال لي امسحي رقمي .. طيب ليش يقول كنا عشاق .. مدري .. عبدالله فيه غموض عجزت افهمه .. حسيت بصوت غريب نقزت بسريري بروعه:يمــــــــــــا ليلى تضحك:ههههههههههههههههههههههه ارتعتي طالعتها وانا مو قادره القط انفااسي:انتي شلون دخلتي ..؟! ليلى:من البــااااااااااب ضحكت عليها .. وجلسنا نسولف .. محد مونسني الا هي .. تعلمني عنها وعن سيف .. كنت فرحانه لها وبنفس الوقت اغبطها .. عارفه ان الي سوته فيني كان قوي مره .. بس انا وياها تكلمنا وسامحتها .. اصلا كانت جايتني بوقت كنت فيه محتاجه لاحد كنت فيه شبه منهاره .. الشهر الاول من طلاقي كنت اخاف اني اطالع نفسي بالمرايه من كثر ما اصيح ..بس الحين عادي .. مو فارق معي اي شي .. الي يصير يصير والي ما راح يصير لا يصير ...الي يدري يدري والي ما يدري لا يدري .. طنش تعش .. اعيش مريحه بالي احسن لي .. صحيح تجي لحظه يتقطع قلبي على حالي بس لمن ابكي شوي اتذكر كلام ربي (( قل لن يصيبنا الا ما كتب الله لنا )) وافكر .. ربي مستحيل يكتب لي شي ماهو كويس لي .. كل شي كاتبه ربي ما راح يضرني ابدن .. حتى لو كنت منقهره من هالقدر .. باليوم الي بعده .. وعالغدا .. بابا تكلم وقطع صمت طويل:بعد شهر بتروحين لكندا .. كل شي صار تمام كنت الف الشوكه عالمكرونه لمن قالها .. تركت الشوكه بشكل عشوائي ورفعت راسي اطالعه ومبتسمه .. ماما قطعت الحديث:مدري وش سنعها تسافر .. تتعذب وتعذبنا معها تنهدت .. ماما ما تبيني اطلع من البيت ابد اجل شلون اروح ادرس بكندا ..؟! بس انا ما همتني ما دام بابا بنفسه هو الي رحمني وقرر انه يوديني بعثه ويبعدني عن هالمجتمع الي صار ينهش عظمي .. رغم انه بيتركني اسافر انا داريه انه لين الحين مستحقرني بابا:وش فيك انتي خلي البنت تشوف مستقبلها اذا هي شاطره .. وبعدين انا ابروح معها موب صاير الا العافيه ماما تتحلطم:تروح شهر وترجع وتتركها تلعب هناك لحالها انا انصدمت .. ماهي واثقه فيني ؟؟! لهادرجه ..؟! .. انا متزوجه .. !! يعني مو كبيره كفايه .. ؟! لو كان سني صغير بس اقدر احافظ على نفسي .. بس ماما لئيمه لازم ترجع تفتح سالفة الطلاق والصور .. تركت الشوكه الي بيدي وقمت:بابا بنتكلم بهالموضوع بعدين .. انا بروح انام الحمدالله .. مشيت بسرعه اداري دمعتي قبل ما تطيح .. حتى سفر كندا الحين بتخربه .. انا ما صدقت جتني من الله بابا هو الي اقترح علي .. لاني متأكده لو حصل ودخلت جامعه هنا بالرياض ما راح اصادق ولا بنت بعد الفضيحه الي صارت .. مو سهل علي اعيش وحيده اكثر من الوحده الي انا عايشتها الحين .. اففففففف ماما مريضه من جد مريضه .. انا حسيت انها ما استحقرتني على سالفة الصور لانها هي الي دافعت عني .. هي زعلانه من الطلاق ... بمجرد انو صار اسمي مطلقه حطت علي خطوط حمرا وبابا العكس استشاط على سالفة الصور رغم اني مظلومه .. ورحمني بعد الطلاق .. ما فهمتهم .. ولا ابي افهمهم .. متى يمر هالشهر واسافر وافتــــك .. باليوم الي بعده كنا نتمشى انا وليلى عند المسبح ليلى بحماس:وقال لي آسف وانا على طول سامحته ما قدرت امسك عمري وربي يجنن ابتسمت وانا اسمع سواليفها المعتاده عن سيف .. احاول اني ما احسدها على الي هي فيه ..! ولا ابين لها اي شي:الله يوفقكم ليلى بحركه عشوائيه:اقولك ذا السالفه وتقولين الله يوفقكم رجعت على ورى من دفتها لي وانا اضحك على اسلوبها .. كنت ارجع على ورا وابي اتوازن بس رجلي ما كان تحتها اي شي .. حسيت بجسمي يطيح على ورا وان الارض تسحبني .. كنت مصدومه وخايفه لحظتها .. فجأه شي بارد وصوت طرطشات وريحة كلور .. طلعت راسي من المويه وانا احاول القط انفاسي:يا الحمــــــا** ليش ترميني بالمسبح اف .. ليلى تضحك:ههه وربي ما قصدت سووري تسمكت بالحدايد على على اطراف المسبح وانا اضحك معها .. وجت في بالي فكره تخليني انتقم من حركتها البايخه .. مديت يدي وانا احاول اخفي خبثي:طيب ساعديني بطلع .. ليلى:لا والله عشان تسحبيني مثلت العصبيه:ليلوه انتي اللي طيحتيني وبعدين انا ما اقدر ارفع نفسي ملابسي مع المويه ثقيله .. تنهدت ومدت يدها وانا ابتسمت بخبث وسحبتها بقوه وانا اضحك .. اجمل ايام .. واجمل لحظات كنت اعيشها بحياتي كانت تخلل ايام من حزني بعد .. بس تعلمت انو مهما كانت همومي لازم البسمه تصادفني لو مره وحده بهالمشوار .. وانتهى الاسبوع .. قمت الصباح .. تنحت شوي استوعب حولي .. وفجأه ابتسمت .. خلصت العده ..! ماما مستحيل الحين تمنعني من الطلعه .. قمت بلهفه للحمام وغسلت وجهي عالسريع وفرشت اسناني .. طلعت من الحمام وانا اتنهد بإبتسامه .. وش بسوي الحين .. كنت مقرره اسوي كل شي كان في خاطري اسويه في هاليوم .. كنت مره مشتهيه اطلع فدركلز .. ومره كان في خاطري اسبح بالمناهل .. جتني فتره اشتقت لطلة الفيصليه .. وه شوارع الرياض كله اشتقت لها ... انا وش استنى ..! طلعت لي لبس اي كلام ولبست عباتي ما اهتميت بشكلي مرتب مو مرتب .. كنت انزل بسرعه وبفرحه كبيره .. هذا كان عيد بالنسبه لي .. اكره الحبس ..! صادفتني ماما على الدرج:هي هي وش فيييك ..؟ وين بتروحين ليش العبايه ..؟ قلت وانا ابلع ريقي ترددت من اول ما سمعت لهجتها:ماما انا بطلع ماما:ومن سمح لك انشالله ..؟! نزلت راسي ما اقدر احط عيني بعينها واطالع الكبرياء الي سكن فيهم .. انا مستواي اقل منها وببقى طول عمري اقل منها .. نزلت الدرج بهدوء:انا خلصت عدتي ما ردت .. وانا كنت اكمل طريقي ودي التفت اشوفها .. لمن خلصت الدرج اخذت نفس عميق .. ما تكلمت ..! ما قالت شي ..! طلعت وركبت السياره ما كان في شي محدد براسي ابدن ... دقيت على ليلى وقلت لها نتقابل بالفور سيزونز بالضبط بمطعم سبازو.. كنت مره مبسوطه اني طالعه بدون قيود .. انا جتني عقده من الحبس بهالطريقه .. بس هالمره شي بالدين و ديني ما اقدر اعترض عليه ..بسبازو كنت استنى ليلى واشرب عصير البرتقال بشغف .. وانا اشربه احس بالحريه .. كنت فرحانه زياده عن اللزوم .. مدري ليه..بدون مقدمات لقيت ليلى تجلس عالكرسي وتتنهد كشرب بوجهي و قلت بروعه:وجع انتي ما تعرفين تسلمين ..! ليلى:عالبركه قلت بضيقه ما ادري وش سببها:الله يبارك فيك ليلى:يؤ ..! وش فيك متضايقه ؟؟ مفروض الحين ترقصين يا الخبله ..! حسيت بخنقه ما عرفت افسرها:عادي ما فيني شي كنت اقولها واحس من صوتي ان فيني الصيحه .. مدري ليه ..! ليلى:شجن ليييش زعلانه شفيك شصاير .. توني محاكيتك قبل شوي ما كنتي كذا ...؟ انفجعت لمن حسيت بدمعتي طايحه غصبن عني .. مسحتها بسرعه وانا اهز راسي:لا تشغلين بالك مافيني شي ليلى بإستنكار واضح:انتي تبكين كيف مافيك شي حاولت ابرر لها قبل ما ابرر لنفسي:مدري حاسه ان حياتي غلط ليلى سكتت شوي:شجون مالك داعي ..! الصور كتبة رب العالمين ... وحمد وهذاك افتكيتي منه ... وعبدالله مو لازم تفكرين بالموضوع اساسا...!! طالعتها وقلت بأسلوب استفزازي عشان ابين لها غباء كلامها:ما افكر بالموضوع اساسا ..؟؟! ليلى بثقه:شجون انا داريه وانتي داريه ان عبدالله يحبك وهالشي كان بااااين .. تكلمت بسرعه:هذاك قلتيها كااااان ..! انا داريه انه كان يحبني بس افهمي.. كان فعل ماضي ياحبيبتي ليلى:وليش انشالله مايحبك الحين ...؟؟ انتي وحمد ماكنتو متزوجين اصلا مالمسك حتى ..! حسيت بمحدودية تفكيرها:اها وعبدالله يدري صح ..؟؟؟! الرجال مقتنع ميه بالميه اني اموت في حمد ... وان كان عبدالله بيبرر سبب لطلاقي راح يقول انه اكيد طلقني عشان الصور ليلى:يعني الحين بتقولين لي ان عبدالله مايحبك عشان الصور ..؟ انا توني بتكلم بس ما تركتني:شجون عبدالله اصلا كان يدري عن سالفة خلود وش فيك انتي ؟؟؟!! وش هالبنت ؟ ما تفهم ؟ اقولها ثور تقول احلبوه ؟؟! بس اصلا ليلى عمرها ما راح تفهمني:انتي اللي وش فيك ...؟! افففف اقولك شي غيري السالفه احسن ليلى تنهدت:متى بتسافرين ..؟! ابتسمت لمن تذكرت هالسالفه:بعد شهر .. اووووووووف ماني مصدقه اني بتفك ليلى:تفتكين مني هاه .. ايه الله يسامحك ياربي مو وقتها:لولا تكلمنا بهالموضوع كثير .. انا اول شي بروح مع بابا شهر وبعدها وهو راجع برجع معه ازووركم وحتى لو رجعت مستحيل اقطع شفييك ..! ليلى:يعني عادي تجلسين هناك لحالك مو رجال انتي .. انا عارفتك ما راح تقدرين تنهدت:بابا بيكون معي لحد ما اتعود عالوضع .. وماما بتزووورني هي وياه ما راح يصير شي ليلى:بكيفك هذا مستقبلك انتي حره فيك انا تسندت بقوه ومسكت العصير اكمله .. ليلى احيانا تكون احلا وحده بالدنيا احيانا كل سواليفها تجيب النكد .. تكلمت فجأه:جهزتي عمرك ..؟! التفت عليها شوي استوعب .. وتكلمت:هاه ... اي تقريبا .. بس بقا الفيزاا بابا بيطلعها .. اما كل شي ثاني جاهز ليلى:بجي ازورك .. ابتسمت لها .. فرحتني بكلامها:حياك الله اني تااااااايم حبيبتي .. والمدرسه ..؟! ليلى:مو لازم الترم الثاني .. بطنش ضربتها مع يدها على خفيف:مجنونه انتي .. لا لازم تكملين الترم الثاني خير .. شوفي الاجازه بين الترمين مره قريبه .. اذا جت تعالي مو تجين لي بنص الترم الثاني .. اكفخك انا ليلى تضحك:ههههههههههههههه طيب طيب .. وش رايك نقوم .. تنهدت:ما طلبنا شي ليلى تقوم:لا تعالي ننزل المملكه مابي اجلس هنا .. في خاطري كنتاكي .. ابتسمت وانا اقوم:اوووكي ليلى سبقتني وانا رحت الحمام اعدل حجابي .. رن جوالي فجأه .. رفعته بفرح اول احد يدق علي بعد ما رجعت لي الشريحه غير ليلى طبعا .. طالعت الاسم .. ما صدقت.. رجعت اقراه .. ما استوعبت كنت اناظره ومتجمده .. لحد ما سكت الجوال .. مكالمه لم يرد عليها .. فتحت اشووف ابي اتأكد من الرقم .. هو .. عبدالله .. داق علي ..؟! ليش ..؟! وش يبي ..؟! ما فهمت ولا استوعبت شي .. لالا يمكن داق يسأل .. بس ... بس قول قال امسحي رقمي وانسيني هو ما يبني بحياته انا سببت له مشاكل كثيره ..! مدري .. ماعرفت اجمّع ولا شي .. دخلت ليلى معصبه:انتي وينك يلا .. ؟ طالعتها وانا على وجهي علامات الصدمه:طيب طيب .. يلا .. طول ما احنا نتسوق وناكل وانا منشغل بالي ومو على بعضي .. رجعت البيت الساعه ثمان واستقبلتني ماما:ويييينك فيه ..؟! تنهدت:ماما كنت مع ليلى .. ما تأخرت ترا الساعه ثمان ماما:ان هالشي تكرر مو احسن لك .. مافي طلعه بعد صلاة المغرب فاهمه تأففت ورقيت فوق مالي خلقها ابد ..اول ما فصخت عباتي مسكت الجوال اطالع صفحة المكالمات التي لم يرد عليها..اناظر الرقم متردده ادق اسأله وش كان يبي ولا لا .. تعبت من كثر ما افكر .. رميت الجوال عالسرير ودخلت اتروش...باليوم اللي بعده قمت الصباح لقيت مكالمه ثانيه لم يرد عليها منه .. بدت دقات قلبي تزيد .. مدري هو خوف ولا ايش .. فكرت ادق عليه .. هو مادق مرتين الا عنده شي .. لا بس الحين اكيد بالجامعه ..؟ اففف نسيت انه تركها ... بس اكيد بالدوام .. بس عادي دق مرتين يعني شي مهم .. تنهدت بحيره وتركت الجوال .. بدق عليه بوقت ثاني ..العصر طلعنا انا وليلى للنادي .. قبل ما نبدا فكرت ادق عليه ... اكيد ما راح يقول نشبه دام هو اللي دق ومرتين بعد .. ياربي هو ليش داق ...تنهدت واتصلت عليه ..حسيت برعشه تمر بجسمي وان دمي يتحرك بشرايني بسرعه لان قلبي بدت دقاته تقوى اكثر...حسيت بخنقه كل مالها وتزيد مع رنات الجوال اللي حسيت انها طالت اكثر من اللازم...بعدها طلع ذاك الصوت اللي حطمني من قلب يبين لي ان عبدالله مارد .. كل الكلام اللي كنت مجهزته وكل حماسي لهالمكالمه بح ...! تأففت وانا ارجع الجوال للشنطه ... وركضت بسرعه لمكان التدريب لأنه بدا بعد ما خلصنا .. على اذان المغرب تقريبا كنا بالسياره وصوت برتني مالي الجو حيويه واستهبال ..كنت اضحك مع ليلى على سواليفها .. وانا اصلا بالي مشغول حاسه انو فيه بلوه صايره عشان كذا دق علي ... اللهم اجعله خير يارب .. رن جوالي فجأه بين يدي رفعته بسرعه وبخوف '' توأم روحي يتصل بك '' طالعته بصدمه ثواني بعدين استوعبت ورديت بسرعه وبربكه:الووو عبدالله بهدوء ..بهمس:آلو انا حسيت اني مو قادره اتنفس لمن سمعت صوته ... كنت حاسه بحراره بحسمي غريبه .. وتميت ساكته .. عبدالله:شجون حسيت برعشه بكل جسمي لمن قالها .. صوتي مو قادر يطلع مني:آمر .. كنت داق قبل صح ؟؟ عبدالله بنفس الهمس:ايه ويعم السكون من جديد .. وش سكون ؟ انا كنت اسمع دقات قلبي كل مالها وتقوى اكثر وماني قادره اتحكم فيهم .. حسيت انه بغمى علي من كثر ما جسمي يرتعش وبطني يعورني عبدالله:بس .. كنت ........................ تنحنح بصوته :شلونك ..؟ رديت بسرعه:ماشي الحال ... وانت ..؟! عبدالله:زين ورجع الهدوء .. وحالتي ما يعلم فيها الا ربي عبدالله:خلصتي العده صح ..؟ |
البارت الرابع والاربعون ابتسمت غصبن عني:ايه عبدالله قال بصوت باين فيه الارتباك:طيب .. وش .. يعني... انتي بخير ..؟؟ هزيت راسي على بالي يشوفني:ايه بخير عبدالله رجع للهمس:الحمدالله .. انشالله دايم .. انا:آمر بغيت شي .. عبدالله:هاه ..؟ لا ابد بس .. كنت داق اسأل عنك .. متأكده ماتحتاجين شي فديته يسأل عني وخايف علي .. ماشفت ابيض من قلبك يا عبدالله عبدالله:جد شجن اذا محتاجه شي قولي لا تستحين .. ضحكت بيني وبين نفسي .. وش بحتاج يعني .. انا محتاجتك انت عبدالله:شجن معي ..؟ ابتسمت على ضحكه خفيفه:معك معك عبدالله:وش فيك تضحكين ...!؟ زاد ضحكي:ههههه ولا شي بس مبسوطه عبدالله:دوم انشالله الضحكه حاولت امسك نفسي:دام ظلك .. عبدالله:..... طيب .. ورجع سكت فتره عبدالله:تامرين على شي قلت بتحطيم:ما يامر عليك عدو .. سلامتك عبدالله:الله يسلمك ... يلا .. فمان الله ابتسمت وقلت بتنهيده وبكلمه طلعتها من قلب:فمان الكريم طوط طوط طوط .. يا شين هالصوت .. طالعت الجوال وانا مبتسمه .. الا شاقه وجهي من الابتسامه ليلى:هيه هيه انتي شفيك توزعين ابتسامات .. من كنتي تحاكين التفت عليها وضحكت:هههههههه عبدالله ليلى:عبدالله يكلمك ..؟ ششششششششششششفتي قلت لك انه يحبك ابتسمت وانا اخذ نفس عميق .. مجنونه يكلمني يعني يحبني ؟؟ هههههههههه لا هو بس يسأل عني .. وعادي احبه حتى لو ما يحبني .. حتى لو يحب وحده غيري .. ما قد فكرت عبدالله يحب ؟؟ ما قد قال لي ابدن انه قد حب ..؟! طيب منهي هاذي الي بيحبها .. كيف شكلها .. وش اطباعها .. افففف التفكير في الموضوع هذا مزعج حطيت يدي على خدي وجلست افكر فيه .. اتذكر مواقفنا مع بعض .. اتذكر صوته .. اغمض عيوني واحاول اتشبث بصدى آخر كلمه قالها .. فمان الله .. امان الله ؟؟ تدعي لي ..؟! اخذت نفس عميق ثاني .. الحب شعور جميل .. بس ما يدوووم .. لازم احس بالقهر كل ما اتذكر الي صار لي واني مجرد اخت .. بس ارجع اقول الحمدالله على كل حال .. ما اقدر اعترض مر اسبوع هالمكالمه كان من اجمل الاسابيع بحياتي .. حره ..! واحب ..! وعندي بالبيت كنز ..! وربي رااضيه بهالحال .. بنفس الوقت المعتاد لي انا وليلى بالنادي .. رن جوالي .. وكان هو .. عبدالله .. اخذت نفس عميق .. داق يسأل عني مره ثانيه ..؟! رديت بسرعه وانا مرره فرحانه:اهليين عبدالله:اهلينااات .. كيفك ؟؟ انا:عاال العال .. نسأل عنك يا القاطع عبدالله:هه شدعوه .. هذاني انا الي ادق يعني انتي القاطعه قلت بدلع:افااا ندمت بسرعه على الي قلته .. كشرت بوجهي وانا استناه يرد:هههه انا القاطع بس لا تزعلين ارتحت نفسيا انه ما علق .. مدري ليش تضايقت اني قلت كذا:لا ما زعلت عبدالله:اممم .. شجن قلت بفرحه:آمر عبدالله:ما يامر عليك عدو انشالله ..... بس كنت بسألك انا ارتعت .. وش يسألني:ايواا ..؟ عبدالله:لالا خلاص ولا شي .. انا زاد خوفي:لالا بتقول والله لازعل عبدالله:لا ماله داعي خلاص انا:عبدلله اذا ما قلت وربي ازعـــل من جد عاد عبدالله:شدعوه تقولين عبدالله ..؟! انا خفت اكثر وش فيه:وشو عادي .. اسمك .. عبدالله يضحك:ههههه لا بس اذا كنتي معصبه تقولين عبيد .. شفتي انك ما راح تزعلين اذا ما قلت قلت لا اراديا وبإنفعال:عبيدوه وربي بزعل سكت شوي وانا استوعب .. هههههههههههههههه صح عليه .. عبدالله:ههههههههههههههههه شفتي.. الحين بتزعلين بوزت:عبدالله جد وش كنت بتقول ؟ عبدالله:انسي خلاص انا:ترا بالي اطول من بالك .. عبدالله:مو شي مهم قلت بإصرار وقهر:وربي انت تقهر عبدالله بروعه:شجن زعلتي ..؟! انا خلاص دموعي على طرف عيني مدري وش سببها:انت داري اني بزعل عبدالله:لآلا خلاص وربي خلاص حسيت بفرحه بسيطه:ووووشو يلا قول عبدلله:بس .. ياربي شجن وربي ما ينفع انا مره تنرفزت:شفت .. وما تبي تزعلني بعد ..؟!!!!! عبدالله:بس كنت بسألك انتي عندك شي اليوم باليل .. بس ..! انا سكتت شوي .. ليش هالسؤال:ليش؟ عبدالله تنهد:بس كنت بعزمك بس تذكرت انو ما ينفع ابتسمت .. ابتسمت من قلب.. يعزمني .. يالبى قلبه .. قلت بسرعه:ليش ما ينفع ؟ عبدالله:لانو ... انتي داريه انا:لا عادي عبدالله:ايش الي عادي ..؟! قلت بفرح:يلا وين بتعزمني عبدالله:وعمي ؟؟ وخالتي ؟؟ ياربي صح وش ذا المشكله .. يبون يبعدوني عنه بأي طريقه .. مدري من الي قايل لهم اني باكله .. قلت بعد تفكير:لا عادي مافيها شي عبدالله:...... اكيد ..؟ انا بعفويه:ايه عبدالله بربكه:شجن .. طيب .... قولي لعمي قبل خلاص ؟ كشرت:طيب عبدالله:وعد ..؟! انا:وعد .. بس وييين عبدالله:امممم .. وين تبين .. امرك ونشوف بالسياره انا تكلمت بسرعه:لا وش تمرني؟ عبدالله:مو قلتي بتشاورين عمي قبل ..؟! انا:ايه بس .. لالا خلها بمجمع احسن .. اممم .. وش رايك بصحارى عبدالله:شجن انتي ما راح تقولين لعمي صح ؟ انا:وش فيك انا قلت لك بقول له عبدالله:مابي اسبب لك مشاكل وربي ابتسمت:ما راح تسبب مشاكل يووه عبدالله:خلاص بصحارى ابتسمت:اوكي عبدالله:اليوم ؟ انا:اليوم عبدالله:متى ..؟ تنهدت:اممممم .. الساعه 8 كويس؟ عبدالله:اووووكي قلت بخبث:وش المناسبه عبدالله:بس وحشتيني .. فيها شي لمن اشتاق لاختي تمنيت اني ما سألته ولا خربت فرحتي ولا خليت الجرح الي بقلبي يرجع ينزف من جديد قلت وصوتي متغير:طيب .. يلا اشوفك باليل.. باي عبدالله:فيك شي؟ انا:لالا .. باي بيبدا التدريب عبدالله:اها .. باي جلست عالكرسي ودموعي على طرف عيني .. حسيت بالتحطيم .. بس عادي مو مشكله .. اهم شي اني اشووفه .. جتني ليلى:يلالالا بنبداا وينك .. طالعتها وانا اتنهد:جايه الحين .. لمن رجعت البيت .. الساعه سبع بعد المغرب تقريبا رحت بسرعه اتروش .. 7 ونص وانا عند المرايه اتجهز .. طبعا ما قلت لا لماما ولا لبابا لاني عارفه انهم ما راح يوافقووون ابدددن .. وليه ..؟ مدري .. ما حاولت اني اكثر كحل ولا اسوي اي شي ثاني .. خليت نفسي بطسيه قد ما اقدر .. باقي نص ساعه بس .. رجووولي مو شايلتني من الفرحه .. كنت انزل الدرج بشويش مابي ماما تشوووفني .. بس حصل وشافتني:شجووون وش ذا التفت عليها بروعه:وشو ..!؟ ماما:كل يوم طلعه ..! قلت بتحطيم:ماااامااا طفش .. وش الي ما يخليني اطلع ماما تجي تجر الشنطه من يدي:كلام الناس طالعتها بصدمه:مااما .. وش كلام الناس خليني اطلع ماما:مافي طلعه بعد المغرب انا قلت لك .. انا انصدمت اكثر خير:مااامااا وشو ..!؟ ماما تمشي:قلت لك مافي طلعه وانتهى النقااش تأففت بقهر .. خلاص بصيح .. مافي شي يمنعني عن عبدالله الحين الا ذي .. نزلت دموعي ورقيت بقهر ادور بابا .. ضربت الباب محد رد صرخت بأعلى صوتي:بااااااابااا .. بابا فتح الباب وهو باين توه قايم ومرتاع:وش صاااااير ..؟! انا كنت اشاهق من الصياح:مااما مو راضيه لي اطلع والله تعبت من الحبس باابا وش ذاا ما يصير كلمهاااا بابا سكر الباب:روحي غرفتك وارقدي الساعه ثمان.. مسكت الباب:لا .. بااااااباا .. لا بابا استنى سكر الباب وانا جلست ابكي .. مو معقوله هالناس .. انا ما صدقت على الله بروح اشوف عبدالله ..! .. نزلت وانا معصبه ادور ماما .. لقيتها بالمطبخ .. قلت وانا احاول اهدي من دموعي:ماما الله يخليك بطلع .. ماما تتنهد:شجون روحي عني راسي يوجعني اصيرت:مــــــــااااااامـــــــا ماما تصرخ:وبعدييين زدت بكي:ماما بزر انا تعاملوني كذا ليش ما تبيني اطلع وش فيني انا وش سويييت ماما صاحت:اتركيني راسي يوجعني طالعتها بحقد .. بيني وبين نفسي اكرهها .. دخلت غرفتي وسكرت الباب وجلست اصيح .. يعني فوق كل هذا يحرموني من الطلعه .. لا ومع عبدالله بعد .. وش بيقول الحين اذا ما لقااني .. وش بيصير بعديين .. مدري حطيت راسي عالوساده وغمضت عيوني وانا ابكي بقهر ماني فاضيه افكر بأي شي ثااني .. الصباح لقيت مكالمتين لم يرد عليها من عبدالله .. ورساله .. فتحتها (( شجن وينك ما لقيتك ..؟ )) تنهدت وارسلت له (( سوري بس ما قدرت اطلع .. آسفه )) حطيت الجوال عالتسريحه ومسكت راسي .. مره يصدع بي .. لمن تذكرت موضوع امس حسيت بالعبره تخنقني حسيت بقهر مو طبيعي .. جلست ابكي شوي ورن الجوال .. رديت بسرعه:ليلى وربي ماني رايقة لك حاكيني بعدين سمعت صوت عبدلله فجأه:شجن شفيك تبكين ؟ ارتعت:عبدالله ..؟! عبدالله:وش فيييك ؟ حاولت اعدل صوتي:هاه .. لالا مافيني شي عبدالله:شجووون رجعت ابكي:وربي بس راسي يعورني عبداالله:رحتي المستشفى ؟؟ انا طلعت على وجهي علامة استفهام:وش مستشفى ..؟ لالا باخذ لي حبه وبيطيب عبدالله:يوووه .. لو ما طاب انا ضحكت عصبن عني:ههه وشو ما يطيب عبدالله بتصنع:والله انك فقاشه اجل راسك يعورك وتضحكين انا ما عرفت امسك نفسي:هههههههههههههههه ... فجاه تكلمت جد:ترا سوري عشان امس عبدالله تكلم جد بعد:لا عادي حصل خير .. بس ليش؟ تنهدت وانا افكر:مافي شي بس كنت تعبانه وو قاطعني:شفتي .. ليش ما تروحين المستشفى رجعت اضحك:عبدالله ههه شفيييك علي جلسنا نسووولف من الساعه عشر الين ما اذّن الظهر وراح يصلي .. سكرت الجوال وانا آخذ نفس عميق .. فديته .. انا مدري لاي درجه كنت غبيه قبل .. ياربي انا مره سعيييده ماني قادره اوصف شعوري .. صليت ونزلت ازعج ماما بالمطبخ .. وساعدتها في الغدا وما خليت الشغالات يدخلونه .. وسويت هيصه في البيت طلعت كل الفرحه الي فيني.. عالغدا .. ماما:ترا شجن هي الي مسويه الغدا اليوم انا استحيت وجلست انتظر رد بابا بابا:اوووه وانا اقول وليش غدانا اليوم وش زينه .. تسلمين يا بينتي قلت بحيا:شكرا .. وكملت اكل بهدوء وانا مره مبسوطه .. ياااربي الحب يسوي كذا ..بعد الغدا طلعت جلست بالمرجيحه الي بالحديقه .. الجو بدا يبرد .. والهوا حلو .. كنت شبه منسدحه وبحضني شماغ عبدالله .. كنت اتخيل اني منسدحه بحضنه .. وسرحاانه .. ومبسوطه .. فجأه:شجن قمت وانا مرتاعه :وشووو ..؟! ام سلطان:وش تسوين يمي في ذا القوايل تلفت حولي وعلامات الصدمه على وجهي .. وش تحس ذي:وش قوايل .. الجو حلو ام سلطان:وش ذا يا بنيتي الي بشزتس شزدتس ؟؟ وش تخرب هاذي .. عقدت حواجبي ابستفهم عن معنى الكلمه بس على طول تذكرت ..! حضنك ..؟! قلت انا واحاول اصرف:بس عشان الهوا غطيت نفسي بالشماااغ .. قمت بسرعه:يلاااا انااا بدخل وما عطيتها فرصه دخلت البيت ولغرفتي على طول .. يوووه الواحد ما يقدر يجلس خمس دقايق على راحته ابدن ..! افففف بيت نكد من جد .. الساعه ثمان بالليل دخلت اتروش .. طلعت وجلست امشط شعري .. رن جوالي .. عبدالله يدق .. رديت بلهفه:اهلين عبدالله:هلااا .. شلوونك ؟؟ قلت وانا احاول امسك نفسي:طيبه .. وانت ؟ عبدالله:الحمدالله تمام .. آآ ... ازعجتك ؟ جاوبت بسرعه:لا شدعوه .. عبدالله:كنت بسألك عن الموقع الي قلتي لي عليه .. انا فتحته .. وش اسوي بعدين ..؟ قلت بحماس:شفت المربع الي بالزاويه عاليسار مكتوب عليه بالاحمر .. عبدالله:إيه انا:اضغط عليه وتطلع لك الصفحه الي تبيها .. بس عبدالله:اوووكي .. سكت شوي بعدين قال:شجن شوفي مدري شفيه الاتصال .. ثواني بس اشيّك على المودم قلت وانا اتنهدت:أوكي .. عبدالله يضحك:يلا برب ضحكت وقلت:بايووو طوط طوط طوط .. جلست اطالع الجوال وانا اتنهد .. اخلص يا ذا المودم وزن بسرعه عشان يدق بسرعه .. جلست نص ساعه ماسكه الجوال واستناه يدق .. فجأه ( على ذاك الطريق الي يسمونه غرام احباب ..... ) نغمته ..! دق ..! .. رديت:هاااه زااان .. ؟ عبدالله:لا والله مدري شفيه قلت بإحباط:اها اوكي .. عبدالله:مو مشكله اشوفه بعدين .. انا رايح انام وراي قومة من الصبح انقهرت .. ليش ينوم:ليش ..؟! عبدالله:ام ابراهيم بالمستشفى وابراهيم بيجي هنا كم يوم لين ما تطلع .. وخاله بجيبه بكرا وبروح آخذه من المطار انا:اهااا .. تقوم بالسلامه عبدالله:الله يسلمك .. تامرين على شي ابتسمت:سلامتك ورضاك عبدالله:يلا .. باي قلت بهمس:باي .. |
البارت الخامس والاربعون وتركت السماعه على اذني .. مابي صوته يضيع .. مسكت صدى صوته لآخر لحظه .. وربي أحبه .. اليوم الي بعده باليل .. وبعد جميع محاولات الاقناع اقتنعت ماما اطلع انا وليلى الفيصليه .. كان يوم الجمعه .. جالسين نسولف انا وياها بقسم العوايل ليلى:بس مدري ما استلطفهاا قلت وانا آكل البطاطسه:لا بالعكس انا من اشد معجبين اوبرا ليلى:كوووبرا وانتي الصادقه ضحكت وقلت:مدري من تحبين انتي ليلى:سيوفي قلت بنص عيون:سرقتي الدلاعه حقتي ليلى ترمي علي منديل:وجع قلت وانا اضحك واتهزا:يؤ عورتيني .. دون مقدمات سمعت صوت بزر يناديني التفت لقيت ابراهيم بوجهي وماد يده:شجن اهلييين طالعته وانا متنحه شوي .. ابراهيم ؟؟ وش يسوي هنا هذا .. مديت يدي وانا مستغربه:هلا رفعت عيوني شوي لقيت عبدالله يتنهد:معليش عالمقاطعه بس برهوم الدوب ماقدر يمسك نفسه ابرهيم:خييير ابي اسلم على شجن انا وش فيها .. اهلين ليلى ليلى تمد يدها:هلا هيموو انا كنت اطالع عبدالله وداخله عالم ثااني .. هو صحيح اني اكره مالي اذا شفت ولد لابس وردي .. مع انه لوني المفضل بس ما احسه يجي عالرجاجيل .. بس كان مرررره لابق له الوردي .. اول مره اشوفه لابسه .. وبعدين لون بشرته الاسمر الي مدري من وين جا صراحتن .. مخليييه انسان ثاني .. مخليه احلا بواااجد .. وحتى قصّة شعره تغيرت .. هو تقريبا شكله كله تغير عبدالله:يلآ آسفين ليلى:لا شدعوه .. اصلا وش جابكم قسم العوايل ..؟! عبدالله:قسم العزاب فيه ناس تدخن وانا خايف على المملوح برهوم .. وبعد عشانه يبي الالعاب ومابي اصير بعيد عنه ... تنهد:والمشكله هنا زحمه ابراهيم يشد بلوزة عبدالله:عبود عبود طيب يلا بروح العب .. ليلى قامت فجأه:خلاص برهوم تعال انا اوديك الالعاب ... عبدالله انت اجلس هنا مع شجن لحد ما تفضى لكم طاوله .. وعطتني نظره مع ابتسامه سريعه وراحت مع ابراهيم الي ما صدق عمره انا انهبلت .. وش تستهبل ذي .. ناديتها بس مشت ولا ردت .. وعبدالله ظل واحد ويطالع ابراهيم مع ليلى وهو مبتسم .. انا رفعت عيوني اطالعه .. يؤ بيجلس معي .. ياااربي ليلى مو وقتها .. جلس عبدالله مكان ليلى قدامي ويطالع يدينه الي عالطاوله .. وانا اطالعه بنص عيني مابيه يلاحظ عبدالله:ابي اقولك شي يوم تكلم انا مدري وش صاار لي ماعرفت اجمّع .. حسيت بحراره بجسمي غريبه .. اختبصت:هاه .. قول .. عادي عبدالله رفع عيونه وطالعني وياليته ما رفعهم .. جت عيني بعينه ما قدرت اتحمل نزلتها بسرعه .. ونبضات قلبي كل مالها وتقوى عبدالله:آآ ... الدفتر حقي عندك ..؟! رفعت راسي بصدمه .. ارتبكت .. يؤ وش اقول له الحين ... تلعثمت ما عرفت ارد .. بس هو قاطعني وهو يضحك على خفيف:قالت لي الخدامه ... انا حاولت ابرر:انا .. وش اسمه .. آآ عبدالله رفع حاجب وابتسم:حطي عينيك بعيني طيب انا توهقت .. خلاص بصيح .. جسمي كله ينتفض مدري وش صار لي .. رفعت عيوني بشويش .. وطالعته .. ابتسامته كانت مره جذاابه .. وشكله وهو رافع حاجب مخليه شي ثاني .. ياربي انا اول مره بحياتي اشوف عبدالله ..؟ عبدالله:شفيك .. هه حطي عينك بعيني .. طالعته بصعوبه وانا عاقده حواجبي:وشو ..؟! عبدالله بصوت زي الهمس:يفداك الدفتر والله .. ليش خايفه .. انا ماعرفت وش اسوي بعمري .. خلاص بصيح فشيله .. :مو خايفه عادي .. انا اخذته عشان قاطعني:شجن أحبك عند هالنقطه بالذات ما اقدر اوصف شعوري وش كان .. ولا اقدر اصوّر حجم الصدمه الي انصدمتها .. ولا شي ..! كل الي اقدر اقوله اني حسيت شوي وبيغمى علي من كثر ما جسمي ينتفض .. ليش ..؟ مدري ..! كنت فاتحه فمي على خفيف واطالع عبدالله ... كان يطالعني .. كانت عيني بعينه .. ما قدرت اتكلم او اسوي اي شي ثاني .. كل الي حسيت بس مجرد دمعه صغيره نزلت على خدي .. مدري وش سببها مسك المنتديل ومسحها:آسف اخذت المنديل من يده وكورته بيدي وانا اناظر الطاوله : لا ... عادي كنت اتكلم بطريقه غريبه .. منصدمه ... بديت استوعب .. ابتسمت .. وابتسامتي ما كان بهواي .. كانت غصبن عني .. رفعت راسي اطالعه عبدالله: تكلمي ..! اخذت نفس عميق:عادي .. وش اقول .. عبدالله ابتسم:قولي زي الي انا قلته ما دامه باين .. ارتبكت اكثر:وش الي باين ..؟! عبدالله ضحك .. وانا حسيت اني بمكاني ماني قادره اتحرك ولا اسوي شي.. بس اضغط على المنديل الي بيدي اكثر .. حسيت بقلبي ينبض اقوى واقوى واقوى .. بطني خلاااص يعورني مره مدري وش السبب .. شعووور مزعج مره مزعج تمنيته يروح عني .. حسيت ريقي ناشف واني اتنفس بسرعه .. ليش كذا هذااا ..!؟ هو اصلا وش قصده باللي باين ..لحظه اصلا هو يحبني ..؟! ماعررررفت اسوي اي شي تفكيري توقف .. ليلى جت:عبــــــــــــــدالله التفت بسرعه :وشووو ..! ليلى:ابراااااااهييييم طااااااح .. رووح شوووفه مدري شفيه طالعت عبدالله وهو يركض للالعاب وليلى تلحقه .. والناس متجمعه هناك وانا بس بمكاني .. جالسه واطالع .. حطيت يدي الثنتين على الطاوله وحطيت راسي فوقهم .. اطالع السيارات تحت تمشي .. تنهدت بفرحه .. دموعي نزلت بهدوء .. يحبني ..؟! عبدالله يحبني ..؟! عبدالله قال : احبك ..؟ ماني مصدقه انا بحلم .. حلم من روعته ما اقدر اصحى منه .. غمضت عيوني بشويش .. اخاف لو ما غمضتهم اقوم من هالحلم .. تعرفون شلون الواحد يتحقق له حلم .. كيف الواحد يحس بالامان فجأه .. يحس انه مهم بهالدنيا لشخص واحد على الاقل .. كيف شعور الانسان لمن يحب .. وينحب ..؟ لمن يحس ان الدنيا هاذي كلها ما راح تكفيه من كثر ماهو سعيد .. شعور يتعدى الوصف .. ما تعبر عنه اي كلمات .. لان الحب بكل بساطه شي غير مفهوم .. شي ماله وصف ولا له مثيل .. شعور غريب .. جميل انك تحب شخص وتهتم له وهو يبادلك هالشي .. جميل انك عارف انو فيه شخص يخاف عليك .. يعيش دنيته عشانك .. شخص يحبك .. عبدالله .. يحبني ..؟! شي ماهو معقول .! جت ليلى وجلست:تخيلي ابراهيم طااح .. يابعد عمري جلس يصيح صياح ماهو طبيعي وعبدالله أخذه المستشفى رجله تعوره رفعت راسي:ما يشوف شر ليلى:وش فيييك ..؟! ابتسمت لها وعيوني مليانه دموع:مافي شي ليلى:وش سويتوا انتي وعبدالله ..؟ طالعتها ببرود .. لا .. مو ببرود .. كنت فرحانه .. من كثر فرحتي طالعتها من غير ما ارد .. ليلى:شجووووووون وش فيييك انتي بعد ..؟! تنهدت بفرحه:ليلى .. نرجع البيت ..؟ ليلى:لالالا .. وش صااار قولي لي .. فيه شي صاااير ..! كنت ابتكلم ابقول بس حسيت اني مخنوقه .. بس بنفس الوقت فرحانه .. ماعرفت احكي .. تنهدت وقمت:لولا برجع البيت .. مشيت وما عطيتها فرصه .. كانت ابتسامتي شاقه وجهي ماني قادره اتحكم بنفسي .. كنت امشي بسرعه تقريبا مابي ليلى تجيني .. فجأه ضربت بشي .. التفت بسرعه اعتذر:اوو آسفه .. الولد الي ضرب فيني:لا عادي .. كان بيكمل طريقه بس انا وقفت اطالع .. استوعب .. !! .. وهو مشى خطوتين ووقف مكانه والتفت بسرعه .. ثواني كنا نناظر بعض فجأه تكلم:شجن انا بلعت ريقي .. يااااسر ..؟! لا هذا الانسان اخس انسان عرفته بحيااااتي مو لازم اكلمه .. مشيت ولحقني:شجن .. شجن اصبري بحاكيك حقول لك حاااجه .. انا كنت امشي ابي ابتعد عنه .. وش يبي فيني هذا الحقير .. مسك كتفي:اصبري انا انهبلت .. وش يبي هذا يلمسني .. التفت وانا معصبه:خير لا تلمسني وش تبي انت ياسر:اصبري ابغى احاكيييك صرخت بوجهه بخوف ابيه يروح عني:مابي احاكيك انا.. غصب هو .. تلفت حولي بسرعه ورحت للسكيورتي:لووو سمحت شوف هذا يلحقني ومد يده بعد قليل الادب .. بعده عني السكيورتي يأشر على ياسر الي واقف وعلى وجهه علامة استفهااام:هذا ..؟! انا:اييه .. السكيورتي جلس يطالعه:ابشوفه الحين لا تشيلين هـ انا ما انتظرته يكمل مشيت بطريقي .. مو وقته هذا جاي .. انا فرحااانه .. يااربي احس رجولي ماهي شايلتني من الفرحه بعد .. طلعت من الفيصليه اناظر الشارع .. ما دقيت عالسواق يجي .. !! اخذت نفس عميق .. مو لازم ادق عليه .. مشيت وابتعدت عن الفيصليه .. وجمبي طريق الملك فهد والسيارات تمر بسرعه وانا اطالعها ومستانسه .. طبعا من غير ما ادقق على سيارات الشباب الي تمر وتعلق بخمس ثواني سريعه .. ما اهتميت .. مشيت لحد فندق الخزامى الي جمب الفيصليه .. جلست هناك ودقيت عالسواق يجيني اول ما رجعت البيت رحت غرفتي .. انسدحت عالسرير وحطيت وجهي عالوساده بفرحه .. يالله مبسووطه مره .. يحبني ..؟! مااااني مصدقه .. مسكت كاميرتي بحماس وجلست اتفرج على صور عبدالله .. مع كل صوره نبضات قلبي تقوى .. هذا اعز انسان عندي بالدنيا .. الانسان الوحيد الي فهمني .. وو .. وحبني ..! .. لحد الحين ماني قادره استوعب .. اتذكره وهو يقولها .. يالله ..! افتح الباب وتحركت من مكاني بروعه:شجون اخذت نفس عميق:ماما روعتيني ماما:تعشيتي ..؟ قمت وحضنتها بقوه:مااااامااا اموووت فيك وربي ماما:وانا بعد .. وش فيك عطيتها بوسه كبيره:فديييييتك ماما:وش فيييك مصخنه ..؟ طالعتها بعلامة استفهاام:ماما انا انسانه سعيده ..بس .. وبعدين حرام احبك يا احلى شي بالدنيا ورجعت احظنها .. ماما:وانا احبك بعد .. طيب يلا انزلي تقهوي معي انا وابوك .. طالعتها بفرح:من عيووووووني بس اغير ملابسي اوكي ماما تطلع وتسكر الباب:يلا اسرعي غيرت ملابسي ونزلت تحت .. كنت انزل من الدرج بشكل جنوني كأني طفله صغيره تركض تبي تلحق على مجموعة حلويات راح تخلص بعد دقايق ..! نزلت وبست راس بابا:هلا والله .. بابا ابتسم:هلا بك .. تربعت:شلون بااااباا اليوم ..؟ بابا:بخير وانتي .. طالعه من الصبح مشالله .. بوزت بفمي بدلع وانا آخذ بيالة الشاهي من ماما:وش من الصبح حرام عليك بابا:ترا سفرتك تأجلت شهر زياده انا انهبلت:وشووو ..؟! بابا:الفيزا ما طلعت .. الله يلعن ابليسهم يذلونا عليها .. انا حطيت البياله بسرعه:بابا ليش شهر ..! انا كنت .. كنت مره متحمسه .. مفرووض انو اسبوعين بس ..! بابا:وش نسوي عاد .. انا:طيب وش فيييييزته هاذي الي تطلع بكل هالوقت ..! بابا:يا بابا احنا سعوديين وهذا شي طبيعي .. انا بإستنكار:وشووو ..؟! بابا:بعد 11 سبتمبر صاروا كل السعوديين اراهابيين .. يلا الله يعين انا تحطمت من جد .. وربي حرام عليهم .. من متى واحنا نستنى الفيزا .. تأففت بحزن بابا يضحك:حتى السودان حاطه علينا فيزا .. ضحكت غصب:ههههههههه ماما:يلا كل تاخيره وفيها خيره .. اجل ابراهيم رجع ؟؟ بابا:ايه جابه عبدالله اليوم .. اول ما جا طاري عبدالله اختبصت .. ورجع المغص الي ببطني وانا اتذكره اليوم .. قمت بسرعه عنهم مابي تزيد هالحاله فيني .. الشعور هذا غير انه حلو بس بنفس الوقت مزعج .. رجعت لغرفتي وحطيت راسي وانا احاول انام .. بس ما عرفت من كثر التفكير .. بس افكر به ماني قادره اغمض عيوني حتى .. وش هالحب ..! الصباح قمت وانا متحمسه .. وفرحااانه مره .. رحت مع ماما السوبر ماركت وتقضيت معها مع انو اكره مالي المقاضي .. وجلست مع بابا عالنت وهو يفتح اشياااء تافهه بالنسبه لي .. مدري صرت اسوي اي شي عادي عندي .. من زود الفرحه الي فيني بلشت بعمري .. كنت مع بابا ورن جوالي .. انتضفت وتوهقت وما عرفت وش اسوي .. عبدالله داق .. قمت وعدلت بنطلوني وتنحنحت بصوتي بخوف مابي ابين لبابا شي انا:آآ بابا .. ليلى تدق بشووف وش فيها اوكي ثواني وجايه .. بابا مندمج:طيب طيب طلعت بسرعه ورديت:الوو عبدالله:اهلين انا ابتسمت غصبن عني .. ياااربي احس اني ارتجف ليش مدري .. صرت اتنفس بسرعه حاسه اني مهما استنشقت هوا ما راح يكون فيه فايده .. عبدالله:شلونك .. ؟؟ بلعت ريقي وقلت بإرتباك:طيبه وانت ..؟ عبدالله:انا بخييييير .. اقول شجن انا:قول عبدالله:زعلانه ؟؟ كبرت ابتسامتي غصبن عني وقلت بهمس مدري وش سببه:من ايش ..؟ عبدالله:من امس انا قلبي صار طبول .. اف يا شين كذا :لآ .. ليش ازعل ..؟! عبدالله:طيب .. نكمل نقاشنا ذيك اليوم ..؟ انا كنت احس بالـ ... الـ ..مدري ما اقدر اعبر ولا اقدر اوصف الشعور الي انا حسيت به .. احبه ويحبني كذا فجأه .. أخذت نفس عميق:وش نقاشه ؟ عبدالله:شجن انتي تحبيني ..؟؟؟ عادي قولي مافيها شي .. اذا كنتي ما تبادليني هالشعور ما راح ازعل ابتسمت وقلت:وان كنت ابادلك اياه ؟؟ عبدالله بعد سكوت:طيب دقيقه بس وسكر بوجهي .. وانا جلست اضحك ياااربي كيف كذا كل شي يصير بسرعه .. بابا ناداني .. تأففت مو وقته هذا وش يبي .. اذا كنت طفشانه وجيته يقول مشغول .. واذا كنت مشغوله يناديني .. رحت وانا مالي خلق:هلا بابا:تعالي شوفي هالخبر معي يااااااااربيه بابا والاخباار ..! الحين يبيني اقراه له عشانه ما لبس نظراته .. اف مو وقته .. انا وش حادني وخلاني اجلس معه من الاول .. رجع جوالي يدق:بابا بس دقيقه انا اكلم ليلى .. خل ماما تقراه لك وركضت لبرا بسرعه ورديت:الو عبدالله:انتي من جدك ..؟! انا كانت ابتسامتي شاقه وجهي شقه مو طبيعيه حتى ابي امسكها ماني عارفه عبدالله: هو انا كنت حاس بس .... احلفي ..! انا ضحكت غصب:ههههه وش احلف ..؟! عبدالله:قوليها انا بديت ارتبك:وش اقول ..؟! عبدالله:قولي والله العظيم احبك انا ماعرفت امسك نفسي خلاص:عيب وسكرت بوجهه وانا اضحك .. مدري وش فيني انهبلت .. احس بفرحه مو قادره اوصفها ابـــــدن .. طن طن ... طن طن .. مسج .. فتحته بحماس (( عارف انك تستهبلين علي .. ما صدقتك )) طلعت الساحه .. اتلفت حولي فيه احد ولالا .. فتحت مسجل الصوت وقلت بكل حماس:والله العظيييم احبــــــــك وارسلتها له وسائط .. ثواني بس ودق .. وانا اناظر الجوال ومبتسمه وما رديت .. يمكن دق حوالي العشرين مره وانا سافهته .. أرد وش اقول .. ما قد تخيلت اني بستحي من عبدالله يوما من الايام جا مسج .. فتحته (( عظم الله اجرك )) .. ارتعت .. وش يقول ؟؟ دقيت بسرعه وبخوف:وش صااار ..؟! عبدالله:ههههههههههههههههههههه انا استوعبت .. اللعاب كان يبيني ادق عليه اصلا .. قلت بقهر:سخيف وصكيت بوجهه وقفلت الجوال .. حلو اني اتغلى عليه .. شعور جميل .. ركضت بسرعه ودخلت للمجلس:بابا بابا بابا بابا .. بابا التفت:الحين جيتيني هاه جلست جمبه بطريقه هبلا:يلالا وش اقرا لك .. نمت ذيك اليوم احلا نومه بحياتي كلها .. اصلا باليالله نمتها كنت اتقلب وافكر واخترع مواقف على كيفي وكلشي .. مرت يومين وانا وياه مسجات هو يبيني ارد وانا بس اتغلى عليه .. كان الوضع عاجبني مره وعايشه بحلم مابي اصحى مننننننه ابدن آخر مسج ارسله (( ردي ولا ترا بزعل )) رديت عليه (( شفت غرفة ابراهيم ؟؟ )) عبدالله (( ايه وش دخلني فيها ؟؟ )) انا (( فيها جدار عليه برواز لونه احمر .. طق راسك فيه )) عبدالله (( اطق راسي بالجدار هاه الشرهه علي انا )) انا بعد ما قريت رده انفجرت ضحك ورديت (( هيه يا رمانه وعبودي زعلانه )) عبدالله (( ايه زعلانه وتبي رضاوه بعد .. تجين بيتزا روما ؟؟ )) انا (( لا شكرا ماني جايعه )) دق عبدلله وعطيته مشغول عبدالله (( ردي :@ )) انا (( لا )) دق وهالمره رديت بحماس عبدالله:يوووه ما بغينا انا كاتمه ضحكتي : ........... عبدالله برجاء:تعااالي بيتزا روووما انا:ليش ..؟! عبدالله:عادي عزيمه .. انا:اممممممم لآ عبدالله بقهر:يووه ليييييش طيب .. انا:ههه على شرط .. عبدالله:من عيوني كل ما تامر عليه انا انجرحت بس تكلمت:شفت شفت .. قلت بدلع:يعني حالف تحرجني .. لا عاد تقول هالحكي وبجي عبدالله:هههههههههه عاد انا وش قلت انا:اففف عبدالله عبدالله:طيب طيب خلاص اهم شي تجين .. لحظه وش قلتي انتي ؟؟ انا:قلت بجي بس لا تحرجني عبدالله:هاه ؟؟ انا عصبت:عبــــــــدالله عبدالله:هههههههههههههههههههه سكرت بوجهه ورحت اتروش .. ولمن طلعت لقيت منه مسج (( الساعه 8 ان ما لقيتك بخلي اذني واذنيك اربع )) انسدحت عالسرير بالروب حقي وحضنت شماغه .. ياااربي اموت فيه .. دخلت ماما |
البارت السادس والثلاثون فجأه:انتي وش تسوين .. قمت وانا مكشره:وشو ؟؟! ماما:وش فيك متسدحه كذا قومي البسي افرضي ابوك دخل ولقاك كذا تنهدت:ماما .. بابا ما يدخل الا وهو طاق الباب قبل مو زيك ماما:ههه فيه وحده تقول هالحكي لأمها قبصت خدها:فديتك ماما .. ماما:وش ذا الي متحظنته ؟ طالعت الشماغ ووزيته بسرعه ورا ظهري بشكل عشوائي:شماغ .. ماما:شماغ مين ؟ انا:آآآ شماغ بابا اجل شماغ مين ماما:وانا اقول وين تروح شماغات ابوك .. لو اني ما شفت ذا عندك كان رحت انبش بسيارته دايم ينساهم هناك حظنتها وانا اخذ نفس عميق وابي اغير السالفه:ياحبي لك ماما:ما ورا الدلع الا شي .. وش تبين ..؟ شبعت يدي في بعض بطريقة الرجاء المصطنع عشان اكسر خاطرها:بليز ماما بطلع اليوم اتعشااااا برا ماما:مع ليلى ؟ تنهدت:مدري اذا كانت مشغوله بطلع لحالي ماما:لآ قلت بدلع:ماما بليز بليز الله يخليك ماما .. الله يدخلك الجنه الله يوفقك مااااماااا ماما:مافي الا مع ليلى تنهدت:طيب طيب مع ليلى ماما سكتت شوي وهي تناظرني:بس ما ترجعين بعد الساعه عشر فاهمه .. ؟ عطيتها بوسه كبيره:اموووووووت فيك يا احلا ام بالدنيااا اول ما طلعت انا رحت دقيت على ليلى:لولا ابي منك خدمه .. وقلت لها كل السالفه ووعدتني تسلك لي حتى كانت متحمسه اكثر مني لدرجه خلتني استحي من نفسي خخخ .. مفروض اصير فرحانه اكثر منها .. بالسياره كانت ليلى معي عشان السواق ما يروح يفتن عند ماما انا عارفه انها تسأله هي طلعت مع مين ووين راحت وكذا .. بالسياره مساكه يد ليلى وارتجف ليلى:شفيك انتي ..!؟ انا:لولا وربي خاايفه مدري .. مابي كذا اشوفه فيس تو فيس اخاف اموت ..! ليلى:اقول بس عن الدلع .. وبعدين ابي اعرف الواحد اذا بغى يشوف حبيبته يروح مكان رومنسي مو محل بيتزا تنهدت وانا متضايقه مابي اناقش معها اي موضوع لان النقاش مع ليلى دايم يطول .. وقفت السياره عند بيتزا روما .. نزلت ونزلت ليلى وراي .. وهمست لي:يلا ندخل مع بعض عشان السواق العله هذا .. بس ما قلتي لي كيف بتعرفين وينه اخذت نفس عميق وانا ادخل:مدري بدق عليه .. ليلى:كيف بيدخل قسم العوايل لحاله بغيت التفت عليها واعطيها كف .. ياااربي ثرثاره وبزياده بس مجبوره اسلك لها لاني لو سكتتها الحين بتشب علي وتتدلع ومدري ايش .. مسكت الجوال ادق على عبدالله بس فجأه رن .. رديت عليه بسرعه:عبوود عبدالله:وينك ؟؟! انا:انا دخلت بس وين انت ؟؟ عبدالله يضحك:التفتي التفت لقيته جالس على طاوله .. رجعت الجوال للشنطه ومشيت بهدوء ونبضات قلبي كل مالها وتقوى وبطني خلاص راح ملح.. وليلة تكلمني مشيت وطنشتها .. جلست ونزلت راسي .. عبدالله يسكر الحاجز:اهلين ابتسمت:هلا عبدالله:اخبارك ..؟ رفعت راسي بتردد:تمام .. وانت ؟؟ عبدالله يتنهد:تمـــااام وعم السكوت .. كنت اطالع في جزمته واطالع واطالع ... بما اني منزله راسي يعني .. انصدمت لمن لقيت عليها علامة لاكوست .. تمساح اخظر صغير .. رفعت راسي بسرعه وانا منصدمه .. ههههههه عبدالله يعشق هالماركه شي مو طبيعي عبدالله:وشو ؟؟! انا:هه ولا شي عبدالله:ليش تطالعيني كذا .. معجبه ؟؟!! انا انحرجت بس مسكت نفسي وقلت بنص عيون:حتى جزمتك لاكوست مشالله عبدالله يطالعها:وانتي كنتي تناظرين جزمتي ... وش هالحب ياربي رجع يحرجني .. وش اسوي معه انا .. خلاص حسيت ان وجهي صار احمر مرره وصلت معي .. وهو كان يضحك دخل الويتر ووقف ثواني وعبدالله يطالعه والويتر يطالع بعبدالله عبدالله بنص عيون:نعم ..!؟ الويتر ارتبك:آآ .. شو استاز ما بدك تطلُب ؟ عبدالله:الحين انا ناديتك عشان تجي ؟؟ بلا قلة حيا تشوفني جالس مع زوجتي ناط علينا لا احم ولا دستور مسكت ضحكتي وانا اطالع الويتر مسكين منحرج ومتوهق وعبدالله يكلمه كذا .. عارفه ان هالشي مو من طبع عبدالله انه يكلم احد بهالطريقه بس كان باين من صوت عبدالله انه يستهبل مع الرجال الويتر:اعزرني استاز .. عن ازنك عبدالله يضحك:تعال تعال امزح ههههه رجع الرجال وشكله مره واصله معه مسكين وانا خلاص ضحكتي على طرف لساني .. عبدالله:بس نبي مشروبات الله يعافيك .. عبدالله يطالعني ويهز راسه .. ثواني واستوعبت:هاه .. ليمون عبدالله:اثنين ليمون .. الويتر:شي تاني استاز ؟ عبدالله:لآ شكراً .. بس عصير طلع الويتر:تكرم عينك .. اول ما طلع ضحكت:حراااام عليك شفت كيف اختبص عبدالله يطالعني بنص عيون:كنت امزح .. هو قليل ادب ما استأذن قبل ما يجي ابتسمت:من متى وانت كذا ..؟ عبدالله يمسك الملاحه ويتنهد .. وانا جالسه اطالعه بإندماج .. كان يتسلى وهو يلعب بالملاحه .. يحركها يمين ويسار .. بحركات بسيطه بس كانت مخليته مبتسم .. رفع عيونه علي وكبرت ابتسامته:احبك مدري ليش هالمره ما نزلت راسي ولا استحيت ولا شي:وانا احبك بعد عبدالله ترك الملاحه وحط يديه كلها عالطاوله:وربي فرحـــان لـ طق طق طق .. تأفف عبدالله:تفضل الويتر:العصير استاز .. وحطه عالطاوله .. عبدالله:طيب مشكور .. طلع الويتر وعبدالله يناظره بحقد:ماحبيت هالانسان انا .. ضحكت عليه بهدوء وانا اطالع العصير وارسم خطوط على البخار الي لازق بالكاس .. سحب مني العصير فجأه:هيه رفعت راسي بروعه:وشو ..؟! عبدالله ياخذ العصير ويحط المصاصه بفمه:ترااا اغار ضحكت:ههه ما فهمت عبدالله كشر بوجهه:مابي شي يشغلك .. لا تناظرين العصير ناظريني هزيت راسي احاول اخفي الحيا الي غلب على صوتي:تغار من عصير عبدالله ترك العصير الي بيده وطالعني:انتي ما تدرين ..! انا اغار عليك من كل شي .. والحين صار لي الحق اني اقوول .. وتبين تسكتيني ..! طالعته بنص عيون:متأكد عبدالله يضحك:تذكرين ذاك اليوم بلندن .. يووم تخقين على بو كشه انا سكتت شوي .. منهو ابو كشه ذا .. يؤ يقصد ياسر ..! انا ارتبكت .. وش فيه جالس يسولف عن ياسر .. قلت بتوتر:ايه وش فيه عبدالله:وربي اني بغيت اموت قهر .. ومن القهر جلست اضحك .. وربي ضحكت مو على كلامه .. ضحكت ارتياح:هههههههه عبدالله:دوم الضحكه .. مسكت العصير وشربته بهدوء:دام عزك .. عبدالله عبدالله طالعني بنظرات سخيفه وقال بإندماج وهو حاط يده على خده:همممم كشرت بوجهي:شفيك تطالعني كذاا ..! عبدالله بهدوء:على كيفي .. احبك ابتسمت ونزلت راسي:انت وش دراك ؟ عبدالله:عن ايش ..؟! قلت بهمس:اني احبك ؟ عبدالله:ايش ..؟! رفعت راسي وانا معبطه ملامحي .. عبدالله:وش تقولين ما سمعت ..؟! ياربي مو وقته .. احراج اعيدها:وش دراك اني احبك .. قلتها واخذت نفس عميق .. وهو ضحك شوي بعدين سكت:اممم .. اول ما كنت داري ولا حاس ... ولا شي بس سكت شوي وقال وانا انتظره يكمل:حمد قال لي .. شوفي انا منب احب هالانسان اكره كره العما بس يوم جا وقال لي اعتذر لشجن بالنيابه عني ومدري ايش وجلس يعلمني انو انتم دايم تتهاوشون وكذا وما تنامون بنفس الغرفه بديت استلطفه انا اختبص تفكيري .. حمد رايح يكلم عبدالله ..؟! وعشان ايش ووش الدافع:حمد جاي يكلمك ..! عبدالله كشر بوجهه:خلينا نغير الموضوع اخذت نفس عميق .. الحين حمد من جده يسوي كذا ؟؟! انا عارفه ما يحبني ابد ليش سوا كذا ؟؟ معقوله حاسس بالذنب او مشفق علي ..؟! وبعدين يقول لعبدالله هالكلام ... اف مدري انا عمري ما فهمت حمد عبدالله يمرر يده قدامي:تفكرين فيني صح رفعت راسي وابتسمت:وش المناسبه عازمني عبدالله بنص عيون:وش هالاسلوب ..؟ ضحكت .. والله احس اني ازبد له مسكين .. جلست اطالعه وهو يطالعني .. هو تكبر ابتسامته وانا تكبر ابتسامتي لحد ما ضحكنا سوا عبدالله:ايش هذا ههههههههههههه انا:ههههههه انت الي تطالعني عبدالله:شجووووون وقفت ضحك وجاوبته:آمر عبدالله:مآ يامر عليك عدو .. انتي داريه اني تركت الجامعه صح تنهدت .. ليش يفتح هالموضوع:يب .. بس ليش تركتها ؟ عبدالله:اممممم ما قالك عمي .. عشان اداوم بشكرتنا انا:ألا قالي تذكرت الحين بس ... ابي اعرف شركة ايش هاذي ..! عبدالله بدون مقدمات:هههههههههههههههههههههههههههههههههه انا كنت اطالعه يضحك ضحك مو طبيعي وعيوني شوي وبتطلع من كثر ما انا مستغربه .. ليش يضحك كذا:وش فيك ..؟! عبدالله:هههههههههههههههههههههههههههههه انا فار دمي مدري ليه:عبـــــدالله عبدالله:هههه انتي .. انتي من جدك ما تعرفين شركتنا شركة ايييييييش ..!؟ فهمت ليش يضحك .. اجل تضحك علي يا عبيد .. اوريك .. قلت بقهر وبنص عيون:ايه ماعرف شركة ايش .. وين المشكله ..؟ عبدالله:هههههه لا مافي مشكله .. شركة معدات ثقيله وكذاا عقدت حواجبي:شلون يعني ما فهمت .. عبدالله تنهد:اممم مو وقته نسولف بالشركه .. المهم .. يقولون بتروحين كندا ..؟! كبرت ابتسامتي:إيييييه .. مفروض اني بروح بعد ثلاث ايام بس ما طلعت الفيزا .. اجلتها لبعد شهر .. عبدالله:اها حلوو .. طيب ليش ما تكملين دراسك هنا .. ؟ انا تضايقت يعني ماعرفت وش اقول .. قلت اوانا احاول اجمع كلمات " لائقه " :لانو .. انت عارف انا مستحيل ادرس بجامعه هنا بعد الي صاار .. عبدالله تنهد:يعني حبكت كندا .. فيه البحرين الكويت الامارات عمان اليمن ..! الاقربون اولى بالمعروووف يا شجن ضحكت عليه:اليمن ..!؟ عبود مدري .. انا بروح لكندا لانووو بابا يوم يدرس بأمريكا جلس في كندا كم شهر ويمدح دراستهم وكذا .. وخلاص انا سجلت هناك ورتبت كل شي .. عبدالله:اها .. طيب متى بتبدا دراستهم ..؟ انقهرت يوم قاالها تذكرت انو مفروض رايحه من اسبوعين عشان يصير عندي وقت اتعود على كندا قبل الدراسه:بعد شهر ونص .. يعني بجلس اسبوعين هناك وبتبداا .. عبدالله:بترووحين لحالك ..! كشرت:لآ طبعا .. بيجلس معي بابا فتره لحد ما اعدل وضعي .. وبيزوروني بين وقت والثاني عبدالله:لا لا ما ينفع كذا .. استغربت:ايش الي ما ينفع كذا ..؟! يجلس معي طول الاربع سنين الي بروحها .. ؟ عبدالله:لآ عمي عنده شغل ما يقدر .. هو سكت وانا سكتّ مستغربه وش يخربط عبدالله .. ما فكرت بالموضوع واستغليت سكوته .. جلست ادقق بملامحه .. وربي يجنن .. احلا شي حبة الخال الصغنووونه مره الي على خده .. بدون مقدمات رفع راسه وانا ارتعت وارتبكت عبدالله:وش رايك اجي معك ..؟ ابتسمت ابتسامه من قلب:ايه حياك ههههههه عبدالله:لآ اتكلم من جد انا سكتّ افكر .. وش يقصد ما فهمت .. كيف يجي معي:امممم وهل يا ترى كيف ؟؟ عبدالله برجاء:يعني تخيلي اربع سنين ما اشوفك .. انتي ما فكرتي وش بيصير لي نزلت راسي وجلست امعط سير الشنطه بقوه وقهر:الا فكرت كثير بس .. ما عرفت اكمل ما عندي كلام اقوله خنقتني العبره وسكتّ .. شوي سمعت صوته يتكلم بهدوووووء اقرب للهمس:انا عارف انها طريقه غريبه .. بس ان كانك وافقتي من بكرا بتصير رسمي رفعت عيوني وكلامه يرن بأذني يرن يرن يرن وانا اطالع بيده علبه صغيره مخمليه لونها اسود مفتوحه .. وو .. وبوسطها خاتم فضي بوسطه الماسه صغيره تبرق .. وكلامه يرجع يرن بأذني .. انا كنت منصدمه .. ( ان كانك وافقتي ) .. وخاتم ؟؟ وو .. رفعت راسي اطالعه .. كان مرسوم على وجهه نظرة رجاء .. وانا بس فاتحه فمي بشكل بسيط من الصدمه ومو قادره افكر .. ابتسامتي كبرت .. معقوله هو الي انا افكر فيه .. قلت بصدمه خفيفه:عبدالله ليش الخاتم .. وو .. لحظه ما فهمت عبدالله:انا ابيك على سنة الله ورسوله .. قووولي ايه ضحكت ... ومدري ليش ضحكت:اقول ايه على ايش ... دقيقه .. وشو ؟ كان يطالعني وانا مستغربه وتفكيري خلاص تلف .. وراااسي يلف يلف يلف .. وفرحانه ..! ليه مدري مع اني ما استوعبت الموضوع عبدالله سكر العلبه:مفروض اني ما صدقت حمد ولا صدقتك حتى .. ممكن تنسين الموضوع وخلاص ..!؟ فتحت عيوني:وش انسى ؟؟؟ لحظه انت وش سويييييت قبل شوي؟ عبدالله علا صوته:شجن قولي ( ويشدد عليها ) ايييه ومن بكراا بتصير الخطبه رسمي .. شجن انا ابيك انا ما اقدر اعيش بدوونك .. صحيح توني صغير بس عندي شغلي .. ومستعد اسافر معك واجلس الاربع سنين معك .. صدقيني ما اقدر استحمل اكثر .. انا ما راح اقولك فكري .. عطيني جواب الحين ..! انا فكرت بسرعه .. هذا عبدالله .. هذا حبيبي .. هذا اغلى انسان عندي بالدنيا .. جالس يطلب مني اني اعيش طول عمري معه ..؟؟! انا مجنونه عشان ما اوافق .. مافي اي سبب يخليني ارفض .. بصير هبله لو رفضت ..! |
البارت السابع والثلاثون كانت عيوني مفتووحه بشكل غريب من الصدمه .. طالعته وملامحي ما تغيرت:انا موافقه بلعت ريقي بعد الي قلته وانا استنى ردة فعله .. كانت ابتسامته تكبر شوي شوي .. قال ببحة صوت:احلفي ..؟ ابتسمت:عبدالله انا احبك .. انا موافقه ..! جلس يطالع الجهه الثانيه وهو مبتسم مره .. وانا كبرت ابتسامتي وانا اطالعه التفت وطالعني ثواني .. كانت نظراته غريبه .. وقف من مكانه وانا اطالعه مستغربه .. قرّب وجا وجلس جمبي .. انا ارتبكت .. ونزلت راسي .. اطالع يده ماسك العلبه السودا بقوه .. اشم ريحة عطره .. وانا ابتسم .. حسيت بيده لمّي .. حطها بهدوء على ذقني ورفع راسي .. انا كنت متوتره مره ووو حاسه بحراره بجسمي ماهي طبيعيه ونبضات قلبي خلااااص ..! قال بهدوء:شجون احلفي وربي ماني مصدق حاولت اطالعه ما قدرت .. رجعت انزل راسي:مو مصدق وشو .. بلعت ريقي:انا موافقه شفيك .. عبدالله ميّل راسه وطل علي يناظرني .. يبيني اشوفه غصب .. قال بإبتسامه:والله ..؟! لفيت وجهي عنه وابتسامتي كبرت:والله عبدالله يضحك:وربي لو اني مو بهالمكان كان قمت انطط من الفرحه .. هههههههههههههههه التفت عليه وضحكت ضحكه خفيفه على كلامه .. كان الشي الي بداخلي واحس به شعور عمــــري كلــــــــه ما مر علي أبــــدن ..!!!! كنت احس بسعاده مو طبيعيه كان قلبي يدق ويدق ويدق وماني قادره اوقف ابتسامتي .. كنت اطالع عبدالله ويجيني ذاك الاحساس .. أمــان ..؟ عرفت وش هالاحساس .. اول مره احس به .. من الفرحه تجمعت دموعي بعيوني .. حاولت اقاومها ما عرفت .. خنقتني لحد ما استسلمت لها ونزلت بهدوء .. ومسحتها بسرعه بس كانت تنزل وتنزل وتنزل عبدالله:وش فيك تصيحين ..!؟ انا امسح دموعي:ههه .. عبدالله ماني مصدقه عبدالله:مو مصدقه ايش حبيبتي .. انتي كنتي مفكره اني بخليك .. الا قووولي اني انا الي مو مصدق وربي انتي كنتي بالنسبه لي حلم ... والحين تحقق ..!؟ انتي قد ذقتي هالطعم .. انك تحلميييين حلم ويتحقق فجأه وبهالطريقه هزيت راسي وبلعت ريقي .. صدقني يا عبدالله الحلم الي حلمته طول حياتي كان بس اني احس بالامان .. وهذاني حسيته .. هذا هو حلمي تحقق .. طالعت عبدالله بحب .. مديت يدي بحركه عشوائيه وحظنته:عبدالله احبك .. لا تخليني عبدالله:ماراح اخليك ناشب لك .. حظنّي بقوه وقال:متى تبيني احظنك بالحلال .. ( ويضحك بشويش ) تراني ابي الجنه بعدت عنه وانا استوعب وش سويت .. مو اول مره احظنه او اقرب منه او ابوسه او اي شي .. بس هالمره ما ينفع .. ما ينفع ابد .. حسيت اني اذووووب من الحيا ما قدرت ارفع رااسي جالسه اطالع الارض .. حسيت اني مخنوقه اتنفس اتنفس اتنفس مو راضي يدخل هوا .. وقلبي ينبض وينبض وبينض ومو راضي يوقف .. حسيت اني بموت .. بموت من الفرحه ..! بموت من هالاحساس الي فيني عبدالله:يا حليلك مستحيه .. انا كنت جد مستحيه .. ونادر ما استحي انا ..! بس حبيت ابين له العكس .. رفعت راسي وانا اسوي مغروره يعني واطالعه بنص عين:قل قسم ؟؟ عبدالله يقبص خدي ويكلمني كأنه يكلم طفل صغيييييييره :يااااااقلبـــي عليهم يزننون لفيت وجهي عنه وانا اضحك واكابر عليه مابيه يدري اني مستحيه:عطيتك وجه ترا .. فتح العلبه وطلّع الخاتم .. مسك ايدي اليسرى بهدوء ودخل الخاتم بشويش بأصبعي .. كنت اطالعه وانا بقمة السعاده .. خلاص انا له وهو لي .. لمن يتحقق للإنسان حلم .. احيانا من روعة هالحلم ومن جماله يستبسطه مو تقليلا من قدره لا .. لان فرحته بهالحلم تخطت حدود المعقول .. رفع عبدلله ايدي وقربها لشفايفه .. سحبتها بشويش وهدوء وانا مبتسمه .. عبدالله:هههههه شجون انا ماني مصـ طق طق طق .. تنهد والتفت وقال بقهر واضح:تفضل الويتر:بتريد التشيك هلّأ استاز ؟؟ عبدالله:ايه شكرا .. التفت علي:هذا يا بذبحه يا بذبحه .. مدري وش يحس من حياته طالعته بإبتسامه:عبدالله عبدالله بإندماااج على شوية استهبال:عيووووون عبدالله .. قلب عبدالله .. ويمد يدينه ويحرك اصابعه:يدين عبدالله مسكت ضحكتي وبعدت يدينه عن وجهي:هه .. امم .. عبدالله ليش صرت كذا .. احسك جلف وانت اول ما كنت كذا مع الناس عبدالله سكت شوي وقال:حبيبتي .. ملكتنا بكرا ترا ابتسمت عرفت انه يصرف الموضوع .. وطالعته بنص عيون عبدالله:من جد احكي تنهدت وبعدت عنه شوي:لآ تقرب هاه .. الملكه بعد شهرين وطلعت لساني .. قام يرفع حواجبه:لا بكره مو على كيفك .. ولا ترا بخربها اليوم وبخطفك ضحكت انا وبهالحظه جا الويتر عطاه عبدالله الحساب وقمنا .. انا جيت بدق على ليلى وسحب مني الجوال:وش تسوين ..؟! قلت وانا مستغربه:بدق على ليلى عشان نرجع .. مسك يدي ومشا ومشيت وراه:لا لا لا بترجعين معي مافيه .. سحبت يدي:لا عبدالله ما اقدر لا تسوي كذا ..! عبدالله حط يده ورا ظهري عشان امشي:انتي امشي معي وانا اوريك .. سحبت جوالي منه ومشيت بسرعه:ههه انسى دخلت جوالي بالشنطه وانا اتلفت ادور السواق .. لقيته مستند عالسياره .. مشيت للسياره وهو يوم شافني اقرب ركبها .. فتحت الباب والتفت ادور عبدالله لقيته واقف وين ما خليته ويطالعني .. اشرت له بيدي بي باي وانا مبتسمه .. قام حرك شفايفه بشويش .. كان باين انه يقول " احبك " ركبت بسرعه وسكرت الباب وانا فرحــــــانه .. يااااربي ماني مصدقه ماني قادره استوعب الي صار .. هذا احلا يوم بحياتي .. فتحت جوالي وعلى طول ع الملاحظات عشااان اسجل هالشي .. ودقيت على ليلى .. اول ما ركبت السياره قلت لها عن كل شي قامت تصــــــــارخ انا جلست اضحك:هههههههه شفييييييييك انتي ..؟! ليلى تصااارخ:اووو ماي قاااد انتي انخطبتي في بيتزا رووما .. او ماي قاد او ماي قاد لالا .. لحظه انتي من جدك كذاااا قالك ..!؟ انا:ههههههههههههه اييييييييه ليلى مسكت يديني بيديها:يؤ .. انتي .. ييييؤ يؤ يؤ .. ياربيه ياربيه ياربيه .. مبروووووووووك اخذت نفس عمييييييق:الله يبارك فيك .. ليلى:يؤ ماني مصدقه .. شجووون من جد فرحانه لك .. مديت يدي ووريتها الخاااتم:شووفي حتى مو مصدقه ليلى:يااي .. عقبااااااااااالي اكتفيت بإبتسامه مع انها ابدن ما تعبر عن الي داخلي .. انا الي بداخلي شي ما ينوصف .. شي تخطى كلمة خيال .. حتى وجهي عورني لاني من فتح عبدالله العلبه السودا لحد الحين وانا مبتسمه .. كنت سعيــــده سعيـــده سعيده مره .. اول ما دخلت البيت جلست اصرخ :مـــــــامــا .. اول ما شفتها قدامي حظنتها بقووووووه ماما:وش فيك ..؟! وراك تصارخين بعدت عنها وانا القط انفااااسي:ماما انا احبك يا ماما .. رجعت احظنها:ورررررربي اموووت فيك ماما:وش عندك .. تبين شي صح ؟؟ عطيتها بوسه بسرعه ورقيت:لااااء ... تصبحين على خييييييييير دخلت غرفتي وجلست ادور حول نفسي وفجأه رميت نفسي عالسرير .. التفت واخذت شماغه وحطيته بحظني وانا فرحانه .. جلست طول الليل افكر .. وش لون فستان ملكتي .. وكيف بسوي زفّت العرس .. وجلست اتخيل مواقف تصير .. واركب اشيا على كيفي .. اتخيل اتخيل اتخيل وافكر .. طوووول الليل .. بكل بساطه .. كانت ليله دخلت فيها عالمي الوردي مره ثانيه .. رفعت يدي لفوق اطالعها .. اطالع الالماسه الصغيره الي بوسطه .. احرك الخاتم فوق وتحت بشويش وانا اضحك .. متى بيكون هالخاتم بيدي اليمنى ؟؟ متى ؟؟.. من بعيد جا صوت حامد زيد " على ذاك الطريق الي يسمونه غرام احباب " قمت بسرعه وبلهفه ورديت:الوو عبدالله بهمس:مو قادر انام .. ابتسامتي كبرت وطلعت ضحكه خفيفه:هه ليش عبدالله:وربي احبك صدى هالكلمه يرن بأذني .. ويتشتت شوي شوي بعدين يرجع يرن .. صدى هالكلمه يلمس قلبي .. يخلي مشاعري تتحرك بطريقه عمري ما حسيت فيها .. تخليني احس بالحياة قد ايش حلوه .. بلعت ريقي:وانا بعد وجلسنا نسولف لحد ما اذن .. كنت اصلي الفجر بخشووع وهاذي من النادرات في حياتي اني اصلي بخشوع .. دايم صلاتي تكون مجرد صلاة وبس .. هالمره شكرت ربي من كل قلبي على النعمه الي عطاني اياها .. ونمت وريحة عبدالله بأنفاسي اجمل شعور بالدنيا السعاده .. الحب .. وانو يتحقق لك حلم .. بدون ما تفكر هالحلم كيف بيكون .. او كيف تحقق .. بتكون سعيد .. جميل ان الانسان يحلم بشي .. يستناه .. ويصبر ويصبر ويصبر .. وبعدين تطلع ثمرة صبره لذيذه ... احلا من اي شي ثاني حلو انك تحس بالحب .. تحس ان قلبك هذا ينبض عشان شي واحد .. والاحلى لمن تتأكد انو فيه شخص يكن لك هالمشاعر بالضبط مثل ما انت تكنها له .. بكل بساطه دوامه .. ما راح تنتهي .. ولا راح تتمناها تنتهى .. ولآ راح تفكر ببكرا وش بيكون .. ومرت اسبوعين .. والحين انا طالعه من المحكمه .. على يساري بابا وعلى يميني عبدالله ماسك ايدي .. على يميني زوجي .. حتى هالكلمه رغم انها متكرره الا اني توني احس بلذتها .. ركبت السياره وانا اطالع المحكمه .. هنا انا قبل شوي صرت حرم عبدالله زياد الـ ****** رسمياً .. والسعاده الي احس بها ما انطفت ولا راح تنطفي طول العمر .. او هذا الي احسه ع الاقل .. او هذا الي يمكن يصير .. ! نزلت مع بابا البيت وانا اطالع عبدالله بالسياره وعيوني بعيونه ما ودي ادخل ولا ودي يحرك السياره ويمشي .. بودي لو اللحظه هاذي تطول .. بودي لو اجلس اطالع فيه طول عمري .. دخلت جوا بعد ما ناداني بابا ..بالليل.. كنت بغرفتي .. لابسه فستاني الوردي .. شعري كان تايتنك و مكياجي خفيف مره مره .. الفستان مو قصير ولا طويل .. بس فتحته كبيره وهذا شي ضايقني بس ما اعترضت عليه .. ضربت ماما باب غرفتي:شجووون هاجر:استني خالتي ما خلصت ماما دخلت:الله يهديك انتي وياها شايفينها عروس .. راس مالها عزيمه .. قلت بدلع على شوية زعل:يووه ماما وش راس مالها عزيمه .. عبودي اليوم بيدخل ماما تضحك:بلا عبودي بلا فتاق يلا انزلي حريم عمانك جو .. موده تهمس لي:ابي اعرف ليش تعزمون عيال عمانك ذولا اف ماحب بناتهم ابدن ضحكت عليها:عيال عماني وعيال عمان عبود لازم يجون .. نزلت ما كان فيه ناس كثيرين والعزيمه عائليه .. وخالاتي يوم نزلت جلسوا يزغرطون انا خلاص بغيت اموت من الحيا .. بنات عمي يناظروني ويتهامسون .. حريم عماني يسلمون علي بفرحه .. وخالاتي شايلين الدنيا ومو مقعدينها .. وفناجيل القهوه تروح وتجي .. وليلى تهذر مع هاجر وموده .. وانا بعالم ثاني .. صحتني منه بنت خالتي موضي الصغيره " الهنوف " .. :شجون شجون .. رفعت راسي بتشتت:هاه .. الهنوف:انتي صرتي عروسه مره ثانيه ..؟ ابتسمت لها وقلت لها ايه .. وبيني وبين نفسي ودي اقولها لا .. انا بس هالمره عروس .. بس هالمره .. انا ما قد حسيت باللي احسه الحين عشان ياخذ مسمى مره ثانيه .. رقت الهنوف عالكنبه وجلست جمبي:طيب ليش ما تلبسين فستان كبير زي العروسات تنهدت من قلب .. وه بس :متى البس فستان كبير زي العروسات ؟؟ اذا جا عرسي الهنوف ببراءه كلت قلبي:متى عرسك ..؟ غبصت خشمها بشويش:مادري .. متى تبينه يصير الهنوف:معليش بكرا ..؟! ضحكت من قلب عليها .. جت خالتي موضي:ايه جت هنوفه تغثك صح ابتسمت:لا خالتي وربي بنتك عسل تجنن .. خالتي:يلا الهنوف روحي عطي هالكيس بابا .. بسرعه بسرعه .. قامت الهنوف تركض وانا اطالعها .. ياربي كنت قبل عشر سنين او اكثير زيها .. احلا شي بالدنيا البراءه .. جلست خالتي تسولف معي شوي بعدين رن جوالها .. خالتي موضي:ايوا .. هلا والله .. آآمر يا عيون خالتك .. ايه .. ايه .. ايه خلاص .. لالا ينفع شلون ما ينفع .. هههه .. يلا اجل .. الحين الحين ؟؟ اوكي .. يلا حبيبي .. مع السلامه .. التفت علي وطالعتني بإبتسامه على جنب .. قلت بضحكه:وش فيك تطالعيني ..!؟ خالتي موضي تضرب على كتفي بشويش وهي تقوم:ايه الله يهني سعيد بسعيده .. عبيد يبي يدخل .. ابروح ادور امك انا قلبي قام يدق ويدق ويدق .. بيدخل ..!! ياربيه بيشوووفني ..! من زمان ما شافني .. التفت علي ليلى :لووولا ابي مرايه بسرعه .. ليلى:ليش ..؟! انا بقلة صبر:يااااااربيه عبود بيدخل الحين بسرعه .. ليلى قامت وهي تضحك:ههههههههه لا وربي تجننين ماله داعي مرايه .. اجل انا بطلع من المجلس دامه بيدخل .. يلا موده .. موده:على وين .. ليلى تناظرني وتسحب موده معها:عالمطبخ .. هههه تعالي نساعد خاله سعاد ياربي اكره حركات ليلى الماصله ذي .. انا ابي مرايه .. من وين اجيب المرايه .. المجلس الي انا فيه مافيه مرايات .. دخلت ماما وجلست جمبي:يلا يا ماما ترا عبدالله بيدخل .. |
البارت الثامن والابعون قلت بركبه:اييييه داريه .. ماما انا ابي مرااايه .. حاسه شعري حوسه ماما ترتب شعري:لا مو حوسه يا ماما .. يلا كلن طلع من المجلس .. وانا الحين بطلع بيجي بعد شوي .. قامت وراحت وانا اناديها .. والمجلس فضى .. ياربي ابي مرايه لا .. انا ابي مرااايه وش اسوووي ..! تلفت حولي .. المغاااسل ..!! المغاسل جمب المجلس على طول .. فتحت باب المجلس بشويش وتلفت يمين شمال مافيه احد .. بس صوت ماما تنادي الشغاله .. وو هدوء .. طلعت بشويش للمغاسل .. طالعت نفسي بالمرايه .. ياربي علي اجنن .. خخخ .. عدلت شعري زي ما يعجبني .. توني بمشي بس ما قدرت استحمل جلست اطالع وجهي .. كشرت بوجهي .. ابي اشوف كيف يطلع شكلي .. ابتسمت .. وبعدين مثلت الزعل.. جلست اعبط بوجهي جميع اشكال الدنيا .. فجأه استوعب .. عبدالله بيدخل الحين .. التفت ابروح للمجلس وشصبت مكاني .. فجأه عبدالله ..!؟ واقف قدامي بالثوب والشماغ .. ومبتسم .. وعلى وجهه علامة استفهام .. وانا اطالع ومبلمه .. كشرت:شلون جيت هنا .. عبدالله يطالعني ويأشر عالممر:مشيت هنا .. وجيت ابدخل .. لقيتك واقفه ..! اخذت نفس عميق:اها كنت واقفه مكاني ماني عارفه وش اسوي .. معقوله شافني وانا اسوي حركات بوجهي .. يااااااربيه انا كيف ما حسيت فيه ..! وش هالفشيله .. كله مني انا غبيه انا .. حسيت به يقرب .. رفعت راسي لقيته مبتسم .. نزلت راسي بحيا ..وهو تكلم بهدوء:شجن مبروك .. انا رفعت راسي من جديد عشان اكلمه:الله يبارك فيك .. قرب يده وبعد الخصله الي على وجهي:وربي قمر .. انا حسيت بفراشات ببطني .. ابتسامتي كبرت وقلت بهمس:من ذوقك .. فكرت بسرعه احنا واقفين هنا ليش .. مشيت بهدوء وانا احاول ابعد عنه .. تعديته وخذت نفس ولفيت عالمجلس .. دخلت وجلس على اقرب كنبه .. دخل وسكر الباب:وش فيك تنحاشين مني .. فيني ريحه ؟؟ ترا وربي متروش وخالتي مبخرتني انا ما قدرت امسك نفسي جلست اضحك وجلس جمي وهو يضحك بعد:فديت هالضحكه .. دوم انشالله رفعت راسي وجلست اتأمله .. راحت السكسوكه .. رفعت اصبعي الكبير ولمست به لحيته لقيت شعرات صغنونه .. كان ملمسها يونس .. قلت بعتب:ليش حلقت ؟؟ مسك عبدالله يدي وباسها:ما عاد اعيدهــا .. كبرت ابتسامتي وانا اطالع بعيونه ... ياناااس وربي احبه .. احس اني بموت من كثر ما احبه ..! عبدالله:وربي مو مصدق انك صرتي زوجتي .. يووه .. اقدر اسوي فيك الي ابي ضحكت:وش بتسوي .. ترا بصرخ مسك اذني وعفطها:صرخي صرخي اذني شوي شوي بدت تعورني صرخت على خفيف:عبدالله بس آآآي عبدالله يضحك:شفتي حبيبتي .. فيه احد يسحب اذن زوجته في يوم ملكتهم ؟؟ كله منك .. اصلا وخري انا زعلان عليك .. منتي رومنسيه طالعته بنص عيون وانا ماسكه اذني من الالم .. وهو كان يطالع الجهه الثانيه مسوي زعلان .. مديت يدي وقبصت خده بأقوى ما عندي:اوريك الرومنسيه انا .. عبدالله بعّد يدي:ههههههههههه .. بس عاد .. انا استحيت على دمي وهجدت .. جلست العب بخرزات الفستان وانا منزله راسي .. قال عبدالله بهدوء:شجونتي ابي بوسه .. رفعت راسي مستغربه .. أشر على خده:زي ذيك اليوم ... ابتسمت وقربت له بشويش وعطيته بوسه:رضاووه عبدالله اخذ نفس عميق:وه خقيييييت .. احلى رضاوه بالدنيا انا مره استحيت .. جلست اطالع الجهه الثانيه وانا اقاوم ابتسامي:عبود ماحب الي يبالغون .. عبدالله: ابالغ ..! انا ابالغ .. تعالي اعطيك بوسه عشان اوريك انا ابالغ ولالا ...!!!!! ضحكت .. قلت بيني وبين نفسي عارفه هذا هو الي يبيه .. جلسنا نسولف .. ولعب علي وباسني مع خدي عشان يعلمني انه ما يبالغ خخخ .. وضحكنا .. واستحينا .. وتذكرنا .. كانت أجمل ليله لي من سنتين راحت ..! تعلق قلبي فيه لدرجة انو بغيت اصيح يوم جا يروح .. واول ما وصل بيته دق علي وجلسنا نسولف لييييييييين 7 الصبح .. بعدها نمت .. اصلا من قال اني قدرت انام .. بس افكر افكر .. والابتسامه ما فارقت وجهي ابدن .. اتذكر ضحكته .. وتكشيرته .. وملامحه لمن يزعل .. وابتسامته الهاديه .. مر اسبوع على الملكه .. وبقا اسبوع عالسفر ..! كنت انا وعبدالله راجعين من حي السفارات .. عشان الفيزا .. كنا نسولف بالسياره .. قلت بفضول:عبود وين راحت التشارجر حقتك ..؟! اشوفك دايم في ذا الصندوق ..؟؟ عبدالله:هههههههههههههه صندوق ..! لا وربي الهمر احلا من الشارجر .. احبه اكثر .. مسكت يده بطفش وجلست أتأملها .. اطالع عروقه الزرقا شويه بارزه .. وعليها شعر خفيف .. ضغطت على عروقه بإصبعي بإستمتاع .. وجلست احرك اصابعي فوقهم .. ضحك عبدالله:وش تسوين ههه ..؟ ابتسمت:يدك حلوه .. مسك يدي وباسها:عيونك الحلوه وربي .. رجعت نزلت يده لتحت وجلست استبثر فيها:الله يحلي ايامك ... قل آآمين عبدالله يفتح الدرج ويطلع الجواز:آآآمين .. ابنشب لك نشبه ههههههه كشرت بوجهه وطلعت لساني:بتسكن قدامي بالشقه الخاااااااايسه .. قال نشبه قال عبدالله:من قال .. انا رجلي على رجلك .. وليش عمي يروح يشتري شقه وش كبرها عشان تنرزين فيها لحالك ..؟! طالعته بعلامة تعجب:عبود انت امس قايل لي انك استاجرت الشقه الي قدام شقتي ..! عبدالله ابتسم ابتسامه كبيره:ايه هونت .. فيه عجيزه مسكينه تبي تستاجرها قلت خلني اكسب فيها خير .. وانشب بزوجتي حبيبتي ماعجبتني الحركه الي سواها .. قلت بقهر:زوجتك في عينك... ما بعد اصير زوجتك .. عبدالله علا على صوت الجسمي:الرازق في السما يا الدبه قصرت على الصوت:ماحب الجسمي يا النحيف عبدالله:انا احبه .. انا:عاد انا كرهته ..!!!! قلتها واحنا نوقف عند اشاره .. هو التفت وطالعني بنص عيون بعدين قال:انتي وش مشكلتك ...؟؟ استغربت:وشو ..؟! عبدالله:يعني قمة التزبيد من الصبح .. أأأففففف .. طفا الاغاني وقال بنفس نبرته:الله لا يغير علينا بس جلست اطالعه والعبره خنقتني .. ليش يحاكيني كذا وبهالطريقه ... !!! انا وش سويت ؟؟؟ .. دموعي بدت تنزل بشويش .. لفيت وجهي عالجهه الثانيه وجلست ابكي .. ليش يكلمني كذا ويقول هالكلام ..؟؟؟ مو من طبعه يسوي كذا ابدن .. اول مره ..!!! عبدالله:اووووووهووو .. قامت تصيح .. يعني انا الغلطان صح ..؟! التفت وصرخت بأعلي صوتي:لا انا الغلطانه .. فهمني وش سويت عشان تكلمني بهالطريقه عبدالله:لا..؟ وش سويتي .. ابد ما سويتي شي .. ولا ترفعين صوتك فاهمه فتحت باب السياره بحركه جريئه:لا ماني فاهمه .. اذا فيك خير تعال فهمني .. مو تجلس تكلمني بهالطريقه السخيفه وانا ما سويت لك شي .. لا تطلع حرتك فيني ..!!! سكرت الباب ومشيت وهو يصرخ يناديني .. انا ثاني مره اسوي هالحركه يعني ما عاقت معي .. ولا همني شي ..!! احساس القهر الي فيني بغا يذبحنى .. كان يصرخ وصوته يقرب اكثر واكثر .. فجأه احسيت اني الف من مكاني بعنف وبضغط كبير على ذراعي:شجون امشي ارجعي السياره .. ترانا بنص الشارع سحبت يدي بس ما قدرت:بعّد عني منيب راااااااجعه سحبني وركبني السياره وانا اصيح .. ومشى بالسياره ودخل وسط حاره وطفاها .. وتنهد .. قال بهدوء:وش ذا الي سويتيه قبل شوي ..؟ صرخت:انت اللي ليش تكلمني كذا ..؟؟! اسلووووووووبك مره بايخ ويقهر وربي عبدالله:حلو صرت انا راعي الاسلوب البايخ وانتي الي ابد ......... استغفر الله .. ليش نزلتي بهالطريقه .. ما تستحين انتي ..؟! انا:لآ ما استحي واذا عندك شي طقلني ترا ما عاقت عبدالله بصراخ:لعبه هي طلقني .. !! .. لا حوووووول ..!؟؟ انتي الحين وش فيك ..؟؟ بديت ابكي اكثر:انت الي وش فيك علي انا وش سويت عشان تكلمني كذا ..؟؟؟؟ عبدالله فتح الباب ونزل .. ولف وجا عندي وفتح باب:فحزي .. طالعته وانا امسح دموعي ومستغربه .. عبدالله:فحزي بجلس جمبك .. فحزت ومدري ليش سويت كذا بس كانت نبرته .. ونظراته وهو يقولها سحر ..! سكر الباب..لحظه سكوت وانا لافه وجهي عالجهه الثانيه .. لف وجهي عليه بهدوء:الحين كل هذا لاني قلت الله لا يغير علينا .. رجعت ابكي:انت ما كنت كذا .. ما كنت تعصب وتسوي الي تسويه .. وش الي غيرك ..؟؟ قربني له وحظني:خلاص حبيبتي آسف ما كان قصدي .. كنت معصب شوي من السفاره وكذا .. وربي آسف مسحت دموعي وابتسمت .. مو من عادتي اسامح بسرعه .. بس معه ..وبكلامه .. وبطريقته .. وانا بحظنه .. ما اقدر اقول لا .. ولا اقدر اعترض ..!! غمضت عيوني وقلت بإبتسامه وبهدوء:وش الي غيرك ؟؟ باس راسي:الدنيا.. وربي الدنيا .. آسف ان كاني قلت لك كلام ما يعجبك او سويت شي يضايقك .. بعدني عنه وحط عينه بعيني:سامحيني حبيبتي وربي آسف رجعت لحظنه وقلت بسعاده:مسموووح بوقت ثاني من ذاك اليوم طلعنا نتعشى بـ ...... بالديره ..!! .. كنا بالسياره نمشي بطريق انا ما عرفته ولا خبرته ولا قد مريت من عنده ..لمن سألته وين بنتعشى قال .. فلافل بو سميح ..!!! الديره كانت بكل بساطه " الرياض القديمه " محلات قديمه .. بيوت قديمه صارت العماله الوافده تسكن فيها بأجور رخيصه .. اشياء حلوه .. انبسطت مره مره .. احلا شي لمن دخلني عبدالله بشارع السويلم .. شارع الالعاب ..!!! .. صحيح كانت الشوارع ضيقه .. والناس اشكالها غريبه .. والزحمه كثيره .. بس انبسطت مره .. وفلافل بو سميح كانت الذ من ماكدونلز بالنسبه لي بذيك الطلعه .. والاسبوع مر بشكل مره يجنن .. بليله .. كان بكرا موعد سفرنا .. كنت انا وعبدالله بمجلس بيتنا نطالع فلم .. طبعا ما ادري هالفلم وش نوعه او وش قصته ما رضا يقول لي عبدالله حتى عن اسمه .. توني طالعه من المطبخ ومعي البوب كورن الا دخلت ماما المطبخ .. طالعتها وانا مستغربه:ماما ما نمتي ؟؟ ماما:بكرا الخميس وبصوم .. نازله اتسحر .. مشيت:اها .. تقبل الله .. ماما بروعه:تعالي تعالي وين رايحه ..!! انا التفت وانا اتفف .. عارفه الحين بتعلق على لبسي .. اووف .. سويت نفسي مادري وش تقصد:وشو ؟؟ ماما:الحين بتروحين لعبدالله كذا ..؟؟! طيرت عيوني وقلت بملل:ماما ترا كلها جيينز وبلوزه .. وشو غلط ..؟! ماما:شوفي البلوزه الي لابستها .. ظهرك من ورا كله طالع .. وما امزح .. كلـــه ؟؟ حطيت الفشار عالطاوله ورفعت يديني لشعري وفليته .. مع اني متحسفه عالحركه الي جلست ليلى ساعه الا ربع تزينها .. ابتسمت وقلت لها:ارتحتي ..! فليت شعري يا ماما .. خلاص غطا ظهري ... ماما:هذا وانتي بالرياض .. بكرا لين طرتي انتي وياه لكندا مدري وش بيصير .. لا وبشقه وحده .. الله يستر التفت عليها وانا فاتحه عيوني:ماما ..!!!! عبدالله حلال علي وانا حلال عليه .. ماما:ايه هاذي المشكله ابتسمت لها ابتسامه كبيره:وش بيصير يعني .. اذكري الله .. وطلعت بسرعه اتهرب من اي انتقاد بتقوله الحين .. دخلت المجلس الي كان ظلام على خفيف والنور نور الشموع .. ونور ازرق على عبدالله من التلفزيون .. كان جالس يدخل السي دي بالدي في دي .. ابتسمت وجلست عالكنبه وحطيت الفشار على جمب:ورني الغلاف طيب عبدالله مسك علبه جمبه وسفها على بعيد:بيبدا الفلم الحين ليش مستعجله .. بدا الفلم بصخب وحركات البدايه الي بكل فلم .. تسندت عالكنبه بإسترخاء .. وهو تسند معي ولف يده وجلس يطالعني:حلو شعرك بوزت بدلع:كان احلى قبل شوي صح .. ؟؟ عبدالله يلعب فيه:لا الحين احلا .. خليه دايم كذا .. طالع بعيوني:يجنن ابتسمت وحسيت بفراشات ببطني .. ومر ذاك الشعور الغريب بداخلي .. بدا الفلم .. بدايه تقليديه .. صرعني عنوان الفلم .. "saw" على طول حطيت يديني على وجهي وقلت بروعه:عبدددددددددددالله طف الفلم وربي اخاف منه طففففففففففه عبدالله:هههههههههههههه انتي شوفيه اول وو قاطعته:عبدالله طفففففففه ولا ما راح افتح يديني عبدالله:خلاص ابناظره لحالي .. ههههههه .. وانا اصريت على موقفي وما شلت يديني من على وجهي .. بس اسمع اصوات وافهم كلامهم ..! مرت ساعه وعبدالله منسدح عالكنبه وحاط راسه على رجولي وانا مغطيه وجهي بيديني .. تعبت وانا مسويه هالحركه .. وعايشه برعب ما بعده رعب .. اسمع الاصوات وافهم وش قاعد يصير .. نزلت يدي بتعب وجلست اصيح من الخوف .. ما اتحمل انا هالمواقف .. انا خوافه ..! قام عبدالله وتعدل بجلسته:حبيبتي تصيحين ..؟؟؟؟ التفت عليه:عبدالله انا اخاف .. ترا اذا ما جاني النوم وربي ما راح اكلمك اسبووووووعين عبدالله قام بسرعه وطفاه وجا ومسح دموعي:هههه شجن ترا ما يسوى .. ما ينفع تصيرين خوافه كذا قلت بدلع:وربي اخاف وش اسوي يعني انا كذاا طبعي عبدالله:خلاص خلاص ما اشغله .. بس مو تجلسين اسبوعين ما تكلميني .. اعرفك تسوينها قلت بإصرار وزعل:وربي لو ما نمت ابوريك .. حرام عليك ورجعت اصيح .. صياحي ما كان حقيقي بس من جد كنت متأثره .. قرب مني وحط يده حولي:خلاص بنام معك التفت عليه وقلت:تحلم عبدالله نزل يده حول خصري وانا قام قلبي يدق طبول .. ولف يده الثانيه ومسك يده الاولى وقال:شفتي الحين انا ماسكك .. ماراح اتركك .. بننام هنا مع بعض .. عشان ما تخافين .. حاولت افك يدينه:عبدالله ما استهبل .. تخيل تنزل ماما وتشوفنا نايمين هنا .. اصلا وين ننام .. عبدالله يقوي مسكته ويقربني منه اكثر وانا قلبي يدق اكثر:لو نزلت خالتي عادي .. وش بتقول ؟؟ .. وبعدين ننام عالكنبه بلعت ريقي بتوتر حاولت ادور عذر:الكنبه صغيره عبدالله تركني بس ما امداني اقوم الا حط راسه على رجولي وانسدح زي قبل شوي:انا برتاح لو اني بنوم بدرج .. اهم شي ما تخافين .. حاولت اقوم:اقول بلا استهبااال بس ما امداني اقوم الا مسك ذراعي:لا مافي روحه خير .. سحبت يدي:عبووود وربي ما استهبل قام بسرعه وحظني مع ورا:والله ما تروحين .. ما راح اتركك بقربه لهادرجه حسيت بحراره بجسمي واني مو قادره اتنفس .. قلت بهمس:طيب بجلس .. بس بعد شوي عبدالله قرب مني اكثر وقال بنفس الهمس:لا شكرا .. مرتاح .. طق طق طق .. اول ما سمعت صوت الباب بعدت يدينه عني بقوه:مين .. ماما فتحت الباب بشويش:اذن الفجر .. انا دايما ما حب حركات ماما لمن تجي تدخل علي انا وعبدالله عشان صلاة الفجر .. مدري وش مسلطها علينا ..!! .. بس هالمره حبيتها .. التفت على عبدالله وابتسمت:بروح اجيب لك سجاده عبدالله هز راسه وهو يطالعني بنص عيون:روحي .. وجه كلامه لماما:هلا خالتي ماما:هلا بك يما .. باليوم الي بعده .. والي ما نمت فيه من الخوف وانا اتذكر احداث الفلم والصرخات والعبارات المخيفه .. كنت بالمطار بعد ما ودعت ماما وبابا وليلى وكل صديقاتي .. ومتجهين انا وعبدالله للطياره .. بعد ما اعطى الموظف التذاكر التفت علي:حبيبتي ليش وجهك كذا .. ما نمتي كويس؟؟ طالعته بحقد:كله بسبتك .. وربي الفلم عيشني برعب .. ابتسم ومسك يدي:انسي .. احنا الحين رايحين لكنداااا طالعته بنفس الحقد:لا رايحين لجده يا الكذاب تنهد وقال:طيب ما عليه .. احنا الحين رايحين لجده بعدين رايحين لكندا .. المهم عيشي حياتك .. ابتسمي للدنيا ضحكت على اسلوبه وهو يقولها .. ابتسم معي وقال:فديت الظحكه .. ركبنا بالطياره .. كنت اطالع من الشباك وانا حاطه راسي على كتف عبدالله .. ويدي بيده .. حاسه بالامان .. حاسه بالسعاده .. كانت ساعه وحده بس ونزلت الطياره بمطار جده ..طلعنا تغدينا انا وعبدالله وبعد ساعه رجعنا للمطار عشان نطلع لكندا .. كنت مره مبسوطه خلاص بروح كندا .. بجلس هناك اربع سنين ..!!! .. وبعد سنه من الحين لمن تجي الاجازه ارجع السعوديه عشان .... زواجي !! اخذت نفس عميق .. والفرحه الي فيني مو سايعتني .. الشكر لك يارب .. الشكر لك يااااارب .. انشالله هالسعاده دوم ما تفارقني .. |
البارت التاسع والاربعون خفت شويه من فكرة الدراسه .. وكيف بتأقلم مع هالناس الي هناك .. وكيف بعيش .. وو اسئله كثيره ابعدتها عن تفكيري بالنوم .. كنت نص نايمه وانا اسمع صوت عبدالله يسولف مع بزر .. سوالف بريئه .. ابتسمت وحطيت يدي بيد عبدالله وانا مغمضه عيوني .. شد عبدالله على يدي وقال:صح النوم .. تركت ابتسامتي تتلاشي وما رديت عليه .. لاني نص نايمه .. ابي انوم .. شوي شوي كانت اصواتهم تهدى .. تهدى .. تهدى .. حلمت .. ببيتنا .. بيت جدتي .. وانا داخله فيه .. ومسندحه على سريري .. وحمد وهو يضرب الباب .. شفته لمن نزلني بسرعه لتحت .. بس هالمره يوم ينزلني البيت ما كان فاضي .. كان .. فيه حريم يبكون .. بالمجلس .. وجدتي .. كانت جالسه معهم تبكي .. وووو طفله صغيره كانت ... ام حمد ماسكتها .. وماما تصيح .. وتتحسب ... " يا حسرة شبابك يا هاله " اصواات تهمس .. " هاليتيمه وين بتروح " ... " مسكين عادل مات وهو توه بعز شبابه " .... " وش بيصير بشجون " شوي اسمع صوت عبدالله يناديني .. شجون .. شجون .. شجون .. فتحت عيوني بشويش .. لقيته يطالعني قلت بتعب .. وفيني بقايا النوم:همممم عبدالله كان ماسك يدي:شجون حبيبتي بردانه ؟؟ رفعت راسي اطالعه كويس:لا .. بس .. عبدالله قاطعني:حبيبتي ليش ترجفين ..؟! رمشت بعيوني ابي اصحى:هاه .. ارجف .. لا .. تعدلت بجلستي وانا محتاره .. وش يقول هذا ؟؟ اخذت نفس بعدين مر الحلم من جديد بذاكرتي .. التفت عليه وانا مرتاعه عبدالله:شفييييييك ..!؟ جلست افكر .. واتكلم بنفس الوقت:عبدالله حلمت حلم ... يروع مسك يدي:تعوذي من ابليس ولا تفكرين فيه .. تعوذت من ابليس بهمس بعدين سألته:كم صار لي نايمه .. ؟ عبدالله:يمكن ثلاث ساعات .. يلا الحين ما دامك قمتي خلينا نفكر شويه ابتسمت:نفكر بإيش .. تثاوبت وقلت وانا عاقده حواجبي:توني صاحيه عبدالله:نفكر بزواجنا .. طالعته بحنان:لاحقين .. عبدالله يهز راسه:عروس عجيبه .. ضحكت من قلب بعدين تذكرت:مين الي كنت تسولف معه .. عبدالله ابتسم:ولد .. صغير .. ما علينا غير السالفه وقام يسولف بأشياء ثانيه وانا احاول اركز معه قد ما اقدر .. تتنيحة ما بعد النوم ما بعد تروح .. وحتى الحلم لحد الحين وانا افكر فيه .. مرت الساعات سريعه .. لحد ما اعلن كابتن الطياره وصولنا لـ ... كندا .. قمت افصخ عباتي .. يوم رجعت جلس عبدالله يطالعني بنظرات غريبه .. :وش فيك ؟؟ عبدالله يهز راسه:يعني على الاقل حجاب مو كذا ..!؟ ابتسمت:عبود طيب نتفاهم بعدين مو الحين .. خلنا كذا نزلت من المدرج ويدي بيد عبدالله خلاص ببدا حياة جديده .. بدخل عالم جديد .. اخذت نفس عميق وانا امشي بالمطار .. مو اول مره اجي لكندا بس طبيعي نسيييتها .. شفت المنظر الي دايم يجذبني .. الناس بزيجاتهم المختلفه .. الاسمر الابيض العربي والغربي .. احب هالاختلاف .. تناقض يعجبني .. اخذنا تاكسي لمكآن عبدالله قال له عليه .. كنت اطالع الشوارع بشغف .. حريه من جديد .. ولمدة اربع سنين .. بدون عبايه ..! طبعا اذا عبدالله وافق .. مدري ليش ما يتركني براحتي اذا انا الي حرام علي مو هو .. ما فكرت بهالموضوع كثير حاولت افكر بشي ثاني نزلنا انا وعبدالله بمكان .. سألته بفضول:وش هالمكآن ؟؟؟ عبدالله:هنا شقتنا .. بس والله مدري اي عماره بالضبط ولا ادري من وين اخذ المفاتيح ..!؟ كشرت:عبود كيف كذا واقفين بوسط الشارع بشنطنا .. كان ع الاقل رحنا فندق .. عبدالله ابتسم:استني .. هاذي هي العماره .. خلك هنا ثواني واجي مشى هو وراح للعماره .. وانا تسندت عالجدار بملل اطالع الي رايح والي جاي .. والابتسامه رغم الطفش الي اعيشه ما فارقت وجهي جا عبدالله بعد شوي وهو مبتسم:يلا تعالي نرقا .. بيجي واحد يرقي شنطنا فوق .. اشرت على العماره الي نمشي بإتجاها:هاذي هي العماره ..؟ عبدالله:ايه .. يلا كبرت ابتسامتي وانا اطالع حول العماره .. يعني هنا انا بعيش .. ومن هالمحلات ابشتري اغراضي .. وووو افكار كثيره خلت ابتسامتي ما تفارقني ابدن .. وصلنا انا وعبدالله فوق .. اول ما دخلت الشقه .. صحيح ما كانت كبيره بس كانت حلوووووه مره .. حطيت شنطتي الصغيره ع الكنبه:يااااي .. باللهي موب تجنن .. عبدالله يجلس عالكنبه بتعب:ايه الا .. بس غريبه اثاثها تحسينه شرقي .. انا كنت جالسه احوس بالشقه .. رديت على عبدالله بصوت عالي:ايه لان صديق بابا كان ساكن فيها قبل .. حط الرجال الشنط وسكر الباب وراه .. وانا طلعت من المطبخ ورحت لعبدالله وانا اركض:ياااااااااي عبود بنجلس هنا اربع سنين ..! عبدالله مكشر:انا ماعجبتني الشقه .. انا:حرااااااام عليك وربي تجنن عبدالله:مدري كذا ما احسها تنفع .. بس هذي اقرب شي للجامعه وش نسوي فتحت عيوني بحماس:ايه صح يلا قووووووووم ابي اشوف جامعتي عبدالله:وش اقوم ..؟؟ ويين ..؟ قمت وسحبته معي بقوه:يلالالالالالا ننزل عبدالله سحبني للكنبه:ههه مجنونه .. كم جلستي بالطياره انتي .. ما تعبتي .. انا بروح انوم .. قمت قبله وركضت للغرف:استنى بختار غرفتي اول .. عبدالله لحقني:يا الدوبه تعالي .. ههههههههههه بزره التفت عليه وانا ادخل وحده من الغرف:بزره اجل ليش تلحقني .. خلاص هاذي غرفتي .. فيه ثلاث غرف زياده رح تنقى لك عبدالله يهز راسه ويمشي وانا ادور بالغرفه بفرح .. اهم شي اخذت الغرفه الي فيها حمام .. ركضت للشباك .. كان المنظر مره حلو .. ثواني سمعت صوت عبدالله:هيييييييييه تاركتلي الغرف الشينه ..؟ التفت عليه:خير ... مالي دخل .. عبدالله:ما علي بنوم هنا .. اطلعي اطلعي قلت وانا اتخصر:يا سلام .. انا جيت قبلك .. عبود بلا حركات مبزره .. عبدالله فصخ جاكيته .. وجزمته .. وانسدح عالسرير ببرود وانا اطالعه وفاتحه فمي:هيييييه عبدالله:سكري الباب اذا طلعتي رحت له وسحبته:عبيييييييد قووووم .. عبدالله هز راسه كأنه طفل صغير .. وانا انقهرت .. مو على كيفه يسوي كذا .. بس انا اوريك .. فصخت جزمتي .. ورقيت عالسرير وجلست انطط:والله لاخليك تقوم .. عبدالله كان منسدح ولاني انطط صار يتحرك من مكانه:هههههههههههه يا الهبله اهجدي .. انا قمت انطط بشكل اقوى:لاااااء قووم حسيت بيده تسحبني وطحت عالسرير وانا اضحك .. جلس يطالعني ولحد الحين ماسك يدي بقوه:بلا استهبال .. انا بدت نبضات قلبي تقوى يوم استوعبت اني انا وياه عالسرير مع بعض .. جيت بقوم:ترا بس اليوم بتنوم هنا .. بس ما قدرت اقوم يده لين الحين مساكتني.. قال ببرود:استنى .. التفت عليه وانا جالسه على طرف السرير وماده يدي لجهته لانه ماسكها:هاه عبدالله:خلاص ننام كلنا هنا .. حسيت بحراره بجسمي .. سحبت يدي بسرعه وقمت:ترا ما راح احللك اذا ما قمت .. انا حجزتها ضحك وقام من السرير:وربي ما تسوى حبيبتي .. انا بروح انام .. مشيت له وحظنته من ورا بشكل عنيف:نووووووم العوافي التفت علي:هههههههههههههه انتي ماكله شي وربي احسك هبله .. بعدت عنه لان وجهه كان قريب من وجهي وقلت له:رح نم بس .. تصبح على خير .. عبدالله كان يمشي على قدام وملتفت علي بإبتسامه جذابه:وانتي من اهله .. طلعت وسحبت شناطي وجلست احوس وفرغت كل طاقاتي .. بالنهاايه تروشت ونمت .. قمت بعد نومه طويله .. غسلت وجهي وفرشت اسناني وطلعت من غرفتي بهدوء .. للحين الدنيا ظلام .. رحت طليت من دريشة الصاله .. كان شوي وتشرق الشمس .. رجعت لغرفتي اصلي .. يوم خلصت لقيت عبدالله جالس عالسرير .. ابتسم وقال:نطلع نتمشى ؟؟ كان الجو مره حلو .. وعلى شروق الشمس .. يدي بيد عبدالله وجالسين نغني .. ونحرك يدينا على ورا وعلى قدام كأننا اطفال .. ابتسمت:عبود مو كأننا بعدنا .. التفت علي وهز راسه بـ لا .. وهو يغني:انتي .. بعدِك حلوي وصرتي آحلا .. إإي أحلا .. شو هالصدفي مافي أحلا .. وئلبي يشوفيك ياما ستحلا .. ئوليلي كيفك انتي سكتت شوي وانا اطالعه واستوعب .. ضحكت وكملت معه: انتا .. بعدك انتا وما بتتغير .. محيرلي ألبي ومحير ..وبعدو ألبك طفل صغّير .. طمني كيفك انتا كان يستناني اخلص .. بعد ما قلتها قامنا نغني مع بعض:مشّي نتزكر ع درووب .. ويمرجحنا الغرام .. ليش بعدنا وكيف ئدرنا .. ننسا هاكِ الاحلام .. ياليل لبعدو نطرنا .. عمفارق هالايام .. يااارب تدوم .. ايامنا سوا .. ويبئى ع طول جامعنا الهوا .. ياارب تدوم .. يارب تدوووم .. يارب نعيد هالحب الي كان .. واحلا بكتييير من الماضي كمان .. يااارب نعيد .. يارب نعيد سكتت وانا اطالع عبدالله بإبتسامه .. سكت شوي وقال:بحبك .. بحب عيونك لما بتحكي .. وكيف بترسم هاكِ الضحكي .. خلي راسك فوئي يتكي .. واملك هالدنيا كلّا كملت وانا احاول اتذكر كلمات الاغنيه:اشتئت الك ما عند ..... لحظه هههههههه لخبطت .. احم ... بحبك .. مبارح انتا اليوم وبكرا .. اشتئتلك ما عندك فكرا .. وصعب بعمري تصبح زكرا .. يلي من الدنيا اغلا .. ههههههههه انا حطيت راسي على كتف عبدالله وهو جلس يكمل .. ياربي اعشق صوته .. واعشق امانه واعشق حنانه .. اعشقه كله .. وربي الي بقلبي له تعدى معنى العشق .. فطرنا في ماكدو ورجعنا البيت .. بعد حوسه طويله لاننا ضيعنا الطريق .. مرينا بطريقنا عالبقاله وشرينا خرابيط .. وعبدالله السخيف عيا علي اشتري راوخ .. لانو راوخهم يمكن فيه كحول .. قهرني مره كان في خاطري .. بس وعدني لمن نلقى بقاله عربيه بيجيب لي .. بالبيت كنت ادخل الاغراض بالثلاجه:عبود عبدالله:هلا قلت بنرفزه:روح اشتري صابون وو .. ومدري ذيك المكنسه .. عبدالله بنص عيون:ليش ..؟؟ تنهدت:المطبخ ماعجبني ابي انظفه .. عبدالله:هههههههههه قلبي من الحين تبين تصيرين ست بيت ؟؟؟ بكرا تأففت واخذت لي توكس .. وجلست جمبه عند التلفزيون .. رن جوالي .. رديت بلهفه:هلااااااا ماما .. معليش نسيت وربي .. الله يسلمك .. ايييييييه مره الشقه حلوه .. حتى اليوم انا وعبود نزلنا شرينا اغراض وكذا ... ايه ... انشالله .. انشالله ... هلااا بابا.. الحمدالله تمام .. ايه مره ... امممم الجو حلو ما عليه .. ايه وربي الشقه تجنن .. لا ما تعبنا .. ايه هذا هو جمبي التفت على عبدالله وابتسامتي شاقه وجهي:بابا يبي يحاكيك .. اخذ مني التلفون:هلااااااا عمي ....بخير ما دامك بخير .. بشرني عنك ..؟؟؟ وشلون ابوي ؟؟ ايه الله يسلمك ... لا تمام كل شي ماشي اوكي .. ابروح للمكان الي قلت لي عليه آخذ السياره وو .. وانشالله شوي شوي نتعود .. التفت علي وكمّل:شجن بعيوني يا عمي .. تسلم والله .... ايه ... حياك الله خالتي .. وشلونك وش علومك ... الله يسلمك يارب ... بخير والله .. ههههههههههه لا ما جننتني بس تتدلع شوي .. هههه .. ايه ... اوكي ... سلمي ع الي عندك .. حياك ربي .. مع السلامه طالعته بنص عيون:تحشون فيني ..؟؟ عبدالله طلع لسانه وقال:مالك شغل .. تنهدت:عبود انا طفشت .. مالي دخل بغسل المطبخ قووووووم جيب اغراض .. عبدالله:رووحي ما معي فلوس كاااش اصبري لين اروح اصرف قمت بسرعه لشنطتي وقلت بصوت عالي:معييييي بااقي بابا معطيني بالمطار .. هاه خذ اخذها من يدي ببرود:على اخر عمري مرتي تصرف علي .. جلست ودفيته عشان يقوم:ترا كلها صابون ومكنسه يلاااا قووووم عبدالله يقوم بعجز:طيب طيب .. تراني للحين تعبان بس لعيونك .. كم عندي من شجن رفعت حواجبي:وحده .. وبتزعل لو ما رحت اخذ جاكيته:توها السناعه تطلع .. نشوف وش بتهببين... باي قمت للغرفه:لا تطول .. فتحت الدولاب الي صفيت فيه ملابسي بعنايه .. وطلعت لي بدي فوشي وشورت جينز .. ترددت البسها قدام عبدالله ولا لا ... خخخ عادي انا بغسل المطبخ ... وو بعدين اصلا انا دايم البس قدامه كذا .. وو .... اصلا زوجي ..! حلال علي ..! لبستها ورفعت شعري وجلست بالصاله استناه .. دخل ومعه الاغراض:شجوووون وينك جبت الاغراض قمت بسرعه وعطيته بوسه صغنونه:شكرااا حبيبي .. يلا روح نوم ولا صرّف نفسك .. لا تجي تسوي بثاره عبدالله:اح وش لابسه انتي .. انا استحيت ودخلت المطبخ وسكرت الباب .. جا طل علي من الفتحه الي ع المطبخ وقال:مسويه اغراء هاه طالعته بنص عيون وانا اكب المويه ع الارض:بنظف المطبخ وش تبيني البس .. مابي اترطب .. عبدالله ابتسم:اجي اترطب انا ؟؟ ضحكت وحطيت الصابون:اهجد مكانك ولا تجلس تناظرني .. ماحب كذا .. رح عند التلفزيون عبدالله فصخ جاكيته ورقا ع الكاونتر وتربع:لا بتفرج ... وربي تخققين يا زوجتي حسيت بطني خلاص يعوورني ومو قادره اتنفس .. قلت بهدوء وانا انظف:شكرا يا زوجي عبدالله:لا جد بجي .. هزيت راسي:لا تجي عبدالله:شجوووون ابتسمت:آمر عبدالله:حبيبتي ما قد عطيتيني بوسه .. ولا مره رفعت راسي:توني معطيتك بوسه .. عبدالله:لا مو بوسات بريئه نزلت راسي بسرعه وانا مستحيه:وش تبي يعني... اخذت نفس عميق وحاولت اغير الموضوع:يووووووووه عبدالله روح عني خلني انظف عبدالله اخذ نفس عميق زيي:يا لبى الي يستحون .. شجن شجن حبيبتي انتي اول ما تستحين وش معنى الحين طالعته بنص عيون وانا احاول اخفي الي فيني:ما استحي عبدالله ابتسم:طيب بوسه ؟؟؟ هزيت راسي وانا اقاوم ابتسامتي .. عبدالله تنهد:احسن موب لازم ... شجوووون بجي انظف معك قلت بإنفعال:لاااااااء عبدالله فصخ جزمته وشرابه:موب على كيفك .. بجي .. ضحكت وانا اناظره كيف يمشي ع الصابون بحذر:اقول اطلع بس .. سحب مني المكنسه:هاتي .. انا اوريك اني اعرف انظف احس منك .. ما امداه يكمل الكلمه الا زلق ع الارض .. انا صرخت بعدين فجأه قمت اضحك ع الموقف مره كان شكله يضحك .. وهو جلس يطالعني بنص عيون .. ومسك بالثلاجه ووقف لحاله:شفتي .. عينك .. حسوده انا كنت اضحك على شكله .. كله ترطب .. :ههههه عبود اطلع بس .. ههههههههههه شف كيف تسبحت مويه عبدالله فصخ بلوزته:لا انا اوريك .. تسبحت تروشت تكرفعت ماعلي .. وخري بس وخري اوريك انا .. رجعت على ورا وانا اضحك واشوفه وش جالس يسوي .. كان شكله يضحك .. شوي حسيت بإختلال بتوازني .. وتأكدت مليون بالميه اني جالسه ازلق .. استعديت للألم الي بيجيني .. بظهري .. وعبدالله جا بسرعه وجلس على ركبته:ههههههههه حبيبتي تعورتي .. طيحتك شينه هههههههه قلت بألم:لا تضحك .. وربي تعووووور ... آي كنت احس بألم فضيع بظهري .. حاولت اجلس ما عرفت .. وهو بس يضحك .. ساعدني عشان اوقف .. وقال بإبتسامه:سلامتك ههه لانك تضحكين علي هذا جزاك .. قلت بألم:والله يوجع .. ما عاد ابي انظف هالمطبخ المخيس ذا .. اف طين طون .. طين طون .. التفت عبدالله:مين يرن الجرس ..؟؟ عقدت حواجبي:مدري .. تركني عبدالله وطلع من المطبخ .. انا تكلمت بسرعه:هيه بتفتح الباب كذا .. عبدالله:ايه عادي تلقينه بواب العماره .. تأففت وانا اطلع من المطبخ بحذر وماسكه الجدار:شاطر الحين سحبت المويه من المطبخ للباب .. |
البارت 50 عبدالله فتح الباب:what ? كنت اطالع عبدالله ماسك الباب ويطالع قدامه وساكت .. عقدت حواجبي وقربت شوي وطليت براسي .. لقيت عجوزه ماسكه بيدها صحن وتطالع في عبدالله ومستغربه .. شوي التفت علي .. قمت رجعت على ورا استوعب السالفه .. من هاذي وووش جايبه معها ...؟ قالت الحرمه بإرتباك ooh sorry .. i did'nt mean to bother you .. i just ابتسم عبدالله:No no it's ok .. we were ... clean up the kitchen ضحكت على خفيف:ههههه من هاذي؟ طالعتني:sorry?? تنحت ثواني.. عيب تبقا واقفه كذا لازم اقول لها تدخل:aa .. would you come insid ?? الحرمه h no .. i wanted to give this cake .. and welcome in our apartment building .. عبدالله اخذ منها الصحن الي فيه الكيكه:thanks mrs .... سكت يستناها تجاوب .. قالت بإبتسامه حنونه:mrs cimprlean عبدالله هز راسه:mrs cimprlean السيده كمبرلييين على قولتها:are you mr abdullah ?? قلت بنص عيون:yes he is .. السيده كمبرلين:thank you verey much for leave this apartment for me .. thats was so sweet عبدالله: you welcome .. actually i give it to you cuz i wanna stay with my girlfriend لكزته بكوعي بقهر .. وقلت بهمس:انا خويتك عشان تقول قيرل فرند عبدالله التفت وضحك .. والحرمه ابتسمت:for haps .. i will visit you latter ابتسمت وانا اطالعها تمشي لشقتها:any time عبدالله سكر الباب وقال:والله انها حبيبه .. ابتسمت:ايه الا .. ومعطتنا كيكه بعد .. لازم اعطيها هديه عبدالله بنص عيون:عاد وش بتسوين يا حافظ .. اشك بقدراتك المطبخيه بعد ما زلقتي تنهدت:لا والله .. كلن يزلق .. انت انت اصلا نحس عبدالله ضحك فجأه:ههههههههههههه شفتي شلون جلست تطالعنا اول ما فتحت الباب .. فهمت غلط ابتسمت بحيا وانا حاطه يدي ورا رقبتي:بلاك فاتح لها الباب وانت مفصخ .. طالعني بنص عين وهو يحط الكيكه ع الكاونتر:الحين لاني ما لبست بلوزه صرت مفصخ .. اجل الي يشوفك وش يقول رحت لغرفتي بسرعه وسكرت الباب .. واخذت نفس عميق .. يا لبى عبودي اموت فيه .. مر اسبوع سريع .. عبدالله اخذ سياره .. و وداني اشوف جامعتي .. كانت مره جميله .. وتمشينا .. وتعرفنا اكثر على السيده كمبرلين الي اسمها اصلا ماندي .. وبأول يوم داومت فيه بالجامعه طلعنا انا وعبود لنياقرا .. تحديدا لشلالات نياقرا .. كانت بقمة الروعه وبقمة الجمال .. كنت انا وعبودي ع السيفنه هاذي مدري وش يسمونها وجالسين نطالع بالشلال .. وقطرات المويه الصغنونه تتطشر علينا بلطف .. الي يشوف المنظر هذا وهو بالدنيا .. هالجمال الي بالدنيا .. يتسآئل الجنه وش فيها .. معقوله فيه شي احلا من كذا .. عبدالله آشر بيده:شووفي فتحو اللمبات .. تولعت اللبمات الي تحت الشلال وعطته منظر خيالي .. تعشينا هناك .. كانت كل الاجناس هناك .. وشفنا عرب كثير .. شلالات نياقرا بكل بساطه روعه .. بطريق الرجعه .. قلت بطفش:كم باقي ونوصل ...؟ عبدالله:نص ساعه اذا ما ضيعت الطريق .. اول ما وصلنا البيت كان منهد حيلي .. رحت بسرعه على غرفتي وانسدحت ع السرير .. شوي دخل عبدالله الغرفه:هيه بتنومين طالعته بنص عين:ايه تعبانه .. جا وجلس ع السرير:لا موب على كيفك .. تعالي اجلسي معي مافيني النوم .. تعدلت من وضعي وجلست:يووووووه عبود ماني رايقه عبدالله بهدوء:عشااااني هزيت راسي بعبث .. اخذ نفس عميق وقال:خلاص انا بجلس قلت بنص عيون:وانا بنوم .. عبدالله حط رجوله ع السرير وتسند ع الوساده:ما علي بنشب فيك .. رفعت راسي اطالعه:والله انك بثر .. فجأه تذكرت شي لمن حسيت كتفه قريب مني .. سحبت بلوزته على طول وجلست اطالع:عبود كتفك للحين يعورك ؟؟ لقيت جرح خفيف .. رفعت راسي له .. كان مبتسم:لا ما يعورني خلاص ابتسمت:الحمدالله .. ما تشوف شر حبيبي عبدالله بهمس:الشر ما يجيك .. مسك يدي وحطها بيده:الله لا يحرمني منك .. خنقتني العبره مدري ليش .. قلت من قلب:آمين عبدالله بنفس الهمس:شجن قلت بنفس طريقته:نعم عبدالله:احبك حطيت راسي ع كتفه وقلبي يدق ويدق ويدق:وانا بعد حسيت انه يطالعني .. التفت وجلست اطالعه وو ...................... ( مشـــــــفر ) قمت على صوت الجوال يرن .. تقلبت بسريري شوي .. وفتحت عيوني بهدوء .. لقيت عبدالله جمبي .. جلست اطالعه مستغربه .. نايم بكل براءه ... بس وش جابه جمبي ... بدون بلوزه.. ؟؟ عقدت حواجبي وتعدلت بجلستي .. بعدين استوعبت ... الي .. الي شفته ما كان حلم او اي شي ثاني التفت على عبدالله بصدمه .. معقوووووووله ..!؟ حطيت يدي على فمي .. يؤ ..! الي صار امس حقيقي .. يعني صار .. يعني .. ابتسامتي كبرت لا شعوريا .. رجعت انسدحت وانا اطالع عبدالله وملامح الصدمه ... لحد الحين بوجهي .. وابتسامتي ما تغيرت ..!!!! رجع جوالي يرن مره ثانيه .. مسكته وانا أتأفف .. لولا يتصل بك .. سكرت بوجهها وقفلت الجوال ورجعت اطالع بعبدالله .. مدري ليش... او وش الحكمه .. بس ابي اطالع فيه .. بس ابي اتخيل هالشي الي صار حلم ولا حقيقه .. واقع ولا خيال ..!! رجعت افكر بصدمه .. بعدين رجعت افكر بطريقه ثانيه .. الشعور الي كان فيني .... غريب .. اخذت نفس عميق ومديت يدي بهدوء العب بشعر عبدالله .. نزلت يدي وجلست امسح على خده بظهر يدي وانا اتأمل ملامحه .. مريت على شفايفه فجأه فتح فمه وعض اصبعي سحبته بسرعه وانا اضحك .. ابتسم وقال:وش تسوين ..؟ تلاشت ابتسامتي وانا اطالعه ... بعّد وجهه عني وحطه عالوساده ثواني بعدين رفع راسه وقال بإبتسامه:وربي احلا صباح بحياتي كلها ما قدرت اتنفس وانا اتذكر ... مسكت الشرشف وغطيت به وجهي .. سحبه بعنف وقال:دييييّ ضحكت وانا احاول ابعد عيوني عنه .. مسك يدي وقال:شجونتي .. احبك .. اموت فيك .. اعشقك .. اهواك ... ماني قادر اعبر هو يتكلم وانا قلبي يزيد دق ودق ودق .. وبطني احسه خلاااااص .. مره يعورني حط يدي على صدره من اليسار وقال:شوفي .. قلبي يقول دق شجون .. دق دق .. دق شجون .. دق دق انا رحت ملح .. كنت اذووووووووب .. ويدي الي كانت بيده ترتجف .. مدري ليه ..! قربها لفمه وباسها:حبيبتي طالعته وعلى طول نزلت راسي:همممم عبدالله بهمس:تدرين امس ........... ( مشــــــــفر ) كان يتكلم يتكلم ... وانا مو قادره اتحكم بإبتسامتي ومو قادره اتحكم بأي شي ثاني ... احسني اتنفس ومافي نتيجه .. لدرجة انو حسيت خلاص .. !!! حطيت الوسآده على وجهه:اسكت عبدالله يبعدها:ههههههههه .. فديت الي يستحون طالعته بحنان :عبودي احبك عبدالله:وانا اكثر وووووربي ابتسمت .. فجأه طلع صوت .. طن طن .. طن طن .. التفت ع الساعه.. المنبه يشتغل .. موعد محآظرتي ..!!! التفت بسرعه على عبدالله:يؤ تأخرت ع الجامعه مسك يدي بقوه:حبيبتي ثاني يوم مافيها شي لو ما رحتي قلت برجآء:لازم اروووح عبدالله:حبيبتي بس عشر دقايق طيب .. انا:عبوووووووودي لازززم اروح الحين الحين كنت ادور اي سبب بس عشان اقوم من عنده .. لاني لو جلست اسمع كلامه وحركآته بموت من الحيا .. والله شي غريب الي سواه فيني هالانسان .. انا عمري ما استحيت لهادرجه .. وعمري ما حسيت بهالشعور .. بالسياره .. كان مشغل حسين الجسمي .. وكل شوي يتلتف ويطالعني .. وانا منزله راسي والعب بالدفتر الي معي .. وقفنا عند اشاره .. مد يده وجلس يلعب بشعري الرطب:تروحين الجآمعه وانتي توك متروشه ... تمرضين رفعت راسي اطالعه:لا ما راح امرض ابتسم عبدالله:احبك نزلت راسي بحيا:وانا بعد عبدالله فصخ الكاب الي عليه:خذي البسيه .. الجو برد .. لبسته بفرح .. احب اي شي منه .. واحب لمن يهتم فيني بهالطريقه .. فجأه شلت الكاب وجلست اطالعه من داخل .. ضحكت:حتى الكاب لاكوست عبدالله:هههههههههههههههه خلاص من اليوم وطالع بتصير اغراضي قوتشي .. حلوو ؟ لبست الكاب وهزيت راسي بدلع:لا .. انت تجنن كذا عبدالله:شجووووونتي وش احلا شي فيني صغرت عيوني وانا اطالعه .. ابتسمت:شعرك قال بإستنكار:شعري .. ؟؟! انا:ايه .. بجميع حالاته يجنن .. احب العب فيه .. طيب انا وش اكثر شي يعجبك فيني عبدالله بدون نقاش:عيووونك .. يختي .. دقيقه دقيقه .. طالعيني قربت له وانا فاتحه عيوني وارمش بها بسرعه:هاه عبدالله:شفتي ..! فيها ..... ماعرف اوصف التفت عالجامعه اطالع الناس الي تمشي .. الناس الي جالسه تذاكر .. الي ياكل .. الي يقرا .. وقف عبدالله السياره وطفاها وانا توني بنزل .. اول ما فتحت الباب التفت:ليش طفيت السياره ..! عبدالله ينزل:بنزل معك نزلت وانا عاقده حواجبي:طيب المحاظره بتبدا الحييين ..! عبدالله ابتسم وحط يده حولي:بدخل معك المحاظره رفعت راسي اطالعه:من جدك انت عطاني بوسه على خدي:اجل يلا نرجع البيت ضحكت:هههههههههههههههه مجنون .. انت من جدك بتدخل ..!؟ عبدالله:ايييييه .. ولا ما تبيني .. ابتسمت:الا ابيك .. بس بعدين ما انتبه .. عبدالله:لا ما راح اجلس جمبك .. انا:اتفقنا .. جلست بمكاني وانا بقمة السعاده .. مع كل هالحب معي انا وش ابي اكثر من الدنيا ..! وش ابي اكثر .. كنت طول المحاظره لاهيه افكر فيه .. وكل ما ابدا اركز شوي يجي يسحب شعري لانه جالس وراي .. ولا يمد رجله ويضرب ظهري بشويش .. وانا احاول اتنهد بصوت عالي عشان يحس اني متضايقه وبالعكس انا مره مستانسه .. شوي بدا يهمس:شجووون ما رديت عليه ولا التفت .. جلس ينادي ينادي وفي الاخير رجفني .. التفت بسرعه لا شعوريا:آآآآآي يعور حطيت يدي على فمي بسرعه .. يا الهي ..!؟ قلتها بصوت عالي .. وش هالفشيله ..!! .. وعبدالله يضحك بشويش وهو غايص بمكانه .. التفت بشويش على قدآم لقيت الدكتور يطالعني .. قال بهدوء:miss ****** please be quiet .. or i have to do something about that noise you've did up there فتحت عيوني بصدمه .. يقووول .. اني اسوي ازعاااج ..! ما سويت شي غير اني كلمت عبدالله بصوت عالي .. اشرت على عبدالله وانا مستغربه:but doc i was'nt .. ما تركني اكمل وجلس يناظر عبدالله .. كشر بوجهه وقال:and who are you ?? mr ..... ?? الدكتور سكت يستنى عبدالله يكمل ..يبيه يقوووول اسمه هع.. وعبدالله باين انه متوهق وانا اطالعه بأبتسامه .. احسن تستاهل .. بعد جالس يستهبل علي .. جلس عبدالله يمرر نظراته بيني وبين الدكتور ومتوهق .. قال بعد سكوت طويل:aaaa قلت بهمس:آآآ وشو ؟؟ عبدالله قآم:احم .. عدل بلوزته وجلس يطالع الدكتور:maybe i've ... aa .. ضحكت شوي وقلت:يمكن ووووشوو ..!؟ عبدالله يطالعني:انتي اوص .. نزل بشويش وكلن يطالعه .. ابتسم ببشاشه وقال:i will get out of here .. وصل عند الدكتور وقال بمرح مصطنع .. باين انه متوهق:wrong lecture غصت بمكاني وانا اضحك .. اجل المحاظره الغلط .. ياربي فديته .. جلست اطالعه لحد ما طلع وانا مبتسمه .. الدكتور كمل المحآظره وانا بعالم ثاني .. اشخبط واكتب اسم عبدالله كأني مراهقه غرقآآآنه بالحب .. يجنن .. اخذت نفس عميييييق وانا اتذكر الي صاار اليوم .. واتذكره قبل شوي .. الله لا يحرمني منه بعد المحاظره لقيته برا .. جلست اضحك عليه شوي .. بعدين رحنا نفطر .. ورجعت كملت محاظراتي ورحنا نتسوق وشريت لي لاب توب لزوم الجآمعه وكذا .. وشرينا اغراض كثيره .. واهم شي ساعة لاكوست الي شريتها لعبودي .. ما رجعنا البيت الا بالليل طول اليوم نتمشى .. اول ما دخلت البيت رحت للمطبخ ادخل الاغراض .. وهو جا يساعدني عبدالله بدا يغني:مالي عزا من دونه .. لي تيمنّي هوآآآآه التفت عليه .. وانا مبتسمه .. وهو كمل:كل الحسن في عيونه .. في ويهه ومحياه التفت علي وهو مبتسم بعد:الناس ما يسووونه .. لي عالي مستوااه قمت اغني معه بدون صوت بس احرك فمي .. وهو يهز راسه بيشويش ويغني ويدخل الاغراض .. وكل شوي يتلتف وهو مبتسم .. ختم الاغنيه وهو يضحك ويغني بنفس الوقت:في الحب انا مجنونه .. قلبي انا يهواه حطيت علبة الشوكولاته الي بيدي ع الطاوله وصفقت:اووووخس عبدالله:يلا دووورك .. غني لي كشرت ودخلت العلبه بالثلاجه:لا مابي اغني .. معك ايه بس لحالي لا عبدالله:مالي دخل ... يلا يلا حبيييييييييبتي يلا عاد ابتسمت وانا افكر:امممممممم طيب جلست اقلب الاغاني الي حافظتها في بالي بسرعه .. ابتسمت بسرعه وجلست اغني:تعال نجنن العآلم بقصة حب مجنونـــــه .. ما مرت ولا بالحلم على قلبين عشقانه .. كنت اغني واطالع فيه وماسكه طرف الكرسي اقدمه وارجعه .. وهو جالس يطالعني بدون ملامح .. ماهو مبتسم ولا هو مكشر .. شي غريب .. وانا مبتسمه واغني .. بنص الاغنيه جلست اضحك:ههههههههههههه بس لا تناظرني كذا عبدالله يضحك:حبيبتي كملي .. هزيت راسي وانا آخذ علبة خليط الكيك:لا .. بسوي كيكه .. عشان نعطيها ماندي .. عبدالله بنص عيون:يا ذا الماندي الي ذابحتك .. عجوووز .. اييه صح .. شفتي ولدها ؟؟ عقدت حواجبي:عندها ولد .. عبدالله:ايه تقولين 30 كذا ... جا يزورها امس وانتي بالجامعه .. وشفته .. كبيت خليط الكيك بالباديه:امم غريبه .. جلست افكر .. الحين عندها ولد ولنا احنا اسبوعين هنا ما شفناه .. يوووه اسبوعين ما يشوف امه ..! خخخخ نسيت اني بكندا .. مجتمع زي كذا الناس تجحد اهلها .. وغالبا ما الابناء يكرهون ابائهم بعد .. يعني شي مو غريب لمن يصير كذا .. وبعدين عندنا ناس بالسعوديه .. بالخليج عامتن ما يزورون اهلهم بالشهور .. جايه انا اتشره على ذا ؟؟ جبت البيض والزيت والخرابيط الثانيه .. وعبدالله يتفرج علي .. قال بملل:يلا حطيه بالصحن .. ابي الباديه طالعته مستغربه:وش بتسوي فيها .. عبدالله اشر على خليط الكيك السايل:احب الشي هذا وهو ما استوى رفعت حواجبي:عبدالله ترا فيه بيض ما انطبخ .. عبدالله:عاد يعجبني .. اذا حطيتيه بالصحن بقي لي شوي ضحكت وانا اهز راسي .. غريب هالانسان .. جيت ابشيل الباديه واكب الخليط بالصحن الي بدخله بالفرن ..بس بالغلط لط اصبعي بخليط الكيك .. تنهدت:يوووووه ملاني .. وخر بروح اغسله عبدالله مسك يدي:لالا اصبري لا تغسلينه .. بحركه سريعه حط اصبعي بفمه .. سحبت اصبعي بسرعه:هيه وش تسوي .. عبدالله ابتسم:الله حلوووو .. احلا من الي تسويه فاتن ..! |
البارت 51 طالعت اصبعي الي كله سعابيل وانا اهز راسي:عبود مو كذا عاد .. ترا ما يصلح تاكله .. ما راح اخليك .. حطيت اصبعي على التي شيرت حقه ومسحته فيه:دوب عبدالله يبعد:ههه خير تمسحين فيني .. وبعدين وخري انا بصبه بالصحن اخذت الباديه منه:يووووووه عبدالله اتركني اسويها .. عبدالله:طيب بقي لي .. طالعته بخبث:طيب .. كنت جالسه اصب الخليط بالصحن وانا اتوعد فيه .. اول ما امتلى الصحن رفعت الباديه وركضت ع المغلسه وفتحت المويه وحطيت الباديه تحتها وعبدالله ركض وراي:لييييييييييييش انا اطالعه منقهر:هههههههههههههههه .. ما يصلح تاكله عبدالله يطالع المويه تختلط بخليط الكيك بحزن:وربي كان في خاطري .. بس اوريك طلع له ملعقه وجلس ياكل من الصحن .. انا ما قدرت امنعه لاني كنت اضحك ماني قادره اسوي شي .. بالنهايه زانت الكيكه بسلام .. مرت الاسابيع سريعه .. كانت من اسعد ايام حياتي .. اي شي تافهه يسويه عبدالله يكون مصدر اعجاب مني .. واي شي انا اسويه يخليه ينهبل علي .. كانت المواقف الي بينا تجنن .. عشت بسعاده .. ما كنت خايفه من بكرا .. ولا افكر وش بيصير بعدين .. بس افكر باللحظه اللي انا فيها .. وكيف انا عايشه سعيده بكل هالحب ..! عدت ثلاث اسابيع .. وجا وقت زيارة ماما وبابا .. كنا بالمطار انا وعبدالله .. استقبلناهم ورحنا للشقه .. كنت فاقده ماما مره ما رضيت اتركها ابدا .. اول ما دخلت حلفت على ماما تنام معي بغرفتي .. ووافقت وهي مستانسه .. كانت ماما توها طالعه من الحمام متروشه .. وانا جالسه عند التسريحه امشط شعري .. ماما:والله مشالله الجو هنا يجنن التفت عليها:نعيما ... ماما:الله ينعم عليك .. هاه يا بنتي قولي لي وش اخبارك انتي وعبدالله هنا .. عساكم مرتاحين .. جلست ماما ع السرير ورحت جلست جمبها:ايه مرتاحين مره .. ماما .. ابي اقولك شي ماما:سمي يا ماما ما قدرت اقاوم ابتسامتي .. مدري وش الي خلاني اقولها .. بس فيني شي خلاني اقول:ماما.. آآ كنت بقول لها عن الي صار بيني وبين عبدالله ذاك اليوم .. بس فكرت بسرعه ... حلوه هاذي اقولها .. !!! لالا ما راح اقول لها اسكت احسن ماما:وش آآآ ؟؟ صاير شي يا ماما ..؟؟ عبدالله مضايقك ؟؟ عندك مشكله ..؟! طالعتها:هاه .. لا وييييييين مافي شي .. بس كنت بقولك اني مره فرحانه انكم جيتوو ماما مسحت على شعري:يا حبي لك .. ايه صح .. شوفي بالشنطه ذيك فيه شي لك قمت بسرعه وبحماس للشنطه .. احب المافجئات .. جلست اخمن وشهي .. فتحتها لقيت صندوق .. جلست اطالعه اطالعه اطالعه .. بعدين تذكرت والتفت على ماما:مهري ..؟! ماما:ايه مهرك الي نسيتيه .. لعنبو بليسك فيه وحده تنسا مهرها هههههههههه قمت وجلست مع ماما والصندوق بحظني:ههههههههههههههه مدري .. ليش جايبته ما راح استفيد منه ماما:وشلون ما راح تستفيدين منه .. انا:اممم يعني ريالات .. كيف اصرفها هنا ماما:لا افتحيه دولارات .. حولها ابوك قبل ما نجي فتحت الصندوق وانا اطالعهم .. ابتسمت والتفت على ماما:ماما يعني من هنا لين يجي العيد كذا بنصير نطلع ونشتري اشيا وفله ..!؟ ماما:ههههههههههههه .. ايه يا ماما .. تنهدت:رمضان بعد اسبوع وانا مدري وشلون ابنجلس كذا .. كله عشانك يا بنتي .. عطيتها بوسه كبيره:امووووووووت فيك والله .. يلا انا بطلع اجلس مع بابا وعبدالله وانتي بدلي ملابسك .. طلعت ولقيتهم بالصاله يسولفون .. جيت وجلست عالكنبه بعنف:وش تقولون ..!؟ بابا:واللهي جالسين نسولف عن قعدتكم فيذا ... عساك مرتاحه ابتسمت وانا اطالع عبداالله:الا مرتاحه مره .. عبدالله ابتسم لي وقام:انا بقوم اكلم خالتي .. بابا سحب يده:لا بدري ماهوب الحين.. خل الموضوع هذا بعدين يا ولدي ولا توسوس .. عقدت حواجبي:وش موضوعه ..!؟ بابا بان انه كان يصرف:الا وش ذا الطفايه الي على الطاوله ذي ؟؟ انت تدخن يا عبدالله تنهدت بحزن .. ليش يصرفني ابي اعرف السالفه .. قال عبدالله بتعجب:لا ما ادخن .. يمكنها حقت خويك يا عمي .. مد بابا يده للطافيه واخذها وهو يتحسس اطرافها الحاده:ايه شكلها حقت ابو لولوه .. الله يهديه .. يدخن بكتين فاليوم ماهوب يشبع .. كنت اطالع الطفايه الي بيد بابا .. اطرافها الحاده تعكس شعاع بسيط تسلل من الشبابيك .. حطها بابا قدامه ورجعت انا ومسكتها .. كنت ابي اعرف شعوري ايش بيكون لمن المس اطرافها الشوكيه .. الشكل هذا شكل جمالي ... بس حاد .. مو لذيك الدرجه بس يفضل حاد .. طالعت هالطفايه .. مر بخيالي مشهد غريب .. صرخه .. ودم .. هزيت راسي بسرعه وانا اطالع اطراف الطفايه من جديد .. مافيها دم .. اخذت نفس عميق ورجعتها للطاوله وكملت سوالفي معهم .. كانت زيارة ماما وبابا مره حلوه .. انا وماما طلعنا اكثر من مره وتقضينا .. وبعض الطلعات عبدالله يجي معنا .. ماما كانت مره صارمه معي بالنسبه للجامعه والبحوث وكذا .. وبنفس الوقت حمستني .. دخل رمضآن .. وكانت ماما تفنن بالبطخات وانا غرقانه بالمذاكره .. كنت انقهر منها احيانا .. لاني ابي اساعدها ما ترضا لي تقول انلقعي ذاكري وانا ابي اسوي اي شي .. ابي عبودي يعرف اني مو بس شاطره بالدلع والزعل .. وودي بعد اذوق بابا اكلي .. بس مو تاركتني اسوي شي .. حتى غرفتي هي الي تنظفها .. مدري ليش تسوي كذا .. خنقتني مررررره .. كنّا تونا مفطرين .. وجالسين نناظر طاش ما طاش .. طبعا كنا مركبين عرب سات .. اول ما خلّص قمت ورحت غرفتي .. كنت مره متضايقه من ماما .. ماهي تاركتني اسوي شي .. اصلا .. حتى القعده مع عبدالله ماهي مخلتني اجلس معه .. الفرصه الوحيده الي نسولف فيها هي اذا جا يوديني الجامعه .. لا وبعد احيانا بابا يوصلني .. جلست اصيح اصيح وطلعت كل الي بخاطري .. ونمت .. اليوم الي بعده .. وصلني عبدالله الجامعه .. قبل ما انزل مسك يدي:حبيبتي وش فيك ..؟! طالعته بحنان .. وابتسمت:ما فيني شي .. بس من الصيام .. لانو امس ما تسحرت .. عبدالله:قومناك ما رضيتي .. سحبت يدي منه بشويش:طيب ... باي عبدالله سكت شوي .. وقال بهدوء:باي .. سكرت الباب وانا احس بدموعي بتنزل خلاص .. جلست اطالع عبدالله يبتعد .. وربي احبه .. بس مدري ليش مخنوقه ما كان ودي اكلمه بهالبرود .. يمكن من ماما ..!!! انا ما اكرهها .. بس عندها حركات تفقع المراره .. ويمكن انا متضايقه بعد لانو ما عندي صديقات هنا .. ودايم اجلس لحالي بين المحاظرات .. بوجود ماما وبابا عبدالله صار يحطني ويروح .. ما يجلس معي زي اول .. يعني لهادرجه وجودهم مقلقني ؟؟؟ بس انا مابيهم يروحون .. لمن تروح ماما انا مدري وش اسوي .. مدددري .. نزلت دموعي مسحتها بسرعه ودخلت المحاظره .. بعد المحاظره كنت جالسه برا .. بحديقة الجامعه اطلع كم كلمه ما فهمتها من القاموس .. حسيت بأحد واقف جمبي .. رفعت راسي .. لقيته ولد ابيضاني بشوية حمره .. وشعره اشقر .. وعيونه ملونه .. نموذج متكرر شفت مثله كثير .. بس وش يبي ..؟ كشرت بوجهي مستغربه .. وهو قال بتردد:hi ابتسمت:hi .. الولد بنفس التردد:can i .. aa فهمت من تردده انه يبي يجلس .. قلت بإستغراب:sure .. " طبعا " جلس جمبي وهو مبتسم:my name is alex وانا لحد الحين مستغربه .. طيب اسمه أليكس ؟؟ ليش جاي يقول لي ؟؟ ما فهمت وش يبي بالضبط .. حاولت اسلك له oh .. alexander .. its a ... a ... كنت ادور الكلمه الي تنفع لين جيت اوصف اسم .. بأنه اسم تاريخي قديم .. ابتسمت لمن حصلت المصطلح:Historical name حسيت اني تافهه وانا جالسه اقوله " مشالله اسمك اسم تاريخي يا الكساندر .. " .. حسيت بالغباء ..! بس مدري وش ارد عليه قال بلخبطه:it would be nice if you just call me alex " بيكون الطف لو قلتي لي أليكس.. بدال الكساندر " هزيت راسي وانا مستغربه k .. i am shajan " طيب .. انا شجن " أليكس:shajan ...?!! خخخخخ .. بدينا الحين .. جالس يسأل عن اسمي .. وبقوله اني سعوديه بعدين بيدور تصريفه عشان يروح عني زي كل البنات والاولاد الي سبقوه .. تنهدت وقلت:ya .. i am saudi .. it means .. Feelings .. كشرت بوجهي وانا استوعب .. انا اسمي معناه " المشاعر " .. هزيت راسي بشكل بسيط .. موب لازم اقول له المعنى الصحيح لاني اصلا ما ادري وشهو .. يلا الحين بيدور تصريفه .. أليكس:saudi ??? saudi arabia ?? تنهدت:ya .. saudi arabia .. هز راسه وقال k .. so .. why don't you wear something on your head ?? طالعته بصدمه .. بكل بساطه " اوكي " هههههههههههه يعني باللهي ما همه اني سعوديه .. ما خاف مني مثلا .. غريبه ..! جاوبته على سؤاله الي كان شويه غريب بالنسبه لي .. يسألني ليش ما لبست حجاب .. جاوبته بتردد:cuz i dont want to ارتحت لمن قلت له كذا .. انا قلتها بدون تفكير .. صح .. انا مابي البس .. ليش اعور راسي .. أليكس:did i disturbing you " انا ازعجتك ؟؟ " هزيت راسي بإبتسامه:no .. not at all .. أليكس:so i can ask you for a Cup of coffee ?? " يعني اقدر اعزمك على فنجان قهوه ؟ " ياربي قام يتميلح .. حاولت اتعذر له:no .. Actually i have a Lecture in a طالعت ساعتي وقلت:15 Minutes " عندي محاظره بعد ربع ساعه " أليكس h .. sorry .. maybe another time .. nice to meet you "أوه .. آسف .. اجل يمكن بوقت ثاني ..فرحت بمعرفتك" ابتسمت:nice to meet you too تنهدت وانا اهز راسي .. هو صحيح ابي اصادق احد بس .... مو ولد ..! يعني انا حرمه متزوجه ما ينفع .. خلصت شغلي وقمت للمحاظره ورجعت للبيت ورجع الروتين الملل .. يدخل عبدالله يجلس مع بابا .. وانا اروح اتروش .. واطلع اذاكر .. وماما تطبخ وتنظف .. اذا طفشت اروح عند ماندي اسولف ولا انزل تحت اتمشى واقول لبابا وماما اني رايحه اجيب اغراض من البقاله القريبه .. على هالحال كل يوم .. لبست البالطو الكلاسيك الوردي حقي .. ولفيت الشال الابيض على راسي بحركه سريعه .. ولبست ناظرتي ونزلت .. برررد مره .. اول ما طلعت جلست عند باب العماره اطالع الناس .. مره ضايق خلقي .. مره مليت .. حسيت بأحد يجلس جمبي التفت لقيته عبدالله:الحلوه وش تسوي لحالها ؟؟ هزيت راسي وانا اطالع الناس:ولا شي .. عبدالله:حبيبتي .. وش فيك هاليومين احسك .... متضايقه من شي .. ابتسمت:عبدالله مافيني شي عبدالله مسك طرف ذقني ولف وجهي عليه:انتي تعلميني فيك ؟؟ انا عارف انو فيك شي .. وبتقولين .. مسكت يده:مدري حاسه اني مخنوقه .. طفشت من هنا .. عبدالله:طفشتي .. حبيبتي مالنا هنا ثلاث شهور ..!؟ تنهدت:مدري .. يمكن بابا وماما مره ضاغطين علي .. او يمكن لان ماعندي احد اجلس معه بالجامعه .. او يمكن بسبب الروتين هذا .. مدري .. ماحب اعيش بهالطريقه .. عبدالله:امممممم .. طيب وش رايك بعد الفطور نروح نياقرا .. انا وانتي بس .. نجحد عمي وخالتي ضحكت:نياقرا ههههههههههه .. لا يبيلنا ساعه على ما نوصل .. وماما اصلا ما راح تخليني وقف ومد يده كأنه يقول امسكيها و أوقفي معي .. وسويت هالشي بالضبط وقفت ويدي بيده .. قال بمرح:لا ما راح تدري .. بننحاش .. ههه يلا امشي نجيب الاغراض للكونتيسه سعاد ضحكت على هالمصطلح ومشيت معه .. وبالفعل بعد الفطور قلنا لبابا اننا طالعين وانحشنا من ماما .. ورحنا لنياقرا .. رحنا لشلالات تفرجنا شوي بعدين رحنا للملآهي .. استانسا كثير .. صحيح لاعت كبدي على عبدالله يوم ركبنا قطار الموت بس ما صار شي خخخ .. رجعت وانا هلكانه من التعب على طول نمت .. علاقتي انا وأليكس صارت اقوى مع اني ما ابي بس غصبن عني اسولف معه ولا اجلس معه بالكافتيريا .. شخصيته حلوه .. ويتقبل كل شي .. ما ينفر من شي كل شي عنده عادي .. وبنفس الوقت حسيت اني ابعد عن عبدالله .. بعد رحلتنا لنياقرا رجع الروتين بالبيت زي اول .. بالموت نجلس مع بعض .. كنت متضايقه من هالوضع بس ساكته .. اشتاق لعبدالله وهو قدامي .. ودي بس اسولف معه .. بس اسولف حتى بالسياره صرنا نسكت .. الغلط مو منه ولا مني بس .. ما ادري وش قاعد يصير .. كنت كل يوم ابكي بدون سبب .. ومرت الايام ومشت وهالشي ما تغير لحد ما جا العيد .. حتى طلعاتنا انا وعبدالله يوم نشتري ملابس العيد كانت تافهه .. ماما تركتنا نطلع مع بعض لانها حاسه انو ما نجلس مع بعض .. ما تدري هي الي مو مخليتنا نجلس مع بعض .. ويوم طلعنا ما سولفنا ليش مدري ..! يمكن انا ما اعطيه فرصه .. ولا هو ما يبي يسولف .. ما ادري .. تعبت ادور جواب .. وانتهى العيد .. كان غير عن كل عيد .. كنت مره مشتاقه للسعوديه .. وللطراطيع وللأشياء التقليديه الي تصير .. للقرقيعان الي يسوونه البزران .. لل ... لكل شي .. اسم العيد مستحيل يكتمل وانا بعيده .. ثالث ايام العيد ماما وبابا سافروا .. كنت اودعهم بالمطار ودموعي بعيني وبنفس الوقت مبسوطه ... يمكن هالحاجز الي فجأه طلع بيني وبين عبدالله يزول .. بالسياره .. كان صوت حسين الجسمي مالي الجو كالعاده .. قلت بملل:عبود .. حط راشد بدون ولا كلمه طلع شريط حسين وحط راشد .. بدون اي تعليق .. اممم يمكن ما عنده شي يقوله .. بدور سالفه ثانيه .. جلست افكر وانا اطالع بالشباك .. ابتسمت وقلت:ما تحس ان السناجب هنا زي القطاوه بالسعوديه .. يا كثرررررررهم ..! عبدالله ببرود:ايه التفت عليه ... خنقتني العبره .. ما استحمل يعاملني كذا .. انا مو انانيه .. بس .... ابيه دايم فرحان مابيه يتكدر .. مابي يسفهني .. ابيه دايم يهتم فيني ويراعيني .. ولا يكشر بوجهي ولا حتى يكلمني ببرود .. كنت مو عارفه اتنفس .. ولو تكلمت خلاص بصيح .. ماحب هالوضع .. ماحبه ابدن .. هو صحيح ما سوا شي غلط بس .. انا ما ارتاح كذا ..! بعد فتره تكلم بنفس البرود:حبيبتي .. انتظرته يكمل .. ما كمل .. قلت بهدوء:نعم مد لي قطعه صغيره:امسكي شريحتك .. اخذتها من يده:شريحة ايش ؟؟ عبدالله:شريحه كنديه .. عشان ما تنصل على بعض بشرايحنا حقت السعوديه .. ركبيها الحين عشان ادق عليك وتسجلين رقمي قلت بملل:طيب .. كنت مشغوله بالشريحه .. ما حسيت ان السياره وقفت .. يوم خلصت رفعت راسي لقيته موقف السياره .. انا:وش فيك واقف ..؟! عبدالله:انزلي ... طالعته بإستغراب:وين انزل ؟؟؟ عبدالله:تعليم السواقه .. بنسجلك .. فتحت فمي على خفيف وقلت:عبدالله انا مابي اتعلم سواقه ... من قالك اني ابي اسوق ..!؟ عبدالله:بتجلسين هنا اربع سنين ... انزلي بس انزلي نزل من السياره وانا اطالعه بصدمه .. من قاله اني ابي اسوق .. يعني مشالله حتى الجامعه ما راح يوصلني لها .. لا كملت .. من جد كملت .. جلست بالسياره ما نزلت .. التفت علي وبان انه كان يتأفف .. جا وفتح الباب:انزلي قلت بصوت كله دموع ... حاولت اقاومها ما قدرت:مابي اسوق ... غصب هو .. عبدالله:شجن انزلي رفعت صوتي:مابي عبدالله:انالله كمل بتهديد:طيب .. سكر الباب بقوه وركب وشغل السياره .. يوم وصلنا البيت وطفا السياره كنت بنزل .. بس قال:انا بعد شهر راجع السعوديه ... وش بتسوين ..!؟ مين بيوصلك الجامعه ..؟؟ طالعته من بين دموعي:وليش ترجع السعوديه ...!؟ عبدالله:عندي شغل .. اسبوعين وبرجع .. انا:وش شغله هذا الي يخليك تتركني هنا لحالي ..!!! عبدالله:ابراهيم تعبان ...وبعد شهر بيسوي عمليه .. وبعدين لمن ارجع بـ .... بنـ .. بنفصل الاجهزه عن ابوي .. |
البارت52 يفصلون الاجهزه عن عمي .. يعني يذبحووووووونه..!؟ وابراهيم بيسوي عمليه ..؟؟؟ طيب ليش توه يقول لي .. ليششش .. ما اتسوعبت شي ..:ايش ..!؟ عبدالله تنهد ونزل من السياره .. ورقا ... وانا جلست فيها افكر بصدمه .. ابراهيم تعبان .. وعمي تحدد موعد موته بعد شهر ... وو انا بجلس هنا اسبوعين لحالي .. وش هذا ..!!! نزلت بسرعه من السياره ورقيت .. عرفت ليش طبعه متغير ... عرفت ليش متضايق وزعلان .... وانا جالسه الومه والوم بابا وماما .. رقيت لقيت باب الشقه مفتوح ... دخلت .. دورته بالشقه بعيوني ما لقيته .. رميت شنطتي ع الارض وفصخت الجاكيت بسرعه ورميته وراها ورحت لغرفته .. ضربت الباب بشويش .. ما رد .. فتحت باب غرفته وطليت .. ماهو موجود .. سكرت الباب ورحت للحمام .. اسمع صوت مويه .. جالس يتروش ؟؟؟ ضربت الباب:عبدالله .. .................... انا:عبدالله ؟؟ ما رد .. تنهدت .. اصلا كيف بيرد علي .. شكله جالس يتروش .. جلست قدام باب الحمام ولميت رجولي صدرتي وحظنتها .. وححطيت راسي وانا افكر .. حرام عليهم يذبحون عمي .. يحرمونه من الحياة .. هم قالوا انو نسبة 1 بالميه ماهي مستحيله .. يعني ممكن انه يصحى .. وبعدين ابراهيم وش فيه .. ليش بيسوي عمليه ؟؟؟ توه صغيره ...! عملية ايش هاذي..! بعد ربع ساعه انفتح باب الحمام فجأه .. رفعت راسي لقيت عبدالله يطالعني مستغرب .. وقفت وانا اطالعه:عبدالله طالعني بدون ما يرد ومشى .. ودخل الغرفه وسكر الباب ... !! طقيت عليه باب الغرفه:عبدالله طيب اطلع بحاكيك .. وش فيك انا وش سويت لك ... عبدالله افتح ابي اكلمك .. بعد مده .. يأست منه .. توني بروح الا سمعت صوت الباب ينفتح .. كان واقف بالجينز بدون بلوزه ويطالعني .. شعره محيوس .. ويقطر مويه ... ومدري هالقطرات الي على وجهه دموع ولا لا .. مشيت له وحظنته:حبيبي شفيك ..؟؟ ما ينفع يصير كل هذا وما تقول لي .. عبدالله كان سااااكت .. شعره كان يبللني بس ما تضايقت .. كملت كلامي:انت يقوى قلبك انك تذبح ابوك ؟؟ عبدالله:ابوي ميت ... وعماني ضاغطين علي يقولون ماله داعي يعيش بهالطريقه ..... انا اقتنعت .. محد يموت قبل يومه بعدت عنه وحطيت عيني بعينه:بس مو انت الي تختار يومه يا عبدالله ... حرام وربي حرام .. هز راسه:لا ... الحرام ان اخوي وانا نعيش واحنا دارين ان عندنا ابو ... ماهو عايش وماهو حي .. ايش بيسوي ابراهيم لمن يسألونه اصحابه بالمدرسه وين ابوك ..؟؟ كيف بيجاوب ... توه صغير ما راح يستوعب ان ابوه ميت دماغيا .. راح يكون يتيم وابوه حي ..! كان يتكلم وهو يبكي .... ياربي مرات معدوده بس الي اشوفه يبكي فيها .. ويعجبني لمن اشوفه يبكي .. لمن يبكي احس ان قلبه .. مادري ماعرف اوصف ... ما افرح لمن اشوفه حزين .... بس الدموع وهي تنزل من عينه تحسسني انه .... رجّال ...!!! لانه ما يخاف من دموعه .. ولا يخاف انه يعبر عن مشاعره ... مسكت يده وجلست ع السرير:واذا مات ابوه بيصير يتيم ... تغير شي يا عبدالله ؟؟ حط راسه على رجلي وانسدح:مدري ...... مو على كيفي ... خلاص شجن .. خلي كل شي يمشي .. لا تعترضين جلست العب بخصلاته الرطبه:وابراهيم ؟؟ وش فيه مريض ؟؟ عبدالله:مو شي خطير ... لحميه ... بس بنشيلها .. بعدت شعره عن جبته:الله يشفيه .. رفع عيونه لي:حبيبتي آسف ان .... أني .. راح اتركك بس مو شي بيدي قربت له وبست راسه:لا عادي .. انا الي اسفه .. اني فسرت كل شي على كيفي .. وما سألتك انت وش فيك .. كنت انانيه .. ابتسم ومد يده لخده ومسح دمعه نزلت .. اول ما بعد يده جلست امسح على خده بطرف ابهامي .. شعرات صغنونه ملمسها شوكي شوي .. تعجبني .. احب هالملمس .. كنا ساكتين .. مر وقت طويل وهو منسدح على رجولي ويفكر وانا جالسه اتأمله .. كنت افكر ... يعني انا لازم اتعلم السواقه بس عشان هالاسبوعين ؟؟ طيب اقدر اروح واجي مع تاكسي .. انا:عبود طيب ضروري اتعلم كيف اسوق ؟؟ رفع عيونه يطالعني:هاه ؟؟ كملت:يعني اقدر اروح واجي مع تاكسي .. هز راسه:لا ما ينفع .. ليش ما ينفع ؟؟ اففففف .. ما بينت له اني متضايقه .. هزيت راسي برضا:طيب .. وش رايك نروح الحين ..؟ ابتسم:يلا .. بالطريق كنت متضايقه .. بس وش اسوي .. الود ودي لو ارجع معه بس عارفه انه ما راح يوافق .. ياربي انا حاسه بالوحده وهو معي كيف اذا سافر ..!؟ بالطريق .. كنت مره متوتره .. ما احس ان السواقه شي حلو .. احسه شي يخوف ..! .. عبدالله:انا مدري اذا شهر يكفي ولا ما يكفي .. التفت عليه:يكفي لوشو ..!؟ عبدالله:يكفي انك تتعلمين .. راكان جلس ست شهور يتعلم كيف يوقف السياره بالمواقف انا فقعت ضحك:هههههههههههههههههههههههههههههه .. ست شهور ..! ههههههههههههههههه عبدالله:هههههههههههه والله عاد انتي شفتي سواقه .. يقطر دلاخه هالولد .. بس انشالله انتي تتعلمينها بسرعه .. تكلمت ولحد الحين ابتسامتي كبيره بعد الضحك:انشالله .. توتري كان يزيد .. لكن لمن نزلنا وكذا بديت اتحمس .. كان الشهر هذا مره سريع .. كنت ارجع من الجامعه انام .. اقوم ع المغرب اصلي واروح للمركز .. ما اشوف عبدالله الا لمن يوصلني للجامعه او المركز .. ويروح .. ورجعنا زي اول يوم ماما وبابا .. بس حاولت انتي اتفائل .. وما افكر بالموضوع كثير .. كان الي يدرسني اسمه مستر جونز .. مره حبوب .. ويعلمني .. وانا اي معلومه يقولي اياها او اي ملاحظه على طول اكررها بمخي احاول اني ما انساها .. كان الشي ببدايته صعب .. مع كل هالازارير وكذا .. بس شوي شوي حفظهم وصارت سهله مره .. وما اخذت مني الا ثلاث اسابيع بس ..! اما توقيف السياره هذا ما عرفت له .. وصراحتن ما كنت الوم راكان ولد عمي انه ما عرف خخخ .. بس عديت الاختبار واخذت الرخصه .. كنت انا وعبدالله راجعين من المركز .. وهو باقي له ثلاث ايام ويسافر .. كنا داخلين .. جذبت نظري بي ام دبليو ورديه مكشوفه ..! مرررررررره كانت تخقق .. مره كاااااااانت عذاااب .. انا ركضت لها بسرعه:عبووودي شوووووووف البي ام هاذي مره تجنن .. كأنها سيارات باربي ... عبووووودي بشتري زيها ..! عبدالله:هههههههههههههههه .. حلوه صح ؟؟ انا كنت اناظرها زي الي ما شافت خير ابد:مررررررررررره مره .. تجنن .. وش موقفها هنا ؟؟ سمعت صوت مفاتيح .. التفت على عبدالله .. وانا جالسه التفت فكرت .. هذا صوت مفاتيح السياره ؟؟ مو معقــــــــــوله ..! اول ما شفت عبدالله مبتسم وشايل المفاتيح صرخت وحطيت يدي على فمي:يااااااااااااااااااااي حظنت عبدالله بقوه وانا انطط على خفيف:ياي ياي ياي صارت سيارتي .. عبووودي احبك مره تجنن .. عبدالله:طيب يلا اركبيها .. اخذت منه المفتاح وركبتها .. جلست ع المرتبه واخذت نفس عميق وانا اتأملها .. ياي سيارتي ورديه مكشوفه ..؟! يااااي مره ياااي .. ركب عبدالله جمبي:شغليها .. شغلتها بحمااس:عبوووودي مره شكرا .. عبدالله يضغط رز:ايش شكرا هاذي .. زوجك انا .. ابتسمت بفرحه :ياحبي لك .. التفت لمن حسيت بشي يتحرك بالسياره .. كانت الشنطه مفتوحه ويطلع منها شي .. تسكر فوقنا .. التفت على عبدالله وانا مكشره:عبود افتحها مااااااابي .. عبدالله:هههههههههههههههههههه بس اوريك .. هاه فتحتها ... يلا .. امشي .. اخذت نفس عميق وحطيت يدي ع الدركسون :بسم الله .. ضغطت برجلي بهدووووء مره ع البنزين .. وتحركت بشويش .. وانا انهبلت .. يااي .. اول ما طلعت ع الشارع فليت شعري .. ودست بنزييييين ما ادري صراحه كم كنت امشي .. بس كنت مره مستانسه وانا بسياره ورديه مكشوفه وشعري جالس يطير .. بس عبدالله خرب علي هالحلم لانه صرّخ علي ... خخخخخ يقول اني بذبحنا .. عادي محد يموت قبل يومه .. كنت ادور ادور بدون تعب وعبدالله مره طفش مني .. بالنهايه خلاني اقوم وساقها هو للبيت .. واحنا نازلين كنت اضحك:هههههههههههه شكلك خطير وانت نازل منها عبدالله:والله حديتيني انتي ... كنتي تمشين 190 ...! وانتي توك ماخذه الرخصه ..!!! انا شكلي بجلس بهون عن الرجعه بوزت:عبودي فرحانه فيها... ياربي ماني مصدقه .. اصبر بصورها عشان ليلى .. هز راسه وهو يدخل العماره ويضحك .. الثلاث ايام هاذي .. قبل سفرة عبدالله .. كنت اطلع للجامعه وهو يمشي وراي بسيارته .. بس لمن يحس اني تعديت الميه يجلس يضرب لي بواري ومدري ايش .. طفشني خوفه الزايد علي .. أليكس لمن شافها اعجبته بس جلس يعلق تعليقات مالها داعي .. يعني يقول انو انا دلوعه ومدري ايش ... قهرني بس طنشته .. حتى تعليقاته سخيفه على عبدالله .. طبعا هو يدري اني مخطوبه له .. ودايم اذا شافه جاي ياخذني لازم يدور تعليق سخيف .. انا ما كنت اسمح له يتعرف على عبدالله .. كل ما يدق علي عبدالله ويقول لي انه قريب كنت ابعد عن أليكس .. مابي مشاكل ومدري ايش .. ولا ابي أليكس يعلق تعليقات سخيفه .. بالمطار .. صوت الحرمه نفسها في كل مطار سبحان الله .. بنفس الاسلوب بعد .. To the gentlemen passengers traveling to Saudi Arabia trip No. 34 to go to Gate No. 7.. final call .. To the gentlemen passengers traveling to Saudi Arabia trip No. 34 to go to Gate No. 7 " على السادة الركاب المسافرين الى المملكة العربية السعودية رحلة رقم 34 التوجه للبوابة رقم 7 .. النداء الاخير على السادة الركاب المسافرين الى المملكة العربية السعودية رحلة رقم 34 التوجه للبوابة رقم 7 " مسكت يد عبدالله:عبدالله لازم تروح .. ؟؟ التفت علي بحنان:حبيبتي لا تخافين .. وصيت عليك ماندي وكل الجيران .. واذا احتجتي شي عندك ابو سامر .. واذا مره مره دقي علي تذكرت ابو سامر راعي البقاله العربيه الي جمبنا .. قلت بضيق:بس انا ماحبه ولا هو يحبني .. شرير عبدالله ابتسم:لا يحبك ويعدك مثل بنته بس هو اسلوبه جلف شوي هه حظنته:عبوووووودد بتوحشني .. كيف بجلس كذا اسبوعين لحالي .. مسح على راسي: حياتي ترا هاذي اول مره واخر مره تركبين تاكسي وانتي راجعه البيت .. حبيبتي سيارتك عندك .. لا تركبين معهم ...ولا تسرعين .. وانتبهي على حالك .. ولا تنسين اذا صار لك شي دقي علي والله لاجيك .. بعدت عنه وانا ماسكه يديه:حبيبي .. انتبه على حالك انت بعد .. عبدالله:انشالله .. قلت بحزن:وكلمني كل يوم .. عبدالله:انشالله حبيبتي .. حظنته بقوه:مع السلامه .. قال بهمس:انتبهي على حالك .. في امان الله .. تركني ومشى .. قلت بنفس الهمس ودموعي بعيني:في امان الكريم .. كنت اطالعه يمشي بين الناس .. خلاص بصيح .. انا ما اقدر افارقه .. احسه اخذ قلبي معه .. حسيت بالخوف .. بالوحده .. حسيت اني لحالي وانتي محتاجته مره .. خنقتني العبره .. مسكت شنطتي وطلعت .. احس كل الي حولي يطالعوني .. حسيت بخوووف وقفت لي تاكسي .. اول ما ركبت وانا اقرا آية الكرسي والمعوذات .. وصلت البيت ونزلت من التاكسي بسرعه حتى بغيت انسى اعطيه فلوسه .. دخلت وتروشت .. ورحت جلست مع ماندي .. وبالليل رحت غرفته عبدالله .. ونمت فيها ... ويوم قمت للجامعه لبست من بلايزه .. ما همتني وسيعه .. بس ابي احس بريحته معي .. لبست جاكيتي ونظارتي وطلعت ... يوم وصلت الجامعه لقيت أليكس مع مجموعه يسولفون .. اول ما شافني جا عندي وهو يطالعني بنص عين:there she is .. the pink princess .. jeje " هاذي هي .. الاميره الورديه جيجي " طالعته بنص عين وانا ابد مالي خلق .. لا وبعد يقول جيجي .. اكرهه لمن يقول جيجي:ha ha ha verey funny " ها ها ها تضحك " أليكس:wow .. the pink princess have a bad mode today " واو .. الاميره الورديه مزاجها ماهو كويس اليوم " نزلت وانا افصخ النظاره ومكشره:ya .. abdullah just Traveled to saudi arebia yasterday " ايه .. عبدالله توه مسافر للسعوديه امس " أليكس:ummm .. so ?? " امممم .. واذا ؟ " هزيت راسي بملل ومشيت للقاعه وهو لحقني:what ?? التفت عليه ببرود:alex leave me alone .. " أليكس اتركني بحالي " أليكس: but you are alone ..!! now ..!! " بس انتي لحالك .. الحين ..!! " قلت بإستهزاء وانا كأني مستغربه ومبتسمه:ya .. i was'tn " ايه .. ما كنت قبل " أليكس: comman .. have a break .. he's not here .. " يلا عاد .. هو ماهو هنا وسعي صدرك " طالعته بتعجب:hava a .. what ?? alex .. go and play in some where " اوسع ايش ..!؟ أليكس رح دور لك مكان تلعب فيه " مشيت عنه وما تركت له مجال يحكي .. ولمن طلعت كان يستناني .. جلس يراضيني ومدري ايش وانا رضيت .. كنت طفشانه وخضعت للأمر الواقع ورحت معه للكافتريا .. كانت اسبوعين غريبه .. اول ثلاث ايام كنت انا وعبدالله نجلس نحكي طول الليل .. بعدها سوا ابراهيم العمليه وصار عبدالله ما يحاكيني زي اول .. بعدها فصلوا الاجهزه عن عمي .. وطول ايام العزا ما يكلمني عبدالله .. وحتى ماما وبابا كلهم ضايقه صدورهم ومشغولين بالعزا ومدري ايش .. المشكله واللي يقهر انه ميت من زمان توهم يجون يزعلون .. كان اخر يوم من ايام العزا .. وعبدالله باقي له يومين ويرجع .. كنت استناه يتصل .. لي وقت طويل ما كلمته .. غيرت شريحتي وحطيت شريحة الاتصالات السعوديه .. خليتها يومين استناه يتصل فيها ما اتصل بعد .. مره كنت يائسه .. فجأه .. " سلامات .. حبيبي مو .. انا بسرعه رحت للجوااااال يوم سمعته يرن .. رديت بلهفه:الووووووو :الوو ماهو صوت عبدالله .. غريب .. مين هذا .. :عبدالله ..؟! :شجن ..؟ فتحت عيوني بصدمه:ياااااااااسر ..!! ياسر:استني شجن انا حقوول لك شي .. بليييييز لا تسكري قلت بملل:نعم وش تبي ؟؟ الحين موب عيب عليك تدقدق علي ومدري ايش وحركات البزران ... ياسر:والله شي ضروري انا سكت افكر .. المكالمه دوليه وهو شكله ما يدري خخخخخ .. وعموما انا طفشانه :هاه وشو ؟؟ ياسر تنهد:اسمعيني.. يمكن تقولي ليش انا ابغى اسوي كدا صح قلت بنفس الملل:تبغى تسوي ايش ؟؟ ياسر:تذكرين اول مره شفتك بلندن .. انا:أيوا ..؟ ياسر:اللي كان معاك ايش اسمووو ؟؟ يقصد عبدالله ؟؟ تنهدت:وش دخلك .. ياسر:اسموووو عبدالله صح انصدمت:وانت وش دراك ..؟! ياسر:لاني اعرفو بس هوا ما يعرفني ... اسمعي هوا البيست فرند لراكان صح ؟؟ راكان ..؟؟ يعرف راكان ولد عمي بعد ..؟!:ايه هم اصحاااب .. بس لحظه انا ماني فاهمه ياسر:راكان هدا انا اعرفو هوا صاحبي .. دايم يكلمني عن هادا عبدالله وكدا .. وانا لمن شفت عبدالله مع راكان مره من المرات تزكرت انو نفسو الي شفتو معاك ... ايش يقرب لك عبدالله ..؟ اخذت نفس عميق:الحين انت داق علي ومزعجني ومقلقني عشان تقول لي انك تعرف راكان وعبدالله ؟؟ ياسر:ايييش يقرب لك ..؟! قلت بلهجه دلع ابي اقهره:خطيبي .. زوووجي .. حبيبي ... ياسر:اييييييييش ..!؟ قلت بنفس الدلع:وش فيك ؟؟ ياسر:اوو ماي قاد .. انا ارتعت:وشو ؟؟! وش فيك ؟؟ ياسر سكت شوي:شوفي انا كنت فاكرو ولد عمك اخوك اي احد كنت .... خلاص اسمعي باي طوط طوط طوط .. |
البارت 53 انا ارتعت .. قمت انتفض ... وش فيه هذاااا ...!!! عبدالله وش فيه .. لحظه عبدالله من زمان ما كلمني يمكن صاير له شي .. بتوتر سريع دقيت على ياسر ..رن كم رنه.. وبعدين رد:شجن الله يعافيكي لا تسأليني ايشبووو انا خلاص خنقتني العبره:يااسر قول تكلم عبدالله فيه شي .. صاير له شي ..؟! لله يخليييييييك ياسر بان بصوته انه مرتاع:لا مافيييييه شي ايشبك انتي ... انا تعقد تفكيري:اجل وش فيييييييك ؟؟! ياسر ما راح احللك اذا ما قلت لي تنهد ياسر:اوكي اوكي آآآي ول تيل يوو .. بس تزكري انا ما قلت كدا عشان افتن بينك وبينو .. لاني ما دريت انو خطيبك .. انا كنت فاكرو اخوك او ابن عمك حاجه زي كدا كنت ابقولك عشان انصحك بس دحين ممكن انتي تاخدي ببالك غلط .. انا نزلت دموعي بدون ما احس:لا تخاف راح اصدقك بس قول ياسر:ليييييش تبكي .. يالله هادا وانا ما بعد احكي .. انا:ياسر قووول وش فيه عبدالله؟ ياسر:طيب اسمعي .. انا بقولك ايش اعرف .. شوفي انا واحد صااااااايع يعني اقولها لك .. راعي حبوب وحشيش وبنات لو تبغي كمان .. يعني انا عارف نفسي اوكي .. بس انتي لمن عرفتك كنت فاكرك زي هدوليك البنات بس طلعتي غير .. فـ ما رحتي من زاكرتي ابدن .. يمكن بنفس الوقت انتي قدمتي لي معروف .. ما راح اطول حكي .. بس راكان انا اعرفو .. اسأليني كيف اعرفو .. ؟ هووااا يبيع حبوب فتحت عيوني بصدمه:رااااااااكاااااان ..؟!!!! ولد عمي ؟؟؟!!! ياسر:ايوا هوا راكان .. ومره انا شفتو يمشي مع عبدالله بواحد من المولات .. عبدالله دخل محل وانا رحت اسلم على راكان .. سألتو مين معك قال هادا عبدالله صاحبي .. انا تزكرت على طول انو هادا انتي كنتي تمشي معاه .. بلعت ريقي:طيب وش دخل عبدالله .. اوكي راكان ولد عمي انا مالي دخل فيييييييييييه بس قلي وش دخل عبدالله بالسالفه .. ياسر:تجيك السالفه يا ستي ... هوا سكن ببرج الفيصليه ؟؟ عبدالله ؟؟ بدت الصدمه تدب فيني بشكل بطئ من جديد:ايه ياسر:ايوا الغرفه ما كانت غرفتو كان يساعد راكان بشي انا ما ادري ايش هوا بالضبط.. المهم انو حتى السياره حقت راكان هوا اخدها عشان المباحث بدأو يشكو في راكان .. انا سكت فتره .. وش يقول هذا .. عبدالله ما راح يساعد شخص واحد هو عارف ان من ورا هالمساعده بيضر الآآآآآف ..! معقوله عبدالله كذا ؟؟؟ لا ... لو اني توني اعرفه بنصدم ..بس عبدالله مو كذا ...... بس الي قاله ياسر صح .. انا اتذكر وش صار بالفيصليه ذيك المره بالضبببط ..! ياسر:شجن ايشبكي .. قلت ببرود غريب:ولا شي ... شكرا ... باي سكرت الجوال وجلست عند الشباك ... اطالع بدون هدف .. ماني قادره اصيح ..!!!! ماني قادره افكر ... انا صدقت .. صدقت وبقوه .. شي صار قدام عيني كيف ما اصدقه .. بس وش الدافع .. وش الاشيا الي خلت عبدالله يسوي كذا ..؟! عموما باقي يومين ويرجع ..... وينكشف كــــــــــل شي ..! قلت لأليكس كل الي سمعته من ياسر .. كنت ابكي وانا اقول له .. ما كنت متوقعه عبدالله يسوي كذا ... حتى راكان .. ليش يبيعهم .. هو محتاج يعني ؟؟!!! ابببببببببببدن مو محتااااج .. قال لي أليكس اني ما اروح استقبل عبدالله بعد بكرا .. وانو ما اعطيه وجه لين هو يحس .. واذا سألني وش فيني اقول له ... كان يقول لي نصائح ثانيه انا تقبلتها بصدر رحب ... وحسيت انها بتسوي شي ... أليكس خفف من صدمتي كثير .. صدق ان عبدالله ما يستاهل ... يقول أليكس ان الي يخبي شي واحد على حبيبته هذا ما يحبها .. الي يحب ما يخاف من شي .. مرت اليومين وانا مع أليكس مررره .. جا يوم وصول عبدالله .. كان يوم السبت وما عندي جامعه .. جالسه بالبيت ومتوتره .. بأي لحظه يمكن يدخل مع هالباب .. طيارته وصلت من نص ساعه .. كنت خايفه .. مدري ليه .. انتظرته كثير ما جا .. جلست ع الكنبه وما حسيت بنفسي الا وانا نايمه ... قمت الصباح وانا بسريري .. استغربت انا وش جابني هنا ؟؟ اكيييييييد عبدالله جا .. قمت بسرعه من سريري وطلعت .. علامات بسيطه خلتني اعرف انه وصل .. مفاتيحه ع الكاونتر الي عند المطبخ .. ودفاية الصاله مشتغله ... وو اكبر دليل اني بسريري ..! مشيت لغرفته بهدوء .. فتحت الباب بشوووويش مابيه يحس .. لقيته نايم .. نزلت دموعي .. دخلت وجلست اطالعه .. ويدي على فمي احاول ما اطلع صوت من ورا دموعي .. كان نايم زي الطفل .. كان برئ .. كيف هالانسان يقدر يسوي كذا انا ماني مصدقه ..!!! تذكرت كلام أليكس وطلعت بسرعه .. بغرفتي كنت متوتره مدري ليش ... ماسكه مناديل واقطع فيه بدون ما احس .. بعد ساعه سمعت ضرب ع الباب:شجون .. حبيبتي صحيتي .. بلعت ريقي وانا اطالع الباب .. فتح الباب بشويش .. شافني جالسه واطالع فيه .. عقدت حواجبه:حبيبتي..!؟ كان كأنه ينتظر جواب .. كأنه يسألني ما اشتقتي لي ..؟ ما دريتي اني وصلت ؟؟ كأنه يستفسر .. يبيني اقوم واحضنه زي ما كنت اسوي لمن اشتاق له .. استنكر جلستي .. ودموعي ..! جا وجلس جمبي:شفيك .. كنت ساكته ودموعي تنزل .. وكلمات أليكس تتردد بذهني (do not till him anything) ... وما راح اقول له ولالالا شي .. راح اسكت .. بعد خصلات شعري عن وجهي:وش فيك ..؟! انا:............... عبدالله باااانت بملامحه الحيره:شجوووون فيك شي ؟؟! قولي لي انا زدت بكي ونزلت راسي مابي يخوني لساني واصرخ بوجهه كيف يخبي عني شي زي كذا ..! قربني لحضنه وقال بهدوء:انتي زعلانه علي طيب ؟؟ صاير لك شي وما تبين تقولين .. ؟؟ حياتي احكي ما راح اسوي لك شي انا تمسكت بحضنه رغم اني كارهته .. حسيت كأنه حمد يوم حضنته .. نفس الاحساس الي حسيته .. بعدت عنه بنفس السرعه الي تمسكت فيها به .. وجلست اطالع فيه:ممكن تطلع برا ؟؟! عبدالله فتح عيونه:أييييييييييييييييش ..!؟ انا بكيت اكثر:عبدالله الله يخليك اتركني انا ماقدر اقولك شفيني .. خلاص اطلع .. عبدالله:بس ....!!!! .. مــا قاطعته:عببببببدالله لووو سمحت اطلع .. اطــلع قام وهو يناظرني والصدمه باينه بوجهه .. سكر الباب .. وانا انسدحت عالسرير وانا ابكي .. ليش تروح .. ليش سمعت كلامي وطلعت ؟ ليش انا مكبره موضوع تافه زي هذا ليييييييش ..!؟ بس أليكس ... كلام أليكس .. أليكس الحقير الي خلاني اعيش بهالدوامه والمشكله اني مقتنعه بكلامه .. اذا هو خبى عني شي فأكيييييييد راح يخبي علي اعظم ..! وش بيكون اعظم من كذا .... خيانه مثلا ..!؟ حسيت اني اوسوس كثير .. بس هاذي هي الحقيقه ... ياربي ليش الدنيا قاسيه حتى بالاشيا التافهه الي زي كذا ..!؟ كانت الايام تمر وانا بغرفتي .. اسكر على روحي ما ارضى له يدخل ولا حتى يحاكيني .. حتى اكلي آكله بالجامعه .. ولمن يعرض علي يوصلني كنت ارفض .. اجاوب أسألته على قدها وما ازود شي ... ولمن تلتقي عيونا اشوف بعيونه احساس مره حلو بس ما اقدر اعكس له هالشي بعيوني .. نظرات الاستحقار الي اطالعه فيهم غصب عني ... كل يوم كان يلحقني للجامعه .. يحاول يعرف شفيني لدرجة حسيت انه مثير للشفقه .. تصرفاته .. حركاته لي ... يحاول يكلمني بأي طريقه سواء في البيت او بالجامعه .. وبدا يمل من علاقتي بأليكس .. الي كان دايم يهمس لي لمن يشوف عبدالله يطالعني ... دايم يقول لي وش لازم اسوي .. كان منقذ بالنسبه لي ... كنت بالكافتريا وعبدالله جالس بعيد وحاط راسه ع الطاوله بملل ويطالعني .. وانا اطالعه بنص عيني وآكل مع أليكس .. أليكس هز راسه:dont look ay him " لا تناظرينه " قلت بزهق وانا اتنهد:but i cant .. i love him .. i cant sit here when i can stand up and ask him why did he do this ?? "بس انا ما اقدر ... انا احبه ... ماقدر اجلس هنا وانا بس اطالعه وودي اقوم واسأله هو ليش سوا كذا " أليكسcuz he dont love you .. if he does .. he will never ever hidden anything .. trust me: " سوا كذا لانه مايحبك .. لو كان يحبك ما كان ابدن خبى عليك شي .. ثقي فييني " تنهدت بحزن .. اثق فيك ؟؟ وانا عندي شي غير اني اثق فيك يا أليكس .. حط ايده على ايدي:don worry shaja it will be fine " لا تخافين شجن .. كل شي بيكون كويس " سحبت يدي من يده بسرعه وبخوف.. طالعته خمس دقايق مستغربه .. بلعت ريقي وانا افكر .. انا سويت شي خلاه يتعدى حدوده معي .. فجأه تذكرت عبدالله .. شاااافه ..! التفت على مكانه بسرعه ما لقيته .. وقفت وجلست ادوره بعيوني .. كان عند باب الكافتريا يمشي .. جلست اطالعه بخوف .. الحين شافني راح يحسب انو فيه شي بيني وبين أليكس .. سحب أليكس طرف جاكيتي وتركني اجلس .. واقلى علي محاظره خلتني ابعد الوساويس هاذي عن بالي .. بكيفه عبدالله .. اذا هو بيزعل لان أليكس بس مسكت يدي بلحظه عفويه ... انا يحق لي ازعل انه خبى عل شي زي كذا .. لا والاعظم انه اصلا سوا شي زي كذا .. رجعت البيت وانا هلكانه .. وراسي يعورني مره .. لقيت عبدالله عند التلفزيون .. مشيت شوي بروح لغرفتي ... بس استغربت .. مافي صوت تلفزيون .. التفت اطالع التلفزيون كان مطفي ... ليش جالس قدامه وهو مطفى .. رفعت عيوني على عبدالله لقيته يناظرني بنظرات غريبه.. نظرات حاده نوعا ما .. طنشته وكملت طريقي .. بس وقفني صوته الي حتى هو كان حاد لدرجة مخيفه:شجون .. التفت ببرود ما يعكس الخوف الي دب فيني ابدن:هاه ؟؟ عبدالله:ممكن تجين تجلسين .. فيه موضوع ضروري لازم نتكلم فيه .. كان خوفي يزيد بس ما بينته :انا بروح انام .. عبدالله:ما يتحمل يتأجل .. امشي فكرت بشكل سريع .. ومشيت ببطئ للكنبه .. كنت خايفه من هالمواجهه وجالسه اتخيل وش ممكن يقول الحين ..! يوم جلست هو تعدل بجلسته وهذا شي زاد خوفي .. تكلم ببرود:اسمعي .. يعني لو تبين تلعبين بذيلك وانا بالسعوديه العبي زي ما تبين انا عندي استعداد ارجع الحين واقول لعمي بنتك مابيها وانتي تستانسين مع خويك هذا الي ما غسل وجهه .. بس مو تجلسين بذمتي وتخاوين ... انا ما اسمح بهالشي ..! فتحت عيوني بصدمه وكل حرف قاله ينعاد بذاكرتي .. اخااااااااااااوي ؟؟! العب بذييييييييييلي ..؟! وش يقول هذا .... دموعي ما انتظرت اذن النزوول .. نزلت كثيره زي المطر .. قلت بخنقه:عبببببدالله ما خاويت احد ... وربي. .. لا تظلمني حرام عليك عبدالله وقف:والحركات الي تسوينها هاذي والثقل الي مدري من وين طلع ويصرخ:وشلون تفسرييييييييييييين مسكة اليد الي صارت قدام عيني اليوم شلووون ..!؟ وقفت وزادت دموعي:انت ما تدري وش فيني لا تفسر على كيفك ... لمن مسك يدي انا سحبتها ... واساسا هذا الي مسك يدي احسن منك الف مره .. على الاقل ما يكذب علي ولا يسوي اشياااا بالفضاعه الي انت تسويها عبدالله كان يطالعني بصدمه وغضب .. الغضب هذا الي دايم انا تمنيت اشوفه .. والحين ندمت عليه .. قال بقلة صبر:اكـــــــذب عليك ؟؟! مشالله يعني انتي الحين جالسه تقلبين السالفه عليك ..!؟ فهميييييني ؟؟ ما فهمت ؟!؟ شهقت من البكي:وش افهمك انت اصلا تبي تفسر كل شي على كيفك ما تدري ليش اتصرف بهالاسلوب اسأل نفسك قبل عبدالله بضيق:خلاص انا برجع السعوديه ... مالي داعي وانا هنا .. صرخت بوجهه بغضب:قلت لك مو على كيفك تسوي كذا وربي حرام عليك .. طيب انا وش ... ضاع مني الحكي .. ماعرفت اتكلم .. تبعثر الكلام كله .. وانا اطالعه واقف قدامي .. ونظراته كلها حقد .. قال ببرود:حرام ..؟! لا الي صار هذا مو حرام .. الحرام اني انا .. اجي اخطبك انتي ... ويشدد على كلمة انتي ويكمل:وحده مثلك مفروض ما تقول حرام لان واحد مثلي بس رضا فيها .. حبيتك طول عمري وانتي ما تحبيني واخذتك رغم فضيحتك وحكي الناس عنك مفروض اني كنت اتوقع انك بتسوين شي زي كذا وتخونيني .. وخري بس الكلام هذا ترك دمي يفور .. خلاني ... بحاله .. ماعرف اوصفها .. كل شعر جسمي وقف .. مسكت ذراعه بعنف:لا تجي تقول حكي جاااااارح زي الي قلته الحين وتمشي وتخليني فااااااااهم عبدالله التفت وسحب يده بقوه وقال بصراخ:وموب انتي الي تخووونيني يا شجن قلت بصراخ اعلى وانا ابكي:واللله ما سويييييييييييت شي عبدالله مشى:لا ولها عين تحلف بعد صرخت:عبدالله التفت علي .. وكان بإيده شي .. كان كل شي يمر بالحركه البطيئه .. كنت اشوفه يلتفت بشويش .. بهدوووء مره .. ويده تقرب .. وشي ماسكه بيده يلمع .. يقرب مني اكثر .. يقرب من وجهي اكثر ..! بغيت احمي وجهي بس ما امدآني .. فجأه صار كل شي سريع .. اسرع من يدي الي راحت تسعف خدي بس بعد فوات الاوان .. كان شي حاد .. مر على خدي بلحظه وراح .. وترك وراه الم .. ودم .. صرخت صرخة الم .. وحطيت يدي بسرعه على خدي وانا اطالع عبدالله وعيوني حاسه انها بتطلع من الصدمه ..! وهو بنفس حالتي .. يطالعني وفمه مفتوح ... !! بعدت يدي عن خدي بعد ما حسيت برطوبه .. فيها قطرات حمرا ... سمعت صوت ارتطام .. شي ينكسر .. نزلت عيوني ليد عبدالله .. وتحتها الطفآآيه مكسوره .. ضربني فيها ..!؟!! كل هذا صار ولحد الحين الكلمه الي كان يقولها وهو يلتفت تتردد بالمكان:لا تقولي اسمي يا واطيه .. يا واطيه .. يا واطيه .. بلحظه وحده بس استوعبت .. عبدالله صرخ بهالكلمه وهو يلتفت ويضربني بالطفايه على خدي .. والحين تركها بصدمه ... وتركني انا بصدمه ..!! واطيه ؟! يعني الكلام الكثير الي قاله قبل شي .. كان قايله من قلب ..؟! طالعته بكره .. بحقد .. قلت بإشمئزاز واضح ودموعي تسبق كلامي:اطلع برااا عبدالله:شجن انا ..... انا آسف .. انا ما قاطعته:اطلع برا عبدالله قرب مني:ما كنت قاصد اني كنت حاسه انه ما راح يطلع .. بس هالشي لازم يصير .. لازم يتركني باللحظه لحالي .. صرخت باعلى صوتي وبإنفعال:اطـــــللللللللع برااااا كان يتنفس بسرعه وهو يرجع على ورا .. حتى دموعه انا شفتها على خده .. وش دموعه هاذي .. ندم مثلا ؟؟! يقول عني واطيه .. يرحمني .. لهادرجه يحس بالشفقه اتجاهي ...طلع وخبط بالباب بقوه .. وانا مدري وش صار فيني .. كنت منهاره من الكلام الي قاله ..! وحده مثلك مفروض ما تقول حرام لان واحد مثلي بس رضا فيها وحده مثلك مفروض ما تقول حرام لان واحد مثلي بس رضا فيها وحده مثلك مفروض ما تقول حرام لان واحد مثلي بس رضا فيها يالله ..! ليش دايم كلام الناس يتكرر بدآخلي ... ليش دايم ذاكرتي تصر على الاعاده .. وتخليني ابكي اكثر .. واحد مثله يا دنيا .. رضا في وحده مثلي .... صـآآآآآآآآآآدق واحد مثله .. حب وحده طول حياته وعاش نظيف ... يستاهل انسانه احسن من وحده عمرها ضاع بالاستخفاف .. توقف عقلي عن التفكير ... عبدالله عاش حياته نظيف ؟؟! لا .. مستحيل .. عبدالله اوصخ كائن مشى فوق هالارض .. ما تصورت اني ممكن فيوم اقول عنه هالكلام .. بس صدمتي الاخيره فيه تغفر لي هالشي .. وصدمتي من كلامه الجآرح تأكد اكثر .. محد يجرح بهالطريقه ... الا الانسان القاسي .. .. .. كانت الشوارع غرقانه بالمطر .. وانا اطالع الناس من الشباك .. رفعت عيوني للساعه .. 15 ساعه وانا تاركه خدي على حاله .. وتاركه همي على حاله ... حتى دموعي تركتها على حالها .. بهالـ15 ساعه حسيت اني عشت 15 سنه لقدام كلها هموم .. اقسى شي لمن الواحد يحس انه اقل من غيره .. لمن ينجرح بقلبه .... بقلبه على طول .. 15 ساعه بس وحسيت بوحده ما قد حسيت فيها بكل حياتي .. حسيت اني لآ ام .. لآ اب .. ولآ اصحآب قراب .. ولآ حتى حبيب ..! الي قلبي ينبض له الحين هو نفسه الي ترك هالنبضات ضعيفه بعد الجرح الي رسمه بقلبي .. كيف يكون قاسي لهالدرجه .. وكيف يطلع هالكلام منه .. ؟ كنت اعجز عن وصف الهم الي انا فيه .. بس ودي ارجع طفله زي الي اشوفها تركض تحت المطر الحين .. وتأنبها امها بخوف .. ودي ارجع لقريتي التافهه .. لحياتي التافهه ... لطفولتي التافهه .. يوم ما كنت اعرف شي اسمه دلع .. شي اسمه وناسه .. شي اسمه هبال واستهتار ... ليتني كبرت وعشت مراهقتي بين احضان جدتي .. وما عرفت ولد خالتي هذا ابد ليتني وليتني وليتني .... بس وش تنفع هالكلمه .. مستحيل اختصر حزني بسطرين بس اقدر اختصره بأيام .. كان اسبوع واحد بس .. بدون ما اطلع فيه ع الجامعه .. والتقيت بعبدالله .. |
البارت الاخـــــــــــــــــــــــــــــــــــــــــيــــ ـــــــــــــــــــــر بأكثر مكان اكرهه في تورينتو كلها .. بدكآن العم ابو سآمر العراقي .. كنت اشتري شوية اغراض من عنده .. العم بو سامر:شو صاير لك عمّه ؟ طالعته بملل:ما صار شي .. ليش تسأل ؟؟ العم بو سامر:بس اشوفيك كتير زعلانيي .. قلت دوم انشالله طالعته بحقد ..:الله يديم هالحال علينا وعليك .. ضحك وقال:والله زي شقاوة بنتي .. هزيت راسي وانا اتنهد .. ودخل بوقتها عبدالله .. عطيته نظره وحده بس وبعدها نزلت راسي .. بس كان باين انه يناظرني .. قال بهدوء:اجل وش سويتي ؟! العم ابو سامر:شو قلت ابني ؟؟ عبدالله هز راسه:لا عمي ما كنت احاكيك ... احاكي الي ما سوو شي .. رفعت راسي اطالعه ... وله عين بعد يلمح لي وينغزني بكلامه .. بس ما اهتميت .. قلت ببرود:ليش فاكر اني راح اسامحك ؟؟! عبدالله انفعل:وليش ما تسامحيني .. كم صار لي ادق عليك وانام عند الباب كل يوم كأني طرار .. لا وفوق كذا انتي الي غلطانه .. زعلانه لاني ضربتك هزيت راسي وانا اضحك .. اضحك على غباءه:اذا السالفه على الي في خدي .. فهذي مسموح عليها .. مع ان الدم الي كان على خدي يا عبدالله لحد الحين ما راح .. حاسه فيه طالعت بعيونه:الي بيملك روحي له الحق يسوي فيها الي يبي .. بس ما يكذب عليها ..قال لي يااسر عن كل شي .. ياسر صديق راكان .. عن الي يسويه راكان وانك انت تساعده .. ليش ما قلت لي عن هالاشيا ...؟! هذا الي غيرني عليييك .. انك تخبي عني ... اصلا ... انك تساعد راكان هذا بحد ذاته شي انا ما اقدر اسامحك علييه .. و ظنك الوصخ هذا بعد ما اقدر اسامحك عليه .. وكلامك الجارح مو بس ما اقدر .. الا مستحيل اسامحك عليه .. حطيت حسابي ع الطاوله واخذت اكياسي ومشيت:الله لا يسامحك .. ولا وقفت انتظر ردة فعله .. ولا حتى كلفت نفسي التفت .. مشيت .. ينادي وانا كأني ما اسمع .. بحاول اعيش بدونه .... بحاول .. بعد سبع شهور .. وبين مد وجزر .. صحيت من النوم بحماس .. وقت طويل وانا احسب الايام لهاليوم .. اليوم ماما وبابا بيجون .. واكمل باقي جهازي معها .. وبنسوي البروفات الاخيره على فستاان زواجي .. التفت على عبدالله الي كان نايم بجنبي وصحيته بعنف:عبووووووود قوووم ماما وبابا وصلو .. قووووووم .. عبدالله:............... طالعته بحنان .. الدنيا ماهي حلوه بدون مشاكل .. ومافي اي مشكله تصير بين اثنين ومالها حل .. رجعت اصحيه ما رضى يرد قمت عالسرير انطط زي كل مره ما يرضى يقوم فيها من النوم وانا اغني بصوت عالي:فتحي يا ورده سكري يا ورده .. عبدالله قام بروعه:هي هي لا تنططين كم مره قلت لك لا تنططين مجنونه انتي مجنونه ..! جلست عالسرير بعنف وانا اضحك:ههههههههههههههه خلاص ما عاد اعيدها .. رجع انسدح وهو يتحلطم على خفيف:كل يوم اقولك لا تنططين وتسوين حركاتك هاذي .. تقلقيني وتتعبين روحك .. رفع راسه وقال بغضب مصطنع:وما تتعبين روحك انتي لحالك .. ضحكت من قلب وجلست اكمل انشودتي:هنا ورده .. هنا كيس .. حط الوساده الثانيه على راسه وكمل نومه .. جلست ودغدغته .. ضحك بصوت كله نوم :خلاص صحيت صحيت .. بس دقيقه .. قمت سحبت الفراش وركضت للحمام اغسل وجهي واصلي .. صرخ بأعلى صوته:شجوون ووجع لا تركضين يا مجنونه .. وجيبي الفرااااااااااش ..! استقبلنا ماما وبابا بالمطار .. ورجعنا بسيارتي الورديه بس هالمره عبدالله الي ساقها .. وانا جالسه وراه وبابا جمبه .. وعلى يميني ماما وانا ماسكه ايدها .. وايدي الثاني على كتف عبدالله .. اطالع البحر من الجسر الي مرينا فوقه .. اطالع الصباح بإبتسامه .. واشكر ربي من كل قلب .. اتذكر الايام الي راحت ... والعذاب الي تعذبته .. مرت كل السبع الشهور الي راحت قدامي زي الشريط بشكل سريع .. عبدالله ما ساعد راكان الا مره وحده لو ما ساعده فيها كانت الحكومه راح تمسكه وبعدها بيصير شي على قولتهم " لا يحمد عقباه " .. والكلام الي قاله انا نسيته اول ما احذني بحضنه وهو يعتذر لي بذل .. كل شي على قد ما كان قاسي .. على قد ما تعوض علي سعاده .. يكفيني بس هاليوم وانا مع ماما وبابا .. وزوجي ... ولابسه فستان عرسي الي بعد شهر واحد بس بفرحه .. اطالع نفسي بالمرايه واتمنى ان المرايه هاذي مراية قصر افراحي بالرياض .. بعدها بإسبوع جت ليلى لتورينتو .. تعلمني عن السعوديه الي ما زرتها ولا مره بهالسفره .. وتجهز اغراضي معي بفرح .. وريتها شهادتي بفخر .. وعلمتها عن أليكس .. وكيف ان عبدالله ضربه ضرب خلاه ما عاد يسترجي يطالع فيني .. صحيح كنت راحمته بس خخخخخخخخ بكيفه هو كان ابليس ودايم يوسوس لي ... ليلى فاجئتني بخطبتها هي وسيف .. ولهم شهر ونص وما قالت لي .. ورجعنا بعد اسبوع كلنا سوا للسعوديه ... لأحلى بلد بهالدنيا .. بطياره واحنا نعدي المحيط .. واطالع بخريطة الطياره الرقميه شكل السعوديه الي كأنه علآمة ( & ) مآيله عاليمين .. هنا بتوج حبي بزواج .. وهنا راح يعيش الصغير الي يتحرك ببطني .. حطيت يدي عليه بحنان .. عمره بس شهرين .. حسيت بيد عبدالله على يدي .. التفت عليه وانا مبتسمه ... وهو مبتسم .. اتذكر لمن درينا اني حامل .. كنا تونا متعشين بيتزا .. بعدها على طول صرت استفرغ .. واقرف من عمري واحس كبدي لايعة بي .. ولمن رحنا للدكتور جا هالخبر زي الصاعقه ... بس تقبلناه .. وما همنا كلام الناس ابدن لاننا ما سوينا لا غلط ولا حرام .. وياما الناس حكو بس انا وش اخذت من حكيهم غير السفره الطويله هاذي عشان ابعد .. اخذت نفس عميق وهوا الرياض الجاف يدخل فيني وينعش كل خليه بجسمي .. يذكرها بالانتماء .. بروفات الزفه بالقصر .. والكوشه والخرابيط .. ومن اول ما طبيت الرياض منعت الاتصالات بيني وبين عبدالله ههههههههههههه .. عارفه انو اسبوعين ما راح يشتاق لي لانه جلس سنه تقريبا نص هالسنه ينام جنبي فـ طبيعي هالشي .. بس برضو لازم .. فيه حكمه بس ما ادري وشهي .. وتقل الايام وتقل .. وكبدي تلوع فيني خخخ بس ما اقول لماما .. يكفي انها بغت تذبحني يوم درت .. قمت من نومي ورحت القاعه .. بعد ما تغدينا.. كان الجو هناك مو جديد .. وتوتري ما كان مره .. بس كل ما قرّب الوقت كل مآ كنت اتوتر اكثر .. هذا مو مثل زواجي من حمد .. هذا شي ثاني مفروض ما اسمه " مره ثانيه " .. كنت حاسه اني بستفرغ .. والكوافيره تزبط المكياج .. وفستاني علي .. وماني عارفه ايش اسوي حسيت اني بصيح .. كنت حاسه انها تحط على عيوني اثقال مو مكياج .. يوم خلصت انهبلت من شكلي .. وجلست اصيييييح وماما تهدي فيني انا:ماما ما اقدر اطلع كذا وربي عبدالله بيرتاع مني .. ما راح يعرفني ..! ماما:طيب طيب يا ماما لا تصيحين نمسحه ونعدله قلت بقلة صبر:ماااااااااافي وقت... ماما:الا في وقت اجلسي وخليها تمسحه .. كنت اسمع صوت الطقاقه من برا تغني اغنية ( باقي من الوقت ) العراقيه .. طالعت ماما بغضب .. هالاغنيه السخيفه تنحط بعرسي انا:مااااااماااااا ماما:وش فيييك وش فيك سم الله عليك قلت ودموعي تزيد:قولي لهم لا يغنون هالاغنيه خليهم يوقفون ماحبها مالي شغل ماما ماما:طيب طيب ابنزل بس انتي اجلسي واذكري الله وخليها تمسحه .. جلست واعصابي تلفاااانه ع الاخر .. حسيت بلوعه .. قمت بسرعه ع المغلسه واستفرغت .. ورجعت اصيح ... يوم عرسي يصير لي كذا ..! ليلى وبنات خالاتي هدوني .. ومسحت المكياج وخلته خفيف .. صحيح تأخرت الزفه شوي .. بس كله منها كنت حاسه ان جسمي يرتعش من التعب بس ما اهتميت كانت ابتسامتي سابقه كل شي .. دخلو الرجاجيل .. كنت اسمع صوت الاغنيه يا معيريس عين الله تراك .. والقمر والنجوم تمشي وراك .. عبودي دخل .. ياربي كيف شكله بالبشت وهو مرسم ... وكيف موده الحين .. ومين داخل معه ؟؟ كنت اتحرق شووق بمكاني .. بعد ربع ساعه دخلت ليلى:شوشوووو طالعتها بلهفه:لولا قولي لي وش صااار ..! اشرحي لي بالتفصيل الممل كيف دخلو جلست جمبي وقالت بحماس:اول شي دخلو .. عبدالله كذا لابس بشت اسود ومرسم طالع يهبل .. ضربتها قبل ما تكمل:وجع زوجي .. ليلى بنص عيون:وش ابي فيه .. المهم .. ومعه برووهمي يااااااااربي طالع جنان بالثووب .. وبعد معه ابوك .. وو وش اسمه ذاك .. راكان ولد عمك وعمانك عموما ويا عيالهم .. اول ما دخل عبدالله راح يسلم على جدك هاذي .. ام ابوك .. حب راسها بعدين رقا فوق .. بعدين على طول جيتك .. الحين جالسين يصورون مع عبدالله .. اخذت نفس عمييييييييق .. مره متحمسه ..جتني ماما:يلا حبيبتي جاهزه طالعتها وانا ارجف مو من الخوف من التعب:جاهزه .. الحين ..!؟ ماما:يلا يا ماما .. وييييين الباااقه ..!!!! طالعت وجه ماما المصدوم وضحكت:هاذي هي .. بس لانك بعيده الفستان مغطي عليها .. جتني ومسكتها ترتبها:لا تخلينها كذا .. يلا يا ماما قومي .. قمت وانا اسمي بالله .. اخذت نفس عميق من جديد وطلعت من الباب .. ووقفت عند الدرج .. اللمبات طفّت .. واشتغلت زفتي .. مسكت الباقه بشكل عادي .. واقل مع العادي .. كنت ابي اطلع ببساطتي .. كانت ابتسامتي كبيره .. اطالع المصوره واتدلع قدام الكاميرا .. هذا يوم زواجي ماهو اي يوم ..! ما رفعت عيوني اطالع بعبدالله لاني عارفه الفرحه الي فيني بتخليني ارتبك زياده يوم وصلت للدرج رفعت راسي له .. كان ماد يده .. مسكتها وانا اطالع بعيونه وهو يطالع بعيوني .. كنت بصيح بذيك اللحظه .. حسيت بعدالة هالرب ..! على قد ما تعذبت بحياتي وانهنت .. على قد ما انا فرحانه .. يدي بيد اغلى انسان على قلبي وبوسطي اكثر شي تتمناه اي بنت بهالدنيا .. وحولي ناس يحبوني .. ويقدروني ويخافون علي .. كنت واقفه جمبه .. ويلبسني الطقم .. وانا مشغوله اطالع فيه .. ياربي هالدنيا غريبه .. على قد ما الواحد يكرهها على قد ما يحبها ويتمنى يجلس فيها اطول وقت ممكن ما دامه مع احبابه .. تعلمت منها كثير .. كل انسان بدنيتي تعلمت منه زي ماما .. بس اطالعها احس انها تقطر حنان .. تعلمت منها ان الواحد يعطي ولا ينتظر ياخذ .. صحيح هي عليها حركات سخيفه بس دايم وهي تقدم ولا تطلب ثمن .. تعلمت من سيف وليلى انوو مهما الطهر والبراءه التقوا مع شي عكسهم تماما .. يقدرون يغرونه للصح .. لان الصح مستحيل يغلب عليه الغلط .. تعلمت من ياسر ان اي انسان بحياتي لو مر عليها وما عرفته فيها غير يوم او يومين لازم اشيل له معزه بقلبي .. ولازم احب الناس عشان الناس تحبني .. ولازم اعلّم الناس لو كانت نيتي صافيه انها عكس ما يتوقعون .. وما اسكت واجلس مكاني تعلمت من حمد .. ان لو كان بين اثنين بهالدنيا حقد وكره .. وبغض بعد ..! .. انه ما يتركه بقلبه .. ويوخره بسرعه .. لانه يقصر العمر ويخلي الانسان يعيش تعيس .. تعلمت منه اني اسامح .. ولو اني ما غلطت عليه مره وهو سامحني خخخ .. بس حسيت ان هالشي تعلمته منه هو .. تعلمت كثير .. كثيييير بحياتي بس اهم شي تعلمته .. من عبدالله .. انك لو كنت تحب .. لازم تتمسك بهالحب لييييين النهايه وما تتركه .. لانه شي نادر .. ما تحصله كل ما بغيته .. جلست انا وعبدالله وجو خالاتي يسلمون علي وعليه .. ويدي بيده ويهمس لي بكل هالازعاج .. وببطني كائن حي يتحرك ويكبر .. راح يسميني ماما ..! .. كنت حاسه ان الدنيا طايرة بي .. مابي اكثر ..!! صحيح ما كنت ادري ان محمد الي اصريت على بابا انه يسافر للعمليه اصلا ما سواها واخوه اكل الفلوس كلها .. وصحيح ما كنت ادري ان أليكس ما سوا كذا الا وهو معجب فيني .. ولا كنت ادري ان عبدالله مو اول مره يساعد راكان .. وان راكان ما تاب .. ولا كنت ادري .. الخ .. بس المهم اني عايشه سعيده .. والابتسامه من هاللحظه لو انا صدق آمنت انها ما راح تفارقني .. راح يصير هالشي =) .. هاذي مو نهايه .. الروآيه بكل بساطه .. تـــــــــــــــــــــــــــــــــــمـــــــــــــ ـــــــــــــــت |
تسلمين على الرواية
|
رد: الدم اللي انطبع فوق خدي ما أنمحى والكسر ماينفعه تجبير للكاتبه دمعة الم وابتسامه
رائعه وممتعه جدا جدا
ما شاء الله تسلم ايدك حبيبتي وجزاك الله خير |
رد: الدم اللي انطبع فوق خدي ما أنمحى والكسر ماينفعه تجبير للكاتبه دمعة الم وابتسامه
استرجع ذكريات الروايات القديمه
ومريت من هنا 💜 مع بعض التحفظ على بعض الأشياء بالروايه الا أن الكاتبه تملك موهبه جعلتها تجذب القارئ 💜 |
| الساعة الآن 02:54 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية