منتديات ليلاس - هل يعود ؟!*

البارت الثآلث والعشـرون

سَآلتزمُ الصَمت ..!

لِكي لا أفْقُدْ نَفسي ..!

دخلت الغرفه وتركتها في المطبخ ويا سـآلم .. تمددت على السرير ...فتحت الجريده .. وشفت الاعلان ... معقوله بعدهم ما فقدوا الامل ..

حمد ولد عم يوسـف .. آحسه دقيق الملاحظه .. مابغيت احتك فيه .. هذا غير انه الحين نسيب جآسم ... وجآسم يصير ولد عمي .. يعني تنآقل السوالف بينا شي طبيعي ..

الي اعرفه ان حمد قريب وآيد من يوسـف .. وهالشي بروحه .. يخليني اتجنبه ..

اول ما سمعت صوت الباب .. فتحتت الدرج وفريت الجريده بسرعه .. يت صوبي وخلت ايدها على جتفي

: تبا عشـى ـآآآ ؟

رفعت نظري لها وقلت : لا .. مشكوره ...

قالت : شبيب ... صرت ما اعرفك.. متغير وآيد اخر فتره ...

طالعتها بغضب وقلت : مصروفج يوصـلج .. ازوركم كل اسبوع شو تبين بعد ...!!

هـآه يا اليآزيـه ...!!

صرخت بصوت يبين انها بتصيييييح : ابا احس اني متزوجـه ... أنت ولا مره قلت لي كلمه طيبه ... اتي هنيه كآنك ضيف .. ما تصدق النهار يطلع وتشـرد .. انا تعبت من هالوضـع ..

مسكتها من ايدها وشديتها لي : أنتي تعرفين ظروفي من قبل .. وانا قلت لج .. زوآجنا بالسـر ومستحيل اعلنه..

سحبت ايدهـآ وقالت : انا بروح عند سالم...

سكرت الباب وطلعت ... دخلت الحمـآم " عزكم الله" .., خذت شور سـريع ,, وطلعت.. انسدحت على السـرير .. وينها هذي تآخرت ..رآيحه ترقد سآلم .. كل هالوقت ..

طلعت بعد مرور نص سآعه .. فتحت باب غرفه سالم .. وشفتها نآيمه ويـآه ... الظآهر ان الحركه مقصوده ...رحت صوبهـآ ... مررت ايدي على ايدهـآ بهدوء وهيه فجت عيونهـآ ,, طالعتني .. وبعدها بعصبيه لفت عني وغطت نفسها ..

تقربت منها وقلت : اتريآج في غرفتنــآآآآ ...

نور

ما قدرت امنع نفسي من اني اروح له ...

قلت : مـآيد ...

التفت صوبي .. طالعني بـ ستغراب ..

ابتسمت : صبآح الخيـر

قال : صبآح النور ..

عطآني ظهره .. وكآن بيروح .. بس اول مره اتحلى بالجرئه ...

قلت : زعلان مني .. !

طالعني .. وهو هب متوقع هالسؤال مني .. حسيته انصدم .. والله كل شي فيني يقول أحبك .. بس خجلي الزآيد يمنعني من اني اقول هالكلمه ....

قبل لا يقول اي شي .. تجرئت وقلت له : نروح الكوفي

تبعني لانه مآ يعرف في الجآمعه .. كنت اقول له .. واعرفه على الامآكن وهو سآكت .. تكلم يا مـآيد .. تكلم .. قول شي .. ليش تطلبين منه يقول وانتي رآفضه وملتزمه الصمت .. صدق غريبه ..!

قعدنا .. كآن مجابلني ... مسكت تلفونه وقعد يتعبث .. الحركه مقصوده ..

قلت : كنت خيفآنه عليك

رفع نظره لي ... وطالعني وهو سآكت ..

: مآيد .. يمكن بدآيتنا غلط .. بس .. بس ... أنـآ ..

هو يطالعني وصآمت ... تلعثمت بالكلام .. قال : أنتي شوه ..!

رديت وانا اسحب شنطتي وآغادر المكآن بكل سرعه :آحبك

ركضت وانا كل ساعه اصدم في حد .. لـ حد ما حسيت بشخص يمسكني بكل قوته .. وكآن هو

: بعد هالكلمه تشردين عني ...

نزلت راسي بخجل .. قال : بخلي آمـآيه عآيشه تكلم أمج .. اليييييييييييييييووووم ..

ابتسمت وطلعت من الجآمعه وانا احس برآحـه ... وآخيرا قدرت اقول هالكلمه لـ مآيد .. يآآآربي

ما مصدقه .. مآ مصدقـه ابداَ ...

اليازيه

مررت ايدي على طرف السرير ... محد .. رآح مثـل مآ توقعت .. ما بيتغيييير شبيب ابدآ .. اووف برد هاليومين .. رفعت البطآنيه لـ جسمي اكثر .. والتفت صوب الدرج الي امس شفت شبيب يرمي فيه جريـده .. فتحت الدرج ورفعت الجريده ..

شهقت وانا اشوف صوره سآلم في اعلان .. مخطووووووووووووووووف .. شبيب خآآآآآآطف سآلم ... معقووووووووولـه .. ما اصدق .. شو هدفه .. لييييييييييييييش ...

رميت البطآنيه ودخلت الحمـآم "عزكم الله " خذت شور سـريع ... وانا افكر .. سآلم يوسـف الـ##### .... شو هدف شبيب من الخطف .. انا توقعت انه يتيم .. ابدا ما فكرت ان سالم مخطووف ... طلعت من الحمـآم .. لبست لبس بيت خفيف .. فجيت اللاب توب .. وشبكت على النت ... وكتبت .." يوسف الـ##### " ..

لحظآت وطلع لي حوارت وياه .. نآئب المدير التنفيذي في شـركـه #####

رجل أعمال معروف ..

وثآلث لنك كآن " سآبحث عن ابني .. الى ان اجده "

فتحت اللقآء وكآن في آحد الجرآيد .. وذآكر قصه خطف ابنه .. ومخلي مبلغ خرآفي .. للي يعطي اي معلومه مفيده عنه ..

شبيب ما محتآي الفلوس ... صوره يوسـف تبين لي انه رجل مهم.. وعآقـل .. معقوله في امر بينه وبين شبيب .. كنت ارتجف .. شبيب بالنسبه لي منقذ .....

كنت اشتغل في دار الايتآم .. مشـرفه عليهم ..وانا منهم .. كنت يتيمه .. زيآراته كآنت تتكرر لنا .. ويسآعد ويتبرع.. وفي يوم .. ميزآنيه الدآر .. وآآيد نقصت .. وآنجبرنا نغلقه .. الاطفآل تم توزيعهم على المرآكز الثآنيه امـآ انا .. ما لقيت لي مكآن وطلع لي هو ..شبيب .. وعرض على الزوآج ,, شبيب بالنسبه لي شخص ما استحق اني احلم فيه .. عيشني في عز .. نفذ كل طلبآتي .. صح هو آحيانا .. او اغلب الاحيآن بارد ... ما يحس فيني ... بس على الاقل انتشلني من الفقر .. مصيرهم يعرفون مكآن سآلم .. وبالتالي ... شبيب بينسجن .. بتخبل اذا صار لـ شبيب شي ..أدري ما يحبني.. بس انا أحبـه ...,

برنت .. سويت برنت لـ صوره يوسـف .. شليت الورقه .. بخليها جدآم سـآلم .. وبشوف رده فعله .....!

::::::::::::::

في المسيد .. وقت صلاه الفير .. بعد ما سلم .. شآف ايد تنمد له .. رفع راسـه وشآف ولد آخوه .. الي ما شافه من فتره ...

: تقبل الله يا عمي

مد ايده وسلم عليه : منا ومنكم صآلح الاعمال

قآم بيطلع من المسيد .. وبعده ولد اخوه يتبعه .. لبس نعاله ( عزكم الله )

: شو في خـآطرك يا فهد ؟

رد : بطلقهـآ ...

طالعه عمـه .. ما توقع منه هالشي .. صآر لهم فتره يركضون وراه .. يبونه يطلقها بس ماشي فـآيده ...

كمل : بس خلني اشوفها لـ آخر مره .. عشآن اتفآهم ويـآهـآ .. من حقي اشوف ولدي والـآ شو رايك يا عمي ..

قال : أكيـد ... تعـآل ويآي الحين البيت .. بتشووف الولد .. وبتتفآهم ويا حصـه ..

فهد

كنت في الميلس .. هالمره .. محد بيطردني .. الي مدخلني هنيه صآآآآآآآحب البيت ... اتريا هاللحظآت الاخيـره .. خلـآص ... أخر مره اشوووف حصـــه ... وآقعد ويآهـآ ...

سمعت صوت فآرس .. يقترب من باب الميلس .. دخلت حصـه وهو في حضنها .. فزيت من مكآني ... لي فتره طووويله مآشفت فآآآرس مشتآق له

قالت : السلام عليكم

رديت : وعليكم السلام ....

طالعتني .. من عيونها يبين السهر .. يعني هب نآيمه ..تفكر اكيد في المسج الي ارسلته ...

قعدت جدآمي .. ما سويت فيهـآ .. قمت ورحت يلست عدالها وسط استغرابهـآ ..

وقلت : يعز علي نتفآرق يا حصـه ..

أشآحت بنظرها عني .. مديت

ا يدي وخذت فآرس حضنته .. وقعدت اشم ريحته .. نسيت نفسي .. من شوقي له ... نسيت ان الي قآعد اسويه يآذيني انا ويخليني اضعف اكثر .. قعدت ابوسه على خده .. حتى عيونه حبيتهـآ .. ايده رصت على صبعي .. بحركه خلتني اجمد مكآني .. كآنه يودعني .. بست ايده وهمست في اذنه : أهتم بـ امك ,,سآآآآآمـع ..

الهمس كآن له هو بس .. حصه ما سمعت ...

رفعت راسي وشفتها تمسح دمعتها بسرعه ..

حصـه

اول ما خلى فارس على الكنبه وقآم .. قمت : فهد تقدر تشوفه مرتين في الاسبوع .. اي وقت تبا تشوفه تعااال هنيه .. ما بحرمك منه ..

طآلعني بصمت ... وبعدها قال : اهتمي فيه.. فآرس ما بيتركج .. ولا بخذه عنج ابداً .. الا في حال تزوجتي .. هذيج الساعه .. ما بخلي غريب يربي ولدي ,, يا حصه

رفعت راسي له وقلت : الي شفته منك .. .يخليني اعآف كل الرياييـل

طآلعني .. وبدون اي مقدمـآت سحبني لـ حضنه .. ما قاآومته ما ادري ليش .. ممكن لاني اخر مره يضمني ...قلبي تضآعفت نبضآته .. ما دفعته وعقلي يقولي خليه يبعد عنج .. بس قلبي ما طآوعني .. ما حسيت الا بالباب يتسكر .. وروحي انزعت مني .. فهد رآآآح خلااااص .. ريحه عطره هنيه بعدها تغطي المكآن.. بس هو محد .. رآآآآآح .. أرتجفت من هالشعور .. وقعدت على الكنبه ... ما حسيت بالوقت الا على صوت حور

: صبآآآآآآآآآآآآآآآآآآآح الخيييييييييييييييييييييييير ..!

تمتمت ,,, : صبآح النور

خذت فآرس وركضت لـ غرفتي .. حضنته لـ صدري .. صعب ان الانسآن .. يقتطعون منه مرحلـه كآمله .. أشياء كثيره عصفت بذهني ... لحضآت ما انسآهـآ زوآجي .. لما لبست الابيض .. صح عانيت ويا فهد .. بس انـآ أعرف انه يحبني ... له هفوآت .. قلبي هب قآدر يستحملهـآ .. كل ما اقول بيتغير يرجع مثل قبل ..

رفعت فارس وسمعت صوت في ملابسه .. اول ما فجيت لبسه حصلت رساله .. فتحت عيوني على وسعـهـآ .. أكيد فهد ,,

فتحتهـآ وآنصدمت من الكلام المكتوب ..

حصه

هذي بطآقه سحب .. والرقم السري #####

كل شهر بينزل لج مصروفج ومصروف فآرس ...

عذريني ...

ما اقدر اطلقج .... انا بسآفر ... اول ما اطلع من عندكم بكون رآيح صوب المطآر .. بكمل درآستي بخذ المآستر ... وبشتغل بالمره .. فرصه .. نفكر ونرتب اورآقنـآ ..

قلبي ما يطآوعني اطلقج .. يمكن الحين تكرهيني ... بس والله ..

هب قآآآآآآآآآآآآآآآدر .. أحبج ..

عرفي اني انمسك علي ظلم .. ظلم .. ظلم ..

صح كنت في الشـقه .. بس الهدف .. غير الي تتوقعينه .. .. يمكن ما تصدقيني .. بس آنـآ كنت رآيح اقطع علاقتي بـ هالبنت .. وأعطيها فلوس هيه عآطيتني اياهن في وقت حآيتي ...

لا اكثـر ... صـح غلطت .. بس انا كنت رآيح اصلح الغلط ....

وانتهى بي المشوآآآر وانا في السجن ..

حصـه

اذا لي معزه عندج .. لا تخبرين حد عن سفري لـ بآجر .. على اساس اكون غادرت ..

محد يدري اني بسآفـر .. الـآ ربي .. وآنتي .. وفآرس الي همست له في اذنه ..

لا تخيبين ظني ...

قربت الرسآله من انفي .. ريحه عطره .. فريت عمري على السرير .. وتضآرب في افكآري .. آخبرهم .. اقول فهد بيهرب مني ومنكم وبيسآفـر .. آقولهم والا لا .. اذا قلت لهم .. بيلحقونه حمد وابوي .. ما اعتقد يخلونه يروح الا بعد ما ينفذ الي قآله .. الي هو الطلآق ..

التفت لـ ويه فآرس .. تقربت منه وقعدت ابوسـه .. عرفت شعورك يا فهـد .. كنت مستغربه ليش هالحراره في لقآءك فيه .. وليش حضنتني وانا ما قدرت اقول لا ..

كل هذا لانك صدق بتفآرقنـآ ..

عشآن تلقآنـآ مره ثآنيه ..

لميت الرسآله وخليتها تحت مخدتي .. رفعت ايدي لـ شفآيفي .. ومررتهـآ بمعني الصمت .. ما بقول شي ... ما بقول .. ما اقدر اصلا اقول ..

فهد

وصلت المطآر .. كنت مخلي الآي بود في اذني .. .وآسمع وليد الشآمي وهو يقول

كلها ساعات واسافر ...وآحمل هموم وعنـآيآ ..

وآبتعد مكسور خـآطر .. لآن حبيبي مو معآيـه ..

ما طرى يوم(ن) في بالي .. عنك انا ابعد يا غالي

حطمت قلبي الليآلي .. فرقتنا في النهـآيه ..

يلآ ممكن في سفري .. خير لي ولهـآ .. ريحه فآرس عالقه فيني .. ريحته الخآص .. مجموعه من البودرآت الخآصه بالاطفآل والشآمبو .. .ما ادري شو بالضبط .. بس له ريحه جذآبه ولد ابوه .. فديته والله... بشتآق لهم .. بس بعد على الاقـل ممكن يرجع لـ حضني قريب .. هو .. وآمـه ,,,

بروح بريطآنيـآ .. بخذ المآستر .. وبرجع ..

مضبط اموري .. الشقه .. والسكن .. والجآمعه الي بروحها مرآسلنهم من هنيه ..

وحتى الشـغل .. بدبره اول يومين من اوصـل .. آي شغله ..

رصيدي في البنك يكفيني ..ابو سآلم ما قصر .. بس انا ما ابا ارجع وآكون تحت رحمه ابوي ... والا عمي ...

بس من التفنن في مذله فـهد ..

الي يطردني من بيته والي يطردني من الشغل .. والخ ..

تمددت على كرسي الطـآيـره ..

فرآق الوطن صعب .. والي في الوطن بعد ..

يلآ .. ان شاء الله ارجع لهم .. وانا فهد غير فـهد الي رآح ..

عوآطفي مثـل ما هيه .. ما في قلبي غيرها هيه .. وفآرس ..

بس انا الي لازم اتغير ... لازم ...

حور

فتحت عيني بتعب على صوت مسـج .. رفعت التلفون .. يآلله صبآح خيـــــــــــــــر ...

هذي هند ربيعتي ..

" كنتِ قمر في الحفله ... اكيييييد تخبل ابو الشبآب .. "

هع هع ..

ربشه هالبنت ...

قمت وسبحت على السـريع .. وطلعت لـ حصـه .. اول ما شفتها .. حسيت انها متغيره .. حسيت انها هربت عني .. ورآحت غرفتها .. تريقت .. ورحت لها الغرفه ..

قلت : بلآآآآآآج جيه ؟؟

قالت : فهد كان هنيه .. وقعدت ويآه

قعدت عدالها على السرير .. : انزين وشو صـآر ؟؟!

قالت وهيه تقوم : قال بيطلقني خلاص

سكت ..

ما عرفت شو اقووول .. الطلاق صعب .. في مجتمعنـآ

النظره للمرأه .. دآيما تكون بدونيـه ..

هيه الي قصرت في حقوقه .. والا ما طلقهـآ .. .

قالت : كلمتي اكيد جآسم امس ... المره هذي صوت .. هـآه ..

شخبآره .. !

ابتسمت .. الي متآكده منه .. ان جآسم طيب ... و رومنسي ... ويحبني من كل قلبـه ..

بالنسبه لي انا ... يمكن لما قعدت ويـآه .. ما ادري شو يآني .. حسيت اني بارده ..

بس الي احسه .. اني بديت اتقبله .. كـ زوج ..

ممكن لانه آمس غرقني بالكلام الحلو .. والغزل من اول المكآلمـه لـ نهآيتهاـآ ...

يمكن رد لي شي انكسر في دآخلي .. كنت احس بالنقص .. لان يوسف ما يلتفت صوووبـي ..

بس هب قآدره اقوله اي كلمه حلوه.. كنت ملتزمه الصمت.. وحسيت هالشي ضآيجه

هييييييييه انتي وين رحتــــــــــي ..!!

التفت على حصـه .. تنهدت .. وسرحت بشكل حآلم .. : عند جآآآآآآآآآآآآآآآآآسم ..

ما حسيت الا بالمخده على ويهي .. ضحكت .. وحضنت فآآرس الي يطالعنا ومتروع ..

يحليله هالووولد ...

فجآءه انفج الباب .. ودخل حمد

: صبآآآآآآآآآح الخيـر .. سمعت فهد كآن هنيه ..

شفت الارتبآك على ويه حصـه .. في شي ثآني في حصـه .. غير سآلفه فهد .. حصـه من النوع الي كل شي يبين على ويهه ..

قالت : هيه .. و رآآح خلآآآآص

انتبهت على كلامه خلآص .. قالتها غير .. كآنه رآيح وما بيرجع

استغفر الله .. شو بلاني انا من الصبح

عفدت صوب حمد : ابا كووووووووفي من دآنكن الحين ..

طالعني بنص عين : خطبي لي .. وبييييييب لج

ضحكت : خلاااص تم .. يلآ روح

قال : منو .. !

قلت بـ ستغراب : شووو منو ؟

قال : منو البنت الي بتكون حرم حمد ؟؟!

رديت : أمممممـ .. ما اعرف

قام بيطلع : ماشي كوووفي من دآنكن

ضحكت وطلعت اركض ورآآآه .. تعااااااااااال حمد .. بس ما عطآني سآلفه ..

سآره

فتحت عيني وانا احس بالبرد .. رفعت رآسي وشفته سآحب البطآنيه كلها له .. اوووف .. شو هالعمر هذا .. هزيته .. بس ما رد .. الظآهر نومه ثقيـل ..

: عــمـــر ابا لحآآف .. مآخذ البطآنيه كلهـآ’’

رد : بسج رقآآآآآآآآآآد

قمت بعصبيه بس مسكت عمري .. آمس ما قآل لي اي كلمه جآرحه من بعد ما رجعنا بيتنـآ ..

قمت وخذت شووور .. ولبست وكشخت وطلعت.. اليوم نور مدآومه ..ومـآيد بعد .. نزلت الصاله وشفت امـآيه .. اول ما شآفتني ابتسمت .. رحت صوبها وحبيتها على راسهـآ ..

وقعدت .. احس اني صرت استحي من امي ..

تقربت مني وقالت : هـآه مرتآآآحه ويا ريلج ..

ابتسمت : الحمد الله..

سولفت ويآي .. وقالت لي انها تفكر تآخذ نور لـ مآيد .. بس هو رآآآفض .. عنييييييييد شـرآت اخوه ,,, آكيد هالطبع متوآرث .. هع هع ..

سمعت صوت امـآيه : سآره .. وعي ريـلج يتريـق .. بتوصـل الساعه 11 ..

صوته وهو دآخـل : صبآآآآآح الخيـر ..

رفعت راسي له وهو نـآزل .. وابتسآمه شآقه ويهه .. اونه عـآد .. انسان طيب .. وبشوووش .. ما يقول مجآبلني في الغرفه .. وهو عـآقد النونه ..

قال وهو يسلم على امايه : أمـآيه عآآيشه شوفي سـآره .. لا توعيني للريوق ... ولا مهتمه فيني ..ولا حتى تسآل اذا كلت والا لا .. آهم شي عمرهـآ ..

طالعتني امي بعتب .. كنت بتكلم .. بس هو كمل

: تصدقييين في هالبـــــــــرد متسبح بـ مآآآآآي بآآآرد .. لانها ما شغلت لي السخآن بعد ما سبحت..

كتمت شهقتي .. مشغلتنه والله .. كذآآآآآآآآآآآآآآآآآآآآآآآآآآآآآآآآآب ....... ما عليه .. مردوده ..

آمي : سآره قربي له الريوووق .. يلا حبيبتي ..

قمت ورحت صوب طآوله الطعـآم

قلت بحده : تبا شاي والا عصـير ..!

قال : فديتج اي شي من ايدج حلوووو ...

هنيه ابتسمت .. يتحسبني شرات اول يومين .. اصدق بسـرعه ..

خذت له شآآي .. وعطيته ايـآآآه .. قعد يسولف ويا امـآيه وكآني انا هب موجوده .. حتى ما يصد صوووبــي .. هالشي قهرني ..

انفج البآب بسـرعه .. والتفت صوووب مآيد الي دآخل وطآير من الفرحـه ..

مـآيد

دخلت اركض الصآله .. وكلهم يطآلعوني ..

آمآآآآآآآآآآآآآيـه وين تلفونج ؟!

طالعتني مستغربه .. قلت : الحيييييييييين الحيييييييييين أدقين على ام نور تآخذين لنا موعد .. بنروووح نخطب ..

شهقت سآره ويت تربع صوبي ومسكتني من ايدي : انت ونور .. آخيييييييييييييييييييرآ

طالعت عمر الي يطآلع وهب عايبنه ان سآره مسكت ايدي .. سحبت ايدي من غير لا تلاحظ سـآره وقلت : هيييييييييييييه .. وآخيييييييييييير نطقت

ضحكت امآيه : بـ شو نطقت يا مآآآيد

قلت : آحــــــــــم أأحم .. قآآآلت انها تحبني

صآرخت سآره متفاعله ويا الحدث : فدييييييييييييت ربيعتي ..

ضربتني على جتفي : نور وآآآآآآآآيد خجوله كيف خليتها تقول لك هالكلمه ..

ضحكت . .. ما ابا اعرف كييييييف .. الي اعرفه انها تحبني

ياني صوت عمر: مبروووووكـ

التفت على ابويه الي نآزل الصـآله .. : شو هالصدعه ؟

احترمت عمري عـآد وسكت ..

طالعت امايه وأشرت لها وهيه تبتسم ...

قالت : مآآآيد ناوي يعرس .. آستخف من شآف عمر وسـآره

ضحك ابويه.. وانا في عز ارتبآكي ..

قال : صدق هالكلام ؟؟

ما عرفت شو ارد .. سآره انقذتني : نور يا خـآلي .. ما بتحصلون احسن منهــآآآآ ..

ابتسم : والنعم والله .. فيها وفي اهلـهـآ ..

ارتحت من رضا ابوي . . التفت صوب امايه عايشه قالت : الصبر عنبوه بلآك جيه مستعيـل ..

بدق لها المسآآآآ ...

عمر

انسحبت من المكآن .. ربيعت سـآره .. الا شرآتها يعني .. ما ابا لمـآيد هالزوآجه هذي .. آكيد هالنور شـرآت سـآره . .. وهالخجل وهذا كله تمثـل .. مايد على نيآته .. انفج الباب ودخلت وهيه فرحآنه ..

وقالت : ما تصدق كثـر شوه انا فرحآنه لـ مآيد ونور .. والله هالبنت

قآطعتهـآ : نفسسسسسسسج قصدج

طالعتني بصدمه : حتى ربيعتي جيه تقول عنهـآ ... لـ هنيه وكفآيه ما اسمح لك تغلط على نور .. نور ارق واطهر من الكلآم الي تقوله ..

قعدت على الكرسي ... وطآلعتها وهيه وآقفه بغضب جدآآمـي .. قلت : لا ترفعين صوتج ..

والرسول صلى الله عليه وسـلم قآيل .. المرء على دين خليله .. فـ لينظر احدكم من يخآلل ..

يعني انتي وهيه نفس الشي .. والطيور على اشكآلها تقع ...

صرخت : عمر اذا سويت شي وعرقلت هالزوآج .. بتشوووف ويهي الثآني ..

قمت بسرعه ومسكتها من شعرها وسحبتها لي .. لحد ما ضربت في صدري .. وصرخـت

: وتهددييييييييييييييييييييييييني بعد يا ســــــــــــآآآآآآآآآآآآآآآره لا وطلع لج صووووووووووت ..

والله .. اذا سمعتج ترمسين مثـل هالرمسـه مره ثآنيه .. بكسر عظآآآمج . .

فريتها بكل قوووتـــي على الارض .. صدم ظهرها بالكرسي وسمعت صرختها وهيه تتآلم .. بس ما اهتميت .. لبست وظهرت للمستشفـى .. آجازتي اليوم بتخلص وبآجر دوآم بروح اشوف علي واسولف ويـآه ... وابا افتك من مجآبلهـآ ,,,

مسكت ايده الصغيره ..وهيه متردده .. تراويه الصوره الي مخبآيه في جيب بنطلونها والا لا .. كآنوا في حديقه البيت .. طالعته وهو يبتسم لما يشوف العصآفيـر .. شو ذنبه يعيش ويا اشخآص غير امه وابوه .. ويتيتم وهم عآيشين... استجمعت قوتهـآ ..

اليازيه : سـآآآلم ... تعال نقعد هنيه .. على المريحآنه ..

ضحك : يلآ ..

اول ما قعدوا شلته وخلته في حضنهـآ ,, قالت : انت تحب عمو شبيب .. !

طالعها وما رد .. بس هز رآسه ..

قالت : تحبه اكثر .. والا تحب بابا اكثـر ؟؟!

قال : نلوح هنـآك ( نروح هنـآك )

طالعته .. شبيب اكيد مهددنه .. والا ما غير الموضوع .. ترى حتى الاطفال اذكيآء ..

قالت له : حبيبي .. انا بوديك لـ بآبـآ ..

طالعها بخوف : ثبيب بيظلبني ( شبيب بيضربني )

طلعت الصوره من جيبها وخلتها جدآمه .. وقبل لا تسمع اي رده فعل منه .. سمعت صوت ما تتمناه في هاللحظه .. هيه شبيب ما غيره ..

صرخته خلت كل ذره فيها ترتجف : اليآآآآآآآآآآآآآآآآآآآآآآآآآآآآآآآزيــــــــــــــــه ..

قآمت بسـرعه وما حست الا بكف خلاها تنهـآر على الارض .. وصوت صرآآخ سآلم يعلا المكآآآن .. طالعها بكل غضب .. تنبشين ورآآآي هـآآآه .. مسكها من ايدهـآ .. وسحبها للبيت ... وسآلم يركض وراهم ويصيح وهو يسمـع صوت صرآخ اليآزيه .. وصوت شبيب الي يصآرخ عليهــآ ..

اليآزيه

حسييييييييت جسمي انهـــــــد من كثر ما سحبني .. اول ما حسيت بـ نفسي في الغرفه ... رفعت راسي وشفته جدآمي .. قعدت اصييييييييح بصوت عـآلي ..

قلت : لا تضرب دخيييييييييلك

قال وهو يمسكني بكل قوته : انا تزوجتج .. وانتشلتج من الفقر .. والشآآآآآآآآرع عشآن تربين هالوووووووولد بس .. وآنتي ناوووويه على شوووه ..

هــآآآآآه على شوووه نآويه يا اليآآآآآآآآآآآآآآآزيه

صرخت في ويهه : حرآآآآآآآآآآآم عليك .. تعورني .. سآآآآآآآآآآلم لازم يرجع لـ ابوووووه .. ابا افهم شو بينك وبين ابوووه .. شوووووووووووووووه ...!

ما حسيت

الا بآيده تنمد علي مره ثآنيه .. صرخت وطحت على الارض .. سمعت الباب ينقفل .. وصوت صـرآخ سآلم يتعـآآآآلـــــــــــي .. ركضت صوب البآب .. وحاولت افجــــــه بس ماشي فآآآآآآآآآآآيـده ابداً ... مقفوووول .. ضربته بقووو

: هـآآت ســــــــــآآآآلم .. هآآآآآآآآآآآآته هنييييييييييييييييييييه

صوت صـرآخ سآلم يبتعد .. قعدت على الارض وحضنت نفسي .. بيآخذه مني .. وما بيرجع لـ آهله خلآآآص .. لالا .. حرآآآآآآآآآآم الي قآآآآآآآآآآآعد يصيـــــــــر ..

صرخت بكل قوووووووووتي : أأأأأأفتتتتتتتتتتتتتح البااااااااااااااب شبيييييييييييييييييب .. فجـه ..

فريت عمري على السـرير ... ليش صآر هالشي في هاللحظه ليييييييييييش ..

وَغطآني الظَلامْ في لَحظة طُهر

الى مَتى يَغْشآنـي ..!

اُريد أجـَآبه .. تُحررنـي من تِلكَ الظُلمه ..

وأطيـر..!

...

::::::::::

اول خطوه خطآهـآ برا السجن ... وهو مقرر شو يسوي .. بيحرق قلبها على بنتهـآ مثـل ما حرقت قلبه .. ونص عمره قضآه في السجن .. وهيه مرتآحه ... البنت بريولها يت عنده .. خلآص .. عارف عنها كل شي ..

نهـآيه البــــــــــآرت ..!