اختبار ذكاء
بسيط جدا وصغير اربع اسئله بس
هيديك درجه زكائك بالمللي
الشروط:
1- اجاباتك لازم تكون تلقائيه وفوريه بدون تفكير واخرك عشر سواني لاجابه كل سؤال
2- ممنوع اسنخدام الاله الحاسبه ولا ورقه ولا قلم بالدماغ بس
3- كل سؤال عليه 25% ( يبقو الاربعه 100% ) فاهم ولا ايه احنا لسه مابدئناش!!!!
4- الاجابات الصحيحه هتعرفها في الاخر ... بس ماتروحش تبص عليها من دلوقتي شوف مستوي ذكائك الأول ....
وبعدين مايهمكش ماحدش شايفك........
جاهز؟؟؟؟؟؟؟؟؟؟؟
السؤال الاول:
انت دلوقتي مشارك في سباق للجري واجتزت المتسابق التاني يبقي انت ترتيبك بقي الكام؟؟؟؟
بتقول ايه؟؟؟ الاولاني؟؟؟؟؟؟
غلط يا معلم بس مايهمكش ده مش معناه انك غبي.... يمكن تكون مافطرتش كويس ولا حاجه او لسه مادخلتش في المود
عموما معلش قدامك لسه ثلاث فرص
ركز بقي..........
ألسؤال التاني:
دلوقتي انت اجتزت المتسابق الاخير يبقي ترتبك بقي الكام.....
بسرعه اخلص جاوب......
اللي قبل الاخير؟؟؟؟؟؟؟؟؟؟؟
غلط برضو...........
وانت كده مفيش قدامك فرصه انك تبقي ذكي... لكن لسه مابقتش غبي
اظبط نفسك بقي وحاول تجاوب الاتنين الجاين صح والا بصراحه يبقي.....
السؤال التالت:
عمليه حسابيه بسيطه
وهفكرك... لا تستخدم اله حاسبه ولا ورقه وقلم مش هتبقي غبي وكمان حرامي...............
معاك 1000 نقطة اجمع عليها 40 نقطة واجمع عليها 1000 نقطة
واجمع عليهم 30 نقطة و 1000 نقطة و 20 نقطة
واجمع عليهم 1000 نقطة و10 نقط
كم المجموع دلوقتي............. بسرعه ؟؟؟
لاااااااااااااااااااااااا
دانت ضايع بجد......
5000 ؟؟؟؟؟؟؟؟............... غلط غلط
ههههههههه يعني ......... وبتلامض كمان!!!!! قلتلك هتعرف الاجابات الصحيحه في الاخر
انت كده لحد دلوقتي تصنيفكك مش حلو خالص.....
بس مش قوي قوي يعني لسه قدامك اخر سؤال
وبصراحه طالكما ولا سؤال من اللي فاتو جاوبتو صح يبقي مش هتجاوب اللي جاي برضو.....
عموما اهوه السؤال الرابع والاخير:
ابو ماري عنده خمس بنات
1- سانا
2- شانا
3- صانا
4- ضانا
5-...........؟
فكر بسرعه ايه اسم البنت الخامسه؟؟؟؟؟؟؟؟؟
طانا ؟؟؟!! ههههههههههههههه غلط
الاجابات الصحيحه اهيه
1- عديت المتسابق التاني يبقي انت خدت مكانه وانت بقيت التاني برضو مش الاول
2- هوا المتسابق الاخير في حد وراه عشان يجتازو يا حلو.....
3- حتي الحساب بتاع ابتدائي !!!!!!!!!!
المجموع 4100 مش 5000
وهترجع تتلامض تاني احسبها بالاله واتاكد بنفسك
4- بقولك ابو ماري يبقي البت الخامسه اسمها ماري..... مش محتاجه تفكير......
http://www.liillas.com/up2//uploads/...0856590505.jpg
نصيحة : لاتسمح لأي شخص مهما كان ان يتلاعب بك او يشوش علي افكارك.. اجعل ذهنك حاضر
